1
00:00:05,000 --> 00:00:07,620
Se Djisu tan vlame faa nguë tudu,

2
00:00:07,620 --> 00:00:08,680
ja faa:

3
00:00:08,680 --> 00:00:10,740
«Amu sa fögö djidjidu mundu,

4
00:00:10,740 --> 00:00:14,180
nguë shi ja lë amu na ske nda dantu jamian kuluf,

5
00:00:14,180 --> 00:00:16,920
shina ëli ske të fögö djidjidu dantu vida dëli».

6
00:00:16,920 --> 00:00:19,400
Tadashi se nna fariseo kundji ëli:

7
00:00:19,400 --> 00:00:21,580
—Bo ja da lazhan gavu döguë bo,

8
00:00:21,580 --> 00:00:23,680
se lazhan sai na sa vedadjif.

9
00:00:23,680 --> 00:00:25,960
Se Djisu kundji se faa ineñ:

10
00:00:25,960 --> 00:00:28,440
—Benga zha pa amu ja da lazhan gavu döguë amu,

11
00:00:28,440 --> 00:00:30,500
lazhan amu sa vedadji,

12
00:00:30,500 --> 00:00:32,480
pakë amu sëbë jamian shi amu së folo,

13
00:00:32,480 --> 00:00:34,400
se amu sëbë jamian shi amu ska bai,

14
00:00:34,400 --> 00:00:38,700
mandji se namsëdji na sëbë jamian shi amu së folofa ñi jamian shi amu ska baif.

15
00:00:38,700 --> 00:00:41,880
Namsëdji tudu ja juzhga shimafan nna nguë mundu sai,

16
00:00:41,880 --> 00:00:44,320
mandji se amu na ja juzhga zhugan nguëf.

17
00:00:44,320 --> 00:00:46,560
Mandji se shi amu ja juzhga nguë,

18
00:00:46,560 --> 00:00:48,820
amu ja juzhga nguë ku vedadji,

19
00:00:48,820 --> 00:00:51,240
pakë amu na ja juzhga nguë amu mosof,

20
00:00:51,240 --> 00:00:53,320
shina amu ku Pai shi da amu bi.

21
00:00:53,320 --> 00:00:59,460
Dantu alë namsëdji sa skividu fa ta nguë dösu ja da lazhan jö shime lazhan se ja sa vedadji.

22
00:00:59,460 --> 00:01:01,040
Amu sa nguë shime,

23
00:01:01,040 --> 00:01:03,380
ku ja da lazhan gavu da tuludöguë amu,

24
00:01:03,380 --> 00:01:06,740
ku Pai shi se da amu bi ten ja da lazhan gavu tëjantu ku amu.

25
00:01:06,740 --> 00:01:08,680
Tadashi se ineñ pongota ëli:

26
00:01:08,680 --> 00:01:10,320
—¿A kë jamian Pai bo sa?

27
00:01:10,320 --> 00:01:11,920
Se Djisu kundji ineñ:

28
00:01:11,920 --> 00:01:13,700
—Namsëdji na jönsë amuf,

29
00:01:13,700 --> 00:01:15,900
ñi namsëdji na ten jönsë Pai amuf;

30
00:01:15,900 --> 00:01:17,840
pa sa ja namsëdji bi jönsë amu,

31
00:01:17,840 --> 00:01:20,900
a shime namsëdji ten bi ske jönsë nguë shi sa Pai amu.

32
00:01:20,900 --> 00:01:26,100
Djisu faa ineñ jö ineñ sai öshi ëli bi ska shina ineñ kuzhu dantu jadji Nashiolo;

33
00:01:26,100 --> 00:01:28,540
lome alka shi a ja ta djiëlu pë.

34
00:01:28,540 --> 00:01:30,640
Mandji se zhugan nguë na të ëlif,

35
00:01:30,640 --> 00:01:33,020
pakë ontolo na bi sa da ola dëlif.

36
00:01:33,020 --> 00:01:35,260
Se Djisu tan vlame faa ineñ:

37
00:01:35,260 --> 00:01:36,680
«Amu ska bai,

38
00:01:36,680 --> 00:01:38,620
se namsëdji ske ja jua amu,

39
00:01:38,620 --> 00:01:41,520
mandji se namsëdji ske mölë ku pekadu namsëdji;

40
00:01:41,520 --> 00:01:44,800
pakë jamian shi amu ska bai namsëdji na ske paadji bef».

41
00:01:44,800 --> 00:01:46,680
Se nna judio bi ska faa:

42
00:01:46,680 --> 00:01:49,460
«¿Jativie ëli ska mazhna pa ëli chila öguë dëli vida folo,

43
00:01:49,460 --> 00:01:52,500
dajantu shi se ëli ska faa jamian shi amu ska bai,

44
00:01:52,500 --> 00:01:54,240
namsëdji na ske paadji bif?».

45
00:01:54,240 --> 00:01:56,160
Se Djisu tan faa ineñ me:

46
00:01:56,160 --> 00:01:58,000
«Namsëdji sa nguë basu iai,

47
00:01:58,000 --> 00:01:59,780
mandji se amu sa nguë liba;

48
00:01:59,780 --> 00:02:01,760
namsëdji sa nguë mundu sai,

49
00:02:01,760 --> 00:02:04,020
mandji se amu na sa nguë mundu sef.

50
00:02:04,020 --> 00:02:08,780
Dajantu shi se amu faa namsëdji fa namsëdji ske mölë ku pekadu namsëdji;

51
00:02:08,780 --> 00:02:11,600
pakë shi namsëdji na ja këlë fa amu se sa nguë shif,

52
00:02:11,600 --> 00:02:13,960
namsëdji ske mölë ku pekadu namsëdji».

53
00:02:13,960 --> 00:02:15,740
Tadashi se ineñ pongota ëli:

54
00:02:15,740 --> 00:02:17,100
—¿A kë nguë sa bo?

55
00:02:17,100 --> 00:02:18,620
Se Djisu kundji ineñ:

56
00:02:18,620 --> 00:02:19,980
—Fo jomesadu,

57
00:02:19,980 --> 00:02:22,380
¿kë ja sa iai pa amu tan faa namsëdji?

58
00:02:22,380 --> 00:02:25,660
Amu të uan sapa ja pa amu fala ku pa amu ten juzhga namsëdji,

59
00:02:25,660 --> 00:02:28,100
pakë nguë shi da amu bi se sa vedadji,

60
00:02:28,100 --> 00:02:32,240
se jö shi amu ja tëndë ëli fala se sa jö shime ku amu ten ja faa mundu.

61
00:02:32,240 --> 00:02:36,100
Mandji se ineñ na bi ska tëndë fa sa ja tëjantu ku Pai dëlif.

62
00:02:36,100 --> 00:02:38,480
Dajantu shi se Djisu tan faa ineñ:

63
00:02:38,480 --> 00:02:41,180
«Ta namsëdji ja lanta Mina Napai Dösë ba van,

64
00:02:41,180 --> 00:02:44,140
se sa öshi namsëdji ske jönsë fa amu se sa,

65
00:02:44,140 --> 00:02:46,680
se zhugan ja amu na ja fë ku sondji amuf,

66
00:02:46,680 --> 00:02:48,660
shina amea shi Pai amu shina amu,

67
00:02:48,660 --> 00:02:50,100
se amu ja fala.

68
00:02:50,100 --> 00:02:52,300
Pakë nguë shi da amu bi ja sa ku amu,

69
00:02:52,300 --> 00:02:54,240
Pai amu na lega amu mosof,

70
00:02:54,240 --> 00:02:56,960
pakë amu ja fë jö shi olatuvëdji ja fë gavu da ëli».

71
00:02:56,960 --> 00:02:58,880
Se ta Djisu faa jö ineñ sai,

72
00:02:58,880 --> 00:03:00,740
se uan sapa nguë këlë dëli.