1
00:00:05,000 --> 00:00:07,820
Nazapa Zeso,

2
00:00:07,820 --> 00:00:08,340
Zouao,

3
00:00:08,340 --> 00:00:09,240
Tiaco,

4
00:00:09,240 --> 00:00:17,660
Pedoro quenarrarideni Zeso poua uatimade mota madimanauiuarri bacco zippanimanabote naza qqui toquenarrari.

5
00:00:17,660 --> 00:00:23,060
Pouadeni tesse madimanauiza madirra uapi taha toqueriqqui narrari.

6
00:00:23,060 --> 00:00:31,100
Nauizapa zodeodenicca marinarra maridedeni Zesocca madirra tezerre arrauarri uati arrauarri uati quenarrari.

7
00:00:31,100 --> 00:00:35,180
Naraha Zeso bacco naniui qqui toquenaza uatizemanarrari:

8
00:00:35,180 --> 00:00:35,540
—A,

9
00:00:35,540 --> 00:00:43,380
Zeso bacco naniui −quenazapa pouaza nirra quenauiuarrine pouauarri domo toqquerrizarrari.

10
00:00:43,380 --> 00:00:46,060
Nazapa Zeso pouadeniza uati tarrari:

11
00:00:46,060 --> 00:00:46,460
—Nirra,

12
00:00:46,460 --> 00:00:50,740
nerrecotoui arriuarri uati arriuarri uati tiquenarraronerre?

13
00:00:50,740 --> 00:00:52,260
−naui nade.

14
00:00:52,260 --> 00:00:55,620
Nauiza madirra orraria Zesoza uati tarrari:

15
00:00:55,620 --> 00:00:56,660
—Oua Maride,

16
00:00:56,660 --> 00:01:00,420
occa erredeni tiaza ouaccarronarraripa.

17
00:01:00,420 --> 00:01:03,220
Poua bodiza tocorime madizarrari.

18
00:01:03,220 --> 00:01:05,620
Narrarirrine atti cappirarrari.

19
00:01:05,620 --> 00:01:15,500
Poua dama inaza rrazirema cco inacossazapa namiza edima boua nazapa poua arrari ssaborrene tocca tocca narrari,

20
00:01:15,500 --> 00:01:17,700
ino ccado-do-do narrari,

21
00:01:17,700 --> 00:01:21,340
assirema ccara-ra ccara-ra narrari.

22
00:01:21,340 --> 00:01:26,900
Occa erredeni nama nama naza tetimadedeniza uati onarraropa:

23
00:01:26,900 --> 00:01:35,180
“Occa erredeni poua bodicca zosse tininemanarro” onaraha ssamoqquiri naparra −naui nade imehi atti.

24
00:01:35,180 --> 00:01:36,380
Nazapa Zesoa:

25
00:01:36,380 --> 00:01:37,340
—Rraho,

26
00:01:37,340 --> 00:01:40,460
madirra bazima Deoza rrehe tiquenanissa terrerani.

27
00:01:40,460 --> 00:01:46,820
Tiadeni mari mari ohocanabaqqui naraha nerrecoma neza ticauatterapazerre?

28
00:01:46,820 --> 00:01:54,460
Ticcadeni rrehenirri parrirenissa terrerezape ouaza ocassera teraha nema nehe onauana-zanaponiuarrinequi?

29
00:01:54,460 --> 00:01:55,460
−nanarra:

30
00:01:55,460 --> 00:01:56,660
—Rrari,

31
00:01:56,660 --> 00:01:59,260
ticca erredeni ouaza teccarronarro!

32
00:01:59,260 --> 00:02:00,900
−naui nade Zeso.

33
00:02:00,900 --> 00:02:04,020
Nama nazapa pouauarri erredeni eccarronemanarrari.

34
00:02:04,020 --> 00:02:08,740
Naraha tocorime Zeso qqui tazapa erredeni quiza inanarrari.

35
00:02:08,740 --> 00:02:10,140
Namiza touedimarrari.

36
00:02:10,140 --> 00:02:15,180
Deue narizazapa arrari ssaborrene toccarrari.

37
00:02:15,180 --> 00:02:19,380
Nazapa coma tarrari imehiza Zeso uati tarrari:

38
00:02:19,380 --> 00:02:22,260
—Poua coma tauicca abazico nerrecoma canaui?

39
00:02:22,260 --> 00:02:23,140
−narrari.

40
00:02:23,140 --> 00:02:24,420
Naraha imehi attipa:

41
00:02:24,420 --> 00:02:29,820
—Bazira tazamade −naui nade.

42
00:02:29,820 --> 00:02:34,660
—Uarrirriraza quiza inanazapa zippoza naco ihinassonizana narrari.

43
00:02:34,660 --> 00:02:38,100
Passoza naco ihinassonippa nanarra narrari,

44
00:02:38,100 --> 00:02:40,260
inanazoqqueuiuarrine.

45
00:02:40,260 --> 00:02:42,980
Nezape Zeso tiana nauato tinanitide.

46
00:02:42,980 --> 00:02:45,700
Iaza teti uana tarri,

47
00:02:45,700 --> 00:02:49,260
ia acco ticanabaqquiniuarrine −naui nade Zesoza.

48
00:02:49,260 --> 00:02:51,180
Naraha Zesopa:

49
00:02:51,180 --> 00:02:52,340
—Rraho,

50
00:02:52,340 --> 00:02:53,900
tettipe ouaza:

51
00:02:53,900 --> 00:02:57,660
“Tiana nauato tinanitide” tarraro nema terrerarri.

52
00:02:57,660 --> 00:03:03,580
Madirrapa poua bodi Deoza rrehe nauissa tazapa nauato tarrari:

53
00:03:03,580 --> 00:03:09,700
“Deopa uima bazima inananiuarrine parrireui” narrari −naui nade Zeso.

54
00:03:09,700 --> 00:03:12,660
Nazapa imehia atti moui taza uati tarrari:

55
00:03:12,660 --> 00:03:13,260
—Rrehe,

56
00:03:13,260 --> 00:03:14,900
Deopa parrireui!

57
00:03:14,900 --> 00:03:15,540
onarraro.

58
00:03:15,540 --> 00:03:17,020
Naraha obodi acco ticanarri,

59
00:03:17,020 --> 00:03:21,940
occa rrehenirri todacorani naniuarrine −naui nade.

60
00:03:21,940 --> 00:03:30,580
Nazapa Zeso qqui tanarra madirra pouaza queriqquirronaui touapiui naui qqui tazapa tocorime zosse ininerrari.

61
00:03:30,580 --> 00:03:32,540
Poua attipa:

62
00:03:32,540 --> 00:03:33,260
—Tocorime,

63
00:03:33,260 --> 00:03:34,860
touaribo tonadidide,

64
00:03:34,860 --> 00:03:37,460
touebeno totonassamode,

65
00:03:37,460 --> 00:03:39,460
tia zosse onarraro.

66
00:03:39,460 --> 00:03:41,860
Erredeni tineborro!

67
00:03:41,860 --> 00:03:44,380
Tiqquenezape tiqquezimanipoma-rrerarri,

68
00:03:44,380 --> 00:03:44,900
onarraro!

69
00:03:44,900 --> 00:03:46,500
−naui nade Zeso.

70
00:03:46,500 --> 00:03:49,700
Nazapa tocorime rroua narrari.

71
00:03:49,700 --> 00:03:54,100
Pouarrine erredeni uatiacossaza dari-ri-ri nazapa qquenarrari.

72
00:03:54,100 --> 00:03:58,740
Nazapa erredeni pina uatiarrarissa naha ponarrari.

73
00:03:58,740 --> 00:04:00,340
Nama nazapa:

74
00:04:00,340 --> 00:04:03,180
—Uatiaui −quenarrari nade.

75
00:04:03,180 --> 00:04:08,620
Naraha Zeso erredeni zepeza dama inazapa nomi taha inatema narrari.

76
00:04:08,620 --> 00:04:14,860
Naza zotode Zeso ozauarri toqquezimanizapa poua uatimadedeni motaha:

77
00:04:14,860 --> 00:04:21,540
—Nerrecotoui iaha arrarrari erredeni bodicca zosse inineuiuarrine iparrire-rrerapa?

78
00:04:21,540 --> 00:04:22,640
−quenarrari.

79
00:04:22,640 --> 00:04:24,740
Nazapa Zeso attia:

80
00:04:24,740 --> 00:04:33,820
—Nama nauicca zosse tininemanauiuarrinepa Deoza uati tiquenezana toqquena taui −naui nade Zeso.