\id 2TH - Iñupiat New Testament [esi] Alaska, USA
\ide UTF8
\h 2 THESSALONIANS
\toc1 Paul Alġaiŋich Tuyuutiŋisa Thessalonica-ġmiunun
\toc2 2 Thessalonians 
\toc3 2 Th
\mt1 PAUL ALĠAIŊICH TUYUUTIŊISA THESSALONICA-ĠMIUNUN
\is1 Iḷitchuqqutit
\ip Kaŋiqsiumalluataŋitchuat Christ-gum qaitqigñiaġniksraŋa­gun atinġiqsittaġigai aŋaayyuviuruat Thessalonica-mi. Paul-gum Tuyuutitqiunmiñi Thessalonica-ġmiunun uqausiġiŋagaa iḷaŋisa isummataat Atanġum qaitqigñiksraŋa qaaŋianiŋanasugalugu. Paul natqiŋagai uqallautivlugich Christ qaitqiŋaunnagu piḷuutiq­pak naumaniaġnivḷugu, aullariqaġluni iñugmik taggisiqaqtuamik Piḷuktuamik, paaqłagniaqtuamik Christ-mik.
\ip Tuyuqtuam taiguaġniaqtuat uqallautitqigaaŋagai tuniqsimat­quvlugi ukpiqqutimigni nagliksaaġutitunnii qitqanni, iñuunia­quvlugich savauraġlutik Paul-guvlu savaqatiŋisalu piḷġusiatun, suli sivunmuutquvlugi savaurriḷḷuataġniġmi.
\is1 Avgutit
\io1 Sivulliqsaaġun 1.1-2
\io1 Nanġautit 1.3-12
\io1 Itqanaiyautit qaitqigñiksraŋagun Christ 2.1-17
\io1 Siḷġiqsuun ukpiġniaqtuagunikun 3.1-15
\io1 Aġiusaun 3.16-18
\c 1
\p
\v 1 Paul-lu Silvanus-lu Timothy-lu tuyuqtut ukuniŋa tuyuutinik aŋaayyuliqiruanun iniqpaŋmi atiqaqtuami Thessalonica-mik, tamatkunuŋa atausiŋŋuqatauŋaruanun God-mun Aapaptiŋnun, Ataniġmullu Jesus Christ-mun.\x + \xo 1.1 \xt Ac 17.1; 1 Th 1.1.\x*
\v 2 Nagliktuusiaqpaqaġitchisuq tutqiunmiglu God-miñ Aapamiñ Ataniġmiḷḷu Jesus Christ-miñ.
\s1 Isivġiġvik Christ Qaikpan
\p
\v 3 Aniqatiit, nalaunŋaruq uvagut quyyavigiguptigu God quyyatigilusi. Ami quyyavigituiññagaksraġipiaġikput quyyatigilugu ukpiġurri nausaiññaqtuaq, suli atausiullaavlusi piviuttaqqurriḷu nausaiññaqtuaq ukpiqtuaguqativsiññun.
\v 4 Aasiuvva uvagut quliaqtuaġilluataġivsi aŋaayyuliqiruanun God-mun, quliaqtuaġutivlugich qiñuirrutivsiññik ukpiġutivsiññiglu, igḷutuġluata­qavsigik qanusipayaat nagliksaaqtirrusiat iłuiḷḷiuġutillu.
\v 5 Tamatkua nalupqinaiyautaurut God-im nalaunŋaruakun isivġiutaa­nun, qanuq uvva ilaan nagliksaaqtitaupkaġaasi nalliummatiliquvlusi piqatauniksravsiññun ilaan atanniqsimmataani.
\v 6 Tavra God isivġiiḷḷavluni nalaunŋaruakun, ilaan paaqłiġñiaġai iłuiḷ­ḷiuġunmik tamatkua iłuiḷḷiuqtitchiruat ilivsiññik,
\v 7 aasiiḷi ilivsi iłuiḷḷiuqtitauruasii unaŋuiqsiqatigipkaġlusi uvaptiŋnun. Taamna piyumaaqtuq Ataniq Jesus tavraŋŋatchiaq niptaqpan qiḷaŋmiñ, piqatigilugich sapiġñaqtuat isaġulgich, qaumaniġmi ikualaruatun igniqtun,
\v 8 nalaunŋaruakun akisaġvigisuglugich tamatkua naluruat God-mik, tamatkualu akuqtuiŋaitchuat tusaayugaaġiksuamik Ataniptigun Jesus-kun.
\v 9 Tainnatchich iñuich tatavsaqtauniaqtut isuitchuamik tammaunmik, piiqsauŋalutiŋ Atanġum irvianiñ, qaummaġikpaktuamiḷḷu suaŋŋataa­niñ,
\v 10 taavrumani uvlumi qaigumi nanġausiaqaġiaġluni kamanaqsipkaq­tauyyaġluniḷu ilaaguaqtauruaniñ iñuŋmiñiñ, kamasuuttaġipkaġiaġlu­niḷu iluqaiññun ukpiliŋaruanun, ilivsi iḷagilusi, qanuq ukpiġiŋagiksi alġaqsruutikput.
\v 11 Ataramik aŋaayyutisuugivsi, aŋaayyuvigivlugu God-ikput ilaanun nalliummatiliqsitquvlusi miqłiqtuġiyumiñaqsiḷusi, ilaan suaŋŋataa­gullu taŋŋiqsitaquvlugich savaalluatapayaurat piyumakkasi pianikka­siḷu ukpiġurri pisigivlugu.
\v 12 Tainnauvva piguvsi Ataniqput Jesus nanġausiaqaqtinniaġiksi, aasiivsauq ilaata ilivsi nanġaġlusi. Taamnauvva nagliktauvlutik sivun­niuġutigiŋagaak God-ipta Atanġuvlu Jesus Christ.
\c 2
\s1 Iñuk Piḷupiaġataqtuaq
\p
\v 1 Paŋmapak tuyuġivsi aglaŋnik sivuniġivlugu qaiñiksraŋa Atanipta Jesus Christ, uvagullu katinniksraptigun paaqsaġlugu ilaa.\x + \xo 2.1 \xt 1 Th 4.15-17.\x*
\v 2 Aniqatiit, nalupqitchaquŋipiaġivsi naagga iłuiḷḷiuġutiginagu isum­miġḷusi Atanġum isivġiiviksrautaa isagutisaaniŋniḷugu. Taamna tuniq­simaŋaiġutiginagu kiñaliqaa uqaġaluaqpan uqaluksriusiaqaġniḷuni Ilitqusiġiksuamiñ, naagga uvaptiŋniñ uqaluksriusiaqaġniḷuni, naagga tuyuutitigun aglaaġipkaqtitaġlugich uvaptiŋnun, Atanġum isivġiivik­srautaa isagutianiŋniḷugu.
\v 3 Kimulliqaa qanupayaaq sagluqipkaġnasi. Sivuani isivġiġviksrautim kamanapiaqtuaq paaqsaaŋŋan God-mun iḷiñiaqtuq, aasii taavrumaŋŋa iñukpalliġḷuni iñuk piḷupiaġataqtuaq, iñuk nalupqinaitchuamik isuitchuamun suksraunġiqsauniaqtuaq.
\v 4 Taamna iñuk akiḷḷiḷiqsuiñiaqtuq qanusipayauramik god-mik, naagga supayaamik iñuich aŋaayyuvigikkaŋannik, inmiñun kamanałhaaqtua­liuġluni tamatkunaŋŋa. Inmiñik-unnii kamanałhaaqtualiñiaqtuq God-miñ, aquppiḷuniḷu God-im aŋaayyuvikpaŋani, uqavigaaġutigiluni inmiñik God-auniḷuni.\x + \xo 2.4 \xt Dn 11.36; Ez 28.2.\x*
\v 5 Nalupqigiŋitkiga itqaumatilaaqsi taavrumuuna uqautimnik ilivsiññun nayuŋŋavsi.
\v 6 Aasii itqaġumiñaqtusi sumun pitchaiḷiraqtilaaŋanik paŋmapak salap­qiġñiksraŋa sivuani salapqiġviksrautaata.
\v 7 Qanuq uvva qiñiġnaitchuaq suaŋŋataa pigiitchuam savaksaaniŋaga­luaqtillugu, taamna paŋmapak pitchaiḷiraġniktuaq piñaiḷutchiqsui­ñiaqtuq-suli piiqsauniġmiñunaglaan.
\v 8 Taamna piñaiḷutchiqsuiruaq piiqpan, tavrani satqummiġñiaqtuq iñuk piḷupiaġataqtuaq. Aasii taamna iñuk Atanġum Jesus tuqunniaġaa aniġniġmiñik, suksraunġiġḷugu qaumaniġmiñik qaigumi.\x + \xo 2.8 \xt Is 11.4.\x*
\v 9 Taamna piḷupiaġataqtuaq iñuk qaiñiaqtuq suaŋŋatiqaġluni Satan suaŋŋataanik, nalupqinaiyaġlugu suaŋŋatiqaqtilaani aliuġnaqtualiqiluni sagluqqutinik iñuŋnun.\x + \xo 2.9 \xt Mt 24.24.\x*
\v 10 Ilaan pigiitchuakun sagluqiniaġai tamatkiġḷugich suksrauyumaaqtuat, qanuq iliŋisa piviuttaġiŋaitkaat iḷumun ittuaq annautiksraġaluaq­tiŋ.
\v 11 Aasii ukpiġisuŋiñmarruŋ iḷumun ittuaq, God-im sagluqiraupkaġnia­ġai, taimmaasii iliŋisa ukpiġilipiallaglugu iḷumun inŋitchuaq.
\v 12 Aasii taamna pisigilugu iliŋich suksraunġiqsauniaqtut, iluqaġmiŋ tamatkua ukpiqsraŋitchuat iḷumun ittuamik God-ikun, aglaan iñuuruat aliitkutigivlugu piḷuun.
\s1 Piksraqtaagurusi Annaquvlusi
\p
\v 13 Aglaalli uvagut ataramik quyyatiqaqtuksraupiaqtugut God-mun quyyatigilusi, aniqatiit Atanġum piviuttaġikkaŋasi, qanuq taimaŋŋa­qaŋa God-im piksraqtaaġiŋagaasi annaurrautquvlusi, ilaaguaqłusi inmiñun Ilitqusiġiksuakun, ukpiġiliqavsiuŋ iḷumun ittuaq.
\v 14 God-im ququaŋagaasi annaurrautquvlusi tusaayugaaġiksuakun alġaqsruutigikkaptigun, ilivsi piqatautquvlusi kamanaqtuami qaumanġani Atanipta Jesus Christ.
\v 15 Taamna pisigilugu, aniqatiit, asiñuurraunasi. Tuniqsimavigisigik ukpiġilugich iḷisaurrutivut ilivsiññun nayuŋŋavsi, ami tuyuutivullu.\x + \xo 2.15 \xt 1 Co 11.2.\x*
\v 16 Paŋmapaktuq qapiŋaisaaġusiaqaġitchi Ataniptiŋniñ Jesus Christ-miñ God-miḷḷu aapaptiŋniñ, piviuttaqsriŋaruaŋniñ uvaptiŋnik tilivḷugu Iġñini annautitquvluta, qapiŋaisaaqtuaqtiptiŋniñ ataramik, suli piyummatiqaqtitchiruaŋniñ quvianaqtuamik iliŋikta nagliktuutiqpaŋ­mikkun.
\v 17 Iliŋiktatuq qapiŋaisaaġlisi uummativsiññi, suli ikayuġlusiḷu iluqaiññi savaavsiññi uqaluvsiññiḷu nakuurualiqipkaġlusi.
\c 3
\s1 Aŋaayyutisigut
\p
\v 1 Tavraliasii, aniqatiit, aŋaayyutiraġutigut. Aŋaayyulusi Atanġum uqalua qilamik siamitqulugu, suli iñuich annaurrautqulugich akuq­tuġlugu uqaluk, ilivsisuttauq.
\v 2 Aŋaayyutilutalu-suli, uvagut annausimatquluta tamatkunaŋŋa saglu­turuaniñ pigiitchuaniḷḷu iñuŋniñ, qanuq iñuich iḷaŋich ukpiġutaitchut.
\v 3 Ataniq ukpiġnapiaqtuq. Ilaan suaŋŋasiġñiaġaasi suli qaunagilusi pigiitchuamiñ.
\v 4 Suli Atanġum nalupqisuŋisitkaatigut ilivsi kamaksriñivḷusi kamaksri­suŋaiññaġniaġnivḷusiḷu kamagilugich uvagut pitqutivut ilivsiññun.
\v 5 Atanġuptuq iḷitchuġisaiññaqtillisi kiikaa God-im piviuttaqqutaanik, Christ-lu manimmiḷgutaanik.
\s1 Savaktuksraupiaqtugut
\p
\v 6 Aniqatiit, paŋmapak piraksriġivsi ataniġnaqutaagun Atanipta Jesus Christ, niguaqtuqsiuŋ iñuk kiñaliqaa ukpiqtuaguvluni ataramik iḷatchiqsuaq, kamagigaluaġnagu iḷisaurrutikput ilivsiññun.
\v 7 Ilivsi ilivsiññi iḷisimarusi tuvrautiruksrautilaavsiññik uvaptiŋnun. Iḷatchiqsuaguŋaitchugut nayuutikapta ilivsiññun.
\v 8 Niġiugaqsiññaŋiñmiugut kialiqaa niqautaanik akiḷiġaluaġnagu, aglaan siġġaqivluta savaŋarugut unnuami uvlumiḷu naŋniutausuŋił̣ł̣uta nallipayaavsiññun.\x + \xo 3.8 \xt Ac 18.3; 1 Th 2.9.\x*
\v 9 Killuliqinayaiñmiugut pamatitkupta ilivsiññun, aglaan tainna piŋait­chugut. Tuvraaksriqsaŋagivsi pamaġivluta uvaptiŋnik, qanuġli ilivsi atausiullaalusi akiññagniaqtuksrautilaavsiññik iñuuniḷuutiksravsiññik.
\v 10 Nayuŋŋavsiunnii uvagut piraksriŋagivsi inna, Iñuk kiñaliqaa sava­gulaitchuaq, niġiŋaiḷḷi.
\v 11 Uvagut tusaaŋarugut iḷasi iñuunivḷugich iḷatchiqsuaqsiññaqłutiŋ, iḷaksiayugaqsiññaqługich allat iñuich, suuramikunni savaŋniaġnatiŋ.
\v 12 Tavra iluqata atausiŋŋuqatauŋakapta Ataniġmun Jesus Christ-mun, piraksriġivut siḷġiqsuqługiḷḷu iḷatchiqsiññaqtuat iñuich iḷaksianniŋaiġ­ḷutiŋ savaksiññaquvlugich, akiññagniḷuglutiŋ iñuuniutiksramiŋnik.
\v 13 Aniqatiit, piḷaiġutinagu iluaqtualiqiniq.\x + \xo 3.13 \xt Ga 6.9.\x*
\v 14 Kiñaliqaa kamaksrisuŋitpan uqaluptiŋnik ukunani tuyuutini, nalunaiġumagiksi taamna iñuk, iḷaksianagu sumikunnii, kanŋutchakku­mauq.
\v 15 Iḷiuġnagu uumigiritun, aglaan siḷġiqsuġlugu aniqatiginiqavsiuŋ.
\s1 Uqallaguiqsaaġutit
\p
\v 16 Paŋmapaktuq Atanġum tutqiutiqaqtitchiruam ilaata tainnatuttauq tutqiutiqaqtillisi ataramik qanusipayaami. Atanġum itqatigilisi iluqasi.
\v 17 Uvaŋa Paul aglakkitka ukua paġlatit uvamnik. Tavra tainna nalunaiñŋutaŋat uvaŋa tuyuutipayaaġma, tainnaittuq aglausiġa.
\v 18 Nagliktuutiqpaŋatatuq Atanipta Jesus Christ itqatigilisi iluqasi.