\id PHM - Iñupiat New Testament [esi] Alaska, USA
\ide UTF8
\h PHILEMON
\toc1 Paul Tuyuutiŋich Philemon-mun
\toc2 Philemon
\toc3 Phm
\mt1 PAUL TUYUUTIŊICH PHILEMON-MUN
\is1 Iḷitchuqqutit
\ip Philemon ukpiġniaqtuaq iḷausuŋnaqtuaq aŋaayyuvianun Colossae-m suli kivgalik Onesimus-mik. Taamna kivgaq aullau­ŋamaruq aasiimma kasuqługu Paul tigutaaġviŋmiinman. Onesimus ukpiġniaqtuaġuŋaruq. Tavra Paul-gum tuyuutaa Philemon-mun apiġivlugu taamna aipkaqsaqtaŋa kivgaŋa paġlatquvlugu suliqutigiŋaiġḷugu kivgałhiñaŋatunŋiḷaaq aglaan ukpiġniaġniġmi aniqataatun.
\is1 Avgutit
\io1 Sivulliqsaaġun 1.1-3
\io1 Philemon-mik nanġaun 4-7
\io1 Onesimus apiqsrisigaa 8-22
\io1 Aġiusaun 23-25
\c 1
\p
\v 1 Ukua tuyuutit qairut Paul-miñ tigutaaqtauruamiñ pisigivlugu Christ Jesus, Timothy-miḷḷu aniqatiptiŋniñ, avilaitqatiptiŋnun savaqa­tiptiŋnullu Philemon-mun,
\v 2 aŋaayyuliqiruanullu katitchuuruanun igluŋni, aniqatiptiŋnullu aġnamun Apphia-mun, aŋuyaktauqatiptiŋnullu Archippus-mun.\x + \xo 1.2 \xt Col 4.17.\x*
\v 3 God-im aapapta Atanġuvlu Jesus Christ nagligiqpaglisi tutqiutiqaq­tillusiḷu.
\s1 Philemon Piviuttaqqutaa Ukpiġutaalu
\p
\v 4 Quyyavigisuugiga God-iga ataramik itqaqapkiñ aŋaayyukama,
\v 5 qanuq tusaasuuvluŋa piviuttaqqutiŋnik iluqaiññun God-im iñuŋinun, ukpiġutiŋniglu pigikkaġnik Ataniġmun Jesus-mun.
\v 6 Aŋaayyutigigiga piqatigiigñiqput ukpiqtuaguvluta pipkaiyumiñaquvlugu kaŋiqsisiḷḷuatamik quviasaaġusiatigun iluqaisigun pigikkaptigun atausiŋŋuqatigiŋavlugu Christ.
\v 7 Aniqatiiŋ, piviuttaqqurvich quviatchapiaġataġaaŋa qapiŋaisaapiaġa­taqłuŋalu, qanuq quviatchaŋagitin iluqaisa God-im iñuŋi.
\s1 Apiqsrisigaa Onesimus
\p
\v 8 Taamna pisigivlugu attaġiyumiñaitkaluaġikpiñ piraksriqsaġupkiñ sumik piraksraġnik, aniqatigivlutin Christ-mi.
\v 9 Aglaan piviuttaqqutim apiqsripkaġaaŋa piyumiñaġmagaaqpich. Tainna piuŋa, uvaŋa Paul kivgaŋa Christ Jesus, aasii paŋmapak tigu­taaqtauvluŋa ilaa pisigivlugu.
\v 10 Tavra apiqsrisigiga Onesimus iliŋnun, iġñiġimmatun iḷiŋakkaġa ukpiliqsinŋavlugu Christ-mun. Tigutaaġviŋmiinŋaġma aapagimmatun iḷiŋagaaŋa ukpiqtinŋavlugu Christ-mun.\x + \xo 1.10 \xt Col 4.9.\x*
\v 11 Qaŋauvlugu anniqsuutauŋaitkaluaqtuq iliŋnun, aglaan paŋmapak anniqsuutiġuqtuq iliŋnullu uvamnullu.
\p
\v 12 Utiqtitchaaqsigiga iliŋnun, piviuttaġivaił̣ł̣ugu iḷaviñiġaunnii tuyuġimmatun iliŋnun.
\v 13 Pigisukkaluaġmigiga uvaŋa tigutaaqtaullaġma, pisigivlugu tusaayugaaġiksuaq, ikayuquvluŋa ilaanun iniksrakkaluaġni.
\v 14 Aglaan nunuriḷutin ikayuquyumaŋiñmiuŋa, ikayuquyumałhaaġik­piñ iliŋnik pisuksiññaġlutin. Sumik pisuŋitchuŋa aŋiŋisuaġumŋa.
\v 15 Onesimus iḷaanni una pisigivlugu aullaullaŋasugnaġniqsuq iliŋniñ, iliŋnun tasuquvlugu iñiġlugu.
\v 16 Tavraŋŋaaglaan kivgałhiñauŋaiqsuq, aglaan aniqatiliutiruq ukpiq­tuaġuqami Christ-mun. Qanutułhaaq anniqsuutiġuqtuq uvamnun, suli qanutupayauraq anniqsuutiġuġmiuq iliŋnun kivgauniġmi aniqatiġuqa­miḷu ukpiliqł̣uni Ataniġmun.
\p
\v 17 Avilaitqatigipiaġluŋa isummatigigumŋa, paġlayumagiñ utiqpan paġlasiksraqtun uvamnik.
\v 18 Ilaan pimaqłuŋakpatin sumik naagga akiiḷaqtuŋakpatin, akiiḷḷiuti­yumagiñ uvamnun.
\v 19 Uvva aglaaqsiruŋa uvaŋapiaġataq inna, akiḷiiviginiaġikpiñ. Itqauti­ŋitkupkiñ-unnii suŋitkaluaqtuq akiiḷaqtuġmatun itilaaġnik uvamnun annaurraunġiñ pisigivlugu uvapkun.
\v 20 Aasii aniqatiiŋ, iviġaksallaŋniaŋŋa pisigilugu Ataniq, quviatchak­saġluŋa aniqatigikamŋa atausiŋŋuqatigiŋavlugu Christ.
\p
\v 21 Tuyuqapkiñ nalupqisuŋitchuŋa piñiaqtilaaġnik apiqsriaptun, ami iḷisimaruŋa piñiaqtilaaġnik qaaŋiġḷuguunnii apiqsriaġa.
\v 22 Aasiivsauq itqanaiyaġumautin iniksramnik, qanuq niġiuktuŋa God-mun kiuniaqtualivḷugich aŋaayyutisi iluqavsi, aasii utiqtitauluŋa ilivsiññun.
\s1 Paġlasuiqsaaġutit
\p
\v 23 Epaphras, tigutaaqtauqatiŋma pisigivlugu Christ Jesus, tuyu­ġaatin paġlanmiñik.\x + \xo 1.23 \xt Col 1.7; 4.12.\x*
\v 24 Mark-guvlu Aristarchus-lu Demas-lu Luke-guvlu savaqatiima paġ­lammigaatin.\x + \xo 1.24 \xt a Ac 12.12,25; 13.13; 15.37-39; Col 4.10. b Ac 19.29; 27.2; Col 4.10. c Col 4.14; 2 Ti 4.10. d Col 4.14; 2 Ti 4.11.\x*
\v 25 Atanġum Jesus Christ nagligiqpaglisin.