1
00:00:05,000 --> 00:00:15,760
Tɨꞌɨjtaꞌi, Jesús ajtahuaꞌa huataseijre aɨme jemi ɨ maj jamuan áꞌujhuaꞌanyaꞌa. Ayaa pu tyuꞌurɨj.

2
00:00:15,760 --> 00:00:41,920
Au mu aꞌutyáuucaꞌa aɨjna ɨ Simón tɨ ajta iꞌi Pedro, ajta aɨjna ɨ Tomás ɨ mej meyan ratamuaꞌamua tɨcɨn ɨ tɨ huaꞌapuarí. Au mu majta aꞌutyáuucaꞌa aɨjna ɨ Natanael tɨ aun eꞌemaꞌacan u Caná, chajtaꞌa tɨ aun huatacáꞌa u Galileeya, majta aɨme ɨ yaujmuaꞌameꞌen pueen ɨ Zebedeo, majta seica ɨ maj huaꞌapua ɨ maj majta jamuan áꞌujhuaꞌanyaꞌa.

3
00:00:41,920 --> 00:01:05,960
Ajta aɨn Simón tɨ ajta iꞌi Pedro, ayaa pu tihuaꞌutaꞌixaa tɨcɨn: ―Nyaucheꞌe nu hui tityáuhueꞌitepuan. Matɨꞌɨj mi meyan tiraataꞌixaa tɨcɨn: ―Tyan tu yeehui tyajta aꞌujuꞌun taꞌajuꞌun. Matɨꞌɨj mi u aꞌujuꞌun. Majta maun atyaacɨ ɨ baarcu jetze. Muaataxai mej hueꞌitepua. Majta, camu tiꞌitɨ huateeviꞌi.

4
00:01:05,960 --> 00:01:17,900
Iyaꞌata puꞌu, tɨꞌɨj ari tapuaꞌarijmaꞌaca, Jesús pu aun aꞌutyavaacaꞌa a saataꞌa. Majta aɨme ɨ maj jamuan áꞌujhuaꞌanyaꞌa, camu raamuáꞌa tɨ aɨn puéenyaꞌa.

5
00:01:17,900 --> 00:01:32,400
Aj puꞌi Jesús ayan tihuaꞌutaihuaꞌuriꞌi tɨcɨn: ―Mɨ sej nyeꞌihuaamuaꞌa, ¿ni seri hui huaꞌuvíviꞌi ɨ hueꞌite? Matɨꞌɨj mi meyan tyuꞌutanyúu tɨcɨn: ―Catú. Catu yeehui aꞌatzu.

6
00:01:32,400 --> 00:01:59,920
Aj puꞌi ayan tihuaꞌutaꞌixaa tɨcɨn: ―Sataꞌaj hui raꞌatyahuaꞌaxɨn ɨ aꞌamua xajmuaꞌa ɨrɨɨtaꞌan pujmeꞌen ɨ baarcu jetze. Amaa xu yee seica tyauuni. Matɨꞌɨj mi meyan huarɨj. Cɨmeꞌen muꞌu meyan huarɨj, aj mu mi avaꞌajɨstyacaꞌa ɨ hueꞌite ɨ xajmuaꞌari tzajtaꞌa. Ajta, capu huatarɨꞌɨristaracaꞌa maj raꞌitapín aɨjna cɨmeꞌe ɨ maj muiꞌicaa ɨ hueꞌite.

7
00:01:59,920 --> 00:02:28,900
Ajta aɨn ɨ tɨ Jesús raxeꞌevaꞌacaa, ayaa pu tiraataꞌixaa ɨ Pedro tɨcɨn: ―Tavastaraꞌa pu pueen amɨjna. Ajta aɨn Pedro, aɨ pu tyeꞌijvihuáani aꞌutyavaacaꞌa tɨ ij ruxaahua tyuꞌumuareꞌen. Cɨmeꞌen puꞌu ayan raanamuajriꞌi tɨ aminguraꞌan ayan tyuꞌutaxajtacaꞌa yee aɨn aꞌatɨ pu tavastaraꞌa pueen, aj puꞌi ucaujchejte ɨ rusiicuꞌu. Aj puꞌi atyejve a jaataꞌa.

8
00:02:28,900 --> 00:02:43,720
Majta aɨme ɨ seica, cujtaꞌan mu huajuꞌuncaa. Maraajájpuajmáꞌa ɨ xajmuaꞌari, muaꞌavaꞌɨstican ɨ hueꞌite. Capu aꞌachu áuteeviꞌi aꞌutɨ avastɨmee ɨ jaj, aꞌachu cumu anxɨte meetru.

9
00:02:43,720 --> 00:03:01,160
Matɨꞌɨj meri maun aꞌaráꞌa aꞌu tɨ aꞌuhuáchi, aj mu mi meyan raaseij tɨ aun áꞌataacaꞌa, ajta ari áꞌatɨꞌɨxcuaraꞌacaa. Hueꞌite mu an áꞌujeꞌetii ɨ tɨꞌɨxcuá japua. Ajta pan pu an áꞌumuaanicaꞌa.

10
00:03:01,160 --> 00:03:09,520
Jesús pu ayan tihuaꞌutaꞌixaa tɨcɨn: ―Sataꞌaj hui má muajaꞌaváꞌɨn seica ɨ hueꞌite ɨ saj sauchan huaꞌuvíviꞌi.

11
00:03:09,520 --> 00:03:36,660
Aj puꞌi Simón tɨ ajta iꞌi Pedro, au pu atyajraa ɨ baarcu jetze. Ajta raꞌityajájpuacaꞌa ɨ xajmuaꞌari aꞌu tɨ aꞌuhuáchi. Tyamuaꞌa mu tityaꞌaváꞌɨsticaꞌa ɨ hueꞌite mej vivéjmee. Ayaa mu aráꞌasicaꞌa aꞌachu cumu anxɨte japuan huaꞌapuate japuan tamuaamuataꞌa japuan hueica. Ajta aɨn xajmuaꞌari, capu huasujtzaꞌan, capu amɨn aꞌij mej meyan avaꞌɨsticaꞌa.

12
00:03:36,660 --> 00:03:51,540
Aj puꞌi Jesús ayan tihuaꞌutaꞌixaa tɨcɨn: ―Iyaꞌaj sétyúꞌucuaꞌa. Capu aꞌatɨ ahuaujcaꞌanye tɨ ayan raataihuaꞌu yee aꞌatɨ tɨ pɨrɨcɨ aꞌini muꞌuri ramuaꞌareeracaꞌa tɨ aɨn pueenyaꞌa ɨ tavastaraꞌa.

13
00:03:51,540 --> 00:04:03,360
Aj puꞌi Jesús aun eꞌireꞌenye ɨ huaꞌa jemi, ajta raꞌantyɨꞌɨpɨꞌɨ ɨ pan. Aj puꞌi huaꞌuraꞌɨpɨꞌɨte. Ayaa pu cheꞌeta naꞌa huarɨj aɨjna cɨmeꞌe ɨ hueꞌite.

14
00:04:03,360 --> 00:04:15,760
Puꞌuri iꞌi hueica tɨ Jesús ayan huataseijre aɨme jemi ɨ maj jamuan áꞌujhuaꞌanyaꞌa tɨꞌɨj ari aꞌitáraa huaꞌa tzajtaꞌa ɨ mej meri huacuii.

15
00:04:15,760 --> 00:04:47,240
Matɨꞌɨj meri tyuꞌucuaa, Jesús pu ayan tiraataꞌixaa ɨ Simón tɨ ajta iꞌi Pedro tɨcɨn: ―Simón, mɨ pej yaujraꞌan pueen ɨ Juan, ¿ni tzaa peyan eitzeꞌe nyexeꞌeveꞌe maj nuꞌu cai amɨme? Ajta aɨn Pedro, ayaa pu tiraataꞌixaa tɨcɨn: ―Ee xaa nyaꞌu, nyavastaraꞌa. Muaa pa yeehui ramuaꞌaree nyaj muaxeꞌeveꞌe. Jesús pu ayan tiraataꞌixaa tɨcɨn: ―Pataꞌaj yeehui rɨꞌɨ tihuaꞌuchaɨn ɨ nyatɨꞌɨrijmuaꞌa.

16
00:04:47,240 --> 00:05:12,680
Ajtahuaꞌa pu Jesús ayan tiraataꞌixaa tɨcɨn: ―Simón, mɨ pej yaujraꞌan pueen ɨ Juan, ¿ni qui panxeꞌeveꞌe? Ayaa pu tyuꞌutanyúu tɨcɨn: ―Ee xaa nyaꞌu, nyavastaraꞌa. Muaa paj ramuaꞌaree nyej muaxeꞌeveꞌe. Jesús pu ayan tiraataꞌixaa tɨcɨn: ―Pataꞌaj rɨꞌɨ huaꞌuruuren paɨme ɨ mej nyeetzi jemi tyujsaꞌɨrihuaꞌa muaꞌayeꞌi.

17
00:05:12,680 --> 00:05:53,480
Ajtahuaꞌa pu ayan cheꞌeta naꞌa tiraataihuaꞌuriꞌi tɨcɨn: ―Simón, mɨ pej yaujraꞌan pueen ɨ Juan, ¿ni qui peyan tzaahuatiꞌiraꞌa cɨn nyexeꞌeveꞌe? Ajta aɨn Pedro, aꞌij pu puaꞌa raataꞌa tɨ Jesús ayan cheꞌeta naꞌa hueica tiraataihuaꞌuriꞌi tɨ puaꞌa nuꞌu ayan raxeꞌevaꞌacaa. Aj puꞌi ayan tiraataꞌixaa tɨcɨn: ―Nyavastaraꞌa, muaa paj yeehui nain cɨn ruꞌumuaꞌaree. Muaa paj peyan ramuaꞌaree nyaj xaa muaxeꞌeveꞌe. Jesús pu ayan tiraataꞌixaa tɨcɨn: ―Pataꞌaj rɨꞌɨ tihuaꞌuchaɨn ɨ mej nyeetzi jemi tyujsaꞌɨrihuaꞌa muaꞌayeꞌi.

18
00:05:53,480 --> 00:06:26,840
Ayaa nu hui tiꞌimueꞌixaateꞌe tzaahuatiꞌiraꞌa cɨmeꞌe. Patɨꞌɨj pauj paꞌarɨꞌɨstacaꞌa, ayaa papuꞌu tiꞌiteꞌechetyahuaꞌa pej pi axaahua áꞌuchaꞌacanyeꞌen aꞌij tɨ timuaꞌaranajchacaꞌa. Ma ajta, majcaꞌi huayee, patɨꞌɨj peri vastacɨraꞌitan, ayaa papuꞌu hui ajméijcaꞌataxɨꞌɨsin tɨ ij aꞌatɨ ayan muꞌucachejteꞌen. Aɨ pu muaꞌaviꞌitɨn aꞌu paj cai aꞌuyeꞌimɨꞌɨ. ―Ayaa pu tiraataꞌixaa aɨjna ɨ Jesús.

19
00:06:26,840 --> 00:06:46,760
Ayaa pu een cɨn tyuꞌutaxajtacaꞌa ɨ Jesús mej mi meyan raamuaꞌaree aꞌij tɨ yeꞌi tíꞌimɨꞌɨni aɨjna ɨ Pedro, tɨ ajta cɨn rɨꞌɨ tiraataꞌasin ɨ Dioj. Aj puꞌi Jesús ayan tiraataꞌixaa aɨjna ɨ Pedro tɨcɨn: ―Paucheꞌe peyan naꞌastijraꞌa asta panaꞌa cai huamɨꞌɨni.

20
00:06:46,760 --> 00:07:09,340
Aj puꞌi Pedro pɨ aꞌureꞌeve tɨꞌɨj raaseij tɨ cujtaꞌan huamaꞌacaa aɨjna tɨ Jesús raxeꞌevaꞌacaa. Aɨ pu aɨn pueenyaꞌa tɨ ayan eꞌicaujtutzi an taviitzeꞌen ɨ Jesús matɨꞌɨj tiꞌicuaꞌacaa, tɨ ajta ayan tiraataihuaꞌuriꞌi tɨcɨn aɨjna ɨ Jesús: “Tavastaraꞌa, ¿aꞌatani hui muaatatuiireꞌesin aɨme jemi?”

21
00:07:09,340 --> 00:07:18,800
Tɨꞌɨj Pedro ayan raaseij, ayaa pu tiraataihuaꞌuriꞌi tɨcɨn: ―Ari amɨjna, nyavastaraꞌa, ¿aꞌiqui tiꞌitɨj raruuren?

22
00:07:18,800 --> 00:07:37,180
Aj puꞌi Jesús ayan tiraataꞌixaa tɨcɨn: ―Capu hui mueetzi jetze ruxeꞌeveꞌe tɨ puaꞌa ayan naꞌaraanajchi tɨ aɨn ayan ruuri huatyaturan asta nyanaꞌa cai yan uvéꞌenyen. Pataꞌaj peyan naꞌastijraꞌa inyeetzi. ―Ayaa pu tiraataꞌixaa.

23
00:07:37,180 --> 00:07:59,120
Aɨj mu cɨn meyan taꞌutanamuajriꞌi yee tɨ nuꞌu cai aꞌanaj mɨꞌɨni aɨjna ɨ aꞌatɨ tɨ Jesús jamuan áꞌuchaꞌacanyaꞌa. Ma ajta, capu ayan tyuꞌutaxajtacaꞌa aɨjna ɨ Jesús tɨ nuꞌu cai mɨꞌɨni silu capu jetzen ruxeꞌevaꞌacaa tɨ puaꞌa aɨn aꞌatɨ ayan ruuri huatyaturan asta naꞌa cai uvéꞌenyen ɨ Jesús.

24
00:07:59,120 --> 00:08:14,600
Nyaa nu nyaɨn pueen i nyaj Jesús jamuan áꞌuchaꞌacanyaꞌa. Nyajta nu neyan nyaɨjna cɨn tiꞌityáxajta. Nyajta neyan tiraꞌutéyuꞌuxacaꞌa. Tyajta ityan, ayaa tu ramuaꞌaree tɨ ayan tiꞌayajna aꞌij nyaj tiꞌityáxajta.

25
00:08:14,600 --> 00:08:35,240
Capu tiꞌiseicaj naꞌa ɨ seica tɨ Jesús ayan tyuꞌuruu. Tɨ puaꞌa meyan nain aꞌuyúꞌuxancheꞌe, ayaa pu tinaꞌamitejteꞌe tɨ cai yan japuan áꞌavejri ɨ chaanaca japua nain ɨ yuꞌuxari tɨ ayan tyuꞌujxéꞌeveꞌencheꞌe mej tyaꞌuyúꞌuxan.