\id 2JN - Iñupiat New Testament [esi] Alaska, USA
\ide UTF8
\h 2 JOHN
\toc1 John Alġaiŋich Tuyuutiŋisa
\toc2 2 John
\toc3 2 Jn
\mt1 JOHN ALĠAIŊICH TUYUUTIŊISA
\is1 Iḷitchuqqutit
\ip John alġaiŋich tuyuutiŋisa taggisiqaqtuam umialiŋnamik aglaaŋi, “Piqpaŋnaqtuamun, aġnamun miqłiqtuŋiñullu”, sivu­niġivalliġaa inimi aŋaayyuviuruamun iñuŋiñullu. Naisuurat uqa­luich arautaurut nakuaqqutitquvlugi avanmun, suli qaunakłaa­quriruq iḷumun inŋitchuanik iḷisaurriñik, iḷisaurrutaiññiglu.
\is1 Avgutit
\io1 Sivulliqsaaġun 1-3
\io1 Nakuaqqutim nuimaniŋa 4-6
\io1 Siḷġiqsuutit sagluqiraupkaŋiññikun 7-11
\io1 Aġiusaun 12-13
\c 1
\p
\v 1 John umialiŋnauruaq tuyuqtuq ukuniŋa aġnamun God-im pik­sraqtaaŋanun miqłiqtuŋiñullu piviuttaġipiaġatakkamnun. Kisimałhi­ñaq piviuttaġiŋitkivsi aglaallu iluqaġmiŋ iḷisimaruat God-im iḷumun ittuaŋanik,
\v 2 pisigivlugu iḷumun ittuaq iḷuptiŋniittuaq, suli iḷuptiŋniittuaq isuit­chuamun.
\v 3 God-iptuq Aapam Jesus Christ-lu Aapam Iġñiŋata iviġaummatigilisi­gut nagligilutalu tutqiutiqaqtillutalu iñuuyumiñaqsiḷuta ilaan iḷumun ittuaŋagun piviuttaqqutaagullu.
\s1 Iḷumun Ittuaq Piviuttaqqullu
\p
\v 4 Quviasupiaġataŋaruŋa iḷitchuġikapkich iḷaŋich miqłiqtuvich iñuummata iḷumun ittuakun, nalaupiaqługu piraksriutaa Aapam uvap­tiŋnun.\x + \xo 4 \xt 3 Jn 3.\x*
\v 5 Aasiuvva paŋmapak apiġipiaġikpiñ aġnaaq, piviuttaqqutita avan­mun. Nutauruamik pitquramik tuyuŋitkikpiñ, aglaan pitquramik pigi­ŋakkaptiŋnik isuaniñ-qaŋa.\x + \xo 5 \xt Jn 13.34; 15.12,17.\x*
\v 6 Taamna uqautigikkaġa sivuniqaqtuq iñuutquvluta kamagilugich God-im pitquraŋi. Pitquraq tusaaŋakkaqsi isuaniñ-qaŋa uvva, iluqasi piviuttaqqutiruksraurusi avanmun.\x + \xo 6 \xt Jn 14.15,23-24; 1 Jn 5.3.\x*
\p
\v 7 Qanuq iñugiaktut sagluqirit sumiḷiqaa ittut, iñuich quliaqtuaqa­ŋitchuat Jesus Christ qaiŋanivḷugu timiqaqłuni. Tainnasiq iñuk saglu­qinnigniaqtuaguruq akiḷḷiḷiqsuiruġlu Christ-mik.\x + \xo 7 \xt Mt 7.15; 1 Jn 2.18; 4.1-3.\x*
\v 8 Qaunagisitchi iliŋiññiñ asiñuurrauŋitchumausi aasii tammaiŋiḷḷusi akiḷiusiaksramik ilivsiḷu uvaŋalu siġġaqutigiŋaraptiŋnik aitchuusiaġi­yumavlugu. Piññaktaġiniaqsiuŋ inuaŋaitchuaq akiḷiusiaksraqsi Ataniġ­miñ.
\p
\v 9 Iñuk ukpiqsimatuiññaŋitkumi taavrumuŋa iḷisaurrunmun Christ-kun, aglaan arguakkiutigumiuŋ, atausiŋŋuqatauŋaitchuq God-mun. Kiñaliqaa ukpiġutiqaqtuiññaqtuaq taavrumuŋa iḷisaurrunmun atausiŋ­ŋuqatauŋaruq Aapamun Iġñiġmullu.\x + \xo 9 \xt 1 Jn 2.22-23; 4.15.\x*
\v 10 Kiñaliqaa ullautikpan ilivsiññun iḷisaurriŋiḷḷuni iḷumun ittuamik Christ-kun, tukkuliġñagu aimaaġvivsiññun naaggaunnii uqallautinagu, Tutqiutiqaġiñ.
\v 11 Qanuq paġlariruaq ilaanik tainna piqatauruq pigiitchuamun iḷisaur­rutaanun.
\s1 Uqallaguiqsaaġutit
\p
\v 12 Uqaluksraukkaġaluaqtuŋa iliŋnun aglaan uqautigisuŋitkitka ukunuuna tuyuutitigun, qanuq qaiñasuaġumaruŋa takulutin aasii kasuġlutin uqaqatigilutin. Tavraasii quviasupiaġataġniaqtugut.\x + \xo 12 \xt 3 Jn 13-14.\x*
\v 13 Miqłiqtuŋisa aġnam aniqarvich piksraqtaaŋata God-im paġlagaatin.