1
00:00:05,000 --> 00:00:12,740
Tɨꞌɨj i Jesús aun pu aꞌutyajrupi u Jericó. Au pu eꞌitaꞌa aumaꞌaca.

2
00:00:12,740 --> 00:00:26,280
Meenti saɨj aun aꞌutyavaacaꞌa tɨ ayan antyahuaa tɨcɨn Zaqueo. Ai pu aɨn pueen ɨ tɨ tihueꞌijteꞌe aɨme ɨ maj huaꞌajiꞌivi ɨ mej tiꞌitɨcɨ. Chijtyaani pu pueen aɨjna ɨ Zaqueo.

3
00:00:26,280 --> 00:00:37,180
Aɨ pu raseijramɨꞌɨcaa aꞌatɨ tɨ pɨrɨcɨ aɨjna ɨ Jesús. Aru capu rɨꞌɨristacaa aꞌini eihua mu tyaɨte, ajta iꞌitzapuatuun aɨjna ɨ Zaqueo.

4
00:00:37,180 --> 00:00:51,300
Aɨj pu cɨn anayeixɨꞌɨ aꞌutáichajraa. Aj pu i antiraa ɨ mejchi jetze tɨ ij raaseij tyamuaꞌa naa aꞌini puꞌuri ramuaꞌareeracaꞌa tɨcɨn aa pu aꞌireꞌenyejsin.

5
00:00:51,300 --> 00:01:06,900
Tɨꞌɨj Jesús aun aꞌireꞌenye, aj pu i ajnyeeracaꞌa ɨ cɨye jetze. Aj pu i ayan tiraataꞌixaa tɨcɨn: ―Zaqueo, pataꞌaj caꞌanacan acajraꞌani. Ayaa pu hui tyuꞌujxeꞌeveꞌe nyej nyaun aꞌaraꞌasti ijii nyajna pe eꞌeche.

6
00:01:06,900 --> 00:01:13,400
Tɨꞌɨj i caꞌanacan acajraa. Aj pu i raꞌancureꞌeviꞌitɨ tyamuaꞌa naa aɨjna ɨ Jesús.

7
00:01:13,400 --> 00:01:28,380
Majta aɨme ɨ tyaɨte, matɨꞌɨj raaseij, matɨꞌɨj mi autyajhuii mej meyan aꞌij puaꞌa tiꞌixajta tɨcɨn: ―Au pu aꞌuméj tɨ aun aꞌaraꞌasti aꞌu tɨ eꞌeche saɨj tɨ aꞌij puaꞌa tiꞌityujchaꞌɨ.

8
00:01:28,380 --> 00:01:53,500
Ajta aɨn Zaqueo, a pu aꞌutyeechaxɨ. Aj pu i ayan tiraataꞌixaa aɨjna ɨ Jesús tɨcɨn: ―Casiꞌi, nyavastaraꞌa, nuꞌuri eꞌitaꞌa huaꞌutapueijveꞌesin aɨme ɨ maj cai aꞌij tiꞌijviicueꞌi, eꞌitaꞌa ɨ nyaj tíꞌijchaꞌɨ. Ayaa nu hui nyajta rɨni. Tɨ puaꞌa nyacai aꞌanaj aꞌatɨ tyuꞌunahueꞌiriꞌi, ayaa nu muaacuaca puaꞌamuaca raataꞌasin.

9
00:01:53,500 --> 00:02:07,360
Aj pu i Jesús ayan tiraataꞌixaa tɨcɨn: ―Ijii pu xaa Dioj hueꞌirajtuaa aɨme iiya mej che aꞌini aijna ɨ aꞌatɨ, ai pu ajta aɨn pueen huaacɨxaꞌaraꞌan aɨjna ɨ Abraham tyaacan.

10
00:02:07,360 --> 00:02:25,920
’Ayaa pu tiꞌen aꞌini inyaa, i nyaj nyajta huaꞌa jetze airaanye ɨ tyaɨte, ayaa nu hui een cɨn aꞌuveꞌeme nyej ni huaꞌavaꞌahuauni, nyajta hueꞌirajtuaani aɨme ɨ maj meyan áꞌujhuaꞌan cu xuee maj aꞌuveti. ―Ayaa pu tyuꞌutaxajtacaꞌa aɨjna ɨ Jesús.