\id 2TI - Iñupiat New Testament [esi] Alaska, USA
\ide UTF8
\h 2 TIMOTHY
\toc1 Paul Alġaiŋich Tuyuutiŋisa Timothy-mun
\toc2 2 Timothy 
\toc3 2 Ti
\mt1 PAUL ALĠAIŊICH TUYUUTIŊISA TIMOTHY-MUN
\is1 Iḷitchuqqutit
\ip Paul tuyutqikkamiuŋ Timothy uqautiŋagaa qanuġli pitquyu­magaluaġnivḷugu Timothy, nanmiñiqtuuqługu nukaqłiuruaq ili­miñiñ ikayuqtini. Uqausiġigaluamiiŋagaa sunik igḷutuġniq. Timothy uqautigaa qapiŋaisaaqługu uqaurriñiŋagun Jesus Christ-mik, kiika tainna tigulluatavsaaquvlugi iḷumun ittuat Uqalugiksuallu Old Testament-lu, suli savaakkirrutiŋa iḷisaurri­ñiġlu siamitchiñiġlu savaaġitquvlugi nagliksaaġniġum qitqani naagga paaqłaktuaqaġaluaqtillugu.
\ip Timothy siḷġiqsupiaġaa aŋŋuuŋ iḷaksruutautquŋił̣ł̣ugu nalul­laġmik qanaaġutiqaqtuani asiñik ikayuutauyumiñaitchuanik, maqurrutausiññaġuuruanik naalaġnipayaaqtuanun.
\ip Iluqaiññiaglaan Timothy itqaqtittaġigaa tuvraaksramik ilaata aglaktuam iñuggutaanik sivuniqtuŋaruamik nagliksaaqtitaukami ukpiqqutaa, manimmisiqaġniŋa, nakuaqqutaa, igḷutulguniŋa, suli nagliksaaŋaniŋa.
\is1 Avgutit
\io1 Sivulliqsaaġun 1.1-2
\io1 Nanġautillu siḷġiqsuutillu 1.3–2.13
\io1 Siḷġiqsuutit 2.14–4.5
\io1 Paul-gum apqusaaqtaŋi 4.6-18
\io1 Aġiusaun 4.19-22
\c 1
\p
\v 1 Ukua tuyuutit iliŋnun qairut Paul-miñ, Jesus Christ tiliraŋaniñ, qanuq God tainna pitqurimman. Paul tilirauŋaruq quliaqtuaġit­quvlugu unniqsuqłiisauŋaruaq iñuggun pigiliutisuukkaqput atausiŋŋu­qatigikaptigu Christ Jesus.
\v 2 Tuyuutaurut Timothy-mun piqpagivlugu iġñiġimmatun itamnun. God-im Aapauruam Christ Jesus-lu Atanipta iviġaumanautilisin, nagligilisin, tutqiutiqaqtillisillu.\x + \xo 1.2 \xt Ac 16.1; 1 Ti 1.2.\x*
\s1 Quyyatillu Qapiŋaisaaġutillu
\p
\v 3 Quyyavigigiga God savautikkaġa naġġukkutaitchuakun isumami, isumaqausiatitun maŋŋuuma. Quyyavigigiga ataramik aŋaayyutimni unnuakkaluami uvlumiḷu,
\v 4 itqaqapkulu qulviŋatilaan, kipiġniuqtuŋa tautugukłutin, quviatchak­pagukłuŋa.
\v 5 Itqaġiga iḷumutuuqtuamik ukpiġutiqaqtilaan, ukpiġutiqausiatun aanavich Lois aakaviḷḷu Eunice. Aasii paŋmapak nalupqisuŋitchuŋa ukpiġutiqaġmiutin.\x + \xo 1.5 \xt Ac 16.1.\x*
\v 6 Taamna pisigivlugu, itqaqtitchukkikpiñ igliqtitquvlugu God-im aitchuutaa iḷikapkich argatka iliŋnun.
\v 7 Qanuq Ilitqusiġiksuam God-im aitchuutaata iqsisaiġaatigut suaŋŋasi­ŋagaatigullu, piviuttaqqusiqł̣utalu, uvaptiŋniglu aŋalalluataġumiñaq­sivḷuta.
\p
\v 8 Kanŋutchaktitaunak quliaqtuaġigupku Ataniqput, naaggaunnii uvaŋa tigutaaqtauruaŋaa alġaqsruiñiġa pisigivlugu, aglaan akuqtuġuŋ nagliksaaġniġiñ pisigivlugu tusaayugaaġiksuaq, qanutun God-im suaŋ­ŋasiqsuqpatin.
\v 9 God-im annautiŋagaatigut suli ququaqłuta ilaan iñuggusiqł̣uta pisigi­suŋaġnagich uvagut savaavut, aglaan pisigivlugu ilaan sivunniutini nagliktuutiqpaniḷu. Ilaa sivunniuŋaruq nuna isagutiŋaiñŋaan naglik­tuutikun annautisukłuta Jesus Christ-kun,
\v 10 aasii paŋmapak salapqiqł̣ugu niptaġniŋagun Annaurripta Christ Jesus. Christ-gum suksraunġiŋagaa tuqqun aasii qaġġisivlugu iñuggun tuqunaitchuaq tusaayugaaġiksuakun.
\v 11 God-im piksraqtaaġiŋagaaŋa quliaqtuaġitquvlugu tusaayugaaġiksuaq, tiliraupkaqłuŋa iḷisaurripkaqłuŋalu.\x + \xo 1.11 \xt 1 Ti 2.7.\x*
\v 12 Aasii taamna pisigivlugu nagliksaaqtuŋa nagliksaaġusivsun. Aglaan kanŋutchaktitauŋitchuŋa, qanuq iḷisimagiga ukpiġvigiŋakkaġa, suli nalupqisuŋitchuŋa ilaan qaunaginiaġaa taamna savaaksrirrutini uvamnun isivġiġvik tikiḷġataqtillugu.
\v 13 Ukpiġiŋaiġñagich iḷumun ittuat uqaluich iḷisaurrutitka iliŋnun, maliġuagaksratin iñuuniaġuvich, ukpiġutiqaqtuiññaġlutin piviuttaqqu­tiqaġlutillu pigikkaptiŋnik atausiŋŋuqatigikaptigu Christ Jesus.
\v 14 Qaunagikkich nalaunŋaruat iḷisaurrutit aitchuutauŋaruat iliŋnun ikayuutaagun suaŋŋataata Ilitqusiġiksuam iñuuruam iḷuptiŋni.
\v 15 Iḷisimarutin iluqaiññun Asia-miittuanun qimaktilaamnik, iḷagivlu­gik Phygelus-lu Hermogenes-lu.
\v 16 Atanġuptuq nagligiligich igluqatiŋi Onesiphorus, qanuq ilaan akulaitchuami qapiŋaisaaġuugaaŋa. Ilaan kanŋusuutigiŋaitkaaŋa pisigilugu tigutaaqtauniġa,
\v 17 aglaan tikipqauraqami Rome-mun ilaan ivaŋagaaŋa, aasii paqił­łuŋa.
\v 18 Atanġuptuq nagliktuusiaqaqtilliuŋ Ataniġmiñ isivġiġviŋmi. Iḷisimal­luataqtutin qanutun ikayuisilaaŋanik uvamnik Ephesus-mi.
\c 2
\s1 Christ Jesus Aŋuyaktilluataŋa
\p
\v 1 Ilivich aasii, iġñiiŋ, qapiŋairrutiqaġiñ savaaġni nagliktuusiaqpa­kun pigikkaptigun atausiŋŋuqatigikaptigu Christ Jesus.
\v 2 Uqaluich tusaaŋakkatin uvamniñ alġaqsruikama iñugiaktuanun iñuŋnun, ilivich qaaŋiqsitkich pigitqulugich iñuŋnun nalupqigiŋisaġ­nun iḷisaurriyumiñaqtuanun allaniktauq iñuŋnik.
\p
\v 3 Piqasiuttuiñ nagliksaaġniġmi pisigilugu tusaayugaaġiksuaq aŋu­yaktigiksuaŋatun Christ Jesus.
\v 4 Aŋuyakti aŋuyaktaullaġmi aptatiqalaitchuq aŋuyaktauŋitchuam savaaŋiñik, qanuq ilaan iviġagukkaa aŋuyaktini atanaurani.
\v 5 Aqpaliurraqti aqpaliurraqtuaq akiññalaitchuq isagunŋaŋisuaqami nalaullugich pitqurriutit aqpaliurraġniġmi.
\v 6 Nautchiriqiri siġḷiqiruaq savakami piqaqqaaqtuksrauruq sivulliġñik nauruanik.
\v 7 Isumalaaġutigikkich sut uqautigikkatka uuktuutit, qanuq Atanġum kaŋiqsipkaġniaġaatin taapkunuuna uqautigikkapkun.
\p
\v 8 Itqaumauŋ Jesus Christ, aŋipkaqtauŋaruaq tuqqunmiñ, maŋŋu­qaqtuaq David-miñ, alġaqsruutiptun tusaayugaaġiksuanik.
\v 9 Alġaqsruutigikkaġa tusaayugaaġiksuaq pisigivlugu nagliksaaqtuŋa, tigutaaqtauruŋaunnii pitquranik navguiritun. Aglaan God-im uqalua piñaiḷutaitchuq.
\v 10 Taamna pisigivlugu igḷutuġitka supayaat pisigivlugich God-im iñuksraqtaaŋi, iliŋitchauq annaurrautquvlugich Christ Jesus-kun, iñuutquvlugiḷḷu qiḷaŋmi isuitchuamun.
\v 11 Una uqaluk nalupqinaitchuq.
\q1 “Uvagut tuquqatigiŋaguptigu Christ, iñuuqatiginiaġmigikput­suli.\x + \xo 2.11-12 \xt 1 P 5.1.\x*
\q1
\v 12 Igḷutuġuptigik nagliksaaqtirrusiat umialguqatiginiaġikput ilaa. Piiḷaaġiguptiŋni, ilaattauq piiḷaaġiniaġmigaatigut.\x + \xo 2.12 \xt Mt 10.33; Lk 12.9.\x*
\q1
\v 13 Ukpiġutaiġaluaġupta, ilaa ukpiġnaiḷaitchuk. Ilaan allaŋŋuġumiñaitkaa inmiñi irrusiñi.”
\s1 Iviġaumanaqtuaq Savakti
\p
\v 14 Itqaqtittaġukkich iñuktin taavrumiŋa, suli kiliglugich sivuġaani Atanġum pitchaiḷitqulugich uqaluŋnik qanaaġutiksrauruanik. Anniq­suutaulaitchut, aglaan maqutchisuurut iñuŋnik naalaġniruanik.
\v 15 Pisuqtilaaġiñ iviġagluataġniapiaġlugu God iñuktun kanŋusuutiqa­ġumiñaitchuatun savaamiñik, nalaunŋaruakun iḷisaurriḷutin God-im uqaluŋiñik iḷumun ittuanik.
\v 16 Uqavaaqatiginagich god-taitchuat asiḷiqqutikullu uqavaaqtuat. Qanuq uŋusiññaġuugaich iñuich god-taiḷaġniġmun,
\v 17 iḷisaurrutiŋich ittut kiḷḷiġruanilġiñaqtuatun uviñik nuŋuuqtuaqługu. Malġuk tainnatchik iññuk iḷisaurrik Hymenaeus-lu Philetus-lu.
\v 18 Taapkuak iññuk ukpiġiŋaiŋagaak iḷumun ittuaq, aasii ukpiqtuat iḷaŋich ukpiġutaiqsiłługich, iḷumun inŋitchuamik iḷisaurrivḷutik aŋŋisik­put qaaŋianignivḷugu.
\v 19 Aglaan God-im iḷumun ittuaŋa allaŋŋulaitchuq, iłłuni aulayaitchua­tun maŋŋuliutitun aulayyaŋnaġumiñaitchuatun. Aasii ukua malġuich uqaluich God-im aglaaŋi aglagivlugich, “Atanġum iḷisimagai ilaan iñuŋni,” suli, “Kiñaliqaa Atanġum iñugikkaŋa piḷuusiqiugaŋaiġḷi.”\x + \xo 2.19 \xt Nu 16.5; Jn 10.14; 1 Co 8.3.\x*
\p
\v 20 Suġalliruam igluqpakpaŋani qanusiḷimaat utkusiich pugguttallu ittut. Tamatkua utkutchiagurut puggutchiagurullu iḷaŋich maniŋñiñ qatiqtuaniñ suli iḷaŋich kaviqsuaniñ maniŋñiñ, iḷaŋitchauq qiruŋniñ suli iḷaŋich qikumiñ. Akisuruat utkusiich puggutallu atuqługich tuyuġ­miaqaqamiŋ kisianik aasii akiiññiqsrat ataramik atuqługich iḷaŋich suaqłuqaġvigivlugich.
\v 21 Tainnatulli ilivsi qanupayaaq piḷuusiqilaitkuvsi inniaqtusi akisurua­tun utkusiksun puggutatullu ilaaguaqtauruatun atugaksrauvlugu kisia­nun Christ pitqukkaŋanun, itqanaitchuatun atuggaksrauvluni qanusipayaamun savaaġiksuamun.
\v 22 Tavra kamaginagich pigiitchuat pisuguutiŋi nutaġaunġum, aglaan sivuniqaġlutin iłuaqtualiqiniġmik ukpiġunmik, piviuttaqqunmik, tutqiunmiglu, piqatigilugich tamatkua piḷuutaitchuakun ququularuat Ataniġmun ikayuquvlutiŋ.
\v 23 Iḷaksianagich naluvlutiŋ isumalluaġiirrutikun qapiqtaiḷisuuruat, iḷisimarutin isagutipkaġuugaich qanaaġutit.
\v 24 Atanġum kivgaŋa qanaayuktuksrauŋitchuq, suli piaqłuktautait­chuksrauruq iñupayaamun, nakuuluni qimmaksaliyaiḷḷuniḷu iḷisaurri­ḷuni
\v 25 natqiksruġlugich pikałaktautairrutikun akiḷḷiḷiqsuutiruat God-mun, iḷaanni God-im isumalitqiksitaupkaqpiaġai suli iḷitchuġipkaġlugich iḷumun ittuamik.
\v 26 Aasii qauriruatun piñiaqtut annakkumiñaqsiḷutiŋ nigatchiaŋaniñ Tuunġaum kamaksripkaiyugaŋaruam iliŋiññik pisuunmiñik.
\c 3
\s1 Uvlut Aqulliich
\p
\v 1 Aglaan kaŋiqsisiuŋ una, siġḷiġniuġutit iḷiñiaqtut aqulliġñi uvluni.
\v 2 Qanuq iñuich siŋñatusiñiaqtut piḷḷatusiḷutiŋ, kamasaaliġḷutiŋ, uqavigaaliġḷutiŋ, uqamaqłuurriḷiġḷutiŋ kamaksriḷḷaiġḷutiŋ aŋayuqaa­miŋnik, quyyataiġḷutiŋ, pigiitchualiqilutiglu,
\v 3 suli anayasuktuaŋaiġñiaqtut, nagliksrautaiġḷutiglu, tiġliraqłiḷiġḷu­tiglu, piaqłuktaliġḷutiglu, iqsiñaqsiḷutiglu, uumigiliġmiḷugu suna nakuuruaq.
\v 4 Aitchuutiginnigniaqtut iḷauraamiŋnik, isumamiŋni sivunmuusuusiḷu­tiŋ, kamasaalipiaġataġlutiŋ, piviuttaġiłhaaliġḷugu aliasuŋisaaġun piviuttaqsriñiġmiñ God-mik.
\v 5 Piraġausiġiniaġaluaġaich qanusipayaat aŋaayyuliqinikun piraġausiu­ruat, God-im suaŋŋataanun allaŋŋuqtinniaġnagich iñuutchisiŋ. Piqa­taunak tainnatchiñun iñuŋnun.
\v 6 Iñuich iḷaŋich tainnatchit pitqiksuat isiġuurut aimaaġviŋiññun iñuich aasii payarivḷugich piyaruat aġnat tutqiutaiḷḷuqtuat piḷuutitiŋ pisigivlugich, aŋalatiłłutiŋ qanusipayaanun god-taiḷaġnikun kipiġniuġutinun,
\v 7 aġnat naalaġniyumaŋitchuat kimulliqaa uqaurrimiŋnun, suli iḷit­chuqsriḷḷaigutiruat God-im iḷumun ittuaŋanik.
\v 8 Jannes-tullu Jambres-tullu akiḷḷiḷiqsuiŋaruaktun Moses-mik, tainna­tuttauq tamatkua iḷisaurriŋŋuat akiḷḷiḷiqsuġmigaat God-im iḷumun ittuaŋa, iñuich isumaqaqtuat pigiitchuanik ukpiġutiŋŋuamiglu.\x + \xo 3.8 \xt Ex 7.11.\x*
\v 9 Aglaan ayuupiaġumiñaitchut, qanuq iñupayaat iḷitchuġiniaġaich isu­malluaġiirrutiŋich nalunaiqpata taipkuŋnatuttauq Jannes-tullu Jambres-tullu.
\s1 Aqulliich Iḷisaurrutit
\p
\v 10 Aglaan ilivich maliġuaŋagiñ iḷisaurrutiga, aullasiġalu, sivuniġalu iñuggunmi, ukpiġutigalu, qiñuirrutigalu, piviuttaqqutigalu, tuniqsim­matigalu,
\v 11 nagliksaaqtirrusiatkalu, iłuiḷḷiuġutitkalu. Iḷisimarutin sunik piruanik uvamnun Antioch-mi Iconium-miḷu Lystra-miḷu nagliksaaqtirrutiq­paich igḷutukkatka, aasii iḷisimammiutin Atanġum iñuuliŋagaaŋa iluqaiññiñ tamatkunaŋŋa.\x + \xo 3.11 \xt a Ac 13.14-52. b Ac 14.1-7. c Ac 14.8-20.\x*
\v 12 Iluqaġmiŋ god-tiliqilutiŋ iñuusiqaġuktuat atausiŋŋuqatigiŋavlugu Christ Jesus nagliksaaqtitauniaqtut,
\v 13 tamatkuali pigiitchuat iñuich piŋŋuaqtillu iglaupkaġlugich piḷuktua­miñ piḷuksisaiññanmun, sagluqinniŋniaqtit allanik, sagluqiruallu inmiŋnik.
\v 14 Aglaalli ilivich ukpiġituiññakkich sut iḷisausiaġiŋaratin. Iḷisimagitin iḷumun itilaaŋannik, ukpiġiyumiñaqłutalu ittutin uvagut iḷisaurriŋarua­guut iliŋnik.
\v 15 Iḷisimammiutin miqłiqtuurauniġniñqaŋa iḷisausiaġiŋagitin God-im uqaluŋi. Taapkua uqaluich kaŋiqsipkaŋagaatin God-im annaurrisaa­nik ukpiġiruni Christ Jesus.
\v 16 Qanuq iluqaisa Bible uqaluŋich God-im puttuqsrisiqaqtiłługich iñuich aglaktinŋagai, aasii uqaluich anniqsuutaurut iḷisaurriruni ilaan iḷumun ittuaŋanik, iḷitchuġipkaġniaqtuniḷu iñuich killukuaġutiŋiññik iñuutchimiŋni, natqiksruġniaqtuniḷu, suli iḷisaurriruni nalaunŋaruakun iñuuniaġusiksramik,
\v 17 iñuk savaurriruaq God-mik itqanaitquvlugu piyumiñaġluni qanusi­payaanik nakuurualiqiniġmik.
\c 4
\p
\v 1 Apiġipiaġikpiñ takkuaŋni God-tivlu Christ Jesus-lu isivġiiyu­maaqtuam iñupayaanik iñuuruanik naagga tuquaniŋaruanik, taimanigu niptaġumi atanniqsimannigiaġluni, piraksriġikpiñ
\v 2 alġaqsruutigitquvlugu God-im uqalua ataramik. Uqautiginiapiaġlugu piviksraq nalautitkaluaqpan naagga nalautinŋaitkaluaqpan, maliksuk­tinniaġlugich iñuich, suakkaluaġlugich, qapiŋaisaaġlugich qapiŋaisaa­gaksrauruat, iḷisaurriḷutin qimmaksaliyaipiaġlutin.
\v 3 Piviksraq qaiḷiqtuq iñuich naalaġnisuŋaiġñiaġmarruŋ nalaunŋaruaq iḷisaurrun, iñuusuglutiŋ ilaisa pisuunmikkun, aasii katitchiḷutiŋ inmiŋnun iḷisaurriksramiŋnik iḷisautitqulutiŋ sunik kisiiññik tusaasukkamiŋ­nik.
\v 4 Suli naalaġnisunġiġñiaġaat iḷumun ittuaq aasii naalaġnisułhaaġlutiŋ unipkaanun.
\v 5 Iliviḷḷiasii, aŋalalluataġiñ iliŋnik suna pigaluaqpan, igḷutuġuŋ naglik­saaġun, isumalitqiksitchiñiaġiñ iñuŋnik, taŋŋiqsimaaġuŋ iluqaan piraksriusian kivgauniġni God-mun.
\p
\v 6 Uvaŋaliasii tuqutauyasiruŋa Ataniġa pisigivlugu. Aullaġviksraġa qiḷaŋmun tikitchuq.
\v 7 Aqpaliurraqtitun pisuqtilaaganiktuŋa naałługu iluqaan aqpaliurraġ­niq. Ukpiġutiqaaniktuŋa taŋŋianikługu iluqaan Atanġum pitqutaa uvamnun.
\v 8 Tavraasii aitchuusiaġiyasigiga akiksraun akimaruam niaquġutiksrau­taa, qanuq iñuuŋaruŋa nalaunŋaruakun. Atanġum nalaunŋaruam isiv­ġiqsim aitchuutiginiaġaa uvamnun uvluani isivġiġvium. Aasii uvaŋa kisima aitchuġniaŋiñmigaaŋa niaquġunmik, aglaallu iluqaisa niġiupia­ġataqtuat qaitqigñiksramiñik.
\s1 Iḷammiuġutit Uqaluich
\p
\v 9 Ullaŋniatapiaġumagiŋma qilamipayaaq.
\v 10 Qanuq Demas, piviuttaqaqłuni mattumiŋa paŋmapak iñuuniaġut­chimik, suksraaŋagaaŋa aullaqłuni Thessalonica-mun, Crescens aullaŋaruq Galatia-mun, Titus Dalmatia-mun.\x + \xo 4.10 \xt a Col 4.14; Phm 24. b 2 Co 8.23; Ga 2.3; Titus 1.4.\x*
\v 11 Luke-gum kisimi nayuġaaŋa. Piḷugu Mark qaġġisiyumagiñ qanuq ilaa anniqsuutaupiaġataqtuq savautikamiŋa.\x + \xo 4.11 \xt a Col 4.14; Phm 24. b Ac 12.12,25; 13.13; 15.37-39; Col 4.10; Phm 24.\x*
\v 12 Tychicus aullaqtinŋagiga Ephesus-mun.\x + \xo 4.12 \xt Ac 20.4; Eph 6.21-22; Col 4.7-8.\x*
\v 13 Qaiguvich saagaġumagiñ uligaaġa qimaŋakkaġa Carpus-mun Troas-miittuamun. Qaġġisiyumagitiñ makpiġaat, aglagvitka pił̣haaġlugich.\x + \xo 4.13 \xt Ac 20.6.\x*
\v 14 Alexander-m savił̣hiqirim atqunaqługu akiḷḷiḷiqsuŋagaaŋa. Atanġum paaqłiġñiaġaa savaaŋigun.\x + \xo 4.14 \xt a 1 Ti 1.20. b Ps 62.12; Ro 2.6.\x*
\v 15 Nipuŋaitchumautin ilaanik, qanuq suamapiaġataqłuni akiḷḷiḷiqsuġaa uqalukput.
\p
\v 16 Rome-miut isivġiqsaannun sivuġaŋiutiqqaaqama iñuŋmik ika­yuqtiksraiñŋaruŋa. Iluqaġmiŋ suksraaŋagaanŋa. God-mun pasitquyu­maŋitkaluaġitka taavrumuuna.
\v 17 Aglaan Atanġum nayuŋagaaŋa suaŋŋasiqł̣uŋa uqautigiyumiñaqsiv­ḷugu iluqaan tusaayugaaġiksuaq, iluqaġmiŋ Jew-guŋitchuat tavraniittuat tusaayumiñaqsivḷugich. Suli God-im annautiŋagaaŋa tuqutaunik­sramniñ.
\v 18 Suli Atanġum annautiniaġaaŋa iluqaaniñ pigiitchuamiñ, annauti­luŋa qiḷaŋmiittuamun atanniqsimaviŋmiñun. Ilaa nanġaqtauli isuitchuamun taimuŋa. Amen.
\s1 Paġlasuiqsaaġutit
\p
\v 19 Paġlagikka Prisca-lu Aquila-lu, igluqatiŋiḷu Onesiphorus.\x + \xo 4.19 \xt a Ac 18.2,18. b 2 Ti 1.16-17.\x*
\v 20 Erastus ittuq Corinth-mi, Trophimas qimaŋagiga naŋiłłuni Miletus-mun.\x + \xo 4.20 \xt a Ac 19.22; Ro 16.23. b Ac 20.4; 21.29.\x*
\v 21 Pisuqtilaaqtun qaiñiatakkumautin ukiuŋaiñŋaan. Eubulus-lu Pudens-lu Linus-lu Claudia-vlu iluqaġmiglu aniqatiit paġlagaatin.
\v 22 Atanġum itqatigilisin. God nagliktuutiqpaqaġli iluqavsiññun.