1
00:00:05,000 --> 00:00:13,220
Nazapa Zeso iaqquemanazapa poua coba zanauiuarrine aua porimacossani zorro inade.

2
00:00:13,220 --> 00:00:19,260
Ssono Totati Tonanissa nani quequenanauiuarri rraui torremorarrari.

3
00:00:19,260 --> 00:00:23,300
Narraro ssono onini zodeodeni atti ebereozape:

4
00:00:23,300 --> 00:00:26,460
—Cocota −quequenanarraride.

5
00:00:26,460 --> 00:00:31,500
Nauizana Zeso aua porimacossaniza coba izanemanarraride.

6
00:00:31,500 --> 00:00:35,980
Zesopa naui madirra cobaba zanaui nocconiza torrarraride.

7
00:00:35,980 --> 00:00:40,180
Poua uinoriza arrauarri arrauarri quenade.

8
00:00:40,180 --> 00:00:48,620
Nezape uima dozo nani tamine Pirato zosse inarroneza Zeso tetepiuarri coba izanemanarrarode.

9
00:00:48,620 --> 00:00:50,180
Narraro dozo nanipe:

10
00:00:50,180 --> 00:00:52,180
—Zesopa Nazaretiuarricca,

11
00:00:52,180 --> 00:00:54,940
Zodeodenicca Tamine −narrarode.

12
00:00:54,940 --> 00:00:59,860
Narraro dozo nanipe zodeodeni bazima ua iquenade.

13
00:00:59,860 --> 00:01:04,260
Arra Zeso coba zanauiuarripe oza panani uarrira tade.

14
00:01:04,260 --> 00:01:09,820
Narraro uima dozo nanipe zodeodeni pouadeni atti ebereoza,

15
00:01:09,820 --> 00:01:12,420
zama Cresiacca madirra attideniza,

16
00:01:12,420 --> 00:01:15,100
rromanodeni attideniza narrarode.

17
00:01:15,100 --> 00:01:23,700
Naraha dada toqquimade taminedeni qqui toquenazapa tamine Piratouarri rraui torraniza uati toquenade.

18
00:01:23,700 --> 00:01:25,340
Pouadeni attipa:

19
00:01:25,340 --> 00:01:30,660
—Arri tirrine dozo nani “Zodeodenicca Taminepe” dozo terrerarri.

20
00:01:30,660 --> 00:01:33,460
“Arrarrari maqquiderre attipa:

21
00:01:33,460 --> 00:01:40,660
‘Ouape zodeodenicca tamine orrani’ nanarra nade” narrarora dozo tarri −quenade.

22
00:01:40,660 --> 00:01:42,700
Naraha Piratopa:

23
00:01:42,700 --> 00:01:44,420
—Orrine dozo narrarope,

24
00:01:44,420 --> 00:01:46,340
peperri −nade.

25
00:01:46,340 --> 00:01:58,940
Nazapa isso teppeppedeni Zeso coba izanemanaha rricazapa eteroripe isso teppeppe 4 quenarrarideni inaqquemaneza pouadeniza pouadeniza narizade.

26
00:01:58,940 --> 00:02:03,060
Pocca etero arabo tanicca naqui idimanade.

27
00:02:03,060 --> 00:02:08,420
Naraha narrarope ssequirani nemanehe pama cossani.

28
00:02:08,420 --> 00:02:14,300
Nazapa isso teppeppedeni pouadenira uimahaha canazapa:

29
00:02:14,300 --> 00:02:15,140
—Rrehe,

30
00:02:15,140 --> 00:02:17,740
ssorra inari-rrerana.

31
00:02:17,740 --> 00:02:24,900
Itesse orrariaza torraniuarrine siba bedeniza coro coro ineza qqui inana.

32
00:02:24,900 --> 00:02:27,500
Nerrecorrarizana torraniuarrine?

33
00:02:27,500 --> 00:02:28,580
−quenade.

34
00:02:28,580 --> 00:02:33,980
Narraro uimape Deo Atti dozo naporrarossa inanemanarrarode.

35
00:02:33,980 --> 00:02:36,060
Uimape arrima narraro:

36
00:02:36,060 --> 00:02:42,980
—Occa eterope icarraribaqqui-mananitoui −naponi nade Deo Atti dozo naniza.

37
00:02:42,980 --> 00:02:48,460
—Occa etero arabo tanicca naqui nerrecorrariza torraniuarrine?

38
00:02:48,460 --> 00:02:55,780
quenaza siba bedeniza coro coro quenauitoui −naponi nade Deo Atti dozo naniza.

39
00:02:55,780 --> 00:03:01,340
Isso teppeppedenipa pina narrarossa inanemanarrarode.

40
00:03:01,340 --> 00:03:04,900
Nazama naui Zeso coba zanauizapa Zeso pocca ami,

41
00:03:04,900 --> 00:03:11,060
poni imanicotani poni tassani Cleopacca amonerre Maria,

42
00:03:11,060 --> 00:03:15,780
Maria Madarenauarricca queneza domoni uarrarode.

43
00:03:15,780 --> 00:03:20,220
Naniza Zeso pocca ami uani qqui tarraride.

44
00:03:20,220 --> 00:03:22,220
Ouape Zeso uatimade.

45
00:03:22,220 --> 00:03:26,340
Ouazana Zeso uati cauanari canarraride.

46
00:03:26,340 --> 00:03:33,420
Ouape Zesocca ami uinoriniza ouani Zeso oua qqui tazapa imeniza uati tarraride:

47
00:03:33,420 --> 00:03:34,700
—Ami,

48
00:03:34,700 --> 00:03:39,740
arra tinoricca uarraripa ticca erredeni torrana −nade Zeso.

49
00:03:39,740 --> 00:03:43,300
Poua uatimade ouaza naco uati tarraride:

50
00:03:43,300 --> 00:03:47,340
—Arri occa amipe ticca ami torrana −nade.

51
00:03:47,340 --> 00:03:56,660
Nama nazapa poua uatimade ouape Zesocca amipe occa ozauarrina onamadirrarode.

52
00:03:56,660 --> 00:04:03,860
Pouadeniza uati taha rricazapa Zeso pouarrine bazima inaparrirenissa tani nauato tarrari.

53
00:04:03,860 --> 00:04:08,780
Deo Atti dozo naporrarossa inananiuarrine naqui uati tade:

54
00:04:08,780 --> 00:04:11,020
—Obacco rroconi −nade.

55
00:04:11,020 --> 00:04:17,260
Naraha nauiza uva pperrene ssicataui rrorroza carrimanarraride.

56
00:04:17,260 --> 00:04:21,700
Uva pperrene ssicatauiza uassa tarrari ezippemana,

57
00:04:21,700 --> 00:04:28,540
aua isopo ininiza oro iquenazapa Zeso arrariza da inamacossemanade.

58
00:04:28,540 --> 00:04:33,740
Zesopa uva pperrene ssicataui rroso inaha rricazapa uati tade:

59
00:04:33,740 --> 00:04:36,780
—Bazima rricanissa tani −nade.

60
00:04:36,780 --> 00:04:41,660
Nazapa tocatteza naza uatiade.

61
00:04:41,660 --> 00:04:45,040
Zeso zoqqueuicca uadape sexta-feira.

62
00:04:45,040 --> 00:04:50,960
Narraro uadaza zodeodenipa rrassinarracca uadatoui narroremanaporrari.

63
00:04:50,960 --> 00:04:59,360
Aua porimacossaniza assiredeni coba zanemanaui parra naccauiuarrine nacasseraqquiri narrari.

64
00:04:59,360 --> 00:05:08,240
Narraro rrassinarracca uada sabadope errete Pascoacca rrassinarra uima deni torranicca.

65
00:05:08,240 --> 00:05:13,080
Nazapa zodeodenipa tamine Piratoza uati toquenade:

66
00:05:13,080 --> 00:05:21,260
—Isso teppeppe ticazossebaqquiza coba zanemanarrarideni issodeni iaquiderriza-rizemanana.

67
00:05:21,260 --> 00:05:26,080
Cacotazapa assiredeni naco dicca iquenarizana −quenade.

68
00:05:26,080 --> 00:05:30,980
Pirato rrehe nazapa isso teppeppe icazossebaqquirrari.

69
00:05:30,980 --> 00:05:39,240
Nazapa isso teppeppe coba zanemanarrarideni issodeni iaquiderriza-rizemanauiuarrine rraui torrade.

70
00:05:39,240 --> 00:05:46,660
Bacco toquenazapa taide Zeso uinoricca cobaba zanarrari issodeni iaquiderriza-rizemanapode.

71
00:05:46,660 --> 00:05:51,980
Naraha Zeso uatiaui qqui toquenazapa poua isso iaquiderrize-manarrarade.

72
00:05:51,980 --> 00:05:58,980
Zesopa uatiaraha nama naha ppari uauarrinaza isso teppeppe zo tanarra,

73
00:05:58,980 --> 00:05:59,640
pora,

74
00:05:59,640 --> 00:06:03,040
emene tocca passo tocca nade.

75
00:06:03,040 --> 00:06:08,100
Arrirraro tiadeniza uati onarrarope oua onoccoza qqui onarraro.

76
00:06:08,100 --> 00:06:13,580
Tiadeniza parrissehera uati onarraro Zesoza rrehe tiquenaniuarrine.

77
00:06:13,580 --> 00:06:17,360
Ouape nauato onarraro ouattipe parrissa.

78
00:06:17,360 --> 00:06:25,400
Zeso tone iderrizemana-rrararraricca uimape Deo Atti dozo naporrarocca uimaza parrirenissa tani.

79
00:06:25,400 --> 00:06:28,460
Nani Deo Atti dozo naporrarope:

80
00:06:28,460 --> 00:06:35,440
—Tone orraria rrai inanemana-rrarauitoui −naponi nade Deo Atti dozo naniza.

81
00:06:35,440 --> 00:06:39,440
Deo Atti dozo naporraro onihi naqui:

82
00:06:39,440 --> 00:06:46,140
—Errinemanaui naco cattomama canauitoui −naponi nade Deo Atti dozo naniza,

83
00:06:46,140 --> 00:06:47,240
inade.