\id 2TI Iñupiatun [esk] NT (Northwest Alaska, USA) -2010 bd.
\h 2 Timothy
\toc1 2 Timothy
\toc2 2Ti
\mt Paul-ŋum Tugliat Tuyuutaiñ Timothy-mun
\c 1
\p
\v 1 Uvaŋa Paul. Uqqiraqtigigaaŋa Christ Jesus-ŋum Agaayyutim pisułhagun. Tilirauruŋa quliaqtuaġitquplugu akiqsruutauruaq iñuułikun pigiagutikkaptigun piqasriutiłłaptigun Christ Jesus-mi.
\v 2 Aglaktuŋa Timothy-mun, piqpagiplugu iġñiġipmatun itamnun: Agaayyutimtuq Aapauruam suli Christ Jesus Atannapta iłuaqqutilisiñ iḷunŋugilutin suli qiñuirrusrimaaġutin.
\s Quyyatit suli Pitchuksaaġutit
\p
\v 3 Uvaŋa quyagiga Agaayyun savautraġikkaġa qauġrimmaaġiutillautakun, sivulliatkaptuuq pipmatun. Quyaraġigiga itqaġiplutin ataramik iŋiqsrułłamni unnuaqtuummaan.
\v 4 Itqaġiplugich qulvisin, qiñiġummiullapiaġikpiñ atqunaq, uvaŋaptuuq imaqałiksramnun quvianamik.
\v 5 Itqaġigiga iḷumutuuruaq ukpiqsrisigikkan Agaayyutikun, ukpiqsrisigikkaŋa aanaruaqpich Lois-ŋum suli aakavich Eunice-ŋum. Arguaġinġitchiga taatnaptuuq ukpiqsrisiqałhiñ.
\v 6 Taatnaqługu itqaaqtuutigikpiñ makititquplugu Agaayyutim aatchuutaa ilipnun iḷḷiqiłłapkun argamnik.
\v 7 Uvvatakku Ipqitchuam Irrutchim Agaayyutim qaisaŋan uvaptiknun iqsisaiġaatigut, aglaan saŋŋiksritchaatigut piqpakkutmiglu suli iŋmun aŋalalgułiġmik.
\p
\v 8 Taatnaġutin kanŋuginagu iḷisimaraułhiñ Atannaptigun, unniiñ kanŋuginaŋa uvaŋa Ilaan isiqtaŋa, aglaan nagliksaałhiñaaŋulutin piqutigilugu tusraayugaallautaq Agaayyutim sayaqaqtitchił̣hagun ilipnik.\fig |HK00203B.TIF|col||Horace Knowles ©The British & Foreign Bible Society, 1954, 1967, 1972, 1995.||2 Ti 1.8\fig*
\v 9 Ilaan anniqsuġaatigut suli tuqłuġaatigut iŋmiñun iñugisrukhuta, pisigisruŋaqnagu savaavut, aglaan pisigiplugu Ilaan sivunniutini suli iłuaqqutni. Sivuaniimma iłuaqqutianiŋniġaatigut Christ Jesus-kun,
\v 10 aglaan pakma iḷitchuġipkaġaatigut taavrumiŋa iłuaqqutmik tumigiplugu sagvił̣ha Anniqsuqtipta Christ Jesus. Uvva takku Christ isrupkaġaa saŋŋia tuqułhum. Tamarrumuuna tusraayugaallautakun Ilaan sagviġaa iñuułiġlu tuquyumiñaił̣iġlu.
\v 11 Agaayyutim nalunaikkaġigaaŋa uqautigitquplugu tusraayugaallautaq, uqqiraqtauluŋa suli iḷisautrauluŋa.
\v 12 Taatnaqługu tamanna piqutigiplugu uvaŋa nagliksautiqaqtuŋa tamatkuniŋa. Aglaan kanŋuginġitchiga, nalunġitḷugu kisumun tunŋałiġa, suli uvaŋa nalupqiginġitchiga Ilaan qaunaksrił̣iksraŋa savaamnik taivrumuŋaaglaan uvluanun atanniivium.
\v 13 Ukpiqqutaiġñiaqnagich iḷumutuuruat uqałhich iḷisauttutitka ilipnun atriraksriuqługich, payaŋaiġvigilugu ukpiqsrił̣iq suli piqpaktaq pigiagutikkaqput piqasriuti'apta Christ Jesus-mun.
\v 14 Qaunagilugich nakuuruat iḷisauttutit qaunaksraqsrirrutauruat ilipnun saŋŋigikkaŋagun Ipqitchuam Irrutchim iñuuruam uvaptikni.
\p
\v 15 Iḷisimagiñ, iluqatiŋ piqatipta Asia-miittuat malinġiġaatŋa unniiñ unitchaatŋa, taapkuaksuli Phygelus-ŋumlu suli Hermogenes-ŋum.
\v 16 Uvvatuq Agaayyutim iłuaqqutigumigai tupiqatai Onesiphorus-ŋum, takku ikayuġaġigaaŋa iñugiaktuami. Ilaan kanŋugisruŋaqnagu iłiġa isiqsiviŋmi.
\v 17 Rome-mun tikipqauraqami pakkiutiniġaaŋa paqilġatałłamnunaglaan.
\v 18 Agaayyutimtuq nagligillaŋniaġliuŋ taivrumani uvluani atanniivium. Ilipsi iḷisimallapiaġiksi atqunaq ilaanun savautiłiġa Ephesus-mi.
\c 2
\s Christ Jesus-ŋum Aŋuyaktillautaŋa
\p
\v 1 Ilvich, iġñiiŋ, saŋŋivigigumagiñ iłuaqqutaa Christ
Jesus-ŋum.
\v 2 Uqałhich tusraakkatin uvaŋniñ uqautigi'apkich sivuġaatni
iñugiaktuat iḷisimarit qaaŋiqsitchumigitin iñuŋnun iḷisautritḷaruanun
atlaniktuuq.
\v 3 Igḷutuġlugu nagliksaałhiñaaŋułiksran qanutitaŋaitchuatun
aŋuyaktaatun Christ Jesus-ŋum.
\v 4 Aŋuyakti aŋuyaktaułiġmiñi iḷḷakkattaaġusrimmataitchuq
iñuuniałiġruaġmiñun, aglaan ilaan quyaliyummatiqaġaġigaa qaukłiġikkani
tiliuqtigiplugu.
\v 5 Suli aqpaliutraqti aqpaliutrałiġmiñi akimalguitchuq kisianik
tupiksriḷuni maliġutaksranik.
\v 6 Suli nautchiiri sakuuktuaq piññaqqaaqtuksrauraqtuq nauruaniñ
katitchił̣iġmi.
\v 7 Tamatkua uqautitka isrummatigikkich, takku Atanġuruam
ikayuġisigaatin kaŋiqsił̣iksraŋatigun supayaat.
\p
\v 8 Itqaġiuŋ Jesus Christ aŋipchakkauruaq tuqułiġmiñ, kaŋŋiġviqaqtuaq
David-mik, quliaqtuaġikkaptun tusraayugaallautamik.
\v 9 Uvvatakku uqaqałłapkun tusraayugallautamik nagliksaaqtitauruŋa
suli pituqakkauruŋa liilaa savvaqłukkataqti. Aglaan Agaayyutim uqałha
piñaiḷutaitchuq.
\v 10 Taatnaqłuŋa igḷutuġiga suapayaaq Agaayyutim piksraqtaaŋi
piqutigiplugich, iliŋittuuq anniqsukkautquplugich Christ Jesus-kun
iñuutquplugiḷḷu isruitchuami kamanautaani.
\v 11 Uvvauna iḷumutuuruaq nipliun, 
\q
Uvagut tuquqataugupta Ilaagun 
\q2
iñuutqikkisipmiugut Ilaagun.
\q
\v 12 Uvagut igḷutuisuiñaġupta 
\q2
aŋalatchiqataugisipmiugut Ilaagun.
\q
Uvagut Ilaa piiḷaaġiguptigu, 
\q2
Ilaantuuq piiḷaaġigisipmigaatigut.
\q
\v 13 Tuniqsimmatriñġitchugutunniiñ 
\q2
Ilaa tuniqsimmatriraqtuq,
\q2
takku piiḷaaġiyumiñaitchuq iŋmiñik.
\s Savakti Iłuagikkauruaq
\p
\v 14 Itqaaqtuutigumigitin iñuktin tamarrumuuna, suli iḷumutuuruamik
alġaqsrullapiaġlugich Agaayyutim sivuġaani aŋuyautiqaqunġiḷḷugich
nipliutitigun. Taatnasriq ikayuutaunġitchuq iñuŋnun tusraaruanun, aglaan
ukpiqqutaiġutauraqtuq.
\v 15 Pisuqtilaaqni piññaktaġiniaġlugu iłuagikkaułiq Agaayyutim
qiññaŋani atriḷugu savakti kanŋusruutaitchuaq savaaġmigun, nalautlugu
iḷisautriruaq uqałhanik Agaayyutim iḷumutuułhan.
\v 16 Uqaqatiginagich agaayyiaqtaiḷaat iñuich kinnauruat uqaqamiŋ. 
Taatnasriq uŋurrutauruq ayuuqtaałiksraŋatnun iñuich Agaayyutmiñ.
\v 17 Taatnatchich iḷisauttutaat atriqaqtuq kiḷḷiġruamik nuŋuuqtuaqługu
uviñġa timim cancer-tun. Malġuk taatnatchik iḷisautrik
Hymenaeus-lu Philetus-lu.
\v 18 Taapkuak ukpiqsrisaiqhutik, ukpiqqutaiqsitchiruk iḷaŋitñik
ukpiqtuat nipiqałiġmikkun aŋitqił̣iksraqput atuumaaniŋnipḷugu.
\v 19 Aglaan tunŋaviksriugaŋa Agaayyutim iḷumutuuruaq
atlaŋŋuqtanġitchuq. Taatnaqhuni aglaksimaaqtuq, itna, “Atanġuruam
iḷisimagai tamatkua Ilaan pigikkani,” suli itna, “Kisupayaaq
nipiqaġumi Atanġuruamun piginiḷuni killuliqisruiqsuksrauruq.”
\v 20 Tupiq aŋiruaq piqaġaqtuq puggutanik utkusriŋñik atlakaaġiiñik.
Iḷaŋich piḷiaŋuraqtut maniŋmiñ qatiqtaamiñ naagaqaa kaviqsaamiñ, atlat
suli qiruŋmiñḷu qikumiñḷu. Akisuruat utkusiich puggatallu atuqługich
tuyuġmiaqaqamiŋ kisianik aasriiñ akiiññiqsrat ataramik atuqługich
iḷaŋich suaqłuqaġvigiplugich.
\v 21 Taatnatuntuuq kiñapayaaq iñuk salummaqtitchumi iluqaaniñ
killuġmiñ atukkaugisiruq kamaginaqtuamun, takku ipqiqsitaugisiruq
aasriiñ qaukłian atutlalugu, itqanaiġusrimaaġlugu atułiksrani
savaallautapayaamun.
\p
\v 22 Nutaułhum kimmutai qimaummiugaqtaksraġigitin, aglaan piññaktaaġiniaġlugu
nalaunŋaruałiq, ukpiqsrił̣iq, piqpaktaq suli qiñuiññaq, tapiġuġutin
tamatkunuŋa iḷumun tuqłuġaqtuanun Agaayyutmun ikayuquplutiŋ.
\v 23 Aglaan uqaksraqtutiqasruŋaqasri kinnaqtun nalukkapsigun.
Iḷisimagiñ taatnatchim isruqaġaġiłha uqaallatrałiġmik.
\v 24 Agaayyutim savaktaa uqaalaruksraunġitchuq. Ilaa
iłuaqqutriruksrauruq iluqaitñik, nakuuluni suli anuqsruluni
iḷisautriŋuluni,
\v 25 aggaŋaiḷḷuni nalġuqsruiyumi igḷugirimiñik. Itpiaqtuq Agaayyutim
mumigviqaqtitchił̣iksraŋanun iḷitchuqsriḷutiŋ iḷumutuuruamik.
\v 26 Aasrii qauġrimmatinitqiŋniaqsut kaŋiqsiaqatqił̣ikun,
annagutiŋ nigatchiaŋaniñ Tuunġaum, tigugaluakkani tupigitqupluni.
\c 3
\s Uvlut Aqulliich
\p
\v 1 Aglaan kaŋiqsisriuŋ una. Aqulliġñi uvluni sakiqnaġutit
iḷiñiaqtut.
\v 2 Iñuich iḷitḷukkisirut iŋmiknułhiñaq, pisugruaġutinigutiŋ,
uqaviḷiġutiŋ, arguaŋasriḷutiŋ, uqaġniġḷuliġutiŋ, tupiktaiġutiŋ
aŋayuqaamiknik, quyyataiġutiŋ, ukpiqsrisaiġutiŋ,
\v 3 iłuaqqutrisaiġutiŋ, iḷunŋukkutaiġutiŋ, saglutusriḷutiŋ,
tatamnaqsiḷutiŋ, suli iqsiñaqsiḷutiŋ, iliŋisa nakuuruaq uumigiliutilugu,
\v 4 iliŋich ataaguutitauġuġutiŋ, isrumamikni sivutmuusruusriḷutiŋ,
suunasrugiliutillapiaġutiŋ, quviasruŋniallitlugutiŋ
agaayyutiqałiksramikniñ,
\v 5 ukpiġusriq qiñiġnautigiłhiñaġnialiġḷugu, aglaan ayaksimapmiḷḷaan
iḷumutuuruaq. Taatnatchiñiñ iñuŋniñ piisimaaġumuutin.
\v 6 Taatnatchich iḷaŋich siñiqsrałiġmiktigun payariraqtut piyaruanik
aġnanik pigiiḷiḷḷapiaqtuanik suli igliġutikkauliqsuanik
qanusripayaatigun kimmutitigun.
\v 7 Taatnatchich aġnat iḷiññiuraġniallaġmiŋ ataramik
iḷitchuqsrianitlaiqsuat iḷumutuułiġmik. 
\v 8 Taipchuak Jannes-lu Jambres-lu akiḷḷiḷiutipmatun Moses-mun,
taatnatuntuuq taipchua iñuich akiḷḷiupmiut iḷumutuuruamun,
isrummatiŋich pigiiḷipḷutiŋ, ukpiqsriŋŋualiqhutiŋ Agaayyutikun.
\v 9 Aglaan taatnatchich ayuuġumiñaitchut, takku kisupayaam
kaŋiqsimaił̣hat qiñiġisigaat, ipchuŋnaktuntuuq Jannes-lu Jambres-lu
pipmatun.
\s Iḷisauttutit Aqulliich
\p
\v 10 Aglaan ilvich maliġuakkaġigiñ iḷisauttutiga, qanusriułiġa,
suli piyummatiga iñuułiġmi. Tuvraġniakkaġigiñ ukpiqsrił̣iġa,
anuqsrułiġa, piqpaktaġa, suli igḷutuił̣iġa,
\v 11 piyuaqsiułiġa, suli nagliksaaqsiułiġa ukpiqsrił̣ł̣apkun.
Iḷisimaanikkiñ iluqaan atuummiruaq uvaŋnun Antioch-mi, Iconium-miḷu,
suli Lystra-mi, tatamnaqsipḷugu nagliksaaqsiułiq igḷutukkaġa. Aglaan
tamatkunakŋa iluqaitñiñ Atanġuruam annautikkaġigaaŋa.
\v 12 Iñuich agaayyutikuaġuktuapayaat Christ Jesus-mi piqataulutiŋ
piyuaqsiugisirut.
\v 13 Tamatkuali killukuaqtuat piŋŋuaqtit pigiiḷitmugutiŋ
kinnitñiłikun atlanik, suli kinniḷutiŋ iŋmiknun.
\v 14 Aglaan ilvich iḷisauttusriaġianikkan iḷumutuuruaq
payaŋaiġḷugu sivutmuutigumigiñ. Iḷisimagiñ kisuniñ
iḷisauttusriaġiłhagun,
\v 15 suli iḷisauttusriaġimałhatigun iḷaalugruułiqniñaglaan Agaayyutim
uqałhi. Tamatkua kaŋiqsipchałhiñaugaatin anniqsuqtiłiġmun
ukpiqsrił̣ikun Christ Jesus-kun.
\v 16 Uvvatakku uqałipayaaq Agaayyutim Makpiġaaŋani ittuq ilaan
aniġniliutaagun, suli anniqsuutauruq iḷisautriruni, iñiqtiġiruni,
nalġuqsruiruni, suli alġaqsruiruni nalaunŋaruałiksramun,
\v 17 iñugli agaayyutikuaqtuaq naamasripḷugu paqnamallautlasripḷugu
qanusripayaamun savaallautamun.
\c 4
\p
\v 1 Tiligikpiñ sivuġaani Agaayyutim suli Christ Jesus-ŋum
Atanniiruksrauruam iñupayaanik iñukuuruanik unniiñ tuquŋaruanik,
suli piqutigiplugu aggitqił̣iksraŋalu aŋaayuqautaalu:
\v 2 tiliḷḷapiaġikpiñ quliaqtuaġitquplugu tusraayugaallautaq,
uqaġiniapiaġlugu piviksraŋagun naagaqaa piviksraitmatun inŋaan,
iḷitchuġipkaġniutigilugu, alġaqsruutigilugu, pitchuksaaġutigilugu,
suli anuqsrułipayaakun iḷisauttutigilugu.
\v 3 Uvvatakku piviksraq tikiumagisiruq iñuich naalaġnisunġił̣iksraŋat
iḷumutuuruamun iḷisauttutmun, igliġutluliġutiŋ iŋmiŋ pisułiġmikkun,
katitchiñialiġutiŋ iḷisautriksraġmiknik tusraasrukkałhiñaġmiktigun.
\v 4 Iliŋich naalaġnitḷukkummataiġutiŋ Agaayyutim iḷumutuułhanun,
aglaan naalagulitḷuglugich utuqqaqtat unipchaaliat.
\v 5 Ilviḷḷiasriiñ qauġrimmaaġiksuksraurutin qanusripayaami
irviqaŋŋaqpich, igḷutuġlugu nagliksaaqsiułiq, quliaqtuaġilugu
tusraayugaallautaq, suli taŋiġḷugu savaaksrapayaaŋa savaktaan
Agaayyutim.
\p
\v 6 Uvaŋaliuvva tikiummigiga tuqqutaułiksraġa Agaayyutmik
piqusriġḷuŋa. Aullałiksraġa marrumakŋa iñuułiġmiñ tikiummiruq.
\v 7 Atripḷugu aqpaliutraqti nuŋitchiruaq, uvaŋaptuuq iñuułłamni
ukpiqsrił̣iq Agaayyutikun pigituiñaġiga.
\v 8 Pakma akiññaktaksraġma niaquġutiksraŋan nalaunŋaruałhum
taqqigaaŋa, Agaayyutim nalaunŋaruam Atanġum qaisaŋa uvaŋnun
taivrumani uvlumi, uvaŋnułhiñaunġitchuaq aglaan iluqaitñun
aggitqił̣iksraŋanik inuġruuqtuanun.
\s Uqauttutai Timothy-mun
\p
\v 9 Uggisigilugu utlakkumigikma.
\v 10 Uvvatakku Demas-ŋum marrumiŋa nunamik kimmutiqatluliqhuni
unitchaaŋa. Thessalonica-mun aullaqtuq, Crescens-li Galatia-mun,
Titus-aasrii Dalmatia-mun.
\v 11 Kisimi Luke-ŋum nayuġaaŋa. Tuvaaqatigiyumigiñ Mark
ikayuqtiksraġa savaakun.
\v 12 Tychicus-li tuyuġigiga Ephesus-mun.
\v 13 Qakugu aggiaqsiyuvich saagaġumigiñ quppiġaaġa unisaġa Troas-mi
Carpus-mun, makpiġaatlu suvaluk qisiŋñiñ piḷiugat aglaktuġvitka.\fig |HK00282B.TIF|span||Horace Knowles ©The British & Foreign Bible Society, 1954, 1967, 1972, 1995.||2 Ti 4.13\fig*
\v 14 Alexander-m savviuqtim atqunaq navianniuqtitkaaŋa. Atanġum
utiqtitchivigigisigaa atniutaigun.
\v 15 Ilvittuuq qaunakkutiqaġumuutin ilaagun, takku
iłuaksriñġiḷḷapiałikun akiḷḷiḷiqsuġai uqauttutivut.
\v 16 Sivuġaŋiutiqqaałłamni Rome-ŋum aŋalataiñun tapqitchuŋa, iluqatiŋ
unitchaatŋa. Agaayyutimtuq akitñautaiḷḷaŋniaġligich taipchua.
\v 17 Aglaan Atanġum nayuqłuŋa sayyiqsuġaaŋa uqautigianitlasripḷugu
inuŋaiġḷugu iluqatiŋ Jew-ŋunġitchuat tusraaraksraŋat. Uvaŋa
annautikkauruŋa tuqqutauviksraġaluamniñ.
\v 18 Suli Atanġuruam annautiniaġaaŋa iluqaaniñ pigiitchuamiñ,
annautiluŋa pakmaniittuamun aŋaayuqautmiñun.
Nanġaun illi ilaanun qaŋavak isruiḷaamun. Amen!
\s Aqulliich Iḷammiuġutit
\p
\v 19 Tuyuqtuŋa iłuaqqutmik Prisca-mun suli Aquila-mun, suli
tupiqataiñun Onesiphorus-ŋum.
\v 20 Erastus Corinth-mi ittuiñaqtuq, suli unitchiga Trophimus
Miletus-mun atniġñaliqman.
\v 21 Aggiḷuaġniuraġumuutin ukiuġraguqtitnagu. Eubulus-ŋum Pudens-lu
Linus-lu suli Claudia-m nayaaŋŋaġaatin, atlallu aniqatiut.
\p
\v 22 Atanġuruamtuq piqasriqsuġlisin irrutchipkun. Agaayyutimtuq
iłuaqqutilisi.