\id PSA
\h SALMOS
\mt1 SALMOS
\c 1
\ms LIBRO I
\s Jini toj bʌ yic'ot jini xjontolilob
\p
\v 1 Tijicña jini winic mach bʌ anic mi' pi'len ti xʌmbal jontol bʌ winicob cha'an mi' jac'beñob i t'an,
\q Jini mach bʌ anic mi' wa'tʌl ti' bijlel xmulilob,
\q Jini mach bʌ anic mi' buchtʌl yic'ot xwajleyajob.
\q
\v 2 Ili winic mi' taj i tijicñʌyel ti' mandar lac Yum,
\q Mi' chʌn ña'tan chuqui yom lac Yum ti q'uinil yic'ot ti ac'ʌlel.
\q
\v 3 Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel.
\q I yopol jini te' mach yujilic p'ajtel.
\q Pejtel chuqui mi' mel jini winic uts'at mi' yujtel.
\b
\q
\v 4 Mach che'ic jini jontol bʌ winicob.
\q Lajalobʌch bajche' i sujl trigo mu' bʌ i wejlan majlel ic'.
\q
\v 5 Jini cha'an ma'anic mi caj i q'uejlelob ti toj che' ti' yorajlel meloñel.
\q Jini xmulilob ma'anic mi caj i yochelob ya' ba' mi' tempañob i bʌ jini tojo' bʌ.
\q
\v 6 Come lac Yum mi' cʌntan jini tojo' bʌ ti' bijlel.
\q Pero i bijlel jini jontolo' bʌ mi' yʌc'ob ti jilel.
\c 2
\s Yumʌlʌch jini yajcʌbil bʌ ti lac Yum
\p
\v 1 ¿Chucoch mi' cha'leñob mich'ajel winicob x'ixicob?
\q ¿Chucoch to'o lolom jach chuqui mi' ña'tañob ti' pusic'al?
\q
\v 2 Jini reyob ti pañimil mi' chajpañob i bʌ.
\q Jini yumʌlob mi' temob i t'an
\q Cha'an mi' contrajiñob lac Yum,
\q Yic'ot jini Rey Yajcʌbil bʌ i cha'an.
\q
\v 3 Mi' yʌlob: La' lac ts'ocbeñob i lazojlel mu' bʌ i cʌchonla.
\q La' lac junyajlel choc jini lazo tac cha'an mi laj colel ti' p'ʌtʌlel Dios, che'ob.
\b
\q
\v 4 Pero woli ti tse'ñal lac Yum ya' ti panchan.
\q Woli' wajleñob.
\q
\v 5 Mich'icña mi caj i yʌ'leñob.
\q P'ump'un mi caj i bʌc'tesañob cha'an cabʌl i mich'ajel.
\q
\v 6 Lac Yum mi caj i yʌl: Ya' ti Jerusalén, jini ch'ujul bʌ c tejclum,
\q Tsa'ix c wa'choco c Rey, jini yajcʌbil bʌ c cha'an, che'en.
\b
\q
\v 7 Jini Yajcʌbil bʌ woli' sub chuqui subebil ti lac Yum:
\q C Yum tsi' subeyon: “Jatet Calobilet,
\q Sajmʌl tsac techeyet.
\q
\v 8 C'ajtibeñon. Mi caj cʌq'ueñet winicob x'ixicob ch'oyolo' bʌ ti pejtelel pañimil.
\q A cha'añobix mi' majlelob.
\q
\v 9 Mi caj a jisan winicob x'ixicob ti bara melbil bʌ ti tsucul taq'uin.
\q Mi caj a bic'ti top'ob lajal bajche' mi' tojp'el p'ejt melbil bʌ ti lum”.
\q Che' tsi' subeyon c Yum, che'en.
\b
\q
\v 10 Jini cha'an la'ix julic la' pusic'al, reyet bʌ la.
\q Yom mi la' jac' la' cʌntesʌntel jatetla am bʌ la' we'tel ti pañimil.
\q
\v 11 Yom mi la' bʌc'ñan lac Yum che' mi la' ch'ujutesan.
\q Yom tsiltsilñayetla che' mi' ñucan la' pusic'al.
\q
\v 12 Ts'ujts'unla i Yalobil lac Yum ame mich'ac,
\q Ame jiliquetla ti la' bijlel
\q Che' mi' bʌc' mich'an Dios.
\q Tijicñayob pejtel mu' bʌ i sʌclañob i coltʌntel ti lac Yum.
\c 3
\s Oración che' ti sʌc'ajel
\f I Salmo David, che' bʌ tsa' loq'ui ti puts'el ti' tojlel i yalobil i c'aba' Absalón.
\f*
\p
\v 1 C Yum, cabʌl tsa' p'ojli j contrajob.
\q Cabʌlob jini mu' bʌ i wa'chocoñob i bʌ tij contra.
\q
\v 2 Cabʌlob mu' bʌ i lon alob
\q Ma'anic j coltʌntel ti Dios.
\q
\v 3 Pero jatet, c Yum, c mʌctʌjibet,
\q C ñuclelet. Ma' cha' ñuq'uesʌbeñon c pusic'al.
\q
\v 4 Mic pejcan c Yum ti c'am bʌ t'an.
\q Mi' jac'beñon ya' ti ch'ujul bʌ i Templo.
\q
\v 5 Tsa' ñoleyon, tsa' wʌyiyon,
\q Tsa' ch'ojyiyon, come lac Yum mi' cʌntañon.
\q
\v 6 Ma'anic mi caj c bʌc'ñan bajc'ʌl winicob x'ixicob
\q Tsa' bʌ i wa'chocoyob i bʌ tic joytilel cha'an mi' contrajiñoñob.
\b
\q
\v 7 C Yum Dios, yom ma' wa'tʌl a coltañon.
\q Poch'iñob pejtel j contrajob.
\q C'ʌsbeñob i bʌquel i yej jini jontol bʌ winicob.
\q
\v 8 Ch'oyol laj coltʌntel ti lac Yum.
\q La' aq'uenticob i wenlel i cha'año' bʌ.
\c 4
\s Oración che' ti ic'ajel
\p
\v 1 C Dios, tojetʌch. Jac'beñon c t'an che' mic pejcañet.
\q Che' bʌ tsa cubi wocol tsa' ñuq'uesʌbeyon c pusic'al.
\q Pʌsbeñon i yutslel a pusic'al. Ubibeñon coración.
\q
\v 2 Winicob, ¿jayp'ejl to q'uin mi caj la' ts'a'libeñon c ñuclel?
\q ¿Jayp'ejl to q'uin mi caj la' c'uxbin jini dioste' tac?
\q ¿Jayp'ejl to q'uin mi caj la' mulan lot?
\q
\v 3 Ña'tanla, i cha'anobʌch lac Yum jini mu' bʌ i bʌc'ñañob. Lac Yum tsi' yajcayob.
\q Lac Yum mi' yubiñon che' mij c'ajtiben j coltʌntel.
\b
\q
\v 4 Bʌc'ñanla lac Yum. Mach mi la' cha'len mulil.
\q Ña'tanla Dios ti la' pusic'al che' añetla ti la' wʌyib. Ñʌch'ʌl yom la' pusic'al.
\q
\v 5 Aq'uenla tsʌnsʌbil bʌ i majtan che' bajche' yom Dios.
\q Ñopola lac Yum.
\b
\q
\v 6 Cabʌlob mi' yʌlob:
\q ¿Majqui mi caj i pʌsbeñonla chuqui tac wen? che'ob.
\q C Yum, q'ueleyon lojon ti uts'at.
\q
\v 7 Tsa' wʌq'ueyon i tijicñʌyel c pusic'al ñumen bajche' mi' tajob winicob
\q Che' mi' p'ojlel i cuch cholel yic'ot i ya'lel ts'usub.
\b
\q
\v 8 Ti' ñʌch'tʌlel c pusic'al mi caj c ñoltʌl. Mij caj ti wʌyel,
\q Come jatet jach c Yum, ma' cʌntañon cha'an mi cajñel ti xuc'ul.
\c 5
\s Mi' wocol c'ajtin i cʌntʌntel
\p
\v 1 C Yum, ñich'tʌbeñon c t'an.
\q Ubibeñon c t'an cha'an woliyon ti wocol.
\q
\v 2 Awocolic ubibeñon che' mij c'ajtibeñet, c Rey, c Dios,
\q Come wolic pejcañet ti oración.
\q
\v 3 C Yum, che' ti sʌc'ajel mi caj a wubibeñon c t'an.
\q Mi caj c pejcañet ti oración. Mi caj c letsan c wut ba' añet ti panchan.
\b
\q
\v 4 Come Diosetʌch, ma'anic ma' mulan jontolil.
\q Jini jontolil mach mejlic ti ochel ba' añet.
\q
\v 5 Mach pʌybilic ti a tojlel jini mu' bʌ i chañ'esan i bʌ. Ma' ts'a'len xjontolilob.
\q
\v 6 Ma' jisan jini mu' bʌ i cha'leñob lot.
\q C Yum, ts'a' ma' q'uel jini mu' bʌ i cha'len tsʌnsa yic'ot jini mu' bʌ i cha'len lot.
\b
\q
\v 7 Jixcu joñon, mi caj cochel ti a wotot come cabʌl ma' p'untañon.
\q Mic bʌc'ñañet che' mic ch'ujutesañet ti jini ch'ujul bʌ a Templo.
\q
\v 8 C Yum, pʌsbeñon bajche' yom mi cajñel ti' tojlel j contrajob come toj a pusic'al.
\q Toj'esañon ti jini toj bʌ a bijlel.
\b
\q
\v 9 Mach isujmic i t'an jini j contrajob. Yujilob jisaya. Wen tuw i t'an.
\q Mi' pejcañoñob cha'an mi' chucon.
\q
\v 10 Dios, yom ma' wʌq'ueñob i toj i mul.
\q La' yajlicob cha'an tsi' temeyob i t'an tij contra.
\q Chocoyob loq'uel cha'an cabʌl i jontolil, come tsi' ñusayetob.
\b
\q
\v 11 La' i tajob i tijicñʌyel i pusic'al pejtel jini mu' bʌ i ñopetob.
\q La' i cha'leñob c'ay ti pejtelel ora cha'an i tijicñʌyel i pusic'al, come jatet ma' cʌntañob.
\q La' i tajob i tijicñʌyel ti jatet jini c'ux bʌ mi' yubiñob a c'aba'.
\q
\v 12 Come jatet mi caj a wʌq'uen i yutslel a t'an jini toj bʌ.
\q C Yum, mi caj a joy mʌctan ti' yutslel a pusic'al i wenta mʌctʌjibʌl.
\c 6
\s Mi' c'ajtin i p'untʌntel che' ti' yorajlel wocol
\p
\v 1 C Yum, mach yomic cʌlʌx jax ma' mich'leñon che' ma' ju'sʌbeñon c pusic'al.
\q
\v 2 C Yum, pʌsbeñon i yutslel a pusic'al, come wen c'uñon jax.
\q Lajmesañon, come wen tsiltsilña c pusic'al cha'an j c'amʌjel.
\q
\v 3 An i ch'ijiyemlel c pusic'al.
\q Awocolic, c Yum, ¿jala to mi caj a coltañon?
\q
\v 4 C Yum, yom ma' tilel ba' añon. Ac'ʌyon ti colel. Coltañon come uts a pusic'al.
\q
\v 5 Mi tsa' chʌmiyon mach mejlix c sub a ñuclel.
\q ¿Am ba juntiquil ti mucoñibʌl mu' bʌ mejlel i sub a ñuclel?
\b
\q
\v 6 Tsa' lujb'ayon ti ajacniyel.
\q Ti jujump'ejl ac'ʌlel mi' yʌch'an c wʌyib ti' ya'lel c wut, cha'an woliyon ti uq'uel.
\q
\v 7 Woli' yajpel c wut cha'an i ch'ijiyemlel c pusic'al.
\q Wolic sʌcʌ c'uñ'an cha'an cabʌlob j contrajob.
\q
\v 8 Cʌyʌyonix pejteletla mu' bʌ la' cha'len jontolil,
\q Come lac Yum tsi' yubiyon che' bʌ tsac cha'le uq'uel.
\q
\v 9 Lac Yum tsa'ix i yubi chuqui tsaj c'ajtibe.
\q Lac Yum mi caj i ñich'tʌbeñon coración.
\q
\v 10 Pejtel mu' bʌ i contrajiñon mi caj i yubiñob quisin.
\q Mi caj i melob i pusic'al.
\q Mi' caj i bʌc' sujtelob ti quisin.
\c 7
\s Mi' c'ajtin i tsictesʌntel jini toj bʌ i pusic'al
\f Jiñʌch i c'ay David tsa' bʌ i c'ʌyibe lac Yum che' bʌ tsi' cha'le u'yaj t'an Cus i p'olbal Benjamín.
\f*
\q
\v 1 C Yum Dios, tsa'ix cʌc'ʌ c bʌ ti a wenta.
\q Coltañon loq'uel ti' tojlel jini mu' bʌ i yajñesañoñob,
\q
\v 2 Ame mi' mil c'uxon j contra che' bajche' bajlum,
\q Ame mi' tujc'añon majlel cha'an mi' bic'tesañon che' ma'anic majqui mi' coltañon.
\b
\q
\v 3 C Yum Dios, cʌmbil a cha'an ma'anic tsac cha'le iliyi.
\q Ma'anic chuqui tsac tumbe.
\q
\v 4 Ma'anic tsac sutq'uibe i jontolil jini uts bʌ i pusic'al.
\q Ma'anic tsac chilbe i chubʌ'an j contra.
\q
\v 5 Tsa'ic c cha'le bajche' iliyi, la' i yajñesañon j contra.
\q La' i tajon, la' i pets' t'uchtañon ti lum.
\b
\q
\v 6 La'ix c Yum, yom ma' mich'len jini j contrajob woliyo' bʌ ti mich'ajel.
\q Yomix ma' wa'tʌl a cha'len meloñel.
\q
\v 7 La' i joyetob winicob x'ixicob.
\q Yom ma' buchtʌl ti meloñel ya' ti chan.
\q
\v 8 Meleyon, c Yum, cha'an c melbal.
\q Pʌsbeñob toj bʌ c pusic'al.
\b
\q
\v 9 La' jilic i jontolil jini jontol bʌ.
\q Coltan jini tojo' bʌ cha'an mi' chʌn melob chuqui toj.
\q Come Dioset, tojet, wola' q'uelbeñon lojon c pusic'al yic'ot c ch'ujlel lojon.
\q
\v 10 Dios jiñʌch mu' bʌ i coltañon.
\q Mi' coltan jini toj bʌ i pusic'al.
\q
\v 11 Dios jiñʌch toj bʌ xmeloñel,
\q Mich' Dios ti jujump'ejl q'uin.
\b
\q
\v 12 Mi ma'anic mi' sutq'uin i bʌ jini jontol bʌ,
\q Dios mi caj i juc'ben i ñi' i yespada.
\q Chajpʌbil i jalʌjb.
\q
\v 13 Dios tsi' chajpa i te'el jalʌjb cha'an tsʌnsa.
\q Tsi' mele lanza am bʌ i ñi' lajal bajche' i yat c'ajc.
\q
\v 14 Che' bajche' mi' colel alʌl ti' ña', che' ja'el ti mucul jach mi' tejchel jontolil ti' pusic'al winicob.
\q Che' bajche' mi' yʌc' alʌl ti pañimil x'ixic, che' ja'el mi' p'ojlesañob lot jini jontolo' bʌ.
\q
\v 15 Mi' melob ch'en i wenta yac. Mi' top'ob lum,
\q Mi' cha' yajlelob ochel ya' ba' tsi' top'oyob ch'en.
\q
\v 16 Mi caj i cha' q'uextʌbentelob i maña tsa' bʌ i ña'tayob i mel,
\q Mi caj i cha' q'uextʌbentelob i jontolil.
\q
\v 17 Mi caj c suben c Yum wocolix i yʌlʌ cha'an tojʌch.
\q Mi caj j c'ʌyiben i ñuclel lac Yum, jiñʌch i c'aba' jini C'ax Ñuc Bʌ.
\c 8
\s I ñuclel Dios yic'ot i ñuclel winicob
\p
\v 1 C Yum lojon Dios, uts'atax a c'aba' ti pejtelel pañimil.
\q Tsa'ix a pʌsʌ a ñuclel ti panchan.
\q
\v 2 Ma' c'ʌmben i t'an alʌlob cha'an ma' tsictesan a ñuclel,
\q Cha'an mi' ñʌjch'elob a contrajob yic'ot jini yomo' bʌ i q'uextan jontolil.
\b
\q
\v 3 Che' mij q'uel a panchan, i melbal i yal a c'ʌb,
\q Yic'ot jini uw yic'ot ec' tsa' bʌ a mele,
\q
\v 4 Ma'anic mic ch'ʌmben isujm chucoch ma' p'untan winicob, come ma'anic i ñuclel.
\b
\q
\v 5 Cabʌl jax a ñuclel.
\q Ñucobʌch winicob cha'an a melbalob.
\q Pero mach ñucobic winicob bajche' jatet.
\q Tsa' wʌq'ueyob i c'uxbintel winicob.
\q
\v 6 Tsa' wʌq'ueyob i yumʌntel ti' tojlel pejtel a melbal.
\q Tsa'ix a wʌc'ʌ ti' wenta pejtel chuqui tac an:
\q
\v 7 Pejtel tiñʌme' yic'ot tat wacax yic'ot bʌte'el,
\q
\v 8 Yic'ot mut, yic'ot chʌy, yic'ot pejtelel chuqui tac mi' cha'len xʌmbal ti colem ñajb.
\q
\v 9 C Yum lojon Dios, ¡uts'atax a c'aba' ti pejtelel pañimil!
\c 9
\s Toj bʌ Xmeloñel
\p
\v 1 C Yum, mi caj c subeñet wocolix a wʌlʌ ti pejtelel c pusic'al.
\q Mi caj c sub pejtel ñuc tac bʌ a melbal.
\q
\v 2 Tijicña mi caj cubin, mi caj c ñuq'uesan c pusic'al ti a tojlel.
\q Mi caj j c'ʌyin i ñuclel a c'aba', jatet C'ax Ñuquet Bʌ.
\b
\q
\v 3 Che' bʌ tsa' pujquiyob j contrajob
\q Tsa' yajliyob. Tsa' jiliyob ti a tojlel.
\q
\v 4 Come tsa' pʌsʌ ti toj chuqui wolic mel.
\q Buchulet ti a yumʌntel.
\q Toj wola' cha'len meloñel.
\b
\q
\v 5 Tsa'ix a wʌ'le jini tejclum tac mach bʌ a cha'añobic.
\q Tsa'ix a jisa jini jontolo' bʌ.
\q Tsa'ix a junyajlel yʌpbeyob i c'aba'.
\q
\v 6 Tsa' jiliyob laj contrajob.
\q Jejmenix i tejclum tac tsa' bʌ a jisa.
\q Ma'anix mi' chʌn ña'tʌntelob.
\q
\v 7 Lac Yum mi caj i yajñel ti pejtelel ora.
\q Tsa'ix i chajpa i buchlib cha'an meloñel.
\q
\v 8 Toj mi caj i mel jini año' bʌ ti pañimil.
\b
\q
\v 9 Lac Yum mi' wen q'uel jini tic'lʌbilo' bʌ.
\q Lajalʌch lac Yum bajche' melbil bʌ ts'ajc ba' mi mejlel ti ochel jini woli bʌ ti bʌq'uen.
\q
\v 10 Pejtel mu' bʌ i cʌñetob mi' yʌc'ob i bʌ ti a wenta.
\q Come jatet, c Yum, ma'anic tsa' cʌyʌ mi junyajlic jini mu' bʌ i sajcañet.
\b
\q
\v 11 C'ʌyinla i ñuclel lac Yum chumul bʌ ti Sion.
\q Subula i melbal lac Yum ti' tojlel winicob x'ixicob.
\q
\v 12 Come Dios mi' q'uextan tsʌnsa.
\q Mi' ña'tʌben i ch'ich'el jini tsʌnsʌbilo' bʌ.
\q Ma'anic mi' ñajʌyel ti' pusic'al Dios i yuq'uel jini tic'lʌbilo' bʌ.
\b
\q
\v 13 C Yum, pʌsbeñon i yutslel a pusic'al,
\q Q'uele bajche' woli cubin wocol cha'an woli' ts'a'leñoñob.
\q Jatet ma' coltañon che' colelix c chʌmel
\q
\v 14 Cha'an mic pʌs pejtelel a ñuclel
\q Ya' ti' ti' jini c'uxbibil bʌ Jerusalén
\q Che' tijicña c pusic'al cha'an j coltʌntel.
\b
\q
\v 15 Jini mach bʌ i cha'añobic Dios tsa' cha' wʌlʌc yajliyob ti jini jach bʌ ch'en tsa' bʌ i lon top'oyob.
\q Tsa' chujqui i yoc ti yac tsa' bʌ i lon ac'ʌyob.
\q
\v 16 Lac Yum mi' tsictesan i bʌ che' mi' cha'len meloñel.
\q Mi' chujquelob jini jontolo' bʌ ti' melbal i c'ʌb.
\q Wen ña'tanla.
\b
\q
\v 17 Mi caj i chojquelob ochel jini jontolo' bʌ ti' yajñib chʌmeño' bʌ
\q Yic'ot pejtel colem tejclum tac mu' bʌ i sʌtob Dios ti' pusic'al.
\q
\v 18 Anquese p'ump'un jini pobre wʌle, mach ti junyajlelic cʌybil.
\q Anquese maxto i tajayobic chuqui tac yomob jini tic'lʌbilo' bʌ, mach ti pejtelelic ora mi caj i pijtanob.
\b
\q
\v 19 C Yum, pʌsʌ a p'ʌtʌlel ti' tojlel winicob ame mi' cha'leñob bajche' jach yom i bajñel pusic'al.
\q Wets'eyob tilel ti meloñel jini mach bʌ a cha'añobic ti pejtelel lum.
\q
\v 20 C Yum, la' i cha'leñob bʌq'uen.
\q La' i ña'tañob ti jujumpejt colem tejclum winicob x'ixicob jach.
\q Poj jumuc' jach añob.
\c 10
\s I jisʌntel jontolo' bʌ
\p
\v 1 C Yum, ¿chucoch ma'anic ma' p'ison ti a wenta?
\q ¿Chucoch wola' mʌy a wut che' ti' yorajlel wocol?
\q
\v 2 Chan mi' melob i bʌ jini jontolo' bʌ. Mi' tic'lanob jini p'ump'un bʌ.
\q La' to cha' wʌlʌc chujquicob ti jini jach bʌ i maña tsa' bʌ i ña'tayob i mel.
\b
\q
\v 3 Jini jontol bʌ mi' chañ'esan i bʌ che' an chuqui yom ti' pusic'al.
\q Jini xujch' mi' cha'len p'ajoñel, mi' ts'a'len Dios.
\q
\v 4 Jini jontol bʌ ma'anic mi' sʌclan Dios come mi' chañ'esan i bʌ,
\q Mi' lon al ti' pusic'al ma'anic Dios.
\b
\q
\v 5 Mi' chʌn xoy i bijlel bajche' jach yom i pusic'al.
\q Ma'anic mi' wis c'otel ti' pusic'al bajche' mi cajel a mel.
\q Mi' tse'tan i contrajob.
\q
\v 6 Mi' yʌl ti' pusic'al: Ma'anic mi caj c mel c pusic'al.
\q Ti pejtelel ora ma'anic mi caj cubin wocol, lon che'en.
\b
\q
\v 7 But'ul i yej ti p'ajoñel yic'ot lot, yic'ot jontolil.
\q Che' mi' cha'len t'an an i maña. Yomix i tech mulil.
\q
\v 8 Yujil i chijtan winicob.
\q Mi' mucul tsʌnsan jini mach bʌ anic i mul.
\q Mi' chijtan jini p'ump'un bʌ.
\q
\v 9 Mi' muc i bʌ che' bajche' bajlum ti' ch'en cha'an mi' cha'len chijt.
\q Mi' chijtan jini p'ump'un bʌ cha'an mi' chuque'.
\q Mi' chuc jini p'ump'un bʌ che' bajche' ti yac.
\b
\q
\v 10 Tembil jini p'ump'un bʌ, mi' yajlel.
\q Mi' mʌjlel i cha'an jini jontol bʌ.
\q
\v 11 Mi' lon al ti' pusic'al: Tsa'ix ñajiyi ti' pusic'al Dios, woli' mʌy i wut.
\q Ma'anic mi caj i wis q'uel ti pejtelel ora, che'en.
\b
\q
\v 12 C Yum, yom ma' wa'tʌl. Dios, pʌsʌ a p'ʌtʌlel.
\q Mach yomic mi' ñajiyel ti a pusic'al jini p'ump'un bʌ.
\q
\v 13 ¿Chucoch mi' ts'a'len Dios jini jontol bʌ?
\q ¿Chucoch mi' lon al jini jontol bʌ ti' pusic'al: Ma'anic mi caj i melon Dios? che'en.
\b
\q
\v 14 Tsa'ix a q'uele, come ma' wotsan ti a pusic'al jini wocol yic'ot c'oj'ol cha'an ma' q'uextan.
\q Jini p'ump'un bʌ mi yʌc' i bʌ ti a wenta.
\q Xcoltayajet i cha'an meba' alʌlob.
\q
\v 15 C'ʌsben i c'ʌb jini jontol bʌ.
\q Laj tsictesan i mul xjontolil. Mach ma' wis ñusʌben i mul.
\q
\v 16 Lac Yum Reyʌch ti pejtelel ora.
\q Jini mach bʌ i cha'añobic Dios mi caj i laj jilelob ti' lumal lac Yum.
\b
\q
\v 17 C Yum, tsa'ix a wubi chuqui yom jini uts bʌ.
\q Wola' xuc'chocoben i pusic'al. Wola' wen ubiben i t'an.
\q
\v 18 Toj mi caj a mel jini meba' alʌlob yic'ot jini tic'lʌbilo' bʌ
\q Cha'an ma'anix majch mi' chʌn mejlel i bʌc'tesañob ti pañimil.
\c 11
\s An i puts'ib jini toj bʌ
\p
\v 1 Tsa'ix cʌc'ʌ c bʌ ti' wenta c Yum.
\q ¿Chucoch ma' subeñon: Puts'en ti wits che' bajche' te'lemut?
\q
\v 2 Awilan, jini jontolo' bʌ woli' sʌts'ob i jalʌjb.
\q Tsa'ix i sʌts'ʌyob i ch'ajñal jalʌjb ya' ba' xiq'uil i te'el
\q Cha'an mi' julob jini toj bʌ winicob che' ac'ʌlelix.
\q
\v 3 Lajalʌch jini mandar bajche' i yoyel otot.
\q Mi' tsa' jili yilal cha'an i mul jini xñusa mandarob,
\q ¿Chuqui mi mejlel i mel jini toj bʌ winic?
\b
\q
\v 4 Ya'an lac Yum ti ch'ujul bʌ i Templo.
\q Ya'an i buchlib i yumʌntel ti panchan.
\q Mi' q'uel winicob, mi' yilʌbeñob i pusic'al.
\q
\v 5 Lac Yum mi yilʌben i pusic'al jini toj bʌ winic.
\q Ti pejtelel i pusic'al mi' ts'a'len jini jontol bʌ winic yic'ot jini mu' bʌ i lon mulan jisaya.
\q
\v 6 Mi caj i chocbeñob tilel nich c'ajc i wenta ja'al ti' pam jontolo' bʌ,
\q C'ajc yic'ot azufre yic'ot wen ticʌw bʌ ic' chajpʌbilix bʌ i cha'an.
\q
\v 7 Como tojʌch lac Yum, mi' c'uxbin chuqui tac toj.
\q Jini tojo' bʌ mi caj i q'uelben i wut.
\c 12
\s Leco i t'an xjontolilob
\p
\v 1 C Yum, coltañon, come ma'anix winicob mu' bʌ i melob chuqui a wom.
\q Ma'anix juntiquil xuc'ul bʌ.
\q
\v 2 Ti jujuntiquilob mi' lotiñob i pi'ʌlob.
\q Mi' cha'leñob uts bʌ t'an pero i lot, come cha'chajp jach i pusic'al.
\b
\q
\v 3 Lac Yum mi caj i jisan pejtel jini yujilo' bʌ lot.
\q Mi caj i jisan mu' bʌ i chañ'esañob i bʌ ti' t'an.
\q
\v 4 Mi' yʌlob: Ch'ejlonla.
\q Mi mejlel lac mʌl ti lac t'an.
\q Ñuconla, cabʌl i p'ʌtʌlel lac t'an. ¿Majqui lac yum? lon che'ob.
\b
\q
\v 5 Lac Yum woli ti t'an:
\q Woli' tic'lʌntelob jini p'ump'uño' bʌ. Woliyob ti wocol jini mach bʌ añobic i chubʌ'an.
\q Jini cha'an mux caj c tech meloñel.
\q Mi caj cʌc' jini tic'lʌbilo' bʌ ba' xuc'ul mi' yajñelob che' bajche' yomob i pusic'al, che'en.
\q
\v 6 Sʌcʌch i t'an lac Yum.
\q Che' yilal bajche' tsucul taq'uin tsa' bʌ puli wucyajl ti c'ajc.
\q
\v 7 C Yum, jatet mi caj a cʌntan a cha'año' bʌ ti' tojlel jontolo' bʌ ti pejtelel ora.
\q
\v 8 Jini jontolo' bʌ mi' chañ'esañob i bʌ ti lac joytilel
\q Che' woliyob ti yumʌl jini mu' bʌ i mulañob jontolil.
\c 13
\s Mi' c'ajtin i coltʌntel che' an ti wocol
\p
\v 1 C Yum, ¿jayp'ejl to q'uin mi caj i ñajiyelon a cha'an?
\q ¿Jayp'ejl to q'uin mi caj a mʌy a wut cha'an mach a womic a q'uelon?
\q
\v 2 ¿Jayp'ejl to q'uin mi caj c tsic c pusic'al?
\q ¿Jayp'ejl to q'uin mi caj i tic'lañon j contra?
\q
\v 3 C Yum Dios, yom ma' ña'tañon. Yom ma' jac'beñon.
\q Cha' techeyon ch'ojyel ame chʌmicon,
\q
\v 4 Ame mi' yʌl j contra: Tsa' mʌjli c cha'an, ame che'ic,
\q Ame ch'ejl'ac i pusic'al j contrajob mi tsa' asiyiyon ti pañimil.
\b
\q
\v 5 Tsac xuc'choco c bʌ ti' yutslel a pusic'al.
\q Mux c taj i tijicñʌyel c pusic'al cha'an wola' coltañon.
\q
\v 6 C Yum, mi caj j c'ʌyiñet
\q Come uts'atax chuqui tsa' melbeyon.
\c 14
\s I jontolil winicob
\r (Sal. 53)
\p
\v 1 Jini tontojo' bʌ mi' lon alob ti' pusic'al:
\q Ma'anic Dios, che'ob.
\q Sojquemob jax, leco jax i melbalob.
\q Ma'anic mi juntiquilic mu' bʌ i mel chuqui uts'at.
\b
\q
\v 2 Lac Yum am bʌ ti panchan mi' q'uel winicob x'ixicob.
\q Woli' q'uel mi an majch mi' ch'ʌmben isujm,
\q Mi an majch mi' sajcan Dios.
\q
\v 3 Ti pejtelelob tsa'ix i sʌtʌyob i bʌ,
\q Tsa'ix i cha'leyob mulil.
\q Ma'anic majqui mi' mel chuqui uts'at, mi juntiquilic.
\q
\v 4 ¿Mach ba junlajalobic jini mu' bʌ i cha'leñob jontolil?
\q Ma'anic mi' ch'ʌmbeñob isujm.
\q Mi' jisañob i winicob Dios che' bajche' mi' c'uxob i waj.
\q Ma'anic mi' c'ajtiñob i coltʌntel ti Dios.
\b
\q
\v 5 Tsa' cajiyob ti cabʌl bʌq'uen,
\q Come ya' mi yajñel Dios yic'ot jini tojo' bʌ.
\q
\v 6 Jatetla tsa' la' ña'ta la' wʌc' ti quisin jini p'ump'un bʌ,
\q Pero tsi' taja i coltʌntel ti lac Yum.
\b
\q
\v 7 Uts'atax muq'uiquix i bʌc' tejchel i coltʌntel israelob ya' ti Sion.
\q Lac Yum mi caj i cha' pʌy loq'uel i cha'año' bʌ ya' ba' ñup'ulob
\q Cha'an mi' tajob i tijicñʌyel israelob.
\c 15
\s Jini mu' bʌ i chumtʌl ti' yotot Dios
\p
\v 1 C Yum, ¿majqui mi' caj ti ajñel ti a wotot?
\q ¿Majqui mi' caj ti chumtʌl ti ch'ujul bʌ a bujtʌl?
\q Jiñʌch jini toj bʌ i pusic'al mu' bʌ i mel chuqui toj.
\q
\v 2 Ma'anic i sajtemal, mi' mel chuqui tac toj.
\q Jump'ejl jach i pusic'al.
\q
\v 3 Mach yujilic jop't'an.
\q Ma'anic chuqui mi' tumben i cʌñʌ bʌ.
\q Ma'anic mi' chʌn ña'tiben i mul i pi'ʌlob.
\q
\v 4 Mach wenic mi' q'uel jini xjontolil.
\q Mi' c'uxbin jini mu' bʌ i bʌc'ñañob Dios.
\q Mi' ts'ʌctesan i t'an anquese wocol mi' yubin.
\q
\v 5 Ma'anic mi' ch'ʌm i jol taq'uin che' mi' yʌc' ti majan.
\q Ma'anic mi' ch'ʌm taq'uin cha'an mi' tic'lan jini mach bʌ anic i mul.
\q Jini toj bʌ mu' bʌ i mel pejtel iliyi, chʌn xuc'ul mi' caj ti ajñel.
\c 16
\s Tijicña jini toj bʌ cha'an Dios
\p
\v 1 Cʌntañon, c Dios, come tsa'ix cʌc'ʌ c bʌ ti a wenta.
\q
\v 2 Tsac pejca lac Yum: “C Yumet.
\q Ya' jach ch'oyol c wenlel ba'añet”, cho'on.
\q
\v 3 Ñucobʌch i cha'año' bʌ Dios wʌ' ti pañimil.
\q Wen tijicñayon cha'an c'ux mi cubiñob.
\q
\v 4 Jini mu' bʌ i ch'ujutesañob yambʌ dios mi' wen tajob wocol.
\q Ma'anic mi caj cʌc' majtañʌl tac che' bajche' mi' melob.
\q Ma'anic mi caj c pejcʌben i c'aba' i dioste' tac.
\b
\q
\v 5 Jini c Yum jiñʌch com bʌ ti pejtelel c pusic'al.
\q I wentajʌch cuxul bʌ ja' mu' bʌ c jap, jiñʌch c majtan.
\q Mi' wen cʌntañon cha'an xuc'ul mi cajñel.
\q
\v 6 Uts'atax bajche' añon ti isujm.
\q Uts'atax c majtan tsa' bʌ aq'uentiyon ti Dios.
\b
\q
\v 7 Mi caj c ch'ujutesan c Yum mu' bʌ i cʌntesañon.
\q Mi' cʌntesañon tic pusic'al che' ti ac'ʌlel.
\q
\v 8 Mic ñatan c Yum ti pejtelel ora.
\q An ti ñoj bʌ j c'ʌb. Ma'anic majqui mi mejlel i tʌts'on ti' bijlel.
\q
\v 9 Jini cha'an wen tijicñayon,
\q Wen xuc'ul mi caj cajñel.
\q
\v 10 Ma'anic mi caj a cʌyon ti' yajñib chʌmeño' bʌ.
\q Ma'anic mi caj a wʌc' jini Ch'ujul Bʌ a cha'an ti oc'mʌl.
\b
\q
\v 11 Jatet mi caj a pʌsbeñon jini bij ba'an j cuxtilel.
\q Cabʌl jax c tijicñʌyel ti a tojlel.
\q Ya'an c wenlel ti ñoj bʌ a c'ʌb ti pejtelel ora.
\c 17
\s Mi' c'ajtin i coltʌntel cha'an i tic'lʌntel
\p
\v 1 C Yum, yom ma' wubin chuqui toj. Jac'beñon coñel.
\q Jac'beñon coración come mach cujilic lot.
\q
\v 2 Meleyon ya' ti chan. La' tsictiyic c tojel come tojet.
\q
\v 3 Tsa'ix a wilʌbeyon c pusic'al.
\q Tsa' wʌc'ʌyon ti prueba ti ac'ʌlel.
\q Tsa' q'uele ma'anic jontolil tic pusic'al. Ma'anic jontol bʌ c t'an.
\q
\v 4 Tsac jac'beyet a t'an.
\q Ma'anic tsac xʌñʌ majlel i bijlel jini jontolo' bʌ.
\q
\v 5 Tsac tsajcayet majlel ba' tsa' pʌsbeyon.
\q Ma'anic tsa' jʌjli coc ti a bijlel.
\b
\q
\v 6 Tsa'ix c pejcayet, come mi caj a jac'beñon, c Dios.
\q Yom ma' bej tilel cha'an ma' wen ubibeñon c t'an.
\q
\v 7 Pʌsʌ jini ñuc tac bʌ a wutslel
\q Jatet mu' bʌ a coltan jini mu' bʌ i ñopet ti' tojlel i contra.
\b
\q
\v 8 Yom ma' cʌntañon che' bajche' i santojlel a wut.
\q Mosoyon ti a p'ʌtʌlel che' bajche' mi' luts' i yal i ña'al mut,
\q
\v 9 Ame i jisañon jini jontolo' bʌ,
\q Ame' i jomojtañon cha'an mi' tsʌnsañon.
\q
\v 10 Ma'anic mi' p'untañob i pi'ʌlob.
\q Mi' chañ'esañob i bʌ ti' t'an.
\q
\v 11 Baqui jach mic majlel joyolon i cha'añob.
\q Yomob i chocon jubel ti lum.
\q
\v 12 Lajalobʌch bajche' bajlum yom bʌ i c'ux we'elʌl.
\q Lajalobʌch bajche' alʌ bajlum woli bʌ i chijtan i bʌl i ñʌc'.
\q
\v 13 C Yum, yom ma' wa'tʌl, ch'ejl yom ma' pʌs a bʌ ti' contra.
\q Wit'choco jini jontol bʌ.
\q Ac'ʌyon ti colel ti' p'ʌtʌlel jini jontolo' bʌ ti pañimil.
\q
\v 14 Woli' tajob i chubʌ'an ti pañimil.
\q On wola' wʌq'ueñob i chubʌ'an ti pañimil. Wen chumulob i yalobilob.
\q Mi' yʌq'ueñob i yalobilob i colobal i chubʌ'an.
\b
\q
\v 15 Jixcu joñon, mi caj j q'uel a wut cha'an tsa' wʌq'ueyon a tojel.
\q Tijicña mi caj cubin che' mic cha' ch'ojyel, come mi caj j q'uel a wut.
\c 18
\s I c'ay David cha'an i coltʌntel ti' tojlel Saúl
\r (2 S. 22.1-51)
\p
\v 1 C Yum, mic wen c'uxbiñet. Wen p'ʌtʌlet.
\q
\v 2 Lajalʌch lac Yum bajche' ch'entun ba' mi lac puts'el.
\q Jiñʌch ts'ajcʌbil bʌ cotot. Jiñʌch caj Coltaya. C Diosʌch.
\q Lajalʌch bajche' wen xuc'ul bʌ xajlel.
\q Jiñʌch c mʌctʌjib, jini p'ʌtʌl bʌ mu' bʌ i coltañon.
\q Lajalʌch lac Yum bajche' chan bʌ ts'ajc ba' mi cochel.
\q
\v 3 Mic pejcan lac Yum come uts'atax.
\q Mi' coltañon ti' tojlel j contrajob.
\b
\q
\v 4 Che' colel c chʌmel ñup'ulon yubil.
\q Yom i jisañon jini c'ax bʌbʌq'uen bʌ che' bajche' colem ja'.
\q
\v 5 Che' colel c chʌmel tsa' cʌn chujquiyon yilal,
\q Jini yom bʌ i jisañon tsi' tajayon.
\b
\q
\v 6 Che' añon ti wocol tsac pejca c Yum.
\q Tsac cha'le oñel ti' tojlel Dios.
\q Tsi' yubibeñon c t'an ya' ti panchan.
\q
\v 7 Che' jini tsi' ñijca i bʌ jini lum, tsa' tili yujquel lum,
\q Jini wits tac tsa' bujchi.
\q Tsi' ñijca i bʌ cha'an i mich'ajel Dios.
\q
\v 8 Jusiña i ñi' Dios yilal cha'an i mich'ajel.
\q C'ajc woli bʌ ti lejmel tsa' loq'ui ti' yej yilal,
\q Tsi' tsuc'u xutunte'.
\q
\v 9 Lac Yum tsi' ju'sa tilel tocal, tsi' pʌsʌ i p'ʌtʌlel.
\q Wen i'ic' ya' ti yebal i yoc.
\q
\v 10 Tsa' wejli tilel yic'ot querubín,
\q Tsa' wejli tilel ti ic'.
\q
\v 11 Joyol lac Yum ba' wen pim tocal.
\q Wen i'ic' jax, wen pim jini tocal cuchul bʌ i cha'an ja'al.
\q
\v 12 Jini chajc tsi' yʌc'ʌ ti tsictiyel i sʌclel lac Yum ba' pim tocal.
\q Tsa' yajli tuñija' yic'ot abʌc woli bʌ ti lejmel.
\q
\v 13 Lac Yum tsi' yʌq'ue i t'an chajc ya' ti panchan,
\q Jini C'ax Ñuc Bʌ tsi' yʌc'ʌ i t'an.
\q Tsa' yajli tuñija' yic'ot abʌc woli bʌ ti lejmel.
\q
\v 14 Tsi' choco tac tilel chajc,
\q Tsi' yajñesa j contrajob.
\q Cabʌl tsa' tojmi chajc, tsi' pucuyob.
\q
\v 15 Che' jini tsa' tsictiyi i bijlel tac ja'.
\q Tsa' tsictiyi i buchlib tac wits.
\q Che' bʌ tsi' cha'le tic'oñel lac Yum, tsilicña pañimil.
\b
\q
\v 16 Tsa' loq'ui lac Yum ti panchan.
\q Tsi' chucuyon, tsi' loc'oyon ti colem ja' yilal.
\q
\v 17 Tsi' chucuyon loq'uel ti' p'ʌtʌlel j contra,
\q Ti' tojlel jini mu' bʌ i ts'a'leñon.
\q Cabʌl i p'ʌtʌlel j contrajob ñumen bajche' c cha'an bʌ.
\q
\v 18 Tsa' tiliyob i contrajiñon ti' yorajlel c wocol,
\q Pero tsi' xuc'chocoyon lac Yum.
\q
\v 19 Tsi' yʌc'ʌyon ti colel cha'an mi cajñel ti xuc'ul.
\q Tsi' pʌyʌyon loq'uel ti wocol,
\q Come c'ux mi' yubiñon.
\q
\v 20 Lac Yum tsi' yʌq'ueyon c chobejtʌbal cha'an tojon, cha'an sʌc c melbal.
\q
\v 21 Tsa'ix c tsajca majlel i bijlel lac Yum.
\q Ma'anic tsac cha'le mulil, ma'anic tsaj cʌyʌ Dios.
\q
\v 22 Tsa'ix cʌc'ʌ tic pusic'al pejtel i meloñel.
\q Ma'anic tsac juch'teq'ue i mandar.
\q
\v 23 Tsa' ajniyon ti toj ti' tojlel lac Yum.
\q Tsaj cʌnta c bʌ cha'an ma'anic mic cha'len mulil.
\q
\v 24 Jini cha'an lac Yum tsi' yʌq'ueyon c chobejtʌbal cha'an tojon,
\q Cha'an toj c melbal ti' wut Dios.
\b
\q
\v 25 Ma' pʌsben a wutslel jini uts'at bʌ.
\q Ma' pʌsben i xuc'tilel a pusic'al jini xuc'ul bʌ i pusic'al.
\q
\v 26 Jatet wola' wʌq'uen chuqui uts'at jini sʌc bʌ i pusic'al.
\q Pero mich' ma' pʌsben a bʌ jini jontol bʌ.
\q
\v 27 Ma' coltan jini tic'lʌbilo' bʌ.
\q Ma' peq'uesan jini chan bʌ mi' mel i bʌ.
\q
\v 28 C Yum Dios, ma' wʌq'ueñon j c'ʌc'al che' añon ti ic'ch'ipan bʌ pañimil,
\q Come jatet ma' wʌq'ueñon i ch'ejlel c pusic'al yic'ot c tijicñʌyel.
\q
\v 29 Cha'an ti a p'ʌtʌlel mi' mʌjlel c cha'an anquese cabʌl j contrajob.
\q Cha'an ti jatet, c Dios, mi mejlel c tijp'el ñumel ti junwejl ts'ajc.
\q
\v 30 Ts'ʌcʌlʌch chuqui ma' mel.
\q Isujmʌch i t'an lac Yum.
\q I mʌctʌjibʌch pejtel mu' bʌ i yʌc'ob i bʌ ti' wenta.
\b
\q
\v 31 ¿Majqui Dios? ¿Mach ba jinic lac Yum?
\q ¿Am ba yambʌ xuc'ul bʌ bajche' Dios?
\q
\v 32 Jiñʌch Dios mu' bʌ i yʌq'ueñon c p'ʌtʌlel.
\q Mi' toj'esañon majlel tic bijlel.
\q
\v 33 Sejb mi' mel coc che' bajche' i yoc me'.
\q Dios mi' cʌntañon ba' bʌbʌq'uen mic yajlel.
\q
\v 34 Mi' cʌntesañon cha'an ch'ejl mic cha'len guerra,
\q Cha'an mic sʌts' p'ʌtʌl bʌ jalʌjb.
\q
\v 35 C Yum, jatet tsa' coltayon. C mʌctʌjibet.
\q Ma' chucon ti a c'ʌb cha'an ma'anic mic yajlel.
\q Ma' ñuq'uesañon ti' yutslel a pusic'al.
\q
\v 36 Tsa' chajpʌbeyon i yajñib coc.
\q Tsa' p'ʌtesa coc.
\q
\v 37 Tsa cajñesa j contrajob, tsac tajayob.
\q Ma'anic tsa' sujtiyon jinto tsac laj jisayob.
\q
\v 38 Tsac lowoyob. Ma'anic tsa' chʌn mejliyob ti tejchel.
\q Tsa' yajliyob ti' t'ejl coc.
\q
\v 39 Tsa' wʌq'ueyon c p'ʌtʌlel ti guerra.
\q Tsa' jats'ʌ jini tsa' bʌ tejchiyob tij contra.
\q
\v 40 Jatet tsa' wajñesa j contrajob.
\q Tsac jisayob tsa' bʌ i ts'a'leyon.
\q
\v 41 Tsi' lon cha'leyob oñel. Ma'anic majch tsi' coltayob.
\q Tsi' pejcayob lac Yum, pero ma'anic tsi' jac'beyob.
\q
\v 42 Tsac bic'tesa j contrajob che' bajche' ts'ubejn mu' bʌ i wujtan letsel ic'.
\q Tsac t'uchtayob che' bajche' i bibi'lel calle.
\b
\q
\v 43 Tsa'ix a coltayon loq'uel ti' tojlel jini woliyo' bʌ ti leto.
\q Tsa'ix a wotsayon ti yumʌl ti jujumpejt colem tejclum.
\q Winicob x'ixicob mach bʌ j cʌñʌyobic ti yambʌ ora wolix i melob que'tel.
\q
\v 44 Che' mi' yubiñob c t'an, ti ora mi caj i jac'beñon.
\q Jini ñajt bʌ ch'oyolob mi caj i yumañon.
\q
\v 45 Jini ñajt bʌ ch'oyolob mi' cajelob ti bʌq'uen.
\q Tsiltsilña mi' loq'uelob ti tejclum ba' joy ts'ajquibil.
\b
\q
\v 46 Cuxul lac Yum. Wocolix i yʌlʌ come jiñʌch xuc'ul bʌ xajlel yilal.
\q La' sujbic i ñuclel Dios mu' bʌ i coltañon.
\q
\v 47 Diosʌch mu' bʌ i q'uextʌbeñob i mul j contrajob.
\q Mi' ju'sʌbeñob i pusic'al cha'an mi' jac'beñoñob.
\q
\v 48 Jatet mu' bʌ a coltañon loq'uel ti' p'ʌtʌlel j contrajob,
\q Melel ma' loc'sañon ti' tojlelob mu' bʌ i tejchelob tij contra.
\q Tsa' pʌyʌyon loq'uel ti' p'ʌtʌlel jini jontolo' bʌ.
\q
\v 49 C Yum, mux c sub a ñuclel ya' ti jujumpejt colem tejclum tac,
\q Mi caj j c'ʌyin i ñuclel a c'aba'.
\q
\v 50 Cha'an ti jatet mi mʌjlel c cha'an,
\q Tsa' wa'chocoyon ti rey.
\q Ma' pʌsbeñon a wutslel, joñon quic'ot c p'olbalob ti pejtelel ora.
\c 19
\s I melbal Dios yic'ot i t'an
\p
\v 1 Jini panchan mi' pʌs i ñuclel Dios,
\q Mi' tsictesan i melbal i c'ʌb.
\q
\v 2 Jini pañimil mi' cha'len t'an yilal ti jujump'ejl q'uin,
\q Ti jujump'ejl ac'ʌlel mi' pʌs a ña'tʌbal.
\q
\v 3 Ma'anic chuqui mi' yʌl, ma'anic i t'an.
\q Ma'anic majch mi' yubiben i t'an.
\q
\v 4 Ti pejtelel pañimil woli' pujquel majlel chuqui mi' pʌs.
\q Woli' pujquel majlel chuqui mi' sub c'ʌlʌl ti' junwejl pañimil.
\b
\q Dios tsi' wa'chocobe i yajñib q'uin ya' ti panchan.
\q
\v 5 Lajal jini q'uin che' bajche' winic tsa' bʌ ujti ti ñujpuñel, woli bʌ ti loq'uel ti' wʌyibʌl.
\q Tijicña jini q'uin yilal bajche' p'ʌtʌl bʌ winic mu' bʌ i cha'len wersa ajñel.
\q
\v 6 Mi' pasel q'uin ti' junwejl panchan,
\q Mi' ñumel c'ʌlʌl ti yambʌ junwejl panchan.
\q Ma'anic majch mi mejlel i puts'tan i ticwʌlel.
\b
\q
\v 7 Ma'anic i sajtemal i cʌntesʌbal lac Yum.
\q Mi' p'ʌtesʌbeñonla lac pusic'al.
\q Isujmʌch i t'an lac Yum,
\q Mi' cʌntesan jini mach bʌ anic i pusic'al.
\q
\v 8 Tojʌch i cʌntesa lac Yum. Mi' yʌq'ueñonla i tijicñʌyel lac pusic'al.
\q Tsiquil i sujmlel i mandar lac Yum.
\q Mi' yʌq'ueñonla lac ch'ʌmben isujm.
\q
\v 9 Sʌcʌch i t'an lac Yum.
\q Mi' yajñel ti pejtelel ora, junlajal toj.
\q
\v 10 Yom ñumen ma' mulan i t'an lac Yum bajche' oro,
\q Ñumen tsaj bajche' i ya'lel chab chʌyʌcña bʌ mi' jubel.
\b
\q
\v 11 Mic taj j cʌntesʌntel ti a t'an come a winicon.
\q An cabʌl c chobejtʌbal ti' jac'ol a t'an.
\q
\v 12 ¿Majqui mi mejlel i cʌn pejtel i sajtemal?
\q Ñusʌbeñon c sajtemal mach bʌ cʌmbilic c cha'an.
\q
\v 13 Tiq'uiyon ame mic cha'len mulil cha'an i tsʌtslel c pusic'al.
\q Mach yomic mic yuman mulil.
\q Che' jini toj mi caj cajñel. Ma'anic c mul ti' tojlel ñuc bʌ a mandar.
\b
\q
\v 14 Q'uele ti uts'at jini t'an woli bʌ c subeñet,
\q Yic'ot jini woli bʌ c ña'tan tic pusic'al.
\q C Yum, p'ʌtʌl bʌ xajlelet c cha'an, caj Coltayajet.
\c 20
\s Oración yom cha'an mi' mʌjlel i cha'an
\p
\v 1 La' i ñʌch'tʌbeñet lac Yum che' ti' yorajlel wocol,
\q La' i cʌntañet i Dios Jacob.
\q
\v 2 La' i chocbeñet tilel a coltʌntel loq'uem bʌ ti Ch'ujul* bʌ Ajñibʌl ya' ti Sion.
\q
\v 3 La' i ña'tan Dios pejtel i majtan tac mu' bʌ a wʌq'uen.
\q La' i q'uel ti uts'at jini pulbil bʌ i majtan mu' bʌ a wʌq'uen.
\q
\v 4 La' i yʌq'ueñet Dios chuqui yom a pusic'al.
\q La' i ts'ʌctesan pejtel woli bʌ a ña'tan a mel.
\q
\v 5 La' la cubin tijicña cha'an tsa'ix mʌjli a cha'an.
\q La' tsictiyic lac bandera ti pañimil. Tsictesan cha'an i ñuclel Dios.
\q La' i jac'beñet lac Yum ti pejtelel chuqui ma' c'ajtiben.
\b
\q
\v 6 Cujilix coltʌbil ti lac Yum jini rey yajcʌbil bʌ i cha'an.
\q Ya' ti ch'ujul bʌ panchan mi' jac'ben.
\q Mi' coltan ti ñuc bʌ i p'ʌtʌlel cha'an mi' mʌjlel i cha'an.
\q
\v 7 Lamital mi' lon ña'tañob an i coltʌntel ti carreta tac yic'ot caballo,
\q Pero joñonla mi lac ña'tan coltʌbilonla cha'an ti' c'aba' lac Yum Dios.
\q
\v 8 Yaño' bʌ mi' c'uñ'añob, mi' yajlelob.
\q Joñonla mi lac ch'ojyel, mi lac wa'tʌl.
\b
\q
\v 9 C Yum, coltan jini rey cha'an mi' mʌjlel i cha'an.
\q Jac'beñon lojon che' mic pejcañet lojon.
\c 21
\s Tijicña cha'an tsa' loq'ui ti' p'ʌtʌlel i contra
\p
\v 1 C Yum, tijicña mi caj i yubin jini rey cha'an a p'ʌtʌlel.
\q Wen tijicña i pusic'al cha'an tsa' colta.
\q
\v 2 Tsa'ix a wʌq'ue chuqui yom i pusic'al,
\q Ma'anic tsa' ñusʌbe chuqui tsi' c'ajtibeyet.
\q
\v 3 Tsa'ix a wʌq'ue i wenlel jini rey.
\q Tsa' c'ʌcbe ti' jol jump'ejl corona melbil bʌ ti oro.
\q
\v 4 Jini rey tsi' c'ajtibeyet i cuxtilel
\q Cha'an mi' yajñel ti pejtelel ora.
\q
\v 5 Cha'an ti a coltaya cabʌlʌch i ñuclel.
\q Wola' wʌq'uen i c'uxbintel yic'ot i ñuclel.
\q
\v 6 Come wola' wʌq'uen i yutslel a pusic'al mach bʌ anic mi' jilel.
\q Ma' wʌq'uen i tijicñʌyel i pusic'al ti a tojlel.
\q
\v 7 Come jini rey mi' ñop lac Yum.
\q Cha'an ti' yutslel jini C'ax Ñuc Bʌ xuc'ul mi' chʌn ajñel.
\b
\q
\v 8 C Yum, mi caj a taj pejtelel a contrajob, pejtelel mu' bʌ i ts'a'leñetob.
\q
\v 9 Mi caj a wotsañob ti c'ajc che' ti' yorajlel a mich'ajel.
\q C Yum, mi caj a jisañob che' mich'et.
\q
\v 10 Mi caj a laj jisan i yalobilob cha'an mach chʌn tsiquilobix ti' tojlel winicob.
\q
\v 11 Tsi' ña'tayob ts'a'leya ti a contra.
\q Tsi' ñopoyob i mel jontolil, pero ma'anic tsa' mejliyob.
\q
\v 12 Mi caj i puts'elob che' mi' q'uelob a jalʌjb.
\b
\q
\v 13 C Yum, la' tsictiyic a ñuclel yic'ot a p'ʌtʌlel.
\q Mi caj j c'ʌyiñet lojon. Mi caj c sub ti ñuc a p'ʌtʌlel.
\c 22
\s Ti' yorajlel wocol mi' cajel ti c'ay cha'an i ñuclel Dios
\p
\v 1 C Dios, c Dios, ¿chucoch tsa' cʌyʌyon?
\q ¿Chucoch ñajt añet? ¿Chucoch ma'anic ma' tilel a coltañon?
\q Ma'anic ma' wubiñon che' ajacñayon.
\q
\v 2 C Dios, c'am mic pejcañet ti q'uiñil yic'ot ti ac'ʌlel,
\q Ma'anic wola' jac'beñon. Mach ñʌch'ʌlic c pusic'al.
\b
\q
\v 3 Ch'ujulet ya' ba' buchulet ti a yumʌntel.
\q Mi' subob a ñuclel jini israelob.
\q
\v 4 C ñojte'el lojon tsi' ñopoyetob.
\q Tsi' ñopoyetob. Tsa' coltayob loq'uel ti wocol.
\q
\v 5 C'am tsi' pejcayetob. Tsa' coltayob loq'uel ti wocol.
\q Tsi' ñopoyetob. Ma'anic tsa' ñusayob.
\b
\q
\v 6 Pero t'uchtʌbilon che' bajche' motso'. Mach winiconix yilal.
\q Wajlebilon cha'an winicob x'ixicob. Mi' ts'a'leñoñob.
\q
\v 7 Pejtel mu' bʌ i q'uelon mi' tse'tañon.
\q Mi' wajleñon, mi' jʌmts'un i jol.
\q
\v 8 Mi' lon alob: Tsi' ñopo lac Yum.
\q La' i coltan, la' i col loq'uel ti wocol mi c'ux mi' yubin, che'ob.
\q
\v 9 Jatet tsa' wʌq'ueyon j q'uel pañimil che' cʌntʌbilon to cha'an c ña'.
\q Jatet tsa' cʌntayon ya' ti' tajn c ña'.
\q
\v 10 Tsa' lotoyon che' bʌ tsa quila pañimil.
\q C Dioset c'ʌlʌl che' cʌntʌbilon to tic ña'.
\q
\v 11 Mach ma' tʌts' a bʌ tic tojlel
\q Come woliyon ti wocol. Ma'anic majch mi' coltañon.
\b
\q
\v 12 Woli' joyoñob cabʌl bʌbʌq'uen bʌ j contrajob, lajal bajche' tat wacax ch'oyol bʌ ti Basán.
\q
\v 13 Yomob i jisañon che' bajche' bajlum mu' bʌ i cawbeñon i yej,
\q Che' bajche' wen wi'ña bʌ bajlum woli bʌ ti c'am bʌ t'an.
\b
\q
\v 14 Woli' jilel c wersa che' bajche' ja' mu' bʌ i sajp'el.
\q Pejtel c bʌquel tsa'ix c'ojqui loq'uel.
\q Lajalʌch c pusic'al yubil bajche' nichim woli bʌ ti ulmʌl.
\q
\v 15 Jilemix c p'ʌtʌlel che' bajche' i xejt'il p'ejt tsa' bʌ i wen tiqui.
\q Mi' ñottʌl cac' cha'an tiquin c ti'.
\q Wola' ñolchocoñon ti mucoñibʌl.
\b
\q
\v 16 Mi' joyoñob jontol bʌ winicob che' bajche' ts'i'.
\q Tsi' jec'beyoñob j c'ʌb yic'ot coc.
\q
\v 17 Mi mejlel c tsic pejtel c bʌquel.
\q Mi' ch'ujch'uj q'ueloñob, mi' tse'tañoñob.
\q
\v 18 Mi' pucob c pislel.
\q Mi' cha'leñob alas cha'an mi' tsictiyel majqui mi' ch'ʌm c bujc.
\q
\v 19 C Yum, mach yomic ma' cʌyon.
\q Jatet, c P'ʌtʌlel, la' ti ora cha'an ma' coltañon.
\q
\v 20 Coltañon ba' ma'anic mi' tajon espada,
\q Ame i tsʌnsañoñob jontol bʌ winicob.
\q
\v 21 Coltañon loq'uel ti' yej bajlum,
\q Ti' xulub jontol bʌ tat wacax.
\b
\q
\v 22 Mi caj c subeñob c pi'ʌlob p'ʌtʌlet.
\q Mi caj c sub a ñuclel ti' yojlil jini mu' bʌ i tempañob i bʌ.
\q
\v 23 Jatetla mu' bʌ la' bʌc'ñan lac Yum, subula i ñuclel.
\q Pejtel i p'olbalet bʌ la Jacob, subula i ñuclel.
\q Bʌc'ñanla lac Yum, pejtel israelet bʌ la.
\q
\v 24 Ma'anic tsi' ts'a'le c wocol.
\q Ma'anic tsi' yʌ'leyon, ma'anic tsi' mʌyʌ i wut.
\q Tsi' yubi lac Yum che' c'am tsac pejca.
\b
\q
\v 25 Jini cha'an mic sub i ñuclel c Yum ti' tojlel jini mu' bʌ i tempañob i bʌ.
\q Ya' ti' tojlel winicob mu' bʌ i ch'ujutesañob Dios mi caj c mel ti ts'ʌcʌl bajche' tsac wʌn subeyet.
\q
\v 26 Jini mu' bʌ i yubiñob wocol mi' cajelob ti we'el. Mi caj i ñaj'añob,
\q Jini mu' bʌ i sajcañob lac Yum, mi caj i ch'ujutesañob.
\q La' ajnicob ti pejtelel ora jini mu' bʌ i sajcañob.
\q
\v 27 Ti pejtelel pañimil mi caj i ña'tañob lac Yum.
\q Mi caj i sutq'uiñob i bʌ ba'an lac Yum.
\q Pejtel winicob ti mojt ti mojt
\q Mi caj i ch'ujutesañob ti' tojel i wut.
\q
\v 28 Come i cha'añʌch lac Yum i yumʌntel.
\q Mi' yumʌntel ti jujumpejt tejclum.
\b
\q
\v 29 Pejtel winicob x'ixicob yujilo' bʌ chʌmel, jini wen chumulo' yic'ot jini p'ump'uño' bʌ ja'el,
\q Mi caj i wersa ch'ujutesañob lac Yum.
\q
\v 30 Lac p'olbal mi caj i yʌc'ob i bʌ cha'an i ye'tel lac Yum.
\q Mi caj i subeñob i yalobilob i t'an lac Yum c'ʌlʌl ti pejtelel ora.
\q
\v 31 Mi caj i subob toj i melbal lac Yum.
\q Jini max to bʌ anic tsi' yilayob pañimil mi caj i subentelob i melbal lac Yum.
\c 23
\s Xcʌnta tiñʌme' lac Yum
\p
\v 1 Lac Yum mi' cʌntañon che' bajche' xcʌnta tiñʌme'.
\q Ma'anic chuqui an to yom c cha'an.
\q
\v 2 Mi' yʌc'on ba' mij c'aj co ti wen bʌ jamil.
\q Mi' pʌyon majlel ba' sʌmʌcña ja'.
\q
\v 3 Mi' cha' xuc'chocobeñon c pusic'al.
\q Mi' pʌyon majlel ti toj tac bʌ bij cha'an mi' yʌc' ti c'uxbintel i c'aba'.
\b
\q
\v 4 Che' mic ñumel ti ic'yoch'an bʌ ti yebal jajp wits ba' bʌbʌq'uen mic chʌmel
\q Ma'anic chuqui mic bʌc'ñan come wʌ' añet quic'ot.
\q Ma' ñuq'uesʌbeñon c pusic'al yic'ot a bara yic'ot rocol bʌ a te'.
\q
\v 5 Ma' chajpʌbeñon i bʌl c ñʌc' ti' wut j contrajob.
\q Ma' mulbeñon c jol ti aceite.
\q Mi' ñumel loq'uel i bʌl c taza.
\q
\v 6 Isujm, ma'anic mi caj a cʌy a p'untañon.
\q Mux a chʌn c'uxbiñon ti pejtelel q'uin che' cuxulon to.
\q Ya' ti a wotot, c Yum, mi caj c chumtʌl ti pejtelel ora.
\c 24
\s Jini Rey mach bʌ anic i p'isol i ñuclel
\p
\v 1 Jini pañimil i cha'añʌch lac Yum yic'ot pejtel i bʌl, yic'ot pejtel jini chumulo' bʌ ti pañimil.
\q
\v 2 Come lac Yum tsi' yʌc'ʌ lum ti' t'ejl tac colem ñajb.
\q Tsi' yʌc'ʌ ti' t'ejl tac jini colem ja'.
\b
\q
\v 3 ¿Majqui mi' mejlel ti letsel ti jini bujtʌl ba' chumul lac Yum?
\q ¿Majqui mi' mejlel ti wa'tʌl ya' ti ch'ujul bʌ i yajñib?
\q
\v 4 Jiñʌch sʌc bʌ i melbal yic'ot sʌc bʌ i pusic'al,
\q Jini mach bʌ anic mi' cha'len lot,
\q Jini mach bʌ anic mi' q'uextan i t'an.
\q
\v 5 Mi caj i yʌq'uentel i yutslel i t'an lac Yum.
\q Mi caj i yʌq'uentel i tojel ch'oyol bʌ ti Dios mu' bʌ i coltan.
\q
\v 6 Che'ʌch añob mu' bʌ i sajcañob lac Yum,
\q Jini mu' bʌ i ch'ujutesañob.
\b
\q
\v 7 La' jajmic jini oñiyix bʌ i puertajlel tac Sion.
\q Mi' caj ti ochel jini Rey am bʌ i ñuclel.
\q
\v 8 ¿Majqui jini Rey am bʌ i ñuclel?
\q Jiñʌch lac Yum jini ch'ejl bʌ, jini p'ʌtʌl bʌ.
\q Jiñʌch lac Yum, p'ʌtʌl bʌ ti guerra.
\q
\v 9 La' jajmic jini oñiyix bʌ i ti' tac.
\q Mux i yochel jini ñuc bʌ Rey.
\q
\v 10 ¿Majqui jini Rey am bʌ i ñuclel?
\q Jiñʌch am bʌ i yumʌntel ti panchan yic'ot ti pañimil.
\q Jiñʌch ñuc bʌ Rey.
\c 25
\s Lac Yum mi' toj'esañonla majlel
\p
\v 1 C Yum, mic ña'tañet ti chan.
\q
\v 2 C Dios, tsa'ix c ñopoyet. Mach a wʌc'on ti quisin.
\q Mach a wʌc'on ti' p'ʌtʌlel j contrajob ame mʌjlic i cha'añob.
\q
\v 3 Isujm, ma'anic mi' cajel ti quisin jini mu' bʌ i pijtañet.
\q Mi' cajelob ti quisin jini mu' bʌ i ñusañob a t'an.
\b
\q
\v 4 C Yum, pʌsbeñon bajche' a wom mic mel.
\q Wen cʌntesañon ti a bijlel.
\q
\v 5 Pʌyʌyon majlel ti' sujmlel a t'an, cʌntesañon.
\q Come c Dioset, caj Coltayajet.
\q Mic pijtañet ti pejtelel q'uin.
\q
\v 6 C Yum, ña'tañon, p'untañon ti' yutslel a pusic'al,
\q Che' bajche' tsa' p'unta winicob ti wajali.
\q Junlajal uts a pusic'al ti pejtelel ora.
\q
\v 7 Mach a melon cha'an c mul tsa' bʌ c mele che' ch'itoñon to.
\q Mach a melon cha'an tsac ñusa a mandar.
\q Yom ma' ña'tañon ti a c'uxbiya, ti' yutslel a pusic'al.
\b
\q
\v 8 Uts'atax lac Yum. Toj ja'el.
\q Jini cha'an mi' pʌsbeñob toj bʌ bij jini xmulilob.
\q
\v 9 Mi' pʌsben jini utso' bʌ i pusic'al bajche' yom mi' melob.
\q Mi' toj'esan majlel jini pec'o' bʌ ti' bijlel.
\q
\v 10 An i c'uxbiya lac Yum, an i sujmlel.
\q Mi' yʌq'ueñob i cʌn mu' bʌ i jac'beñob i t'an.
\b
\q
\v 11 Cha'an ma' wʌc' ti cʌjñel a c'aba',
\q C Yum, ñusʌbeñon c mul come cabʌl.
\q
\v 12 ¿Majqui jini winic mu' bʌ i bʌc'ñan lac Yum?
\q Lac Yum mi caj i cʌntesan majlel ti wen bʌ bij.
\q
\v 13 Wen chumul mi' caj ti ajñel, tijicña i pusic'al.
\q I p'olbal mi caj i yʌq'uentel i lumal ti' majtan.
\q
\v 14 Jini mu' bʌ i bʌc'ñañob lac Yum mi caj i yajñel yic'ot.
\q Mux i pʌsbeñob jini xuc'ul* bʌ i t'an.
\q
\v 15 Ti pejtelel ora wolic pijtan c Yum,
\q Come mi caj i loc'sʌbeñon coc ti yac.
\b
\q
\v 16 Sutq'uin a bʌ ba' añon. Pʌsbeñon i yutslel a pusic'al,
\q Come añon tic bajñelil. Woli cubin wocol.
\q
\v 17 Lajmesʌbeñon c tsic pusic'al.
\q Loc'sañon tic wocol.
\q
\v 18 Q'uele c tic'lʌntel yic'ot c wocol.
\q Ñusʌbeñon pejtel c mul.
\q
\v 19 Q'uele j contrajob, come cabʌlob.
\q Jontol jax mi' ts'a'leñoñob ti' mich'lel i pusic'al.
\q
\v 20 Cʌntañon, coloyon. Mach a wʌc'on ti quisin,
\q Come tsa'ix c ñopoyet.
\b
\q
\v 21 Cʌntañon come tojon, uts'aton.
\q Mic chʌn pijtañet.
\q
\v 22 Dios, yom ma' mʌn loq'uel israelob
\q Ti pejtelel i wocol.
\c 26
\s Woli' tsictesan tojʌch i winic
\p
\v 1 C Yum, tsictesañon cha'an tojon.
\q Xuc'ul tsac mele chuqui wen.
\q Tsa'ix c ñopoyet ti' xuc'tilel c pusic'al.
\q
\v 2 C Yum, q'uelbeñon c pusic'al, ac'ʌyon ti prueba.
\q Q'uele mi sʌc c pusic'al yic'ot c ch'ujlel.
\q
\v 3 Wolic chʌn ña'tan a wutslel.
\q Mic mel che' bajche' tsa' cʌntesayon ti isujm.
\q
\v 4 Ma'anic mi cajñel yic'ot winicob yujilo' bʌ lot.
\q Ma'anic mi cajñel yic'ot jini cha'p'ejl jach bʌ i pusic'al.
\q
\v 5 Mic ts'a'len jini mu' bʌ i cha'leñob mulil.
\q Ma'anic mic tempan c bʌ yic'ot jini jontolo' bʌ.
\b
\q
\v 6 Cha'an ma' q'uel ma'anic c mul mic poc j c'ʌb.
\q C Yum, mic lʌc'tesan c bʌ ba'an i pulʌntib a majtan.
\q
\v 7 Mic subeñet wocolix a wʌlʌ.
\q La' c sub pejtel a melbal come ñucatax.
\b
\q
\v 8 C Yum, mij c'uxbin a wotot ba' ma' chumtʌl,
\q Ya' ba' ma' pʌs a ñuclel.
\q
\v 9 Mach a pʌyon majlel yic'ot xmulilob.
\q Mach a tsʌnsañon yic'ot stsʌnsajob.
\q
\v 10 Jontol i melbalob,
\q Mi' ch'ʌmob cabʌl taq'uin ti' majtan.
\b
\q
\v 11 Ixcu joñon, toj mic cha'len xʌmbal.
\q Mʌñʌyon loq'uel ti' p'ʌtʌlel mulil, pʌsbeñon a c'uxbiya.
\q
\v 12 Mic ch'ujutesan lac Yum ba' mi lac tempan lac bʌ come woli' cʌntañon.
\c 27
\s Lac Yum jiñʌch c sʌclel, jiñʌch caj Coltaya
\p
\v 1 Caj Coltaya c Yum. Mi' yʌc'on ti ajñel ti' sʌclel.
\q ¿Yom ba mic bʌc'ñan winic?
\q C Yum mi' coltañon che' an j contrajintel.
\q ¿Majqui mi caj c bʌc'ñan che' jini?
\q
\v 2 Che' bʌ tsa' tiliyob j contrajob cha'an mi' jisʌbeñon c bʌc'tal,
\q Tsi' p'ojquiyob i yoc jini ts'a' bʌ tsi' q'ueleyoñob. Tsa' yajliyob.
\q
\v 3 Anquese cabʌlob j contrajob mu' bʌ i tempañob i bʌ,
\q Ma'anic mic cha'len bʌq'uen.
\q Anquese mi' tejchel guerra tic tojlel,
\q Chʌn xuc'ul c pusic'al ti lac Yum.
\b
\q
\v 4 Jini jach tsaj c'ajtibe c Yum:
\q Com chumtʌl ti' yotot c Yum ti pejtelel q'uin che' cuxulon to,
\q Cha'an mij q'uelben i yuts'atlel c Yum,
\q Cha'an mic ña'tan ya' ti' Templo. Jiñʌch mu' bʌ c sajcan.
\b
\q
\v 5 Come ti' yorajlel wocol mucul mi caj i cʌntañon ya' ti' yotot.
\q Mi caj i mucon ti xuc'ul bʌ otot ba' ma'anic mi' tajon j contra.
\q Xuc'ul mi caj i yʌc'on ti pam xajlel yilal
\q
\v 6 Ba' mach mejlic i c'otelob j contrajob.
\q Mi caj cʌq'uen tsʌnsʌbil bʌ i majtan c Yum ti' tijicñʌyel c pusic'al ti pisil bʌ i yotot.
\q Mi caj j c'ʌyiben i ñuclel c Yum.
\b
\q
\v 7 Jiñʌch coración: C Yum, ubibeñon che' c'am mic pejcañet.
\q Pʌsbeñon i yutslel a pusic'al, jac'beñon.
\q
\v 8 Tsa' subeyon: Sajcañon cha'an ma' q'uelbeñon c wut, che'et.
\q Tsac jac'ʌ: Wolic letsan c wut cha'an mij q'uelet, c Yum, cho'on.
\q
\v 9 Mach a mʌybeñon a wut. Mach a chocon che' mich'et, come a winicon.
\b
\q Tsa'ix a coltayon ti yambʌ ora.
\q Mach a chocon, mach a cʌyon, Dios, caj Coltayajet.
\q
\v 10 Anquese cʌybilon tic tat tic ña',
\q Mi caj a wotsañon ti a walobil.
\q
\v 11 C Yum, cʌntesañon ti a bijlel.
\q Pʌyʌyon majlel ti jini toj bʌ bij,
\q Come mi' chijtañoñob j contrajob.
\q
\v 12 Mach a wʌc'on ti' wenta jini mu' bʌ i tem ña'tañob i contrajiñon.
\q Tsa' tejchiyob tij contra jini xjop't'añob.
\q Ch'ejlob jax mi' melob i bʌ ti jontolil.
\b
\q
\v 13 Cujil belel ora mi caj cubin i yutslel c Yum ila ti pañimil che' cuxulon to.
\q
\v 14 Pijtan lac Yum, yom ch'ejlet.
\q La' xuc'lec a pusic'al.
\q Yom cu ma' pijtan lac Yum.
\c 28
\s Jini xajlel mi' jisan xjontolilob, pero i mʌctʌjibʌch jini tojo' bʌ
\p
\v 1 C Yum, mic pejcañet.
\q C Xajlelet ba' mic taj c xuc'tilel.
\q Mach yomic ma' ñusʌbeñon c t'an ame chʌmicon.
\q
\v 2 Ubibeñon c t'an che' c'am mic pejcañet.
\q Coltañon che' mic letsan j c'ʌb ti' tojel jini ch'ujul bʌ a chumlib.
\b
\q
\v 3 Mach a chocon loq'uel yic'ot jontolo' bʌ winicob,
\q Yic'ot jini mu' bʌ i cha'leñob jontolil.
\q Uts i t'an che' mi' pejcañob i pi'ʌlob,
\q Pero mi' ña'tañob jontolil ti' pusic'al.
\q
\v 4 La' i tojob i jontolil tsa' bʌ i cha'leyob.
\q Q'uextʌbeñob jontol bʌ i melbal.
\q Aq'ueñob i q'uexol i melbal che' bajche' yom.
\q
\v 5 Come ma'anic mi' p'isob ti' wenta a melbal mi i ye'telic a c'ʌb.
\q Jini cha'an mi caj a peq'uesañob. Ma'anic mi caj a cha' ñuq'uesañob.
\b
\q
\v 6 La' c ch'ujutesan lac Yum,
\q Come tsi' yubibeyon j c'ajtibal.
\q
\v 7 Lac Yum, c p'ʌtʌlelʌch, c mʌctʌjibʌch.
\q Tsa'ix c ñopo c Yum ti jump'ejl jach c pusic'al.
\q Tsi' xuc'chocoyon. Jini cha'an ñuquix c pusic'al.
\q Mi caj c ch'ujutesan tij c'ay.
\b
\q
\v 8 C Yum, c p'ʌtʌlelet lojon.
\q Lajaletʌch bajche' ts'ajquibil bʌ otot ba' mi' taj i coltʌntel jini yajcʌbil bʌ a cha'an.
\q
\v 9 Coltan a cha'año' bʌ. Aq'ueñob i tijicñʌyel a p'olbal.
\q We'sañob ja'el. Meq'ueyob majlel ti pejtelel ora.
\c 29
\s I p'ʌtʌlel lac Yum yic'ot i ñuclel
\p
\v 1 La' i subob i ñuclel lac Yum jini ángelob.
\q La' i subob i ñuclel lac Yum yic'ot i p'ʌtʌlel.
\q
\v 2 Suben i ñuclel lac Yum come ñuc i c'aba'.
\q Ch'ujutesan lac Yum am bʌ ch'ujul bʌ i t'ojlʌwib.
\b
\q
\v 3 Mi' tsictiyel i t'an lac Yum ti tocal.
\q Lajal i t'an lac Yum bajche' i t'an chajc.
\q Mi la cubiben c'am bʌ i t'an lac Yum ya' ti tocal.
\q
\v 4 P'ʌtʌl i t'an lac Yum,
\q Wen ñuc i t'an lac Yum.
\q
\v 5 Lac Yum mi' top' jini ch'ujte' che' mi' cha'len t'an.
\q Isujm lac Yum mi' top' jini ch'ujte' am bʌ ti Líbano wits.
\q
\v 6 Cha'an ti' p'ʌtʌlel lac Yum mi' ñijcʌyel wits, Líbano yic'ot Sirión.
\q Mi' tijp'el yilal che' bajche' alʌ wacax.
\b
\q
\v 7 Lac Yum mi' yʌc' i t'an,
\q Mi' t'oxtʌl i c'ʌc'al chajc.
\q
\v 8 Lac Yum mi' yʌc' i t'an, mi' yujcun i bʌ jini jochol bʌ lum.
\q Lac Yum mi' yujcun jini colem bʌ i tiquiñal lum i c'aba' Cades.
\q
\v 9 Lac Yum mi' yʌc' i t'an, yuquiña jini c'olol ti ic'.
\q Mi' p'ajtel i yopol te'.
\q Mi' subob i ñuclel pejtel año' bʌ ti' yotot lac Yum.
\b
\q
\v 10 Mi' yajñel lac Yum ti pam but'ja'.
\q Lac Yum mi' cha'len yumʌl ti pejtelel ora.
\q
\v 11 Lac Yum mi' yʌq'ueñob i p'ʌtʌlel i cha'año' bʌ.
\q Lac Yum mi' yʌq'ueñob i ñʌch'tʌlel i pusic'al.
\c 30
\s Tsa' coli ti c'amʌjel
\f Jump'ejl c'ay cha'an Templo che' mi' yʌq'uentel wocolix i yʌlʌ Dios. I Salmo David.
\f*
\p
\v 1 C Yum, mi caj c sub a ñuclel, come tsa'ix a ñuq'uesʌbeyon c pusic'al.
\q Tsa'ix a tiq'ui j contrajob. Ma'anic tsa' mʌjli i cha'añob.
\q
\v 2 C Yum Dios, c'am tsac pejcayet. Tsa' c'oq'uesayon.
\q
\v 3 C Yum, tsa' loc'sayon ti' yajñib chʌmeño' bʌ.
\q Tsa' cha' ch'ejlesayon cha'an ma'anic mic jubel ti mucoñibʌl.
\b
\q
\v 4 C Yum, la i c'ʌyiñob a ñuclel a cha'año' bʌ.
\q La' i subob wocolix a wʌlʌ che' mi' ña'tañob ch'ujul a c'aba'.
\q
\v 5 Jumuc' jach mich'et, c Yum.
\q Ma'anic ma' cʌy a pʌsbeñon lojon a wutslel che' cuxulon to lojon.
\q Poj ch'ijiyemon lojon jump'ejl ac'ʌlel,
\q Tijicña c pusic'al lojon che' ti sʌc'ajel.
\q
\v 6 Che' tijicñayon tsa cʌlʌ:
\q Chʌn xuc'ulon mi caj cajñel ti pejtelel ora, lon cho'on.
\q
\v 7 C Yum, cha'an jach ti' yutslel a pusic'al poj xuc'ulon bajche' wits.
\q Che' bʌ tsa' mʌyʌ a wut, tsa' caji c mel c pusic'al.
\b
\q
\v 8 C Yum, c'am tsac pejcayet.
\q Tsaj c'ajtibeyet ti wocol t'an:
\q
\v 9 Mi tsa' chʌmiyon, mi tsa' oc'mi c bʌc'tal, ¿chuqui to j c'ʌjñibal?
\q ¿Mejl ba i sub a ñuclel jini ts'ubejn?
\q
\v 10 Ubiñon c Yum, pʌsbeñon i yutslel a pusic'al.
\q C Yum, ochen ti caj cʌntaya.
\b
\q
\v 11 Tsa'ix a q'uextʌbeyon i ch'ijiyemlel c pusic'al.
\q Tsa'ix a wʌc'ʌyon ti son.
\q Tsa' jochbeyon loq'uel j coxtal i yejtal i ch'ijiyemlel c pusic'al.
\q Tsa' lʌpbeyon yilal tijicña bʌ c pusic'al.
\q
\v 12 Jini cha'an mij c'ʌyin a ñuclel,
\q Ma'anic mic ñʌjch'el.
\q C Yum Dios, mi caj c subeñet wocolix a wʌlʌ ti pejtelel ora.
\c 31
\s Mʌcʌl ti xajlel
\p
\v 1 C Yum, tsa'ix cʌc'ʌ c bʌ ti a wenta.
\q Mach a wʌc'on ti quisin ti pejtelel ora.
\q Coltañon ti toj bʌ a pusic'al.
\q
\v 2 Yom ma' p'ison ti a wenta, coltañon ti ora.
\q C Xajlelet ba' mic taj i xuc'tilel c pusic'al.
\q Mi cʌc' c bʌ ti a wenta che' bajche' mic mʌc c bʌ ti chan bʌ xajlel.
\q
\v 3 Come jatet c Xajlelet ba' mic taj i xuc'tilel c pusic'al.
\q Lajalet bajche' ts'ajcʌbil bʌ cotot.
\q Pʌyʌyon majlel cha'an ma' wʌc' ti cʌjñel a c'aba'.
\q Pʌsbeñon jini bij ba' yom mic majlel.
\q
\v 4 Chiliyon loq'uel ti uts'at ba' mi' yʌcoñob,
\q Come xuc'ul bʌ cototet.
\q
\v 5 Mi cʌq'ueñet c ch'ujlel ti a c'ʌb.
\q Tsa'ix a mʌñʌyon, c Yum Dios, isujmetʌch.
\b
\q
\v 6 Ts'a' ma' q'uel jini mu' bʌ i ch'ujutesañob dioste'.
\q Joñon mic ñopet, c Yum.
\q
\v 7 Mi caj c wen ubin tijicña cha'an a c'uxbiya,
\q Come tsa' q'ueleyon ti wocol.
\q Tsa' cʌmbeyon c pusic'al ti wocol.
\q
\v 8 Ma'anic tsa' wʌc'ʌyon ti' c'ʌb j contra.
\q Tsa' wʌc'ʌyon ti libre.
\b
\q
\v 9 P'untañon c Yum, come añon ti wocol.
\q Woli' yajpel c wut ti uq'uel.
\q Woli ti c'un'an c pusic'al yic'ot j cuctal cha'an ch'ijiyem c pusic'al.
\q
\v 10 Come woli' jisañon i ch'ijiyemlel c pusic'al.
\q Woliyon ti uq'uel ti pejtelel ora.
\q Woli' jilel c p'ʌtʌlel cha'an c mul. Laj jilemix c wersa.
\b
\q
\v 11 Ts'a'lebilon ti pejtelel j contrajob.
\q Ñumen mi' ts'a'leñoñob c pi'ʌlob ti chumtʌl.
\q Jini j cʌñʌyo' bʌ mi' bʌc'ñañoñob.
\q Jini mu' bʌ i q'ueloñob ti bij mi' puts'tañoñob.
\q
\v 12 Mi' sʌtoñob ti' pusic'al che' bajche' winic tsa'ix bʌ chʌmi.
\q Lajalon bajche' i xejt'il p'ejt.
\q
\v 13 Tsa'ix cubi c ts'a'lentel ti cabʌlob.
\q An bʌq'uen ti jujunwejl.
\q Che' mi' temob i t'an tij contra,
\q Yomob i tsʌnsañon.
\b
\q
\v 14 C Yum, wolic ñopet. Tsa cʌlʌ: C Dioset.
\q
\v 15 Tilem ti a tojlel chuqui tac jach mi' tajon.
\q Loc'sañon ti' c'ʌb j contrajob, ti' tojlel jini mu' bʌ i tic'lañon.
\q
\v 16 A winicon, yom tijicña ma' q'uelon.
\q Coltañon come c'ux ma' wubiñon.
\q
\v 17 C Yum, mach a wʌc'on ti quisin come tsa'ix c pejcayet.
\q La' i yubiñob quisin jini jontolo' bʌ.
\q Mi caj i ñʌjch'elob ya' ti' yajñib chʌmeño' bʌ.
\q
\v 18 La' ñʌjch'icob jini yujilo' bʌ lot,
\q Mu' bʌ i chañ'esañob i bʌ ti tsʌts bʌ t'an.
\q Mi' ts'a'leñob jini tojo' bʌ.
\b
\q
\v 19 Wen ñuc i yutslel a pusic'al mu' bʌ caj a pʌsben jini mu' bʌ i bʌc'ñañet.
\q Chajpʌbilet cha'an ma' pʌsben a wutslel jini mu' bʌ i ñopet ti' tojlel i pi'ʌlob.
\q
\v 20 Ma' wotsañob ti xuc'ul ba' mach i tajayobic i contrajob.
\q Mi caj a cʌntañob ti a wotot ba' ma'anic mi' yubiñob a'leya.
\b
\q
\v 21 La' c ch'ujutesañet c Yum,
\q Come tsa' pʌsbeyon ñuc bʌ a wutslel ya' ba' woli' joy contrajiñoñob.
\q
\v 22 Come tsa cʌlʌ che' añon ti wocol:
\q Chocbilonix ti a wut, cho'on.
\q Pero tsa' wubibeyon che' bʌ tsac pejcayet ti oración,
\q Che' bʌ tsac cha'le uq'uel ti a tojlel.
\b
\q
\v 23 C'uxbinla lac Yum pejtel i cha'añet bʌ la,
\q Come lac Yum mi' cʌntan jini mu' bʌ i ñopob.
\q Mi' yʌq'uen i toj i mul jini mu' bʌ i chañ'esan i bʌ.
\q
\v 24 La' ñuc'ac la' pusic'al. Yom ch'ejletla.
\q Mi caj i p'ʌtesʌbeñetla la' pusic'al pejteletla mu' bʌ la' pijtan lac Yum.
\c 32
\s I wenlel jini ñusʌbilo' bʌ i mul
\p
\v 1 Tijicña jini ñusʌbilix bʌ i mul ti lac Yum,
\q Mach bʌ wolix i chʌn na'tʌbentel.
\q
\v 2 Tijicña jini winic mach bʌ anix mi' tajtʌl i jontolil cha'an ñusʌbil ti Dios.
\q Mach yujilic lot ili winic.
\b
\q
\v 3 Che' ma'anic tsac subu c mul, tsa' caji ti jilel c bʌquel.
\q Tsac cha'le ajacñʌyel ti pejtelel q'uin.
\q
\v 4 Come tsa' teñeyon ti a c'ʌb ti ac'ʌlel yic'ot ti q'uinil.
\q Tsa' tiquesa yilal c bʌc'tal che' bajche' ti' yorajlel jajmel.
\b
\q
\v 5 Tsac subeyet c mul, ma'anic tsac mucu c mul.
\q Tsa cʌlʌ: Mi caj c subeñet c jontolil c Yum, cho'on.
\q Jatet tsa' ñusʌbeyon c mul yic'ot c jontolil.
\q
\v 6 Jini cha'an la' i pejcañet ti oración pejtel a cha'año' bʌ che' ti' yorajlel wocol.
\q Che' mi' bujt'el colem ja' mach ñumic ba' añob.
\q
\v 7 C puts'ibet,
\q Mi caj a cʌntañon che' mi' tajon wocol.
\q Mi caj c cha'len c'ay cha'an wola' joy coltañon.
\b
\q
\v 8 Woli' yʌl lac Yum: Mi caj j cʌntesañet.
\q Mi caj c pʌsbeñet jini bij baqui yom ma' majlel.
\q Mi caj c toj'esañet majlel tic wut.
\q
\v 9 Mach yomic lajalet bajche' caballo mi mula mach bʌ anic i ña'tʌbal.
\q Mi' toj'esʌntel majlel ti freno.
\q Machiqui, mach majlic ya' baqui awom, che'en.
\b
\q
\v 10 Cabʌl mi' yubiñob wocol jini jontolo' bʌ.
\q Jini mu' bʌ i ñop lac Yum joyolʌch ti' yutslel.
\q
\v 11 La' ñuc'ac la' pusic'al ti lac Yum tojet bʌ la. Yom tijicñayetla.
\q Cha'lenla c'am bʌ t'an cha'an la' tijicñʌyel pejtelel toj bʌ la' pusic'al.
\c 33
\s Lac Yum tsi' mele pañimil yic'ot panchan
\p
\v 1 Jatetla tojet bʌ la, yom tijicñayetla ti lac Yum.
\q Come i t'ojol jax jini tojo' bʌ che' mi' subob i ñuclel Dios.
\q
\v 2 Subula i ñuclel lac Yum ti arpa.
\q C'ʌyinla lac Yum yic'ot música am bʌ lujunt'ujm i ch'ajñal.
\q
\v 3 C'ʌyinla lac Yum ti tsiji' bʌ c'ay.
\q Wen ñijcanla música. Yom tijicña mi' cha'len t'an.
\v 4 Come tojʌch i t'an lac Yum, xuc'ulʌch pejtel i melbal.
\q
\v 5 Mi' c'uxbin toj bʌ lac melbal yic'ot toj bʌ meloñel.
\q Wen p'ojlemix i yutslel lac Yum ti pañimil.
\q
\v 6 Tsa' mejli jini panchan cha'an ti' t'an lac Yum,
\q Tsa' mejli pejtel ec' tac cha'an i yiq'uilel i yej.
\q
\v 7 Tsi' tempa jini ja' am bʌ ti ñajb,
\q Tsi' tajbe i yajñib jini tam tac bʌ ja'.
\b
\q
\v 8 La' i bʌc'ñañob lac Yum pejtel chumulo' bʌ ti pañimil.
\q
\v 9 Che' bʌ tsi' cha'le t'an, tsa' mejli chuqui tsi' yʌlʌ.
\q Tsi' cha'le mandar, xuc'ulʌch tsa' cʌle.
\b
\q
\v 10 Lolom jach mi' temob i t'an jini gentilob, come lac Yum mi' contrajiñob.
\q Lac Yum mi' yʌc' ti jilel chuqui mi' lon ña'tañob i mel winicob x'ixicob.
\q
\v 11 Chʌn xuc'ul i t'an lac Yum ti pejtelel ora.
\q Chuqui tac mi' ña'tan lac Yum ti' pusic'al mi' ts'ʌctesʌbeñonla yic'ot lac p'olbal ti pejtelel ora.
\q
\v 12 Tijicñayob mu' bʌ i yumañob Dios,
\q Tijicñayob jini yajcʌbilo' bʌ mu' bʌ i yochelob ti' cha'an Dios.
\b
\q
\v 13 Lac Yum am bʌ ti panchan mi' q'uel pejtel pañimil.
\q Mi' q'uel pejtel winicob x'ixicob.
\q
\v 14 Ya' ti' chumlib mi' q'uel pejtel chumulo' bʌ ti pañimil.
\q
\v 15 Dios tsi' yʌq'ueyob i pusic'al.
\q Mi' tsajin pejtel i melbal winicob.
\b
\q
\v 16 Mach cha'anic cabʌl soldadojob mi' coltʌntel rey.
\q Mach cha'anic i bajñel p'ʌtʌlel mi' coltʌntel soldado.
\q
\v 17 Lolom jach caballo, mach mejlic i coltañonla.
\q Mach ti' p'ʌtʌlelic caballo mi laj colel.
\b
\q
\v 18 Awilan, lac Yum woli' cʌntan jini woli bʌ i bʌc'ñañob,
\q Woli bʌ i pijtañob i coltʌntel ti lac Yum.
\q
\v 19 Lac Yum mi caj i coltañob ti' yutslel. Ma'anic mi caj i yʌc'ob ti chʌmel.
\q Mi caj i cʌntañob ti' yorajlel wi'ñal.
\b
\q
\v 20 Ti pejtelel lac pusic'al woli lac pijtan lac Yum.
\q Jiñʌch la caj cʌntaya, jiñʌch lac mʌctʌjib.
\q
\v 21 Mi caj la cubin tijicña ti lac pusic'al,
\q Come ñopol lac cha'an ch'ujul bʌ i c'aba'.
\q
\v 22 C Yum, pʌsbeñon lojon i yutslel a pusic'al.
\q Come wolic pijtañet lojon.
\c 34
\s Dios mi' cʌntañonla
\f I Salmo David che' bʌ tsi' yʌñʌ i wut yilal ti tojlel Abimelec tsa' bʌ i choco loq'uel. Tsa' majli.
\f*
\p
\v 1 Mi caj c ch'ujutesan lac Yum ti pejtelel ora.
\q Mi caj c chʌn sub i ñuclel c Yum.
\q
\v 2 Mi caj i ñuc'an c pusic'al cha'an c Yum.
\q Tijicña mi caj i yubiñob jini utso' bʌ.
\q
\v 3 Conla c sub i ñuclel lac Yum.
\q La' lac tem ñuq'uesʌben i c'aba'.
\b
\q
\v 4 Tsac sajca lac Yum. Tsi' yubiyon.
\q Tsi' loc'sʌbeyon pejtelel c bʌq'uen.
\q
\v 5 Tsi' jac'beyob lac Yum jini winicob.
\q Tsiquil ti' wut, tijicñayob.
\q Ma'anic tsa' ajq'uiyob ti quisin.
\q
\v 6 Che' bʌ tsi' cha'le uq'uel ili p'ump'un bʌ,
\q Lac Yum tsi' yubi. Tsi' colta loq'uel ti pejtelel i wocol.
\q
\v 7 I yAngel lac Yum mi' joy mʌctan jini mu' bʌ i bʌc'ñañob lac Yum. Mi' coltañob.
\q
\v 8 Ñopola uts'at lac Yum.
\q Ña'tanla, tijicña jini mu' bʌ i taj i coltʌntel ti lac Yum.
\q
\v 9 Bʌc'ñan lac Yum jatetla i cha'añet bʌ la,
\q Come ma'anic chuqui an to yom i cha'añob mu' bʌ i bʌc'ñañob lac Yum.
\q
\v 10 Jini alʌ bajlum mi' yubin wi'ñal.
\q Mach che'ic jini mu' bʌ i sajcan lac Yum.
\q Mi caj i taj pejtel chuqui tac wen.
\b
\q
\v 11 La'la, calobilob, ubibeñonla c t'an.
\q Mi caj j cʌntesañetla bajche' yom mi la' bʌc'ñan lac Yum.
\q
\v 12 ¿Majqui yom jalijel ti pañimil cha'an mi' taj tijicña bʌ?
\q ¿Mach ba jatetic?
\q
\v 13 Cʌntan a wac' ame ma' wʌl chuqui jontol.
\q Cʌntan a wej ame ma' cha'len lot.
\q
\v 14 Cʌyʌ jontolil, mele chuqui uts'at.
\q Tsajcan majlel i ñʌch'tilel a pusic'al.
\q
\v 15 Lac Yum mi' q'uel jini tojo' bʌ.
\q Lac Yum mi' ñich'tʌbeñob i yuq'uel.
\q
\v 16 Pero mi' ts'a'len jini mu' bʌ i cha'leñob jontolil.
\q Mi caj i jisañob cha'an ma'anic mi' chʌn ña'tʌntelob ti pañimil.
\q
\v 17 Jini tojo' bʌ mi' c'ajtibeñob lac Yum i coltʌntel.
\q Lac Yum mi' yubiñob. Mi' yʌc' ti ñumel pejtel i wocol.
\q
\v 18 Lʌc'ʌl an lac Yum ba'an ch'ijiyemo' bʌ i pusic'al.
\q Mi' coltan jini woli bʌ i melob i pusic'al.
\b
\q
\v 19 Mi' taj cabʌl wocol jini toj bʌ.
\q Lac Yum mi' yʌc' ti colel ti pejtelel i wocol.
\q
\v 20 Mi' cʌntʌben pejtel i bʌquel.
\q Ma'anic mi' c'ʌscujel mi junts'ijtic.
\q
\v 21 Jini jontol bʌ mi caj i yubin cabʌl wocol.
\q Jini mu' bʌ i ts'a'leñob jini toj bʌ mi caj i tojob i mul.
\q
\v 22 Lac Yum mi caj i mʌn i winicob cha'an mi' yʌc'ob ti colel,
\q Ma'anic mi caj i yʌjq'uelob ti toj mulil jini mu' bʌ i tajob i coltʌntel ti lac Yum.
\c 35
\s Woli' contrajintel che' ma'anic i mul
\p
\v 1 C Yum, yom ma' contrajiñob mu' bʌ i contrajiñon.
\q Cha'len guerra yic'otob.
\q
\v 2 Chajpan a bʌ, ch'ʌmʌ a mʌctʌjib.
\q La' tic t'ejl cha'an ma' coltañon.
\q
\v 3 Loc'san e'tʌjibʌl cha'an guerra ti' yotot,
\q Cha'an ma' mʌctʌbeñob i bijlel mu' bʌ i yajñesañoñob.
\q
\v 4 La' toj sajticob i pusic'al. La' i cha'leñob quisin mu' bʌ i tic'lañoñob.
\q La' sujticob, la' yajlicob.
\q
\v 5 La' sujticob bajche' i sujl pʌc'ʌbʌl mu' bʌ i wejlan ic'.
\q La' ajñesʌnticob cha'an i yAngel lac Yum.
\q
\v 6 La' ochic ac'ʌlel ti' bijlel, la' bojy'ac.
\q La' ajñesʌnticob cha'an i yAngel lac Yum.
\b
\q
\v 7 Tsi' top'oyob ch'en cha'an mi yʌcoñob che' bajche' bʌte'el.
\q
\v 8 La' jisʌnticob che' mach yʌxʌlobic i yo.
\q La' to wʌlʌc chujquicob ti' yac tsa' bʌ i meleyob.
\q La' wʌlʌc jisʌnticob ya'i.
\b
\q
\v 9 Mi caj cubin i tijicñʌyel c pusic'al ti lac Yum.
\q Tijicña mi caj cubin che' mi' coltañon.
\q
\v 10 Mi caj c pejcañet che' c'oc'on to.
\q C Yum, ¿majqui lajal bajche' jatet?
\q Ma' chuc loq'uel jini p'ump'un bʌ ti' c'ʌb jini ñumen p'ʌtʌl bʌ.
\q Ma' loc'san jini tic'lʌbil bʌ yic'ot jini pobre bʌ ti' p'ʌtʌlel jini yom bʌ i jisan.
\b
\q
\v 11 Tsa'ix caji i jop'ob c mul xlotob.
\q Tsi' jop'oyob jini mach bʌ c'ajalic c cha'an.
\q
\v 12 Mi' sutq'uibeñoñob jontolil cha'an c wenlel.
\q Wen ch'ijiyem tsa' cʌleyon.
\q
\v 13 Pero mach che'ic tsac melbeyob.
\q Che' c'amob tsac lʌpʌ coxtal i yejtal i ch'ijiyemlel c pusic'al.
\q Tsac cha'le ch'ajb, tsac peq'uesa c bʌ.
\q Tsac lon cha'le oración.
\q
\v 14 Ch'ijiyemon tsac liji c bʌ che' bajche' mi la cuc'tan lac ña' yic'ot la queran.
\b
\q
\v 15 Mach che'ic tsi' melbeyoñob.
\q Che' c'uñon ti xʌmbal tijicñayob.
\q Tsi' tempayob i bʌ jini xjop't'añob tij contra yic'ot jini mach bʌ cʌmbilobic c cha'an.
\q Tsi' cha'leyob u'yaj. Ma'anic tsa' lujb'ayob ti p'ajoñel.
\q
\v 16 Tsi' wajleyoñob, tsi' p'ajayoñob.
\b
\q
\v 17 C Yum, ¿jayp'ejl to q'uin mi caj a q'uel?
\q Loc'sañon ti' p'ʌtʌlel jini mu' bʌ i jisañon,
\q Loc'sañon ti' tojlel tac bajlum.
\q
\v 18 Mi caj c subeñet wocolix a wʌlʌ ba' mi' tempañob i bʌ cabʌlob.
\q Mi caj c sub a ñuclel ti' tojlel cabʌl winicob x'ixicob.
\b
\q
\v 19 Mach ñuc'ac i pusic'al j contrajob mu' bʌ i jop'ob c mul.
\q Anquese ma'anic c mul mi' ts'a'leñoñob.
\q
\v 20 Mach utsic i t'an, mi' techob a'leya.
\q Mi' jop'ob lot cha'an mi' yʌc'ob ti wocol jini ñʌch'ʌlo' bʌ ti pañimil.
\q
\v 21 Ts'a' mi' q'ueloñob.
\q Tsi' yʌlʌyob: Jajaja, tsa'ix j q'uele lojon, che'ob.
\q
\v 22 C Yum, tsa'ix a q'uele bajche' mi' melob. Mach yomic che jach ma' q'uelob.
\q La', c Yum, mach yomic ma' jalijel ti ñajtʌl.
\q
\v 23 Wa'i' ti meloñel,
\q C Dios, c Yum, tsictesañon ti toj.
\q
\v 24 C Yum Dios, yom ma' tsictesan toj bʌ c pusic'al.
\q Mach mi' mʌjlel i cha'añob tic tojlel
\q
\v 25 Ame mi' lon ña'tañob ti' pusic'al wolic yajlel che' bajche' yomob.
\q Ame mi' yʌlob: Tsa'ix lac mʌlʌ, ame che'obic.
\q
\v 26 La' i yubiñob quisin. La' toj sajticob i pusic'al mu' bʌ i mulan i tic'lañoñob.
\q La' i yubiñob quisin.
\q Chilbeñob i ñuclel jini mu' bʌ i chañ'esañob i bʌ tij contra.
\b
\q
\v 27 La' i cha'leñob c'ay mu' bʌ i q'ueloñob ti toj.
\q La' ñuc'ac i pusic'al.
\q La' i yʌlob ti pejtelel ora: La' sujbic i ñuclel lac Yum, che'ob
\q Come tijicña lac Yum che' wen chumul i winic.
\q
\v 28 Mi caj c sub toj bʌ a melbal yic'ot a ñuclel, c Yum, ti pejtelel ora.
\c 36
\s I yutslel i pusic'al Dios
\p
\v 1 Tsʌytsʌyña i pusic'al jini jontol bʌ.
\q Ma'anic mi' bʌc'ñan Dios.
\q
\v 2 Come mi' bajñel chañ'esan i bʌ.
\q Mi' lon ña'tan mach cʌmbilic i mul, ma'anic mi' caj ti ts'a'lentel.
\q
\v 3 Jontol i t'an, lot jach mi' cha'len.
\q Tsa'ix i cʌyʌ wen bʌ i ña'tʌbal. Tsi' cʌyʌ i mel chuqui uts'at.
\q
\v 4 Che' ñolol ti' wʌyib mi' ña'tan i mel jontolil.
\q Mach uts'atic ba' woli' majlel.
\q Ma'anic mi' ts'a'len jontolil.
\b
\q
\v 5 C Yum, mi' c'ʌlʌl c'otel a wutslel ti panchan.
\q Mi' c'ʌlʌl c'otel i xuc'tilel a pusic'al ti tocal.
\q
\v 6 C'ax ñuc a tojel bajche' jini wits tsa' bʌ a mele.
\q Lajal a meloñel bajche' tam bʌ ñajb mach bʌ cʌmbilic ti pejtelel.
\q C Yum, wola' cʌntan winicob x'ixicob yic'ot pejtelel bʌte'el ja'el.
\b
\q
\v 7 C Dios, ¡uts'atax a wutslel!
\q Mi' tilelob winicob x'ixicob ba' añet cha'an mi' tajob i coltʌntel ti' yebal a wich'.
\q
\v 8 Wen tijicñayob come sumuc jax chuqui tac an ti a wotot.
\q Ma' wʌq'ueñob i jap ja' ya' ti' loq'uib ti a tojlel.
\q Tijicñayob i pusic'al.
\q
\v 9 Ya'an cuxul bʌ ja' a wic'ot, i yejtalʌch j cuxtilel lojon.
\q Mij q'uel lojon chuqui tac isujm che' ma' pʌsbeñon lojon i sʌclel a wut.
\q
\v 10 Chʌn pʌsbeñob a wutslel jini mu' bʌ i cʌñetob.
\q Pʌsbeñob toj bʌ a melbal jini tojo' bʌ.
\q
\v 11 Coltañon ame mi' tajon jini mu' bʌ i chañ'esan i bʌ,
\q Ame mi' ñijcañon loq'uel ti cajñib jini jontol bʌ.
\q
\v 12 Ya' tsa' yajliyob jini mu' bʌ i cha'leñob jontolil.
\q Chocbilobix, mach mejlix ti chʌn ch'ojyelob.
\c 37
\s I jilibal jontolo' bʌ
\p
\v 1 Mach a cha'len tsic pusic'al cha'an i mul jini mu' bʌ i cha'leñob jontolil.
\q Mach ma' mulʌbeñob i chubʌ'an xmulilob.
\q
\v 2 Mach jalic mi caj i jilelob che' bajche' mi' tiquin jam yic'ot pimel.
\b
\q
\v 3 Ñopo lac Yum, mele chuqui uts'at.
\q Che' jini xuc'ul mi caj a chumtʌl ti jini lum.
\q
\v 4 Yom tijicñayet ti lac Yum.
\q Mi caj i yʌq'ueñet chuqui yom a pusic'al.
\b
\q
\v 5 Ac'ʌ ti' wenta lac Yum pejtelel a melbal.
\q Ñopo lac Yum. Mi caj i jolontesan chuqui ma' ña'tan a mel.
\q
\v 6 Mi caj i wen tsictiyel toj bʌ a pusic'al che' bajche' i sʌclel pañimil.
\q Dios mi caj i tsictesan che' bajche' i sʌclel pañimil ti xinq'uinil.
\b
\q
\v 7 Ñʌch'chocon a bʌ ti lac Yum. Pijtan lac Yum ti' xuc'tilel a pusic'al.
\q Mach a cha'len tsic pusic'al che' mi' p'ojlel i chubʌ'an jini mu' bʌ i mel jontolil.
\b
\q
\v 8 Cʌyʌ a mich'ajel. Mach yomic tsʌytsʌyña a pusic'al.
\q Jini woli bʌ ti mich' mi' tech mulil.
\q Mach che'ic yom ma' mel.
\q
\v 9 Jini mu' bʌ i cha'leñob jontolil mi caj i chojquelob ti tojmulil.
\q Jini mu' bʌ i chʌn pijtañob lac Yum mi caj i yʌq'uentelob i wenlel.
\b
\q
\v 10 Mach jalix mi caj i jilel jini mach bʌ anic mi' ñop Dios.
\q Che' mi caj a q'uel jini xjontolil mach ya'ix an.
\q
\v 11 Jini utso' bʌ i pusic'al mi caj i yʌq'uentelob i wenlel.
\q Tijicña mi caj i yubiñob che' ñʌch'ʌlob i pusic'al.
\q
\v 12 Jini mach bʌ anic mi' ñop Dios mi' ña'tan bajche' mi caj i tic'lan jini toj bʌ.
\q Cʌlʌx jax mi' mich'len.
\q
\v 13 Lac Yum mi' tse'tan jini winic.
\q Yujil mach jalix mi' caj ti jilel.
\b
\q
\v 14 Jini jontolo' bʌ mi' loc'sañob i yespada ti' yotot. Mi' sʌts'ob i jalʌjb,
\q Cha'an mi' jisañob jini p'ump'un bʌ,
\q Cha'an mi' tsʌnsañob jini tojo' bʌ.
\q
\v 15 Jini jontolo' bʌ mi caj i wʌlʌc ubiñob i yespada ti' pusic'al.
\q Jini jalʌjb tac mi' caj ti laj c'ʌscujel.
\b
\q
\v 16 Uts'at i chubʌ'an jini xuc'ul bʌ winic anquese mach cabʌlic.
\q Mach uts'atic i chubʌ'an jini xjontolil anquese wen cabʌl.
\q
\v 17 Mi caj i jisʌntel i p'ʌtʌlel jini jontolo' bʌ,
\q Pero lac Yum mi' cʌntan jini tojo' bʌ.
\q
\v 18 Lac Yum mi' q'uel bajche' mi' ñusañob q'uin jini tojo' bʌ.
\q Mach jilic ti pejtelel ora chuqui mi' yʌq'ueñob.
\q
\v 19 Ma'anic mi caj i yubiñob quisin ti' yorajlel wocol.
\q Jasʌl mi caj i c'uxob waj che' ti' yorajlel wi'ñal.
\b
\q
\v 20 Pero jini jontolo' bʌ mi caj i jilelob.
\q I contrajob lac Yum mi caj i jilelob che' bajche' aq'uiñʌl.
\q Mi' cajelob ti pulel, mi' cajelob ti jilel che' bajche' buts'.
\b
\q
\v 21 Jini jontol bʌ mi' c'ajtin ti bet. Ma'anix mi' chʌn tilel i toj.
\q An i yutslel i pusic'al jini toj bʌ. Mi' yʌc' i chubʌ'an.
\v 22 Jini c'uxbibilo' bʌ ti lac Yum mi caj i yʌq'uentelob jini lum.
\q Jini chocbilo' bʌ ti lac Yum mi caj i jisʌntelob.
\b
\q
\v 23 Lac Yum mi' toj'esan majlel jini uts'at bʌ winic
\q Cha'an xuc'ul mi' majlel ti' bijlel.
\q Tijicña mi' q'uel bajche' mi' mel.
\q
\v 24 Che' mi' yajlel, ma'anic mi' junyajlel cʌytʌl,
\q Come lac Yum mi' chucben i c'ʌb.
\b
\q
\v 25 Ch'itoñon to wajali. Wʌle ñoxonix.
\q C'ʌlʌl wʌle ma'anic q'uelel c cha'an juntiquil toj bʌ tsa' bʌ chojqui.
\q I yalobilob ja'el ma'anic mi' c'ajtiñob ñumel i bʌl i ñʌc'.
\q
\v 26 Belel ora uts i pusic'al mi' yʌc' i chubʌ'an.
\q Che' ja'el i yalobilob yujilob coltaya.
\q
\v 27 Cʌyʌ jontolil, mele chuqui uts'at.
\q Che' jini mi caj a wajñel ti pejtelel ora.
\q
\v 28 Come lac Yum mi' mulan chuqui toj.
\q Ma'anic mi' cʌy i cha'año' bʌ.
\q Mi' cʌntañob ti pejtelel ora.
\q Pero i p'olbal jini jontolo' bʌ mi caj i yʌjq'uel ti jilel.
\q
\v 29 Mi caj i yʌq'uentelob jini pañimil jini tojo' bʌ.
\q Mi caj i yajñelob ti pejtelel ora.
\b
\q
\v 30 Tsiquil i ña'tibal jini toj bʌ che' mi' cha'len t'an.
\q Tojʌch i t'an.
\q
\v 31 Mi' chʌn ña'tan ti' pusic'al chuqui yom Dios.
\q Ma'anic mi' cʌy i ñop.
\b
\q
\v 32 Jini xjontolil mi' chijtan jini toj bʌ.
\q Mi' sʌclan bajche' mi mejlel i tsʌnsan.
\q
\v 33 Lac Yum ma'anic mi' yʌc' jini toj bʌ ti' wenta xjontolil.
\q Ma'anic mi' yʌc' ti tajol i mul ya' ti melobʌjʌl.
\b
\q
\v 34 Ñopo lac Yum, jac'ben chuqui mi' yʌl.
\q Mi caj i yʌq'ueñet a ñuclel. Mi caj a wʌq'uentel jini pañimil.
\q Mi caj a q'uel che' mi' jisʌntelob jini jontolo' bʌ.
\q
\v 35 Tsaj q'uele c'ax jontol juntiquil winic.
\q Ñuc tsi' mele i bʌ bajche' te' mu' bʌ ti wen colel.
\q
\v 36 Awilan, majlemix, mach chʌn tsiquilix.
\q Tsac sʌcla jini winic, ma'anic tsac taja.
\q
\v 37 Q'uele jini xuc'ul bʌ winic, jini toj bʌ.
\q Tijicña mi' caj ti ajñel jini winic uts bʌ i pusic'al.
\q
\v 38 Mi caj i laj jisʌntelob mu' bʌ i ñusʌbeñob i t'an Dios.
\q Mi caj i jisʌntelob jini xjontolilob yic'ot i p'olbalob.
\b
\q
\v 39 Ch'oyol ti lac Yum i coltʌntel jini tojo' bʌ.
\q Jiñʌch i p'ʌtʌlel ti' yorajlel wocol.
\q
\v 40 Lac Yum mi' coltan jini tojo' bʌ mu' bʌ i ñopob.
\q Mi' loc'sañob ba' bʌbʌq'uen mi' jilelob ti' p'ʌtʌlel jini jontolo' bʌ.
\c 38
\s Mi' sub i mul
\p
\v 1 C Yum, mach ma' wʌ'leñon ti a mich'ajel.
\q Mach ma' ju'sʌbeñon c pusic'al che' mich'et.
\q
\v 2 Tsa'ix a jec'beyon c pusic'al che' bajche' ti jalʌjb.
\q Wola' c'uchye'on jubel ti a c'ʌb.
\q
\v 3 Ma'anic i c'oc'lel c bʌc'tal come mich'et.
\q Ma'anic j c'oc'lel come an c mul.
\q
\v 4 Come jini c jontolil tsa'ix i teñeyon jubel.
\q Yom i c'ʌson che' bajche' al bʌ cuchʌl.
\q
\v 5 Mi' tuw'an c tsoy tac. Mi' yoc'mʌl
\q Cha'an c tontojlel.
\q
\v 6 C'uchulon, wen peq'uesʌbilon.
\q C'ʌlʌl mi' sʌc'an c'ʌlʌl mi' yic'an wen ch'ijiyemon.
\q
\v 7 Wen ticʌw jax c pusic'al yubil.
\q Ma'anic i c'oc'lel c bʌc'tal.
\q
\v 8 Wen c'uñucñayon jax. Ma'anix c p'ʌtʌlel.
\q Ajacñayon, wolic mel c pusic'al.
\b
\q
\v 9 C Yum, cʌmbil a cha'an pejtel chuqui tac com.
\q Mach muculic ti a wut che' mic cha'len ajacñiyel.
\q
\v 10 T'ʌlt'ʌlña jax c pusic'al. Tsa'ix jili c p'ʌtʌlel.
\q Mach c'otix c wut.
\q
\v 11 Jini c'uxbibilo' bʌ c cha'an yic'ot j cʌñʌyo' bʌ tsa'ix i cʌyʌyoñob cha'an j c'amʌjel.
\q Ñajt tsi' tʌts'ʌyob i bʌ c pi'ʌlob.
\b
\q
\v 12 Jini yomo' bʌ i tsʌnsañon woli' chajpañob i yac.
\q Jini yomo' bʌ i tic'lañon woli' temob i t'an cha'an mi' jisañon.
\q Ti sʌc'ajel c'ʌlʌl ti ic'ajel mi' ña'tañob i tech jontolil.
\q
\v 13 Pero lajalon bajche' xcojc. Ma'anic mi cubin.
\q Lajalon bajche' x'uma' mach bʌ yujilic t'an.
\q
\v 14 Isujm, lajaloñʌch bajche' winic mach bʌ anic mi' yubin.
\q Ma'anic mic letsan c t'an.
\q
\v 15 Come wolic pijtañet c Yum.
\q Mi caj a jac'beñon coración, c Yum Dios.
\q
\v 16 Ju'sʌbeñob i pusic'al, cho'on.
\q Machiqui, mi caj i mʌjlel i cha'añob.
\q Mi caj i chañ'esañob i bʌ tij contra che' colel c yajlel.
\b
\q
\v 17 Come bʌbʌq'uen mic yajlel.
\q Ma'anic mi' wis lajmel i ch'ijiyemlel c pusic'al.
\q
\v 18 Jini cha'an wolic sub c mul.
\q Wolic mel c pusic'al cha'an c mul.
\q
\v 19 Cabʌl ch'ejlo' bʌ mi' contrajiñoñob,
\q Cabʌl mi' ts'a'leñoñob.
\q
\v 20 Mi' sutq'uibeñoñob jontolil ti wen bʌ c melbal.
\q Mi' contrajiñoñob cha'an com c mel chuqui uts'at.
\b
\q
\v 21 C Yum, mach ma' cʌyon.
\q C Dios, mach ma' tʌts' a bʌ ba' añon.
\q
\v 22 Coltañon ti ora,
\q C Yum, caj Coltayajet c cha'an.
\c 39
\s Ñumel jach woliyonla ti pañimil
\p
\v 1 Tsa cʌlʌ: Mi caj c chʌcʌ cʌntan c bʌ,
\q Ame lecojic mic cha'len t'an.
\q Mi caj cotsan freno ti quej,
\q Che' añon ti' tojlel jini jontolo' bʌ, cho'on.
\q
\v 2 Ma'anic tsac cha'le t'an, ñʌch'ʌlon.
\q Ma'anic tsac taja i ñuq'uesʌntel c pusic'al.
\q Tsa' utsi p'ojli c ch'ijiyemlel.
\q
\v 3 Tsac mele c pusic'al.
\q Che' bʌ tsac cha'le t'an tic pusic'al tsac wen cha'le pensar.
\q C'am tsac pejca Dios ti oración:
\b
\q
\v 4 C Yum, la' c ña'tan mi caj j cʌy pañimil.
\q Xñumelon jach ti pañimil.
\q La' c ña'tan c'uñon jach.
\q
\v 5 Ma'anic jayñajb tsa' wʌq'ueyon j q'uiñilel.
\q Ma'anic cabʌl c jabilel ti a wut.
\q Ora jach mi' ñumel c jabilel lojon che' bajche' ic' mu' bʌ i loq'uel ti quej.
\q
\v 6 Che'ʌch añon lojon bajche' axñal mu' bʌ ti ñumel majlel.
\q Lolom jach mic mel lojon c pusic'al.
\q Anquese mic tempan lojon c chubʌ'an, mach cujilic lojon majqui mi caj i ch'ʌm.
\b
\q
\v 7 Wʌle, c Yum, ¿chuqui to yom mic pijtan?
\q Wolic pijtañet.
\q
\v 8 Chucuyon loq'uel ti pejtelel c mul.
\q Mach a wʌc'on ti ts'a'lentel ti' tojlel tonto bʌ.
\q
\v 9 Tsaj cʌyʌ c cha'len t'an. Ma'anix mi caw quej,
\q Come jatet tsa' wʌc'ʌyon ti wocol.
\q
\v 10 Mach a chʌn jats'on.
\q Lujbonix cha'an wola' jats'on ti a c'ʌb yilal.
\q
\v 11 Che' ma' wʌq'ueñon lojon c tsico' pusic'al cha'an lojon c mul, ma' ju'sʌbeñon lojon c pusic'al. Ma' jisʌbeñon lojon c t'ojlʌwel.
\q Lecojon lojon bajche' pisil am bʌ i jo'ch'il.
\q Che'ʌch añon lojon bajche' ic' woli bʌ ti loq'uel ti quej.
\b
\q
\v 12 C Yum, ubibeñon coración, ubibeñon cuq'uel.
\q Q'uele i ya'lel c wut, mach a ñusañon.
\q Xñumelon jach ti pañimil, che' bajche' pejtel c ñojte'el.
\q
\v 13 Mach a chʌn q'uelon ti a mich'ajel. La' poj ajnicon ti tijicña,
\q Jinto mij cʌy pañimil, jinto che' mach chʌn tsiquilonix.
\c 40
\s Wocolix i yʌlʌ Dios cha'an i coltʌntel
\r (Sal. 70.1-5)
\p
\v 1 Jal tsac pijta c Yum ti' xuc'tilel c pusic'al.
\q Tsi' ña'tayon, tsi' yubibeyon c t'an.
\q
\v 2 Tsi' loc'sayon ti ch'en yilal ba' bʌbʌq'uen mic jilel ti tam bʌ oc'lel.
\q Tsi' wa'chocoyon ti pam xajlel.
\q Tsi' xuc'chocoyon ti xʌmbal.
\q
\v 3 Tsi' yʌq'ueyon tsiji' bʌ c'ay
\q Cha'an mij c'ʌyiben i ñuclel lac Dios.
\q Cabʌl c pi'ʌlob mi caj i q'uelob. Mi caj i bʌc'ñañob lac Yum. Mi caj i ñopob.
\b
\q
\v 4 Tijicña jini winic mu' bʌ i ñop lac Yum.
\q Ma'anic mi' tsajcan majlel jini chan bʌ mi' q'uelob i bʌ, mu' bʌ i cʌyob isujm bʌ t'an.
\q
\v 5 C Yum Dios, tsa'ix a p'ojlesa jini ñuc tac bʌ a melbal tic tojlel lojon.
\q Wola' chʌn ña'tañon lojon.
\q Ma'anic yambʌ bajche' jatet. Aniqui, tsac subu.
\q Mach mejlic ti tsijquel a melbal.
\b
\q
\v 6 Ma'anic ma' mulan tsʌnsʌbil bʌ a majtan yic'ot ofrenda.
\q Ma'anic tsa' c'ajtibeyon pulbil bʌ a majtan yic'ot majtañʌl cha'an i tojol c mul.
\q Pero tsa' wʌq'ueyon c ch'ujbin a t'an.
\q
\v 7 Tsac subeyet talon, cho'on,
\q Che' bajche' ts'ijbubil ti a jun.
\b
\q
\v 8 C Dios tijicña wolic mel chuqui a wom.
\q Lotol a mandar tic pusic'al.
\q
\v 9 Tsac subu jini wen t'an ba' tempʌbilob cabʌl winicob x'ixicob.
\q C Yum, mic wen sub a t'an. Wen a wujil mach mʌcʌlic quej.
\q
\v 10 Tsac tsictesayet ba' mi' tempañob i bʌ.
\q Ma'anic tsac mucuyet ti' tojlelob. Tsac subu ti jamʌl xuc'ulet.
\q Uts'at ma' cha'len coltaya. Cabʌlʌch i yutslel a pusic'al. Isujmet.
\b
\q
\v 11 C Yum, mach ma' chʌclibeñon a p'untaya.
\q Cʌntañon ti a c'uxbiya ti' isujmlel a t'an.
\q
\v 12 Tsa' wen p'ojli wocol tic tojlel.
\q Jini c jontolil tsi' yʌc'ʌyon ti wocol. Mach cujilix chuqui yom mic mel.
\q Ñumen on c mul ti tsicol bajche' i tsutsel c jol.
\q Tsiltsilña c pusic'al.
\b
\q
\v 13 C Yum, poj loc'sañon ti ili wocol ti' yutslel a pusic'al.
\q C Yum, coltañon ti ora.
\q
\v 14 La' i cha'leñob quisin jini yomo' bʌ i tic'lañon.
\q La' toj sajticob i pusic'al.
\q La' yʌsʌnticob jini yomo' bʌ i jisañon.
\q
\v 15 La' toj sajticob i pusic'al mu' bʌ i subeñon:
\q Jajaja, jajaja, che'ob.
\q La' i cha'leñob quisin cha'an i mul.
\b
\q
\v 16 La' i yubiñob i tijicñʌyel i pusic'al pejtel mu' bʌ i sajcañet.
\q La' ñʌch'lecob i pusic'al.
\q La' i yʌlob ti pejtelel ora: ¡Ñucʌch lac Yum! La' i yʌlob pejtelelob mu' bʌ i c'uxbiñet woli bʌ i pijtañob i coltʌntel ti a tojlel.
\q
\v 17 Jixcu joñon, p'ump'uñon. Anto yom c wenlel, pero lac Yum woli' ña'tʌbeñon ti' pusic'al.
\q C Yum, xcʌntayajet c cha'an, la' ba' añon ti ora.
\q Coltayajet c cha'an,
\q C Dios, mach yomic ma' jalijel.
\c 41
\s Mi' c'ajtin i c'oc'lel
\p
\v 1 Tijicña jini mu' bʌ i ña'tan jini p'ump'un bʌ.
\q Lac Yum mi caj i col che' mi' yubin wocol.
\q
\v 2 Lac Yum mi caj i cʌntan, mi caj i coltan.
\q Tijicña mi caj i yajñel ti pañimil.
\q Ma'anic mi caj i cʌy jini winic ti' p'ʌtʌlel i contrajob.
\q
\v 3 Lac Yum mi caj i cʌntan che' c'am.
\q Mi caj i coltan che' woli ti wocol.
\b
\q
\v 4 Jixcu joñon, c Yum, a wocolic pʌsbeñon i yutslel a pusic'al.
\q Ñusʌbeñon c mul come tsac cha'le mulil ti a contra.
\q
\v 5 Jini j contrajob mi' p'ajoñob:
\q ¿Baqui ora mi caj i chʌmel?
\q ¿Baqui ora mi caj i ñajiyel i c'aba'? che'ob.
\q
\v 6 Ba' ora mi' tilel i q'uelon j contra mi' cha'len lot.
\q Mi' ña'tan i jop'beñon c mul.
\q Che' mi' loq'uel mi' puc majlel.
\b
\q
\v 7 Pejtel mu' bʌ i ts'a'leñon mi' mucu temob i t'an tij contra.
\q Mi' ña'tañob i yʌsañon yic'ot i jontolil.
\q Mi' yʌlob:
\q
\v 8 Mach chʌn colix ti wocol.
\q Mach chʌn mejlix ti ch'ojyel ba' ñolol, che'ob.
\q
\v 9 Tsi' tsa'leyon ja'el juntiquil c pi'ʌl
\q Tsa' bʌ c ch'ʌmʌ tic wenta, tsa' bʌ i c'uxu waj quic'ot.
\q
\v 10 C Yum, pʌsbeñon i yutslel a pusic'al.
\q P'ʌtesañon cha'an mij q'uextʌbeñob i jontolil.
\b
\q
\v 11 Che' jini tsiquil mi uts'at ma' q'uelon.
\q Tsa' coloyon loq'uel ti' c'ʌb j contra ame mi' t'uchtañon.
\q
\v 12 Wola wʌq'ueñon a p'ʌtʌlel cha'an chʌn xuc'ul mi cajñel.
\q Wola' cʌntañon ti pejtelel ora. Añon ti a wenta.
\q
\v 13 La' sujbic i ñuclel lac Yum, i Dios Israel, mach bʌ anic i cajibal mach bʌ anic i jilibal.
\q Che'ʌch yom. Amén.
\c 42
\ms LIBRO II 
\s Tiquin i ti' c ch'ujlel cha'an com Dios
\p
\v 1 Che' bajche' an i tiquin ti' me' cha'an mi' jap ja',
\q Che' ja'el an c tiquin ti' yilal cha'an com c Dios.
\q
\v 2 Tiquin c ti' yubil cha'an com Dios, jini cuxul bʌ Dios.
\q ¿Baqui ora mi mejlel c ñochtan Dios?
\q
\v 3 Cha'an ch'ijiyemon tsac wen cha'le uq'uel ti q'uiñil ti ac'ʌlel.
\q Bele q'uin mi' c'ajtibeñoñob winicob:
\q ¿Baqui an a Dios? lon che'ob.
\b
\q
\v 4 Che' mic ña'tan iliyi, cabʌl mic mel c pusic'al,
\q Come c'ajal c cha'an bajche' tsac pi'leyob ti xʌmbal jini winicob x'ixicob
\q Che' bʌ tsac pʌyʌyob majlel ti' yotot Dios.
\q Che' tijicña lojon c pusic'al, tsac subu lojon i ñuclel Dios.
\q Cabʌlon lojon tsac mele lojon q'uin.
\q
\v 5 ¿Chucoch ch'ijiyem c pusic'al?
\q ¿Chucoch wulwulña c pusic'al?
\q La' c pijtan Dios, come mach jalix mi caj c suben wocolix i yʌlʌ caj Coltaya Dios.
\b
\q
\v 6 Ch'ijiyem c pusic'al.
\q Jini cha'an mic ña'tan c Dios wʌ' ba' añon ti' ti' Jordán ja' ti i t'ojol jax bʌ lum ba'an wits Hermón yic'ot Mizar.
\q
\v 7 Ju'ucña mi' tilel but'ja'. Ti ora ma' but'ben i ch'eñal ja'.
\q Tsa'ix a choco tilel c wocol che' bajche' wʌlʌcña bʌ ja' mu' bʌ i ñumel tic tojlel.
\q
\v 8 Uts i pusic'al lac Yum. Mi' pʌs i c'uxbiya ti jujump'ejl q'uin.
\q Ti ac'ʌlel mij c'ʌyiben i ñuclel.
\q Mic pejcan Dios mu' bʌ i yʌq'ueñon j cuxtilel.
\b
\q
\v 9 Mic suben Dios, jini xColtaya c cha'an:
\q ¿Chucoch tsa' ñajʌyiyon ti a pusic'al?
\q ¿Chucoch ma' cʌyon ti' c'ʌb j contra cha'an p'ump'un mi' tic'lañon?
\q Ch'ijiyem c pusic'al, cho'on.
\q
\v 10 Lajalʌch bajche' c'ʌscujemon che' mi' yʌ'leñoñob j contrajob.
\q Ti pejtelel ora mi' subeñoñob:
\q ¿Baqui'an a Dios mu' bʌ i coltañet? lon che'ob.
\q
\v 11 ¿Chucoch ch'ijiyem c pusic'al?
\q ¿Chucoch wulwulña c pusic'al?
\q La c pijtan Dios, come mi caj c cha' suben wocolix i yʌlʌ.
\q Jiñʌch caj Coltaya Dios.
\c 43
\s Mi' c'ajtin i tsictesʌntel toj bʌ i pusic'al
\p
\v 1 C Dios, meleyon. La' loq'uicon ti uts'at ti' tojlel jini mach bʌ anic mi' c'uxbiñet.
\q Pʌyʌyon loq'uel ti' p'ʌtʌlel winicob yujilo' bʌ lot, jini yujilo' bʌ jontolil.
\q
\v 2 C Diosetʌch, c p'ʌtʌlelet, ¿chucoch tsa' cʌyʌyon?
\q ¿Chucoch wersa mic chʌn ajñel ti ch'ijiyem bʌ c pusic'al cha'an woli' tic'lañoñob j contrajob?
\b
\q
\v 3 Yom ma' pʌsbeñon a sʌclel yic'ot i sujmlel a t'an, cha'an mi' toj'esañon majlel.
\q Yom ma' pʌyon majlel ti a Templo ti ch'ujul bʌ a wits.
\q
\v 4 Che' jini mi caj c majlel ba'an i puluntib a majtan, c Dios.
\q Jatet i tijicñʌyelet c pusic'al.
\q Jatet c Dioset. Mi caj c sub a ñuclel ti música am bʌ i ch'ajñal.
\q
\v 5 ¿Chucoch ch'ijiyem c pusic'al?
\q ¿Chucoch wulwulña c pusic'al?
\q La' c pijtan Dios, come mi caj i ñuc'an c pusic'al cha'an i ñuclel,
\q Caj Coltaya Dios.
\c 44
\s Cabʌl tsa' coltʌnti ti wocol
\p
\v 1 Tsa'ix cubi lojon.
\q Tsi' subeyon lojon c ñojte'el
\q Chuqui tac tsa' mele ti wajali.
\q
\v 2 Ya' ba' tsa' choco loq'uel jini sajtemo' bʌ tsa' wotsa a cha'año' bʌ ti a p'ʌtʌlel.
\q Tsa' puts'tesa winicob x'ixicob cha'an ma' wʌc' ti p'ojlel a cha'año' bʌ.
\q
\v 3 Come mach ti' p'ʌtʌlelic i yespada tsi' ch'ʌmʌyob jini lum.
\q Ma'anic tsa' mʌjli i cha'añob ti' bajñel p'ʌtʌlel.
\q Pero ti' p'ʌtʌlel jini ñoj bʌ a c'ʌb jini wen yujil bʌ e'tel tsa' coltayob,
\q Come tsa' pʌsbeyob i yutslel a pusic'al.
\b
\q
\v 4 Jatet, c Reyet, c Dioset mu' bʌ a wʌc' ti colel Jacob.
\q
\v 5 Mi caj c choc lojon jubel j contrajob cha'an ti a p'ʌtʌlel.
\q Ti a c'aba' mi caj c t'uchtan lojon jini mu' bʌ i contrajiñon lojon.
\q
\v 6 Come mach cha'anic c jalʌjb xuc'ul c pusic'al.
\q Mach cha'anic quespada mi' mʌjlel c cha'an.
\q
\v 7 Tsa' pʌyʌyon loq'uel ti' p'ʌtʌlel j contrajob lojon.
\q Tsa' peq'uesa jini mu' bʌ i ts'a'leñon lojon.
\q
\v 8 C Dios, chʌn xuc'ul lojon c pusic'al ti jatet.
\q Mux c sub lojon i ñuclel a c'aba' ti pejtelel ora.
\b
\q
\v 9 Chocbilonix lojon wʌle. Tsa'ix a wʌc'ʌyon lojon ti quisin.
\q Ma'anix ma' pi'len majlel c soldadojob lojon.
\q
\v 10 Tsa' wʌc'ʌyon lojon ti puts'el ti' tojlel j contrajob lojon.
\q Jini mu' bʌ i ts'a'leñon lojon mi' xujch'iñob lojon c chubʌ'an.
\q
\v 11 Che' bajche' mi' tsʌnsʌntel tiñʌme' tsa' wʌc'ʌyon lojon ti chʌmel.
\q Tsa' pucuyon lojon ti' tojlel jini mach bʌ c pi'ʌlobic lojon.
\q
\v 12 Tsa' wʌc'ʌ a winicob x'ixicob ti' wenta i contrajob ti che jachi.
\q Ma'anic tsa' ch'ʌmbeyob i tojol.
\q
\v 13 Tsa' wʌc'ʌyon lojon ti tse'tʌntel ti' tojlel jini mach bʌ c pi'ʌlobic lojon,
\q Cha'an mi' ts'a'leñon lojon, cha'an mi' wajleñon lojon.
\q
\v 14 Tsa' wʌc'ʌyon lojon ti a'lentel ti' tojlel jini gentilob.
\q Jini winicob x'ixicob yan tac bʌ i lumal mi' wajleñoñob lojon.
\q
\v 15 Belel ora muc'on ti quisin.
\q Mic mʌy c wut cha'an quisin,
\q
\v 16 Cha'an i t'an jini mu' bʌ i tse'tañon lojon, mu' bʌ i p'ajon lojon,
\q Cha'an ts'a' mi' q'uelon lojon j contrajob mu' bʌ i q'uextañob jontolil.
\b
\q
\v 17 Tsa' tili wocol tic tojlel lojon,
\q Anquese ma'anic tsa' ñajʌyiyet tic pusic'al lojon.
\q Ma'anic tsac ñusa lojon jini xuc'ul bʌ a t'an.
\q
\v 18 Xuc'ul to c pusic'al lojon a wic'ot.
\q Ma'anic tsaj cʌyʌ a bijlel.
\q
\v 19 Tsa' teñeyon lojon ya' ba'an jini mate'el ts'i'.
\q Tsa' wotsayon lojon ti ic'ch'ipan bʌ ba' bʌbʌq'uen mi lac chʌmel.
\q
\v 20 Mi tsa' laj cʌyʌ lac Dios cha'an mi lac ch'ujutesan dioste' tac,
\q
\v 21 ¿Mach ba anic mi' tsictiyel ti a wut?
\q Come cʌmbil i cha'an Dios jini mucul tac bʌ am bʌ ti lac pusic'al.
\q
\v 22 Wolic tsʌnsʌntel lojon ti jujump'ejl q'uin cha'an tsac ñopoyet lojon.
\q Wets'bilon lojon che' bajche' tiñʌme' cha'an mic tsʌnsʌntel lojon.
\b
\q
\v 23 ¡Ch'ojyen, c Yum! ¿Chucoch woliyet ti wʌyel?
\q Yom ma' pʌs a p'ʌtʌlel. Mach a junyajlel chocon lojon ti a tojlel.
\q
\v 24 ¿Chucoch wola' mʌc a wut? ¿Chucoch ñajʌyem c wocol lojon ti a pusic'al che wolic tic'lʌntel lojon?
\q
\v 25 Come wen ch'ijiyemon lojon, pʌcʌlon ti lum.
\q
\v 26 La' coltañon lojon,
\q Mʌñʌyon lojon come c'ux ma' wubiñon lojon.
\c 45
\s Che' mi' ñupuñijel jini rey
\p
\v 1 But'ul c pusic'al cha'an jini wen tac bʌ com bʌ c sub.
\q Mic sub i ñuclel jini rey ti c'ay.
\q Jini cac' i wentajʌch pluma ti' c'ʌb jini wen yujil bʌ ts'ijb.
\b
\q
\v 2 Ñumen a t'ojol jax bajche' pejtel winicob.
\q Awujil uts bʌ t'an.
\q Jini cha'an Dios tsa'ix i yʌq'ueyet i yutslel i t'an ti pejtelel ora.
\q
\v 3 Cʌchʌ ti a ñʌc' a wespada.
\q C'ax p'ʌtʌlet, pʌsʌ i ñuclel a yumʌntel.
\q
\v 4 Cha'len marcha ti' wut a contrajob, come tsa' mʌjli a cha'an
\q Cha'an ti caj a sujmlel yic'ot a wutslel yic'ot a tojel.
\q Pʌsʌ ñuc tac bʌ a we'tel cha'an p'ʌtʌlet.
\q
\v 5 Jay i ni' a jalʌjb mu' bʌ i jec'ben i pusic'al a contrajob.
\q Winicob x'ixicob mi caj i yochelob ti a wenta.
\b
\q
\v 6 C Yum, an a yumʌntel ti pejtelel ora.
\q Jini a baston i yejtalʌch a yumʌntel. Toj ma' cha'len meloñel.
\q
\v 7 Tsa'ix a c'uxbi chuqui tac toj.
\q Tsa'ix a ts'a'le jontolil.
\q Jini cha'an Dios, jini a Dios, tsa'ix i muluyet ti aceite yilal,
\q Cha'an mi' yʌq'ueñet i tijicñʌyel a pusic'al ñumen bajche' a pi'ʌlob.
\q
\v 8 An i yujts'il a pislel bajche' xojocña bʌ mirra* yic'ot áloe yic'ot casia.
\q Tijicña a pusic'al ya' ti colem otot melbil bʌ ti marfil ba' woli ti t'an música.
\q
\v 9 Ya' añob xch'oc bʌ i yalobilob reyob ti' tojlel jini x'ixicob año' bʌ i ñuclel.
\q Ya'ʌch wa'al jini x'ixic bʌ rey ti a ts'ejtʌl.
\q Lʌpʌl i cha'an i bujc joch'bil bʌ ti oro ch'oyol bʌ ti Ofir.
\b
\q
\v 10 Xch'oc bʌ calobil, ubibeñon c t'an.
\q Ac'ʌ ti a pusic'al.
\q La' ñajʌyicob ti a pusic'al a pi'ʌlob yic'ot jini año' bʌ ti' yotot a tat.
\q
\v 11 Mi caj i c'uxbiñet jini rey come a t'ojol mi' q'uelet.
\q Jiñʌch a Yum, yom ma' c'uxbin.
\q
\v 12 Talobix ch'oyolo' bʌ ti Tiro i yʌq'ueñet a majtan.
\q Jini wen chumulo' bʌ ti lum mi caj i c'ajtibeñet a wutslel.
\b
\q
\v 13 I t'ojol jax jini xch'oc bʌ i yalobil rey woli bʌ i pijtan ti' mal i yotot.
\q Ñotbil jini oro ti' pislel.
\q
\v 14 Mi caj i pʌjyel majlel ba'an jini rey lʌpʌl i cha'an joch'bil bʌ i bujc.
\q Jini xch'oc bʌ i pi'ʌlob mu' bʌ i pi'leñob majlel
\q Mi caj i pʌjyelob majlel ya' ba' añet.
\q
\v 15 Tijicña i pusic'al mi caj i pʌjyelob majlel cha'an mi' ñuc'añob i pusic'al.
\q Mi caj i yochelob ti' yotot jini rey.
\b
\q
\v 16 Xch'oc bʌ calobil, cha' ubibeñon c t'an.
\q Jini a walobilob mi caj i tajbeñob i ye'tel i tat.
\q Mi caj a wotsañob ti yumʌlob ti pejtelel pañimil.
\q
\v 17 Mi caj cʌc' ti cʌjñel a c'aba' ti' tojlel winicob x'ixicob,
\q Cha'an mi' tsictesʌbeñob i yalobilob ti jujunlajm.
\q Jini cha'an mi caj i chʌn subob a ñuclel ti pejtelel ora.
\c 46
\s Dios jiñʌch la caj Coltaya
\p
\v 1 Dios lac p'ʌtʌlelʌch, ba' mi lac majlel ti puts'el.
\q Wʌ'ʌch an la quic'ot cha'an mi' coltañonla che' an bʌbʌq'uen bʌ.
\q
\v 2 Jini cha'an anquese mi' yʌsiyel pañimil ma'anic lac bʌq'uen.
\q Anquese mi ñijcʌyel ochel wits ti mal ñajb,
\q
\v 3 Anquese wen c'am mi' cha'len t'an jini wʌlʌcña bʌ colem ja',
\q Anquese mi' ñijcʌyel wits,
\q Ma'anic mi lac cha'len bʌq'uen.
\b
\q
\v 4 Jini colem ja' loq'uem bʌ ba'an Dios
\q Mi' yʌq'uen i tijicñʌyel jini año' bʌ ti' tejclum Dios.
\q Jini Ch'ujul bʌ Ajñibʌl i cha'añʌch jini C'ax Ñuc Bʌ.
\q
\v 5 Dios an ti' yojlil jini Tejclum, jini cha'an ma'anic mi caj i ñijcʌntel.
\q Dios mi caj i bʌc' coltan jini año' bʌ ti Tejclum che' ti sʌc'ajel.
\q
\v 6 Mi' mich'añob yumʌlob ti pañimil.
\q Woli' chilbentelob i yumʌntel.
\q Mi' toj sajtel i pusic'al jini año' bʌ ti pañimil,
\q Che' mi' cha'len t'an Dios.
\q
\v 7 Lac Yum an la quic'ot. I Yumʌch panchan yic'ot pañimil.
\q I Dios Jacob jiñʌch la caj Coltaya i wenta chan bʌ ts'ajc.
\b
\q
\v 8 La'la, q'uelbenla i melbal lac Yum.
\q Q'uelela bajche' tsi' cha'le jisaya ti lum.
\q
\v 9 Mi' yujtesan guerra c'ʌlʌl ti pejtelel pañimil.
\q Mi' bic'ti c'ʌs jini jalʌjb, mi' c'ʌs jini lanza.
\q Mi' pulbeñob i carreta tac mu' bʌ i c'ʌñob ti guerra.
\q
\v 10 Ch'abixla, ña'tanla joñon Dioson.
\q Ñuc mi caj i q'ueloñob ti yan tac bʌ lum,
\q Mi caj c ñuq'uesʌntel ti pañimil, che'en.
\q
\v 11 I Yum Panchan yic'ot Pañimil an la quic'ot.
\q I Dios Jacob jiñʌch la caj Coltaya i wenta chan bʌ ts'ajc.
\c 47
\s Dios i Reyʌch pejtel pañimil
\p
\v 1 Winicob x'ixicob ti pejtelel lum, ñuq'uesanla Dios.
\q La' tsictiyic i tijicñʌyel la' pusic'al cha'an tsa' mʌjli i cha'an Dios.
\q
\v 2 Come lac Yum jiñʌch C'ax Ñuc Bʌ yom bʌ mi lac bʌc'ñan.
\q Mi' cha'len yumʌl ti pejtelel pañimil.
\q
\v 3 Mi' yʌc' ti lac wenta winicob x'ixicob ti mojt ti mojt.
\q Mi' yotsañonla ti yumʌl ti jujump'ejl tejclum.
\q
\v 4 Mi' yajcʌbeñonla chuqui tac mi' yʌq'ueñonla,
\q Jiñʌch mero wen bʌ lum tsa' bʌ i yʌq'ueyob c'uxbibilo' bʌ i cha'an.
\q
\v 5 Tsa' letsi majlel Dios, tsa' mʌjli i cha'an.
\q Tsa' letsi lac Yum ti' tojlel trompeta tac woli bʌ ti t'an.
\q
\v 6 C'ʌyibenla i ñuclel Dios, c'ʌyibenla i ñuclel.
\q C'ʌyinla salmo tac ti' tojlel lac Rey, c'ʌyinla salmo tac.
\q
\v 7 Come Dios jiñʌch Rey ti pejtelel pañimil.
\q I t'ojol jax yom mi la' c'ʌyiben i ñuclel ti Salmo.
\b
\q
\v 8 Dios mi' cha'len yumʌl ti' tojlel jujunmojt winicob x'ixicob.
\q Buchul Dios ti' yumʌntel ti ch'ujul bʌ i buchlib.
\q
\v 9 Ya' mi' tempañob i bʌ jini yumʌlob loq'uemo' bʌ ti yan tac bʌ lum,
\q Cha'an mi' yochelob ti' winicob Dios, i Dios Abraham.
\q
\v 10 I cha'añob Dios jini yumʌlob ti pañimil,
\q Come wen ñuc Dios.
\c 48
\s I t'ojol jax Sion
\p
\v 1 Ñuc lac Yum. Yom cabʌl mi' sujbel i ñuclel.
\q Chumul Dios ti Jerusalén am bʌ ti ch'ujul bʌ wits i c'aba' Sion.
\q
\v 2 I t'ojol jax ya' ba c'ʌcʌl ti chan bʌ wits, i c'aba' Sion ti' tojel norte.
\q I tijicñʌyelʌch pejtel pañimil,
\q I tejclum jini ñuc bʌ Rey.
\q
\v 3 Ya' ti colem otot tac am bʌ ti Sion
\q Dios tsi' pʌsʌ i bʌ. Jiñʌch la caj Coltaya.
\b
\q
\v 4 Awilan tsi' tempayob i bʌ jini reyob.
\q Temel tsa' tiliyob ti' contra Israel.
\q
\v 5 Che' bʌ tsi' q'ueleyob Sion tsa' toj sajtiyob i pusic'al.
\q Tsi' cha'leyob bʌq'uen. Tsa' puts'iyob majlel.
\q
\v 6 Tsiltsilñayob tsi' cha'leyob bʌq'uen.
\q Tsi' yubiyob wocol lajal bajche' x'ixic mu' bʌ i cha'len bajq'uel.
\q
\v 7 Che'ʌch ma' jem tac colem barco i cha'an Tarso.
\q Ma' jem yic'ot jini ic' loq'uem bʌ ba' mi' pasel q'uin.
\q
\v 8 Lajal bajche' tsa cubi lojon tsa'ix j q'uele lojon ti' tejclum lac Yum Dios,
\q Ti' tejclum i Yum Panchan yic'ot Pañimil.
\q Dios mi caj i xuc'chocon cha'an mach jilic ti pejtelel ora.
\b
\q
\v 9 Ya' ti mal a Templo, c Dios, mic ña'tan lojon bajche' c'ux ma' wubiñon lojon.
\q
\v 10 Baqui jach mi' cʌjñel a c'aba'
\q Mi' sujbel a ñuclel ti pejtelel pañimil,
\q Come tojatax pejtel chuqui ma' mel.
\q
\v 11 La' i yubiñob tijicña año' bʌ ti wits i c'aba' Sion.
\q La' i yubiñob tijicña año' bʌ ti' tejclum tac Judá,
\q Come toj ma' cha'len meloñel.
\b
\q
\v 12 Cha'lenla xʌmbal ti Sion, joy xʌñʌla.
\q Tsiquila jini chan bʌ q'ueloñib ya' ti' ts'ajquil.
\q
\v 13 Wen q'uelela jini wa'chocobil bʌ mu' bʌ i joy mʌctan
\q Yic'ot jini ts'ajquibil tac bʌ otot,
\q Cha'an mi la' suben la' walobilob.
\q
\v 14 Come Dios jiñʌch lac Dios ti pejtelel ora.
\q Mi caj i toj'esañonla majlel c'ʌlʌl jinto mi lac chʌmel.
\c 49
\s Tonto jini mu' bʌ i yʌc' i pusic'al ti' chubʌ'añʌl
\p
\v 1 Winicob x'ixicob, ubinla iliyi ti pejteletla.
\q Pejtel xchumtʌlob ti pañimil, ñich'tanla.
\q
\v 2 Jini che' jach bʌ añob yic'ot jini ñuco' bʌ,
\q Jini wen chumulo' bʌ yic'ot jini p'ump'uño' bʌ, ñich'tanla.
\q
\v 3 Añʌch c ña'tʌbal, jini cha'an mic sub.
\q Mi cʌc' ti tsictiyel jini woli bʌ c ña'tan tic pusic'al come tsa'ix c ch'ʌmbe isujm.
\b
\q
\v 4 Mi caj c sub ti lajiya jini woli bʌ c ña'tan.
\q Mi caj j c'ʌn música am bʌ i ch'ajñal cha'an mic tsictesan.
\q
\v 5 ¿Chucoch mic cha'len bʌq'uen che' ti' yorajlel wocol
\q Che' joyolon ti xjontolilob woli bʌ i contrajiñon?
\b
\q
\v 6 Winicob mi' lon ña'tañob an i coltʌntel cha'an i chubʌ'an.
\q Mi' chañ'esañob i bʌ cha'an cabʌl i chubʌ'an.
\q
\v 7 Ma'anic majch mi mejlel i tojben i mul i pi'ʌl cha'an mi' loq'uel ti' p'ʌtʌlel mulil.
\q Mach mejlic i yʌq'uen Dios i tojol i mul,
\q
\v 8 Come wen letsem i tojol i cuxtʌlel.
\q Mach mejlic i toj ti pejtelel ora,
\q
\v 9 Cha'an mi' taj i cuxtilel mach bʌ anic mi' jilel,
\q Cha'an ma'anic mi' yoc'mʌl ti mucoñibʌl.
\q
\v 10 Che' jach mi' yujtel.
\q Mi' chʌmel jini am bʌ i ña'tʌbal.
\q Mi' jilel jini tonto bʌ yic'ot jini jontol bʌ.
\q Mi' cʌyob i chubʌ'an, mi' ch'ʌmob yaño' bʌ.
\q
\v 11 Mi' lon ña'tañob ti' pusic'al mi caj i yajñelob ti pejtelel ora,
\q Mi' lon ña'tañob mach jilic i yotot tac ba' chumul i p'olbal.
\q Mi' yotsbʌbeñob i c'aba' jini lum lajal bajche' i c'aba'.
\q
\v 12 Ma'anic majch mi' chʌn ajñel ti pañimil anquese c'uxbibil.
\q Lajal mi' jilel bajche' jini bʌte'el.
\b
\q
\v 13 I tilel che'ʌch mi' lon ña'tañob pero tontojob.
\q Jini mu' bʌ i tsajcañob, che'ʌch mi' lon ña'tañob ja'el.
\q
\v 14 Lajalobʌch bajche' tiñʌme' mu' bʌ i pʌjyelob majlel ti chʌmel.
\q Lajal mi' majlelob ti chʌmel.
\q Mi caj i yumañob jini tojo' bʌ che' ti sʌc'ajel.
\q Mux i jilelob i bʌc'tal, mux i yajñelob ba'an chʌmeño' bʌ.
\q
\v 15 Mach che'ic joñon. Dios mi caj i mʌñon loq'uel ti' p'ʌtʌlel chʌmel.
\q Dios mi caj i pʌyon ti' tojlel.
\b
\q
\v 16 Mach a cha'len bʌq'uen che' mi' yochel ti rico juntiquil winic,
\q Che' mi' p'ojlel i chubʌ'an ti' yotot.
\q
\v 17 Come ma'anic chuqui mi caj i ch'ʌm majlel che' mi' chʌmel.
\q Ma'anix i ñuclel ba' mi' c'otel,
\q
\v 18 Anquese tijicña cha'an cabʌl i chubʌ'an che' cuxul to,
\q Come winicob mi' c'uxbiñob jini wen chumul bʌ.
\q
\v 19 Muq'uix i chʌmel che' bajche' yaño' bʌ.
\q Mach chʌn q'uelelix i cha'an i sʌclel pañimil ti pejtelel ora.
\q
\v 20 Jini winic mu' bʌ i c'uxbintel, mi ma'anic mi' ch'ʌmben isujm,
\q Lajalʌch bajche' jini bʌte'el mu' bʌ i jilel.
\c 50
\s Dios mi caj i mel pejtel año' bʌ ti pañimil
\p
\v 1 Jini C'ax P'ʌtʌl bʌ Dios, jini lac Yum, tsa'ix i cha'le t'an.
\q Mi' pejcan jini año' bʌ ti pañimil c'ʌlʌl ba' mi' pasel q'uin c'ʌlʌl ba' mi' bʌjlel q'uin.
\q
\v 2 Ya' ti Sion, Dios tsi' pʌsʌ i ñuclel ti c'ajc ti jini wen i t'ojol jax bʌ i Templo.
\q
\v 3 Tal lac Dios. Mach ñʌch'ʌlic che' mi' tilel.
\q Mi' lejmel c'ajc ti' tojel i wut.
\q An p'ʌtʌl bʌ ic' ti' joytilel.
\q
\v 4 Mi' pʌy tilel jini año' bʌ ti panchan
\q Yic'ot jini año' bʌ ti pañimil cha'an mi' mel winicob x'ixicob i cha'año' bʌ.
\q
\v 5 Woli' yʌl: Tempʌbeñon c cha'año' bʌ
\q Tsa'ix bʌ ochiyob ti trato quic'ot che' bʌ tsi' yʌq'ueyoñob tsʌnsʌbil bʌ c majtan, che'en.
\q
\v 6 Jini año' bʌ ti panchan mi caj i subob tojatax Dios.
\q Come xmeloñel ajñel.
\b
\q
\v 7 Tsa' caji' yʌl Dios: Calobil Israel,
\q Ubinla c t'an mu' bʌ c sub ti a contra.
\q Dioson, joñon a Dioson.
\q
\v 8 Mach cha'anic tsʌnsʌbil bʌ c majtan mu' bʌ a chʌn aq'ueñon wolic tiq'uet.
\q
\v 9 Mach comic mi tat wacax mi chivo am bʌ ti pam a wotot,
\q
\v 10 Come c cha'añʌch pejtelel bʌte'el am bʌ ti mate'el,
\q Yic'ot bajc'ʌl wacax am bʌ ti bujtʌl tac.
\q
\v 11 Cʌñʌl c cha'an pejtel te'lemut am bʌ ti wits.
\q C cha'añʌch pejtel jontol bʌ bʌte'el mu' bʌ ti xʌmbal ti jamil.
\b
\q
\v 12 Anic c wi'ñal, mach muq'uic c subeñet,
\q Come c cha'añʌch jini pañimil yic'ot pejtelel i bʌl.
\q
\v 13 ¿Com ba j c'ux i bʌc'tal tat wacax?
\q ¿Com ba c japben i ch'ich'el tat chivo? Mach comic, che'en.
\q
\v 14 Yom ma' subeñon wocolix cʌlʌ. Jiñʌch tsʌnsʌbil bʌ c majtan, yubil.
\q Yom ma' ts'ʌctesan a t'an che' bajche' tsa' wʌn ña'ta a mel.
\q
\v 15 Pejcañon che' ti' yorajlel wocol.
\q Mi caj colet. Mi caj a tsictesan c ñuclel.
\b
\q
\v 16 Mic subeñob jontolo' bʌ:
\q Yom mi la' cʌy la' lon sub c mandar,
\q Yic'ot jini albil bʌ t'an c cha'an.
\q
\v 17 Wola' ts'a'len a cʌntesʌntel.
\q Wola' ñusʌbeñon c t'an.
\q
\v 18 Che' ma' q'uel xujch', ma' coltan.
\q Ma' pi'len majlel jini mu' bʌ i cha'len ts'i'lel.
\b
\q
\v 19 Ma' c'ʌn a wej ti jontolil, ma' cha'len lot.
\q
\v 20 Ma' p'aj a weran anquese juntiquil jach la' ña'.
\q
\v 21 Tsa'ix a mele iliyi.
\q Tsa' ña'ta lajalon bajche'et come ma'anic chuqui tsa cʌlʌ.
\q Mi caj c tiq'uet. Mi caj c tsictesan a mul.
\b
\q
\v 22 Ña'tanla iliyi jatetla mach bʌ anic mi la' ña'tañon
\q Ame mic bic'ti jisañetla ame mach chʌn coliquetla.
\q
\v 23 Majqui jach mi' subeñon wocolix cʌlʌ woli' yʌq'ueñon tsʌnsʌbil bʌ c majtan yilal.
\q Mi caj c pʌsben i coltʌntel majqui jach mi' sajcan wen bʌ c bijlel, che'en Dios.
\c 51
\s Mi' c'ajtiben Dios i ñusʌntel i mul
\f Cha'an xcʌntesa c'ay. Salmo tsa' bʌ i ts'ijbu David. Tsa' ñumi ora che' bʌ tsi' cha'le mulil yic'ot Betsabé. Tsa' c'oti ba'an David jini x'alt'an i c'aba' Natán.
\f*
\p
\v 1 Dios, p'untañon cha'an cabʌl i yutslel a pusic'al.
\q Tsac ñusʌbeyet a mandar. Yʌpbeñon c mul, come wen a wujil p'untaya.
\q
\v 2 Lu' pocbeñon loq'uel c jontolil.
\q Sʌq'uesʌbeñon c pusic'al cha'an tsac cha'le mulil.
\b
\q
\v 3 Cujil tsac ñusʌbeyet a mandar.
\q Mic ña'tan c mul ti pejtelel ora.
\q
\v 4 Tsaj contrajiyet che' bʌ tsac cha'le jontolil ti a wut.
\q Che' jini tsa cʌc'ʌ ti tsictiyel tojʌch a t'an,
\q Sʌcʌch a meloñel.
\q
\v 5 Awilan, xmulilon tsa quila pañimil.
\q Añʌch c mul c'ʌlʌl che' cʌntʌbilon i cha'an c ña'.
\q
\v 6 A wom a taj chuqui tac isujm ti' pusic'al winic,
\q Jini cha'an aq'ueñon c wen ch'ʌmben isujm chuqui a wom.
\q
\v 7 Sʌq'uesañon yic'ot i ch'ich'el alʌc'ʌl
\q Cha'an wen sʌc mi cajñel.
\q Pocoyon cha'an ñumen sʌc mi cajñel bajche' sʌsʌc bʌ tocal.
\q
\v 8 Tsa' c'ʌsbeyon c bʌquel yubil. La' lajmicon cha'an mi cubin i tijicñʌyel c pusic'al.
\q
\v 9 Mʌyʌ a wut cha'an ma'anic ma' chʌn q'uelbeñon c mul.
\q Yʌpbeñon pejtel c jontolil.
\q
\v 10 Dios, cha' melbeñon c pusic'al ti sʌc.
\q Cha' mele quespíritu ti tsijib yic'ot ti toj.
\q
\v 11 Mach a chocon loq'uel ti a tojlel.
\q Mach ma' chilbeñon loq'uel jini Ch'ujul bʌ a wEspíritu.
\q
\v 12 Cha' aq'ueñon cubin tijicña cha'an j coltʌntel.
\q Aq'ueñon c wersa cha'an mic mel chuqui toj ti jump'ejl c pusic'al.
\b
\q
\v 13 Che' jini mi caj c pʌsbeñob a bijlel jini mu' bʌ i ñusʌbeñet a mandar.
\q Jini xmulilob mi caj i sutq'uiñob i bʌ ba' añet.
\q
\v 14 Dios, ñusʌbeñon c mul come tsac cha'le tsʌnsa.
\q Dios, caj Coltaya, mi caj c'ʌyibeñet a tojel.
\b
\q
\v 15 C Yum, jambeñon quej
\q Cha'an mic sub a ñuclel.
\q
\v 16 Ma'anic ma' mulan tsʌnsʌbil bʌ a majtan.
\q Muq'uic cʌq'ueñet pulbil bʌ a majtan, mach tijicñayetic.
\q
\v 17 Jini mu' bʌ a mulan jiñʌch ju'sʌbilix bʌ c pusic'al lojon,
\q I wenta tsʌnsʌbil bʌ a majtan.
\q Dios, ma'anic ma' ts'a'len jini ju'sʌbilix bʌ i pusic'al mu' bʌ i cʌy i mul.
\b
\q
\v 18 Pʌsbeñob i yutslel a pusic'al a cha'año' bʌ.
\q Cha' mele i ts'ajquil tac Jerusalén.
\q
\v 19 Che' jini tijicña mi caj a q'uel tsʌnsʌbil bʌ a majtan che' tojʌch c pusic'al lojon.
\q Tijicña mi caj a q'uel a majtan yic'ot pulbil bʌ a majtan ti juncojtlel.
\q Che' jini mi caj a wʌq'uentel alʌ tat wacax ti a pulʌntib.
\c 52
\s Lolom jach mi' chañ'esan i bʌ xmulil
\f Cha'an xcʌntesa c'ay. Jiñʌch chuqui tsi' ña'ta David che' bʌ Doeg jini ch'oyol bʌ ti Idumea tsa' majli i suben Saúl: Ya' tsa' c'oti David ti' yotot Ahimelec, che'en.
\f*
\p
\v 1 Winic am bʌ a we'tel, ¿chucoch ma' chañ'esan a bʌ ti jontolil?
\q Añʌch i yutslel Dios ti pejtelel ora.
\q
\v 2 Wola' chajpan a bʌ cha'an ma' mel jontolil.
\q Lajal a wac' bajche' jay bʌ xilete che' ma' cha'len lotiya.
\q
\v 3 Wola' mulan jontolil, wola' ts'a'len chuqui uts'at.
\q Wola' mulan lot, wola' ts'a'len isujm bʌ t'an.
\q
\v 4 Wola' mulan t'an mu' bʌ i sʌt winicob.
\q Wen awujil lot.
\q
\v 5 Dios mi caj i pech' teñet loq'uel.
\q Mi caj i chuquet loq'uel ti a wotot.
\q Mi caj i boquet loq'uel ti' lumal jini cuxulo' bʌ.
\q
\v 6 Jini tojo' bʌ mi caj i q'uelob. Mi caj i bʌc'ñañob lac Yum.
\q Mi caj i tse'tañob ili winic. Mi caj i yʌlob:
\q
\v 7 Q'uelela jini winic mach bʌ anic tsi' sajca i coltʌntel ti Dios.
\q Tijicña tsi' lon ubi cha'an ti cabʌl i chubʌ'an.
\q Tsi' ch'ejl'esa i bʌ ti jontolil, che'ob.
\b
\q
\v 8 Mach che'ic joñon. Tijicñayon mij colel ti' yotot Dios che' bajche' c'oc' bʌ olivote'.
\q Xuc'ulon ti pejtelel ora cha'an i yutslel i pusic'al Dios mu' bʌ c ñop.
\q
\v 9 Mi caj c subeñet wocolix a wʌlʌ ti pejtelel ora, come a melbalʌch.
\q Ti' tojlel a cha'año' bʌ mi caj c ña'tan a c'aba', come uts'atet. Wolic pijtañet.
\c 53
\s Jontolob jini tontojo' bʌ
\r (Sal. 14)
\p
\v 1 Jini tontojo' bʌ mi' lon alob ti' pusic'al:
\q Ma'anic Dios, che'ob.
\q Sojquemob jax, leco jax i melbalob.
\q Ma'anic mi' melob chuqui uts'at mi juntiquilic.
\b
\q
\v 2 Dios am bʌ ti panchan mi' q'uel winicob x'ixicob
\q Cha'an mi' q'uel mi an majch mi' ch'ʌmben isujm, mi an majch mi' sajcan Dios.
\q
\v 3 Ti pejtelelob tsa'ix i sʌtʌyob i bʌ.
\q Bibi'ob jax ti mulil ti pejtelob.
\q Ma'anic majqui mi' mel chuqui uts'at, mi juntiquilic.
\q
\v 4 ¿Mach ba junlajalobic jini mu' bʌ i cha'leñob jontolil?
\q Ma'anic mi' ch'ʌmbeñob isujm.
\q Mi' jisañob i cha'año' bʌ Dios che' bajche' mi' c'uxob i waj.
\q Ma'anic mi' c'ajtiñob i coltʌntel ti Dios.
\b
\q
\v 5 Cabʌl tsi' lon cha'leyob bʌq'uen a contrajob ya' ba' ma'anic bʌbʌq'uen bʌ.
\q Come Dios mi caj i pam pucob ti guerra.
\q Jatet tsa' wʌc'ʌyob ti quisin, come Dios tsi' chocoyob loq'uel.
\q
\v 6 Uts'atax muq'uic i loq'uel tilel Dios ti Sion cha'an mi' coltan israelob.
\q Ba' ora mi' cha' pʌy loq'uel i cha'año' bʌ ya' ba' ñup'ulob,
\q Tijicñayob mi caj i yubiñob israelob.
\c 54
\s An i wocol cha'an cabʌl i contrajob
\f Cha'an xcʌntesa c'ay, ti música an tac bʌ i ch'ajñal. Jiñʌch tsa' bʌ i ña'ta David che' bʌ tsa' c'otiyob jini zifeojob i subeñob Saúl: Isujm David tsi' mucu i bʌ ya' ba' añon lojon, che'ob.
\f*
\p
\v 1 Dios, coltañon cha'an mi' tsictiyel i ñuclel a c'aba'.
\q Ti a p'ʌtʌlel tsictesañon cha'an tojon.
\q
\v 2 Dios, ubibeñon coración.
\q Ñich'tan chuqui wolic subeñet.
\q
\v 3 Come tsa' tejchiyob i contrajiñon jini jontol bʌ winicob yomo' bʌ i tsʌnsañon.
\q Mach yomobic i ña'tañet, Dios.
\b
\q
\v 4 Awilan, xColtayajetʌch c cha'an.
\q C Yum, jatet ma' cʌntañon.
\q
\v 5 Mi caj a q'uextʌbeñob i jontolil j contrajob.
\q Jisañob come isujm a t'an.
\b
\q
\v 6 Ti pejtelel c pusic'al mi caj cʌq'ueñet tsʌnsʌbil bʌ a majtan.
\q Mi caj c sub i ñuclel a c'aba' c Yum, come uts'atax.
\q
\v 7 Come tsa'ix a loc'sayon ti pejtelel c wocol,
\q Tsa'ix mʌjli c cha'an ti' tojlel j contrajob.
\c 55
\s La' jisʌnticob jini jontolo' bʌ
\p
\v 1 Dios, ubibeñon coración.
\q Mach a ñusan chuqui wolij c'ajtibeñet.
\q
\v 2 Ñich'tañon, jac'beñon.
\q Cabʌl mu' ti t'an c pusic'al, ch'ijiyemon.
\b
\q
\v 3 Jini j contrajob mi' cha'leñob t'an tij contra. Yomob i tsʌnsañon.
\q Mi' bʌc'tesañoñob. Mi' lajob i t'an cha'an mi' tsʌnsañon ti' mich'ajel.
\b
\q
\v 4 Wen ch'ijiyem c pusic'al.
\q Woliyon ti bʌq'uen ame chʌmicon.
\q
\v 5 Tsiltsilñayon cha'an bʌq'uen.
\q Mi' toj sajtel c pusic'al.
\q
\v 6 Tsa cʌlʌ uts'at anic c cha'an i wich' x'ujcuts
\q Cha'an mic wejlel majlel ba' mij c'aj co.
\q
\v 7 Anic c wich' tsa' puts'iyon majlel ti ñajtʌl,
\q Tsa' chumleyon ti jochol bʌ lum.
\q
\v 8 Tsac bʌc' sajca xuc'ul bʌ cajñib
\q Ba' mach i tajayonic jini bʌbʌq'uen bʌ ic'.
\b
\q
\v 9 Jisañob, c Yum. Socbeñob i t'an jini winicob cha'an mach mʌjlic i cha'añob.
\q Come q'uelel c cha'an jini jontolil yic'ot jini leto am bʌ ti tejclum.
\q
\v 10 Ti q'uiñil yic'ot ti ac'ʌlel mi' xʌñob ñumel i ts'ajquil tac tejclum am bʌ ti' joytilel.
\q An mulil yic'ot wocol ya' ti' yojlil tejclum.
\q
\v 11 Wen jontolob ya' ti' yojlil tejclum.
\q Belel ora an tic'laya yic'ot lot ti choñoñibʌl.
\b
\q
\v 12 Come mach j contrajic jini tsa' bʌ i yʌ'leyon.
\q Tsa'ic i pʌsʌ i bʌ tij contra, tsa' mejli j cuch.
\q Jini tsa' bʌ tejchi i contrajiñon ma'anic tsi' wʌn ts'a'leyon.
\q Tsa'ic i ts'a'leyon, tsa' mejliyon ti puts'el.
\q
\v 13 Jatet j cʌñʌ bʌ tsa' wʌ'leyon. Laj bʌ winiconla.
\q C pi'ʌlet ti xʌmbal, wen cʌmbilet c cha'an.
\q
\v 14 Cabʌl tsa' lac pejca lac bʌ ti uts'at.
\q Cabʌl tsa' tem ochiyonla ti' yotot Dios.
\b
\q
\v 15 La' jilicob ti ora. La' chʌmicob,
\q Come an i jontolil ti' yotot yic'ot ti' pusic'al.
\q
\v 16 Pero joñon mi caj c chʌn pejcan Dios.
\q Lac Yum mi caj i coltañon.
\q
\v 17 Che' ti ic'ajel yic'ot ti sʌc'ajel yic'ot ti xinq'uinil
\q Mi caj c suben c wocol.
\q Mi caj i yubibeñon c t'an.
\q
\v 18 Mi caj i pʌyon loq'uel ti' p'ʌtʌlel j contrajob.
\q Mi caj i ñʌjch'el c pusic'al come mach i tajayoñobix.
\q Come cabʌlob mu' bʌ i contrajiñon.
\q
\v 19 Dios mi caj i yubiñon.
\q An i yumʌntel c'ʌlʌl ti wajali c'ʌlʌl ti pejtelel ora.
\q Mi caj i ju'sʌbeñob i pusic'al jini jontolo' bʌ, come ma'anic mi' cʌyob i mul.
\q Ma'anic mi' bʌc'ñañob Dios.
\b
\q
\v 20 Jini j cʌñʌ bʌ tsi' choñoyon che' ma'anic c mul ti' tojlel.
\q Tsi' jeme i t'an tsa' bʌ i subeyon.
\q
\v 21 Tsi' pejcayon ti uts'at,
\q Pero an guerra ti' pusic'al.
\q Ñumen bojy i t'an yilal bajche' aceite.
\q Wen jay i yej yilal bajche' espada.
\b
\q
\v 22 Aq'uen a cuch lac Yum. Jini mi caj i cuchbeñet majlel.
\q Ma'anic mi' junyajlel cʌy jini toj bʌ ti' bajñelil.
\q
\v 23 Dios mi caj i chocob jubel ti tam bʌ ch'en ba' mach chʌn loq'uicob.
\q Ma'anic mi caj i ts'ʌctiyel i jabilel jini stsʌnsajob yic'ot xlotiyajob.
\q Pero joñon mic xuc'chocon c pusic'al ti Dios.
\c 56
\s Xuc'ul i pusic'al ti Dios
\f Cha'an xcʌntesa c'ay. Cha'an c'ay i c'aba' jini ñʌch'ʌl bʌ x'ujcuts am bʌ ti ñajt bʌ lum. I Salmo David che' bʌ jini filisteojob tsi' chucuyob ya' ti Gat (1 S. 21.13-15).
\f*
\p
\v 1 Dios, p'untañon, come yomob i jisañon winicob.
\q
\v 2 C'ʌlʌl mi' sʌc'an c'ʌlʌl mi' yic'an jini j contrajob woli' tic'lañoñob ti leto. Woli' chijtañoñob.
\q Ch'ejlob jax i pusic'al, cabʌl woli' contrajiñon.
\q
\v 3 Ba' ora mij cajel ti bʌq'uen,
\q Mux c xuc'chocon c pusic'al quic'otet.
\q
\v 4 Dios, uts'atax a t'an.
\q Anix ora wolic ñopet.
\q Ma'anic mic bʌc'ñan winicob.
\b
\q
\v 5 C'ʌlʌl mi' sʌc'an c'ʌlʌl mi' yic'an mi' socob c t'an.
\q Jontol jax chuqui mi' ña'tañob tij contra.
\q
\v 6 Mi' tempañob i bʌ cha'an mi' chijtañon baqui jach mic cha'len xʌmbal.
\q Woli' ña'tañob bajche' mi caj i tsʌnsañon.
\q
\v 7 Mach yomic mi' loq'uelob ti chejachi jini año' bʌ i mul.
\q Dios, chocoyob jubel ti a mich'ajel.
\b
\q
\v 8 Wola' q'uelon baqui mic ñumel majlel.
\q Tempan i ya'lel c wut ti limetej.
\q ¿Mach ba otsʌbilic ti a wenta i ya'lel c wut?
\q
\v 9 J contrajob mi caj i t'uchtʌntelob che' mic pejcañet.
\q Cujil, Dios, wola' cʌntañon.
\q
\v 10 Dios, mi caj c sub i ñuclel a t'an.
\q
\v 11 Tsa'ix c ñopoyet, mach chʌn mejlonix ti bʌq'uen.
\q ¿Chuqui mi mejlel i tumbeñon winicob?
\b
\q
\v 12 C Dios, wersa mi caj c mel che' bajche' tsac subeyet.
\q Mi caj c subeñet wocolix a wʌlʌ.
\q
\v 13 Come tsa'ix a chucuyon loq'uel ba' colel c chʌmel.
\q Machic tsa' cʌnta coc tsa' yajliyon.
\q Tsa' coltayon cha'an mic chumtʌl awic'ot ti' sʌclel pañimil yic'ot jini cuxulo' bʌ.
\c 57
\s Mi' c'ajtin i coltʌntel cha'an woli' tic'lʌntel
\f Cha'an xcʌntesa c'ay. Cha'an c'ay i c'aba' Mach a Jisan. I Salmo David che' bʌ an ti ch'en, che' bʌ tsa' puts'i loq'uel ti' tojlel Saúl.
\f*
\p
\v 1 Dios, p'untañon, come ya' ba' añet mic taj c puts'ib.
\q Yom ma' luts'on ya' ti' yebal a wich' yilal che' bajche' mi' luts' i yal i ña'al mut
\q Jinto mi' ñumel jini bʌbʌq'uen bʌ.
\q
\v 2 Mi caj c pejcañet, Dios, C'ax Ñuquet Bʌ.
\q Jatet jach ma' ts'ʌctesʌbeñon chuqui tac yom.
\q
\v 3 Ya' ti panchan mi caj a chocbeñon tilel a wutslel yic'ot a sujmlel.
\q Mi caj a coltañon Dios, ti' tojlel jini mu' bʌ i jop' t'an tij contra.
\b
\q
\v 4 Joyolon ti cabʌl bajlum yilal.
\q Añon ti ojlil ba mich'ob winicob.
\q Lajalob bajche' bajlum am bʌ jay bʌ i bʌquel i yej.
\q Mi' c'ʌñob i yac' che' bajche' jay bʌ espada.
\b
\q
\v 5 Dios, la' c'uxbintiquet ti' chañelal panchan.
\q La' tsictiyic a ñuclel ti' pam pejtelel pañimil.
\q
\v 6 Tsa'ix i lon ña'tayob i jop'beñon c mul.
\q Tsi' bʌc'tesayoñob.
\q Tsi' top'oyob ch'en cha'an mi' chucoñob.
\q Ya' jach tsa' cha' yajliyob ba' tsi' top'oyob.
\b
\q
\v 7 C Dios, wen xuc'ul c pusic'al.
\q Mi caj j c'ʌyibeñet a ñuclel.
\q
\v 8 La' ch'ojyicon, la' c ñijcan jini amʌy yic'ot arpa.
\q La' ch'ojyicon che' ti wen sʌc'ajel.
\q
\v 9 C Yum, mi caj c subeñet wocolix a wʌlʌ wʌ' ti' tojlel winicob x'ixicob.
\q Mi caj j c'ʌyiñet ti' tojlel gentilob.
\q
\v 10 Come mi' tsictiyel jini ñuc bʌ a c'uxbiya c'ʌlʌl ti panchan.
\q C'ʌlʌl ba'an tocal ya'an i xuc'tilel a pusic'al.
\b
\q
\v 11 Dios, la' tsictiyic a ñuclel c'ʌlʌl ti panchan.
\q La' tsictiyic a ñuclel ti pejtelel pañimil.
\c 58
\s Jontol bʌ juezob
\p
\v 1 Ubinla, juezob. ¿Toj ba chuqui mi la' wʌl?
\q ¿Mu' ba la' mel winicob x'ixicob ti toj?
\q
\v 2 Mach tojic woli la' melob. Ti la' pusic'al woli la' ña'tan jontolil.
\q Woli la' p'ojlesan jontolil ti pañimil.
\q
\v 3 Sojquemobʌch jini jontolo' bʌ c'ʌlʌl che' bʌ tsi' yilayob pañimil. C'ʌlʌl che' alʌlob to, mi' cha'leñob lot.
\q
\v 4 Lajal an i venenojlel che' bajche' lucum.
\q Lajalobʌch bajche' lucum mach bʌ yomic i yubin t'an,
\q
\v 5 Mach bʌ muq'uic i jac' i yuts'esʌntel
\q Anquese mi' lon uts'esan jini wen yujil bʌ.
\b
\q
\v 6 Dios, lajalob yilal bajche' bajlum. C'ʌsbeñob i bʌquel i yej.
\q C Yum, c'ʌsbeñob ja'el i bʌquel i yej i yal bajlum.
\q
\v 7 La' sʌc jilicob jini winicob che' bajche' ja' woli bʌ ti jilel.
\q La' jilicob che' bajche' i te'el jalʌjb mach bʌ anic mi' tsictiyel che' mi' jujlel ti jalʌjb.
\q
\v 8 La' sajtic che' bajche' joch pupuy.
\q La' jilic che' bajche' mi' chʌmel i yojl to bʌ alʌl.
\q
\v 9 Lolom jach pejtel chuqui mi' melob jini jontolo' bʌ. Mi caj i jilelob che' bajche' i pat te' mu' bʌ ti lejmel ti yebal a p'ejt.
\q Che'ʌch yom mi' junyajlel wejlañob majlel Dios ti' mich'ajel.
\b
\q
\v 10 Tijicña jini toj bʌ. Mi caj i q'uel che' mi' q'uextʌbentel i mul jini jontol bʌ.
\q Mi caj i mujlel i yoc ti' ch'ich'el jini jontolo' bʌ.
\q
\v 11 Mux i ña'tañob pejtel winicob x'ixicob: Añʌch i chobejtʌbal jini tojo' bʌ.
\q Dios, isujm ma' cha'len meloñel ti pañimil.
\c 59
\s Oración cha'an mi' colel ti' c'ʌb i contrajob
\f Cha'an xcʌntesa c'ay. Cha'an c'ay i c'aba' Mach a Jisan. I Salmo David che' bʌ Saúl tsi' choco majlel i q'uel ti yotot cha'an mi' tsʌnsan (1 S. 19.11).
\f*
\p
\v 1 Dios, pʌyʌyon loq'uel ti' p'ʌtʌlel j contrajob.
\q Coltañon ti' tojlel jini tsa' bʌ i tempayob i bʌ tij contra.
\q
\v 2 Pʌyʌyon loq'uel ti' p'ʌtʌlel jini mu' bʌ i cha'leñob jontolil.
\q Coltañon loq'uel ti' p'ʌtʌlel jini winicob yomo' bʌ tsʌnsa.
\q
\v 3 Awilan, woli' chijtañoñob.
\q Tempʌbilobix jini p'ʌtʌlo' bʌ cha'an mi' contrajiñon.
\q C Yum, ma'anic tsac ñusʌbeyet a t'an, ma'anic tsac cha'le mulil.
\q
\v 4 Ti ora jach mi' chajpañob i bʌ anquese ma'anic chuqui tsac tumbeyob.
\q La' ba' añon. Q'uele j contrajob.
\q
\v 5 La' c Yum Dios, i Yumet Panchan yic'ot Pañimil, i Dioset israelob.
\q Ac'ʌyob ti tojmulil winicob x'ixicob ti pejtel pañimil.
\q Mach yomic ma' p'untan jontolo' bʌ mu' bʌ i ñusañob a t'an.
\b
\q
\v 6 Mi' sujtelob che' iq'uix, jinicñayob che' bajche' ts'i'.
\q Tselecña mi' ñumelob ti tejclum cha'an mi' yajñesañob jini p'ump'un bʌ.
\q
\v 7 Mi' p'ojlel i wajleya jontolo' bʌ che' bajche' potspotsña bʌ i ya'lel i yej ts'i'.
\q Ti' yej jini xjop't'an an espada yilal.
\q Mi' yʌlob: Ma'anic majch mi' yubiñonla. Che'ʌch mi' lon ña'tañob.
\q
\v 8 C Yum, jatet mi caj a tse'tañob,
\q Mi caj a tse'tan jini mach bʌ yomobic i cʌñet.
\q
\v 9 Pero joñon mi caj c pijtanet, Dios, come c P'ʌtʌlelet.
\q Xuc'ulon come wola' cʌntañon.
\b
\q
\v 10 Dios, mi caj a p'untañon. Mi caj a majlel ñaxan tic wut.
\q Mi caj a wʌq'ueñon c t'uchtan j contrajob.
\b
\q
\v 11 Mach a tsʌnsañob, ame i cayetob c pi'ʌlob.
\q Pam pucuyob ti a p'ʌtʌlel. Peq'uesañob.
\q C Yum, c mʌctʌjibet lojon.
\q
\v 12 Leco chuqui mi' yʌlob. Mulilʌch i t'an.
\q Mi' chañ'esañob i bʌ ti p'ajoñel yic'ot ti lot.
\q Chocoyob jubel.
\q
\v 13 Jisañob ti a mich'ajel, Dios. Jisañob jinto mach chʌn tsiquilobic.
\q La' i ña'tañob winicob x'ixicob woliyet ti yumʌntel ti Jacob yic'ot ti pejtelel lum c'ʌlʌl ba' jaxʌl pañimil.
\q
\v 14 Mi' sujtelob che' ti ic'ajel. Jinicña mi' cha'leñob che' bajche' ts'i'.
\q Mi' joyob jini tejclum.
\q
\v 15 Mi' sʌclañob ñumel i bʌl i ñʌc'.
\q Mi mach jasʌlic mi' yubiñob, mi' ñusañob ac'ʌlel ti calle.
\b
\q
\v 16 Mach che'ic joñon. Mi caj j c'ʌyin a p'ʌtʌlel ti' tojlel winicob.
\q Melel mi caj j c'ʌyin a wutslel ti c'am bʌ t'an che' ti sʌc'ajel,
\q Come jatet wola' q'uelon. I wentajet chan bʌ ts'ajc ba'an q'ueloñib.
\q Caj Coltayajet che' mi cubin wocol.
\q
\v 17 Dios, mi caj j c'ʌyin a ñuclel. C p'ʌtʌlelet.
\q Cʌntʌbilon ti jini chan bʌ ts'ajc am bʌ i q'ueloñib.
\q Jatet, c Dios, ma' p'untañon.
\c 60
\s Oración cha'an mi' mʌjlel i cha'an
\f Jump'ejl Salmo cha'an cʌntesa tsa' bʌ i ts'ijbu David che' bʌ tsi' contrajiyob jini Aram Naharaim yic'ot Aram Soba, che' bʌ tsa' sujti Joab cha'an mi' tsʌnsan lajchʌmp'ejl mil edomob ya' ti joctʌl i c'aba' Ats'am.
\f*
\p
\v 1 Dios, chocbilonix lojon a cha'an. Pam pujquemonix lojon.
\q Tsa'ix a mich'leyon lojon,
\q Tsa'ix a cʌyʌyon lojon.
\q
\v 2 Tsa' choco tilel yujquel. Tsa' tsijli jini lum.
\q Cha' melex ti pamal tac jini ch'en, come mach chʌn xuc'ulix pañimil.
\q
\v 3 Tsa' wʌc'ʌyob ti wocol jini winicob x'ixicob a cha'an.
\q Tsʌts tsa' tic'layon lojon.
\q
\v 4 Tsa' wʌq'ueyob bandera jini mu' bʌ i bʌc'ñañet,
\q Cha'an mi' tempañob i bʌ i tsictesan i sujmlel a t'an.
\q
\v 5 Coltañon lojon ti ñuc bʌ a p'ʌtʌlel. Jac'beñon lojon
\q Cha'an mi' coltʌntelob jini c'uxbibilo' bʌ a cha'an.
\b
\q
\v 6 Dios, tsa' wʌc'ʌ a t'an ti Ch'ujul bʌ Ajñibʌl:
\q Mi' caj i mʌjlel c cha'an. Mi caj c t'oxe' Siquem.
\q Mi caj c p'is jini joctʌl ya' ti Sucot.
\q
\v 7 Galaad yic'ot Manasés c cha'añobʌch.
\q Efraín i wentajʌch ts'ajquibil bʌ cotot.
\q Mi' loq'uel tilel c rey ti Judá.
\q
\v 8 Moab jiñʌch to'o x'e'tel c cha'an mu' bʌ i pocbeñon coc.
\q Edom jiñʌch to'o x'e'tel mu' bʌ i cʌntʌbeñon c xʌñʌb.
\q Mij cajel ti oñel ya' ti Filistea cha'an tsa' mʌjli c cha'an, che'en Dios.
\b
\q
\v 9 ¿Majqui mi caj i pʌyon ochel ti Edom ti jini ts'ajquibil bʌ tejclum?
\q
\v 10 Dios, ¿mach ba chocbilonic lojon a cha'an?
\q Dios, ma'anix ma' pi'leñob majlel ti guerra jini soldadojob c cha'an lojon.
\q
\v 11 Aq'ueñon lojon c p'ʌtʌlel cha'an mic mʌlben lojon j contrajob,
\q Come lolom jach i coltaya winic.
\q
\v 12 Cha'an jach jatet mux i mʌjlel c cha'an lojon,
\q Come jatet Dios mi caj a t'uchtan j contrajob lojon.
\c 61
\p
\v 1 C Dios, ubiñon, awocolic wolij c'ajtibeñet.
\q Jac'beñon coración.
\q
\v 2 Che' wen lujbonix mi caj c pejcañet, anquese ya' añon ti ñajt bʌ pañimil.
\q Pʌyʌyon majlel ba'an jini chan bʌ xajlel ñumen bʌ i p'ʌtʌlel bajche' joñon.
\q
\v 3 Come c puts'ibet.
\q Lajalet bajche' ts'ajquibil bʌ otot ba' mach mejlicob ti ochel j contrajob.
\q
\v 4 Mi caj c chumtʌl ya' ba' chumulet ti pejtelel ora.
\q Mi caj cotsan c bʌ ti yebal a wich' yilal.
\q
\v 5 Come jatet, Dios, tsa' wubibeyon c t'an tsa' bʌ c wa'choco ti a tojlel.
\q Tsa'ix a cha' aq'ueyob i wenlel mu' bʌ i bʌc'ñañob a c'aba'.
\b
\q
\v 6 Mi caj a ñajt'esʌbeñon c jabilel.
\q Mi caj a xuc'chocobeñon c yumʌntel ti' tojlel calobilob ti jujunlajm.
\q
\v 7 Mi caj cajñel ti a tojlel ti pejtelel ora.
\q Cʌntañon ti a wutslel yic'ot ti' sujmlel a t'an.
\b
\q
\v 8 Che' jini mi caj j c'ʌyin a c'aba' ti pejtelel ora,
\q Cha'an mic bej ts'ʌctesan ti jujump'ejl q'uin jini tsa' bʌ c ña'ta c mel.
\c 62
\s Dios cojach bʌ la caj coltaya
\p
\v 1 Ñʌch'ʌlon mi cʌq'uen c bʌ Dios. Jini jach Dios mic jac'ben.
\q Tilem ti Dios j coltʌntel.
\q
\v 2 Cojach Dios xuc'ulʌch bajche' xajlel. Jiñʌch caj Coltaya.
\q Jiñʌch chan bʌ ts'ajc yilal ba' mi cochel. Ma'anic majqui mi mejlel i tic'lañon ya'i.
\q
\v 3 ¿Jayp'ejl to q'uin mi caj la' contrajiñon?
\q Mi la' lon teñon ti la' pejtelel che' bajche' ñʌcʌl jax bʌ bojte' yic'ot c'unix bʌ corral.
\q
\v 4 Mi' temob i t'an cha'an mi' chilbeñon c ñuclel.
\q Mi' mulañob lot. Mi' cha'leñob uts bʌ t'an yilal,
\q Pero mi' cha'leñob p'ajoñel ti' pusic'al.
\b
\q
\v 5 Ti' ñʌch'tilel c pusic'al mi cʌq'uen c bʌ Dios,
\q Come tilem ti Dios chuqui wolic pijtan.
\q
\v 6 Cojach ti Dios mic taj c xuc'tʌlel yic'ot j c'oc'lel. Jiñʌch c Xajlel, caj Coltaya.
\q Ma'anic majqui mi mejlel i tic'lañon ya' ti' tojlel.
\q
\v 7 Cʌyʌlon ti Dios cha'an mic taj j coltʌntel yic'ot c ñuclel.
\q Lajalʌch Dios bajche' ch'entun ba' mic puts'el cha'an mij coltan c bʌ.
\b
\q
\v 8 Winicob x'ixicob, ñopola Dios ti pejtelel ora.
\q C'ajtibenla Dios ti wocol t'an pejtel chuqui wola' ña'tan ti a pusic'al, come jiñʌch lac puts'ib.
\b
\q
\v 9 Lajalob bajche' ic' jini winicob.
\q Xlotiyajob pejtelel winicob.
\q Che' añob ti balanza mi' ch'ujyelob. Ñumen sejbob bajche' ic'.
\q
\v 10 Mach la' tic'lan la' pi'ʌlob cha'an mi la' chilbeñob i chubʌ'an.
\q Mach mi la' xujch'iben i chubʌ'an la' pi'ʌlob.
\q Che' mi' p'ojlel la' chubʌ'an mach mi la' lon ac' ti la' pusic'al.
\q
\v 11 Tsi' cha'le t'an Dios.
\q Cha'yajl tsa cubi iliyi:
\q I bajñel an i p'ʌtʌlel Dios.
\q
\v 12 Jatet jach an i yutslel a pusic'al, c Yum,
\q Come ma' wʌq'ueñob i chobejtʌbal winicob x'ixicob che' bajche' an i ye'tel ti jujuntiquil.
\c 63
\s Dios mi' lajmesʌbeñonla lac tiquin ti' ti espíritu
\f Salmo tsa' bʌ i ts'ijbu David che' bʌ ya'an ti jochol bʌ lum am bʌ ti Judá.
\f*
\p
\v 1 Dios, jatet c Dioset, wolic bʌc' sʌclañet.
\q Tiquin jax c ti' yubil cha'an com c tajet. Ti pejtelel c pusic'al comet.
\q Lajalon bajche' tiquin lum yilal mach bʌ anix i c'ʌjñibal che' ma'anic ja'.
\q
\v 2 Jini cha'an tsa'ix ochi ti ch'ujul bʌ otot
\q Cha'an mij q'uel a p'ʌtʌlel yic'ot a ñuclel.
\q
\v 3 Machic c'uxbibilon a cha'an lolom jach cuxulon.
\q Pero tsa' pʌsbeyon a c'uxbiya yic'ot a wutslel.
\q Jini cha'an mic sub a ñuclel.
\q
\v 4 Che' jini mi caj c ch'ujutesañet che' cuxulon to.
\q Ti a c'aba' jach mi caj c letsan j c'ʌb ti oración.
\b
\q
\v 5 Jasʌlon mi caj cubin ti a tojlel che' bajche' jini mu' bʌ i ñaj'an ti wen uts'at bʌ i bʌl i ñʌc'.
\q Mi caj c sub a ñuclel ti c'ay
\q
\v 6 Ba ora mic ña'tañet tic wʌyib.
\q Mi caj c pejcañet che' cañal c wut ti ac'ʌlel.
\q
\v 7 Come cabʌl tsa' coltayon.
\q Tijicñayon ti' yebal a wich' yilal.
\q
\v 8 C'ʌlʌl wʌle wolic tsajcañet ti jump'ejl c pusic'al.
\q Wola' cʌntañon ti cabʌl a p'ʌtʌlel.
\b
\q
\v 9 Jini mu' bʌ i ñopob i jisañon
\q Mi caj i jubelob majlel ti' yajñib chʌmeño' bʌ.
\q
\v 10 Cʌybilobix mi caj i tsʌnsʌntelob ti espada.
\q I we'el tsuc bajlum mi caj i majlelob.
\q
\v 11 Pero tijicña c pusic'al mi caj cubin ti Dios.
\q Pejtel mu' bʌ i yʌc'ob i bʌ ti' wenta tijicña mi caj i yubiñob.
\q Pero jini mu' bʌ i cha'leñob lot wersa mi caj i ñʌjch'elob.
\c 64
\s Woli' chijtañob i contrajob
\p
\v 1 Dios, ubibeñon c t'an che' mic subeñet c wocol.
\q Coltañon ame i bʌc'tesañon j contra.
\q
\v 2 Otsañon ba' mucul, ba' mach i tajayoñobic jini mu' bʌ i temob i t'an cha'an mi' contrajiñon.
\q
\v 3 Mi' c'ʌñob i yac' che' bajche' espada.
\q Mi' cha'leñob jontol bʌ t'an che' bajche' jini mu' bʌ i c'ʌñob jalʌjb ti julbʌl
\q
\v 4 Cha'an mi' lowob jini tojo' bʌ woli' bʌ i chijtañob.
\q Ti ora jach mi' julob. Mach yujilobic bʌq'uen.
\q
\v 5 Mi' comol xic'ob i bʌ ti jontolil woli bʌ i mucul ña'tañob.
\q Mi' temob i t'an cha'an mi' chucob jini p'ump'uño' bʌ.
\q Mi' lon alob: Ma'anic majch mi' q'uel, che'ob.
\q
\v 6 Mi' wʌn ña'tañob chuqui mi caj i melob.
\q Ti mucul jach mi' chajpañob i bʌ.
\q Mach tsiquilic chuqui an ti' pusic'al winic, mi chuqui an ti' jol.
\b
\q
\v 7 Dios mi caj i yʌq'ueñob i toj i mul.
\q Ti ora jach mi caj i lowob ti' te'el jalʌjb.
\q
\v 8 Mi' cajelob ti yajlel cha'an socol i t'an.
\q Pejtel mu' bʌ i q'uelob mi caj i toj sajtelob i pusic'al.
\q
\v 9 Pejtelel winicob mi' cajelob ti bʌq'uen.
\q Mi caj i subob i melbal Dios.
\q Mi caj i ña'tañob wen an i ña'tʌbal Dios ti pejtelel i melbal.
\b
\q
\v 10 Tijicña mi caj i yubiñob jini tojo' bʌ mu' bʌ i ñopob lac Yum.
\q Pejtel jini tojo' bʌ i pusic'al mi caj i subob ti ñuc.
\c 65
\s Dios mi' pʌsbeñonla i yutslel ti pañimil
\p
\v 1 Dios, uts'at mi' caj ti sujbel a ñuclel ya' ti Sion.
\q Ts'ʌcʌl mi caj i melob winicob chuqui tac tsi' subeyetob.
\q
\v 2 Mi caj i tilelob ba' añet pejtel winicob x'ixicob,
\q Come jatet ma' ñich'tʌbeñob i yoración.
\q
\v 3 Mach mejlix j cuch c mul,
\q Pero jatet ma' ñusʌbeñon lojon.
\q
\v 4 Tijicña mu' bʌ a yajcan.
\q Ma' pʌy cha'an mi' chumtʌl ti awotot.
\q Cabʌlix lojon c wenlel ya' ba' mic ch'ujutesañet lojon ti ch'ujul bʌ a Templo.
\q
\v 5 Mi caj a pʌs i yejtal tac a p'ʌtʌlel tic tojlel lojon.
\q Jatet c Dios, ma' coltañon lojon.
\q Woli' pijtañetob jini chumulo' bʌ ti ñajt tac bʌ i lumal yic'ot ti ñajt tac bʌ ñajb.
\q
\v 6 Jatet tsa' wa'choco tac jini wits ti a p'ʌtʌlel.
\q Cabʌlʌch a p'ʌtʌlel baqui jach ma' tsictesan a bʌ.
\q
\v 7 Ma' ñʌch'tesan colem ñajb ju'ucña bʌ woli ti t'an, yic'ot ju'ucña bʌ winicob x'ixicob.
\q
\v 8 Jini chumulo' bʌ ti ñajt bʌ pañimil mi' bʌc'ñañetob che' mi' q'uelob i yejtal a p'ʌtʌlel.
\q Jatet wola' wʌq'ueñob i tijicñʌyel ba' mi' pasel q'uin c'ʌlʌl ba' mi' bʌjlel q'uin.
\b
\q
\v 9 Ma' ña'tan chuqui yom ti pañimil. Ma' choc tilel ja'al.
\q Jini cha'an wen anix i bʌl cha'an ma' wʌch'esan.
\q Ma'anic mi' tiquin jini colem ja' a cha'an.
\q Ma' wʌq'ueñon lojon pac', come che'ʌch a wom.
\q
\v 10 Ma' mul jini japal tac bʌ lum.
\q Pamacña ma' mel jini p'uchul tac bʌ lum.
\q Mi' c'un'an ti musmusña bʌ ja'al.
\q Ma' wʌq'uen i yutslel a t'an jini woli tac bʌ ti colel.
\q
\v 11 Ma' wen ac' i cuch cholel.
\q Baqui jach ma' ñumel mi' p'ojlel pʌc'ʌbʌl.
\q
\v 12 Jini potrero tac am bʌ ti jamil wen ch'oquiyem jax.
\q Tijicña yilal jini bujtʌl tac.
\q
\v 13 Bujt'em jini jamil ti tiñʌme'.
\q Bujt'em tac jini joctʌl ti' wut jam.
\q Tijicña mi' yubiñob winicob x'ixicob. Mi cha'leñob c'ay.
\c 66
\s Tsiquil i ñuclel Dios ti' yejtal tac i p'ʌtʌlel
\p
\v 1 Pejteletla añet bʌ la ti pañimil, tijicña yom mi la' pejcan Dios.
\q
\v 2 C'ʌyibenla i c'aba' come ñuc.
\q Subula i ñuclel come i t'ojol jax.
\q
\v 3 Subenla Dios: Bʌbʌq'uen a melbal.
\q Jini cha'an mi' yumañet a contrajob cha'an wen ñuc a p'ʌtʌlel.
\q
\v 4 Ti pejtelel pañimil mi' ñoctʌlob ti a tojlel.
\q Mi' c'ʌyiñetob, mi' c'ʌyiñob a c'aba' cha'an ñuc. Che'ʌch yom mi la' suben.
\b
\q
\v 5 La'cula, q'uelela i melbal Dios.
\q Bʌbʌq'uen i melbal ti' tojlel winicob x'ixicob.
\q
\v 6 Dios tsi' tiquesa jini colem ñajb.
\q Jini winicob x'ixicob tsi' xʌñʌyob ñumel jini colem ja' ti' yoc.
\q Tijicña tsa cubi lojon ya'i ti lac Yum.
\q
\v 7 Mi' cha'len yumʌl ti' p'ʌtʌlel ti pejtelel ora.
\q Mi' q'uel pejtel winicob x'ixicob.
\q Tsajiletla ame la' chañ'esan la' bʌ jatetla mu' bʌ la' ñusʌben i t'an.
\b
\q
\v 8 Winicob x'ixicob, ch'ujutesanla Dios.
\q Pam subula majlel i ñuclel.
\q
\v 9 Come cʌntʌbilonla i cha'an ti pañimil c'ʌlʌl wʌle.
\q Mi' cʌntʌbeñonla la coc ame yajliconla.
\q
\v 10 Jatet Dios, tsa'ix a wilʌbeyon lojon c pusic'al.
\q Che' bajche' mi' pulel tsucul taq'uin tsa'ix a sʌq'uesayon lojon.
\q
\v 11 Tsa' cha' otsayon lojon ti to'o majtan e'tel yilal.
\q Tsa' wʌq'ueyon lojon wen al bʌ j cuch lojon.
\q
\v 12 Tsa' wotsayon lojon ti' wenta jontol bʌ winicob.
\q Tsac ñusa lojon c'ajc yic'ot ja',
\q Pero tsa' cha' ac'ʌyon lojon ba' tijicña pañimil.
\b
\q
\v 13 Mi caj cochel ti a wotot. Mi caj c ch'ʌmbeñet tilel pulbil bʌ a majtan.
\q Mi caj c ts'ʌctesan jini t'an tsa' bʌ c subeyet.
\q
\v 14 Jini tsa' bʌ cʌlʌ che' bʌ tsa cubi wocol, mux c mele'.
\q
\v 15 Mi caj cʌq'ueñet jujp'em bʌ tat tiñʌme' yic'ot i tat wacax yic'ot i tat chivo, pulbil tac bʌ a majtan,
\q Yic'ot i buts'il tat tiñʌme'.
\b
\q
\v 16 Bej chocola tilel la' bʌ. Ubinla, pejtel mu' bʌ la' bʌc'ñan Dios.
\q Mi caj c sub chuqui tsi' melbeyon Dios cha'an mi' coltañon.
\q
\v 17 C'am tsac pejca Dios.
\q Ti quej tsac pam pucu i ñuclel.
\q
\v 18 Muq'uic c chʌn c'uxbin mulil,
\q Mach i jac'ʌyic c t'an jini lac Yum.
\q
\v 19 Pero tsa'ix i yubiyon Dios ti melel.
\q Tsi' jac'beyon coración.
\b
\q
\v 20 La' ch'ujutesʌntic Dios,
\q Come ma'anic tsi' ñusʌbeyon coración.
\q Ma'anic tsi' cʌyʌ i c'uxbiñon.
\c 67
\s La' sujbic i ñuclel Dios ti' petol pañimil
\p
\v 1 Dios, p'untañon lojon. Aq'ueñon lojon i yutslel a t'an.
\q Yom tijicña a pusic'al ma' q'uelon lojon
\q
\v 2 Cha'an mi' cʌñob a bijlel jini año' bʌ ti pañimil,
\q Cha'an mi' ña'tañob winicob x'ixicob ti pejtelel pañimil awujil coltaya.
\q
\v 3 Dios, la' i subob a ñuclel pejtel winicob x'ixicob.
\q La' i subob a ñuclel.
\b
\q
\v 4 La' i yubiñob i tijicñʌyel jini tejclum tac. La' i cha'leñob c'ay ti tijicñʌyel i pusic'al,
\q Come toj ma' cha'len yumʌl ti' tojlel.
\q Mi caj a pʌsbeñob a bijlel.
\q
\v 5 Dios, la' i subob a ñuclel winicob x'ixicob.
\q La' i tsictesañob a ñuclel.
\b
\q
\v 6 Jini lac chol tsa'ix i yʌc'ʌ tac i cuch.
\q Dios woli' pʌsbeñonla i yutslel, jiñʌch lac Dios.
\q
\v 7 Dios mi caj i pʌsbeñonla i yutslel.
\q Mi caj i bʌc'ñañob Dios winicob x'ixicob c'ʌlʌl ti ñajt tac bʌ pañimil.
\c 68
\s Dios tsi' yʌc'ʌ i bʌ ti cʌjñel ti Sinaí yic'ot ti Ch'ujul bʌ Ajñibʌl
\p
\v 1 La' tejchic Dios. La' i puc majlel i contrajob.
\q La' puts'icob jini mu' bʌ i ts'a'leñob.
\q
\v 2 Che' bajche' buts' tomocña bʌ mi' majlel, la' majlicob ja'el jini chocbilo' bʌ i cha'an.
\q Che' bajche' ta'chʌb mu' bʌ i yulmʌl ti c'ajc,
\q La' jilicob jini jontolo' bʌ ti' tojlel Dios.
\q
\v 3 La' i yubiñob tijicña jini tojo' bʌ.
\q La' ñuc'acob i pusic'al ti' tojlel Dios.
\b
\q
\v 4 Yom mi la' c'ʌyiben i ñuclel Dios.
\q Tsictesanla i ñuclel Dios c'ʌcʌl bʌ mi' ñumel ti tocal.
\q I c'aba'ʌch lac Yum. La' ñuc'ac la' pusic'al ti' tojlel.
\b
\q
\v 5 I Tatʌch jini meba' alʌlob. I yaj Coltaya meba' x'ixicob,
\q Jini Dios am bʌ ti Ch'ujul bʌ Ajñibʌl.
\q
\v 6 Dios mi' yʌq'ueñob i chumlib jini ch'ijiyemo' bʌ.
\q Mi' yʌc' ti colel jini xcʌjchelob.
\q Pero jini mach bʌ anic mi' ch'ujbiñob i t'an mi' tajob i yajñib ti tiquin bʌ lum.
\b
\q
\v 7 Jatet, Dios, tsa' majliyet ti ñaxan che' bʌ tsa' pʌyʌ majlel a cha'año' bʌ ti colem bʌ i tiquiñal pañimil.
\q
\v 8 Tsa' tili yujquel lum.
\q C'am tsi' cha'le ja'al che' bʌ tsa' pʌsʌ a bʌ.
\q Jini Sinaí tsi' ñijca i bʌ ti' tojlel Dios, i Dios Israel.
\q
\v 9 Jatet Dios tsa' choco tilel ch'ʌnch'ʌña bʌ ja'al.
\q Tsa' cha' aq'ueyob i ñuclel i pusic'al a cha'año' bʌ che' ch'ijiyemob.
\q
\v 10 Ya' mi' chumtʌlob ba' tsa' wʌq'ueyob lum.
\q Ti a wutslel, Dios, tsa' chajpʌbeyob i bʌl i ñʌc' jini p'ump'uño' bʌ.
\b
\q
\v 11 Lac Yum tsi' yʌc'ʌ jini p'ʌtʌl bʌ i t'an.
\q Bajc'ʌl x'ixicob tsi' pam pucuyob.
\q
\v 12 Tsa' puts'iyob majlel jini reyob yic'ot soldadojob.
\q Jini x'ixicob ti Israel woli' t'oxbeñob i bʌ i majtan tsa' bʌ chilbentiyob i contrajob ti guerra.
\q
\v 13 I t'ojolob jax yic'ot i ch'ʌjlib melbil bʌ ti plata yic'ot ti oro.
\q
\v 14 Jini Mach bʌ Anic i P'isol i P'ʌtʌlel tsi' pucu majlel reyob che' bajche' i ña'al tsʌñal am bʌ ti wits i c'aba' Salmón.
\q
\v 15 I cha'añʌch Dios jini wits i c'aba' Basán am bʌ cabʌl chan tac bʌ i ñi'.
\q
\v 16 Dios tsi' yajca jini pec' bʌ Sion cha'an ya' yom chumtʌl ti pejtelel ora.
\q Jini yan tac bʌ wits ts'a'lebil yilal, come ma'anic tsi' yajca.
\b
\q
\v 17 Wen bajc'ʌl jini carreta tac i cha'an Dios.
\q Lac Yum tsi' cʌyʌ Sinaí wits. Tsa' juli ti Ch'ujul bʌ Ajñibʌl wʌ' ti Sion.
\q
\v 18 Tsa'ix letsi ti chan. Tsa'ix i pʌyʌyob majlel jini cʌchʌlo' bʌ.
\q Tsa'ix i taja i majtan tac cha'an mi' yʌq'ueñob winicob,
\q Yic'ot jini mu' bʌ i ñusañob i t'an.
\q Wʌ' mi caj i yajñel lac Yum Dios la quic'ot.
\b
\q
\v 19 La' ch'ujutesʌntic lac Yum.
\q Ti jujump'ejl q'uin mi' ch'ʌmbeñonla laj cuch.
\q Jiñʌch laj caj Coltaya Dios.
\q
\v 20 Jiñʌch Dios mu' bʌ i coltañonla.
\q Lac Yum Dios mi' yʌc'onla ti loq'uel ba' bʌbʌq'uen mi lac chʌmel.
\b
\q
\v 21 Dios mi caj i jisʌbeñob i p'ʌtʌlel i contrajob,
\q Come mach yomobic i cʌyob i mul.
\q
\v 22 Lac Yum tsi' yʌlʌ: Mi caj c cha' pʌy loq'uel la' contrajob ti Basán yic'ot ti tam bʌ ñajb
\q
\v 23 Cha'an mi la' jisañob.
\q Jini ts'i' mi caj i lembeñob i ch'ich'el, che'en.
\b
\q
\v 24 I cha'año' bʌ Dios c Rey woliyob ti marcha cha'an tsa' mʌjli i cha'an.
\q Mi caj i yochelob ti Ch'ujul bʌ Ajñibʌl.
\q
\v 25 Ñaxan mi' majlelob jini xc'ayob,
\q Wi'ilpat jini mu' bʌ i ñijcañob majlel música.
\q Ya' ti ojlil jini xch'ocob woli' ñijcañob majlel yambʌ música.
\q
\v 26 Ya' ba' mi' tempañob i bʌ yom mi la' ch'ujutesan lac Yum Dios,
\q Jatetla i p'olbalet bʌ la Israel.
\q
\v 27 Ya'an Benjamín jini ijts'inil bʌ woli bʌ ti yumʌl.
\q Ya' añob i yumob Judá ti' tojlel jini tempʌbilo' bʌ.
\q Ya' añob i yumob Zabulón yic'ot i yumob Neftalí.
\b
\q
\v 28 C Dios, aq'ueñon lojon a p'ʌtʌlel.
\q Xuc'chocoñon lojon, Dios, come a melbalon lojon.
\q
\v 29 Talob reyob i yʌq'ueñet a majtan ya' ti a Templo ti Jerusalén.
\q
\v 30 Tiq'ui jini j contrajob lojon.
\q T'uchtan majlel jini mu' bʌ i wersa c'ajtiñob tojoñel.
\q Pucu majlel jini winicob x'ixicob yomo' bʌ guerra.
\q
\v 31 Jini wen chumulo' bʌ ti Egipto mi caj i tilelob.
\q Jini año' bʌ ti Etiopía mi caj i sʌts'ob i c'ʌb ti ora cha'an mi' yʌq'ueñob Dios i majtan.
\b
\q
\v 32 Jatetla añet bʌ la ti' tejclum tac pañimil, yom mi la' c'ʌyin Dios.
\q C'ʌyibenla i ñuclel.
\q
\v 33 Jiñʌch woli bʌ ti xʌmbal ñumel ya' ti panchan tsa' bʌ i mele ti wajali.
\q Awilan, mi' choc tilel i t'an, jini p'ʌtʌl bʌ i t'an.
\q
\v 34 Subula i p'ʌtʌlel Dios,
\q Mu' bʌ i pʌsben i ñuclel israelob. Mi' pʌs i p'ʌtʌlel ti tocal.
\q
\v 35 Bʌbʌq'uen jax Dios mu' bʌ i tsictesan i bʌ ti ch'ujul bʌ i yajñib.
\q I Dios Israel, jiñʌch mu' bʌ i yʌq'uen winicob x'ixicob i p'ʌtʌlel yic'ot i wersa.
\q La' ch'ujutesʌntic Dios.
\c 69
\s Mi' c'ajtin i coltʌntel ti wocol t'an
\p
\v 1 Dios, coltañon. Ochemon ti mal ja' yubil.
\q Bʌbʌq'uen mic chʌmel.
\q
\v 2 Woli' ts'u'on ochel jini tam bʌ oc'ol. Ma'anic c t'uchlib.
\q Ochemon ti tam bʌ ja' mu' bʌ i mujlañon yubil.
\q
\v 3 Tsa' lujbayon ti uq'uel. Ma'anix mic chʌn mejlel ti t'an.
\q Mach c'otix c wut che' mic pijtan c Dios.
\b
\q
\v 4 Cabʌlobʌchix mu' bʌ i ts'a'leñon anquese ma'anic c mul.
\q Ñumen cabʌlob ti tsicol bajche' i tsutsel c jol.
\q P'ʌtʌlob jini yomo' bʌ i jisañon.
\q Mi' lon contrajiñoñob. Ma'anic chuqui tsac tumbeyob.
\q Jini mach bʌ anic tsac xujch'ibeyob wersa mic to'o q'uextʌbeñob.
\q
\v 5 Dios, cʌmbil a cha'an c tontojlel.
\q Mach mucbilic c mul ti a wut.
\q
\v 6 C Dios, i Yumet Panchan yic'ot Pañimil.
\q Mach a wʌc'ob ti quisin cha'an c mul jini mu' bʌ i pijtañetob.
\q I Dioset Israel. Mach a wʌc'ob ti ts'a'lentel cha'an c mul jini mu' bʌ i sajcañetob.
\q
\v 7 Cha'an tsac ñopoyet tsaj cuchu c ts'a'lentel.
\q Quisintic jax tsa cubi.
\q
\v 8 Mach i cʌñʌyonic c pi'ʌlob.
\q Lajal mi' q'ueloñob bajche' juntiquil ñajt bʌ ch'oyol.
\b
\q
\v 9 Jisʌbil c p'ʌtʌlel cha'an bʌxon ti a we'tel ti awotot.
\q Mi' yʌ'leñon jini mu' bʌ i yʌ'leñet.
\q
\v 10 Tsac cha'le uq'uel, tsac cha'le ch'ajb.
\q Jini cha'an woli cʌ'lentel.
\q
\v 11 Mi' ts'e'tañoñob cha'an tsac moso c bʌ ti coxtal cha'an i ch'ijiyemlel c pusic'al.
\q
\v 12 Jini año' bʌ i ye'tel ti tejclum mi' p'ajoñob che' mi' tempañob i bʌ.
\q Jini xyʌc'ʌjelob mi' wajleñoñob ti c'ay.
\b
\q
\v 13 Jixcu joñon, c Yum, mic pejcañet ti oración.
\q Dios, cabʌlʌchix i yutslel a pusic'al.
\q
\v 14 Jini cha'an jac'beñon coración come awujil coltaya.
\q Loc'sañon ti' p'ʌtʌlel jini mu' bʌ i ts'a'leñoñob.
\q Chucuyon loq'uel ti tam bʌ ja'.
\q
\v 15 Mach a wʌc'on ti chʌmel ti but'ja'lel,
\q Mach a cʌyon ti tam bʌ ja'.
\q Mach a wʌc'on ti jilel ti mucoñibʌl.
\b
\q
\v 16 C Yum, jac'beñon, come cabʌl i yutslel a pusic'al.
\q Sutq'uin a bʌ ba' añon come cabʌl a c'uxbiya.
\q
\v 17 Mach a mʌybeñon a wut come a winicon.
\q Woliyon ti wocol, jac'beñon ti ora.
\q
\v 18 La' ti coltaya. Tojbeñon c mul cha'an mij colel.
\q Loc'sañon ti' p'ʌtʌlel j contrajob.
\b
\q
\v 19 Awujil woli cʌ'lentel. Awujil quisintic jax woli' melbeñoñob. Woli' ts'a'leñoñob.
\q Cʌmbil a cha'an pejtel j contrajob.
\q
\v 20 Wen ch'ijiyem c pusic'al cha'an a'lebilon. Comix chʌmel yubil.
\q Tsac lon alʌ an majqui mi caj i p'untañon, an majqui mi' ñuq'uesʌbeñon c pusic'al.
\q Pero ma'anic mi juntiquilic.
\q
\v 21 Tsi' yʌq'ueyoñob veneno i wenta i bʌl c ñʌc'.
\q Che' tiquin c ti' tsi' yʌq'ueyoñob vinagre.
\q
\v 22 La' jisʌnticob che' woli' ñaj'añob ti mesa.
\q La' chujquicob ti yac jini lon ñʌch'ʌlo' bʌ i pusic'al.
\q
\v 23 La' yajpic i wut cha'an ma'anic mi' chʌn c'otel.
\q Yom tsiltsilña i pusic'al ti pejtelel ora.
\q
\v 24 Pʌsbeñob a mich'ajel.
\q Jisañob ti a mich'lel che' bajche' ti c'ajc.
\q
\v 25 La' jochtiyic i chumlib. Mach mi' chʌn ajñel winic ya'i.
\q
\v 26 Come jontol mi' tic'lañob a winic che' wola' wʌc' ti wocol.
\q Mi' yutsi p'ojlesʌbeñob i wocol jini lowbilo' bʌ a cha'an.
\q
\v 27 La' aq'uenticob ti' wenta i mul.
\q Mach a q'uelob ti toj ti pejtelel ora.
\q
\v 28 La' yajpic i c'aba' ti jun ba' otsʌbilob año' bʌ i cuxtʌlel.
\q Mach yomic chucbil i c'aba' yic'ot i c'aba' jini tojo' bʌ.
\b
\q
\v 29 Pero bʌjʌch c bʌ, cabʌl c wocol.
\q La' c taj j coltʌntel ti a tojlel.
\q Cha' xuc'chocobeñon c pusic'al.
\b
\q
\v 30 Mi caj j c'ʌyiben i ñuclel Dios.
\q Mi caj c suben wocolix i yʌlʌ cha'an uts'atax i pusic'al.
\q
\v 31 Tijicña mi caj i yubin Dios, come jiñʌch yom bʌ i pusic'al.
\q Ñumen mi' mulan bajche' yan tac bʌ i majtan anquese tat wacax yic'ot i yal.
\q
\v 32 Jini utso' bʌ i pusic'al mi caj i q'uelob. Jini cha'an tijicñayob.
\q La' cha' p'ʌt'acob i pusic'al jini mu' bʌ i sajcañob Dios.
\q
\v 33 Come Dios mi' ñich'tan jini p'ump'uño' bʌ.
\q Ma'anic mi' ts'a'len jini ñup'ulo' bʌ i cha'an.
\b
\q
\v 34 La' i subob i ñuclel Dios pejtelel año' bʌ ti panchan yic'ot pañimil.
\q La' i pʌs i ñuclel Dios jini ñajb yic'ot pejtel i bʌl.
\q
\v 35 Come Dios mi caj i coltan Sion.
\q Mi caj i cha' wa'chocon jini tejclum tac ti Judá
\q Cha'an ya' mi' chumtʌlob i winicob x'ixicob.
\q Ma'anix mi caj i chilbentelob i lum.
\q
\v 36 Mi caj i yʌq'uentelob i winicob Dios yic'ot i p'olbal.
\q Ya' mi caj i yajñelob jini mu' bʌ i c'uxbiñob i c'aba'.
\c 70
\s Oración cha'an mi' yʌjq'uel ti colel
\r (Sal. 40.13-17)
\p
\v 1 Dios, yom ma' loc'sañon ti ili wocol.
\q C Yum, yom ma' coltañon ti ora.
\q
\v 2 La' i cha'leñob quisin jini yomo' bʌ i jisañon. La' toj sajticob i pusic'al.
\q Mʌctan jini yomo' bʌ i yʌc'on ti wocol. La' ju'sʌbentic i pusic'al.
\q
\v 3 La' sujticob majlel cha'an quisintic jax woli' melob
\q Mu' bʌ i yʌlob jajaja, jajaja.
\b
\q
\v 4 La' i yubiñob i tijicñʌyel i pusic'al yic'ot i ñʌch'tilel pejtelel jini mu' bʌ i sajcañet.
\q La' i yʌlob ti pejtelel ora: La' sujbic i ñuclel Dios.
\q Mi' c'uxbiñetob cha'an tsa' coltayob.
\q
\v 5 Pero p'ump'uñon jax. Cabʌl woliyon ti wocol.
\q Dios, la' ti ora. Coltañon,
\q C Pijtayajet, caj Coltayajet.
\q C Yum, mach yomic ma' jalijel.
\c 71
\s Che' ch'itoñon to c'ʌlʌl mic ñox'an
\p
\v 1 C Yum, tsa'ix cʌc'ʌ c bʌ ti a wenta.
\q Mach a wʌc'on ti quisin.
\q
\v 2 Loc'sañon ti' p'ʌtʌlel j contra come tojet. Coloyon ba' ñup'ulon.
\q Yom ma' p'ison ti a wenta. Coltañon.
\q
\v 3 La' c ñochtañet che' bajche' ch'entun ba' mi mejlel c chumtʌl ti pejtelel ora.
\q Tsa' wʌc'ʌ a t'an. Mi caj a coltañon,
\q Come p'ʌtʌl bʌ xajlelet c cha'an.
\q
\v 4 C Dios, loc'sañon ti' p'ʌtʌlel jini jontolo' bʌ mach bʌ tojobic, mu' bʌ i tic'lañob i pi'ʌlob.
\q
\v 5 Wolic pijtañet, c Yum Dios.
\q Tsac ñopoyet c'ʌlʌl che' ch'itoñon to.
\q
\v 6 Tsa' cʌntayon c'ʌlʌl che' cʌntʌbilon to i cha'an c ña'.
\q Cha'an ti a p'ʌtʌlel tsa' cha' c'oc'a c ña' che' bʌ tsa quila pañimil.
\q Mi caj c chʌn c'uxbiñet ti pejtelel ora.
\b
\q
\v 7 Mi' toj sajtelob i pusic'al cabʌlob cha'añon,
\q Pero xuc'ulon cha'añet, come c chumlibet.
\q
\v 8 Cabʌl mi caj c sub a ñuclel.
\q C'ux mi cubiñet ti pejtelel q'uin.
\q
\v 9 Mach a chocon che' ñoxonix.
\q Mach a cʌyon che' ma'anix c p'ʌtʌlel.
\q
\v 10 Come j contrajob mi' jop'beñon c mul.
\q Mi' chijtañoñob. Mi' temob i t'an tij contra.
\q
\v 11 Mi' yʌlob: Cʌybilix ti Dios ili winic.
\q Ajñesan, chucux. Ma'anic majqui mi caj i coltan, che'ob.
\b
\q
\v 12 Dios, mach a tʌts' a bʌ ba' añon.
\q C Dios, ti ora jach yom ma' coltañon.
\q
\v 13 Ac'ʌyob ti quisin mu' bʌ i contrajiñon. La' jisʌnticob.
\q La' a'lenticob jini yomo' bʌ i tic'lañon. La' ts'a'lenticob.
\q
\v 14 Pero joñon mi caj c pijtañet ti pejtelel ora.
\q Ñumen mij c'uxbiñet wʌle bajche' ti yambʌ ora. Ñumen to mi caj j c'uxbiñet.
\q
\v 15 Ti pejtelel ora mi caj c tsictesañet come tojet.
\q Wen awujil coltaya. Mach mejlic ti tsicol a melbal.
\q
\v 16 C Yum, mi caj c sub jini ñuc tac bʌ a melbal.
\q Mi caj c chʌn sub a tojel, come jatet jach tojet.
\b
\q
\v 17 Dios, cʌntesʌbilon a cha'an c'ʌlʌl che' ch'itoñon to.
\q C'ʌlʌl wʌle mic sub jini ñuc tac bʌ a melbal.
\q
\v 18 Che' ñoxonix, che' sʌquix i tsutsel c jol, Dios, mach a cʌyon
\q Jinto mij cʌntesan calobilob yic'ot i yalobilob mu' bʌ caj i tilelob cha'an mi' cʌñob a p'ʌtʌlel ti jujuntiquil.
\q
\v 19 C'ʌlʌl ti' chañelal panchan tsa'ix a pʌsʌ a bʌ ti toj.
\b
\q Tsa'ix a pʌsʌ ñuc tac bʌ a melbal, Dios.
\q ¿Majqui to lajal bajche' jatet?
\q
\v 20 Anquese tsa'ix a wʌq'ueyon lojon cabʌl tsʌts tac bʌ wocol
\q Mux a cha' ac'on lojon ti cuxtiyel.
\q Mux a cha' pʌyon lojon loq'uel ba' bʌbʌq'uen jax.
\q
\v 21 Mux a cha' aq'ueñon c ñuclel.
\q Mux a cha' ñuq'uesʌbeñon c pusic'al.
\b
\q
\v 22 Mi caj c sub a ñuclel yic'ot música.
\q Dios, mi caj c cha'lebeñet c'ay ti arpa cha'an i sujmlel a t'an,
\q Come jatetʌch jini Ch'ujul Bʌ i cha'an Israel.
\q
\v 23 Tijicñayon che' mij c'ʌyibeñet c'ay.
\q Tijicña c pusic'al cha'an tsa' tojbeyon c mul. Tsa' wʌc'ʌyon ti colel.
\q
\v 24 Belel ora mi caj c chʌn sub tojet,
\q Come jini yomo' bʌ i tic'lañon tsa'ix ajq'uiyob ti quisin.
\q Tsa'ix toj sajtiyob i pusic'al.
\c 72
\s I yumʌntel jini toj bʌ rey
\p
\v 1 Dios, aq'uen i ye'tel jini rey cha'an mi' mel winicob che' bajche' ma' melob.
\q Aq'uen jini ch'iton bʌ i yalobil rey toj bʌ i pusic'al, i pi'ʌl bʌ a pusic'al.
\q
\v 2 La' i mel ti toj jini winicob x'ixicob a cha'an.
\q La' i mel ti toj jini p'ump'uño' bʌ a cha'an.
\q
\v 3 La' p'ojlic i wenlel jini año' bʌ ti wits yic'ot bujtʌl tac,
\q Cha'an toj bʌ a pusic'al mu' bʌ a pʌsbeñob.
\q
\v 4 La' i mel jini p'ump'uño' bʌ. La' i coltañob.
\q La' i t'uchtan jini mu' bʌ i tic'lañob.
\b
\q
\v 5 La' i c'uxbiñetob che' anto q'uin,
\q Che' anto uw, c'ʌlʌl ti pejtelel ora.
\q
\v 6 Che' bajche' mi' tilel ja'al ya' ba' tsepel jam, la' tilic jini Rey ba' añon lojon.
\q Che' bajche' ja'al mu' bʌ i mul pañimil, la' tilic.
\q
\v 7 Mux i tajob i wenlel jini tojo' bʌ che' woli ti yumʌl.
\q Mux i tajob cabʌl i ñʌch'tʌlel i pusic'al winicob che' anto uw.
\b
\q
\v 8 La' i cha'len yumʌl ti pejtelel lum yic'ot ti ñajb.
\q La' i cha'len yumʌl ba' an jini colem ja' c'ʌlʌl ti' joytilel pañimil.
\q
\v 9 Mi caj i c'uchchocoñob i bʌ i contrajob ya' ti' tojlel.
\q Mi caj i pʌcchocoñob i bʌ i contrajob ti' ts'ubeñal lum.
\q
\v 10 Jini reyob año' bʌ ti' ti' colem ñajb mi caj i yochelob ti' wenta.
\q Jini reyob ti Tarsis, yic'ot ti Sabá, yic'ot ti Seba mi caj i ch'ʌmbeñob tilel i majtan.
\q
\v 11 Isujm mi caj i c'uchchocoñob i bʌ pejtelel jini reyob ya' ti' tojlel lac Yum.
\q Winicob x'ixicob ti pejtelel pañimil mi caj i melbeñob i ye'tel.
\b
\q
\v 12 Come mi' loc'san ti wocol jini p'ump'un bʌ che' mi' c'ajtiben,
\q Yic'ot jini tic'lʌbil bʌ mach bʌ anic majqui mi' coltan.
\q
\v 13 Mi' p'untan jini c'un bʌ yic'ot jini p'ump'un bʌ.
\q Mi' coltan jini p'ump'uño' bʌ.
\q
\v 14 Mi caj i mʌn jini tic'lʌbilo' bʌ yic'ot jini chuculo' bʌ ti jontolil cha'an mi' yʌc'ob ti colel.
\q Mi caj i wen cʌntañob ame lon bejq'uic i ch'ich'el.
\b
\q
\v 15 Cuxul ti pejtelel ora. Mi caj i yʌq'uentel oro am bʌ ti Sabá.
\q Winicob x'ixicob mi caj i tajob jini Rey ti oración ti pejtelel ora.
\q La' sujbic i p'ʌtʌlel c'ʌlʌl mi' sʌc'an c'ʌlʌl mi' yic'an pañimil.
\q
\v 16 Mi caj i yʌc' cabʌl i cuch jini cholel ya' ti joctʌl c'ʌlʌl ti pam tac jini wits.
\q Yuquiña cha'an i cuch che' bajche' ti Líbano.
\q Mi caj i p'ojlelob jini año' bʌ ti tejclum tac che' bajche' mi' p'ojlel jam ti lum.
\q
\v 17 Chʌn an i p'ʌtʌlel i c'aba' ti pejtelel ora.
\q Mux i sujbel i ñuclel che' anto q'uin.
\q Mux i tajob i wenlel winicob x'ixicob ti pejtelel pañimil cha'an jini Rey.
\q Mux caj i yʌlob uts'at i pusic'al.
\b
\q
\v 18 La' ch'ujutesʌntic lac Yum Dios, i Dios Israel,
\q Mu' bʌ i bajñel mel ñuc tac bʌ i melbal.
\q
\v 19 Ch'ujutesan i c'aba' am bʌ i ñuclel ti pejtelel ora.
\q La' bujt'ic pejtel pañimil yic'ot i ñuclel.
\q Che'ʌch yom, che'ʌch yom.
\b
\q
\v 20 Jiñʌch i yujtibal i yoración David, i yalobil Isaí.\c 73
\ms LIBRO III
\s I jilibal jini jontolo' bʌ
\p
\v 1 Dios mi' pʌsbeñob i yutslel israelob.
\q Isujm mi' pʌsbeñob i yutslel jini sʌc bʌ i pusic'al.
\q
\v 2 Pero joñon tsa cʌlʌ cʌye' c ñop. Colel tsa cʌlʌ yajlel.
\q Mach xuc'ulic coc, colel i tʌjts'el.
\q
\v 3 Tsac lon mulʌbe i wenlel jini mu' bʌ i chañ'esañob i bʌ
\q Che' bʌ tsaj q'uele woli' p'ojlel i chubʌ'an jini jontolo' bʌ.
\b
\q
\v 4 Ma'anic mi' yubiñob wocol.
\q Ch'ejlʌch i bʌc'tal.
\q
\v 5 Ma'anic mi' yubiñob wocol bajche' yaño' bʌ winicob.
\q Ma'anic mi' tic'lʌntelob che' bajche' i pi'ʌlob.
\q
\v 6 Jini cha'an uts'atax mi' lon q'uelob i bʌ.
\q Mi' chajpañob i pusic'al ti jontolil che' bajche' mi ch'ʌlob i bʌ ti ujʌl yic'ot bujcʌl.
\q
\v 7 Ma'anic chuqui anto yom i cha'añob.
\q But'ulob i pusic'al ti lolom tac bʌ.
\q
\v 8 Mi' cha'leñob wajleya yic'ot a'leya. Mi' bʌc'tesañob i pi'ʌlob.
\q Ch'ejlob i pusic'al mi' subob chuqui mi caj i melob.
\q
\v 9 Mi' ts'a'leñob Dios. Mi' pucob ti pejtelel pañimil chuqui mi' lon ña'tañob.
\b
\q
\v 10 Jini i cha'año' bʌ Dios mi' lon ñopbeñob i t'an. Mi' toj sajtelob i pusic'al.
\q Mi' jac'beñob i t'an che' bajche' mi' japob ja' che' tiquin i ti'.
\q
\v 11 Mi' lon alob: Mach yujilic Dios.
\q ¿Bacan mi' p'isonla ti' wenta jini C'ax Ñuc Bʌ? lon che'ob.
\b
\q
\v 12 Che'ʌch mi' melob jini jontolo' bʌ.
\q Mi' p'ojlesañob i chubʌ'an ti pañimil. Ma'anic majch mi' tic'ob.
\q
\v 13 Tsa cʌlʌ lolom jach wolij cʌntan c pusic'al.
\q Lolom jach mij cʌntan c bʌ cha'an mi cajñel ti sʌc.
\q
\v 14 C'ʌlʌl mi' sʌc'an c'ʌlʌl mi' yic'an añʌch c tic'lʌntel.
\q Mi cubin i ju'sʌntel c pusic'al ti jujump'ejl q'uin.
\b
\q
\v 15 Tsa'ic c subeyob a p'olbal chuqui tsac lon ña'ta tic pusic'al
\q Tsa' sajtiyob cha'an c t'an.
\q
\v 16 Che' bʌ tsac na'ta c ch'ʌmben isujm iliyi
\q Wen wocol tsa cubi
\q
\v 17 jinto tsa' ochiyon ti Ch'ujul bʌ Ajñibʌl i cha'an Dios.
\q Ya'i tsac ña'ta chuqui mi caj i tajob jontolo' bʌ che' ti' jilibal.
\q
\v 18 Isujm bʌbʌq'uen jax mi' yajlelob ya' ba' t'uchul i yoc.
\q Mux a junyajlel jisañob.
\q
\v 19 Ti ora jach mi' jilelob.
\q Mi' bʌc' tilel jini bʌbʌq'uen tac bʌ.
\q
\v 20 Lajal i cuxtilel bajche' ñajal mu' bʌ i bʌc' ñajʌyel lac cha'an che' ch'ojyemonixla. Che' mi' ch'ojyelob, mi caj i ña'tañob i sujmlel.
\q
\v 21 Che' bʌ tsac ch'ʌmbe isujm, wulwulña c pusic'al tsa cubi.
\q Tsac cha'le tsic pusic'al.
\q
\v 22 Tsa' caji c ña'tan lajalon bajche' tonto bʌ mach bʌ anic i pusic'al.
\q Lajalon ti a tojlel bajche' bʌte'el mach bʌ anic i ña'tʌbal.
\q
\v 23 Pero mach che'ic ma' q'uelon. Chʌn añon quic'otet ti pejtelel ora.
\q Chucul a cha'an jini ñoj bʌ j c'ʌb.
\q
\v 24 Mi caj a chʌn toj'esañon majlel ti a t'an che' wʌ'to añon ti pañimil.
\q Ti wi'il mi caj a pʌyon majlel ti panchan ba'an a ñuclel.
\q
\v 25 Cʌxti anic yambʌ mu' bʌ c ñop ti panchan.
\q Com jach jatet ti pañimil, mach comic yambʌ.
\q
\v 26 Ma'anix i p'ʌtʌlel c bʌc'tal yic'ot c pusic'al.
\q Pero Dios i p'ʌtʌlelʌch c pusic'al. C cha'añʌch ti pejtelel ora.
\b
\q
\v 27 Q'uele bajche' mi' jilelob jini mu' bʌ i tʌts'ob i bʌ ba' añet.
\q Mi caj a jisan pejtel mu' bʌ i cʌyet.
\q
\v 28 Pero joñon mic taj c wenlel che' mic ñochtan Dios.
\q Tsa'ix c xuc'choco c bʌ ti lac Yum
\q Cha'an mi mejlel c sub pejtelel i melbal.
\c 74
\s P'ulchocobil jini Ch'ujul bʌ Ajñibʌl
\p
\v 1 Dios, ¿chucoch tsa' junyajlel cʌyʌyon lojon?
\q ¿Chucoch wola' mich'len jini tiñʌme' tac am bʌ ti a jamil?
\q
\v 2 Mach mi' ñajʌyel a cha'an a cha'año' bʌ tsa' bʌ a yajca ti wajali, jini mʌmbilo' bʌ a cha'an.
\q Ña'tan Jerusalén ba' tsa' chumleyet.
\q
\v 3 Yom ma' tilel a q'uel ili jejmen bʌ tejclum.
\q Laj contrajob tsi' jisayob jini ch'ujul bʌ a wajñib.
\b
\q
\v 4 Tsi' wajleyob jini Ch'ujul bʌ Ajñibʌl a cha'an.
\q Tsi' wa'chocoyob i dioste' tac.
\q
\v 5 Lajal tsi' meleyob bajche' sec' te'el ti mate'el.
\q
\v 6 Ti jacha tsi' lu' jisayob pejtelel jini i t'ojol jax bʌ te' am bʌ i ts'ijbal.
\q
\v 7 Tsi' tsuc'uyob c'ajc cha'an mi' pulel jini Ch'ujul bʌ Ajñibʌl a cha'an. Tsi' p'ulchocoyob jubel ti lum.
\q Tsi' bib'esayob ch'ujul bʌ a wajñib.
\q
\v 8 Tsi' yʌlʌyob: Mi caj lac laj jisan chuqui tac mi' yʌc' ti ña'tʌntel Dios, che'ob.
\q Tsi' puluyob pejtelel i yotot tac Dios ti lac lumal.
\b
\q
\v 9 Ma'anix chuqui tsa' cʌle cha'an mi' tsictesan mi a cha'añon lojon. Ma'añobix x'alt'añob.
\q Ma'anic majqui yujil baqui ora mi caj i lajmel iliyi.
\q
\v 10 Dios, ¿jayp'ejl to q'uin mi caj i chʌn cha'len a'leya jini laj contra?
\q ¿Mu' ba caj i chʌn ts'a'libeñet a c'aba'?
\q
\v 11 ¿Chucoch lotol jach a p'ʌtʌlel?
\q Pʌsʌ a p'ʌtʌlel. Jisañob.
\b
\q
\v 12 Dios, c reyetʌch c'ʌlʌl ti wajali.
\q C'ʌlʌl wʌle woliyet ti coltaya ti' tojlel winicob x'ixicob.
\q
\v 13 Jatet tsa' t'oxo majlel jini colem ñajb.
\q Jatet tsa' top'beyob i jol ajin ya' ti colem ja'.
\f I jol ajin, I wentajʌch yumʌlob ti Egipto.
\f*
\q
\v 14 Jatet tsa' jisʌbe i p'ʌtʌlel jini leviatán i yejtal Egipto.
\q Tsa' bic'tesʌbe i bʌc'tal leviatán. Tsa' wʌq'ue i c'ux colem chʌy.
\q
\v 15 Tsa' mele i loq'uib ja', tsa' jambeyon lojon cuxul bʌ ja'.
\q Tsa' tiquesa colem ja' mach bʌ yujilic tiquin.
\q
\v 16 A cha'añʌch q'uiñil yic'ot ac'ʌlel.
\q Ya' jach ti' yajñib tsa' wʌc'ʌ jini q'uin yic'ot jini uw.
\q
\v 17 Jatet tsa' t'oxbeyon lojon lum che' bajche' a wom.
\q A melbalʌch i yorajlel ticwal yic'ot i yorajlel tsʌñal.
\b
\q
\v 18 C Yum, ña'tan bajche' woli' yʌ'leñet laj contra.
\q Jini tontojo' bʌ woli' ts'a'leñob a c'aba'.
\q
\v 19 Che'ʌch añon lojon bajche' x'ujcuts c'uxbibil bʌ a cha'an.
\q Mach a wʌc'on lojon ba' mi' c'uxon lojon bʌte'el.
\q Mach ñajʌyic ti a pusic'al ti pejtelel ora jini p'ump'uño' bʌ a cha'an.
\b
\q
\v 20 Chʌn ña'tan jini xuc'ul bʌ a t'an,
\q Come cabʌl mi' p'ojlel jontolil ba' maxto ochemic a t'an.
\q
\v 21 Mach a cha' ac'ob ti quisin jini tic'lʌbilo' bʌ.
\q La' i subob i ñuclel a c'aba' jini p'ump'uño' bʌ yic'ot jini tic'lʌbilo' bʌ.
\b
\q
\v 22 Dios, wa'i', subu a bʌ.
\q Ubin bajche' woli' yʌ'leñetob jini tontojo' bʌ c'ʌlʌl mi' sʌc'an c'ʌlʌl mi' yic'an.
\q
\v 23 Mach a ñusʌbeñob i p'ajoñel a contrajob.
\q Woli' cha'leñob c'am bʌ t'an.
\c 75
\s Dios mi' contrajin jini xjontolil; mi' coltan jini toj bʌ
\p
\v 1 Dios, wolic subeñet lojon wocolix a wʌlʌ.
\q Jini ñuc bʌ a melbalob mi' yʌq'ueñon lojon c ña'tan wola' cʌntañon lojon.
\b
\q
\v 2 Isujm, che'en Dios. Che' i yorajlelix mic tech meloñel
\q Joñon mi caj c mel winicob x'ixicob ti toj.
\q
\v 3 Anquese woli ti ñijcʌyel pañimil, anquese woliyob ti bʌq'uen jini xchumtʌlob ti pañimil,
\q Xuc'ul tsac wa'choco pañimil, che'en.
\q
\v 4 Tsac sube jini mu' bʌ i chañ'esañob i bʌ cha'an mach mi' chañ'esañob i bʌ.
\q Tsac sube jini jontolo' bʌ cha'an mach mi' subob i bʌ ti ñuc.
\q
\v 5 Mach la' chañ'esan la' bʌ.
\q Mach la' ñusʌben i t'an año' bʌ i ye'tel.
\b
\q
\v 6 Ma'anic mi' tilel lac ñuclel ba' mi' pasel q'uin,
\q Mi ba' mi' bʌjlel q'uin mi ti jochol bʌ lum.
\q
\v 7 Awilan Dios jiñʌch Xmeloñel.
\q Mi' peq'uesan juntiquil, mi' yʌq'uen i ñuclel yambʌ.
\q
\v 8 Come an vaso ti' c'ʌb lac Yum, i yejtalʌch i mich'ajel.
\q Woli' paj'an jini vino am bʌ ti vaso, wen xʌbil bʌ.
\q Mi' jeb ti' tojlel jontolo' bʌ ti pañimil.
\q Mi caj i japob yic'ot i xixil pejtelel jontolo' bʌ. I yejtalʌch i mich'ajel Dios.
\q
\v 9 Pero joñon mi caj j c'ʌyiben i ñuclel i Dios Jacob ti pejtelel ora.
\q
\v 10 Mi caj c jisʌben i p'ʌtʌlel jini jontolo' bʌ.
\q Mi caj c p'ojlesʌbeñob i p'ʌtʌlel jini tojo' bʌ.
\c 76
\s Dios jini bʌc'ñʌbil bʌ
\p
\v 1 Dios tsi' yʌc'ʌ i bʌ ti cʌjñel ti Judá yic'ot ti Israel.
\q
\v 2 Ya' chumul Dios ti Jerusalén,
\q Ya'an i chumlib ti Sion.
\q
\v 3 Ya'i tsi' colta israelob.
\q Tsi' laj jembeyob i ye'tijib i contrajob mu' bʌ i c'ʌñob ti guerra.
\b
\q
\v 4 Ñumen ñuquet bajche' jini wits tac am bʌ ti pejtelel ora.
\q
\v 5 Tsa' chilbentiyob i chubʌ'an jini ch'ejlo' bʌ i pusic'al.
\q Tsa' jiliyob jini p'ʌtʌlo' bʌ winicob. Ma'anix tsa' chʌn mejliyob.
\q
\v 6 Che' bʌ tsa' tiq'uiyob, c Dios, i Dioset bʌ Jacob,
\q Tsa' yajliyob jini c'ʌchʌlo' bʌ yic'ot i c'ʌchlib.
\q
\v 7 Bʌc'ñʌbilet.
\q ¿Majqui mi mejlel ti c'otel ti a t'ejl che' mich'et?
\q
\v 8 Ya' ti panchan tsa' wʌc'ʌ a t'an ti meloñel.
\q Jini año' bʌ ti pañimil tsa' cajiyob ti bʌq'uen. Ñʌch'ʌl tsa' cʌleyob
\q
\v 9 Che' bʌ tsa' caji a cha'len meloñel
\q Cha'an ma' coltan pejtelel jini tic'lʌbilo' bʌ ti pañimil.
\b
\q
\v 10 I mich'ajel winicob mi caj i tsictesʌben i ñuclel Dios.
\q Che' ñumen ti p'is i mich'ajel mi caj a tic'ob.
\b
\q
\v 11 Suben lac Yum Dios chuqui mi caj la' mel.
\q Melela che' bajche' tsa' la' sube.
\q La' i ch'ʌmbeñob tilel i majtan Dios ti pejtelel lum, come lac Yum jiñʌch yom bʌ mi lac bʌc'ñan.
\q
\v 12 Mux i jultesʌbeñob i pusic'al yumʌlob.
\q Bʌbʌq'uen jax lac Yum ti' tojlel jini reyob ti pañimil.
\c 77
\s I melbal jini p'ʌtʌl bʌ Dios
\p
\v 1 Mic chʌn pejcan Dios ti c'am bʌ t'an.
\q Cujil mux i ñich'tʌbeñon.
\q
\v 2 Tsac sajca Dios che' bʌ tsa cubi wocol.
\q Ti ac'ʌlel tsac letsa j c'ʌb ti oración. Ma'anic tsa' lujbayon.
\q Ma'anic tsac jac'ʌ i ñuq'uesʌntel c pusic'al.
\q
\v 3 Tsac ña'ta Dios che' wen ch'ijyem c pusic'al.
\q Ba' ora com c ch'ʌmben isujm mic lujb'an.
\q
\v 4 Ma'anic ma' wʌc'on ti wʌyel, cañal c wut.
\q Mach mejlicon ti t'an cha'an tsic pusic'al.
\q
\v 5 Mic ña'tan chuqui tac tsa' ujti wajali,
\q Che' cuxulob to c ñojte'el.
\q
\v 6 Mic ña'tan c'ay ti ac'ʌlel.
\q An cabʌl chuqui mic ña'tan tic pusic'al.
\q Mic cha'len wersa c ch'ʌmben isujm.
\q
\v 7 ¿Tsa' ba i junyajlel cʌyʌyon c Yum?
\q ¿Mach ba anix mi caj i cha' pʌsbeñon i yutslel i pusic'al?
\q
\v 8 ¿Tsa ba i junyajlel cʌyʌ i c'uxbiñon ti' yutslel i pusic'al?
\q Tsa' ba i junyajlel cʌyʌ i pejcan winicob?
\q
\v 9 ¿Tsa' ba ñajiyi ti' pusic'al i pʌs i yutslel Dios?
\q ¿Tsa' ba i cʌyʌ i p'untañonla cha'an mich'?
\b
\q
\v 10 Tsac lon alʌ jiñʌch i c'unlel c bʌc'tal.
\q Jini cha'an mach lajalix yubil wʌle i p'ʌtʌlel jini C'ax Ñuc Bʌ.
\q
\v 11 Mi caj c ña'tan i melbal lac Yum.
\q Mic ña'tan i yejtal i p'ʌtʌlel tsa' bʌ i pʌsʌ wajali.
\q
\v 12 Mi caj c ña'tan tic pusic'al pejtel tsa' bʌ a mele.
\q Mi caj c ch'ʌm tic wenta pejtel jini ñuc tac bʌ a melbal.
\q
\v 13 Dios, ma' tsictesan a bʌ ti ch'ujul bʌ a we'tel.
\q Ma'anic yambʌ Dios ñuc bʌ che' bajche'et.
\q
\v 14 Jatet jach, Dios, ma' pʌs i yejtal tac a p'ʌtʌlel.
\q Tsa'ix a pʌsbeyob a p'ʌtʌlel winicob x'ixicob ti pejtelel lum.
\q
\v 15 Tsa' mʌñʌ a cha'año' bʌ yic'ot a p'ʌtʌlel.
\q Jiñobʌch i p'olbal Jacob yic'ot i p'olbal José.
\b
\q
\v 16 Dios, che' bʌ tsa' mʌñʌ i p'olbal Jacob ya' bʌ añob ti colem ñajb,
\q Jini ja' tsi' q'ueleyet yilal. Lʌmuña tsi' ñijca i bʌ.
\q Tsiltsilña tsi' mele i bʌ jini tam bʌ ja'.
\q
\v 17 Jini tocal tsi' bajbe ja'al.
\q Wen c'am tsi' cha'le t'an jini chajc ti panchan.
\q Sʌplaw tsi' mele i bʌ jini chajc.
\q
\v 18 Ya' ti sutujt ic' tsi' cha'le t'an chajc.
\q Tsa' sʌc'a pañimil cha'an i c'ʌc'al chajc.
\q Tsi' ñijca i bʌ pañimil, tsi' yujcu i bʌ.
\q
\v 19 Tsa' pʌsbeyon lojon a bijlel ti colem ñajb.
\q Jini alʌ bij a cha'an an ti colem ja' yilal.
\q Mach tsiquilic i yejtal a woc ti bij.
\q
\v 20 Ti' c'ʌb Moisés yic'ot ti' c'ʌb Aarón
\q Tsa' pʌyʌ majlel a cha'año' bʌ che' bajche' tiñʌme'.
\c 78
\s Dios mi' p'untan jini mach bʌ xuc'ulobic
\p
\v 1 Winicob x'ixicob c cha'añet bʌ la, jac'ʌla j cʌntesʌbal.
\q Ch'ʌmʌla ti la' wenta chuqui wolic subeñetla.
\q
\v 2 Mi caj c subeñetla t'an ti lajiya.
\q Mi caj c tsictesʌbeñetla i sujmlel.
\q
\v 3 Tsi' cʌntesayonla lac tat. Cʌmbilix lac cha'an
\q Come tsa'ix la cubi, tsa'ix lac ñopo.
\q
\v 4 Mach la comic mi' ñajʌyel ti' pusic'al la calobilob.
\q Mux lac subeñob cha'an mi' cʌñob i ñuclel lac Yum,
\q Yic'ot i p'ʌtʌlel, yic'ot jini bʌbʌq'uen tac bʌ i melbal.
\b
\q
\v 5 Lac Yum tsi' yʌq'ue Jacob xuc'ul bʌ i t'an. Tsi' yʌq'ue i ley Israel.
\q Tsi' subeyob lac tatob cha'an mi' cha' subeñob i yalobilob
\q
\v 6 Cha'an mi laj cʌmben i t'an, cha'an mi laj cʌntesan la calobilob,
\q Cha'an mi' cʌñob ja'el jini alʌlob maxto bʌ anic tsi' yilayob pañimil,
\q Cha'an mi' subeñob i yalobilob ja'el,
\q
\v 7 Cha'an mi' laj ñopob Dios.
\q Che' jini ma'anic mi' ñajʌyelob ti' pusic'al i melbal Dios.
\q Pero mi' chʌn jac'beñob i mandar.
\q
\v 8 Mach yomic lajalob bajche' i tatob.
\q Tsʌts i pusic'al i tatob, tsi' ñusʌbeyob i mandar Dios.
\q Mach xuc'ulic i pusic'alob yic'ot Dios.
\b
\q
\v 9 Jini ch'oyolo' bʌ ti Efraín añob i jalʌjb,
\q Pero tsa' puts'iyob majlel che' ti' yorajlel guerra.
\q
\v 10 Ma'anic tsi' jac'ʌyob jini xuc'ul bʌ i t'an Dios.
\q Tsi' ñusʌbeyob i mandar.
\q
\v 11 Tsa' ñajiyiyob ti' pusic'al i melbal yic'ot i yejtal tac i p'ʌtʌlel Dios tsa' bʌ i pʌsbeyob.
\q
\v 12 Uts'atax i yejtal i p'ʌtʌlel tsa' bʌ i pʌsbeyob lac tatob
\q Ti jini lum Egipto ya' ti Zoán.
\q
\v 13 Tsi' cala jini colem ñajb. Tsi' pʌyʌyob c'axel.
\q Tsi' yʌc'ʌ ti cʌytʌl jini ja' che' bajche' bujtʌl.
\q
\v 14 Che' ti q'uiñil tsi' c'ʌñʌ tocal i pʌyob majlel.
\q Che' bʌ tsa' ic'a c'ʌlʌl tsa' sʌc'a tsi' c'ʌñʌ c'ajc i tsictesʌbeñob i bijlel.
\q
\v 15 Tsi' jawʌ tac xajlel ya' ti colem bʌ i tiquiñal pañimil.
\q Tsi' yʌq'ueyob i jap ja' lajal bajche' i ya'lel aban.
\q
\v 16 Tsi' yʌc'ʌ ti loq'uel ja' ti xajlel che' bajche' colem ja'.
\b
\q
\v 17 Anquese cabʌl tsi' pʌsbeyob i yutslel Dios, tsi' chʌn cha'leyob mulil lac ñojte'elob ti' contra lac Yum.
\q Tsi' ñusʌbeyob i mandar jini C'ax Ñuc Bʌ ya' ti tiquin bʌ lum.
\q
\v 18 Tsi' yilʌbeyob i pusic'al Dios che' ma'anic tsi' ñopoyob.
\q Tsi' c'ajtibeyob we'elʌl cha'an cabʌl i wo'lel.
\q
\v 19 Tsi' yʌ'leyob Dios, tsi' yʌlʌyob:
\q ¿Mejl ba i yʌq'ueñonla Dios i bʌl lac ñʌc' wʌ' ti tiquin bʌ lum? che'ob.
\q
\v 20 Awilan, che' bʌ tsi' jats'ʌ xajlel, tsa' loq'ui ja'.
\q Wen cholocña tsa' loq'ui.
\q Tsi' yʌlʌyob: ¿Mejl ba i yʌq'ueñonla waj yic'ot we'elʌl cha'an mi laj c'ux? che'ob.
\b
\q
\v 21 Jini cha'an tsa' mich'a lac Yum che' bʌ tsi' yubi iliyi.
\q Tsi' ña'ta wersa mi caj i toj i mul Israel.
\q Cabʌl tsa' mich'a lac Yum.
\q
\v 22 Come ma'anic tsi' ñopoyob Dios.
\q Ma'anic tsi' ñopoyob jini yujil bʌ coltaya.
\q
\v 23 Dios tsi' yʌq'ue mandar jini tocal am bʌ ti chan.
\q Tsi' jambe i ti' panchan yilal.
\q
\v 24 Tsa' jubi tilel maná che' bajche' ja'al.
\q Tsi' yʌq'ueyob i bʌl i ñʌc' ch'oyol bʌ ti panchan.
\q
\v 25 Winicob x'ixicob tsi' c'uxuyob maná che' bajche' i waj ángelob.
\q On tsi' chocbeyob tilel i bʌl i ñʌc'.
\q
\v 26 Tsi' choco tilel ic' ti panchan tilem bʌ ba' mi' pasel q'uin.
\q Cha'an ti' p'ʌtʌlel tsi' choco tilel ic' tilem bʌ ti sur.
\q
\v 27 Tsa' jubi tilel we'elʌl che' bajche' i ts'ubeñal lum,
\q Yic'ot mut che' bajche' i ji'il colem ñajb.
\q
\v 28 Tsi' yʌc'ʌ ti yajlel mut ti ojlil ba' chumulob.
\q
\v 29 Jini xchumtʌlob tsi' c'uxuyob. Tsa' ñaj'ayob
\q Come Dios tsi' chocbeyob jubel cha'an i wo'lel.
\q
\v 30 Che' wo'ob ti we'elʌl,
\q Che' woli to i c'uxob,
\q
\v 31 Dios tsa' caji i contrajiñob ti' mich'ajel.
\q Tsi' tsʌnsa jini ch'ejlo' bʌ.
\q Tsi' jisa jini ch'iton bʌ winicob año' bʌ ti Israel.
\b
\q
\v 32 Pero ma'anic tsi' p'isiyob ti' wenta. Tsi' chʌn cha'leyob mulil.
\q Ma'anic tsi' ñopoyob jini wen uts'at tac bʌ i melbal.
\q
\v 33 Jini cha'an Dios tsi' yʌc'ʌyob ti wocol.
\q Tsi' ñusayob q'uin ti bʌbʌq'uen tac bʌ.
\q
\v 34 Che' woli' jisañob Dios, tsa' caji i sʌclañob.
\q Tsi' cha' sutq'uiyob i bʌ ba'an Dios. Tsa' caji i sʌclañob ti jump'ejl i pusic'al.
\q
\v 35 Tsi' ña'tayob tilem jach ti Dios i coltʌntelob.
\q Jini C'ax Ñuc Bʌ Dios jiñʌch tsa' bʌ i mʌñʌyob.
\q
\v 36 Uts'atax tsi' pejcayob Dios, jini lac tatob,
\q Pero lotiya jach.
\q
\v 37 Come tilel bixel i pusic'al ti' tojlel Dios.
\q Mach xuc'ulic i t'an tsa' bʌ i wa'chocoyob.
\q
\v 38 Pero Dios tsi' p'untayob.
\q Tsi' ñusʌbeyob i mul. Ma'anic tsi' laj jisayob.
\q Cabʌl tsi' tiq'ui i bʌ che' bʌ tsi' mich'leyob.
\q
\v 39 Dios tsi' ña'ta c'uñob winicob yic'ot i bʌc'tal.
\q Lajalobʌch bajche' ic' mu' bʌ i ñumel. Ma'anic mi' cha' tilel.
\q
\v 40 Pero cabʌl tsi' chʌn ñusʌbeyob i t'an Dios ya' ti colem bʌ i tiquiñal pañimil.
\q Tsi' techbeyob i ch'ijiyemlel i pusic'al Dios.
\q
\v 41 Cabʌl tsi' yilʌbeyob i pusic'al Dios.
\q Tsi' techbeyob i mich'ajel jini Ch'ujul Bʌ i Dios Israel.
\q
\v 42 Ma'anic tsi' chʌn ña'tayob i melbal ti jini q'uin che' bʌ tsi' pʌyʌyob loq'uel ti' p'ʌtʌlel i contrajob.
\q
\v 43 Tsa' ñajʌyiyob i cha'an i yejtal tac i p'ʌtʌlel ya' ti Egipto,
\q Yic'ot jini bʌbʌq'uen tac bʌ ya' ti' jamil Zoán.
\q
\v 44 Tsi' pʌntesa jini colem ja' tac ti ch'ich'.
\q Ma'anic tsa' mejli i japob jini ja' am bʌ ti pa'.
\q
\v 45 Tsi' choco tilel jomjomña bʌ jaj tsa' bʌ i c'uxuyob.
\q Tsi' choco tilel xpequejc tsa' bʌ i jisayob.
\q
\v 46 Tsi' choco tilel motso' tsa' bʌ i jisa cholel,
\q Yic'ot sajc' tsa' bʌ i jisa pʌc'ʌbʌl i cha'añob.
\q
\v 47 Tsi' jisa ts'usubil ti t'uñul bʌ tunija'.
\q Tsi' jisa higuerajil ti' ña'al tsʌñal.
\q
\v 48 Jini t'uñul bʌ tuñija' tsi' lowbeyob i wacax.
\q Jini chajc tsi' pulbeyob i yʌlac'.
\q
\v 49 Dios tsi' wen mich'le jini año' bʌ ti Egipto.
\q Tsi' chocbeyob tilel cabʌl wocol yic'ot ch'ijiyem bʌ ti' wenta espíritujob yujilo' bʌ jisaya.
\q
\v 50 Cʌlʌx jax tsa' tili i mich'ajel Dios.
\q Ma'anic tsi' p'unta jini egiptojob. Tsi' jisayob ti c'amʌjel.
\q
\v 51 Tsi' tsʌnsa pejtelel jini ascuñʌlo' bʌ ti jujump'ejl xchumtʌl am bʌ ti' lumal Egipto.
\q
\v 52 Pero tsi' pʌyʌ loq'uel i cha'año' bʌ che' bajche' tiñʌme'.
\q Motmotña tsi' pʌyʌyob ñumel ti tiquin bʌ lum.
\q
\v 53 Xuc'ul tsi' pʌyʌ i cha'año' bʌ. Ma'anic tsi' cha'leyob bʌq'uen.
\q Pero tsi' jisʌbeyob i contrajob ti colem ñajb.
\q
\v 54 Dios tsi' pʌyʌyob tilel ti' ti' ch'ujul bʌ lum,
\q C'ʌlʌl ti jini bujtʌl tsa' bʌ i chili yic'ot ñuc bʌ i p'ʌtʌlel.
\q
\v 55 Tsi' choco loq'uel jini ya' bʌ chumulob ti ñaxan.
\q Tsi' t'oxbeyob lum jini israelob. I cha'añobix tsa' majli.
\q Tsi' yʌq'ueyob i lum ba' mi' chumtʌlob ti mojt ti mojt.
\b
\q
\v 56 Pero jontolob ajñel. Tsi' yilʌbeyob i pusic'al jini C'ax Ñuc Bʌ Dios. Tsi' techbeyob i mich'ajel.
\q Ma'anic tsi' jac'beyob i t'an.
\q
\v 57 Tsi' cʌyʌyob Dios lajal bajche' i tatob mach bʌ anic tsi' ñopoyob.
\q Xlotob che' bajche' ts'otol metel bʌ jalʌjb.
\q
\v 58 Tsi' techbeyob i mich'ajel Dios, come tsi' meleyob i yotlel tac dioste'.
\q Ts'a' tsi' q'uele Dios i dioste' tac.
\q
\v 59 Dios tsi' q'uele, tsa' mich'a.
\q Tsi' wen ts'a'le' israelob.
\q
\v 60 Jini cha'an tsi' cʌyʌ jini Ch'ujul bʌ Ajñibʌl am bʌ ti Silo, ba' tsa' chumle yic'otob.
\q
\v 61 Tsi' yʌc'ʌ jini Arca* ti' wenta yambʌ tejclum.
\q Jini Arca ba' tsi' tsictesa i p'ʌtʌlel yic'ot i ñuclel tsa' cʌle ti' tojlel i contrajob.
\q
\v 62 Dios tsi' yʌc'ʌ i cha'año' bʌ ti' c'ʌb i contrajob tsa' bʌ i tsʌnsayob ti espada.
\q Tsi' mich'le i cha'año' bʌ.
\q
\v 63 Jini ch'iton bʌ winicob tsa' chʌmiyob ti c'ajc.
\q Ma'anic tsi' cha'leyob ñujpuñijel jini xch'ocob.
\q
\v 64 Tsa' tsʌnsʌntiyob i motomajob ti espada.
\q Jini xmeba'ob i cha'an ma'anic tsi' yuc'tayob.
\b
\q
\v 65 Tsa' ch'ojyi lac Yum che' bajche' juntiquil tsa' bʌ ujti ti wʌyel,
\q Che' bajche' juntiquil tsa' bʌ ch'ejl'a cha'an vino.
\q
\v 66 Tsi' yajñesa i contrajob.
\q Tsi' yʌc'ʌyob ti quisin.
\q
\v 67 Tsi' ts'a'le i p'olbal José. Ma'anic tsi' yajca Efraín.
\q
\v 68 Pero tsi' yajca i p'olbal Judá tsa' bʌ i c'uxbi,
\q Ya' bʌ chumulob ti wits i c'aba' Sion.
\q
\v 69 Chan tsi' mele ch'ujul bʌ i yajñib ti pam wits.
\q Xuc'ul tsi' mele che' bajche' tsi' wa'choco pañimil cha'an mi' yajñel ti pejtelel ora.
\q
\v 70 Lac Yum tsi' yajca David, i winic.
\q Tsi' pʌyʌ loq'uel ti corral ba'an tiñʌme'.
\q
\v 71 Tsi' pʌyʌ che' woli' cʌntan i ña'al tac tiñʌme',
\q Cha'an mi' cʌntʌben i tiñʌme' Dios,
\q Cha'an mi' cʌntan israelob come, i cha'añobʌch.
\q
\v 72 Tsi' wen cʌntayob ti' xuc'tilel i pusic'al,
\q Tsi' toj'esayob majlel ti cabʌl i ña'tʌbal.
\c 79
\s Ch'ijiyemob cha'an tsa' jisʌnti Jerusalén
\p
\v 1 Dios, tsa'ix ochiyob jini sajtemo' bʌ ti a lumal.
\q Tsa'ix i bib'esayob jini ch'ujul bʌ a Templo.
\q Tsa'ix i jisayob Jerusalén.
\q
\v 2 Tsa'ix i chocoyob i bʌc'tal a winicob cha'an mi' c'uxe' te'lemut.
\q Tsa'ix i chocbeyob i bʌc'tal jini ch'ujulo' bʌ cha'an mi' c'uxe' jini bʌte'el tac.
\q
\v 3 Tsi' bec'beyob i ch'ich'el ti' joytilel Jerusalén che' bajche' ja'.
\q Ma'anic majqui mi' mucob.
\q
\v 4 Ts'a'lebilonix lojon cha'an jini chumulo' bʌ tic t'ejl lojon.
\q Mi' tse'tañon lojon jini año' bʌ tic joytilel.
\b
\q
\v 5 C Yum, ¿jayp'ejl to q'uin? ¿Chʌn mich'et ba ti pejtelel ora?
\q ¿Tsʌytsʌyña ba a mich'ajel che' bajche' c'ajc woli bʌ ti lejmel?
\q
\v 6 Pʌsbeñob a mich'ajel jini gentilob* mach bʌ anic mi' ñopetob,
\q Yic'ot jini colem tejclum tac ba' ma'anic mi' pejcañetob ti a c'aba'.
\q
\v 7 Come tsa'ix i jisayob israelob*. Tsi' jisʌbeyon lojon c chumlib.
\q
\v 8 Mach ma' chʌn ña'tʌben i mul c ñojte'el lojon. Mach ma' wʌc' tic wenta lojon.
\q Ti ora yom ma' p'untañon lojon, come wen p'ump'un lojon c bʌ.
\q
\v 9 Dios, caj Coltayajet, cʌntañon lojon cha'an uts'atax a c'aba'.
\q Loc'sañon lojon ti mulil. Ñusʌbeñon lojon c mul cha'an ma' wʌc' ti ñuc a c'aba'.
\q
\v 10 Come mi' yʌlob jini sajtemo' bʌ: ¿Bacan tsiquil i Dios? che'ob.
\q Q'uextʌbeñob i mul j contrajob lojon tsa' bʌ i bec'beyob i ch'ich'el a winicob.
\q Che' ma' melob, ac'ʌ ti cʌjñel ti yan tac bʌ lum ti' tojel lojon c wut.
\b
\q
\v 11 Ñich'tʌben i t'an jini ñup'ulo' bʌ woliyo' bʌ ti ajcʌn.
\q Pʌsʌ jini ñuc bʌ a p'ʌtʌlel. Loc'sañob ti' tojlel jini yomo' bʌ i tsʌnsañob.
\q
\v 12 Wucyajl yom ma' q'uextʌbeñob i wajleya jini chumulo' bʌ tic t'ejl lojon
\q Cha'an tsi' wajleyetob, c Yum.
\q
\v 13 A winicon lojon, tiñʌme'on lojon ti potrero a cha'an.
\q Mi caj c subeñet lojon wocolix a wʌlʌ ti pejtelel ora.
\q Mi caj c subeñob a ñuclel calobil lojon cha'an mi' subeñob i yalobilob ja'el ti lajm ti lajm.
\c 80
\s La' i cha' tajob i coltʌntel
\p
\v 1 Xcʌnta tiñʌme' i cha'an Israel, ñich'tañon.
\q Tsa'ix a pʌyʌ majlel José che' bajche' tiñʌme'.
\q Buchuletix ti' t'ejl querubiñob ya' ti chan.
\q
\v 2 Pʌsbeñob a p'ʌtʌlel Efraín, yic'ot Benjamín, yic'ot Manasés.
\q La', coltañon lojon.
\b
\q
\v 3 Dios, cha' ch'ejlesʌbeñon lojon c pusic'al.
\q Pʌsbeñon a wutslel cha'an mij coltʌntel lojon.
\q
\v 4 C Yum Dios, i Yum Panchan yic'ot Pañimil,
\q ¿Jayp'ejl to q'uin mich'et? ¿Mu' ba a ts'a'liben i yoración a cha'año' bʌ?
\q
\v 5 I ya'lel i wut i wentajlelʌch i waj mu' bʌ a wʌq'ueñob ti jujump'ejl q'uin.
\q On tsa' wʌq'ueyob i jap i ya'lel i wut.
\q
\v 6 Tsa' wʌc'ʌyon lojon ti a'lentel ti' tojlel c pi'ʌlob ti chumtʌl.
\q Mi' tse'tañon lojon j contrajob.
\q
\v 7 I Dioset bʌ Panchan yic'ot Pañimil, cha' ch'ejlesʌbeñon lojon c pusic'al.
\q Pʌsbeñon a wutslel cha'an mij coltʌntel lojon.
\b
\q
\v 8 Tsa'ix a pʌyʌyon lojon loq'uel ti Egipto.
\q Tsa'ix a chilbeyob i lum yambʌ winicob x'ixicob
\q Ba' tsa' cha' pʌc'ʌyon lojon che' bajche' ac'.
\q
\v 9 Tsa' cholobe i lumil ac'.
\q Tsi' chucu lum i wi'. Tsa' bujt'i jini lum.
\q
\v 10 I yʌxñʌlel jini ac' tsi' moso jini wits.
\q Cabʌl i xʌc' ac' che' bajche' ñuc bʌ i ch'ujte' Dios.
\q
\v 11 I xʌc'tac tsa' coli majlel c'ʌlʌl ti colem ñajb.
\q I yal tac te' tsa' coli ba'an colem ja'.
\q
\v 12 ¿Chucoch tsa' jeme jini corral tac?
\q Come pejtel jini mu' bʌ i ñumelob ya'i mi' tuc'ob i wut.
\q
\v 13 Jini mate' chitam mi' c'uxe'.
\q Jini bʌte'el am bʌ ti jamil mi' c'uxe'.
\b
\q
\v 14 I Dioset bʌ Panchan yic'ot Pañimil, la' ba' añon lojon.
\q Awocolic mij c'ajtibeñet cha' q'uele jini ac'.
\q La' ti jubel cha'an ma' wʌc'ñan.
\q
\v 15 Cʌntan a pʌc'ʌbʌl.
\q Cʌntan ch'iton bʌ a walobil tsa' bʌ a cosa cha'an ma' pʌs a ñuclel.
\q
\v 16 Pulbilix jini ac' ti c'ajc, cholobil.
\q Mi' jilelob israelob che' ma' tilel a wʌ'leñob.
\q
\v 17 Yom ma' cʌntan a winic ti a p'ʌtʌlel,
\q Yom ma' cʌntan ti a c'ʌb a walobil tsa' bʌ a cosa cha'an mi' pʌs a ñuclel.
\q
\v 18 Che' jini ma'anix mi caj c chʌn cʌyet lojon.
\q Cha' ch'ejlesañon lojon cha'an mic pejcañet lojon ti a c'aba'.
\q
\v 19 C Yum Dios, i Yum Panchan yic'ot Pañimil,
\q Cha' ch'ejlesʌbeñon lojon c pusic'al.
\q Pʌsbeñon lojon a wutslel cha'an mij coltʌntel lojon.
\c 81
\s I yutslel i pusic'al Dios
\p
\v 1 C'ʌyinla jini p'ʌtʌl bʌ Dios lac cha'an.
\q Cha'lenla c'am bʌ t'an ti' tojlel i Dios Jacob cha'an tijicña la' pusic'al.
\q
\v 2 Wen cha'lenla c'ay. Ñijcanla jini arpa yic'ot salterio.
\q
\v 3 Wusula trompeta che' mi' pasel uw
\q Yic'ot che' pomolix, che' mi lac mel q'uin.
\q
\v 4 Come che'ʌch mi lac mel ti Israel.
\q Che'ʌch tsi' yʌc'ʌ mandar i Dios Jacob.
\q
\v 5 Jiñʌch tsa' bʌ i yʌlʌ Dios
\q Che' bʌ tsa' caji' pʌs i p'ʌtʌlel ti' contra i lumal Egipto.
\b
\q Tsa' cubibe i t'an jini mach bʌ j cʌñʌyic.
\q
\v 6 Dios tsi' yʌlʌ: Tsac chucbe jubel i cuch ti' pat,
\q Tsac chucbe jubel jini al bʌ chiquib jich'iye'el bʌ i cha'an.
\q
\v 7 Jatet tsa' pejcayon che' woliyet ti wocol, tsa cʌc'ʌyet ti libre.
\q Tsac jac'beyet ya' ti tocal ba' woli ti t'an chajc.
\q Tsa quilʌbeyet a pusic'al ya' ti ja' i c'aba' Meriba.
\q
\v 8 Ubinla winicob x'ixicob c cha'an.
\q Mi caj c subeñet, Israel, mi a wom a ch'ujbibeñon c t'an:
\q
\v 9 Mach yomic dioste' ti a tojlel.
\q Ma'anic mi caj a ch'ujutesan dioste'.
\q
\v 10 Joñon a Yumon, a Dioson,
\q Tsa' bʌ c pʌyʌyet loq'uel ti' lumal Egipto.
\q Yom ma' wen c'ajtibeñon chuqui tac a wom. Mi caj cʌq'ueñet, cho'on.
\q
\v 11 Pero c winicob x'ixicob ma'anic tsi' ch'ujbibeyon c t'an.
\q Ts'a' tsi' q'ueleyoñob.
\q
\v 12 Jini cha'an tsaj cʌyʌyob cha'an i tsʌtslel i pusic'alob,
\q Cha'an mi' melob che' bajche' i bajñel yomob.
\b
\q
\v 13 Uts'atax tsa'ic i ch'ujbibeyon c t'an jini c cha'año' bʌ,
\q Tsa'ic i cha'leyob xʌmbal israelob tic bijlel.
\q
\v 14 Che'ic jini tsac t'uchtbeyob i contrajob.
\q Tsaj contraji jini woli bʌ i tic'lañob.
\q
\v 15 Che'ic jini tsa'ix i yotsayob i bʌ tic wenta jini woli bʌ i ts'a'leñoñob,
\q Che' xuc'ul tsa' chʌn ajniyob israelob ti pejtelel ora.
\q
\v 16 Tsa'ic i jac'beyoñob, tsac wen we'sayob ti trigo, jini wen fino bʌ.
\q Tsa cʌq'ueyob chab loq'uem bʌ ti xajlel cha'an mi' wen jastiyelob, che'en Dios.
\c 82
\s I mul jini jontol bʌ xmeloñelob
\p
\v 1 Dios mi' pʌs i bʌ ti' tojlel i cha'año' bʌ mu' bʌ i tempañob i bʌ.
\q Mi' cha'len meloñel ti' tojlel xmeloñelob.
\q
\v 2 Dios mi' yʌl: ¿Jayp'ejl to q'uin mach tojic mi caj a chʌn cha'len meloñel?
\q ¿Jayp'ejl to q'uin mi caj a q'uel ti uts'at jini jontolo' bʌ?
\q
\v 3 Mele ti toj jini p'ump'uño' bʌ yic'ot meba'ob.
\q Coltan jini tic'lʌbilo' bʌ yic'ot jini p'ump'uño' bʌ.
\q
\v 4 Coltañob loq'uel ti wocol jini an to bʌ yom i cha'añob yic'ot jini p'ump'uño' bʌ.
\q Chucuyob loq'uel ti' p'ʌtʌlel jini jontolo' bʌ.
\b
\q
\v 5 Ma'anic mi' ña'tañob, ma'anic mi' ch'ʌmbeñob isujm.
\q Woliyob ti xʌmbal ti ic'ch'ipan bʌ pañimil.
\q Ya' ba' chucul pañimil mi' ñijcan i bʌ.
\b
\q
\v 6 Joñon tsa cʌq'ueyetla la' we'tel ti yumʌl.
\q Tsa cʌlʌ i yalobiletla jini C'ax Ñuc Bʌ.
\q
\v 7 Pero lajal mi caj la' chʌmel bajche' winicob.
\q Lajal mi caj la' jilel bajche' yaño' bʌ yumʌlob, che'en Dios.
\b
\q
\v 8 Dios, ch'ojyen, cha'len meloñel ti' tojlel año' bʌ ti pañimil,
\q Come i Yumet pejtelel winicob x'ixicob ti pejtelel lum.
\c 83
\s I contrajob Dios
\p
\v 1 Dios, mach yomic ma' to'ol q'uelon lojon.
\q Mach yomic ñʌch'ʌlet. Mach a tic' a bʌ.
\q
\v 2 Come cabʌl woliyob ti t'an a contrajob.
\q Jini mu' bʌ i ts'a'leñet mi' chañ'esañob i bʌ.
\q
\v 3 Mi' temob i t'an ti' contra jini winicob x'ixicob a cha'an.
\q Mi' tem ña'tañob i contrajin jini cʌntʌbilo' bʌ a cha'an.
\q
\v 4 Mi' yʌlob: Conla, la' lac laj jisañob
\q Cha'an mach chʌn ña'tibilix i lumal Israel, che'ob.
\q
\v 5 Come tsi' temeyob i t'an. Jump'ejlob i pusic'al.
\q Tsi' temeyob i t'an cha'an mi' contrajiñet, c Yum.
\q
\v 6 Jini ch'oyolo' bʌ ti Edom yic'ot jini ismaelob,
\q Yic'ot año' bʌ ti Moab, yic'ot jini agareñob,
\q
\v 7 Yic'ot año' bʌ ti Gebal, yic'ot ti Amón, yic'ot ti Amalec,
\q Yic'ot filisteojob, yic'ot jini chumulo' bʌ ti Tiro
\q
\v 8 Tsi' laj much'quiyob i bʌ yic'ot Asiria ja'el.
\q Tsi' coltayob ti guerra i p'olbalob Lot.
\b
\q
\v 9 Laj aq'ueñob wocol che' bajche' tsa' wʌq'ueyob wocol jini año' bʌ ti Madián,
\q Che' bajche' tsa' wʌq'ueyob wocol Sísara yic'ot Jabín ya' ti pa' i c'aba' Cisón.
\q
\v 10 Tsa' jisayob ya' ti Endor.
\q Tsa' sujtiyob ti abono cha'an lum.
\q
\v 11 La' jisʌnticob che' bajche' Oreb yic'ot Zeeb.
\q La' jisʌnticob che' bajche' Zeba yic'ot Zalmuna.
\q
\v 12 Come tsi' lon alʌyob: La' lac chilben i lumal Dios,
\q Ba' chumulob i cha'año' bʌ, che'ob.
\q
\v 13 C Dios, meleyob che' bajche' ts'ubejn mu' bʌ i wejlan sutujt ic',
\q Che' bajche' i yopol te' mu' bʌ i letsan ic',
\q
\v 14 Che' bajche' c'ajc mu' bʌ i pul majlel mate'el,
\q Che' bajche' tojcʌlel mu' bʌ i pul majlel wits.
\q
\v 15 Choco tilel p'ʌtʌl bʌ ic' cha'an ma' wajñesañob.
\q Bʌc'tesañob ti p'ʌtʌl bʌ ic' a cha'an.
\q
\v 16 La' i wen ubiñob quisin
\q Cha'an mi' sajcañetob c Yum.
\q
\v 17 La' i yubiñob quisin. La' i yubiñob bʌq'uen ti pejtelel ora.
\q La' ts'a'lenticob, la' jilicob.
\q
\v 18 La' i ñopob a c'aba' come jatet jach c Yumet lojon.
\q C'ax ñuquet ti pejtelel pañimil.
\c 84
\s Uts'atax i yotot Dios
\p
\v 1 I Yumet bʌ Panchan yic'ot Pañimil,
\q I t'ojol jax a Templo.
\q
\v 2 C Yum, cabʌl mij c'uxbin a wajñib ba' com c ch'ujutesañet.
\q Wen tijicña c pusic'al che' mij c'ʌyiñet, come cuxul bʌ Dioset.
\q
\v 3 Jini xpuruwoc yic'ot jini x'ajlum tsi' mele tac i c'u' cha'an mi yʌc' i yal.
\q Ya'ʌch an ti pulʌntib tac a cha'an, i Yumet bʌ Panchan yic'ot Pañimil.
\q Reyet c cha'an, c Dioset.
\q
\v 4 Tijicñayob jini mu' bʌ i chumtʌlob ti a wotot.
\q Mi caj i subob a ñuclel ti pejtelel ora.
\b
\q
\v 5 Tijicñayob mu' bʌ i tajob i p'ʌtʌlel ti a tojlel,
\q Mu' bʌ i xʌñob majlel a bijlel.
\q
\v 6 Tijicñayob mu' bʌ i tajob cuxul bʌ ja' ya' ti joctʌl che' mi' ñumelob majlel ba' mi' cha'leñob uq'uel.
\q Mi' yajlel jubel i yutslel Dios che' bajche' ja'al mu' bʌ i yʌch'esan lum cha'an mi' yax'an.
\q
\v 7 Mux i yʌq'uentelob i p'ʌtʌlel che' mi' majlelob,
\q Jinto mi' c'otelob ba'an Dios ya' ti Sion.
\b
\q
\v 8 Dios, i Yumet bʌ Panchan yic'ot Pañimil, ubibeñon coración.
\q I Dioset bʌ Israel ñich'tʌbeñon.
\q
\v 9 Dios, c Mʌctʌjibet lojon, ma' coltañon lojon.
\q Pʌsben a wutslel jini rey yajcʌbil bʌ a cha'an.
\b
\q
\v 10 Come uts'at jump'ejl q'uin ya' ti mal a Templo.
\q Mach uts'atic jump'ejl mil q'uin ti jumpat.
\q Uts'at mi tsa' wʌq'ueyon j cʌntʌben i ti' a wotot c Dios.
\q Mach uts'atic mi chumulon ti' yotot jontolo' bʌ.
\q
\v 11 Come lac Yum Dios lac Mʌctʌjibʌch, lac Sʌclelʌch.
\q Lac Yum mi' p'untañonla. Mi' yʌq'ueñonla lac ñuclel.
\q Mux i yʌq'uentelob chuqui tac uts'at jini sʌco' bʌ i pusic'al.
\q
\v 12 I Yumet bʌ Panchan yic'ot Pañimil, tijicña jini xuc'ul bʌ i pusic'al ti a tojlel.
\c 85
\s Mi' c'ajtiben Dios i p'untʌntel israelob
\p
\v 1 C Yum, tsa'ix a pʌsbe a lumal i yutslel a t'an.
\q Tsa'ix a loc'sa Israel ba' cʌchʌl ti yambʌ lum. Tsa'ix a cha' pʌyʌ tilel.
\q
\v 2 Tsa'ix a ñusʌbe i mul a cha'año' bʌ.
\q Tsa'ix a mucbeyob pejtelel i mul.
\q
\v 3 Tsa' lajmi a mich'ajel. Tsa' cʌyʌ a mich'leñob.
\b
\q
\v 4 Cha' p'ʌtesañon lojon, Dios caj Coltaya lojon. Cʌyʌx a mich'leñon lojon.
\q
\v 5 ¿Mu' ba caj a chʌn mich'leñon lojon ti pejtelel ora?
\q ¿Mu' ba caj a mich'len calobilob yic'ot i yalobilob?
\q
\v 6 ¿Mach ba awomic a cha' ch'ejlesʌbeñon lojon c pusic'al
\q Cha'an tijicña mi yubiñob a cha'año' bʌ ti a tojlel?
\q
\v 7 C Yum, pʌsbeñon lojon a wutslel. Coltañon lojon.
\b
\q
\v 8 Mi caj c ñich'tan che' mi' pejcañon Dios lac Yum.
\q Mi caj i yʌq'ueñob i ñʌch'tilel i pusic'al i cha'año' bʌ,
\q Ame i cha' tʌts'ob i bʌ che' bajche' tontojo' bʌ.
\q
\v 9 Isujm, lʌc'ʌl an i coltʌntel jini mu' bʌ i bʌc'ñañob lac Yum
\q Cha'an mi' cʌjñel i ñuclel Dios wʌ' ti lac lumal.
\b
\q
\v 10 Temel tsa' tsictiyi i yutslel i pusic'al Dios yic'ot i sujmlel.
\q Temel tsa' tsictiyi ja'el i tojel yic'ot i ñʌch'tilel i pusic'al.
\q
\v 11 Wʌ' ti pañimil mi caj i tsictiyel i sujmlel Dios.
\q Jini toj bʌ i pusic'al am bʌ ti panchan uts'at mi caj i q'uelonla.
\q
\v 12 Isujm, lac Yum mi caj i yʌc' chuqui tac uts'at.
\q Mi caj i yʌq'uen i wut lac pʌc'ʌbʌl.
\q
\v 13 Mi caj i toj'esañonla majlel ti toj bʌ i pusic'al.
\q Ñaxan mi' majlel cha'an mi' pʌsbeñonla jini bij.
\c 86
\s Mi' c'ajtin i p'untʌntel ti Dios
\p
\v 1 Jac'beñon, c Yum. Ñich'tʌbeñon c t'an,
\q Come tic'lʌbilon, p'ump'un jax c bʌ.
\q
\v 2 Cʌntañon ti xuc'ul, come tsa'ix cʌq'ueyet c pusic'al.
\q C Diosetʌch, coltan a winic woli bʌ i ñopet.
\q
\v 3 C Yum, p'untañon, come mic pejcañet ti wocol t'an che' mi' sʌc'an c'ʌlʌl mi' yic'an.
\q
\v 4 Yom ma' tijicñesʌben i pusic'al a winic, c Yum,
\q Come mi cʌq'ueñet c pusic'al.
\q
\v 5 Isujm uts'atet, c Yum, ma' ñusʌbeñon lojon c mul.
\q Ma' pʌsbeñob i yutslel a pusic'al pejtel mu' bʌ i pejcañetob.
\q
\v 6 C Yum, ñich'tʌbeñon coración.
\q Jac'beñon che' mic pejcañet ti wocol t'an.
\q
\v 7 Che' woliyon ti wocol mic pejcañet, come jatet mi caj a jac'beñon.
\b
\q
\v 8 C Yum, ma'anic yambʌ Dios che' bajche'et.
\q Ma'anic yambʌ lajal bʌ i melbal.
\q
\v 9 Pejtel winicob x'ixicob tsa' bʌ a mele mi caj i tilelob ti mojt ti mojt.
\q Mi caj i ñocchocoñob i bʌ ti a tojlel, c Yum,
\q Cha'an mi' subob i ñuclel a c'aba'.
\q
\v 10 Come wen ñuquet, laj uts'atax a melbal. Jatet jach Dioset.
\q
\v 11 C Yum, pʌsbeñon a bijlel cha'an xuc'ul mi cajñel a wic'ot.
\q La' cʌc' c pusic'al cha'an mic bʌc'ñañet.
\q
\v 12 C Yum Dios, mi caj c subeñet wocolix a wʌlʌ ti pejtelel c pusic'al.
\q Mi caj c sub i ñuclel a c'aba' ti pejtelel ora.
\q
\v 13 Cabʌlʌch a c'uxbiya tsa' bʌ a pʌsbeyon.
\q Tsa' loc'sayon ba' bʌbʌq'uen mi cochel ti' yajñib chʌmeño' bʌ.
\b
\q
\v 14 Dios, jini mu' bʌ i chañ'esañob i bʌ woli' contrajiñoñob.
\q Jini jontol bʌ winicob tsi' temeyob i t'an cha'an mi' tsʌnsañon.
\q Ma'anic mi' p'isetob ti' wenta.
\q
\v 15 C Yum, ma' p'untan winicob x'ixicob. Ma' pʌsbeñob i yutslel a pusic'al.
\q Ma' cuchbeñob i sajtemal. Cabʌlʌch a wutslel, wen xuc'ulet.
\q
\v 16 Q'ueleyon cha'an ma' p'untañon.
\q P'ʌtesan a winic come i yalobilon x'ixic tsa' bʌ i c'uxbiyet.
\q
\v 17 Pʌsbeñon i yejtal a wutslel cha'an mi' ñuc'an c pusic'al,
\q Cha'an mi' cajelob ti quisin jini mu' bʌ i ts'a'leñoñob.
\q Come jatet, c Yum, wola' coltañon. Wola' ñuq'uesʌbeñon c pusic'al.
\c 87
\s I ñuclel Sion
\p
\v 1 C'ʌcʌl i tejclum Dios ti ch'ujul bʌ bujtʌl.
\q
\v 2 Lac Yum mi' c'uxbin Jerusalén
\q Ñumen bajche' pejtel yambʌ xchumtʌl tac ti Israel.
\q
\v 3 Cʌmbil ti ñajtʌl cabʌl jax i ñuclel i tejclum Dios.
\b
\q
\v 4 Mi caj c ña'tan Egipto yic'ot Babilonia
\q Che' mic pejcʌbeñob i c'aba'ob mu' bʌ i cʌñoñob.
\q Che' mic ña'tan Filistea yic'ot Tiro yic'ot Etiopía.
\q An majqui mi' q'uel i bʌ ti ñuc cha'an tsi' yila pañimil ya'i.
\q
\v 5 Pero ñumen mi caj i p'isob ti' wenta jini mu' bʌ i q'uelob pañimil ti Sion. Mi caj i yʌlob:
\q Q'uele wʌ'an winic, q'uele ya'an winic, tsi' yilayob pañimil ti Sion, che'ob.
\q Jini C'ax Ñuc Bʌ mi caj i xuc'chocon Sion.
\q
\v 6 Che' mi' tsicob winicob x'ixicob,
\q Lac Yum mi caj i ts'ijban ti jun:
\q Jini tsi' q'uele pañimil wʌ'i.
\b
\q
\v 7 Jini mu' bʌ i cha'leñob c'ay yic'ot jini mu' bʌ i cha'leñob son mi caj i yʌlob:
\q Ch'oyol ti Jerusalén pejtel c wenlel lojon, che'ob.
\c 88
\s I yoración jini am bʌ ti wocol
\p
\v 1 C Yum Dios, xColtayajet c cha'an.
\q Ti q'uiñil yic'ot ti ac'ʌlel mic pejcañet ti wocol t'an.
\q
\v 2 La' c'otic coración ba' añet. Ñich'tʌbeñon chuqui mic subeñet.
\b
\q
\v 3 Woli cubin cabʌl wocol. Mach jalix mi caj c chʌmel.
\q
\v 4 Mi' q'ueloñob che' bajche' chʌmen bʌ,
\q Che' bajche' winic mach bʌ anix i p'ʌtʌlel.
\q
\v 5 Cʌybilonix che' bajche' chʌmeño' bʌ,
\q Che' bajche' jini tsʌnsʌbilo' bʌ ti espada ya' bʌ ñololob ti mucoñibʌl
\q Ba' ñajiyemobix ti a pusic'al. Ma'anix ma' chʌn coltañob.
\q
\v 6 Chocbilonix ti tam bʌ ch'en, ti ic'chipan bʌ pañimil ti colem aban yubil.
\q
\v 7 Wocol jax mi cubin cha'an tsa' mich'leyon.
\q Wola' teñon yilal ti yebal jini wʌlʌcña bʌ ja' a cha'an.
\q
\v 8 Tsa' tʌts'ʌ j cʌñʌyo' bʌ. Mach yomobix i chʌn pejcañon.
\q Mach mejlicon ti puts'el come joy ñupulon.
\q
\v 9 Wolix ti yajpel c wut cha'an i ch'ijiyemlel c pusic'al.
\q C Yum, mic pejcañet ti wocol t'an ti jujump'ejl q'uin,
\q Mic letsan j c'ʌb ba' añet ti oración.
\b
\q
\v 10 ¿Mu' to ba a pʌsbeñob i yejtal a p'ʌtʌlel jini chʌmeño' bʌ?
\q ¿Mu' ba mejlel i cha' ch'ojyelob jini chʌmeño' bʌ cha'an mi' subob a ñuclel?
\q
\v 11 ¿Mu' ba i subob a wutslel ti mucoñibʌl?
\q ¿Mu' ba i subob i sujmlel a t'an ya' ti' yajñib chʌmeño' bʌ?
\q
\v 12 ¿Mu' ba i cʌñob p'ʌtʌl bʌ a melbal ya' ti ic'yoch'an bʌ pañimil?
\q ¿Mu' ba i cʌñob toj bʌ a pusic'al jini chumulo' bʌ ba' ma'anix chuqui mi' chʌn ña'tañob?
\b
\q
\v 13 C Yum, mic pejcañet ti wocol t'an.
\q Ti jujump'ejl sʌc'ajel mi' c'otel coración ya' ba' añet.
\q
\v 14 C Yum, ¿chucoch wola' ñusañon?
\q ¿Chucoch wola' mʌybeñon a wut?
\q
\v 15 Bʌbʌq'uen mic chʌmel. Ts'a'lebilon
\q C'ʌlʌl che' ch'itoñon to. Wolic chʌn p'ulben jini wocol mu' bʌ a pʌsbeñon. Ma'anic c pusic'al yubil.
\q
\v 16 Tsa'ix i tajayon a mich'ajel.
\q Woli' jisañon jini bʌbʌq'uen tac bʌ mu' bʌ a choc tilel.
\q
\v 17 C'ʌlʌl mi' sʌc'an c'ʌlʌl mi' yic'an mi' joy teñon che' bajche' ja'.
\q
\v 18 Tsa'ix a tʌts'ʌ ba' añon c pi'ʌl yic'ot j cʌñʌyo' bʌ.
\q Añon tic bajñelil ti tam bʌ ac'ʌlel.
\c 89
\s Dios tsi' yʌq'ue David xuc'ul bʌ i t'an
\p
\v 1 C Yum, mi caj j c'ʌyibeñet i yutslel a pusic'al ti pejtelel ora.
\q Mi caj cʌq'ueñob i cʌñet calobilob ti jujunlajm, come xuc'ul a pusic'al c'ʌlʌl ti pejtelel ora.
\q
\v 2 Tsac sube lac Yum: Xuc'ul i yutslel a pusic'al ti pejtelel ora.
\q Lajal i xuc'tilel a pusic'al bajche' panchan mach bʌ yujilic yʌjñel.
\q
\v 3 Lac Yum tsi' yʌlʌ: Tsa cʌq'ue xuc'ul bʌ c t'an jini yajcʌbil bʌ c cha'an.
\q Tsac wersa sube c winic David
\q
\v 4 Cha'an mi caj c wa'chocon i p'olbal cha'an mi' yajñel ti pejtelel ora,
\q Cha'an mi' chʌn cha'len i ye'tel ti pejtelel ora, che'en lac Yum.
\b
\q
\v 5 C Yum, ya' ti panchan mi' p'isob ti wenta uts'at bʌ a melbal.
\q Mi' sujbel ti ñuc i xuc'tilel a pusic'al ya' ba' tempʌbilob ch'ujul bʌ ángelob.
\q
\v 6 ¿Am ba juntiquil ti panchan lajal bʌ bajche' lac Yum?
\q ¿Am ba ángel ñuc bʌ bajche' lac Yum?
\q
\v 7 Jini ángelob año' bʌ i ye'tel mi' bʌc'ñañob Dios.
\q Wen ñuc Dios ya' ti' tojlel pejtel año' bʌ ti' joytilel.
\q
\v 8 C Yum Dios, i Yumet bʌ Panchan yic'ot Pañimil,
\q ¿Am ba yambʌ lajal bʌ i p'ʌtʌlel?
\q Baqui jach mi' q'ueletob mi' ña'tañob xuc'ulet.
\b
\q
\v 9 Mi' yumañet jini colem ñajb wʌlʌcña bʌ mi' majlel.
\q Che' wen wʌlʌcña mi' letsel ja', jatet ma' ñʌch'chocon.
\q
\v 10 Jatet tsa' t'uchta egiptojob, tsa' jisayob. Mach chʌn cʌñʌlobix.
\q Tsa' pam pucu a contrajob. Wen p'ʌtʌlet.
\q
\v 11 A cha'añʌch jini panchan, a cha'añʌch pañimil.
\q Tsa'ix a mele jini pañimil yic'ot pejtel i bʌl.
\q
\v 12 Tsa'ix a mele jini pañimil c'ʌlʌl ti norte c'ʌlʌl ti sur.
\q Jini wits tac Tabor yic'ot Hermón mi' tsictesañob i ñuclel a c'aba'.
\q
\v 13 Cabʌlʌch i p'ʌtʌlel a c'ʌb, cabʌlʌch a melbal. Ma'anic i p'isol a p'ʌtʌlel.
\q
\v 14 Toj ma' cha'len meloñel ti a yumʌntel come tojet.
\q Uts'at pejtelel chuqui ma' mel. Mi' tsictiyel a wutslel yic'ot a sujmlel.
\b
\q
\v 15 Tijicñayob mu' bʌ i yubiñob i t'an trompeta,
\q Come mi' yajñelob ti a sʌclel.
\q
\v 16 Tijicña mi' yubiñob ti jujump'ejl q'uin mu' bʌ i cʌñob a c'aba'.
\q Mi' ñuc'añob i pusic'al cha'an tojet.
\q
\v 17 I ñuclelʌch i p'ʌtʌlel mu' bʌ a wʌq'ueñob.
\q Cha'an ti a wutslel mi caj c p'ʌtan lojon.
\q
\v 18 Come lac mʌctʌjibʌch lac Yum.
\q Jiñʌch lac Rey, jini Ch'ujul bʌ ti Israel.
\b
\q
\v 19 Tsa'ix a pejca jini x'alt'an a cha'an ti espíritu. Tsa' sube:
\q Tsa'ix c yajca loq'uel ti' tojlel i pi'ʌlob juntiquil wen p'ʌtʌl bʌ cha'an mi' cha'len yumʌl.
\q
\v 20 Tsa'ix c yajca c winic David.
\q Tsa'ix c boño ti ch'ujul bʌ aceite.
\q
\v 21 Mi caj j coltan c winic tic p'ʌtʌlel.
\q Mi caj c p'ʌtesan tij c'ʌb.
\q
\v 22 Mach mʌjlic i cha'an i contra.
\q Jini jontol bʌ ma'anic mi caj i t'uchtan c winic.
\q
\v 23 Mi caj c t'uchtʌbeñob i contrajob ti' tojel i wut.
\q Mi caj c jats'ob mu' bʌ i ts'a'leñob.
\q
\v 24 Mi caj c pʌsben i xuc'tilel c pusic'al yic'ot cutslel.
\q Mi caj i yʌq'uentel i yumʌntel tij c'aba'.
\q
\v 25 Mi caj cʌq'uen jini lum ya' ti colem ñajb,
\q C'ʌlʌl ti jini colem ja' Eufrates.
\q
\v 26 Mi caj i pejcañon: Jatet c Tatet,
\q C Dioset, c Xajlelet ba' ch'oyol j coltʌntel, che'en.
\b
\q
\v 27 Mi caj cotsan c winic ti ascuñʌl bʌ calobil.
\q Ti' tojlel jini ñuc bʌ reyob ti pañimil ma'anic ñuc bʌ bajche' jini.
\q
\v 28 Mi caj c pʌsben cutslel ti pejtelel ora come c'ux mi cubin.
\q Mach jilic ti pejtelel ora jini xuc'ul bʌ c t'an tsa' bʌ cʌq'ue.
\q
\v 29 Mach jilic i p'olbal ti pejtelel ora.
\q Che' bajche' xuc'ul jini panchan che'ʌch ja'el i buchlib ti' yumʌntel ti pejtelel ora.
\q
\v 30 Mi tsi' cʌyʌyob j cʌntesa i yalobilob,
\q Mi mach yomobic i tsajcan majlel jini toj bʌ c t'an,
\q
\v 31 Mi caj c ju'sʌbeñob i pusic'al.
\q Mi ts'a' mi' yubiñob i tic'ol,
\q Mi ma'anic mi' jac'beñob c mandar,
\q
\v 32 Che' jini mi caj c ju'sʌbeñob i pusic'al ti asiyal.
\q Mi caj c jats'ob cha'an i mul.
\q
\v 33 Pero ma'anic mi caj j cʌy j c'uxbin c winicob.
\q Xuc'ul mi caj c chʌn mel pejtel tsa' bʌ cʌlʌ.
\q
\v 34 Ma'anic mi caj c ñusan xuc'ul bʌ c t'an.
\q Ma'anic mi caj c yʌñe' jini tsa' bʌ cʌlʌ.
\q
\v 35 Junyajl jach tsa cʌc'ʌ c t'an. Mach c lotic tsa' bʌ c sube David.
\q
\v 36 Mi caj i yajñel i p'olbal ti pejtelel ora,
\q Che'ʌch i ñuclel i yumʌntel che' bajche' jini q'uin am bʌ tic tojel.
\q
\v 37 Mi caj i yajñel ti pejtelel ora che' bajche' jini uw.
\q Xuc'ul mi caj i yajñel che' bajche' jini panchan, che'en lac Yum.
\b
\q
\v 38 Pero wʌle c Yum, tsa'ix a cʌyʌ jini yajcʌbil bʌ a cha'an.
\q Tsa'ix a ts'a'le, tsa'ix a mich'le.
\q
\v 39 Tsa'ix a ñusa jini xuc'ul bʌ a t'an tsa' bʌ a wʌq'ue a winic.
\q Tsa'ix a chilbe i ye'tel rey.
\q
\v 40 Tsa'ix a jembe pejtel i ts'ajquil tac i tejclum.
\q Tsa'ix a jisʌbe jini ts'ajquibil bʌ otot tac i cha'an.
\q
\v 41 Pejtel mu' bʌ i ñumelob majlel ti bij mi' xujch'ibeñob i chubʌ'an.
\q I cʌñʌyo' bʌ mi' tse'tañob.
\q
\v 42 Tsa'ix a wʌq'ueyob i p'ʌtʌlel i contrajob cha'an mi' mʌjlel i cha'añob.
\q Tsa'ix a wʌq'ueyob i tijicñʌyel i pusic'al i contrajob.
\q
\v 43 Tsa'ix a puch'be i yej i yespada a winic.
\q Ma'anic tsa' p'ʌtesa che' ti' yorajlel guerra.
\q
\v 44 Tsa'ix a jisʌbe i ñuclel.
\q Tsa'ix a chocbe i buchlib i yumʌntel ti lum.
\q
\v 45 Tsa'ix a ñox'esa a winic che' ch'iton to.
\q Tsa'ix a wʌc'ʌ ti quisin.
\q
\v 46 C Yum, ¿jayp'ejl to q'uin? ¿Mu' ba caj a chʌn muc a bʌ ti pejtelel ora?
\q ¿Mu' ba caj ti chʌn lejmel a mich'ajel che' bajche' c'ajc?
\q
\v 47 Ña'tan mach jalijelonic ti pañimil.
\q ¿Chuqui i ye'tel tsa' mele winicob x'ixicob che' mi' laj jilelob?
\q
\v 48 ¿Am ba p'ʌtʌl bʌ winic mu' bʌ mejlel ti chʌn ajñel ti pañimil?
\q ¿Am ba mach bʌ yujilic chʌmel?
\q ¿Mejl ba i coltan i bʌ cha'an ma'anic mi' chʌmel?
\b
\q
\v 49 C Yum, la' tsictiyic a wutslel tsa' bʌ a pʌsʌ wajali.
\q La' ts'ʌctiyic a t'an tsa' bʌ a wʌq'ue David ti ch'ujul bʌ a c'aba'.
\q
\v 50 C Yum, ña'tan a winicob woli bʌ i ts'a'lentelob.
\q Q'uele bajche' mij cuch cʌ'lentel ti' tojlel pejtelel winicob x'ixicob.
\q
\v 51 Come a contrajob woli' yʌ'leñon, jini yajcʌbil bʌ a cha'an.
\b
\q
\v 52 La' ch'ujutesʌntic lac Yum ti pejtelel ora. Amén.\c 90
\ms LIBRO IV
\s Dios mi' yajñel ti pejtelel ora
\q
\v 1-2 C Yum, c chumlibet lojon c'ʌlʌl ti wajali.
\q Che' maxto anic tsa' mele colem wits,
\q Che' maxto anic tsa' mele jini lum yic'ot pañimil, Diosetʌch.
\q C'ʌlʌl wajali c'ʌlʌl ti pejtelel ora, Dioset.
\q
\v 3 Mi' sujtel ti ts'ubejn winic che' ma' wʌc' a t'an.
\q
\v 4 Lajal ma' q'uel jump'ejl mil jab che' bajche' jump'ejl q'uin tsa'ix bʌ ñumi.
\q Lajalʌch bajche' cha'p'ejl uxp'ejl ora ti ac'ʌlel.
\b
\q
\v 5 Ma' pʌy majlel winicob x'ixicob che' bajche' ti but'ja'.
\q Xñumelob jach che' bajche' lac ñajal.
\q
\v 6 Lajalobʌch bajche' jam mu' bʌ i pasel che' mi' sʌc'an pañimil.
\q Che' mi' yic'an pañimil tsepbilix, tiquinix.
\q
\v 7 Come jisʌbilonix lojon cha'an ti a mich'ajel.
\q Tsiltsilñayon lojon ti bʌq'uen cha'an a mich'ajel.
\q
\v 8 Tsa'ix a q'uelbeyon lojon c mul.
\q Tsa'ix a tsictesa yic'ot a c'ʌc'al jini mʌcʌl bʌ c mul lojon.
\b
\q
\v 9 Ti ora jach mi' ñumel j q'uiñilel lojon come mich'et.
\q Mi' ñumel jini c jabilel lojon yic'ot ajcʌn.
\q
\v 10 I ñajtlel lojon c jabilel jiñʌch lujump'ejl i chʌnc'al (70).
\q Mi p'ʌtʌlon lojon, mic taj lojon chʌnc'al jab.
\q Mic ñusan lojon tsʌts tac bʌ e'tel yic'ot wocol.
\q Mi' jilel lojon c jabilel ti ora. Mic chʌmel lojon.
\q
\v 11 ¿Majqui mi' lu' cʌn i p'ʌtʌlel a mich'ajel?
\q ¿Majqui mi' bʌc'ñañet cha'an cabʌl a mich'ajel?
\q
\v 12 Cʌntesañon lojon cha'an mic ña'tan lojon ma'anic jayp'ejl lojon j q'uiñilel
\q Cha'an mic taj cabʌl lojon c pusic'al.
\b
\q
\v 13 La' c Yum. Cha' q'ueleyon lojon ti' yutslel a pusic'al.
\q ¿Baqui ora mi caj a p'untan a winicob?
\q
\v 14 La' jastiyicon lojon ti a wutslel ti jujump'ejl sʌc'ajel.
\q Che' jini mux c cha'len lojon c'ay, tijicñayon lojon ti pejtelel q'uin c'ʌlʌl mic ñox'an lojon.
\b
\q
\v 15 Aq'ueñon lojon i tijicñʌyel c pusic'al che' bajche' c'amel tsa' wʌq'ueyon lojon wocol,
\q Che' bajche' c'amel tsa cubi lojon jini bʌbʌq'uen bʌ.
\q
\v 16 Pʌsbeñob a melbal a winicob.
\q La' tsictiyic a ñuclel ti' tojlel i yalobilob.
\q
\v 17 La' i ch'ʌlonla lac Yum Dios ti' yutslel i pusic'al.
\q Isujm, la' i xuc'chocoñonla ti jini e'tel woli bʌ lac mel.
\c 91
\s Dios mi' cʌntañonla
\p
\v 1 Jini mu' bʌ i chumtʌl yic'ot jini C'ax Ñuc Bʌ
\q Mi' yajñel ti' yʌxñʌlel jini Mach bʌ Anic i P'isol i P'ʌtʌlel.
\q
\v 2 Mi caj c sub: Lajalʌch lac Yum bajche' ts'ajquibil bʌ otot ba' mic puts'el.
\q C Diosʌch, woli bʌ c ñop, cho'on.
\q
\v 3 Dios mi caj i cʌntañet ame chujquiquet ti yac che' bajche' mut.
\q Mi caj i loc'sañet ti c'amʌjel mu' bʌ ti tsʌnsa.
\q
\v 4 Dios mi caj i cʌntañet ti' yebal i wich' yilal che' bajche' mi' luts' i yal i ña'al mut.
\q I xuc'tʌlel i pusic'al jiñʌch lac mʌctijib ba' mi laj cʌntʌntel.
\q
\v 5 Ma'anic mi caj a bʌc'ñan jini bʌbʌq'uen tac bʌ ti ac'ʌlel,
\q Mi jinic jalʌjb mu' bʌ i julet che' ti q'uiñil.
\q
\v 6 Mi jinic p'ʌtʌl bʌ c'amʌjel mu' bʌ i ñumel ti ac'ʌlel,
\q Mi jinic mu' bʌ ti jisaya che' ti xinq'uinil.
\b
\q
\v 7 Anquese tsa' tsʌnsʌntiyob jump'ejl mil ti a t'ejl
\q Yic'ot lujump'ejl mil ya' ti ñoj bʌ a c'ʌb, ma'anic mi caj i tajet.
\q
\v 8 Ti a wut mi caj a q'uel i chobejtʌbal jini jontolo' bʌ.
\q
\v 9 Come lac Yum jiñʌch lac puts'ib.
\q Jatet ja'el tsa'ix a wʌc'ʌ a bʌ ti' wenta jini C'ax Ñuc Bʌ.
\q
\v 10 Jini cha'an ma'anic mi caj a wubin wocol.
\q Ma'anic mi caj i tajet jini c'amʌjel mu' bʌ ti tsʌnsa ya' ba' chumulet.
\b
\q
\v 11 Come jini C'ax Ñuc Bʌ tsa'ix i yʌq'ue mandar i yángelob,
\q Cha'an mi' cʌntañet baqui jach ma' majlel.
\q
\v 12 Mi caj i chuquet ame a jats' a woc ti xajlel.
\q
\v 13 Mi caj a t'uchtan jini bajlum yic'ot lucum.
\q Mi caj a tsʌnsan jini jontol bʌ bajlum yic'ot lucum.
\b
\q
\v 14 Dios mi' yʌl: Mi caj j coltan loq'uel ti wocol jini ochem bʌ tic wenta come c'ux mi' yubiñon.
\q Mi caj j cʌntan come mi' cʌñon. Mi' pejcañon tij c'aba'.
\q
\v 15 Che' mi' c'ajtibeñon, mi caj c jac'ben i t'an.
\q Mi caj cajñel yic'ot che' ti' yorajlel wocol.
\q Mi caj cʌc' ti colel. Mi caj cʌq'uen i ñuclel.
\q
\v 16 Mi caj c tijicñesan ti cabʌl i jabilel.
\q Mi caj j coltan, che'en Dios.
\c 92
\s Xuc'ulʌch Dios
\p
\v 1 C Yum, la' subentiquet wocolix a wʌlʌ come che'ʌch yom.
\q I t'ojol jax che' mi' c'ʌyintel i ñuclel a c'aba', come c'ax ñuquet.
\q
\v 2 I t'ojol jax che' mi' sujbel a wutslel ti sʌc'ajel,
\q Yic'ot i xuc'tilel a pusic'al che' ac'ʌlelix.
\q
\v 3 La' sujbic ti música am bʌ lujunt'ujm i ch'ajñal, yic'ot ti salterio, yic'ot ti' t'an arpa.
\q
\v 4 C Yum, tsa'ix a ñuq'uesʌbeyon c pusic'al cha'an a melbal.
\q Tijicña jax c pusic'al mic cha'len c'ay come uts'atax a melbal.
\b
\q
\v 5 C Yum, wen ñuc a melbal.
\q Ya' lotol ti a pusic'al ma' ña'tan chuqui yom.
\q
\v 6 Jini tonto bʌ mach mejlic i ch'ʌmben isujm. Ma'anic mi' cʌn iliyi:
\q
\v 7 Anquese mi' p'ojlelob jini jontolo' bʌ che' bajche' mi' pasel jam, lolom jach.
\q Come mux i jisʌntelob. Mach colicob ti pejtelel ora.
\q
\v 8 Pero jatet c Yum, wen ñuquet ti pejtelel ora.
\q
\v 9 Q'uele a contrajob, c Yum. Mux i jisʌntelob.
\q Pejtel mu' bʌ i cha'leñob jontolil mi caj i pam pujquelob.
\b
\q
\v 10 Tsa'ix a wʌq'ueyon c p'ʌtʌlel cha'an mi mʌjlel c cha'an.
\q Mulbilonix yubil ti tsiji' bʌ aceite.
\q
\v 11 Tsa'ix cubi bajche' tsa' chʌmiyob jini jontolo' bʌ.
\q Tsa'ix j q'uele i jilibalob.
\b
\q
\v 12 Mi caj i tsictiyel i wenlel jini toj bʌ winic che' bajche' jini xan.
\q Mi caj i p'ʌt'an che' bajche' ch'ujte' am bʌ ti Líbano.
\q
\v 13 Che'ʌch yilalob pejtel año' bʌ i wi' ti' yotot lac Yum.
\q Cabʌl mi' cha'leñob nich, cabʌl mi' yʌc'ob i wut.
\q
\v 14 C'ʌlʌl che' ñoxobix mi caj i chʌn ac'ob i wut.
\q Che'ʌch añob bajche' wen yʌx bʌ te' am bʌ i yetsel. Cabʌl i yopol.
\q
\v 15 Mi caj i yʌc'ob ti cʌjñel lac Yum cha'an tojʌch.
\q Jiñʌch c xajlel ba' mic taj c xuc'tilel.
\q Ma'anic i sajtemal lac Yum.
\c 93
\s I ñuclel lac Yum
\p
\v 1 C Yum wola' cha'len a yumʌntel. I t'ojol jax a ñuclel.
\q Che' bajche' mi lac xoj lac bujc, xojol a cha'an a p'ʌtʌlel.
\q Tsa' wen wa'choco jini pañimil. Ma'anic mi' ñijcʌyel.
\q
\v 2 Wa'chocobil a yumʌntel c'ʌlʌl ti wajali.
\q Añet c'ʌlʌl ti wajali, ma'anic a cajibal.
\b
\q
\v 3 C Yum, tsa'ix bujt'i letsel jini colem ja'.
\q Ju'ucña jini colem ñajb, woli' tsictesan a ñuclel.
\q
\v 4 C Yum, ñumen ñuquet ti chan bajche' i t'an cabʌl ja'.
\q Ñumen p'ʌtʌlet bajche' wʌlwʌlña bʌ ja' am bʌ ti colem ñajb.
\b
\q
\v 5 Wen xuc'ul a t'an, mach jilix ti pejtelel ora.
\q C Yum, ch'ujul a wotot ti pejtelel ora.
\c 94
\s I jisʌntel jontolo' bʌ
\p
\v 1 C Yum Dios, jatet mu' bʌ a q'uextan jontolil, pʌsʌ a bʌ.
\q
\v 2 Wa'i' ti meloñel come an ti a wenta jini pañimil.
\q Yom ma' wʌq'ueñob i toj i mul mu' bʌ i chañ'esañob i bʌ.
\q
\v 3 C Yum, ¿jayp'ejl to q'uin mi caj i chʌn chañ'esañob i bʌ xmulilob?
\b
\q
\v 4 Ch'ejlob i t'an. Mi' chañ'esañob i bʌ.
\q Pejtel mu' bʌ i cha'leñob mulil mi' lon subob i bʌ ti ñuc.
\q
\v 5 Mi' t'uchtañob a cha'año' bʌ, c Yum. Mi' tic'lañob.
\q
\v 6 Mi' tsʌnsañob meba' x'ixicob yic'ot meba' alʌlob yic'ot jini ch'oyolo' bʌ ti yambʌ lum tac.
\q
\v 7 Mi' yʌlob: Lac Yum ma'anic mi' q'uelon lojon.
\q Ma'anic mi' c'otel i wut i Dios Jacob, che'ob.
\b
\q
\v 8 Tontojet bʌ la, p'isila ti wenta ili c t'an.
\q ¿Jala to mi caj la' taj la' ña'tʌbal?
\q
\v 9 Jini tsa' bʌ i mele lac chiquin, ¿xcojc ba?
\q Jini tsa' bʌ i mele lac wut, ¿xpots' ba?
\q
\v 10 Jini mu' bʌ i yʌq'ueñob winicob x'ixicob i tojob i mul ti mojt ti mojt,
\q ¿Mach ba anic mi caj i ju'sʌbeñetla la' pusic'al?
\q Ña'tʌbil i cha'an Dios pejtel chuqui mi' yujtel.
\q ¿Mach ba yujilic chuqui woli la' mel?
\q
\v 11 Cʌmbil i cha'an lac Yum ic' jach chuqui mi' lon ña'tañob winicob.
\b
\q
\v 12 Tijicña jini winic ju'sʌbil bʌ i pusic'al a cha'an,
\q Jini cʌntesʌbil bʌ ti a mandar, c Yum.
\q
\v 13 Mi' taj i ñʌch'tilel i pusic'al che' an i tic'lʌntel,
\q C'ʌlʌl mi' chajpʌbentelob ch'en jini jontolo' bʌ ba' mi caj i yochelob i toj i mul.
\q
\v 14 Come lac Yum ma'anic mi caj i choc i cha'año' bʌ.
\q Ma'anic mi caj i cʌyob.
\q
\v 15 Jini tojo' bʌ mi caj i q'uejlelob ti toj.
\q Pejtel jini tojo' bʌ i pusic'al tijicña mi caj i q'uelob.
\b
\q
\v 16 ¿Majqui mi caj i coltañon ti contra jini jontolo' bʌ?
\q ¿Majqui mi caj i wa'chocon i bʌ quic'ot, ti' contra jini mu' bʌ i cha'leñob jontolil?
\q
\v 17 Machic tsi' coltayon c Yum
\q Ora tsa' ñʌjch'iyon ti mucoñibʌl.
\q
\v 18 Che' bʌ tsa cʌlʌ: Woli' tʌjts'el coc cha'an mulil, cho'on,
\q Tsa' bʌc' chucuyon letsel, c Yum, cha'an c'ux ma' wubiñon.
\q
\v 19 Che' woliyon ti tsic pusic'al cha'an cabʌl chuqui mic ña'tan,
\q Ma' ñuq'uesʌbeñon c pusic'al.
\q
\v 20 Jini jontolo' bʌ año' bʌ i ye'tel, ¿mejl ba i cha'leñob i ye'tel a wic'ot?
\q Mach a pi'ʌlobic mu' bʌ i c'ʌñob a mandar cha'an mi' tic'lañob winicob.
\q
\v 21 Mi' temob i t'an cha'an mi' tsʌnsañob jini toj bʌ.
\q Mi' yʌc'ob ti chʌmel jini mach bʌ añobic i mul.
\q
\v 22 Pero lac Yum jiñʌch chan bʌ ts'ajc ba' mi cochel.
\q C Dios, jiñʌch ch'entun ba' xuc'ulon ti' tojlel j contrajob.
\q
\v 23 Dios mi caj i q'uextʌbeñob i mul.
\q Mi caj i jisañob cha'an i jontolil.
\q Lac Yum Dios mi caj i jisañob.
\c 95
\s Mi' sujbel i ñuclel Dios
\p
\v 1 Conla, la' lac cha'len c'ay ti' tojlel lac Yum.
\q La' lac pejcan Dios, tijicña lac pusic'al. Jiñʌch p'ʌtʌl bʌ xajlel mu' bʌ i coltañonla.
\q
\v 2 La' ochiconla ti' tojlel cha'an mi lac suben wocolix i yʌlʌ.
\q Yom tijicña lac pusic'al mi laj c'ʌyin lac Yum ti salmo.
\q
\v 3 Come ñucʌch Dios lac Yum.
\q Jiñʌch ñuc bʌ Rey ti' tojlel pejtelel diosob.
\q
\v 4 I tamlel jini lum an ti' wenta.
\q I cha'añʌch i ñi' chan bʌ wits.
\q
\v 5 I cha'añʌch jini colem ñajb, come jini tsi' mele.
\q Tsi' mele jini lum ti' p'ʌtʌlel.
\b
\q
\v 6 La' lac ch'ujutesan lac Yum.
\q La' lac ñocchocon lac bʌ ti' tojlel jini tsa' bʌ i meleyonla.
\q
\v 7 Come lac Diosʌch. I winiconla.
\q Mi' cʌntañonla che' bajche' xcʌnta tiñʌme'.
\b
\q Uts'at muq'uic a wubiben i t'an wʌle:
\q
\v 8 Mach tsʌts'ac la' pusic'al che' bajche' ya' ti Meriba
\f Meriba, Mi' contrajiñob.
\f* yic'ot Masa
\f Masa, Mi' yilʌbeñob i pusic'al.
\f* ya' ti tiquin lum,
\q Che' bʌ tsi' subeyob Moisés: “Mach wʌ'ic an Dios quic'ot lojon ila ti tiquin lum”, che'ob.
\q
\v 9 Tsi' yilʌbeyoñob c pusic'al la' ñojte'elob. Ma'anic tsi' ñopoyoñob
\q Anquese cabʌl tsi' q'ueleyob uts'at bʌ c melbal.
\q
\v 10 Cha'c'al jab tsac mele c pusic'al cha'añob.
\q Tsa cʌlʌ: Cabʌl mi' tajob i sajtemal jini winicob x'ixicob.
\q Mach i cʌñʌyobic c bijlel, cho'on.
\q
\v 11 Jini cha'an mich'on tsa cʌc'ʌ c t'an. Ma'anic mi caj cʌq'ueñob i c'aj i yo.
\q Che' tsi' yʌlʌ Dios.
\c 96
\s I ñuclel lac Yum
\r (1 Cr. 16.23-33)
\p
\v 1 C'ʌyiben lac Yum tsiji' bʌ c'ay.
\q C'ʌyin lac Yum ti pejtelel pañimil.
\q
\v 2 C'ʌyin lac Yum. Ch'ujutesanla i c'aba'.
\q Subula ti jujump'ejl q'uin woli' coltañonla.
\q
\v 3 Subula i ñuclel lac Yum ti' lumalob pejtelel winicob x'ixicob.
\q Subula uts'at bʌ i melbal ti' tojlel pejtel tejclumob.
\q
\v 4 Come ñucʌch lac Yum. La' wen sujbic i ñuclel.
\q Yom mi lac bʌc'ñan Dios ti pejtelel lac pusic'al. Jini jach yom bʌc'ñʌñtel ti' tojlel jini diosob.
\q
\v 5 Come dioste' jach pejtelel i diosob winicob x'ixicob mach bʌ i cʌñʌyobic Dios.
\q Pero lac Yum tsi' mele jini panchan.
\q
\v 6 Cabʌlʌch i c'uxbintel yic'ot i ñuclel jini año' bʌ ti' tojel i wut.
\q I t'ojol jax jini ch'ujul bʌ i yajñib ba' mi' pʌs i p'ʌtʌlel.
\b
\q
\v 7 Ch'ujutesan lac Yum winicob x'ixicob ti mojt ti mojt.
\q Subenla i ñuclel yic'ot i p'ʌtʌlel.
\q
\v 8 Subenla i ñuclel i c'aba' lac Yum come che'ʌch yom.
\q Ch'ʌmbenla tilel i majtan. Ochenla ti' pam i yotot.
\q
\v 9 Ch'ujutesan lac Yum ti' sʌclel la' pusic'al.
\q Yom tsiltsilñayetla ti' tojlel lac Yum ti pejtelel pañimil.
\b
\q
\v 10 Subeñob jini sajtemo' bʌ, woli ti yumʌntel lac Yum.
\q Wa'chocobilix jini pañimil, mach mejlic ti ñijcʌntel.
\q Dios mi caj i mel winicob x'ixicob ti toj.
\q
\v 11 La' i yubin tijicña jini panchan yic'ot pañimil.
\q La' i cha'len c'am bʌ t'an jini colem ñajb yic'ot pejtel i bʌl.
\q
\v 12 Yom tijicña jini pʌc'ʌbʌl yic'ot pejtel i bʌl.
\q Pejtel jini te'el mi' cajel ti c'ay yilal
\q
\v 13 Come tal lac Yum i mel jini año' bʌ ti pañimil.
\q Toj mi caj i mel jini año' bʌ ti pañimil.
\q Mi caj i melob yic'ot i sujmlel.
\c 97
\s I yumʌntel lac Yum
\p
\v 1 Lac Yum woli ti yumʌntel. Yom tijicña jini año' bʌ ti pañimil yic'ot año' bʌ ti' ti' colem ñajb.
\q
\v 2 Ti' joytilel lac Yum an tocal yic'ot ic'yoch'an bʌ pañimil.
\q Xuc'ul mi' yajñel ti' buchlib cha'an yujil meloñel ti isujm.
\q Toj mi' mel i ye'tel.
\q
\v 3 Mi' loq'uel c'ajc ti' tojlel,
\q Mi' jisan i contrajob año' bʌ ti' joytilel.
\q
\v 4 Mi' choc majlel chajc mu' bʌ i sʌq'uesan pañimil.
\q Tsiltsilñayob mi' q'uelob jini año' bʌ ti pañimil.
\q
\v 5 Jini wits mi' yulmʌl che' bajche' ñichim ti' tojlel lac Yum.
\q I Yumch pejtel pañimil.
\q
\v 6 Tsiquil ti panchan toj lac Yum.
\q Mi' q'uelbeñob i ñuclel lac Yum ti pejtelel pañimil.
\b
\q
\v 7 Mi' cajelob ti quisin pejtel mu' bʌ i ch'ujutesañob dioste' tac,
\q Mu' bʌ i lon chañ'esañob i bʌ cha'an dioste' tac mach bʌ anic i c'ʌjñibal.
\q La' i pʌcchocoñob i bʌ ti' tojel i yoc Dios pejtel diosob.
\q
\v 8 Tijicñayob jini año' bʌ ti Sion yic'ot ti' tejclum tac Judá cha'an toj a meloñel, c Yum.
\q
\v 9 Come jatet, c Yum, wen ñuquet, c'uxbibilet.
\q Mach ñucobic jini ñuco' bʌ ti pañimil yic'ot pejtelel i diosob.
\b
\q
\v 10 Jatetla mu' bʌ la' c'uxbin lac Yum, ts'a'lenla jontolil.
\q Lac Yum mi' cʌntan i cha'año' bʌ.
\q Mi' pʌyob loq'uel ti' p'ʌtʌlel jini jontolo' bʌ.
\q
\v 11 Mi' sʌc'an majlel i bijlel jini toj bʌ.
\q Mi' yʌq'uentel i tijicñʌyel jini toj bʌ i pusic'al.
\q
\v 12 Jatetla tojet bʌ la, yom tijicña la' pusic'al ti lac Yum jini ch'ujul bʌ Dios.
\q Subenla wocolix i yʌlʌ lac Yum.
\c 98
\s Tojʌch Dios
\p
\v 1 C'ʌyinla lac Yum. C'ʌyibenla tsiji' bʌ c'ay
\q Come tsi' pʌsʌ i yejtal tac i p'ʌtʌlel.
\q Ti ch'ujul bʌ i p'ʌtʌlel tsa'ix mʌjli i cha'an.
\q
\v 2 Lac Yum tsi' yʌc'ʌ i bʌ ti cʌjñel che' bʌ tsi' coltayonla.
\q Tsi' tsictesa toj bʌ i pusic'al ti' tojlel pejtel winicob x'ixicob.
\q
\v 3 Tsa'ix i c'ajtesa jini albil bʌ i t'an ti' yutslel i pusic'al.
\q Tsa'ix i pʌsbeyob israelob i xuc'tilel i pusic'al.
\q Winicob año' bʌ ti ñajt bʌ pañimil tsa'ix i q'ueleyob i ye'tel Dios ti coltaya.
\b
\q
\v 4 Winicob x'ixicob ti pejtelel pañimil, yom tijicña la' pusic'al.
\q Cha'lenla tijicña bʌ c'ay. C'ʌyibenla i ñuclel.
\q
\v 5 Ñijcanla música ti arpa che' mi la' c'ʌyiben salmo tac lac Yum.
\q
\v 6 Yic'ot i t'an trompeta yic'ot i t'an corneta
\q Yom tijicña mi la' ch'ujutesan lac Yum, jini Rey.
\b
\q
\v 7 La' i cha'len c'am bʌ t'an jini colem ñajb yic'ot chuqui tac an ti ñajb,
\q Jini pañimil ja'el yic'ot pejtelel wʌ' bʌ chumulob.
\q
\v 8 Yom tijicña jini colem ja' che' bajche' winicob mu' bʌ i jats'ob i c'ʌb.
\q Yom laj tijicña jini wits ti' tojlel lac Yum.
\q
\v 9 Come tal lac Yum i mel pejtel año' bʌ ti pañimil.
\q Mach jelchoquic mi caj i melob.
\c 99
\s Xuc'ul lac Yum yic'ot Israel
\p
\v 1 Mi' cha'len yumʌl lac Yum. Yom tsiltsilñayob i pusic'al winicob x'ixicob.
\q Buchul lac Yum ya' ti' t'ejl jini querubiñob*. La' i yujcun i bʌ pañimil.
\q
\v 2 Ñuc lac Yum ti Sion ba' woli ti yumʌntel.
\q Ñuc ti' tojlel jujunmojt winicob x'ixicob.
\q
\v 3 La' i subob i ñuclel a c'aba',
\q Come bʌbʌq'uen jax, ch'ujulʌch ja'el.
\q
\v 4 Jini Ñuc bʌ Rey mi' c'uxbin toj bʌ meloñel.
\q Tsa'ix i yʌc'ʌ ti melol chuqui tac toj.
\q Tsa'ix i mele chuqui toj yic'ot chuqui isujm ti' tojlel Israel.
\q
\v 5 Subula i ñuclel lac Yum Dios.
\q Pʌcchocon la' bʌ ba'an i yoc. Ch'ujul jax lac Yum.
\b
\q
\v 6 Lac Yum tsi' pejca Moisés yic'ot Aarón, cha'tiquil i motomajob,
\q Yic'ot Samuel ja'el. Tsi' laj pejcayob lac Yum ti' c'aba'.
\q Che' an chuqui tsi' c'ajtibeyob lac Yum tsi' jac'beyob.
\q
\v 7 Ya' ti wa'al bʌ tocal tsi' cʌntesayob.
\q Tsi' jac'beyob i t'an yic'ot jini mandar tsa' bʌ i yʌq'ueyob.
\b
\q
\v 8 C Yum lojon Dios, tsa' pejcayob.
\q Tsa' ñusʌbeyob i mul,
\q Pero tsa' wʌq'ueyob i toj che' bʌ tsa' jultesʌbeyob i pusic'al.
\q
\v 9 C'uxbinla lac Yum Dios.
\q Pʌcchocon la' bʌ ya' ba'an ch'ujul bʌ wits i cha'an,
\q Come ch'ujulʌch lac Yum Dios.
\c 100
\s Yom lac suben Dios wocolix i yʌlʌ
\p
\v 1 Winicob x'ixicob ti pejtelel pañimil yom tijicña mi la' cha'len t'an ti' tojlel lac Yum.
\q
\v 2 Melbenla i ye'tel lac Yum ti' tijicñʌyel la' pusic'al.
\q Cha'lenla c'ay che' mi la' wochel ti' tojlel lac Yum.
\b
\q
\v 3 Ña'tanla Diosʌch jini lac Yum.
\q Jini tsi' meleyonla, i cha'añonla.
\q I winiconla, i tiñʌme'onla mu' bʌ i cʌntan.
\b
\q
\v 4 Ochenla ti' ti' tac i yotot lac Yum. Subenla wocolix i yʌlʌ.
\q Subenla i ñuclel che' mi la' c'otel ti' pam i yotot.
\q Subenla wocolix i yʌlʌ. Ch'ujutesanla i c'aba'.
\q
\v 5 Come uts'at lac Yum. Mi caj i yajñel i yutslel i pusic'al ti pejtelel ora.
\q Mi caj i pʌsbenob i xuc'tilel i pusic'al la calobilob ti lajm ti lajm.
\c 101
\s Uts'at mi caj i yajñel
\p
\v 1 C Yum, mi caj c cha'len c'ay cha'an uts a pusic'al. Toj a meloñel.
\q Mi caj c cha'len c'ay ti a tojlel, c Yum.
\q
\v 2 Com c cha'len xʌmbal che' bajche' a wom.
\q ¿Baqui ora mi caj a tilel a coltañon?
\q Mi caj c mel che' bajche' yom ti' tojlel c pi'ʌlob ti cotot.
\q
\v 3 Mach comic c jac' c pʌyol ti mulil.
\b
\q Ts'a' mij q'uelben i melbal jini xjontolil
\q Ma'anic mi caj c tsajcan.
\q
\v 4 Ma'anic mi caj cʌc' c bʌ ti sojquel.
\q Ma'anic mi caj c ñop jontolil.
\b
\q
\v 5 Mi caj c tic' jini mu' bʌ i lon jop'ben i mul i pi'ʌl ti chumtʌl.
\q Ma'anic mi caj j cuchben jini mu' bʌ i chañ'esan i bʌ, mu' bʌ i q'uel i bʌ ti ñuc.
\q
\v 6 Mic p'is tic wenta pejtel xuc'ulo' bʌ tic lumal. Temel mi yajñelob quic'ot.
\q Jini mu' bʌ i cha'len xʌmbal ti toj bʌ bij mi caj cotsan ti x'e'tel c cha'an.
\q
\v 7 Ma'anic mi' caj ti chumtʌl ti cotot jini mu' bʌ i lotin i pi'ʌlob.
\q Ma'anic mi caj i yajñel ba' añon jini mu' bʌ i cha'len lot.
\q
\v 8 Mi caj c chʌn tic' jini xjontolilob año' bʌ tic wenta
\q Cha'an mic chocob loq'uel ti' tejclum lac Yum.
\c 102
\s I yoración jini tic'lʌbil bʌ
\p
\v 1 C Yum, ubibeñon coración. La' c'otic c t'an ba' añet.
\q
\v 2 Mach ma' mʌybeñon a wut come woli cubin wocol.
\q Ñich'tʌbeñon c t'an.
\q Che' mic pejcañet yom ma' bʌc' jac'beñon.
\b
\q
\v 3 Tomocña mi' sʌc jilel j q'uiñilel che' bajche' buts'.
\q Woli' jilel c bʌc'tal che' bajche' xutunte' woli bʌ ti pulel.
\q
\v 4 C'unix pañimil. Tsa'ix wen tiqui c pusic'al che' bajche' tiquin bʌ jam.
\q Mach chʌn comix waj cha'an ch'ijiyem c pusic'al.
\q
\v 5 Ma'anix c bʌc'tal, to'ol c bʌquel jax yic'ot c pʌchʌlel, cha'an cabʌl tsic pusic'al.
\q
\v 6 Añon tic bajñelil che' bajche' te'lemut mu' bʌ i yajñel ti jochol bʌ lum.
\q Lajalon bajche' xcuj t'uchul bʌ ti' jol joch otot.
\q
\v 7 Mach mejlicon ti wʌyel.
\q Lajalon bajche' xpuruwoc t'uchul bʌ ti' jol otot ti' bajñelil.
\q
\v 8 Ti jujump'ejl q'uin mi' wajleñoñob jini j contrajob.
\q Mi' p'ajoñob jini mu' bʌ i mich'leñoñob.
\q
\v 9 Wolij c'ux i tʌñil c'ajc yubil, i wenta c waj.
\q Xʌbʌl wolic jap yic'ot i ya'lel c wut.
\q
\v 10 Come wen mich'et.
\q Tsa' techeyon, tsa' cha' chocoyon jubel.
\q
\v 11 Ora jach mi' ñumel j q'uiñilel.
\q Mi' tam'an axñal tic pusic'al yilal che' bajche' ti och'ajel q'uin.
\b
\q
\v 12 C Yum buchulet ti a yumʌntel ti pejtelel ora.
\q Mi caj i chʌn sujbel a ñuclel ti pejtelel ora.
\q
\v 13 Mi caj a ch'ojyel a p'untan Sion, jini ch'ujul bʌ tejclum.
\q Come i yorajlelix ma' pʌsben a wutslel.
\q Isujm tsa'ix juli i yorajlel wʌn ña'tʌbil bʌ a cha'an.
\q
\v 14 A winicob mi' c'uxbiñob i xajlelal Sion.
\q Ch'ijiyemob i pusic'al cha'an i ts'ubeñal jini jejmen tac bʌ otot.
\q
\v 15 Che' ma' p'untan Sion mi caj i bʌc'ñañob i c'aba' lac Yum jini mach bʌ i cha'añobic Dios.
\q Pejtel jini yumʌlob ti pañimil mi caj i bʌc'ñañetob cha'an a ñuclel.
\q
\v 16 Lac Yum mi caj i cha' mel Sion.
\q Mi caj i pʌs i bʌ yic'ot i ñuclel.
\b
\q
\v 17 Mi' jac'beñob i yoración jini p'ump'uño' bʌ,
\q Ma'anic mi' ñusʌbeñob i t'an.
\q
\v 18 La' ochic ti jun iliyi cha'an mi' q'uelob la calobilob.
\q Jini maxto bʌ anic tsi' yilayob pañimil mi caj i subob i ñuclel lac Yum.
\q
\v 19 Lac Yum am bʌ ti ch'ujul bʌ i yajñib ti panchan tsi' q'uele winicob x'ixicob ti pañimil.
\q
\v 20 Tsa'ix i yubibeyob i yajcʌn jini ñup'ulo' bʌ.
\q Tsa'ix i ña'ta i yʌc'ob ti libre jini woli bʌ i chʌmelob.
\q
\v 21 Winicob x'ixicob mi caj i tsictesañob i ñuclel lac Yum ya' ti Sion.
\q Mi caj i subob i ñuclel lac Yum ya' ti Jerusalén
\q
\v 22 Che' tempʌbilob tilel jini loq'uemo' bʌ ti cabʌl tejclum tac
\q Cha'an mi' ch'ujutesañob lac Yum.
\q
\v 23 Lac Yum tsi' jisa c p'ʌtʌlel ti ojlil bij yubil.
\q Tsa'ix i com'esʌbeyon j q'uiñilel.
\q
\v 24 Tsac sube: C Dios, mach a pʌyon majlel che' maxto ñoxonic.
\q Cuxulet ti pejtelel ora. Junlajalet ti' tojlel calobilob lojon yic'ot i yalobilob ti lajm ti lajm.
\b
\q
\v 25 Ti oñiyi tsa' wa'choco jini pañimil,
\q Jini panchan i melbalʌch a c'ʌb.
\q
\v 26 Mi caj i jilel pero chʌn cuxulet.
\q Mi' caj ti tsuculiyel che' bajche' bujcʌl.
\q Mi caj i q'uextiyel che' bajche' mi laj q'uextan lac bujc.
\q Mi' caj ti yʌjñel.
\q
\v 27 Mach che'iquet, mach a wujilic ñox'an.
\q Mach jiliquet ti pejtelel ora.
\q
\v 28 Xuc'ul mi' cajelob ti chumtʌl i yalobilob a winicob.
\q Mi caj a coltañob.
\c 103
\s Cabʌl i yutslel i pusic'al Dios
\p
\v 1 La' c ch'ujutesan c Yum ti pejtelel c pusic'al.
\q La' c ch'ujutesan jini ch'ujul bʌ i c'aba' ti pejtelel c p'ʌtʌlel.
\q
\v 2 La' c ch'ujutesan c Yum ti pejtelel c pusic'al.
\q Mach mi' wis ñajʌyel tic pusic'al chuqui mi' yʌq'ueñonla.
\q
\v 3 Jiñʌch mu' bʌ i ñusʌbeñon pejtelel c mul.
\q Mi' lajmesʌbeñon pejtelel j c'amʌjel.
\q
\v 4 Mi' mʌñon loq'uel ba' colel c chʌmel.
\q Mi' ch'ʌlon ti corona come c'ux mi' yubiñon.
\q
\v 5 Mi' tijicñesañon yic'ot wen tac bʌ c majtan wʌ' ti pañimil cha'an mic cha' p'ʌtan che' bajche' xiye'.
\b
\q
\v 6 Lac Yum mi' mel ti toj jini tic'lʌbilo' bʌ.
\q Mi caj i q'uextʌbeñob i mul xjontolilob.
\q
\v 7 Tsi' pʌsbe Moisés chuqui woli' ña'tan ti' pusic'al.
\q Tsi' pʌsbeyob israelob i melbal.
\q
\v 8 Lac Yum mi' cha'len p'untaya, uts i pusic'al.
\q Jal mi' mich'an. Cabʌl mi' p'untañonla.
\q
\v 9 Mach ti pejtelelic ora mi caj i tic'onla.
\q Ma'anic mi' cʌntan i mich'ajel ti pejtelel ora.
\q
\v 10 Ma'anic tsi' yʌq'ueyonla wocol che' bajche' c'amel an lac mul.
\q Ma'anic tsi' q'uexta lac mul che' bajche' c'amel an.
\q
\v 11 Come cabʌlʌch i yutslel i pusic'al che' bajche' i chanlel panchan
\q Ti' tojlel jini mu' bʌ i bʌc'ñañob.
\q
\v 12 Che' bajche' i ñajtlel pañimil c'ʌlʌl ti' pasibal q'uin c'ʌlʌl ti' bʌjlibal q'uin,
\q Che'ʌch tsi' chocbeyonla lac mul.
\q
\v 13 Che' bajche' winicob mi' c'uxbiñob i yalobilob,
\q Che' ja'el lac Yum mi' p'untan jini mu' bʌ i bʌc'ñañob.
\q
\v 14 Come yujil c'uñonla, yujil melbilonla ti ts'ubejn.
\b
\q
\v 15 Poj jumuc' jach cuxulonla che' bajche' jam.
\q Jumuc' jach an lac wenlel che' bajche' i nich pimel.
\q
\v 16 Che' mi' ñumel ic' mi' yajlel.
\q Mach chʌn tsiquilix.
\q
\v 17 Pero i yutslel lac Yum ti pejtelel ora an.
\q Lac Yum mi' pʌsbeñob i yutslel yic'ot i tojel jini mu' bʌ i bʌc'ñañob yic'ot i p'olbalob ti lajm ti lajm
\q
\v 18 Che' bajche' jaytiquil mi' jac'beñob jini xuc'ul bʌ t'an,
\q Mu' bʌ i ña'tañob i mel che' bajche' ts'ijbubil.
\q Mi' pʌsbeñob i yutslel lac Yum.
\b
\q
\v 19 Lac Yum tsa'ix i wa'choco i yumʌntel ya' ti panchan.
\q Mi' cha'len yumʌntel ti pejtelel pañimil.
\q
\v 20 Ch'ujutesanla lac Yum, ángelob cabʌl bʌ la' p'ʌtʌlel,
\q Mu' bʌ la' jac'ben i t'an, mu' bʌ la' melben chuqui mi' yʌl.
\q
\v 21 Ch'ujutesanla lac Yum pejtel i yángelob,
\q X'e'teletla mu' bʌ la' melben chuqui yom Dios.
\q
\v 22 Ch'ujutesan lac Yum pejtelel i melbal,
\q Ti jujump'ejl tejclum ti pejtelel i yumʌntel.
\q La' c ch'ujutesan c Yum ti pejtelel c pusic'al.
\c 104
\s Dios uts'at mi' cʌntan i melbal
\p
\v 1 C Yum, la' c ch'ujutesañet ti pejtelel c pusic'al.
\q C Yum Dios, wen ñuquet.
\q I t'ojol jax a c'uxbintel yic'ot a ñuclel, i wentajʌch a pislel mu' bʌ a lʌp.
\q
\v 2 Jini a pislel jiñʌch i c'ʌc'al pañimil.
\q Jini panchan tsʌye'el a cha'an che' bajche' pisil.
\q
\v 3 Ma' wa'chocon a chumlib ti pam jini tocal.
\q Ma' c'ʌn jini tocal i wenta carreta.
\q
\v 4 Ma' cha'len xʌmbal ti ic' ya' ti' wich' yilal.
\q Ma' choc majlel ángelob ti a we'tel.
\q P'ʌtʌlob che' bajche' i yʌq'uil c'ajc jini x'e'telob a cha'an.
\b
\q
\v 5 Tsa'ix a wa'choco jini pañimil ti' c'ʌclib
\q Cha'an ma'anic mi' yajlel ti pejtelel ora.
\q
\v 6 Tsa'ix a moso i jajp lum ti ja' i wentajʌch bujcʌl.
\q Tsa' ñumi ja' ti pam wits.
\q
\v 7 Tsi' tʌts'ʌ i bʌ ja' che' bʌ tsa' tiq'ui.
\q Tsa' choco tilel i t'an chajc, tsa' puts'i ja'.
\q
\v 8 Tsi' pʌsʌ i bʌ wits. Tsa' tsictiyi tac joctʌl
\q Ya' ti' yajñib ba' wʌn ña'tibil a cha'an.
\q
\v 9 Tsa' melbe i cayajon ba' jaxʌl tac lum yic'ot colem ja', cha'an ya' jach mi' yajñel.
\q Mach chʌn mejlix ti pam ñumel ti lum.
\b
\q
\v 10 Ya' ti joctʌl ma' wʌc' ti loq'uel cuxul bʌ ja'.
\q Mi' cha'len xʌmbal jubel ti' yojlil wits tac.
\q
\v 11 Ya' mi' c'otel i jap jini bʌte'el am bʌ ti mate'el.
\q Ya' mi' lajmesan i tiquin ti' tsiji' bʌ burro.
\q
\v 12 Jini te'lemut mu' bʌ ti wejlel ñumel mi' mel i c'u' ya' ti' ti' ja'.
\q Ya' ti' ñi' te' mi' t'uchtʌl ti c'ay.
\q
\v 13 Jatet chumulet bʌ ti chan ma' mul jini wits.
\q Ma' choc tilel ja'al. Uts'at mi' yʌc' i wut jini lum cha'an a we'tel.
\q
\v 14 Ma' wʌc' ti pasel jam cha'an i buc'bal wacax.
\q Ma' wʌq'ueñob i ye'tel winicob ti lum
\q Cha'an mic taj lojon i bʌl lojon c ñʌc' ti chajp ti chajp,
\q
\v 15 Yic'ot vino mu' bʌ i tijicñesʌbeñon lojon c pusic'al,
\q Yic'ot aceite cha'an tijicña lojon c wut,
\q Yic'ot waj cha'an mic taj lojon c p'ʌtʌlel.
\q
\v 16 Wen on i yetsel jini te' tsa' bʌ a wʌc'ʌ ti colel, c Yum,
\q Che' bajche' jini ch'ujte' tsa' bʌ a pʌc'ʌ ti Líbano wits.
\q
\v 17 Ya' mi' p'ojlelob te'lemut.
\q Jini c'ubul mi' mel i c'u' ti chʌcajl.
\q
\v 18 Jini mate'el chivo mi' yajñel ti chan tac bʌ wits.
\q Jini te'lal mi' yajñel ti xajlelol.
\q
\v 19 Tsa' wʌq'ue i c'ʌjñibal uw cha'an mi' tsictesan jujump'ejl tsic.
\q Jini q'uin mi' bʌjlel che i yorajlelix.
\q
\v 20 Jatet ma' wʌc' ac'ʌlel, mi' yic'an.
\q Che' iq'uix, mi' loq'uel ti xʌmbal pejtel bʌte'el.
\q
\v 21 Jini alʌ bajlum mi' cha'len oñel che' an i wi'ñal.
\q Mi' sajcan majlel i bʌl i ñʌc' mu' bʌ a wʌq'uen, Dios.
\q
\v 22 Che' mi' pasel q'uin mi' cha' sujtel ti pʌctʌl ya' ti' ch'eñal.
\q
\v 23 Jini winicob mi' loq'uelob majlel ti e'tel.
\q Mi' cʌyob i ye'tel che' wolix ti bʌjlel q'uin.
\b
\q
\v 24 C Yum, cabʌl jax a melbal.
\q Ti a ña'tʌbal tsa'ix a mele ti pejtelel.
\q Ti pejtelel pañimil tsiquil jini wen tac bʌ tsa' bʌ a melbeyon lojon.
\q
\v 25 An colem ñajb cabʌl bʌ i ñajtlel.
\q Mach mejlic ti tsijquel i chʌñil tac.
\q Cabʌl i chʌñil, biq'uit bʌ yic'ot colem bʌ.
\q
\v 26 Ya' mi' cha'len xʌmbal jini colem barco.
\q Ya'ʌch an jini leviatán tsa' bʌ a mele cha'an mi' cha'len alas ti ja'.
\b
\q
\v 27 Pejtel i chʌñil pañimil yic'ot i chʌñil colem ñajb mi' pijtañet,
\q Come jatet ma' wʌq'uen i bʌl i ñʌc' ti' yorajlel.
\q
\v 28 Ma' wʌq'uen i tempan i bʌl i ñʌc'.
\q Che' ma' wʌq'uen mi' ñaj'an.
\q
\v 29 Che' ma' mʌy a wut p'ump'un jax i bʌ.
\q Che' ma' chilben i cuxtilel mi' chʌmel.
\q Mi' cha' sujtel ti ts'ubejn.
\q
\v 30 Che' ma' choc tilel a wEspíritu, mi' p'ojlelob yan tac bʌ.
\q Ma' wʌc' ti p'ojlel jini cuxul tac bʌ ti pañimil.
\b
\q
\v 31 C Yum, mach jilic a ñuclel ti pejtelel ora.
\q Yom tijicña a pusic'al cha'an a melbal.
\q
\v 32 Ma' q'uel pañimil. Tsilecña mi' ñijcan i bʌ jini lum.
\q Ma' tʌl wits, mi' loq'uel buts'.
\q
\v 33 Mi caj j c'ʌyiñet, c Yum, ti pejtelel c jabilel.
\q Mi caj j c'ʌyiñet ti salmo tac che' cuxulon to.
\b
\q
\v 34 Yom ma' q'uel ti uts'at chuqui wolic subeñet,
\q Come tijicñayon cha'añet, c Yum.
\q
\v 35 La' jilicob xmulilob ti pañimil.
\q La' junyajlel jilicob jini mu' bʌ i ñusañob Dios.
\q La' c ch'ujutesañet c Yum tic pusic'al.
\q ¡Aleluya!
\c 105
\s Lac Yum mi' pʌsbeñob israelob ñuc tac bʌ i ye'tel
\r (1 Cr. 16.7-22)
\p
\v 1 Subenla wocolix i yʌlʌ lac Yum. Pejcanla ti' c'aba'.
\q Pucbenla i melbal lac Yum ya' ti' tojlel pejtel winicob x'ixicob.
\q
\v 2 Cha'lenla c'ay ti' tojlel lac Yum. C'ʌyibenla i ñuclel.
\q Subula pejtel jini ñuc bʌ i melbal.
\q
\v 3 Ñuq'uesan la' pusic'al cha'an ch'ujul i c'aba' lac Yum.
\q Yom tijicña mi' yubiñob jini mu' bʌ i ch'ujutesañob lac Yum.
\q
\v 4 Sajcan lac Yum ba' tilem lac p'ʌtʌlel.
\q Ajñenla ti' tojlel ti pejtelel ora.
\q
\v 5 Ña'tʌbenla i yejtal tac i p'ʌtʌlel tsa' bʌ i pʌsʌ,
\q Jini bʌbʌq'uen tac bʌ i melbal che' bʌ tsi' yʌc'ʌ i t'an ti' contra egiptojob.
\q
\v 6 Jatetla i p'olbaletla Abraham i winic lac Yum.
\q I yalobiletla Jacob, i yajcʌbaletla Dios.
\b
\q
\v 7 Lac Yum jiñʌch Dios.
\q Mi' mel winicob x'ixicob ti pejtelel pañimil.
\q
\v 8 Ti pejtelel ora ña'tibilix i cha'an jini xuc'ul bʌ i t'an
\q Tsa' bʌ i subeyob winicob x'ixicob yic'ot i yalobilob ti lajm ti lajm cha'an mi' chʌn ña'tañob ti pejtelel ora.
\q
\v 9 Jiñʌch xuc'ul bʌ t'an tsa' bʌ i yʌq'ue Abraham,
\q Jini xuc'ul bʌ t'an tsa' bʌ i yʌq'ue Isaac,
\q
\v 10 Jini jach bʌ t'an tsa' bʌ i yʌq'ue Jacob ti mandar.
\q Mach jilic ti pejtelel ora jini xuc'ul bʌ i t'an ti' tojlel Israel.
\q
\v 11 Tsi' yʌlʌ lac Yum: Mi caj cʌq'ueñet i lumal Canaán cha'an a cha'anʌch, che'en.
\q
\v 12 Che' maxto cabʌlobic lac pi'ʌlob,
\q Che' ñumel jach tsa' ñumiyob come mach i cha'añobic jini lum,
\q
\v 13 Tsi' cha'leyob xʌmbal ñumel ti jujump'ejl lum.
\q Tsa' loq'uiyob ti jump'ejl lum, tsa' ochiyob ti yambʌ i yum.
\q
\v 14 Lac Yum Dios ma'anic tsi' yʌc'ʌyob ti tic'lʌntel.
\q Tsi' tiq'ui reyob tsa' bʌ i tic'layob.
\q
\v 15 Tsi' yʌlʌ: Mach mi la' mʌctan jini yajcʌbilo' bʌ c cha'an.
\q Mach mi la' tic'lan jini x'alt'añob c cha'an, che'en.
\b
\q
\v 16 Tsi' choco tilel wi'ñal ti pañimil.
\q Tsi' yʌc'ʌ ti jilel i bʌl ñʌc'ʌl.
\q
\v 17 Lac Yum tsi' choco majlel winic ti' tojlel i yalobilob Jacob cha'an mi' coltañob.
\q Tsa' chojni José cha'an mi' yochel ti majtan e'tel ti' wenta i yum.
\q
\v 18 Tsi' cʌchbeyob i yoc ti cadena tac. Cʌchʌl tsa' cʌle.
\q
\v 19 Jinto tsa' ts'ʌctiyi i t'an lac Yum, tsa' q'uejli ti toj.
\q
\v 20 Jini rey tsi' cha'le mandar cha'an mi' yʌc' ti colel.
\q Jini ñuc bʌ yumʌl ti' tojlel cabʌl winicob x'ixicob tsi' colo.
\q
\v 21 Tsi' wa'choco José cha'an mi' yumañob i winicob ti' yotot rey.
\q Tsi' yotsa ti' wenta pejtel i chubʌ'an.
\q
\v 22 Tsi' yʌq'ue i p'ʌtʌlel cha'an mi' cʌchob yumʌlob che' yom.
\q Tsi' yʌq'ue i ye'tel ti' tojlel ancianojob cha'an mi' cʌntesañob.
\b
\q
\v 23 Tsa' c'oti Israel ya' ti Egipto.
\q Tsa' chumle Jacob ti' lumal Cam.
\q
\v 24 Lac Yum tsi' yʌc'ʌ ti p'ojlel i yalobilob. Che' wen cabʌlobix ñumen an i p'ʌtʌlel bajche' i contrajob.
\q
\v 25 Dios tsi' q'uextʌbeyob i pusic'al egiptojob cha'an mi' ts'a'leñob i cha'año' bʌ,
\q Cha'an mi' lotiñob.
\b
\q
\v 26 Tsi' choco tilel Moisés, i winic,
\q Yic'ot Aarón, yajcʌbil bʌ i cha'an.
\q
\v 27 Tsi' pʌsʌyob i yejtal i p'ʌtʌlel lac Yum, yic'ot ñuc tac bʌ i p'ʌtʌlel lac Yum ya' ti' lumal Egipto.
\q
\v 28 Tsi' yʌc'ʌ ic'yoch'an bʌ pañimil, tsa' ic'a.
\q Pero jini egiptojob tsi' chʌn ñusayob Dios.
\q
\v 29 Tsi' pʌntesa ja' ti ch'ich'.
\q Tsi' tsʌnsa jini chʌy am bʌ ti Egipto.
\q
\v 30 Tsi' wen p'ojlesa xpequejc ti lum.
\q Tsa' ochi ti jujump'ejl i mal i yotot rey.
\q
\v 31 Tsi' yʌc'ʌ mandar lac Yum, tsa' wen caji ti p'ojlel us ti' ti' ja',
\q Yic'ot uch' ti pejtelel i lumal Egipto.
\q
\v 32 Tsi' choco jubel tuñija' i wenta ja'al,
\q Yic'ot chajc mu' bʌ ti lejmel ti pañimil.
\q
\v 33 Tsi' jisa jini ac' yic'ot higuerate'.
\q Tsi' buchu jubel jini te'el am bʌ ti lum.
\q
\v 34 Tsi' yʌc'ʌ i t'an cha'an mi' p'ojlel sajc',
\q Yic'ot cabʌl chʌñil pañimil.
\q
\v 35 Jini sajc' tsi' jisa pejtelel jini pimel ti' lumal Egipto.
\q Tsi' laj c'uxbe i wut pʌc'ʌbʌl ti pejtelel jini lum.
\q
\v 36 Lac Yum tsi' tsʌnsa pejtelel ascuñʌlo' bʌ ti' lumal,
\q Jini ñaxan bʌ i yalobilob.
\b
\q
\v 37 Tsi' pʌyʌ loq'uel israelob, cuchulob i cha'an plata yic'ot oro.
\q Ma'anic majqui tsa' c'un'a ti bij ti pejtelel i yalobilob Israel.
\q
\v 38 Tijicñayob tsi' yubiyob egiptojob che' bʌ tsa' loq'uiyob,
\q Come cabʌl woliyob ti bʌq'uen.
\q
\v 39 Lac Yum tsi' lich'ye'e jini tocal cha'an mi' mosob ti q'uiñil,
\q Yic'ot c'ajc cha'an mi' yʌc' i sʌclel pañimil ti ac'ʌlel.
\q
\v 40 Jini israelob tsi' c'ajtibeyob Dios we'elʌl, tsi' yʌq'ueyob cox.
\q Tsa' ñaj'ayob ti waj tilem bʌ ti panchan.
\q
\v 41 Tsi' top'o xajlel, on tsa' loq'ui ja'.
\q Tsi' mele pa' ya' ti tiquin bʌ lum.
\q
\v 42 Come tsi' ña'ta jini ch'ujul bʌ i t'an
\q Tsa' bʌ i sube Abraham i winic.
\b
\q
\v 43 Tsi' pʌyʌ loq'uel i cha'año' bʌ. Tijicñayob i pusic'al tsa' loq'uiyob.
\q Jini yajcʌbilo' bʌ i cha'an tsi' cha'leyob c'ay.
\q
\v 44 Lac Yum tsi' yʌq'ueyob i lum israelob, jini lum tsa' bʌ chilbentiyob jini sajtemo' bʌ.
\q Tsi' yʌq'ueyob i wut i pʌc'ʌb yaño' bʌ,
\q
\v 45 Cha'an mi' jac'beñob i mandar Dios yic'ot i cʌntesa ti pejtelel i pusic'al.
\q ¡Aleluya!
\c 106
\s Israel tsi' ñusʌbe i mandar lac Yum
\p
\v 1 ¡Aleluya!
\q Subenla wocolix i yʌlʌ lac Yum, come uts'atʌch.
\q Come mach jilic i yutslel ti pejtelel ora.
\q
\v 2 ¿Majqui yujil i subol jini ñuc tac bʌ i melbal lac Yum?
\q ¿Majqui mi mejlel i pʌs pejtel i ñuclel?
\q
\v 3 Tijicñayob mu' bʌ i jac'ob chuqui toj, mu' bʌ i melob chuqui toj ti pejtelel ora.
\b
\q
\v 4 Ña'tañon c Yum che' ma' pʌsbeñob i yutslel a cha'año' bʌ.
\q Ña'tañon che' ma' coltañob
\q
\v 5 Cha'an mij q'uelben i wenlel jini yajcʌbilo' bʌ a cha'an,
\q Cha'an tijicña mi cubin che' tijicñʌyob a cha'año' bʌ.
\q Isujm tijicña c pusic'al quic'otob.
\b
\q
\v 6 Tsa'ix lac cha'le mulil yic'ot lac tat,
\q An lac mul, tsa' lac cha'le jontolil.
\q
\v 7 Che' ya' to añob lac tat ti Egipto ma'anic tsi' p'isiyob ti' wenta i p'ʌtʌlel Dios.
\q Mach c'ajalic i cha'añob i yonlel i yutslel.
\q Tsi' ñusʌbeyob i t'an lac Yum ya' ti Chʌchʌc bʌ Ñajb.
\q
\v 8 Pero tsi' coltayob cha'an mi' yʌc' ti cʌjñel i c'aba' yic'ot i p'ʌtʌlel.
\q
\v 9 Tsi' pejca jini Chʌchʌc bʌ Ñajb, tsa' tiqui.
\q Tsi' pʌyʌyob ñumel ti tam bʌ ja' che' bajche' ti tiquin lum.
\q
\v 10 Tsi' coltayob loq'uel ti' p'ʌtʌlel jini tsa' bʌ i ts'a'leyob.
\q Tsi' pʌyʌyob loq'uel ti' c'ʌb i contrajob.
\q
\v 11 Jini ja' tsi' mujla i contrajob.
\q Ma'anic majqui tsa' coli mi juntiquilic.
\q
\v 12 Jini cha'an tsi' ñopbeyob i t'an,
\q Tsi' c'ʌyibeyob i ñuclel.
\b
\q
\v 13 Pero ti ora tsa' ñajʌyi ti' pusic'al i melbal.
\q Ma'anic tsi' pijtayob i toj'esʌntel ti Dios.
\q
\v 14 Tsi' wersa c'ajtibeyob Dios chuqui yomob i c'ux.
\q Tsi' yilʌbeyob i pusic'al ya' ti jochol bʌ lum.
\q
\v 15 Dios tsi' yʌq'ueyob chuqui tsi' c'ajtibeyob,
\q Pero tsi' chocbeyob tilel i c'amʌjel tsa' bʌ i jisayob.
\b
\q
\v 16 Tsʌytsʌyñayob i pusic'al winicob ti' tojlel Moisés
\q Yic'ot ti' tojlel Aarón jini ch'ujul bʌ i winic lac Yum.
\q
\v 17 Jini cha'an tsa' tili i yujquel lum. Tsa' tsijli jini lum. Tsi' ñet'e cʌytʌl Datán.
\q Tsi' mujla cʌytʌl Abiram yic'ot i pi'ʌlob.
\q
\v 18 Tsa' lejmi c'ajc ti' tojlel.
\q Tsi' pulu jini jontolo' bʌ.
\b
\q
\v 19 Tsi' meleyob alʌ tat wacax ya' ti Horeb.
\q Tsi' ch'ujutesayob jini dioste' melbil bʌ ti c'ʌnc'ʌn taq'uin.
\q
\v 20 Tsi' cʌyʌyob jini ñuc bʌ Dios cha'an mi' ch'ujutesañob i yejtal wacax yujil bʌ i c'uxol jam.
\q
\v 21 Tsa' ñajʌyiyob i cha'an Dios, jini i Yaj Coltaya
\q Tsa' bʌ i pʌsʌ ñuc tac bʌ i melbal ya' ti Egipto.
\q
\v 22 Tsi' pʌsʌ cabʌl i yejtal i p'ʌtʌlel ya' ti' lumal Cam,
\q Yic'ot bʌbʌq'uen tac bʌ ya' ti Chʌchʌc bʌ Ñajb.
\q
\v 23 Dios tsi' sube Moisés mi caj i jisañob.
\q Machic tsi' mʌcta Moisés tsa' laj jiliyob.
\q Pero ya' ti' tojel i wut Dios tsa' wa'le Moisés jini yajcʌbil bʌ i cha'an, cha'an mi' mʌctʌben i mich'ajel.
\b
\q
\v 24 Tsi' chʌn cha'leyob mulil.
\q Tsi' ts'a'leyob jini uts'at bʌ lum.
\q Ma'anic tsi' ñopbeyob i t'an tsa' bʌ i subeyob cha'an jini lum.
\q
\v 25 Tsi' cha'leyob wulwul t'an ti' yototob.
\q Ma'anic tsi' jac'beyob i t'an lac Yum.
\q
\v 26 Jini cha'an Dios tsi' wersa ac'ʌ i t'an
\q Cha'an mi caj i jisañob ti jochol bʌ lum.
\q
\v 27 Mi caj i pucbeñob majlel i p'olbal ti' tojlel sajtemo' bʌ
\q Cha'an mi' pam pujquelob ti selol pañimil.
\q
\v 28 Tsi' chʌn cha'leyob mulil.
\q Tsi' tsajcayob jini dioste' i c'aba' Baal ya' ti Peor.
\q Tsi' c'uxuyob tsʌnsʌbil bʌ i majtan tac jini dioste' mach bʌ anic i cuxtʌlel.
\q
\v 29 Tsi' techbeyob i mich'ajel lac Yum yic'ot i melbalob.
\q Tsa' tejchi tsʌts bʌ c'amʌjel tsa' bʌ pam ñumi ti' tojlelob.
\q
\v 30 Pero tsa' bʌx'a Finees ti meloñel.
\q Che' jini tsa' lajmi jini tsʌts bʌ c'amʌjel.
\q
\v 31 Tsa' q'uejli ti toj Finees yic'ot i yalobilob ti junjunlajm cha'an tsi' mele jini año' bʌ i mul.
\b
\q
\v 32 Tsi' chʌn cha'leyob mulil israelob.
\q Tsi' techbeyob i mich'ajel Dios ya' ti ja' i c'aba' Meriba.
\q Jini cha'an tsi' yubi wocol Moisés ti' cajob.
\q
\v 33 Che' bʌ tsi' techbeyob i mich'ajel, tsʌts tsa' caji' yʌ'leñob.
\q
\v 34 Jini israelob tsi' ñusʌbeyob i mandar lac Yum.
\q Ma'anic tsi' jisayob jini sajtemo' bʌ ya' bʌ chumulob.
\q
\v 35 Tsa' tem ajniyob yic'ot jini sajtemo' bʌ.
\q Tsi' ñopbeyob i melbal.
\q
\v 36 Tsi' ch'ujutesayob i dioste' tac sajtemo' bʌ.
\q Jini cha'an tsa' sojquiyob.
\q
\v 37 Tsi' yʌc'ʌyob ti chʌmel ch'iton bʌ yic'ot xch'oc bʌ i yalobilob,
\q Cha'an tsʌnsʌbil bʌ i majtan xibajob.
\q
\v 38 Tsi' bec'beyob i ch'ich'el i yalobilob mach bʌ añobic i mul, ch'itoñob yic'ot xch'ocob,
\q Cha'an mi' yʌq'ueñob tsʌnsʌbil bʌ i majtan jini dioste' tac ti Canaán.
\q Tsi' yʌc'ʌyob ti ts'a'lentel i lumal yic'ot i ch'ich'el i yalobilob.
\q
\v 39 Tsa' sojquiyob che' leco i melbalob.
\q Cabʌlob i mul tsi' cha'leyob ts'i'lel.
\b
\q
\v 40 Jini cha'an lac Yum tsi' mich'le i cha'año' bʌ.
\q Tsi' ts'a'leyob.
\q
\v 41 Tsi' yʌc'ʌyob ti' wenta jini sajtemo' bʌ.
\q Jini israelob tsi' yumayob jini sajtemo' bʌ tsa' bʌ i ts'a'leyob.
\q
\v 42 I contrajob tsi' yʌc'ʌyob ti wocol.
\q Wersa tsi' jac'beyob i mandar.
\b
\q
\v 43 Cabʌl tsi' loc'sayob Dios ti' p'ʌtʌlel i contrajob,
\q Pero tsi' chʌn meleyob che' bajche' tsi' bajñel ña'tayob ti' tsʌtslel i pusic'al.
\q Dios tsi' ju'sʌbeyob i pusic'al ti wocol cha'an i jontolil.
\q
\v 44 Che' woliyob ti wocol, Dios tsi' p'untayob.
\q Tsi' yubibeyob i yuq'uel.
\q
\v 45 Tsi' ña'ta jini xuc'ul bʌ i t'an tsa' bʌ i yʌq'ueyob.
\q Tsi' cʌyʌ i mich'leñob cha'an cabʌl i yutslel.
\q
\v 46 Tsi' yʌc'ʌyob ti p'untʌntel cha'an i yumob tsa' bʌ i pʌyʌyob majlel ti cadena tac.
\b
\q
\v 47 C Yum lojon Dios, coltañon lojon.
\q Tempañon lojon loq'uel ba' chuculon lojon ti yan tac bʌ lum,
\q Cha'an mic subeñet lojon wocolix a wʌlʌ cha'an ch'ujul a c'aba'.
\q La' ñuc'ac lojon c pusic'al che' mic sub lojon a ñuclel.
\b
\q
\v 48 La' ch'ujutesʌntic lac Yum ti pejtelel ora.
\q I Dioset israelob, mach bʌ anic a cajibal mi a jilibal.
\q La' i yʌlob Amén pejtel winicob x'ixicob.
\q ¡Aleluya!
\c 107
\ms LIBRO V
\s Dios mi' loc'san ti wocol
\p
\v 1 Subenla wocolix i yʌlʌ lac Yum, come uts'at lac Yum,
\q Come mach jilic i yutslel ti pejtelel ora.
\q
\v 2 La' i yʌlob jini mʌmbilo' bʌ i cha'an lac Yum, tsa' bʌ loq'uiyob ti' c'ʌb i contra.
\q
\v 3 Tsi' tempayob tilel
\q Loq'uemo' bʌ ba' mi' pasel q'uin, yic'ot ba' mi' bʌjlel q'uin, yic'ot ti norte, yic'ot ti sur.
\b
\q
\v 4 Tsi' pam cha'leyob ñumel xʌmbal ti jochol bʌ lum.
\q Ma'anic tsi' tajayob ba' mi' cha'leñob chumtʌl.
\q
\v 5 Cabʌl tsi' yubiyob wi'ñal yic'ot tiquin ti'.
\q P'ump'uñob tsi' yubiyob.
\q
\v 6 Che' woliyob ti wocol tsi' pejcayob lac Yum ti wocol t'an.
\q Jini tsi' pʌyʌyob loq'uel ti wocol.
\q
\v 7 Tsi' pʌyʌyob majlel ti toj bʌ bij
\q Cha'an mi' tajob tejclum ba' uts'at mi' chumtʌlob.
\q
\v 8 La' lac suben wocolix i yʌlʌ lac Yum cha'an i yutslel,
\q Cha'an ñuc bʌ i melbal mu' bʌ i pʌsbeñonla.
\q
\v 9 Come mi' yʌq'uen ja' jini am bʌ i tiquin ti'.
\q Mi' yʌq'uen chuqui uts'at jini am bʌ i wi'ñal cha'an mi' tijicñesʌben i ch'ujlel.
\b
\q
\v 10 Lamital tsa' ajniyob ti ic'yoch'an bʌ pañimil ba' wen ch'ijiyem.
\q Cʌchbilob ti cadena tac woliyob ti wocol
\q
\v 11 Come tsi' ñusʌbeyob i mandar Dios.
\q Tsi' ts'a'lebeyob i t'an jini C'ax Nuc Bʌ.
\q
\v 12 Jini cha'an tsi' ju'sʌbeyob i pusic'al ti e'tel.
\q Tsa' yajliyob. Ma'anic majqui tsi' coltayob.
\q
\v 13 Tsa' caji' pejcañob lac Yum ti wocol t'an che' woliyob ti wocol.
\q Tsi' coltayob loq'uel ti wocol.
\q
\v 14 Tsi' pʌyʌyob loq'uel ti ic'yoch'an bʌ pañimil ba' bʌbʌq'uen mi' chʌmelob.
\q Tsi' bic'ti ts'ocbeyob i cadena.
\q
\v 15 La' lac suben wocolix i yʌlʌ lac Yum cha'an i yutslel,
\q Cha'an ñuc bʌ i melbal mu' bʌ i pʌsbeñonla.
\q
\v 16 Come tsi' jeme jini puerta tac melbil bʌ ti chʌchʌc taq'uin,
\q Yic'ot jini bara tac melbil bʌ ti fierro.
\b
\q
\v 17 Jini tontojo' bʌ mi' tajob wocol cha'an i jontolil.
\q Tsa' aq'uentiyob wocol cha'an i mul.
\q
\v 18 Tsi' ts'a'leyob i bʌl i nʌc', colel i chʌmelob.
\q
\v 19 Che' woli' yubiñob wocol tsi' pejcayob lac Yum ti wocol t'an.
\q Tsi' pʌyʌyob loq'uel ti' wocol.
\q
\v 20 Lac Yum tsi' choco majlel i t'an cha'an mi' lajmesañob. Tsi' coltayob.
\q
\v 21 La' lac suben wocolix i yʌlʌ lac Yum cha'an i yutslel,
\q Cha'an ñuc i melbal mu' bʌ i pʌsbeñonla.
\q
\v 22 La' la cʌq'uen Dios wocolix i yʌlʌ yic'ot tsʌnsʌbil bʌ i majtan.
\q La' lac sub i melbal ti' tijicñʌyel lac pusic'al.
\b
\q
\v 23 Winicob mi' cha'leñob xʌmbal ti barco tac ya' ti colem ñajb
\q Cha'an mi' cha'leñob mʌñoñel choñoñel ti ñajtʌl.
\q
\v 24 Jini winicob mi' q'uelbeñob i melbal lac Yum,
\q Jini ñuc tac bʌ i melbal ti tam bʌ ñajb.
\q
\v 25 Mi' tejchel p'ʌtʌl bʌ ic' cha'an ti' mandar lac Yum.
\q Mi' wec'ulan jini ja' c'ʌlʌl ti tocal.
\q
\v 26 Wen chan mi' cha' jubel.
\q Tsiltsilñayob ti bʌq'uen cha'an wocol.
\q
\v 27 Ticlaw mechlawob tsi' meleyob i bʌ che' bajche' xyʌc'ajel.
\q Tsa' toj sajtiyob i pusic'al.
\q
\v 28 Che' woli' yubiñob wocol tsi' pejcayob lac Yum ti wocol t'an.
\q Tsi' pʌyʌyob loq'uel ti wocol.
\q
\v 29 Tsi' ñʌch'tesa jini p'ʌtʌl bʌ ic', tsa' lajmi.
\q Tsi' tiq'ui jini wʌlwʌlña bʌ ja', tsa' ñʌjch'i.
\q
\v 30 Tijicñayobix jini p'ump'uño' bʌ come ñʌch'ʌlix.
\q Lac Yum tsi' pʌyʌyob majlel ba' yomob c'otel.
\q
\v 31 La' lac suben wocolix i yʌlʌ lac Yum cha'an i yutslel,
\q Cha'an jini ñuc bʌ i melbal mu' bʌ i pʌsbeñonla.
\q
\v 32 La' lac ñuq'uesan Dios ti' tojlel jini tempʌbilo' bʌ come ñuc lac Yum.
\q La' lac sub i ñuclel ti' tojlel jini año' bʌ i ye'tel.
\b
\q
\v 33 Dios mi' tiquesan jini colem ja'.
\q Mi' sutq'uin ti tiquin lum ya' ba' tsa' ajni cuxul bʌ ja'.
\q
\v 34 Mi' sutq'uin ti pujch'em bʌ lum jini wen bʌ lum,
\q Cha'an i jontolil jini ya' bʌ chumulob.
\q
\v 35 Mi' sutq'uin jini tiquin lum ti wen bʌ lum.
\q Mi' yʌc' ti loq'uel cuxul bʌ ja' ti tiquin lum.
\q
\v 36 Ya'i mi' yotsañob ti chumtʌl jini woli bʌ i yubiñob wi'ñal.
\q Mi' wa'chocoñob tejclum ba' mi' chumtʌlob.
\q
\v 37 Mi' pʌc'ob cholel yic'ot ts'usubil.
\q Mi' tajob on bʌ i cuch i cholob.
\q
\v 38 Mi' p'ojlelob cha'an ti' yutslel i t'an lac Yum.
\q Ma'anic mi' to'ol chʌmel i wacax.
\b
\q
\v 39 Pero an i tajol mi' jilelob yic'ot wocol
\q Che' mi' ju'sʌbentelob i pusic'al ti wocol yic'ot i ch'ijiyemlel.
\q
\v 40 Dios mi' ts'a'len yumʌlob.
\q Mi' yʌc'ob ti xʌmbal ñumel ti jochol lum ba' ma'anic bij.
\q
\v 41 Pero mi' loc'san ti wocol jini p'ump'uño' bʌ. Mi' melob ti ñuc.
\q Mi' p'ojlesʌbeñob i yalobilob.
\q
\v 42 Jini tojo' bʌ winicob mi' caj i lu' ña'tañob iliyi.
\q Mi' caj i ñuc'añob i pusic'al.
\q Pejtelel mu' bʌ i cha'leñob jontolil mi caj i yubiñob quisin.
\q
\v 43 Jini am bʌ i ña'tʌbal la' i ña'tan iliyi.
\q Che' jini mux i ch'ʌmben isujm cabʌlʌchix i yutslel lac Yum.
\c 108
\s Mi caj i mʌjlel i cha'an
\r (Sal. 57.7-11; 60.6-12)
\p
\v 1 C Dios, xuc'ulon, wen xuc'ul c pusic'al.
\q Mi caj j c'ʌyin a nuclel, mi caj c cha'len c'ay.
\q
\v 2 La' ch'ojyicon, la' c ñijcan amʌy yic'ot arpa.
\q La' ch'ojyicon che' ti wen sʌc'ajel.
\q
\v 3 C Yum, mi caj c subeñet wocolix a wʌlʌ wʌ' ti' tojlel pejtel winicob x'ixicob.
\q Mi caj j c'ʌyiñet ti' tojlelob yan tac bʌ i lumal.
\q
\v 4 Come mi' tsictiyel jini nuc bʌ a wutslel c'ʌlʌl ti panchan,
\q Yic'ot i xuc'tilel a pusic'al ya' ti tocal.
\b
\q
\v 5 Dios, la' tsictiyic a ñuclel c'ʌlʌl ti panchan,
\q La' tsictiyic a ñuclel ti pejtelel pañimil.
\q
\v 6 Coltañon ti ñuc bʌ a p'ʌtʌlel. Jac'beñon coración
\q Cha'an mi' coltʌntelob jini c'uxbibilo' bʌ a cha'an, cha'an mi' loq'uelob ti' p'ʌtʌlel i contrajob.
\b
\q
\v 7 Dios, tsa' wʌc'ʌ a t'an ti Ch'ujul bʌ Ajñibʌl:
\q Mi caj i mʌjlel c cha'an, mi caj c bic'ti t'oxe' Siquem.
\q Mi caj c p'is jini joctʌl ya' ti Sucot.
\q
\v 8 Galaad c cha'añʌch, Manasés c cha'añʌch.
\q Efraín i wentajʌch ts'ajquibil bʌ cotot.
\q Judá i wentajʌch orote', i yejtal que'tel.
\q
\v 9 Moab jiñʌch to'o x'e'tel c cha'an mu' bʌ i pocbeñon coc.
\q Edom jiñʌch to'o x'e'tel mu' bʌ i cʌntʌbeñon c xʌñʌb.
\q Mi caj c cha'len oñel ya' ti Filistea cha'an tsa' mʌjli c cha'an, che'et.
\b
\q
\v 10 ¿Majqui mi caj i pʌyon ochel ti Edom ti jini p'ʌtʌl bʌ tejclum?
\q
\v 11 Dios, ¿mach ba chocbilonic lojon a cha'an?
\q Ma'anix ma' pi'leñob majlel ti guerra jini soldadojob c cha'an lojon.
\q
\v 12 Dios, aq'ueñon lojon c p'ʌtʌlel come cabʌlob j contrajob,
\q Come lolom jach i coltaya winic.
\q
\v 13 Pero ch'ejl mi caj c pʌs lojon c bʌ ti' tojlelob.
\q Come jatet Dios mi caj a t'uchtan j contrajob lojon.
\c 109
\s Mi' c'ajtin i coltʌntel come an i contra
\p
\v 1 Dios, mic sub a nuclel. Mach yomic che jach ñʌch'ʌlet.
\q
\v 2 Come woli' contrajiñoñob jontol bʌ winicob yic'ot i lot.
\q Mi' jop'ob t'an tij contra.
\q
\v 3 Mi' joyoñob ti ts'a'leya. Mi' techob leto anquese ma'anic c mul.
\q
\v 4 C'ux mi cubiñob.
\q Mic tajob ti oración, pero mi' p'ajoñob.
\q
\v 5 Che' mic pʌsbeñob cutslel mi' cha' q'uextañob jontolil.
\q Anquese mij c'uxbiñob mi' ts'a'leñoñob.
\b
\q
\v 6 La' pʌjyic ti meloñel ti' wenta jontol bʌ juez.
\q La' ajnic ti' wenta xjop't'an.
\q
\v 7 Che' mi' mel i bʌ ba'an juez la' i yʌq'uen i toj i mul.
\q La' q'uejlic ti mulil i yoración.
\q
\v 8 La' chʌmic che' ma'anic cabʌl i jontolil.
\q La' wa'chocontic yambʌ cha'an mi' ch'ʌmben i ye'tel.
\q
\v 9 La' cʌlecob ti meba' i yalobilob.
\q La' cʌlec ti meba' i yijñam.
\q
\v 10 La' i cha'leñob pam xʌmbal ñumel i yalobilob.
\q La' i c'ajtiñob ñumel i waj che' chocbilob loq'uel ti' yotot.
\q
\v 11 La' tilic x'ac taq'uin i chilben pejtelel i chubʌ'an cha'an i bet.
\q La' tilicob jini mach bʌ cʌmbilobic i cha'an i chilbeñob i c'ajbal.
\q
\v 12 Mach mi' chʌn pʌsben i yutslel mi juntiquilic.
\q Mach mi' p'untʌntelob jini meba alʌlob i cha'an.
\q
\v 13 La' jilicob i p'olbal.
\q La' ñajʌyic i c'aba' ti' pusic'al winicob x'ixicob che' woli' colelob i yalobilob i yalobilob.
\q
\v 14 C Yum, ña'tʌben i jontolil i tat.
\q Mach yomic mi' ñajʌyel ti a pusic'al i mul i na'.
\q
\v 15 Yom ma' chʌn ña'tan i mulob ti pejtelel ora.
\q La' jilic i na'tʌntel ili winic ti pañimil.
\q
\v 16 Come ma'anic tsi' pʌsʌ i yutslel.
\q Tsi' chʌn tic'la jini pobrejob yic'ot jini p'ump'uño' bʌ,
\q Yic'ot ch'ijiyemo' bʌ i pusic'al jinto tsa' chʌmiyob.
\q
\v 17 Cabʌl tsi' cha'le p'ajoñel, jini cha'an la' p'ajlec.
\q Ma'anic tsi' c'ajtibe i yutslel Dios.
\q Jini cha'an mach i tajayic i yutslel Dios ti pejtelel ora.
\q
\v 18 Mi' cha'len p'ajoñel che' bajche' mi' xoj i bujc, che' bajche' mi' cha'len we'el uch'el.
\b
\q
\v 19 La' wʌlʌc sujtic ti' tojlel i p'ajoñel i wenta i mosil, i wenta i cajchiñʌc' mu' bʌ i cʌch ti jujump'ejl q'uin.
\b
\q
\v 20 Dios, yom ma' wʌq'ueñob i toj i mul jini mu' bʌ i jop'beñon c mul,
\q Yic'ot jini mu' bʌ i p'ajon cha'an mi cʌjq'uel ti chʌmel.
\q
\v 21 Pero jatet, c Dios, c Yum, p'untañon cha'an ma' wʌc' ti ñuc a c'aba',
\q Coltañon loq'uel ti wocol ti a wutslel come wen awujil c'uxbiya.
\q
\v 22 P'ump'uñon, cabʌl c wocol. Ch'ijiyem c pusic'al.
\q
\v 23 Mi caj j cʌy pañimil che' bajche' mi' majlel axñal ti och'ajel q'uin.
\q Chocbilon che' bajche' mi lac ñijcan majlel jichitin.
\q
\v 24 C'unix c pix cha'an wolic bi'len i bʌl c ñʌc'.
\q Jilemix c bʌc'tal, yajyajonix.
\q
\v 25 Mi' wajleñoñob winicob.
\q Che' mi' q'ueloñob mi' yʌlob ma'anic c pijtaya.
\b
\q
\v 26 Aq'ueñon c p'ʌtʌlel, c Yum Dios.
\q Coltañon yic'ot a wutslel.
\q
\v 27 Tsictesan a wutslel cha'an mi' laj ña'tañob
\q Jiñʌch a melbal, c Yum.
\q
\v 28 Che' ma' pʌsbeñon i yutslel a t'an, ma'anic mic bʌc'ñan i p'ajoñel.
\q La' i yubiñob quisin jini j contrajob, pero la' ñuc'ac c pusic'al come a winicon.
\q
\v 29 La' ts'a'lenticob j contrajob.
\q La' i cha'leñob quisin che' bajche' xojol bʌ i cha'an bibi' bʌ pisil, come tsi' yʌc'ʌyob i bʌ ti jontolil.
\q
\v 30 Mi caj c suben wocolix i yʌlʌ lac Yum ti c'am bʌ t'an.
\q Mi caj c sub i ñuclel ti' tojlel jini tempʌbilo' bʌ.
\q
\v 31 Come wʌ'an lac Yum ti' t'ejl jini p'ump'un bʌ
\q Cha'an mi' yʌc' ti colel ti' p'ʌtʌlel jini yomo' bʌ i jisan.
\c 110
\s Mesías, jiñʌch Rey, Motomaj
\p
\v 1 Lac Yum tsi' sube c Yum:
\q Buchi' tic ñoj jinto mi cʌq'ueñet a t'uchtan a contrajob, che'en.
\b
\q
\v 2 Lac Yum tsi' buchchocoyet ti a yumʌntel ya' ti Sion.
\q Cha'len yumʌl ti' tojlel a contrajob.
\q
\v 3 A winicob x'ixicob mi caj i yʌc'ob i bʌ ti jump'ejl i pusic'al che' ma' cha'len yumʌl ti' tojlelob.
\q Ch'ujul mi caj i pʌsob i bʌ ti a tojlel che' ti wen sʌc'ajel.
\q A cha'añob jini ch'iton winicob, jini ch'ejlo' bʌ.
\q
\v 4 Lac Yum tsi' yʌc'ʌ i t'an, mach yujilic q'uextiyel.
\q Jatet motomajet ti pejtelel ora.
\q Che'ʌch a motomajil bajche' i motomajil Melquisedec, che'en.
\b
\q
\v 5 Lac Yum an ti ñoj bʌ a c'ʌb.
\q Mi caj i jisan cabʌl reyob che' ti' yorajlel i mich'ajel.
\q
\v 6 Mi caj i melob winicob x'ixicob ti pejtelel pañimil.
\q Mi caj i lʌts majlel cabʌl xchʌmelob.
\q Mi caj i jisan yumʌlob ti pejtelel pañimil.
\q
\v 7 Mi caj i jap ja' ti pa' che' mi' majlel ti bij.
\q Che' jini mi caj i p'ʌtan majlel.
\c 111
\s Dios mi' cʌntan i cha'año' bʌ
\p
\v 1 ¡Aleluya! Ti pejtelel c pusic'al mic suben wocolix i yʌlʌ lac Yum ti' tojlel jini tojo' bʌ mu' bʌ i tempañob i bʌ.
\q
\v 2 Wen ñuc i melbal lac Yum ti' tojlel pejtel mu' bʌ i cʌñob
\q Mu' bʌ i tajob i tijicñʌyel i pusic'al cha'an i ye'tel.
\q
\v 3 Ti pejtelel i melbal mi laj q'uel i ñuclel i yumʌntel.
\q Toj mi' yajñel ti pejtelel ora.
\q
\v 4 Tsi' yʌc'ʌ ti chʌn ña'tʌntel jini ñuc tac bʌ i melbal.
\q Uts lac Yum, mi' p'untañonla.
\q
\v 5 Mi' we'san jini mu' bʌ i bʌc'ñañob.
\q Ti pejtelel ora mi' ña'tan jini xuc'ul bʌ i t'an.
\q
\v 6 Tsi' tsictesa i p'ʌtʌlel ti' tojlel i cha'año' bʌ.
\q Tsi' chilbeyob i lum jini sajtemo' bʌ cha'an mi' yʌq'ueñob.
\q
\v 7 Xuc'ul pejtel i melbal, toj ja'el.
\q Isujm pejtel i cʌntesa.
\q
\v 8 Xuc'chocobil i t'an ti pejtelel ora.
\q Mi' laj ts'ʌctiyel cha'an i xuc'tilel i pusic'al yic'ot i tojel.
\q
\v 9 Lac Yum tsi' mʌñʌ i cha'año' bʌ.
\q Tsi' yʌc'ʌ xuc'ul bʌ i t'an mu' bʌ i yajñel ti pejtelel ora.
\q Ch'ujul i c'aba', bʌc'ñʌbil ja'el.
\q
\v 10 Jiñʌch i cajibal lac ña'tʌbal che' mi lac bʌc'ñan lac Yum.
\q Mi' wen ña'tañob pañimil pejtel mu' bʌ i jac'beñob i mandar.
\q Mux i sujbel i ñuclel lac Yum ti pejtelel ora.
\c 112
\s I wenlel mu' bʌ i bʌc'ñan lac Yum
\p
\v 1 ¡Aleluya! Tijicña jini winic mu' bʌ i bʌc'ñan lac Yum, mu' bʌ i taj i tijicñʌyel i pusic'al cha'an i mandar.
\q
\v 2 Ñuc mi caj i q'uejlelob i yalobilob ti' lumal.
\q I yalobilob jini toj bʌ mi caj i yʌq'uentelob i yutslel i t'an Dios.
\q
\v 3 Wen chumul jini winic. An cabʌl i chubʌ'an ti' yotot.
\q Mi caj i chʌn ña'tʌntel cha'an toj bʌ i melbal.
\q
\v 4 An i c'ajc che' mi' yic'an pañimil.
\q Uts i pusic'al jini toj bʌ yujil bʌ p'untaya.
\q
\v 5 An i wenlel jini mu' bʌ i p'ew i chubʌ'an, mu' bʌ i yʌc' ti majan i chubʌ'an, mu' bʌ i mel i ye'tel ti toj.
\q
\v 6 Jini winic mi caj i cʌntʌntel ti' yorajlel wocol.
\q Mi caj i chʌn ña'tʌntel ti pejtelel ora.
\q
\v 7 Ma'anic mi' bʌc'ñan jini bʌbʌq'uen bʌ mi' tilel.
\q Come xuc'ul i pusic'al woli' wen ñop lac Yum.
\q
\v 8 Ñuc i pusic'al, ma'anic mi' caj ti bʌq'uen ti' tojlel i contrajob.
\q
\v 9 Mi' wen p'ew i chubʌ'an. Mi' t'oxbeñob jini p'ump'uño' bʌ.
\q Toj mi' yajñel ti pejtelel ora.
\q Mi caj i yʌq'uentel ñuc bʌ i ye'tel yic'ot i c'uxbintel.
\q
\v 10 Jini xjontolil mi caj i mel i pusic'al che' mi' q'uel.
\q Mich' mi caj i q'uel, tsʌytsʌña jax i pusic'al, pero mi caj i sʌc jilel.
\q Jini jontolo' bʌ ma'anic mi caj i tajob chuqui tac yomob.
\c 113
\s Dios mi' p'untan jini pobre
\p
\v 1 ¡Aleluya!
\q Subula nuc lac Yum, i winiquet bʌ la.
\q Subula nuc i c'aba' lac Yum.
\q
\v 2 La' sujbic i nuclel i c'aba' lac Yum wʌle yic'ot ti pejtelel ora.
\q
\v 3 Ya' ti' pasibal q'uin c'ʌlʌl ti' bʌjlibal q'uin la' sujbic i nuclel i c'aba' lac Yum.
\b
\q
\v 4 Ñumen ñuc lac Yum bajche' pejtelel winicob x'ixicob ti pejtelel lum.
\q Tsiquil i ñuclel ya' ti panchan.
\q
\v 5 ¿Majqui lajal bajche' lac Yum Dios? Ma'anic yambʌ.
\q Buchul lac Yum ti' ye'tel ya' ti chan.
\q
\v 6 Mi' ju'san i wut cha'an mi' q'uel panchan yic'ot pañimil.
\q
\v 7 Mi' loc'san pobre ba' c'ax p'ump'un.
\q Mi' tech ch'ojyel p'ump'un bʌ ba' chocbil,
\q
\v 8 Cha'an mi' buchchocon ti' tojlel yumʌlob c'uxbibilo' bʌ i cha'an winicob x'ixicob.
\q
\v 9 Mi' yʌq'uen i cʌntan i yalobil jini to'ol wa'al jach bʌ x'ixic.
\q Tijicña i pusic'al mi' mec' i yalobilob.
\q ¡Aleluya!
\c 114
\s Ñuc bʌ i melbal Dios ti Egipto
\p
\v 1 Che' bʌ tsa' loq'ui Israel ti Egipto, ti' tojlel egiptojob parte bʌ i t'an,
\q
\v 2 Judá tsa' ochi ti' tejclum Dios.
\q Ya' tsi' cha'le i yumʌntel Dios.
\b
\q
\v 3 Jini ñajb tsi' q'uele yilal, tsa' puts'i majlel.
\q Jini Jordán ja' tsa' cha' sujti.
\q
\v 4 Tsa' tijp'i majlel wits yilal, che' bajche' i tat chivo.
\q Tsa' tijp'i majlel alʌ bujtʌl che' bajche' tiñʌme'.
\b
\q
\v 5 ¿Chucoch tsa' puts'iyet ñajb?
\q Jatet Jordán ja', ¿chucoch tsa' sujtiyet?
\q
\v 6 Jatet wits, ¿chucoch tsa' tijp'iyet che' bajche' i tat tiñʌme'?
\q Jatet bujtʌl, ¿chucoch tsa' tijp'iyet che' bajche' alʌ tiñʌme'?
\b
\q
\v 7 Jatet pañimil, yom tsiltsilñayet ti' tojlel lac Yum, ti' tojlel i Dios Jacob.
\q
\v 8 Jiñʌch tsa' bʌ i yʌc'ʌ ti loq'uel yʌx bʌ ja' ti xajlel.
\q Tsi' yʌc'ʌ ti loq'uel cuxul bʌ ja' ti xajlel.
\c 115
\s Dios yic'ot dioste' tac
\p
\v 1 Tsictesan i ñuclel a c'aba', c Yum,
\q Mach cha'anic mij q'uejlel lojon ti ñuc, pero cha'an ma' q'uejlel ti ñuc.
\q Cha'an cabʌl a c'uxbiya, wen xuc'ulet.
\q
\v 2 ¿Chucoch mi' lon alob jini sajtemo' bʌ:
\q ¿Bacan tsiquil i Dios? che'ob?
\b
\q
\v 3 Ya'ʌch an lac Dios ti panchan.
\q Mi' mel chuqui jach yom i pusic'al.
\q
\v 4 I diostac sajtemo' bʌ, i melbalob jach winicob.
\q Mi' melob ti sʌsʌc taq'uin yic'ot c'ʌnc'ʌn taq'uin.
\q
\v 5 An i yej, pero mach yujilic t'an.
\q Canal i wut, pero ma'anic chuqui mi' q'uel.
\q
\v 6 An i chiquin, pero ma'anic mi' yubin t'an.
\q An i ñi', pero ma'anic chuqui mi' sic'.
\q
\v 7 An i c'ʌb, pero ma'anic mi' ñijcan.
\q An i yoc, pero mach yujilic xʌmbal.
\q Ma'anic mi' loq'uel t'an ti' bic'.
\q
\v 8 Pejtel mu' bʌ i melob dioste', mu' bʌ i ñopob, junlajalob yic'ot.
\b
\q
\v 9 Jatetla, israelob, ñopola lac Yum.
\q Jiñʌch la' p'ʌtʌlel, jiñʌch la' mʌctʌjib.
\q
\v 10 Jatetla i yalobilet bʌ la Aarón, ñopola lac Yum.
\q Jiñʌch la' waj coltaya, la' mʌctʌjibʌch.
\q
\v 11 Jatetla mu' bʌ la' bʌc'ñan lac Yum, ñopola lac Yum.
\q Lac p'ʌtʌlelʌch, lac mʌctʌjibʌch.
\q
\v 12 Woli' ña'tañonla lac Yum. Mi caj i yʌq'ueñonla i yutslel i t'an.
\q Mi caj i yʌq'ueñob i yutslel i t'an israelob
\q Yic'ot i yalobilob Aarón.
\q
\v 13 Lac Yum mi caj i yʌq'ueñob i yutslel i t'an jini mu' bʌ i c'uxbiñob,
\q Jini ch'o'ch'oco' bʌ yic'ot jini ñuco' bʌ.
\b
\q
\v 14 La' i p'ojlesañetla yic'ot la' walobilob.
\q
\v 15 Lac Yum tsa' bʌ i mele panchan yic'ot pañimil woli' yʌq'ueñetla i yutslel i t'an.
\b
\q
\v 16 Lac Yum i yumʌch panchan.
\q Pero tsi' yotsa pañimil ti' wenta winicob x'ixicob.
\q
\v 17 Jini chʌmeño' bʌ ma'anix mi' subob i ñuclel lac Yum wʌ' ti pañimil, come ñʌch'ʌlob ti mucoñibʌl.
\q
\v 18 Pero joñonla mi mejlel lac sub ti ñuc lac Yum wʌle yic'ot ti pejtelel ora.
\q ¡Aleluya!
\c 116
\s Wocolix i yʌlʌ Dios cha'an ma'anic tsa' chʌmi
\p
\v 1 Mij c'uxbin c Yum come tsi' yubibeyon coración che' bʌ tsac pejca ti wocol t'an.
\q
\v 2 Mi' yubibeñon coración.
\q Jini cha'an mi caj c chʌn pejcan che' cuxulon to.
\q
\v 3 Colelix c chʌmel, tsa' cʌn jujch'iyon.
\q Tsac cha'le bajq'uel che' bajche' jini woliyo' bʌ ti chʌmel.
\q Cabʌl tsa cubi wocol, ch'ijiyem jax c pusic'al.
\q
\v 4 Tsa' caji c pejcan lac Yum ti' c'aba'.
\q Awocolic c Yum, coltañon.
\b
\q
\v 5 Uts lac Yum, toj ja'el.
\q Mi' p'untañonla lac Dios.
\q
\v 6 Lac Yum mi' cʌntan jini p'ump'uño' bʌ.
\q Che' an cabʌl c tic'lʌntel tsi' coltayon.
\q
\v 7 La' sujticon ti pejtelel c pusic'al ba' mij c'aj co,
\q Come c Yum tsi' wen pʌsbeyon i yutslel.
\b
\q
\v 8 Tsa' loc'sayon ba' colel c chʌmel,
\q Tsa' sujcubeyon i ya'lel c wut.
\q Tsa' p'ʌtesa coc che' colel c yajlel.
\q
\v 9 Mi caj cajñel ti' tojlel lac Yum che' cuxulon to wʌ' ti pañimil.
\q
\v 10 Ba' ora woliyon ti cabʌl wocol tsac chʌn ñopo Dios.
\q
\v 11 Tsa cʌlʌ xlotob pejtel winicob,
\q Come tsac lon ña'ta mach lajmicon.
\b
\q
\v 12 ¿Pero wʌle chuqui mi mejlel cʌq'uen lac Yum
\q Cha'an pejtelel i yutslel tsa' bʌ i pʌsbeyon?
\q
\v 13 Mi caj c ch'ʌm jini taza i yejtalʌch j coltʌntel.
\q Mi caj c pejcan c Yum, come p'ʌtʌl i c'aba'.
\q
\v 14 Ya' ti' tojlel i cha'ano' bʌ
\q Mi caj c ts'ʌctesan c t'an tsa' bʌ c sube c Yum.
\q
\v 15 Lac Yum mi' wen p'untan i cha'ano' bʌ che' mi' chʌmelob.
\q
\v 16 C Yum, a winicon. Mi caj c yumañet come tsa' jitiyon.
\q
\v 17 Mi caj c subeñet wocolix a wʌlʌ che' mi cʌq'ueñet tsʌnsʌbil bʌ a majtan.
\q Mi caj c pejcañet ti a c'aba'.
\q
\v 18 Ya' ti' tojlel pejtel i cha'año' bʌ
\q Mi caj c ts'ʌctesan c t'an tsa' bʌ c sube c Yum
\q
\v 19 Ya' ti' pam i yotot lac Yum, ti' yojlil Jerusalén.
\q ¡Aleluya!
\c 117
\s I yutslel i pusic'al lac Yum
\p
\v 1 Subula i ñuclel lac Yum añet bʌ la ti mojt ti mojt ti pejtelel lum.
\q Subula i ñuclel lac Yum pejtel winicob x'ixicob.
\q
\v 2 Come cabʌl mi' pʌsbeñonla i yutslel i pusic'al.
\q Xuc'ul i t'an.
\q Subula i ñuclel lac Yum.
\c 118
\s Wocolix i yʌlʌ lac Yum mu' bʌ i coltañonla
\p
\v 1 Aq'uenla wocolix i yʌlʌ lac Yum, come uts'at lac Yum.
\q Ti pejtelel ora an i yutslel i pusic'al.
\b
\q
\v 2 La' i yʌlob jini israelob:
\q Ti pejtelel ora an i yutslel i pusic'al.
\q
\v 3 La' i yʌlob i yalobilob Aarón:
\q Ti pejtel ora an i yutslel i pusic'al.
\q
\v 4 La' i yʌlob jini mu' bʌ i ch'ujutesañob lac Yum:
\q Ti pejtelel ora an i yutslel i pusic'al.
\b
\q
\v 5 Che' bʌ tsa cubi wocol tsac pejca lac Yum.
\q Tsi' jac'beyon, tsi' yʌc'ʌyon ti colel.
\q
\v 6 Lac Yum an quic'ot.
\q Ma'anic mi caj c bʌc'ñan chuqui mi' tumbeñoñob winicob.
\q
\v 7 Lac Yum mi' yajñel quic'ot. Mi' yʌq'ueñon c p'ʌtʌlel.
\q Mi caj j q'uel i jilibal jini mu' bʌ i ts'a'leñon.
\q
\v 8 Yom mi lac xuc'chocon lac pusic'al yic'ot lac Yum.
\q Mach yomic mi la cʌc' lac pusic'al yic'ot winicob.
\q
\v 9 Yom mi lac xuc'chocon lac pusic'al ti' wenta lac Yum.
\q Mach yomic mi la cʌc' lac pusic'al ti' wenta yumʌlob.
\b
\q
\v 10 Jini sajtemo' bʌ ti jujumpejt tejclum tsi' joyoyoñob.
\q Tsac t'uchtayob ti' c'aba' lac Yum.
\q
\v 11 Tsi' joyoyoñob. Isujm, joyolon i cha'añob,
\q Pero tsac t'uchtayob ti' c'aba' lac Yum.
\q
\v 12 Jomjomñayob tic t'ejl che' bajche' i chʌñil chab.
\q Colel i pulon che' bajche' ch'ix woli bʌ ti lejmel tic joytilel.
\q Ti' c'aba' c Yum tsac bajbeyob jubel.
\q
\v 13 Wen ñet'elon, colel c yajlel,
\q Pero lac Yum tsi' loc'sayon.
\q
\v 14 Lac Yum c p'ʌtʌlelʌch. Jiñʌch mu' bʌ j c'ʌyin.
\q Jiñʌch xcoltaya c cha'an.
\b
\q
\v 15 Ubinla jini tijicña bʌ t'an ti' chumlib jini tojo' bʌ
\q Come tsa' mʌjliyob i cha'an ti' p'ʌtʌlel lac Yum.
\q
\v 16 Wen ñuc i p'ʌtʌlel lac Yum.
\q Cha'an ti' p'ʌtʌlel lac Yum mi' mʌjlel lac cha'an.
\q
\v 17 Ma'anic mi caj c chʌmel. Mi caj j cuxtiyel.
\q Mi caj c sub i melbal lac Yum.
\q
\v 18 Lac Yum tsi' wen ju'sʌbeyon c pusic'al ti wocol,
\q Pero ma'anic tsi' yʌc'ʌyon ti chʌmel.
\b
\q
\v 19 Jambeñon i puertajlel Templo ya' ba' mi' yochelob jini tojo' bʌ,
\q Cha'an mi cochel cʌq'uen wocolix i yʌlʌ lac Yum.
\q
\v 20 Jiñʌch i puertajlel lac Yum ba' mi' cajelob ti ochel jini tojo' bʌ.
\b
\q
\v 21 Mic subeñet wocolix a wʌlʌ come tsa' jac'beyon.
\q Tsa' ochiyet ti caj coltaya.
\q
\v 22 Jini xajlel ts'a'lebil bʌ i cha'an xmel ototob
\q Tsa'ix otsʌnti ti' xujc otot.
\q
\v 23 Jiñʌch i melbal lac Yum. Uts'atax mi laj q'uel.
\q
\v 24 Ili tsic i melbalʌch lac Yum.
\q La' la cubin tijicña. Yom tijicña mi laj q'uel.
\q
\v 25 C Yum, awocolic, coltañon lojon.
\q Awocolic c Yum, la' loq'uic ti uts'at chuqui mic mel lojon.
\q
\v 26 Tijicña jini mu' bʌ i tilel ti' c'aba' lac Yum.
\q Wʌ' ti a wotot, c Yum, mi cʌq'ueñet lojon i yutslel c t'an.
\q
\v 27 Jiñʌch Dios lac Yum. Tsi' yʌc'ʌ i sʌclel pañimil ti lac pusic'al.
\q Cʌchʌla jini tsʌnsʌbil bʌ i majtan ti ch'ajan wʌ' ti' xulub pulʌntib.
\b
\q
\v 28 Jatet c Dioset, mi caj c subeñet wocolix a wʌlʌ.
\q C Dios, mi caj c pʌs a ñuclel.
\q
\v 29 Subenla wocolix i yʌlʌ lac Yum, come uts'at lac Yum.
\q Ti pejtelel ora an i yutslel i pusic'al.
\c 119
\s Uts'atax i mandar Dios
\p
\v 1 Tijicñayob jini tojo' bʌ mu' bʌ i cha'leñob xʌmbal che' bajche' ts'ijbubil ti' cʌntesʌbal lac Yum.
\q
\v 2 Tijicñayob jini mu' bʌ i jac'ob a t'an, mu' bʌ i sʌclañet c Yum, ti pejtelel i pusic'al.
\q
\v 3 Ma'anic mi' cha'leñob jontolil.
\q Mi' cha'leñob xʌmbal ti a bijlel c Yum.
\q
\v 4 Tsa'ix a wʌc'ʌ a ley cha'an mic wen jac' lojon.
\q
\v 5 La' xuc'lecon cha'an mic cha'len chuqui uts'at
\q Che' bajche' ts'ijbubil.
\q
\v 6 Che' jini ma'anic mi caj cʌjq'uel ti quisin,
\q Come mic wen q'uel pejtelel a mandar.
\q
\v 7 Mi caj c subeñet wocolix a wʌlʌ ti xuc'tilel c pusic'al
\q Che' mi cubin c toj'esʌntel.
\q
\v 8 Mi caj c jac'.
\q Mach ma' junyajlel cʌyon.
\b
\q
\v 9 ¿Bajche' mi mejlel i cʌntan i bʌ cha'an sʌc mi' yajñel jini ch'iton winic?
\q Mi' cʌntan i bʌ che' mi' jac' a t'an.
\q
\v 10 Mic sʌclañet ti pejtelel c pusic'al.
\q Cʌntesañon a mandar ame mij cʌy a bijlel.
\q
\v 11 Tsa'ix cotsa a t'an tic pusic'al
\q Cha'an ma'anic mic cha'len mulil ti a contra.
\q
\v 12 Uts'atet c Yum, cʌntesañon ti a mandar.
\q
\v 13 A cha'añʌch jini quej cha'an mic laj sub chubʌ tsa' wʌlʌ.
\q
\v 14 Tijicñayon che' bajche' wen chumul bʌ
\q Che' mic jac' a t'an.
\q
\v 15 Mi caj c p'is tic wenta chuqui tsa' tsictesa.
\q Mi caj j q'uel ti ñuc a melbal.
\q
\v 16 Tijicñayon cha'an a ts'ijbujel.
\q Ma'anic mi' ñajʌyel a t'an tic pusic'al.
\b
\q
\v 17 A winicon. Aq'ueñon chuqui wen ti' yutslel a pusic'al,
\q Cha'an mic chʌn jac' a t'an.
\q
\v 18 Cambeñon c wut cha'an mij q'uel jini ñuc tac bʌ a cʌntesʌbal.
\q
\v 19 Xñumelon ti pañimil.
\q Mach ma' mʌcbeñon a mandar.
\q
\v 20 Ti jujump'ejl q'uin wersa com cubin j cʌntesʌntel ti pejtelel c pusic'al.
\q
\v 21 Tsa'ix a tiq'ui jini chan bʌ mi' melob i bʌ.
\q Chocbilob ti a tojlel cha'an tsi' cʌyʌyob a mandar.
\q
\v 22 Mach ma' wʌc'on ti a'lentel yic'ot ts'a'lentel
\q Come wolic jac' a t'an.
\q
\v 23 Anquese mi' tempañob i bʌ yumʌlob cha'an mi' temob i t'an tij contra,
\q Joñon mi caj c chʌn ña'tan c mel chuqui a wom, come a winicon.
\q
\v 24 Isujm, tijicña c pusic'al cha'an a t'an,
\q Come mi' pʌsbeñon bajche' yom mic mel.
\b
\q
\v 25 Wen ch'ijiyemon, pʌcʌlon ti ts'ubejn yilal.
\q Cha' ch'ejl'esʌbeñon c pusic'al yic'ot a t'an.
\q
\v 26 Tsa'ix c subeyet c sajtemal, tsa'ix a wubiyon.
\q Cʌntesañon ti a mandar.
\q
\v 27 Aq'ueñon c ch'ʌmben i sujm.
\q Che' jini mi caj cotsan tic pusic'al jini ñuc tac bʌ a melbal.
\q
\v 28 Mi' c'uñ'an c pusic'al cha'an wocol.
\q P'ʌtesañon ti a t'an.
\q
\v 29 Cʌntañon ame mic ñopben i melbal jini payxo bʌ.
\q Cʌntesañon ti' yutslel a pusic'al.
\q
\v 30 Tsa'ix c yajca jini isujm bʌ bij.
\q Mij q'uel ti ñuc pejtel chuqui tsa' wʌlʌ.
\q
\v 31 Mi cʌc' c bʌ ti' jac'ol.
\q C Yum, mach ma' wʌc'on ti quisin.
\q
\v 32 Mi caj c bʌc' jac'beñet a mandar che' cʌntesʌbilon
\q Cha'an mi cutsi ch'ʌmben isujm.
\b
\q
\v 33 C Yum, cʌntesanon ti' sujmlel jini ts'ijbubil bʌ a t'an cha'an mic chʌn jac' ti pejtelel ora.
\q
\v 34 Aq'ueñon c ch'ʌmben isujm, cha'an mic jac'beñet a cʌntesa ti jump'ejl c pusic'al.
\q
\v 35 Toj'esañon majlel ti a bijlel,
\q Come tijicña mi cubin a mandar.
\q
\v 36 Yom ma' wʌc' c pusic'al ti jini tsa' bʌ a wʌlʌ,
\q Ame mi cʌc' c pusic'al ti' mulʌntel taq'uin.
\q
\v 37 Mʌybeñon c wut ame mic chʌn q'uel jini lolom jach bʌ.
\q Ch'ejlesañon ti a bijlel.
\q
\v 38 Xuc'chocoñon che' bajche' tsa' subeyon,
\q Cha'an mi' tajob i wenlel jini mu' bʌ i bʌc'ñañet.
\q
\v 39 Mic bʌc'ñan c wajlentel che' mic mel chuqui uts'at
\q Che' bajche' tsa' cʌntesayon.
\q
\v 40 Wersa com c ñop a t'an.
\q Cha' ch'ejlesañon come toj a pusic'al.
\b
\q
\v 41 C Yum, pʌsbeñon i yutslel a pusic'al.
\q Coltañon che' bajche' tsa' subu.
\q
\v 42 Che' jini mi caj c toj'esan majlel jini mu' bʌ i wajleñoñob,
\q Come wolic ñop a t'an.
\q
\v 43 Mach sajtic a t'an tic pusic'al, come isujmʌch.
\b
\q Wolic pijtan i ts'ʌctesʌntel.
\q
\v 44 Mi caj c jac'beñet a cʌntesa wʌle yic'ot ti pejtelel ora.
\q
\v 45 Tijicña mi caj cajñel ti a bijlel come librejonix,
\q Come tsa'ix c wen ñopo a t'an.
\q
\v 46 Mi caj c sub a ña'tʌbal ti' tojlel reyob.
\q Ma'anic majch mi caj i yʌc'on ti quisin.
\q
\v 47 Tijicñayon cha'an a mandar,
\q Come c'ux mi cubin.
\q
\v 48 Mic ch'ujutesan a mandar mu' bʌ j c'uxbin.
\q Mi caj c chʌn ña'tan tic pusic'al.
\b
\q
\v 49 Yom chʌn c'ajal a cha'an jini t'an tsa' bʌ a sube a winic,
\q Tsa' bʌ i techbeyon c pijtaya.
\q
\v 50 Mi' ñuq'uesʌbeñon c pusic'al che' woliyon ti wocol.
\q Jini tsa' bʌ a wʌlʌ mi' ch'ejlesʌbeñon c pusic'al.
\q
\v 51 Jini chan bʌ mi' melob i bʌ cabʌl mi' wajleñoñob.
\q Pero ma'anic mij cʌy c ñopet.
\q
\v 52 Che' mij c'ajtesan a melbal ti wajali,
\q Mi' ñuc'an c pusic'al, c Yum.
\q
\v 53 Cabʌl mic mich'len jini jontolo' bʌ mu' bʌ i ñusañob a t'an.
\q
\v 54 Wolij c'ʌyin salmo tac che' poj wʌ' añon ti pañimil.
\q
\v 55 C Yum mic ña'tan a c'aba' ti ac'ʌlel.
\q Mic jac'beñet a cʌntesa.
\q
\v 56 Jiñʌch c wenlel mu' bʌ i ñuq'uesan c pusic'al.
\q Wolic jac'beñet a t'an.
\b
\q
\v 57 C Yum i wentajet c lum yic'ot c chubʌ'an.
\q Tsa cʌc'ʌ c bʌ ti' jac'ol a t'an.
\q
\v 58 Ti pejtelel c pusic'al mij c'ajtibeñet,
\q Pʌsbeñon a wutslel che' bajche' tsa' wʌlʌ.
\q
\v 59 Tsac ña'ta bajche' añon. Tsac sutq'ui c bʌ cha'an mic cha' tsajcan jini tsa' bʌ a wʌlʌ.
\q
\v 60 Tsac se'ñu c bʌ cha'an mic jac'beñet a mandar.
\q
\v 61 Anquese mi' chucoñob jini jontolo' bʌ che' bajche' ti yac,
\q Ma'anic mi' ñajʌyel tic pusic'al a cʌntesa.
\q
\v 62 Ti yojlil ac'ʌlel mic ch'ojyel cha'an mic subeñet wocolix a wʌlʌ
\q Come toj bajche' ma' mel.
\q
\v 63 I pi'ʌlon pejtel mu' bʌ i bʌc'ñañet.
\q I pi'ʌlon jini mu' bʌ i jac'ob a cʌntesa.
\q
\v 64 C Yum, pam pujquem a wutslel ti pañimil.
\q Cʌntesañon ti a ts'ijbujel.
\b
\q
\v 65 Uts'at bajche' tsa' mele ti' tojlel a winic,
\q Che' bajche' tsa' wʌlʌ, c Yum.
\q
\v 66 Aq'ueñon c ña'tʌbal cha'an mic ch'ʌmben isujm,
\q Come mi cʌc' ti ñuc a mandar.
\q
\v 67 Che' maxto anic tsa cubi wocol tsac xoyo c bijlel.
\q Wʌle wolix c jac'beñet a t'an.
\q
\v 68 Uts'atet, uts'at chuqui wola' mel.
\q Cʌntesañon ti a ts'ijbujel.
\q
\v 69 Jini chan bʌ mi' melob i bʌ woli' jop'ob t'an tij contra.
\q Pero joñon wolic jac' a mandar ti pejtelel c pusic'al.
\q
\v 70 Mach mejlicob i ch'ʌmbeñob isujm a t'an,
\q Pero joñon tijicñayon cha'an a mandar.
\q
\v 71 Uts'at tsa' ju'sʌbeyon c pusic'al yic'ot wocol
\q Cha'an mic p'is tic wenta a ts'ijbujel.
\q
\v 72 Ñumen uts'at mij q'uel a cʌntesa
\q Bajche' cabʌl oro yic'ot sʌsʌc taq'uin.
\b
\q
\v 73 I melbalon a c'ʌb.
\q Tsa' meleyon che' bajche' yom a pusic'al.
\q Aq'ueñon c ch'ʌmben isujm cha'an mic jac' a mandar.
\q
\v 74 Jini mu' bʌ i bʌc'ñañet tijicña mi caj i q'uelon,
\q Come mic pijtan i ts'ʌctesʌntel.
\q
\v 75 Cujil toj ma' cha'len meloñel, c Yum.
\q Tsa' wʌq'ueyon wocol ti' xuc'tilel a pusic'al cha'an ma' ju'sʌbeñon c pusic'al.
\q
\v 76 Awocolic ñuq'uesʌbeñon c pusic'al ti a wutslel
\q Che' bajche' tsa' wʌn sube a winic.
\q
\v 77 Yom ma' p'untañon cha'an cuxul mic chʌn ajñel,
\q Come tijicña mi cubin cha'an a cʌntesa.
\q
\v 78 La' i yubinob quisin jini chan bʌ mi' melob i bʌ,
\q Come tsi' jop'oyob c mul.
\q Pero joñon mic chʌn ña'tan a t'an.
\q
\v 79 Jini mu' bʌ i bʌc'ñañet la' tilic quic'ot.
\q Mi caj j cʌntesan ti a t'an.
\q
\v 80 La' c mel ti jump'ejl c pusic'al bajche' ts'ijbubil.
\q Che' jini ma'anic mi caj cubin quisin.
\b
\q
\v 81 C'uñatax pañimil come jal wolic pijtañet jinto ma' coltañon,
\q Pero xuc'ul to c pusic'al ti a t'an mu' bʌ caj ti ts'ʌctiyel.
\q
\v 82 Mij c'uñ'an cha'an jal mic pijtañet jinto ma' ts'ʌctesan a t'an.
\q ¿Baqui ora mi caj a ñuq'uesan c pusic'al?
\q
\v 83 Lajalon bajche' pʌchi woli bʌ ti woch'an ti' buts'il c'ajc.
\q Pero ma'anic mi' ñajiyel c cha'an chuqui ts'ijbubil.
\q
\v 84 ¿Jayp'ejl to q'uin mic jalijel ti pañimil?
\q A winicon. ¿Baqui ora mi caj a wʌc'ob ti toj mulil jini mu' bʌ i tic'lañoñob?
\q
\v 85 Chan mi' melob i bʌ mu' bʌ i ñusañob a mandar. Yomob i chucon ti yac yilal.
\q
\v 86 Xuc'ul pejtel a mandar.
\q Winicob mi' lon jop'ob c mul. Coltañon.
\q
\v 87 Colel tsi' yʌlʌ i jisayoñob pero ma'anic tsaj cʌyʌ c jac' a t'an.
\q
\v 88 Ch'ejlesʌbeñon c pusic'al, come c'ux wola' wubiñon.
\q Che' jini mi caj c chʌn jac'beñet a t'an.
\b
\q
\v 89 Ti pejtelel ora tsʌts xuc'ul a t'an ti panchan.
\q
\v 90 C Yum, mi caj a pʌsbeñob i xuc'tilel a pusic'al calobilob ti lajm ti lajm.
\q A wa'chocobal jini pañimil c'ʌlʌl wʌle.
\q
\v 91 Anto i ye'tel. Mi' jac' a t'an.
\q Pejtelel melbil tac bʌ mi' yumañet.
\q
\v 92 Machic tsac taja c tijicñʌyel ti a t'an,
\q Tsa' jiliyon cha'an cabʌl c wocol.
\q
\v 93 Ti pejtelel ora ma'anic mi caj i ñajʌyel tic pusic'al a t'an.
\q Chʌn cuxulon to come tsa' ch'ejlesayon ti a t'an.
\q
\v 94 A cha'añonix, coltañon come tsa cʌc'ʌ c bʌ
\q Cha'an mic mel chuqui awom.
\q
\v 95 Jini jontolo' bʌ woli' chijtañoñob cha'an yomob i jisañon,
\q Pero joñon wolic chʌn ac' tic wenta chuqui tsa' wʌlʌ.
\q
\v 96 Tsa'ix j q'uele ba' jaxʌl i mojonlel pejtel chuqui tac an ti pañimil,
\q Pero ma'anic i p'isol a mandar.
\b
\q
\v 97 Cabʌl mij c'uxbin a t'an.
\q Mic chʌn ña'tan c'ʌlʌl mi' sʌc'an c'ʌlʌl mi' yic'an.
\q
\v 98 Ñumen an c na'tʌbal bajche' j contrajob,
\q Come joñon mic chʌn ña'tan a mandar ti pejtelel ora.
\q
\v 99 Ñumen cabʌl mic ch'ʌmben isujm bajche' pejtel mu' bʌ i cʌntesañoñob,
\q Come mi cotsan tic pusic'al jini tsa' bʌ a wʌlʌ.
\q
\v 100 Ts'ita jach mi' ch'ʌmbeñob isujm jini ñoxobix bʌ,
\q Pero cabʌl mic ch'ʌmben isujm cha'an ti' jac'ol a t'an.
\q
\v 101 Ma'anic tsac jac'ʌ c pʌyol ti mulil
\q Cha'an com c jac'beñet a t'an.
\q
\v 102 Ma'anic tsaj cʌyʌ jini bij tsa bʌ a pʌsbeyon,
\q Come cʌntesʌbilon a cha'an.
\q
\v 103 Tsajatax mi cubin a t'an.
\q Ñumen tsaj bajche' chab.
\q
\v 104 Ya' tilem c ña'tʌbal cha'an jini tsa' bʌ a tsictesa.
\q Jini cha'an mic ts'a'len pejtel chuqui tac mach isujmic.
\b
\q
\v 105 Jini a t'an lajalʌch bajche' lámpara* cha'an coc.
\q I sʌclelʌch c bijlel.
\q
\v 106 Tsa'ix cʌc'ʌ c t'an.
\q Mi caj c jac'beñet, come toj ma' cha'len meloñel.
\q
\v 107 C'ax cabʌl woli cubin wocol.
\q C Yum, cha' ch'ejlesʌbeñon c pusic'al yic'ot a t'an.
\q
\v 108 Ch'ʌmʌ c t'an che' bajche' a majtan che' mic subeñet wocolix a wʌlʌ ti pejtelel c pusic'al, c Yum.
\q Cʌntesañon chuqui awom.
\q
\v 109 Bele q'uin bʌbʌq'uen mic chʌmel,
\q Pero mach ñajʌyic tic pusic'al a t'an.
\q
\v 110 Tsi' chajpayob yac jini jontolo' bʌ cha'an mi' chucoñob,
\q Pero xuc'ulon ti a t'an.
\q
\v 111 Mach jilic tic pusic'al ti pejtelel ora jini tsa' bʌ a tsictesa.
\q I tijicñʌyelʌch c pusic'al.
\q
\v 112 Tsa'ix cʌc'ʌ c pusic'al cha'an mic jac'beñet a mandar ti pejtelel ora, c'ʌlʌl mic chʌmel.
\b
\q
\v 113 Mic ts'a'len jini cha'p'ejax bʌ i pusic'al,
\q Pero c'ux mi cubin a t'an.
\q
\v 114 C puts'ibet, c mʌctʌjibet.
\q Xuc'ul c pusic'al cha'an a t'an mu' bʌ caj i ts'ʌctiyel.
\q
\v 115 Jatetla mu' bʌ la' mel jontolil, tʌts'ʌ la' bʌ ba' añon
\q Cha'an mi mejlel c jac'ben i mandar c Dios.
\q
\v 116 C Yum, cʌntañon che' bajche' tsa' wʌlʌ cha'an cuxul mi cajñel.
\q Wolic pijtañet. Mach a wʌc'on ti quisin.
\q
\v 117 P'ʌtesañon cha'an xuc'ul mic chʌn ajñel,
\q Cha'an mic jac' a mandar ti pejtelel ora.
\q
\v 118 Ma' ts'a'len pejtel mu' bʌ i cʌyob a mandar.
\q Mi' wʌlʌc lotiñob i bʌ che' mi' cha'leñob lot.
\q
\v 119 Chocbilob a cha'an pejtel jini jontolo' bʌ ti pañimil
\q Che' bajche' i sujl trigo.
\q Jini cha'an mij c'uxbin a t'an.
\q
\v 120 Tsiltsilñayon come mic bʌc'ñañet.
\q Mic bʌc'ñañet che' ma' cha'len meloñel.
\b
\q
\v 121 Tsa'ix c mele chuqui tac toj chuqui tac wen.
\q Mach a wʌc'on ti' wenta jini mu' bʌ i tic'lañon.
\q
\v 122 Yom ma' ch'ʌmon ti a wenta cha'an ma' wʌq'ueñon c wenlel.
\q Mach a wʌc'on ti' wenta mu' bʌ i chañ'esañob i bʌ.
\q
\v 123 Wolic lujb'an c pijtan j coltʌntel.
\q Cujil mi caj i wersa ts'ʌctiyel a t'an.
\q
\v 124 A winicon, pʌsbeñon i yutslel a pusic'al.
\q Cʌntesañon cha'an mic jac' a mandar che' bajche' ts'ijbubil.
\q
\v 125 A winicon, aq'ueñon c ch'ʌmben isujm a t'an
\q Cha'an mic mel che' bajche' tsa' wʌlʌ.
\q
\v 126 C Yum i yorajlelix ma' cha'len meloñel,
\q Come tsa'ix i ñusayob a ley.
\q
\v 127 Jini cha'an ñumen c'ux mi cubin a mandar bajche' oro.
\q Isujm, ñumen c'ux mi cubin bajche' i t'ojol jax bʌ oro.
\q
\v 128 Jini cha'an mic sub toj pejtel a t'an.
\q Mic ts'a'len pejtelel chuqui tac mach isujmic.
\b
\q
\v 129 Uts'atax a t'an.
\q Jini cha'an mic jac' ti pejtelel c pusic'al.
\q
\v 130 Che' mi' tsictesʌntel a t'an ma' wʌq'ueñon lojon c ch'ʌmben isujm.
\q Ma' wʌq'uen i ña'tan pañimil jini uts bʌ i pusic'al.
\q
\v 131 Wen cabʌl jax c wi'ñal
\q Cha'an com cubin a mandar ti pejtelel c pusic'al.
\q
\v 132 Sutq'uin a bʌ ba' añon. Pʌsbeñon a wutslel,
\q Come i tilelʌch che'ʌch ma' melbeñob mu' bʌ i c'uxbiñob a c'aba'.
\q
\v 133 Toj'esañon majlel cha'an a t'an.
\q Mach ma' wʌc'on ti yajlel ti mulil.
\q
\v 134 Loc'sañon ti' p'ʌtʌlel jini mu' bʌ i tic'lañon,
\q Cha'an mic jac'beñet che' bajche' tsa' cʌntesayon.
\q
\v 135 Yom tijicña a wut ma' q'uelon.
\q Cʌntesañon ti pejtelel a mandar.
\q
\v 136 Woli ti wen loq'uel i ya'lel c wut cha'an i mul winicob x'ixicob
\q Come ma'anic mi' jac'ob a t'an.
\b
\q
\v 137 Tojet c Yum, toj ma' cha'len meloñel.
\q
\v 138 Mach jelchojquic a t'an tsa' bʌ a wʌlʌ. Wen xuc'ul.
\q
\v 139 Jisʌbilon cha'an c bʌxlel ti a we'tel,
\q Come tsa' ñajʌyi a t'an ti' pusic'al j contrajob.
\q
\v 140 Tsa' wʌc'ʌ ti tsictiyel i sʌclel a t'an.
\q A winicon, mij c'uxbin a t'an.
\q
\v 141 Wolij q'uejlel ti ch'o'ch'oc. Wolic ts'a'lentel.
\q Pero mach ñajʌyic tic pusic'al a t'an.
\q
\v 142 Tojet ti pejtelel ora, isujm a cʌntesʌbal.
\q
\v 143 Chuculonix ti wocol yic'ot tsic pusic'al,
\q Pero tijicña c pusic'al cha'an a mandar.
\q
\v 144 Toj ti pejtelel ora jini tsa' bʌ a wʌlʌ.
\q Aq'ueñon c ch'ʌmben isujm cha'an cuxul mic chʌn ajñel.
\b
\q
\v 145 Ti wocol t'an mij c'ajtibeñet,
\q C Yum, jac'beñon. Mi caj c jac'beñet a mandar.
\q
\v 146 C'am mic pejcañet.
\q Coltañon come mic jac'beñet a t'an.
\q
\v 147 Ti wen seb to mic pejcañet.
\q Mic xuc'chocon c pusic'al ti a t'an mu' bʌ caj i ts'ʌctiyel.
\q
\v 148 Cañal c wut ti ac'ʌlel
\q Cha'an mij c'ajtesan a t'an tic pusic'al.
\q
\v 149 Jac'beñon c t'an ti' yutslel a pusic'al.
\q C Yum, cha' ch'ejlesʌbeñon c pusic'al yic'ot a t'an.
\q
\v 150 Lʌc'ʌl añob jini jontolo' bʌ tic t'ejl cha'an mi' tic'lañon.
\q Ñajt añob ba' añet come ma'anic mi' jac'ob a mandar.
\q
\v 151 Pero jatet c Yum, lʌc'ʌlet.
\q Pejtel a mandar puro isujm.
\q
\v 152 C'ʌlʌl ti wajali ña'tʌbil c cha'an jini tsa' bʌ a wʌlʌ.
\q Cujil tsa' wʌc'ʌ a t'an cha'an mi' yajñel ti pejtelel ora.
\b
\q
\v 153 Q'uele c wocol, loc'sʌbeñon.
\q Come ma'anic mi' ñajʌyel tic pusic'al a t'an.
\q
\v 154 Tsictesañon ti toj, coltañon.
\q Cha' ch'ejlesʌbeñon c pusic'al yic'ot a t'an.
\q
\v 155 Mach i tajayobic i coltʌntel jini jontolo' bʌ,
\q Come mach yomobic i jac'ob a mandar.
\q
\v 156 C Yum, wen awujil p'untaya.
\q Cha' ch'ejlesañon yic'ot a t'an.
\q
\v 157 Cabʌlob j contrajob woli bʌ i tic'lañon.
\q Pero ma'anic tsac wis cʌyʌ jini tsa' bʌ a wʌlʌ.
\q
\v 158 Mich' mij q'uel jini xñusa t'añob. Mic ts'a'leñob,
\q Come ma'anic mi' jac'ob a t'an.
\q
\v 159 Q'ueleyon come c'ux mi cubin a t'an.
\q C Yum, cha' ch'ejlesañon yic'ot a wutslel.
\q
\v 160 Junsujm jach a t'an ti pejtelel.
\q Toj ti pejtelel ora pejtel mu' bʌ a sub.
\b
\q
\v 161 Anquese ma'anic c mul mi' tic'lañoñob yumʌlob,
\q Pero mij q'uel ti ñuc a t'an.
\q
\v 162 Wen tijicñayon cha'an a t'an,
\q Che' bajche' jini mu' bʌ i taj cabʌl chubʌ'añʌl.
\q
\v 163 Mic ts'a'len lot,
\q Pero mij c'uxbin a t'an.
\q
\v 164 Ti jujumuc' mic sub a ñuclel ti jujump'ejl q'uin,
\q Come toj chuqui ma' wʌl.
\q
\v 165 Cabʌl i ñʌch'tilel i pusic'al jini mu' bʌ i c'uxbiñob a t'an.
\q Ma'anic mi' jats'ob i yoc che' mi' cha'leñob xʌmbal majlel.
\q
\v 166 Wolic pijtan j coltʌntel ti a tojlel, c Yum.
\q Mic jac'beñet a mandar.
\q
\v 167 Mic jac'beñet a ley ti jump'ejl c pusic'al,
\q Mic wen c'uxbin.
\q
\v 168 Mic jac'beñet a t'an yic'ot a cʌntesa
\q Come wen q'uelbil a cha'an pejtel chuqui mic mel.
\b
\q
\v 169 C Yum, ubin chuqui wolij c'ajtibeñet ti wocol t'an.
\q Aq'ueñon c ch'ʌmben isujm chuqui a wom.
\q
\v 170 La' c'otic ba' añet jini woli bʌ j c'ajtibeñet.
\q Loc'sañon ti wocol che' bajche' tsa' wʌlʌ.
\q
\v 171 Mi caj c sub a ñuclel,
\q Come wola' cʌntesañon ti a ts'ijbujel.
\q
\v 172 La' j c'ʌyibeñet a t'an,
\q Come toj pejtel a mandar.
\q
\v 173 Yom lʌc'ʌl ma' wa'tʌl cha'an ma' coltañon
\q Come tsac ñopo c mel che' bajche' tsa' cʌntesayon.
\q
\v 174 C Yum, ti pejtelel c pusic'al, com ma' coltañon.
\q Mic tijicñesan c pusic'al ti a t'an.
\q
\v 175 La' to ajnicon ti pañimil cha'an mic sub a ñuclel.
\q La' c taj j coltʌntel ti a t'an.
\q
\v 176 Tsa' sajtiyon bajche' tiñʌme' mu' bʌ i cʌy i yum.
\q Sajcan a winic come ma'anic tsa' ñajʌyi tic pusic'al a mandar.
\c 120
\s I jilibal jini xlotob
\f Salmos 120-134: Tsi' c'ʌyiyob che' bʌ tsa' letsiyob majlel ti Jerusalén cha'an q'uiñijel.
\f*
\p
\v 1 Che' bʌ tsa cubi wocol tsac pejca c Yum, tsi' jac'beyon.
\q
\v 2 La' i loc'sañon c Yum ti' tojlel jini mu' bʌ i cha'leñob lot,
\q Yic'ot ti' tojlel mu' bʌ i lotiñob i pi'ʌlob.
\b
\q
\v 3 Mi awujil lot, ¿bajche' mi caj a wujtel?
\q ¿Chuqui to yom ma' melbentel?
\q
\v 4 Mi caj a jejq'uel ti' te'el jalʌjb am bʌ ti' c'ʌb jini p'ʌtʌl bʌ.
\q Mi caj i pulet a bʌc woli bʌ ti lejmel.
\b
\q
\v 5 Obol c bʌ, come chumulon ti' yojlil jini jontolo' bʌ.
\q Sajtemob che' bajche' jini chumulo' bʌ ti Mesec yic'ot Cedar.
\q
\v 6 Wen jal tsa' chumleyon yic'ot jini mu' bʌ i ts'a'leñob ñʌch'ʌl bʌ lac pusic'al.
\q
\v 7 Com mi' lajmel leto cha'an mi lac taj i ñʌch'tilel lac pusic'al,
\q Pero anquese mic pejcañob ti' yutslel c t'an, chʌn yomob guerra.
\c 121
\s Lac Yum mi' cʌntañonla
\p
\v 1 Mic letsan c wut cha'an mij q'uel wits. ¿Baqui ch'oyol j coltʌntel?
\q
\v 2 Ya' tilem j coltʌntel ti lac Yum
\q Tsa' bʌ i mele panchan yic'ot pañimil.
\q
\v 3 Mi caj i wen cʌntañonla ame tʌjts'ic la coc.
\q Mach yujilic wʌyel jini mu' bʌ i cʌntañonla.
\q
\v 4 Awilan, mach ts'ubic jini mu' bʌ i cʌntan Israel. Mach yujilic wʌyel.
\b
\q
\v 5 Lac Yum jiñʌch xcʌntaya a cha'an.
\q Lac Yum i wentajʌch axñal cha'an mi' moset.
\q
\v 6 Jini q'uin ma'anic mi caj i pulet ti q'uinil,
\q Mi jinic uw ti ac'ʌlel.
\q
\v 7 Lac Yum mi caj i cʌntañet ti pejtelel a wocol cha'an ma' loq'uel ti uts'at.
\q Mi caj i cʌntan a cuxtilel.
\q
\v 8 Lac Yum mi caj i cʌntañet che' ma' loq'uel majlel, che' ma' sujtel tilel.
\q Mi caj i cʌntañet wʌle yic'ot ti pejtelel ora.
\c 122
\s Yom ñʌch'ʌl mi' yajñel Jerusalén
\p
\v 1 Tijicñayon che' bʌ tsi' subeyoñob:
\q Conla ti' yotot lac Yum, che'ob.
\q
\v 2 Tsa'ix juliyonla ti Jerusalén.
\q Tsa'ix ochiyonla ti' puertajlel. Wa'alonixla ti mal.
\q
\v 3 Cha' melbilix Jerusalén, jini colem tejclum tsuyul tac bʌ i yotot.
\q
\v 4 Wʌ' mi' letselob tilel jini israelob i cha'añob lac Yum ti mojt ti mojt
\q Cha'an mi' yʌq'ueñob wocolix i yʌlʌ lac Yum cha'an i c'aba', che' bajche' tsi' subeyob.
\q
\v 5 Chajpʌbilix jini buchlibʌl tac cha'an melobʌjʌl,
\q I buchlib tac i p'olbal David.
\b
\q
\v 6 Melela oración cha'an mi' tilel i wenlel Jerusalén.
\q La' i tajob i wenlel jini c'ux bʌ mi' yubiñob Jerusalén.
\q
\v 7 La' ajnicob ti' ñʌch'tʌlel i pusic'al jini chumulo' bʌ ti jini ts'ajquibil bʌ tejclum.
\q Yom tijicña mi' yajñelob jini año' bʌ i ye'tel.
\q
\v 8 Ti' tojlelob jini querañob yic'ot c pi'ʌlob
\q Mi caj c sub: La' tilic i ñʌch'tilel i pusic'al año' bʌ ti Jerusalén, cho'on.
\q
\v 9 Cha'an c'ux mi cubin i yotot lac Yum Dios
\q Mic cha'len oración cha'an mi' yʌq'uentelob i wenlel jini año' bʌ ti Jerusalén.
\c 123
\s Mi' c'ajtin i p'untʌntel
\p
\v 1 Mic letsan c wut ba' añet, c Yum.
\q Ñuc a yumʌntel ya' ba' buchulet ti panchan.
\q
\v 2 Che' bajche' winicob mi' pijtañob chuqui mi' subeñob i yum,
\q Che' bajche' jini criada mi' ñich'tan chuqui mi' suben i co',
\q Che' ja'el mi lac pijtan lac Yum Dios jinto mi' p'untañonla.
\q
\v 3 P'untañon lojon, c Yum, p'untañon lojon,
\q Come ñumen ti p'is mi' ts'a'leñon lojon j contraj.
\q
\v 4 Mach chʌn cujchix c cha'an lojon come anix ora woli' ts'a'leñoñob jini wen chumulo' bʌ
\q Yic'ot jini mu' bʌ i chañ'esañob i bʌ.
\c 124
\s Tsa' loq'ui ti' p'ʌtʌlel i contrajob
\p
\v 1 Lac Yum tsi' cʌntayonla.
\q La' i yʌlob israelob:
\q
\v 2 Machic tsi' cʌntayonla lac Yum che' bʌ tsi' contrajiyonla winicob,
\q
\v 3 Tsi' junyajlel jisayonla cha'an cabʌl jax i mich'ajel.
\q
\v 4 Machic tsi' cʌntayonla lac Yum,
\q Tsi' chocoyonla laj contrajob che' bajche' but'ja'.
\q
\v 5 Che'ic jini xin t'umulonla yilal ba' yolocña bʌ ja', che'ob.
\b
\q
\v 6 Ch'ujutesan lac Yum,
\q Ma'anic tsi' yʌcʌyonla ti' p'ʌtʌlel laj contraj che' bajche' i colojm bajlum.
\q
\v 7 Lajalonla bajche' te'lemut tsa' bʌ loq'ui ti' yac xchucmut.
\q Jejmenix i yac. Tsa'ix coliyonla.
\b
\q
\v 8 Ya' tilem laj coltʌntel ti' c'aba' lac Yum
\q Tsa' bʌ i mele panchan yic'ot pañimil.
\c 125
\s Dios mi' cʌntan i cha'año' bʌ
\p
\v 1 Jini mu' bʌ i ñopob lac Yum xuc'ulob bajche' Sion wits
\q Mach bʌ yujilic nijcʌyel ti pejtelel ora.
\q
\v 2 Che'ʌch añonla bajche' Jerusalén, joyol bʌ ti wits.
\q Joyolonla ti lac Yum pejtel i cha'añon bʌ la, wʌle yic'ot ti pejtelel ora.
\q
\v 3 Lac Yum ma'anic mi caj i cʌy jini tojo' bʌ ti' p'ʌtʌlel jini jontolo' bʌ, ame i ñopob jontolil.
\q
\v 4 Lac Yum uts'at mi caj i q'uel jini utso' bʌ yic'ot jini tojo' bʌ i pusic'al.
\q
\v 5 Pero tal i wocol jini mu' bʌ i tʌts'ob i bʌ ti toj bʌ bij cha'an mi' xʌñob jini c'ochol metel bʌ i bijlel.
\q Lac Yum mi caj i pʌyob majlel yic'ot i pi'ʌlob mu' bʌ i cha'leñob jontolil.
\q La' tilic i ñʌch'tilel i pusic'al jini israelob.
\c 126
\s Tsa' sujtiyob che' bajche' tsi' ñajleyob
\p
\v 1 Che' bʌ tsi' loc'sayonla lac Yum ba' cʌchʌlonla cha'an mi' pʌyonla tilel ti Sion,
\q Lajal tsa' la cubi bajche' ñajal.
\q
\v 2 Tsa' cajiyonla ti tse'ñal cha'an wen tijicñayonla.
\q Ju'ucñayonla ti t'an yic'ot c'ay.
\q Tsa' caji' yʌlob winicob x'ixicob ti yan tac bʌ lum:
\q Lac Yum tsi' pʌsbeyob ñuc tac bʌ i melbal, che'ob.
\q
\v 3 Melel, lac Yum tsi' pʌsbeyonla ñuc tac bʌ i melbal.
\q Jini cha'an tijicñayonla.
\b
\q
\v 4 C Yum, la' cha' tilic c wenlel lojon,
\q Che' bajche' mi' cha' tilel ja' ti pa' tac ya' ti' tiquiñal lum.
\q
\v 5 Jini mu' bʌ i cha'leñob pac' yic'ot e'tel
\q Tijicña mi caj i cha'leñob c'ajbal.
\q
\v 6 Jini mu' bʌ i majlel ti pac' yic'ot i yuq'uel,
\q Isujm tijicña mi caj i cha' tilel.
\q Mi caj i cuch tilel i c'ajbal.
\c 127
\s Tilem ti Dios la calobilob
\p
\v 1 ¿Chuqui i ye'tel lac melbal mi mach melbilic ti lac Yum?
\q Machic mi' cʌntan jini tejclum lac Yum
\q Lolom jach mi' ñusan ac'ʌlel ti cʌntaya jini am bʌ ti' wenta.
\q
\v 2 Lolom jach mi la' seb ch'ojyel cha'an mi la' ñajtesan la' we'tel c'ʌlʌl che' ac'ʌlelix.
\b
\q
\v 3 Awilan, la calobilob lac majtañʌch aq'uebilonla i cha'an lac Yum,
\q Lac chobejtʌbalob tilemo' bʌ ti lac Yum.
\q
\v 4 Cabʌlʌch i c'ʌjñibal la calobilob mu' bʌ laj cosan che' ch'ejlon to la.
\q Lajalobʌch bajche' i te'el jalʌjb chucul bʌ i cha'an ch'ejl bʌ winic.
\q
\v 5 Tijicña jini winic cabʌl bʌ i yalobilob. Chajpʌbil yilal che' bajche' am bʌ i cha'an cabʌl i te'el jalʌjb.
\q Che' mi' pejcan i contrajob ya' ti melobʌjʌl ma'anic mi caj i yʌjq'uel ti quisin.
\c 128
\s Tijicña jini winic mu' bʌ i bʌc'ñan lac Yum
\p
\v 1 Tijicñayob pejtel mu' bʌ i bʌc'ñañob lac Yum,
\q Mu' bʌ i cha'leñob xʌmbal ti' bijlel.
\q
\v 2 Mi caj a c'ux waj cha'an ti a we'tel.
\q Tijicña a pusic'al mi caj a wajñel. Mi caj a taj chuqui tac wen.
\b
\q
\v 3 Lajal a wijñam ti a wotot bajche' ac' mu' bʌ i yʌc' i wut.
\q Lajal a walobilob ti' joytilel a mesa bajche' i wut olivote'.
\q
\v 4 Isujm, che'ʌch mi caj i yʌq'uentel i wenlel jini winic mu' bʌ i bʌc'ñan lac Yum.
\b
\q
\v 5 La' i yʌq'ueñet lac Yum i yutslel i t'an loq'uem bʌ ti Sion.
\q La' i yʌq'ueñet a q'uel i tijicñʌyel Jerusalén pejtel a jabilel.
\q
\v 6 La' i yʌq'ueñet a q'uel i yalobilob a walobilob.
\q La' i tajob i ñʌch'tilel i pusic'al jini israelob.
\c 129
\s La' i tojob i mul i contrajob Sion
\p
\v 1 Cabʌl tsi' tic'layoñob c'ʌlʌl che' ch'itoñon to,
\q La' i yʌlob israelob ti junjuntiquil.
\q
\v 2 Anquese cabʌl tsi' tic'layoñob c'ʌlʌl che' ch'itoñon to,
\q Ma'anic tsa' mʌjli i cha'añob.
\q
\v 3 Jini xpic lumob tsi' piquiyob c pat yubil yic'ot asiyal.
\q Tam tac tsi' lowoyoñob, che'ob.
\q
\v 4 Toj lac Yum.
\q Tsa'ix i yʌc'ʌ ti bic'ti ts'ojquel i lazo jini jontolo' bʌ cha'an mij colel.
\b
\q
\v 5 La' i yubiñob quisin. La' i tʌts'ob i bʌ
\q Pejtel mu' bʌ i ts'a'leñob jini chumulo' bʌ ti Sion.
\q
\v 6 La' bʌc' jilicob che' bajche' jam mu' bʌ i pasel ti' jol otot,
\q Mu' bʌ i tiquin ti q'uin.
\q
\v 7 Jini stsep jam mi' to'o ñumel, jochol i c'ʌb,
\q Ma'anic chuqui mi' set cʌch majlel.
\q
\v 8 Jini xñumelob ma'anic mi' subeñob:
\q La' i yʌq'ueñet i yutslel lac Yum,
\q Mi cʌq'ueñet lojon i yutslel lac Yum, mach che'icob.
\c 130
\s Lac Yum mi caj i coltañon
\p
\v 1 C Yum, ochemonix ti tam bʌ ja' yilal ba' mach loq'uicon.
\q Ch'ijiyem c pusic'al mic pejcañet.
\q
\v 2 C Yum, ubibeñon c t'an.
\q Yom ma' ñich'tʌbeñon c t'an yic'ot chuqui tac wolij c'ajtibeñet.
\q
\v 3 C Yum, muq'uic a chʌn ña'tan c mul lojon
\q Mach tojic ma' q'uelon.
\q
\v 4 Pero ma' ñusʌbeñon lojon c mul,
\q Cha'an awom mic bʌc'ñañet lojon.
\b
\q
\v 5 Wolic pijtan c Yum. Wolic pijtan ti pejtelel c pusic'al.
\q Ñʌch'ʌl c pusic'al cha'an ñopol c cha'an i t'an.
\q
\v 6 Ñumen cabʌl mic pijtan lac Yum bajche' xcʌntayajob
\q Mu' bʌ i ñusañob ac'ʌlel ti pijt jinto mi' sʌc'an pañimil.
\q
\v 7 Israelet bʌ la, pijtan lac Yum,
\q Come an laj c'uxbintel ti lac Yum.
\q Tsi' mʌñʌyonla. Tsi' wen coltayonla.
\q
\v 8 Lac Yum mi caj i mʌn loq'uel israelob ba' cʌchʌlob ti' mul.
\c 131
\s Pijtan Dios che' bajche' alʌl
\p
\v 1 C Yum, ma'anic wolic chañ'esan c bʌ.
\q Ma'anic wolij q'uel c bʌ ti ñuc.
\q Ma'anic mic mel c pusic'al cha'an jini ñuc tac bʌ
\q Am bʌ ti a wenta, mach bʌ anic mic ch'ʌmben isujm.
\q
\v 2 Pero tsa'ix c ñʌch'choco c pusic'al.
\q Contentojonix che' bajche' alʌl mach bʌ chʌn yomix i chu'.
\q Ñʌch'ʌlix c pusic'al.
\b
\q
\v 3 Israel, che'ʌch yom ma' pijtan lac Yum wʌle yic'ot ti pejtelel ora.
\c 132
\s I chumlib Dios
\p
\v 1 C Yum, ña'tʌben pejtelel i wocol David.
\q
\v 2 Tsi' yʌq'ueyet i t'an.
\q Tsi' wa'choco i t'an ti' tojlel jini p'ʌtʌl bʌ Dios, i Dios Jacob.
\q
\v 3 Isujm ma'anic mi caj cochel ti cotot, che'en.
\q Ma'anic mi caj c ñoltʌl tic ch'ac.
\q
\v 4 Ma'anic mi caj c cha'len wʌyel,
\q Ma'anic mi caj c muts' c wut,
\q
\v 5 Jinto mic tajben i yajñib lac Yum,
\q I chumlib jini p'ʌtʌl bʌ i Dios Jacob, che'en.
\b
\q
\v 6 Awilan, tsa cubi lojon ya'an jini Arca ti Efrata.
\q Ti wi'il tsac taja lojon ya' ti te'el.
\q
\v 7 Conla ti' chumlib Dios.
\q La' lac ch'ujutesan ya' ba'an i t'uchlib i yoc.
\q
\v 8 C Yum, yom ma' wa'tʌl. La' ti chumtʌl ba' mi' mejlel a c'aj a wo
\q Yic'ot jini Arca ba' ma' tsictesan a ñuclel.
\q
\v 9 La' toj'acob i pusic'al jini motomajob a cha'an.
\q La' i chajpañob i yespíritu che' bajche' mi' lʌpob i pislel.
\q La' ñuc'acob i pusic'al a cha'año' bʌ. La' i tsictesañob i bʌ.
\b
\q
\v 10 Mach ma' mʌyben a wut jini yajcʌbil bʌ a cha'an,
\q Come c'ux ma' wubin a winic David.
\q
\v 11 Lac Yum tsi' yʌq'ue David i t'an mu' bʌ caj i ts'ʌctiyel, xuc'ul bʌ ti pejtelel ora:
\q Ya' ba' buchulet ti a yumʌntel mi caj c buchchocon juntiquil a p'olbal.
\q
\v 12 Mi xuc'ul mi' jac'ob jini trato bʌ c t'an a walobilob,
\q Mi xuc'ul mi' jac'ob c t'an mu' bʌ caj j cʌntesañob,
\q Mi caj i cha'leñob yumʌl ti a buchlib ti pejtelel ora, che'en lac Yum.
\b
\q
\v 13 Come lac Yum tsi' yajca Sion jini ch'ujul bʌ tejclum
\q Cha'an ya' yom chumtʌl.
\q
\v 14 Tsi' yʌlʌ lac Yum: Jiñʌch cajñib ti pejtelel ora ba' mi caj j c'aj co.
\q Wʌ' mi caj c chumtʌl cha'an che' yom c pusic'al.
\q
\v 15 Mi caj c wen p'ojlesʌbeñob i bʌl i ñʌc' jini wʌ' bʌ chumulob.
\q Mi caj c wen aq'ueñob i waj jini p'ump'uño' bʌ.
\q
\v 16 Mi caj j coltan i motomajob.
\q Jini ch'ujulo' bʌ ju'ucñayob mi' cajelob ti t'an cha'an i tijicñʌyel i pusic'al.
\q
\v 17 Mi caj c p'ojlesʌben i p'ʌtʌlel David yic'ot i p'olbal.
\q Mi caj cʌq'uen ñuc bʌ i ye'tel che' bajche' lámpara mach bʌ yujilic yajpel, jini yajcʌbil bʌ c cha'an.
\q
\v 18 Mi caj cʌc' ti quisin i contrajob.
\q Pero wen ñuc mi caj i q'uejlel jini Rey ti' yumʌntel. Che' tsi' yʌlʌ lac Yum.
\c 133
\s Che' mi' c'uxbiñob i bʌ
\p
\v 1 Uts'atax che' tijicña mi' tem ajñelob hermanojob.
\q
\v 2 Lajalʌch bajche' fino bʌ aceite am bʌ ti' jol Aarón,
\q Ts'ujlaw bʌ mi' jubel ti' tsucti'
\q C'ʌlʌl ti' yebal i bujc.
\q
\v 3 Che' mi' wen pejcañob i bʌ hermanojob
\q Lajalʌch bajche' i ye'eblel Hermón mu' bʌ i yajlel ti wits tac am bʌ ti Sion.
\q Che' mi' wen pejcañob i bʌ hermanojob
\q Mi' tajob i wenlel ti lac Yum mu' bʌ i yʌq'ueñob i cuxtilel mach bʌ anic mi' jilel.
\c 134
\s Jini x'e'telob i cha'an lac Yum
\p
\v 1 La'la, ch'ujutesan lac Yum pejtel i winicob
\q Mu' bʌ la' wa'tʌl ti' tojlel lac Yum che' ti ac'ʌlel.
\q
\v 2 Letsan la' c'ʌb ti oración ya' ti' tojel jini Ch'ujul bʌ Ajñibʌl.
\q Ch'ujutesanla lac Yum.
\b
\q
\v 3 La' i yʌq'ueñet la' wenlel lac Yum ya' ti Sion, jini ch'ujul bʌ i tejclum lac Yum. Jiñʌch tsa' bʌ i mele panchan yic'ot pañimil.
\c 135
\s I ñuclel lac Yum. Lolom jach dioste' tac
\p
\v 1 Subula i ñuclel lac Yum.
\q I winiquet bʌ la, c'uxbibenla i c'aba' lac Yum.
\q
\v 2 C'uxbinla jatetla mu' bʌ la' c'otel ti wa'tʌl ti' yotot lac Yum.
\q
\v 3 Subula i ñuclel Dios, come uts'at lac Yum.
\q C'ʌyibenla i c'aba', come i t'ojol jax.
\q
\v 4 Come lac Yum tsi' yajca Jacob cha'an che' yom i pusic'al,
\q Tsi' yajca israelob cha'an mi' yochelob ti' cha'an bʌ.
\q
\v 5 Cujil wen ñuc lac Yum.
\q Cujil ma'anic ñuc bʌ che' bajche' lac Yum ti' tojlel pejtel jini diosob.
\q
\v 6 Lac Yum mi' mel pejtel chuqui yom i pusic'al
\q Ti panchan yic'ot ti pañimil, ti ñajb yic'ot ti aban.
\q
\v 7 Lac Yum mi' ch'uy letsel tocal c'ʌlʌl ti junwejl pañimil.
\q Mi' choc tilel chajc yic'ot ja'al.
\q Mi' loc'san ic' ti' yotlel ba' lotol i ye'tijib.
\b
\q
\v 8 Tsi' jisa jini ascuñʌl bʌ winicob año' bʌ ti Egipto,
\q Yic'ot ñaxan bʌ i yal alʌc'ʌl.
\q
\v 9 Tsi' pʌsʌ i yejtal tac i p'ʌtʌlel yic'ot bʌbʌq'uen bʌ i melbal ya' ti Egipto,
\q Cha'an mi' contrajin Faraón yic'ot pejtel i winicob.
\q
\v 10 Tsi' jisa cabʌl tejclumob ti mojt ti mojt yic'ot i reyob cabʌl bʌ i p'ʌtʌlel,
\q
\v 11 Sehón i rey amorreojob yic'ot Og jini rey am bʌ ti Basán,
\q Yic'ot pejtel jini reyob año' bʌ ti Canaán.
\q
\v 12 Lac Yum tsi' yʌq'ueyob i lum israelob cha'an mi' yochelob ti' yum ti pejtelel ora.
\b
\q
\v 13 C Yum, mach jilic a c'aba ti pejtelel ora.
\q C Yum, mi caj i sujbel a ñuclel ti' tojlel calobilob lojon ti lajm ti lajm.
\q
\v 14 Come lac Yum mi caj i melob ti toj i cha'año' bʌ.
\q Mi caj i p'untan jini mu' bʌ i tsajcañob.
\b
\q
\v 15 I diosob jini sajtemo' bʌ melbilob jach ti sʌsʌc taq'uin yic'ot oro,
\q I melbal tac i c'ʌb winicob.
\q
\v 16 Anquese an i yej, mach yujilic t'an.
\q Anquese an i wut, ma'anic chuqui mi' q'uel.
\q
\v 17 Anquese an i chiquin, ma'anic mi' yubin t'an.
\q Ma'anic mi' jap ic'.
\q
\v 18 Lajalob jini winicob mu' bʌ i melob.
\q Pejtelel mu' bʌ i ñopob junlajalob yic'ot.
\q
\v 19 Israelob, ch'ujutesanla lac Yum.
\q Motomajob, i p'olbalet bʌ la Aarón, ch'ujutesanla lac Yum.
\q
\v 20 I yalobilet bʌ la Leví ch'ujutesanla lac Yum.
\q Pejteletla mu' bʌ la' bʌc'ñan lac Yum, ch'ujutesanla lac Yum.
\q
\v 21 La' ch'ujutesʌntic lac Yum wʌ' ti Sion
\q Come wʌ' chumul ti Jerusalén.
\q ¡Aleluya!
\c 136
\s Ti' pejtelel ora an i yutslel lac Yum
\p
\v 1 Subenla wocolix i yʌlʌ lac Yum, come uts'at i pusic'al.
\q Come ti pejtelel ora an i yutslel i pusic'al.
\q
\v 2 Aq'uenla wocolix i yʌlʌ Dios, jini cojach bʌ Dios,
\q Come ti pejtelel ora an i yutslel i pusic'al.
\q
\v 3 Aq'uenla wocolix i yʌlʌ i Yum jini yumʌlob,
\q Come ti pejtelel ora an i yutslel i pusic'al.
\b
\q
\v 4 Jini mu' bʌ i bajñel mel jini ñuc tac bʌ i melbal,
\q Come ti pejtelel ora an i yutslel i pusic'al.
\q
\v 5 Jini tsa' bʌ i mele panchan cha'an cabʌl i ña'tʌbal,
\q Come ti pejtelel ora an i yutslel i pusic'al.
\q
\v 6 Jini tsa' bʌ i yʌc'ʌ ti tsictiyel lum ya' ti ja',
\q Come ti pejtelel ora an i yutslel i pusic'al.
\q
\v 7 Jini tsa' bʌ i mele q'uin yic'ot uw,
\q Come ti pejtelel ora an i yutslel i pusic'al.
\q
\v 8 Jini q'uin cha'an mi' pʌs i c'ʌc'al ti q'uiñil,
\q Come ti pejtelel ora an i yutslel i pusic'al.
\q
\v 9 Jini uw yic'ot ec' tac cha'an mi' pʌsob i c'ʌc'al ti ac'ʌlel,
\q Come ti pejtelel ora an i yutslel i pusic'al.
\q
\v 10 Suben wocolix i yʌlʌ Dios tsa' bʌ i jisa jini ascuñʌlo' bʌ ti Egipto,
\q Come ti pejtelel ora an i yutslel i pusic'al.
\q
\v 11 Tsi' pʌyʌ loq'uel israelob ya' ba' cʌchʌlob,
\q Come ti pejtelel ora an i yutslel i pusic'al.
\q
\v 12 Tsi' loc'sayob ti' tojlel i contrajob ti p'ʌtʌl bʌ i c'ʌb.
\q Come ti pejtelel ora an i yutslel i pusic'al.
\q
\v 13 Jiñʌch tsa' bʌ i cala ti ojlil jini Chʌchʌc bʌ Ñajb,
\q Come ti pejtelel ora an i yutslel i pusic'al.
\q
\v 14 Tsi' pʌyʌ c'axel israelob ti yojlil,
\q Come ti pejtelel ora an i yutslel i pusic'al.
\q
\v 15 Tsi' choco ochel Faraón yic'ot i soldadojob ya' ti ojlil Chʌchʌc bʌ Ñajb,
\q Come ti pejtelel ora an i yutslel i pusic'al.
\b
\q
\v 16 Tsi' c'axtesa i cha'año' bʌ ti jochol bʌ lum,
\q Come ti pejtelel ora an i yutslel i pusic'al.
\q
\v 17 Tsi' jisa p'ʌtʌl bʌ yumʌlob,
\q Come ti pejtelel ora an i yutslel i pusic'al.
\q
\v 18 Tsi' tsʌnsa ñuc bʌ yumʌlob,
\q Come ti pejtelel ora an i yutslel i pusic'al.
\q
\v 19 Sehón i rey amorreojob,
\q Come ti pejtelel ora an i yutslel i pusic'al.
\q
\v 20 Yic'ot Og jini rey am bʌ ti Basán,
\q Come ti pejtelel ora an i yutslel i pusic'al.
\q
\v 21 Tsi' yʌq'ueyob i lum jini israelob cha'an mi' yochelob ti' yum,
\q Come ti pejtelel ora an i yutslel i pusic'al.
\q
\v 22 Chejachi tsi' yʌq'ueyob i lum jini israelob come i winicob Dios,
\q Come ti pejtelel ora an i yutslel i pusic'al.
\b
\q
\v 23 Tsi' ña'tayonla che' ju'sʌbilix lac pusic'al,
\q Come ti pejtelel ora an i yutslel i pusic'al.
\q
\v 24 Tsi' mʌñʌyonla loq'uel ti' p'ʌtʌlel laj contrajob,
\q Come ti pejtelel ora an i yutslel i pusic'al.
\q
\v 25 Mi' yʌq'ueñob i bʌl i ñʌc' pejtel winicob x'ixicob,
\q Yic'ot pejtel cuxul tac bʌ,
\q Come ti pejtelel ora an i yutslel i pusic'al.
\q
\v 26 Subenla wocolix i yʌlʌ Dios am bʌ ti panchan
\q Come ti pejtelel ora an i yutslel i pusic'al.
\c 137
\s Ch'ijiyemob israelob año' bʌ ti Babilonia
\p
\v 1 Ya' ti Babilonia tsa' buchleyonla ya' ti' ti' colem ja'.
\q Tsa' lac cha'le uq'uel che' bʌ tsa' lac ña'ta Sion.
\q
\v 2 Ya' ti te' tsa' lac joc'choco jini arpa lac cha'an.
\q
\v 3 Laj contrajob tsi' wersa subeyonla cha'an mi lac cha'len c'ay.
\q Tijicñayob i pusic'al tsi' tic'layonla.
\q Tsi' yʌlʌyob: C'ʌyibeñon lojon c'ay che' bajche' ti Sion, che'ob.
\b
\q
\v 4 ¿Mejl ba lac cha'len c'ay cha'an lac Yum ya' ti' lumal jini mach bʌ laj cʌñʌyobic?
\q
\v 5 Mi tsa' ñajʌyi Jerusalén ti lac pusic'al
\q La' jʌmlec jini ñoj bʌ laj c'ʌb.
\q
\v 6 Mi ma'anic mi lac chʌn c'ajtesañet,
\q La' i lʌp' i bʌ la cac' ti mal la quej.
\q Ñumen la com sʌclʌben i wenlel Jerusalén bajche' i tijicñʌyel lac pusic'al.
\q
\v 7 C Yum, ña'tʌbeñob i mul jini edomob tsa' bʌ i contrajiyob Jerusalén che' woli ti wocol.
\q Tsi' yʌlʌyob: Jisanla, jisanla c'ʌlʌl ti' c'ʌclib tac, che'ob.
\q
\v 8 Babilonia, wen awujil jisaya.
\q Tijicña jini mu' bʌ i yʌq'ueñet a toj chuqui tac tsa' melbeyon lojon.
\q
\v 9 Tijicña jini mu' bʌ i chuc a walobilob cha'an mi' pajq'uiñob ti xajlel.
\c 138
\s Wocolix i yʌlʌ lac Yum cha'an i yutslel
\p
\v 1 Ti pejtelel c pusic'al mic subeñet wocolix a wʌlʌ, c Yum.
\q Mij c'ʌyibeñet a ñuclel ya' ti' tojlel jini mu' bʌ i ch'ujutesañob dioste' tac.
\q
\v 2 Mic ch'ujutesañet ti' tojel ch'ujul bʌ a Templo.
\q Mic subeñet wocolix a wʌlʌ cha'an ñuc a c'aba'.
\q Ti' xuc'tilel a pusic'al ma' c'uxbiñon lojon.
\q Ñumen ñuc a t'an bajche' pejtel yan tac bʌ a melbal.
\q
\v 3 Tsa' jac'beyon coración ti jini jach bʌ q'uin che' bʌ tsac pejcayet.
\q Tsa' ñuq'uesʌbeyon c pusic'al che' bʌ tsa' p'ʌtesayon.
\b
\q
\v 4 Pejtel yumʌlob ti pañimil mi caj i subob a ñuclel, c Yum,
\q Che' mi' yubiñob a t'an.
\q
\v 5 Isujm mi caj i c'ʌyiñob a melbal, c Yum,
\q Come ñajt mi' tsictiyel a ñuclel.
\q
\v 6 Anquese wen ñuc lac Yum ti chan, mi' ña'tan jini mu' bʌ i peq'uesañob i bʌ,
\q Pero mi' ñajti q'uel jini chan bʌ mi' melob i bʌ.
\q
\v 7 Che' an c wocol ma' cʌntañon cha'an uts'at mic ñusan.
\q Ma' pʌs a p'ʌtʌlel ti' contra jini mich'o' bʌ mu' bʌ i contrajiñoñob.
\q Ma' coltañon yic'ot ñoj bʌ a c'ʌb.
\q
\v 8 C Yum, mi caj a ts'ʌctesʌbeñon chuqui yom tic tojlel che' bajche' wʌn ña'tʌbil a cha'an.
\q Ti pejtelel ora c'ux ma' wubiñon.
\q Mach a cʌyon, come i melbalon a c'ʌb.
\c 139
\s Ma'anic i p'isol i ña'tibal Dios
\p
\v 1 C Yum, tsa' wen q'ueleyon. Cʌmbiloñʌch a cha'an.
\q
\v 2 Awujil che' mic buchtʌl yic'ot che' mic wa'tʌl.
\q Ma' lu' cʌmbeñon c pusic'al che' ñajt añon.
\q
\v 3 Ma' q'uelon che' mic majlel ti bij yic'ot che' mij c'aj co tic wʌyib.
\q Cʌñʌl a cha'an pejtel c melbal.
\q
\v 4 Che' max to loquemic c t'an ti quej, a wujilix chuqui mi caj c sub.
\q
\v 5 Joyolon a cha'an. Ma' tic'on, ma' coltañon.
\q Cʌntʌbilon ti a p'ʌtʌlel.
\q
\v 6 Ma'anic i p'isol j coltʌntel. Mach mejlic c laj cʌn.
\q Wen ñuc, mach mejlic c ch'ʌmben isujm.
\b
\q
\v 7 ¿Mejl ba c majlel ba' mach i tajayonic a wEspíritu?
\q ¿Mejl ba c puts'tañet?
\q
\v 8 Mi com letsel majlel ti panchan, ya' añet.
\q Mi com wʌyel ti' yajñib chʌmeno' bʌ, ya' añet ja'el.
\q
\v 9 Mi com wejlel majlel ti ñajtʌl ba' mi' pasel q'uin
\q Cha'an mic chumtʌl ya' ti junwejl ñajb
\q
\v 10 Mi caj a toj'esañon majlel ya'i.
\q Mi caj a chucon ti p'ʌtʌl bʌ a c'ʌb.
\q
\v 11 Mi tsac lon alʌ: Tsa'ix ochiyon ti ic'yoch'an bʌ pañimil,
\q Mach i q'ueleyonic ti ac'ʌlel, cho'on, c lotʌch, come ma' q'uelon ti ac'ʌlel.
\q
\v 12 Jini ic'yoch'an bʌ pañimil ma'anic mi' mʌctʌbeñet a wut.
\q Lajal ma' q'uel ac'ʌlel che' bajche' q'uiñil.
\q Lajal mi' c'otel a wut ti ic'yoch'an bʌ che' bajche' ti q'uiñil.
\b
\q
\v 13 Pejtel chuqui tac an tic malil a melbalʌch.
\q Tsa' meleyon che' añon to ti' ñʌc' c ña'.
\q
\v 14 Mic sub a ñuclel come bʌc'ñʌbilet. Uts'atax tsa' meleyon.
\q Uts'atax a melbal. Cʌñʌlʌch c cha'an iliyi.
\q
\v 15 Mach mʌcbilic c bʌquel ti a wut, che' cʌntʌbilon i cha'an c ña'.
\q Cha'an ti cabʌl a ña'tʌbal tsa' techeyon ti colel ti mucul jach.
\q
\v 16 Tsa' wʌn ña'ta bajche' an quejtal che' maxto añonic.
\q Ts'ijbubilix ti a jun jayp'ejl to tsic mi caj cajñel ti pañimil.
\q
\v 17 Wen uts'atax bajche' ma' ña'tañon, c Dios.
\q Mach tsicbilic jayyajl ma' ña'tañon ti jujump'ejl q'uin.
\q
\v 18 Mi tsac ñopo c tsic ñumen on ti tsic bajche' jini ji'.
\q Che' mic ch'ojyel ti wʌyel, añon a wic'ot.
\b
\q
\v 19 Muq'uic a tsʌñsan jini jontolo' bʌ,
\q Mux i puts'elob tic tojlel jini yujilo' bʌ tsʌnsa.
\q
\v 20 Jini mu' bʌ i contrajiñet ti maña jax bʌ t'an,
\q Mi' lon chañ'esan i bʌ.
\q
\v 21 ¿Mach ba yomic mic ts'a'len jini mu' bʌ i ts'a'leñet c Yum?
\q ¿Mach ba ch'ijiyemic c pusic'al che' mi' ñusañet?
\q
\v 22 Mic ts'a'len ti pejtelel c pusic'al.
\q J contrajobʌch jini a contrajob.
\q
\v 23 Tsajiñon, Dios. Q'uelbeñon c pusic'al. Cʌmbeñon c pensar.
\q
\v 24 Q'uele mi an c sajtemal.
\q Pʌyʌyon majlel ti' bijlel j cuxtʌlel mach bʌ anic mi' jilel.
\c 140
\s Ti mucul jach woli' chijtañob
\p
\v 1 C Yum, pʌyʌyon loq'uel ti' c'ʌb jini jontol bʌ winicob.
\q Coltañon loq'uel ti' p'ʌtʌlel jini yomo' bʌ i t'uchtañon.
\q
\v 2 Mi' wʌn ña'tañob bajche' mi caj i melob jontolil.
\q Ma'anic mi' cʌyob i tech guerra.
\q
\v 3 C'ux i yej che' bajche' i yej lucum.
\q An i venenojlel i yej yilal.
\q
\v 4 C Yum, mach ma' cʌyon ti' tojlel ili jontolo' bʌ.
\q Loc'sañon ti' tojlel jini mich'o' bʌ
\q Tsa' bʌ i comol ña'tayob i yʌc'on ti yajlel.
\q
\v 5 Jini mu' bʌ i chañ'esañob i bʌ tsi' yʌc'ʌyob yac ba' mach tsiquilic.
\q Xotbilix chij ya' ba' mic ñumel ti bij.
\q Chajpʌbilix yac cha'an mi' chucoñob.
\b
\q
\v 6 Tsac sube c Yum: C Dios,
\q C Yum, ñich'tañon che' mic pejcañet ti wocol t'an.
\q
\v 7 C Yum Dios, caj coltayajet. Cabʌl a p'ʌtʌlel.
\q Tsa' cʌntayon che' ti yorajlel guerra.
\q
\v 8 C Yum, mach a wʌq'ueñob chuqui yomob jini jontolo' bʌ.
\q Mach yomic mi' loq'uel ti uts'at chuqui mi' ña'tañob i mel
\q Ame ch'ejl'acob ti jontolil.
\q
\v 9 Jini mu' bʌ i joyoñob mi' chañ'esañob i bʌ.
\q La' sujtic ti' tojlelob jini jontolil tsa' bʌ i meleyob.
\q
\v 10 La' yajlic i nich c'ajc ti' jol che' woli ti lejmel.
\q La' chojquicob ochel ti c'ajc.
\q La' chojquicob ochel ti tam bʌ ch'en ba' mach mejlicob ti loq'uel.
\q
\v 11 La' jilicob jini mu' bʌ i cha'lenob p'ajoñel cha'an ma'anic mi' chʌn p'ojlelob.
\q La' i bʌc' taj wocol jini winic yujil bʌ jontolil.
\b
\q
\v 12 Cujil cʌntʌbil i cha'an lac Yum jini tic'lʌbilo' bʌ. Woli' coltañob.
\q Mi caj i tsictesʌbeñob toj bʌ i pusic'al jini p'ump'uño' bʌ.
\q
\v 13 Melel, jini tojo' bʌ mi caj i subob i ñuclel a c'aba'.
\q Jini tojo' bʌ mi caj i chumtʌlob ti a tojlel.
\c 141
\s Ma'anix mi' jac' mulil
\p
\v 1 C Yum, wolic pejcañet. La' ti ora ba' añon.
\q Ñich'tʌbeñon c t'an che' mic pejcañet.
\q
\v 2 La' letsic jini coración ba' añet che' bajche' i buts'il pom.
\q Yom ma' q'uelon che' mic letsan j c'ʌb i wentajʌch a majtan che' ti ic'ajel.
\b
\q
\v 3 C Yum, cʌntʌbeñon quej.
\q Aq'ueñon c wen ña'tan ba' ora mʌcʌl yom.
\q
\v 4 Mach a cʌyon ame mi cʌc' c pusic'al ti jontolil.
\q Cʌntañon ame mic mel chuqui jisil yic'ot winicob mu' bʌ i melob jontolil.
\q Come mi' mulañob i xujch' che' bajche' sumuc tac bʌ i bʌl i ñʌc'.
\b
\q
\v 5 La' i tic'on jini toj bʌ winic anquese c'ux i t'an. Uts'at mi caj i coltañon.
\q Lajalʌch bajche' xojocña bʌ aceite cha'an c jol, mu' bʌ c mulan.
\q Mi caj c ña'tan ti oración j contrajob yic'ot i jontolil.
\q
\v 6 Che' mi' chojquelob jubel ti panch'en jini jontol bʌ yumʌlob mu' bʌ i cha'leñob meloñel,
\q Jini winicob x'ixicob mi caj i ña'tañob isujm c t'an.
\q
\v 7 Che' bajche' mi' choc lum jini mu' bʌ i pic majlel,
\q Che' ja'el tsa' pam pujqui lac bʌquel ya' ti' ti' mucoñibʌl.
\b
\q
\v 8 Wolic pijtañet c Yum Dios.
\q Ti ajñel mic majlel ba' añet. Mach a cʌyon.
\q
\v 9 Cʌntañon ame chujquicon ti yac tsa' bʌ i yʌc'ʌyob xjontolilob.
\q
\v 10 La' tem yajlicob jini jontolo' bʌ ti jini jach bʌ yac tsa' bʌ i lon ac'ʌyob.
\q Pero la' ñumicon ti uts'at.
\c 142
\s C puts'ib ti wocol
\p
\v 1 Mic pejcan c Yum ti wocol t'an.
\q Mij c'ajtiben c Yum cha'an mi' p'untañon.
\q
\v 2 Mic suben che' an c tsic pusic'al.
\q Mic suben pejtel c wocol.
\q
\v 3 Cʌmbil i cha'an c bijlel che' c'un c pusic'al.
\b
\q Mi' yʌc'ob yac ti bij ba' mic ñumel.
\q
\v 4 Mic joy q'uel pañimil.
\q Ma'anic majqui mi' p'ison ti wenta.
\q Ma'anic baqui mic muc c bʌ.
\q Ma'anic majqui mi' c'uxbiñon.
\q
\v 5 C'am mic pejcañet, c Yum. Mic subeñet: C puts'ibet.
\q Ch'oyol ba' añet pejtelel c wenlel wʌ' ti' lumal jini cuxulo' bʌ.
\q
\v 6 Ubibeñon c t'an come ju'sʌbilix c pusic'al ti wocol.
\b
\q Pʌyʌyon loq'uel ti' tojlel jini mu' bʌ i tic'lañoñob, come cabʌl i p'ʌtʌlel.
\q Mach mejlic j coltan c bʌ.
\q
\v 7 Pʌyʌyon loq'uel ti mʌjquibʌl cha'an mic sub i ñuclel a c'aba'.
\q La' tilicob quic'ot cabʌl tojo' bʌ,
\q Come wola' pʌsbeñon cabʌl i yutslel a pusic'al.
\c 143
\s Cabʌl i wocol ti' tojlel i contra
\p
\v 1 C Yum, ubibeñon coración.
\q Ñich'tʌbeñon chuqui wolij c'ajtibeñet.
\q Jac'beñon, come xuc'ul a pusic'al, toj ja'el.
\q
\v 2 A winicon, mach a melon.
\q Come awujil ma'anic toj bʌ winic.
\q
\v 3 Come jini j contra tsa'ix i yajñesayon.
\q Tsa'ix i t'uchtayon jubel ti lum.
\q Tsi' yotsayon ti ic'yoch'an bʌ pañimil che' bajche' i mal mucoñibʌl.
\q
\v 4 Jini cha'an c'uñon cha'an ch'ijiyem c pusic'al.
\q Mi' toj sajtel c pusic'al.
\q
\v 5 Mic ña'tan bajche' tsac ñusa q'uin ti yambʌ ora.
\q Mic ña'tan i ye'tel a c'ʌb. Mi cʌc' tic pusic'al pejtel a melbal.
\q
\v 6 Mic letsan j c'ʌb ya' ba' añet.
\q Comet ti pejtelel c pusic'al che' bajche' yom ja' jini tiquin lum.
\b
\q
\v 7 Jac'beñon ti ora, c Yum, come c'unix c pusic'al.
\q Mach a mʌybeñon a wut,
\q Ame lajalic mic sujtel bajche' jini mu' bʌ i jubelob ochel ti ch'en.
\q
\v 8 Che' mi' sʌc'an pañimil, la' c ña'tan c'ux ma' wubiñon,
\q Come wolic ñopet.
\q Cʌntesañon baqui a wom mic majlel,
\q Come mi cʌc' c bʌ ti a wenta.
\q
\v 9 C Yum, pʌyʌyon loq'uel ti' tojlel jini j contrajob.
\q Ti ajñel mic cha'len puts'el c'ʌlʌl ba' añet cha'an ma' cʌntañon.
\b
\q
\v 10 Cʌntesañon chuqui a wom mic mel, come c Dioset.
\q La' i pʌyon majlel ti toj bʌ bij a wEspíritu come jiñʌch wen bʌ.
\q
\v 11 Cha'an i ñuclel a c'aba', c Yum, ch'ejlesañon.
\q Pʌyʌyon loq'uel ti wocol ti toj bʌ a pusic'al.
\q
\v 12 Jisan j contrajob come c'ux ma' wubiñon.
\q Jisan pejtel mu' bʌ i tic'lañoñob, come a winicon.
\c 144
\s Cabʌl i coltʌntel ti Dios
\p
\v 1 La' ch'ujutesʌntic lac Yum.
\q Jiñʌch Xajlel yilal ba' mic taj i xuc'tilel c pusic'al.
\q Mi' tojesʌbeñon j c'ʌb ti guerra.
\q Mi' cʌntesʌbeñon i yal j c'ʌb cha'an mi' mʌjlel c cha'an.
\q
\v 2 Jiñʌch mu' bʌ i p'untañon.
\q Jiñʌch ts'ajquibil bʌ cotot yilal ba' mic cha'len puts'el.
\q Jiñʌch chan bʌ ts'ajc ba' mi cochel. Caj coltayajʌch.
\q C mʌctʌjibʌch ba' mic taj j coltʌntel.
\q Mi' ñijcʌbeñob i pusic'al winicob x'ixicob cha'an mi' yumañoñob.
\b
\q
\v 3 Winicon lojon, c Yum. ¿Chuqui que'tel lojon cha'an ma' ña'tañon lojon?
\q ¿Chuqui i ye'tel i yalobil winic cha'an ma' cʌntan?
\q
\v 4 Ora jach mi' ñumelob ti pañimil winicob che' bajche' mi' ñumel ic'.
\q Lajalob bajche' axñal mu' bʌ i ñumel.
\b
\q
\v 5 C Yum, la' jubic panchan. La' ti pañimil.
\q Jats'ʌ jini wits tac cha'an mi' loq'uel i buts'il.
\q
\v 6 Choco tilel chajc che' bajche' i te'el jalʌjb
\q Cha'an mi' pam pujquelob j contrajob. Ajñesañob.
\q
\v 7 Pʌsʌ a p'ʌtʌlel ya' ti chan.
\q Coloyon. Chucuyon loq'uel ti colem ja'.
\q La' loq'uicon ti' p'ʌtʌlel jini mach bʌ cʌmbilobic c cha'an,
\q
\v 8 Mu' bʌ i cha'leñob lot.
\q Cha'p'ejlob i pusic'al. Leco i melbalob.
\b
\q
\v 9 Dios, mi caj j c'ʌyibeñet tsiji' bʌ c'ay.
\q Mi caj j c'ʌyibeñet salmo tac yic'ot arpa am bʌ lujunt'ujm i ch'ajñal.
\q
\v 10 Ma' wʌq'ueñob i p'ʌtʌlel reyob cha'an mi' t'uchtañob i contrajob.
\q Tsa' pʌyʌ loq'uel a winic David ti wocol.
\q
\v 11 Coloyon, pʌyʌyon loq'uel ti' c'ʌb jini mach bʌ cʌmbilobic c cha'an, mu' bʌ i cha'leñob lot.
\q Cha'p'ejlob i pusic'al. Leco i melbalob.
\b
\q
\v 12 Che' añet tic tojlel lojon c Yum,
\q Lajalob ch'iton bʌ calobilob lojon che' bajche' pʌc'ʌbʌl uts'at bʌ mi' colel.
\q Lajalob jini xch'oc bʌ calobilob che' bajche' i t'ojol jax bʌ i yoyel i yotot rey.
\q
\v 13 But'ul cotot lojon ti' bʌl lojon c ñʌc' ti chajp ti chajp.
\q Mi' p'ojlel tiñʌme' c cha'an lojon ti bajc' ti bajc' ya' ba' cʌntʌbil ti jamil.
\q
\v 14 Cabʌl i cuch tat wacax.
\q Ma'anic chuqui leco ti calle tac ba' chumulon lojon.
\q Ma'anic wʌlwʌl t'an mi uq'uel.
\q
\v 15 Tijicña mi' yajñelob jini winicob x'ixicob.
\q Tijicñayob come i cha'añob Dios, lac Yum.
\c 145
\s Mach lu' cʌmbilic i ñuclel Dios yic'ot i yutslel
\p
\v 1 Mi caj c sub a ñuclel, Dios. C Reyet.
\q Mi caj c ch'ujutesan a c'aba' ti pejtelel ora.
\q
\v 2 Ti jujump'ejl q'uin mi caj c ch'ujutesañet.
\q Mi caj c sub i ñuclel a c'aba' ti pejtelel ora.
\q
\v 3 Wen ñuc lac Yum. La' sujbic i ñuclel.
\q Ma'anic i p'isol i ñuclel.
\b
\q
\v 4 Winicob x'ixicob mi caj i subeñob i yalobilob wen ñuc a melbal.
\q Mi caj i subeñob bajche' tsa' pʌsbeyob i yejtal tac a p'ʌtʌlel.
\q
\v 5 Mi caj c chʌn ña'tan i t'ojol jax ba' buchulet ti ñuc bʌ a we'tel.
\q Uts'atax a melbal.
\q
\v 6 Ti pejtelel pañimil mi caj i subob cabʌl jax a p'ʌtʌlel, bʌbʌq'uen a melbal.
\q Joñon ja'el mi caj c sub wen ñuquet.
\q
\v 7 Winicob x'ixicob mi caj i subob uts'atax a pusic'al.
\q C'am mi caj i c'ʌyiñet cha'an tojet.
\b
\q
\v 8 Uts lac Yum, wen yujil p'untaya.
\q Jal mi' mich'an. C'ux mi' yubiñonla.
\q
\v 9 Lac Yum mi' pʌsbeñob i yutslel i pusic'al pejtel winicob x'ixicob.
\q Mi' p'untañob come laj i melbalʌch.
\b
\q
\v 10 C Yum, pejtelel a melbal mi caj i tsictesan a ñuclel.
\q Pejtel jini ch'ujulo' bʌ a cha'an mi caj i ch'ujutesañet.
\q
\v 11 Mi caj i subob wen ñuc a yumʌntel,
\q Cabʌl a p'ʌtʌlel.
\q
\v 12 Mi caj i subeñob i yalobilob jini ñuc bʌ a melbal,
\q Yic'ot i t'ojlʌwel a yumʌntel ya' ba' buchulet ti ñuc bʌ a we'tel.
\q
\v 13 Mach jilic a yumʌntel. An ti pejtelel ora.
\q An a yumʌntel ti wajali yic'ot ti pejtelel ora.
\b
\q
\v 14 C Yum, ma' wʌq'ueñob i p'ʌtʌlel pejtel mu' bʌ i yajlelob.
\q Ma' tijicñesʌbeñob i pusic'al jini ch'ijiyemo' bʌ.
\q
\v 15 Ti pejtelelob mi' pijtañet.
\q Ma' wʌq'ueñob i bʌl i ñʌc' che' ti' yorajlel.
\q
\v 16 Mach chʌquetic. Mi' ñaj'añob pejtel jini cuxulo' bʌ.
\b
\q
\v 17 Toj lac Yum ti pejtelel chuqui tac mi' mel.
\q Tsiquil i yutslel ti pejtelel i melbal.
\q
\v 18 Lʌc'ʌl an lac Yum ti' tojlel pejtel mu' bʌ i pejcañob ti pejtelel i pusic'al.
\q
\v 19 Mi' yʌq'ueñob chuqui yomob jini mu' bʌ i c'uxbiñob Dios.
\q Mi' yubibeñob i t'an che' mi' pejcañob. Mi' coltañob.
\q
\v 20 Lac Yum mi' cʌntan pejtel mu' bʌ i c'uxbiñob.
\q Mi caj i jisan pejtel jini jontolo' bʌ.
\b
\q
\v 21 Joñon mi caj c sub i ñuclel lac Yum.
\q La' i ch'ujutesañob Dios pejtel winicob x'ixicob.
\q Ch'ujul i c'aba' wʌle yic'ot ti pejtelel ora.
\c 146
\s Dios mi' coltan jini p'ump'uño' bʌ
\p
\v 1 ¡Aleluya!
\q Yom mic sub i ñuclel c Yum ti pejtelel c pusic'al.
\q
\v 2 Mi caj c chʌn sub i ñuclel lac Yum che' cuxulon to.
\q Mi caj j c'ʌyiben i ñuclel c Dios che' wʌ' to añon.
\b
\q
\v 3 Mach mi la' wʌc' la' pusic'al yic'ot jini yumʌlob ti pañimil,
\q Come winicob jach. Mach muq'uic i coltañonla.
\q
\v 4 Che' mi' cʌy i japob ic' mi' sujtelob ti lum.
\q Ti jini jach bʌ q'uin mi' to'ol jilel chuqui tsi' ña'tayob i mel.
\b
\q
\v 5 Tijicña mu' bʌ i taj i coltʌntel ti' Dios Jacob.
\q Ñʌch'ʌl i pusic'al woli' pijtan lac Yum, come jiñʌch i Dios.
\q
\v 6 Jiñʌch tsa' bʌ i mele panchan yic'ot pañimil
\q Yic'ot colem ñajb yic'ot pejtel i bʌl.
\q
\v 7 Mi' mel ti toj jini tic'lʌbilo' bʌ.
\q Mi' yʌq'ueñob i waj jini año' bʌ i wi'ñal.
\b
\q Lac Yum mi' yʌc' ti colel jini ñup'ulo' bʌ.
\q
\v 8 Lac Yum mi' cambeñob i wut jini xpots'ob.
\q Lac Yum mi' tijicñesʌbeñob i pusic'al jini ch'ijiyemo' bʌ.
\q Lac Yum mi' c'uxbin jini tojo' bʌ i pusic'al.
\q
\v 9 Lac Yum mi' cʌntan jini ch'oyolo' bʌ ti yambʌ lum.
\q Mi' coltan meba' x'ixicob yic'ot meba' alʌlob,
\q Pero mi' jisʌbeñob i tijicñʌyel jini jontolo' bʌ.
\q Mi' tajob wocol ti' jilibal.
\q
\v 10 Lac Yum mi' cha'len yumʌntel ti pejtelel ora.
\q Jiñʌch la' Dios, añet bʌ la ti Sion.
\q I Diosʌch la' walobilob yic'ot i yalobilob ti lajm ti lajm.
\q ¡Aleluya!
\c 147
\s Dios woli' cha' mel Jerusalén
\p
\v 1 Subula i ñuclel lac Yum.
\q Uts'at mi laj c'ʌyiben i ñuclel lac Dios,
\q Come uts i pusic'al. Uts'at mi' q'uelonla che' mi laj c'ʌyiben i ñuclel.
\q
\v 2 Lac Yum woli' cha' mel Jerusalén.
\q Mi' tempan tilel ti Israel jini chocbilo' bʌ.
\q
\v 3 Mi' lajmesʌbeñob i ch'ijiyemlel i pusic'al.
\q Mi' lajmesʌbeñob i tsoy.
\q
\v 4 Mi' tsic jini ec'.
\q Mi' yotsʌben i c'aba' ti jujump'ejl.
\q
\v 5 Ñuc lac Yum, cabʌl i p'ʌtʌlel.
\q Ma'anic i p'isol i ña'tʌbal.
\q
\v 6 Lac Yum mi' p'ʌtesan jini utso' bʌ.
\q Mi' jisʌbeñob i p'ʌtʌlel jini jontolo' bʌ.
\b
\q
\v 7 C'ʌyinla lac Yum. Aq'uenla wocolix i yʌlʌ.
\q Ñijcanla arpa cha'an mi' yubin Dios.
\q
\v 8 Jiñʌch mu' bʌ i mos panchan ti tocal.
\q Mi' choc jubel ja'al ti pañimil.
\q Mi' yʌc' ti colel jam ti bujbujtʌl.
\q
\v 9 Mi' yʌq'uen i buc'bal alʌc'ʌl
\q Yic'ot i yal xwachin che' mi' yuc'tan.
\q
\v 10 Dios ma'anic mi' q'uel ti ñuc i ch'ejlel caballo.
\q Ma'anic mi' q'uel ti ñuc i ch'ejlel winic.
\q
\v 11 Pero tijicña lac Yum cha'an jini mu' bʌ i c'uxbiñob, mu' bʌ i xuc'chocoñob i pusic'al ti' yutslel i t'an.
\b
\q
\v 12 Subula i ñuclel lac Yum añet bʌ la ti Jerusalén.
\q Subula i ñuclel la' Dios, añet bʌ la ti Sion.
\q
\v 13 Come tsa'ix i tsʌtsesa la' puertajlel.
\q Tsa'ix i yʌq'ueyob i wenlel la' walobilob año' bʌ ti la' tojlel.
\q
\v 14 Mi' yʌc' ti lajmel guerra ya' ti la' lumal.
\q Mi' yʌq'ueñetla jini wen bʌ trigo.
\q
\v 15 Mi' choc tilel i mandar ti pañimil.
\q Ti ora jach mi' ñumel majlel i t'an.
\q
\v 16 Mi' yʌc' i ña'al tsʌñal i mos lum.
\q Mi' pam puc che' bajche' mi lac puc i tiñil c'ajc.
\q
\v 17 Mi' choc jubel tuñija'.
\q ¿Majqui mi mejlel i cuchben i tsʌñʌlel?
\q
\v 18 Mi' yʌc' i t'an, mi' yulmʌl.
\q Mi' choc tilel ic'. Jini ja' mi' cajel ti ajñel.
\q
\v 19 Tsi' yʌq'ue i t'an Jacob.
\q Tsi' subeyob israelob i mandar yic'ot i ley.
\q
\v 20 Mach che'ic tsi' mele ti' tojlel yan tac bʌ colem tejclum ba' mach cʌmbilic i t'an.
\q Subula i ñuclel Dios.
\c 148
\s La' i sub i ñuclel lac Yum pejtel melbil tac bʌ
\p
\v 1 ¡Aleluya!
\q Subula i ñuclel lac Yum ya' ti panchan.
\q Subula i ñuclel ya' ti chan.
\q
\v 2 La' i subob i ñuclel Dios pejtelel i yángelob.
\q La' i subeñob i ñuclel Dios pejtelel i cha'año' bʌ ti panchan.
\q
\v 3 Jini q'uin yic'ot uw, la' i pʌs i ñuclel Dios.
\q Jini ec' tac i t'ojol jax bʌ ti ac'ʌlel, la' i pʌs i ñuclel.
\q
\v 4 La' i pʌs i ñuclel Dios jini chan bʌ panchan,
\q Yic'ot jini ja'al am bʌ ti tocal.
\b
\q
\v 5 La' i pʌs i ñuclel i c'aba' lac Yum,
\q Come tsi' yʌc'ʌ i t'an, tsa' mejli tac.
\q
\v 6 Tsi' wa'choco cha'an mi' yajñel ti pejtelel ora.
\q Tsi' yʌc'ʌ i t'an. Ma'anic mi' q'uextiyel ti pejtelel ora.
\b
\q
\v 7 La' i pʌs i ñuclel lac Yum wʌ' ti pañimil,
\q Jini colem bʌ i chʌñil tac ñajb yic'ot i yʌbʌnlel ja',
\q
\v 8 Yic'ot c'ajc yic'ot tuñija' yic'ot i ña'al tsʌñal,
\q Yic'ot jini p'ʌtʌl bʌ ic'. Mi' laj jac'ben i t'an.
\q
\v 9 Jini wits tac ja'el yic'ot pejtel bujtʌl,
\q Yic'ot te' tac am bʌ i wut yic'ot pejtel jini ch'ujte',
\q
\v 10 I bʌte'el ja'el yic'ot pejtel alʌc'ʌl,
\q Yic'ot jʌlʌcña bʌ mi' majlel ti lum, yic'ot te'lemut.
\b
\q
\v 11 Jini reyob ti pañimil ja'el yic'ot pejtelel winicob x'ixicob ti mojt ti mojt,
\q Jini yumʌlob ja'el yic'ot pejtel año' bʌ i ye'tel ti pañimil,
\q
\v 12 Jini ch'iton winicob yic'ot xch'ocob,
\q Yic'ot xñoxob yic'ot ch'itoñob,
\q
\v 13 La' i subob i ñuclel lac Yum,
\q Come i bajñel an i ñuclel.
\q Ñumen ñuc Dios bajche' pejtel an tac bʌ ti pañimil yic'ot ti panchan.
\q
\v 14 Tsi' yʌc'ʌ ti c'uxbintel i cha'año' bʌ.
\q Tsi' cʌntesayob ti c'ay jini israelob cʌntʌbilo' bʌ i cha'an,
\q Cha'an mi' c'ʌyiñob i ñuclel.
\q Subula i ñuclel Dios. ¡Aleluya!
\c 149
\s La' i sub i ñuclel lac Yum Israel
\p
\v 1 ¡Aleluya!
\q C'ʌyiben lac Yum tsiji' bʌ c'ay.
\q C'ʌyinla ba' mi' tempañob i bʌ i cha'año' bʌ.
\q
\v 2 La' i yubiñob i tijicñʌyel israelob ti Dios tsa' bʌ i meleyob.
\q La' i yubiñob i tijicñʌyel jini chumulo' bʌ ti Sion come yumʌlʌch i Rey.
\q
\v 3 La' i c'ʌyibeñob i ñuclel i c'aba' ti son,
\q Yic'ot pandero yic'ot arpa.
\q
\v 4 Come lac Yum tijicña mi' q'uel i cha'año' bʌ.
\q Mi' coltan jini utso' bʌ.
\q
\v 5 Yom tijicñayob i pusic'al, come añob i ñuclel mu' bʌ i tsajcañob Dios.
\q La' i cha'leñob c'ay ti' wʌyib cha'an tijicñayob.
\q
\v 6 La' i c'ʌyiñob i ñuclel Dios jini Ñumen Ñuc Bʌ.
\q La' i chucob espada cha'wejl bʌ i yej
\q
\v 7 Cha'an mi' q'uextʌbeñob i mul jini colem tejclum tac ti mojt ti mojt,
\q Cha'an mi' ju'sʌbeñob i pusic'al.
\q
\v 8 Mi caj i cʌchob reyob ti cadena,
\q Mi caj i cʌchob yumʌlob ti tsucul taq'uin.
\q
\v 9 Mi caj i yʌc'ob ti tojmulil che' bajche' ts'ijbubil.
\q Jiñʌch i ñuclel pejtel i cha'año' bʌ mu' bʌ i tsajcañob. ¡Aleluya!
\c 150
\s La' lac tsictesan i ñuclel Dios ti música
\p
\v 1 Subula i ñuclel lac Yum.
\q Subula i ñuclel Dios am bʌ ti ch'ujul bʌ i yajñib.
\q Subula i ñuclel jini p'ʌtʌl bʌ am bʌ ti panchan.
\q
\v 2 Subula i ñuclel come ñuc tac i melbal.
\q Subula i ñuclel come cabʌl i p'ʌtʌlel.
\b
\q
\v 3 Tsictesanla i ñuclel yic'ot i t'an trompeta.
\q Tsictesanla i ñuclel yic'ot guitarra yic'ot arpa.
\q
\v 4 Cha'lenla son cha'an mi la' tsictesan i ñuclel.
\q Ñijcanla música am bʌ i ch'ajñal. Wusula amʌy.
\q
\v 5 Tsictesanla i ñuclel ti selel bʌ tsucul taq'uin mu' bʌ lac jats'.
\q Tsictesanla i ñuclel ti címbalo c'am bʌ mi' cha'len t'an.
\q
\v 6 La' i subob i ñuclel lac Yum pejtel cuxulo' bʌ.
\q Subula i ñuclel lac Yum.