1
00:00:05,000 --> 00:00:17,880
Tɨꞌɨjta tyajaumaꞌaca arájsevi maxcɨraꞌi, Dioj pu raataityacaꞌa aɨjna ɨ Gabriel tɨ u aꞌatanyén aujna Nazaret, chajtaꞌa tɨ jetzen ajtyamaꞌacan au tɨ huatacáꞌa Galileeya.

2
00:00:17,880 --> 00:00:32,000
Raataityacaꞌa tɨ u aꞌatanyén aa tɨ eꞌeche aɨjna ɨ Mariiya ɨ tɨ ari tɨmuaꞌa huatyevicheꞌesin aɨjna jamuan ɨ José, aɨj tɨ jetzen huanyej ɨ David tyaacan. Capu xɨ aꞌatɨ jamuan huahuii aɨjna ɨ Mariiya.

3
00:00:32,000 --> 00:00:48,420
Tɨꞌɨqui aun aꞌutyajrupi aꞌu tɨ eꞌeche. Aj pu i aɨn tɨ tiꞌivaɨreꞌe ɨ tavastaraꞌa jemi, ayaa pu tiraatataujte tɨcɨn: ―Ajaꞌɨmɨ, Mariiya, mɨ pej Dioj jemi tyaꞌancuraꞌasin. Tavastaraꞌa pu a jemi huatyejvee.

4
00:00:48,420 --> 00:00:58,740
Eecan pu utyaavatzɨ ɨ tzajtaꞌan tɨꞌɨj ayan tiraataꞌixaa. Eihua pu tiꞌimuajcaa aꞌiqui huataujmuaꞌa ɨ nyuucari tɨ raataxajtacaꞌa.

5
00:00:58,740 --> 00:01:07,400
Tɨꞌɨqui ayan tiraataꞌixaa aɨjna ɨ aꞌatɨ tɨcɨn: ―Capej tiꞌitzɨɨnyaꞌa, Mariiya. Muaa pa rɨꞌɨ raataꞌa ɨ Dioj.

6
00:01:07,400 --> 00:01:17,720
Muaa pa aꞌutajucata. Muaa pa tiyauj puaꞌame, tyaatacan. Ayaa paj raatámuaꞌati tɨcɨn Jesús.

7
00:01:17,720 --> 00:01:39,160
Ajta, aɨ pu vaꞌacan cɨn tiꞌityavaa aꞌame. Ayaa mu hui majta raatamuáꞌamuatyaꞌa muaꞌajuꞌun tɨcɨn Yaujraꞌan ɨ Dioj tɨ nain cɨn antyujmuaꞌaree. Ajta, Dioj tɨ taꞌivastaraꞌa, aɨ pu raataꞌasin tɨ teꞌentyarute aɨjna cɨmeꞌe tɨ David tyaacan cɨn tiꞌityavaacaꞌa.

8
00:01:39,160 --> 00:01:55,060
Ajta aɨn pu tihuaꞌutaijteꞌesin tɨj naꞌa rusen cɨmeꞌe aɨme jemi ɨ maj Jacobo jetze huanye. Ajta capu aꞌanaj raꞌantipuaꞌari tɨ aɨn tihueityaꞌa aꞌame. ―Ayaa puꞌu tiraataꞌixaa.

9
00:01:55,060 --> 00:02:05,800
Tɨꞌɨqui ayan tiraataihuaꞌuriꞌi aɨjna ɨ Mariiya tɨcɨn: ―Aꞌini tiꞌirɨꞌɨri tɨ ayan tyajaꞌureꞌenyen aꞌini canu aꞌanaj tyaataꞌa jamuan huahuii.

10
00:02:05,800 --> 00:02:30,000
Ajta aɨn tɨ tiꞌivaɨreꞌe ɨ tajapua, ayaa pu tiraataꞌixaa tɨcɨn: ―Aɨn xaijnyuꞌucaraꞌaraꞌan ɨ Dioj aɨ pu a jetze rávaɨjtzi. Ajta aɨjna cɨmeꞌe tɨ muaacánajsin, aɨj pu cɨn, aɨjna ɨ paꞌarɨꞌɨ tɨ núꞌeihuan, tavastaraꞌa pu huatyáuraꞌateꞌesin. Ayaa mu majta raatamuáꞌamuatyaꞌa muaꞌajuꞌun tɨcɨn Yaujraꞌan ɨ Dioj.

11
00:02:30,000 --> 00:02:49,200
’Ajta aɨn aꞌihuaaraꞌa, aɨjna ɨ Elisabet, aɨ pu hui tiyauj aꞌame tɨj ajta ari ucarij. Ayaa pu tyuꞌutaxajtacaꞌa tɨcɨn yee capu cheꞌe rɨꞌɨri tɨ tiyauj aꞌaraꞌani. Ma ajta, puꞌuri aꞌatee arájsevi maxcɨraꞌi tɨ autajuca.

12
00:02:49,200 --> 00:02:57,040
’Ayaa puꞌu aꞌini nain pu tiꞌirɨꞌɨri ɨ Dioj jemi. Capu meꞌe eꞌe tiꞌitɨ tɨ muareꞌeri ɨ jemin.

13
00:02:57,040 --> 00:03:16,180
Tɨꞌɨqui Mariiya ayaa tyuꞌutanyúu tɨcɨn: ―Nain nu cɨn tiraatyavaɨreꞌesin ɨ nyavastaraꞌa. Cheꞌe ayan tyajaꞌureꞌenye aꞌij pej peri tinaataꞌixaa. ―Ayaa pu tyuꞌutaxajtacaꞌa aɨjna ɨ Mariiya. Tɨꞌɨqui áꞌuraa aɨjna ɨ tɨ tiꞌivaɨreꞌe ɨ tajapua.