1
00:00:05,000 --> 00:00:25,560
Matɨꞌɨj mi aꞌucɨj. Aa mu aꞌaráꞌa huastari, cɨye tɨ eꞌereꞌevee tɨ ayan tyajaꞌarajtyahuaa tɨcɨn Getsemaní. Aj pu i Jesús ayan tihuaꞌutaꞌixaa tɨcɨn: ―Xaꞌujraꞌasi muan iiyacui, meenti nyaa, nyaraatyáhuauusin ɨ Dioj jemi.

2
00:00:25,560 --> 00:00:42,440
Tɨꞌɨj i a aurupi. Aɨme pu aꞌuvíꞌitɨ aɨjna ɨ Pedro, ajta ɨ Jacobo, ajta aɨjna ɨ Juan. Tɨꞌɨqui aꞌij puaꞌa ruꞌuhuataꞌa ɨ tzajtaꞌan. Eecan pu uhuatyauxaamɨste ɨ tzajtaꞌan.

3
00:00:42,440 --> 00:00:58,100
Aj pu i ayan tihuaꞌutaꞌixaa tɨcɨn: ―Aꞌij pu puaꞌa nyaꞌase, huapɨꞌɨ, xuee nyaj cu mɨꞌɨni. Yaa xu huatyaturan muan iiya. Saucheꞌe atanyéjnyeꞌeri. ―Ayaa puꞌu tihuaꞌutaꞌixaa.

4
00:00:58,100 --> 00:01:16,100
Tɨꞌɨqui aꞌirájraa aꞌatzu ayée. Aj pu i aꞌaraujtutzi a chuaataꞌa. Rajhuaviiriꞌi ɨ Dioj tɨ puaꞌa nuꞌu iꞌirɨꞌɨriistan tɨ cai ayan tyajaꞌureꞌenyen ajna xɨcajraꞌa tɨ nuꞌu jetzen tirajpueiitzi aꞌaraꞌani.

5
00:01:16,100 --> 00:01:48,160
Ayaa pu aɨn tirajhuaviiriꞌi tɨcɨn: ―Dioj, ɨ pej niyaꞌupua pueen, naijmiꞌi pu íꞌirɨni mueetzi jemi. Tɨ puaꞌa petiꞌitaꞌacareꞌen tɨ cai naacɨꞌɨti aijna tɨ aꞌij puaꞌa een nyaj cɨn rajpueiitzi naꞌame. Aru tɨ puaꞌa iꞌirɨꞌɨriistan, cheꞌe cai ayen tyajaꞌuréꞌeninyeicaꞌan nyatɨj tiꞌijxeꞌeveꞌe inyaa, silu patɨj muaa tiꞌijxeꞌeveꞌe.

6
00:01:48,160 --> 00:02:11,560
Aj pu ijtaꞌi u yaꞌuveꞌeme. Aa pu aꞌaráꞌa aꞌu maj aꞌutyáuucaꞌa ɨ maj jamuan áꞌujhuaꞌanyaꞌa. Muꞌuri iꞌicuꞌutzucaꞌa. Aj pu i huaꞌujɨste aɨme. Aj puꞌi ayan tiraataꞌixaa ɨ Pedro tɨcɨn: ―Simón, ¿ni pacai teꞌeviicueꞌi paj atányeeri aꞌachu caj sei hora?

7
00:02:11,560 --> 00:02:38,320
Saucheꞌe atanyéjnyeꞌeri. Sajta raatyajhuauni ɨ Dioj jemi tɨ ij cai tyajamuaacɨꞌɨti tiꞌitɨ ɨ saj cɨn autyaturan ɨ Dioj jemi. Ayaa nu tyajaꞌamueꞌixaateꞌe. Rɨꞌɨ xu títyaꞌuhuatyáujcaꞌanen ɨ rutzajtaꞌa. Ma ajta cai, capu aꞌamuacaꞌanistiꞌi saj atanyéjnyeꞌeri. Ayaa pu tihuaꞌutaꞌixaa.

8
00:02:38,320 --> 00:02:46,420
Ajtahuaꞌa pu áꞌumej. Ayaa pu cheꞌeta naꞌa tirajhuaviiriꞌi ɨ Dioj tɨ cai rajpueitzi aꞌaraꞌani.

9
00:02:46,420 --> 00:03:01,580
Tɨꞌɨqui u aꞌuveꞌeme. Ajtahuaꞌa pu huáꞌutyauu macuꞌutzúcaꞌa aꞌini cutzi pu huaꞌamueꞌitɨjcɨcaꞌa eihua. Aj pu i Jesús huaꞌutajee. Capu aꞌij huaꞌamityejtyaꞌacaꞌa aꞌij mej yeꞌi tiraataꞌixaateꞌen.

10
00:03:01,580 --> 00:03:30,940
Hueicacajretze, ajtahuaꞌa pu áꞌumej. Ajta mu pu aꞌureꞌeve tɨ puaꞌa meriꞌijtahuaꞌa iꞌicuꞌutzu. Aj pu i ayan tihuaꞌutaꞌixaa tɨcɨn: ―¿Ni sauj iꞌicuꞌutzu? ¿Ni saujsaꞌupeꞌe? Puꞌuri aucheꞌe. Puꞌuri ajna tyajaꞌureꞌenye mej meri nyacɨmeꞌen tyuꞌutatuiireꞌesin, i nyej nyajta ɨ tyaataꞌa jetze airaanye, aɨme jemi ɨ mej aꞌij puaꞌa tiꞌityetyaɨte.

11
00:03:30,940 --> 00:03:42,000
Xaꞌajhuiixɨꞌɨ. Cheꞌere ticu. Puꞌuri aꞌaveꞌeme aɨjna tɨ tyuꞌutatuireꞌesin inyeetzi cɨmeꞌen aɨmej jemi ɨ mej tiꞌijta.

12
00:03:42,000 --> 00:04:11,080
Aucheꞌe pu tiꞌixáataca aɨjna ɨ Jesús, tɨꞌɨj saɨj eꞌireꞌenye tɨ aɨme jetze ajtyamaꞌacan ɨ maj tamuaamuataꞌa japuan huaꞌapua araꞌase. Judás pu antyahuaa. Eihua mu tyaɨte aꞌavaꞌajuꞌucaa jamuan aɨjna ɨ Judás. Huaꞌanyuucajtzeꞌe mu cɨn huajuꞌuncaa maɨjna ɨ mej tiꞌijta teyujtaꞌa, majta maɨjna ɨ mej teꞌeyuꞌuxaca, majta maɨjna ɨ vaujsi.

13
00:04:11,080 --> 00:04:45,420
Aɨjna ɨ Judás, tɨ huaꞌutatuiireꞌesin ɨ Jesús, aɨ pu tyaꞌataujratziiriꞌi aɨjna cɨmeꞌe tɨ ayan huarɨni mej mi raamuaꞌaree aꞌatɨ tɨ pɨrɨcɨ aɨjna ɨ Jesús. Ayan tɨcɨn: ―Aɨjna ɨ nyaj ruꞌityevisiitɨmuaꞌasin, ajta ɨ nyaj raatataujteꞌesin, ai pu aɨn pɨrɨcɨ. Sataꞌaj raatyeeviꞌi, sajta raꞌanján, anajɨ́ꞌɨquiꞌihuacan tyamuaꞌa naa. ―Ayaa pu tihuaꞌutaꞌixaa aɨjna ɨ Judás.

14
00:04:45,420 --> 00:05:06,960
Cɨmeꞌen puꞌu aꞌaráꞌa, aj pu i ajtyáxɨɨracaꞌa aꞌu tɨ aꞌutyavaacaꞌa aɨjna ɨ Jesús. Tɨꞌɨj i ayan tiraataꞌixaa tɨcɨn: ―Maeestru. Aɨ pu ayan huataujseijratacaꞌa tɨj amiincuraꞌan pueen aɨjna ɨ Jesús. Ayan tɨcɨn: ―Maeestru. Ajta ruꞌityévisiitɨmua.

15
00:05:06,960 --> 00:05:11,120
Majta maɨn ɨ tyaɨte, aɨ mu raatyeeviꞌi.

16
00:05:11,120 --> 00:05:29,040
Saɨj pu ajta ajna huatyavaacaꞌa. Aɨ pu ruchuun huijcupi. Aj pu i raꞌajtaveijchacaꞌa ɨ naxairaꞌan jetze ɨ tɨ ravaɨreꞌe aɨjna tɨ tihueꞌijteꞌe ɨ mej tiꞌimɨjhuaca teyujtaꞌa. Aɨ pu tiraapueij.

17
00:05:29,040 --> 00:05:46,740
Tɨꞌɨqui Jesús ayan tihuaꞌutaihuaꞌuriꞌi aɨmej ɨ tyaɨte tɨcɨn: ―¿Aꞌini een cɨn ya savaꞌajuꞌun? ¿Aꞌini sej si cɨye tiꞌivaɨꞌɨsin, sajta tyapuustiꞌi chuumiraꞌa? ¿Ni qui nahuaꞌari nyaj pueen sej si seyan tinaatevíꞌira?

18
00:05:46,740 --> 00:06:07,060
Nain tujcaꞌari tzajtaꞌa nu tyajáꞌamuamuaꞌatyahuaꞌa nyaꞌayeꞌi aujna teyujtaꞌa. Caxu aꞌanaj naatyeeviꞌi aujna, aꞌini ayaa xu nyaruuren tɨ ij aráurasten aꞌij tɨ yeꞌi teꞌeyuꞌusiꞌi ɨ yuꞌuxari jetze. ―Ayaa pu tihuaꞌutaꞌixaa aɨjna ɨ Jesús.

19
00:06:07,060 --> 00:06:11,580
Majta maɨn ɨ maj jamuan áꞌujhuaꞌanyaꞌa, aɨ mu huatauruu. Aa mu yáurai naimiꞌi.

20
00:06:11,580 --> 00:06:27,980
Ajta saɨj pu raavájrajmaꞌa cujtaꞌan ɨ Jesús. Tyamueij pu pueen tɨ saavana cɨn aꞌireꞌechajcaꞌa tɨ jetzen aꞌiraꞌacaitɨ cúꞌucutzu. Seica ɨ tyaɨte mu raatyeeviꞌi aɨjna ɨ tyamueij.

21
00:06:27,980 --> 00:06:40,380
Ajta aɨn, aɨ pu aꞌiraujchua. A yaúhuaꞌaxɨ aɨjna ɨ rucɨɨxu. Aj pu i mu eꞌij huarupi. Aꞌutaichajraa muaꞌaviꞌi.

22
00:06:40,380 --> 00:07:01,200
Matɨꞌɨj mi yaꞌuviꞌitɨ aɨjna ɨ Jesús aɨjna jemi ɨ tɨ tihueꞌijteꞌe naijmiꞌica ɨ mej tiꞌimɨjhuaca u teyujtaꞌa. Naijmiꞌi mu tyujsaɨj, ɨ mej tiꞌimɨjhuaca u teyujtaꞌa, majta ɨ mej teꞌeyuꞌuxaca, majta ɨ huaꞌavaujsimuaꞌa.

23
00:07:01,200 --> 00:07:31,320
Ajta aɨn ɨ Pedro, a pu aumaꞌacaa aꞌatzu ɨmɨ huaꞌacujtaꞌan aɨme ɨ maj yaꞌuviꞌitɨ ɨ Jesús. Aa pu aꞌaráꞌa aꞌu tɨ eꞌeche aɨjna tɨ tihueꞌijteꞌe ɨ mej tiꞌimɨjhuaca teyujtaꞌa. Au pu utyajrupi eꞌitaꞌa tɨ aꞌaráyaujtaꞌa. Aj pu i aꞌujyeijxɨ huaꞌa jamuan ɨ xantaaruꞌu. A pu aꞌutacái aꞌaraa. Rucɨxáityaꞌacaꞌa ɨ taij jetze.

24
00:07:31,320 --> 00:07:55,640
Majta maɨn ɨ mej tihueꞌijteꞌe ɨ mej tiꞌimɨjhuaca teyujtaꞌa, majta huaꞌajueesi, aɨ mu tiꞌihuaꞌucaꞌa mej mi raatyauni tiꞌitɨj ɨ maj cɨn jetzen tyaꞌujpuáꞌajteꞌen, tiꞌitɨj ɨ maj cɨn raajeꞌica aɨjna ɨ Jesús. Camu tiꞌitɨj huátyau.

25
00:07:55,640 --> 00:08:08,080
Ai muꞌu huátyau: Maj eihua raahuéꞌitacaꞌa ɨ tyaɨte. Ma ajta, camu ramuaꞌareeracaꞌa ɨ seica, majta ɨ seica, tiꞌitɨj ɨ́ maj xajtacaꞌa.

26
00:08:08,080 --> 00:08:16,660
Seica mu huatyahuiixɨ. Hueꞌitzi mu cɨn tyuꞌutaxajtacaꞌa aɨjna jetze ɨ Jesús. Meyan tɨcɨn:

27
00:08:16,660 --> 00:08:43,480
―Ayaa tu tiraanamuajriꞌi tɨ ayan tiꞌixa tɨ cɨmeꞌen yee: “Nyaa nu raatyáuuna eijna i teyuu tetyaca maj ráꞌajtaahuacaꞌa. Hueica xɨcaj tzajtaꞌa nu seij ajtaahua teyuu maj nuꞌu cai raꞌajtaahua ɨ tetyaca.” Ayaa pu yeehui tyuꞌutaxajtacaꞌa amɨjna mɨ Jesús. ―Ayaa mu tíꞌixajtacaa maɨjna.

28
00:08:43,480 --> 00:08:50,620
Ma ajta maɨn, camu ramuaꞌareeracaꞌa ɨ seica, majta ɨ seica, tiꞌitɨj ɨ maj xajtacaꞌa.

29
00:08:50,620 --> 00:09:18,760
Aj pu i saɨj ajchá huaꞌa tzajtaꞌa. Ai pu aɨn pueen ɨ tɨ tihueꞌijteꞌe naijmiꞌica ɨ mej tiꞌimɨjhuaca teyujtaꞌa. Aj pu i aɨn ayan tiraataihuaꞌuriꞌi aɨjna ɨ Jesús tɨcɨn: ―¿Ni pacai huatanyuusin aɨjna cɨmeꞌen ɨ mej mueetzi jetze tiꞌipuaꞌajteꞌe? ¿Tiꞌitajni cɨn paꞌutyajturaa ɨ Dioj jemi maj mi meyan tiꞌimuahueꞌita?

30
00:09:18,760 --> 00:09:47,120
Ajta aɨn Jesús, capu tiꞌitɨ huataxajtacaꞌa. Aꞌatee aꞌatzu tɨ ayan cai teꞌeveꞌenyuucaꞌa. Aj pu ijta aɨn tɨ tihueꞌijteꞌe ɨ mej tiꞌimɨjhuaca teyujtaꞌa, ajtahuaꞌa pu ayan tiraataihuaꞌuriꞌi tɨcɨn: ―¿Ni muaa paɨn pueen ɨ Cɨriistuꞌu, ɨ tɨ yaujraꞌan pueen ɨ tyej rɨꞌɨ tiraataꞌan ityan? ―Yaa pu tiraataihuaꞌuriꞌi.

31
00:09:47,120 --> 00:10:09,880
Aj pu i Jesús ayan tiraataꞌixaa tɨcɨn: ―Nyaa nu nyaɨn pueen. Ajta xu nyeseij i nye nyajta jetzen airaanye ɨ tyaataꞌa. An nu aꞌacacai naꞌame ɨrɨɨtaꞌan ɨ tɨ nain cɨn antyujmuaꞌaree. Sajta muan xu nyeseijran nyatɨꞌɨj eꞌicaameꞌen jaitɨri tzajtaꞌa. ―Ayaa pu tyuꞌutaxajtacaꞌa.

32
00:10:09,880 --> 00:10:36,480
Tɨꞌɨqui aɨn tɨ tihueꞌijteꞌe ɨ maj tiꞌimɨjhuaca teyujtaꞌa, aɨ pu raꞌantisujtzaꞌan ɨ rusiicuꞌu mej mi raamuaꞌaree tɨcɨn aɨ pu huatanyuꞌucacaꞌa. Aj pu i ayan tihuaꞌutaꞌixaa tɨcɨn: ―Maꞌacui xaa nyaꞌu. ¿Ni cai nyaꞌu icu? Capu cheꞌe ruxeꞌeveꞌe tɨ aꞌatɨ cɨmeꞌen tyáꞌanxajta.

33
00:10:36,480 --> 00:10:57,800
Muan xu seri raanamuajriꞌi tɨ aꞌij puaꞌa tyuꞌuxajtacaꞌa ɨ Dioj jemi. ¿Aꞌini tyajamuaꞌamitejteꞌe muejmi? ¿Tiꞌitajni ayan tiraavijteꞌe? ―Ayaa pu tihuaꞌutaꞌixaa. Aj mu mi naijmiꞌi tyuꞌutaꞌa tɨ huamɨꞌɨni aɨjna ɨ Jesús.

34
00:10:57,800 --> 00:11:20,720
Matɨꞌɨj mi seica autyajhuii maj raꞌatyetziꞌitzicaꞌimuaꞌaxɨꞌɨn, majta raꞌutanáa. Majta ruꞌityaváꞌaraꞌa rumuajcaꞌa cɨmeꞌe. Meyan tɨcɨn: ―Huataxaj, ¿aꞌataani muꞌitejvee? ―Yaa mu tiraataꞌixaa. Majta maɨn ɨ xantaaruꞌu, aɨ mu majta ruꞌityáavajxɨ.

35
00:11:20,720 --> 00:11:39,640
Ajta aɨn Pedro, aɨ pu unuꞌuhuatyavaacaꞌa aujna eꞌitaꞌa tɨ aꞌaráyaujtaꞌa u chiꞌita. Aj pu i saɨj utyajrupi tɨ ravaɨreꞌe ɨ tɨ tihueꞌijteꞌe mej tiꞌimɨjhuaca u teyujtaꞌa. Jɨitaꞌa pu pɨrɨcɨ aɨjna.

36
00:11:39,640 --> 00:12:07,060
Aɨ pu utyajrupi aꞌu tɨ anuꞌujcatii aɨjna ɨ Pedro aꞌu tɨ áꞌujcɨxaityaꞌacaꞌa taij cɨmeꞌe. Tɨꞌɨj aɨn raaseij, aa puꞌu aꞌuteechaxɨ rajseíraꞌajraa. Aj pu i ayan tiraataꞌixaa tɨcɨn: ―Pajta paj muaa áꞌuchaꞌacanyaꞌa jamuan Jesús tɨ Nazaret eꞌemaꞌacan. ―Ayaa pu tyuꞌutaxajtacaꞌa aɨjna ɨ jɨitaꞌa.

37
00:12:07,060 --> 00:12:25,900
Aj pu i saɨque tiraataxajtacaꞌa aɨjna ɨ Pedro tɨcɨn: ―Canu ramuaꞌate. Canu nyajta ramuaꞌaree aꞌij pej yeꞌi tiꞌinyeꞌixaateꞌe muaa. Aj pu i aɨn huirajraa. Aa pu aꞌiteechaxɨ a tɨ aꞌapueerta. Aj pu i tyacuaaraꞌi huajijhuacaꞌa.

38
00:12:25,900 --> 00:12:42,460
Tɨꞌɨj i ajtahuaꞌa aɨn jɨitaꞌa raaseij. Aj pu i ayan tihuéꞌitixaa aɨmej ɨ maj eꞌereꞌetyaꞌacaa aujna. Ayan tɨcɨn: ―Amɨjna mɨ aꞌatɨ, ai pu saɨj pueen tɨ huaꞌa jetze ajtyamaꞌacan ɨ maj jamuan aꞌuhuaꞌanyaꞌa.

39
00:12:42,460 --> 00:13:05,940
Ajtahuaꞌa saɨque tiraataꞌixaa aɨjna ɨ Pedro. Aꞌatzu aꞌateeviꞌica matɨꞌɨj eꞌereꞌetyaꞌacaa, majtahuaꞌa meyan tiraataꞌixaa tɨcɨn: ―Ayej xaa nyaꞌu tiꞌayajna, muaa pa aɨn pueen ɨ Galileeya paj eꞌemaꞌacan. Ayaa pej tiꞌixaxaꞌa matɨj aɨme ɨ maj aun aꞌuchaatɨme. ―Yaa mu tiraataꞌixaa.

40
00:13:05,940 --> 00:13:28,980
Aj pu i Pedro autyejche tɨ nyuucajtzeꞌen ayan tihueꞌixaateꞌen ɨ Dioj tɨcɨn capu ramuaꞌate. Ajta, tɨ puaꞌa nuꞌu cai ayan tiꞌayajnacaꞌa, cheꞌe nuꞌu Dioj raataꞌan ɨ pueijtzi. Ayaa pu tihuaꞌutaꞌixaa tɨcɨn: ―Canu aꞌatzu ramuaꞌate aɨjna ɨ aꞌatɨ saj raxa. ―Ayaa pu tihuaꞌutaꞌixaa.

41
00:13:28,980 --> 00:13:59,100
Cɨmeꞌen puꞌu ayan tyuꞌutaxajtacaꞌa, aj pu i huaꞌapuacajretze huajijhuacaꞌa ɨ tyacuaaraꞌi. Tɨꞌɨqui Pedro raꞌutamuaꞌareeriꞌi aꞌij tɨ tiraataꞌixaa aɨjna ɨ Jesús tɨcɨn: “Tɨ cai xɨ huaꞌapuacajretze huajijhua ɨ tyacuaaraꞌi, muaa pa hueicacajretze peyan tiraataxaj yee capaj nyamuaꞌate.” Ayaa pu tiraataꞌixaatyaꞌacaꞌa aɨjna. Aj pu i aꞌij puaꞌa raataꞌa, tyujyeinyajraa huapɨꞌɨ aɨjna ɨ Pedro.