1
00:00:05,000 --> 00:00:08,800
Ssiuarrezape dada toqquimade taminedeni,

2
00:00:08,800 --> 00:00:10,280
ime rrocouideni,

3
00:00:10,280 --> 00:00:12,560
zodeodenicca marinarra maridedeni,

4
00:00:12,560 --> 00:00:19,800
zodeodenicca uima cacattemadedeni bazima queriqquimanaza pouadenira uimahaha canarrari.

5
00:00:19,800 --> 00:00:25,640
Rrehe canirezapa Zeso birri rrore iquenaza tamine Piratouarri iaqquemanarrari,

6
00:00:25,640 --> 00:00:28,200
—Zeso zoqquena −quenauiuarrine.

7
00:00:28,200 --> 00:00:30,840
Tamine Piratopa rromanodeni.

8
00:00:30,840 --> 00:00:34,880
Pouapa zodeodenicca zama cacauade torrarrari.

9
00:00:34,880 --> 00:00:40,320
Nazapa tamine Piratouarri Zeso iaqquezimemanazapa Pirato Zesoza uati tarrari:

10
00:00:40,320 --> 00:00:42,960
—Tiape zodeodenicca tamine tirraqui?

11
00:00:42,960 --> 00:00:44,080
−narrari nade.

12
00:00:44,080 --> 00:00:44,520
—Rrehe,

13
00:00:44,520 --> 00:00:48,560
tetti nema tarraroparri −naui nade Zeso.

14
00:00:48,560 --> 00:00:53,960
Nazapa dada toqquimade taminedenipa Piratoza poccadeni maizehe uati toquenarrari.

15
00:00:53,960 --> 00:00:57,160
Nazapa Pirato Zesoza uati tapomaza:

16
00:00:57,160 --> 00:00:59,680
—Tia tecomera-rrerarraroqui?

17
00:00:59,680 --> 00:01:06,400
Arra pouadenipa ticca uimape uaidira tani uapi tani uati uati toquenaua −narrari nade.

18
00:01:06,400 --> 00:01:09,360
Naraha Zeso zamarrama narrari.

19
00:01:09,360 --> 00:01:12,800
Nama nazapa tamine Pirato uatizerrari.

20
00:01:12,800 --> 00:01:13,920
Poua bodipa:

21
00:01:13,920 --> 00:01:16,200
—Nerrecotoui poua cacomarrari?

22
00:01:16,200 --> 00:01:18,500
−narrari nade.

23
00:01:18,500 --> 00:01:30,520
Uarrano uarrirriraza zodeodenicca errete Pascoa torreza tamine Piratopa toponi cocoroza madirra uezemanarrari orraria pouarrine qqueqquenemana narrari.

24
00:01:30,520 --> 00:01:32,140
Madirra bazima:

25
00:01:32,140 --> 00:01:36,340
—Narrari qquenana −quenazapa ihineqquena narrari.

26
00:01:36,340 --> 00:01:40,220
Piratopa narrarossa inananiuarrine narrorarrari.

27
00:01:40,220 --> 00:01:45,640
Nazapa toponi cocoroza uezarrari orraria onipa Barraba.

28
00:01:45,640 --> 00:01:52,040
Barrabapa toponi nanarrizodedeni tezerre toponi cocoroza domo uezarrari.

29
00:01:52,040 --> 00:02:02,440
Pouapa poua tessedeni tezerre rromanodenicca tamineza rrara rrara quequenanaza madirra orraria irrinedeni auemanarrari.

30
00:02:02,440 --> 00:02:07,880
Nanarra madirra bazima tamine Piratoza uatide rrauirronaza attidenipa:

31
00:02:07,880 --> 00:02:14,160
—Errete Pascoa torrezape toponi cocoroza uezarrari orraria tirrine qqueqquena nade.

32
00:02:14,160 --> 00:02:18,200
Narrarossa tinanapomarri inarraro −quenaui nade.

33
00:02:18,200 --> 00:02:19,680
Naraha Piratoa:

34
00:02:19,680 --> 00:02:20,840
—Rrehe,

35
00:02:20,840 --> 00:02:22,360
arra pouaza:

36
00:02:22,360 --> 00:02:27,160
“Zodeodenicca tamine” quenarrari tappa onauiuarrine nacassaqquiri tinaqui?

37
00:02:27,160 --> 00:02:28,920
−naui nade.

38
00:02:28,920 --> 00:02:33,560
Piratopa poua bodiza Zesopa uima cappiraui nauato taporrari.

39
00:02:33,560 --> 00:02:34,800
Poua bodipa:

40
00:02:34,800 --> 00:02:42,680
—Dada toqquimade taminedenipa Zesocca deni torrehe acconi boquemanaza ouaza eccarronemanarrari −narrari.

41
00:02:42,680 --> 00:02:52,000
Naraha dada toqquimade taminedenipa Zeso tossiuauauiuarrine touini quenarraraza madirra bazimaza uati narizemanaporrari:

42
00:02:52,000 --> 00:02:55,680
—“Barrabana qquenana” tiquenarri −quenaui nade.

43
00:02:55,680 --> 00:03:01,280
Nazapa bazima Barrabatoui rrouaua rrouaua canarrariparra.

44
00:03:01,280 --> 00:03:04,720
Naraha Piratopa domo uarrarideniza uati tapomarrari:

45
00:03:04,720 --> 00:03:05,520
—Rrehe,

46
00:03:05,520 --> 00:03:10,880
naraha pouaza “Zodeodenicca tamine” quenarraripa nerrecoma onanauiuarrine touini tiquenani?

47
00:03:10,880 --> 00:03:12,320
−naui nade.

48
00:03:12,320 --> 00:03:16,040
Naraha bazima rrouaua rrouaua canapomazapa:

49
00:03:16,040 --> 00:03:18,040
—Aua porimacossaniza zoqquena,

50
00:03:18,040 --> 00:03:18,880
zoqquena!

51
00:03:18,880 --> 00:03:20,000
−quenaui nade.

52
00:03:20,000 --> 00:03:22,160
—Naraha nerrecotoui zoqqueuiuarrine?

53
00:03:22,160 --> 00:03:25,480
Nerreco uimara inanarraro?

54
00:03:25,480 --> 00:03:28,400
−naui nade Pirato.

55
00:03:28,400 --> 00:03:32,080
Naraha domo uarrarideni bazima parra rroua toquenariui naza:

56
00:03:32,080 --> 00:03:33,920
—Aua porimacossaniza zoqquena,

57
00:03:33,920 --> 00:03:34,880
zoqquena!

58
00:03:34,880 --> 00:03:36,360
−quenaui nade.

59
00:03:36,360 --> 00:03:43,360
Nazapa tamine Pirato pouaza madirra bazima uatizemanauiuarrine Barraba ineqquenarrari.

60
00:03:43,360 --> 00:03:50,120
Nazapa pocca isso teppeppedeni Zeso cossi inaqquimanauiuarrine icazossebaqquirrari.

61
00:03:50,120 --> 00:03:53,880
Cossi inaqquimanaha rricazapa icazossebaqquipomarrari:

62
00:03:53,880 --> 00:04:01,240
—Aua porimacossaniza coba tizanemanauiuarrine tiaqquemanarro −naui nade Pirato.

63
00:04:01,240 --> 00:04:08,560
Nazapa tamine Piratocca isso teppeppedenipa oza imeni bodiuarricca boroniza Zeso iaqquezimemanarrari.

64
00:04:08,560 --> 00:04:14,040
Nauiza rromanodenicca isso teppeppe bazima toqueriqquirrari.

65
00:04:14,040 --> 00:04:15,380
Pouadenipa:

66
00:04:15,380 --> 00:04:19,960
—Zeso pina taminessa inanana −quenaraha maizemanarrari.

67
00:04:19,960 --> 00:04:27,560
Nazapa etero macconi motaranicca pina taminedeniccassa narraroza Zeso oro izimemanarrari.

68
00:04:27,560 --> 00:04:37,040
—Zeso taticca pina tamine tatideniccassa nana −quenaraha cotiui atinema rrore nauarraniuira ettarimanarrari.

69
00:04:37,040 --> 00:04:40,720
Nazapa rrarra icanaqquimanauiuarrine pouaza:

70
00:04:40,720 --> 00:04:43,040
—Deni tirrani zodeodenicca tamine!

71
00:04:43,040 --> 00:04:44,920
−quenaui nade maizemanaza.

72
00:04:44,920 --> 00:04:49,920
Poua tatiza aua ppaua tarraroza uacca uacca quenarrari.

73
00:04:49,920 --> 00:04:51,600
Ppito inaqquimanarrari.

74
00:04:51,600 --> 00:04:52,240
Nazapa:

75
00:04:52,240 --> 00:04:59,400
—Pina taminezassa inana −quenaza Zeso baccouarri pouadeni pitoza uittemana,

76
00:04:59,400 --> 00:05:00,640
tocattezemana,

77
00:05:00,640 --> 00:05:01,360
uittemana,

78
00:05:01,360 --> 00:05:03,880
tocattezemana naraha maizemanarrari.

79
00:05:03,880 --> 00:05:14,240
Nazapa maizeheza pouaza rriza rriza quenaha rricazapa etero macconi motaraniccape ssiti iquenaza poua pocca eterora ineuezanimanarrari.

80
00:05:14,240 --> 00:05:20,860
Nazapa aua porimacossaniza Zeso coba izanemanauiuarrine iaqquemanarrari.

81
00:05:20,860 --> 00:05:32,200
Isso teppeppedenipa Zeso iaqquemananarra zama Sirenecca madirra Simaopa uizarrauarri ccaniza isso teppeppedeni bacco irrizemanarrari.

82
00:05:32,200 --> 00:05:34,360
Narrari Simaopa Aresadre,

83
00:05:34,360 --> 00:05:36,360
Ropodenicca abi.

84
00:05:36,360 --> 00:05:43,280
Zeso aua porimacossani zorro ineraha rrao torraza isso teppeppedenipa Simao icazossemanarrari:

85
00:05:43,280 --> 00:05:51,440
—Manaco tia arrarraricca aua porimacossani zorro tinarri −quenazapa manaco Simaona zorro inarraro.

86
00:05:51,440 --> 00:05:55,040
Nazapa ssono Cocotauarri Zeso iaqquemoremanarrari.

87
00:05:55,040 --> 00:05:57,840
(Ssono onini Cocota ettizape:

88
00:05:57,840 --> 00:05:59,640
Totati Tonanissa nani,

89
00:05:59,640 --> 00:06:00,960
quequenanarrari.)

90
00:06:00,960 --> 00:06:04,760
Nauiza bacco toquenaza uva pperrene,

91
00:06:04,760 --> 00:06:09,820
aua amani onini mirra carrimeza Zesoza da icanemanarrari,

92
00:06:09,820 --> 00:06:13,480
—Poua comene orrizama naniuarrine –quenaza.

93
00:06:13,480 --> 00:06:14,600
Naraha Zesopa:

94
00:06:14,600 --> 00:06:14,840
—Poua!

95
00:06:14,840 --> 00:06:17,120
−narrari nade.

96
00:06:17,120 --> 00:06:20,640
Nazapa aua porimacossaniza coba izanemanarrari.

97
00:06:20,640 --> 00:06:26,240
Coba izanemanaha rricazapa acca icanamacosse-manarrari nade.

98
00:06:26,240 --> 00:06:28,120
Nazapa isso teppeppedeni:

99
00:06:28,120 --> 00:06:31,520
—Zesocca etero nerrecorrarizana torraniuarrine?

100
00:06:31,520 --> 00:06:35,580
−quenaza siba bedeniza coro coro quenarrari.

101
00:06:35,580 --> 00:06:42,440
Narraro sibaza ittomemanazapa pocca etero pouadeniza orrari orrari narizarraro nade.

102
00:06:42,440 --> 00:06:46,240
Izamassa marri 9’za Zeso coba izanemanarrari.

103
00:06:46,240 --> 00:06:50,720
Poua tati tetepiuarri dozo nani coba izanemanarraro.

104
00:06:50,720 --> 00:06:52,640
Narraro dozo nanipe:

105
00:06:52,640 --> 00:06:56,400
—Arrarraripa Zodeodenicca Tamine −narraro.

106
00:06:56,400 --> 00:07:03,920
Bobotide pamaha naco Zesozama topamarronauiuarrine aua porimacossaniza cobaba izanemanarrari.

107
00:07:03,920 --> 00:07:06,920
Ouahapa Zeso uinori nauatoniuarri que,

108
00:07:06,920 --> 00:07:10,800
ouahapa Zeso uinori ssamouarri que tarrari nade.

109
00:07:10,800 --> 00:07:17,800
Madirra naui rraui torreqquimarrarideni Zesoza nacasseraqquiri naza Zesoza tatamasso quenarrari.

110
00:07:17,800 --> 00:07:21,080
Tatideni uide uide quenaza attidenipa:

111
00:07:21,080 --> 00:07:22,880
—Arrina tettipe:

112
00:07:22,880 --> 00:07:30,360
“Deoza dada toqquima ocatabozape uada 3 neza ocanauatoninitoui” taterre nade −quenaui nade.

113
00:07:30,360 --> 00:07:31,280
—Rrari,

114
00:07:31,280 --> 00:07:33,440
tia tinassiuauarri.

115
00:07:33,440 --> 00:07:38,760
Aua porimacossaniza tia tidiniza ticcaronarri −quenaui nade.

116
00:07:38,760 --> 00:07:41,640
Nazapa dada toqquimade taminedeni,

117
00:07:41,640 --> 00:07:46,760
zodeodenicca marinarra maridedeni quenarraridenipa Zeso itamassomanarrari:

118
00:07:46,760 --> 00:07:52,960
—Arrana madirra ouaha inassiuauabaqquiraha poua tonassiuauadepa ssamo taui.

119
00:07:52,960 --> 00:08:00,400
Pouapa Cristo-Mesia Izarraeo potemaui zodeodenicca tamine torrazapa porimacossaniza ccaronana.

120
00:08:00,400 --> 00:08:04,880
Nazana qqui inaza pouaza parrissa inaniuarrine −quenarrari.

121
00:08:04,880 --> 00:08:15,740
Poua uinoricca naco aua porimacossaniza cobaba zanaraha narraro touattissa narraroza Zesoza atti atti quenaui nade.

122
00:08:15,740 --> 00:08:20,880
Marri itetepi torraza zama nemanehe tozizini narraro.

123
00:08:20,880 --> 00:08:24,140
Zizi zanaporrarope marri 3 bacco tarraro.

124
00:08:24,140 --> 00:08:29,680
Narrari marri 3ʼza Zesopa poua attiza rrazirema uaua narrari:

125
00:08:29,680 --> 00:08:30,240
—Eroi,

126
00:08:30,240 --> 00:08:32,640
Eroi rema sabatani?

127
00:08:32,640 --> 00:08:34,040
−naui nade.

128
00:08:34,040 --> 00:08:35,760
(Narrarope ettizape:

129
00:08:35,760 --> 00:08:36,720
—Abi Deo,

130
00:08:36,720 --> 00:08:39,440
Abi Deo nerrecotoui oua tineborraro?

131
00:08:39,440 --> 00:08:41,040
−narrari nade.)

132
00:08:41,040 --> 00:08:44,680
Naraha nauiza domodeni uarrari mittemanazapa:

133
00:08:44,680 --> 00:08:46,200
—Titauaribobo canarri!

134
00:08:46,200 --> 00:08:52,200
Maittaccazamacca Deo Atti cacomerabote Eriaza uaua naui −quenaui nade.

135
00:08:52,200 --> 00:08:56,400
Nazapa nauiza domo uarrari orraria uassinarra rroppa tarrari,

136
00:08:56,400 --> 00:08:57,880
uassa tarrari idi,

137
00:08:57,880 --> 00:09:02,160
uva pperrene ssicata bidada tarrariza ezippa,

138
00:09:02,160 --> 00:09:04,960
pparra torraza bobaza oro,

139
00:09:04,960 --> 00:09:07,360
da icanamacossarrari.

140
00:09:07,360 --> 00:09:08,840
Nazapa narrari attia:

141
00:09:08,840 --> 00:09:09,440
—Maqui,

142
00:09:09,440 --> 00:09:11,240
niza pazerre!

143
00:09:11,240 --> 00:09:14,940
Poua idironauiuarrine Eria ccarronauitiderra.

144
00:09:14,940 --> 00:09:17,280
Qqui inaccana –naui nade.

145
00:09:17,280 --> 00:09:20,880
Naraha Zeso rrazirema rroua nazapa uatiarrari.

146
00:09:20,880 --> 00:09:29,160
Nanerre Deoza dada toqquima bodiuarricca uauacossa etero sibabote naqui Deorrine sseo naronarraro,

147
00:09:29,160 --> 00:09:30,320
carobe narraro.

148
00:09:30,320 --> 00:09:37,640
Nazapa Zeso baccouarri isso teppeppe tamine Zeso cacauade uarraripa Zeso uatiaui qqui taza:

149
00:09:37,640 --> 00:09:38,200
—Rraho!

150
00:09:38,200 --> 00:09:45,040
Parrissa arrarrari maqquiderrepa Deo Bediraha −naui nade isso teppeppe tamine atti.

151
00:09:45,040 --> 00:09:49,560
Amonerredeni naqui uarri taniza cattade domoni uarraro.

152
00:09:49,560 --> 00:09:54,560
Ponidenipe uapi teraha mota oninidenina Maria Madarenauarricca,

153
00:09:54,560 --> 00:09:57,320
Zoze Tiacodenicca ami Maria,

154
00:09:57,320 --> 00:09:59,240
Sarome quenarraro.

155
00:09:59,240 --> 00:10:07,120
Mariadenipe Zeso zama arobeni Carireaza ccarizapoza poua accode pouaza rrauirizarraro.

156
00:10:07,120 --> 00:10:10,200
Amonerre onihideni naqui uapi tani.

157
00:10:10,200 --> 00:10:15,800
Ponidenipe Zerozareuarri Zesoza rrauirronarrarodeni.

158
00:10:15,800 --> 00:10:19,860
Zeso zoqqueuicca uadape sexta-feira.

159
00:10:19,860 --> 00:10:26,240
Zodeodenipa narraro uadaza poccadeni rrassinarracca uadatoui nanarroremana narrari.

160
00:10:26,240 --> 00:10:34,140
Uada ssiuarra sabadope poccadeni rrassinarracca uada torrezape zepedeni ihirrimana narrararrari.

161
00:10:34,140 --> 00:10:39,540
Madirra zoqqueza ppa izemanauiuarrine naco oppina tani quequenanarrari.

162
00:10:39,540 --> 00:10:50,860
Nazapa sexta-feira zomebote naza oza panani Arimateauarricca madirra oni Zozepa cappinera taza tamine Piratoza uatide toccarrari.

163
00:10:50,860 --> 00:10:55,320
Pouapa zodeodenicca uima cacattemadedeni orraria.

164
00:10:55,320 --> 00:10:58,760
Madirra bazimapa pouaza nauatoqquiri narrari.

165
00:10:58,760 --> 00:11:04,000
Poua naco Deocca cacauehetoui narroraha madirrari.

166
00:11:04,000 --> 00:11:09,840
Nazapa tamine Piratoza bacco taza Zeso assire ppa izauiuarrine uati tarrari.

167
00:11:09,840 --> 00:11:13,800
Naraha Zoze atti mittazapa Pirato tobicaui narrari,

168
00:11:13,800 --> 00:11:16,580
—Zeso amazati uatiaui −quenaui mittaza.

169
00:11:16,580 --> 00:11:21,020
Nazapa uaua narrari isso teppeppedeni tamineza:

170
00:11:21,020 --> 00:11:23,640
—Nirra parrissa rridaccazama zoqquerrarico?

171
00:11:23,640 --> 00:11:25,640
−naui nade Pirato.

172
00:11:25,640 --> 00:11:28,200
Nazapa isso teppeppedenicca taminea:

173
00:11:28,200 --> 00:11:28,760
—Rrehe,

174
00:11:28,760 --> 00:11:29,680
parrissa,

175
00:11:29,680 --> 00:11:33,080
zoqquerraripa −nazapa Pirato Zozeza:

176
00:11:33,080 --> 00:11:33,400
—Rrehe,

177
00:11:33,400 --> 00:11:38,720
Zeso assire dicca taza ppa tizauiuarrine tiaccarro −naui nade.

178
00:11:38,720 --> 00:11:41,580
Nazapa Zoze etero zorrorani onini linho,

179
00:11:41,580 --> 00:11:44,800
bica tanicca mittade toccarrari.

180
00:11:44,800 --> 00:11:50,120
Mitta inezape Zeso coba zanaha que tauiuarri tocanarroranirrari,

181
00:11:50,120 --> 00:11:54,160
Zeso assire dicca inaza eteroza rrore inaqquirrari.

182
00:11:54,160 --> 00:11:58,480
Nazapa Zeso assire tonoccobiriuarri zorro inarrari.

183
00:11:58,480 --> 00:12:03,960
Naniza tonoccobiriuarrine sibaza ui tozimani narroraporraro.

184
00:12:03,960 --> 00:12:08,120
Nauiza Zeso assire zorro izimaza ibezarrari.

185
00:12:08,120 --> 00:12:14,400
Siba imeni cco inaniza Zeso noccobiri odiniuarri ecossarraro nade.

186
00:12:14,400 --> 00:12:17,240
Naniza Maria Madarenauarricca,

187
00:12:17,240 --> 00:12:24,400
Zozecca ami Maria quenarrarodeni Zeso assire ibezaui qqui toquenarraro.

188
00:12:24,400 --> 00:12:29,000
Rrassinarracca uada rriquezape Maria Madarenauarricca,

189
00:12:29,000 --> 00:12:30,960
Maria Tiaco imeni,

190
00:12:30,960 --> 00:12:37,880
Sarome queneza aua marriconi marroni bica tarraro mittade rraui torrarraro,

191
00:12:37,880 --> 00:12:40,700
Zeso assire sse inarimanauiuarrine.

192
00:12:40,700 --> 00:12:52,160
Semana torrapomanicca uada taidecca domico izamassa marri ccarronaza Zeso noccobiriuarri aua marriconi marroni bica tarraro iaqquemanarraro.

193
00:12:52,160 --> 00:12:56,620
Nezape Zeso noccobiriuarri rraui torreza uimahaha cazanaporraro:

194
00:12:56,620 --> 00:12:58,880
—Nerrecorrari ia acco canapazarra,

195
00:12:58,880 --> 00:13:02,600
Zeso noccobiricca siba imeni cco inaniuarrine?

196
00:13:02,600 --> 00:13:04,280
−quenani nade.

197
00:13:04,280 --> 00:13:09,480
Naraha bacco toqueneza qqui toquenanerre tonoccobiripe touaberre narraro.

198
00:13:09,480 --> 00:13:14,400
Siba imenipe parrimaraniuarrina uitterre narraro.

199
00:13:14,400 --> 00:13:22,360
Nezape rraui torrezimeza qqui toquenanerre zabisso eterori mopo taha nauatoniuarri uittari canarrari.

200
00:13:22,360 --> 00:13:24,560
Nezape uarro quenarraro nade.

201
00:13:24,560 --> 00:13:27,540
Zabissopa ponideniza uati tarrari:

202
00:13:27,540 --> 00:13:29,800
—Ticappinemana terrerarri!

203
00:13:29,800 --> 00:13:34,640
Tiadenipe Zeso Nazaretiuarricca qquide rraui tirrarronarraro.

204
00:13:34,640 --> 00:13:40,320
Narraripa aua porimacossaniza coba izanemanaza zoqqueraha nauatonirrari.

205
00:13:40,320 --> 00:13:42,760
Arrazapa noueraui.

206
00:13:42,760 --> 00:13:43,240
Rrari,

207
00:13:43,240 --> 00:13:46,320
poua ibezemanauiuarri qqui tiquenarro.

208
00:13:46,320 --> 00:13:49,480
Nezape rraui tirraniza poua uatimadedeniza,

209
00:13:49,480 --> 00:13:53,120
Pedoroza naqui uima uati tinanimanarri.

210
00:13:53,120 --> 00:13:58,520
Zesopa titezerremadeni zama arobeni Carireauarri toccanipouitoui.

211
00:13:58,520 --> 00:14:03,000
Naniuarri rraui tirranizana poua qqui tiquenauiuarrine,

212
00:14:03,000 --> 00:14:09,520
pina poua zoqque-rraraccazama tiadeniza uati taporrarissa narraro −naui nade zabisso atti.