\id 2JN    
\h 2 SAN JUAN
\mt Nde mda'a tukwa kityi xuwe nu ngwa'an Xuwa
\c 1 
\s Bra nu chañi cha' su'we 'a nka tiyean  ña'aan 'in ta'a ntean
\p
\v 1 Ti kwi' yu kula Xuwa lkaǎn. Nda'aǎn kityi re cha' 'iin lo'o cha' 'in sñii', ne' kula, cha' tsaa kityi re se'en ndi'in wan ta'a msñian cha' 'in Jesús, cha' wa ngulo suwi Ndiose 'wan cha' ka wan nten 'in Ni. Chañi cha' su'we 'a nka tiyeěn na'aǎn 'wan; ni si'iǐn skaǎn tiǎn, lo'o nten nu ndi'in nchga kichen nu nnan cha' nu ñi 'in Jesús, su'we 'a nka tiye ne' ña'an ne' 'wan.
\v 2 Wa nganun su'we cha' nu ñi kan' ni' kasiya 'ñaan, lo'o ngwaña'an ja tsaa tii 'a cha' nu wa ynaan kan'; kan' cha' su'we 'a nka tiyeěn na'aǎn 'wan.
\v 3 Ndiose nu lka Stian, kwi' ngwaña'an Jesucristo ska ti nu lka Sñi' Ni, taya' Ni 'wan. Lo'o nchka tiǎn' cha' ña'an ti ku'ni Ni ka'an la cha' su'we lo'o wan, cha' ña'an ti chka t'nan ti' Ni 'wan, cha' ña'an ti ku'ni Ni cha' tiin ti tyi'in ni' kasiya 'wan; ngwaña'an nchka tiǎn' cha' ku'ni Ni lo'o wan, chun' cha' su'we 'a nka tiye Ni ña'an Ni 'ñaan, cha' ñi 'a lka cha' nu ndu'u Ni 'ñaan.
\p
\v 4 Su'we 'a ngwa tiyeěn bra nu ynaǎn cha' ña'an ti ndukwa su'we ne' ta'a wan nchga cha' nu ñi nu wa ytsa' Ndiose Stian 'ñaan;
\v 5 kan' cha' nchkwiǐn' lo'oo, ne' kula, lo'o nchga ne' ta'a wan, cha' su'we ti xu'wi tiyean ña'aan 'in ta'a ntean. Si'i ska cha' nu ja ya chkwi' Ni lo'oan lka kan', ska cha' nu wa ynaan bra nu msñian cha' 'in Jesucristo ti kulo lka kan'.
\v 6 Ndi'in cha' tukwaan nchga tñan nu ndlo Ndiose 'ñaan. Bra nu msñi wan cha' 'in Jesucristo ti kulo, wa ynan wan cha' ndi'in cha' su'we ti ka tiye wan lo'o ta'a nten wan. Kan' cha', kwi' ngwaña'an ndi'in cha' ku'nian ni
\s Ne' kwiñi nu nxuun lo'o 'in Krixtu
\p
\v 7 Nsu'wi 'a nten nu nchkwi' cha' cha' kwiñi lka cha' ngwa Jesús nten xa nu yan yu lo chalyuu. Tyukwi ña'aan lo chalyuu nda'an nten nu nchkwi' cha' kwiñi kan'; nñi lyo'o ne' kan' 'in ta'a ntean, kwi' nu nxuun lo'o 'in Krixtu lka ne' kan'.
\v 8 Kan' cha', cha' tiya ti ti' tyi'in wan lo chalyuu, cha' ja kjlyaa ti' wan ngwa ti ña'an nchga cha' nu wa ynan wan bra nu mdi'in ba se'en ndi'in wan. Bra kan' kaja nchga cha' su'we nu nchka ti' Ndiose ta Ni 'wan bra nu tyii chalyuu.
\p
\v 9 Nchga nten nu sten yu'wi lo'o xka cha', ja ka tyi'in cha' 'in ne' kan' lo'o Ndiose siya' ti. Nxke' ti' ne' kan' cha' ti ndi'in ka'an la tñan cha' ku'nian, xa wa ndyaa ña'an tian' 'in Krixtu. ¡Cha' kwiñi lka kan'! Si chañi cha' msñian cha' 'in Krixtu ni' kasiya 'ñaan, bra kan' su'wa ndi'in cha' 'ñaan lo'o Ndiose, ngwaña'an lo'o ykwi' nu lka ska ti Sñi' Ni.
\v 10 Kan' cha' ni, si tiyan nten se'en ndi'in wan nu ja chkwi' ti kwi' cha' 'in Jesús kan' lo'o wan, ja ta wan se'en tyi'in ne' kan', kwi' ja chkwi' wan lo'o ne' kan'.
\v 11 Si nu chkwian' lo'o nten kan', sa ña'an lka si ngwa su'wa cha' 'ñaan lo'o ne' kan', lo'o cha' kuxi nu ngi'ni ne', ngwaña'an ndyo'o cha' kan'.
\s Cha' nu ngwa'an Xuwa xa wa tyii ti kityi
\p
\v 12 Ti ndi'in 'a cha' nu nchka tiǎn' chkwiǐn' lo'o wan, lo'o su'we la ni siya ja lo'o cha' kan' kwa'aǎn lo kityi re. Chun' ndi'in la nchka tiǎn' kaǎn se'en ndi'in wan, lo'o bra kan' ka chkwiǐn' cha' kan' lo'o wan; bra kan' chañi ka cha' su'we ti xu'wi tiyean ña'aan 'in ta'aan.
\p
\v 13 Lo'o ngwaña'an, nchga ne' ta'a ndi'in cha' 'wan lo'o Krixtu nde re, ti kwi' ne' nu wa ngulo suwi Ndiose 'in, lo'o ne' kan' nchka ti' ne' ta ne' kasiya 'wan. Ngwaña'an ka sikwa.