1
00:00:05,000 --> 00:00:14,240
Tɨꞌɨj Jesús raatapuaꞌajtacaꞌa tɨ tihueꞌixaateꞌen, aj pu i anayeixɨꞌɨ áꞌuraa. An pu aꞌujnyéesimaꞌaca anti Jerusalén.

2
00:00:14,240 --> 00:00:53,300
Tɨꞌɨj ji aun vejliꞌi aꞌuréꞌenye aujna aꞌahuaꞌa Betfagé, ajta aujna aꞌahuaꞌa Betania, chajtaꞌa tɨ aun aꞌutacáꞌa ajcaꞌi jɨri jetze tɨ ayan tyajaꞌarajtyahuaa tɨcɨn Aceituunajremi. Au pu huaꞌapuaca huataityacaꞌa ɨ maj jamuan áꞌujhuaꞌanyaꞌa. Ayaa pu tihuaꞌutaꞌixaa tɨcɨn: ―Sataꞌaj saun aꞌutyarute ajna chajtaꞌa, aɨn tɨ eꞌeseijreꞌe ɨ juye jetze. Ajna vejliꞌi aꞌu sej aꞌutyaruti, aa xu puuruꞌu eꞌetyauuni tɨ aꞌijtápiꞌi, tɨ cai xɨ aꞌana aꞌatɨ japuan aveꞌeyeijxɨ. Sataꞌaj ráꞌijxɨjta. Sajta yaꞌaráajan.

3
00:00:53,300 --> 00:01:06,180
Tɨ puaꞌa hui aꞌatɨ ayan tyajaꞌamueꞌihuaꞌura yee aꞌini een cɨn saraꞌixɨjta, sataꞌaj seyan tiraataꞌixaateꞌen yee tavastaraꞌa pu nuꞌu raxeꞌeveꞌe. ―Ayaa pu tihuaꞌutaꞌixaa.

4
00:01:06,180 --> 00:01:11,760
Matɨꞌɨj mi maun u aꞌujuꞌun ɨ tɨ huaꞌutaityacaꞌa. Ayaa pu tyeꞌirájraa tɨj tihuaꞌutaꞌixaa.

5
00:01:11,760 --> 00:01:22,620
Matɨꞌɨj mauj ráꞌijxɨjtajmaꞌacaa ɨ puuruꞌu, matɨꞌɨj mi huaꞌuseij aɨme ɨ tɨ huaꞌacɨi. Aj mu mi tihuaꞌutaihuaꞌuriꞌi tɨcɨn: ―¿Aꞌini een cɨn saraꞌijxɨjta mɨ puuruꞌu?

6
00:01:22,620 --> 00:01:28,140
Matɨꞌɨj mi meyan tyuꞌutanyúu tɨcɨn: ―Tavastaraꞌa pu nuꞌu hui raxeꞌeveꞌe.

7
00:01:28,140 --> 00:01:38,860
Matɨꞌɨj mi yaꞌujáj ɨ Jesús jemi. Matɨꞌɨj mi tyuꞌujcɨɨxu tiraꞌityéꞌitate. Aj mu mi raꞌantítuaa maɨjna ɨ Jesús ɨ puuruꞌu jetze.

8
00:01:38,860 --> 00:01:47,020
Tɨj naꞌa tyuꞌumaꞌacaa ɨ Jesús, tyaɨte mu cɨɨxuri teꞌepiitɨyeꞌicaa ɨ juye jetze aꞌu tɨ aumaꞌacaa.

9
00:01:47,020 --> 00:02:03,960
Tɨꞌɨj i aj aumaꞌacaa ajna Aceituunajremi, aꞌu tɨ aꞌucaujcɨjmeꞌen. Naimiꞌi ɨ maj jamuan huajuꞌucaa, aɨ mu autyajhuii maj rɨꞌɨ tiraataꞌan ɨ Dioj maɨjna cɨmeꞌe maj huataujtyamuaꞌave aꞌini eihua mu tyuꞌuseij tɨ huapɨꞌɨ tyuꞌujxeꞌeveꞌe.

10
00:02:03,960 --> 00:02:33,900
Ayaa mu tiꞌixaata tɨcɨn: Rɨꞌɨ pu tiraataꞌa aɨjna tɨ rey cɨmeꞌe tiꞌityejvee tɨ ajta meꞌe veꞌeme nyuucajtzeꞌen ɨ tavastaraꞌa, amɨjna tɨ Dioj raꞌantihuau. Micheꞌe rɨꞌɨ hui tíꞌityecháj muaꞌaraꞌani aɨme ɨ maj tajapua eꞌeseijreꞌe. Micheꞌe majta rɨꞌɨ tiraataꞌan aɨjna tɨ aun áꞌujca antyɨꞌɨmɨ.

11
00:02:33,900 --> 00:02:48,220
Majta seica ɨ fariseos, matɨꞌɨj raanamuajriꞌi, ayaa mu tiraataꞌixaa maɨjna ɨ Jesús tɨcɨn: ―Maeestru, huaꞌutaꞌijmɨjriꞌi mej mi cai cheꞌe meyan tiꞌixajta aɨme ɨ maj a jamuan áꞌujhuaꞌan.

12
00:02:48,220 --> 00:03:03,300
Aj pu i Jesús ayan tyuꞌutanyúu tɨcɨn: ―Ayaa nu tyajaꞌamueꞌixaateꞌe. Tɨ puaꞌa aɨme macai meyan tiꞌixajta, aɨ pu hui tetej ayan cheꞌeta naꞌa tiꞌixaata aꞌame caꞌanyejri cɨmeꞌe. ―Ayaa pu tihuaꞌutaꞌixaa.

13
00:03:03,300 --> 00:03:12,680
Tɨꞌɨj a vejliꞌi aumaꞌacaa u Jerusalén, aj pu i raaseij ɨ chajtaꞌana. Tɨꞌɨj i huaujyeinyacaꞌa aɨjna cɨmeꞌe.

14
00:03:12,680 --> 00:03:37,380
Ayaa pu tyuꞌutaxajtacaꞌa tɨcɨn: ―Tɨ puaꞌa muan sajmuaꞌareera, ijii, aijna xɨcajraꞌa jetze tiꞌitɨ tɨ pueen tɨ rɨꞌɨ tyajamuaataꞌasin sej si rɨꞌɨ tíꞌityecháj xaꞌaraꞌani ɨ Dioj jemi. Aru caxu raamuáꞌa. Aɨj pu hui cɨn ari ruꞌavaa sej si cai raaseij.

15
00:03:37,380 --> 00:04:07,580
Puꞌuri tyajaꞌureꞌenyejsin muejmi jemi ajna xɨcajraꞌan jetze mej jetzen amuaatyenyaꞌusiꞌiteꞌesin aɨme ɨ maj amuájchaɨreꞌe. Aɨ mu hui raꞌatanajsin ɨ jaxuꞌu jetze maɨjna cɨmeꞌe ɨ ɨnaamua maj ráꞌajtaahuacaꞌa. Majta amueꞌityanajsin. Majta nainjapua tyeꞌityanaxɨꞌɨsin ɨ saj jetze huiráacɨꞌɨca.

16
00:04:07,580 --> 00:04:32,620
’Majta, naijmiꞌica mu hui aꞌapuaꞌariteꞌen muejmi, majta ɨ aꞌamuayaujmuaꞌa, ɨ maj maun huachaatɨme aꞌu tɨ jaxuꞌu cɨn tyájaꞌaráꞌanamiꞌi. Nain mu huatáuuna ɨ tetej tɨ rujapua ticaitɨmee, maɨjna cɨmeꞌe saj hui cai ramuaꞌareeracaꞌa aꞌanaj tɨ Dioj huataseijre muejmi jemi.