1
00:00:05,000 --> 00:00:29,600
Matɨꞌɨj u eꞌireꞌenye aꞌu ma eꞌij eꞌenyaꞌa ɨ seica ɨ maj Jesús jamuan áꞌujhuaꞌanyaꞌa, matɨꞌɨj mi huaꞌuseij maj eihua eꞌetyujsaɨraꞌacaa ɨ tyaɨte huaꞌa jamuan maɨjna ɨ seica. Aɨme mu majta huaseij ɨ mej teꞌeyuꞌuxaca teyujtaꞌa. Aɨ mu meyan tyuꞌurihuaꞌuracaꞌa. Majta mu tɨn nínyuꞌucacucaꞌa.

2
00:00:29,600 --> 00:00:42,780
Majta maɨn ɨ tyaɨte, matɨꞌɨj raaseij aɨjna ɨ Jesús, eihua mu huataujtyamuaꞌave. Matɨꞌɨj mi aꞌuruáachajraa jemin mej mi raatataujteꞌen.

3
00:00:42,780 --> 00:00:49,500
Tɨꞌɨqui aɨn ayan tihuaꞌutaihuaꞌuriꞌi tɨcɨn: ―¿Tiꞌitajni cɨn setyuꞌurihuaꞌu?

4
00:00:49,500 --> 00:01:07,140
Aj pu i saɨj tɨ aꞌutyavaacaꞌa huaꞌa tzajtaꞌa, aɨ pu ayan tyuꞌutaxajtacaꞌa tɨcɨn: ―Maeestru, yaa nu raveꞌeviꞌitɨ ɨ niyauj, tiyaaruꞌu tɨ tzajtaꞌan seijreꞌe. Aɨjna ɨ tiyaaruꞌu, aɨ pu cai rataꞌaca tɨ huatanyuuni,

5
00:01:07,140 --> 00:01:43,440
aꞌini aꞌanaj tɨ naꞌa tɨ aɨn tiyaaruꞌu rájviiviꞌi, ajta ayaꞌarajraini a chuaataꞌa. Ajta eihua aijjaamɨ́scueꞌiraꞌa aꞌayeꞌi aɨjna ɨ paꞌarɨꞌɨ. Ajta ancuráꞌujcɨꞌɨmáa ɨ rutamej cɨmeꞌe. Ajta huatyacɨyaaxari nain japua ɨ rutzajtaꞌa. Nuꞌuri huaꞌutahuaviiriꞌi ɨ maj mueetzi jamuan áꞌujhuaꞌan maj raatamuariteꞌen maɨjna ɨ tiyaaruꞌu. Ma majta maɨn, camu raayɨꞌɨtɨhuaꞌa muaꞌaraa. ―Yaa pu tiraataꞌixaa aɨjna ɨ aꞌatɨ.

6
00:01:43,440 --> 00:02:08,840
Aj puꞌi ayan tyuꞌutanyúu aɨjna ɨ Jesús, tɨcɨn: ―¿Ni tzaa sacai raayɨꞌɨtɨ muan? ¿Ni sacai xɨɨ tyaꞌatzaahuateꞌe? ¿Aꞌachuni puaꞌan ninyeꞌiraꞌa ruxeꞌeveꞌe nyej aꞌamua cɨmeꞌe huáviicueꞌireꞌen sej si huáurityejteꞌen? ―Yaa pu tyuꞌutaxajtacaꞌa aɨjna ɨ Jesús. Aj pu i ayan tyuꞌutaijtacaꞌa tɨcɨn: ―Ma saꞌaveꞌeviꞌitɨchi mɨ paꞌarɨꞌɨ.

7
00:02:08,840 --> 00:02:26,520
Aj mu mi aa yeꞌeveꞌeviꞌitɨ. Ajta aɨn ɨ tiyaaruꞌu tɨ tzajtaꞌan seijraꞌacaa ɨ paꞌarɨꞌɨ, tɨꞌɨj aɨn huaseij ɨ Jesús, aɨ pu raatyacaꞌatzɨjxɨ ɨ paꞌarɨꞌɨ. Aj pu i aitave a chuaataꞌa. Tɨꞌɨqui pɨ tavaɨjtzixɨ, áijjaamɨ́xcueꞌiraꞌa.

8
00:02:26,520 --> 00:02:43,300
Aj pu i Jesús ayan tiraataihuaꞌuriꞌi aɨjna ɨ taatajraꞌan ɨ paꞌarɨꞌɨ tɨcɨn: ―¿Aꞌachuni ari aꞌatee tɨ ayan tíꞌijruure? Ajta aɨn taatajraꞌan ayan tyuꞌutanyúu tɨcɨn: ―Tɨj naꞌa tɨ paꞌarɨꞌɨstacaꞌa.

9
00:02:43,300 --> 00:03:03,920
Ajta aɨjna ɨ tiyaaruꞌu tɨ tzajtaꞌan seijraꞌacaa, eihua pu an yaꞌujɨpua taij tzajtaꞌa, ajta a jaataꞌa tɨꞌij raajeꞌica. Tɨ puaꞌa paraayɨꞌɨtɨhuaꞌan paj tiraahuaateꞌen, táꞌancuꞌuvajxɨꞌɨ, pajta taatavaɨreꞌen. ―Yaa pu tyuꞌutaxajtacaꞌa aɨjna taatajraꞌan.

10
00:03:03,920 --> 00:03:12,160
Aj pu i Jesús ayan tiraataꞌixaa tɨcɨn: ―Naijmiꞌi pu tiꞌirɨꞌɨri jemin ɨ tɨ tyaꞌatzaahuateꞌe.

11
00:03:12,160 --> 00:03:27,060
Aj pu i aɨn taatajraꞌan ɨ paꞌarɨꞌɨ ayan tiꞌihuaujyeinyacaꞌa tɨcɨn: ―Netyaꞌatzaahuateꞌe inyaa. Naatavaɨreꞌe nyataꞌaj eitzeꞌe tyaꞌantzaahuateꞌen. ―Yaa pu tyuꞌutaxajtacaꞌa.

12
00:03:27,060 --> 00:03:51,160
Aj mu mi ajtyáxɨɨracaꞌa eihua ɨ tyaɨte maruáachijmáꞌa. Tɨꞌɨj aɨn Jesús huaꞌuseij, aj puꞌi raꞌajtyaꞌaxɨ ɨ tiyaaruꞌu tɨ paꞌarɨꞌɨ tzajtaꞌa seijraꞌacaa. Ayan tɨcɨn: ―Muaa tiyaaruꞌu paj cai huiityajnamua, paj cai atányuuve, ayaa nu tiꞌimueꞌijteꞌe, paj raatatuani mɨ paꞌarɨꞌɨ. Capej cheꞌe tzajtaꞌan utyaruꞌiipicheꞌen.

13
00:03:51,160 --> 00:04:15,620
Aj pu i huajijhuacaꞌa aɨjna ɨ tiyaaruꞌu. Tyamua pu raatyacaꞌatzɨjxɨ aɨjna ɨ paꞌarɨꞌɨ caꞌanin cɨmeꞌe. Aj puꞌi huirajraa ɨ tzajtaꞌan. Ajta aɨn ɨ paꞌarɨꞌɨ, aa puꞌu qui aucaꞌitɨ aꞌaraa. Xuee tɨ cuj huamɨꞌɨ. Aɨj mu cɨn meyan tiꞌimuaꞌatzɨjcaꞌa ɨ tyaɨte tɨ ayan nuꞌu huamɨꞌɨ.

14
00:04:15,620 --> 00:04:28,600
Ma ajtaꞌi cai capu. Jesús pu raꞌajvíꞌi muajcaꞌaraꞌaraꞌan jetze. Aj puꞌi raꞌajjáj. Tɨꞌɨqui huatyeechaxɨ aɨjna ɨ paꞌarɨꞌɨ. Aj mu mi aꞌucɨ́jxɨ naijmiꞌi.

15
00:04:28,600 --> 00:04:51,100
Tɨꞌɨqui Jesús chiꞌita utyajrupi, majta ɨ maj jamuan áꞌujhuaꞌanyaꞌa. Matɨꞌɨj mi aviitzi cɨn tiraihuauꞌuriꞌi aɨjna ɨ Jesús, meyan tɨcɨn: ―¿Aꞌini een cɨn tyacai raayɨꞌɨtɨhuaꞌa taꞌaraa tyej teyan raatamuariteꞌen aɨjna ɨ tiyaaruꞌu tɨ tzajtaꞌan seijraꞌacaa?

16
00:04:51,100 --> 00:05:05,900
Aj pu i Jesús ayan tihuaꞌutaꞌixaa tɨcɨn: ―Sataꞌaj seyan raatamuariteꞌen saɨjna ɨ tiyaaruꞌujraꞌa, ayaa pu tyúꞌujxeꞌeveꞌe saj raatyajhuauni ɨ Dioj jemi, sajta ruꞌitziꞌivaꞌa.