\id 3JN
\h 3 Vani
\toc1 3 Vani
\mt VANI
\mt2 Meitanüꞌaxüa Hairieca Mieme Xapayari
\c 1
\s Vaürisica
\p
\v 1 Ne nemüꞌaꞌuquiyari nepümatiꞌutüirie
nemümasinaquiꞌerie Cayu. Yuricü nepümasinaquiꞌerie ne.
\p
\v 2 Neuxei, ꞌecü nemümasinaquiꞌerie, nepünenenevie
naimecü ꞌaixüa pemüreumienicü, ꞌaixüa
pemüreuꞌeriecacü ꞌaꞌiyari ꞌaixüa mütimiepaü.
\v 3 Vaüca nepünetemaviecai meꞌuꞌaxecacu taꞌivama
metehecüatacacu ꞌahepaüsita yuri que pemaine. Yaxeicüa
ꞌecü tita yuri mürainesie petiviyatü pepuyeica.
\v 4 Que yanemücatinetemavi, vaüca masi nepünetemavi
yanetimaitü quename nenivema hipatü meꞌuꞌuva tita yuri
mürainesie meteviyatü.
\p
\v 5 Neuxei, ꞌecü nemümasinaquiꞌerie, yamüticamiepaü
peniyüaneni naime taꞌivama vahesie mieme pemütiyuriene
sepa memücuꞌuvamete.
\v 6 Müme mecateniutahecüata meyucuxeüriecu que
pemütiꞌacanaquiꞌerie. ꞌAixüa penivayuriemücü
pevaparevietü vahuyeta, Cacaüyaripaü petiucaꞌiyaritü.
\v 7 Que müꞌane Quesusi Cürisitu mühücüsie mieme
metetaꞌuximayataque menayecüne. Tixaü
mepücatevarutanaquiꞌeriri hipame nuivarite.
\v 8 ꞌAyumiemericü caneuyeveca müya memüꞌanene
temüvatanaquiꞌerieni tame, tanaitü tita yuri mürainesie
mieme temüteꞌuximayacacü.
\s Riyutürepexi que mütivarayeꞌuniecai
\p
\v 9 Ne ꞌesiva nepütivarutaꞌutüiri memüyutixexeüriva,
peru mücü Riyutürepexi vaꞌuquiyari mayuyeitüamücü
pücatasiꞌupitüa.
\v 10 ꞌAyumieme xüca nehenuani neneyeꞌeritüamücü que
mütiyuriene niuqui ꞌaxa müꞌanenecü tasiniuquimatü.
Mücücü xeicüa pücanaquiꞌa, masi müireme
pütiyurieniqueyu. Taꞌivama pücavapitüa, pücavatauni
müme memüvapitüacu, memüyutixexeüriva vasata
püvaranuyenüꞌava.
\p
\v 11 Neuxei, ꞌecü nemümasinaquiꞌerie, ꞌaxa mütiꞌane
pepücaꞌüqueni, ꞌaixüa mütiꞌane püta queneꞌüqueni. Que
müꞌane ꞌaixüa mütiyuriene Cacaüyarisüa canimiemetüni.
Que müꞌane ꞌaxa mütiyuriene pücaꞌixeiyave Cacaüyari.
\s Remetüriyu hepaüsita mepütehecüata
\p
\v 12 Yunaitü mepütehecüata Remetüriya hepaüsita, tita
yuri müraine tihecüatacacuta hepaüsitana, tameta
tepütehecüata hepaüsitana. ꞌEcü pepütimate yuricü
temütehecüata.
\s Teutüarica
\p
\v 13 Nesü vaüca nepümatitiꞌutüirieniquecai peru
tauxicü tiꞌutüvamecü nepücamatiꞌutüiriemücü.
\v 14 Nepümasiheuxeiyamücü püta yareutevitü, tahüxie
teꞌutinenieretü tepütetaxata.
\p
\v 15 ꞌAꞌiyarisie xüca pecaꞌuximatüarieca. Müme
temüvanaquiꞌerie mepümasivaüritüa. ꞌEcüta
quenivavaüritüaca müme temüvanaquiꞌerie yuxexuime que
memüteteteva.