1
00:00:05,000 --> 00:00:43,240
Ayaa pu tyujuꞌurɨj ajnaꞌɨmɨ. Muiꞌitɨ mu a eꞌireꞌenye ɨ tyaɨte tɨj naꞌa aun maj huachaatɨme aujna u Galileeya, ajta aujna u Judeeya, ajta aujna u Jerusalén. Ai mu aɨn pueen ɨ fariseos, majta aɨme ɨ mej tiꞌimuaꞌata aꞌij tɨ teꞌeyuꞌusiꞌi jetzen ɨ yuꞌuxari jetze ɨ Moisés tyaacan tɨ raꞌuyuꞌuxacaꞌa. Aɨ mu huirátyaꞌacaa ɨ Jesús jamuan. Ajta ɨ muáreꞌeriꞌiraꞌaraꞌan ɨ tavastaraꞌa, aɨ pu jemin huatyajturaa tɨꞌij tihuaꞌuhuaateꞌen ɨ tyaɨte.

2
00:00:43,240 --> 00:01:03,540
Majta seica aun eꞌireꞌenye. Tevi mu huáchuisimaꞌa, itari japua maraꞌujtáca. Nainjapua pu cɨyaaxaraꞌa ɨ ru jetze aɨjna ɨ aꞌatɨ. Aɨ mu huataujtese maj ruꞌutyajtuaani u chiꞌita mej mi yanuꞌuhuaréꞌeten ɨ Jesús jemi.

3
00:01:03,540 --> 00:01:27,520
Aru capu huatarɨꞌɨristaracaꞌa aꞌini eihua mu tyaɨte aityaujsaɨraꞌacaa taꞌapueerta. Matɨꞌɨj mi anticɨj japuan ɨ chiꞌi. Matɨꞌɨj mi raꞌanaacu. Aɨ mu cɨn ayan huarɨj, matɨꞌɨj ruꞌucajtuaa japuan maruꞌujtyaca ɨ itari. Au mu ruꞌucajtuaa huaꞌa tzajtaꞌa ɨ tyaɨte aꞌu tɨ Jesús aꞌutyejvee.

4
00:01:27,520 --> 00:01:46,320
Tɨꞌɨj Jesús huaꞌuseij aɨme, aj pu i xaa raamuaꞌareeriꞌi tɨcɨn metyaꞌatzaahuateꞌe, tzɨteꞌe. Tɨꞌɨqui ayan tiraataꞌixaa aɨjna tɨ cɨyaaxaraꞌa tɨcɨn: ―Nyaꞌamiincu, nuꞌuri timuaatauuniꞌiriꞌi ɨ paj hui cɨn autyajturaa ɨ Dioj jemi.

5
00:01:46,320 --> 00:02:20,040
Majta maɨn ɨ fariseos, majta maɨn ɨ mej tiꞌimuaꞌata ɨ yuꞌuxari jetze, aɨ mu autyajhuii mej meyan tiꞌimuaꞌatze ɨ ru tzajtaꞌa tɨcɨn: ―¿Aꞌataqui hui pɨrɨcɨ amɨjna mɨ aꞌatɨ tɨ ayan aꞌij puaꞌa tiꞌixa ɨ Dioj jemi? Seij puꞌu naꞌa aɨn pueen tɨ tihuaꞌutauuniꞌi ɨ tyaɨte ɨ maj cɨn autyajturaa ɨ Dioj jemi. Dioj pu aɨn pueen tɨ ayan tihuaꞌutauuniꞌi. Ajta amɨn, capu hui aɨjna cɨn antyujmuaꞌaree.

6
00:02:20,040 --> 00:02:33,400
Ajta aɨn ɨ Jesús, aɨ pu rusaɨj rúꞌumuaꞌareeracaa aꞌij mej tiꞌimuajcaa. Aj pu i ayan tihuaꞌutaihuaꞌuriꞌi tɨcɨn: ―¿Aꞌini hui een cɨn seyan tiꞌimuaꞌatze ɨ rutzajtaꞌa?

7
00:02:33,400 --> 00:03:03,200
¿Tiꞌitaani eitzeꞌe muareꞌeri? ¿Ni eitzeꞌe muareꞌeri nyej neyan tiraataꞌixaateꞌen nyaɨjna tɨ cɨyaaxaraꞌa yee: “Nuꞌuri timuaatauuniꞌiriꞌi ɨ paj cɨn autyajturaa ɨ Dioj jemi”, naꞌari yee: “Ajchesi, ma paj taméꞌen”? Ee xaa nyaꞌu, ayaa nu tyajaꞌamueꞌixaateꞌe nyeijna cɨmeꞌe tɨ eitzeꞌe muareꞌeri nyej neyan tiraataꞌixaateꞌen yee: “Ajchesi, ma paj taméꞌen.”

8
00:03:03,200 --> 00:03:36,400
’Aru sej si raamuaꞌaree ɨ nyaj hui xaa nyaɨjna cɨn antinmuaꞌaree iiyan chaanaca japua nyej ni tihuaꞌutauuniꞌi ɨ maj cɨn autyajturaa ɨ Dioj jemi, ayaa nu huarɨni inyaa i nyaj nyajta huaꞌa jetze airaanye ɨ tyaɨte. Aj pu i ayan tiraataꞌixaa aɨjna tɨ cɨyaaxaraꞌa tɨcɨn: ―Nyaꞌamiincu, ayaa nu tiꞌimueꞌixaateꞌe tɨcɨn, ájchesi hui, pajta anchuá mɨ aꞌutaatzi. Aricu áꞌuraa u aꞌache.

9
00:03:36,400 --> 00:03:49,400
Cɨmeꞌen puꞌu ayan tiraataꞌixaa, aj pu i aɨn tɨ cɨyaaxaraꞌa, ajche, yáꞌuchui ɨ ruꞌutaatzi. Tɨꞌɨqui rɨꞌɨ tiraatajee ɨ tavastaraꞌa. Tɨꞌɨj i áꞌuraa ɨ ruche.

10
00:03:49,400 --> 00:04:06,800
Naimiꞌi mu naa rɨꞌɨ tiraꞌutaseij. Eecan mu rɨꞌɨ tiraataꞌa ɨ Dioj jemi. Majta cai cheꞌe aꞌij tirájtyauvaꞌa. Ayaa muꞌu tɨcɨn: ―Ijii tu xaa tiꞌitɨj huaseij tɨ huapɨꞌɨ ruxeꞌeveꞌe.