\id 1PE - Iñupiat New Testament [esi] Alaska, USA
\ide UTF8
\h 1 PETER
\toc1 Peter-m Sivulliich Tuyuutiŋich
\toc2 1 Peter
\toc3 1 P
\mt1 PETER-M SIVULLIICH TUYUUTIŊICH
\is1 Iḷitchuqqutit
\ip Peter-m sivulliich tuyuutini tuyuġiŋagai ukpiqtuanun, taiv­ḷugi God-im iñuksraqtaaŋiññik, siaminŋaruat takpaanitchiani iḷaŋani Asia Minor-m. Sivuniġigaat ukua tuyuutit qapiŋaisaa­ġukługich taiguaqtuat, tikiutiruat nagliksaaqtitauniġmun ukpi­ġurrik pisigivlugi. Tuyuqtuam itqaqtitkai taiguaqtuat Tusaayu­gaaġiksuakun, Jesus Christ-kun, tuquniŋagun, aŋiñiŋagun, suli unniqsuqłiiñiŋagullu qaitqiŋñiaġnivḷuni niġiukkunmik aitchuq­ługi. Taamna kaŋiqsimalugu iliŋisa nagliksaaġniqtik akuqtuaġi­ruksraġiniġaat, manimmisiqaġlutiglu, nalupqigiŋiḷḷugu uuktuq­tautilaaqtik iḷumun ukpiġutiqaqtilaaŋiññik, suli nalupqigiŋiḷḷugu akiññaktaaġusiaqaġniaqtilaaqtik “uvlumi Jesus niptaqpan”.
\ip Tuyuqtuam qapiŋaisaaġutini iluiḷḷiuġniq iḷikpan iḷaŋagaa araunmik taiguaqtuat iñuutquvlugi iñuŋisun Christ-gum.
\is1 Avgutit
\io1 Sivulliqsaaġun 1.1-2
\io1 Itqaksaaġun God-im annaurriñiŋagun 1.3-12
\io1 Siḷġiqsuutit nalaunŋaruakun iñuunikkun 1.13–2.10
\io1 Ukpiġniaqtuaguruat piraksrautiŋich nagliksaaġun apqusaaqtuni 2.11–4.19
\io1 Ukpiġniaqtuam qiñuiññiŋa savaaksraŋalu 5.1-11
\io1 Aġiusaun 5.12-14
\c 1
\p
\v 1 Peter, tiliraŋa Jesus Christ, tuyuqtuq God-im iñuksraqtaaŋiñun iñuuruanun pigruŋavlutiŋ nunaaqqiñun Pontus-mun Galatia-mullu Cappadocia-mullu Asia-mullu Bithynia-mullu.\x + \xo 1.1 \xt Jas 1.1.\x*
\v 2 God-im Aapauruam piksraqtaaġiŋagaasi taimani miqłiqtuġisukłusi, sivunniŋavluni ilaaguaqtitquvlusi inmiñun Ilitqusiġiksuamun, sivunni­ŋavluniḷu iñuutquvlusi kamagiugaġlugu Jesus Christ, piḷuutaiŋammasi tuqukami maqipkaqługu auni. Nagliktuusiaqpaqaġitchi tutqiunmiglu.
\s1 Niġiugniq Taimuŋa Iñuuyumaaġniġmun
\p
\v 3 Nanġaqtauli God Aapaŋa Atanipta Jesus Christ. Qanuq ilaa nag­likkutiqpaqaqłuni uvaptiŋnun iñuutchiŋagaatigut nutauruamik aŋip­kaqługu Jesus Christ tuqqunmiñ. Taavruma niġiukkiġaatigut iñuunik­sramik isuitchuamun,\x + \xo 1.3 \xt Jn 3.3-7; Ro 6.4-13; 1 P 1.22.\x*
\v 4 suli niġiuktugut kiŋuvaannagniaqtilaaptiŋnik quviasuusiaqpaŋnik God tutquqsimakkaŋiñik pigitquvlugich iñuŋmiñun. Ilaan tutquqsima­gai kiŋuvaannaktaaksrautit qiḷaŋmi iñuqaqługich ilivsiññun, aunait­chuami maquliñaitchuami qiññaġiiḷiñaitchuamiḷu.
\v 5 Tamatkua annaurrauniġmi quviasuusiaksrautit kiŋuvaannaktaagu­yumaaqtuat God-im itqanaiyaŋarani qaiññiaġai piviksraq isukłitpan. Aasii God-im sapiġñaqtuakun suaŋŋanmigun qaunaginiaġaasi aitchuu­siaġiyumiñaqsiḷugich pisigilugu ukpiġutiqaġniqsi.
\p
\v 6 Taamna pisigilugu quviasugitchi, paŋmapak-unnii sivikitchuami nagliksaaġutiqallakkaluaġuvsi allakaaġiiñik uuktuaġusianik.
\v 7 Uuktuaġusiavsi sivuniġigaat iḷumun itilaaqsaqługu ukpiġutiqapiaqti­laaqsi. Manikunnii kaviqsuaq maqullaruaq uuktuaġuugaat ignikun, tainnatuttauq ukpiġurri akisułhaasugruktuaq maniŋmiñ kaviqsuamiñ uuktuaġusiaqaqtuksraummiuq igḷutuutiyumiñaqsiḷugu. Tavraasii nan­ġausiaqaġniaqtusi kamanaqsipkaqtaulusiḷu isumakkusiaqaġluatapiaġ­lusiḷu taivrumani uvlumi Jesus Christ qaitqikpan.
\v 8 Tautuŋaitkaluaŋŋaan ilaa, ilivsi piviuttaġigiksi. Paŋmapak tautuaġi­ŋitkaluaŋŋaan ukpiqtusi ilaanun, aasii quviasuutiqpaqaqtusi quviasuu­tiqpapiaġatamik uqautigianignaġumiñaitchuamik,\x + \xo 1.8 \xt Jn 20.29.\x*
\v 9 qanuq iḷisimarusi aitchuusiaġiniaqtilaaŋanik annautaa ilitqusivsi, taŋŋiutauruaq ukpiġikkavsiññun.
\p
\v 10 Taamna annaun uqaqtiŋisa God-im ivapiaŋagaluaġaat iḷitchuġi­niaqługulu, aasii iliŋisa uqautigiŋagaich quviasuusiaksrautit God-im aitchuutiksrautiŋi ilivsiññun.
\v 11 Tavra Christ Ilitqusian uqaqtinmatiŋ taavrumiŋa piyumaaqtuamik qakugukpan Christ nagliksaaġniksrautaanik aŋiñiksrautaaniglu, iḷisi­mayumaŋagaluaqtut qakugupiaq taamna piñiaqtilaaŋanik kisumullu iñuŋmun piñiaqtilaaŋanik.
\v 12 God-im taipkua uqaqtini iḷitchuġipkaŋagai tamatkua uqautigikka­ŋich piyumaaŋiññivḷugich iliŋisa iñuuniŋanni, aglaan piñiaġnivḷugich aquvatigun ilivsi iñuunivsiññi. Paŋmapak-aasii tusaayugaaġiksuat quliaqtuaguaniŋarut iluqavsiññun. Tilirauruat suaŋŋasiġmatiŋ Ilitqusi­ġiksuam tilirauruam qiḷaŋmiñ, quliaqtuaġutiŋagaasi tusaayugaaġik­suanik isaġulgich-unnii kaŋiqsiyumaŋagaluakkaŋiññik.
\s1 Iñuutqun Piḷuutaitchuakun
\p
\v 13 Tamatkua tainnainmata, ataramik isumaqaġitchi God-im isu­matqutaatun, illusi iñuktun upaluqsałhiñaaguruatun savaaksranun. Ilivsiññik aŋalalluataġlusi niġiugiugaġlugich quviasuusiaksrat aitchuu­siaksrautisi Jesus Christ salapqiqpan.
\v 14 Kamakkutiqaġitchi God-mun, uqaqsiġiaqtuatun miqłiqtutun. Iñuu­siġiŋaiqsigik qaŋauvlugu piḷuutikun iñuusiġisuukkasi piḷġusiġivlugich naluŋŋavsi tusaayugaaġiksuamik.
\v 15 Aglaan iñuusitchi piḷuutaiḷḷusi iluqaisigun piḷġusivsigun, piḷuutaiḷ­ḷusi God-itun piḷuutaitchuatun, ququaġiŋaruatun ilivsiññik ukpiquv­lusi.
\v 16 Qanuq Bible-ni God piraksriiŋaruq inna, “Piḷuutaitchuksraurusi qanuq uvaŋa piḷuutaitchuŋa.”\x + \xo 1.16 \xt Lv 11.44-45; 19.2.\x*
\v 17 Aasii aŋaayyukavsi taisuugiksi Aapamik. Ilivsi Aapagikavsiuŋ isiv­ġiisuuruaq iñuŋnik allagiiksitasuŋaġnagich savaallaaŋisigun, iñuusiqa­ġitchi qiksiksrautiqaġlusi ilaanun sivisutilaaŋatun nunami iñuunivsi.
\v 18 Qanuq iḷisimarusi suna akiḷiutauŋatilaaŋanik atanġiqsitchaqłusi anniqsuusiqiŋitchuamiñ iñuusiġikkavsiññiñ, iñuutchimiñ pigiitchua­miñ kiŋuvaaġiŋakkavsiññiñ maŋŋuuvsiññiñ. Taavruma akiḷiutauruam akisutilaaŋa akikł̣ipayaaġumiñaitchuq manium qatiqtuam naagga kaviqsuam akikł̣iraġausiatun.
\v 19 Atanġiqsitauŋarusi akisupiaġataqtuamik aitchuutauŋaruamik Christ-mik, aitchuutauruaq imnaiyaatun qilluutaitchuatun.
\v 20 Ilaa tainna God-im sivunniutiŋagaa nuna savaŋaunnagu, aglaan sat­qummiqsauvluni aqulliġñi uvluni pisigivlusi.
\v 21 Christ-kun ilivsi ukpiqtusi God-mun, aŋipkairuamun ilaanik tuq­qunmiñ aasii kamanaqsipkaqługu, ukpiqtuiññaquvlusi annagummati­qaġlusiḷu God-mun.
\p
\v 22 Paŋmapak-aasii piḷuutaiqsauganikavsi kamaksrirraqsivḷusi God-im iḷumun ittuamik uqaluanik piviuttaqsriḷḷasirusi iḷumutun ukpiqtua­guqativsiññik. Tavraasii nalupqinaiyapiaqsiuŋ iḷumupiaq piviuttaġiti­laaŋannik ukpiqtuaguqatisi iḷuvsiññiñ.
\v 23 Qanuq uqaluagun God-im iñuuruakun isukłiḷaitchuakullu anitqiksi­tauŋarusi, miqłiqtuliutivlusi aŋayuqaamun tuqulaitchuamun tuquyu­maaŋitchuamullu.\x + \xo 1.23 \xt Jn 3.3-7; Jas 1.18; 1P 1.3.\x*
\v 24 Bible uqaluŋich uqaluqaqtut inna,
\q1 “Iñupayaat tuqullarut, iviktun panaqłukługu tuquliruatun. Iluqaġmi kamanautaat iñuich ittuq nauriam qiñiyunautaatun tuquliruatun aasii katakłuni nunamun.\x + \xo 1.24-25 \xt Is 40.6-8.\x*
\q1
\v 25 Aglaan uqalua Atanġum ittuq isuitchuamun.”
\m Taamna uqaluk tusaayugaaġiksuaguruq alġaqsruutauŋaruaq ilivsiñ­ñun.
\c 2
\s1 Iñuuruaq Uyaġak Ilaaguaqtauruaġlu Nation
\p
\v 1 Tavra aġiusigik iluqaisa pigiitchuat. Sagluuŋaiġitchi ukpiŋŋua­ŋaiġḷusiḷu killuqsraŋaiġḷusiḷu tiġliraqłiŋaiġḷusiḷu.
\v 2 Aniqqammiuratun miqłiqtuuratun ataramik immuktuġuktuatun aasii aglivḷutiŋ milugivlugu immuk, tainnatulli kipiġniuġutigisiuŋ iḷitchuġi­saiññaġuglugu God-im iḷumun ittuaq uqalua, aasii ukpiqtuagulusi agliḷḷuataŋaruatun, iḷumutun annaurrauŋalusi.
\v 3 Qanuq iḷitchuġianiŋagiksi pikałaktautairrutaa Atanġum.\x + \xo 2.3 \xt Ps 34.8.\x*
\p
\v 4 Ullautisitchi Ataniġmun iñuuruamun, uyaġaktun ittuamun, pigi­suŋisaŋannun iñuich, aglaan God-im piksraqtaaġikkaŋa akisuruaġiv­lugu.
\v 5 Qaisitchi Ataniġmun, isummatigilusi ilivsiññik uyaġaktun iḷiḷusi iñuugaluaŋŋavsi, Atanġum atuġumagaasi nappaġumiuŋ qiñiġnait­chuaq aŋaayyuvikpani. Aasii ilivsi inniaqtusi Atanġum piḷuutaitchua­tun aŋaayyuliqsiqpaŋisun. Aŋaayyuliqsiqpaich tuqutchisuuruatun niġ­rutinik aasii aitchuutigivlugich Ataniġmun ikipkaiviŋmi, tainnatulli aitchuiyumiñaġniaqtusi aŋaayyutivsiññik nanġautivsiññiglu God-mun Jesus Christ-kun, aasii taamna akuqtuġnaġumiñaġniaqtuq ilaanun.
\v 6 Qanuq Bible uqaluŋich uqaqtut inna,
\q1 “Piksraŋaruŋa akisuruamik uyaġaŋmik, paŋmapak iḷigiga kaŋiġalluŋmun uyaġaliutivlugu Zion-mi, aasii kiñaliqaa ukpiqtuaq ilaanun nunuuraliġumiñaitchuq.”\x + \xo 2.6 \xt Is 28.16.\x*
\m
\v 7 Taamnaasii uyaġak akisupiaġataqtuq ilivsiññun ukpiqtuanun, aglaan tamatkunuŋa ukpiŋitchuanun, “Taamna uyaġak igluqpirit pisuŋisaŋat anniqsuutauŋiññivḷugu, iḷiruq naumaniqsraupiaqłuni uyaġak.”\x + \xo 2.7 \xt Ps 118.22.\x*
\v 8 Suli allami Bible uqaluŋich uqallaktut inna,
\q1 “Uyaġaum taavruma putukkisinniaġai iñuich, uyaġak ulġutchiñiaqtuq iliŋiñik.”
\m Qanuq iliŋich puukaqtut pisigivlugu ukpiŋiññiqtiŋ uqaluŋmik. Tainna God-im pisuutaa inŋaniqsuq ilaisigun.\x + \xo 2.8 \xt Is 8.14-15.\x*
\p
\v 9 Aglaan ilivsi iñuksraqtaaġirauŋarusi, Umialgum aŋaayyuliqsiq­paŋi, ilaaguaqtauvlutiŋ Nation-guruat, God-im nanmiñiq iñuŋi, pik­sraqtaaguruat quliaqtuaġitquvlugich aliuġnaqtuat savaaŋi God-im, taavruma ququaġiruam ilivsiññik taaqtuamiñ ilaan aliuġnaqtuamun qaummaġmiñun.\x + \xo 2.9 \xt a Ex 19.5-6; Is 43.20. b Ex 19.5; Dt 4.20; 7.6; 14.2; Titus 2.14. c Is 43.21. d Is 9.2.\x*
\v 10 Qaŋauvlugu God-im iñugiŋitkaluaŋakkaŋasi, aglaan paŋmapak God-im iñugiliutiŋagaasi. Qaŋauvlugu naluŋagaluaqtuasii God-im nagliktuutaanik, aglaan paŋmapak nagliktuusianikłusi.\x + \xo 2.10 \xt Ho 2.23.\x*
\s1 God-im Kivgaŋi
\p
\v 11 Piviuttaġirauruasii, tuyuġmiułhiñaqtusi mattumani nunami, aimaaġvivaalluksi qiḷaŋmiittuq. Tavraasii apiġipiaġivsi aulatinŋaiġitchi piḷuusiqisuguuruanun timivsiññun aŋuyaktuanun ilitqutchivsiññik.\x + \xo 2.11 \xt Ps 119.19.\x*
\v 12 Nalaunŋaruakun iñuuniaġitchi akunġanni ukpiŋaitchuat, iḷaanni uqautigimaqłukkumisi killuliqiruaġuġlusi tautuksiññaġumagaich iñuulluataġnisi, aasii nanġaġlugu God Christ qaitqikpan.
\p
\v 13 Kamakkutiqaġitchi iñupayaanun ataniġnaqutiqaqtuanun Ataniq pisigilugu, Rome-miut umialgannun qaukłiuruamun,
\v 14 naagga kavanakkaluanun tiliŋakkaŋiñun ilaata tatavsaitquvlugich tamatkuniŋa killuliqiruanik, aasiisuli nanġaġiaqługich tamatkua iłuaq­tualiqiruat.
\v 15 Qanuq pisuutigigaa God-im iñuutquvlusi nalaunŋaruakun naluruat iñuich pisaaŋannigniaqtuat ilivsiññik ukpiqtuanik pisaaŋŋatiksraiḷḷiu­ġumaut.
\v 16 Atanniqsimaraitkaluaŋŋavsi pitquranik, atanniqsimaraiññiḷusi piḷuusiqiruksrauŋitchusi. Iñuusiqaġitchi God-im kivgaŋisun savaaġi­lugu ilaan pisuutaa ataramik.
\v 17 Suuŋiḷaġinagich iñupayaat. Piviuttaġisigik ukpiqtuaguqatisi. Qiksi­gilugu God. Suuŋiḷaġinagu Umialik.
\s1 Christ Tuvraaksriutaa Nagliksaaġnikun
\p
\v 18 Kivgauruasii, kamakkutiqaġitchi atanivsiññun iḷisimanaqsiḷugu naamaruaq qiksiksraun, nagliktauruanun piaqłuktaŋitchuanullu kisiiññun piŋaiġḷusi, aglaallu igḷutulgunaitkaluaqtuanun atanivsiññun.
\v 19 Igḷutuiguvsi nagliksaaġunmik nalaunŋarualiqigaluaġlusi iviġagnia­ġiksi God, igḷutuutiguvsi nalautchuglugu ilaan pisuutaa.
\v 20 Pisigilugu killuliqinġiñ qiñuiġḷutin igḷutuġaluaġupku nagliksaaġun, nanġausiaksraitchutin God-miñ. Aglaan qiñuiġḷutin igḷutuġupku nag­liksaaġun iłuaqtualiqigaluaŋŋaqpich God-im iviġaumagirualiñiaġaatin.
\v 21 Tainnasiq nagliksaaġun iḷagigaa savaaksriusiavsi God-miñ, aasii Christ nagliksaaŋaruaq pisivlusi tuvragaksraġigiksi, suli piḷusi ilaan pisiatun.
\v 22 Ilaa piḷuusiqiŋaitchuq sumikunnii. Qaŋaunnii sagluŋaitchuq.\x + \xo 2.22 \xt Is 53.9.\x*
\v 23 Uqamaqłuurraukami, uqamaqłuunmik kiummatiŋaitchuq. Naglik­saaqami, sivuuġasaaqłiŋaitchuq, aglaan ukpiġiŋagaa God, isivġiiruaq nalaunŋaruakun.\x + \xo 2.23 \xt Is 53.7.\x*
\v 24 Christ igḷutuŋagai piḷuutivut timimiñi tuquvluni aŋarraurami, uva­gut tuquruatun pitquvluta piḷuunmun, aasii iñuuluta nalaunŋarualiqi­luta. Tainna pikami, uvagut iłuaqsipkaqtuatun piŋagaatigut kiḷḷiaqtau­niġmigun.\x + \xo 2.24 \xt Is 53.5.\x*
\v 25 Qanuq tammaŋaruaguŋarusi imnaisun, aglaan paŋmapak utiŋarusi Imnaiḷiqirimun Qaunaksriŋannullu ilitqusivsi.\x + \xo 2.25 \xt Is 53.6.\x*
\c 3
\s1 Nuliaguruat Uiguruallu
\p
\v 1 Uiqaqtuasii, kamagisigik uisi, pisigilugich uiguruat iḷaŋich ukpi­ġutaitpata God-im uqaluanun, iḷaanni ukpiqtitauviaqtut ilivsi iñuulluataġnivsigun, uqautiŋiḷḷuġisiunnii,\x + \xo 3.1 \xt Eph 5.22; Col 3.18.\x*
\v 2 qanuq iḷitchuġiniaqtut qanuq iñuulluataġniaġnivsiññik, qiksiksrau­tivsiññiglu God-mun.
\v 3 Piññaġnaġniqsi piññaġnaqusiqsułhaaġnagu qaałhiñakun, nutchiqi­nivsigun naagga uyumitqurriqsuġnivsigun akisurualuŋnik, naagga annuġaaġiksuanik atukkavsiññik.\x + \xo 3.3 \xt 1 Ti 2.9.\x*
\v 4 Aglaan piññaġnaġniqsi piqutiqaqtuksrauruq nakuutivsiññik iḷuv­siññi, pikałaktautairrunmik, uŋiarrisairrunmik, iḷumutun piññaġnaqsi­ḷiġutauruamik akisuruamiglu God-im qiññaŋani.
\v 5 Tainnatuttauq piḷuutaitchuat aġnat taimani ukpiġutiqaqtuat God­mun iñuuŋammiut piññaġnaqutiqaqłutiŋ iḷumiŋni kamagivlugich uisiŋ.
\v 6 Sarah-tun kamaksriruatun Abraham-mik, taivḷugu kamanamiñik. Aasii paŋmapak ilaan panigigaasi nakuurualiqiguvsi qanusipayaamik iqsiŋaiġḷusi.\x + \xo 3.6 \xt Gn 18.12.\x*
\p
\v 7 Tainnatuttauq uiguruasii nalaiñ iḷiuqsigik nuliasi, puttuqsrimau­gaġlusi aġnat suaŋaił̣haaqtilaaŋannik aŋutiniñ. Itqaumasitchi tuvaaqa­tigigisi aitchuusiaqaġnivsigun iñuggunmik isuitchuamik, tavraasii aŋa­lalluataqsigik aasii kiggusiaksraŋich aŋaayyutivsi piñaiḷutaiḷḷutiŋ.\x + \xo 3.7 \xt Eph 5.25; Col 3.19.\x*
\s1 Nagliksaaġniq Nalaunŋarualiqiniq Pisigivlugu
\p
\v 8 Paŋmapak uqallautilavsi atausiullaalusi. Iñuusitchi atautchimi atilusi, saġiakkutilusi avanmun, piviuttaqqutilusi aniqatigiisun, piaq­łuktautiŋiḷḷusi kamasaaŋaiġḷusiḷu avanmun.
\v 9 Akisautiqaġnasi pigiitchuamik iñuŋnun pigiitchualiqiruanun ilivsiñ­ñun, naagga uqamaqłuunmik uqamaqłuurrivsiññun. Aglaan aŋaayyu­tisigik God-mun ikayuqulugich aasiiḷi God-im quviasuusiġñiaġaasi. God-im ququaqamisi unniqsuqłiiŋagaasi quviasuusiaqaqtinniaġnivḷusi.
\v 10 Aglausimaruq Bible-ni inna,
\q1 “Kiñaliqaa quviasuuttaqaġuktuaq iñuggunmik, suli uvluqaġluni quvianaqtuani, uqaqtuksrauŋitchuq pigiitchuanik sagluuŋaiġḷuniḷu.\x + \xo 3.10-12 \xt Ps 34.12-16.\x*
\q1
\v 11 Piḷuktualiqiruksrauŋitchuq aglaan nakuurualiqiluni. Ataramik tutqiutiqaqtitchiñiaġluni allanik iñuŋnik.
\q1
\v 12 Qanuq Atanġum munaġigai nalaunŋaruat, suli ataramik naalaġnigai aŋaayyutiŋich. Aglaan akiḷḷiġigai iñuich pigiitchualiqiruat.”
\p
\v 13 Paŋmapak sum imma anniaġumiñaqpasi kipiġniuttaġiguvsiuŋ nalaunŋaruaq?
\v 14 Aglaattauq nagliksaaġaluaġuvsi pisigilugu nalaunŋarualiqiniq, quviasaaġusiaqaġniaqtusi. Sivuuġaginagich iñuich, naaggaunnii uŋiar­risaġinagich.\x + \xo 3.14 \xt Mt 5.10.\x*\x + \xo 3.14-15 \xt Is 8.12-13.\x*
\v 15 Christ iḷumutun Atanniuttusiuŋ iḷuvsiññiñ kamagiugaġlugu. Atara­mik itqanaitchitchi kiggutiksravsiññik kialiqaa apiqsruqtuqpasi annaurrauyummativsigun.
\v 16 Kiummaġiksaaġumagisi piġuqtiŋaiġḷusi. Nalaunŋarualiqisitchi iñuich uqautigigumisi saglutigilusi pigiitchualiqiriġuġlusi kanŋutchak­siññaġumaut iḷitchuġilutiŋ nakuurualiqiavsiññik maliġuaqługu Christ tuvraaksriutaa.
\v 17 Qanuq iłuałhaaqtuq nagliksaaġutigiruni nakuurualiqiniq piḷuusiqi­niġmiñ, tainnainniqpan God-im pisuutaa.
\v 18 Christ nagliksaaŋammiuq. Ilaa tuquŋaruq atausiaqłuni pisigivlugich iluqata piḷuusiqirinii piḷuutivut, iñuk nalaunŋaruaq pisivlugich nalaun­ŋaitchuat, akuqtuġnaqsisaqłuta God-mun. Ilaan timaa tuqutauŋaga­luaqtuq ilitqusia iñuuruq-suli.
\v 19 Aasii ilitqusiuvluni ilaan ullaŋagai ilitqutchich tigutaaġviŋmiittuat nagliksaaġviŋmi aasii alġaqsruqługich.
\v 20 Tamatkua ilitqutchit ilitqusiġigaich taipkua iñuich kamaksriŋait­chuat God-mik Noah umiaqpipkaqługu, God-im utaqqiŋagaluaġai isu­malitqiksiaġivlugich. Aglaan iñukisuurat, tallimat piŋasut iñuich annaurrauŋarut umiaqpaŋmi ipiniksraŋanniñ uliqpaŋman.\x + \xo 3.20 \xt Gn 6.1-7.24.\x*
\v 21 Taamna arrilisauruq paptaiġunmun paŋmapak annaurrautigikkav­siññun God-im tatavsautiksraŋaniñ. Paptaiġutikun annaurrauŋarusi pisigisuŋaġnagu timivsi salummaġniŋa ipiġmiñ, aglaan iḷisimanaqsiŋa­kavsiuŋ piḷuutaiqsilaaqsi sivuġaani God-im nutaaġuqtauvlusi aŋŋisaa­gun Jesus Christ.
\v 22 Aasii paŋmapak Christ qiḷaŋmiittuq aquppivḷuni kamanaqsipkaq­tauruam inaani taliqpiata tuŋaani, God-im atanniqsimavlugich iluqaisa isaġulgiḷḷu, qiḷaŋmiittuallu ataniġnaqutit, suaŋŋatillu.
\c 4
\s1 Iñuusatqiksuat Iñuich
\p
\v 1 Tavra Christ nagliksaaqtuksrauŋamman timimiñi nalaunŋaruali­qiniq pisigivlugu, ilaatun ilivsi isumaqaqtuksraummiusi, aasii itqa­naiḷḷusi nagliksaaġutigiraksraġuqpan nalaunŋarualiqiniq. Kiñaliqaa nagliksaaġumi tainnatun tasamma piḷuusiqiuraaŋaiqsuq,
\v 2 aglaan aŋalatitaaliqsuq God-mun iñuuniqtutilaamisun, nunami aŋa­latinŋaiqł̣uni piḷuksisuguuruamun iñuutchimiñun.
\v 3 Qaŋauvlugu qaaŋianiktuami aptatigianiŋagisi atuqługich ukpiŋait­chuat piḷḷatukkaŋich. Atuġuuŋagaluakkaqsi piviksraqsi qanusipayaa­kun pitquraiḷaġnikun, allatuqłusi, imiŋasivḷusi, pialapiaġataġniġmi taaŋŋaqłutiŋ aliasuŋitchuani, suli pivḷugich piḷuusiqutiŋich tamatkua aŋaayyusuuruat iñuuraqpaŋnun.
\v 4 Aasii paŋmapak ukpiŋaitchuat allasuktut iḷaliqsuutiŋaiqavsi ilimiŋ­nun pialapiaġataġniġmi, suurimmaanġiqł̣uniḷu iñuuniaġniġmi, aasii pisaaŋaaqsivḷusi.
\v 5 Taamna pisigilugu inmiŋnik uqaġiruksrauniaqtut God-mun isivġiisał­hiñaaġuŋaruamun iñuuruanik tuquŋaruaniglu.
\v 6 Summan tusaayugaaġiksuaq alġaqsruutauŋava iñuuŋŋaisa paŋma­pak tuquŋaruat? Alġaqsruutauŋaruq iñuuyumiñaquvlugich ilitqutchi­miŋni God-itun iñuuruatun, isivġiqsauŋagaluaŋŋaġmiŋ iñupayaatut­tauq isivġiqsauruatun iñuuŋŋaġmiŋ nunami.
\s1 Aŋalatchiḷḷuataqtuat God-im Aitchuutiŋiñik
\p
\v 7 Isuksraŋat supayaat qalliruq. Ilivsiññik aŋalalluataġitchi nipu­ŋaiḷḷusi aŋaayyuyumiñaġumausi.
\v 8 Naumaniqsrauruaq uvva, piviuttaqqutipiaġitchi avanmun qanuq piviuttaqqutiruni avanmun nalunaiqsimałhaiññaġnaitchut iluqaisa naġġunautit avanmun.\x + \xo 4.8 \xt Pr 10.12; 1 Co 13.7.\x*
\v 9 Tukkuliqsuutisitchi avanmun uqaallatigiŋaiġḷugu.\x + \xo 4.9 \xt Ro 12.13.\x*
\v 10 Iñullaam atuġligich inmigun aitchuusiallaani God-miñ ikayuutigi­saġlugich allanun iñuŋnun. Tainna pigumi, aŋalatchiriḷḷuatauniaqtuq allakaaġiiñik God-im aitchuutiŋiñik inmiñun.
\v 11 Kiñaliqaa alġaqsruiruaq alġaqsruutiqaqtuksrauruq God-im uqalua­nik. Kiñaliqaa savaurriruaq God-mik suaŋŋasiqsuqtiqaqtuksrauruq God-mik iluqaani, God nanġaqtauyumauq Jesus Christ-kun. Christ-tuq kamanaqsipkaqtauli nanġaqtauluniḷu isuitchuamun. Amen.
\s1 Nagliksaaġniq Ukpiqtuaguvluni
\p
\v 12 Piviuttaġirauruasii, ukpiġurri uuktuaqtaumman nagliksaaqti­tauvlusi, tupautiginagu isumavsiññi allayuaġilugu taamna piruaq iliv­siññun.
\v 13 Aglaan quviasuksiññaġitchi piqasiutiniḷusi Christ-mun nagliksaaġu­tiŋigun, taimanigu quviasupiaġataġumausi Christ niptaqpan qaumani­qaġluni.\x + \xo 4.13 \xt Ro 8.17; 1 P 4.1.\x*
\v 14 Quviasugitchi pisaaŋŋasiaqaġuvsi pisigilugu ukpiqtuaguniqsi Christ­mun, qanuq tainna pikpasi, sivuniqaqtuq God-im Ilitqusiġiksuaŋa qai­ŋatilaaŋanik iḷuvsiññun salapqiiḷḷaruaq ilaan qaumanġanik.
\v 15 Aglaan nalliqsiunni nagliksaalaqsruġnani iñuaġluni, naagga tiglig­luni, naagga pitquranik kipuqłaiḷuni, naagga iḷaksiatiluni iñuich allat piraŋiññun.
\v 16 Aglaattauq nagliksaaqtitauguvsi pisigilugu Christ-miuguniqsi, kan­ŋusuutiginagu. Quyyavigigiññaqsiuŋ God iḷisimanaqavsi Christ-mun iñugitilaavsiññik.
\p
\v 17 Isivġiqsausaġviksraq tikitchuq, aasii God-im nanmiñiq iñuŋi isivġiqsauqqaaqtuksraurut. Uvagut isivġiqsauqqaaġupta, qanuġlikiaq isuqaġniaqpa isivġiusiaksraŋat iñuich ukpiŋaitchuat God-im tusaayu­gaaġiksuaŋanik?
\v 18 Bible uqaluqaqtut inna,
\q1 “Siġġaġnaqpan iñulluatat annaurrauniksraŋat, qanuġli inniaqpa tamatkunuŋa god-aiḷaqtuanun piḷuktuanullu iñuŋnun?”\x + \xo 4.18 \xt Pr 11.31.\x*
\m
\v 19 Tavraasii iñuich nagliksaaqtitauruat God-im pisuutaagun, nakuu­rualiqilich qaunagipkaġlutiŋ iñuġuqtitchiŋaruamun inmiŋnik ataramik taŋŋiisuuruamun unniqsuqłiiñmiñik.
\c 5
\s1 God-im Imnaiŋi
\p
\v 1 Aasii paŋmapak, siḷġiqsuġniaġitka umialiŋnat, uvaŋaptauq umia­liŋnauvluŋa, qiñiŋavlugu Christ nagliksaaġman aasii quliaqtuaġiv­lugu, piqatauyumaaqłuŋa kamanautaanun niptaġumaaqtuamun.
\v 2 Siḷġiqsuġivsi qaunagitquvlugich God-im iñuŋi munaqsraġikkasi, piḷusi imnaiḷiqiritun qaunaksriḷḷuataqtuatun imnaimiñik. Qaunagisigik taqiŋaŋaiġḷusi piyummatigilugu, God-im pitqutaatun ilivsiññun. Qau­nagisigik pisigiłhaaġlugu piyummatiqaġniqsi, akiḷiusiaksranik piquti­qaġniġmiñ.\x + \xo 5.2 \xt Jn 21.15-17.\x*
\v 3 Atanniqsimaniatagnagich taluqsralliaġilugich iñuich qaunagiraksriu­siasi, aglaan tuvraaksriqsigik iñuuniaġutchimik tuvraġumiñakkaŋan­nik.
\v 4 Atanġum niptaġumi, qaukłiatiktun imnaiḷiqirit ittuam ilivsiññun, ilaan akiḷiġñiaġaasi akimaruaq niaquġunmik akiññaktuatun, piqatau­yumiñaqsiḷusi isuitchuami qaumaniġmiñi.\x + \xo 5.4 \xt He 13.20.\x*
\p
\v 5 Tainnatuttauq siḷġiqsuġlavsi ilivsi nukatpiat. Kamakkutiqaġitchi utuqqanaanun. Iluqasi kamasaaŋaiġḷusi ikayuutisitchi avanmun, qanuq Bible uqaluqaqtut inna, “God-im akiḷḷiḷiqsuġai kamasaaqtuagu­ruat, aglaan ikayuqsimaaġai iñuich kamasaaŋitchuat.”\x + \xo 5.5 \xt Pr 3.34; Jas 4.6.\x*
\v 6 Kamanaiġitchi ilivsiññi God-mun aŋalatchumiñaqsiḷugich iñuutchisi ilaan suaŋŋanmigun, aasii ilaan kamanaqsipkaġniaġaasi nalautitpan piviksraq.\x + \xo 5.6 \xt Mt 23.12; Lk 14.11; 18.14; Jas 4.10.\x*
\v 7 Uqauttusiuŋ God uŋiarrisigikkavsiññik aasii tutqiksiḷusi, qanuq ilaan qaunaksraġigaasi.\x + \xo 5.7 \xt Ps 55.22; Mt 6.25-34.\x*
\p
\v 8 Aŋalalluataġitchi ilivsiññik. Nipuŋaitchitchi. Qanuq akiḷḷiqsi Tuunġaq ataramik ukpiġutaiqsitchiñiaqtuq ilivsiññik, iqsiñaqtuatun ugiallavluni lion-tun kukiḷuktuatun sumulliqaa niqiksraqsiuqłuni.
\v 9 Akiḷḷiḷiqsuqsiuŋ ukpiġutiqaqtuiññaġlusi suaŋaruamik, qanuq iḷisima­rusi ukpiqtuaguqatisi nunami iluqaani nagliksaaġmiuttauq ilivsisun.
\v 10 Aasii nagliksaaqtuallaanikkuvsi sivikitchuamik, God-im nagliktauq­paktuam qaitquriŋaruavlu ilivsiññik piqatautquvlusi ilaan isuitchua­mun kamanaunmiñun atausiŋŋuqatigiŋakavsiuŋ Christ, naamasiñia­ġaa ukpiġurri, nalupqisuutiqaġumiñaiġḷusi, maliksuyyataiġḷusiḷu.
\v 11 God isuitchuamun iluqaanik suaŋŋatiqaqtuaguruq. Amen.
\s1 Paġlasuiqsaaġutit
\p
\v 12 Tuyuġivsi ukuniŋa naitchuanik tuyuutinik ikayuqtiqaqłuŋa Sil­vanus-mik, ukpiġnaqtuaġikkamnik aniqanmik. Qapiŋaisaaġukkivsi uqallautilusiḷu tamanna tusaayugaaġiksuaq God-im iḷumutun naglik­tuiñiqpautigigaa iñuŋnik. Ukpiġikavsiuŋ tuniqsimavigisiuŋ.\x + \xo 5.12 \xt Ac 15.22,40.\x*
\v 13 Aŋaayyuliqiruaguqativsi Babylon-mi God-im iñuksraqtaaŋisaptauq paġlammigaasi, iġñiġimmatullu itaġma Mark-gum.\x + \xo 5.13 \xt Ac 12.12,25; 13.13; 15.37-39; Col 4.10; Phm 24.\x*
\v 14 Ukpiqtuat paġlatikaaŋannik paġlatiraġutitchi Christ-miuguruat piviuttaqqutaannik. Tutqiutiqaġitchi iluqasi atausiŋŋuqatauŋaruasii Christ-mun.