\id PHM
\h Filemón
\toc1 Filemón
\mt1 Aꞌij tɨ raꞌuyuꞌuxacaꞌa ɨ San Pablo aɨjna jemi ɨ Filemón
\c 1
\s Pablo pu tiraꞌayuꞌuseꞌe ɨ Filemón
\p
\v 1-2 Inyaa, i nyaj iꞌi Pablo, ayaa nu een cɨn aityanamiꞌi aɨjna cɨmeꞌe nyaj raꞌastijreꞌe ɨ Cɨriistuꞌu tɨ ajta Jesús pueen. Jamuan ɨ nyeꞌihuaaraꞌa aɨjna ɨ Timuteeyu, ayaa tu tyajaꞌamuayuꞌuseꞌe mɨ pej iꞌi Filemón, mɨ pej tajamuan tiꞌimɨjhuaca, mɨ tyej muaxeꞌeveꞌe eihua, ajta aɨjna tɨ iꞌi Apia, aɨjna ɨ jɨitaꞌa tɨ tajuu pueen tɨ ajta tyaꞌatzaahuateꞌe, ajta mɨ Arquipo, ɨ tɨ ayan cheꞌeta naꞌa teꞌeviicueꞌi tyatɨj ityan. Tyan tu tihuaꞌayuꞌuseꞌe naijmiꞌica ɨ mej aun eꞌetyujsaꞌɨri aꞌu pe eꞌeche.
\v 3 Ajta aɨn Dioj ɨ tyaj rajyaꞌupua, ajta aɨn tavastaraꞌa, aɨjna ɨ Jesús tɨ ajta iꞌi Cɨriistuꞌu, micheꞌe rɨꞌɨ tyajamuaachaɨn, micheꞌe majta amuatyapuaꞌariteꞌen ɨ aꞌamua tzajtaꞌa.
\s Filemón huaꞌaxeꞌeveꞌe ɨ tyaɨtyestyamuaꞌameꞌen ɨ Dioj, ajta raꞌastijreꞌe ɨ tavastaraꞌa
\p
\v 4 Tɨj naꞌa nyaj amuaꞌutámuaꞌaree, ayaa nu rɨꞌɨ tirataꞌaca naꞌayeꞌi ɨ Dioj nyatɨj nyanaꞌa tiꞌijhuavii.
\v 5 Ayaa nu een cɨn tíꞌijtaujtziꞌireꞌe naꞌayeꞌi nyaɨjna cɨmeꞌe nyej neyan tiꞌinamua pej eihua huapɨꞌɨ raꞌastijreꞌe ɨ tavastaraꞌa, aɨjna ɨ Jesús. Pajta nuꞌu eihua huapɨꞌɨ huaꞌaxeꞌeveꞌe aɨme ɨ mej tyaɨtestyamuaꞌameꞌen pueen ɨ Dioj.
\v 6 Ayaa nu tiꞌijhuavii ɨ Dioj jemi pej pi peyan huataꞌaseijrata huataujnyáatacan cɨmeꞌe paj nain cɨn raꞌastijreꞌe ɨ tavastaraꞌa mej mi ɨ seica raamuaꞌaree tzaahuatiꞌiraꞌa cɨmeꞌe aꞌij tɨ een tɨj naꞌa puaꞌamua titáacɨꞌɨti aɨjna cɨmeꞌe tyej raꞌatzaahuateꞌe ɨ Cɨriistuꞌu.
\v 7 Eecan nu nyetyamuaꞌaveꞌe mueetzi jemi. Ee xaa nyaꞌu, rɨꞌɨ paj naataꞌa aɨjna cɨmeꞌe paj caꞌanijraꞌa huaꞌutaꞌa aɨme ɨ mej tyaɨtestyamuaꞌameꞌen pueen ɨ Dioj.
\s Pablo pu Onésimo japuan huanyuusin
\p
\v 8 Nyaa nu xaa nyaɨjna cɨn antinmuaꞌaree nyej tiꞌitɨj cɨn timuaataijteꞌen aꞌij pej tiꞌitɨ huáruuren aɨjna cɨmeꞌe tɨ Cɨriistuꞌu naꞌantihuau.
\v 9 Me nyajta cai, canu neyan rɨni nyaj timuaataijteꞌen caꞌanyejri cɨmeꞌe. Aɨ puꞌu naꞌaraanajchi nyej neyan timuaatahuavii aꞌini eihua nu muaxeꞌeveꞌe inyaa, i nyaj neri vastacɨraꞌi pueen, nyajta neri aꞌityanamiꞌi nyaɨjna cɨmeꞌe nyej raꞌastijreꞌe ɨ Cɨriistuꞌu tɨ ajta iꞌi Jesús.
\v 10 Ayaa nu tiꞌimuahuavii nyaɨjna cɨmeꞌe ɨ niyauj aɨjna ɨ Onésimo, tɨ ari ajta tyaꞌatzaahuateꞌe aɨjna cɨmeꞌe nyaj neyan raateyaꞌupuatacaꞌa ayujna aꞌu nyaj aꞌityanamiꞌi.
\p
\v 11 Jajcua ɨmɨ, capu tiꞌitɨ timuaatyavaɨ. Ma ajta aɨn, puꞌuri tinaatyavaꞌɨri inyeetzi, ajta pu mueetzi tiꞌityavaꞌɨri.
\v 12 Nuꞌuri ni raataiti mueetzi jemi nyaɨjna ɨ nyaj eihua huapɨꞌɨ raxeꞌeveꞌe.
\v 13 Ayaa nu tiꞌijxeꞌevaꞌacaa tɨ ye huatyaturancheꞌe nyaa jamuan tɨ ij naatavaɨreꞌencheꞌe mueetzi jetze maꞌacan nyej nyau ye aꞌityanamiꞌi nyaɨjna cɨmeꞌe nyaj tihueꞌixaateꞌe ɨ tyaɨte Cɨriistuꞌu jetze maꞌacan.
\p
\v 14 Me nyajta inyaa, canu tiꞌijxeꞌevaꞌacaa paj cai naataꞌacareꞌen nyej neyan Onésimo japuan huanyuuni. Tɨ puaꞌa peyan tiꞌitɨj cɨn naatyavaɨreꞌencheꞌe, ayaa nu tiꞌijxeꞌevaꞌacaa pej peyan huarɨni axeꞌeviꞌiraꞌa cɨmeꞌe. Canu xaa nyaꞌu tiꞌijxeꞌevaꞌacaa paj caꞌanyejri cɨn peyan huárɨniicheꞌe.
\v 15-16 Tij cai ayan een cɨn aꞌatzu aꞌatee tɨ mu eꞌij huarupi tɨ ij ajtahuaꞌa mueetzi jemi huatyaturan para rusen cɨmeꞌe, tɨ ij aɨn huatyaturan mueetzi jemi tɨj mueꞌihuaaraꞌa pej eihua raxeꞌeveꞌe. Capu cheꞌe caꞌanyejri cɨn muatyavaɨreꞌesin silu aꞌihuaraꞌa pu aꞌame. Eecan pu ruxeꞌeveꞌe inyeetzi jemi aɨjna ɨ aꞌatɨ. Aru eitzeꞌe pu ruxeꞌeveꞌe mueetzi jemi aꞌini tevi pu pueen, ajta aꞌihuaraꞌa pueen ɨ tavastaraꞌa jemi.
\p
\v 17 Aɨj nu cɨn neyan muahuavii tɨ puaꞌa peyan tinaaséijriꞌi nyej a jamuan tiꞌimuareꞌe. Pataꞌaj peyan cheꞌeta panaꞌa raꞌancureꞌeviꞌitɨn paɨjna ɨ Onésimo patɨj tinaꞌancureꞌeviꞌitɨ inyeetzi.
\v 18 Tɨ puaꞌa tiꞌitɨj cɨn aꞌij puaꞌa muaruu naꞌari tɨ puaꞌa tiꞌitɨj cɨn timuaꞌachaɨreꞌe, nyeetzi paj huajijveꞌen.
\v 19 Nyamuajcaꞌa nu cɨn tiꞌimuayuꞌuseꞌe. Inyaa, i inyaj iꞌi Pablo, nyaa nu tiꞌimuanajchiteꞌen.
\p Me nyajta inyaa, canu aꞌatzu nyaɨjna cɨn timuaataꞌixaateꞌesin nyaɨjna cɨmeꞌe ɨ pej tinaꞌachaɨreꞌe paɨjna cɨmeꞌe tɨ timuaacɨꞌɨti paj ruuri puaꞌame para rusen cɨmeꞌe.
\v 20 Ayaa nu tiꞌijxeꞌeveꞌe, nyeꞌihuaaraꞌa pej pi tiꞌitɨj cɨn naatavaɨreꞌen ɨ tavastaraꞌa jemi. Pataꞌaj caꞌanijraꞌa naataꞌan ɨ Cɨriistuꞌu jemi.
\p
\v 21 Ayaa pu tinaꞌamitejteꞌe tɨ ayan tiꞌayajna pej peyan huarɨni aꞌij nyej tiꞌimuahuavii. Aɨj nu cɨn ye tiꞌimuayuꞌuseꞌe. Nuꞌuri ramuaꞌaree pej peyan eitzeꞌe rɨni aꞌij nyaj cai tiꞌimuahuavii.
\v 22 Ajta aɨjna cɨmeꞌe, pataꞌaj peyan huarɨni. Pataꞌaj seij rɨꞌɨ huáruuren ɨ cuaartu nyej ni nyaun huiracatii, aꞌini ayaa nu rachuꞌeveꞌe tɨ Dioj naataꞌacareꞌen nyej nyajtahuaꞌa nyaun aꞌatanyén mueetzi jemi aɨjna cɨmeꞌe pej peyan raatahuaviiriꞌi ɨ Dioj jemi.
\s Seica mu raatataujte, ajta ɨ nyuucari tɨ cɨn raꞌantipuaꞌariteꞌe
\p
\v 23 Aɨ pu ajta ye muataujteꞌe aɨjna ɨ Epafras tɨ nyaj jamuan ye aꞌityanamiꞌi, aɨjna cɨmeꞌe tɨ ajta raꞌastijreꞌe ɨ Cɨriistuꞌu tɨ ajta iꞌi Jesús.
\v 24 Aɨ mu majta ye muataujteꞌe aɨme, aɨjna ɨ Marcos, ajta ɨ Aristarco, ajta Demas, ajta ɨ Lucas. Ai mu aɨn pueen ɨ mej nyaj jamuan tiꞌimuareꞌe.
\p
\v 25 Ajta aɨn tavastaraꞌa, aɨjna ɨ Jesús tɨ ajta iꞌi Cɨriistuꞌu, cheꞌe aɨn ruxéꞌeviꞌiraꞌa cɨn rɨꞌɨ tyajamuaachaɨn. Yaa puꞌu, cheꞌe ayan tyajaꞌureꞌenyen.