\id 2JN Cubeo [cub] NT (Colombia) -2009 bd. 
\h 2 San Juan
\toc1 2 San Juan
\toc2 2 Jn
\mt 2 San Juan
\ip Mamabʉinore coyʉiyebu Juan mácʉ ũ̶i toivacaiye báquede
iyoca mamayoca yóbocayoca ũ̶i paperayocare. Juan mácʉ
barejaquémavʉ judíovacacʉ, Galilea ãmicʉrijoborõcacʉ, aru
Jesús ũ̶i yávaiye méne beorĩ coyʉicõjeimaracacʉ. Ʉ̃i mamicʉ
Santiago bácʉque moa boaipõecʉ bácʉ barejaquémavʉ, Jesúi
órejaquiye jipocare ũ̶ mácʉre. Lucas bácʉ coyʉrejaquemavʉ
Juan mácʉi borore Hch 3:1-4:22. Majidivʉ ne dápiaiyepe,
toivacarejaquemavʉ diyocare ũ̶ mácʉ cʉcʉ bácʉ Éfeso
ãmicʉriĩmaroi, ne coreóvaiye boje ũ̶ mácʉ Éfesocavʉ Jesúre
jʉ aipõevare coreipõecʉ bácʉre. Apevʉ ne dápiaiyepe, ico jʉ
aipõeco báco aru õi mára mácavʉ, ũ̶i toivacaimara mácavʉ,
Partia ãmicʉrijoborõcavʉ barejaquémavʉ. Põecʉ cʉbebi majicʉ
ye ʉjʉ ũ̶i toivacaiʉjʉ bácarõre diyocare, ʉbenita obedivʉ
ne dápiaiyepe ãniʉjʉa báquede 87-90 d.C. baji, ũ̶i toivaquiye
jipocare ũ̶i coyʉiyede Jesucristorã aru Jesucristoi jã́d̶ovaiye
báquede ũ̶ mácʉre, ʉbenita ũ̶i toivacarĩburu yóbore ũ̶i
mamayoca paperayocare.
\ip Toivacarejaquemavʉ Jesúre jʉ aipõevare, ne ʉrãjiyepe ayʉ
Jũ̶menijicʉre aru apevʉ Jesúre jʉ aipõevare máre, aru ne
majinajiyepe ayʉ aipe d̶aiye jaʉrõre jʉjovaivʉque, ina Jesúre
jʉ aivʉpe teniduivʉque.
\c 1
\s Bueiye jãve aru jãve ʉe máre
\r (Jn 13.34, 14.15, 23-24, 15.12, 17; 1 Jn 5.3; 3 Jn 3)
\p
\v 1 Yʉ, bʉcʉcʉ, Jesucristore jʉ aivʉre coreipõecʉ,
toivacaivʉ mʉre, jíco, Jũ̶menijicʉi beoimore aru mímarare
máre. Meaicõjeivʉ mʉjare. Yú̶vacari jãve ʉvʉ mʉjare, maje
coreóvaiye boje Jũ̶menijicʉi yávaiyede jãvene. Aru yʉ
cũinácʉra ãmevʉ ʉcʉ mʉjare. Ʉbenita caivʉ ina coreóvaivʉ
Jũ̶menijicʉi yávaiyede jãvene, na máre ʉrivʉbu mʉjare.
\v 2 Ñʉja ʉrivʉbu mʉjare, ñʉje majié boje Jũ̶menijicʉi
yávaiyede jãvene. Que baru caivʉ maja cʉrivʉbu majidivʉ iye
yávaiyede jãvene caride. Aru cainʉmʉa cʉrãjaramu maja dieque.
\v 3 Maje cʉede ijãravʉi cʉrãjaramu maja me, coreóvaivʉ
Jũ̶menijicʉi yávaiyede jãvene aru ʉrivʉ majevʉre. Majepacʉ
Jũ̶menijicʉ, mamacʉ Jesucristomaque, mearo d̶acacʉyʉme majare
bojecʉbeda ũ̶i me boje, ũ̶i cõmaje ãroje jã́iyede aru ũ̶i
cãrijimene cʉre d̶aiyede máre.
\p
\v 4 Majivʉ yʉ apevʉ mímaracavʉre cʉrivʉre jʉ arĩ
Jũ̶menijicʉi yávaiyede jãvene yópe majepacʉ Jũ̶menijicʉ ũ̶i
d̶aicõjeiyepe majare. Que baru pare torojʉvʉ yʉ ji ũmei.
\v 5 Aru mʉ, jíco, ji ʉmo, caride yʉ jẽniaivʉ mʉre.
Ʉrãjarevʉ majevʉre, caivʉ maja Jesúre jʉ aivʉ. Yʉ
toivacabevʉ mʉre apeno d̶aicõjeino mamarore. Quénora ji
toivacaiye mʉre cũinátʉrʉbu no d̶aicõjeino mácarõ, maje jʉ
aiye báque Jesúre mamarʉmʉre.
\v 6 Aru maja ʉrivʉ baru Jũ̶menijicʉre, d̶arãjivʉbu caiyede
yópe ũ̶i d̶aicõjeiye báquepe. D̶aicõjeimi ũ̶ majare apevʉre
ʉrĩ cʉrivʉre. Mʉja jápiaivʉbu no d̶aicõjeino mácarõre,
mʉje jʉ aiye báquede Jesúre mamarʉmʉre. Aru caride máre jʉ
aivʉbu nopedeca.
\s Ina jʉjovaivʉ põevare
\r (Mt 7.15; 1 Jn 2.18, 22-23, 4.1-3, 15)
\p
\v 7 Obedivʉ jʉjovaivʉ cuivʉbu yore ijãravʉi. Nárecabu jʉ
abevʉ Jesucristore jãve dayʉ bácʉre põecʉpe ijãravʉi. Ácʉ
põecʉ que ayʉ baru, ṹ̶recabe jʉjovayʉ põevare aru maucʉvacʉ
Cristore máre.
\v 8 Me jã́jara mʉja, mʉje bíjabenajiyepe aivʉ yo bojed̶aino
jaʉrõre mʉjare, mʉje memecaiye boje. Quénora me d̶ajarã mʉja,
cʉvarãjivʉ caino no bojed̶aino jaʉrõre mʉjare.
\p
\v 9 Aru ácʉ põecʉ buebecʉ yópe Jesucristo ũ̶i bueiye
báquepedeca quénora bueyʉ baru ape bueiyede Jesúi bueiye
báquede jarʉvarĩ, ṹ̶recabe yóvabecʉ Jũ̶menijicʉre. Ʉbenita
ácʉ põecʉ bueyʉ baru yópe Jesucristo ũ̶i bueiye báquepedeca,
ṹ̶recabe yóvayʉ Jũ̶menijicʉre aru Jũ̶menijicʉi mácʉre
máre.
\v 10 Ácʉ põecʉ buecʉdayʉ baru mʉje yebai ape bueiyede Jesúi
bueiye báquede jarʉvarĩ, ñaine copʉ etabejarã mʉje cũ̶ramiai
aru jacoyʉbejarã ṹ̶re.
\v 11 Que teni ṹ̶re jacoyʉivʉ baru, jʉ aivʉ ũ̶i bueiye
borocʉede, yóvaivʉbu ṹ̶que ãmeina d̶aivʉ.
\s Meaicõjeino
\r (3 Jn 13-14)
\p
\v 12 Apeno ʉrarõ coyʉinore coyʉiyʉvʉ mʉjare. Ʉbenita yore
toivaiyʉbevʉ yʉ. Quénora napini coreivʉ yʉ jã́cʉdacʉyʉ
mʉje yebai, yávacʉyʉ ji bajumiareca, maje bʉojarãjiyepe ayʉ
torojʉrivʉ maje ũmei.
\v 13 Mimamicoi mára, Jũ̶menijicʉi beoimo mácoi mára,
meaicõjed̶ama mʉre. Quénoramu.