1
00:00:05,000 --> 00:00:54,720
Tɨꞌɨj tyajaꞌureꞌenye ajna xɨcajraꞌa jetze, ɨ maj jetzen pan cuaꞌaca tɨ cai cuꞌusti. Majta ajna xɨcajraꞌa jetze mahuaꞌamuaɨꞌɨvajtacaraꞌa ɨ canyaꞌaxɨ. Ai pu aɨn pueen ɨ tɨ anajca ɨ mej tiꞌiyeste. Majta maɨn ɨ maj jamuan áꞌujhuaꞌanyaꞌa, aɨ mu mi meyan tiraataihuaꞌuriꞌi ɨ Jesús tɨcɨn: ―¿Aꞌuni jetze muaꞌaraanajchi tyej aꞌujuꞌun tyej ti rɨꞌɨ tyajaꞌuruuren tyaɨjna cɨmeꞌe ɨ pan tyaj raacuaꞌani, tyej ti raꞌutamuaꞌaree aꞌij tɨ titaachaɨj ɨ Dioj, ajna xɨcajraꞌa jetze tɨ huaꞌucuii ɨ huaꞌayaujmuaꞌa ɨ maj anáatyáꞌa muanúnuꞌeihuacaꞌa?

2
00:00:54,720 --> 00:01:12,120
Tɨꞌɨqui huaꞌapuaca huataityacaꞌa maj jamuan áꞌujhuaꞌanyaꞌa. Ayan tihueꞌixaatyaꞌa tɨcɨn: ―Sericu ajna chajtaꞌa. Aa xu aꞌatɨ eꞌetyauni tɨ jairaꞌame huatɨsin, jaj tuꞌurajmuaa. Aj xu si jamuan aꞌujuꞌun.

3
00:01:12,120 --> 00:01:44,940
Aꞌu tɨ aɨn aꞌutyaruti, ajna xu raahuauni chiꞌiraꞌan jetze ɨ aꞌatɨ. Aj xu si seyan tiraataꞌixaateꞌen ayan tɨcɨn: “Yaa pu tiꞌixa aɨjna ɨ Maeestru yee: ¿Aꞌuni nataꞌaca nyaj tzajtaꞌan tyuꞌucuaꞌani huaꞌa jamuan ɨ nyetyaɨtestyamuaꞌa?” Sajta seyan: “Tyataꞌaj raꞌutamuaꞌaree ajna xɨcajraꞌa jetze matɨꞌɨj huacuii ɨ huaꞌayaujmuaꞌa ɨ maj anáatyáꞌa muaanúnueꞌihuacaꞌa.” ―Ayaa xu tiraataꞌixaateꞌesin.

4
00:01:44,940 --> 00:02:03,820
Tɨꞌɨqui aɨn hui amuaataseijrateꞌesin ánɨmɨ tɨ rujapua tivaatɨme cuaartu tɨ veꞌe. Puꞌuri rɨꞌɨ tyuꞌuruu tyamuaꞌa naa. Au xu sij rɨꞌɨ tyauhuáruuren ɨ tyaj raacuaꞌani. ―Ayaa pu tihuaꞌutaꞌixaa aɨjna ɨ Jesús.

5
00:02:03,820 --> 00:02:25,100
Matɨꞌɨj mi u áꞌujuꞌun ɨ maj huaꞌapua. Ayaa pu tyajaꞌureꞌenye naijmiꞌi tɨ tihuaꞌutaꞌixaa ɨ Jesús. Aj mu mi rɨꞌɨ raaru ɨ maj raacuaꞌani mej mi raꞌutamuaꞌaree ajna xɨcajraꞌa jetze tɨ Dioj huaꞌuchaɨj.

6
00:02:25,100 --> 00:02:37,420
Tɨꞌɨj ari huachúmuaꞌancaa, aj pu i utyajrupi u chiꞌita ɨ Jesús, majta ɨ maj tamuaamuataꞌa japuan huaꞌapua araꞌase.

7
00:02:37,420 --> 00:03:03,780
Matɨꞌɨj meri tiꞌicuaꞌacaa meesa japua, aj pu i Jesús ayan tihuaꞌutaꞌixaa tɨcɨn: ―Ayaa nu xaa nyaꞌu tyajaꞌamueꞌixaateꞌe. Saɨj tɨ aꞌamua jetze ajtyamaꞌacan, muan mɨ saj tiꞌicuaꞌa nyajamuan, aɨjna ɨ aꞌatɨ, aɨ pu nyeetzi cɨmeꞌen tyuꞌutatuiireꞌesin huaꞌa jemi ɨ mej tiꞌijta teyujtaꞌa. ―Ayaa pu tihuaꞌutaꞌixaa.

8
00:03:03,780 --> 00:03:24,860
Tɨꞌɨqui utyaavatzɨ ɨ huaꞌatzajtaꞌa. Aj mu mi aꞌutyajhuii maj raataihuaꞌu maɨjna ɨ Jesús, saɨj ajta saɨj. Meyan tɨcɨn: ―¿Aꞌataani pueen? ¿Ni qui inyaa? Ajtahuaꞌa saɨj ayan tɨcɨn: ―¿Aꞌataani, caꞌɨnqui inyaa?

9
00:03:24,860 --> 00:03:39,060
Aj pu i ayan tihuaꞌutaꞌixaa tɨcɨn: ―Ai pu aɨn pueen, ɨ saɨj sajta tamuaamuataꞌa japuan huaꞌapua araꞌase. Ai pu pan cuaꞌa eijna jetze i tuxaꞌa nyajamuan.

10
00:03:39,060 --> 00:04:10,060
Ayej xaa nyaꞌu tiꞌayajna. Ayaa pu tyajaꞌureꞌenyejsin inyeetzi jemi nyej nyajta ɨ tyaataꞌa jetze airaanye aꞌij tɨ yeꞌi teꞌeyuꞌusiꞌi ɨ yuꞌuxari jetze. Ma ajta, aɨjna tɨ nyacɨmeꞌen tyuꞌutatuiireꞌesin huaꞌa jemi, ayaa nu tyajaꞌamueꞌixaateꞌe, ai pu huapɨꞌɨ rajpueitzi aꞌame. Eitzeꞌe pu raatyaváꞌɨrihuaꞌacacheꞌe tɨ cai nuꞌeihuáncheꞌe. ―Ayaa pu tihuaꞌutaꞌixaa.

11
00:04:10,060 --> 00:04:27,260
Maucheꞌe mu tiꞌicuaꞌacaa. Aj pu i Jesús pan tyɨꞌɨj. Aj pu i rɨꞌɨ tyuꞌutaꞌa ɨ Dioj jemi, ajta raꞌantitaaraxɨ, aɨ pu huaꞌuraɨꞌɨpɨꞌɨ. Ayan tɨcɨn: ―Xaacuaꞌa. Ai pu aɨn pueen i nyahueꞌiraꞌa.

12
00:04:27,260 --> 00:04:39,620
Ajta eꞌeyan vaasu tijáj. Ajta rɨꞌɨ tyuꞌutaꞌa ɨ Dioj jemi, aɨ pu ajta huaꞌureꞌite. Naijmiꞌi mu raꞌantiꞌi ɨ jaj ɨ vaasu jetze.

13
00:04:39,620 --> 00:05:05,540
Ajta ayan tihuaꞌutaꞌixaa tɨcɨn: ―Aijna tɨ urajmuaa i vaasu tzajtaꞌa, ai pu aɨn pueen i nyaxuureꞌe ɨ nyaj airaxɨreꞌesin nyej ni huaꞌutavaɨreꞌen muiꞌicaca jemi, ajta tɨ ij Dioj raꞌantipuaꞌajteꞌen ɨ tɨ jajcuacan cɨn tyaꞌataujratziiriꞌi rusaɨj aɨme jemi tɨ aɨn tihuaꞌutauuniꞌi.

14
00:05:05,540 --> 00:05:33,500
’Ayaa nu tyajaꞌamueꞌixaateꞌe. Ayaj xaa nyaꞌu tiꞌayajna. Ijii, canu cheꞌe raꞌantiꞌisin aijna i uuva aꞌaraꞌa. Ma ajta, ajna xɨcajraꞌa jetze tɨꞌɨj Dioj avaꞌuraꞌatyaꞌa nainjapua ɨ chaanaca, ajna xɨcajraꞌa jetze nu xaa raꞌantiꞌisin jajcuacan cɨmeꞌe, ɨ aꞌaraꞌaraꞌan ɨ uuva. ―Ayaa pu tihuaꞌutaꞌixaa.

15
00:05:33,500 --> 00:05:46,920
Matɨꞌɨj mi seij tyuꞌutachuiicacaꞌa chuiicari maj cɨn rɨꞌɨ tiraataꞌan ɨ Dioj. Matɨꞌɨj mi aꞌucɨj. Aj mu maun aꞌaráꞌa Aceituunajremi, jɨri tɨ aꞌutacáꞌa.