\id ROM
\h ROMANOS
\toc1 Romanos
\toc2 Rom
\mt1 MEJE PO CARTE PABLO TATINA, ROMA TOMARAPIWI TATINATSI
\c 1
\s Meje yabara poxonae Pablo tamropata pitaba xua tatina
pomonaetha pomonae Roma tomarapiwi
\p
\v 1 Xan, Pablon, apara pon tanacuichin amanaya Jesucristo
nexa. Nacom newaba yawa tsana nenota xua necana exana
Jesucristo pia peitorobi jiwi jiwana tatsin xua
tacueicueijeinexa Nacom pia pecapanenebiyae diwesi jume.
\p
\v 2 Barapo pecapanenebiyae diwesi jume caena bayatha Nacom
yabara tsiwʉnae muxu duta Nacom pia peitorobi jume pepaebi
jiwitha poxonae barapomonae tina Nacom Pejume Diwesi xua
Nacom yaputane exana, po diwesi xua Nacom pia pexeinya jume
diwesi tatsi.
\v 3 Barapo diwesi yabara tinatsi Jesucristo, pon
Wanacanamataxeinaein, pon Nacom Pexanto tatsi. Poxonae bapon
Jesucristo be jiton coyeneya naexana, xaniwaicha bapon David
pia pemomoxi susato jiwanapin tatsi. Barapo David pon caena
bayatha Israel nacuapiwi itorobiya pia pepa peewatsinchi.
\v 4 Poxonae Nacom pia peayapusʉ itorobi coyenewatha
Jesucristo pon Wanacanamataxeinaein asʉ exanatsi petʉpae
cuiru coyene weya, bapoxonae Nacom tsita itapeinya xeina
jiwitha xua bapon Jesucristo bara Nacom Pexanto tatsi po
pexantoxae tatsi pia jumope tʉnaxʉ tatsi jʉntʉ coyene
xanepana Nacomtha.
\p
\v 5 Jesucristo pata tana neantobexae, Nacom pana cata
pocotsi coyene xua pana netsita coyene xanepana xua pata
tana necana exanaewa tsane Jesucristo pia peitorobi jiwi
tatsi. Nacom pana itoroba pata cueicueijeinexa daxita nacua
jiwitha xua barapomonae pejume cowʉntsinexa yawa xua
peexanaenexa pocotsiwa xua Jesucristo itoroba.
\v 6 Daxita barapomonae pomonae jume cowʉnta, paxam
barapomonae jiwana pam. Nacom irʉ paca waba xua paxam
Jesucristo piamonae tatsi jiwana pam painya nenaexanaenexa.
\v 7 Daxita pam pacata tinatsi pomonae pajinompame Roma
tomaratha, pomonae pam xua Nacom paantobem. Yawano Nacom
paca waba xua bapon painya tsita nenajʉntʉ coyenein
xanepana exanaenexam tsane. Barabʉ Nacom, pon Waxa, irʉ
Jesucristo pon jiwi Pecanamataxeinaein baponbe paca
yawenaenabe pia paca necaantobexae. Mataʉtano baponbe
barabʉ jʉntema jinompa paca cana exanaena.
\s Meje yabara poxonae Pablo ichichipa xua pesiwa ponaewa
Roma tomara
\p
\v 8 Matha copiya Jesucristo wʉn caununaya tsipaeban
Nacomtha, janje tsaibin: “Nacom, yabara jʉntʉ coyene
weiweinan Roma tomarapiwi, tsipei daxita nacuan jiwi yabara
paeba xua pinae barapo Roma tomarapiwi xaniwaicha beta
cajume cowʉnta”, jan tsaibin Nacomtha.
\v 9 Ajʉntʉyapusʉya Nacom tanacuitan. Nacom tacueicueijan
pia jume diwesi xua pocotsi jume Pexanto tatsi tayabara
paeban. Barapon Nacom bara yatsicaewa neyaputane xua matowa
paca yabara nanta xeinaeya tsipaebaponatsi barapo Nacomtha.
\v 10 Nacomtha yainyabeiban xua icha bapon ichichipa xua
bara metha neitacʉpaetsipa xua matapainya tapaca siwa
ponaewatsi tsainchi.
\v 11 Paca siwa ponaeinchi tsipei bichocono ichichipan xua
tapaca taewatsi. Ichichipanno xua tapaca cuidubiwatsi
tsainchi xua Nacom pia Pejumope tʉnaxʉ tatsi painya nepaca
cayawenaenexa tsane painya jʉntʉ coyenewatha. Bapoxonae
paca jʉntʉ coyene ayapusʉ exanaena.
\v 12 Pocotsiwa xuaunxuae yabara paeban apara xua waxainchi
caemonae nantiya wanajʉntʉ coyene tsacabinexa xua jʉntema
wajinompaenexa. Baxua nacana exanaeinchi poxonae
wanatsipaebeibinexa Nacom Pejume Diwesi, po jume diwesi
pajume cowʉntame xua irʉrʉ jume cowʉntandʉ.
\p
\v 13 Tamonae pam, pomonae irʉ painya nejume cowʉntsiwixae
Jesucristo. Ichichipan xua payaputaneme xua matowa
ichichipeiban xua tapaca siwa poneibiwa tsaibi tsainchi.
Ichitha beya anoxuae jopa neitacʉpaeyo xua tapaca siwa
ponaewatsi. Ichichipan xua tapaca cuidubiwatsi Nacom Pejume
Diwesi xua pejume cowʉntsinexa pomonae jopa copiya jume
cowʉntsiyo, xua irʉrʉ pejʉntʉ coyene tsacabinexatsi
pomonae copiya jume cowʉnta. Baxua barichin tsane icha
bayatha ichin ichamonaetha xua poxonae yawenan pomonae jopa
judiomonae naexanaeyo xua pejume cowʉntsinexa.
\v 14 Nacom neitoroba daxita jiwitha. Daxota bewa
cueicueijan tsane Nacom Pejume Diwesi daxita jiwitha,
bequein metha bara tomarapiwi tsipae, ichacuitha metha bara
bequein unupiwi tsipae, bequein metha peyaputaewi tsipae,
ichacuitha metha bequein jopa peyaputaewi tsipae.
\v 15 Daxota bichocono ichichipan xua paxam irʉ tapaca
cuidubiwatsi tsainchi Nacom Pejume Diwesi pomonae pamxaem
xua painya nejinompaewi pam Roma tomaratha.
\s Meje yabara xua Nacom Pejume Diwesi xeina peayapusʉ
itorobi coyenewa xua jiwi pecapanenebiwatsi
\p
\v 16 Jopa ajumeurinyo xua tacueicueijeiwa Nacom pia
pexeinya jume diwesi. Poxonae jiwi jume cowʉnta barapo
diwesi, Nacom capanenebiya exana barapomonae abe pia
peexanae cuiru coyenein weya tatsi pia peayapusʉ itorobi
coyenewatha. Nacom capanenebiya pomonae pia pejume
cowʉntsiwichi, matha copiya judiomonae, bapoxonae irʉ
pomonae jopa judiomonae naexanaeyo.
\v 17 Barapo diwesi naca yaputane exana xua Nacom naca cana
jʉntʉ coyene xanepana exana bapontha, xua jopa watsita
natsicuentsixae xua abe waexanaexae bapontha. Nacom baxua
naca cana jʉntʉ coyene exana saya poxoru ʉ meisa wayabara
jume cowʉntsixae pocotsiwa exanapaeba, bapon. Nacom Pejume
Diwesitha jeye baxua yabara: “Pontha, pon Nacom jʉntʉ
coyene xanepana exana pia peyabara jume cowʉntsinxaetsi
pocotsiwa exanapaeba bapon ataya tsitecaeya poponaena”,
jei Nacom Pejume Diwesitha.
\s Meje yabara xua jiwi penatsicuentsiwa Nacomtha abe
peexanaexae
\p
\v 18 Waxainchi yaputainchi xua Nacom anaepana pomonaetha
pomonae abe peexanaewi. Daxota itorobica athawetsica po
coyenetha xua barapo jiwi atene peexanaewatsi. Nacom
anaepana, jiwi abe peexanaexae bapontha yawano abe
peexanaexae ichamonaetha. Mataʉtano barapomonae abe
peexanaexae, jopa copatsiyo xua bara pia jʉntʉ coyeneintha
peyaputaewa pexainyei jumein.
\v 19 Barapomonae bewa xaniwaicha bayatha yaputaena po
coyene xua Nacom pejʉntʉ coyene tatsi. Tsipei bayatha
Nacom tsita najʉntʉ coyene itʉta barapomonaetha.
\v 20 Jiwi jopa itacʉpaetsi xua paeba xua pinae jopa Nacom
yabara yaputaetsi. Beya poxonae Nacom aena forota barapo cae
pin nacue, jiwi yaputane xua Nacom xaniwaicha popona yawa
pia peayapusʉ itorobi coyenewa bapana jopa weraweracae
tsane. Jiwi yaputane baxua poxonae tane pocotsiwa Nacom
forota bequein Nacom jopa taetsi. Daxota jiwi natsiaenae
cuenta exana Nacomtha pia coutha poxonae abeya paeba xua
pinae jopa yaputaetsi Nacom.
\v 21 Bequein barapomonae yabara yaputane xua bara Nacom
popona, daichitha barapomonae jopa barʉ cui itura jinaeyo
Nacom ponxae xua yatsicaewa pia pepa Nacom tatsi. Yawano
barapomonae jopa jei tsaibiyo Nacomtha: “Nacom, pajʉntʉ
coyene weiweinan xua pocotsiwa painta neexanaewamxae”,
jopa jei tsaibiyo. Saya meisa barapomonae yabara nanta xeina
dubenanaebiya pocotsiwa xua pepawi. Saya abeya nanta xeina
dubenanaebiya xua daxota jopa yaputaeyo pexainyei jume.
\v 22 Bequein barapomonae paeba xua pinae peyaputaewi
daichitha be pomonae xua jopa xapain peyaputae jiwi
naexanaeyo.
\v 23 Barapomonae jopa wʉnae jainchiyo Nacom, pon ataya
tsitecaeya popona. Saya ʉ wʉnae pejainchi ibo nacomʉn, po
ibo nacomʉn be tsita jiwichi xua saya peweraweracae coyene.
Yawano icha ibo nacomʉn exana xua xuan be peyapupunaewi,
yawano po ibo nacomʉn be jomon xua petompacuetontha pona,
yawano po ibo nacomʉn be duwein xua pecobe xeina yawa
pesito xeina.
\p
\v 24 Daxota Nacom copata xua barapomonae bara moya
peexanaenexa abe peexanaewa be pocotsi coyeneya xua
ichichipa. Bapoxonae barapomonae nantiya nata exana
pocotsiwa xua aura exanatsi pia pepontha.
\v 25 Baxuan Nacom copata xua peexanaewa barapomonae, tsipei
barapomonae jopa jume cowʉntsiyo Nacom pia pexainyei diwesi
jume. Saya barapomonae itapeta ʉ jume cowʉnta xua xuan
penaerabi diwesi jumein. Pocotsiwan Nacom forota baxuan
barapomonae be pia nacomʉn cana exana pejume cowʉntsinexa,
mataʉtano xua barapomonae pebarʉ cui itura jinaenexa xua
wʉnae pejainchiwa nexa. Barapomonae jopa wʉnae jainchiyo
pepa Nacom, pon daxita peforotsin. Barapon waxainchi bewa
wʉnae jainteibinchi xua ataya tsaibi tsane pia
peexaneibixae waxainchi nexa. Je, bara ichi tsane.
\p
\v 26 Daxota Nacom copata xua barapomonae bara moya
peexanaenexa pocotsiwan xua aura exanatsi pia pepontha
pocotsiwan abe coyenewa peichichipaewan. Mataʉtano
barapomonae pia yabʉxi tatsi jopa equeicha exanaeyo po
coyene yabʉxi ba exana poxonae peichichipaewa pia pebin.
Bapoxonae barapo yabʉxi exana xua cae yabʉxi naichichipa.
\v 27 Barichi pebiwi aichaxaibi po coyene pebiwi ba exana
poxonae peichichipaewa pia petsiriwa. Saya meisa bichocono
penthʉtontha ichichipa exana xua cae pebiwi naichichipa.
Barapo pebiwi nantiya nata exana pocotsiwa xua pin ura xeina
exanatsi. Barapomonae abe peexanaexae Nacomtha natsicuenta.
Daxota Nacom copata xua barapomonae pia pepon atene nata
exana.
\p
\v 28 Poxoru barapomonae jopa ichipaeyo xua jopa pejume
cowʉntsiwa Nacom, daxota Nacom copata xua barapomonae moya
bara abeya penanta xeinaenexa. Mataʉtano Nacom copata xua
barapomonae bara moya exanaena pocotsiwan jopa bewa exanae
pocotsiwa xua abe.
\v 29 Barapomonae jopa juniya jʉntʉ coyene yʉcaetsi xua
peabe coyenewan. Barapomonae nasi cui weiweina exanaduta,
yawano abe exana ichamonaetha. Yawano exana xua ichichipa
pocotsiwa ichamonae xeina. Yawano ichichipa xua ichamonae
atene exanatsi. Barapomonae uwa, ichamonae uwatsi. Yawano
barapomonae juteba, ichamonae jutebatsi. Yawano penabi
coyene exana. Yawano barapomonae jiwi muxujainyaba nawita.
Yawano barapomonae bichocono piamonae caseba nawita. Yawano
caemonae nabarʉ paxapaxei xua ichamonae abe yabara
paebatsi.
\v 30 Yawano barapomonae jume atsaquiya abeya yabara paeba
xua ichamonae pocotsiwa exana. Barichi barapomonae Nacom
casebatsi. Yawano barapomonae biatane ichamonae. Yawano pia
coutha penayabara paebiwi xua pinae peainya cui jiwi. Yawano
barapomonae peaebiwi xua ichamonae aebatsi. Yawano jeita
nawita pocotsiwan xua peabe coyenewa. Yawano jopa exanaeyo
pocotsiwan xua paxeiwi itorobeibatsi.
\v 31 Barapomonae jopa ichichipaeyo xua Nacom peyabara
yaputaewatsi. Yawano barapomonae jopa jume xainyeya exanaeyo
pocotsiwan xua exanapaebeiba. Yawano barapomonae jopa xapain
antobeyo ichamonae. Yawano barapomonae jopa ichamonae yabara
jʉntemainaetsi xua abe exana. Yawano barapomonae jopa
ichamonae xapain yabara nanta xeinaetsi xua
peyawenaenexatsi.
\v 32 Barapomonae yaputane pocotsiwa xua Nacom itoroba.
Yawano barapomonae yaputane xua pomonae barapo peabe
coyenewan exana bewa werapaena. Bequein barapomonae yaputane
baxuan ichitha awiya abe eexanapona. Yawano barapomonae
jʉntʉ coyene weiweina, poxonae ichamonae irʉ barapo peabe
coyenewan exana.
\c 2
\s Meje yabara xua Nacom yabara paebina penatsicuentsiwa
jiwi, xua yatsicaewa pexainyei coyenewatha
\p
\v 1 Paca tsipaebatsi paxam judiomonae jiwana pam pomonae
xua ichamonae pecayabara nanta xeinaewichi xua icha abe
exana xuano xua icha jopa abe exanaeyo. Paxam jopa bewa
pajam tsane ichʉntha: “Xam abe exaname, natsicuenta
exaname Nacomtha”, jopa bewa pajam tsane. Tsipei poxonae
ichʉn payabara paebame xua penatsicuentsiwa xua abe
peexanaewaxae, apara painya coutha panatsicuentame Nacomtha
xua abe painya neexanaexae. Poxoru bichocono abe painya
neexanaewi icha ichi pomonae payabara paebame xua
penatsicuentsiwa xua abe pia peexanaewaxae.
\v 2 Waxainchi yaputainchi xua Nacom yabara paebina daxita
jiwi xua penatsicuentsiwa xua abe peexanaexae xua yatsicaewa
pexainyei coyenewatha xua abe peexanaexae bapontha. Poxonae
Nacom yabara paebina xua penatsicuentsiwa jiwi, bapon
paebina xua pomonae barapo peabe coyenewan exana bewa peraxa
jʉbebinchi xua atene tsane.
\v 3 Paxam ichʉn payabara paebame penatsicuentsiwa xua abe
pia peexanaewaxae. Apara painya coutha panatsicuentame
Nacomtha xua irʉ paxam painya nebarichiwatham xua abe
painya neexanaexae. Paxam jopa paca itacʉpaeyo xua painya
nepanenebiwa poxonae Nacom atene exanaena xua poxonae yabara
paebina jiwi xua penatsicuentsiwa xua pomonae abe
peexanaewi.
\v 4 Paxam paaichaxaibim poxonae Nacom bichocono
peichichipaexae xua painya nepaca yawenaewa xua painya
nepaca antobexae. Yawa paxam paaichaxaibim poxonae Nacom
abʉ saya jʉntema ewata xua beta pacata exanaena xua
pomonae pamxaem xua pajume cowʉntsiname yawa atene paca
exanaena pomonae pamxaem jopa painya nejume cowʉntsiwi.
Nacom baxua exana pia xua paxam painya auratsi abe painya
neexanaexae. Yawano pia painya bapoxonae Nacom wʉcaetsi xua
painya nepaca cayabara jʉntemainaenexa painya abe exanae
coyenewan.
\v 5 Paxam ainya ʉnthʉton paxeiname. Yawano jopa
paichipaem xua icha jʉntʉ coyene painya tsita xeinaewa
Nacom. Daxota paxam mataropeicha paexanaponame xua
pocotsiwan abe. Daxota bexa Nacom paca yabara anaepanaena
xuano atene paca exanaena painya tsita natsicuentsixae po
mataqueitha Nacom paebina xua bewa atene exanaeinchi pomonae
barapo peabe coyenewan exana. Nacom yabara paebina jiwi xua
penatsicuentsiwa xua abe peexanaexae xua yatsicaewa
pexainyei coyenewatha abe peexanaexae bapontha.
\v 6 Nacom catsibina pentoman daxita carepaya jiwitha xua
pocotsiwan pia petanacuichiwixaetsi. Pomonae abeya tanacuita
xuya abeya matoma catsibebinchi. Pomonae wʉnaeya tanacuita
xuya wʉnaeya matoma catsibebinchi.
\v 7 Ichamonae Nacom peajʉntʉyapusʉ coyenewa catsibina
pomonaetha pomonae jopa aitaconaeya exana dubenanaebiyaeyo
pocotsiwa Nacom ichichipa. Barapomonae ichichipa nawita xua
po coyene Nacom petsita xanepanaewa tsainchi. Mataʉtano
barapomonae ichichipa nawita pia pebarʉ cui itura jinaewa
Nacomtha. Mataʉtano barapomonae ichichipa nawita xua pia
xeinaetsi peajʉntʉyapusʉ coyenewa po peajʉntʉyapusʉ
coyenewa ataya tsiteca.
\v 8 Ichamonaetha, Nacom anaya exanaena xua atene exanatsi
barapomonae pomonae saya ʉ piawa nata exana. Yawa Nacom
atene exanaena pomonae jopa jume cowʉntsiyo Nacom pia
pexainyei jume diwesi. Barapomonae Nacom bichocono caseba
itapeta peichichipaewaxae xua abe coyenewa peexanaewa.
\v 9 Atene exanebinchi yawa ajʉntʉrewe exanebinchi daxita
pomonae abe coyenewan peexanaewi, matha copiya pomonae
judiomonae, bapoxonae irʉ catsibinchi pomonae jopa
judiomonae naexanaeyo.
\v 10 Ichitha nama Nacom seicaya catsibina pomonaetha
pomonae xanepanaya betiya peexanaewi po coyenewa xua Nacom
petsita xanepanaewa tsainchi. Yawano catsibina po coyenewa
xua pebarʉ cui itura jinae coyenewa. Yawano catsibina po
coyenewa xua jʉntema pejinompae coyenewan. Matha copiya
catsibinchi judiomonae, bapoxonae irʉ catsibinchi pomonae
jopa judiomonae naexanaeyo.
\p
\v 11 Barapomonaethabe Nacom catsina barapo coyenein tsipei
Nacom tsita najʉpatsi daxita jiwi.
\v 12 Pomonae jopa judiomonae naexanaeyo daxita barapomonae
yaputane poxonae abe exana pia peitorobi coyenewan
pexeinaexae. Icha barapomonae awiya eexanapona pocotsiwa xua
abe, Nacom tsita natsicuentatsi. Barapomonae werapaena abe
peexanaexae bequein jopa yaputaeyo Moisés pia peitorobi
coyenewa tatsi. Pomonae judiomonae barapomonae yaputane
Moisés pia peitorobi coyenewa tatsi. Daxota yaputane
poxonae abe exana. Poxonae barapomonae abe eexanapona Nacom
tsita natsicuenta exanatsi abe peexanaexae, poxoru yaputane
Moisés pia peitorobi coyene tatsi.
\v 13 Pomonae jume tane Moisés pia peitorobi coyenewa tatsi
xuano exana pocotsiwa itoroba, barapomonae Nacom tsita
jʉntʉ coyene xanepanatsi. Pomonae saya jume tane Moisés
pia peitorobi coyene tatsi daichitha jopa exanaeyo pocotsiwa
itoroba, barapomonae Nacom jopa tsita jʉntʉ coyene
xanepanaetsi.
\v 14 Pomonae jopa judiomonae naexanaeyo barapomonae jopa
xeinaeyo Moisés pia peitorobi coyenewa tatsi. Ichitha
ichacuitha barapomonae exana xua be pocotsi coyene Moisés
pia peitorobi coyenewatha itoroba. Baxua barapomonae exana,
tsipei pejʉntʉ coyenewantha yaputane pocotsiwa xua abe
xuano pocotsiwa xua xanepana bequein bara jopa xeinaeyo
Moisés pia peitorobi coyenewa tatsi. Poxonae baxuan exana
be barompaya pia peitorobi coyenewan xeina pia jʉntʉ
coyenewantha.
\v 15 Poxonae barapomonae beta exana, baxua itapeinya xeina
xua barapomonae pia jʉntʉ coyenewantha xeina Nacom pia
peitorobi coyenewa tatsi. Barapomonae yacuiya naexana.
Barapomonae pia jʉntʉ coyenein yaputane cana exanatsi xua
poxonae wʉnae exana xuano xua poxonae ichacuitha abe exana.
\v 16 Jemeicha jopaena matacabi po mataqueitha poxonae Nacom
itorobina xua Jesucristo yabara paebina daxita jiwi xua pia
penatsicuentsiwa xua abe peexanaexae Nacomtha. Barapo
mataqueitha Jesucristo yabara paebina jiwi xua
penatsicuentsiwa xua abe peexanaexae xua pocotsiwan namicha
abeya peexanaexae mataʉtano pocotsiwan namicha abeya
penanta xeinaexae. Baraxua Jesucristo bara exanaena icha be
pocotsi coyeneya paeban poxonae cueicueijan Nacom pia
pexeinya pecapanenebiyae diwesi jume.
\s Meje yabara xua judiomonae yawa Moisés pia peitorobi
coyenewa tatsi
\p
\v 17 Paxam papaebame, pajam: “Paxan seicaya judiomonaepiwi
pan”, pajam. Pananta xeiname xua Moisés pia peitorobi
coyenewa tatsi paca capanepaena. Atsaquiya papaebame xua
barompaya painya nacom, yatsicaya pepa Nacom.
\v 18 Barichi paxam papaebame xua pinae payaputaneme
pocotsiwa xua Nacom pia peichichipae coyenewa. Mataʉtano
papaebame xua pinae Moisés pia peitorobi coyenewa paca
cuiduba xua painya neitapetsiwa po coyene xua pexainyei
coyenewa.
\v 19 Mataʉtano atsaquiya papaebame, pajam: “Paxan
pacuiduban pomonae jopa peyaputae jiwi Nacom. Yawa jume
cowʉnta pacana exanan pomonae jopa jume cowʉntsiyo
Nacom”, pajam.
\v 20 Paxam pananta xeiname xua paca itacʉpa xua
pacuidubame pomonae Nacom jopa peyaputae jiwi. Barichi
pananta xeiname xua paca itacʉpa xua yaputane pacana
exaname pomonae pena pejume cowʉntsiwi. Paca itacʉpa
barapo ainya coyenewabe painya neyaputaexae Moisés pia
peitorobi coyenewa xua xeina pexainyei yaputae coyenewan.
\v 21 Poxonae ichamonae po coyenein yabara pacuidubame paxam
jopa apara matha pajume yabara cowʉntsiya exanaem barapo
coyenein. Paxam pacuidubame pocotsi coyenewa xua jopa bewa
caibi ichamonaetha xua irʉ painya barichiwathamdʉ.
\v 22 Paxam pacuidubame xua jopa bewa ichʉn piowa tatsi
tapichichi xua irʉ painya barichiwathamdʉ. Paxam papaebame
xua pinae paaichaxaibim ibo nacomʉn, ichitha paxam
pacaibame pocotsiwan xua jeba ibo nacomʉn pia botha tatsi.
\v 23 Atsaquiya papaebame xua paxeiname Moisés pia
peitorobi coyenewa. Ichitha irʉ apara paxam jopa paexanaem
xua painya nebarʉ cui itura jinaewa Nacom, poxonae jopa
payabara jume cui coyeneya exanaem barapo Moisés pia
peitorobi coyenewa. Daxota ichamonae jopa Nacom barʉ cui
itura jinaetsi.
\v 24 Daxota Nacom Pejume Diwesitha jeye: “Apara paxam
painya coutha pam poxonae pomonae jopa judiomonae naexanaeyo
Nacom abe yabara paebatsi tsipei copiya paxam abe
paexaname”, jei Nacom Pejume Diwesitha.
\p
\v 25 Paxam judiomonae pam, xua pebiwi pam paca wi thaba
poxonae cataunxuae pexui pam. Paca jumapa perʉ muxunene
caxica xua ichaxota pebiwichi xeinatsi ichaxota pana
nareixacaename. Baxua paca cana exana poxoru Moisés pia
peitorobi coyene paca itoroba xua painya tsita itapeinya
xeinaenexa xua bara apara Nacom piamonae tatsi pam. Barapo
coyenewa xua Moisés pia peitorobi coyene tatsi paca yawena
xua Nacom pajume cowʉnta dubenanaebiyame icha paexaname
daxita pocotsiwa Moisés paca itoroba. Ichitha icha jopa
paexanaem pocotsiwa xua Moisés paca itoroba jopa paca
yawenaeyo xua Nacom pajume cowʉnta dubenanaebiyame bequein
paca wi thabitha tsipae.
\v 26 Pon jopa wi thabichi poxonae bapon exana pocotsiwa
Moisés pia peitorobi coyenewatha itoroba, Nacom tsitatsi be
xua bapon bayatha apara wi thabatsi. Nacom tsitatsi xua
bapon bara pijimonae jiton tatsi bequein bara jopa wi
thabichi.
\v 27 Ichacuitha pebiwi bequein jopa wi thabichi, daichitha
exana pocotsiwa Moisés pia peitorobi coyenewatha itoroba.
Barapomonae paca jʉntʉ cui coyene yabara nanta xeinaena
xua icha abe paexaname Nacomtha xuano xua icha wʉnae
paexaname Nacomtha. Bequein payaputaetham Moisés pia
peitorobi coyenewa xua petinae diwesi, ichitha jopa payabara
jume cuiya exanaem pocotsiwa barapo Moisés pia peitorobi
coyenewatha paeba.
\v 28 Pon jiwi tsitatsi xua pepa judiomonaepin saya poxoru
pewi thabixaetsi xua pepontha, bapon Nacom jopa tsitatsi xua
pia jiton tatsi.
\v 29 Jame xua pepa judiomonaepin penaexanaenexa tsane, saya
jame poxonae Nacom jʉntʉ coyene xanepana exana barapo
jiton xua Nacom jopa bapon tsita natsicuentichi abe
peexanaexae pia jʉntʉ coyenewatha. Poxonae jiton
xaniwaicha wi thabatsi, apara baxua, xua poxonae jiton
xaniwaicha jume cowʉnta pejʉntʉ coyenewatha Nacom.
Pocotsiwa xua Moisés pia petinae coyenewa, jopa exanaeyo
xua jiton icha jʉntʉ coyene pexeinaewa Nacomtha xua
pexanepanaewa. Saya apara meisa Nacom pia Pejumope tʉnaxʉ
tatsi baxua exana. Jiwi wʉnaeya yabara paeba pomonae xua
pewi thabiwichi. Ichitha nama Nacom wʉnaeya yabara paeba
pontha pon icha jʉntʉ coyene xeina bapontha xua
pexanepanaewa.
\c 3
\p
\v 1 Metha beya ichʉn yainyabichipa jei tsipae: “¿Eta po
coyene, po coyene Nacom tsita xanepanatsi, po coyene beta
wepu toxeinchiya exana pomonae judiomonae xua wepu beta
toxeincha exanatsi pomonae jopa judiomonae naexanaeyo? ¿Eta
po coyene, po coyene Nacom tsita xanepanatsi, po coyene beta
wepu toxeinchiya exana pon pewi thabinchi xua wepu beta
toxeincha exanatsi pon jopa pewi thabinchi?” jei tsipae.
\v 2 Metha jume notsipan bapon, jan tsipae: “Apara bara
bichocono jopa juniya xanepanaeyo xua penaexanaewa
judiomonae xuano xua wi thabatsi, poxoru copiya Nacom Pejume
Diwesi nacana jume diwesi cata judiomonaetha”, jan tsipae.
\v 3 Ichacuitha metha beya equeicha bapon yainyabichipa jei
tsipae; “Daichitha ¿eta bichi tsipae icha barapomonae
jiwana nacui barapentsipa xua jopa peyabara jume cowʉntsiwa
xua Nacom bexa exanaena pocotsiwa Nacom yabara tsiwʉnae
muxu duta? ¿Daxota metha Nacom xuya nacui baraxubichipa xua
jopa equeicha peexanaewa pia peyabara tsiwʉnae muxu
dutsiwa?” jei tsipae.
\v 4 Metha jan tsipae: “¡Jume, apara Nacom bapana jopa
baxua exanae! Apara jame Nacom daxitan pexainyeiwantha
exaneiba. Nacom bewa exaneibina baxuan bara bequein jiwi
pemuxuitorobi jiwi. David baxua yabara paeba Nacom Pejume
Diwesitha xua Nacom tapaebatsi, jeye:
\q ‘Nacom, poxonae cueicueijam jiwi yaputaena
\q xua xam xainyeya bara nepaebin.
\q Bapoxonae jiwi jume amanayabame poxonae baxua
\q exaname poxonae bequein jiwi cayabara paeba xua
\q abe exaname’, jei David Nacom Pejume
\q Diwesitha”, jan tsipae.
\p
\v 5 Ichitha metha ichamonae jume coxonaya najume
matsontsonobichipa jei tsipae: “Poxonae waxainchi abe
exanatsi bapoxonae Nacom naca atene exana. Abe waexanae
coyenewantha jiwi tsita itapeinya xeinatsi xua bara Nacom
aichaxaibi abe peexanae coyenewa xua bara Nacom xanepanaya
peexanaein. Daxota abe waexanae coyenewatha Nacom yawenatsi.
¿Eta xua metha yabara paebinchi baxua? ¿Metha Nacom jopa
xaniwaicha exanaeyo icha naca atene exana abe peexanae cuiru
coyene waexanaexae?” jei tsipae barapomonae, xua saya paeba
icha jiwi ichi pomonae jopa peyaputae jiwi.
\v 6 Metha barapomonae jume notsipan, jan tsipae: “¡Jume
apara, baxua jopa xainyeyo! Icha Nacom jopa xaniwaichiya
exanaetsipae poxonae naca yabara paeba xua penatsicuentsiwa
bapoxonae jopa itacʉpaetsipaetsi xua daxita yabara paebatsi
jiwi xua penatsicuentsiwa xua abe peexanae cuiru coyene
peexanaexae. Ichitha Nacom apara xaniwaichiya exana daxota
itacʉpatsi xua daxita jiwi yabara paebatsi
penatsicuentsiwa”, jan tsipae.
\p
\v 7 Metha ichamonae jei tsipae: “Nacom jopa bewa naca
yabara paebi penatsicuentsiwa tsane wanaca yabara paebinexa
xua abe waexanaewan poxonae naerabiya cueicueijeichi. Poxoru
poxonae naerabiya cueicueijeichi ichamonae tsita itapeinya
xeinatsi xua Nacom seicaya exana xua Nacom bichocono
xainyeya pepaebin xuano xua Nacom bara peainya cuin”, jei
tsipae barapomonae.
\v 8 Ichamonae irʉ jei tsipae: “Daxota waxainchi bewa abe
exanaeinchi, xua watsita itapeinya xeinaenexa xua Nacom bara
xainyeya pepaebin”, jei tsipae barapomonae. Barapomonae
naerabiya paeba xua pinae xan barapo coyene cuiduban
ichamonae. Barapo naerabiya pepaebiwi xua neyabara jume
caenaeraba, barapomonae Nacom tsita natsicuentinchi abe
taneyabara paebixae.
\s Meje yabara xua daxitatsi pomonaetsi pomonae Nacom
watsita natsicuentsiwichi abe waexanaexae bapontha
\p
\v 9 ¿Waxainchi pomonae judiomonaetsi Nacom tsitatsi xua
jopa wanatsicuentsi jiwichi xua beyacaincha pomonae jopa
judiomonae naexanaeyo xua naca toxeinchiya bichocono abe
peexanaewi? Jume. Tsipei bayathaunxuae paeban: “Waxainchi
judiomonaetsi irʉ pomonae jopa judiomonae naexanaeyo
daxitatsi abe waexanae jiwichi”, jan.
\v 10 Nacom Pejume Diwesitha baxua yabara jeye:
\q “¡Dapomonae ajibi pomonae xua xanepanaya
\q peexanaewi, xua mataʉtano bara caeinno!
\q
\v 11 Mataʉtano dapon ajibi pon ichichipa xua
\q peyabara yaputaewa pexainyei coyenewa.
\q Mataʉtano dapon ajibi pon xua
\q ichichipa penaponaewa Nacomtha.
\q
\v 12 Daxita jiwi Nacom pentatsi yawano abe
\q peexanae jiwi bichocono.
\q ¡Dapon ajibi pon xua xanepanaya beta
\q exana, xua mataʉtano bara caeinno!
\q
\v 13 Barapomonae caunuta nawita pocotsiwa peabe
\q jumein, icha mʉthʉ tsina ichi xua cawenabeina
\q xua tuxamna baxoyareca pebocarecaexae pon tʉpa.
\q Bapomonae pepaebiwantha ichamonae
\q muxujainyabeibatsi.
\q Barapo pepaebiwantha ichamonae
\q ajʉntʉcoyenetane exanatsi, icha jomo ichi
\q xua ichʉn sinatsi poxonae bichocono atene
\q exanatsi pewano tsapa pexeinaexae.
\q
\v 14 Barapomonae saya ʉ cueicueijei xua xuan peabe
\q jumein, po jumein xua atsaca pepaebiwa.
\q
\v 15 Barapomonae bichocono ichichipa nawita xua
\q ichamonae bichocono atene peexanaewatsi
\q xuano xua pejutebiwatsi.
\q
\v 16 Daxita ichaxota poneiba barapomonae,
\q ichamonae abe exaneibatsi.
\q Mataʉtano exaneiba pocotsiwa ichamonae
\q ajʉntʉcoyenetane cana exanatsi.
\q
\v 17 Barapomonae jopa yaputaeyo xua po coyene
\q caemonae nantiya jʉntema jinompa
\q penaexanae coyenewa.
\q
\v 18 Mataʉtano barapomonae jopa cunuwiyo Nacom xua
\q abe peexanaeyainwatsi”, jei Nacom Pejume Diwesitha.
\p
\v 19 Waxainchi yaputainchi xua daxita Nacom paeba Moisés
pia peitorobi coyenewatha baraxua judiomonae nexa.
Barapomonae bewa exanae Moisés pia peitorobi coyenewa
tatsi. Ichitha judiomonae jopa itacʉpaetsi xua peexanaewa
barapo coyenewa. Barichi pomonae jopa judiomonae naexanaeyo
jopa itacʉpaetsi xua peexanaewa baxua. Barapo coyeneya
Nacom yaputane exana xua daxita jiwi jopa pepaebinexa xua
pinae jopa abe peexanaewa barapo jiwi. Mataʉtano Nacom
tsita itapeinya xeina jiwitha xua Nacom yabara paebina xua
penatsicuentsiwa daxita jiwi xua abe peexanaexae bapontha.
\v 20 Dapon ajibi pon itacʉpatsi xua pejeiwa: “Xan
bichocono tajʉntʉ coyene xanepanaein xua Nacom jopa
tatsita natsicuentsixae abe taexanaexae bapontha. Tsipei
daxita yabara jume cuiya exanan pocotsiwa Moisés pia
peitorobi coyenewatha itoroba”, xua pejeiwa. Tsipei jame
apara barapo Moisés pia peitorobi coyenewa tatsi naca
yaputane exana xua waxainchi apara abe waexanae jiwichi.
\s Meje yabara xua jiwi capanenebiyatsi pejume cowʉntsixae
Nacom
\p
\v 21 Ichitha anoxuae Nacom jiwi yaputane exanatsi po
coyeneya bapon exana xua poxonae jiwi jʉntʉ coyene
xanepana exanatsi bapontha. Nacom jopa tsita natsicuentichi
barapomonae xua abe peexanaexae. Nacom baxua exana jopa
poxoruyo xua peexanaexae pocotsiwa Moisés pia peitorobi
coyenewatha itoroba. Moisés pia peitorobi coyenewa tatsi,
irʉ Nacom pia peitorobi jume pepaebiwi paeba xua bewa jiwi
Nacom tsita jʉntʉ coyene xanepanaetsi.
\v 22 Nacom jʉntʉ coyene xanepana cana exana jiwi poxonae
barapo jiwi jume cowʉnta Jesucristo. Nacom bara daxita
najʉntʉ coyene jʉpiya exana pomonaetha pomonae pejume
cowʉntsiwi Jesucristo, poxoru Nacom tsita najʉpatsi barapo
pejume cowʉntsiwichi.
\v 23 Tsita najʉpatsi yaitama daxita jiwi peabe coyenewan
exana. Yawano barapo jiwi taseicatsi po coyene xua Nacom
tsita xanepanatsi barapomonae.
\v 24 Ichitha Nacom peantobexae jopa tsita
penatsicuentsiwatsi barapo jiwi. Baxua Nacom amanaya
taexana. Nacom pentoma exana xua jiwi pejʉntʉ coyene
xanepanaenexa poxonae Cristo Jesús naetotha tsitʉpa, xua
jiwi tsitʉpatsi.
\v 25 Nacom Pexanto itorobica, pon Cristo. Bapon jana
pichapabarena poxonae tsitʉpa jiwi pia peabe coyenewan
tatsi. Nacom jʉntemaina jiwi pia peabe coyenewan poxonae
barapomonae jume cowʉnta Cristo. Barapo coyenewatha Nacom
yaputane exana xua bara jʉntʉ coyene xanepana cana exana
jiwi xua jopa Nacom petsita natsicuentsiwatsi xua abe
peexanaexae. Bayatha bapon beitatemaya cui taetaepona jiwi
abe pia peexanae cuiru coyenewan tatsi pomonae xua caena
bayatha jinompa poxonae cataunxuae Jesús jopa tʉpaeyo.
\v 26 Ichitha anoxuae Nacom yaputane exana jiwitha xua beta
xanepanaya peexanaewa. Anoxuae Nacom jopa beitatemaya cui
taeyo jiwi abe pia peexanae cuiru coyenewan tatsi. Apara
jame Nacom jʉntʉ coyene xanepana cana exana jiwi poxonae
Nacom yabara jʉntemaina jiwi xua pia penatsicuentsiwa xua
abe peexanaexae. Baxua exana daxita pomonaetha pomonae
pejume cowʉntsiwi Jesús.
\p
\v 27 Daxota waxainchi jopa naca itacʉpaeyo xua atsaquiya
nayabara paebatsi xua beta waexanaewa. Waxainchi jopa
najʉntʉ coyene xanepana exanaetsi bequein ichichipatsi xua
waexanaewa pocotsiwa Moisés pia peitorobi coyenewatha
itoroba, daichitha jopa exanaetsi. Nama apara wajume
cowʉntsixae Jesús, daxota bapon naca jʉntʉ coyene
xanepana cana exana Nacomtha.
\v 28 Nama anoxuae waxainchi yaputainchi xua Nacom jʉntʉ
coyene xanepana cana exana pontha pon jume cowʉnta Jesús.
Nacom jopa jʉntʉ coyene xanepana exanaeyo poxonae bequein
ichʉn ichichipa xua peexanaewa pocotsiwa Moisés pia
peitorobi coyenewatha itoroba xua daichitha poxonae jopa
exanaeyo.
\p
\v 29 Nacom jopa meisa apara judiomonae pia Nacom tatsi.
Apara irʉ pomonae jopa judiomonae naexanaeyo barapomonae
irʉ pia Nacom tatsi.
\v 30 Icha Nacom ajibi, saya meisa bapon Nacom nacata bara
compa. Barapo Nacom jʉntʉ coyene xanepana cana exana jiwi,
pomonaetha pomonae jume cowʉnta Jesucristo, bequein pomonae
wi thabatsi xuano bequein pomonae jopa wi thabichi.
\v 31 Waxainchi jopa nacui barapentichi Moisés pia
peitorobi coyenewa tatsi yaitama jume cowʉntatsi Jesús.
Jame poxonae xaniwaicha jume cowʉntatsi Jesús bapoxonae
bara xaniwaicha exanatsi pocotsiwa Moisés pia peitorobi
coyenewatha itoroba.
\c 4
\s Meje xua Abraham yabara
\p
\v 1 Anoxuae paca tsipaebatsi xua pocotsiwa Nacom exana
Abrahamtha. Bapon wamo susatopin, irʉrʉ daxita judiomonae
pia pamo susatopin tatsi pon caena bayatha tʉpa.
\v 2 Abraham jopa pia coya najʉntʉ coyene xanepana
exanaeyo xua jopa Nacom petsita natsicuentsiwatsi xua abe
peexanaexae. Daxota jopa itacʉpaetsi xua atsaquiya nayabara
paeba xua xanepanaya peexanaewa. Bapon jopa itacʉpaetsi xua
atsaquiya paeba Nacom peitʉtha tatsi.
\v 3 Nacom Pejume Diwesitha Abraham yabara paebatsi, jeye:
“Abraham jume cowʉnta Nacom. Peyabara jume cowʉntsixae
pocotsiwa xua Nacom exanapaeba, Nacom jʉntʉ coyene
xanepana cana exana bapon”, jei Nacom Pejume Diwesitha.
\v 4 Poxonae jiton ba tanacuita ichʉn, jopa jiton pentoma
becatsichi xua saya amanaya nexa poxoru ichʉn peyabara
nanta xeinaexae bapon. Jame jiton ba bewa pentoma catsichi
xua poxoru penacuichixae.
\v 5 Ichitha nama Nacom seicayiya exana. Pon yabara jume
cowʉnta pocotsiwa Nacom exanapaeba xua Nacom peyabara
jʉntemainaenexa xua bapon pia penatsicuentsiwa tatsi, bara
Nacom yawena bapon. Barapo jiton Nacom tsita jʉntʉ coyene
xanepanatsi, bequein bapon jopa exanaeyo pocotsiwa bewa
bapon exanae xua daxota Nacom peyawenaenexa tsane.
\v 6 David pon wamo susatopin, pon caena bayatha tʉpa,
bapon caena bayatha Israel nacuapiwi itorobiya pia pepa
peewatsinchi. Bapon David yabara paeba po jiton bichocono
jʉntʉ coyene weiweina. Jeye: “Pon peyabara jume
cowʉntsixae pocotsiwa Nacom exanapaeba, Nacom jʉntʉ
coyene xanepana cana exana. Jopa apara Nacom jʉntʉ coyene
xanepana exanaeyo xua poxoru bapon wʉnaeya xanepanaya
peexanaexae. Apara poxoru Nacom peichichipaexae, daxota
baxua exana”, jei David.
\v 7 Equeicha David jei:
\q “Jʉntʉ coyene weiweina pomonae Nacom
\q yabara jʉntemaina xua puxana exana abe
\q pia peexanae cuiru coyenewan tatsi.
\q
\v 8 Jʉntʉ coyene weiweina pon Nacom jopa
\q tsita natsicuentsichi xua abe peexanaexae”,
\q jei David.
\p
\v 9 Po pejʉntʉ coyene weiweinaewa xua David yabara paeba,
meisa saya ʉ pomonae pewi thabiwichi jopa nexiyo. Apara
barapo pejʉntʉ coyene weiweinaewa irʉ pomonae jopa pewi
thabiwichi nexano apara. Bayathaunxuae paca tsipaebatsi xua
Abraham yabara jume cowʉnta pocotsiwa Nacom exanapaeba,
daxota Nacom jʉntʉ coyene xanepana cana exana bapon xua
jopa Nacom tsitatsi xua Abraham penatsicuentsiwa xua abe
peexanaexae.
\v 10 Abraham jopa jʉntʉ coyene xanepana exanaetsi poxonae
nacana cui wetatsi xua pewi thabiwatsi. Apara Nacom Abraham
jʉntʉ coyene xanepana exanatsi poxonae cataunxuae jopa wi
thabichi.
\v 11 Abraham peyabara jume cowʉntsixae pocotsiwa Nacom
exanapaeba, Nacom jʉntʉ coyene xanepana exana. Cotacaya
bapoxonae Abraham wi thabatsi. Barapo pewi thabi coyene
tsita itapeinya xeina xua bara Nacom jʉntʉ coyene xanepana
exana Abraham, peyabara jume cowʉntsixae pocotsiwa Nacom
exanapaeba. Abraham petsiwana exanaexae xua pewi thabiwatsi,
daxota Nacom tsitatsi xua Abraham be coxiyʉn poxonae cana
exanatsi xua canamataxeinaena xua daxita nacuanpiwi pomonae
jopa pewi thabiwichi. Barapomonae be Abraham pia pexui.
Baxua Nacom cana exana po jiwitha, po jiwi peyabara jume
cowʉntsiwixaetsi pocotsiwa exanapaeba bara bequein daxita
barapo jiwi jopa pewi thabiwichi copiya. Daxota Nacom irʉ
yabara nanta xeina xua bara irʉ barapomonae jʉntʉ coyene
xanepana bapontha.
\v 12 Barichi Abraham be coxiyʉn cana exanatsi, xua pomonae
bayatha pewi thabiwichi barapomonae be pia
pecanamataxeinaeinchi. Jopa Abraham be coxiyʉn cana
exanaetsi xua poxoru barapomonae pewi thabixaetsi. Jame
apara be coxiyʉn cana exanatsi poxoru irʉ peyabara jume
cowʉntsiya jinompaexae pocotsiwa Nacom exanapaeba icha
Abraham ichi, pon wamo susatopin xua beya poxonae wi
thabatsi.
\s Meje yabara xua poxonae Nacom cata pia peyabara tsiwʉnae
muxu dutsiwa, Abraham catatsi
\p
\v 13 Nacom yabara tsiwʉnae muxu duta Abrahamtha irʉ pia
pemomoxi susato jiwitha tatsi. Nacom yabara tsiwʉnae muxu
duta xua catsina daxita barapo cae pin nacue Abrahamtha,
irʉ pia pemomoxi susato jiwitha tatsi. Daxita
barapomonaetha Nacom jopa apara catsiyo barapo yabara
petsiwʉnae muxu dutsiwa xua poxoru Abraham peexanaexae
pocotsiwa Moisés pia peitorobi coyenewatha itoroba tsipei
Moisés jopa cataunxuae naexanaeyo poxonae bayatha Abraham
tʉpa. Apara Nacom cata barapo yabara petsiwʉnae muxu
dutsiwa poxoru Abraham peyabara jume cowʉntsixae pocotsiwa
Nacom exanapaeba. Daxota Nacom yabara tsitatsi xua bara
Abraham pejʉntʉ coyene xanepanaein bapontha.
\v 14 Icha pomonae xeinaetsipa pocotsiwa Nacom yabara
tsiwʉnae muxu duta, icha barapomonae apara barapomonae
tsipae pomonae exana daxita pocotsiwa Moisés pia peitorobi
coyenewatha itoroba bapoxonae barapomonae jopa
nantawenonaetsipae xua yabara jume cowʉnta pocotsiwa Nacom
exanapaeba. Mataʉtano pocotsiwa xua Nacom yabara tsiwʉnae
muxu duta barapomonae jopa tsita xainyei tsipaetsi.
\v 15 Ichitha baraxua jopa xainyeyo, tsipei Moisés pia
peitorobi coyenewa saya exana xua jiwi atene peexanaewatsi.
Atene exanatsi poxoru jiwi beta jopa daxita yabara jume
cuiya exanaeyo barapo Moisés pia peitorobi coyenewa tatsi.
Ichitha pomonae jopa xeinaeyo Moisés pia peitorobi
coyenewa, barapomonae Nacom jopa tsita penatsicuentsiwatsi
xua abe peexanaexae xua poxonae jopa exanaeyo barapo
peitorobi coyenewa.
\p
\v 16 Daxota Nacom yabara tsiwʉnae muxu duta Abrahamtha
peyabara jume cowʉntsixaetsi pocotsiwa Nacom exanapaeba.
Nacom pia yabara petsiwʉnae muxu dutsiwa, Nacom bara
xaniwaicha amanaya catsina Abraham pia pemomoxi susato
jiwitha tatsi. Nacom jopa meisa catsiyo pomonaetha pomonae
peexanaewi xua Moisés itoroba. Apara Nacom irʉ cata
pomonaetha pomonae pejume cowʉntsiwichi icha Abraham ichi
poxonae jume cowʉnta Nacom. Bapon Abraham be coxiyʉn cana
exainchi xua daxita waxainchi be xua wanacanamataxeinaein,
copiya pejume cowʉntsixae.
\v 17 Nacom jeye Abrahamtha pejume diwesitha: “Xam cacana
exanatsi xua ainya nacuanpiwi necayabara nanta xeinaenexa
xua xam compam daxita nacuanpiwi cacanamata caexanatsi be
coxiyʉm”, jei Nacom Pejume Diwesitha. Daxota barapo
yabara petsiwʉnae muxu dutsiwa Nacom tsita coyene
xanepanatsi. Barapon Nacom Abraham yabara jume cowʉnta
pocotsiwa Nacom exanapaeba. Mataʉtano barapo Nacom equeicha
asʉ exana pomonae bayatha werapa. Mataʉtano barapon Nacom
itoroba xua forota pocotsiwan jiwi bapana jopa tae copiya,
poxoru Nacom cataunxuae abʉ jopa forotsiyo bapocotsiwan.
\p
\v 18 Abraham poxonae nawei wetaba xua jopa itacʉpaetsi xua
pexeinaewa pexui, awiya cataunxuae yabara jume cowʉntsiya
wʉnae ewata pocotsiwa Nacom exanapaeba. Bapon jume
cowʉntsiya popona xua Nacom exanaena xua bayatha paeba xua
Abraham pinae bapon pexanto xeinaena. Abraham yabara jume
cowʉnta pocotsiwa Nacom exanapaeba pocotsiwa yabara
tsiwʉnae muxu duta. Bapon Abraham cana exanatsi xua daxita
carepaya nacuan jiwi peyabara nanta xeinaenexa xua Abraham
compa daxita nacuanpiwi canamata exanatsi be coxiyʉn. Caena
bayatha Nacom tsipaeba Abraham. Nacom jeye: “Abraham,
exanaein ayei jiwi jinya nemomoxi susato jiwi”, jei Nacom.
\v 19 Abraham jopa jʉntʉ coyene natsepaeyo xua peyabara
jume cowʉntsiwa pocotsiwa Nacom exanapaeba, bequein bara
bapon cien po weibe xeina. Bapon Abraham yaputane, xua bapon
irʉ piowa tatsi Sara bara imoxoyo methaunxuae tʉpaenabe.
Abraham piseuribe bichocono perunbe. Mataʉtano yaputaneno
xua Sara jopa itacʉpaetsi xua pexui pexeinaewa.
\v 20 Bapon Abraham jopa ainya muxu xeinaeyo. Mataʉtano
jopa nacui baraxubiyo xua peyabara jume cowʉntsiwa
pocotsiwa Nacom exanapaeba xua pocotsiwa Nacom yabara
tsiwʉnae muxu duta xua pinae Abraham pexanto xeinaena. Jame
bapon Abraham beta xaniwaicha jume cocowʉntapona. Abraham
wʉnae jaintapona Nacom.
\v 21 Baxua Abraham exanapona poxoru bara yatsicaewa
yaputane xua Nacom itacʉpatsi xua peexanaewa pocotsiwa xua
bapon yabara tsiwʉnae muxu duta.
\v 22 Abraham peyabara jume cowʉntsixae pocotsiwa Nacom
exanapaeba, daxota bapon Nacom tsitatsi xua bapon bara
peyabara jʉntʉ coyene tsita xanepanaeinchi xua jopa
petsita natsicuentsixaetsi abe peexanaexae bapontha.
\p
\v 23 Po jumein xua bayatha Abraham yabara paebatsi xua
jeye: “Nacom tsitatsi xua bapon bara pejʉntʉ coyene
xanepanaein xua jopa petsita natsicuentsixaetsi abe
peexanaexae bapontha”, jei, barapo jumein jopa meisa
tinaeyo xua bapon nexa.
\v 24 Barapo jumein xua po jumein tina apara irʉ bara
waxainchi nexa xua naca yabara paebarʉ. Wajume cowʉntsixae
Nacom, daxota Nacom tsitatsi xua bara waxainchi irʉ
wajʉntʉ coyene xanepanae jiwichi xua jopa watsita
natsicuentsiwatsi xua abe waexanaexae bapontha. Waxainchi
yabara jume cowʉntatsi pocotsiwa Nacom exanapaeba, pon
Jesús asʉ exanatsi petʉpae cuiru coyene weya, pon
Wanacanamataxeinaein.
\v 25 Nacom itoroba xua bapon Jesús naca tsitʉpa abe
waexana cuiru coyenewan. Mataʉtano Nacom asʉ exanano, xua
Jesús asʉ petʉpae cuiru coyene weya xua wanaca cana
exanaenexa xua jopa Nacom watsita natsicuentsiwa tsane xua
abe waexanaexae bapontha.
\c 5
\s Meje yabara xua Nacom wanaca cana exanaewa xua jopa
wanatsicuentsiwa tsane bapontha, xua abe waexanaexae
\p
\v 1 Nacom naca cana exana xua bapon jopa watsita
natsicuentsiwa tsane abe waexanaexae bapontha. Baxua Nacom
naca cana exana wayabara jume cowʉntsixae pocotsiwa Nacom
exanapaeba. Daxota waxainchi jʉntema dubenanaebiyatsi Nacom
peitʉtha tatsi Jesucristo wanaca tsitʉpaexae, pon
Wanacanamataxeinaeinxae.
\v 2 Cristo wajume cowʉntsixae, daxota naca cana exana xua
Nacom bara wanaca yawenaewa tsane wanaca antobexae. Nacom
wanaca yawenaexae ajʉntʉcoyenesʉya jinompatsi. Yawa
waxainchi jʉntʉ coyene weiweinatsi wawʉnae ewatsixae xua
bexa irʉ xeinaeinchi pebarʉ cui itura jinaewa po pebarʉ
cui itura jinaewa jiwi Nacom tsita xeinatsi peainya cuinxae
icha bapon ichi.
\v 3 Jopa meisa baxua nexiyo, jame yawa jʉntʉ coyene
weiweineibatsi poxonae ichamonae naca atene exaneiba. Tsipei
waxainchi yaputainchi xua wanaca jʉntʉ coyene ayapusʉ
exanaewa xua daxota jopa waaitaconaewa poxonae bequein
ichamonae naca atene exana.
\v 4 Poxonae ajʉntʉcoyeneyapusʉya jinompatsi xua daxota
jopa waaitaconaewa poxonae bequein ichamonae naca atene
exana, bapoxonae Nacom naca weyatane xua bara beta
waexanaewa. Poxonae Nacom naca weyatane, baxua naca cana
exana xua wawʉnae ewatsiya ewatsiwatsi xua Nacom nacata
exanaena pocotsiwa yabara naca tsiwʉnae muxu duta.
\v 5 Barapo wawʉnae ewatsiwa jopa naca jʉntʉ coyene cana
exanaeyo xua wajʉntʉ coyene wecoyeiwa xua jopa wataexae
pocotsiwa wawʉnae ewatsiwa. Nacom bichocono naca jʉntʉ
coyene yʉca cana exana pia peantobe coyenewa pia Pejumope
tʉnaxʉtha. Barapo pia Pejumope tʉnaxʉ tatsi naca nacana
jumope cata wajʉntʉ coyenewatha.
\p
\v 6 Poxonae waxainchi jopa naca itacʉpaeyo xua wacoutha
wanacapanenebiwa, bapoxonae Cristo naca tsitʉpa abe
waexanae cuiru coyenewan nexa. Bapon Cristo tʉpa poxonae po
mataqueitha Nacom copata xua bapon petʉpaewa tsaneba.
\v 7 Barapo cae pin nacuathe nacata ayapube xua nanta
xeinatsi xua jiton wayabara nanta xeinaewa xua ichʉn peita
araranaewatsi xua peyapu cabocaewa xua daxota petʉpaewa
bequein barapo ichʉn daxita yabara jume cuiya exana
pocotsiwa Moisés pia peitorobi coyenewatha paeba. Tsipei
jiwi ba anatsiʉntabe, jopa ichipaeyo xua petʉpaewa.
Ichitha ichacuitha tsipae metha jiton yaita araranaetsipa
xua peyapu cabocaewa xua daxota petʉpaewa pon xanepanaya
petaexanaein ichamonae.
\v 8 Jame Nacom xaniwaicha naca tsita itapeinya xeina pia
wanaca antobexae. Baxua Nacom naca cana exana poxonae Cristo
naca yapu caboca xua wanaca tsitʉpaewa bara bequein
cataunxuae abe waexanae jiwichi.
\v 9 Nacom naca exana xua waxainchi pejʉntʉ coyene
xanepanae jiwichi xua poxonae jopa natsicuentsichi bapontha
abe waexanaexae, xua poxonae Cristo naca tsitʉpa. Bapoxonae
yawa jana pichapabarena. Barichi icha coyenewano exanaenano.
Cristo naca yaputane exana xua wanaca capanenebiwa tsane
Nacom pia pewanaca casebiwa weya. Po mataqueitha Nacom
yabara paebina daxita jiwi xua penatsicuentsiwa xua abe
peexanaexae, barapo mataqueitha Nacomtha jopa natsicuentsi
tsainchi xua abe waexanaexae.
\v 10 Copiyatha waxainchi Nacom pia peaitafaetabi jiwichi.
Ichitha bapon Nacom naca cana exana xua waita coxonaewa xua
daxota Nacom pia jiwi tatsi wanaexanaenexa, Pexanto tatsi
pewanaca tsitʉpaexae. Ichitha anoxuae Nacom pia jiwi
tatsixaetsi, Jesucristo naca capanenebiya pia peasʉ poponae
coyenewatha.
\v 11 Jopa meisa baxuiyo, jame jʉntʉ coyene weiweinatsino
Nacomtha xua xuan Jesucristo peexanaexae waxainchi nexa, pon
Wanacanamataxeinaein. Bapon Cristo naca cana exana xua
waxainchi Nacom wanaca ita coxonaewa xua daxota Nacom pia
jiwi tatsi wanaca cana exanaewa.
\s Meje xua Adán yabara irʉ Cristo yabara
\p
\v 12 Caein pon xua copiya abe exana barapo cae pin
nacuathe, bapon Adán. Bapon caena bayatha tʉpa copiya abe
peexanaexae. Bapoxonae daxita jiwi abe eexanapona barapo cae
pin nacuathe. Jiwi abe peexanaponaexae daxota werapaena,
tsipei daxita jiwi abe exana.
\v 13 Barapo cae pin nacuathe jiwi abe eexanapona beya
poxonae Moisés pia peitorobi coyene tatsi xeina barapo cae
pin nacuathepiwi. Poxonae jiwi cataunxuae jopa yaputaeyo
Moisés pia peitorobi coyenewa tatsi, jopa Nacom tsitatsi
xua barapomonae pexeinaewa penatsicuentsi coyenewa bapontha
bequein barapomonae abe exanaetha.
\v 14 Ichitha po dapaetha poxonae Adán popona weya xua beya
poxonae irʉ Moisés popona, jiwi abe eexanapona. Daxota
jiwi xeinapona po coyenewatha xua daxota werapaena barapo
jiwi. Barapomonae werapa bequein pia peabe coyenewan tatsi
jopa barichiyo icha Adán ichi. Adán abe exana poxonae
bequein Nacom itoroba xua jopa bewa pinae xae tsane
petheito. Bapon Adán bara be bapon pon bexa patopeicapaeba,
bapon Cristo. Adán pia coutha xua jiwi abe peexanaewa xua
jiwi pecanamata caexanaexaetsi. Seicaya nama Cristo pia
coutha xua jiwi beta peexanaewa xua jiwi pecanamata
caexanaexaetsi.
\p
\v 15 Pocotsi coyene xua Adán naca tsiexana jopa be ichiyo
xua pocotsi coyene naca tsiexana Jesucristo. Jiwi nawita
werapa poxoru caein abe pecanamata exanaexae bapon Adán.
Ichitha Nacom amanaya naca tsiexana pecapanenebiyae coyenewa
poxoru caein, pon Jesucristo, naca tsitʉpa abe waexanaexae.
Barapo coyene xua po coyene Nacom naca tsiexana bichocono
peainya cui coyene, beyacaincha po cui coyene Adán naca
tsiexana. Barapo coyene Nacom naca tsiexana xua peantobexae
daxita jiwi peyawenaenexa ayei jiwitha.
\v 16 Po peabe coyenewa caein canamata exana bapon Adán
jopa coyene jʉpaetsi xua nacui coyene jʉpa exanabe po cui
coyene xua Nacom amanaya naca tsiexana. Copiya Adán
canamata exana abe peexanae cuiru coyene. Bapoxonae daxita
jiwi jʉpa exana. Nacom yabara paeba Adán xua
penatsicuentsiwa abe peexanaexae. Daxota Nacom Adán yabara
jeichichi xua Adán bewa pinae tʉpaena abe peexanaexae.
Barichi Nacom tane xua daxita jiwi bewa werapaena bichocono
abe peexanaexae. Daxota Nacom ichichipa xua jiwi
peyawenaewatsi. Nacom amanaya jʉntʉ coyene xanepana exana
jiwi xua barapo jiwi jopa natsicuentsiyo bapontha, abe
peexanaexae. Baxua exana Cristo petsitʉpaexae jiwi.
\v 17 Bara xaniwaicha caein abe pecanamata exanaexae, daxita
jiwi bewa werapaena abe peexanaexae. Ichitha nama anoxuae
pocotsiwa caein peexanaexae pon Jesucristo, barapocotsiwa
bichocono ayapusʉ beyacaincha xua Adán exana. Jesucristo
petsitʉpaexae jiwi daxota Nacom bichocono jopa juniya
yawenaeyo jiwi peantobexae. Barapo jiwi Nacom amanaya
jʉntʉ coyene xanepana exana. Daxota Nacom weyatane xua
barapomonae jopa xeinaeyo penatsicuentsi coyenewa bapontha
bequein barapomonae abe exana taetha. Barapomonae Jesucristo
ayapusʉya nanabarʉ yawa popona penanabarʉ yawa
itorobinexa tsane ichamonaetha.
\p
\v 18 Barapon Adán pia peabe coyenewaxae, daxita jiwi
natsicuenta Nacomtha xuya abe peexanaexae icha Adán ichi.
Po pexanepanae coyenexae xua Jesucristo exana, barapo coyene
jiwi cana exanatsi xua capanenebiyatsi penatsicuentsi
coyenewa weya xua abe peexanaexae. Daxota daxita jiwi
pomonae pejume cowʉntsixae Jesucristo itacʉpatsi xua ataya
asʉ jinompaena.
\v 19 Baxua caunutan xua caein jopa pejume jejeixae xua
peexanaewa pocotsiwa xua Nacom itoroba, daxota jiwi ayei
jiwi abe eexanapona. Barichi xua caein pejejeixae xua
peexanaewa pocotsiwa Nacom itoroba, daxota ayei jiwi
najʉntʉ coyene xanepana exanapona Nacomtha. Mataʉta
barapomonae Nacom capanenebiya exana xua pia penatsicuentsi
coyenewa weya, xua abe peexanaexae.
\p
\v 20 Nacom itoroba, xua Moisés tina pia peitorobi coyenewa
xua jiwi peyaputaewa tsane xua bara jiwi daxita abe
peexanaponae jiwi poxonae jopa yabara jume cuiya exanaeyo
pocotsiwa Moisés itoroba. Poxonae jiwi equeicha
mataropeicha yaputane Moisés pia peitorobi coyenewa,
bapoxonae equeicha bichocono mataropeicha yaputane abe
peexanae coyenewan. Daichitha Nacom bichocono mataropeicha
aantobe tsoponae xua peyawenaenexatsi barapomonae.
\v 21 Copiya daxita jiwi werapa abe peexanaexae. Ichitha
anoxuae Nacom peantobexae jiwi daxota cana exana xua jopa
xeinaeyo penatsicuentsi coyenewa xua abe peexanaexae. Nacom
jiwi catatsi peajʉntʉyapusʉ coyenewa po
peajʉntʉyapusʉwa ataya tsiteca Jesucristo pon
Wanacanamataxeinaein wanaca tsitʉpaexae.
\c 6
\s Meje yabara xua waxainchi asʉ jinompatsi caemonae
wanaexanaexae Cristotha
\p
\v 1 Waxainchi jopa bewa abe eexanaponaeinchi xua Nacom
wanaca yayawenaponaenexa xua daxota wayaputaenexa xua bara
Nacom naca antobe.
\v 2 Jopa bewa baxua exanaetsi. Waxainchi bayatha wetatsi
xua abe waexanaewa. Equeicha jopa bewa abe exanaetsi, icha
be pon petʉpaein ichi, xua jopa itacʉpaetsi xua equeicha
abe peexanaewa, tsipei bayatha tʉpa.
\v 3 Paxam payaputaneme baxue: Poxonae waxainchi ichamonae
naca bautisaba, bapoxonae caemonae nanaexainchi Cristo
Jesustha. Waxainchi caemonae wananaexanaexae Cristotha
poxonae naca bautisaba, bapoxonae be cae cui coyeneya
nanaexanatsi xua wawerapaewa, icha bapon ichi poxonae tʉpa.
Baxua be icha waxainchi xua bayatha werapatsi xua daxota
equeicha jopa naca itacʉpaeyo xua abe waexanaewa.
\v 4 Wanaca bautisabi coyenewa baxua be poxonae Cristo naca
cayawa mʉthʉthʉ xotsi. Yawano be Cristo naca cayawa tʉpa
poxonae bapon tʉpa. Icha Cristo ichichi xua equeicha asʉ
exanatsi petʉpae cuiru coyene weya, Nacom bara naca ichi
tsane. Nacom Cristo paxa asʉ cana exanatsi pia peitʉpanae
coicha ayapusʉ itorobi coyenewatha. Barichi Nacom bara naca
ichi tsane wayawa jinompaenexa pena jʉntʉ coyenewa.
Bapoxonae xeinatsi pena jʉntʉ coyenewa, xua po jʉntʉ
coyenewatha jinompatsi icha Cristo ichi. Nacom, baxua Cristo
paxa cana exanatsi Nacom pia peitʉpanae coicha ayapusʉ
itorobi coyenewatha.
\p
\v 5 Tsipei waxainchi be caemonae nanaexanaeinchi po
petʉpae coyenewatha poxonae bapon tʉpa. Barichi tsane
poxonae equeicha asʉ naca exanaena petʉpae cuiru coyene
weya icha matha Cristo ichichi poxonae asʉ exainchi
petʉpae cuiru coyene weya. Bapoxonae caemonae
nanaexanaeinchi Cristotha. Daxota icha Cristo ichichi xua
poxonae asʉ exainchi equeicha petʉpae cuiru coyene weya,
naca barichi tsane. Nacom equeicha asʉ naca exanaena
petʉpae cuiru coyene weya caemonae wananaexanaexaetsi
Cristotha poxonae be naca yawa tʉpa Cristo.
\v 6 Waxainchi yaputainchi, xua pocotsiwan exanatsi xua xuan
waperu jʉntʉ coyenein po coyenein naca cana exana xua abe
waexanaewa, barapo coyenein be weraweraca poxonae Cristo
tʉpa exanadutatsi naetotha. Baxua nacata exana xua jopa
equeicha bichocono waichichipaewa tsane xua waexanaewa abe
coyenewa poxonae bequein wajʉntʉ coyene naca itoroba xua
abe waexanaewa tsane.
\v 7 Daxota ba pon xua bayatha tʉpa jopa itacʉpaetsi xua
equeicha abe peexanaewa. Waxainchi barichichi jopa naca
itacʉpaeyo xua equeicha abe waexanaewa tsane.
\v 8 Waxainchi Cristo naca cayawa tʉpa, daxota jume
cowʉntatsi xua bexa bapon Cristo barʉ jinompaeinchi.
\v 9 Waxainchi yaputainchi, xua poxonae Cristo equeicha asʉ
exanatsi petʉpae cuiru coyene weya, bapoxonae bapana
equeicha jopa tʉpa exanae tsainchi.
\v 10 Poxonae Cristo tʉpa bapon saya bara cae coyenewatha
tʉpa xua daxita jiwi nexa abe peexanaexae xua ataya
tsiteca. Ichitha xua Cristo anoxuae asʉ popona, barapo
pepoponae coyenewa xua beta peexanaenexa pocotsiwa Nacom
peichichipaewa xua bara ataya tsane.
\v 11 Barichi anoxuae paxam bewa pananta xeinaename be
pomonae xua werapa xua equeicha jopa itacʉpaetsi xua abe
peexanaewa. Bara paichinde paexande xua jopa paexanaeinde
icha barapomonae ichi. Paexande pocotsiwa Nacom tsita
xanepanatsi xua pocotsiwa Nacom ichichipa xua caemonae
painya nenaexanaexae Cristo Jesustha.
\p
\v 12 Daxota jopa pacopatsinde xua painya jʉntʉ coyenein
paca itoroba xua abe painya neexanaewa. Painya pepon
werapaena daxota jopa paexanaem tsane xua pocotsiwa painya
pepon paca itoroba xua pocotsiwa ichichipa paexaname xua
peabe coyenewan.
\v 13 Painya xoba pacopatame xua bara painya jʉntʉ
coyenein paca itorobina xua painya neexanaewa tsane peabe
coyenewan. Jame maisa bara pacopare xua bara Nacom paca
jʉntʉ coyene itorobeibina painya neexanaenexa pocotsiwa
Nacom paca itoroba. Bara paichinde icha be ichi xua pomonae
bayatha werapa xua equeicha asʉ exanatsi xua jopa equeicha
abe exanaeyo.
\v 14 Anoxuae barapo abe peexanae coyenewa po coyene xua
copiya paexanaponame jopa itacʉpaetsi xua paca cana exana
xua equeicha abe painya neexanaponaewa tsane. Barichi
anoxuae equeicha jopa panantawenonaem xua paexanaename
pocotsiwa Moisés paca itoroba pia peitorobi coyenewatha
Nacom painya paca capanenebiyaenexa. Jame paexana
dubenanaebiyama pocotsiwa xua Nacom ichichipa pia paca
necayawenae coyenewatha, pia paca necaantobexae.
\s Meje yabara xua waxainchi bewa exanaetsi pocotsiwa
pexainyei coyenewa
\p
\v 15 ¡Waxainchi jopa bewa abe eexanaponaeinchi! Anoxuae
jopa Moisés naca itorobiyo pia peitorobi coyenewatha xua
waexanaewa. Apara Nacom naca itoroba wanaca yawenaenexa xua
wanaca antobexae.
\v 16 Paxam payaputaneme icha pebin nacaenaeta xua ichichipa
exana pocotsiwa xua ichʉn itoroba, bapoxonae bapon naexana
be pon xua amanaya petanacuichin pon pia pentacaponaeinchi
nexa. Daxota poxonae paxam paichichipame xua itapeta painya
neexanaewa peabe coyenewan, bapoxonae barapo peabe coyenewa
be paca canamataxeina. Bapoxonae be pana nacana exaname be
pocotsin amanaya petanacuichin pia pentacaponaein nexa.
Daxota pawerapaename, painya neexanaexae barapo abe peexanae
coyenewa. Ichacuitha icha paichichipame xua itapeta painya
neexanaewa pocotsiwa xua Nacom itoroba, bapoxonae
xaniwaichiya painompame. Nacom tsitatsi xua painya jʉntʉ
coyenein xanepana xua jopa painya nenatsicuentsiwa abe
painya exanaexae bapontha.
\v 17 Ichitha baxua yabara Nacom tsipaeban, janje: “Nacom
maisa jʉntʉ coyene weiweinan, barapo Roma tomarapiwi pia
peexanaexae. Tsipei copiya ʉ saya xua abe coyenewan
peexanaewi. Ichitha anoxuae barapomonae cajume cowʉnta.
Barapomonae bichocono jume cowʉnta pia jʉntʉ coyenewatha
pocotsiwa pexainyei jume xua barapomonae nacuiduba”, janje
Nacomtha.
\v 18 Daxota anoxuae Nacom paca capanenebiya exana barapo
abe painya neexanae coyenewan weya. Yawano paxam amanaya
painya netanacuichi jiwi pam Nacom nexa xua beta painya
neexanaewam.
\v 19 Xan cueicueijan pocotsi jumeintha xua jiwi itacʉpatsi
peyaputaenexa, tsipei yaputan xua pacata ayapube xua painya
neyaputaewa. Caena bayatha paxam saya payabara copatame xua
bara painya neexanaewa peabe coyenewan xua paichichipame.
Jamaisa anoxuae payabara copare xua painya pepon
peexanaponaenexa pocotsiwa xua pexanepanae coyenewan Nacom
nexa. Bapoxonae Nacom patsita jʉntʉ coyene xanepanaya
jinompame.
\p
\v 20 Poxonae cataunxuae saya ʉ painya neexanaewi abe
peexanae coyenewan, bapoxonae jopa ʉ painya neexanae jiwi
pocotsiwa pexanepanae coyenewan.
\v 21 Poxonae bayatha peabe coyenewan paexaname baraxua
apara jopa paca yawenaeyo. Apara saya paca aura exana
anoxuae. Ichitha barapo abe peexanae coyenewan saya paca
cana exana xua painya newerapaewa tsane.
\v 22 Ichitha anoxuae panenebiya painya nepaca exanaexae
barapo abe painya neexanae coyenewan weya, daxota anoxuae
paexaname pocotsiwa xua Nacom paca itoroba. Daxota pocotsiwa
Nacom painya nepaca matomatsiwa, baxua apara poxonae Nacom
paca jʉntʉ coyene xanepana cana exana bapontha. Mataʉtano
Nacom paca catsibina pocotsiwa peajʉntʉcoyenesʉwa po
peajʉntʉcoyenesʉwa ataya tsiteca.
\v 23 Barapo peabe coyenewaxae saya jiwi werapaena cana
exanaeinchi. Ichitha pocotsiwa xua Nacom amanaya wanaca
catsiwa, baxua apara po coyene xua peajʉntʉyapusʉ coyene
po peajʉntʉyapusʉ coyene ataya tsiteca. Barapo
peajʉntʉyapusʉ coyenewa naca cana exana xua caemonae
naexainchi Cristo Jesustha, pon Wanacanamataxeinaein.
\c 7
\s Meje yabara xua po peitorobi coyenewa poxonae jitha
peecaewa yabʉyo
\p
\v 1 Tamonae pam, pomonae pam pomonae irʉ painya nejume
cowʉntsi jiwixae Jesucristotha. Paxam barapomonae pam xua
payaputaneme Moisés pia peitorobi coyenewa tatsi. Yawano
payaputaneme xua jiwi saya bewa exanaena pocotsiwa Moisés
itoroba barapo peitorobi coyenewatha poxonae cataunxuae
jinompa barapo cae pin nacuathe. Ichitha poxonae jiwi werapa
barapomonae jopa equeicha bewa exanae pocotsiwa barapo
peitorobi coyenewa itoroba.
\v 2 Paca tsipaebatsi peyabara jʉta paebiwa: Petsiriwa powa
xeina piseuri bewa piseuritha cuicuinae pepaebixae barapo
peitorobi coyenewa, xua poxonae pia pebin tatsi awiya asʉ
popona. Ichitha icha barapowa pia pebin tatsi tatʉpatsi
barapowa jopa nantawenonaeyo xua peexanaewa pocotsiwa
Moisés itoroba barapo peitorobi coyenewatha xua po coyene
pebin yabara paebatsi.
\v 3 Daxota icha barapowa isa maiteca icha pebin xua nasi
cui exana icha pebintha poxonae cataunxuae barʉ popona pia
pebin, bapowa bapoxonae Nacom tsita natsicuentatsi xua abe
peexanaexae. Ichitha icha bapowa pia pebin tatsi tatʉpatsi
barapowa itacʉpatsi xua pepichiwa icha pebin. Barapowa jopa
Nacom tsita natsicuentsichi xua abe peexanaexae. Poxonae
baxua exana, tsipei barapo peitorobi coyenewa jopa yabara
paebiyo baxua.
\p
\v 4 Tamonae pam, paxam pomonae irʉ painya nejume
cowʉntsiwixae Jesucristo. Barichi bara jʉta ichi poxonae
Cristo tʉpa, paxam irʉ be pawerapame. Daxota jopa
panantawenonaem xua paexanaename pocotsiwa Moisés itoroba
pia peitorobi coyenewatha. Anoxuae paxeiname ichʉn pon paca
itoroba. Baraxua barichi icha yabʉyo ichi xua pita icha
pebin pon bapowa itorobatsi poxonae piseuri tatsi
tatʉpatsi. Anoxuae paxam Cristo piamonae tatsi pam, pon
equeicha asʉ exanatsi petʉpae cuiru coyene weya. Barapo
coyenewatha Nacom naca cana exana xua wanaca itacʉpaewa xua
waexanaewa tsane pocotsiwa xanepana Nacom nexa.
\v 5 Poxonae waxainchi copiya jume cowʉntatsi, Moisés
yabara naca itoroba pia peitorobi coyenewatha po coyenewa
jopa bewa exanaetsi. Ichitha wajʉntʉ coyenewatha
ichichipatsi nawita xua waexanaewa barapo abe peexanae
coyenewan poxonae jume tainchi xua jopa bewa exanaetsi
barapo coyene. Barapo coyene naca cana exana xua saya
wawerapaewa tsane.
\v 6 Ichitha anoxuae jopa wanantawenonaewa xua waexanaewa
pocotsiwa Moisés itoroba pia peitorobi coyenewatha.
Waxainchi bayatha be werapatsi xua daxota barapo Moisés pia
peitorobi coyene tatsi jopa itacʉpaetsi xua wanaca
itorobiwa. Daxota anoxuae naca itacʉpa xua watanacuichiwa
Nacom. Waxainchi xeinatsi pena jʉntʉbʉ coyene po pena
jʉntʉ coyene Nacom pia Pejumope tʉnaxʉ tatsi naca cata.
Nama jopa equeicha exanaetsi pocotsiwa Moisés itoroba
barapo pia peru itorobi coyenewatha xua bayatha tina.
\s Meje yabara xua Pablo jeye: “Meje xua po peabe exanae
coyene xeinan”, jei.
\p
\v 7 Waxainchi jopa bewa paebichi xua Moisés pia peitorobi
coyenewa tatsi abe. Tsipei barapo Moisés pia peitorobi
coyenewa tatsi necuiduba xua bara abe exanan. Copiya jopa
yaputaeinyo xua peabe coyenewa poxonae yabara uwiya
ichichipan pocotsiwan ichamonae xeina. Ichitha barapo
peitorobi coyenewa naca tsipaeba, naca jeye: “Jopa yabara
uwiya paichichipaeinde pocotsiwa xua ichamonae xeina”, jei
barapo peitorobi coyenewa.
\v 8 Poxonae copiya jume cowʉntan, Moisés yabara neitoroba
pia peitorobi coyenewatha po coyenewan xua jopa bewa uwiya
ichichipaein tsane ichamonae piawan. Ichitha jame ichichipan
nawita tajʉntʉ coyenewatha xua taxeinaewa tsane xua
ichamonae piawan poxonae jume tan xua jopa bewa ichichipaein
tsane xua taxeinaewa tsane ichamonae piawan. Poxonae awiya
jopa yaputaeinyo Moisés pia peitorobi coyenewa jopa
ichipaeinyo xua taxeinaewa pocotsiwa ichamonae piawan.
\v 9 Caena bayatha poxonae jopa yaputaeinyo Moisés pia
peitorobi coyenewa xan saya jʉntema poponan, tsipei jopa
yabara yaputaeinyo xua abe taexanaewa. Ichitha pirapae
bequein yabara yaputan barapo peitorobi coyenewa, xua
ichamonae piawan peuwiwa yabara, awiya bichocono abe
exanaponan. Bapoxonae bara be tatʉpae coyenewaba tsipei
jopa jʉntema tapoponaewa abe taexanaexae.
\v 10 Barapo Moisés pia peitorobi coyenewa tatsi Nacom cata
xua jiwi pejʉntʉ coyene weiweinaenexa xua poxonae
pejʉntʉ coyene xanepanaewa tsane. Poxonae jiwi jume
cowʉntsiya exana daxita xua barapo coyenewatha itoroba,
barapo jiwi bexa tsane xeinaena peajʉntʉyapusʉwa xua bara
ataya tsane xeinaena. Daichitha barapo coyenewa wecoyei
necana exana tsipei bewa tatʉpae coyenewa tsane poxoru jopa
neitacʉpaeyo xua exanan daxita xua barapo coyenewa itoroba.
\v 11 Barapo Moisés peitorobi coyenewa be netsita penaerabi
coyenewa. Mexeya itara xeinacuaein jantocuae
peajʉntʉyapusʉwa poxonae exanaein pocotsiwa Moisés
itoroba pia peitorobi coyenewatha. Daichitha poxonae abe
exanan Moisés pia peitorobi coyenewa netsita itʉta xua
bewa tʉpaein tanatsicuentsiwaxae abe taexanaexae Nacomtha.
\p
\v 12 Daxita po peitorobi coyenewan Nacom cata Moisestha
daxita bara wʉnae, yawa bara pexainyei coyenewan.
\v 13 Barapo Moisés pia peitorobi coyenewa jopa necana
exanaeyo xua bewa tʉpaein tanatsicuentsiwaxae abe
taexanaexae Nacomtha. Apara jame barapo abe taexanae coyene
necana exana xua be tʉpaein tanatsicuentsiwaxae abe
taexanaexae Nacomtha. Bequein barapo Moisés pia peitorobi
coyene tatsi wʉnae, daichitha barapo peitorobi coyene
neyaputane exana xua abe taexanaein. Barapo peitorobi
coyenewatha xua Nacom naca yaputane exana xua poxonae abe
exanatsi barapo abe peexanae coyenewa bara xainyei, bara abe
bichocono. Jopa bichocono juniya abeyo.
\p
\v 14 Yaputainchi xua Moisés pia peitorobi coyenewa tatsi
apara xanepana, Nacom weya pejume pichipaexae. Ichitha
poxoru saya jiton jʉntʉ coyeneya taxeinaeinxae tajʉntʉ
coyene necana exana xua abe taexanaewa.
\v 15 Tsipei jopa xapain yaputaeinyo pocotsiwa xua exanan,
poxoru jopa exanaeinyo pocotsiwa xua xanepana xua pocotsiwa
ichichipan xua taexanaewa nexa. Ichitha pocotsiwa
aichaxaibin xua jopa pexanepanaexae, daichitha apara baxua
exaneiban.
\v 16 Ichitha icha abe exanan xua bequein aichaxaibin abe
taexanaewa, bapoxonae yaputan xua Moisés pia peitorobi
coyenewa tatsi xanepana. Tsipei barapo peitorobi coyenewa
necuiduba xua jopa bewa exanae abe peexanae coyenewan.
\v 17 Tacoutha jopa ichipaeinyo xua abe taexanaewa bequein
baxua exanan. Ichitha barapo abe peexanae coyenewa xua
tajʉntʉ coyenewatha xeinan, barapo coyene necana exana xua
apara abe taexanaewa.
\v 18 Tsipei xan yaputan xua xeinan jiton pia coyene. Daxota
jopa xeinaeinyo pexanepanae coyenewa. Bequein ichichipan xua
xanepanaya taexanaewa, ichitha jopa neitacʉpaeyo xua baxua
exanan tacoutha.
\v 19 Jopa exanaeinyo po pexanepanae coyenewa bequein
ichichipaethan xua taexanaewa. Ichitha ʉ exanaponan po abe
peexanae coyenewan bequein aichaxaibithan xua taexanaewa.
\v 20 Daxota icha abe exanan pocotsiwa bequein
aichaxaibithan xua abe taexanaewa, bapoxonae jopa
neitacʉpaeyo xua tacoutha nayawenan xua jopa abe
taexanaewa. Barapo abe peexanae coyenewa xua tajʉntʉ
coyenewatha xeinan, barapo coyene necana exana xua equeicha
mataropeicha abe taexanaewa.
\p
\v 21 Daxota nayaputan pocotsiwa exaneiban tajʉntʉ
coyenewatha, xua poxonae bequein ichichipan beta taexanaewa
tsane bapoxonae abe exaneiban.
\v 22 Bichocono ichichipeiban tajʉntʉ coyenetha Nacom
Pejume Diwesi tatsi.
\v 23 Ichitha yaputan xua po peabe coyenewa tajʉntʉ
coyenewatha xeinan neitoroba xua abe taexanaewa tsaibi,
bequein nanta xeinan xua beta taexanaewa, icha Nacom
ichichipa. Ichitha barapo peabe coyenewa neitoroba xua
equeicha mataropeichiya abe taexanaewa, po peabe coyenewa
xua tajʉntʉ coyenewatha xeinan. Xan be pon tanebusi cui
taetaein ichamonae tsipei barapo abe taexanaewa neitorobeiba
xua abe taexanaewa.
\p
\v 24 ¡Ooo, jopa taxanepanae tsocuaeinyo! ¡Jopa tajʉntʉ
coyene wʉnae tsocuaeinyo! ¿Jintam metha necapanepaena
barapo tapepon weya po pepon xua bewa tʉpaena?
\v 25 Daxota Nacomtha janje: “Nacom jʉntʉ coyene
weiweinan xua Jesucristo, pon Tanecanamataxeinaein,
itacʉpatsi xua tanecapanepaewa tsane barapo tapepon
weya”, jan Nacomtha. Daxota yaputan xua nanta xeinan xua
bara beta taexanaewa pocotsiwa Nacom neitoroba, ichitha
tajʉntʉ coyenewatha exanan pocotsiwa xua abe taexanaewa.
\c 8
\s Meje yabara xua peajʉntʉyapusʉya pejinompaewa po
peajʉntʉyapusʉwa Nacom pia Pejumope tʉnaxʉ tatsi naca
cata
\p
\v 1 Dapon ajibi pon itacʉpatsi peyabara paebiwa xua
pomonae caemonae penaexanaewi Cristo Jesustha natsicuenta
abe peexanaexae Nacomtha.
\v 2 Nacom pia Pejumope tʉnaxʉ tatsi naca cata
peajʉntʉyapusʉwa xua wajinompae coyenewanexa xua caemonae
xua wanaexanaexaetsi Cristo Jesustha. Barapo Nacom pia
Pejumope tʉnaxʉ tatsi neyawena pia peayapusʉ itorobi
coyenewatha. Necapanepa exana po peitorobi coyene weya xua
neitoroba xua abe taexanaewa. Mataʉtano necapanepa exana
xua po peitorobi coyene weya tʉpa necana exana.
\v 3 Moisés pia peitorobi coyenewa tatsi jopa itacʉpaetsi
xua jiwi capanenebiya exainchi abe pia peexanae cuiru
coyenein weya. Jiwi jopa itacʉpaetsi xua daxita yabara jume
cuiya exana barapo Moisés pia peitorobi coyenewa tatsi.
Ichitha Nacom Pexanto itorobica pon yatsicaya pepa Pexanto
tatsi. Barapo Pexanto tatsi naexana be bara jiton pia pepon
tatsi, bara naca perʉ coyene jʉpa, po pepontsi xua abe
waexanae jiwichi. Poxonae Cristo tsitʉpa waabe exanae cuiru
coyenewan, bapon amanayaba barapo waabe exanae cuiru
coyenewantha. Barapo peabe coyenewan jopa peitacʉpaenexa
tsainchi xua wanaca cana exanaewa tsane xua equeicha abe
waexanaewa tsane.
\v 4 Nacom baxua exana xua waxainchi wanaca itacʉpaenexa
xua waexanaewanexa tsane pocotsiwa Moisés itoroba pia
peitorobi coyenewatha. Waxainchi naca itacʉpa xua
waexanaewa pocotsiwa Moisés pia peitorobi coyenewatha
itoroba, poxoru jopa apara exanaetsi xua wapepon
peichichipaexae. Apara jame exainchi xua pocotsiwa Nacom pia
Pejumope tʉnaxʉ tatsi wanaca itorobixae.
\p
\v 5 Pomonae exana dubenanaebiya pocotsiwa pia pepon
ichichipa exana, saya barapomonae yabara nanta xeina xua abe
peexanae coyenewa. Pomonae exana dubenanaebiya icha
pocotsiwa Nacom pia Pejumope tʉnaxʉ tatsi ichichipa,
barapomonae saya yabara nanta xeina xua xanepanaya peexanae
coyenewa pocotsiwa Nacom nexa.
\v 6 Jiwi ba yabara nanta xeina abe peexanae cuiru coyenewan
pocotsiwa pia pepon tatsi ichichipa. Bapoxonae barapo jiwi
werapaena peexanaexae barapo abe peexanae coyene. Irʉ icha
jiwi ba yabara nanta xeina xanepanaya peexanae coyenewan xua
pocotsiwan Nacom pia Pejumope tʉnaxʉ tatsi ichichipa,
barapomonae xeinaena peajʉntʉyapusʉwa po
peajʉntʉyapusʉwa xua bara ataya tsane. Mataʉtano
xeinaena jʉntema pejinompae coyenewa.
\v 7 Pomonae saya peyabara nanta xeinaewi xua abe peexanae
coyenewa xua pocotsiwa pia pepon tatsi ichichipa exana,
barapomonae apara Nacom pia peaitafaetabi jiwichi.
Barapomonae jopa ichipaeyo xua peexanaewa pocotsiwa Nacom
itoroba pia peitorobi coyenewatha xuano xua jopa
itacʉpaetsi xua peexanaewa barapo coyene.
\v 8 Pomonae naitomatsiya exana pocotsiwa xua pia pepon
tatsi itoroba xua abe peexanae coyenewa peexanaewa,
barapomonae Nacom jopa tsita xanepanaetsi.
\p
\v 9 Ichitha nama paxam jopa paexanaem baxua po abe peexanae
cuiru coyenewan painya pepon paca cana exana xua abe painya
neexanaewa. Ichitha nama paxam pajinompame icha be pocotsi
coyeneya Nacom pia Pejumope tʉnaxʉ tatsi ichichipa, icha
barapo jumope yatsicaewa paca barʉ jinompa. Pon jopa Nacom
pia Pejumope tʉnaxʉ tatsi barʉ poponaetsi, bapon jopa
Cristo pijimonae tatsi.
\v 10 Ichitha icha Cristo paca barʉ popona, Nacom pia
Pejumope tʉnaxʉ tatsi paca cana exana xua jopa painya
nenatsicuentsiwam xua abe painya neexanaexae Nacomtha. Baxua
paca cana exana bara bequein painya pepon werapa exanatsi
abe peexanae coyenewan. Baxua paca cana exana painya
nejʉntʉ coyene xanepanaexae Nacomtha.
\v 11 Nacom pia Pejumope tʉnaxʉ tatsi Jesús asʉ exanatsi
petʉpae cuiru coyene weya. Icha Nacom pia Pejumope tʉnaxʉ
tatsi paca barʉ popona, bapoxonae Nacom asʉ exanaena
painya pepon, po pepon xua werapaena. Baxua Nacom pacata
exanaena, icha Nacom pia Pejumope tʉnaxʉ tatsi ichi
poxonae Cristo asʉ exanatsi petʉpae cuiru coyene weya.
Baxua Nacom exanaena painya nepaca barʉ jinompaexae Nacom
pia Pejumope tʉnaxʉ tatsi.
\p
\v 12 Tamonae pam, paxam pomonae irʉ painya nejume
cowʉntsiwixae Jesucristo. Waxainchi jopa bewa exanaetsi
pocotsiwan xua wapepon naca cana exana xua abe waexanaewa
tsane.
\v 13 Tsipei icha paxam paexana dubenanaebiyame xua
pocotsiwa painya pepon ichichipa xua abe painya neexanaewa
tsane, bapoxonae pawerapaename. Ichitha jame paexana
dubenanaebiyama pocotsiwa Nacom pia Pejumope tʉnaxʉ tatsi
paca cui itoroba xua painya neexanaewa tsane. Bapoxonae jopa
paexanaem pocotsiwan xua painya pepon paca cana exana xua
abe painya neexanaewa tsane. Bapoxonae bexa tsane
ajʉntʉsʉya pajinompaename Nacom pia nacuatheicha.
\p
\v 14 Daxita pomonae Nacom pia Pejumope tʉnaxʉ tatsi
itorobiya ewata, barapomonae bara Nacom pia pexui tatsi.
\v 15 Nacom paca nacana jumope cata. Barapo pejumope jopa
paca cana exanaeyo pomonae be painya nepaca busi cui
tatayebeibi jiwi pam xua ichamonae amanaya painya
netanacuichi jiwi pam, xua daxota equeicha pajunuwame. Jame
barapo Nacom pia Pejumope tʉnaxʉ tatsi paca cana exana xua
Nacom pia pexui tatsi pam. Barapo Nacom pia Pejumope
tʉnaxʉ tatsi naca exana xua barompaya wajeiwa: “Axa”,
wajeiwa Nacomtha.
\v 16 Nacom pia Pejumope tʉnaxʉ tatsi irʉ wajʉntʉ
coyenewa natsipaebabe xua pinae bara Nacom pia pexui tatsi
wanaexanaewichiba.
\v 17 Waxainchi Nacom pia pexui tatsi wanaexanaexae, daxota
xeinatsi pocotsiwa Nacom wanaca jʉntana jebiwa xua bexa
tsane naca catsibina. Barapocotsiwa bayatha yabara naca
tsiwʉnae muxu duba. Poxonae Nacom baxua naca catsibina,
Cristo matha catsinchi xua waxainchi wajiwana xeinaenexa.
Icha waxainchi ichamonae naca atene exana, icha poxonae
Cristo ichichi xua matha atene exanatsi ichamonae, bapoxonae
waxainchi Cristo barʉ xeinaeinchi pocotsiwa Nacom wanaca
jʉntana jebiwa. Nacom naca catsibebina po pexeinya
peitʉpanae coicha xua bayatha Cristo catatsi.
\s Meje yabara xua Nacom piamonaetha catsicaena pia pexeinya
peitʉpanae coicha
\p
\v 18 Xan yaputan xua bequein ichamonae naca atene exana
barapo cae pin nacuathe, baxua jopa ainya cuiyo. Mataʉtano
yaputan xua Nacom cata pia pexeinya peitʉpanae coicha
Jesustha. Barichi naca catsibina barapo pexeinya peitʉpanae
coicha po pexeinya peitʉpanae coicha xua jopa juniya
wʉnaeyo.
\v 19 Daxita po jiwi Nacom forota barapo cae pin nacuathe,
barapo jiwi wʉnae weyataeya ewata po mataqueitha poxonae
Nacom tsita itʉtsina piamonae. Nacom tsita itʉtsina
piamonae xua daxita jiwi peyaputaenexa tsane xua xaniwaicha
barapomonae apara Nacom pia pexui.
\v 20 Daxita baxuan xua xuan Nacom exana po cae pin nacuathe
barapo coyenein abe naexanaena. Jopa apara barapo coyenein
pia couthiyo xua peweraweracaewa tsane peabexae, saya apara
poxoru Nacom baxua pecopatsixae poxoru Nacom namchi xua
daxita bewa weraweracaena Adán abe peexanaexae. Ichitha
Nacom yabara cana jʉntʉ coyene weta exana xua pejopaewa
tsane matacabi po mataqueitha xua barapo cae pin nacue pena
nacua naexanaena.
\p
\v 21 Barapo cae pin nacuatha xua pena nacua, jiwi jopa
bapana equeicha werapae tsane. Mataʉtano daxita coyenein
xua Nacom forota jopa bapana equeicha weraweracae tsane.
Barapo mataqueitha daxita xua xuan Nacom forota Nacom wʉnae
cana exanaena, icha pijimonaetha cana ichi tsane xua
pijimonae tatsi bichocono wʉnaeya xanepana naexanaena.
\v 22 Waxainchi yaputainchi daxita baxuan xua pejinompaewan
xua Nacom peforotsiwan caena bayatha atene xua beya anoxuae.
Atene icha yabʉyo ichi xua bichocono atene poxonae imoxoyo
pexuyo tanaexanatsi.
\v 23 Daxita baxuan meisa jopa ateneyo. Bara irʉ waxainchi
daxitatsi atenetsi bequein Nacom pia Pejumope tʉnaxʉ tatsi
naca yawa jinompa. Barapo pejumope, apara pocotsiwa xua
copiya matha Nacom naca cata xua pocotsiwa jiwana Nacom bexa
naca catsibina. Bichocono ajʉntʉcoyenerewetsi xua
jʉnthʉthʉ wecoyeichi, poxonae waxainchi ewatatsi po
mataqueitha poxonae Nacom yatsicaewa naca cana exanaena pia
pexuichi, xua barichino naca catsibinano pena pepon.
\v 24 Poxonae Nacom naca capanenebiya, Nacom naca tsipaeba
pinae naca catsibina pena pepon. Barapo pepon cataunxuae
abʉ wʉnae ewatatsi. Icha waxainchi xeinaeinchi pocotsiwa
xua wʉnae ewatatsi bapoxonae jopa nantawenonaetsi xua came
wʉnae ewatatsi, tsipei bayatha xeinaeinchiba. Poxoru jiton
ba jopa came wʉnae ewatsiyo pocotsiwa xua bayatha xeinaba.
\v 25 Ichitha icha wʉnae ewatatsi pocotsiwa xua came jopa
xeinaetsi bapoxonae bewa wʉnae ewatichi xua jopa bepijawa
aitaconaetsi.
\p
\v 26 Barichi Nacom pia Pejumope tʉnaxʉ tatsi naca yawena
tsipei waxainchi wajʉntʉ coyene faefaenaewi. Waxainchi
jopa yaputaetsi xua betiya cuitiya wʉcatsi Nacom. Ichitha
poxonae jʉntʉ coyene bojeichi, poxoru jopa wanaca
itacʉpaewa xua po jumetha wacaunutsiwa, bapoxonae Nacom pia
Pejumope tʉnaxʉ tatsi nacata wʉca Nacomtha.
\v 27 Nacom, bapon yaputane pocotsiwa xua jiwi pia jʉntʉ
coyenewatha nanta xeina. Mataʉtano barapon yaputane
pocotsiwa Nacom pia Pejumope tʉnaxʉ tatsi ichichipa paeba
jiwi nexa. Nacom pia Pejumope tʉnaxʉ tatsi Nacom wʉcatsi
icha be pocotsi coyeneya Nacom ichichipa pomonae xua Nacom
piamonae tatsi nexa.
\s Meje yabara xua waxainchi amanayabatsi po coyenein xua
bequein naca atene exana
\p
\v 28 Waxainchi yaputainchi xua daxita po coyenein xua
nacata exana bequein wʉnae, ichacuitha bequein abe,
daichitha Nacom equeicha daxita baxuan nacata xanepana
exana. Baxua Nacom taexana pomonaetha pomonae pia
peantobexaetsi. Barapomonae Nacom waba petaexanaewa tsainchi
pocotsiwa bapon ichichipa.
\v 29 Caena bayatha poxonae aena nacua forota, Nacom tsiwana
yaputane barapomonae pomonae pejume cowʉntsiwichi tsainchi.
Mataʉtano Nacom itapeta xua pecana exanaenexa icha be
pexanto tatsi ichi. Baxua Nacom exana xua Pexanto tatsi
bapon Jesús, be matapin naexana xua daxita jiwi pentapin
tatsi.
\v 30 Pomonae xua Nacom itapeta xua caena bayatha xua copiya
poxonae aena nacua forota, bara yawano Nacom waba xua
peexanaenexa pia pexui tatsi. Pomonae Nacom pewabixae bara
yawano exana xua barapomonae jopa penatsicuentsiwa xua abe
peexanaexae pecatsixae pejʉntʉ coyene xanepanaewa
bapontha. Pomonae xua Nacom pejʉntʉ coyene xanepana
exanaexae, bara yawano yabara tsiwʉnae muxu duta xua
barapomonae naexanaena icha be Nacom Pexanto tatsi ichi.
\p
\v 31 Anoxuae waxainchi yaputainchi xua Nacom naca yawena
daxota dapon ajibi pon naca jʉntʉ coyene amanayaba xua abe
wanaca exanaenexa.
\v 32 Poxoru Nacom Pexanto jopa asiwiyo daxota Nacom copata
xua wanaca tsitʉpaenexa. Daxita waxainchi yaputaeinchi xua
daxota daxitan coyenein Nacom amanaya naca catsiba po
coyenein canamatawenonatsi.
\v 33 Dapon ajibi xua itacʉpatsi yabara paeba xua pinae
Nacom tsita natsicuentatsi pomonae pia peitapetsiwixae tatsi
xua abe petsita exanaexaetsi. Nacom yabara paeba xua pinae
apara jopa barapomonae tatsi natsicuentsichi xua abe petsita
exanaexaetsi bequein abe exana taetha.
\v 34 Mataʉtano dapon ajibi xua itacʉpatsi yabara paeba
xua barapomonae bewa werapaena penatsicuentsixae xua abe
peexanaexae Nacomtha. Barapomonae jopa bewa werapae tsane,
tsipei Cristo Jesús tsitʉpa barapomonae, abe peexanaexae
Nacomtha. Bapon Cristo Jesús equeicha asʉ exanatsi.
Anoxuae eca Nacom pia coxa weya tatsi. Bapon Cristo Jesús
Paxatha wʉca xua nacata wʉca.
\v 35 Cristo naca antobe, daxota dapon ajibi pon itacʉpatsi
xua tsanayiya naca cana exana Cristo weya. Ichacuitha
ichamonae atene wanaca exanaewichitha awiya Cristo naca
antobe. Ichacuitha ichamonae daunwei wanacata exanaewichitha
awiya naca antobe. Ichacuitha ichamonae abe wanacata
exanaewichiwathatsi wayabara cueicueijeixae Jesús awiya
bapon naca antobe. Ichacuitha wajainpaewichiwathatsi awiya
naca antobe. Ichacuitha wanacata acoibichiwathatsi paparuwa
awiya naca antobe. Ichacuitha wanapeipeichiwathatsi poxonae
ichamonae abe nacata exana awiya naca antobe. Ichacuitha
ichamonae wanaca jutebichiwathatsi awiya naca antobe. Daxita
barapo coyenein jopa canaʉpaetsi xua tsanayiya wanaca
exanaewa Cristo weya.
\v 36 Icha naca ichi daxita barapo coyenein, barichirʉ
Nacom Pejume Diwesitha bayatha baxua yabara naca tsiwʉnae
muxu duta, jeye:
\q “Nacom poxoru tapaca cajume cowʉntsi
\q jiwixaetsi daxita matacabin tsaibi
\q ichamonae ichichipa pana jutebeiba.
\q Barapomonae pana necana exaneiba icha jiwi
\q ichi xua poxonae daxita matacabin ovejan
\q capaneiba pon oveja pejutebeibin beya”,
\q jei Nacom Pejume Diwesitha, xua
\q yabara naca tsiwʉnae muxu duta.
\p
\v 37 Ichitha bequein waxainchi daxita barapo coyenein naca
atene exana, daichitha amanayabatsi barapo coyenein Cristo
pia peayapusʉ itorobi coyenewatha pon wanaca antobein.
\v 38-39 Daxota bara yatsicaewa yaputan, xua dapocotsi
coyene ajibi po coyenetha xua tsanayiya naca exana Nacom pia
peantobe coyene weya tatsi. Jopa tsanayiya naca exanaeyo
bara bequein poxonae tʉpaethatsi, yawa bara bequein poxonae
jinompaethatsi. Irʉ matatsunpiwi jopa canaʉpaetsi xua
tsanayiya wanaca cana exanaewa, bequein irʉ caurimonaerʉ,
bequein irʉ pocotsiwan xua anoxuae exanaponarʉ, bequein
irʉ xua pocotsiwan bexa tsanerʉ, bequein irʉ xua
pocotsiwan wetsica patopaenano, bequein irʉ xua pocotsiwan
ira wetsinano, bequein irʉ ichawano xua pocotsiwa Nacom
forota. Bara bequein daxita barapo coyenein, ichitha jopa
canaʉpaetsi xua tsanayiya pewanaca exanaewa Nacom pia
wanaca antobe coyene weya tatsi. Nacom naca cata barapo
peantobewa xua Cristo Jesús xeina, pon
Wanacanamataxeinaein.
\c 9
\s Meje yabara xua Nacom itapeta judiomonae
\p
\v 1 Pocotsiwan paca tsipaebatsi barapocotsiwan pexainyei
jumein. Tajume cowʉntsixae Cristo, bara jopa naerabinyo.
Tajʉntʉ coyenetha Nacom pia Pejumope tʉnaxʉ tatsi
neitoroba. Barapon jume daunweya netsipaeba xua pinae bara
yatsicaewa xainyeya cueicueijan.
\v 2 Xainyan, wecoyan. Bichocono tamonae siwa
anthʉthʉtanein tsaibi jopa pejume cowʉntsixae Cristo.
\v 3 Bichocono antobein barapomonae pomonae tanacuapiwi.
Daxota nayabara paeban, janje: Bena bequein siwa tʉpacuaein
tamonae xua bequein tsana tanaexanaewa Cristo weya, xua be
poxonae Nacom tsita tanatsicuentsiwa xua barapomonae abe pia
peexanae coyenewan nexa. Bapoxonae xua Nacom tamonae pia
pecapanenebiyaenexatsi, daxota Nacom copata xua ichamonae
nebexubina, najanje.
\v 4 Pon Israel, pon caena bayatha tʉpa, bapon nawʉn cata
tamonaetha. Daxota tamonae “israelmonae”, baraichi. Bapon
pia pemomoxi susato jiwi tatsi pomonae tamonaexae Nacom
barapomonae pia pexui exana. Barapomonae bayatha Nacom yanta
popona xua daxota barapomonae tane Nacom pia pexeinya
peitʉpanae coicha poxonae xua beta exana barapomonae nexa,
Nacom tsipaeba barapomonae pocotsiwa xua bapon
peichichipaewa. Mataʉtano Nacom yabara tsiwʉnae muxu duta
pomonaetha pomonae xua ataya yaweneibina barapomonae
peexanaenexa xua bapon ichichipa. Barapomonaetha Nacom cata
Moisés pia peitorobi coyenewa tatsi. Mataʉtano Nacom cata
barapomonae po coyene xua barapomonae xaniwaicha wʉnae
pejainchinexa bapontha. Mataʉtano Nacom yabara tsiwʉnae
muxu duta barapomonae xua Cristo pepatopeicaewa tsane.
\v 5 Barapomonae wamo susato jiwi pia pemomoxi susato jiwi
tatsi. Cristo be jiton coyeneya naexana barapomonae jiwana
pomonae pia pemomoxi susatopiwi jiwana tatsi. Bapon Cristo
apara bara Nacom. Barabʉ Nacom bara ataya wʉnae
jainteibinchi pon xua daxita coyeneintha canamataxeina.
\p
\v 6 Ichitha barapomonae bequein Nacom cata daxita barapo
coyenein, daichitha anoxuae barapomonae jopa Nacom
xanepanaya beta tsita jinompaetsi jopa Cristo peyabara jume
cowʉntsixaetsi. Bequein ichamonae nanta xeinaetsipa xua
pinae Nacom Pejume Diwesi jopa ainya cuiyo xua barapomonae
jopa peexanaexae pocotsiwa Nacom itoroba, ichitha baraxua
jopa xainyeyo pocotsiwa barapomonae nanta xeina. Baraxua
jame tsita itapeinya xeina xua apara jopa daxitiyo pomonae
Israel pia pemomoxi susato jiwi tatsi xua Nacom piamonae
tatsi.
\v 7 Mataʉtano Abraham pia pemomoxi susato jiwi tatsi apara
jopa daxitiyo barapomonae xua Nacom piamonae tatsi. Nacom
caena bayatha tsipaeba Abrahamtha, jeye: “Xam xeinaename
pomonae pepa jinya nemomoxi susato jiwi xua Isaac pon
nexanto xua pia pexui jiwana tatsi”, jei Nacom.
\v 8 Baxua naca yaputane exana xua Nacom jopa exanaeyo
daxita xua Abraham pia pemomoxi susato jiwi tatsi be Nacom
pia pexui tatsi. Nacom meisa be pia pexui cana exana
pomonaetha pomonae pejume cowʉntsixae xua Nacom pia
peyabara tsiwʉnae muxu dutsiwa. Barapomonae jume cowʉnta
Nacom pia peyabara tsiwʉnae muxu dutsiwa xua Cristo
capanenebiyaena barapomonae.
\v 9 Tsipei Nacom tsipaeba Abrahamtha poxonae yabara
tsiwʉnae muxu duta. Nacom jeye: “Barapo xometotha xua icha
weitha taitorobi coyenewatha bapoxonae Sara pexanto
pabetsina pebin wʉto xua nexanto tsane”, jei Nacom.
\p
\v 10 Jopa meisa baxuiyo, ichawano Nacom exana. Sara pexanto
tatsi naexana pewʉn Isaac. Poxonae Isaac pinyo, bapon
nacueyoba piowa, pewʉn Rebeca. Rebeca tanama ecatsibe pebin
wʉtobe. Barapo pexuyobe cae axa nantaʉtabe bapon Isaac,
pon wamo susatopin.
\v 11-13 Caena bayatha pewʉnaeya poxonae barapoyobe jopa
naexanaebe, xuano pewʉnaeya xua poxonae barapoyobe jopa abe
exanaeyobe mataʉtano pewʉnaeya xua poxonae jopa wʉnae
exanaebe, bapoxonae Nacom tsipaeba Rebeca tsipaebatsi. Nacom
jeye: “Pon xua copiya naexanaena bapon peyapin
canamataxeinaeinchi”, jei Nacom. Barapo jume bara nayaraba
jume jʉpabe xua icha diwesitha Nacom Pejume Diwesitha xua
Rebeca pexantobe tatsi yabara paebatsi xua ichaxota, jeye:
“Cuita itapetan Jacob xuyapin, ichitha nama Esaú
naitematan matapin”, jei Nacom Pejume Diwesitha. Baxua
naca yaputane exana xua Nacom pia coya itapeta pomonaetha
pomonae xua peichichipaewa, xua pewabiwa barapomonae. Nacom
jopa yabara itapetsiyo barapomonae peexanaexae pocotsiwa
Nacom peichichipaewa.
\p
\v 14 Ichamonae paeba, xua pinae Nacom jopa xapain exanaeyo
poxonae caein jiwana itapeta, xua poxonae ichʉn
naitematatsi. Apara jopa xapain wʉnaeyo xua barapomonae
Nacom yabara paebatsi.
\v 15 Tsipei Nacom paeba Moisestha, jeye: “Pomonae wʉnaeya
yabara nanta xeinaein xua tayawenaenexa, barapomonae beta
yawenaein”, jei Nacom.
\v 16 Baxua naca cuiduba xua jopa jiton itapetichi poxoru
wʉnae peexanaexae. Mataʉtano jopa itapetichi xua poxoru
peichichipaexae xua peitapetsiwatsi. Saya jame pebiwi
itapetatsi poxonae Nacom wʉnaeya yabara nanta xeina xua
peyawenaenexa tsane barapomonae.
\v 17 Nacom cueicueijei pejume diwesitha nacua peewatsintha
pon Egipto nacuapiwi itorobiya pia pepa peewatsinchi. Nacom
jeye bapontha: “Apara xan ponxaein tacoya cacana exanatsi
pon Egipto nacuapiwi itorobiya pia pepa peewatsinchi. Painya
xantha tapexeinya tsita itʉtsi coyenewa exanaein xua tsita
itapeinya xeinaein xua xan xeinan bichocono peayapusʉ
itorobi coyenewa. Mataʉtano exanaein xua daxitan nacuan
jiwi taneyabara jume taenexa”, jei Nacom.
\v 18 Daxota yaputainchi xua Nacom itacʉpatsi xua wʉnaeya
yabara nanta xeina xua peyawenaenexa pontha pon ichichipa
xua peyawenaewa. Mataʉtano Nacom saya yabara copata xua
ichʉn pejʉntʉ coyenetha pexeinaewa po coyene pejumefebi
coyenewa. Baxuan Nacom cana exana pomonaetha pomonae Nacom
ichichipa xua xeinaena barapo coyenein.
\p
\v 19 Metha paxam pana nebaram xua barapomonae yabara xua
pajam: “Poxonae Nacom atene exana pomonaetha pomonae
petsita natsicuentsixaetsi xua abe peexanaexae ¿baxua Nacom
jopa xaniwaicha exanaeyo jampa? Nacom copata xua barapomonae
xeina pejʉntʉ coyeneintha pejumefebi coyenewan.
¿Barapomonae Nacom tsita natsicuentatsi jampa, poxonae
Nacom bequein copata baxua jampa?” pajam.
\v 20 Ichitha paca jume notatsi, janje: “¡Paxam pebiwi
tsobenae pam! ¿Eta po jiwi pam xua painya nejume
matsontsonobiwi Nacom? Juruwato jopa itacʉpaetsi xua
pejeiwa pontha pon peexanaexaetsi: ‘¿Eta xua metha bara
necanaʉta jʉtsiya exaname?’ xua pejeiwa juruwato. Bapana
juruwato jopa itacʉpaetsi xua pepaebiwa baxua”, paca
jeichi.
\v 21 Pon xua juruwato peexanaein bapon itacʉpatsi xua cae
tsorobotha jiwana exana ainya juruwaton xua seicayan be
pocotsi coyeneya xua ichichipa. Bapon itacʉpatsi xua
pexeinya juruwato exana xua bichocono ainya matoma.
Mataʉtano bapon itacʉpatsi xua bara cana exana xua jopa
wʉnaeyo xua saya pecasetsinexa.
\p
\v 22 Nacom barichi itacʉpatsi xua jiwi pecana exanaewatsi
be pocotsi coyeneya xua ichichipa. Bequein Nacom ichichipa
tsita itʉta pia peanaepanaewa pomonaetha pomonae abe
peexanaewi, ichitha jopa cataunxuae baxua exanaeyo.
Mataʉtano bequein ichichipa tsita itʉta pia peayapusʉ
itorobi coyenewa po coyene xua barapomonae tʉpa
peexanaewatsi, ichitha Nacom jopa cataunxuae baxua cana
exanaeyo barapomonaetha. Ichitha Nacom caena bayatha
beitatemaya taetaepona xua barapomonae abe pia peexanae
coyenewan, po abe coyenewan xua Nacom anaepana exanatsi.
Barapomonae muxu peweraweracae exanaetsi abe peexanaexae.
\v 23 Nacom beitatemaya naca taetaepona wanaca tsita
itʉtsinexa daxita waxainchi xua bichocono bara ichichipa
xua wanaca yawenaewa tsane bayatha itapeta wanaca
antobewaxae. Caena bayatha Nacom yabara naca tsiwʉnaeta xua
irʉ waxeinaenexa Nacom pia pexeinya jʉntʉ coyenewa xua
bichocono peantobewa.
\v 24 Nacom naca waba pomonaexaetsi pomonae judiomonae
jiwanatsi. Mataʉtano Nacom naca waba pomonaexaetsi pomonae
jopa judiomonae naexanaeyo jiwanatsi.
\v 25 Baxua Nacom yabara paeba pejume diwesitha pomonae
yabara, pomonae jopa judiomonae naexanaeyo po diwesitha
ichaxota Oseas tina. Nacom jeye:
\q “Pomonae copiya jopa tamonaeyo, barapomonae
\q yabara jan tsane, ‘Apara tamonae’, jan tsane.
\q Mataʉtano pomonae copiya jopa antobeinyo
\q barapomonae yabara jan tsane:
\q ‘Apara taantobe jiwi’, jan tsane.
\q
\v 26 Mataʉtano ichaxota ba jiwi yabara jan: ‘Paxam
\q jopa tamonae pam’, jan, baraxota barapomonae
\q yabara jan tsane: ‘Apara paxam tapexui pam,
\q po Nacomxaein ataya tsitecaeya jiwi asʉ jinompa
\q taexanaein’, jan tsane”, jei Nacom, ichaxota po
\q diwesitha Oseas tina pon caena bayatha tʉpa.
\m
\v 27 Barichi irʉ Isaías yabara jeye judiomonae: “Bequein
judiomonae bichocono jiwi ayaxa icha taetowan ichi xua
bobena mar mene itapatha, daichitha saya be conotha barapo
judiomonae jiwana pomonae xua Nacom capanenebiya.
\v 28 Saya conotha capanenebiya tsipei Nacom methaunxuae
yabara paebina daxita jiwi barapo cae pin nacuathepiwi pia
petsita natsicuentsixaetsi xua abe petsita exanaexaetsi.
Yawano jiwi ayei weraweraca exanaeinchi xua Nacom
exanaena”, jei Isaías.
\v 29 Isaías copiya yabara tsiwʉnae muxu duta, jeye:
\q “Nacom apara bapon pon xua itoroba
\q daxita coyeneintha.
\q Bapon wʉnaeya naca yabara nanta xeina xua
\q wanaca yawenaewa tsane xua awiya be
\q conotha pejinompaenexa pomonae wamomoxi
\q susato jiwi jiwana, xua daxita
\q jopa peweraweracaewa tsane.
\q Icha Nacom jopa baxua exanaetsipae, bapoxonae
\q waxainchi bara naca jʉta ichipae icha bayatha
\q Sodoma tomarapiwi cana ichichi, mataʉtano icha
\q matha Gomorra tomarapiwi cana ichichi xua
\q daxita weraweraca”, jei Isaías
\q Nacom Pejume Diwesitha.
\s Meje yabara xua judiomonae jopa jume cowʉntsiyo Nacom
pia pexeinya jume diwesi tatsi
\p
\v 30 Barapo peyabara jʉtiya paebiwan naca yaputane exana
xua apara pomonae jopa judiomonae naexanaeyo Nacom jopa
tsitatsi xua barapomonae penatsicuentsiwa xua abe
peexanaexae. Baxua Nacom cana exana barapomonaetha bequein
barapomonae jopa tsaqueinaeyo xua pexeinaewa pejʉntʉ
coyene xanepanaewa Nacomtha. Barapomonae xeina pejʉntʉ
coyene xanepanaewa Nacomtha Cristo pejume cowʉntsixaetsi.
\v 31 Ichitha nama barapo judiomonae paeba, jeye: “Nacom
naca jʉntʉ coyene xanepana exanaena xua jopa Nacom watsita
natsicuentsinexatsi xua abe waexanaexaetsi bapontha. Bapon
baxua naca cana exanaena icha exanaeinchi pocotsiwa Moisés
pia peitorobi coyenewatha itoroba”, jei barapomonae.
Daichitha barapomonae judiomonae jopa itacʉpaetsi xua
daxita peyabara jume cuiya exanaewa pocotsiwa Moisés
itoroba pia peitorobi coyenewatha.
\v 32 ¿Eta xua metha jane xua barapomonae jopa itacʉpaetsi
xua exana pocotsiwa Moisés pia peitorobi coyenewatha
itoroba? Metha poxoru barapomonae nanta xeina xua poxonae
beta exana bapoxonae jopa pexeinaewa tsane penatsicuentsiwa
Nacomtha. Barapomonae jopa jume cowʉntsiyo xua Nacom
itorobica Cristo, daxota barapomonae Nacom tsita
natsicuentatsi xua abe petsita exanaexaetsi. Barapomonae
nacabeta exana, poxonae jopa jume cowʉntsiyo Nacom, atene
peexanaexaetsi tsane icha jiton ichi poxonae xuirapopa
ibototha xua pia coutha nacabeta exana xua atene naexana.
\v 33 Nacom Cristo yabara paebatsi pejume diwesitha. Icha
jiwi ichi poxonae nacabeta poxonae xuirabathopa ibototha,
barichi jiwi nacabeta poxonae Cristo jopa jume cowʉntichi.
Nacom jeye:
\q “Jerusalén tomaratha po tomara atororo
\q xua po tomara pewʉn Sión
\q barapo tomaratha notsin pon
\q jiwi pecapanenebiyaenexa tsainchi.
\q Jiwi nacabeta exana poxoru barapo jiwi
\q jopa jume cowʉntsiyo bapontha,
\q icha jiwi ichi xua nacabeta exana
\q poxonae xuirabathopa ibototha.
\q Pon jume cowʉntsina bapontha, jopa bapana
\q jʉntʉ natsepanayae tsane”, jei Nacom.
\c 10
\p
\v 1 Tamonae pam, paxam pomonae irʉ painya nejume
cowʉntsiwixae Jesucristo. Maisa bichocono tajʉntʉ
coyenewatha ichichipan daxota bichocono Nacomtha tsipaeban
judiomonae nexa, xua barapomonae pecapanenebiyaenexa
tsainchi abe pia peexanae cuiru coyenein weya.
\v 2 Barapomonae yabara paeban xua barapomonae judiomonae
bequein ichichipa nawita xua Nacom petanacuichiwatsi,
daichitha jopa yaputaeyo xua pocotsiwa Nacom xaniwaicha
ichichipa xua barapomonae peexanaewa.
\v 3 Barapomonae jopa yabara yaputaeyo xua pocotsiwa poxonae
Nacom jʉntʉ coyene xanepana exana jiwitha xua jopa
xeinaeyo penatsicuentsiwa Nacomtha xua abe peexanaexae.
Barapomonae jʉjʉta xua icha barompaya pia cui coyeneyatha
exanaena xua bapoxonae pexeinaenexa tsane pejʉntʉ coyene
xanepanaewa Nacomtha xua jopa penatsicuentsiwa xua abe
peexanaexae. Barapomonae jopa exanaeyo be pocotsi coyene
Nacom itoroba jiwitha xua Cristo pejume cowʉntsixaetsi xua
bapoxonae jiwi pexeinaenexa pejʉntʉ coyene xanepanaewa
Nacomtha.
\v 4 Barapomonae jopa yabara yaputaeyo xua po coyene Cristo
jopa ainya cui cana exanaeyo Moisés pia peitorobi coyenewa
tatsi. Daxota anoxuae jiwi jopa cana matawenonaeyo barapo
Moisés pia peitorobi coyenewa tatsi xua po peitorobi
coyenewa bequein jiwi yabara nanta xeina xua pinae poxonae
yabara jume cuiya exanaena pinae xeinaena pejʉntʉ coyene
xanepanaewa.
\p
\v 5 Caena bayatha Moisés yabara paeba xua pinae pia
peitorobi coyene tatsi itacʉpatsi xua jiwi jʉntʉ coyene
xanepana exanatsi Nacomtha xua jopa petsita natsicuentsiwa
xua abe peexanaexae. Moisés jeye: “Pon daxita yabara jume
cuiya eexanaponaena barapo taitorobi coyenewa xua tinan,
bapoxonae bapon bara ataya tsitecaeya poponaena
peajʉntʉyapusʉ coyenewatha”, jei Moisés.
\v 6 Nacom Pejume Diwesitha yabara paeba pomonae jopa
xeinaeyo penatsicuentsiwa Nacomtha pejume cowʉntsixae
Cristotha. Nacom jeye: “Jopa pananthʉthʉ yainyabinde,
jopa pajande: ‘¿Jintam metha itaboco beicha ponaena xua
Cristo pecatsicaenexa tsainchi barapo cae pin nacuathe
tsique xua wanaca yawenaenexa?’ jopa pajande.
\v 7 Mataʉtano jopa pajande: ‘¿Jintam metha ira bereca
ponaena xua Cristo pecatsinaenexa tsainchi barapo cae pin
nacuathe xua petʉpae cuiru coyene weya?’ jopa pajande”,
jei Nacom.
\v 8 Nacom equeicha pejume diwesitha pejʉntʉ coyene
xanepanaewa yabara jeye: “Tajume diwesi bara imoxoyo dubena
xua paca itacʉpa painya necueicueijeinexa barapo diwesi.
Mataʉtano paca itacʉpa xua painya neyabara nanta xeinaewa
barapo diwesi”, jei Nacom xua pejume diwesitha. Barapo
diwesi bara najʉpabe po diwesi xua yabara paca cuidubatsi
xua painya nejume cowʉntsiwa.
\v 9 Icha paichichipame xua Nacom painya nepaca capanenebiwa
bewa paexanaename barapo coyenewabe: Bewa ichamonaetha
payabara paebim xua Jesús painya Nepacacanamataxeinaein.
Mataʉtano bewa pajume cowʉntsim painya nejʉntʉ
coyeneintha xua Nacom Jesús equeicha asʉ exanatsi petʉpae
cuiru coyene weya. Bapoxonae Nacom paca capanenebiyaena abe
painya neexanae coyenewan weya.
\v 10 Poxonae jiton jume cowʉnta pia jʉntʉ coyenewatha
Jesustha bapoxonae jopa Nacom tsita natsicuentsichi xua abe
petsita exanaexaetsi. Poxonae jiton yabara cueicueijei xua
Jesucristo apara pia Pecanamataxeinaeinchi, bapoxonae Nacom
capanepa bapon abe pia peexanae cuiru coyenewan weya.
\p
\v 11 Nacom Pejume Diwesitha jeye: “Pon jume cowʉnta
Cristotha, Cristo yawenaena xua daxota jopa bapana jʉntʉ
coyene natsepanayae tsane”, jei Nacom, xua pejume
diwesitha.
\v 12 Nacom jopa tsita seicayatsi daxita jiwi, bara saya
tsita najʉpatsi, bequein bara metha judiomonae tsipae
irʉno metha bequein jopa dapomonae tsipae pomonae jopa
judiomonae naexanaeyo. Bapon Cristo Pecanamataxeinaein
exanatsi daxita jiwi nexa. Yawano bapon Cristo
Wanacanamataxeinaein jopa juniya catsiyo daxita piawan
pomonaetha pomonae pewʉcae jiwixaetsi.
\v 13 Tsipei Nacom Pejume Diwesitha jeye: “Daxita pomonae
wʉca pontha pon jiwi Pecanamataxeinaein, pon Cristo, xua
pecapanenebiyaenexa tsainchi, barapomonae bara capanenebiya
tsainchi”, jei Nacom.
\v 14 Jiwi jopa itacʉpaetsi xua petsipaebiwa pontha pon
jiwi Pecanamataxeinaein icha jopa jume cowʉntsiyo bapontha.
Mataʉtano jopa itacʉpaetsi xua pejume cowʉntsiwa pontha
pon jiwi Pecanamataxeinaein icha jopa bapana yabara jume
yaputae bapontha. Mataʉtano jiwi jopa itacʉpaetsi xua
peyabara jume yaputaewa bapon icha ichamonae jopa capanaeyo
barapo diwesi xua pecueicueijeinexa barapo jiwitha, xua
peyabara paebiwatsi pon jiwi Pecanamataxeinaein.
\v 15 Mataʉtano jiwi jopa itacʉpaetsi xua pecueicueijeiwa
xua po diwesi pon jiwi Pecanamataxeinaein peyabara
paebiwatsi icha dapomonae ajibi pomonae itoroba
barapomonaetha xua barapomonae pecueicueijeinexa. Nacom
Pejume Diwesitha yabara jei baxua: “Maisa bichocono daxua
wʉnae xua poxonae jiwi pata xua pecueicueijeinexa Nacom pia
pexeinya jume diwesi xua Cristo peyabara paebiwatsi”, jei
Nacom Pejume Diwesitha.
\p
\v 16 Daichitha jopa daxita jiwiyo xua ichichipa pejume
taewa barapo pexeinya jume diwesi. Baxua Isaías yabara jei
Nacom Pejume Diwesitha: “Tanecanamataxeinaem ¿jintam jume
cowʉnta pocotsiwa papaeban? Saya be conotha jiwi, pomonae
jume cowʉnta xua pata tacayabara paebiwatsi”, jei
Isaías.
\v 17 Daxota jiwi jume cowʉnta poxonae jume tane barapo
pexeinya jume diwesi. Po pexeinya jume diwesi jiwi jume
cowʉnta apara po diwesi xua Cristo yabara.
\p
\v 18 Tacoya nayainyaban. Nabaran, janje: ¿Metha bara
barapomonae judiomonae barapo pexeinya jume diwesi jopa jume
taeyo jampa? ¡Jume apara, apara bara jume tane barapo
pexeinya jume diwesi! najan. Nacom Pejume Diwesitha baxua
yabara jeye:
\q “Nacom piamonae tatsi capona Nacom
\q Pejume Diwesi tajʉ beya.
\q Po diwesin xua barapomonae paeba tajʉ beya
\q jume pichapapona daxita barapo cae pin
\q nacuathe”, jei Nacom Pejume Diwesitha.
\m
\v 19 Equeicha nayainyaban, janje: ¿Metha bara barapomonae
judiomonae jopa yaputaeyo xua barapo diwesi ichamonae jume
cowʉntsina? najan. ¡Jume! ¡Apara bara yaputane! najan.
Barapomonae yaputane tsipei Moisés baxua caena bayatha
copiya yabara tsiwʉnae muxu duta. Moisés tatina Nacom, xua
Nacom jeye:
\q “Ichamonae capanenebiyan pomonae
\q jopa judiomonae naexanaeyo.
\q Paxam paca exanatsi xua barapomonae pauwame.
\q Ichamonae capanenebiyan pomonae
\q jopa bichocono peyaputae jiwi.
\q Paxam paca exanatsi xua baxua paca anaepana
\q exana, jei Nacom”, xua Moisés tatina.
\p
\v 20 Bapoxonae irʉ pirapae Isaías atsaquiya yabara
tsiwʉnae muxu duta Nacom nexa xua Nacom jeye:
\q “Pomonae jopa nejeichiyo bara necaxiba.
\q Pomonae jopa neyabara yainyabiyo bara
\q barapomonae cana exanan xua barapomonae
\q neyaputane”, jei Nacom, xua Isaías tatina.
\p
\v 21 Equeicha Isaías yabara tsiwʉnae muxu duta judiomonae
Nacom nexa, xua Nacom jeye: “Daxita matacabi wabeiban
barapomonae. Ichitha barapomonae jopa exaneibiyo pocotsiwa
itorobeiban tsipei barapomonae tanejume torobabeibi jiwi xua
jopa, tanejume cowʉntsiwa”, jei Nacom, xua Isaías
tatina.
\c 11
\s Meje yabara xua Nacom itapeta judiomonaepiwi pomonae
Israel pon caena bayatha tʉpa bapon piamonae tatsi
\p
\v 1 Equeicha nayainyaban najan: ¿Metha bara Nacom torota
daxita piamonae israelmonae jampa? najan. Jume apara, tsipei
apara xan barapo israelmonae jiwanapin, daxota jopa
netorotsiyo, Abraham pia saineiwimonae jiwana tatsin apara,
mataʉtano Benjamín pia pemomoxi susato jiwi jiwana tatsin
apara.
\v 2 Nacom jopa torotsiyo piamonae pomonae xua caena bayatha
peitapetsixae xua cana exana be piamonae tatsi. Paxam
payaputaneme xua Nacom Pejume Diwesitha paeba, po diwesitha
ichaxota Elías tsipaeba Nacomtha. Elías pon Nacom pia
peitorobi jume pepaebin pon caena bayatha tʉpa. Elías
anaya yabara paeba israelmonae, jeye:
\v 3 “Nacom ponxaem Tanecanamataxeinaem, barapo israelmonae
juteba, jutebatsi pomonae jinya neitorobi jume pepaebiwi.
Mataʉtano barapo israelmonae cayatsiya abe exana pocotsiwan
iboton xua xuan xota duwei yʉbeibiya jutebathopeiba xua
poxonae catsita tuxusi exana. Xan compan napaeban xua
pomonae beta necajume cowʉntsiwi barapomonae jiwanan.
Irʉrʉ barapomonae ichichipa nebexubarʉ”, jei Elías
poxonae tsipaeba Nacomtha.
\v 4 Ichitha Nacom Elías jume notatsi. Nacom jeye: “Awiya
cataunxuae xeinan siete mil pebiwi xua tamonae, pomonae
tanejume cowʉntsi jiwi. Barapomonae jopa pentabocototha
umenaeyo xua poxonae wʉnae pejainchinexa ibo nacom, po ibo
nacom pewʉn Baal”, jei Nacom.
\v 5 Nama anoxuae awiya barichi israelmonae be conotha
pomonae jume cowʉnta Nacomtha pomonae Nacom peitapetsiwi,
pia peantobexae barapomonae.
\v 6 Nacom itapeta barapomonae, pomonaetha pomonae
peichichipaexae xua peyawenaewa barapomonaetha pia
peantobexae. Baxua Nacom amanaya exana barapomonaetha. Nacom
jopa itapetsiyo barapomonae, xua peyabara cui matomatsinexa
xua peexanaexae pocotsiwa xanepana. Tsipei icha Nacom saya
itapeta jiwi, xua peyabara cui matomatsinexa xua barapo jiwi
peexanaexae barapoxonae Nacom be jopa bapana amanaya
exanaeyo jiwi nexa.
\p
\v 7 Daxota yaputainchi xua pinmonae xua barapo israelmonae
jiwana jopa catsibichi pejʉntʉ coyene xanepanaewa xua
bequein baxua tsiexana nawita po coyenein Moisés itoroba.
Jame Nacom cata barapo coyene pomonaetha pomonae
peitapetsiwixae, xua pomonae israelmonae jiwana.
Barapomonae, pomonae israelmonae jiwana barapomonae Nacom
jopa catsibiyo barapo pejʉntʉ coyene xanepanaewa. Nacom
copata xua barapomonae pejʉntʉ coyenewatha xeina pejume
torobabi coyenewa.
\v 8 Nacom Pejume Diwesitha Moisés yabara paeba
barapomonae. Moisés jeye: “Nacom copata xua barapomonae
xeinaena po jʉntʉ coyene jopa itacʉpaetsi xua
peyaputaewa. Bequein barapomonae yoroba xua pejume xainyei
coyenewa daichitha jopa yaputaeyo. Mataʉta bequein
barapomonae jume tane pexainyei jume daichitha jopa jume
cowʉntsiyo. Barapo coyenein anoxuae cataunxuae baxuan
eexanapona”, jei Moisés xua Nacom Pejume Diwesitha.
\v 9 Irʉrʉ David yabara paeba israelmonae poxonae Nacom
tapaebatsi. David jeye:
\q “Barapomonae beitatemaya jʉntʉ coyene
\q weiweinapona pin penabanaewantha.
\q Barapomonae nanta xeina xua jopa catsita
\q natsicuentsiyo xua abe peexanaexae.
\q Poxonae barapomonae cataunxuae eexanapona
\q baxua barabʉ xam Nacom jemeicha
\q atene cana exanaename barapomonae,
\q jopa pia necajume cowʉntsixae.
\q
\v 10 Daxota barabʉ copatsiname xua barapomonae
\q israelmonae jopa yaputaeyo po coyene
\q xua barapomonae catsita natsicuenta
\q abe necatsita exanaexae.
\q Mataʉtano barabʉ copatsiname xua barapomonae
\q xeinaena po peatene coyenewa anthʉthʉrewe
\q cana exanatsi xua ataya, abe peexanaexae”,
\q jei David, israelmonae yabara,
\q Nacom Pejume Diwesitha.
\s Meje yabara xua pomonae jopa judiomonae naexanaeyo Nacom
jume cowʉntatsi
\p
\v 11 Equeicha tacoya nayainyaban, najan: Poxonae
judiomonae, pomonae israelmonaexae, Nacom nawepu tsabatsi,
jopa pejume cowʉntsixaetsi ¿metha bara Nacom itawetsina
barapomonae xua ataya tsane jampa? ¡Jume apara! ¡Barapara
Nacom jopa itawetsi tsane xua bara ataya tsane! Nacom
capanenebiyaena icha judiomonae bexa tsane. Bequein anoxuae
Nacom jopa capanenebiyaeyo barapomonae judiomonae, apara
bara capanenebiya abe pia peexanae cuiru coyenein weya tatsi
pomonae jopa judiomonae naexanaeyo. Nacom baxua exana xua
judiomonae peuwinexa, xua uwatsi pomonae jopa judiomonae
naexanaeyo xua barapomonae Nacom pecapanepaexae.
\v 12 Poxoru judiomonae Nacom nawepu tsabatsi daxota Nacom
xanepana exana ichamonaetha, xua daxita carepaya barapo cae
pin nacuathe. Judiomonae jopa Nacom pejume cowʉntsixaetsi
daxota Nacom xanepana exana, pomonaetha pomonae jopa
judiomonae naexanaeyo xua Cristo pejume cowʉntsiwaxaetsi.
Bexa tsane Nacom xanepana exanaena judiomonaetha pocotsiwa
bichocono daxita nacuanpiwi tsita xanepanatsi, xua
beyacaincha poxonae xanepana exana pomonaetha pomonae jopa
judiomonae naexanaeyo. Baxua Nacom cana exanaena poxonae
judiomonae irʉ Cristo jume cowʉntsinchi.
\p
\v 13 Anoxuae paca tsipaebatsi pomonae pam pomonae jopa
judiomonae naexanaeyo pam. Yaitama Nacom taneitorobixae
pomonaetha pomonae jopa judiomonae naexanaeyo, pomonae icha
paichim, daxota tsitsipaebaponan Nacom Pejume Diwesi. Barapo
tatanacuichiwa Nacom bichocono netsita ainya cui.
\v 14 Beexanaein xua tamonae judiomonae paca uwa, xua
bapoxonae barapomonae pejume cowʉntsinexa icha paichim.
Yawano barapoxonae barapo tamonae jiwana Nacom capanenebiya
tsane taexanaexae Nacom nexa.
\v 15 Tsipei poxonae Nacom itaweta barapomonae judiomonae
bapoxonae Nacom itapeta ichamonae pomonae barapo cae pin
nacuapiwi jiwana xua pecanaexanaenexa pia jiwimonae tatsi.
Poxonae judiomonae irʉ cana exanaeinchi Nacom pia jiwimonae
tatsi Cristo pejume cowʉntsixaetsi baxua bichocono wʉnae
tsane be poxonae jiwi equeicha asʉ exanatsi petʉpae cuiru
coyene weya.
\v 16 Ainya pecayabara jʉta pepaebi diwesiyobe paca
tsipaebatsi. Poxonae jiwi ba pentʉbʉ tsequeta xua cae pan
exana pecatsinexa Nacomtha barapo pan matabʉyo bara Nacom
piawa tatsi. Barichi pepa matabʉ barapara Nacom piawa
tatsi. Barichi poxonae jiwi ba paeba xua pinae nae petabʉ
opina catsina Nacomtha bara Nacom piawa tatsi. Barichi pepa
maxʉranan barapara Nacom piawa tatsi. Icha barapocotsi
naxobe coyenewabe cana ichiya exana jiwi, barapocotsi jʉta
coyeneya Nacom cana exana jiwitha. Poxoru Abraham irʉ
pomonae Nacom peitorobi jume pepaebiwi barapomonae Nacom
piamonae tatsi daxota irʉ pia pexui tatsi irʉ Nacom
piamonae tatsi.
\p
\v 17 Equeicha pecayabara jʉta pepaebi diwesiyo paca
tsipaebatsi. Jiwi itacʉpatsi xua olivo nae jiwana
maxʉranan weucuboba po nae ʉbanota pabitha xua bebai. Icha
olivo nae maxʉranan jiwana weucuboba, po nae untha uncua.
Barapo maxʉranan wantha japateita cʉtsiya duba po naetha
po nae uncua pabitha, po nae copiya jiwana maxʉranan bebai.
Barapo nae tabʉ opinan aisa cana exana xua barapo
maxʉranan beta nacoita tsipei mene nota barapo nae tabʉ
opina tsina. Bara jʉta coyeneya ichi, icha olivo naetha
cana ichichi, Nacom jiwi barapocotsi coyeneya cana ichi.
Nacom jiwana torota po judiomonae jopa pejume
cowʉntsixaetsi xua bapoxonae Nacom paca cana exana piamonae
tatsi pam. Nacom paca cana exana xua peajʉntʉyapusʉwa
painya nexeinaewa painya nejume cowʉntsixae Jesucristo.
Barapo coyene icha be poxonae pemaxʉranan cana ichichi
poxonae aisa cana exainchi pemene notsixae petabʉ opinan
tsina, xua beta xu xuwa exana pena maxʉranatha.
\v 18 Daxota jopa paatsaquiya aebiya nanta xeinaeinde xua
ainya cui jiwi pam xua Nacom painya nepaca wabixae
beyacaincha icha judiomonae pomonae Nacom torota. Payabara
nanta xeinare barapo olivo nae xua pecayabara jʉta paebiwa.
Barapo maxʉranan jopa apara nacoita exanaeyo barapo nae
tabʉ opina deca. Jame apara barapo nae tabʉ opina nacoita
exaneina barapo maxʉranantha.
\p
\v 19 Metha papaebichipame, pajam tsipae: “Nacom torota
judiomonae xua wanaca exanaenexa piamonae tatsichi, xua icha
jiwi cana ichi olivo naetha”, pajam tsipae.
\v 20 Metha moya bara xainyei tsipae. Bara Nacom torota
barapomonae judiomonae jopa pejume cowʉntsiwixaetsi
Jesucristo. Paxam Nacom piamonae tatsi paca cana exana,
tsipei saya apara pajume cowʉntame Jesucristo, saya meisa
baxuaxae. Jopa pana najʉntʉ coyene yabara atsacande xua
painya nexeinaexae pocotsiwa Nacom paca cata. Jame saya dota
pam xua jopa xanepanaeya pajume cowʉntsim Jesucristo xua
daxota Nacom painya nepaca torotsiwa tsane. Jiwi
pemaxʉranan ucubobiya bebai po nae pabitha uncua.
\v 21 Bara jʉta coyene ichi, Nacom torota judiomonae
pomonae copiya piamonaexae tatsi jopa pejume cowʉntsixae
Jesucristo. Nacom bara paca ichipae paca torotsipa icha jopa
pajume cowʉntsipaem.
\v 22 Anoxuae waxainchi yaputainchi xua Nacom yawena jiwi,
peantobexae. Yawano yaputainchi xua Nacom ayapube taexana
ichamonae pomonaetha pomonae abe peexanae jiwixae. Nacom
daunweya yabara paeba penatsicuentsiwa pomonae xua jopa
pejume cowʉntsiwichi. Ichitha Nacom beta xanepanaya paca
cana exana. Nacom baxua paca cana exanaena icha awiya pajume
cowʉnta dubenanaebiyaename. Ichitha icha awiya jopa pajume
cocowʉntaponaem tsane Nacom paca torotsina.
\v 23 Mataʉtano Nacom itacʉpatsi xua equeicha caewa cana
exana piamonae judiomonae, pomonae Nacom bayatha copiya
bequein petorotsixae. Nacom baxua cana exanaena icha jame
barapomonae Cristo jume cowʉntsinchi. Nacom baxua cana
exanaena icha jiton ichi xua equeicha caewa pecoutha
japateita cʉtanota wantha pemaxʉrana, po maxʉrana bequein
ucuibiya xuba.
\v 24 Paxam pomonae jopa judiomonae naexanaeyo pam, Nacom
paca cana exana piamonae tatsi pam, bequein copiya jopa
piamonae tatsi pam. Nacom bara paca cana ichi, icha be
pocotsi coyeneya pebin ichi xua unupi olivo nae maxʉrana
ucuiba. Equeicha barapo maxʉrana icha olivo nae maxʉrana
wantha japateita cʉtsiya duta po olivo nae pabitha
ʉbanota. Bapoxonae barapo unupi olivo nae maxʉranatha
pexeinya thei xuwa. Ichitha icha pebin equeicha pita po
maxʉrana xua ucuiba pepa olivo nae weya yawa equeicha caewa
pecoutha japateita cʉtanota wantha, barapo maxʉrana beta
xuwa beyacaincha xua xuwa unupi olivo nae maxʉrana poxonae
japateita cʉtanota wantha. Icha pebin ichi, Nacom bara
itacʉpatsi cana exana judiomonaetha. Nacom tayapu
xanepanatsi xua equeicha exana piamonae tatsi pomonae copiya
torota pomonae judiomonae.
\s Meje yabara xua Nacom bexa tsane israelmonae capanenebiya
tsainchi
\p
\v 25 Tamonae pam, paxam pomonae irʉ painya nejume
cowʉntsiwixae Jesucristotha. Maisa ichichipan xua paxam
yabara painya neyaputaewa tsane xua moya peyawʉn xeinaewa
po coyene xua Nacom yabara po coyene ichamonae jopa
yaputaeyo. Tsipei jopa ichipaeinyo xua painya coutha painya
nenayabara nanta xeinaewam xua peyaputae jiwi pam. Meje
baxue xua moya peyawʉn xeinaewan: Anoxuae israelmonae xeina
pejʉntʉ coyenewatha po coyene xua Nacom pejume torobabi
coyenewatsi xua daxota Nacom jopa pejume cowʉntsiwatsi.
Ichitha jame bexa poxonae abʉ daxita carepaya jume
cowʉntsina Nacom pomonae jopa judiomonae naexanaeyo pomonae
Nacom itapeta, bapoxonae equeicha judiomonae jume
cowʉntsina.
\v 26 Bapoxonae daxita israelmonaexae pomonae judiomonaexae
pomonae Nacom itapeta, capanenebiya tsainchi abe pia
peexanae cuiru coyenewan weya tatsi. Nacom baxua yabara jeye
pejume diwesitha:
\q “Pon jiwi Pecapanenebiyaein patopaena israelmonae
\q jiwanatha pomonae Sión tomara wʉnmonae.
\q Bapon jʉntʉ coyene wepichina Jacob pia
\q pemomoxi susato jiwi tatsi abe pia peexanae
\q cuiru coyenewan tatsi, pomonae israelmonaexae.
\q
\v 27 Jʉntʉ coyene wepichin barapo judiomonae
\q abe pia peexanae cuiru coyenewan tatsi.
\q Barapoxonae cayabara jume weta exanaein
\q pocotsiwa caena bayatha yabara tsiwʉnae
\q muxu dutan barapomonae pia pamo susato jitontha
\q tatsi pon pewʉn Jacob, pon Israelxae”,
\q jei Nacom Pejume Diwesitha.
\p
\v 28 Ichamonae xua israelmonae jiwana anoxuae barapomonae
Nacom pia peaitafaetabi jiwichi tsipei barapomonae jopa jume
cowʉntsiyo Nacom pia pexeinya jume diwesi tatsi po diwesi
Cristo pepatopaewa yabara. Tsipei barapomonae baxua exana,
daxota paxam pomonae jopa judiomonae naexanaeyo pam, bara
paca itacʉpa xua painya nejume cowʉntsiwa Cristo. Ichitha
barapo israelmonae Nacom caena bayatha copiya itapeta.
Barapo israelmonae awiya Nacom antobe, pia pamo susato jiwi
tatsi copiya peitapetsixaetsi.
\v 29 Tsipei Nacom jopa ichawa beya paebiyo. Pocotsiwa Nacom
cata equeicha jopa caewa pichiyo. Pomonae Nacom itapeta
equeicha jopa itawetsiyo.
\v 30 Paxam pomonae jopa judiomonae painya nenaexanaewi pam,
copiya paxam jopa painya neexanae jiwi pam pocotsiwa Nacom
paca itoroba. Daichitha anoxuae judiomonae jopa peexanaexae
pocotsiwa Nacom itoroba, daxota Nacom wʉnaeya paca yabara
nanta xeina pia nepaca cayawenaewa tsane.
\v 31 Ichitha anoxuae bequein barapomonae judiomonae jopa
exanaeyo pocotsiwa xua Nacom ichichipa, bexa tsane
barapomonae judiomonae jume cowʉntsina. Poxonae baxua
exanaena Nacom, xua wʉnaeya paca yabara nanta xeina pia
nepaca cayawenaewa tsane irʉ wʉnaeya yabara nanta xeinaena
peyawenaenexa tsane xua barapomonae peyawenaenexatsi pia
peantobewixae. Nacom baxua exanaena barapomonaetha icha
bayatha pacata ichi xua poxonae Nacom pacata exana.
\v 32 Nacom bara copata xua daxita jiwi bara najʉpa xua
penatsicuentsiwa xua jopa pejume cowʉntsixaetsi. Nacom bara
baxua copata, xua penanta jʉpiya yawenaenexa daxita jiwi,
peantobexae.
\p
\v 33 ¡Maisa jopa juniya Nacom yawenaeyo jiwitha! ¡Maisa
Nacom jopa juniya xeinaeyo peyabara yaputae coyenewan po
coyene xua xaniwaicha pecayabara exanaewa! ¡Maisa Nacom
jopa juniya yabara tsiwʉnae yaputaeyo peyaputae coyenein
xua bexa exanaena! ¡Dapon ajibi pon itacʉpatsi xua
pecayabara yaputaeya paebiwa pocotsiwa Nacom cuita yabara
exana! ¡Barichi dapon ajibi pon itacʉpatsi xua peyaputaewa
Nacom pia cui coyenewan tatsi!
\v 34 Nacom Pejume Diwesitha tatsi yabara jeye baxua:
“Dapon ajibi, pon yaputane pocotsiwa Nacom nanta xeina pon
jiwi Pecanamataxeinaeinxae. Mataʉtano dapon ajibi, pon xua
Nacom pecuidubiwatsi.
\v 35 Mataʉtano dapon ajibi pon cata Nacomtha xua daxota
xuya bewa Nacom matomatsina”, jei Nacom Pejume Diwesitha
tatsi.
\v 36 Apara daxita coyenein Nacom forota. Nacom
canamataxeina pia peayapusʉ itorobi coyenewatha daxitan
pocotsiwan xua xuan exana. Daxitan bara piawa tatsi.
¡Barabʉ Nacom wʉnae jainteibatsi xua ataya tsaibi tsane!
¡Je, bara ichi tsane!
\c 12
\s Meje yabara xua wajinompaewa wataexanaenexa Nacom
\p
\v 1 Tamonae pam, paxam pomonae irʉ painya nejume
cowʉntsiwixae Jesús. Paxam payaputaneme xua Nacom
bichocono naca yawena pia wanaca antobexae. Daxota paca
itorobatsi daxita pam. Pana najʉntʉ coyene doure Nacomtha
painya nenacuichinexa pocotsiwa Nacom paca itoroba. Baxua
bara be poxonae jiton ovejiyo asʉ cata xua pebexubinexa
Nacom nexa. Poxonae pana najʉntʉ coyene doutame Nacomtha
barapo coyene Nacom tsita xanepanatsi. Barapocotsi
coyenewatha bewa wʉnae pajaintsiname Nacom painya jʉntʉ
coyeneintha.
\v 2 Jopa bara paichiponaeinde xua abe paexanaponame po
coyenewan icha ichi xua exana dubenanaebiya pomonae barapo
cae pin nacuathe jinompa. Jame maisa bara pacopare xua Nacom
paca necanaexanaenexa xua icha jʉntʉ coyene paxeiname xua
beta painya nenanta xeinaponaenexam tsane. Bapoxonae
payaputaename xua bara painya neexanaewa pocotsiwa Nacom
ichichipa. Pocotsiwa Nacom peichichipaewa xua apara painya
neexanaponaewa tsane xua meje: pocotsiwa bara wʉnae,
mataʉtano pocotsiwa Nacom pejʉntʉ coyene weiweina
exanaewatsi, mataʉtano pocotsiwa daxita bichocono
matapaeicha xanepana.
\p
\v 3 Nacom taneantobexae necata barapo peayapusʉ itorobi
coyenewa xua tapaca itorobiwatsi pocotsiwa yabara bewa
paexanaename. Daxota baxua paca tsipaebatsi xua paxam jopa
bewa pana nayabara nanta xeinaem xua peainya cui jiwi pam
beyacaincha poxonae Nacom pia coutha ainya cui paca cana
exana. Nacom paca catsiba pejume cowʉntsiwa daxita carepaya
paxamtha. Daxota bewa daxita paxam xainyeya pana nayabara
nanta xeinaem pocotsiwa painya neexanaexae xua icha be
pocotsi coyeneya Nacom painya nepaca itorobixae pocotsiwa
bewa paexanaename.
\v 4 Wapepontha nawita xeinatsi xua wanaca cueyatsiwan, bara
bequein cae pepontsi. Daxita barapo wanaca cueyatsiwan
wapepontha jopa nanta jʉpae coyeneya exanaeyo.
\v 5 Waxainchi bara ichichi bara bequein pinmonaetsi ichitha
waxainchi be cae pepontsi Cristotha. Ichitha apara daxitatsi
bara caemonae naexainchi wajume cowʉntsixae Cristo.
Caemonae wanaexanaexae Cristotha, daxota nantiya
nayawenatsi.
\p
\v 6 Nacom daxita carepaya barompaya naca catsiba wajʉntʉ
coyeneya waexanae coyenewan, peichichipaexae xua naca
yawenaena wanaca antobexae. Barapo jʉntʉ coyeneyatha
waxainchi barompaya bewa beta taexanaetsi Nacom wanaca
catsixae barapo coyene. Ichamonaetha Nacom naca jiwana
catatsi po coyene xua peyabara yaputaeya cueicueijei
coyenewa Nacom Pejume Diwesi. Bapoxonae barapomonae bewa
cueicueijei barapo diwesi jiwitha. Bapomonae bewa exanae
baxua daxita po pejume cowʉntsiwatha Nacom bapomonaetha
cata.
\v 7 Ichamonaetha Nacom naca jiwana catatsi, po coyene xua
ichamonae peyawenaewatsi. Barapomonae bewa moya ichamonae
bara beta yawenaetsi. Ichamonae Nacom naca jiwana catatsi po
coyene xua ichamonae pecuidubiwatsi. Pomonae yaputane xua
pecuidubiwa ichamonaetha, bewa moya bara beta cuidubina
ichamonaetha.
\v 8 Ichamonaetha Nacom naca jiwana catatsi peyaputae
coyenewa po coyenewa xua pejʉntʉ cui coyene tsacabinexa
pejume cowʉntsiwi xua jʉntema pejinompaenexa. Pomonaetha
Nacom cata barapo peyaputae coyenewa bapomonae bewa moya
bara beta jʉntʉ cui coyene tsacabina ichamonae.
Ichamonaetha Nacom naca jiwana catatsi peyaputae coyenewa po
coyenewa xua piawan peroutsiwa ichamonaetha. Bapomonae bewa
jopa asiwiyo, moya bara bewa amanaya doutsina ichamonaetha.
Ichamonaetha Nacom naca jiwana catatsi peyaputae coyenewa po
coyenewa xua piamonae canamataxeinaeya itoroba. Bapomonae
bewa moya bara saya daunweya beta canamataxeinaeya
itorobaponae. Ichamonaetha Nacom naca jiwana catatsi
peyaputae coyenewa po coyenewa xua yawena peacopeibi jiwi.
Bapomonae bewa moya jʉntʉ coyene weiweinaeya yawenae.
\s Meje yabara xua pocotsiwa bewa exanae pomonae pejume
cowʉntsiwi Cristo
\p
\v 9 Poxonae pana naantobem xaniwaicha nantiya caemonae pana
naantobeinde. Panaitemare abe peexanae coyenewan. Saya
naitomatsiya paexanaponde pocotsiwa pexanepanae coyenewan.
\v 10 Bewa caemonae nantiya pana naantobem, icha caepi jiwi
ichi xua yatsicaewa naantobe xua cae peweicho jiwi. Bewa
ichamonae pabarʉ cui itura jinaem xua barapomonae peainya
cui jiwi beyacaincha paxam.
\p
\v 11 Jʉntʉ coyene daunweya patanacuire pon jiwi
Pecanamataxeinaein. Jopa paacoyenefaetabinde poxonae pata
nacuitame. Antʉcoyeneyapusʉya bapon patanacuire, bichocono
painya neichichipaexae.
\p
\v 12 Painya newʉnae ewatsixae pocotsiwa xua Nacom paca
catsibapaeba bexa daxota pajʉntʉ coyene weiweinaeya
jinompare. Poxonae ichamonae jopa xapain pacata exanaeyo,
xua paca cana exana xua paajʉntʉcoyenetanem, bara saya
jʉntema pajinompare. Jopa paaitaconaeinde. Jopa pana cui
barapentsinde xua painya tsipaebeibiwa Nacom.
\p
\v 13 Nacom piamonae xua irʉ pomonae Nacom pejume
cowʉntsiwixaetsi payawende pocotsiwa xua barapomonae
nantawenona. Pantenta weyataeya wabeibare painya bontha
pomonae painya nepaca casiwa poneibiwi, pomonae pejume
cowʉntsiwi Nacom pomonae jopa painya yaitaibi jiwi.
\p
\v 14 Pomonae paca atene exana painya nejume cowʉntsixae
Jesucristo barapomonae patawʉcare Nacomtha xua Nacom
peyawenaewa tsane barapomonae. Nacom jopa patsipaebinde xua
abe pecana exanaewa tsane barapomonaetha.
\p
\v 15 Irʉrʉ pajʉntʉ coyene weiweineibare poxonae
ichamonae jʉntʉ coyene weiweineiba. Ichacuitha pajʉntʉ
coyene wecoyei tsaibindeno poxonae ichamonae jʉntʉ coyene
wecoyei tsaibi.
\p
\v 16 Pebʉrʉya nanta cui jʉpaeya pajinompare xua jʉntema
nantiya pana nabarʉ dubenanaebiyame. Jopa ichamonae
paaebinde. Pacana exande painya jiwi xua be pomonae pecui
pawi jiwi. Jopa pana nayabara nanta xeinaeinde xua painya
neyaputae jiwi pam.
\p
\v 17 Poxonae ichamonae abe pacata exana jopa xuya abe pata
exanaeinde barapomonaetha. Jame maisa pananta xeinare xua
daxita jiwi xaniwaicha painya netaexanaewa tsane pocotsiwa
barapomonae tsita cui xanepanatsi.
\v 18 Paexanaponde daxita pocotsiwan paca itacʉpa, xain
bapoxonae jʉntema pana nabarʉ jinompame daxita jiwi.
\v 19 Tamonae pam paxam pomonae tapaca caantobe jiwichi pam
irʉ painya nejume cowʉntsi jiwixae Jesucristo. Paxam jopa
bewa xuya panayantomateibim tsane poxonae ichamonae abe
pacata exaneiba. Jame bara saya pacopare xua bara Nacom
peyantomatsiwa exanaena pomonaetha pomonae abe pacata exana.
Tsipei Nacom Pejume Diwesitha tatsi baxua yabara jeye:
“Jame xan saya ba tacoyan xua jiwi atene exanan abe
peexanaexae ichamonaetha. Xan peyantomatsiwa xuya exanaein
pomonaetha pomonae paca abe exana jei pon Pecanamataxeinaein
jiwi”, jei Nacom Pejume Diwesitha.
\v 20 Jopa xuya payantomateibim tsane. Jame paexande xua
Nacom Pejume Diwesitha tatsi jeye: “Icha painya nepaca
caaitafaetabi jiton jainpa, paapare pexaewa. Yawano icha
meratsipano, paapare pocotsiwa xua peapaewa. Poxonae baxua
pataexanaename, bapoxonae barapon pin ura paca tsita
xeinaena xua bayatha abe pia pacata exanaexae”, jei Nacom
Pejume Diwesitha.
\v 21 Jopa pacopatsinde xua ichamonae abe pia paca exanae
coyenein tatsi paca jʉntʉ coyene amanayaba xua daxota abe
paexaname barapomonaetha pomonae painya nepaca caaitafaetabi
jiwi. Jame maisa beta exanaeya pata exande poxonae bequein
ichamonae abe pacata exana. Bapoxonae pacoyene amanayabame
po coyenein abe peexanae coyenewan.
\c 13
\p
\v 1 Daxita jiwi bewa exanae pocotsiwa itorobatsi pomonae
itorobiya pecanamataxeinae jiwi pomonae peayapusʉ itorobi
coyenewa xeina. Jiwi jopa itacʉpaetsi xua
pecanamataxeinaewa ichamonae xua peitorobinexa icha Nacom
jopa yabara copatsiyo baxua. Tsipei jiwi pomonae peayapusʉ
itorobi coyenewa xeina xua pacanamataxeinaewatsi ichamonae
saya meisa Nacom bara yabara cui copaba xua barapo jiwi bara
pecanamataxeinaewa tsane ichamonae.
\v 2 Daxota icha ichʉn jume naitemata xua pocotsiwa
itorobatsi xua itoroba pon piamonae itorobiya
pecanamataxeinaein barapara bapon barichi jume naitemata po
coyene xua Nacom exana xua poxonae cana exana xua
barapomonae pecanamataxeinaewa ichamonae. Pocotsimonae xua
baxua exana xua pejume naitematsiwa, barapocotsimonae apara
bara Nacom tsita natsicuentatsi xua barapo abe coyenewa
peexanaexae.
\v 3 Pomonae beta peexanae jiwi jopa bewa cuitaya junuwi
tsane xua pecuitaya junuwiwatsi pomonae itorobiya
pecanamataxeinaewi. Jame saya meisa pomonae abe peexanae
jiwi bewa cuitaya junuwina xua pecuitaya junuwiwatsi pomonae
itorobiya pecanamataxeinae jiwi. Icha jopa paichichipaem xua
junuwa painya nepaca exanaewa pon itorobiya
pecanamataxeinaein, moya jame beta patsita exande. Bapoxonae
bapon bara patsita xanepanaename.
\v 4 Tsipei apara pon itorobiya pecanamataxeinaein jiwi
tanacuita Nacom xua painya nepaca cayawenaewa tsane. Ichitha
icha paxam abe paexaname moya bara bewa pajunuware, tsipei
bapon pon itorobiya pecanamataxeinaein jiwi, xeina po
peayapusʉ itorobi coyenewatha peitacʉpaewatsi xua atene
paca exana. Bapon tanacuita Nacom. Daxota bapon Nacom
taexainchi xua pomonae abe peexanaewi atene tsane xua
penatsicuentsixae xua abe peexanaexae Nacomtha.
\v 5 Daxota bewa paexanaename pocotsiwa paca itoroba pon
itorobiya painya nepaca canamataxeinaein. Jopa apara bewa
paexanaem tsane baxua xua poxoru Nacom atene painya nepaca
exanaeyainwa, jame apara poxoru xua painya jʉntʉ coyenetha
payabara yaputaneme xua bewa beta painya neexanaewa tsane.
\v 6 Daxota xain barapomonae pacatsibame pematomatsi
paratixi pocotsi paratixi jiwi bewa catsibina pomonaetha
pomonae itorobiya pecanamataxeinae jiwi. Tsipei barapomonae
nantawenona paratixi xua beta pe-eexanaponaewa tsane poxonae
Nacom tanacuitapoinchi.
\p
\v 7 Daxita barapomonae barompa paratixi pacatsibare po
paratixi bewa pacatsibim barapomonae. Pomonae painya nepaca
canamataxeinaewi pacatsibare daxita po coyenein peyabara
matomatsiwan xua xuan paca wʉca. Daxita pomonae
pecanamataxeinae jiwi pabarʉ cui itura jinare, xua daxota
betiya painya nebarʉ cueicueijeiwa tsane.
\p
\v 8 Painya xoba ichamonae pantoma amanayabeibame. Jame saya
cae coyene bewa paxeinaem po coyene xua nantiya painya
nenaantobewam. Tsipei pon antobe ichamonae bapon jume
cowʉntsiya exana daxita pocotsiwa xua Moisés itoroba pia
peitorobi coyenewatha.
\v 9 Moisés pia peitorobi coyenewatha jeye: “Jopa pichinde
ichʉn piseuri tatsi. Jopa bexubinde ichamonae. Jopa
caibinde xua ichamonae piawan. Jopa yabara uwinde pocotsiwa
ichʉn xeina”, jei barapo itorobi coyenewatha. Barapo
coyenein xuaunxuae paeban, irʉno daxita icha peitorobi
coyenewano be cae peitorobi coyenewa jume naexanabe ichaxota
xua po jumetha jeye: “Ichamonae antobeinde icha ichim xua
jinya coutha naantobem”, jei barapo peitorobi coyenewatha.
\v 10 Pon ba beta antobe tsaibi ichamonae bapana jopa abe
taexanaeyo barapomonaetha. Daxota icha antobetsi ichamonae
bapoxonae barapara jume cowʉntsiya exainchi daxita
pocotsiwa Nacom itoroba Moisés pia peitorobi coyenewatha.
\p
\v 11 Daxita baxuan bewa paexanaename tsipei payaputaneme
xua anoxuae po dapaetha pajinompame bichocono peayapube
dapae. Barapo dapaetha tsaca pajinompare, tsipei imoxoyo
naca itiya pona po mataqueitha Nacom naca capanenebiyaena.
Barapo matacabi imoxoyo beyacaincha xua poxonae aena jume
cowʉntatsi Jesucristo.
\v 12 Pequireiwa ba bewayo caewanaya poxoru matacabi
dawetsina. Bara jʉta coyeneya ichi poxonae pomonae ba abe
peexanaewi bara apara pequireitha abe exana. Barapomonae
barapenta xua abe exana poxonae matacabi tsuxubi. Barichi
waxainchi bewa barapentichi xua abe waexanae coyenewa icha
barapomonae ichi xua saya merawi abe exana ichitha
mataqueitha jopa exanaeyo. Waxainchi bewa beta exanaetsi
icha pomonae ba ichi pomonae jinompa mataqueitha xua beta
exana. Baxua exanatsi poxonae najʉntʉ coyene wʉnaetatsi
xua najʉntʉ coyene ayapusʉ exanatsi abe waexanaeyainwa.
Baxua icha be poxonae ba soldadopin ichi poxonae matacabitha
nacui wʉnaeta penabinexa. Bapon penaintontha nayaitata xua
daxita pepontha xua pebexotsiyainwatsi.
\v 13 Barabʉ beta xanepanaya dubenanaebiyatsi, icha jiwi
ichi xua beta dubenanaebiya mataqueithaxae. Jopa bewa
nacʉpa exanae dubenanaebiyae tsainchi xua peamenetsaxawa.
Mataʉtano jopa bewa ponaeinchi po penabanaewan xua ichaxota
pinmonae penacaetutsiwa yawa abe exana. Jopa bewa nasi cui
exanae tsainchi. Mataʉtano jopa bewa tanotsichi ichamonae
piseuri jiwi tatsi. Yawano jopa bewa nantiya jume daunweya
najume matsontsonobi tsainchi. Mataʉtano jopa bewa nauwi
tsainchi.
\v 14 Jame ichawa bewa paexanaename. Bewa Jesucristo
patsipaebiname xua painya nepaca yaitatsinexa pon jiwi
Pecanamataxeinaein, xua abe painya exanaeyainwa tsane.
Bapoxonae jopa paexanaeinde po coyene xua abe painya
exanaewam pocotsiwa painya jʉntʉ coyenein ichichipa xua
peexanaewa.
\c 14
\s Meje yabara xua jopa bewa abeya yabara paebichi po coyene
xua pejinompaewa pomonae irʉ pejume cowʉntsiwi
\p
\v 1 Icha ichʉn jʉntʉ coyene faefaena pejume cowʉntsiwa
Cristotha, bapon pacana exande be painyamonae jiwi jiwana
pomonae painya nejume cowʉntsi jiwixae pam. Jopa bapon
yabara pajume matsontsonobinde xua pia pecayabara nanta
xeinaewatsi xua po coyeneya bapon bewa exanae xuano xua
ichacuitha po coyeneya xua bapon jopa bewa exanae.
\v 2 Ichamonae ba nanta xeina xua itacʉpatsi penabanaewa
xua daxita coyenein pexaewan. Ichamonae ba pomonae jʉntʉ
coyene faefaena xua pejume cowʉntsiwa Cristotha barapomonae
ira pipexaewa xane jopa pewi xaeyo.
\v 3 Pon penabanaein daxita coyeneya pexaewan, bapon jopa
bewa paebi tsane ichʉntha pontha pon xua jopa
penabanaeinxae pewi. Jopa bewa paebi tsane “Abe exaname
jopa nenabanaexae pewi”, jopa bewa jei tsane. Barichi pon
pewi jopa penabanaein, bapon jopa bewa paebi tsane pontha
pon pewi penabanaeinxae: “Abe exaname nenabanaexae pewi”,
jopa bewa jei tsane. Tsipei pon daxita coyeneya penabanaein
pexaewa Nacom yabara nanta xeina xua bara irʉ pexanto
tatsi, icha ichi pon jopa penabanaein pewi.
\v 4 Xam jopa bewa daxua paebim tsane xua pon ichʉn
tanacuitatsi xua bapon natsicuenta pontha pon
pecanamataxeinaeinchi abe peexanaexae. Po pebin xua Nacom
tanacuitatsi bapon nantaʉta pon jiwi Pecanamataxeinaein.
Bapon jopa nantawenonaeyo xua irʉ xam canamataxeiname
bapon. Saya meisa Nacom itacʉpatsi xua yabara paeba poxonae
po coyene icha bapon wʉnae exana xuano xua icha jopa xapain
exanaeyo. Ichitha bapon xanepanaya exanaena tsipei Nacom
itacʉpatsi xua cana exana, xua pia petanacuichi jiwi tatsi
xanepanaya peexanaewa.
\p
\v 5 Ichamonae nanta xeina xua caentaqueitha bichocono
peainya cui matacabi beyacaincha xua icha matacabi tsipei
barapo matacabitha xua Nacom wʉnae pejainchiwatsi.
Ichamonae nanta xeina xua daxita matacabin bara najʉpa xua
peainya cui matacabin xua Nacom wʉnae pejainchiwanexatsi
barapo matacabintha. Daxita barapomonae bewa barompaya pia
jʉntʉ coyenewatha yabara nanta xeinae xua barapara
pexainyeiwa po coyenewa xua peyabara nanta xeinaexae. Jopa
bewa nanta xeinae po coyenewa ichʉn yabara nanta xeina.
\v 6 Pon jopa nacuichiyo po mataqueitha xua peainya cui
matacabi, bapon baxua exana xua Nacom wʉnae
pejainchinexatsi pon jiwi Pecanamataxeinaein. Barichi pon
xua penabanaein daxita coyeneya pewi, apara xua Nacom wʉnae
pejainchinexatsi, pon jiwi Pecanamataxeinaein, tsipei bapon
jeye: “Nacom maisa jʉntʉ coyene weiweinan xua
tanecatsiwam daxita coyeneya pexaewan”, jei. Irʉno pon
jopa pewi xaeyo, bapon barapara xua Nacom wʉnae
pejainchinexatsi pon jiwi Pecanamataxeinaein, tsipei bapon
jeye: “Nacom maisa jʉntʉ coyene weiweinan xua
tanecatsiwam ira pipexaewa”, jei bapon.
\p
\v 7 Tsipei dapon ajibi pon waxainchi jiwanatsi
pomonaexaetsi pomonae wajume cowʉntsiwichi, xua pon
pepoponaewa penacanaexanaewa xua be pocotsi coyeneya bapon
ichichipa. Jame apara popona icha be pocotsi coyeneya bara
Cristo pon jiwi Pecanamataxeinaein ichichipa xua pepoponaewa
tsane. Barichi icha bapon tʉpaetsipa apara saya poxoru
Jesucristo pon jiwi Pecanamataxeinaein bara copata xua bapon
petʉpaewa tsane.
\v 8 Icha Nacom pon jiwi Pecanamataxeinaein copata xua awiya
wajinompaewatsi bewa beta jinompaetsi xua daxota jiwi Nacom
wʉnae pejainchinexatsi. Icha Nacom pon jiwi
Pecanamataxeinaein copata xua bara watʉpaewa tsane barapo
coyene bewa cana exanaetsi xua jiwi wʉnae pejainchiwa
Nacom. Daxota bequein icha waxainchi jinompaetsipatsi,
yawano poxonae bequein icha tʉpaetsipatsi bara barapara
barapo coyeneinya waxainchi bewa cana exanaetsi xua jiwi
Nacom wʉnae pejainchinexatsi pon jiwi Pecanamataxeinaein
poxoru waxainchi piamonae tatsichi.
\v 9 Daxota Cristo tʉpa, yawano equeicha asʉ popona xua
penaexanaenexa tsane pon jiwi Pecanamataxeinaeinchi xua
daxita jiwi nexa pomonae werapa irʉno pomonae cataunxuae
jinompano.
\p
\v 10 Daxota dapon ajibi pon paxam jiwana pam pon bewa
yabara paebina pomonaetha pomonae irʉ pejume cowʉntsiwi
Cristo, xua pejeiwa: “Barapomonae Nacom tsita
natsicuentatsi abe peexanaexae bapontha”, xua pejeiwa.
Mataʉtano ichamonae paxam jiwana jopa bewa yabara paebi
tsane pomonaetha pomonae irʉ pejume cowʉntsiwi, xua jei:
“Maisa barapomonae jopa peyaputaewi xua jopa peainya cui
jiwi”, jopa bewa jei. Tsipei poxoru daxita waxainchi bexa
tsane umenaeinchi Cristo peitabaratha. Cristo daxita naca
yabara paebina xua wanatsicuentsiwa xua abe waexanaexae
Nacomtha.
\v 11 Tsipei Nacom Pejume Diwesitha jeye:
\q “Xan bara xaniwaicha yabara paca tsiwʉnae
\q muxu dutatsi xua daxita jiwi patsina xua
\q pentabocototha peumenaenexa taitabaratha
\q tanewʉnae jainchinexa.
\q Daxita jiwi neyabara paebina jei tsane:
\q ‘Apara barapon yatsicaewa pepa Nacom’, jei
\q tsane”, jei Nacom pon jiwi
\q Pecanamataxeinaein xua Pejume Diwesitha.
\m
\v 12 Bapoxonae barapo mataqueitha yabara cueicueijei
tsainchi Nacomtha pocotsiwa xua caena bayatha exanatsi xua
barapo cae pin nacuathe icha bara metha wʉnae exainchi
yawano icha bara metha abe exainchi.
\s Meje yabara xua jopa bewa exanaetsi pocotsi coyeneya
pomonae pejume cowʉntsiwi abe peexanaewa tsane
\p
\v 13 Daxota waxainchi jopa bewa yabara nantiya
namuxutainyabichi pocotsiwa waexanaexae. Jame bewa paexanaem
xua meje: Painya xoba pacana exaname painyamonae pomonae
irʉ pejume cowʉntsiwi xua pocotsi coyeneya barapomonae
peexanaewa tsane xua daxota jopa pejume cowʉntsiwa tsane
Nacom.
\v 14 Tsipei xan tajume cowʉntsixae Jesús pon jiwi
Pecanamataxeinaein daxota bara yatsicaya yaputan, xua
dapocotsiwa ajibi po pexaewa tanejʉntʉ coyene taxobiwa xua
icha taxaewa tsane. Ichitha icha ichʉn yabara nanta xeina
xua po pexaewa betaxobichipatsi icha xaetsipa bapoxonae bara
tsita xainyeichi, betaxobichipatsi icha xaetsipa.
\v 15 Ichitha icha paxaetsipame pocotsiwa xua painya jiton
jopa ichichipaeyo xua pexaewa, pon irʉ pejume cowʉntsin
bapoxonae peantobe coyenewa jopa patsita xeinaem bapon.
Painya xoba paexaname pocotsi coyenetha xua ichʉn baraxuba
Nacom xua poxoru pocotsiwa painya nexaexae. Tsipei apara
Cristo bayatha tsitʉpa bapon.
\v 16 Paxam pananta xeiname xua bara wʉnae paexaname po
coyenein ichamonae tsita abetsi pejʉntʉ coyenein
taxobixaetsi. Bequein baxua payabara nanta xeinaetham tsipae
ichitha jopa paexanaemtsipae barapo coyenein. Tsipei icha
paexanaetsipame barapo coyenein, ichamonae yabara jei tsipae
barapo coyenein: “Maisa po coyenein barapomonae exana
bichocono abe”, jei tsipae.
\v 17 Nacom ichichipa xua waxainchi pebʉrʉya jʉntema
wajinompaewa. Daxota poxonae Nacom naca itoroba po coyene
yabara po coyeneya bewa nabarʉ jinompaeinchi, jopa yabara
paebi tsainchi xua po peitorobi coyenein xua waxaewa yawa
waapaewa yabara. Jame po coyenein yabara naca itoroba xua
apara jame pinae bewa Nacom tsita xeinaeinchi pejʉntʉ
coyene xanepanaewa. Mataʉtano bewa pinae jʉntema nabarʉ
jinompaeinchi Nacom nexa. Mataʉtano bewa jʉntʉ coyene
weiweinaeya jinompaeinchi. Daxita barapo coyenein xeinatsi
wanaca catsibixae Nacom pia Pejumope tʉnaxʉ tatsi.
\v 18 Poxonae barapo coyeneya Cristo taexainchi bapoxonae
Nacom tsita xanepanatsi pocotsiwa xua exainchi. Mataʉta
jiwi naca yabara paeba xua pinae bara beta exainchi.
\p
\v 19 Daxota bewa waxainchi exaneibinchi pocotsi coyenein
xua jʉntema nabarʉ jinompatsi exanatsi. Yawano bewa
exaneibinchi pocotsi coyeneintha xua nantiya jume
cocowʉntaponatsi naexainchi.
\v 20 Jopa bewa paxaem ichʉn peitabaratha pon painyamonae
jiwana pocotsiwa xua bapon yabara nanta xeina xua jopa bewa
xae. Icha paxaetsipame bapon peitabaratha, bapon irʉ metha
xaetsipa barapo pexaewa. Bapoxonae bapon nanta xeinaetsipa
xua bapon pomonae jiwana pomonae penatsicuentsiwa Nacomtha
xua abe peexanaexae. Painya xaexae bapon pacana exaname xua
jopa beta pejume cowʉntsiwa Nacom.
\v 21 Jame pocotsiwa xua xanepanaya painya neexanaewa tsane
meje baxue: Jopa bewa paxaem pewi. Mataʉtano jopa bewa
paapaem peamenetsaxawa. Mataʉtano jopa bewa paexanaem
pocotsi coyenewatha painya jiton exanaena pon irʉ pejume
cowʉntsin Cristo xua abe peexanaewa tsane.
\v 22 Icha paxam pajume cowʉntame xua bara Nacom paca
copata xua bara painya nenabanaewan daxita coyeneya
pexaewan, po pexaewan jopa paca jʉntʉ coyene taxobiyo saya
jame meisa Nacomtha yabara patsipaebare baxua. Painya xoba
ichamonae yabara patsipaebame pexaewa po pexaewa barapomonae
jopa bapana xae. ¡Maisa jʉntʉ coyene weiweina pon daxita
coyeneya pexaewa penabanaein pon pia jʉntʉ coyenewa jopa
tsipaebichi xua pinae penatsicuentsiwa xua abe peexanaewaxae
Nacomtha poxonae barapo pexaewa xane!
\v 23 Pon yabara ainya ʉnthʉton xeina xua pocotsiwa
penabanaewan, bapon barapara pia coya natsicuenta Nacomtha
xua abe exana xua poxonae daichitha xane barapo pexaewa.
Daxota daxita pocotsiwan waxainchi exanatsi icha jopa beta
yabara jume cowʉntichi xua waexanaewa pocotsiwa Nacom
ichichipa bapoxonae barapara abe exanatsi, poxonae baxuan
exanatsi.
\c 15
\s Meje yabara xua pocotsiwa bewa exanaetsi xua ichamonae tsita xanepanatsi
\p
\v 1 Waxainchi pomonaetsi pomonae ajʉntʉcoyenesʉtsi xua wajume cowʉntsiwa Cristotha. Daxota bewa yawenaetsi pomonae xua jʉntʉ coyene faefaena xua pejume cowʉntsiwa Cristotha xua barapomonae awiya jume cowʉntsina. Jopa meisa bewa exanaetsi pocotsiwa xua waxainchi wacoya ichichipatsi.
\v 2 Daxita waxainchi bewa exanaetsi pocotsi coyenewa tsita coyene xanepanatsi pomonae ichamonae pomonae irʉ pejume cowʉntsiwi pocotsi coyenetha xua barapomonae yawenatsi xua pejume cocowʉntaponaenexa.
\v 3 Tsipei Cristo jopa exanaeyo xua pia coya ichichipa pocotsiwa tsita coyene xanepanatsi. Jame saya bapon yabara jume cui copatatsi xua jiwi bapon atene peexanaewatsi poxonae abe yabara paebatsi. Jiwi Cristo bara barapo coyeneya cana exanatsi icha be pocotsi coyeneya caena bayatha Cristo yabara paebatsi Nacom Pejume Diwesitha xua Cristo jeye Nacomtha: “Poxonae jinya necaaitafaetabi jiwi abeya cayabara paeba, barichi barapara xan berena abeya neyabara paeba”, jei Cristo Nacomtha.
\v 4 Daxita xua pocotsiwan caena bayatha tina Nacom Pejume Diwesitha, baxuan yabara tina xua wanaca cuidubinexa Nacom yabara. Baxuan naca cuiduba xua Cristo wawʉnae ewatsinexa. Xeinatsi baxua poxoru Nacom Pejume Diwesi naca cana exana xua jopa dapo coyene xeinaetsi xua bepijawa aitaconaetsi xua bequein ichamonae abe nacata exana. Yawano barapo diwese naca cana exana xua najʉntʉ coyene tsacabatsi xua wajume cowʉnta dubenanaebiyaewa.
\v 5 Nacom bapon naca cana exana xua jopa bepijawa aitaconaetsi yawano xua naca jʉntʉ coyene tsacaba exana. Barabʉ barapon Nacom paca yawena xua pebʉrʉya nanta jʉpiya pananta xeiname xua painya nabarʉ exanaewa tsane, icha be pocotsi coyeneya Cristo Jesús exana.
\v 6 Barabʉ be caemonae pana nabarʉ wʉnae jaintame Nacom, pon Jesucristo Paxa tatsi, pon Jesucristo Wanacanamataxeinaein.
\s Meje yabara xua po coyene pomonae jopa judiomonae naexanaeyo tsipaebatsi Nacom pia pecapanenebiyae diwesi jume
\p
\v 7 Daxota icha Cristo naca ichi xua naca matenta weyataeya waba, paxam bara paichinde. Nantiya pana nantenta weyataeya wabeibare xua bapoxonae jiwi wʉnae pejainteibinexa Nacom painya neexanaewamxae baxua.
\v 8 Xan paca tsipaebatsi xua Cristo patopa xua judiomonae peyawenaenexatsi. Cristo baxua exana xua tsita itapeinya xeina xua Nacom bara exana pocotsiwa bapon exanapaeba. Mataʉtano Cristo baxua exana pia nayabara jume cui wetsinexa pocotsiwa bayatha Nacom yabara tsiwʉnae muxu duta wamo susato jiwitha.
\v 9 Yawano Cristo daxota patopa xua pomonae jopa judiomonae naexanaeyo wʉnae pejainchinexa Nacom xua Nacom wʉnaeya peyabara nanta xeinaexae xua peyawenaenexa barapomonae. Nacom Pejume Diwesitha baxua yabara jeye xua Cristo paeba paxatha:
\q “Wʉnae cajaintatsi daxita nacuan
\q jiwitha pomonae jopa judiomonae
\q naexanaeyo pia xantha tatsi.
\q Wʉnae cajaintatsi xua poxonae cata
\q naxʉnatsi”, jei Nacom Pejume
\q Diwesitha xua Cristo Paxatha paeba.
\m
\v 10 Equeicha Nacom Pejume Diwesitha jeye:
\q “Barabʉ daxita nacuan jiwi caemonae nabarʉ
\q jʉntʉ coyene weiweinaena pomonae Nacom
\q itapeta xua pecana exanaenexa piamonae tatsi”,
\q jei Nacom Pejume Diwesitha.
\m
\v 11 Equeicha Nacom Pejume Diwesitha jeye:
\q “Barabʉ daxita pam pomonae jopa judiomonae
\q naexanaeyo pam wʉnae pajainchiname
\q pontha pon jiwi Pecanamataxeinaein.
\q Mataʉtano barabʉ daxita nacuanpiwi
\q wʉnae jainchina bapontha”, jei
\q Nacom Pejume Diwesitha.
\m
\v 12 Equeicha Nacom Pejume Diwesitha xua Isaías tatina, jeye:
\q “Pebin patopaena pon Isaí pia pemomoxi
\q susato jiwi jiwana tatsi,
\q pon David paxa tatsi.
\q Bapon Nacom cana exana xua bapon itorobiya
\q pecanamataxeinaenexa tsane pomonae
\q jopa judiomonae naexanaeyo.
\q Barapomonae jume cowʉntsiya wʉnae ewatsina
\q xua barapon barapomonae pecapanenebiwa
\q tsainchi abe pia peexanaexae cuiru
\q coyenein weya tatsi”, jei Isaías
\q Nacom Pejume Diwesitha.
\p
\v 13 Barabʉ Nacom pon naca cana exana xua wawʉnae ewatsiwa Cristo bichocono paca jʉntʉ coyene weiweina exanaena. Mataʉtano barabʉ Nacom jʉntema jinompa paca cana exanaena. Nacom baxua pacata exana painya nejume cowʉntsixae bapon. Bapoxonae barabʉ Nacom paca cana exana xua jopa juniya painya newʉnae eewataponaewa tsane Cristo. Nacom pia Pejumope tʉnaxʉ tatsi baxua paca cana exana pia peayapusʉ itorobi coyenewatha.
\p
\v 14 Tamonae pam, paxam pomonae irʉ painya nejume cowʉntsixae Jesucristo. Bara xaniwaicha beta yaputan, xua paxam beta painya neexanaewam po peantobewa xuaunxuae yabara paca tsitinatsi. Mataʉtano paxam payaputaneme daxita xua pocotsiwa bewa paexanaename. Mataʉtano payaputaneme xua po coyene bewa nantiya pana namuxuwetsim.
\v 15 Barapo cartathe pecono jumeyotha atsaquiya pacata tinatsi. Baxuan xua pocotsiwan pacata tinatsi jopa ichipaeinyo xua painya nejʉntemainaewa. Daxota atsaquiya pacata tinatsi baxuan Nacom tanebarʉ cui itura jinaexae poxonae necata barapo tanacuichiwa.
\v 16 Nacom neitoroba xua Jesucristo tatanacuichinexa tayawenaenexa pomonae jopa judiomonae naexanaeyo. Tanacuitan Nacom poxonae cueicueijan Nacom pia pecapanenebiyae diwesi jume pomonaetha pomonae jopa judiomonae naexanaeyo. Barapomonae pejume cowʉntsixae Cristo, Nacom pia Pejumope tʉnaxʉ tatsi cana exana xua barapomonae pejʉntʉ coyene xanepanaewa Nacomtha. Po coyene exanan baxua be po coyene icha sacerdotemonaepin ichi. Poxonae bapon duwei jiwi tsitautatsi abe pia peexanae coyenein nexa tatsi bapoxonae barapo jiwi Nacom petsita jʉntʉ coyene xanepanaewichi.
\p
\v 17 Tajume cowʉntsixae Cristo Jesús daxota bichocono netsita xanepana xua tataexanaexae barapo penacuichiwa xua Nacom nexa.
\v 18 Jopa yabara paebinyo xua Cristo exana ichamonae nexa. Saya meisa bichocono netsita xanepana pocotsiwa xua Cristo exana xan nexa. Cristo neyawena xua pomonae jopa judiomonae naexanaeyo pejume cowʉntsinexa Nacom. Barapomonae Nacom jume jejeichi poxonae jume tane pocotsiwa cueicueijan xuano xua tane pocotsiwan xua exananno.
\v 19 Nacom neexana xua pia Pejumope tʉnaxʉ tatsi pia peayapusʉ itorobi coyenewatha exanan pexeinya petsita itʉbi coyenewan po coyene jiwi jʉntʉ coyene nabenaeca cana exainchi. Daxota poxonae Jerusalén tomara wewarapiyan daxita jiwitha cueicueijan tsoponae Nacom pia pecapanenebiyae diwesi jume xua Cristo yabara. Baxua exanan beya Iliria nacuatha yacui jopan.
\v 20 Daxota ichichipeiban xua tacueicueijeiwa Nacom pia pecapanenebiyae diwesi jume xua Cristo yabara ichaxota cataunxuae jiwi jopa yabara jume taeyo Cristo. Jopa becueicueijanyo Nacom Pejume Diwesi ichaxota ichamonae copiya bayatha cueicueijei barapo diwesi.
\v 21 Poxonae xan baxua exanan, exanan be pocotsiwa bayatha Nacom Pejume Diwesitha pepaebixae, xua Cristo yabara jeichichi:
\q “Pomonae cataunxuae jopa tsipaebichi po diwesi
\q xua bapon peyabara paebiwatsi, barapomonae
\q jume taena, xua bapon yabara jume taeinchi.
\q Bapoxonae barapomonae yaputaena po diwesi
\q xua bapon peyabara paebiwatsi xua daxota
\q bapon jume cowʉntsinchi”, jei
\q Nacom Pejume Diwesitha tatsi.
\s Meje xua poxonae Pablo paeba xua pinae beponaena Roma tomara beya
\p
\v 22 Ichamonae tatsipaebaponaexae barapo diwesi jopa neitacʉpaeyo xua tapaca casiwa ponaewatsi. Bequein bayatha ichichipeiban xua tapaca casiwa poneibiwa tsainchi ichitha jopa neitacʉpeibiyo.
\v 23 Ichitha anoxuae wetan barapo penacuichiwa daxita barapo nacuanthe. Caena bayatha ainya wei ichichipeiban xua tapaca casiwa poneibiwatsi.
\v 24 Anoxuae ichichipan xua tapaca casiwa ponaewa tsainchi poxonae warapaein España nacua beya. Poxonae paxam panejʉntʉ coyene weiweina cana exanaenameba xua tapaca casiwa ponaexaetsi equeicha warapaein España nacua beya. Ichichipan xua tapana neyawenaewam tsane pocotsiwa nantawenonan tawarapaewanexa poxonae painya tomara weya ponaein.
\v 25 Ichitha anoxuaetha copiya ponaein Jerusalén tomara beya. Capanaein pocotsiwa xua barapo Jerusalén tomarathapiwi peyawenaewatsi, pomonae irʉrʉ pejume cowʉntsiwi Cristo.
\v 26 Macedonia nacuapiwi irʉ Acaya nacuapiwi pomonae pejume cowʉntsiwixae Cristo daxita barapomonae pia coya juntucuru exana po coyene tsita coyene xanepanatsi. Barapomonae taitoroba paratixi Jerusalén tomarapiwi nexa, pomonae peacopeibiwi pomonae irʉ jume cowʉnta Jesús icha paxam paichim.
\v 27 Barapo pejume cowʉntsiwi pomonae Macedonia nacuapiwi irʉ Acaya nacuapiwi barapomonae juntucuru nanta xeina pia coya xua peexanaewa baxua. Barapomonae jopa itorobichi ichʉn. Ichitha barapomonae bewa yawenaena pomonaetha pomonae acopeibiwi. Barapomonae pomonae jopa judiomonae naexanaeyo jume tane Nacom pia pecapanenebiyae diwesi jume poxoru bayatha judiomonae yawena pecueicueijeixae barapo diwesi barapomonaetha. Daxota anoxuae pomonae jopa judiomonae naexanaeyo bewa xuya yawenae barapomonaetha judiomonaetha pocotsiwantha xua barapomonae pexeinaexae Nacom weya.
\v 28 Daxota poxonae wetsin barapo penacuichiwa xua catsin daxita barapo paratixi Jerusalén tomarapiwitha, bapoxonae ponaein España nacua beya. Paca siwa ponaeinchi copiya, bapoxonae bara beya warapaein España nacua beya.
\v 29 Bara xaniwaicha yaputan xua poxonae paca siwa ponaeinchi, Cristo necatsina po diwesi paxam nexa po diwesi bichocono paca tsita jʉntʉ coyene xanepana xua daxota painya nejʉntʉ coyene weiweinaewa tsane.
\p
\v 30 Tamonae pam, paxam pomonae irʉ painya nejume cowʉntsiwixae Jesucristo. Paca wʉcatsi xua be caemonae panaexande xua ajumesʉya daunweya painya pana nebarʉ tsipaebinexa Nacomtha xua bapon tana neyawenaewa tsane xua tatanacuichiwa bapon. Baxua paca wʉcatsi irʉ painya jume cowʉntsixae Jesucristo pon Wanacanamataxeinaeinxae. Barichi paca wʉcatsi irʉ painya xeinaexae po peantobe coyenewa Nacom pia Pejumope tʉnaxʉ tatsi naca cata.
\v 31 Nacomtha painta tsipaebare xua jopa abe tana neexanaenexa pomonae Judea nacuatha pejinompaewi, pomonae jopa pejume cowʉntsiwi. Mataʉtano Nacomtha painta tsipaebare xua barapo Jerusalén tomarapiwi pomonae pejume cowʉntsi jiwi tanententa cobe wenotsinexa barapo paratixi.
\v 32 Bapoxonae icha Nacom ichichipaena jʉntʉ coyene weiweinaya paca siwa patopaeinchi. Mataʉtano nafifina caewatsin xua tapaca casiwa ponaewatsixae tsainchi.
\v 33 Barabʉ Nacom pon jʉntema jinompa naca cana exana paca barʉ poponaena daxita. Je, bara ichi tsane.
\c 16
\s Meje yabara poxonae Pablo jacoba Roma tomarapiwi
\p
\v 1 Anoxuae yabara paca tsipaebatsi powa pewʉn Febe, powa
beta peexanaewayo. Bapowa paca siwa ponaena. Bapowa be
wamcho watsicotaewa irʉ pejume cowʉntsixae Jesús.
Barapowa Nacom tanacuitatsi xua yawenatsi pomonae pejume
cowʉntsi jiwi Cencrea tomaratha.
\v 2 Barapowa wʉnaeya pantenta weyataeya wabare Jesucristo
piamonae jiwanaxae pon Wanacanamataxeinaein. Baxua bewa
paexanaem icha pomonae pejume cowʉntsiwi ichi xua bewa
nantiya nantenta weyataeya wabeibina. Barapowa payawende xua
pocotsiwa barapowa nantawenona, tsipei barapowa bayatha
yawena nawita pin bicheitomonae. Yawano barapowa bayatha
irʉ neyawena.
\p
\v 3 Painta jacobare powa pewʉn Prisca. Irʉ painta
jacobare, pia pebin tatsi, Aquila, tsipei barʉ nacuitanbe
barapo tanacuichiwa po coyenein exanan Cristo Jesús nexa.
\v 4 Baraponbe bara muxu petʉpaebe tana necapanepaenexabe
poxonae ichamonae juntucuru muxu tana nebexubi. Daxota xan
baranbe: “Maisa jʉntʉ coyene weiweinan xua
tapaneyawenaemxaebe”, jan. Barichirʉ daxita pomonae Nacom
pejume cowʉntsiwichi pomonae jopa judiomonae naexanaeyo
pomonae Nacom petsita nacaetuteibiwichi xua wʉnae
pejainteibinexatsi, jeye: “Maisa pajʉntʉ coyene weiweinan
xua paxambe pana neyawename xua Pablo jopa petʉpaewa”,
jei.
\v 5 Irʉno painta jacobare pomonae nacaetuta Prisca pia
pebinbe pia botha tatsibe. Mataʉtano painta jacobare
Epeneto pon tajiton, pon bichocono antobein. Bapon pon
copiya jume cowʉnta Cristo Asia nacuatha.
\v 6 Mataʉtano painta jacobare María. Barapowa powa
bichocono pacata nacuita.
\v 7 Mataʉtano painta jacobarebe Andrónico irʉ Junias
ponbe irʉ judiomonaepinbe icha xan ichin. Baponbe neyawa
barʉ muxuna etabe jiwi pecʉbi botha. Mataʉtano baponbe
Jesucristo pia peitorobi jiwi tatsi jiwanabe. Jiwi beta
yaputaena xua baponbe bara Jesucristo pia peitorobi jiwi
jiwanabe tatsi. Baponbe caena bayatha netsiwana jume
cowʉntabe Cristo.
\p
\v 8 Painta jacobare Ampliato pon tajiton, pon bichocono
antobein, pon irʉ pejume cowʉntsixae pontha pon jiwi
Pecanamataxeinaein.
\v 9 Painta jacobare Urbano, pon xua naca barʉ muxuna
tanacuita Cristo. Mataʉtano painta jacobare Estaquis, pon
tajiton, pon bichocono antobein.
\v 10 Painta jacobare Apeles, pon tsita itapeinya xeineiba
xua bapon bara xaniwaicha Cristo pejume cowʉntsiwatsi
poxonae bequein abe taexaneibatsi ichamonae. Mataʉtano
painta jacobare Aristóbulo piamonae tatsi.
\v 11 Mataʉtano painta jacobare Herodión pon irʉ
judiomonaepin icha xan ichin. Irʉ painta jacobare Narciso
piamonae tatsi pomonae pejume cowʉntsixaerʉ pontha pon
jiwi Pecanamataxeinaein.
\v 12 Irʉ painta jacobare powa Trifena irʉno powa Trifosa.
Barapowayobe, powayobe irʉ tanacuitabe xua pon jiwi
Pecanamataxeinaein tanacuitatsibe. Irʉ painta jacobare
Pérsida powayo tajitowayo, powayo antobein irʉrʉ pejume
cowʉntsixaerʉ. Barapowa irʉrʉ nawita daunweya
tanacuitarʉ xua pon jiwi Pecanamataxeinaein daunweya
tanacuitatsi.
\v 13 Irʉno painta jacobare pon Rufo. Bapon pon jiwi
Pecanamataxeinaein itapeta, Rufo itapetatsi xua xanepanaya
petanacuitsinexatsi. Irʉno painta jacobareno bapon Rufo
pena tatsi, powa irʉ be taena tsicotan.
\v 14 Irʉ painta jacobare pon Asíncrito, irʉno pon
Flegonte, irʉno pon Hermes irʉno pon Patrobas, irʉno pon
Hermas. Irʉno painta jacobare daxita pomonae irʉ pejume
cowʉntsiwixae Cristo pomonae xua barʉ jinompatsi
barapomonae.
\v 15 Mataʉtano painta jacobare pon Filólogo. Irʉno
painta jacobare powa Julia. Irʉno painta jacobare pon
Nereo, irʉno Nereo pamcho tatsi. Irʉno painta jacobare pon
Olimpas. Mataʉtano painta jacobare daxita pomonae irʉ
pejume cowʉntsiwixae Cristo, pomonae barʉ jinompatsi
barapomonae.
\p
\v 16 Betiya painta nantiya pana nacobe najacobare painya
neantobewaxae Cristo. Daxita barapomonae pomonae Cristo
pejume cowʉntsiwichi pomonae xote jinompe, daxita
barapomonae paca jacoba.
\p
\v 17 Tamonae pam, paxam pomonae irʉ painya nejume
cowʉntsiwixae Jesucristo. Paxam paca muxuwetatsi xua dota
pam painya necui naitaewatsinexa pomonae xua tsana paca
necaexanae jiwi xua ainya bicheitobe paca cana exana.
Barapomonae pacata ayapube exana xua painya nejume
cowʉntsiwa Cristo. Barapomonae catsawa yabara jume
toxeinchiya exana xua Jesucristo pia pecuidubi coyenewa
tatsi xua bayatha pocotsiwa pana nacuidubame. Maisa
barapomonae tajʉ pajume cuitaya ponde.
\v 18 Barapomonae jopa tanacuichiyo xua Jesucristo jopa
tanacuichichi pon Wanacanamataxeinaein. Barapomonae saya
nacuita xua saya pia coutha peexanaenexa xua pocotsiwa
barapomonae ichichipa xua peexanaewa. Barapomonae
muxujainyaba nawita pomonaetha pomonae be conotha peyaputae
jiwi xua abe peexanae coyene yabara. Baxua exana po
jumeintha xua pexeinya jumein yawa po jumeintha itara mexeya
bara jume xanepana, ichitha jopa pexainyei jume.
\v 19 Daxita jiwi paca yaputane xua paxam paexaname
pocotsiwa Nacom paca itoroba pejume diwesitha. Daxota
bichocono jʉntʉ coyene weiweinan. Ichichipan xua painya
nexeinaewa tsane painya neyaputae coyenewan po coyenewan xua
pexanepanae coyenein painya neexanaenexa. Mataʉtano
ichichipan xua jopa painya neexanaewa tsane icha be ichi xua
poxonae exana pomonae jopa peyaputaewi, xua jopa abe painya
neexanaewa tsane.
\v 20 Nacom bapon apara pon jʉntema jinompa naca exana.
Barapon aunxuae paca yawenaena xua painya neamanayabiwa
tsane pon bichocono abe peexanaein, bapon Satanás. Barabʉ
Jesús, pon Wanacanamataxeinaein, paca yawenaena pia paca
necaantobexae.
\p
\v 21 Irʉno Timoteo paca jacoba pon nebarʉ nacuita
Jesucristo nexa. Mataʉtano pon Lucio, irʉno pon Jasón,
irʉno pon Sosípater, barapoyobe paca jacoba. Barapoyobe
irʉ judiomonaepinbe, icha xan ichin.
\p
\v 22 Xan Tercio, barapo carte saya tatinan Pablo. Xan bapon
irʉrʉ paca jacobatsi irʉrʉ taantobexae pon jiwi
Pecanamataxeinaein.
\p
\v 23 Irʉrʉ pon Gayo bapon paca jacoba. Xan Pablon bapon
Gayo pia botha tatsi anoxuae poponan. Baxota pia botha tatsi
tanacaetutatsi pomonae pejume cowʉntsi jiwi, Nacom wʉnae
pejainchinexatsi. Irʉno Erasto paca jacobarʉ pon paratixi
peenaein Corinto tomaratha xua Corinto tomarapiwi pia
paratixi tatsi. Irʉno Cuarto bapon paca jacoba, pon irʉ
pejume cowʉntsin Cristo.
\p
\v 24 Barabʉ Jesucristo, pon Wanacanamataxeinaein, daxita
paxam paca yawenaena pia paca necaantobexae. Je, bara ichi
tsane.
\s Meje xua Pablo Nacom wʉnae jaintatsi poxonae najume opi
duta exana barapo carte
\p
\v 25 Barabʉ wʉnae jaintatsi Nacom. Nacom itacʉpatsi xua
paca ajʉntʉyapusʉya cana exana xua beta painya nejume
cowʉntsinexa barapo pexeinya pecapanenebiyae diwesi jume
coyenewathaxae. Barapo diwesi Jesucristo yabara cueicueijan.
Caena bayatha poxonae Nacom aena nacua forota, barapo
pexeinya pecapanenebiyae diwesi jume Nacom cataunxuae jopa
tsita jume itapeinya xeinaeyo, tsipei abʉ be namicha jume
yawʉn xeina xua jiwi jopa yaputaeyo. Ichitha anoxuae Nacom
tsita jume itapeinya xeina barapo diwesi.
\v 26 Barapo pexeinya pecapanenebiyae diwesi jume, anoxuae
jiwi barapo diwesi yaputane, Nacom pia peitorobi jume
pepaebiwi peyabara tinaexae barapo pexainyei jume diwesi.
Mataʉtano jiwi yaputane poxoru Nacom peitorobixae, pon xua
ataya tsitecaeya popona. Barapo diwesi Nacom jume tane exana
daxita nacuanpiwitha, xua barapo jiwi pejume cowʉntsinexa
Cristo. Mataʉtano jume tane exana xua barapo jiwi
peexanaewa tsane pocotsiwa Nacom itoroba.
\p
\v 27 Barabʉ Nacom wʉnae jaintatsi, pon meisa compa
yatsicaewa daxita peyaputaein. Jesucristo naca cana exana
xua Nacom wʉnae wajainchiwa xua ataya nexa. Je, bara ichi
tsane.
\p Baja Pablo.