1
00:00:05,000 --> 00:00:16,600
Maliyalina ainima tayamo mlidi Yeisu itaoya, Pita, Yemesa ma siyana Iyoni ikabidi, aditava sina koya maanawena goi situko.

2
00:00:16,600 --> 00:00:29,120
Maeko goi Tauyana ana kaigigita ikanagavila, nakae maisina inínima níyala nakae go, ana kwama sivapopowou, poowoudi toina mavada tayamo nakae.

3
00:00:29,120 --> 00:00:39,000
Go geya mgoninamo Mosese be Iraitiya sisowóduwo tauyadi yaidi goi go, Yeisu taiyao sibobóbwara.

4
00:00:39,000 --> 00:00:59,640
E kina Pita iigitedi, tuwo ikaubesobeso idigo kana, ‘Guna Tomoya, ame dedevina kita ameko takaaiyaka. Manakae? Yoyou aito ayowóidi? Tayamo kom im yoyou, tayamo Mosese ina yoyou, tayamo Iraitiya ina yoyou.’

5
00:00:59,640 --> 00:01:15,800
Pita nava ibobóbwara go, gaota maavadaina iumaidi. Ago gaotayana goi níyana tayamo sinove idigo kana, ‘Ame Natugu, guna kakaya, auyaonedoko. Tauyana konōve!’

6
00:01:15,800 --> 00:01:21,760
Niyanayana ina tovatotowanayao sinove, madi matoita sikanakabobo.

7
00:01:21,760 --> 00:01:29,560
Tuwo Yeisu ibala ina tauyadi ibisikonedi idigo kana, ‘Kotāoya. Taabu koomatōita.’

8
00:01:29,560 --> 00:01:37,320
E sitaoya, sikandobala, koroto adi taiyuwo geya sigitedita, go sem Yeisu anetava sigite ikaaiyaka.

9
00:01:37,320 --> 00:01:53,800
Ikavava, koya goi sisousou go, Yeisu ilovinaedi idigo kana, ‘Kaga koogitedi taabu kotalaavaitēdi ana kadókana Yaubada Tomalatomota tokámasa yaidi goi ikaitáoe.’

10
00:01:53,800 --> 00:02:19,040
Go Iraitiya ina sowóduwo pasina ina tovatotowanayaoyadi adi taito silumadade sidigo kadi, ‘Go kom kam, “Guyau bei ikámasa.” Moe ana taiyakeka Guyau itoboine igimiima. Tauna kaga unana Yaubada ina Katukeda ana tovatulukwanayao sidigodigo bego Iraitiya igimiima namlieta Guyau bei ima?’

11
00:02:19,040 --> 00:02:27,840
E kina Yeisuyana idigo kana, ‘Moe moitamo. Iraitiya bei ima kaga liliuna iyolimedi.

12
00:02:27,840 --> 00:02:45,880
Go ame alatuuwokoimi konōve: Iraitiyayana bogina ima go, tomota geya sikinaneyeta, go sem kaga nakae latuwodi siguinuwe tauyana yaina, e nakae siguinuwe. Tomalatomota nakae, bei siyogedegede.’

13
00:02:45,880 --> 00:02:56,460
Tuta amo goi ina tovatotowanayaoyadi adi taito bogina siyagoi moe Iyoni tosayóyova manuna ibobóbwara.