1
00:00:05,000 --> 00:00:06,180
Yesus ap,

2
00:00:06,180 --> 00:00:08,640
Nikodemus ap yupu talipmarika ani,

3
00:00:08,640 --> 00:00:10,620
akunum sirya dakrik talak ara,

4
00:00:10,620 --> 00:00:11,360
Yesus ap,

5
00:00:11,360 --> 00:00:14,820
el yupu kekebuka melibuka dobolbalamik obarye nang ap,

6
00:00:14,820 --> 00:00:16,700
Yudea tam noutamak bukni,

7
00:00:16,700 --> 00:00:20,360
ninye asik kum dolamikak bai tam mutuku binuka ulamik.

8
00:00:20,360 --> 00:00:22,600
Sik amutuku uk ulamik talak ara,

9
00:00:22,600 --> 00:00:24,440
Yesus arye peterelamukbuk,

10
00:00:24,440 --> 00:00:26,260
ninye weik diba tenebik.

11
00:00:26,260 --> 00:00:27,900
Diba tenebik ati,

12
00:00:27,900 --> 00:00:29,000
Yohanes arye,

13
00:00:29,000 --> 00:00:31,700
aninye yuk-yuk dobuka mek dongolamuk.

14
00:00:31,700 --> 00:00:33,380
Atalak noutamak uk,

15
00:00:33,380 --> 00:00:36,940
Yohanes arye yuk mutuku si ara Ainon ap,

16
00:00:36,940 --> 00:00:39,460
Salim mutuku ap noutamak ara,

17
00:00:39,460 --> 00:00:42,420
diba tenen ninye dobuka mek dongolamuk.

18
00:00:42,420 --> 00:00:43,280
Ara,

19
00:00:43,280 --> 00:00:44,840
amutuku bitinye,

20
00:00:44,840 --> 00:00:47,320
el ulamuk mutuku noutamak ara,

21
00:00:47,320 --> 00:00:49,440
mekwen weik wamuka ati,

22
00:00:49,440 --> 00:00:50,560
ninye arye,

23
00:00:50,560 --> 00:00:52,080
‘Mek dongopsutue’ tenen,

24
00:00:52,080 --> 00:00:53,760
tuba-tuba yangalamikba,

25
00:00:53,760 --> 00:00:56,480
Yohanes arye adip tenebik ninye dobuka,

26
00:00:56,480 --> 00:00:57,520
mek dongolamuk.

27
00:00:57,520 --> 00:01:00,760
Yohanes arye afil dolamuk talak ara,

28
00:01:00,760 --> 00:01:05,240
yu nang arye el dobuka wenena aik min kum dongamik talak ara,

29
00:01:05,240 --> 00:01:07,960
diba tenen nang dobuka mek dongolamuk.

30
00:01:07,960 --> 00:01:09,360
Atalak ara,

31
00:01:09,360 --> 00:01:11,920
Yohanes peterebuk yupu kekelamik nang ap,

32
00:01:11,920 --> 00:01:13,480
tonok Yahudi yalanye ap,

33
00:01:13,480 --> 00:01:15,680
yupu deice arye derelanmek.

34
00:01:15,680 --> 00:01:18,120
Yupu deice arye derelanmeka deiyok ara,

35
00:01:18,120 --> 00:01:19,400
Farisi nang arye,

36
00:01:19,400 --> 00:01:20,880
‘Allah derepsilyak’ tenen,

37
00:01:20,880 --> 00:01:22,680
“Mem fil dona atonun ning ara,

38
00:01:22,680 --> 00:01:24,440
taruk mek likna ara,

39
00:01:24,440 --> 00:01:25,160
winibuka,

40
00:01:25,160 --> 00:01:27,720
winibuka taruk mek likinamlulume,”

41
00:01:27,720 --> 00:01:28,320
nyabuka,

42
00:01:28,320 --> 00:01:29,640
peterelamik ning ati,

43
00:01:29,640 --> 00:01:32,200
tonok kanye bobuka kum winilamika ati,

44
00:01:32,200 --> 00:01:34,720
ayupu deice arye derelanmeke.

45
00:01:34,720 --> 00:01:36,200
Anang ara,

46
00:01:36,200 --> 00:01:38,560
Yohanes el dam yanmekce nyabik.

47
00:01:38,560 --> 00:01:39,320
“Anda,

48
00:01:39,320 --> 00:01:40,840
peterena deiyoknye ulyame.

49
00:01:40,840 --> 00:01:42,560
Ance nyapsulumnye,

50
00:01:42,560 --> 00:01:44,080
Yordan mek otam,

51
00:01:44,080 --> 00:01:46,760
an ap neika unmarumnye bira,

52
00:01:46,760 --> 00:01:48,580
ninye weik mek dongonmale.

53
00:01:48,580 --> 00:01:49,160
Tonda,

54
00:01:49,160 --> 00:01:50,080
ninye weik arye,

55
00:01:50,080 --> 00:01:52,360
‘El yupu kekepnuyap’ tenen,

56
00:01:52,360 --> 00:01:54,140
el dam uk yanganmake.

57
00:01:54,140 --> 00:01:54,880
Aning ara,

58
00:01:54,880 --> 00:01:55,600
teleb do,

59
00:01:55,600 --> 00:01:56,400
malye do.

60
00:01:56,400 --> 00:01:58,520
Anda yata tenepmalam do?”

61
00:01:58,520 --> 00:02:00,640
nyabuka asildenmek.

62
00:02:00,640 --> 00:02:01,920
Nyanmekba,

63
00:02:01,920 --> 00:02:04,600
Yohanes arye anang ati nyabuk.

64
00:02:04,600 --> 00:02:06,200
Yata nang do nirya,

65
00:02:06,200 --> 00:02:09,080
mambul fil dona deiyok ning dolonyaka ara,

66
00:02:09,080 --> 00:02:11,880
Allah im deice arye arepsutop ura,

67
00:02:11,880 --> 00:02:12,800
doproptingce,

68
00:02:12,800 --> 00:02:14,280
afil dopting bukni,

69
00:02:14,280 --> 00:02:15,680
Allah im deice arye,

70
00:02:15,680 --> 00:02:18,440
afil dona deiyok ning kum arepsilyop ura,

71
00:02:18,440 --> 00:02:19,840
afil kum doptinge.

72
00:02:19,840 --> 00:02:22,000
Anggun babye anggun kele.

73
00:02:22,000 --> 00:02:24,120
Na arye anggun ti nyapsise.

74
00:02:24,120 --> 00:02:26,600
“Allah arye wipdeibuknye,

75
00:02:26,600 --> 00:02:28,360
Ninye Lyena Deiyoknye,

76
00:02:28,360 --> 00:02:29,320
Kristus ara,

77
00:02:29,320 --> 00:02:31,200
na Yohanes kum unune.

78
00:02:31,200 --> 00:02:31,960
Allah arye,

79
00:02:31,960 --> 00:02:35,000
‘Ninye Lyenanye aminyan yanamla ati,

80
00:02:35,000 --> 00:02:37,080
kintinilin fil donamle’ tenen,

81
00:02:37,080 --> 00:02:39,480
na dobuka minopce dopdeipnuke.

82
00:02:39,480 --> 00:02:42,840
Weik mambulnye Kristus ara aminyan yanamle,”

83
00:02:42,840 --> 00:02:43,520
nyapsise.

84
00:02:43,520 --> 00:02:46,080
Winipmanto yupu ton nyapnusine.

85
00:02:46,080 --> 00:02:47,160
Ninye dona ati,

86
00:02:47,160 --> 00:02:48,720
aripnamace kil ara,

87
00:02:48,720 --> 00:02:50,360
akil dopnamalinye,

88
00:02:50,360 --> 00:02:52,200
elcuk akil talilamle.

89
00:02:52,200 --> 00:02:53,680
Akil dopnamalinye,

90
00:02:53,680 --> 00:02:55,080
el melina nang ara,

91
00:02:55,080 --> 00:02:56,520
talye uk unyak bukni,

92
00:02:56,520 --> 00:02:58,440
‘Nun kwit dan talak yanamle do?’

93
00:02:58,440 --> 00:02:58,920
tenen,

94
00:02:58,920 --> 00:02:59,880
kintinibikirye,

95
00:02:59,880 --> 00:03:01,560
kekena uk unyake.

96
00:03:01,560 --> 00:03:03,160
Winibuka daunmakiba,

97
00:03:03,160 --> 00:03:05,080
kil dopnamalinye yalirye,

98
00:03:05,080 --> 00:03:07,400
yupu nyaplibuk kekebicop ura,

99
00:03:07,400 --> 00:03:09,940
kanye deibuka fin-fin arye unyake.

100
00:03:09,940 --> 00:03:12,760
Anang kanye deibuka fin-fin arye ulamak touk,

101
00:03:12,760 --> 00:03:14,480
na babye atonun unune.

102
00:03:14,480 --> 00:03:17,960
Na ara kanye deibuka fin-fin weik arye akunum unune.

103
00:03:17,960 --> 00:03:20,880
Anggunce nyapmanulumnye Yesus ara,

104
00:03:20,880 --> 00:03:23,320
akunum yanmala ati nyapsine.

105
00:03:23,320 --> 00:03:26,880
Elda adip aryuk weik mambulnye upnin banamle.

106
00:03:26,880 --> 00:03:27,880
Na uk ara,

107
00:03:27,880 --> 00:03:31,920
el amutam unirye mitik mambulnye binyuk ununa anya arye,

108
00:03:31,920 --> 00:03:34,440
na si ara mitik upnin banamle.

109
00:03:34,440 --> 00:03:36,440
Na ara mambulnye kum atia.

110
00:03:36,440 --> 00:03:38,200
Yohanes arye nyabuk.

111
00:03:38,200 --> 00:03:40,320
Nyabukop ura,

112
00:03:40,320 --> 00:03:41,960
ayupu ton nyabuk.

113
00:03:41,960 --> 00:03:44,480
Im deice tam arye yalinye bira,

114
00:03:44,480 --> 00:03:47,200
aning-aning nirya deice tam ulirye,

115
00:03:47,200 --> 00:03:49,260
weik mambulnye ulule.

116
00:03:49,260 --> 00:03:51,320
Tukwak nang aryuk deipnik ati,

117
00:03:51,320 --> 00:03:53,760
na ara talye tukwaknye unirye,

118
00:03:53,760 --> 00:03:55,240
yupu uk nyanune.

119
00:03:55,240 --> 00:03:57,280
Im deice tam arye yalinye bira,

120
00:03:57,280 --> 00:03:59,800
aulul ning nirya deice tam ulirye,

121
00:03:59,800 --> 00:04:01,600
weik deiyoknye ulule.

122
00:04:01,600 --> 00:04:04,000
Im deice arye yayuknye birye,

123
00:04:04,000 --> 00:04:05,680
el elilamuk ning ap,

124
00:04:05,680 --> 00:04:06,920
kekelamuk ning ap ati,

125
00:04:06,920 --> 00:04:08,440
laka nyasulul bukni,

126
00:04:08,440 --> 00:04:09,960
tukwak ninye nirya arye,

127
00:04:09,960 --> 00:04:12,400
el yupu diba tenebuka kum kekenyake.

128
00:04:12,400 --> 00:04:14,920
Ton nang ara kum kekenyak bukni,

129
00:04:14,920 --> 00:04:18,400
yuk nang el nyasilye yupu diba tenebuka kekebicop ura,

130
00:04:18,400 --> 00:04:19,400
adeice arye,

131
00:04:19,400 --> 00:04:21,960
lak akarye nyasinyake.

132
00:04:21,960 --> 00:04:22,440
Ara,

133
00:04:22,440 --> 00:04:26,360
‘Allah elda fia dipkoprop yupu uk nyasulule’ tenen,

134
00:04:26,360 --> 00:04:27,280
kel kibika ati,

135
00:04:27,280 --> 00:04:29,440
sik diba tenenyak deice arye,

136
00:04:29,440 --> 00:04:31,320
yuk nang babye eibikirye,

137
00:04:31,320 --> 00:04:33,880
‘Allah ara dib yupu uk nyasulule’ tenen,

138
00:04:33,880 --> 00:04:35,480
kel kinyake.

139
00:04:35,480 --> 00:04:38,440
Allah arye tukwak mutuku dopdeipsuknye,

140
00:04:38,440 --> 00:04:40,480
elce talye yupu kume.

141
00:04:40,480 --> 00:04:42,640
Allah el dipkoprop yupu nyasulule.

142
00:04:42,640 --> 00:04:44,200
Allah arye anye biti,

143
00:04:44,200 --> 00:04:46,860
el Dib Kanye weik arye arilule.

144
00:04:46,860 --> 00:04:49,760
Ara mitika arye bokuka arina kume.

145
00:04:49,760 --> 00:04:51,280
Kum nukmanto fia weik,

146
00:04:51,280 --> 00:04:53,240
Allah arye el mikip ariliba,

147
00:04:53,240 --> 00:04:57,520
im deice arye tukwak mutuku yayuknye birye amikip dololule.

148
00:04:57,520 --> 00:04:59,720
Nun ni koprop Allah arye,

149
00:04:59,720 --> 00:05:01,120
el Mi Koprop ati,

150
00:05:01,120 --> 00:05:03,760
kanye deibuka el talima arilule.

151
00:05:03,760 --> 00:05:04,440
Ati,

152
00:05:04,440 --> 00:05:05,560
yata ning do nirya,

153
00:05:05,560 --> 00:05:07,800
Allah arye aning-aning nirya,

154
00:05:07,800 --> 00:05:09,520
el Mi Koprop ati aribukba,

155
00:05:09,520 --> 00:05:11,560
el taruk aryuk talilirye,

156
00:05:11,560 --> 00:05:13,800
aning-aning deice tam deiyoknye ulule.

157
00:05:13,800 --> 00:05:15,800
Yata nang do nirya,

158
00:05:15,800 --> 00:05:17,240
Allah el Mi Koprop ati,

159
00:05:17,240 --> 00:05:18,920
diba tenebicop ura,

160
00:05:18,920 --> 00:05:21,680
Allah arye kam una deiyok ning ariliba,

161
00:05:21,680 --> 00:05:23,320
fia kam unamake.

162
00:05:23,320 --> 00:05:23,880
Bukni,

163
00:05:23,880 --> 00:05:25,360
Allah el Mi Koprop ati,

164
00:05:25,360 --> 00:05:26,560
‘Nun like’ tenen,

165
00:05:26,560 --> 00:05:28,400
batakice ninye nirya ara,

166
00:05:28,400 --> 00:05:29,720
Allah arye aninye ati,

167
00:05:29,720 --> 00:05:32,920
yu kiplirye weik arye wenebuka opnamle ati,

168
00:05:32,920 --> 00:05:34,880
kam un ning kum dopdopnamake.

169
00:05:34,880 --> 00:05:35,920
Sik dibikibuk,

170
00:05:35,920 --> 00:05:37,240
tuba tamubuka tonap,

171
00:05:37,240 --> 00:05:38,600
kam fia kum unamake.

172
00:05:38,600 --> 00:05:40,240
Allah arye aninye wenena ati,

173
00:05:40,240 --> 00:05:42,800
el yu sik deice tuba delinamle.

174
00:05:42,800 --> 00:05:47,960
Yohanes arye ayupu nirya nyabuk.