\id JUD - Iñupiat New Testament [esi] Alaska, USA
\ide UTF8
\h JUDE
\toc1 Jude Tuyuutiŋich
\toc2 Jude
\toc3 Jud
\mt1 JUDE TUYUUTIŊICH
\is1 Iḷitchuqqutit
\ip Jude tuyuŋaniqsuq kiliktuisukłuni killukun iḷisaurriruaqaġ­nivḷugu ukpiqtuaguniruanik. Tuyuutimiñi, 2nd Peter-tun itkav­saktuami, tuyuqtuam qapiŋaisaaġai taiguaqtiksrat “qapiqtaiḷḷisi­gitquvlugu iḷumun ittuaq nalaunŋapkaġniapiaġlugu God-im qai­saŋatun atausiaqługu iñuŋmiñun”.
\is1 Avgutit
\io1 Sivulliqsaaġun 1-2
\io1 Iḷisaurrit iḷumun inŋitchuanik irrusiat, iḷisaurrutiŋich, suli suksraunġiqsitauruksraŋat 3-16
\io1 Tammaisaġniaquŋiññiq ukpiġun 17-23
\io1 Aŋaayyun aġiusaun 24-25
\c 1
\p
\v 1 Jude kivgaŋata Jesus Christ suli aniqataata James-gum tuyuġigai ukua iñuŋnun ququaŋakkaŋiñun God-im, piviuttaġikkaŋiñun God-im Aapam ukpiġutiqaqtituiññakkaŋiñullu Jesus Christ-gum.\x + \xo 1 \xt Mt 13.55; Mk 6.3.\x*
\v 2 God-ttuq nagliktuutiqpaqaġli ilivsiññun, tutqiutiqpaqaqtillusiḷu, piviuttaqqutiqpaqaġliḷu ilivsiññun.
\s1 Iḷisaurrit Iḷumun Inŋitchuanik
\p
\v 3 Piviuttaġirauruasii, pisuqtilaaptun tuyuġuuraġniallavsi uqautigi­lugu annaun atunim pigikkaqput, irrusiñiłhaaŋaruŋa tuyuġukłusi qapi­ŋaisaaġutinik, ukpiqsimaaqtuiññaquvlusi suli qapiqtaiḷḷisigitquvlugu iḷumun ittuaq nalaunŋapkaġniapiaġlugu God-im qaisaŋatun atausiaq­ługu iñuŋmiñun.
\v 4 Qanuq imma iñuich iḷaŋich god-aiḷaqtuat sagluqinnikłutiŋ iḷḷatiŋa­niqsut uvaptiŋnun, aasii iḷumun inŋitchuanik iḷisaurriaqsivḷutiŋ, God­mun nagliktauvaił̣ł̣uni sugiŋiññivḷugich qanusipayaat piḷuutikun pira­ġautchich. Suli iliŋisa ayyaktuaġmivḷugu Jesus Christ Ataniqput Umia­likpullu. Tainnatchit iñuich suksraunġiqsauyumaaqtut, suli suksraun­ġiqsauyumaaġniŋat uqautauganiŋaruq Bible-ni iŋiḷġaan.
\p
\v 5 Itqaqtitchukkivsi iḷaŋiññik sut iḷisimaaniŋakkavsi. Itqaqsiuŋ una. Atanġum annautiŋagaluaqługich Israel-guruat nunamiñ Egypt-miñ, aquvatigun suksraunġiŋagai ukpiġutaitchuat taipkunani.\x + \xo 5 \xt a Ex 12.51. b Nu 14.29-30.\x*
\v 6 Itqaġmisiuŋ una. Isaġulgich qaunakłaanġiqł̣utiŋ qaaŋiulaaŋagaat ataniġnaqutiksriusiaqtiŋ God-miñ, aasii qimakługu qiḷak iñuuvikka­luaqtiŋ. God-im tigutaaŋagai taaqtuamun samuŋa qiḷiqsruirauviannun tigutaaġutinik isuitchuamun, utaqqivḷugu taimña kamanaqtuaq Uvluq suksraunġiqsauviksrautaat.
\v 7 Suli itqaġlugich iñuŋich Sodom-lu Gomorrah-vlu avalliuraŋisalu nunaaqqich piḷuusiqiŋammiruat taipkunatun isaġuliktun, allatuutiti­gun aŋutikkaluat-unnii aŋutinun. Taamna pisigivlugu nagliksaaqtut tatavsaunmi isuitchuamik igniġmi, aasii taamna kaŋiqsiñaqłuni kilik­tuutauruq iluqaptiŋnun tuvraquŋił̣ł̣ugich.\x + \xo 7 \xt Gn 19.1-24.\x*
\p
\v 8 Tainna taipkua piraugaluaqtillugich tamatkua god-aiḷaqtuat iñuich piḷuksiŋarut ilaisa timimiŋnun, siññaktuŋisa piḷuksipkaqługich. Iliŋisa suuŋiḷaġivlugu God-im ataniġnaqutaa, suli uqamaqłuutigivlu­gich kamanaqtuat pamaniittuat.
\v 9 Qaukłiat-unnii isaġulgich Michael tainna uqalliaŋaitchuq. Qanaaqa­tigikamiuŋ Tuunġaq uqavaaġutigivlugu nallimiŋnun piginiaqtilaaŋanik timaa Moses, Michael-gum uqallautisaqausiiñŋagaunnii Tuunġaq qanuqinniġaġlugu pisaaŋasaġlugu uqaluŋnik, aglaan uqallautigiññaŋa­gaa, Atanġuptuq tainna pitquŋiḷḷisin.\x + \xo 9 \xt a Dn 10.13,21; 12.1; Rev 12.7. Dt 34.6. c Zec 3.2.\x*
\v 10 Aglaalli tainnatchich iñuich uqamaqłuutiqaġuurut supayaanik kaŋiqsiḷaisamiŋnik. Iñuusiqaqtut niġrutitun sunapayaaq pisukamirruŋ piugaqługu, aasii tainna pikamiŋ inmiŋnun suksraunġiqł̣utiŋ.
\v 11 Qanutun tatamaanaqtigiruaq kasuġumaaġaat. Ilimiŋnik pasirauyu­miñaqsiŋarut Cain-tauq piŋaraŋatun ittuamik. Maġġutipiallaŋarut inmiŋnik killuliqutipiaġatanun maniqallatuvaił̣ł̣utiŋ, Balaam-tuttauq. Suksraunġiqsauniaqtut qanuq makivsaallaŋarut akiḷḷiutivlutiŋ Korah-m makivsaallausiatun.\x + \xo 11 \xt a Gn 4.3-9; He 11.4; 1 Jn 3.12. b Nu 22.1-35; Rev 2.14. c Nu 16.1-35.\x*
\v 12 Tainnatchich iñuich piġuaqtaġniqtun ittut niġiqatigiigñivsiññi kan­ŋunaqsivḷugu suurimmaanġiqł̣utiŋ. Sunapayaaq qaunagiŋaiqł̣ugu aglaan inmiŋnun kisian qaunagivlutiŋ. Nuvuyyaqłuktun ittut anuġim tiŋitaŋisun sialuguġniaġmiñaniḷu. Napaaqtutun ittut siiġñiŋitchuatun ukiaġataqtillugu, napaaqtutun maŋŋuaqługich nutchuktatun aasii tuqulipiallakłutiŋ.
\v 13 Iŋiuligruaŋisun taġium inmiut, kanŋunaqtuat piḷġusikaaŋich iłłutiŋ qapukłuliqiaŋisun qaggaum. Uvluġiatun pamiuqaqtuatun ittut taim­mausuuruatun, qanuq God-im iniksriqsimagai isuitchuamun taaġniq­sraqpiatchiamun.
\p
\v 14 Tamatkuaptauq sivuniġivlugich Enoch-gum tallimat malġuata kiŋuniġiich Adam-miñ uqaqsiŋagaa God uqaqłuni, “Tautuksiuŋ, Ata­niq qaiñiaqtuq piqatigivlugich piḷuutaitchuat isaġulisalaŋni.\x + \xo 14 \xt Gn 5.18,21-24.\x*
\v 15 isivġiġiaġlugich iñupayaat suksraunġiġuglugich iluqaisa piḷuusiqiri­payaat God-aiḷaqłutiŋ savaaġikkaŋisigun, uqalugiipiaġataqtuatigullu uqallagautiŋisigun piḷuusiqirit uqamaqłuutigivlugu God.”
\v 16 Tamatkua iñuich ataramik uqamayuutiqaqtut pasivḷugiḷḷu allat iñuich, kamagiugaqługich pigiitchuat kipiġniuġutitiŋ. Uqavigaaġutigi­suummiut inmiŋnik, suli uqayuqsaaġutivlugich iñuich ilaisa pitqukka­tiŋ nalautquvlugich.
\s1 Kiliktuutit Iḷisaurrutillu
\p
\v 17 Piviuttaġirauruasii, itqaumasiuŋ una. Piiguġnagich uqaluusiaġi­ŋakkasi tiliraŋiñiñ Atanipta Jesus Christ.
\v 18 Uqautiŋagaasi iliŋisa aqulliġñi uvluni iñuich iñukpalliġñiaġnivḷugich kipautikłiġñiaqtuat ilivsiññik, kamaksriugaqtuat ilaisa pigiitchuanik kipiġniuġunmiŋnik.\x + \xo 18 \xt 2 Ti 3.1-5; 2 P 3.3.\x*
\v 19 Tamarra tamatkua iñuich agvisauruat atiŋirrutinun aŋalataġipkaq­łutiŋ iñuŋruiññaum kipiġniuġutiŋiñun, Ilitqusiġiksuamun aŋalatitka­luaġnatiŋ.
\v 20 Aglaalli ilivsi piviuttaġirauruasii, kiikaa sivunmuktuġitchi iḷumutun iḷisaurrutitigun piḷuutaiqsaiññautaullaruakun ukpiġutiptigun, aŋaay­yuuġlusi suaŋŋasiqsuutaagun Ilitqusiġiksuam,
\v 21 aasii iñuutuiññaġlusi God-mun piviuttaġituiññaġumiñaqsiḷusi utaq­qiuġnivsiññi Ataniptiŋnik Jesus Christ-mik, nagliktuġumiñaqsiḷġataġ­lusi qaiḷuni aitchuġiaġlusi iñuggunmik isuitchuamik.
\p
\v 22 Naglikkutiqaġitchi iñuŋnun nalupqisuutiqaqtuanun.
\v 23 Annautisigik nuqipqaulliŋmatun igniġmiñ. Nagligisigik allattauq piḷuusiqirit sivuuqqatigillaan piḷuusiqisuŋiḷḷusi iliŋisitun, uumigilugich iluqaqpiatchiaŋisa nalunaiññiŋich piḷuutiŋisa, nagligilugich piḷuusiqi­rauniġmata.
\s1 Aŋaayyun Nanġaullu
\p
\v 24 Paŋmapak nanġaqsiuŋ ilaa piḷuksitchaiḷiraġniḷḷaruaq ilivsiññik, suli qaisaġiyumiñaqłusi pasiñaġumiñaiġḷusi suli quviasukpaglusi sivu­ġaani qaummaġiksuam nayuqłiataata.
\v 25 Ilaa kisimi God-auruq Annaurrigikkaqput Jesus Christ-kun Atanip­tigun, ilaa nanġaqtauli suli naluruuraaŋaiqsauli umialguruaq suaŋŋati­qaqtuaġlu ataniġnaqutiqaqtuaġlu, taimaŋŋaqaŋa paŋmapaglu taimu­ŋalu isuitchuamun. Amen.