\id 3JN    
\h 3 SAN JUAN
\mt Mda'a snan kityi xuwe nu ngwa'an Xuwa
\c 1 
\s Su'we 'a nchkwi' Xuwa cha' 'in Gayu
\p
\v 1 Ti kwi' yu kula Xuwa lkaǎn. Nda'aǎn kityi re cha' tsaa se'en ndi'iin, Gayu; wa ndyaa ña'an tii' nchga cha' nu ndi'in 'in Jesucristo, kan' cha' su'we 'a nka tiyeěn nchkwiǐn' lo'oo.
\p
\v 2 Su'we 'a nten lka nu'win, Gayu. Nchkwiǐn' lo'o Ndiose cha' 'iin cha' su'we ti ka tyi'in tiyee, cha' ka ngula tii' ni' kasiya 'iin. Wa jlyo tiǎn' cha' su'we 'a msñii cha' 'in Ndiose.
\v 3 Lo'o ni, su'we 'a nka tiyeěn cha' wa ngala chin' ne' ta'a ndi'in cha' 'ñaan lo'o Krixtu nu mdo'o se'en ndi'in wan mdiyan ne' nde re. Ndukwin ne' cha' ña'an ti ndukwaa su'wee nchga cha' nu ñi nu wa ngwa'u Jesús 'ñaan, cha' ngwaña'an ngi'nii nchga tsan.
\v 4 Ska ti cha' mda'an tiyeěn cha' 'iin nu ngwa xkan', si chañi cha' ti ndukwaa cha' nu ñi nu wa ytsa' Jesús 'ñaan, cha' kunee' laa ke na'; lo'o su'we 'a ngwa tiyeěn xa wa ynaǎn cha' ngwaña'an ngi'nii.
\p
\v 5 Nu'win Gayu, nduwe 'a tiǎn' cha' nchga bra su'we 'a ndayaa' 'in ne' ta'aan, ni siya lka ne' nten xka kichen.
\v 6 Wa ykwi' ne' kan' lo'o nchga ne' ta'a ndi'in cha' 'ñaan lo'o Jesús nde kichen re, wa ytsa' ne' 'wa sa ña'an nu su'we nka tiyee ña'aan 'in ne'. Kwi' ngwaña'an ku'nii cha' su'we ti tayaa' la 'in ne' kan' tuwiin se'en tsaa ne'; sa ña'an lka si tayaa' 'in Ndiose, ngwaña'an ku'nii.
\v 7 Tñan 'in Krixtu nda'an ne' kan', kan' cha' mdo'o ne' ndyaa ne' tijyu'. Lo'o ja ska tñi xlyaa ne' xñi ne' 'in xka ta nten nu ja ndyaa ña'an ti' 'in Krixtu siya' ti, cha' kunanjo'o 'in ne' tuwiin;
\v 8 kan' cha' nan ni, ta'a msñian cha' 'in Krixtu, ndi'in cha' tayaan' 'in ne' kan'. Kwi' ngwaña'an ka su'wa cha' 'ñaan lo'o ne' kan' bra nu snean cha' nu ñi nu wa ngwa'u Krixtu 'ñaan nde kichen se'en tijyu' la.
\s Kuxi 'a tñan ngi'ni Diótrefes
\p
\v 9 Ja s'ni lye ngwa'aǎn ska kityi nu ndyaa se'en ndi'in nchga ta ta'a wan nten 'in Jesucristo, 'wan nu ndyo' ti'in wan sa tlyu ti la kwa; lo'o ja xlyaa Diótrefes kunan cha' nu ykwiǐn' lo'o wan, cha' nxke' ti' yu kan' cha' nka yu x'nan wan.
\v 10 Bra nu tiyaǎn se'en ndi'in wan, bra kan' chkwiǐn' lo'o wan cha' 'in nchga tñan nu ngi'ni yu kan', cha' chen 'a ña'an nchkwi' yu cha' 'ware; nchkwi' yu kan' ya ña'an ti cha' kwiñi lo'o nten. Si'i sa kan' ti cha' kuxi ngi'ni yu, lo'o ja xlyaa 'a yu ta yu se'en tyi'in ne' ta'a nda'an ba tñan bra nu ndiya ne' kichen tyi wan; kwi' ngwaña'an, ja nda 'a yu chabiya' 'in ta'a wan cha' ta wan se'en tyi'in ne', ni siya ngwa ti' wan ta wan se'en tyi'in ne' nu ngwa xkan'. Lo'o ngwaña'an, ngwa ti' yu kulo yu 'in ta'a nda'an ba tñan kan', cha' ja tyi'in 'a ne' su'wa lo'o wan.
\p
\v 11 Nu'win Gayu, ja sten yu'wii lo'o cha' kuxi nu nsu'wi lo chalyuu; su'we la si tsaa ña'an tii' cha' nchkwi' nchga nten nu ngi'ni tñan su'we. Nchga nten nu xkwi' nda'an naan sa ña'an cha' su'we nu taya' 'in xka la nten, ndi'in cha' 'in ne' kan' lo'o Ndiose; nchga nten nu xkwi' nda'an naan cha' kuxi nu ku'ni, ja siya' tyi'in cha' 'in ne' kan' lo'o Ndiose.
\s Su'we la ngi'ni Demetrio
\p
\v 12 Su'we 'a nchkwi' nchga nten cha' 'in Demetrio. Lo'o nan, xa nu ña'aan 'in yu, nchka biya' tian' cha' su'we 'a ngi'ni yu lo'o nchga nten. Ngwaña'an bare, nchkwi' ba lo'o wan ni, cha' chañi 'a cha' nu nchkwi' ne' 'in yu cha' su'we 'a tiye yu. Wa jlyo su'we ti' wan cha' nchkwi' ba cha' nu ñi lo'o wan.
\s Cha' nu ngwa'an Xuwa xa wa tyii ti kityi
\p
\v 13 Ti nsu'wi 'a cha' nu nchka tiǎn' chkwiǐn' lo'oo. Su'we la ja kwa'aǎn cha' kan' lo kityi re ni, nxke' tiǎn'.
\v 14 Su'we la si bra ti kaǎn se'en ndi'iin, cha' ykwiǐn' chkwiǐn' lo'oo.
\p
\v 15 Tiin ti tyi'in ni' kasiya 'iin sikwa, cha' Ndiose ndaya' Ni 'iin. Nchga ne' ta'a su'we wan nu ndi'in se'en ndi'in bare, nchka ti' ne' ta ne' kasiya 'iin xa nu nda'aǎn kityi re; ngwaña'an nu'win, chkwii' su'we lo'o nchga ne' ta'a su'we nsu'wi ba nu ndi'in nde kwa.