\id PHP - Iñupiat New Testament [esi] Alaska, USA
\ide UTF8
\h PHILIPPIANS
\toc1 Paul Tuyuutiŋich Philippi-ġmiunun
\toc2 Philippians
\toc3 Php
\mt1 PAUL TUYUUTIŊICH PHILIPPI-ĠMIUNUN
\is1 Iḷitchuqqutit
\ip Inillaqqaaqtamiñun aŋaayyuvigmun tuyuŋaniqsuq Paul Rome-mi tigutaaqtaullaġmi. Isumaaluutiqallaġmi akiḷḷiqsruu­taannik ukpiqtuat suli anniġñautiqaqhuni iḷumun inŋitchuatigun iḷisaurrutinik aŋaayyuvigmi Philippi-mi. Tainnasiq itkaluaŋŋaan una tuyuun qaitchiruq quviasuunmik suli nalupqisuutairrunmik inuaŋaŋitchuakun Paul ukpiġutaagun Jesus Christ-mi.
\ip Tuyuġnasuaqtuaŋamagai ukpiqtuat quyyatiqaqłuni ikayuu­taatigun piqaqtuksraġuqami. Piviksraq atuġaa taqiŋatquŋił̣ł̣ugich suli sivuuqqataitquvlugich iłuiḷḷiuġutiqpak itkaluaqtillugu ilaani naagga iliŋiññi. Jesus tuvraquvlugu iŋiulagai kamanaqsiḷi­quŋił̣ł̣ugich suraġautchimiqun. Itqaqtitkaluamiiġaġigai piqatau­niq Christ-mi aitchuutaunivḷugu nagliktuutikkun, aasii iliŋiññun akuqtuġnivḷugu ukpiġutikkun kamakkutiqaġnikunŋiḷaaq Jew-guruat pitquraŋiññik. Quliaqtuġaa quviasuun suli tutqiun God-im qaisimaaqtaŋa piqatauruamun Christ-mun.
\ip Tuyuun una uqaluqaqtuq quviasuunmik, nalupqisuutairrun­mik, paammaaġigñiġmik, suli piñaiḷutam iḷuani sivunmuuniġmik ukpiqsimaaġniġmi. Suli salapqiqł̣ugu piviuttaqqutiqpaŋa Paul aŋaayyuviannun Philippi-ġmiut.
\is1 Avgutit
\io1 Sivulliqsaaġun 1.1-11
\io1 Paul ilaan apqusaaŋaraŋi 1.12-26
\io1 Iñuuniaġniq Christ-mi 1.27–2.18
\io1 Sivunniuġutit Titus-kullu Epaphroditus-kullu 2.19-30
\io1 Qaunakłaaquriruq akiḷḷiḷiqsuiruaniglu anayanaqtuaniglu 3.1–4.9
\io1 Paul-lu avilaitqatiŋiḷu Phillipi-ġmiut 4.10-20
\io1 Aġiusaun 4.21-23
\c 1
\p
\v 1 Ukua tuyuutit qairut ilivsiññun Paul-miñ Timothy-miḷḷu, kivgau­ruaŋniñ Jesus Christ-mun. Tuyuutaurut iluqaiññun Philippi-miittuanun ilaaguaqtauruanun God-mun ukpiqłutiŋ Christ Jesus-mun, taputivlugich umialiŋnallu tiikallu.\x + \xo 1.1 \xt Ac 16.12.\x*
\v 2 God-tiptuq Aapapta Atanġuvlu Jesus Christ tutqiutiqaqtillisi naglik­tuusiaqpaqaqtillusiḷu.
\s1 Paul Aŋaayyutigai Taiguaqtuksrat Tuyuunmiñik
\p
\v 3 Quyyavigisuugiga God-tiga itqalimaaqavsi,
\v 4 ataramik aŋaayyutipayaamni aŋaayyutisuugivsi quviasuutiqaqłuŋa,
\v 5 quyyatigivlugu ikayuqavsiŋa savaamni alġaqsruivḷuŋa tusaayugaa­ġiksuamik uvlumiñ-qaŋa ukpiliqqaaġataġnivsiññiñ paŋmapaŋmun-aglaan.
\v 6 Aasii nalupqisuŋitchuŋa God-im isagutipkaiŋaruam savaaġiksuamik iḷuvsiññi iglaupkaġniaġaa taamna naatiḷġataġlugu qaiñiŋanun-aglaan Jesus Christ.\x + \xo 1.6 \xt Ps 138.8.\x*
\v 7 Piviuttaġiqpakkivsi. Nalaunŋaruamik quviasuutiqaġumiñaqtuŋa nalupqigiŋiḷḷusiḷu qanuq piqatigiŋagivsiŋa savaaksrirrutaani God-im paŋmapaglu tigutaaqtaukama tigutaaqtauŋaiñŋaġmalu kukiḷullaŋ­ŋaġma ukpiliqsinniaqługich iñuich tusaayugaaġiksuaq Jesus Christ-kun kisimi annautauyumiñaġnivḷugu, aasii ukpiġiraksraġinivḷugu.
\v 8 God iḷisimaruq iḷumun uqaqtilaamnik uqallakama kipiġniuttaġipiaġnivḷugu nayuqsiutisukłusi, Christ Jesus tainna irrusiqaqtitkaaŋa iḷumni.
\p
\v 9 Uvva aŋaayyutigivsi inna. Aŋaayyutigivsi piviuttaqqutiliqsaiñña­quvlusi, iḷumun ittuaġlu iḷitchuġisaiññaquvlugu, suli nalaunŋaniqsrauruamik sivunniutiksravsiññik,
\v 10 sivuniksraqtaaġiyumiñaqsiḷugu iłuaġniqsrauruaq. Tainna piguvsi, piḷuutiqaġniaŋitchusi pasirauniaŋitchusiḷu Christ qaikpan.
\v 11 Aasiisuli tainna piguvsi, ataramik iłuatun iñuuniaqtusi supayaakun ikayuqtiqaġlusi Jesus Christ-mik, iñuŋnun nanġaġumiñaqsiḷugu God kamanaqsiḷiġlugulu.
\s1 Iñuuniq Sivuniqaqtuq Christ-mik
\p
\v 12 Aniqatiitkaa, iḷisimatqugivsi tigutaaqtaunimni piruat uvamnun siamitivsaaqsiññaŋagaat tusaayugaaġiksuaq.
\v 13 Uvuŋaqamaqaŋa iluqaġmiŋ munaqsrich umialgum igluqpaŋani iluqaġmiglu allat uvaniittuat iḷitchuġiŋarut tigutaaqtautilaamnik pisigivlugu Christ-mun kivgauniġa.\x + \xo 1.13 \xt Ac 28.30.\x*
\v 14 Suli tigutaaqtauniġma qapiŋaiqsaaŋagai aniqatit nalupqisuŋaimma­ġiksaaqługich ukpiġunmiŋni Ataniġmun, aasii iqsisaiqsiññaqłutiŋ alġaqsruutigivlugu God-im uqalua sivuuġaŋaiqł̣utiŋ.
\p
\v 15 Iñuich iḷaŋisa alġaqsruutigiŋagaat Christ killuqsraqłutiŋ qanaa­ġuksiññaqłutiŋ, aglaattauq allat alġaqsruutigiŋagaat pisuutigikł̣utiŋ.
\v 16 Tamatkuali aqulliich alġaqsruirut piviuttaġivluŋa iḷisimavlutiŋ God-mun savaaksriñŋatilaamnik, taluqsraŋaiġḷuŋa uqautigitquvlugu tusaa­yugaaġiksuaq nalaunŋaruakun.
\v 17 Allalli iñuich alġaqsruutigiŋitkaat Christ pipiaġataġlutiŋ, aglaan uvaŋa killuġivluŋa. Tainna alġaqsruirut isumavlutiŋ iłuiḷḷiuqtivsaaġuk­kaluaqłuŋa tigutaaqtaunnamni.
\v 18 Suŋitchuq. Quviasuutigigiga Christ alġaqsruutigiyumiñaġmarruŋ qanusipayaakun piñaġumiñaqtuakun, sunŋutikkaluakun naagga iḷumi nalaunŋaruakun irrusikun. Quviasuutigivsaaġniaġmigiga,
\v 19 iḷisimavluŋa pisigilugich aŋaayyurriñisi uvamnik, ikayuusiaġalu Ilitqusiġiksuaŋaniñ Jesus Christ, tigutaaqtauŋaiqsitauniaqtuŋa.
\v 20 Kipiġniupiaġataqtuŋa piyummatigipiaġigalu suuramikunnii inuqtit­chisuŋił̣ł̣uŋa piraksriusiamnik Christ-miñ, aglaan ataramik paŋmapak-unnii qapiŋairrutiqapiaġuktuŋa supayaatigun pikkapkun Christ nanġausiaqaquvlugu, iñuugaluaġuma naagga tuqugaluaġuma.
\v 21 Qanuq iñuunimni iñuusiġisutualukkiga savautilugu Christ. Aasii tuqugaluaġuma uvamnun anniqsuutaułhaaġniaqtuq.\x + \xo 1.21 \xt Ga 2.20; Col 3.4.\x*
\v 22 Aglaan iñuuguma anniqsuutauvsaaġumiñaġmiuŋa savaapkun. Nal­liaŋnik tigusisausiitchuŋa.
\v 23 Qanuqsausiitchuŋa, iñuuluŋa naagga ullaglugu Ataniq. Qimagupia­ġaluaġiga maani iñuuniq aasii nayuqsiutilugu Christ, qanuq taamna nakuułhaasaktaqtuq.
\v 24 Aglaan ilivsi pisigilusi iñuuruksraułhamaaqtuŋa.
\v 25 Iñuuniaqtilaaġa-suli nalupqigiŋitkiga, Iḷisimaruŋa tuqutauniaŋisilaamnik uvani tigutaaġviŋmi. Iñuuniaqtuŋa-suli ikayuġuglusi suaŋasiḷaaġuglugu quvianaqsiḷaaġuglugulu ukpiġurri.
\v 26 Aasii pisigilugu tigutaaqtauŋaiġñiġa utaqqiguvsi atqunaġlugu nanġaġniaġiksi Christ Jesus.
\p
\v 27 Uvva una naumałhaaqtuq. Iñuuruksraupiaqtusi Christ iñuutqutaatun iñuŋmiñun, uvaŋa tautukkaluaġuvsi naagga tautuŋitkaluaġuvsi, tusaayumiñaġumauŋa atipiaġataqłusi iñuutilaavsiññik atausiq sivuniġivlugu una, taluqsraŋaiqł̣usi quliaqtuaġitilaaŋanik tusaayugaaġiksuaq iñuich ukpiqtirrutiksraŋat God-mun.
\v 28 Iqsitchaktinnasi akiḷḷiḷiqsuqtivsiññun. Qulluaŋairrutivsi qanuqpisiiḷḷiñiaġai suksraunġiqsauniaqtilaaŋannik, suli ilivsi annaurrauyumaaqtilaavsiññik, qanuq God-im akimmasiġaasi.
\v 29 Qanuq Christ ukpiġumiñaqsigiññaŋaitkaasi inmiñun aglaallu nagliksautigipkaġumiñaqsivḷuni ilivsiññun.
\v 30 Tavra iḷaalliutiyumiñaqsiŋarusi uvamnun qapiyaiḷḷusi quliaqtuaġiguvsiuŋ tusaayugaaġiksuaq. Aŋuyaŋniqtun taamna ittuq qiñiġaġikavsiŋa qaŋapak qulluaŋaitchuaŋaa suli tusaavlusiḷu paŋmapak-unnii qapiyaisilaamnik.\x + \xo 1.30 \xt Ac 16.19-40.\x*
\c 2
\s1 Christ Kamanaiqsauruq Kamanaqsipkaqtauruġlu
\p
\v 1 Tavra uvagut atausiŋŋuqatigiŋavlugu Christ qapiŋaisaaġutiyumi­ñaqtugut avanmun, suli Christ piviuttaqqutaata ikayuutipkaqtaġu­miñaġmatigut avanmun, suli piqasiutiŋavluta Ilitqusiġiksuamun nagliktuutiraġaġumiñaqsiŋavlutalu avanmun iḷunŋusuutikullu,
\v 2 quviatchaksapiaġataqsiŋa isummasiñiglusi uvaptun, piviuttaqqutilusi avanmun atunim, atisiŋalusi ilitqutchivsiññi isumavsiññiḷu.
\v 3 Siŋñatiqaġnasi piġuqtiġnasiḷu aglaan kamasaaġutaiḷḷusi avanmun, isumaqaŋaiġḷusi nakuułhaaġasugalusi allaniñ iñuŋniñ.
\v 4 Ilivsiññun kisian kipiġniuġutigiŋaiġḷusi, aglaallu allat iñuich kipiġ­niuġutilugich.
\v 5 Isumaqaqtuiññaqtuksraurusi Christ Jesus isumaqausiatun.
\v 6 Jesus Christ Iġñiq taimaŋŋaqaŋa God-tauruaq Aapamisun, ilaan taamna tainna irrusiñi piġuqtiġutigiŋaitkaa atiqasiutiniaġluni God-mun.\x + \xo 2.6 \xt Jn 1.1-3; Col 1.15.\x*
\v 7 Aglaan inmiñik pisuksiññaqłuni ilaan atuŋisaallaŋagaa God-mun nalliummatinini, aasii kamanaiqł̣uni kivgaġuŋaruq. Ilaa aniŋaruq aakamiñ iñuktun, qiññaqanikłuni iñugruiññatun.
\v 8 Aasii iñuguqami kamasaaŋił̣ł̣uni kamagiŋagaa God supayaakun, tuquvluni-unnii kikiaktuurrauvluni aŋarrauramun pitquranik navguiritun.\x + \xo 2.8 \xt Mt 26.39; Jn 10.18; He 5.8.\x*
\v 9 Taamna pisigivlugu God-im atqunaqługu kamanaqsipkaŋagaa suli atchiqł̣ugu atiġmik kamanałhaaqtuamik atipayaaniñ,\x + \xo 2.8-9 \xt He 2.9; 12.2.\x*
\v 10 iluqaġmiŋ qiḷaŋmiittuat nunamiittuallu nunam ataaniittuallu sitqu­quvlugich qiksiksrautikun Jesus-mun.
\v 11 Suli iluqaġmiŋ iñuich iḷisimanaqsiḷugu uqallausiġiniaġaat Jesus Christ Atanġuniḷugu. Tainna pikparruŋ God-ttauq Aapa nanġaqtau­niaġmiuq.\x + \xo 2.10-11 \xt Is 45.23.\x*
\s1 Ukpiqtuat Ittut Qaummaqtun Nunam Iñuŋiñun
\p
\v 12 Tavraasii piviuttaġikkavsii, kamagisuuŋakavsiŋa nayuqavsi, naumałhaaqtuq kamagiugaġuvsiŋa nayuqtigiŋitkaluaqtillusi uvamnun. Iñuusitchi uvluutiraġimmasi qanuq annaurrauŋaruat iñuutqusiaŋatik­tun, kamagiugaġlugu God qiksigilugu atqunaq, sivuuġagilugu kamaksriŋiññiksraqsi ilaanik.
\v 13 Qanuq God savaktuq iḷuvsiññi piyummasiqsuqłusi sunik ilaan pitqukkaġmiñik suli taŋŋiqsillavlugich.
\p
\v 14 Supayaat pisigik uqaalaŋaiġḷusi naagga qapiqtaiḷḷisigiŋaiġḷugich,
\v 15 pasiñaġumiñaitchumausi iḷumutuuqtuagulusiḷu God-im miqłiqtuŋi, qanuqinniġausiaksraiḷḷusi iñuullavsi akunġanni pigiitchuat uniuŋaruallu iñuich. Akunġanni tainnatchich iñuich taaqtuatun ittuat, ilivsi qaummaġiksuksraurusi qaummatitun,\x + \xo 2.15 \xt Dt 32.5.\x*
\v 16 quliaqtuaġutilugich iliŋich God-im uqaluŋiñik iñuupkaiḷḷaruanik. Tainna piguvsi, quviasuutigiyumiñaġniaġivsi Christ qaġġivia uvluq tikitpan, iḷitchuġiluŋa savaaġa ilivsiññi anniqsuutauŋatilaaŋanik.
\v 17 Tuqutauyumaaġaluaġumaunnii, quyaruŋa quviasuqatigigivsiḷu iluqasi. Qanuq aŋaayyuliqsiqpaum kuvviqivlugu naimasuġnaqsiḷaaġma­tun ikipkaun ikipkaiviŋmi, tainnatulli auga maqigumi iḷḷatauniaġmiuq ukpiġutivsiññun akuqtuġnaġumiñaqsiḷaaġutauluni aitchuun God-mun.
\v 18 Tainnatulli ilivsi quyaruksraummiusi, suli quviasuutivsiññi piqatigi­luŋa.
\s1 Timothy-lu Epaphroditus-lu
\p
\v 19 Atanġum Jesus pisuutigikpagu, piyummatigigiga tilisukługu Timothy ilivsiññun qilamipayaaq, quviasaaqtausukłuŋa tusaalluata­ġuma ilivsigun.\x + \xo 2.19 \xt Ac 16.1-3.\x*
\v 20 Piitchuŋa allamik iñuŋmik Timothy-tun ittuamik, kipiġniupiaġataġluni uŋiarrisaqaġniaqtuamik anniqsuġumavlusi.
\v 21 Iñuich maani allat iluqaġmiŋ qaunagigaich ilaisa kipiqqutitiŋ, qaunagiŋaiqł̣ugich kipiġniuġutit Jesus Christ-kun.
\v 22 Aglaan Timothy-m nalliummatiniŋa iḷisimagiksi savaqasiqsuġmaŋa alġaqsriuñiġmi tusaayugaaġiksuamik. Savaqasiqsuŋagaaŋa iġñiqtun savaqatauruatun aapamiñun.
\v 23 Tavraasii tiliyumaaġiga ilivsiññun iḷitchuġipqauraġuma qanuqtau­niaqtilaamnik,
\v 24 aasii ukpiġigiga Ataniq uvaŋaptauq qaiñiaqtilaamnik qilamipayaaq.
\p
\v 25 Isummatigiŋagiga tiliraksraġipiaqługu ilivsiññun Epaphroditus aniqatikput savaqatiga aŋuyaqatigalu, ilivsivsauq kivgaqsi savaktitaqsi ikayuqtigipkaqługu uvamnun,
\v 26 ilaan kipiqqutigimmigaasi tautugukłusi iluqasi, suli isumaaluŋammiuq tusaaŋaniqavsi naŋitilaamiñik.
\v 27 Naŋipiaġataŋaruq tuquqqayaqtaallaġmi. Aglaan God-im nagligiŋagaa, kisianami nagligiŋitkaa aglaan uvaŋalu, iḷaanni isumaaġutiqav­saaġasugaluŋa.
\v 28 Kipiġniuttaġiłhaaġiga tilisukługu quviatchaquvlusi taututqikkuvsiuŋ, aasiiḷi uvaŋa isumaaluutaiġḷuŋa.
\v 29 Paġlayumagiksi quviasuutiqpakun paġlammatuttauq allat ukpiqtuaguqatisi. Suli isummatigilluataġaġusigik iñuich ilaatun ittuat,
\v 30 qanuq ilaan tuqqutigiqqayaŋagaa savaani Ataniġmun, anayasaaqługu iñuggunni naatinniaqługu savaaqsi uvamnun.
\c 3
\s1 Ukpiqtuaġuġniq Nalaunŋaruakun
\p
\v 1 Tavraasii aniqatiitkaa, quviasuutigisiuŋ Ataniq, Tuyutqigaġniq ilivsiññun pitqigaqługich sivuani tuyuutigiŋaratka ilivsiññun piḷaiġ­ñaitchut uvamnun, anayanaiyautaugiññaqtut ilivsiññun.
\v 2 Quviqtaiḷisitchi iñuŋniñ pigiiḷḷiqiruaniñ, taigitka qimmiñik, iñuich uqaqtuat nalunaigutchigaksraunivḷusi timivsiññi annaurrauniaġuvsi.
\v 3 Uvagut iḷumun God-im miqłiqtuġigaatigut pisigisuŋaġnagu timivut nalunaiñŋutchiŋaniḷugich, aglaan savautivlugu God ilaan Ilitqusiġiksuaŋan ikayuqłuta, suli nanġaqługu Jesus Christ iñuggutiqaqtitchiruaq isuitchuamik. Ukpiŋitchugut qaałhiñakun piraġausiñun annautiniaġni­ḷuta.\x + \xo 3.3 \xt Jr 4.4; Ro 2.28-29; Ga 6.14-15; Col 2.11-13.\x*
\v 4 Tavra kiñaliqaa annaurrauyumiñaġniqpan pisigilugu Jew-gunini, qaałhiñakullu piraġautchich kamagilugich, nalupqisuŋił̣haaġayaqtuŋa annaurrauniaqtilaamnik allaniñ iñuŋniñ.
\v 5 Nalunaiñŋutchiqsauŋaruŋa anikama tallimat piŋasuni uvlianikama. Israelite-guruŋa aniñipkun, maŋŋuġivlugu Benjamin, auga allamik avuiḷaaq Hebrew-piaġataq. Kamagiŋagitka Jew-guruat pitquraŋich qaunakłaapiaqłuŋa Pharisee-guvluŋa.\x + \xo 3.5 \xt a Ro 11.1. b Ac 23.6; 26.5.\x*
\v 6 Suli kipiġniuqpaił̣ł̣uŋa iñupayaanun kamagitquvlugich pitqurat nagliksaaqtinŋagitka aŋaayyuliqiruat. Iñuk qanutun nalaunŋasiyumiñaqti­giŋakpan kamagilugich pitqurat piraksriutiŋich, pasiñaġumiñaiñŋa­ruŋa.\x + \xo 3.6 \xt Ac 8.3; 9.1-2; 22.4; 26.9-11.\x*
\v 7 Aglaan tamatkua isummatigisuuŋaratka anniqsuutaunasugalugich annaurrauniksrapkun paŋmapak isummatigiliġitka piñaiḷutauvlugich annaurrauniksramun, qanuq Christ kisimisualuk annautigaaŋa.
\v 8 Isummatigiłhiñaŋiñmigitka tainna tamatkua kisiisa, aglaallu supayaat suksraallapiaġitka anniqsuutauŋaiqł̣ugich urriqatausaqpata anniqsuutaułhamaaqtuamun iḷitchuġivlugu Jesus Christ uvaŋa Ataniġa. Ilaa pisigivlugu isummatigiliġitka tamatkua iluqaisa iktaksratun, igiłługich anniqsuutauyumiñaiñmata, pigisukługu Christ,
\v 9 suli atausiŋŋuqatigisupiallakługu. Tavraŋŋaaglaan isumaqaŋaiqsuŋa uvamnik nalaunŋasiyumiñaġluŋa sivuġaani God-im kamagiugaqsiñ­ñaġlugich pitquraŋi. Paŋmapak akuqtuġumiñaqsigaaŋa God-im qanuq ukpiġigiga Jesus Christ. God-im nalaunŋasipkaġaaŋa sivuqqamiñi ukpiġikapku Jesus Christ.
\v 10 Pigisutualukkiga iḷitchuqsriñiq Christ-mik aunniummaġiksiḷugu, suli iḷisimallasiḷugu iḷumni suaŋŋan aŋipkaiŋaruaq tuqqunmiñ ilaanik, suli iḷaŋiutiluŋa nagliksaaqtirrusiaŋiñiñ, nagliksaaqtitauluŋa ilaa pisigilugu, tuquyumaluŋa ilaatun,\x + \xo 3.10 \xt Ro 6.11-13; 8.29; 2 Co 3.18; Ga 4.19.\x*
\v 11 qakugukpan aŋipkaqtitauyumiñaġumauŋa tuqqunmiñ iñuggunmun.
\s1 Aqpauġniq Akimasaqłuni
\p
\v 12 Uqallautiga sivuniqaŋitkiga naamasipiaġataŋaniḷuŋa ataramik iñuullasiḷuŋa Christ-tupiaġataq, aglaan siġġaqiruŋa-suli Christ Jesus-tun iḷisaiññaġukłuŋa qanuq taamna pisigivlugu ilaan annautiŋagaaŋa.
\v 13 Aniqatiit, iḷisimaruŋa tainnaiḷiŋaisilaamnik-suli. Atausiq sivuniġi­liutiŋagiga iñuusimñi, itqaumaŋaiġukługich iluqaisa sivuani piŋaratka, aasii paŋmapaŋmiñaglaan pisuqtilaaġluŋa iñuulluatapiaġniaġluŋa Christ-tun.
\v 14 Aqpaliurraqtitun siġġaqiruŋa sivunmun tikitqaurraqługu killi, akiñ­ñaktaaġisukługu iñuuniksraq paŋmani. Taamna pisigivlugu God-im ququaŋagaaŋa Christ Jesus-kun.
\v 15 Tainnauvva iluqata isumaqaqtuksraugaluaqtugut, iluqata aglirak­sraiŋaruaguut ukpiqtuaguniptiŋni. Aglaattauq iḷasi isumaqaqpata allauruamik, God-im sivuniqsipkaġniaġmigaasi uqalutka nalaunŋati­laaŋannik.
\v 16 Qanupayaaq taamna isummatigigaluaġuvsiuŋ, pisuqtilaavsisun iñuulluataġniḷugitchi paŋmapak kaŋiqsisilaavsisun qanuq God-mun nalaunŋaruakun iñuutqutilaavsiññik.
\p
\v 17 Aniqatiit, iluqasi tuvraqsiŋa nalaunŋaruakun iñuuniaġusimñi. Iñuusiġa naipiqtuutauli iñuŋnun iḷisimanaġumiñaqsiḷugich kisuutilaa­ŋat iḷumutun ukpiqtuaguruat,\x + \xo 3.17 \xt 1 Co 4.16; 11.1.\x*
\v 18 qanuq iñugiaktuat iñuich iñuusiqaqtut akiḷḷiḷiqsuġmatun pivḷugu Christ tuqqutaa aŋarraurami. Uqautiŋagivsi tainnaittuanik iñuŋnik sivuani, aasii paŋmapak uqallautivsaaġivsi qulvisigivlugich.
\v 19 Kaŋŋiññiaqtut nagliksaaġviŋmun god-tiqaqtut timimiŋ pisuguukka­ŋiññik, kamasaaġutigigaich kanŋugiraksraġaluatiŋ, isumagiqpaksiñ­ñaqługich nunamiŋŋaqtauruat sut.
\v 20 Aglaan uvagut aimaaġviksrautigigikput qiḷak. Tatpaŋmaŋŋa niġiu­gipiaġikput utiġumaaqtuaq Ataniq Jesus Christ annaurrikput.
\v 21 Ilaan allaŋŋuġniaġai tuqusuuruat timivut iḷipkaqsaġlugich ilaan aŋipkaqtauŋaruatun timimisun, suaŋŋatikun atanniqsimapkaiḷḷasirua­kun ilaanik supayaanun.
\c 4
\s1 Iḷisaurrutit
\p
\v 1 Aniqatiitkaa, taamna pisigilugu asiñuutipkaqsaiḷipiaġitchi tamatkunaŋŋa iḷisaurrutiniñ Atanġum iñuusiġitqukkaŋiñiñ ilivsiññun. Piqpagnapiaqtusi uvamnun suli tautugulipiaġataġivsi. Ukpiqtuaġuġ­niqsi pisigivlugu quviasugniaqtuŋa akiḷiusiaqaġluŋalu qiḷaŋmi.
\v 2 Apiġigiptik Euodia Syntyche-lu atisitquvlutik aniqatigiisun iḷiḷutik atausiŋŋuqatigiŋakaptitku Ataniq.
\v 3 Aasii apiġimmigikpiñ iḷumun savaqatiiŋ, ikayuquvlugik taapkuak aġnak, qanuq siġġaqivlutik savaqatigiiŋaruk ikayuqłuŋa tusaayugaa­ġiksuaq siaminman, piqatigivluguptauq Clement allallu savaqatitka, atiŋich ittuat makpiġaaŋiñi God-im iñuuruatigun.
\p
\v 4 Atanġum quviasuusiġḷisi ataramik. Uqallautigivsaaġiga, quviasugitchi.\x + \xo 4.4 \xt 1 Th 5.16.\x*
\v 5 Iñupayaat piavsaurraŋaiġḷugich. Ataniq qaiyasiruq.\x + \xo 4.5 \xt Ps 119.151.\x*
\v 6 Uŋiarrisigiŋaiġḷugich supayaat aglaan supayaat aŋaayyutigiguvsigik apiġilugu God pigiraksraġikkavsiññik, ataramik quyyavigilugu.\x + \xo 4.6 \xt Col 4.2-7; 1 Th 5.17-18.\x*
\v 7 Tainna piguvsi piginiaġiksi God-im tutqiksirrutaa kaŋiqsianikkumi­ñaisaktakkaqsi. Ilaan tutqiutiqaqtinmasi suuramikunnii uŋiarrisiqaġ­niaŋitchusi, qanuq atausiŋŋuqatigiŋagiksi Christ Jesus.
\p
\v 8 Aqulliq uqallautiksraġa tuyuutimni uvva aniqatiitkaa, isumagi­tuiññaqsigik taŋŋiqsimaaġuglugich sut nakuuruat nanġausiaqaġnaġu­miñaqtuallu, ami sut iḷumun ittuat, nakuuniqsrauruat, nalaunŋaruat, piḷuutaitchuat, iviġaumanaqtuat, uqautikkusiaqaġluataġnaqtuallu.
\v 9 Iñuusiġisigik sut iḷisasi akuqtukkasiḷu uvaŋa uqalumniñ iñuusimñiḷḷu. Aasii God-im tutqiutiqaqtitchiruam uvaptiŋnik nayuġniaġaasi.
\s1 Quyanaaġutit Aitchuutitigun
\p
\v 10 Qanutun quyatchaktigiruŋa suli qanutun nanġaqtigigiga Ataniq pisigivlugu ikayutqiksalgiññavsiŋa. Iḷisimaruŋa ataramik tuyuġuma­suugaluaqtilaavsiññik ikayuutiksravsiññik piyumiñaqsiraġikavsi, aglaan piviksraisiqtuŋavlusi tuyulaiñŋarusi.
\v 11 Taamna uqallausiġiŋitkiga pisigilugu piiḷḷiuġniġa qanuq iḷitchiŋaruŋa apaigiyumiñaqsiŋavlugu pigikkaġa.
\v 12 Iḷisimaruŋa qanuqitilaaŋanik piiḷḷiuqtuni, iḷisimammiuŋa-suli qanuqitilaaŋanik iḷaŋaniiqsuni. Uumiŋa iḷitchiŋaruŋa, sumipayaaq qanutchimun tikiutigaluaqama niqaiḷḷisaaŋiññama naagga kaaksiugalua­qama, piiḷḷisaaŋitkaluaqama naagga piiḷḷiuliġaluaqama qanuqpalla­yuitchuŋa.
\v 13 Suaŋŋatiqaqtuŋa manimmiyumiñaqługu qanusiḷimaaq nalautaksraq suaŋŋatigivlugu Christ suaŋŋasiutaa uvamnun.
\p
\v 14 Aasiivsauq nagliktauŋammiusi piqataukavsi iłuiḷḷiuġutimni.
\v 15 Ilivsi Philippi-ġmiut iḷisimarusi, alġaqsruisugaaqama tusaayugaa­ġiksuanik aullaqłuŋa Macedonia-miñ, nalliataunnii aŋaayyuliqiruat ikayuŋaitkaanŋa aitchuiḷutiŋ aglaan ilivsi kisivsi.
\v 16 Thessaloni-kamiitilluŋa tuyuŋarusi uvamnun ikayuutinik malġuiq­suaqłusi.\x + \xo 4.16 \xt Ac 17.1.\x*\x + \xo 4.15-16 \xt 2 Co 11.9.\x*
\v 17 Aitchuusiaqaqsiññaġuŋitkaluaġmiuŋa, aglaan akiḷiusiaqallasitqum­migivsi taimanigu pisigilugu nagliktuiñiqsi uvamnik.
\v 18 Paŋmapak piqaqtuŋa iluqaiññik pigiraksraġikkamnik, sippaksra­qaqtuŋaunnii, aitchuusiaqaqłuŋa iḷaŋaniñ aitchuutivsiññik tuyuutigik­kavsiññik Epaphroditus qaimman. Tamatkua tivraġiksuatun ikipkauti­tun aitchuutauruatun God-mun ittut, akuqtuġnaġumiñaqłutiŋ iviġau­manaqłutiglu ilaanun.\x + \xo 4.18 \xt Ex 29.18.\x*
\v 19 Aasiiḷi God-igikkaġma piqaqtinniaġaasi iluqapayauraŋiññik pigirak­sraġikkavsiññik inuaŋaitchuanik quviasaaġusianik qiḷaŋmiñ, pisigilugu atausiŋŋuqatauŋaniqsi Christ Jesus-mun.
\v 20 God-ikput Aapalu nanġaqtauli isuitchuamun. Amen.
\s1 Paġlasuiqsaaġutit
\p
\v 21 Paġlagivut iluqaisa Christ Jesus ilaaguaqtaŋi God-mun. Aniqatiit nayuutiruat uvamnun paġlagaasi.
\v 22 Iluqaġmiŋ ukpiqtuat paġlagaasi, paġlałhamaaġaasi umialgum Caesar-m igluqatiŋisa.
\v 23 Ataniq Jesus Christ naglikkutiqpaqaġli ilivsiññun.