\id 3JN - Iñupiat New Testament [esi] Alaska, USA
\ide UTF8
\h 3 JOHN
\toc1 John Piŋayuak Tuyuutiŋisa
\toc2 3 John
\toc3 3 Jn
\mt1 JOHN PIŊAYUAK TUYUUTIŊISA
\is1 Iḷitchuqqutit
\ip John piŋayuiŋi tuyuutiŋisa umialiŋnam aglaaŋi aŋaayyuviŋ­mun aullarrauruamun Gaius-mik atiqaqtuamun. Tuyuqtuam nanġaġaa Gaius ikayuiñiŋagun allanun ukpiqtuanun, suli qau­nakłaaquvlugich aŋunmik atiqaqtuamik Diotrephes-mik.
\is1 Avgutit
\io1 Sivulliqsaaġun 1-4
\io1 Gaius nanġaqtauruq 5-8
\io1 Diotrephes suksraunġiqsauruq 9-10
\io1 Demetrius nanġaqtauruq 11-12
\io1 Aġiusaun 13-15
\c 1
\p
\v 1 John umialiŋnauruaq tuyuqtuq ukuniŋa avilaitqatipiamnun Gaius-mun, piviuttaġipiaġatakkamnun.\x + \xo 1 \xt Ac 19.29; Ro 16.23; 1 Co 1.14.\x*
\v 2 Piviuttaġirauruatiin, aŋaayyutigigiga sunapayaaq piḷḷuataquvlugu ilipkun naŋirrutaitquyumavlutillu, iḷisimavluŋa nalaunŋatilaaġnik ilit­qusiġñi sivuġaani God-im.
\v 3 Quviasukpaŋaruŋa iḷaŋich aniqatiit tikitchuat quliaqtuaġutimmanŋa qanutun ukpiġnaqtilaaġnik ukpiġikapku God-im iḷumun ittuaŋa, suli iñuunivḷutin tuvraqługu ilaan iḷumun ittuaŋa.\x + \xo 3 \xt 2 Jn 4.\x*
\v 4 Kamanałhaaqtuamik quviasuutiqaġumiñaitchuŋa uumaŋŋa, tusaa­kapkich miqłiqtutka iñuunivḷugich tuvraqługu iḷumun ittuaq.
\s1 Gaius Nanġausiaqaqtuq
\p
\v 5 Piviuttaġirauruatiin, piḷḷuataqtutin savaurrikavich qanusipayaa­mik aniqatiinun, iglaakkaluanun-unnii.
\v 6 Quliaqtuaġilluataŋagaat savaan piviuttaqsrivḷutin aŋaayyuliqiruanun maani. Piḷḷuataġniaqtutin ikayuqsimaaġupkich iglaaguniŋanni ikayuġ­lugich iviġaumanaqtuatigun God-mun.
\v 7 Qanuq iglauŋarut savautivlugu Christ aitchuusiaqaġaluaġnatiŋ qanu­sipayaamik ikayuusiamik ukpiŋaitchuaniñ.
\v 8 Taamna pisigilugu uvagut ukpiqtuaguruaguut ikayugaksraġigaluaġi­vut tainnatchit iñuich, uvagut savaqatausugluta siaminniŋani God-im iḷumun ittuaŋan.
\s1 Diotrephes Demetrius-lu
\p
\v 9 Tuyuŋaruŋa naitchuanik tuyuutinik aŋaayyuliqiruanun, aglaan Diotrephes sivulliuqtaullaturuam iliŋiññun suuramikunnii suliqutigi­laitkai uqautitka.
\v 10 Tavra qaiguma satqummiġñiaġiga suliqitilaaŋa, uqallaruaq uvapkun uqalugiitchuanik saglutigivluŋalu. Suli katchuutigisuŋaġnagu taamna, tukkuliġulaiñmigai iglaaguruat aniqatit, suli pitchaiḷiraqługich tamat­kua tukkuliisukkaluaqtuat iliŋiññik, anittaqługiḷḷu aŋaayyuviŋmiñ.
\p
\v 11 Piviuttaġirauruatiin, tuvraġnagu iñuk pigiitchuaguruaq, aglaan nakuurualiqilutin. Iñuk nakuurualiqiruaq God-im pigigaa, iñuk pigiit­chualiqiruaq naluruq God-mik\x + \xo 11 \xt 1 Jn 2.29; 3.6,9-10.\x*
\v 12 Iñupayaat uqautigilluataġaat Demetrius, aasii iḷumun ittuamik uqautigigaat. Uvaŋaptauq uqaġilluataġiga, aasii iḷisimagiksi uqaluga iḷumun ittuq.
\s1 Paġlasuiqsaaġutit
\p
\v 13 Uqaluksraukkaġaluaqtuŋa iliŋnun aglaan uqautigisuŋitkitka ukunuuna tuyuutitigun,\x + \xo 13-14 \xt 2 Jn 12.\x*
\v 14 qanuq tautuŋnasuaġumaaġikpiñ, aasii uqaġlunuk atautchimi.
\v 15 Tutqiutiqaġiñ. Iluqaġmiŋ avilaitqarvich paġlagaatin. Paġlakkich avilaitqativut iluqapayauraŋisa.