\id 2JN  Iñupiatun [esk] NT (Northwest Alaska, USA) -2010 bd. 
\h 2 John
\toc1 2 John
\toc2 2Jn
\mt Tugliat Tuyuutaiñ John-ŋum
\c 1
\p
\v 1 Uvaŋa John ukpiqtuaŋuruat qaukłiŋich, tuyuqtuŋa aġnamun Agaayyutim
piksraqtaaġikkaŋanun suli qitunġaŋiñun piqpagikkamnun iḷumun.
Uvaŋałhiñauŋitchuŋa piqpaksriruaŋaa, aglaantuuq iluqatiŋ tamatkua
iḷisimaruat iḷumutuuruamik piqpagipmigaasi.
\v 2 Piqutigiplugu iḷumutuuruaq uvaptikni ittuaq suli itkisipḷuni
qaŋapak taimuŋa.
\v 3 Uvvatuq Agaayyutim Aapauruam suli Jesus Christ Aapam Iġñiŋan
iłuaqqutillaŋniaġiḷisik suli iḷunŋugilusik tutqiksiḷutiglu
iḷumutuuruakun suli piqpaksrił̣ikun.
\s Iḷumutuułiġlu Piqpakkunlu
\p
\v 4 Uvaŋa quviatchallapiaqtuŋa atakkii iḷitchuġigiga
iḷaŋich qitunġavich iñuuniałhat iḷumutuuruakun,
maliġutlugu Agaayyutim Aaparuam tillisaa uvaptiknun.
\v 5 Aasiiñ, aġnaaq, aglaŋitchuŋa nutaamik tillitmik ilipnun
aglaan taavrumiŋa pigikkaptiknik aullaġniił̣haniñaglaan.
Iŋiġikpiñ uumiŋa, uvagut piqpakkutiruksraurugut avatmun.
\v 6 Taamna piqpaksrił̣iq uqautigikkaġa itnautauruq:
Iñuuniaqtuksraurusi tupiksrił̣ikun Agaayyutim tillisaiñik
tusaakkapsitñik aullaġniił̣haniñaglaan. Atakkii ilaan
tiligaatigut iñuuniaqupluta piqpaktakun.
\p
\v 7 Iñugiaktuat kinnirit tikitchut iñupayaanun uqaqaqtuat
nalupqinaiqhutiŋ Jesus Christ-mik timiqaŋiññipḷugu.
Taatnatchich iñuich kinniraurut suli akiḷḷiḷiqsuqtaurut Christ-mi.
\v 8 Qaunagisitchi iliŋitñiñ. Tavra tammaiŋitchumaiksi savaaġikkaqsi aasiiñ
Agaayyutim akiḷiġisigaasi inuŋaiġḷugu.
\v 9 Kisupayaaq simmiiruaq iḷisauttutaiñik Christ-ŋum
piqatauŋitchuq Agaayyutmi. Taamnaasiiñ tupiksriruaq
iḷisauttutaiñik Christ-ŋum piqatauruq Aapauruamiḷu suli
Iġñiġuruami.
\v 10 Kiñaliqaa utlautikpan ilipsitñun quliaqtuaqaŋiḷḷuni
Christ-ŋum iḷisauttutaiñik tukkuliqñagu tupiqnun naagaqaa
iḷaliñagu.
\v 11 Atakkii kisupayaam paġlagumiuŋ kinniri piqasiqñiaġaa
pigiitchuakun savaaŋagun.
\s Aqulliich Iḷammiuġutit
\p
\v 12 Uqaksraukkaġaluaqtuŋa aglaan uqautigisuŋitkitka ukunuuna
tuyuutitigun, aglaan taamuŋaġuktuŋa ilipnun uqaqatigilutinaasii.
Quviasuutigillapiaġayaġikpuk.
\v 13 Qitunġaŋisa aġnam aniqatvich Agaayyutim piksraqtaaġikkaŋiñ
tuyuġaatin nayaaŋŋaġmik.