1
00:00:05,000 --> 00:00:11,960
Rrassi nauarraniza arra zodeodenicca marinarra maride poua bodipa:

2
00:00:11,960 --> 00:00:16,880
—Zeso nattome onana −naza totemaza uati tarrari:

3
00:00:16,880 --> 00:00:23,380
—Mamaride nerrecoma oneza camittehe imadi-zanaponicca bacco onaniuarrine?

4
00:00:23,380 --> 00:00:24,720
−narrari.

5
00:00:24,720 --> 00:00:27,980
Naraha pouaza Zeso uati tarrari:

6
00:00:27,980 --> 00:00:32,860
—Nerreco uima ua ua tatte Deocca zossenirri dozo naniza?

7
00:00:32,860 --> 00:00:38,100
Ua tezape nerreco uimara tiaza auato tatte?

8
00:00:38,100 --> 00:00:39,320
−narrari Zeso.

9
00:00:39,320 --> 00:00:45,460
Nanarra zodeodenicca marinarra maridepa Deo Atti ecomerarraro:

10
00:00:45,460 --> 00:00:50,260
—“Tiadeni Zozossede Deoza tetideni uanaqquiri narri.

11
00:00:50,260 --> 00:00:53,280
Tibodideni uatonissa teza,

12
00:00:53,280 --> 00:01:01,440
dacoco tirrireza Pouazara dameraqquiri tizanapomanezape Pouaza tetideni uanaqquiri naniuarrine.

13
00:01:01,440 --> 00:01:05,180
Tinorideniccaza naqui tetideni uanaqquiri narri,

14
00:01:05,180 --> 00:01:09,220
pina tiadeniza tetideni uanaqquiri narrarossa narri”

15
00:01:09,220 --> 00:01:15,540
nade Deo Atti dozo nanizape −narrari zodeodenicca marinarra maride atti.

16
00:01:15,540 --> 00:01:18,360
Nazapa pouaza Zeso uati tarrari:

17
00:01:18,360 --> 00:01:20,780
—Uati tinani bica tani.

18
00:01:20,780 --> 00:01:24,800
Nema tizanapozape Deoza timadinitoui −narrari.

19
00:01:24,800 --> 00:01:29,940
Naraha zodeodenicca marinarra maride poua bodi attipa:

20
00:01:29,940 --> 00:01:32,980
—Nerrecorraridenina ouinoricca?

21
00:01:32,980 --> 00:01:39,600
Narraro Moizecca marinarra Deo Atti dozo nanipe ouacauanissa tarraroqui?

22
00:01:39,600 --> 00:01:40,540
−narrari.

23
00:01:40,540 --> 00:01:43,300
Nazapa Zesoza uati tarrari:

24
00:01:43,300 --> 00:01:49,500
—Deocca zossenirri narrarossa onananiuarrineraha nerrecorraridenina ouinoricca?

25
00:01:49,500 --> 00:01:53,320
−narrari zodeodenicca marinarra maride.

26
00:01:53,320 --> 00:01:56,580
Zodeodenicca marinarra maride attipa:

27
00:01:56,580 --> 00:02:01,860
—Nerrecorraridenina ouinoricca pouaza ouati uana taniuarrine?

28
00:02:01,860 --> 00:02:07,140
−nazapa Zeso manaco pouaza arrirraro uima uati tarrari:

29
00:02:07,140 --> 00:02:15,300
—Zodeodeni orrariapa oza panani Zerozarecca rraui oza Zericouarri toccaniuarri toccarrari.

30
00:02:15,300 --> 00:02:20,420
Toccaraha… bobotidedeni dama iquenaza idaqquimanaha,

31
00:02:20,420 --> 00:02:32,140
uatiabote naza eterori ssiti quenehe rrica naza rraui uinoriniza inebomanaza rraui torranirrari.

32
00:02:32,140 --> 00:02:42,160
Naraha dada toqquimadepa uati rrama canaha rraui toccanarra madirra biquera taha ponacossaui qqui taraha toccariuarra-zanaporrari.

33
00:02:42,160 --> 00:02:52,540
Naui zotode naco dada toqquimade birrideni accode rebitadeni quequenanarrari orraria narraro rraui toccarrari.

34
00:02:52,540 --> 00:03:00,180
Narrari naco madirra biquera taha ponacossaui qqui taraha toccariuarra-zanaporrari.

35
00:03:00,180 --> 00:03:07,220
Nazapa madirra ouaha zama onini Samariacca madirra naco narraro rraui toccarrari.

36
00:03:07,220 --> 00:03:11,340
(Arra Samariacca madirradeniza:

37
00:03:11,340 --> 00:03:12,700
samaritano,

38
00:03:12,700 --> 00:03:14,580
quequenanarrari.

39
00:03:14,580 --> 00:03:21,140
Pouadenipa zodeodeni tezerre arrauarri nacassera arrauarri nacassera quenarrari.)

40
00:03:21,140 --> 00:03:32,380
Nazapa samaritano quequenanarrari orraria narraro rraui toccaza madirra biquera taha ponacossaui qqui tazapa pouatoui uati uana tarrari,

41
00:03:32,380 --> 00:03:35,060
pocca madirra rrararaha.

42
00:03:35,060 --> 00:03:44,300
Nazapa samaritano uva bono pperrene aua oquini icanarrimeza bobotidedenirrine biquerarrari icanaccarirrari.

43
00:03:44,300 --> 00:03:52,460
Pocca bero rrore inacossezape pocca borroza ibarirrari.

44
00:03:52,460 --> 00:03:55,740
Nazapa oza onihiuarri iaccarrari,

45
00:03:55,740 --> 00:03:58,300
nauiza ecauauiuarrine.

46
00:03:58,300 --> 00:04:08,500
Naraha uada ssiuarra samaritano toccabote naza oza rrinedeza ccarara denario capamehe dahaha icanarraro.

47
00:04:08,500 --> 00:04:10,740
“Coma tarrari tecauana.

48
00:04:10,740 --> 00:04:27,380
Niza occanipomeza tiaza arra tecauarrari manaconi mota torrezape da onapomaniuarrine” naui nade samaritano attipa −narrari Zeso zodeodenicca marinarra marideza.

49
00:04:27,380 --> 00:04:31,340
Naraha Zeso pouaza denima uati uati taccarrari:

50
00:04:31,340 --> 00:04:35,140
—Arra madirra 3 quenarraripa dada toqquimade,

51
00:04:35,140 --> 00:04:36,020
Rebita,

52
00:04:36,020 --> 00:04:46,260
samaritano quenarraridenipa nerrecorrarina parra arra bobotidedenirrine biquerarrariza pina poua uinoriccassa narrari?

53
00:04:46,260 --> 00:04:47,980
−narrari Zeso.

54
00:04:47,980 --> 00:04:52,580
Nazapa zodeodenicca marinarra maride ecomerarraro:

55
00:04:52,580 --> 00:04:58,360
—Arra madirra biquerarrariza uati uana tarrarina parra −narrari.

56
00:04:58,360 --> 00:05:00,280
Nazapa pouaza:

57
00:05:00,280 --> 00:05:01,320
—Rrehe,

58
00:05:01,320 --> 00:05:06,920
ticcanizape nema tizanaporri −narrari Zeso.