1
00:00:05,000 --> 00:00:16,420
Ssiuarraza izamassape Zeso Caipacca ozaza iaqquenemanazapa manaco tamine Piratocca ozauarri iaqquemanarraride.

2
00:00:16,420 --> 00:00:19,880
Tamine Piratopa rromanodeni.

3
00:00:19,880 --> 00:00:23,880
Pouapa zodeodenicca zama cacauade torrarrari.

4
00:00:23,880 --> 00:00:32,240
Naraha errete Pascoa bacco terre narraro Piratocca oza bodiuarri rraui torrezima-rrarade.

5
00:00:32,240 --> 00:00:35,320
Ia zodeodeni icca marinarrape:

6
00:00:35,320 --> 00:00:46,540
—Pascoacca rripaqquieza irripa-rreraqqueza zodeo querrena-rrararraridenicca ozauarri iqquezimaniuarrine oppina tani −ihinanarraro.

7
00:00:46,540 --> 00:00:54,120
Narraro noppineni cappinemanazapa Piratocca oza bodiuarri rraui torrezima-rrararraride.

8
00:00:54,120 --> 00:00:58,860
Narraria arra Pirato qquenaza pouadeniza uati tarrariparra:

9
00:00:58,860 --> 00:01:04,540
—Arrarrari maqquiderrepa nerreco uima carriza teccarronemanarrari?

10
00:01:04,540 --> 00:01:05,300
−nade.

11
00:01:05,300 --> 00:01:08,260
Manaco Piratoza uati toquenade:

12
00:01:08,260 --> 00:01:13,620
—Pouarrine uaidira terrerezape tiaza eccarrona-rrararaha −quenade.

13
00:01:13,620 --> 00:01:16,180
Naraha Pirato attipa:

14
00:01:16,180 --> 00:01:20,500
—Ticcadeni uima cacattemauarrira tiaqquemanarro.

15
00:01:20,500 --> 00:01:25,540
Pocca uima uaidira tezape tiadenina tinarrizomanarro.

16
00:01:25,540 --> 00:01:28,980
Pina ticcadeni marinarrassa tinanemanarri −nade.

17
00:01:28,980 --> 00:01:36,900
Naraha zodeodenipa —Zeso zoqqueuitoui −quenaza Piratoza uati toquenapomade:

18
00:01:36,900 --> 00:01:41,860
—Ia zodeodenipe madirra inanazoqqueuiuarrinepe icca cacauanirri rrerani.

19
00:01:41,860 --> 00:01:48,860
Rromanodeni tiadenina ticcadeni cacauanirrina parri.

20
00:01:48,860 --> 00:01:55,980
Madirracca uima uaidira tezape tiadenina titinanazoqquemana narrari −quenade.

21
00:01:55,980 --> 00:02:04,840
Nazama narrarope pina Zeso poua zoqqueuiuarrinecca uima poua uati uati taporrarissa nehe torrarrarode.

22
00:02:04,840 --> 00:02:09,060
Nazapa Pirato pocca ozauarri toqquezimani-pomade.

23
00:02:09,060 --> 00:02:13,340
Toqquezimanizapa Zeso ua izimaza uati tade:

24
00:02:13,340 --> 00:02:16,360
—Tiape zodeodenicca tamine tirraqui?

25
00:02:16,360 --> 00:02:17,440
−nade.

26
00:02:17,440 --> 00:02:20,220
Naraha Zeso Piratoza uati tade:

27
00:02:20,220 --> 00:02:25,280
—Narrarope tibodi uatoza ouaza tetti nema tarraroqui?

28
00:02:25,280 --> 00:02:28,460
Madirra uati toquenaui timittezarane?

29
00:02:28,460 --> 00:02:29,300
−nade.

30
00:02:29,300 --> 00:02:31,880
Naraha Pirato uati tade:

31
00:02:31,880 --> 00:02:34,300
—Ouape zodeo orraqui?

32
00:02:34,300 --> 00:02:36,180
Zodeo orrarrerani!

33
00:02:36,180 --> 00:02:42,900
Nerrecoma neza ticca madirracca marinarraza uima tinanarraro nauato onaniuarrine?

34
00:02:42,900 --> 00:02:46,080
Arra ticca zamacca madirra,

35
00:02:46,080 --> 00:02:51,800
dada toqquimade taminedeni tezerre ouaza tia eccarronemanarraro.

36
00:02:51,800 --> 00:02:54,600
Nerreco uima tinanezatte?

37
00:02:54,600 --> 00:02:56,160
−nade Pirato.

38
00:02:56,160 --> 00:02:58,620
Naraha Zeso poua cacomerade:

39
00:02:58,620 --> 00:03:01,960
—Occa cacauehepe arrirraro zamacca rrerani.

40
00:03:01,960 --> 00:03:11,060
Rridacca zodeodeni oua dama iquene-rreraniuarrine occa mamari tabaqqui zodeodeni tezerre cauadirenarra.

41
00:03:11,060 --> 00:03:14,760
Naraha arrirraro zamacca rrerani −nade.

42
00:03:14,760 --> 00:03:17,120
Naraha Pirato attia:

43
00:03:17,120 --> 00:03:19,860
—Tetti nema tezape tamine tirraqui?

44
00:03:19,860 --> 00:03:21,040
−nade.

45
00:03:21,040 --> 00:03:23,360
Naraha Zeso poua cacomerade:

46
00:03:23,360 --> 00:03:25,980
—Parrissa ouape tamine,

47
00:03:25,980 --> 00:03:28,200
arri uati tinarraroparri.

48
00:03:28,200 --> 00:03:38,680
Nazama ouape arrirraro zamaza ossonarrarope parrissehera uati uati ohonabaqqui nauiuarrine occarronarrarode.

49
00:03:38,680 --> 00:03:46,720
Bazima parrisseheza nacassaqquiri narraridenina ouatti mittemanarrari −nade Zeso.

50
00:03:46,720 --> 00:03:50,000
Naraha manaco Pirato poua cacomerade:

51
00:03:50,000 --> 00:03:52,780
—Nerrecoma narrarona parrissehe?

52
00:03:52,780 --> 00:03:54,140
−nade Zesoza.

53
00:03:54,140 --> 00:04:01,500
Narraro uati taha rricazapa tamine Pirato qquenapomazapa zodeodeniza uati tapomade:

54
00:04:01,500 --> 00:04:01,900
—Rrehe,

55
00:04:01,900 --> 00:04:09,420
ouape arrarrari maqquiderrecca uima omittezape uaidira tanicca nouerani.

56
00:04:09,420 --> 00:04:22,860
Naraha arri ticcadeni errete Pascoa torrezape toponi cocoroza coro tozimarrarideni orraria qquenauiuarrine toui tiquenezape ouaza uati uati titiquena nade.

57
00:04:22,860 --> 00:04:27,100
Nerrecorrarina tappa onaza qquenauiuarrine toui tiquenarraro?

58
00:04:27,100 --> 00:04:30,780
Arra “zodeodenicca tamine” quequenanarraripa tappa onauiuarrineco?

59
00:04:30,780 --> 00:04:31,980
−nade Pirato.

60
00:04:31,980 --> 00:04:34,700
Naraha zodeodenipa rrouaua rrouaua canapomade:

61
00:04:34,700 --> 00:04:35,340
—Narraripa poua!

62
00:04:35,340 --> 00:04:45,460
Tappa tinarrararro!

63
00:04:45,460 --> 00:04:50,500
Parra coro tozimaporrari Barrabana tirrine qquenarro!

64
00:04:50,500 --> 00:04:52,460
−quenade Piratoza.

65
00:04:52,460 --> 00:04:58,620
Naraha Barraba pouapa toponi nanarrizoderaha.