1
00:00:05,000 --> 00:00:22,480
Aj pu i huaꞌutaij aɨme ɨ maj jamuan áꞌujhuaꞌanyaꞌa maj nuꞌu atyacɨɨnye ɨ baarcu jetze mej mi antacɨɨnye atan pujmeꞌen, mej mi maɨn anacai maun aꞌaraꞌasti. Ajta aɨn ɨ Jesús, au pu aꞌutyajturaa tɨ ij huaꞌureꞌitixɨꞌɨn ɨ tyaɨte.

2
00:00:22,480 --> 00:00:34,020
Tɨꞌɨj huaꞌureꞌitixɨ, au pu aꞌutyájraa ɨ jɨri jetze rusaɨj tɨ ij raatyajhuauni ɨ Dioj jemi. Tɨꞌɨj huatyatɨcaꞌaracaꞌa, au pu aꞌutyavaacaꞌa rusaɨj.

3
00:00:34,020 --> 00:00:51,100
Ajta aɨjna ɨ baarcu, puꞌuri aꞌɨmɨ aumaꞌacaa eꞌitaꞌa ɨ jaj japua. Aj pu i huataꞌaacaracaꞌa caꞌanin cɨmeꞌe. Tyamuaꞌa pu teꞌetyaxɨjrihuaꞌa ɨ jaj ɨ baarcu jetze aɨjna ɨ aaca cɨmeꞌe tɨ auj ruurájvaacaꞌa.

4
00:00:51,100 --> 00:00:59,520
Araꞌapuaꞌa tɨꞌɨj tapuaꞌarijmaꞌaca, Jesús pu aveꞌereꞌenye ajna vejliꞌi huaꞌa jemi. Jaj japua pu huamaꞌacaa.

5
00:00:59,520 --> 00:01:14,200
Majta maɨn ɨ maj jamuan áꞌujhuaꞌanyaꞌa, matɨꞌɨj raaseij, eecan mu tyuꞌutatzɨn. Tyamuaꞌa mu titeejíjhuacaꞌa maɨjna cɨmeꞌe mej tyuꞌutatzɨn. Ayaa mu tyuꞌutaxajtacaꞌa tɨcɨn: ―Nyájcan pu pueen amɨjna.

6
00:01:14,200 --> 00:01:26,480
Ajta eꞌeyan, Jesús ayan tihuaꞌutaꞌixaa tɨcɨn: ―Xuꞌuhuataujcaꞌanyechi mɨ rutzajtaꞌa. Nyaa nu nyaɨn pɨrɨcɨ ɨ Jesús. Caxu tiꞌitzɨɨnyaꞌa.

7
00:01:26,480 --> 00:01:42,320
Ajta aɨjna ɨ Pedro, aɨ pu ayan tiraatajee tɨcɨn: ―Tavastaraꞌa, tɨ puaꞌa muaa paɨn pueen, naataijteꞌe nyaj nyamaana ureꞌenyen mueetzi jemi aɨjna ɨ jaj japua.

8
00:01:42,320 --> 00:01:56,120
Aj pu i Jesús ayan tiraataꞌixaa tɨcɨn: ―Mu paꞌuvéꞌemeꞌen. Aj pu i aiitaraa ɨ baarcu jetze. Tɨꞌɨqui rajraa ɨ jaj japua. Aa pu vejliꞌi aumaꞌacaa aꞌu tɨ aꞌij eꞌenyaꞌa ɨ Jesús.

9
00:01:56,120 --> 00:02:11,960
Tɨꞌɨj raamuaꞌareeriꞌi tɨ caꞌanin cɨn huataꞌaacaracaꞌa, aɨ pu tyuꞌutatzɨn. Aj pu autyejche tɨ aꞌucarute ɨ jaj tzajtaꞌa. Aj pu i ayan huajijhuacaꞌa tɨcɨn: ―Tavastaraꞌa, nya japua huanyuuchi.

10
00:02:11,960 --> 00:02:26,520
Cɨmeꞌen pu ayan tyuꞌujijhuacaꞌa, aj pu i Jesús ajmuajcaꞌatacaꞌa. Raviꞌi aɨjna ɨ Pedro. Aj pu i ayan tiraataꞌixaa tɨcɨn: ―Capaj aꞌatzu tyaꞌatzaahuateꞌe muaa. ¿Aꞌini een cɨn pacai naꞌatzaahuateꞌe?

11
00:02:26,520 --> 00:02:32,340
Matɨꞌɨj atyaacɨ ɨ baarcu jetze, aj pu i huatyapuaꞌaracaꞌa aɨjna ɨ aaca.

12
00:02:32,340 --> 00:02:46,040
Matɨꞌɨj mi maɨn ɨ maj araati ɨ baarcu jetze, aɨ mu titunutaxɨ ɨ Jesús jemi. Aj mu meyan rɨꞌɨ tiraatajee tɨcɨn: ―Muaa paj tzɨteꞌe paɨn pueen i yaujraꞌan ɨ Dioj.

13
00:02:46,040 --> 00:02:54,960
Matɨꞌɨj antacɨj, aj mu mi aiitacɨj ɨ baarcu jetze ajnaꞌa aꞌahuaꞌa, chajtaꞌa tɨ ayan tyajaꞌarajtyahuaa tɨcɨn Genesaret.

14
00:02:54,960 --> 00:03:09,880
Majta maɨn ɨ tyaɨte, matɨꞌɨj raamuáꞌa maɨjna ɨ Jesús, aj mu mi tihuaꞌaráꞌitiꞌiraxɨ nainjapua ɨ mej aꞌɨmɨ antacháatɨmaꞌacaa. Aj mu huaꞌaraaviꞌitɨ naijmiꞌica ɨ mej tiꞌicucuiꞌi ɨ Jesús jemi.

15
00:03:09,880 --> 00:03:24,140
Eihua mu rájhuaviiriꞌi tɨ huaꞌutaꞌan mej mi raꞌajtamuareꞌen ajna cɨɨxuraꞌaraꞌan jetze tɨj naꞌa tɨ uvijpiꞌi. Majta maɨn ɨ mej meyan raꞌajtamuárej, naijmiꞌi mu huaruj.