1
00:00:05,000 --> 00:00:13,600
Zotodepa Zeso madirra maride torrazapa zodeodeni mota marinarra parizeoza rrehe quenarrarideni,

2
00:00:13,600 --> 00:00:20,360
zodeodenicca marinarra maridedeni naco mittade rrassi taririzarrari.

3
00:00:20,360 --> 00:00:27,080
Narraridenipa zama arobeni Carireauarricca oza uapimacca rrauirronarizarrari,

4
00:00:27,080 --> 00:00:33,320
zama arobeni Zodeauarricca oza bazimacca naco rrauirronarizarrari,

5
00:00:33,320 --> 00:00:38,960
oza panani Zerozarecca naco rrauirronarizarrari.

6
00:00:38,960 --> 00:00:41,840
Nazama Zeso maride torraza,

7
00:00:41,840 --> 00:00:48,160
madirra inanomibaqquiuiuarrine naqui Deocca dacorehepe Zesorrine auato tarraro.

8
00:00:48,160 --> 00:00:59,000
Nazapa madirra ide tone bicarraraza isso siri torrauipa poua taboroza poriza poua tessedeni zorro icanarronemanarrari.

9
00:00:59,000 --> 00:01:06,160
—Zeso baccouarri poriuiuarrine oza bodiuarri zorro icazimana −quenarrari.

10
00:01:06,160 --> 00:01:16,760
Naraha madirra siba tazapa zorro icazimemanauiuarrine torrera tezape oza tetepiuarrina zorro icanamaromanarrari.

11
00:01:16,760 --> 00:01:31,280
Oza tetepini arobeniuarri icataborrizemanezape madirra isso siri torraui poua taboroza poriza tappa icanaronemanarrari.

12
00:01:31,280 --> 00:01:41,160
Madirra domo uauarraniui nocconiza da icanaronemanazapa Zeso poua baccouarri bacco tocanaronarrari.

13
00:01:41,160 --> 00:01:45,960
Zeso pouatoui damamera taui qqui tazapa poua bodiza nauato tarrari:

14
00:01:45,960 --> 00:01:47,600
—Parrissa,

15
00:01:47,600 --> 00:01:58,520
Zesopa madirra inanomiuiuarrine nauato taui −quenaui Zeso pouaza auato tezape coma tarrariza uati tarrari:

16
00:01:58,520 --> 00:01:59,440
—Otesse,

17
00:01:59,440 --> 00:02:03,920
arri uimasiri tinanarraro bazimape onanamossini.

18
00:02:03,920 --> 00:02:09,440
Rridapana ticca uima Deoza tobicani –narrari Zeso.

19
00:02:09,440 --> 00:02:14,600
Zeso atti nama nazapa zodeodenicca marinarra maridedeni,

20
00:02:14,600 --> 00:02:18,640
parizeodeni tezerre bodideni uatome-manazapa:

21
00:02:18,640 --> 00:02:19,720
—Paparra,

22
00:02:19,720 --> 00:02:22,720
Zesopa “Uimasiri onanamossina” naua.

23
00:02:22,720 --> 00:02:23,640
Poua attipa:

24
00:02:23,640 --> 00:02:29,080
“Ouape pina Deo orrani” nanarra narrarissa naua.

25
00:02:29,080 --> 00:02:34,560
Zesocca uimape bica terrerani pina Deo tamassorrarissa naui!

26
00:02:34,560 --> 00:02:41,480
Naraha Deo Pouana orrarirrari uimasiri inanamossiniuarrine −quenarrari.

27
00:02:41,480 --> 00:02:47,600
Naraha Zesopa pouadeni bodicca uima nauato tazapa pouadeniza uati tarrari:

28
00:02:47,600 --> 00:02:51,040
—Nerrecotoui tibodideniza nema tiquenarraro?

29
00:02:51,040 --> 00:02:52,120
−narrari.

30
00:02:52,120 --> 00:02:53,160
—Rrari,

31
00:02:53,160 --> 00:03:00,160
tibodideni uatome-manarri nerrecoma narraro uimana tiadeniza denima narrora tani?

32
00:03:00,160 --> 00:03:05,880
Arra madirra coma tarraricca uimasiri onanamossini narrora taqui?

33
00:03:05,880 --> 00:03:11,200
Coma tarrari onanabicauina denima narrora tarrarorane?

34
00:03:11,200 --> 00:03:23,160
Naraha arri oua Madirra Bedi orrarrarope madirracca uimasiri onanamossiniuarrine Deocca dacorehe ocarrini nauatoqquiri tiquenaniuarrinepe,

35
00:03:23,160 --> 00:03:32,600
arri namiza naqui ouatti ocarrini nauatoqquiri tiquenaniuarrine coma tarrariza uati onana –narrari Zeso.

36
00:03:32,600 --> 00:03:36,840
Nazapa madirra isso siri torrauiza uati tarrari:

37
00:03:36,840 --> 00:03:39,000
—Tiaza uati oneza:

38
00:03:39,000 --> 00:03:40,240
Titemarri!

39
00:03:40,240 --> 00:03:42,680
Titaboro tidiza ticca ozauarri ticcanirri!

40
00:03:42,680 --> 00:03:44,600
−narrari.

41
00:03:44,600 --> 00:03:53,800
Nazapa amazati totemaza bazima cattomama canaraha poua taboro idi naza pocca ozauarri toccanirrari.

42
00:03:53,800 --> 00:03:57,840
Nazapa Deoza touatizeniza rriri rriri tanirrari:

43
00:03:57,840 --> 00:03:59,160
—Deopa bica taui,

44
00:03:59,160 --> 00:04:00,680
bica taui!

45
00:04:00,680 --> 00:04:04,200
−tanirrari.

46
00:04:04,200 --> 00:04:06,920
Nazapa madirra bazima cappinemanaraha uatizemanazapa:

47
00:04:06,920 --> 00:04:07,440
—A,

48
00:04:07,440 --> 00:04:08,760
Deorrine bica tani!

49
00:04:08,760 --> 00:04:09,760
−quenarrari.

50
00:04:09,760 --> 00:04:15,540
—Arri rridapana qqui inarrarope bica tani −quenarrari.