1
00:00:05,000 --> 00:00:08,620
Bi sa ku uan masebu ku bi ska danchi ku a ja sama ëli Lasaro,

2
00:00:08,620 --> 00:00:10,780
se ëli bi sa nguë loso Betania,

3
00:00:10,780 --> 00:00:13,640
ku se sa loso Malia ku namain dëli naamain Marta.

4
00:00:13,640 --> 00:00:15,360
Malia sai se sa,

5
00:00:15,360 --> 00:00:21,140
namain naamain Lasaro shi ku se bi bolo adjimiolo gavu döguë pë liba dope Shiölö,

6
00:00:21,140 --> 00:00:23,580
ku ëli bi soja ëli ku jabelu jasa dëli iai.

7
00:00:23,580 --> 00:00:27,080
Se amea sai se nna namain naamain dösu ineñ se,

8
00:00:27,080 --> 00:00:28,760
da lazhan ba da Djisu:

9
00:00:28,760 --> 00:00:30,020
«Shiöla,

10
00:00:30,020 --> 00:00:32,100
jamada kilidu bo ska danchi».

11
00:00:32,100 --> 00:00:34,200
Se Djisu ta ba tëndë jö sai,

12
00:00:34,200 --> 00:00:35,340
se ëli faa:

13
00:00:35,340 --> 00:00:37,420
«Danchi se na sa pa ëli mölëf,

14
00:00:37,420 --> 00:00:40,360
shina ske shivi pa msa gloria Nashiolo,

15
00:00:40,360 --> 00:00:42,780
valadji pa ten ja msa gloria shi ten sa ku amu,

16
00:00:42,780 --> 00:00:44,140
Mina Nashiolo».

17
00:00:44,140 --> 00:00:46,680
Djisu bi sa ku ngongo ku Marta,

18
00:00:46,680 --> 00:00:49,440
ku namain dëli naamain ku Lasaro.

19
00:00:49,440 --> 00:00:51,160
Ta a bi da ëli lazhan fa,

20
00:00:51,160 --> 00:00:53,560
Lasaro bi ska danchi,

21
00:00:53,560 --> 00:00:56,200
se ëli tan mdja jamian shi ku ëli bi sa dösu djia mashi.

22
00:00:56,200 --> 00:00:58,180
Zha se ëli bi faa nna balë dëli:

23
00:00:58,180 --> 00:01:00,140
—No tan vlame ba Judea.

24
00:01:00,140 --> 00:01:01,900
Se nna balë dëli faa ëli:

25
00:01:01,900 --> 00:01:03,120
—Rabi,

26
00:01:03,120 --> 00:01:05,860
öseshi se nna judio bi ngongo da bo ku budu,

27
00:01:05,860 --> 00:01:08,340
¿se bo tan ngongo vlame ba ala?

28
00:01:08,340 --> 00:01:10,020
Se Djisu kundji ineñ:

29
00:01:10,020 --> 00:01:15,280
—¿Na sa vedadji fa uan djia ja sa ku deshi ola ku dösu solomedjian ua?

30
00:01:15,280 --> 00:01:17,400
Öshi uan nguë ja nda solo,

31
00:01:17,400 --> 00:01:19,580
ëli na ja da topu ku zhugan jaf,

32
00:01:19,580 --> 00:01:22,600
pakë ëli ja ska bë fögö solo djidjidu mundu sai.

33
00:01:22,600 --> 00:01:25,100
Mandji se shi uan nguë ja nda nöchi,

34
00:01:25,100 --> 00:01:26,380
ëli ske ja da topu,

35
00:01:26,380 --> 00:01:28,400
pakë na ja të fögö djidjiduf.

36
00:01:28,400 --> 00:01:29,740
Zha se ëli tan faa:

37
00:01:29,740 --> 00:01:31,820
—Jamada no Lasaro ska djuni,

38
00:01:31,820 --> 00:01:33,640
mandji se amu ska lanta ëli.

39
00:01:33,640 --> 00:01:35,400
Se nna balë dëli faa ëli:

40
00:01:35,400 --> 00:01:36,680
—Shiöla,

41
00:01:36,680 --> 00:01:38,260
shi ëli ska djuni,

42
00:01:38,260 --> 00:01:39,920
sa fa ëli ske kula.

43
00:01:39,920 --> 00:01:42,240
Mandji se jö shi Djisu bi ska faa ineñ,

44
00:01:42,240 --> 00:01:44,620
sa fa Lasaro bi sa mölidu,

45
00:01:44,620 --> 00:01:50,020
se nna balë dëli bi ska mazhna fa ëli bi ska faa ineñ nguë shi bi ska djuni döme djuni.

46
00:01:50,020 --> 00:01:52,520
Tadashi se Djisu faa ineñ ntëlelele:

47
00:01:52,520 --> 00:01:54,380
—Lasaro sa san mölidu.

48
00:01:54,380 --> 00:01:56,900
Se fë gavu da amu ku amu na bi sa alaf,

49
00:01:56,900 --> 00:02:01,860
pakë amea sai se ske sa gavu mashi valadji pa namsëdji këlë.

50
00:02:01,860 --> 00:02:03,900
Mandji no bai jamian shi ku ëli sa.

51
00:02:03,900 --> 00:02:05,700
Tadashi se Tomashi,

52
00:02:05,700 --> 00:02:07,700
nguë shi ineñ ja sama nna Mina dösu,

53
00:02:07,700 --> 00:02:09,460
faa utu nna balë:

54
00:02:09,460 --> 00:02:10,820
«No ten bai,

55
00:02:10,820 --> 00:02:13,200
valadji pa no ten ba mölë ku ëli».

56
00:02:13,200 --> 00:02:15,400
Se ta ineñ ba da ala,

57
00:02:15,400 --> 00:02:19,680
se Djisu dajonta fa sa jatulu djia ku Lasaro sa dantu spitula.

58
00:02:19,680 --> 00:02:22,440
Loso Betania bi sa peetu ku Jerusalen,

59
00:02:22,440 --> 00:02:24,980
safadu ku kilometro tëishi,

60
00:02:24,980 --> 00:02:28,280
se uan sapa nna judio bi ba jadji Marta ku Malia,

61
00:02:28,280 --> 00:02:30,960
pa ba da ineñ senkilitu da mölë namain dëneñ.

62
00:02:30,960 --> 00:02:33,500
Se ta Marta ba sëbë fa Djisu bi ska bi,

63
00:02:33,500 --> 00:02:34,860
se ëli ba ma ëli,

64
00:02:34,860 --> 00:02:36,920
mandji se Malia mdja jadji.

65
00:02:36,920 --> 00:02:38,580
Se Marta faa Djisu:

66
00:02:38,580 --> 00:02:39,820
—Shiöla,

67
00:02:39,820 --> 00:02:41,280
ja pa sa ja bo bi sa iai,

68
00:02:41,280 --> 00:02:42,740
namain amu na bi ske mölëf.

69
00:02:42,740 --> 00:02:47,180
Mandji se amu sëbë fa ba toja öseshi ja sa jö shi bo ja pindji Nashian ëli ja da bo.

70
00:02:47,180 --> 00:02:48,980
Se Djisu kundji ëli:

71
00:02:48,980 --> 00:02:51,140
—Namain bo tan ske lanta bi vida.

72
00:02:51,140 --> 00:02:52,440
Se Marta faa ëli:

73
00:02:52,440 --> 00:02:53,240
—Shiën,

74
00:02:53,240 --> 00:02:55,460
amu sëbë fa ëli tan ske lanta bi vida,

75
00:02:55,460 --> 00:02:58,400
ta nna nguë ineñ shi mölë bebezha tudu tan ske lanta bi vida,

76
00:02:58,400 --> 00:03:00,200
ta ske da jabamentu djia.

77
00:03:00,200 --> 00:03:02,160
Tadashi se Djisu faa ëli:

78
00:03:02,160 --> 00:03:06,120
—Amu sa nguë shi ja lanta nguë fo mölë se amu se sa vida.

79
00:03:06,120 --> 00:03:07,700
Se nguë shi ja këlë amu,

80
00:03:07,700 --> 00:03:09,200
benga zha pa ëli sa mölidu,

81
00:03:09,200 --> 00:03:10,840
ëli tan ske të vida.

82
00:03:10,840 --> 00:03:12,960
Se ja sa nguë shi ontolo sa vivu,

83
00:03:12,960 --> 00:03:14,440
ku ja këlë amu,

84
00:03:14,440 --> 00:03:16,260
ëli na ske mölë zhugan djiaf.

85
00:03:16,260 --> 00:03:17,820
¿Bo këlë jö sai?

86
00:03:17,820 --> 00:03:19,400
Se Marta faa ëli:

87
00:03:19,400 --> 00:03:20,420
—Shiën,

88
00:03:20,420 --> 00:03:21,620
Shiöla,

89
00:03:21,620 --> 00:03:23,640
amu këlë fa bo se sa Kilitu,

90
00:03:23,640 --> 00:03:24,960
Mina Nashiolo,

91
00:03:24,960 --> 00:03:26,380
nguë shi bi mundu.

92
00:03:26,380 --> 00:03:27,940
Se ta ëli faa jö sai,

93
00:03:27,940 --> 00:03:30,960
se Marta bai se ëli ba sama namain dëli naamain Malia,

94
00:03:30,960 --> 00:03:32,740
se ëli ma ëli ba a pachi:

95
00:03:32,740 --> 00:03:34,660
«Meeth sa iai se ëli ska sama bo».

96
00:03:34,660 --> 00:03:36,500
Se i shi Malia tëndë jö sai,

97
00:03:36,500 --> 00:03:38,200
se ëli lanta se ëli ba bë Djisu.

98
00:03:38,200 --> 00:03:40,720
Djisu ontolo na bi sa lantela dantu losof,

99
00:03:40,720 --> 00:03:43,820
shina ontolo ëli bi sa jamian shi Marta bi dajonta ku ëli iai.

100
00:03:43,820 --> 00:03:51,640
Tadashi ku nna judio ineñ shi bi sa jadji dëneñ ja da ineñ senkilitu ba bë fa Malia së ja jölë dandjian se ineñ lë ëli,

101
00:03:51,640 --> 00:03:54,280
ja mazhna fa ëli ska spitula ba sula.

102
00:03:54,280 --> 00:03:56,500
Se ta Malia ba da jamian shi Djisu bi sa,

103
00:03:56,500 --> 00:03:58,720
se ëli da dajözhöiö ope dëli,

104
00:03:58,720 --> 00:03:59,840
se ëli faa ëli:

105
00:03:59,840 --> 00:04:00,960
—Shiöla,

106
00:04:00,960 --> 00:04:02,320
ja pa sa ja bo bi sa iai,

107
00:04:02,320 --> 00:04:03,700
namain amu na bi ske mölëf.

108
00:04:03,700 --> 00:04:04,240
Se Djisu,

109
00:04:04,240 --> 00:04:09,920
ta ëli ba bë Malia ja sula ku nna judio ineñ shi ten lë ëli ba ala iai ska sula,

110
00:04:09,920 --> 00:04:12,200
se fë ëli vla modoia mashi dantu spitu.

111
00:04:12,200 --> 00:04:13,640
Se ëli pongota ineñ:

112
00:04:13,640 --> 00:04:15,840
—¿Kë jamian namsëdji ntëla ëli pë?

113
00:04:15,840 --> 00:04:17,320
Se ineñ faa ëli:

114
00:04:17,320 --> 00:04:18,440
—Bi pa bo bi bë,

115
00:04:18,440 --> 00:04:19,260
Shiölö.

116
00:04:19,260 --> 00:04:20,720
Se Djisu sula.

117
00:04:20,720 --> 00:04:22,820
Tadashi se nna judio faa:

118
00:04:22,820 --> 00:04:24,260
«¡Namsëdji pia,

119
00:04:24,260 --> 00:04:26,120
amea shi ëli bi ngongo ku ëli iai!».

120
00:04:26,120 --> 00:04:28,180
Mandji se zhugan ineñ bi ska faa:

121
00:04:28,180 --> 00:04:28,800
«Nguë sai,

122
00:04:28,800 --> 00:04:30,080
ku se ja da nna sebu vita,

123
00:04:30,080 --> 00:04:32,400
¿ëli na bi paadji fë pa Lasaro na mölëfa?».

124
00:04:32,400 --> 00:04:33,280
Se Djisu,

125
00:04:33,280 --> 00:04:35,040
tan vlame sa modoia mashi,

126
00:04:35,040 --> 00:04:37,360
se ëli iaba lome spitula Lasaro.

127
00:04:37,360 --> 00:04:38,760
Ku bi sa uan iöjö lapa,

128
00:04:38,760 --> 00:04:41,680
ku böjö poto bi sa tapadu ku uan budu.

129
00:04:41,680 --> 00:04:43,120
Se Djisu faa:

130
00:04:43,120 --> 00:04:44,920
«Namsëdji chila budu folo».

131
00:04:44,920 --> 00:04:46,520
Se Marta,

132
00:04:46,520 --> 00:04:48,640
namain naamain nguë shi mölë bebezha,

133
00:04:48,640 --> 00:04:49,560
faa ëli:

134
00:04:49,560 --> 00:04:50,760
—Shiöla,

135
00:04:50,760 --> 00:04:52,600
ëli ska fende fëiu bebezha,

136
00:04:52,600 --> 00:04:54,760
pakë ödjai se fë jatulu djia.

137
00:04:54,760 --> 00:04:56,560
Se Djisu kundji ëli:

138
00:04:56,560 --> 00:04:57,740
—¿Amu na bi faa bo,

139
00:04:57,740 --> 00:04:58,400
shi bo ja këlë,

140
00:04:58,400 --> 00:05:00,100
bo ske bë gloria Nashian ua?

141
00:05:00,100 --> 00:05:02,080
Tadashi se a chila budu folo,

142
00:05:02,080 --> 00:05:03,260
se Djisu,

143
00:05:03,260 --> 00:05:04,640
lanta öiö dëli ba ösë,

144
00:05:04,640 --> 00:05:05,560
se ëli faa:

145
00:05:05,560 --> 00:05:06,540
«Pai amu,

146
00:05:06,540 --> 00:05:08,860
amu da bo dezhupaga pakë bo ja tëndë amu.

147
00:05:08,860 --> 00:05:11,080
Amu sëbë fa olatuvëdji bo ja tëndë amu,

148
00:05:11,080 --> 00:05:14,820
mandji se amu faa shi dajantu sapa nna nguë ineñ se ku tudu sa iai iai,

149
00:05:14,820 --> 00:05:17,300
valadji pa ineñ këlë fa bo se da amu bi».

150
00:05:17,300 --> 00:05:19,120
Se ta ëli faa jö sai jaba,

151
00:05:19,120 --> 00:05:21,340
se ëli ta kidëlë ku uan falagochi:

152
00:05:21,340 --> 00:05:22,260
«¡Lasaro,

153
00:05:22,260 --> 00:05:23,460
se bi öluia!».

154
00:05:23,460 --> 00:05:25,760
Se nguë shi bi sa mölidu iai së bi,

155
00:05:25,760 --> 00:05:32,160
se öma dëli ku ope dëli tudu bi sa maladu ku bitidu spitula se fesan dëli bi sa tapadu ku uan lensu.

156
00:05:32,160 --> 00:05:33,600
Se Djisu faa:

157
00:05:33,600 --> 00:05:35,860
«¡Sota ëli pa namsëdji lega ëli bai!».

158
00:05:35,860 --> 00:05:39,480
Se fë ku uan sapa nna judio ineñ shi ku tudu bi ba bë Malia,

159
00:05:39,480 --> 00:05:42,840
ta ineñ ba bë jö ineñ shi ku Djisu fë se ineñ ba këlë dëli.

160
00:05:42,840 --> 00:05:45,280
Mandji se utu ineñ ba bë nna fariseo,

161
00:05:45,280 --> 00:05:48,220
se ineñ da ineñ lazhan jö shi Djisu bi fë.

162
00:05:48,220 --> 00:05:54,420
Tadashi se nna fariseo ku nna jasa jasa padjil të uan zhunta ku nna nguë Zhunta shi Ngandji,

163
00:05:54,420 --> 00:05:55,780
se ineñ faa:

164
00:05:55,780 --> 00:05:57,740
«¿A kë ja no ske fë?

165
00:05:57,740 --> 00:05:59,780
Masebu se ska fë uan sapa shinali.

166
00:05:59,780 --> 00:06:01,720
Shi no ja lega ëli pë shi,

167
00:06:01,720 --> 00:06:03,560
nguë tudu ske këlë dëli;

168
00:06:03,560 --> 00:06:05,280
se nna nguë roma ske bi,

169
00:06:05,280 --> 00:06:08,240
se ineñ ske të jadji Nashian no ku tela no të lolo».

170
00:06:08,240 --> 00:06:09,660
Tadashi se uan ineñ,

171
00:06:09,660 --> 00:06:11,440
ku a ja sama ëli Kaifas,

172
00:06:11,440 --> 00:06:14,420
ku se bi sa jasa jasa padjil dantu anu shi,

173
00:06:14,420 --> 00:06:15,420
se faa ineñ:

174
00:06:15,420 --> 00:06:17,840
«¡Namsëdji na sëbë zhugan ja shif!

175
00:06:17,840 --> 00:06:23,000
Na ska da namsëdji ötëndë fa ske sa gavu mashi pa uan ponodu masebu se mölë dajantu pövu,

176
00:06:23,000 --> 00:06:25,460
ku pa tela nguintëlu nguintëlu pëndë ua».

177
00:06:25,460 --> 00:06:28,820
Mandji se Kaifas na faa jö se ku tuludöguë shizhu dëlif,

178
00:06:28,820 --> 00:06:30,140
shina,

179
00:06:30,140 --> 00:06:33,100
amea shi ëli se bi sa jasa jasa padjil anu sai,

180
00:06:33,100 --> 00:06:36,960
se ëli pantafala fa Djisu bi ske mölë dajantu tela nna judio,

181
00:06:36,960 --> 00:06:39,200
se na sa dajantu tela se mosofa,

182
00:06:39,200 --> 00:06:44,140
shina a shime da nna mina Nashian ku tudu sa pachidu dantu mundu nguintëlu nguintëlu.

183
00:06:44,140 --> 00:06:45,080
Se amea se,

184
00:06:45,080 --> 00:06:46,360
se fo djia sai,

185
00:06:46,360 --> 00:06:48,880
se ineñ bi ska da lazhan pa ineñ chila ëli vida folo.

186
00:06:48,880 --> 00:06:53,060
Dajantu shi se Djisu na tan bi ska ndanda legadu dantu nna judiof,

187
00:06:53,060 --> 00:06:58,580
shina ëli ma ja se ëli safa ba löndji fo ala ba loso loso lome dantu uan jamian sölö sölö,

188
00:06:58,580 --> 00:07:00,760
uan loso ku a ja sama Efrain,

189
00:07:00,760 --> 00:07:03,360
se ala se ëli mdja ku nna balë dëli.

190
00:07:03,360 --> 00:07:06,220
Goleme bi ske sa fesa Paskua nna judio,

191
00:07:06,220 --> 00:07:09,440
se uan sapa nguë tela se tudu bi subili ba Jerusalen,

192
00:07:09,440 --> 00:07:12,220
valadji pa ineñ ba limpa öguë dëneñ anta pa da Paskua.

193
00:07:12,220 --> 00:07:16,520
Se ineñ tudu bi ska be ja jua Djisu ja pongota ineñ ineñ me dantu jadji Nashiolo:

194
00:07:16,520 --> 00:07:18,200
«¿Kë amea shi namsëdji bë?

195
00:07:18,200 --> 00:07:19,780
¿Ëli ske bi fesa?».

196
00:07:19,780 --> 00:07:23,780
Tadashi se nna fariseo ku nna jasa jasa padjil da uan odji fa,

197
00:07:23,780 --> 00:07:26,220
ja sa nguë shi ja sëbë jamian shi Djisu sa,

198
00:07:26,220 --> 00:07:30,360
pa da lazhan valadji pa ineñ fo ba të ëli.