\id 1JN - Iñupiat New Testament [esi] Alaska, USA
\ide UTF8
\h 1 JOHN
\toc1 John Sivulliich Tuyuutiŋich
\toc2 1 John
\toc3 1 Jn
\mt1 JOHN SIVULLIICH TUYUUTIŊICH
\is1 Iḷitchuqqutit
\ip John sivulliich tuyuutiŋi malġuiguruamik sivuniqaqtuq: qapi­ŋaisaaġukługich taiguaqtuat iñuutquvlugich piqatigilugu God-lu Iġñiŋalu God-im Jesus Christ, suli kiligukługi aŋŋuuŋ maliġua­quŋił̣ł̣ugich iḷumun iḷisaurrauŋitchuat, avguutauyumiñaqtuat piqatauniġmun God-mullu Iġñiŋanullu. Taamna iḷisaurrun maŋ­ŋuqaqtugguuq uumiŋa: nuna nayuġniaqtuni piḷuun iḷisuuruq. Tainnamik Jesus, God-im Iġñiŋa, timiqapiaŋaiññasugigaat. Taapkua iḷisaurrit uqaqtut iñuk annaurrauniaġumigguuq piit­chuksrauruq isumaaluutiŋiññiñ iñuggutim maani nunami; aasii­suli iḷisaurrivḷutik annaunmun anniqsuutauŋiññivḷugu iluatun iñuuniaġniq, naagga nakuaqqutiniq avanmun.
\ip Paaqłaŋŋatauvluguasi taaptumuŋa iḷisaurrunmun tuyuqtuaq kaŋiqsiñaqsivḷuguasi uqallaktuq taamna Jesus Christ iñuum timaanik timiqapiaġataqłuni iñuuŋanivḷugu aasii nalupqinaiyaa­piaġataqługu iluqatik ukpiqtuat Jesus-mun suli piqpaksraqtuat God-mik nakuaqqutiruksraunivḷugi avanmun.
\is1 Avgutit
\io1 Sivulliqsaaġun 1.1-4
\io1 Qaummaġlu taaqtuaġlu 1.5–2.29
\io1 God-im miqłiqtuŋi suli tuunġavlu miqłiqtuŋi 3.1-24
\io1 Iḷumun ittuaġlu iḷumun inŋitchuaġlu 4.1-6
\io1 Nakuaqqutiqaġniaqtuni piraksraq 4.7-21
\io1 Ukpiqqun akimmatiqaqtuaq 5.1-21
\c 1
\s1 Uqaluk Iñuunaqtuaq
\p
\v 1 Tuyuġivsi sivuniġivlugu taggisiqaqtuaq Uqaluŋmik iñuunaqtua­mik. Ilaa inŋaruq aullaqisaamiñ-qaŋa. Uvagut tusaaŋagikput tau­tuŋagikpullu naipiqtuqługu isumalaaġutigivlugu, suli aksiukkayukługu argaptiŋnik.\x + \xo 1.1 \xt a Jn 1.1; 1 Jn 2.13,14. b Jn 1.1,4; 6.68.\x*
\v 2 Taamna iñuk iñukpalliġman tautuŋagikput, aasii quliaqtuaġutivlusi ilaanik iñuuruamik isuitchuamiñ, itqatauŋavluni Aapamun, aasii iḷit­chuġipkaqługu uvaptiŋnun.\x + \xo 1.2 \xt Jn 1.14,18.\x*
\v 3 Taamna tautuŋakkaqput tusaaŋavlugulu quliaqtuaġigikpulli ilivsiñ­ñun piqasiutitquvlusi uvaptiŋnun iḷammiuġunmi Aapamun pigikkap­tiŋni Iġñiŋanullu Jesus Christ-mun.
\v 4 Aasii tuyuutigigikput taamna quviasuutikput naamatquvlugu.
\s1 God Qaummatauruq
\p
\v 5 Uvva uqaluk uvagut tusaaŋakkaqput Iġñiŋaniñ aasii quliaqtuaġi­gikput ilivsiññun, God qaummataunivḷugu suli ilaani taaqtuagitchuq suuramikunnii.
\v 6 Uqaġupta piqaġniḷuta iḷammiuġunmik ilaanun iñuuniaqtuiññallapta piḷuunmi taaqtuamiinmatun, saglurugut, suli iñuuŋitchugut nalaullugu iḷumun ittuaq.
\v 7 Aglaan iñuuniaqtuagugupta qaummaġmi, ilaatun qaummaġmiittua­tun, piqaqtugut iḷammiuġunmik avanmun, suli auŋata Jesus ilaan Iġñi­ŋan salummaqsimaaġaatigut piḷuutipayaaniñ.
\p
\v 8 Uqaġupta piḷuutaiññiḷuta, sagluqirugut uvaptiŋnik, suli God-im iḷumun ittuaŋa ukpiġiŋitkikput.\x + \xo 1.8-10 \xt Pr 20.9.\x*
\v 9 Aglaan quliaġuptigik piḷuutivut God-mun, ilaa ukpiġiyumiñaġikput qanuq ilaa pisuuruq nalaunŋaruanik, ilaan suliqutigiŋaiġñiaġai itqau­mayumiñaiġḷugich piḷuutivut, suli salummaġluta iluqaaniñ killuliqutip­tiŋniñ.
\v 10 Uqaġupta piḷuksiŋaiññiḷuta, God saglurualigikput, suli uqalua ukpi­ġiŋitkikput.
\c 2
\s1 Christ Ikayuqtikput
\p
\v 1 Miqłiqtuuratkaa, tuyuġivsi taapkuniŋa piḷuksitquŋił̣ł̣usi. Aglaan kiñapayaaq piḷuksiñiqpan, qiññuaqtuurriqaqtugut Aapamun, Jesus Christ-mik nalaunŋaruamik.\x + \xo 2.1 \xt Ro 6.11-14.\x*
\v 2 Aasii God-im suliqutigiŋaiġumiñaġai itqaumayumiñaiġḷugich piḷuuti­vut pisigilugu Christ inuaŋaitchuaguvluni akiḷiutauŋaruaq piḷuutiptiŋ­nun tuqukami. Ilaa tuquŋaruq pisigisuŋaġnagich uvagułhiñaq piḷuuti­vut, aglaallu piḷuutiŋich iñupayaurat.\x + \xo 2.2 \xt 1 Jn 4.10.\x*
\p
\v 3 Aasii kamagiguptigik God-im pitquraŋi, nalupqisukkumiñaitchu­gut iḷisimatilaaptiŋnik ilaanik.\x + \xo 2.3 \xt Jn 14.15,21,23.\x*
\v 4 Iñuk uqaqtuaq iḷisimaniḷugu God aasii kamaksriŋił̣ł̣uni pitquraŋiñik sagluruaguruq, suli God-im iḷumun ittuaŋa ukpiġiŋitkaa.
\v 5 Aglaan kialiqaa kamagituiññaqpagich God-im uqaluŋi ilaan piviutta­ġipiallakkaa God, aasii tainnainman nalupqisukkumiñaitchugut iñuu­tilaaptiŋnik ilaa atausiŋŋuqatigimaaqługu.
\v 6 Iñuk uqaqtuaq ilaa iñuunivḷuni atausiŋŋuqatigimaaqługu God iñuu­tuiññaqtuksrauruq Jesus Christ iñuusipiaġataŋatun.
\s1 Nutauruaq Pitquraq
\p
\v 7 Piviuttaġirauruasii, tuyuŋitkivsi nutauruamik pitquramik, aglaan utuqqauruamik iḷisimaŋakkavsiññik ukpiliqqaaqavsi. Taamna utuq­qauruaq pitquraq quliaqtuaguruq tusaaŋakkaqsi.
\v 8 Aasiivsauq pitquraq tuyuutigikkaġa ilivsiññun nutaummiuq, suli iḷi­simanaqtuq God-mun iḷumun ittuaġitilaaŋanik Christ iñuusiagun, iliv­siḷuami iñuusivsigun. Qanuq taaqtuaq qaaŋiqsaiññaqtuq aasii iḷumun qaummaq qaummaġiksianiktuq.\x + \xo 2.8 \xt Jn 13.34; 15.12.\x*\x + \xo 2.8-10 \xt Ro 13.12-14.\x*
\p
\v 9 Iñuk uqaqtuaq qaummaġmiinnivḷuni uumikłiḷḷaġmi aniqanmiñik taaqtuamiittuq-suli.
\v 10 Iñuk piviuttaqaqtuaq aniqanmiñik nayuutiruq qaummaġmi, aasii sumik piitchuq inmiñi aniqanmi piḷuksisigiyumiñakkaŋanik.
\v 11 Aglaan iñuk uumikłiqsuaq aniqanmiñik taaqtuamiittuq, suli pisuaq­tuq taaġmi, suli naluruq sumun iglautilaamiñik, qanuq taaqtuam tau­tuksipkalaitkaa.
\p
\v 12 Miqłiqtuuraat, tuyuġivsi qanuq piḷuutisi suliqutigiŋaiqsaurut itqaumayumiñaiqł̣ugich pisigivlugu Christ piraŋa.
\v 13 Aapauruasii, tuyuġivsi qanuq iḷisimagiksi ilaa ittuaq aullaqisaamiñ­qaŋa. Nukatpiat, tuyuġivsi qanuq akiiḷiŋagiksi Tuunġaq.
\v 14 Miqłiqtuut, tuyuŋagivsi qanuq iḷisimagiksi Aapa. Aapauruasii, tuyuŋagivsi qanuq iḷisimagiksi ilaa ittuaq aullaqisaamiñ-qaŋa. Nukat­piat, tuyuŋagivsi qanuq suaŋarusi, suli uqalua God-im nayuutiruq iḷuv­siññi, suli akiiḷiŋagiksi Tuunġaq.
\p
\v 15 Piviuttaġinagu suuramikunnii nunam iñuŋisa piḷġusiat. Kialiqaa piviuttaġikpagu nunam iñuŋisa piḷġusiat, piviuttaġiŋitkaa Aapa.\x + \xo 2.15 \xt Jas 1.27.\x*
\v 16 Qanuq supayaat nunam iñuŋisa piḷġusiġikkaŋich sut piḷuksisuguu­ruam timim kipiġniuttaġikkaŋi, sut iñuich qiñikkaŋich pigiyumavlu­giḷḷu, suli supayaat mattumani nunamiittuat iñuich kamasaaġutigikka­ŋich, nalliŋich-unnii qaisauŋaitchut Aapamiñ. Iluqaġmiŋ qaisaurut nunam atanauraŋaniñ.
\v 17 Nunam iñuŋisa piḷġusiŋich kipiġniuttaġikkaŋiḷḷu piiġumaaqtut, aglaalli iñuk kamaksriruaq God-im pitqutaanik iñuuniaqtuq isuitchua­mun.
\s1 Akiḷḷiḷiqsuutiruaq Christ-mun
\p
\v 18 Miqłiqtutkaa, piviksram isua qalliruq, aasii tusaaŋarusi akiḷḷiḷiq­suutiruaq Christ-mun qaiñiaġnivḷugu. Tavra paŋmapak iñugiaktuat akiḷḷiḷiqsuutiruat Christ-mun iñukpallianiŋarut. Taamna pisigivlugu iḷi­simarugut piviksram isua qallisilaaŋanik.
\v 19 Tamatkua iñuich piqataupiaġlutiŋ uvagut iñuptiŋnun piŋaitchut, aasii tainnaiłłutiŋ qimautiŋarut uvaptiŋniñ. Piqataupiaġumiŋ uvaptiŋ­nun, nayuġumiñaŋagaluaġaatigut. Tavra qimaŋagaatigut iḷisimanam­maġiksitquvlugu nalliat-unnii piqataupiaŋisilaaŋanik uvaptiŋnun.
\p
\v 20 Aglaan Christ iḷiŋagaa Ilitqusiġiksuaq iḷuvsiññun, aasii taamna pisigivlugu iluqasi iḷisimagiksi iḷumun ittuaq.\x + \xo 2.20 \xt 1 Co 2.10-16.\x*
\v 21 Tuyuġivsi nalurualigaluaġnasi iḷumun ittuamik, qanukkii iḷisima­giksi taamna, aasii iḷisimammigiksi sagluuruaq iḷaitchuq iḷumun ittua­mik.
\v 22 Kiña sagluturuaguva? Iñuk ayyairuaq Jesus Christ-guniŋanik, God Tiliraŋanik. Tavra iñuk akiḷḷiḷiqsuqtuaq Christ-mik ayyairuq Aapamik Iġñiġmiglu.
\v 23 Kiñaliqaa ayyairuaq Iġñiġmik ayyaimmiuq Aapamik. Iñuk akuqtui­ruaq Iġñiġmik akuqtuimmiuq Aapamik.
\p
\v 24 Tavraasii ukpiqsimaaġniapiaġitchi kamagilugulu tusaagayuŋa­raqsi ukpiliqqaaqavsi. Tainna piguvsi, ataramik atausiŋŋuqatigimaaġ­niaġiksi Iġñiq Aapalu.
\v 25 Aasiuvva unniqsuqłiiŋagaatigut iñuggunmik isuitchuamik.
\v 26 Tuyuqtuŋa ilivsiññun sivuniġivlugich tamatkua sagluqinnikkuma­ruat ilivsiññik,
\v 27 aglaan Christ iḷiŋagaa Ilitqusiġiksuaq iḷuvsiññun. Sivisutilaaŋatun Ilitqusiġiksuam inniŋan iḷuvsiññi iḷisaurrituŋitchusi iñulimaamik. Qanuq Ilitqusiġiksuam puttuqsrisiqaqtitaaġaasi sum nalaunŋatilaaŋa­nik, suli iḷisaurrutiŋi iḷumun ittuagurut sagluuŋitchut. Tavraasii kama­giugaqsigik Ilitqusiġiksuam iḷisaurrutiŋi aasii atausiŋŋuqatigimaaġlugu Christ.
\v 28,29 Tavraasii miqłiqtutkaa, iñuutuiññaġitchi atausiŋŋuqatigimaaġ­lugu Christ, attaqsrautaitchumausi niptaqpan, iriqtuġumaŋiḷḷusi ilaa­niñ pisigilugu kanŋusugniqsi Uvlumi qaġġiviani. Iḷisimavlusi Christ nalaunŋaruagutilaaŋa nalupqisukkumiñaitchusi kiñaliqaa nalaunŋa­rualiqiri aniŋatilaaŋanik ilaaniñ.
\c 3
\p
\v 1 Qanutun Aapam piviuttaġitigiŋaniġaatigut. Piviuttaqqutiqaqpaił̣­ł̣uni taggisiqaqtitkaatigut God-im miqłiqtuŋiñik, aasii miqłiqtuġi­piaġaatigut. Nunam iñuŋi puttuqsriḷaitchut God-mun miqłiqtuġitilaap­tiŋnik qanuq iliŋisa naluvlugu God.\x + \xo 3.1 \xt Jn 1.12.\x*
\v 2 Piviuttaġirauruasii, paŋmapak God-im miqłiqtuġigaatigut. Salapqi­ŋaitchuq-suli suuniaqtilaaqput, aglaan iḷisimarugut Christ salapqiqpan iḷiñiaqtugut ilaatun, qanuq tautugniaġikput irrusiatun.
\v 3 Aasii iñupayaaq qiñiġummatiqaqtuaq Christ-mik piḷuutaiññiaqtua­guruq inmiñik Christ-tun piḷuutaitchuatun.
\p
\v 4 Iñupayaaq piḷuusiqiruaq pitquraiḷaqtuq qanuq piḷuun kamaksri­ŋirrutauruq pitquranik.
\v 5 Iḷisimarusi Christ salapqiŋatilaaŋanik piiġiaqługich piḷuutivut, aasii ilaa piḷuutaitchuq.\x + \xo 3.5 \xt Jn 1.29.\x*
\v 6 Kiñaliqaa atausiŋŋuqatauŋaruaq Christ-mun piḷuusiqiugaŋitchuq, aasii iñuk piḷuusiqiugaqtuaq tautuŋaitchuq ilaanik, iḷitchuġiŋaitkaalu qaŋaunnii.
\v 7 Miqłiqtuuraat, iñuŋmun sagluqipkaġnasi. Iñuk nalaunŋarualiqiugaq­tuaq nalaunŋaruq, Christ-tun nalaunŋaruatun.
\v 8 Iñuk piḷuusiqiugaqtuaq Tuunġaum pigigaa, qanuq tuunġaq piḷuusiqi­ŋaruq aullaqisaamiñ-qaŋa. Iġñiŋa God-im salapqiŋaruq suksraunġi­ġukługich savaaŋi Tuunġaum.\x + \xo 3.8 \xt He 2.14-15.\x*
\p
\v 9 Iñuk miqłiqtuliutiŋaruaq God-mun anitqikł̣uni piḷuusiqiugaalait­chuq, qanuq God-im irrusia iḷuaniittuq, aasii ilaa piḷuusiqiugaaġumi­ñaitchuq qanuq God-mik aapaqaqtuq.
\v 10 Uumuuna iḷisimanaġumiñaqtut kisut miqłiqtuġitilaaŋat God-mun, suli kisut miqłiqtuġitilaaŋat Tuunġaġmun. Kiñapayaaq nalaunŋaruali­qiugaŋitchuaq piviuttaqsriŋitchuaġlu aniqanmiñik God-im miqłiqtuġi­ŋitkaa.
\s1 Piviuttaqqutisitchi Avanmun
\p
\v 11 Qanuq una uqaluk tusaaŋagiksi ukpiliqavsi-qaŋa, uvagut piviut­taqqutiruksrauvluta avanmun.\x + \xo 3.11 \xt Jn 13.34; 15.12.\x*
\v 12 Ittuksrauŋitchugut Cain-tun pigiitchuamiñ piruatun iñuktaġivlugu aniqatini. Aasii summan iñuktaġiŋavauŋ? Iñuktaġiŋagaa ilaan savaani pigiił̣ł̣utiŋ aasii aniqataan nalaunŋaruaguvlutiŋ.\x + \xo 3.12 \xt Gn 4.8.\x*
\p
\v 13 Aniqatiit, allayuaġnasi nunam iñuŋisa uumigikpasi.
\v 14 Piviuttaġiguptigik ukpiqtuaguqativut iḷisimanaqsigikput annaurrau­ŋatilaaqput tuqqunmiñ iñuullasivḷuta isuitchuamun. Kiñaliqaa piviut­taqsriŋitchuaq tuquŋaruqsuli.\x + \xo 3.14 \xt Jn 5.24.\x*
\v 15 Kiñapayaaq uumikłiqsuaq aniqanmiñik iñuaqtauruq, aasii iḷisimam­miusi iñuaqti iñuggunmik isuitchuamik iḷumiutaitchuq.
\v 16 Iḷisimagikput piviuttaqqun uumuuna, Christ aitchuutigiŋagaa iñug­gutini tuquvluni anniqsuqsaqłuta, uvaguttauq aitchuiruksraummiugut iñuggutiptiŋnik anniqsuqsaġlugich aniqatiivut.\x + \xo 3.16 \xt Jn 15.13.\x*
\v 17 Kiñaliqaa suġalliruaq aasii iḷitchuġivlugu aniqatini piiḷḷiuqtuaq, aasii nagliksrautaił̣ł̣uni ilaanun, pimaaqtuġumiñaitkaa God-im piviuttaqqu­taa iḷumiñi inniḷugu.
\v 18 Miqłiqtutkaa, piviuttaqsriñata uqalułhiñami, aglaan taŋŋipiaġlugu piḷġusikun.
\s1 Attaqsrautairrun God-mun
\p
\v 19 Tainna pigupta iḷisimaniaqtugut iḷumun ukpiqtuagutilaaptiŋnik, attaqsrautiqaġumiñaitchugullu God-im sivuġaani.
\v 20 Irrusiqaġaluaġuptaunnii pasikkunmik iḷuptiŋni attaqsraŋirrutiqaġu­miñaqtugut ilaan sivuġaani, qanuq God kamanałhaaqtuq isumaptiŋni pasikkutiniñ, supayauramik iḷisimavluni uvaptigun.
\v 21 Piviuttaġirauruasii, isumaptiŋni pasikkunmik piitkupta, attaqsrau­taitchugut sivuġaani God-im,
\v 22 aasii akuqtuisuurugut ilaaniñ supayaamik apiqsriaptiŋnik, qanuq kamagigivut pitquraŋi suli pivḷugu suna iviġaumanaqtuaq ilaanun.
\v 23 Aasiuvva ilaan pitquraŋa, uvagut ukpiquvluta Iġñiġmiñun Jesus Christ-mun suli piviuttaqqutiluta avanmun, kamagilugu Christ pitqur­riutaa uvaptiŋnun.\x + \xo 3.23 \xt Jn 13.34; 15.12,17.\x*
\v 24 Iluqaġmiŋ kamaksriruat God-im pitquraŋiñik atausiŋŋuqatigimaa­ġaat God, suli God iñuuruq iliŋiññi. Suli uumuuna iḷisimarugut ilaan iñuutilaaŋanik uvaptiŋni, Ilitqusiġiksuaq iḷiŋavlugu ilaan iḷuptiŋnun.
\c 4
\s1 Ilitqusiġiksuaġlu Iḷumun Inŋitchuaġlu Ilitqusiq
\p
\v 1 Piviuttaġirauruasii, ukpiġinagu iñupayauraq pimaaqtuqtuaq Ilit­qusiġiksuaqaġnivḷuni, aglaan naipiqtuqsigik iḷitchuġisaġlugich ilit­qusiq pigikkaŋat God-miñ qaisilaaŋanik. Qanuq iñugiaktuat uqaq­tauŋŋuaqtuat God-mun aullaŋarut sumulliqaa.\x + \xo 4.1-3 \xt Mt 7.15; 2 Jn 7.\x*
\v 2 Uumuuna iḷisimagiksi Ilitqusiġiksuaŋa God-im: Iñupayaaq quliaq­tuaqaqtuaq Jesus Christ-mik qaiŋanivḷugu timiqaqłuni piqaqtuq Ilit­qusiġiksuamik qairuamik God-miñ.
\v 3 Aasii iñupayaaq quliaqtuaqaŋitchuaq Jesus-mik tainna, piqaŋitchuq Ilitqusiġiksuamik God-miñ. Taamna ilitqusiġigaa akiḷḷiḷiqsuutiruam Christ-mun, tusaaŋakkaqsi qaiyumaaġnivḷugu, aasii paŋmapak nunam iñuŋiñiitaniŋaruq.
\p
\v 4 Miqłiqtutkaa, God-im pigigaasi, aasii akiiḷiŋagisi uqaqtauŋŋuaq­tuat God-mun, qanuq Ilitqusiġiksuaq iḷuvsiññiittuaq suaŋałhaaqtuq ilitqutchimiñ ittuamiñ nunam iñuŋiñi.
\v 5 Iliŋich nunam iñugivlugich uqautiqaqtut kisiŋiññik mattuma iñuut­chim piŋiñik, suniglu iviġaumanaqtuanik nunam iñuŋiñun. Tainnain­mata nunam iñuŋisa naalaġnigaich.\x + \xo 4.5 \xt Jn 15.19.\x*
\v 6 Uvagut God-im pigigaatigut. Kiapayaaq iḷisimaruam God-mik naa­laġnigaatigut, aasiiḷi kialiqaa God-im pigiŋisaŋan naalaġniŋitkaatigut. Taapkunuuna iḷitchuġigikput allagiiksilaaŋak Ilitqusiġiksuavlu iḷumun ittuam ilitqusiatalu killukuaŋaruam.\x + \xo 4.6 \xt Jn 8.47.\x*
\s1 God Piviuttaqqutauruq
\p
\v 7 Piviuttaġirauruasii, piviuttaqqutita avanmun qanuq piviuttaqqun God-miŋŋaqtauruq, aasii kiñaliqaa tainnatun piviuttaqqutiqaqtuaq iḷi­simanaqtitkaa miqłiqtuutilaani God-mun, iḷisimagaalu God.
\v 8 Iñuk piviuttaqqutaitchuaq naluruq God-mik, qanuq God piviuttaq­qutauruq.
\v 9 Innauvva piviuttaqqutaa God-im salapqiŋaruq akunnaptiŋni, God­im tilivḷugu Iġñitualuni nunamun, uvagut iñuutquvluta ilaagun.\x + \xo 4.9 \xt Jn 3.16\x*
\v 10 Uvva innaittuq piviuttaqqun, piviuttaġiŋaitkaluaġikput God aglaan ilaan piviuttaġiŋaniġaatigut suli tilivḷugu Iġñini tuqutquvlugu ilaan suliqutigiŋaiġukługich itqaumayumiñaiġḷugich piḷuutivut.
\v 11 Piviuttaġirauruasii, God-im tainnatun piviuttaġitigiŋaniqpatigut, piviuttaqqutiruksraugaluaġmiugut avanmun.
\v 12 Iñuum qaŋaunnii tautuŋaitkaa God, aglaan piviuttaqqutigupta avanmun, God iñuuruq iḷuptiŋni piviuttaqqutaalu naamasiŋaruq iḷup­tiŋni.\x + \xo 4.12 \xt Jn 1.18.\x*
\p
\v 13 Uvva nalupqisuŋirrutiksraqput atausiŋŋuqatigiŋatilaaŋanik God suli ilaa iñuutilaaŋanik iḷuptiŋni, ilaan iḷiŋavlugu Ilitqusiġiksuani iḷup­tiŋnun.\x + \xo 4.13 \xt Ro 8.9; 1 Jn 3.24.\x*
\v 14 Aasii tautuŋakkaqput quliaqtuaġigikput Aapa tilisiŋanivḷugu Iġñiġ­miñik Annaurrigipkaqsaqługu iñuŋnun.\x + \xo 4.14 \xt Jn 3.17.\x*
\v 15 Kialiqaa quliaqtuaġigumiuŋ Jesus Iġñiġiniḷugu God-mun, God iñuuruq iḷuani, ilaallu God atausiŋŋuqatiŋagaa.
\v 16 Tavraasii iḷisimagikput ukpiġigikpullu God-mun piviuttaġitilaaqput. God piviuttaqqutauruq, iñuk-aasii piviuttaqsriruaq atausiŋŋuqatauruq God-mun, suli God iñuuruq iḷuani.
\v 17 Tainnauvva piviuttaqsripkaqtaurugut God-im piviuttaqsrisiatun, tavraasii attaqsrautiqaġumiñaitchugut uvluani isivġiġvium, qanuq iñuuniqput mattumani nunami inmiuq Christ iñuusiġiŋakkaŋatun. Sivuuqqataitchuq piviuttaqsriruaq.
\v 18 Piviuttaqsrikapta God-im piviuttaqsrisiatun, ilaa sivuuġagiŋitkik­put. Tavraasii iñuk sivuuqqatiqaqtuaq piviuttaqsriŋitchuq God-im piviuttaqsrisiatun, qanuq iqsisiqaqtuq-suli God-mun tatavsaġniaġniv­ḷuni.
\p
\v 19 Piviuttaqsrirugut qanuq God-im piviuttaġiqqaaŋagaatigut.
\v 20 Kiñaliqaa uqallakkumi, Piviuttaġigiga God, aasii uumigilugu aniqa­tini, sagluruq, qanuq iñuk piviuttaqsriŋitchuaq aniqanmiñik tautuŋak­kaġmiñik, qanuġluni piviuttaqsriyumiñaitchuq God-mik tautuŋaisami­ñik.
\v 21 Aasiuvva pitquraksriusiaqput Christ-miñ, iñuuvguuq piviuttaġiniġu­miuŋ God piviuttaġiraksraġimmigaa aniqatini.\x + \xo 4.21 \xt Mt 5.44-45; Mk 12.29-31.\x*
\c 5
\s1 Akimaruagurugut
\p
\v 1 Iñupayaaq ukpiqtuaq Jesus Christ-gunivḷugu Tiliraŋa God-im, miqłiqtuġigaa God-im, suli iñupayaaq piviuttaqsriruaq Aapamik piviuttaqaġmiuq miqłiqtuanik.
\v 2 Uumuuna iḷisimarugut piviuttaqsrisilaaptiŋnik miqłiqtuŋiñik God­im, piviuttaġikaptigu God suli kamagivlugich pitquraŋi.
\v 3 Aasii piviuttaqsriñiq God-mik sivuniqaqtuq inna, uvagut kamagilu­gich pitquraŋi. Aasii pitquraŋi siġḷiġnaitchut.\x + \xo 5.3 \xt a Jn 14.15; 2 Jn 6. b Dt 30.11; Mt 11.30.\x*
\v 4 Kialiqaa God-im miqłiqtuata akiiḷiyumiñaġai ikł̣igutchaktinniaġutit pipkaġniutauruat nunam iñuŋisun. Aasii akimmatigisuugikput ukpiġu­tiqaqtuiññaqłuta Ataniġmun Jesus Christ-mun.
\v 5 Kiuva akiiḷiññiktuaq nunam iñuŋisa piḷġusiŋiñik? Taamnauruq ukpiqtuaq Jesus Iġñiġinivḷugu God-mun.
\s1 Ukpiġnaqsiḷġutit Jesus Christ-kun
\p
\v 6 Jesus Christ taamnauruq qaiŋaruaq aasii paptaiqsauvluni imiġ­mik suli maqipkaqługu auni tuquvluni. Qaiŋaitchuq imiłhiñakun, aglaan imikullu aukullu. Aasii Ilitqusiġiksuam ilaan ukpiġnaqsiḷiŋagaa taavruma iḷumun itilaaŋa, qanuq Ilitqusiġiksuaq iḷumun ittuaguruq.
\v 7,8 Ilitqusiġiksuaġlu imiġlu auglu taapkua piŋasut atirut iḷitchuġipkai­ñiġmiŋni.
\v 9 Ukpiġillaguptigik iñuich quliaqtuaŋich, God-im quliaqtuaŋa ukpiġ­nałhaaqtuq. Tavraasii taapkunuuna piŋasutigun God-im nalupqinaiŋa­gaa Jesus inmiñun Iġñiġitilaaŋanik.\x + \xo 5.9 \xt Jn 5.32-37; 8.18.\x*
\v 10 Iluqaġmiŋ ukpiqtuat God-im uqaluanik Iġñiġmigun iḷumiŋni iḷisi­marut taavruma iḷumun itilaaŋanik. Kialiqaa ukpiġiŋitkumiuŋ taamna, ilaan sagluturualigaa God, qanuq ilaan ukpiġiŋitkaa God-im uqalua Iġñiġmigun.
\v 11 Aasiuvva God-im uqallautiŋagaatigut ilaan iñuupkaġniaġnivḷuta isuitchuamun, aasii taamna iñuggun Iġñiŋaniittuq.
\v 12 Kiñaliqaa God-im Iġñiŋan iñuuvigikkaŋa iñuuniaqtuq isuitchua­mun. Kiñaliqaa Iġñiġum iñuuvigiŋisaŋa iñuuniaŋitchuq isuitchuamun.\x + \xo 5.12 \xt Jn 3.36.\x*
\s1 Iñuggun Isuitchuaq
\p
\v 13 Tuyuqtuŋa taapkuniŋa ilivsiññun ukpiqtuanun Iġñiŋanun God-im, iḷisimatquvlusi piqaqtilaavsiññik iñuggunmik isuitchuamik.\x + \xo 5.13 \xt Jn 20.31.\x*
\v 14 Una pisigivlugu attaġiŋitkikput ilaa, apiqsrikapta supayaamik nalaułługu pisuutaa tusaagaatigut.\x + \xo 5.14-15 \xt Mt 7.7-11; Lk 11.9-13; Jn 15.7,16; 16.23-24; 1 Jn 3.21-22.\x*
\v 15 Aasii iḷisimagupta tusaallatilaaptiŋnik apiqsripayaaqapta, iḷisimaru­gut aitchuusiaqaġniaqtilaaptiŋnik apiqsriaptiŋnik ilaaniñ.
\p
\v 16 Kialiqaa tautukkumiuŋ aniqatini piḷuksiruaq aŋaayyutiraksraġi­gaa God-mun suliqutigiŋaiqulugu aasii God-im suliqutigiŋaiġñiaġaa itqaumayumiñaiġḷugu piḷuutaa, ami piḷuksisiqaŋitpan piḷuunmik nalupqinaitchuamik tuqqutauyumiñaġluni. Iñuk piḷuksisiqaġumiñaġ­miuq piḷuunmik nalupqinaitchuamik tuqqutiksramun. Uqallautiŋit­kivsi ilivsiññun aŋaayyutigitqulugu taamna God-mun.
\v 17 Iluqani killuliqiniq piḷuutaugaluaqtuq, piḷuutiqaġmiuq tuqqutauyu­miñaitchuanik.
\v 18 Iḷisimarugut kiñaliqaa God-im miqłiqtua piḷuusiqiugaalaitchuq, qanuq Iġñiŋata God-im qaunagigaa, aasii Tuunġaum anniġumiñait­kaa.
\p
\v 19 Iḷisimarugut God-mun pigitilaaptiŋnik, aasiiḷi iluqaisa nunam iñuŋi atanniqsimagai Tuunġaum.
\v 20 Aasii iḷisimarugut Iġñiŋa God-im qaiŋaruq aasii kaŋiqsipkaqłuta iḷitchuġiyumiñaqsivḷugu iḷumun ittuaq God. Aasii uvagut atausiŋŋuqa­tauŋarugut iḷumun ittuamun God-mun, Iġñiŋanullu Jesus Christ-mun. Ilaa iḷumun ittuaq God, suli isuitchuamun iñuggutauruaq.\x + \xo 5.20 \xt Jn 17.3.\x*
\v 21 Miqłiqtutkaa, iḷaksianagich iḷumun inŋitchuat god-it.