\id pro 
\mt Wat Da Smart Guys Tell
\h Smart Guys
\c 1
\s How Come Need Wat Da Smart Guys Tell
\p
\v 1 Inside dis book, get da importan kine stuff fo make us tink, da kine Solomon like tell us. (Him King David boy, da king fo da Israel peopo.)
\b
\q
\v 2 Dis book az fo give you da smarts fo do da right ting erytime,
\q2 An fo live da way you suppose to,
\q An fo help you undastan fo real kine
\q2 Da kine stuff you gotta know.
\q
\v 3 Dis book goin help you undastan wass right,
\q2 So den you goin do da right ting erytime,
\q An know how fo figga out wass good an wass bad
\q2 An make same ting to erybody.
\v 4 Dis book fo da peopo dat donno notting an easy fo bulai dem.
\q2 Goin help um come mo akamai,
\q An help da young guys fo know stuff
\q2 An fo tink strait.
\b
\q
\v 5 Da smart peopo dat know awready wat fo do,
\q2 Dey goin lissen up mo an moa,
\q2 An erytime dey goin undastan even mo betta.
\q Da peopo dat lissen good,
\q2 Dey goin find out wat dey gotta do.
\q
\v 6 Whoeva make lidat, cuz dey read dis book,
\q2 Dey goin undastan da importan kine tings
\q An da stuff dat da smart guys make hard fo figga out,
\q2 Az da kine stuff fo make you tink plenny.
\b
\q
\v 7 Fo know stuff fo real kine,
\q2 Main ting, you gotta get awesome respeck fo Yahweh,
\q2 So dat you stay scared wen you tink bout him!
\q Ony da peopo dat do bad kine stuff, no bodda dem
\q2 Figga az wase time, fo learn wass importan fo do
\q2 An fo stick wit wass right.
\s Da Fadda Tell Da Boy, Find Out Wass Importan
\q
\v 8 Wen I talk to my boy, I tell um, “Eh ma boy,
\q2 Lissen up all da tings I teach you.
\q Same ting, wen yoa mudda teach you someting,
\q2 No foget wat she tell you.
\q
\v 9 If you lissen, make you look good,
\q2 Jalike one nice lei on top yoa head,
\q2 Jalike fancy kine chain fo put on yoa neck.”
\b
\q
\v 10 I tell my boy, “Eh lissen up! If some pilau buggas try make you come wit dem,
\q2 Jus go tell um, you no like.
\q
\v 11 No matta dey tell, ‘[Try / Go] come wit us.
\q2 We go hide an go jump whoeva stay come,
\q2 Den we go kill um. Cuz notting else fo do, yeah?
\q
\v 12 No matta dey alive, we take um, brah,
\q2 Jalike da Mahke Peopo Place go take da mahke peopo.
\q No matta dey feel good, we take um out,
\q2 Jalike dey fall [down] inside one big hole.
\q
\v 13 We go steal all [choice] kine stuff dat cost plenny money
\q2 An put um inside our house.
\q
\v 14 Go chance um wit us, brah!
\q2 We go share share togedda, yeah?”
\b
\q
\v 15 An I tell my boy, “Eh, no hang out wit dis kine peopo!
\q2 You jus go tell um, ‘No way, brah!’
\q2 No go wit dem an do stuff da way dey do!
\q
\v 16 Cuz ery place dey go, dey ony go fo do bad kine stuff.
\q2 An dey go fas, cuz dey like make peopo bleed an mahke.
\q
\v 17 Eh! ‘Wase time, you know, fo put one net
\q2 In front da birds, an dey watching you.’
\q
\v 18 Dese guys, dey try jump somebody,
\q2 But dey ones goin bleed,
\q2 Dey da ones goin mahke.
\q
\v 19 Dass wat happen to all da peopo dat go all out fo make money.
\q2 Bumbye dey get da money, but dea life all pau.
\s Lissen To Da Wahine Dat Know Wat Fo Do
\q
\v 20 Da stuff peopo get inside dem
\q2 Wen dey know wat fo do erytime,
\q Try tink bout um, like dass one lady,
\q2 An dis lady, she make big noise in front plenny peopo!
\q She go da big place wea all da peopo hang out,
\q2 An talk loud kine so erybody can hear!
\q
\v 21 She stand on top da main streets wit choke peopo an yell to erybody,
\q2 She talk to da peopo dat hang out wit da town leadas,
\q2 Ova dea by da big gate fo da town. She tell:
\q
\v 22 “Eh, you guys dat donno notting an easy fo bulai!
\q2 You guys like stay lidat?!
\q An you buggas dat no mo respeck fo nobody cuz you tink you so smart,
\q2 You like stay lidat?!
\q You stupid buggas dat tink you no need learn notting,
\q2 How come you no like wen peopo try tell you da trut?!
\q
\v 23 You guys come back da right way an lissen, I goin tell you strait wass wrong!
\q2 An ho! I tell you da stuff inside my heart,
\q Da kine stuff dat befo time I no can tell you.
\q2 An I goin help you fo undastan wat I say.
\b
\q
\v 24 “Cuz I wen yell plenny times awready fo you guys come,
\q2 But you neva like.
\q Neva mind I wen make fist fo wack you guys,
\q2 You guys neva lissen.
\q
\v 25 I wen tell you guys wat good fo you
\q2 An you foget awready.
\q I wen tell you strait wass wrong,
\q2 An you guys neva like dat.
\q
\v 26 Az why, wen you guys get all bus up,
\q2 Me, I goin laaaugh, laugh, laugh!
\q Wen bad tings happen,
\q2 Da kine dat make you so scared dat you no can handle,
\q2 I goin make fun a you!
\q
\v 27 Dat time, you guys goin get so scared you no can handle, jalike wit one hurricane,
\q2 An wen you get all bus up, goin blow you guys away jalike da hurricane wind,
\q An you guys goin come all stress out cuz you no can do notting,
\q2 An you goin get wipe out from all da tings dat give you plenny presha.”
\p
\v 28 She tell:
\q “Dem guys, let um try go yell fo me help dem,
\q2 I no goin lissen
\q No matta dey try hard fo find me,
\q2 Dey no going.
\q
\v 29 Cuz dey piss off dat get stuff dey gotta learn,
\q2 Dey not scared Yahweh, dey make up dea mind awready.
\q
\v 30 Dey no lissen da tings I tell um.
\q2 Weneva I tell um “Az bad, wat you wen do,”
\q2 Dey tell az ony junk, wat I tell dem.
\q
\v 31 Stuff goin happen to dem
\q2 Cuz dey wen live dat way.
\q Eryting dey figga out fo do,
\q2 Goin come back on top dem,
\q2 Da same stuff an even mo stuff.
\q
\v 32 Da peopo dat easy fo bulai,
\q2 Dey goin go away from me,
\q Az dea own fault [?]
\q2 Wen dey get all bus up an go mahke from dat.
\q Da stupid peopo, dey ack jalike notting bad goin happen,
\q2 An cuz a dat, someting goin wipe um out.
\q
\v 33 But da peopo dat [stay] lissen to me,
\q2 Dey goin be okay an notting goin hurt dem,
\q An dey no need come all scared inside an shake all ova
\q2 Cuz dey tink maybe someting bad goin happen.”
\m Dass wat da wahine tell dat erytime know wat fo do.
\c 2
\s Good Tings Goin Happen If You Know Wat Fo Do
\p
\v 1 Wen I talk to my boy, I tell um,
\q “Lissen to wat I say!
\q2 Rememba da tings I telling you dat you gotta do,
\q2 An make shua you make dat way all da time.
\q
\v 2 An you know, da peopo dat know wat fo do,
\q2 Wen dey talk, you betta lissen good,
\q An work hard fo undastan da peopo
\q2 Dat know how fo do good job.
\q
\v 3 Go yell fo get somebody fo help you know importan kine stuff,
\q2 Fo help you know how fo do good job.
\q
\v 4 Try hard fo find out,
\q2 Jalike you was looking fo money
\q2 O fo da kine treasure dat stay bury inside da groun.
\q
\v 5 Cuz if you go do dat,
\q2 Den you goin undastan fo real kine
\q Wat mean, “You betta be scared Yahweh,”
\q2 An bumbye you goin come so dat you know God.
\q
\v 6 Cuz Yahweh, he da one
\q2 Dat teach peopo wat fo do.
\q Da stuff he tell,
\q2 Dass wat goin make you know stuff
\q2 An undastan stuff.
\q
\v 7 Wen peopo stay do da right ting,
\q2 God make um so dey can figga out how fo get outa trouble,
\q2 An dass how he take care dem.
\q Da peopo dat erytime do stuff da right way,
\q2 He no let notting hurt dem.
\q He jalike one shield
\q2 An notting can go thru him.
\q
\v 8 So God watch da way da peopo judge.
\q2 God no let notting bad happen
\q2 To da peopo dat stick wit him,
\b
\q
\v 9 You do all dat stuff,
\q2 An den you goin undastan wass right,
\q2 An how fo judge da right way
\q An make same kine to erybody,
\q An how fo find da good way fo go erytime.
\q
\v 10 Cuz inside yoa heart, you goin start fo know wat fo do,
\q2 An you goin stay real good inside
\q2 Cuz you know plenny stuff.
\q
\v 11 Notting bad goin happen to you
\q2 Cuz you goin know how fo make good plan,
\q2 Cuz you undastan stuff real good.
\b
\q
\v 12 Wen you know wat fo do erytime,
\q2 You can get outa da kine trouble
\q2 From da peopo dat like do bad kine stuff
\q2 An from da peopo dat talk kapakahi.
\q
\v 13 Cuz dose peopo, dey wen go da right way but dey go back,
\q2 So den dey go da dark roads wea bad tings happen.
\q
\v 14 Wen dey do someting bad,
\q2 Dey feel all good inside.
\q Wen dey make eryting kapakahi,
\q2 Same ting dey feel good.
\q
\v 15 Da way dey do tings, dey ony make crooked kine.
\q2 Dey stay go da wrong way erytime.
\b
\q
\v 16 Wen you know wat fo do,
\q2 You no goin fool aroun da wahines dat not yoa wife.
\q Wen da kine wahines try talk nice kine to you,
\q2 You no goin lissen.
\q
\v 17 Dat kine wahine, she wen go [leave / dump]
\q2 Da husban she had trus wen she was young,
\q An she no like tink bout
\q2 Da deal her an da husban wen make in front her God.
\q
\v 18 You go her house, easy fo fall down inside da Mahke Peopo Place.
\q2 Her road go strait da place wea da [dead / mahke] peopo spirits [?] stay.
\q
\v 19 Erybody come by dat kine wahine,
\q2 Garans dey not goin come back.
\q2 Dey not goin find da way fo get da real kine life.
\b
\q
\v 20 I telling you dis,
\q2 So dat/den you goin make same like da good kine peopo.
\q2 An jalike da peopo dat stay do da right ting,
\q2 You goin stay on da same way an hang in dea.
\q
\v 21 Cuz da peopo dat erytime do da right ting,
\q2 Ony dem goin live long time on top dea ohana land.
\q2 Da peopo dat you no can poin finga dem, dey goin stay dea.
\q
\v 22 But da peopo dat no stay do wass right,
\q2 Dey goin get wipe out so no mo dem on top da land.
\q Da peopo dat you no can trus dem,
\q2 God goin hemo dem from dea.”
\c 3
\s Trus Yahweh
\p
\v 1 Wen I talk to my boy, I tell um,
\q “Da rules I stay teach you,
\q2 Neva eva foget um.
\q Da tings I stay tell you you gotta do,
\q2 Learn um real good,
\q2 So dat going stay inside you.
\q
\v 2 Den bumbye you goin live long time,
\q2 You goin get plenny years fo do plenny stuff,
\q2 An eryting goin go good fo you.
\q
\v 3 Make shua you stay tight wit yoa good friends
\q2 An show love an aloha erytime.
\q2 Make shua peopo can trus you.
\q You make lidat all da time,
\q2 Dat make you look good,
\q2 Jalike wen you put on one jewelry on yoa neck.
\q Learn um real good,
\q2 So you no foget um an stay inside yoa heart.
\q Cuz yoa heart, az jalike one book
\q2 An you stay writing inside um.
\q
\v 4 An God, he like wen you do all dat,
\q2 An peopo same ting dey like dat.
\q An bumbye, erybody goin know you one good guy,
\q2 An God, he goin know dat too.
\s Trus Yahweh
\q
\v 5 No tink if you know eryting, dass all you need.
\q2 Mo betta if you go all out fo trus Yahweh.
\q
\v 6 Wateva you do, tink bout God an wat he like you fo do,
\q2 Den he goin make shua notting goin jam you up.
\q
\v 7 No get big head cuz you tink you so smart
\q2 An know wat fo do erytime.
\q2 Mo betta, you stay scared a Yahweh,
\q2 So you can stay away from da bad kine stuff.
\q
\v 8 So den, bumbye yoa body going come good like before time,
\q2 An yoa bones goin come strong too.
\q
\v 9 Go show erybody dat you get awesome respeck fo Yahweh.
\q2 Wat you do wit all da tings you get,
\q An how you give da Boss da bestes stuff
\q2 From all da food dat grow on top yoa land,
\q2 All dat goin show dem.
\q
\v 10 So den bumbye, Yahweh going fill up yoa storage house
\q2 Wit plenny food,
\q An all da big barrels you get,
\q2 No can hold all da wine Yahweh goin give you.
\s Wen Yahweh Punish You
\q
\v 11 I tell my boy, “No tink dass wase time
\q2 Wen Yahweh tell you tings fo make you learn!
\q No get wild
\q2 Wen he give you presha fo do da right ting!
\q
\v 12 Cuz anybody dat Yahweh love,
\q2 He goin presha dem fo teach dem,
\q Jalike one fadda guy do
\q2 Wen he get love an aloha fo his boy.
\s Song Bout Knowing Wat Fo Do
\q
\v 13 Wen somebody go get da smarts
\q2 Fo know wat fo do erytime,
\q An learn how fo undastan da stuff,
\q2 Dey can stay good inside!
\q
\v 14 Wen you know wat fo do,
\q2 Az mo betta den plenny silva!
\q Wen you undastan stuff,
\q2 Dat goin give you someting mo betta den plenny gold!
\q
\v 15 Da kine worth mo plenny den jewel stones.
\q2 All da odda tings dat you really like, no even come close,
\q2 Dat kine smarts mo betta.
\q
\v 16 Wen you know wat fo do erytime,
\q2 You goin live long time,
\q2 An get plenny stuffs an plenny respeck too.
\q
\v 17 Wen you know wat fo do,
\q2 Eryting going come all nice fo you
\q2 An eryting go good fo you.
\q
\v 18 Wen you go all out fo know wat fo do erytime,
\q2 Az jalike one tree dat get fruits
\q2 Dat can make you live long time.
\q An wen you try hard fo learn wat fo do an hang in dea,
\q2 Good tings goin happen to you.
\s God, He Know Wat Fo Do Erytime
\q
\v 19 Yahweh, he know wat fo do erytime,
\q2 An dass how come he make da world da right way.
\q He wen put da sky wea he like
\q2 Cuz he undastan da right way fo do um.
\q
\v 20 God know plenny stuff,
\q2 An dass how he can make da big watta bus outa da stone,
\q2 Da watta from da deep places undaneat.
\q An he can make da dew come down from da clouds too,
\q2 Litto bit litto bit at one time.
\s Know Wat Fo Do Fo No Cheat Nobody
\q
\v 21 Eh my boy! Make shua you try hard an no foget
\q2 Dat you gotta know how fo handle,
\q2 An tink firs so you know wat fo do.
\b
\q
\v 22 You go do dat, an inside, you goin live fo real kine,
\q2 An you goin be da kine guy dat erybody like,
\q2 Jalike you get one nice lei on yoa neck.
\q
\v 23 Any place you go, you no need worry
\q2 You goin bus yoa toe, notting.
\q
\v 24 Wen you lay down, you no goin come scared,
\q2 An wen you go sleep, you goin sleep real good.
\q
\v 25 So den you no need come scared and shake all ova.
\q2 Wen da peopo dat do bad kine stuff get big trouble all one time,
\q2 You no need worry.
\q
\v 26 Cuz Yahweh, he goin be da One you can trus,
\q2 He goin watch you wea you walk
\q2 So da trap no catch yoa foot.
\b
\q
\v 27 Wen you gotta do someting fo help somebody,
\q2 No hold back if you get da powa fo do um.
\q
\v 28 No tell yoa friend,
\q2 “Eh, come back tomorrow, bumbye I give you,”
\q2 But you get da ting right dea awready.
\q
\v 29 Wen get one guy dat stay trus you
\q2 Cuz he live same place nea you,
\q2 No make plan fo do bad kine stuff to da guy.
\q
\v 30 If one guy neva do notting to you,
\q2 No make argue jus fo make argue.
\q
\v 31 No good you tink, “I like come jalike da guys dat like bus up erybody!”
\q2 No make like dem, az not da right way.
\q
\v 32 Cuz Yahweh, he no like crooked kine peopo,
\q2 Dey make him sick.
\q But da peopo dat stay do wass right,
\q2 Dey stay his good friends.
\b
\q
\v 33 Da peopo dat stay do bad tings,
\q2 Yahweh promise fo punish all dea ohana,
\q But da peopo dat stay do wass right,
\q2 He make eryting come good wea dey stay.
\q
\v 34 Wen get guys ack like odda peopo dey junk,
\q2 God make like dey junk too.
\q But da peopo dat erytime put demself last,
\q2 He make dem so erybody like dem.
\q
\v 35 Da peopo dat know wat fo do erytime,
\q2 Dey goin get plenny respeck.
\q But az diffren, fo da stupid guys wit attitude.
\q2 Shame, dass all dey goin get.
\c 4
\s Da Fadda Tell His Boys Fo Lissen Up
\q
\v 1 Eh my kids! Lissen up.
\q2 I goin tell you how you suppose to ack.
\q Come ova hea so you learn
\q2 An undastan wat fo do.
\q
\v 2 Cuz I teaching you guys good kine stuff.
\q2 So you no foget da rules I tell you.
\q
\v 3 Small kid time, same ting like you guys,
\q2 I get my fadda fo teach me,
\q An my mudda, she love me,
\q2 Cuz was ony me dat time.
\q
\v 4 My fadda, he wen show me
\q2 Wat I suppose to do.
\q2 He tell me dis:
\b
\q “Good yoa head keep da tings I say.
\q2 Do da tings I tell you fo do,
\q2 Den you can go live fo real kine.
\q
\v 5 Go get da smarts fo know wat fo do,
\q2 An fo undastan stuff.
\q2 Da tings I tell, no foget um,
\q2 An no go way from dem.
\q
\v 6 No go way from learning wat fo do,
\q2 Cuz dat wat goin take care a you.
\q You gotta really like wat you learn,
\q2 Cuz dat way you goin stay outa trouble.
\q
\v 7 You like come da kine guy
\q2 Dat know wat fo do erytime?
\q Dis, da numba one ting:
\q2 Go all out fo learn wat fo do erytime,
\q An eryting you learn,
\q2 Make shua you undastan um.
\q
\v 8 If you tink fo learn wat fo do is da main ting,
\q2 You goin come one big man.
\q If you go all out fo learn wat fo do,
\q2 Jalike one guy go all out fo hug da wahine he love,
\q2 Den peopo goin get plenny respeck fo you.
\q
\v 9 Wen you know wat fo do erytime,
\q2 Dass jalike you get one nice lei on top yoa head,
\q2 O jalike you get one awesome gold crown.”
\s Stay On Top Da Right Road
\q
\v 10 Eh my boy, lissen an keep wat I tell you.
\q2 So den you can live long time.
\q
\v 11 I stay teach you da right way
\q2 Fo go an know wat fo do.
\q I put you on top da right track
\q2 Fo help you go strait.
\q
\v 12 Wen you walk aroun,
\q2 No goin get notting
\q2 Fo make um hard fo walk.
\q Even wen you run,
\q2 You no goin get hard time fo run.
\q
\v 13 I teaching you wass right,
\q2 So hang in dea.
\q2 No go way from dat teaching.
\q You betta stick wit um,
\q2 Cuz az how you goin live fo real kine.
\q
\v 14 No even try fo live da same way
\q2 Like da kine peopo do dat da judge goin punish.
\q2 No stay go da same way da bad kine peopo go.
\q
\v 15 Foget um awready, no go dea.
\q2 Go way from dat kine stuff,
\q2 An go da odda side.
\q
\v 16 Dat kine peopo,
\q2 Dey no can go sleep,
\q2 Dey gotta do someting bad firs!
\q Da sleep no come,
\q2 Till dey make somebody do someting bad!
\q
\v 17 Fo dem, az easy fo do bad kine stuff,
\q2 Az jalike eating food.
\q Bussing up peopo,
\q2 Az good fun fo dem,
\q2 Jalike drinking wine.
\q
\v 18 But fo da peopo dat do wass right erytime,
\q2 Eryting come mo an mo betta fo dem,
\q Jalike early morning time get ony litto bit light,
\q2 Den come mo an mo strong till come day time.
\q
\v 19 Fo da peopo dat stay do bad kine stuff,
\q2 Da way dey go, jalike stay real dark yet.
\q2 Dey donno wat make dem fall down.
\s Make Jalike I Teaching You
\q
\v 20 Eh my boy! Lissen wat I telling you!
\q2 Lissen wit yoa ear now, so you know wat I say.
\q
\v 21 Read um plenny times,
\q2 No stop, make shua nobody stop you,
\q So dat stay inside you
\q2 An you tink bout um all da time.
\q
\v 22 Cuz da peopo dat find da stuff I stay tell,
\q2 Dey come alive fo real kine cuz a dat,
\q2 An dea body come good, same time.
\s No Bulai
\q
\v 23 Da ting is, you gotta really take care
\q2 An watch out how you stay tink.
\q Cuz da way you tink inside,
\q2 Dass how you goin live fo eryting you do.
\q
\v 24 Throw way all da crooked kine talk.
\q2 No good you say one ting an go do one nodda ting.
\q2 Throw out all dat kine talk, eryting!
\q
\v 25 Make shua you ony look wea you suppose to go,
\q2 Look strait in front you all da time, no go spock odda stuff.
\v 26 Go make one strait road fo walk,
\q2 So den you no need worry you goin fall down.
\q
\v 27 No go way from dat good road,
\q2 No go right side o lef side.
\q If get any place wea you can do bad kine stuff,
\q2 You betta go da odda way!
\c 5
\s Watch Out Fo Wahines Dat Like Fool Aroun
\q
\v 1 Kay den, my boy. You lissen good,
\q2 Cuz I know wat kine stuff you betta do.
\q All dis kine stuff dat I undastan,
\q2 Goin help you, so lissen up.
\q
\v 2 Az good, you know wen mo betta you no say notting
\q2 Bout wat you tinking,
\q2 An you talk bout wat you know.
\s No Go Nea Da Odda Guy's Wife
\q
\v 3 Cuz wen da wahines dat not yoa wife talk,
\q2 Come out sweet jalike honey.
\q Da words from dea mout, stay smooth
\q2 Jalike olive oil.
\q
\v 4 But afta dat, dey goin give you bitta taste in da mout,
\q2 Jalike da kine plant dat taste bitta,
\q An dey goin cut you
\q2 Jalike dey use one sword dat stay sharp on two side.
\q
\v 5 Da way dey go, going drag you down
\q2 To da place wea you goin mahke.
\q Fo shua dey going strait
\q2 To da Mahke Peopo Place!
\q
\v 6 Cuz dey no like follow da strait way
\q2 Fo get da real kine life.
\q Dey go all ova da place,
\q2 An dey donno wea dey going.
\s Wat Happen Wen You Fool Aroun
\q
\v 7 So now den, my boys, lissen to me,
\q2 An make shua you stick wit da tings I tell you.
\q
\v 8 You betta stay away from dat kine wahine!
\q2 No even go nea da door by da place wea she stay.
\q
\v 9 Cuz if you hang out wit her,
\q2 Bumbye you goin lose da bestes time in yoa life,
\q2 An give um away to odda peopo.
\q Den her husban goin hurt you,
\q2 An make you suffa da res a yoa life.
\q
\v 10 No good all yoa hard work go to odda peopo
\q2 An you donno who dem.
\q An eryting you get from yoa hard work,
\q2 Anodda guy from diffren country
\q2 Goin take um inside his house.
\q
\v 11 An if you no watch out,
\q2 You goin moan wen you come ol,
\q Cuz yoa body stay all wasted
\q2 An no mo meat on top yoa bones.
\q
\v 12 An den you goin tell:
\q2 “Auwe! I no like
\q How peopo wen try teach me
\q2 Fo do da right ting!
\q How dey tell me az wrong,
\q2 Erytime I go do someting bad.
\q But inside my heart, I tink,
\q2 ‘I no goin stop!’
\q
\v 13 I neva lissen to my teacha guys.
\q2 I neva like hear wat anybody try fo teach me.
\q
\v 14 An now, eryting bad stay happen one time,
\q2 An I no can handle
\q2 In front all da peopo dat stay come togedda hea!”
\q
\v 11 An afta, wen you old, you moan
\q2 Cuz yoa body all wasted
\q2 An you litto mo mahke cuz you sick.
\q
\v 12 An you talk: “So, wat? I wen hate fo get punish. [?]
\q2 Ery time somebody say ‘No good, wat you wen do.’
\q2 Inside my heart, I wen say ‘No way!’
\q
\v 13 I neva lissen to my teacha guys.
\q2 I neva like hear wat da guys teaching me wen tell me.
\q
\v 14 Quick time, all kine trouble wen happen to me,
\q2 An all da peopo come togedda an make me shame.”
\s Stick Wit Yoa Own Wife
\q
\v 15 Wen you make love wit yoa wife,
\q2 Dass jalike you stay drink watta
\q2 From yoa own watta place.
\q So no drink watta from odda place,
\q2 Get yoa watta from yoa own puka.
\q
\v 16 Bumbye if you go chase odda wahines,
\q2 Az jalike yoa watta come too full.
\q2 Goin go down outside on top da street,
\q An make da place wea get plenny wahine,
\q2 Come full wit da watta dat come from yoa place.
\q
\v 17 Mo betta you keep um all, ony fo you,
\q2 No good you share um wit wahines you donno.
\q
\v 18 Yoa wife, da one you wen marry wen you was young,
\q2 She da one make good tings happen fo you,
\q2 An you feel good wen you stay wit her.
\q
\v 19 She jalike one deer,
\q2 Real nice an good looking.
\q Her body, az all you need,
\q2 An she love you.
\q So, erytime you guys go make love,
\q2 No hold back from each odda!
\q
\v 20 Eh my boy!
\q2 No good, you go all out wit somebody
\q2 An dey not yoa wife,
\q O you go grab somebody
\q2 Dass not fo you.
\s You Do Bad Kine Stuff, You Kill Yoa Own Self
\q
\v 21 Cuz Yahweh, he can see eryting dat erybody do
\q2 Jalike dey stay do um right in front him.
\q An Yahweh, he look wat dey do,
\q2 If good o no good.
\q
\v 22 Wen somebody go do bad kine stuff,
\q2 Da tings dey do, trap dem.
\q Dey no can run away,
\q2 Cuz jalike dey all tie up wit rope.
\q
\v 23 Dey goin mahke,
\q2 Cuz inside, dey no like learn
\q2 Wass importan fo do,
\q An cuz dey ony like do
\q2 Wat dey like do,
\q2 An no bodda dem.
\c 6
\s No Good You Say You Goin Pay If Somebody Owe Money
\q
\v 1 Eh my boy! If some guy owe somebody money,
\q2 An you make promise
\q Dat you goin pay wateva dat guy owe
\q2 If he no can pay,
\q2 Even if you donno da guy,
\q
\v 2 Dass jalike you stay get trap
\q2 Cuz a wat you wen say.
\q Cuz a yoa big mout,
\q2 Dey catch you.
\q
\v 3 So my boy, dis wat you gotta do,
\q2 Cuz now, dis odda guy get powa ova you, you know!
\q Go in front him an make like you notting.
\q2 Try make him let you go from da deal.
\q2 No stop till he let you go.
\q
\v 4 No even tink bout going sleep till you fix um!
\q2 No close yoa eye even litto bit!
\q
\v 5 You betta run away from da deal,
\q2 Jalike da deer run away from da hunta guy
\q2 An da bird fly away from da trap a da hunta guy.
\s Mo Betta Work Den Ony Sleep
\q
\v 6 Eh, you lazy bugga! Go look da ants.
\q2 See how dey do stuff,
\q2 So den you know wat fo do erytime.
\q
\v 7 Da ants, dey no mo leada guys,
\q2 Fo tell um wat fo do.
\q No mo big boss,
\q2 No mo govmen leada guys.
\q
\v 8 Even wen stay hot, da ants work
\q2 Fo make shua dey get food.
\q Wen time fo peopo cut food,
\q2 Dey bring in dea food too.
\q
\v 9 Eh, you lazy bugga! How long you goin sleep?
\q2 Wen you goin get up?
\q
\v 10 You go sleep litto bit moa,
\q2 An litto bit mo you moemoe,
\q2 An lay back,
\q
\v 11 An bumbye all one time, all yoa stuff, gone,
\q2 Jalike one steala guy wen come take um.
\q An all one time you no mo da stuff you need,
\q2 Jalike one guy wit knife wen jump you.
\s Da No Good Kine Peopo
\q
\v 12 Da good fo notting kine peopo, dat ony do bad kine stuff,
\q2 Dey go all ova da place an bulai.
\q
\v 13 Dey make sign wit dea eyes,
\q2 An dea feets an dea fingas,
\q2 So dea guys know dey stay bulai somebody.
\q
\v 14 Eryting inside dea head, all crooked.
\q2 All da time, dey tink how fo do bad kine stuff,
\q2 An fo make peopo fight wit each odda.
\q
\v 15 Dass why dey all goin be wipe out one time,
\q2 An dey all goin bus up one time,
\q2 Den dey no can come good bumbye.
\s Seven Tings Yahweh No Take
\q
\v 16 Get six kine tings dat Yahweh no goin take.
\q2 He come sick a da kine tings.
\q
\v 17 Da high makamaka kine peopo,
\q Da peopo dat erytime bulai,
\q Da peopo dat use dea hand
\q2 Fo go bus up odda guys,
\q2 Even if da guys neva do notting to dem,
\q
\v 18 Peopo dat use dea head fo make plan
\q2 Bout how fo do wrong kine tings,
\q Peopo dat use dea feets
\q2 So dey can hurry up an go do bad kine stuff,
\q
\v 19 Peopo dat bulai any kine
\q2 In front da judge.
\q An numba seven, mo worsa --
\q2 Az da kine peopo
\q2 Dat make bruddas go beef each odda.
\q2 Dass da kine peopo Yahweh no can take.
\s Da Tings I Teach You, Show You Wea Fo Go
\q
\v 20 Eh my boy! I yoa fadda,
\q2 So go do da ting I stay tell you fo do,
\q An no foget da rules
\q2 Yoa mudda wen teach you.
\q
\v 21 Stick wit all dat stuff so dat,
\q2 Jalike dey stay inside yoa heart
\q2 An stay hang aroun yoa neck, all da time.
\q
\v 22 Any place you go, da tings we teach
\q2 Goin show you wea fo go.
\q Wen you go sleep, jalike dey goin watch you
\q2 So notting bad happen.
\q Wen you wake up,
\q2 Jalike da teaching stay tell you wat fo do.
\q
\v 23 Cuz da ting I tell you fo do,
\q2 An da rules yoa mudda teach you,
\q2 Dass jalike one small lamp,
\q O one light,
\q2 Dat show you da way fo live fo real kine,
\q An stay show you wat you wen do wrong,
\q2 So you can go back do da right way fo live.
\s No Fool Around [Nobody / Somebody] If You Not Married To Dem
\q
\v 24 I telling you all dis
\q2 Fo make shua you stay away from bad kine wahines,
\q An from any wahine dat not yoa wife,
\q2 No matta dey talk nice kine to you.
\q
\v 25 No go tink inside yoa head,
\q2 “Ho, dis wahine good looking! I like get her!”
\q2 No good if da way she look at you, goin trap you.
\q
\v 26 Cuz da wahines dat fool aroun fo money,
\q2 Dey ony charge nuff fo buy food, dass all.
\q But wen da wahine dat awready get husban try come get you,
\q2 You goin lose da mos expensive ting you get -- yoa life,
\q2 Dass wat she really going do!
\b
\q
\v 27 So, wat you tink? You can pick up some hot charcoals,
\q2 Throw um inside yoa clotheses,
\q An dey no get burn?!
\q2 I no tink so!
\q
\v 28 If you go step on top hot charcoals,
\q2 You tink, no goin burn yoa feets, o wat?
\q
\v 29 Same ting if you go make sex wit anodda guy wife.
\q2 You touch her, garans you goin get punish!
\q
\v 30 Wen one guy go steal cuz he hungry,
\q2 Da peopo no make like him pilau bugga, you know.
\q
\v 31 But wen dey catch da guy,
\q2 He gotta pay back
\q2 Seven time moa den wat he wen take,
\q Even if he gotta sell
\q2 Eryting inside his house.
\q
\v 32 But da guy dat fool aroun one wahine dat stay married,
\q2 Jalike da guy no mo brain,
\q Cuz he ony killing himself,
\q2 An dass his own fault.
\q
\v 33 He goin get bus up an come shame.
\q2 He goin get bad name from dat,
\q2 An nobody goin foget dat eva.
\q
\v 34 Cuz wen da husban find out,
\q2 He goin come all jealous an wild.
\q An wen he get mad,
\q2 He no goin hold back,
\q2 He goin geev um.
\q
\v 35 Da husban no goin like you tell him, “Kay den,”
\q2 No matta how much money you give him fo no tell.
\q Even if you give him plenny silva
\q2 Fo try make him change his mind,
\q2 He no goin change his mind.
\c 7
\s If You No Fool Aroun, You No Goin Get Hurt
\q
\v 1 Eh my boy! Do da tings I stay tell you fo do,
\q2 Keep inside you, wat I tell you gotta do.
\q
\v 2 Do da tings I telling you fo do,
\q2 Den you goin live fo real kine.
\q No foget fo do wat I stay teach,
\q2 Jalike you no foget fo keep stuff outa yoa own eyeballs.
\q
\v 3 Da tings I telling you,
\q2 Make shua you tink bout um all da time.
\q Make shua you tie um on top yoa finga,
\q2 Make like you write um inside you
\q2 Jalike one book, so you no foget.
\q
\v 4 Learn real good fo know wat fo do erytime,
\q2 Cuz jalike you get yoa own sista fo help you.
\q Az like you get somebody from yoa ohana,
\q2 Fo learn real good how fo undastan stuff.
\q
\v 5 Den you goin stay away from da wahines dat not yoa wife.
\q An you no goin lissen
\q2 To some wahine dat not fo you,
\q2 Wen she try talk nice kine to you.
\s Da Wahine Dat Like Fool Aroun
\q
\v 6 One time, inside my house, I wen look,
\q2 Thru da open part a my window,
\q
\v 7 An I see some young guys,
\q2 Da kine guys dat donno notting.
\q Den I wen see dis one guy,
\q2 Him, he kinda dumb.
\q
\v 8 Da guy was walking, an he go down one street,
\q2 He right in front one corner
\q2 Fo go dis wahine house.
\q
\v 9 Was jus befo dark time,
\q2 Almos eryting black.
\q
\v 10 An you know wat?
\q2 Dat wahine come out an go by him.
\q She stay wear da kine clotheses,
\q2 Jalike she one wahine dat fool aroun fo money.
\q2 She ack sneaky kine.
\q
\v 11 She da kine wahine dat get big mout an no like lissen nobody.
\q2 She no like stay home.
\q
\v 12 Sometimes she go to da street,
\q2 Sometimes she go to da park,
\q2 By all da street corners.
\q She go an hide dea
\q2 So she can jump out an grab somebody.
\q
\v 13 So dat wahine, she come out grab da young guy an kiss um,
\q2 An she no mo shame wen she talk to him!
\q
\v 14 She tell, “Eh! I wen make sacrifice today,
\q2 Jalike I wen promise fo do!
\q Da kine fo show dat eryting okay,
\q2 An now, all pau.
\q
\v 15 Dass why I come outside look fo you,
\q2 Cuz I really like be wit you,
\q2 An ho! I wen find you!
\q
\v 16 I wen fix my bed all spesho kine,
\q2 Wit fancy kalako kine linen cloth from Egypt.
\q
\v 17 I wen make my couch smell nice.
\q2 I wen use myrrh, aloe, an cinnamon kine perfume.
\q
\v 18 Come! We go all out fo make sex all nite!
\q2 We go make out an get good fun!
\q
\v 19 Cuz my husban, he no stay home.
\q2 He wen go far place.
\q
\v 20 He wen go wit plenny money inside his bag
\q2 Nuff fo stay maybe two week, befo he come home.”
\q2 Dass wat she tell da dumb guy.
\s If You Stupid, Bad Tings Goin Happen To You
\q
\v 21 Dass how she make da guy go wit her.
\q2 She talk to him, real nice.
\q2 Her mout, so slick da way she tell um so he go wit her.
\q
\v 22 Den litto bit time he go wit her,
\q2 Jalike wen one cow go inside da slaughterhouse,
\q Jalike wen one deer jump right inside one trap,
\q2
\v 23 An quick, da arrow go inside his opu!
\q
Jalike wen one bird go strait into da bird trap,
\q2 Da guy, he donno he goin mahke cuz a dat.
\s Watch Out!
\q
\v 24 So now den, my boys! Lissen to me!
\q2 Tink bout wat I telling you guys!
\q
\v 25 No go let yoa heart go
\q2 Da way wea dat kine wahine like you fo go.
\q2 No hang aroun dat side.
\q
\v 26 Cuz plenny peopo, she wen use um an wipe um out,
\q2 So dey goin mahke.
\q2 An she wen kill plenny guys.
\q
\v 27 Da roads to da Mahke Peopo Place
\q2 Start from dat wahine house,
\q An all dose roads go down
\q2 To da rooms inside Hell.
\c 8
\s Da Lady Dat Know Wat Fo Do
\q
\v 1 Lissen up! Da kine stuff peopo get inside dem
\q2 Wen dey know wat fo do erytime,
\q2 Try tink bout um, like dass one lady,
\q Da kine Lady Dat Know Wat Fo Do Erytime
\q2 An dis lady, she make big noise in front erybody so dey can hear.
\q Her da Lady Dat Undastan Stuff,
\q2 An she talk so erybody can hear.
\q
\v 2 She go stand on diffren places wea peopo can see her
\q2 Inside da town, by da main streets,
\q2 An wea da odda roads cross da main ones,
\q
\v 3 An right outside da main gates fo go inside da town,
\q2 She tell importan stuff an talk so erybody can hear.
\q2 Dis wat she tell:
\s Da Lady Like Fo Erybody Hear
\q
\v 4 “Eh you guys ova dea! I stay talk to you!
\q2 Da tings I tell, fo erybody like you!
\q
\v 5 Eh, you guys dat dat donno notting an easy fo bulai!
\q2 Come learn how fo be akamai!
\q An you dumb buggas dat tink you no need learn notting,
\q2 Come learn how fo tink strait!
\q
\v 6 So lissen up! Cuz I goin talk strait to you guys.
\q2 Wen I open my mout, you goin hear stuff dat stay right on.
\q
\v 7 Cuz you know, az right, eryting I tell.
\q2 No way I goin say bad kine stuff
\q2 An make my mout come all pilau.
\q
\v 8 Wateva I tell you,
\q2 I tell um cuz I ony do da right ting all da time,
\q2 No mo crooked stuff an no mo notting fo trick you.
\q
\v 9 Anybody dat tink bout um an can undastan stuff,
\q2 Dey know dat I tell you strait erytime.
\q Da peopo dat know stuff,
\q2 Dey know dat eryting I tell you stay strait.
\q
\v 10 Learn from me wat stay right,
\q2 Dass mo betta den get plenny silva.
\q Learn plenny good stuff!
\q2 Dass mo betta den get da bestes kine gold.
\q
\v 11 Cuz mo betta, way betta, if you know wat fo do erytime,
\q2 Den all da plenny red jewelry stone.
\q If you know what for do,
\q2 Dass mo betta den anykine stuff you like get.
\s Good Tings Happen Fo Da Peopo Dat Know Wat Fo Do
\q
\v 12 “Me, I da Wahine Dat Know Wat Fo Do.
\q2 I stay wea all da akamai peopo stay.
\q2 I show peopo wat dey gotta know fo make good plan.
\q
\v 13 (You know, if you scared wen you go in front Yahweh cuz he so awesome,
\q2 Dat mean, wen somebody do bad kine stuff, you no like dat.)
\q Wen peopo get big head,
\q2 O wen dey come high makamaka,
\q2 O wen da way peopo live, dey ony like ack bad,
\q2 O wen dey tell stuff fo try trick you,
\q2 I no like dat too.
\b
\q
\v 14 “Me, I da one dat can teach peopo how fo make plan
\q2 An fo tink real good bout eryting dey goin do.
\q Me, I da Wahine Dat Undastan Stuff,
\q2 An I get plenny powa.
\q
\v 15 If dey know who me,
\q2 Da king guys can do dea job real good,
\q An da big govmen guys can make good kine rules
\q2 So peopo goin do da right ting.
\q
\v 16 If dey know me, da leada guys can do dea job real good.
\q2 An da ali`i kine guys can judge peopo da right way.
\b
\q
\v 17 “I get love an aloha fo erybody dat get love an aloha fo me.
\q2 Erybody dat go look fo me, dey goin find me.
\q
\v 18 Wen peopo stay tight wit me,
\q2 Dey goin get plenny stuff,
\q2 An dey goin get respeck from erybody.
\q An all da good stuff dey get,
\q2 Dey goin get um da right way,
\q2 An goin keep um long time.
\q
\v 19 Da tings I give dem,
\q2 Mo betta den even da fancy kine gold.
\q Da stuff dat come from me
\q2 Mo betta den da bestes kine silva.
\q
\v 20 Erytime, I stay do da right ting.
\q2 No matta wea I go, I judge da right way.
\q
\v 21 I do dat, cuz I like give da peopo I love
\q2 Da kine stuff dey can keep long time.
\q I like make all da places
\q2 Wea dey put all dea stuff, come full.”
\p
\v 22 Da Wahine Dat Know Wat Fo Do, she say dis too:
\q “Yahweh, he wen make me.
\q2 Az da firs ting he wen do,
\q Befo all da odda tings he was goin do,
\q2 Long time befo, da time he wen start.
\q
\v 23 Befo eryting wen start, Yahweh wen put me togedda,
\q2 First ting, befo da world start.
\b
\q
\v 24 Neva have ocean an all da stuff undaneat, dat time,
\q2 Neva have pukas wea plenny watta come out,
\q2 Dass da time I wen born.
\q
\v 25 Befo God make da mountains an da hills
\q2 Da place wea dey stay,
\q2 Dass da time I wen born.
\q
\v 26 Still yet, God neva make da groun o da fields, dat time,
\q2 Neva even have dirt,
\q2 An me, I was dea.
\q
\v 27 Wen Yahweh put da sky up dea
\q2 An cut out one circle on top da deep ocean wea da sky stay,
\q2 Dass wea I was.
\q
\v 28 Dat time, Yahweh wen make da high clouds
\q2 Strong fo stay up so dey no fall down.
\q An he make plenny watta come outa da big pukas
\q2 Dat stay undaneat da ocean,
\q
\v 29 Wen he make some place fo keep da watta inside da ocean
\q2 So da watta no can come on top da land,
\q2 Da time he wen make one strong foundation fo put da eart on top.
\b
\q
\v 30 Az was me, right dea working nex to Yahweh,
\q2 Doing good job fo help him make da world.
\q Weneva he see me, he feel good inside
\q2 Cuz good fun, I like work in front him!
\q
\v 31 Was like one party, inside God's world,
\q2 Da part wea peopo stay live,
\q An wat make me feel good inside,
\q2 Was da peopo.
\b
\q
\v 32 My kids, I tell dem, ‘You betta lissen good now!’
\q2 Da peopo dat do like how I stay do,
\q2 Dey can stay good inside!
\q
\v 33 You betta lissen wen I teach you how fo fix wat you doing!
\q2 Come like da kine peopo dat know wat fo do!
\q2 No make like you no need hear wat fo do!
\q
\v 34 Whoeva lissen to me all da time,
\q An come in front my door wait fo lissen ery day,
\q2 An come stay by da door,
\q2 Wea dey can spock me wen I come outside,
\q2 Dey can stay good inside!
\q
\v 35 Cuz whoeva find me,
\q2 Dey find da real kine life,
\q2 An Yahweh like do good tings fo dem.
\q
\v 36 But whoeva no can find me,
\q2 Dey ony mess up dea own self.
\q Whoeva hate me,
\q2 Jalike dey like fo mahke.”
\c 9
\s Da Lady Dat Know Wat Fo Do, Make Lu`au
\q
\v 1 Da kine stuff somebody know wen dey know wat fo do erytime,
\q2 Try tink bout um like dis, make believe get one lady,
\q An dis lady, she know wat fo do erytime,
\q2 Erybody call her,
\q Da Lady Dat Know Wat Fo Do Erytime.
\q2 She tell da builda guys for make one house fo her
\q An fo cut seven big poses from da stone
\q2 An put um up in front da house.
\q
\v 2 She tell her worka guys
\q2 Fo kill da animals an cook da meat,
\q An make ready da wine fo drink,
\q2 An put da food on top da table.
\q
\v 3 She tell da girls dat work fo her
\q2 Fo go on top high place inside da town
\q So peopo can hear dem,
\q2 An dey tell da peopo dat she say dis:
\q
\v 4 “Anybody dat donno wat stay happening,
\q2 All dey gotta do is come ova hea wea I stay.
\q No matta dey donno how fo know bout stuff,
\q2 I tell um lidis:
\q
\v 5 ‘Come hea! Come eat my food!
\q2 Drink da wine,
\q2 Da one I wen make ready!
\q
\v 6 You guys dat donno wat fo do,
\q2 You gotta change how you stay,
\q2 So you can live fo real kine!
\q You gotta stick wit da way
\q2 Dat goin help you undastan stuff!”
\s Whoeva Know Wat Fo Do, Goin Know Mo Plenny
\q
\v 7 (You know, anybody dat talk
\q2 To da kine big head guys dat ony talk stink bout erybody,
\q An tell um, “Eh, no good wat you doing!”
\q2 Da bad guys ony goin make shame
\q2 Fo da guy dat talk to dem lidat.
\q Anybody dat tell one guy dat no stay do da right ting,
\q2 “Eh, you not suppose to do dat!”
\q Da guy dat tell um dat,
\q2 Ony goin get bus up.
\q
\v 8 No try tell one big head guy
\q2 Dat ony talk stink bout erybody,
\q2 Dat he not suppose to do someting.
\q Cuz if you tell um dat,
\q2 Da guy goin hate you.
\q But if you go tell one guy dat erytime know wat fo do
\q2 Dat he not suppose to do someting,
\q2 Dat guy, he goin get love an aloha fo you.
\q
\v 9 You talk dat kine to one guy dat know wat fo do erytime,
\q2 An he goin know even mo betta wat fo do.
\q You tell da kine guy dat stay do da right ting
\q2 Bout someting he neva know now fo do,
\q2 An he goin learn even mo betta.)
\b
\q
\v 10 If you come scared wen you tink bout who Yahweh,
\q2 Cuz you get plenny respeck fo him,
\q2 Den you ready for start fo learn wat fo do.
\q An if you know da One dat stay good an spesho,
\q2 Den you stay ready fo start fo undastan stuff.
\q
\v 11 Cuz if you stay tight wit
\q2 Da Lady Dat Know Wat Fo Do Erytime,
\q You goin get mo days fo live,
\q2 In fack, you goin get plenny mo years.
\q
\v 12 If you like know moa bout wat fo do,
\q2 You da one goin get all da good stuff cuz a dat.
\q But if you talk like dey stupid, to da guys dat know wat fo do,
\q2 You da ony one dat goin suffa cuz a dat!
\s Da Lady Dat Tink She Get It But She No Get It, Make Lu`au Too
\q
\v 13 Da kine stuff somebody tink, wen dey tink dey know um, but dey donno,
\q2 Try tink bout um like dis, make believe get one wahine.
\q Erybody call her,
\q2 Da Wahine Dat Tink She Know, But She Donno.
\q2 She make plenny noise,
\q But she donno wat fo do,
\q2 She donno notting.
\q
\v 14 She sit down by her front door,
\q2 O on top one chair on top da small hills inside da town,
\q2 Jalike one teacha.
\q
\v 15 She yell at da peopo dat go walk pass her on top da road,
\q2 Dey no make trouble, dey ony going strait like dey suppose to go.
\q2 She tell:
\q
\v 16 “Eh, all you peopo dat donno wat stay happen,
\q2 No go odda place, come hea by me!
\q Eh, all you peopo dat get hard time fo tink strait,
\q2 I tell you dis:
\q
\v 17 ‘Eh! Da watta dat you stay cockaroach from somebody,
\q2 Taste mo ono, you know!
\q An da food you cockaroach,
\q2 Dass da bestes kine,
\q2 Wen you gotta go hide fo eat um!’-”
\q2 Dass how she talk, dis wahine.
\b
\q
\v 18 But da peopo donno dat inside her place,
\q2 Get all mahke peopo kine spirits.
\q Da peopo dat wen go come inside her place,
\q2 Now dey stay down inside da Mahke Peopo Place.
\c 10
\s Odda Stuff From Solomon Fo Make Us Tink
\p
\v 1 Dis da part dat get da importan kine stuff fo make us tink, dat Solomon had tell us.
\b
\q Wen da fadda get one boy dat know wat fo do erytime,
\q2 He come all good inside.
\q Wen da mudda get one boy dat tink he get um wen he no get um,
\q2 She come all sore inside.
\q
\v 2 Wase time, wen you do any kine bad stuff
\q2 Fo get stuff dat cost plenny.
\q But if you stay do da right ting,
\q2 Den you goin live long time an no get cut off from God.
\q
\v 3 Da peopo dat stay do wass right,
\q2 Yahweh take care dem
\q2 So dey no come hungry.
\q But da peopo dat do any kine bad stuff,
\q2 God stop dem
\q2 So dey no [can] get notting dey like.
\q
\v 4 You slack off, you no mo money.
\q2 You work hard, you come rich.
\q
\v 5 Da guys dat go early fo pick fruit[s], da kine guys get um.
\q2 Da guys dat go sleep wen dey suppose to cut food, da kine guys ony [get / make] shame.
\q
\v 6 Erytime God do good tings
\q2 Fo [help] da peopo dat stay do da right ting
\q2 So dey can do wat he like.
\q But da kine guys dat like do bad stuff,
\q2 Dey make all nice kine wen dey talk,
\q2 So you cannot tell dey like bus you up.
\q
\v 7 Wen you rememba all da good peopo dat you know from long time,
\q2 Make you feel good inside.
\q But da bad peopo, dey get pilau name
\q2 So you no like even tink bout dem.
\q
\v 8 Da peopo dat know how fo tink,
\q2 Dey goin lissen an do wat dey suppose to.
\q Da peopo dat do bad kine stuff an no bodda dem,
\q2 Dey all mout, an dey goin fall down an crack dea head.
\q
\v 9 Da peopo dat erytime do stuff da right way,
\q2 Dey no need worry, notting bad goin happen to dem.
\q Da peopo dat like make eryting come crooked / bad,
\q2 Erybody goin know how dey stay fo real.
\q
\v 10 Peopo dat make eye signal [an try / fo] hide wat dey like do,
\q2 Goin make somebody suffa.
\q Peopo dat do bad kine stuff an no bodda dem,
\q2 Dey all mout, an dey goin fall down an crack dea head.
\q
\v 11 Wen you lissen to da guys dat stay do wass right,
\q2 You goin get real kine life from dat.
\q But da kine guys dat like do bad stuff,
\q2 Dey make all nice kine wen dey talk,
\q2 So you cannot tell dey like bus you up.
\q
\v 12 You hate somebody,
\q2 Bumbye you goin beef.
\q You get love an aloha fo somebody,
\q2 No matta dey go agains you,
\q2 Still yet you let um go.
\q
\v 13 Da peopo dat undastan stuff,
\q2 Wen dey talk, you can learn wat fo do.
\q But gotta get big stick fo wack
\q2 Da peopo dat no tink bout stuff.
\q
\v 14 Da peopo dat know wat fo do,
\q2
Erytime dey like learn mo stuff.
\q
Da peopo dat do bad stuff an no bodda dem,
\q2 Wen dey talk any kine,
\q2 Dat mean dey ready fo [come] wipe out.
\q
\v 15 All da stuffs da rich guys get,
\q2 Dass jalike one strong wall aroun dea place.
\q But da guys dat no mo notting,
\q2 Dass why easy fo wipe out dem.
\q
\v 16 If you stay do da right ting,
\q2 Yoa life goin come mo betta.
\q But wen you stay do bad kine stuff,
\q2 You goin come mo worse.
\q
\v 17 Da kine peopo dat lissen up
\q2 Wen dey get presha fo do da right ting,
\q Dey show odda peopo how
\q2 Fo make dea life come mo betta.
\q Da kine peopo dat no like lissen
\q2 Wen somebody tell dem
\q Dey wen do someting wrong,
\q2 Dey make odda peopo go da wrong way too.
\q
\v 18 If somebody talk all nice to you,
\q2 But inside he hate you,
\q2 He trying fo trick you, him ony bulai.
\q Ony da kine stupid guys dat tink dey no need learn notting
\q2 Stay talk stink bout odda peopo.
\q
\v 19 No talk too much, bumbye you goin tell something
\q2 An people goin come all huhu wit you.
\q Da guys dat tink firs befo dey open dea mout,
\q2 Dey undastan real good wat dey suppose to do.
\q
\v 20 Da peopo dat do da right ting erytime ,
\q2 Da stuff dey tell, az like da bes kine silva.
\q Da bad peopo,
\q2 Da stuff dey figga, az ony manini kine stuff, dat.
\q
\v 21 Da peopo dat stay do wass right,
\q2 Wat dey tell, az like food fo da inside, fo plenny peopo.
\q Da stupid head kine peopo wit attitude,
\q2 Dey goin get cut off from God,
\q2 Cuz dey no tink strait.
\q
\v 22 Wen Yahweh go do good tings fo peopo,
\q2 He give dem plenny good stuff.
\q2 He no give problem same time.
\q
\v 23 Da stupid guys dat tink dey no need learn notting,
\q2 Dey tink az good fun
\q2 Wen dey go do da bad stuff dey wen plan.
\q Da guys dat undastan real good,
\q2 Dey get good fun wen dey go do
\q2 Wat dey know dey suppose to do.
\q
\v 24 Da bad guys, da worses ting dat dey tink can happen to dem,
\q2 Dass wat goin happen.
\q Da guys dat stay do da right ting, da ting dey like da mostes,
\q2 Dass wat dey goin get.
\q
\v 25 Jalike da hurricane, wen trouble come,
\q2 All da bad peopo, no moa[, all gone].
\q
\ But da peopo dat stay do da right ting,
\q2 Dey [stay] solid, foeva kine.
\q2 Dey no move, notting.
\q
\v 26 Jalike da sour taste from da vinega
\q2 Make yoa teet come all tight,
\q An da smoke make yoa eye
\q2 Come all hurt,
\q Same ting, dass how you feel
\q2 Wen you get one lazy bugga work fo you.
\q
\v 27 If you get choke respeck fo Yahweh,
\q2 So dat you stay scared wen you tink bout him,
\q2 You goin live long time.
\q2 But da bad peopo,
\q2 Ony litto bit mo, dey mahke.
\q
\v 28 Da peopo dat stay do da right ting,
\q2 Dey shua good stuff goin happen,
\q2 So dey stay good inside.
\q All da stuff da bad peopo like happen,
\q2 Bumbye dey figga out, no[t] goin happen.
\q
\v 29 Da peopo dat go all out fo do da right ting,
\q2 Wen dey do stuff dat God like,
\q2 God goin make shua notting happen to dem.
\q But da bad peopo, wen dey do stuff God no like,
\q2 God goin wipe dem out cuz a dat.
\q
\v 30 Da guys dat stay do da right ting,
\q2 Dey goin live on top dea land all da time,
\q2 No can [kick dem out / throw dem out].
\q But da guys dat stay do bad kine stuff,
\q2 Dey no can stay.
\q
\v 31 Da peopo dat do da right ting erytime, wen dey talk,
\q2 Dey help peopo learn wat fo do.
\q But da peopo wit da bulai mout,
\q2 Dey goin be all wipe out one time.
\q
\v 32 Da peopo dat do da right tings,
\q2 Dey know wat kine words good fo help peopo.
\q But da peopo dat do bad kine stuff,
\q2 Dey kapakahi, dey ony know how fo bulai.
\c 11
\q
\v 1 Wen somebody make da scale go off fo cheat peopo,
\q2 Dat kine make Yahweh sick!
\q But wen dey get da weight right,
\q2 Dass wat he like.
\v 2 You go ack like you mo smart den God,
\q2 You goin come all shame.
\q But if you no tink you mo betta den anybody,
\q2 Den you can learn wass good fo do.
\v 3 Da kine peopo dat do eryting dey suppose to do,
\q2 Dey do da right ting erytime no matta wat.
\q2 Cuz a dat, dey goin know wat fo do too.
\q Da kine peopo dat you no can trus an dey try trick you erytime,
\q2 Wat dey stay do, dey ony goin wipe out dea own self.
\v 4 Wen God ready fo wipe out eryting
\q2 Cuz he no can stand wat peopo stay doing,
\q2 All da money you get, no goin help you!
\q Wen you stay do da right ting erytime,
\q2 Dat goin get you outa trouble wit wateva can make you mahke.
\v 5 Da kine peopo dat nobody can poin finga,
\q2 Wateva stuff dey go do, dey no need worry
\q2 Cuz dey erytime do da right thing.
\q Wen da bad kine peopo do bad stuff
\q2 Anyting dey try do, goin jam dem up.
\v 6 Da kine peopo dat do da right thing erytime
\q2 Dey stay outa trouble cuz dey do like dat
\q Da kine peopo dat you no can trus,
\q2 Dey no can stay outa trouble,
\q2 Cuz erytime dey like get anykine stuff.
\v 7 Wen da bad kine peopo mahke,
\q2 All da stuff they tink dey was goin get,
\q All gone awready, pau.
\q2 All waste time!
\v 8 Da peopo dat stay do wass right erytime,
\q2 God take dem away from da place wea get trouble.
\q Cuz az wea da bad guys stay end up.
\v 9 Da kine pilau peopo dat stay agains God,
\q2 Dey wipe out dea own friends
\q2 Cuz dey tell all kine pilau stuff bout dem.
\q Da kine peopo dat do wass right erytime,
\q2 God take dem away from da place wea get trouble,
\q2 Cuz dey know wat fo do.
\q
\v 10 Da peopo dat do wass right erytime,
\q2 Wen good tings come by dem,
\q2 Den erybody inside dea town feel good inside.
\q But da bad kine peopo, wen dey get wipe out,
\q2 Erybody all happy an make big noise.
\v 11 Da peopo dat erytime do wass right,
\q2 Good things come to dea town cuz a dem,
\q2 An da town come mo betta.
\q But wen da bad kine peopo open dea mout,
\q2 Da town come jam up.
\v 12 Da guy dat talk stink bout one nodda guy,
\q2 He no tink befo he talk.
\q But da guy dat undastan plenny,
\q2 He goin keep his mout shut.
\v 13 Da peopo dat go all aroun an talk any kine bout odda peopo,
\q2 Dey tell all kine stuff bout dem dat dey not suppose to.
\q But da kine peopo you can trus,
\q2 Dey know how fo keep dea mout shut.
\v 14 Wen no mo nobody fo tell peopo wat fo do,
\q2 All dea nation goin get wipe out.
\q Wen get plenny peopo dat can tell peopo wass good fo do,
\q2 Dey all goin stay outa trouble.
\q
\v 15 Whoeva tell dey goin pay fo somebody dey donno
\q2 If da guy no pay wat he suppose to,
\q2 Fo real, dey goin suffa plenny.
\q If you tell um, “No way I goin make dat kine deal!”
\q2 No need worry.
\q
\v 16 Da kine wahines dat get good heart fo help peopo,
\q2 Dey get plenny respeck,
\q But da kine guys dat do any kine fo be numba one,
\q2 Da ony ting dey get is money.
\q
\v 17 Da kine peopo dat do good tings fo dea ohana,
\q2 Good tings goin come to dem.
\q Da kine peopo dat like make odda peopo suffa,
\q2 Dey goin make demself suffa.
\q
\v 18 Da kine peopo dat do bad kine stuff,
\q2 Wat dey get fo dat, only make dem look good.
\q Da kine peopo dat make tings come right,
\q2 Wat dey get fo dat, stay good fo real kine.
\q
\v 19 Da peopo dat do da right ting erytime,
\q2 Dey goin live for real kine.
\q Da peopo dat go all out fo do bad kine stuff,
\q2 Dey goin mahke.
\q
\v 20 Yahweh feel jalike he sick, wen he tink bout
\q2 Da kine peopo dat like do any kine pilau stuff.
\q He feel real good inside wen he tink bout
\q2 Da kine peopo dat no do notting bad.
\q
\v 21 You betta know dat da bad kine peopo
\q2 Goin get busted an suffa,
\q But da ohana dat do da right ting erytime,
\q2 Dey goin stay outa trouble.
\q
\v 22 Wase time, fo put gold nose ring on one pig.
\q2 Same ting, fo one good looking wahine
\q Dat no like learn wass good kine an wass bad kine,
\q2 Her wase time!
\v 23 Da peopo dat ery time do right ting,
\q2 Wen dey get da kine stuff dey like,
\q2 Az all good.
\q Da bad kine peopo,
\q2 Wen dey get da kine stuff dey like,
\q2 Peopo get all wild wit dem an like wipe um out.
\q
\v 24 Get da kine peopo, dey like give away plenny stuff all da time
\q2 An still yet, bumbye dey get even mo stuff.
\q Get diffren kine peopo, dey can help out, but dey no like,
\q2 An bumbye dey no mo notting.
\q
\v 25 Get da kine peopo dat like do good tings fo odda peopo all da time,
\q2 Plenny good tings goin come to dem.
\q Wen you make shua da odda guys get plenny,
\q2 Same ting, you goin get plenny.
\q
\v 26 Anybody dat no let peopo buy food from him
\q2 Cuz he tink bumbye he goin make mo plenny money,
\q2 Da peopo goin tell, “I like God do bad tings to dat guy!”
\q But da guy dat let um buy wen dey need um,
\q2 Dey goin tell, “I like God do plenny good tings fo him!”
\q
\v 27 Some peopo try hard fo do good kine tings
\q2 Cuz dey like good kine tings come to dem.
\q But da peopo dat like do ony bad kine tings,
\q2 Ony bad kine tings goin come to dem.
\q
\v 28 Da peopo dat tink dey no need worry
\q2 Cuz dey get plenny stuff awready,
\q2 Dey goin wipe out one time.
\q But da peopo dat do da right ting erytime,
\q2 Eryting goin come out good fo dem,
\q2 Jalike da tree dat get plenny leaf.
\v 29 Whoeva make dea family suffa,
\q2 Wen one a dem die, he no goin get notting.
\q2 Wat he goin get is ony air.
\q Da stupid head kine peopo wit attitude,
\q2 Dey goin come slave fo da peopo
\q2 Dat know wat fo do erytime.
\v 30 Da peopo dat erytime do da right ting,
\q2 Dey help peopo live mo long time.
\q Da peopo dat get odda peopo outa trouble
\q2 So dey no goin mahke,
\q2 Dey da kine peopo dat know wat fo do erytime.
\v 31 Fo shua, da peopo dat erytime do da right ting,
\q2 God goin pay um back fo dat
\q2 Even befo dey mahke.
\q You can stay shua even mo plenny, dat God goin pay back
\q2 Da bad kine peopo dat stay doing bad kine stuff.
\c 12
\q
\v 1 Da peopo dat feel good inside
\q2 Wen somebody tell um dey wen do wrong,
\q2 Dey can learn all diffren kine stuff from dat too.
\q Da peopo dat no like
\q2 Wen somebody tell um dey wen do something bad,
\q2 Dem ony dumb buggas.
\v 2 Da good kine peopo,
\q2 Yahweh get good heart fo dem.
\q Da kine peopo dat tink all da time
\q2 Bout how dey can do bad stuff to peopo,
\q2 God, he da judge, he goin punish dem.
\v 3 You no can come good
\q2 If you go do bad kine stuff.
\q If you do da right ting erytime,
\q2 No way somebody can move you,
\q2 Az jalike you one root stuck in da groun.
\v 4 Da good kine wahine dat stay strong inside,
\q2 She make her husban look good
\q2 Like he one king.
\q But da kine wahine dat make him shame,
\q2 Make him lose fight, like cancer inside da bone.
\v 5 Wen da peopo dat do wass right make plan,
\q2 Dey make shua, az not goin hurt nobody.
\q Wen da bad kine peopo try tell you wat good fo you do,
\q2 Dey ony trying fo trick you.
\v 6 Wen da bad kine peopo talk,
\q2 Az ony so dey can catch odda peopo
\q2 Den bumbye dey can kill um.
\q Wen da good kine peopo talk,
\q2 Az fo get peopo outa trouble.
\v 7 Wen God make da bad kine peopo fall down,
\q2 Den no mo dem.
\q But da good kine peopo ohana
\q2 Dey still stay.
\v 8 Wen erybody know dat somebody can tink strait an akamai,
\q2 Da peopo goin talk good kine bout um.
\q But wen peopo head all hamajang,
\q2 Da peopo no mo respeck fo dem.
\v 9 Da kine guy dat peopo tink not importan
\q2 But still yet he get one guy dat work for him,
\q Is mo betta den da kine guy
\q2 Dat make erybody tink he da main man,
\q2 But he no mo notting fo eat.
\v 10 Da good kine peopo,
\q2 Dey make shua dey take care dea animals.
\q Da bad kine peopo,
\q2 Even wen dey try fo show pity,
\q2 Still yet dey make um suffa.
\q
\v 11 Da kine peopo dat work hard on dea own land,
\q2 Dey get plenny fo eat.
\q Da kine peopo dat work hard
\q2 Ony fo do all waste time kine stuff,
\q2 Dey no can tink strait.
\v 12 Da bad kine peopo steal stuff,
\q2 An odda bad kine peopo steal um from dem.
\q But da good kine peopo make plenny stuff
\q2 Jalike da root dat make da plant come big.
\v 13 Wen da bad kine peopo talk against God,
\q2 Dey get into trouble an no can get out,
\q2 Jalike one trap catch dem.
\q Wen da peopo dat do wass right get into trouble,
\q Dey can get out.
\q
\v 14 Wat peopo tell, an how dey tell um,
\q2 Dass how dey get plenny good stuff.
\q Same ting, wen dey work hard,
\q2 Dey get plenny good stuff too.
\v 15 Da stupid head kine peopo wit attitude,
\q2 Wateva dey do, dey tink az right.
\q But da peopo dat lissen wen peopo try help dem,
\q2 Dey da kine peopo dat know wat fo do fo real kine.
\v 16 Wen something bodda da stupid head kine peopo,
\q2 Dey make shua erybody know right den.
\q But wen somebody try make
\q2 Da akamai kine peopo come shame,
\q2 Dey no say notting.
\v 17 Da kine peopo dat tell da trut erytime,
\q2 Wen dey talk erybody know wat dey tell az right.
\q But da guys dat bulai even wen dey in front da judge,
\q2 Az ony how dey know fo do.
\v 18 Some peopo talk, but dey no tink firs.
\q2 Az jalike dey stab you wit one knife.
\q But da peopo dat know wat fo do erytime,
\q2 Wen dey talk, make peopo feel betta.
\v 19 Wen you tell da trut,
\q2 Erybody goin know az right,
\q2 No matta how long time afta.
\q But wen you bulai,
\q2 Short time already, dey know az wrong.
\v 20 Da guys dat make plan
\q2 Fo do bad kine stuff,
\q2 Dey make lidat cuz dey like bulai peopo.
\q But da peopo dat work hard
\q2 Fo make tings go good for erybody,
\q2 Dey goin feel all good inside!
\v 21 Da peopo dat stay do da right ting,
\q2 Notting bad goin happen to dem.
\q But da bad kine peopo,
\q2 Dey get all kine trouble.
\v 22 Da peopo dat bulai erytime dey talk,
\q2 Dat kine stuff, Yahweh no take.
\q Da kine peopo dat he can trus wat dey do,
\q2 Dat make him real happy.
\v 23 Da akamai kine peopo,
\q2 Dey no show off eryting dey know.
\q Da dumb buggas dat tink dey no need learn notting,
\q2 Dey gotta yell out all dea stupid kine stuff.
\q
\v 24 Work hard, stay in charge.
\q2 Come lazy, get junk kine job jalike slave.
\q
\v 25 You worry plenny, make you lose fight.
\q2 You get good kine words, make you like dance an sing.
\q
\v 26 Da peopo dat do da right ting erytime,
\q2 Dey check out peopo befo dey come dea friend.
\q But how da bad kine peopo make,
\q2 Dey no kea fo check out da peopo.
\q2 Az how come dey all jam up.
\q
\v 27 Da lazy kine guys,
\q2 Dey too lazy fo cook da meat dey wen get.
\q But da peopo dat work hard,
\q2 Dey get plenny, an dey know az good.
\v 28 Da peopo dat do da right ting erytime,
\q2 You make like dem an you goin live fo real kine,
\q2 An dat way, you no goin mahke.
\c 13
\q
\v 1 You get somebody dat know what fo do erytime,
\q2 Dat mean da fadda make dem learn.
\q But da buggas dat no mo respeck fo nobody
\q2 Cuz dey tink dey so smart,
\q2 Dass why dey no lissen, neva mind you scold dem.
\v 2 Wat peopo tell, an how dey tell um,
\q2 Make good tings come fo dem.
\q Da buggas dat you no can trus,
\q2 Inside, dey ony like bus you up
\v 3 Da peopo dat take care how dey tell,
\q2 Dey stay alive cuz a dat.
\q Da peopo dat no care how dey tell,
\q2 Dey wipe out cuz a dea big mout.
\q
\v 4 Da lazy buggas ony tink about how fo get stuff,
\q2 But dey no get notting.
\q Da peopo dat work hard,
\q2 Dey get da bestes kine stuff.
\q
\v 5 Da peopo dat do da right ting all da time,
\q2 Dey no like tell da kine bulai words fo cheat peopo.
\q Da bad kine peopo, dey make stink an come shame
\q2 Fo wat dey do.
\q
\v 6 Wen get peopo do da right ting,
\q2 Dey make shua fo do stuff da right way all da time.
\q Wen get bad kine peopo,
\q2 Dey all jam up, cuz dey do bad kine stuff.
\b
\q
\v 7 Get some peopo,
\q2 Dey ack like dey get plenny,
\q2 But dey no mo notting.
\q Get some odda peopo,
\q2 Dey ack like dey no mo notting,
\q2 But dey get plenny.
\q
\v 8 Da rich guys get plenny money fo pay anybody dat like kill um,
\q2 But da guys dat no mo notting,
\q2 Dey no need bodda bout dat kine problem.
\v 9 Da peopo dat do da right ting erytime,
\q2 Dey make peopo feel good
\q An like dance an sing,
\q2 Jalike one light stay shine.
\q Da bad kine peopo,
\q2 Dey jalike one light dat goin pio bumbye.
\q
\v 10 Da kine guys dat tink dey so smart,
\q2 Dey ony like make argue all da time.
\q Da kine guys dat lissen to smart peopo
\q2 For figga out wat da bestes ting fo do,
\q2 Dey da ones dat know what fo do erytime.
\q
\v 11 Wen you no do notting fo da stuff you get,
\q2 Bumbye no mo.
\q Da kine guy dat work fo get stuff,
\q2 Bumbye he goin get plenny.
\b
\q
\v 12 Wen you wait long time fo someting good,
\q2 Make you lose fight an feel sick.
\q But wen you wait long time for someting good,
\q2 Den you get um,
\q2 You feel alive inside!
\q
\v 13 Da peopo dat no kea an no lissen,
\q2 Dey goin come wipe out cuz dey make lidat.
\q Da peopo dat try make shua dey do what dey suppose to,
\q2 Eryting goin come good,
\q2 Dass how God goin pay dem.
\q
\v 14 Wen you lissen to somebody dat know wat fo do erytime,
\q2 Dass how you can get life,
\q2 Jalike you can drink from da watta place wea da watta come out.
\q Dass how you can stay away
\q2 From da kine trap dat can kill you.
\q
\v 15 Wen you akamai an you can tink strait,
\q2 Erybody like dat.
\q But da kine guys you no can trus,
\q2 Dey no can stop dea bulai.
\q
\v 16 Da akamai peopo do stuff
\q2 Cuz dey know wat dey doing.
\q Da peopo dat tink dey know wat dey doing,
\q2 But dey donno,
\q No bodda dem, fo do stupid stuff
\q2 In front odda peopo.
\q
\v 17 Da bad kine messenja guy,
\q2 He goin get into trouble.
\q Da real messenja guy you can trus,
\q2 He make eryting come good.
\q
\v 18 Da kine peopo dat no lissen
\q2 Even wen dey tell um fo learn wass right,
\q Dey goin come shame,
\q2 Cuz dey no mo notting.
\q But da kine peopo dat fo lissen good
\q2 Wen you tell dem dat dey wen mess up,
\q2 Bumbye, dey goin get plenny respeck.
\q
\v 19 Wen you get someting you really want,
\q2 You feel all good inside.
\q But da stupid kine peopo wit attitude,
\q2 Dey no feel good inside
\q2 Wen dey stop doing bad kine stuff.
\q
\v 20 Hang out wit smart kine guys,
\q2 You come smart like dem.
\q But if you good friends wit stupid peopo,
\q2 You goin come like dem, an suffa.
\q
\v 21 Wen peopo do bad kine stuff,
\q2 Bad stuff goin happen to dem.
\q But peopo dat do wass right,
\q2 Good stuff goin happen to dem cuz a dat.
\q
\v 22 Da good kine peopo, dey save till dey mahke
\q2 So dat da kids and da grankids get plenny from dem.
\q Da peopo dat do bad kine stuff, dey save plenny stuff,
\q2 But da whole ting go to da peopo dat do da right ting.
\q
\v 23 No matta da peopo dat no mo notting
\q2 Cut plenny food from inside dea field,
\q2 If da judge guys no do da right ting, all goin be gone.
\q
\v 24 Da peopo dat no do notting
\q2 Wen dea kids do someting bad,
\q2 Dat mean, dey tink da kid no good.
\q Da peopo dat get plenny love an aloha fo dea kids,
\q2 Dey make shua dey teach um da right way
\q2 Wen dey still yet small kid.
\v 25 Da peopo dat do da right ting,
\q2 Dey eat, dey come full, an dey feel good inside.
\q Da bad kine peopo,
\q2 Dea opu no mo nuff fo eat.
\c 14
\q
\v 1 Da kine wahine dat know wat fo do,
\q2 She make shua da ohana inside her house stay solid.
\q Da stupid head kine wahine dat tink she know eryting,
\q2 Her da one mess up her own ohana.
\q
\v 2 Da peopo dat live da right way,
\q2 Dey show dey get respeck fo Yahweh.
\q Da peopo dat stay do wrong erytime,
\q2 Dey show dey no care bout Yahweh.
\q
\v 3 Wen da stupid kine peopo dat tink dey know eryting
\q2 Open dea mout,
\q Dey get slap on dea head
\q2 Fo getting all high makamaka.
\q Da peopo dat know wat fo do,
\q2 Dey stay outa trouble
\q2 By da way dey talk.
\q
\v 4 Wen no mo cow,
\q2 Da kaukau box fo da cows all clean inside!
\q But wen you get powa from da cow fo pull da plow
\q2 Den you can get plenny food from da land.
\q
\v 5 Da kine peopo dat you can trus
\q2 Fo tell da trut in front da judge
\q2 Dey no bulai.
\q Da kine peopo dat bulai erytime,
\q2 Dey goin bulai in front da judge too.
\q
\v 6 Da peopo dat no mo respeck fo nobody
\q2 Cuz dey tink dey so smart,
\q2 Dey try learn wat fo do, but dey no can.
\q But da peopo dat undastan awready,
\q2 Easy fo dem learn stuff.
\q
\v 7 No hang out wit da kine peopo dat tink dey get it,
\q2 But dey donno,
\q2 Cuz you no going hear notting smart from dem.
\q
\v 8 Da peopo dat tink strait,
\q2 Da smart stuff dey do is,
\q2 Dey tink firs bout wat dey doing.
\q Da stupid head kine peopo wit attitude,
\q2 Dey tink dey know um,
\q2 But dey ony bulai dea own self.
\q
\v 9 Da stupid head kine peopo wit attitude,
\q2 Dey ony laugh
\q2 Wen dey get da blame fo doing bad kine stuff.
\q Da peopo dat do da right thing,
\q2 Dey get good heart an plenny respeck fo each odda.
\q
\v 10 Ony da guy dat stay sore inside
\q2 Know how much he stay sore.
\q An wen somebody stay real good inside,
\q2 Odda peopo no can feel da same ting.
\q
\v 11 Da place wea da bad kine peopo ohana stay,
\q2 Goin wipe out.
\q Da peopo dat do da right ting,
\q2 Any place dey stay, dey goin come okay.
\q
\v 12 Get some way dat look like az da right way fo you go,
\q2 But bumbye you goin go by da Mahke Peopo Place.
\q
\v 13 Sometime, peopo laugh even wen dey feel sore inside.
\q2 Wen pau party, dey still yet feel sore inside.
\q
\v 14 Da peopo dat like go back do da bad kine stuff,
\q2 Dey goin get plenny bad kine pay back
\q2 Cuz a da way dey like live.
\q But da peopo dat do good kine stuff,
\q2 Dey goin get back mo plenny good kine stuff.
\q
\v 15 Da peopo dat donno notting, easy fo bulai dem,
\q2 Dey believe any kine dat peopo tell dem.
\q But da akamai peopo,
\q2 Dey tink firs bout wat dey goin do.
\q
\v 16 Da peopo dat know wat fo do erytime,
\q2 Dey sked an dass why dey stay outa trouble.
\q Da ones dat tink dey get it but dey no get it,
\q2 Dey jus jump right inside da trouble an no care.
\q
\v 17 Da hot head kine peopo,
\q2 Dey do stupid stuff.
\q An da peopo dat make sly kine plan,
\q2 Erybody hate dem.
\q
\v 18 Da peopo dat donno notting an easy fo bulai,
\q2 Bumbye dey goin get stupid kine stuff.
\q But da akamai peopo
\q2 Dey learn plenny, an can do um.
\q
\v 19 Da bad kine peopo go
\q2 By da good kine peopo,
\q O wait outside da house
\q2 A da peopo dat do da right ting
\q2 Fo aks um fo help dem.
\v 20 Wen somebody no mo notting,
\q2 Even dea frenz hate um.
\q But da rich guys,
\q2 Get plenny peopo dat love dem!
\q
\v 21 Wen peopo no mo respeck fo da odda guy,
\q2 Az wrong,
\q But wen you kokua peopo dat no mo notting,
\q2 You can stay good inside!
\q
\v 22 You make plan for do someting bad,
\q2 Goin be big mistake for shua!
\q You make plan for do someting good,
\q2 God goin come tight wit you
\q2 An show you how fo trus him all da time.
\q
\v 23 You work hard, you get someting.
\q2 You ony mout, you goin owe money.
\q
\v 24 Da peopo dat know wat fo do erytime,
\q2 Da stuff dey get, show dey know wat dey doing.
\q Da stupid head kine peopo wit attitude,
\q2 Da stupid kine stuff dey do, show dey stupid.
\q
\v 25 You tell da trut erytime in front da judge,
\q2 You stay make shua da guy dat neva do notting bad,
\q2 No need mahke.
\q But no can trus
\q2 Da kine peopo dat erytime bulai in front da judge.
\q
\v 26 Wen you get awesome respeck fo Yahweh,
\q2 You know notting bad goin happen to you,
\q2 An yoa kids goin stay wea nobody can hurt um.
\q
\v 27 Wen you get awesome respeck fo Yahweh,
\q2 Dass how you get life.
\q Dass how you can stay away
\q2 From da kine trap dat can kill you.
\q
\v 28 Wen da king get plenny peopo,
\q2 Make him look good.
\q But wen he no mo peopo,
\q2 He come wipe out.
\q
\v 29 Da guy dat stay cool head long time,
\q2 He undastan plenny.
\q Da guy dat come huhu quick time,
\q2 Erybody know him stupid.
\q
\v 30 You get cool head,
\q2 Make yoa body feel good.
\q You come jealous,
\q2 Da body come all poho.
\q
\v 31 Wen somebody give presha fo take stuff
\q2 From da peopo dat no mo notting,
\q Dass like he talk bad
\q2 Bout da One dat make dem.
\q Wen somebody show pity
\q2 Fo da peopo dat need help
\q2 He show he get respeck fo God.
\q
\v 32 Da bad kine peopo,
\q2 Dey going get wipe out,
\q2 Wen dey do bad kine stuff.
\q Da peopo dat do da right ting erytime,
\q2 Even wen dey goin mahke
\q2 No mo notting going hurt dem.
\q
\v 33 Da peopo dat can undastan stuff,
\q2 Dey feel good inside
\q2 Cuz dey know wat fo do erytime.
\q Da stupid head peopo wit attitude,
\q2 Sometimes inside dey know wat fo do.
\q
\v 34 Wen da peopo from one place
\q2 Do da right ting erytime,
\q2 Da place get mo plenny respeck.
\q But wen dey do bad kine stuff,
\q2 Erybody from dat place, come all shame.
\q
\v 35 Da govmen guy dat do good job,
\q2 Da king like dat kine.
\q Da govmen guy dat make him shame,
\q2 Da king, he no going take dat.
\c 15
\q
\v 1 Wen somebody no talk nice to you,
\q2 Talk back with nice kine words
\q2 An da odda guy going come cool head again.
\q You talk harsh kine,
\q2 He going come all huhu wit you.
\q
\v 2 Da peopo dat know wat fo do erytime,
\q2 Dey make wat dey know
\q2 Sound good fo erybody.
\q Da stupid head peopo wit attitude,
\q2 Ony stupid kine stuff come outa dea mout.
\q
\v 3 Yahweh, he see eryting.
\q2 He see wat da bad kine peopo do,
\q2 An da good kine peopo do.
\q
\v 4 You tell peopo tings dat kokua dem,
\q2 Dat make um come alive inside.
\q Wen you tell dem words fo jam dem up,
\q2 Dat make um lose fight.
\q
\v 5 Da peopo dat do bad kine stuff dat no bodda dem,
\q2 Dey no lissen wen dea fadda punish um fo teach um someting.
\q Da peopo dat lissen good wen somebody tell um dey wrong,
\q Dey smart fo lissen.
\q
\v 6 Da peopo dat do da right ting erytime
\q Dey get plenny good stuff.
\q2 Wat da bad kine peopo get,
\q Ony give dem trouble.
\q
\v 7 Da peopo dat know wat fo do erytime,
\q2 Dey teach peopo plenny good stuff.
\q Da stupid head kine peopo wit attitude,
\q2 Dey no can, no way!
\q
\v 8 Wen da bad kine peopo
\q2 Make sacrifice fo God,
\q2 God tink, dat kine stay pilau.
\q Wen da good kine peopo pray,
\q2 God like dat kine.
\q
\v 9 Da way da bad kine peopo make,
\q2 Yahweh no like dat kine.
\q Da peopo dat go all out fo do da right ting,
\q2 He like dat fo real kine.
\v 10 Da peopo dat go away from do da right way,
\q2 Dey goin get good lickin fo teach um wass right.
\q Da peopo dat no lissen
\q2 Even wen somebody tell um dey wrong,
\q2 Dey goin mahke.
\v 11 Yahweh, he can even see inside
\q2 Wea da mahke peopo stay.
\q Den fo shua, he can even see inside
\q2 All da peopo dat stay alive.
\v 12 Da peopo dat no mo respeck fo nobody
\q2 Cuz dey tink dey know eryting,
\q2 Dey no like wen peopo tell dem dey wrong.
\q Dey no goin go
\q2 By da peopo dat know wat fo do erytime,
\q2 Fo aks dem fo help.
\v 13 Wen you stay real good inside,
\q2 Yoa face look nice too.
\q But wen you stay soa inside,
\q2 You lose fight.
\v 14 Da peopo dat undastan good,
\q2 Dey go all out fo learn stuff.
\q Da stupid head kine peopo wit attitude
\q2 Dey ony like learn stupid kine stuff.
\v 15 Da poor kine peopo dat erybody give presha,
\q2 Ery day, dey suffa.
\q But da peopo dat stay good inside,
\q2 Jalike dey stay party ery day.
\q
\v 16 If you ony get litto bit stuffs,
\q2 But you get awesome respeck fo Yahweh,
\q2 So dat you stay scared a him,
\q Dass mo betta den wen you get plenny stuffs
\q2 But yoa head stay all jam up.
\q
\v 17 Az mo betta you ony get litto bit vejable fo eat,
\q2 An da place get plenny love an aloha,
\q Den if you get one big lu`au wit plenny meat,
\q2 An erybody hate each odda!
\q
\v 18 Da kine guy dat stay huhu all da time,
\q2 He ony like make erybody argue wit each odda.
\q Da cool head guy,
\q2 He make erybody come cool head
\q
\v 19 Da lazy bugga, eryting he do,
\q2 Jalike get keawe thorn.
\q Da guy dat do da right ting all da time,
\q2 Eryting he do, stay easy.
\q
\v 20 Da kine guy dat know wat fo do erytime,
\q2 He make his fadda feel all good inside.
\q Da stupid bugga dat tink he no need learn notting,
\q2 He no care if he make his mudda feel bad.
\q
\v 21 Da kine guy dat no mo brain,
\q2 He tink az good fun
\q2 Wen he go do stupid stuff an dat no bodda him.
\q Da kine guy dat undastan stuff
\q2 He erytime go do da right ting.
\q
\v 22 You make plan, but you no tell nobody,
\q2 You jam up erybody.
\q But you aks plenny peopo wass good fo do,
\q2 Da ting goin happen.
\q
\v 23 Wen somebody aks you someting
\q2 An you say someting dat help um, back to dem,
\q2 You feel good inside.
\q Wen you say someting
\q2 An az jus da right time,
\q2 Dass real good!
\q
\v 24 Da peopo dat undastan stuff,
\q2 Dey goin go up an get da real kine life
\q2 Cuz a da way dey live.
\q Az how dey no goin end up
\q2 Down inside da Mahke Peopo Place.
\q
\v 25 Da big head guys,
\q2 Yahweh broke down dea place
\q2 Wea dey get all dea stuff.
\q But fo da widow,
\q2 He make shua nobody steal her land,
\q2 Even litto bit.
\q
\v 26 Wat da bad guys tink fo do,
\q2 Fo Yahweh, dass no good!
\q But wat da nice guys tell,
\q2 Fo Yahweh, dass all good.
\q
\v 27 Da guys dat go all out fo make money,
\q2 Dey make pilikia fo dea ohana.
\q Da guys dat no touch
\q2 Da crooked kine money,
\q2 Nobody goin try kill dem.
\q
\v 28 Da peopo dat do da right ting erytime,
\q2 Wen somebody tell dem someting,
\q Dey tink firs fo long time
\q2 Bout wat dey suppose to tell back.
\q But da bad kine peopo,
\q2 Dey ony motormout fas fo tell pilau kine stuff.
\q
\v 29 Yahweh stay far away from da bad kine peopo,
\q2 But wen da peopo dat do wass right pray,
\q2 He lissen.
\q
\v 30 How da eyes look wen you smile,
\q2 Dat make peopo feel good inside.
\q Wen you get someting good fo tell,
\q2 Dat make peopo feel good inside too.
\q
\v 31 Wen somebody give you
\q2 Strong kine words dat can keep you alive,
\q2 An you lissen,
\q Dat mean, you one a dose guys
\q2 Dat know wat fo do erytime.
\q
\v 32 Da peopo dat no like learn how dey suppose to live,
\q2 Dat mean, dey hate demself
\q2 An tink dey no good.
\q Da peopo dat lissen
\q2 Wen somebody give dem strong kine words,
\q2 Dey goin learn how fo tink mo betta cuz a dat.
\q
\v 33 You stay scared a Yahweh,
\q2 You goin learn how fo know wat fo do cuz a dat,
\q2 An how fo do da right ting erytime.
\q Wen you no make high makamaka kine,
\q2 Den peopo goin get respeck fo you.
\c 16
\q
\v 1 Peopo, dey make plan wit dea own head,
\q2 But dey can get help an da right words, from Yahweh.
\q
\v 2 Erybody tink notting wrong
\q2 Wit da way how dey live.
\q But Yahweh, he know eryting inside dem,
\q2 How come peopo tink dat way,
\q2 An if good o bad.
\q
\v 3 Eryting you do, turn um ova to Yahweh fo help you.
\q2 Den all da tings you make plan fo do
\q2 Goin come out okay.
\q
\v 4 Eryting dat Yahweh make,
\q2 He know fo shua how come he make um.
\q He even make da bad kine peopo
\q2 So dat bad tings goin happen to dem
\q2 Wen da right time come.
\q
\v 5 Erybody dat ack high makamaka kine,
\q2 Dey pilau, da way Yahweh see um!
\q2 Fo shua dey goin get lickins bumbye.
\q
\v 6 Wen you stay real tight wit peopo,
\q2 An you da kine guy dey can trus,
\q Fo shua, peopo goin know
\q2 Dat God let you go awready
\q2 Fo da tings you wen do agains him.
\q Wen you stay scared a God,
\q2 Fo shua, you goin change
\q2 An no do bad kine stuff no moa.
\q
\v 7 Wen Yahweh like da way you live,
\q2 Even wen peopo stay agains you,
\q Yahweh goin make dem tink diffren bout you
\q2 So eryting goin come good wit you an dem.
\q
\v 8 If you ony get litto bit stuffs,
\q2 But you stay do da right ting,
\q Dass mo betta den wen you make plenny money
\q2 An no do wass right fo peopo.
\q
\v 9 Peopo make plan
\q2 Fo how dey goin live.
\q But Yahweh, he da One
\q2 Make da real plan, wat dey goin do.
\q
\v 10 Wen da king talk,
\q2 Az cuz he know wat God like um fo do.
\q Dass why no good he mess up
\q2 An no judge peopo da right way.
\q
\v 11 Da scales you use fo weigh stuff,
\q2 Fo Yahweh, dey gotta be right.
\q Eryting you use fo measure stuff,
\q2 Az his kuleana.
\q
\v 12 Wen peopo do bad kine stuff,
\q2 Da king know az pilau.
\q Cuz so his govmen can stay long time,
\q2 Erybody gotta do wass right.
\q
\v 13 Wen peopo talk to king guys bout right tings,
\q2 Make da king guys stay good inside.
\q Anybody talk strait to da king guys,
\q2 Da king guys get love an aloha fo dat kine guy.
\q
\v 14 Wen da king come huhu,
\q2 Az jalike he stay send messenja guys
\q2 Fo tell you, you gotta mahke.
\q But if you da kine guy dat know wat fo do erytime,
\q2 You goin make da king come cool head.
\q
\v 15 Wen da king face look nice,
\q2 Dat mean he like you an you goin live long time.
\q Wen he like wat you do,
\q2 Az good fo you, az jalike da clouds
\q2 Dat bring rain jus da right time.
\q
\v 16 Learning how fo know wat fo do erytime,
\q2 Fo shua, az mo betta den get plenny gold!
\q Finding out how fo undastan stuff,
\q2 Mo betta fo take dat, an not silva.
\q
\v 17 Da peopo dat stay do wass right,
\q2 Dey no do bad kine stuff.
\q Jalike dey walk on top one road
\q2 An go aroun so dey no go by da bad place.
\q Whoeva stay watch how he live
\q2 He take good care his life.
\v 18 You ack big head,
\q2 Nex ting, you goin wipe out.
\q You tink high makamaka kine,
\q2 Nex ting, you goin fall down.
\q
\v 19 Mo betta be da kine guy
\q2 Dat can hang out wit peopo dat no mo notting,
\q2 Cuz he know inside, he no gotta be Numba One.
\q No good, be da kine guy
\q2 Dat hang out wit da high makamaka guys,
\q2 An share all da stuffs dey rip off from odda peopo.
\q
\v 20 Anybody lissen real good
\q2 From da guys dat know wat fo do erytime,
\q2 Dey goin come out okay.
\q Anybody stay trus Yahweh,
\q2 Dey can stay good inside.
\q
\v 21 Wen one guy tink good
\q2 An know wat fo do erytime,
\q2 Peopo goin tell, “Eh, dat guy undastan plenny!”
\q Da guy know how fo talk nice kine,
\q2 Peopo goin lissen him.
\q
\v 22 Da kine peopo dat tink befo dey do stuff,
\q2 Dey get good kine life all da time,
\q2 Jalike wen da spring watta come outa da groun all da time.
\q But fo da stupid head kine peopo wit attitude,
\q2 Fo punish dem, God make um stay stupid.
\q
\v 23 Da kine guy dat tink befo he talk,
\q2 He know wat fo do erytime,
\q An cuz he undastan how come tings happen,
\q2 He goin say da right ting.
\q Wen one guy know how fo talk good lidat,
\q2 Mo plenny peopo goin lissen wat he tell um.
\q
\v 24 Wen you talk to peopo
\q2 An make um feel real good inside,
\q Dass jalike fresh honey.
\q2 Taste sweet
\q2 An make da body come good.
\q
\v 25 Get some way dat look like az da right way fo ery guy go,
\q2 But bumbye dey goin end up by da Mahke Peopo Place.
\q
\v 26 Da worka guys feel hungry, den help dem,
\q2 Cuz den dey work mo hard fo finish,
\q2 So dey can eat.
\q
\v 27 Da good fo notting kine guys,
\q2 Jalike dey go find bad kine stuff bout odda peopo.
\q Den dey tell wat dey wen find out,
\q2 An dat hurt da odda peopo, jalike fire dat burn!
\q
\v 28 Da kine guy dat like jam up eryting,
\q2 He make erybody like beef each odda.
\q Da kine guy ony grumble an talk stink,
\q2 He split up good friends.
\q
\v 29 Da kine guy dat like bus up peopo,
\q2 He trick odda peopo fo make dem come like him,
\q2 An make um go da way dass not good fo dem.
\q
\v 30 Somebody dat make sly kine eyes,
\q2 Show he make plan fo rip off somebody.
\q Somebody dat make chocho lip,
\q2 Show he stay ready fo do bad ting he tink bout.
\b
\q
\v 31 Gray hair, az jalike one nice haku lei fo da head
\q2 Fo da ol peopo, fo show how awesome dem.
\q Fo get um,
\q2 Az good you do wass right erytime!
\q
\v 32 If you can stay cool head,
\q2 Az mo betta den be one guy dat can fight good.
\q If you can stay cool head wen you stay mad,
\q2 Az mo betta den take ova one big town.
\q
\v 33 Wen you pull straw
\q2 Fo find out wat fo do,
\q Az Yahweh make um come out
\q2 Da way dey come out.
\c 17
\q
\v 1 If no mo noise in da house, an no mo worry,
\q2 Den no matta if ony get litto bit dry up bread fo eat.
\q Az mo betta den get one big lu`au
\q2 An erybody stay poin finga.
\q
\v 2 Wen one akamai guy come slave fo one ohana,
\q2 An if one a da boys from dat ohana make shame fo dem,
\q Da slave guy goin come da boss fo dat boy.
\q2 Wen da fadda guy mahke,
\q Dat slave guy goin get da same kine share
\q2 Jalike da odda boys,
\q2 From wat da fadda leave.
\q
\v 3 Fo find out if silva an gold, good o no good,
\q2 Gotta melt um on top da fire.
\q But Yahweh, he da One
\q2 Tell how peopo stay tink inside.
\q
\v 4 Da kine peopo dat stay do wass bad,
\q2 Dey lissen real good wen peopo talk bout bad tings dey like do.
\q Da bulaia guys,
\q2 Dey like lissen to odda bulaia guys.
\q
\v 5 Anybody make fun a da peopo dat no mo notting,
\q2 Jalike dey stay make God shame,
\q2 Da One dat wen make dem.
\q Anybody feel good inside
\q2 Wen bad kine stuff happen to odda peopo,
\q2 Fo shua, God goin punish da guy dat feel good bout dat.
\q
\v 6 Da grankids, dey jalike one lei
\q2 Wen dey show respeck fo ol kine peopo,
\q An da younga peopo
\q2 Stay feel proud cuz a dea fadda-mudda guys.
\q
\v 7 If one stupid guy talk real nice,
\q2 Dat no make sense fo him!
\q If one ali`i guy talk bulaia kine,
\q2 Az mo worse still yet!
\q
\v 8 Wen somebody give money unda da table
\q2 To one guy dat he tink can help him,
\q Da guy dat give da money tink
\q2 Da odda guy goin like him cuz a dat.
\q2 Az jalike he give um one diamond fo present,
\q An he tink
\q2 Dat no matta wat he do,
\q2 Eryting goin come okay fo him.
\q
\v 9 You get love an aloha fo somebody.
\q2 Wen he go agains you, you let um go.
\q But if you keep talking bout wat he wen do,
\q2 You goin make even good friends you trus,
\q2 No stay yoa friends no moa.
\q
\v 10 Wen one guy dat undastan stuff
\q2 Go do someting dat he not suppose to do,
\q You ony gotta tell him one time,
\q2 An he stop.
\q But fo da kine guy dat tink he know eryting,
\q2 Wen he donno,
\q You can whip him hundred time,
\q2 An he still no stop.
\q
\v 11 Da bad kine guys
\q2 Like make peopo go agains God,
\q2 An dass da ony ting dey like do.
\q But God goin send one tough guy agains dem
\q2 Dat no care if he kill um.
\q
\v 12 Mo betta if you meet one mudda bear
\q2 Right afta somebody steal her bebes,
\q Den if you meet one dumb bugga
\q2 Dat tink he no need learn notting,
\q2 Right afta he do someting stupid.
\q
\v 13 If somebody do someting good fo you,
\q2 An you do someting bad fo pay um back,
\q2 Bad kine stuff goin happen to yoa ohana!
\q
\v 14 Wen peopo start fo argue,
\q2 Az jalike you make puka in one dam
\q2 An let da watta come out an broke eryting.
\q Mo betta make cool head
\q2 An no say notting, befo you come jalike wild animal.
\q
\v 15 Yahweh tink two kine peopo pilau:
\q2 One dat tell one guy dat do bad kine ting “You okay, you neva do um!”
\q2 An da odda dat tell one guy dat no do notting bad “You wen do um!”
\q
\v 16 Poho, fo one stupid bugga pay plenny
\q2 Fo learn someting,
\q2 Wen he tink he no need learn notting.
\q Az why he no like fo learn
\q2 Wat fo do erytime.
\q
\v 17 You get one friend,
\q2 An he get love an aloha fo you all da time.
\q You get one brudda, an he dea
\q2 Fo help you wen you need um [fo / cuz] get trouble.
\q
\v 18 Da kine guy dat no mo brain,
\q2 He shake hand wen he make one deal,
\q An make promise fo pay
\q2 Eryting dat some odda guy owe.
\q
\v 19 Da kine guy dat like go agains erybody,
\q2 He like make argue wit erybody.
\q Da kine guy dat put up one high door fo his house
\q2 Fo ack high makamaka,
\q2 Jalike he like somebody come bus um up.
\q
\v 20 Da kine peopo dat like do crooked kine stuff,
\q2 No mo notting goin come good fo dem.
\q Da kine peopo dat erytime like change dea story,
\q2 Dey goin wipe out cuz tings no goin come good fo dem.
\q
\v 21 If get one stupid kine kid
\q2 Dat tink he no need learn notting,
\q2 Da fadda-mudda guys stay sore inside.
\q Wen one boy stay ack stupid kine,
\q2 His fadda no feel good inside.
\q
\v 22 Wen you feel like you like dance an sing inside,
\q2 Dass good medicine fo yoa body.
\q But wen you stay sore inside,
\q2 Jalike yoa body all jam up.
\q
\v 23 Da bad guys, dey give money unda da table
\q2 Fo make shua da judge no judge da right way.
\q
\v 24 Da kine guy dat undastan stuff
\q2 Tink all da time bout
\q2 How he can know wat fo do erytime.
\q But da stupid bugga
\q2 Dat tink he no need learn notting,
\q2 He tink ony bout how fo get stuff dat he no need.
\q
\v 25 Wen one boy stay stupid an tink he no need learn notting,
\q2 Make da fadda guy feel real bodda,
\q2 An make da mudda feel real sore inside.
\q
\v 26 If one judge punish one guy
\q2 Dat stay do da right ting erytime,
\q2 Az not good!
\q An if he tell da police guys
\q2 Fo whip one a da good ali`i guys,
\q2 Az not right too!
\q
\v 27 Da kine guys dat know plenny,
\q2 Dey no need talk plenny.
\q An da cool head kine guys,
\q2 Dey undastan plenny.
\q
\v 28 Even da kine stupid guy
\q2 Dat do bad kine stuff an dat no bodda him,
\q If he no say notting,
\q2 Peopo goin tink he one guy
\q2 Dat know wat he doing erytime!
\q If he no open his mout,
\q2 Peopo goin tink he smart!
\c 18
\q
\v 1 Da kine guy dat no like somebody tell him wat fo do
\q2 Look ony fo da kine stuff he like.
\q He no mo cool head
\q2 Wen you talk to him bout wass smart fo him do.
\q
\v 2 Same ting, da kine guy dat tink he know um
\q2 But he donno um,
\q He no like bodda fo undastan stuff.
\q2 He ony like talk bout wat he tink.
\b
\q
\v 3 You do bad kine stuff,
\q2 Peopo goin talk bad bout you.
\q Wen dey no mo respeck fo you,
\q2 Dey goin make you feel shame.
\q
\v 4 Wen some peopo talk,
\q2 Hard fo figga wat dey like do,
\q2 Jalike hard fo know wat stay inside da deep ocean.
\q But wen da peopo dat know wat fo do erytime talk,
\q2 You learn plenny from dem,
\q2 Jalike dey one strong riva wit plenny watta you can drink.
\q
\v 5 No good, one judge ony lissen
\q2 To da guy dat do someting bad,
\q2 An no lissen to da guy dat stay hurt.
\q Same ting, no good, if one judge go agains
\q2 Da guy dat do wass right,
\q2 An no do fo him wass right.
\q
\v 6 Da kine peopo dat tink dey know eryting but dey donno um,
\q2 Weneva dey open dea mout,
\q2 Somebody goin like fight wit dem.
\q Wateva dey tell,
\q2 Make odda peopo like use one whip fo wack um.
\q
\v 7 Wen da kine peopo dat tink dey know eryting awready, talk,
\q2 Eryting dey say, get um in trouble.
\q2 How dey talk, jalike one trap fo kill um.
\q
\v 8 Wen peopo talk stink,
\q2 Odda people like lissen wat dey goin say,
\q Az jalike dey stay eat candy!
\q2 But wat dey hear, goin stay inside dem.
\q
\v 9 Anybody stay lazy
\q2 Wen he gotta do da work he suppose to do,
\q He ack jalike he wit one guy
\q2 Dat go aroun bus up eryting.
\q
\v 10 Wen da peopo dat stay do wass right
\q2 Know fo shua, wat kine god Yahweh,
\q2 Den Yahweh goin take care dem.
\q Jalike Yahweh one strong towa fo dem
\q2 Wea dey can run inside fo hide.
\q
\v 11 Da money dat one rich guy get,
\q2 Fo him, dass jalike one strong wall aroun his town.
\q Da way he tink,
\q2 Da wall too strong fo anybody come inside.
\q
\v 12 Wen one guy tink he too good fo anybody,
\q2 Real fas, he goin wipe out.
\q Wen one guy no make high makamaka kine,
\q2 Real fas, peopo goin get respeck fo him.
\q
\v 13 Anybody open dea mout befo dey hear eryting,
\q2 Dis jalike dey go all out fo do stupid kine stuff,
\q2 An nobody goin get respeck fo dem.
\q
\v 14 Yoa spirit, make you strong inside
\q2 Even wen you sick.
\q But if yoa spirit stay all bus up,
\q2 Den you no can handle notting.
\q
\v 15 Da peopo dat can undastan good,
\q2 Easy fo dem learn stuff.
\q An da peopo dat know wat fo do erytime,
\q2 Dey still go fo lissen to new kine stuff fo learn.
\q
\v 16 Wen you give present to importan peopo,
\q2 Make um easy fo talk to dem layta,
\q2 An help you come tight wit dem.
\q
\v 17 Wen peopo go in front da judge,
\q2 Da guy dat poin finga talk firs.
\q An he sound like he stay right,
\q2 Till da odda guy get chance fo tell
\q2 If da firs guy stay tell da trut.
\q
\v 18 Wen peopo make argue,
\q2 Pull straw fo make um stop.
\q Dat way, even if dey get plenny powa
\q2 Dey no goin come togedda fo fight.
\q
\v 19 If you do someting
\q2 Dat make one brudda guy come huhu wit you,
\q Goin be mo hard fo come brudda brudda again wit him,
\q2 Den fo take ova one town wit strong wall.
\q Az cuz wen you make argue wit him,
\q2 Jalike you stay put heavy bar fo lock yoa gate.
\q
\v 20 You can get wat you need fo live
\q2 By da way you talk.
\q Wat you get from how you talk,
\q2 Goin make you no come hungry no moa.
\q
\v 21 Da tings peopo tell
\q2 Get da powa fo kill odda peopo,
\q2 O fo make um come alive.
\q Da kine peopo dat like fo talk plenny,
\q2 Wateva dey tell, goin come back to dem.
\q
\v 22 If you find one wife, an she good fo you,
\q2 Az jalike you get one nice present from Yahweh.
\q
\v 23 Da guy dat no mo notting,
\q2 Aks fo da rich guy help him,
\q2 But da rich guy mout off to him.
\q
\v 24 One guy dat tink he get plenny friends
\q2 Can get wipe out quick.
\q But get da kine friend dat love you
\q2 An stay mo tight wit you, den yoa brudda.
\c 19
\q
\v 1 Mo betta you no mo notting,
\q2 An peopo trus you,
\q Den fo be one guy dat donno notting an easy fo tell bulai,
\q2 An talk real pilau kine stuff.
\q
\v 2 An no good, you go all out fo do stuff
\q2 But you donno wat you tinking.
\q An no good, you go real fas
\q2 Dat you no can find da right road.
\b
\q
\v 3 If you go all out fo do stupid kine stuff,
\q2 You goin mess up yoa whole life.
\q An den you come huhu
\q2 An blame um on Yahweh.
\b
\q
\v 4 If you get plenny stuff,
\q2 You goin get plenny “friends” too.
\q But if you no mo notting,
\q2 Yoa las “friend,” goin go too!
\q
\v 5 Da kine guy dat bulai any kine in front da judge,
\q2 Fo shua, da judge goin punish him!
\q Da kine guy dat bulai all da time,
\q2 No way he goin get away!
\q
\v 6 Plenny peopo try make nice nice to all da ali`i guys,
\q2 An erybody like come friend wit da guys dat give um present.
\q
\v 7 If you no mo notting,
\q2 All yoa ohana no goin like you,
\q An yoa friends even moa,
\q2 Dey no like go by you.
\q You try talk to dem,
\q2 But notting happen.
\q
\v 8 Anybody learn how fo tink good,
\q2 Fo shua dey goin take good care dea life,
\q2 An live long time.
\q Anybody try hard fo undastan wass happening,
\q2 Eryting goin come good fo dem, fo shua.
\q
\v 9 Da kine guy dat bulai in front da judge,
\q2 Fo shua, da judge goin punish him!
\q Da kine guy dat bulai ery time he open his mout,
\q2 He goin get mo an mo off!
\b
\q
\v 10 No good, fo one stupid guy
\q2 Dat tink he no need learn notting,
\q2 Get real plenny nice kine stuffs!
\q Stay mo worse,
\q2 Wen one slave guy
\q2 Stay tell all da leada guys how dey gotta make!
\q
\v 11 Wen you tink az good fo know how come tings happen,
\q2 You no goin come huhu real quick.
\q An if somebody go agains you
\q2 An dat no goin bodda you,
\q2 Plenny peopo goin respeck you!
\q
\v 12 Wen one king get mad, you betta watch out!
\q2 Az jalike wen one lion make big noise.
\q But wen da king like wat you doing, eryting stay okay!
\q2 Jalike wen da dew come on top da grass.
\q
\v 13 Wen get one stupid kid
\q2 Dat tink he no need learn notting,
\q2 Da fadda suffa plenny.
\q Wen da wife like beef bout eryting,
\q2 Az jalike one puka roof dat stay leak all da time.
\q
\v 14 Da fadda guys leave dea house an dea money fo dea kids,
\q2 But da kine wife dass akamai
\q2 An tink good fo know wat fo do,
\q2 She jalike one present from Yahweh!
\q
\v 15 Da lazy buggas, dey ony like sleep plenny,
\q2 Az why dey no mo notting fo eat.
\q
\v 16 Whoeva take care fo do wat da Rules from God tell,
\q2 Same time, dey goin take care dea own life too.
\q Whoeva no care how dey live,
\q2 Dey goin mahke.
\q
\v 17 You do good kine stuff
\q2 Fo da peopo dat no mo notting,
\q2 Jalike you stay lend stuff to Yahweh.
\q An Yahweh goin pay you back wit good kine stuff
\q2 Fo wat you do.
\q
\v 18 Punish yoa kids wen you gotta,
\q2 Wen still get chance fo teach um.
\q But no tink az all you gotta do,
\q2 Cuz if you ony punish yoa kids,
\q2 Bumbye goin make dem mahke inside.
\q
\v 19 Anybody show dey real mad ery time,
\q2 Dey goin pay fo dat.
\q Cuz if you help um get outa trouble,
\q2 You gotta do same ting ova an ova again.
\q
\v 20 Lissen up wen peopo tell you
\q2 Wass good fo you do.
\q An lissen wen dey tell you
\q2 How fo do da right ting,
\q Cuz If you do dat, den bumbye
\q2 You goin know wat fo do erytime.
\q
\v 21 You can make plenny plan, inside yoa head.
\q2 But da plan dat Yahweh make fo you,
\q2 Dass wass goin happen fo shua.
\q
\v 22 Wen one guy stay tight wit his friends,
\q2 He look real good.
\q Mo betta you no mo notting,
\q2 Den you come one bulaia guy.
\q
\v 23 If you feel jalike you scared wen you in front Yahweh,
\q2 Den you goin get one good kine life!
\q You goin feel jalike eryting goin be okay,
\q2 An no way you goin get trouble.
\q
\v 24 Get peopo dat so lazy,
\q2 Wen dey grab food, dea hand stay inside da dish,
\q2 Dey no even put da food inside dea mout!
\q
\v 25 Punish da buggas dat no mo respeck fo nobody
\q2 Cuz dey tink dey smart.
\q An den, da guys dat donno notting an easy fo bulai,
\q2 Dey goin come mo akamai
\q2 An learn how fo tink strait.
\q An if you tell da kine guy dat undastan stuff,
\q2 Dat he wen do someting wrong,
\q2 Dat guy goin learn someting.
\v 26 Anybody make dea fadda suffa,
\q2 O make dea mudda get outa da house,
\q Dey da kine kid make big shame fo da ohana
\q2 An make peopo talk bad bout dem.
\q
\v 27 Eh ma boy, if you no like lissen no moa
\q2 Wen I tell you how fo do da right ting,
\q Dat mean you going da wrong way mo an moa,
\q2 An you make deaf ear fo know da stuff dat goin help.
\q
\v 28 Wen one real bad guy
\q2 Suppose to tell wat he wen see, in front da judge,
\q Da kine guy no mo respeck fo wat da judge tell,
\q2 Cuz da guy tink he mo smart.
\q Da bad kine peopo, dey do wrong,
\q2 Jalike da bad kine stuff dey do taste good!
\q
\v 29 God stay ready fo punish
\q2 Da kine buggas dat no mo respeck fo nobody
\q2 Cuz dey tink dey mo smart!
\q He get whip fo wack
\q2 Da kine dumb buggas dat no like learn notting.
\c 20
\q
\v 1 You drink too much wine,
\q2 You goin come da kine guy
\q Dat no mo respeck fo nobody
\q2 Cuz you tink you so smart.
\q You drink too much beer,
\q2 You goin make plenny noise.
\q Anybody let da booze make um go da wrong way,
\q2 Dey not da kine peopo dat know wat dey doing.
\q
\v 2 Wen da king get mad,
\q2 You betta come scared,
\q2 Jalike you scared wen da lion make big noise!
\q You make da king o da lion mad,
\q2 You making yoaself fo mahke from dem!
\q
\v 3 Anybody no talk wen somebody like beef,
\q2 Peopo going show respeck fo dem.
\q But all da kine peopo dat do bad kine stuff an no bodda dem,
\q2 Dey buckaloose an bus up peopo.
\q
\v 4 Da lazy kine guy
\q2 Dat no make ready his land
\q2 Wen time fo plant food,
\q Wen time fo cut da stuff dat grow,
\q2 He goin look, but he no goin find notting.
\q
\v 5 Wen one guy make plan fo do someting,
\q2 No can figga wat da guy like do,
\q2 Cuz his mana`o, jalike deep watta.
\q But da kine guy dat undastan plenny,
\q2 He goin know wat da odda guy stay plan,
\q2 Jalike he pull up watta outa one deep well.
\q
\v 6 Plenny peopo can tell you
\q2 Dat dey yoa friend.
\q But wen you try fo find somebody
\q2 Dat you can trus all da time,
\q2 No mo plenny peopo lidat.
\q
\v 7 Da kine guy dat do da right ting erytime
\q2 An live so nobody poin finga him,
\q His kids goin stay good inside,
\q2 Even afta dea fadda mahke.
\q
\v 8 Wen one king sit down on top his throne
\q2 Fo judge da peopo,
\q Wen he look, he know who da bad kine peopo.
\q2 Az jalike wen da farma guy clean da wheat o barley
\q2 An da wind blow away all da junks.
\q
\v 9 No mo nobody can tell,
\q2 “I wen make my heart clean awready!
\q No mo notting bad inside dea!
\q2 I no do bad kine stuff jalike befo time!”
\q
\v 10 If you use one heavy stone
\q2 Fo weigh wat you goin sell to one guy,
\q But you use one light stone
\q2 Fo weigh da same ting fo sell to anodda guy,
\q O if you use two diffren kine measure
\q2 Wen you sell stuff to diffren peopo,
\q2 Da way Yahweh see um, az pilau!
\q
\v 11 Same ting, even young kids
\q2 Can do bad kine tings an hide um
\q2 Jalike dey was doing wass right an good.
\q
\v 12 Yahweh, he da One wen make
\q2 Da ear fo hear
\q2 An da eye fo see.
\q
\v 13 No ony sleep al day,
\q2 Jalike dass da mos importan ting!
\q2 Cuz bumbye, you goin lose eryting you get.
\q Mo betta stay awake,
\q2 Den you goin get plenny fo eat.
\q
\v 14 Wen one guy like buy someting,
\q2 He tell da guy dat sell um,
\q2 “Junk, dis!”
\q Den afta he buy da stuff an leave dea,
\q2 He go brag bout da deal he wen make.
\q
\v 15 Wen one guy know wat he talking bout,
\q2 Dat guy worth mo plenny
\q2 Den gold an uku paila jewelry stone.
\q
\v 16 If some guy dass not in yoa ohana owe you money,
\q2 An if one odda guy make one promise to you, an tell,
\q “Az okay, if dis guy dass not in yoa ohana no can pay you back,
\q2 Cuz I go pay you back fo him.”
\q Wassamatta da guy dat make dat kine promise?!
\q2 Mo betta you hold his coat,
\q Cuz fo shua, if da guy dat owe you da money, no pay you back,
\q2 Den you can sell da coat fo get da money back!
\q
\v 17 Wen you bulai somebody
\q2 Fo get someting fo eat,
\q Goin taste good, dat!
\q2 But layta, goin taste like sand!
\q
\v 18 Wen you make plan fo do someting new,
\q2 Aks odda peopo fo help you tink wass good fo do,
\q2 Den, yoa plan goin be mo solid.
\q So, make shua you get peopo
\q2 Fo help you tink good
\q2 Befo you make war.
\q
\v 19 Anybody go aroun an talk any kine about odda peopo,
\q2 Dey tell all kine stuff dey not supposed to.
\q So, no go hang out wit da kine guys
\q2 Dat no can shut dea mout.
\q
\v 20 Anybody tell dea fadda o mudda,
\q2 “You, you good fo notting!”
\q Dey goin mahke real quick,
\q2 Jalike God pio dea lamp wen come dark time.
\q
\v 21 An if dey get plenny property too quick
\q2 Cuz dea fadda o mudda guy wen mahke,
\q Bumbye all da stuff dey get
\q2 No goin make tings come good fo dem.
\q
\v 22 Wen somebody do someting bad to you,
\q2 No go tink, “I goin pay um back!”
\q Jus wait fo Yahweh do someting.
\q2 He goin help take care you.
\b
\q
\v 23 If you use one heavy stone
\q2 Fo weigh wat you goin sell one guy,
\q An you use one light stone
\q2 Fo weigh da same ting fo sell to anodda guy,
\q2 Da way Yahweh see um, az pilau!
\q Az no good, use scale dat bulai
\q2 Wen you sell stuff.
\b
\q
\v 24 Yahweh da One give even da strong guys
\q2 Da kine life dey goin live.
\q So no way anybody goin undastan
\q2 How dey goin get dea.
\q
\v 25 If you tell, “I like give dis ting to God
\q2 Fo stay spesho fo him,”
\q But you not tinking wen you tell dat,
\q2 An layta, you not shua you like give um,
\q Dat promise goin be jalike one trap
\q2 Fo bring you down!
\b
\q
\v 26 Da kine king dat throw out all da bad kine peopo,
\q2 He one guy dat know wat fo do erytime.
\q Az jalike wen da farma guys drive one big heavy wagon
\q2 Ova da wheat dey cut,
\q2 So da wind can blow away da junks.
\b
\q
\v 27 Yahweh use da spirit he put inside us
\q2 Jalike az one lamp.
\q He know eryting us guys stay tinking,
\q2 An no miss notting inside us.
\b
\q
\v 28 Wen one king stay tight wit his peopo
\q2 An dey know dey can trus him,
\q Den da king know fo shua
\q2 No mo notting bad goin happen to him.
\q Cuz he know da peopo stay tight wit him,
\q2 Dass wat make da peopo like
\q2 Fo him be dea leada, long time.
\b
\q
\v 29 How come erybody like young peopo?
\q2 Cuz dey strong, az why.
\q An how come erybody tink ol peopo awesome?
\q2 Cuz dey know how fo live
\q2 Cuz dey get gray hair, az why.
\q
\v 30 If somebody make you bleed
\q2 An you get plenny scar,
\q Dat can clean out
\q2 Da bad kine stuff inside you.
\q If somebody wack you,
\q2 Dat can change how you tink bout eryting.
\c 21
\q
\v 1 Wen one king guy gotta make up his mind wat fo do,
\q2 Yahweh da One stay in charge a wat da king pick.
\q Az jalike da guy in charge a da watta ditch.
\q2 He make da watta go wea eva he like make um go.
\q
\v 2 Peopo tink wateva dey do, stay right.
\q2 But Yahweh, he da One know wat dey tinking inside.
\q
\v 3 Wen us guys stay do wass right
\q2 An judge da right way,
\q Fo Yahweh, az mo betta
\q2 Den jus fo make sacrifice.
\q
\v 4 Anyting da bad kine peopo do,
\q2 Az bad.
\q Dey ack high makamaka,
\q2 An tink dey can do wateva dey like.
\q
\v 5 If get peopo dat work hard, an dat no bodda dem,
\q2 Den, wen dey make plan how dey goin work,
\q2 Fo shua dey goin come rich.
\q But da ones dat like come rich fas,
\q2 Fo shua dey goin come poor.
\b
\q
\v 6 Anybody bulai odda peopo
\q2 Fo get plenny stuffs --
\q Da stuffs dey get,
\q2 Going all blow way,
\q2 Jalike dey stay try fo mahke.
\q
\v 7 Da bad kine peopo tell,
\q2 “No way I goin do anyting right!”
\q Cuz a dat, wen dey go bus up odda peopo,
\q2 Dey da ones goin get bus up,
\q2 Jalike wat dey do, catch dem inside one net.
\q
\v 8 Da crook guys,
\q2 Da way dey do tings, all hamajang.
\q Da peopo dat stay do wass right,
\q2 Eryting dey do, stay good.
\q
\v 9 Mo betta you live outside
\q2 On top one corna a yoa flat roof,
\q Den fo try live inside da house
\q2 Wit one wife dat grumble bout eryting.
\q
\v 10 Da bad kine peopo, dey feel real good inside
\q2 Wen dey do bad kine stuff.
\q2 Dey no even give chance to odda peopo.
\q
\v 11 Wen you punish da guys
\q2 Dat no mo respeck fo nobody
\q2 Cuz dey tink dey mo smart,
\q Den, da guys dat donno notting an easy fo bulai
\q2 Dey goin start fo learn wat fo do erytime.
\q But da guys dat know wat fo do erytime,
\q2 Easy fo dem learn plenny
\q2 If you help um fo undastan.
\q
\v 12 Da One dat do da right ting erytime,
\q2 He undastan wat stay happen inside all da bad guys ohanas.
\q2 Az how he jam up wat da bad peopo try fo do.
\q
\v 13 Wen peopo yell fo help cuz dey need someting,
\q2 An you make deaf ear,
\q Goin be same same fo you.
\q2 Wen you yell fo help,
\q2 Nobody goin lissen you!
\b
\q
\v 14 Peopo give present to somebody, an no tell nobody,
\q2 Wen da odda guy stay huhu,
\q2 Cuz dey like dem make nice nice to dem.
\q Dey put unda da table kine money
\q2 Inside da odda guy pocket,
\q2 Fo make da odda guy no stay real huhu no moa.
\q
\v 15 Wen da judge guys judge da right way,
\q2 Make da peopo dat stay do right
\q2 Feel good inside.
\q But fo da peopo dat stay do wass wrong,
\q2 Make dem lose fight.
\q
\v 16 Anybody go da wrong way cuz dey no tink firs,
\q2 Dey goin come one a da mahke peopo.
\q
\v 17 Anybody ony do tings
\q2 Dat make dem feel good all da time,
\q2 Bumbye dey goin need plenny.
\q Anybody go all out
\q2 An drink da wine an eat da fancy kine food,
\q2 No way dey goin come rich.
\b
\q
\v 18 Da bad kine peopo goin suffa,
\q2 So da peopo dat do wass right erytime
\q2 Can get outa trouble.
\q An da peopo dat nobody can trus,
\q2 Dey goin suffa, so da peopo dat do da right ting
\q2 Can get outa trouble.
\q
\v 19 Mo betta you live by yoaself inside da boonies,
\q2 Den live wit one wife dat grumble bout eryting
\q2 An make you stay sore inside.
\q
\v 20 Da peopo dat know wat fo do erytime,
\q2 Dey get nice place fo put all nice kine stuffs
\q2 Dat dey like, an plenny fancy kine food too.
\q Da kine peopo dat tink dey get plenny wen dey no mo notting,
\q2 Quick, dey eat up wateva dey get.
\b
\q
\v 21 Whoeva go all out fo come
\q2 Da kine guy dat do wass right erytime,
\q2 An dat stay tight wit his ohana,
\q Long time he goin live,
\q2 An peopo goin do good tings fo him,
\q2 An show um choke respeck.
\b
\q
\v 22 Da guy dat know wat fo do erytime,
\q2 If he gotta, he can attack one big town
\q2 Dat get plenny army guys inside,
\q An bus up da strong wall
\q2 Dat peopo ova dea wen trus.
\q
\v 23 Whoeva take care wat come outa dea mout wen dey tell,
\q2 Big kine trouble no goin come to dem.
\b
\q
\v 24 Da peopo dat ack like dey real smart,
\q2 An ack high makamaka,
\q Erybody know who dem,
\q2 Dat dey no mo respeck fo nobody.
\q2 Wateva dey do, dey tink dey mo smart den anybody.
\q
\v 25 Da lazy buggas, dey ony like get stuffs,
\q2 But dat ony make um mahke mo quick,
\q2 Cuz dey no like work fo get um.
\q
\v 26 All day, dey greedy fo get stuff.
\q2 But da guys dat do wass right erytime,
\q2 Dey give away stuff an no hold back.
\q
\v 27 Wen da bad kine peopo make sacrifice,
\q2 Wat dey do, make God real mad.
\q An wen dey make da sacrifice
\q2 Fo help um do someting real bad,
\q2 God come mo mad!
\q
\v 28 Wen one guy tell in front da judge, wat he wen see
\q2 But he ony bulai,
\q2 Da judge goin wipe um out.
\q But da guy dat know wat wen happen
\q2 Cuz he look an lissen good,
\q2 Da judge goin let um tell eryting.
\q
\v 29 Bad guys ack like notting bodda dem,
\q2 But da guys dat do wass right,
\q2 Dey tink bout wea dey going.
\q
\v 30 No matta you know wat fo do erytime,
\q2 No matta you undastan eryting,
\q2 No matta you make plan,
\q Wen you go agains Yahweh,
\q2 Notting goin happen!
\b
\q
\v 31 You can make yoa horse ready fo da war,
\q2 But Yahweh da One can make you da winna.
\c 22
\q
\v 1 Mo betta get good name from da peopo,
\q2 Den own plenny kine stuffs.
\q If peopo tink you one good guy,
\q2 Az mo betta den silva an gold.
\q
\v 2 Da rich peopo an da peopo dat no mo notting,
\q2 Dey same same.
\q2 Yahweh da One make all dem.
\q
\v 3 Da akamai kine peopo see
\q2 Dat someting bad goin happen,
\q2 An dey go hide.
\q But da peopo dat donno notting
\q2 An easy fo bulai,
\q Dey keep on going,
\q2 An bumbye, dey pay da price.
\q
\v 4 Wen you make yoaself come jalike you notting,
\q2 An you feel jalike you scared
\q2 Wen you come in front Yahweh,
\q Den you goin get plenny stuffs,
\q2 An peopo goin show you respeck,
\q2 An you goin live long time.
\q
\v 5 Ery place da crooked kine guy go,
\q2 Jalike get thorn bush an trap all ova da place
\q2 Fo stop him.
\q But da kine guy dat take good care his life,
\q2 He no goin go dat way.
\q
\v 6 Help yoa kids start fo go da right way wen dey small.
\q2 Den, even wen dey come ol,
\q2 Dey no goin go da odda way.
\q
\v 7 Da rich guys tell da guys dat no mo notting
\q2 Wat dey gotta do.
\q Same ting, da guys dat borrow money,
\q2 Dey jalike one slave dat gotta do
\q Wateva da guy tell um fo do
\q2 Dat lend um da money.
\q
\v 8 Anybody go do bad kine stuff,
\q2 Dey goin get plenny trouble cuz a dat,
\q Jalike somebody throw bad kine seed
\q2 An bumbye, dey gotta eat da kine food dat come from dat.
\q Da ones dat do bad kine stuff come huhu
\q2 An like wack erybody,
\q2 Still yet, dey goin get notting.
\b
\q
\v 9 Whoeva like do good tings fo peopo,
\q2 God goin do good tings fo dem,
\q Cuz dey give dem some a dea food
\q2 To da peopo dat no mo notting.
\q
\v 10 Kick out da stupid buggas
\q2 Dat tink dey no need learn notting!
\q Den all da talk bout fighting
\q2 Goin go way too.
\q An peopo goin stop taking odda peopo
\q2 In front da judge,
\q2 An talk stink bout dem.
\q
\v 11 But if you really like get one good heart,
\q2 An you know how fo talk wit respeck,
\q2 Da king goin be yoa friend.
\b
\q
\v 12 Yahweh, he stay watch fo make shua
\q2 Dat wateva stay true, goin stay true foeva.
\q But weneva one two face guy say someting,
\q2 Yahweh goin jam up wat da guy tell.
\q
\v 13 Da kine guy dat too lazy fo go work tell,
\q2 “Get lion outside dea!”
\q O he tell,
\q2 “I no goin go outside on da street,
\q2 Bumbye somebody goin kill me!”
\q
\v 14 If you lissen to da wahines
\q2 Dat not yoa wife,
\q Da ones like fool aroun wit you,
\q2 Watch out!
\q2 Her jalike one deep hole fo trap you.
\q Wen Yahweh stay huhu wit somebody,
\q2 He let da guy lissen to dat kine wahines
\q2 An fall inside dea trap.
\q
\v 15 Kids, dey like go all out fo do stupid kine stuff.
\q2 Az why dey need one good wack
\q Fo make shua dey learn da right way
\q2 An fo no tink bout doing stupid kine stuff.
\q
\v 16 Wen somebody presha da peopo dat no mo notting
\q2 Fo get stuff from dem
\q So he can come rich,
\q2 Dat guy bumbye no goin get notting!
\q Az jalike he give one nice present to da rich peopo,
\q2 Fo make himself come rich,
\q2 Same ting, he no goin get notting.
\s Thirty Tings Da Smart Guys Tell
\q
\v 17 Lissen good, wat da guys tell dat know wat fo do erytime.
\q An make shua you undastan
\q2 Da tings I know.
\q
\v 18 Cuz wen you keep all dis stuff inside you,
\q2 Eryting goin be real good.
\q Den eryting you wen learn
\q2 Goin stay ready fo tell odda guys.
\q
\v 19 Cuz I like you make Yahweh
\q2 Da One you trus!
\q Az why I make shua right now
\q2 Dat you know all dis stuff.
\q
\v 20 I wen write fo you
\q2 Thirty tings, fo show you wass good fo you do,
\q2 An tings you gotta know,
\q
\v 21 Fo help you undastan da true words you can trus,
\q2 An fo you take back da true kine stuff you wen learn
\q2 To da guy dat wen tell you fo come by me.
\s2 1
\q
\v 22 No go bus up one guy dat need plenny
\q2 An rip off his stuffs,
\q2 Jus cuz you know you can.
\q No go bring one guy dat no can pay notting,
\q2 In front da judge guys fo sue um,
\q
\v 23 Cuz Yahweh, him goin be da One
\q2 Dat goin help dose guys in front da judge.
\q An fo da ones dat take away stuff from dem,
\q2 He goin take away dea life!
\s2 2
\q
\v 24 No come friends wit da kine guys
\q2 Dat get mad bout eryting.
\q No hang out wit da kine guys
\q2 Dat come huhu weneva someting happen.
\q
\v 25 No good fo you learn how fo do
\q2 Jalike dat kine guys.
\q Cuz den you no can stop,
\q2 Jalike you stay inside dea trap.
\s2 3
\q
\v 26 No be da kine guy dat make deal
\q2 An tell, “If dis odda guy no can pay off wat he owe,
\q2 Den I go pay um off.”
\q
\v 27 Cuz bumbye, if you no mo nuff fo pay,
\q2 Da guy dat lend da money to da odda guy
\q2 Even can throw you outa yoa bed
\q2 An take dat away from undaneat you.
\s2 4
\q
\v 28 No go move da property pin dat yoa ancesta guys wen put
\q2 Fo show wea yoa land end,
\q2 So you can steal da odda guy land.
\s2 5
\q
\v 29 Wen you spock somebody
\q2 Dat know how fo do his work real good,
\q Dat guy, goin work fo da king guys,
\q2 Not fo da kine guys dat nobody know.
\c 23
\s2 6
\q
\v 1 Wen you sit down fo eat
\q2 Wit one importan govmen guy,
\q You betta look an see
\q2 How come he put all da grinds in front you.
\q
\v 2 If you da kine guy dat like pig out,
\q2 Eat ony litto bit, no eat plenny.
\q
\v 3 No ack like you like pig out
\q2 On all da fancy kine stuff he put in front you,
\q2 Cuz maybe da guy like bulai you.
\s2 7
\q
\v 4 No go work hard fo come rich!
\q2 Be smart an take um easy.
\q
\v 5 You look litto bit at rich kine stuffs
\q2 An dey disappear,
\q Da rich kine stuff, jalike one eagle dat get wing
\q2 An fly away to da sky.
\s2 8
\q
\v 6 Wen one guy dat like get eryting,
\q2 Tell you fo come his place fo grind,
\q No go pig out
\q2 All da fancy kine stuff he put in front you.
\q
\v 7 Cuz dat kine guy,
\q2 Wen he tell you, “Eat up! Drink plenny!”
\q Inside him, he stay tinking all da time,
\q2 “How much I gotta pay fo dis guy, aah?”
\q2 He not tinking bout you.
\q
\v 8 Da litto bit you eat,
\q2 You goin barf um back up.
\q Da nice tings you tell da guy,
\q2 Ony wase time.
\s2 9
\q
\v 9 No say notting
\q2 To da kine guy dat tink he too smart
\q2 But yet he not too smart,
\q Cuz you know wat fo do erytime.
\q2 But you talk to him lidat,
\q2 He goin ack jalike wat you say, no mean notting.
\s2 10
\q
\v 10 No go move da stone
\q2 Dat yoa ancesta guys wen put
\q2 Fo mark wea dea land stay.
\q No try fo take ova da fields
\q2 Dat some kids own
\q2 Cuz dea fadda guy mahke awready,
\q
\v 11 Cuz God, he da one get da kuleana
\q2 Fo take care dem,
\q2 An he plenny strong.
\q He goin talk to da judge fo dem,
\q2 An agains you.
\s2 11
\q
\v 12 Wen somebody like teach you
\q2 Da right way fo live,
\q2 Lissen plenny bout wat dey tell!
\q Wen somebody talk
\q2 Bout stuff you need to know,
\q2 Lissen to wat dey tell!
\s2 12
\q
\v 13 Wen da kids need learn
\q2 How fo live da right way,
\q2 No hold back.
\q Mo betta dea okole sore,
\q2 Den bumbye dey get cut off from God.
\q
\v 14 You da one fo punish um.
\q2 Bumbye you da one can get um outa trouble
\q2 So dey no mahke.
\s2 13
\q
\v 15 Eh ma boy, if deep inside you
\q2 You know wat fo do erytime,
\q2 Den I goin stay real good inside too.
\q
\v 16 Goin make me feel real good inside
\q2 Wen I hear you talk bout wass right.
\s2 14
\q
\v 17 No look wat da bad kine guys do,
\q2 An make like you like do
\q2 Wateva dey doing.
\q Mo betta, go all out all da time
\q2 Fo show plenny respeck fo Yahweh.
\q
\v 18 Cuz fo shua, bumbye,
\q2 Wen you come ol, yoa life goin be good.
\q Da tings you stay wait fo get,
\q2 You know you goin get um.
\s2 15
\q
\v 19 Eh ma boy, lissen good!
\q2 Go come da kine guy
\q2 Dat know wat fo do erytime!
\q Make shua
\q2 Da way you live, stay good!
\q
\v 20 No come like some a da guys
\q2 Dat suck um up too much erytime,
\q2 O dat pig out to da max.
\q
\v 21 Cuz anybody go suck um up an pig out too much,
\q2 In da end, dey no goin get notting --
\q Dey goin use ony da kine clotheses dat look like rags,
\q2 Cuz dey like sleep all da time.
\s2 16
\q
\v 22 Lissen good to yoa fadda guy,
\q2 Cuz he da one wen give you yoa life.
\q An wen yoa mudda come ol,
\q2 No make like she not importan.
\q
\v 23 Go learn wass true, jalike you buying um.
\q2 But no throw way wass true, jalike you selling um.
\q Learn how fo know wat fo do erytime,
\q2 An how fo live da way you suppose to,
\q2 An how fo undastan stuff.
\q
\v 24 Wen somebody [son / boy] do wass right,
\q2 His fadda guy goin feel real good inside.
\q Dat guy, dat get one kid
\q2 Dat know wat fo do erytime,
\q2 He goin dance an sing cuz a dat.
\q
\v 25 Good, yoa fadda-mudda guys like dance an sing lidat!
\q2 An da one dat wen born you,
\q2 I like her feel good inside bout you.
\s2 17
\q
\v 26 Eh ma boy, let me teach you how fo tink good!
\q2 Wen you watch how I stay live,
\q2 I like you stay real good inside bout wat you see.
\q
\v 27 Cuz da wahines dat fool aroun fo money,
\q2 An da wahines dat awready stay marry odda guys,
\q Going make trouble fo you
\q2 If you hang aroun wit dem,
\q Jalike you goin fall inside one deep hole
\q2 An no can get outa dea.
\q
\v 28 Dat kine wahine,
\q2 Dey wait fo jump you
\q2 Jalike da steala guys,
\q An dey erytime make mo an mo guys
\q2 Break up wit dea wife.
\s2 18
\q
\v 29 Who yell “Auwe”?!
\q2 Who get sore head?!
\q Who like beef all da time?!
\q2 Who grumble?!
\q Who get cut an donno how come?!
\q2 Who get red eye?!
\q
\v 30 Da peopo dat suck um up till late,
\q2 Cuz dey go all ova fo check out
\q Da diffren kine wine wit spice.
\q2 Dey da ones get hard time.
\q
\v 31 No look da kine wine dat make you like go suck um up.
\q2 No matta look nice an red,
\q An look sparkly inside da wine glass,
\q2 An go down real easy,
\q
\v 32 Cuz bumbye, goin bite you jalike one snake,
\q2 An fill you up wit poison,
\q2 Jalike da kine snake dat kill you!
\q
\v 33 Inside yoa head,
\q2 You see any kine stuff
\q2 Dat you no can handle,
\q2 An yoa head goin make you talk like you pupule.
\q
\v 34 You goin feel like you try fo sleep
\q2 Inside one boat inside da middo a da ocean,
\q2 But laying on top da mast!
\q
\v 35 You goin talk lidis:
\q2 “Da buggas, dey wen hit me,
\q2 But I no feel sore!
\q Dey wen bus me up,
\q2 An I neva know!
\q Wen I wake up,
\q2 I goin get anodda drink!”
\c 24
\s2 19
\q
\v 1 No tink you like get wat da bad guys get.
\q2 No go like fo hang out wit dem.
\q
\v 2 Cuz da bad guys ony like tink
\q2 How fo hurt somebody.
\q Da way dey talk,
\q2 Az ony fo make trouble.
\b
\s2 20
\q
\v 3 Fo make yoa ohana come strong,
\q2 Make shua da peopo know wat fo do erytime.
\q Make shua dey real good fo eryting,
\q2 Den fo shua dey goin come solid.
\q
\v 4 Wen yoa ohana peopo know plenny stuff,
\q2 All da rooms inside dea house
\q Goin get plenny nice kine stuffs
\q2 Dat odda peopo no can get.
\b
\s2 21
\q
\v 5 Da guy dat know wat fo do erytime,
\q2 He strong.
\q Da guy dat know plenny stuff,
\q2 He come mo strong.
\q
\v 6 Cuz fo make war,
\q2 You gotta need diffren peopo
\q2 Fo help you make one good plan.
\q You gotta lissen to plenny peopo
\q2 Dat can tell you wass good fo do,
\q2 So dat you can win da war.
\b
\s2 22
\q
\v 7 Da peopo dat do bad kine stuff
\q2 An dat no bodda dem,
\q No way dey goin undastan
\q2 Wat da guys dat know wat fo do erytime, tell.
\q Az why, wen dey go by da importan peopo,
\q2 Dey no mo notting fo tell.
\b
\s2 23
\q
\v 8 Da guy dat tink plenny
\q2 How fo do bad kine stuffs,
\q Peopo goin call him
\q2 Da Guy Dat Like Make Trouble.
\q
\v 9 Wen peopo make plan
\q2 Fo go all out fo do stupid kine stuff,
\q2 Az no good!
\q An da big head kine guys
\q2 Dat ony talk stink bout erybody,
\q2 Odda peopo say dey pilau.
\b
\s2 24
\q
\v 10 If you lose fight
\q2 Wen get big kine trouble,
\q2 Fo shua, you not too strong!
\b
\s2 25
\q
\v 11 Wen peopo like fo kill somebody
\q2 Dat neva do notting wrong,
\q2 You gotta do someting fo stop um!
\q Wen dey goin kill um,
\q2 An da guy shaking an no can run away,
\q2 No let um mahke!
\q
\v 12 An if you make
\q2 Like you neva know notting,
\q Fo shua, Yahweh know
\q2 How you stay inside.
\q An he goin know
\q2 Why you neva do someting,
\q2 O if you neva know fo real kine.
\q An da same way erybody make,
\q2 Az how Yahweh goin pay um back.
\b
\s2 26
\q
\v 13 Eh ma boy, eat honey, cuz az good.
\q2 Da honey comb, taste real sweet wen you eat um.
\q
\v 14 Fo shua, if you know wat fo do erytime,
\q2 Dat goin make you stay good inside,
\q2 Jalike wen you eat honey.
\q If you learn wat fo do erytime,
\q2 Den wateva happen afta dat, eryting goin be good.
\q Fo wateva you stay wait fo,
\q2 Notting goin hold you back.
\b
\s2 27
\q
\v 15 No ack jalike one bad guy
\q2 An go wait outside da house
\q2 Wea one guy dat do wass right erytime stay,
\q So dat you can jump um an hurt um,
\q2 Den go mess up da place wea he res.
\q
\v 16 Cuz da kine guy dat do wass right erytime,
\q2 No matta he fall down seven time,
\q2 He goin come right back up.
\q But da bad guys, dey goin stay down
\q2 Weneva bad tings happen to dem.
\b
\s2 28
\q
\v 17 Wen somebody dat stay agains you get trouble,
\q2 No feel good bout dat!
\q Wen da guy no can handle,
\q2 No feel good inside bout dat!
\q
\v 18 No good, cuz if Yahweh see
\q2 Dat you feel good bout wat stay happen
\q2 Wen da guy dat stay agains you get trouble,
\q Yahweh no goin like how you stay do!
\q2 Den, he no goin stay huhu wit da odda guy.
\b
\s2 29
\q
\v 19 No let yoaself come all bum out
\q2 Bout da peopo dat stay do bad kine stuff.
\q No come jealous
\q2 Jus cuz da bad kine peopo get stuff dat you no mo.
\q
\v 20 Cuz fo da bad kine peopo,
\q2 Wateva happen afta dat,
\q Az fo shua no goin come good.
\q2 Jalike God goin pio dea light.
\b
\s2 30
\q
\v 21 Eh ma boy, stay scared a Yahweh
\q2 An da king.
\q But no hang out wit da kine govmen guys
\q2 Dat ony like get mo an mo powa!
\q
\v 22 Cuz quick time,
\q2 Yahweh an da king
\q Goin wipe out dat kine guys,
\q2 An nobody know how plenny dey goin suffa.
\s Odda Stuff Da Smart Guys Tell
\p
\v 23 An now, some odda tings from da guys dat know wat fo do erytime:
\q Wen you da judge,
\q2 No good you judge diffren fo some peopo.
\q
\v 24 Da kine judge dat tell “Az okay, no can find notting agains you”
\q2 Wen somebody wen do bad ting,
\q All da diffren peopos goin like put kahuna
\q2 On top dat kine judge.
\q Da diffren nations goin come huhu
\q2 An tell az no good, how he make.
\q
\v 25 But da kine judges dat punish
\q2 Da ones dat wen do bad ting,
\q Erybody goin feel good bout dose kine judges,
\q2 An goin aks God
\q2 Fo do good tings fo dem.
\b
\q
\v 26 Wen somebody talk to you strait
\q2 An no bulai you,
\q Az jalike dey kiss you,
\q2 Cuz dey show dey yoa friend fo real kine.
\b
\q
\v 27 Make ready all da outside kine work you gotta do,
\q2 An make da field ready fo plant.
\q2 Afta dat, go build yoa house.
\b
\q
\v 28 No go in front da judge
\q2 An tell um wat you wen see one nodda guy do,
\q2 If da guy neva do notting.
\q O if you gotta tell da judge someting,
\q2 No bulai.
\q
\v 29 No go tink,
\q2 “Eh, I goin make to dat bugga
\q Jalike he wen do to me!
\q2 I goin pay um back fo dat!”
\b
\q
\v 30 One time, I go by da field an da grape farm
\q2 Dat one lazy bugga own,
\q2 Dat guy, he not too smart!
\q
\v 31 An you know wat?!
\q2 Get plenny weed all ova da place,
\q An thorn bush all ova da groun!
\q2 Da stone wall, all broke down!
\q
\v 32 Me, I look, an I start fo tink plenny
\q2 From wat I see dea.
\q2 I learn how fo live da right way.
\q
\v 33 Dis wat I learn:
\q2 If you sleep litto bit, kick back litto bit moa,
\q2 Roll ova so you can moemoe some moa,
\q
\v 34 Real quick time, you goin come broke,
\q2 Jalike one steala guy wen come rip you off.
\q You goin need kokua, but nobody goin come kokua you,
\q2 Jalike one robba jump you.
\c 25
\s Hezekiah Guys Put Togedda Wat Solomon Tell
\p
\v 1 Get some mo tings King Solomon wen tell, importan kine stuff fo make us tink. Da guys dat work fo Hezekiah, da king fo da Judah peopo, an dis wat dey put togedda:
\q
\v 2 Wen God hide tings so we no can see um,
\q2 Da peopo show respeck fo him.
\q Wen one king guy work hard
\q2 Fo help da peopo undastan wass happening,
\q2 Peopo show respeck fo dea king.
\q
\v 3 An gotta work hard fo undastan how da king guys tink,
\q2 Jalike az hard fo undastan how high da sky,
\q2 O how deep da earth stay.
\q
\v 4 Wen you clean out da junks from da silva metal,
\q2 Da silva look good,
\q2 So den da silva worka can make someting wit um.
\q
\v 5 Wen you clean out da bad kine peopo
\q2 Dat work fo da king,
\q2 Den he can do wass right fo da peopo,
\q An goin get plenny odda kings
\q2 Dat come from his blood.
\q
\v 6 Wen you stand in front da king,
\q2 No ack like you high makamaka
\q2 Fo him show respeck fo you.
\q No go stand
\q2 Wea da real importan peopo suppose to stand.
\q
\v 7 Cuz az mo betta if da king tell you,
\q2 “Eh, come up hea by me!”
\q An if he no tell you dat, you going come shame
\q2 Wen one ali`i guy dass mo importan den you
\q2 Come dea, an dey make you go down.
\b
\q Wat you see wen someting happen,
\q2
\v 8 No go quick fo take somebody in front da judge.
\q Cuz in da end,
\q2 If da guy can show proof he neva do um,
\q2 Goin make you plenny shame!
\q
\v 9 Mo betta, if you talk wit da odda guy fo talk bout wat wen happen,
\q2 But no tell odda peopo, cuz az jus fo da two a you.
\b
\q
\v 10 No good odda peopo hear bout dis,
\q2 Cuz goin make you shame!
\q Da bad tings peopo goin say bout you
\q2 No goin pau.
\b
\q
\v 11 Cuz wen somebody say da right ting
\q2 At da right time,
\q Az real good,
\q2 Dis, jalike one apple dey make from gold wit silva aroun.
\q
\v 12 Wen one guy dat know wat fo do erytime
\q2 Tell you dat someting you wen do, no good,
\q2 An you ready fo lissen,
\q Az real good,
\q2 Jalike gold ear ring
\q2 O necklace wit da bestes kine gold.
\q
\v 13 Wen you get somebody who can talk fo you
\q2 An you can trus um,
\q2 Make you feel good inside,
\q Jalike wen stay real hot,
\q2 An somebody bring you cold snow fo eat.
\q Ery time dat kine talka guy come back
\q2 Afta you send him some place,
\q You stay good inside
\q2 Cuz he do good job fo you.
\b
\q
\v 14 Da kine guy dat talk big
\q2 Bout one present he like give you,
\q An den he no give, he ony bulai,
\q2 He jalike cloud an wind dat no mo rain.
\q
\v 15 If you no hurry,
\q2 An no come huhu,
\q You can make da leada guys tink
\q2 Da same way you tink.
\q If you talk nice to dem,
\q2 Even da hard head guys goin lissen.
\q
\v 16 If you find honey,
\q2 No eat too much.
\q2 Bumbye you goin come sick.
\q
\v 17 Same ting, no go yoa friend house too much.
\q2 Cuz bumbye he goin hate you.
\q
\v 18 Wen somebody see his friend do someting,
\q2 An he tell da judge
\q Wat he see,
\q2 But he bulai,
\q Az jalike he stay hit his friend
\q2 Wit one war club o sword,
\q2 O shoot um wit one sharp arrow.
\q
\v 19 Wen you get plenny trouble,
\q2 An you gotta trus one guy
\q2 Dat like jam you up fo mess you up,
\q Az jalike you gotta eat wit rotten teeth
\q2 O walk wit one broke leg.
\q
\v 20 If you sing happy kine song to somebody
\q2 Dat stay all jam up inside,
\q Az jalike you steal da guy jacket wen stay cold,
\q2 O you pour vinegar on top baking soda
\q An ony make bubble,
\q2 No help notting.
\b
\q
\v 21 Wen get somebody hate you,
\q2 If da guy hungry, feed um.
\q2 If da guy thirsty, give um watta fo drink.
\q
\v 22 If you do dat,
\q2 Da guy goin tink diffren bout you, an feel shame,
\q Jalike you give him hot charcoal fo him take home cuz fire pio.
\q2 An Yahweh, he goin do good stuff fo you.
\b
\q
\v 23 Storm kine wind bring da rain.
\q2 You tell stuff nobody suppose to know,
\q2 Bring you da stink eye.
\q
\v 24 Mo betta you live
\q2 In one corna on top yoa flat roof,
\q Den fo try live inside da same house
\q2 Wit one wife dat grumble bout eryting.
\q
\v 25 Wen you hear good stuff
\q2 Dat happen far way,
\q Make you feel jalike somebody bring you cold watta
\q2 Wen you not strong
\q2 An you thirsty an yoa throat stay dry.
\q
\v 26 Wen get one guy dat do da right ting erytime,
\q2 An one bad guy push him aroun,
\q Az jalike wen one watta spring
\q2 Fill up wit mud o opala.
\q
\v 27 Wen one guy ack big head
\q2 Fo show he importan,
\q2 Dat show he not importan.
\q2 Jalike da guy eat mo honey den he need.
\q
\v 28 Wen one guy no can stay cool head,
\q2 He jalike one town dat stay all bus up,
\q2 An no mo wall.
\c 26
\q
\v 1 If you show respeck fo one dumb bugga
\q2 Dat tink he no need learn notting,
\q2 Make eryting stay hamajang.
\q Az jalike wen get snow summa time,
\q2 O get plenny rain wen time fo cut da food.
\q
\v 2 Wen you like put kahuna on top somebody,
\q2 Jus cuz you no like um,
\q2 No goin hurt him notting,
\q Jalike no hurt wen da sparrow bird fly all ova da place
\q2 O da swallow bird zigzag across da sky.
\q
\v 3 Fo make da horse go,
\q2 You need whip.
Fo make da donkey carry stuff,
\q2 You need strap aroun da head an nose.
\q But fo make da dumb buggas do someting,
\q2 Da ones dat tink dey no need learn notting,
\q2 Gotta wack dea back wit one stick fo make um move!
\q
\v 4 Wen one guy talk to you dat tink he no need learn notting,
\q2 No talk to him da same way he talk to you,
\q Jalike he one stupid head kine guy wit attitude.
\q2 Cuz den you goin be jalike him!
\q
\v 5 Wen one guy talk to you dat tink he no need learn notting,
\q2 Good you talk to him
\q2 Jalike he one stupid head kine guy wit attitude.
\q Den he no goin tink he da kine guy
\q2 Dat know wat fo do erytime!
\q
\v 6 Wen you tell one dumb bugga
\q2 Dat tink he no need learn notting
\q2 Fo tell somebody someting fo you,
\q Az jalike you cut off yoa own feets
\q2 O let somebody bus you up.
\q
\v 7 Wen one dumb bugga
\q2 Dat tink he no need learn notting
\q Try fo tell importan kine stuff
\q2 Fo make odda peopo tink plenny,
\q He jalike one guy dat no can walk
\q2 Cuz his leg no can work.
\q
\v 8 Wen you tell odda peopo
\q2 Bout one dumb bugga
\q Dat tink he no need learn notting,
\q2 An you tell um dat da guy important,
\q Az jalike you tie one rock inside one sling,
\q2 An den wen you ready fo throw um,
\q2 Da rock no can fly cuz stay stuck.
\b
\q
\v 9 Wen one dumb bugga
\q2 Dat tink he no need learn notting
\q Try fo tell importan kine stuff
\q2 Fo make odda peopo tink plenny,
\q Fo shua he goin hurt somebody,
\q2 Jalike wen one drunk guy
\q Get one kiawe plant wit plenny thorn
\q2 Fo wack somebody.
\q
\v 10 Anybody dat hire one dumb bugga
\q2 Dat no like learn notting,
\q2 O jus hire anybody,
\q He jalike one guy wit one bow an arrow
\q2 Dat shoot plenny arrow fo hit anybody
\q2 An he hit um.
\q
\v 11 Wen one guy dat no like learn notting
\q2 Stay do da same stupid kine stuff
\q2 Ova an ova, an get attitude,
\q He stay ack jalike one dog dat barf,
\q2 Den layta, he come back an eat wat he wen barf.
\q
\v 12 Mo easy, fo teach one dumb bugga
\q2 Dat no like learn notting,
\q Den fo teach one guy
\q2 Dat tink he know wat fo do erytime,
\q2 But yet he donno.
\b
\q
\v 13 Da guy dat too lazy fo go work, he tell,
\q2 “Get one wild lion outside dea!
\q2 Outside, on top da road!”
\q
\v 14 One lazy bugga turn dis way an dat way
\q2 On top da pune`e,
\q2 Jalike one door turn on da hinge.
\q
\v 15 Da lazy bugga, he put his hand inside one plate
\q2 Fo pick up someting fo grind,
\q But fo bring da hand back to his mout,
\q2 He too tired awready!
\q
\v 16 One lazy bugga tink he know mo betta
\q2 Wat fo do erytime,
\q Den seven guys
\q2 Dat can tell you how come dey do
\q2 Wat dey doing.
\b
\q
\v 17 If you hear odda peopo talking like dey beefing
\q2 An you jump in, no matta az not bout you,
\q Az Stupid, dat!
\q2 Jalike grabbing one wild dog by da ears.
\q
\v 18-19 Wen one guy bulai his friend,
\q2 An den he tell um, “Az ony one joke, you know!”
\q Az jalike he one crazy an danger guy
\q2 Dat shoot burning arrows fo kill anybody.
\q
\v 20 Wen no mo nuff kiawe wood,
\q2 Da fire, pio.
\q Wen nobody talk stink,
\q2 No get peopo fo talk back,
\q2 Jalike dey like beef.
\q
\v 21 From charcoal, can get hot ashes.
\q2 From kiawe, get fire.
\q From da kine guy dat like beef,
\q2 Get all kine argue.
\q
\v 22 Wen da kine peopo dat talk stink talk plenny,
\q2 Odda people take wat dey say, jalike az good kine candy!
\q2 Wat dey hear, stay inside dem.
\q
\v 23 Wen somebody talk nice to you,
\q2 jalike eryting stay okay,
\q2 But inside, dey like hurt you,
\q Az jalike wen peopo put da junks from melt silva
\q2 All ova one clay pot
\q Fo make um look fancy kine,
\q2 But still, ony one clay pot.
\q
\v 24 Cuz wen get somebody dat hate peopo,
\q2 But den he talk real nice to you,
\q2 Inside, he stay try fo bulai you.
\q
\v 25 No believe dat kine guy,
\q2 No matta he make eryting he tell
\q2 Sound real good.
\q Cuz inside him, da guy get
\q2 All pilau kine stuff he stay tinking.
\q
\v 26 Da guy like make you tink someting good goin happen,
\q2 But he ony talk,
\q2 So dat you foget he stay hate you.
\q But wen he come in front all da odda peopo,
\q2 Den he no can hide from dem wat he do,
\q2 Cuz dey know wat he do, stay bad.
\b
\q
\v 27 You dig one hole fo catch somebody,
\q2 You da one goin fall down inside!
\q You push one big rock fo smash somebody,
\q2 You da one goin get smash!
\q
\v 28 If somebody bulai you,
\q2 Dat mean he hate you an like hurt you.
\q If smooth, da words from da guy mout,
\q2 Den somebody goin come jam up plenny.
\c 27
\q
\v 1 No talk big bout wat you goin do tomorrow.
\q2 Cuz you donno wat goin happen den.
\q
\v 2 Mo betta you let somebody you donno talk big bout you,
\q2 An not you.
\q2 Mo betta you let somebody from anodda place tell good tings bout you,
\q2 So you no need say notting.
\b
\q
\v 3 Heavy, fo carry one big stone.
\q2 But da sand mo hard fo carry.
\q But mo heavy an mo hard,
\q2 Wen get da kine guy do bad kine stuff an no bodda him,
\q2 An he make trouble fo you!
\q
\v 4 Wen somebody huhu wit you,
\q2 Dey make eryting real hard fo you.
\q Wen dey like get you back,
\q2 Feel jalike one flood wipe you out.
\q But mo worse wen somebody stay jealous.
\q2 Nobody can handle dat.
\q
\v 5 Mo betta, wen somebody come in front erybody fo talk
\q2 Afta you do someting wrong,
\q Den if somebody stay love you, but dey no say notting.
\b
\q
\v 6 Wen yoa good friends tell you you wen do someting wrong,
\q2 You feel jalike dey make you bleed,
\q2 But still yet, you can trus dem.
\q Wen somebody dat hate you kiss you plenny time
\q2 Az cuz dey stay bulai you.
\q
\v 7 Wen yoa opu stay full cuz you eat too much,
\q2 Even honey make you like barf.
\q But wen you stay real hungry,
\q2 Even da food dat taste bad, taste good.
\q
\v 8 Wen one guy stay away from his house,
\q2 Az jalike one bird stay away from da nest.
\q
\v 9 Wen one friend kokua you
\q2 An tell you how da bestes way fo do someting,
\q2 Az real sweet!
\q Make you feel good inside
\q2 Jalike wen somebody give you olive oil an perfume.
\q
\v 10 No foget bout yoa friends
\q2 An yoa fadda friends.
\q Wen someting bad happen to you,
\q2 No go yoa relative house.
\q Mo betta go one friend live nea you fo help you,
\q2 Den one relative dat live far away.
\q
\v 11 Ma boy, be da kine guy
\q2 Dat know wat fo do erytime.
\q You do dat, den you goin make me feel real good inside!
\q2 An if anybody talk stink to me,
\q2 I goin know wat fo tell um back.
\q
\v 12 Da akamai kine peopo,
\q2 Wen dey see someting bad goin happen,
\q2 Dey go hide.
\q Da ones dat donno notting an easy fo bulai,
\q2 Dey jus keep going,
\q2 An layta, az too late, dey pay da price.
\b
\q
\v 13 If some guy you donno owe you money,
\q2 An if some odda guy make promise
\q2 Fo pay you back if da guy you donno no can,
\q Mo betta you hold da coat a da guy dat make da promise,
\q2 Cuz fo shua, da guy you donno, he no goin pay!
\q An if get one wahine you donno dat owe you money,
\q2 Make shua you hold someting dat cost plenny from her,
\q2 So you can sell um if she no pay you back!
\b
\q
\v 14 If ery day you get up early
\q2 An yell loud to da guy nex door,
\q2 “I like God do good tings fo you!”
\q Dat guy goin tink,
\q2 “You putting kahuna on top me, o wat?!”
\q
\v 15 Da kine wahine dat stay grumble wit you fo do someting all da time,
\q2 Her jalike wen get rain all day an get leak in da roof!
\q
\v 16 Fo try make her shut her mout,
\q2 Az jalike you trying fo make da wind no blow,
\q2 O jalike you try fo grab oil wit yoa hand!
\q
\v 17 Fo make sharp someting iron,
\q2 Need iron.
\q Fo make sharp one friend,
\q2 Need anodda friend.
\q
\v 18 If you da one take care one fruit tree,
\q2 Den you goin eat da fruit.
\q An you da one take care yoa boss,
\q2 Den you goin get respeck fo dat.
\q
\v 19 You look down inside da watta,
\q2 You see yoa face.
\q You look inside you,
\q2 You see wat kine guy you fo real kine.
\q
\v 20 Da Mahke Peopo Place,
\q2 Dey call um Da Deep Dark Hole,
\q2 Erytime like suck mo plenny peopo down inside.
\q Same ting fo da peopo dat get greedy eye,
\q2 Dey erytime like take mo plenny stuff.
\q
\v 21 Fo find out if silva an gold, good o no good,
\q2 Gotta melt dem inside da fire.
\q Fo find out if one guy, good o no good,
\q2 Gotta see how he ack
\q2 Wen peopo stay tell good tings bout him.
\q
\v 22 One guy dat do bad kine stuff an dat no bodda him,
\q2 You no can do notting fo he no ack lidat.
\q No matta you grind him up jalike food wit one poi pounda,
\q2 No way you goin make um stop doing bad kine stuff.
\b
\q
\v 23 You gotta make shua you know
\q2 How yoa sheeps an goats stay.
\q You gotta know plenny bout
\q2 How fo take care yoa animals.
\q
\v 24 \q No matta you get plenny rich kine stuffs,
\q2 All dat no goin stay foeva.
\q Even if you one king,
\q2 You no can be shua
\q2 Yoa line goin stay king foeva.
\q
\v 25 Afta you cut da hay from da field
\q2 Fo feed yoa animals,
\q An you see da new grass coming up,
\q2 An you even cut da grass from on top da mountains,
\q
\v 26 Den you can even use da wool from da bebe sheeps
\q2 Fo make yoa clotheses,
\q An you can even sell yoa boy kine goats
\q2 Fo buy anodda field.
\q
\v 27 An da wahine goats goin give you all da milk you need
\q2 Fo make cheese fo all yoa ohana peopo eat,
\q2 An fo da wahines dat work fo you.
\c 28
\q
\v 1 Da bad guys, dey run away
\q2 Jalike somebody stay chase dem,
\q2 No matta no mo nobody chase dem.
\q But da peopo dat stay do wass right,
\q2 Dey stay shua dey stay okay,
\q2 Jalike one lion dat no scared notting.
\q
\v 2 Wen da peopo inside one land go agains da govmen,
\q2 Get plenny peopo like stay in charge.
\q But wen da govmen get somebody
\q2 Dat undastan how tings gotta be an know plenny stuff,
\q2 Eryting stay good, long time.
\q
\v 3 Wen one strong guy dat no mo notting take ova da govmen
\q2 An make any kine to da peopo dat need stuff,
\q Dass jalike wen one big rain come down
\q2 An wash out eryting da peopo wen plant,
\q2 So den dey no mo food.
\q
\v 4 Da kine peopo dat tink God's Rules no good,
\q2 Dey talk good bout bad kine peopo.
\q But da ones dat stay do wat da Rules tell,
\q2 Dey go agains wat da bad kine peopo do.
\b
\q
\v 5 Da bad kine peopo,
\q2 Dey donno how fo judge da right way.
\q But da peopo dat like know Yahweh fo real kine,
\q2 Dey know eryting bout wass right an wass wrong.
\q
\v 6 Mo betta you no mo notting,
\q2 An peopo goin trus you,
\q Den get plenny,
\q2 But dey know you one crook.
\q
\v 7 Da kine young peopo dat lissen wat God's Rules tell,
\q2 Dey undastan stuff real good.
\q But da ones dat hang out wit da no good kine peopo,
\q2 Dey make shame fo dea fadda-mudda guys.
\q
\v 8 If you lend peopo money,
\q2 But charge um big time interes
\q2 So you can come rich quick,
\q Az jalike you collecking money
\q2 Fo some odda guy
\q Dat goin use um
\q2 Fo kokua da peopo dat no mo notting
\q2 Jus cuz he like kokua dem.
\q
\v 9 Wen somebody make deaf ear
\q2 An no lissen da Rules from God,
\q Wen da guy pray to God,
\q2 God goin tell,
\q2 “Auwe! No good, wat you tell me!”
\q
\v 10 Wen somebody go bulai good kine peopo
\q2 Fo make um go da wrong way,
\q Jalike dey stay dig one hole fo trap da good guys,
\q2 But dey da ones goin fall inside.
\q But da kine peopo dat do da right ting erytime,
\q2 God goin give dem good tings
\q2 Cuz dey his kids.
\q
\v 11 Get rich guys dat tink dey da one
\q2 Dat know wat fo do erytime
\q But one guy dat no mo notting,
\q2 But he undastan plenny,
\q2 He da one can figga if da rich guy real, o not.
\q
\v 12 Wen eryting come out good
\q2 Fo da peopo dat stay do wass right,
\q2 Erybody tink, “Eh, dass awesome!”
\q But wen da bad kine peopo stay in charge,
\q2 Da peopo go hide.
\q
\v 13 Whoeva do stuff agains God,
\q2 An den try fo cova up wat dey wen do,
\q2 Garans stuff no goin come out good fo dem.
\q Whoeva do stuff agains God,
\q2 But den dey tell God dey wen do wass wrong,
\q An no make lidat no moa,
\q2 God give dem chance.
\q
\v 14 Da peopo dat no do notting bad
\q2 Cuz dey erytime come real scared wat goin happen,
\q2 Dey can stay good inside.
\q But da ones dat no care cuz dey hard head,
\q2 Dey goin fall down real hard,
\q2 An bad tings goin happen to dem.
\q
\v 15 Wen one leada guy stay bad,
\q2 An da peopo dat no mo notting
\q2 No can do notting bout da guy,
\q Dey feel jalike get one lion
\q2 Dat make big noise fo bite um,
\q2 O jalike get one bear dat stay chase um.
\q
\v 16 Wen get one leada guy dat no can tink,
\q2 He ony like put presha
\q2 Fo peopo give him stuff.
\q But da leada guys dat no take
\q2 Unda da table kine money,
\q2 Dey goin live long time.
\b
\q
\v 17 Wen one guy kill anodda guy,
\q2 Goin bodda da killa guy, till he mahke.
\q2 An no good, odda peopo try fo kokua him.
\q
\v 18 Whoeva live so nobody can poin finga him,
\q2 God goin help dat kine guy.
\q But whoeva live crooked kine,
\q2 Anyting he goin do, he goin fall down hard.
\q
\v 19 Da guy dat farm his own land
\q2 Goin get all da food he need.
\q But da guy dat ony do wase time kine stuffs
\q2 No goin get notting.
\q
\v 20 Da kine guy you can trus erytime,
\q2 God goin do plenny good tings fo him.
\q But da kine guy dat try hard fo come rich fas,
\q2 God goin punish him.
\q
\v 21 No good, you no make same same fo erybody.
\q2 But get guys dat goin broke da rules
\q2 If you give um even one small piece bread.
\q
\v 22 Da greedy kine peopo
\q2 Dat like come rich real fas,
\q Dey donno dat bumbye,
\q2 Dey goin come broke an no mo notting.
\q
\v 23 Whoeva do wass wrong,
\q2 An you tell um wat he do, stay wrong,
\q Bumbye he goin give you plenny respeck.
\q2 But if you talk jalike no mo notting wrong,
\q2 An eryting stay okay,
\q2 Den da odda guy no goin get respeck fo you.
\q
\v 24 Whoeva go steal from dea fadda o mudda
\q2 An tell, “Az awright,
\q2 Wat I wen do, no goin bodda dem!”
\q He jalike da guys
\q2 Dat stay kill odda peopo!
\q
\v 25 Da greedy guys,
\q2 Dey da ones make erybody like fight.
\q But da guys dat stay trus Yahweh,
\q2 He goin make eryting come real good fo dem.
\q
\v 26 Whoeva tink da way dey stay tink is right erytime,
\q2 Dey tink dey know eryting but dey donno.
\q But whoeva know wat fo do erytime,
\q2 An live lidat,
\q2 Dey no goin get hurt.
\q
\v 27 You give stuff to peopo dat no mo notting,
\q2 God goin make shua you no goin need notting.
\q You make like you donno notting
\q2 So you no gotta see da peopo dat no mo notting,
\q Bumbye goin get kahuna put on top you
\q2 So you no can do notting.
\q
\v 28 Wen da bad guys stay in charge,
\q2 Erybody go hide.
\q Wen da bad guys come wipe out,
\q2 Get mo plenny peopo dat stay do wass right.
\c 29
\q
\v 1 Da kine guy dat make deaf ear
\q2 Cuz peopo tell um ova an ova he do wrong an he betta stop,
\q Fo real Yahweh goin bring down dat guy one time.
\q2 Cuz no way da guy can come good bumbye.
\q
\v 2 Wen da peopo dat stay do wass right, come da main one,
\q2 Erybody stay good inside.
\q Wen da bad peopo stay in charge,
\q2 Erybody like say, “Auwe! Bummas!”
\q
\v 3 Whoeva really like know wat fo do erytime,
\q2 Dea fadda guy goin feel real good inside bout dem.
\q Whoeva hang out wit da wahines dat fool aroun fo money,
\q2 Dey ony throw way wat dey get fo notting.
\q
\v 4 Wen da king judge da right way,
\q2 Make da whole land come strong.
\q But if get somebody dea dat make peopo give um unda da table kine money,
\q2 He make da whole land come mo worse!
\q
\v 5 Wen you talk nice kine fo bulai one nodda guy,
\q2 Watch out!
\q Jalike you put down one net
\q2 Fo trap yoa own feets!
\q
\v 6 Wen da bad kine peopo go agains God,
\q2 Wat dey do, goin catch dem jalike one trap.
\q But da peopo dat stay do wass right,
\q2 Dey no need worry.
\q2 Dey can dance an sing cuz dey feel good inside.
\q
\v 7 Da guys dat do wass right erytime,
\q2 Dey know dat da peopo dat no mo powa
\q2 Get rights wen dey gotta go in front da judge.
\q Da guys dat stay do bad kine stuff,
\q2 Dey no even tink bout da odda guys rights.
\q
\v 8 Da kine peopo dat like talk stink fo make peopo feel bad,
\q2 Dey make erybody inside dea town come huhu.
\q But da kine peopo dat know wat fo do erytime,
\q2 Dey make da odda guys come cool head.
\q
\v 9 Wen one guy dat know wat fo do erytime
\q2 Take one kine guy wit attitude dat tink he know mo den him
\q2 In front da judge,
\q Da guy wit attitude ony goin talk stink kine an laugh
\q2 An no can shut um up.
\q
\v 10 Da kine guys dat like kill peopo,
\q2 Dey hate da guys dat do wass right,
\q2 An go look fo dem fo kill um.
\q
\v 11 Da stupid kine buggas dat tink dey no need learn notting,
\q2 Dey make shua dat erybody know wat dey tinking.
\q But da peopo dat know wat fo do erytime,
\q2 Dey stay cool head,
\q2 An hold back an no say notting bout wat dey tinking.
\q
\v 12 Wen one leada guy lissen to da bulaia guys,
\q2 Erybody dat work fo him goin come jalike him,
\q2 Bulaia too.
\q
\v 13 Da peopo dat no mo notting,
\q2 An da peopo dat put presha on dem,
\q Dey all same same, you know.
\q2 Cuz Yahweh da One let dem live.
\q
\v 14 Wen one king judge da poor peopo da way dey can trus,
\q2 Fo shua his ohana line goin get king guys, foeva.
\q
\v 15 Teach yoa kids da right way fo ack
\q2 An use da paddle if dey need um.
\q Den dey goin come da kine peopo
\q2 Dat know wat fo do erytime.
\q But if you no punish um fo teach um how fo ack,
\q2 Dey goin make shame fo dea mudda.
\q
\v 16 Wen da crooked kine peopo get powa,
\q2 Get mo plenny bad kine stuff happen.
\q But wen get peopo dat do wass right,
\q2 Dey goin see dose bad guys come wipe out.
\q
\v 17 Wen yoa kids do someting bad,
\q2 Punish um fo teach um da right ting fo do.
\q Den bumbye, you no need worry bout dem.
\q2 Den dey goin do all da good kine stuff you wen teach um,
\q2 Dat goin make you stay real good inside.
\b
\q
\v 18 Wen no mo nobody talk fo God,
\q2 Da peopo buckaloose.
\q But anybody dat stay do wat da Rules tell,
\q2 Dey can stay good inside.
\q
\v 19 If you ony talk to yoa worka guys an no do notting,
\q2 Dey no goin bodda fo lissen.
\q Maybe dey undastan da words you tell dem,
\q2 But still yet, dey no goin change notting.
\q
\v 20 Wen get one guy dat talk befo he tink,
\q2 Goin be mo hard fo teach dat guy fo tink befo he talk,
\q2 Den fo teach one stupid guy fo know wat fo do erytime,
\q
\v 21 If one young guy work fo you,
\q2 An you make um real easy fo him do wateva he like,
\q2 Bumbye he goin give you attitude.
\q
\v 22 Anybody dat stay real huhu all da time,
\q2 Dey like beef erybody.
\q Anybody dat stay mad all da time,
\q2 Dey erytime goin go agains you.
\q
\v 23 Anybody dat ack high makamaka,
\q2 Dey goin come notting cuz a dat.
\q Anybody dat no ack high makamaka,
\q2 Dey goin get plenny respeck.
\q
\v 24 If you stay take one steala guy fo work same kine like you,
\q2 Fo shua, you no like live long time!
\q You hear dat get kahuna on top you if you no tell wat you know,
\q2 But still yet, you no tell notting!
\q
\v 25 Anybody stay scared an shaking
\q2 Cuz a how dey tink odda peopo tink bout dem,
\q2 Az jalike one trap dat catch da guy dat stay scared.
\q But anybody stay trus Yahweh,
\q2 Yahweh goin make shua notting hurt dem.
\q
\v 26 Get plenny peopo
\q2 Dat like make da guy in charge tink dey stay okay.
\q But Yahweh, he da ony one can tell
\q2 Who stay okay an who no stay okay
\q2 Fo real kine.
\q
\v 27 Da peopo dat stay do wass right,
\q2 Dey tink az pilau, wen peopo do wass wrong.
\q Da bad kine peopo,
\q2 Dey tink az pilau, wen peopo live da right way!
\c 30
\s Wat Agur Tell
\p
\v 1 Dis, da tings Jakeh boy Agur tell. He get real importan message fo tell fo God. Dis wat da guy tell to Ithiel, an to Ukal too:
\q
\v 2 Cuz I know I one dumb bugga, an mo like one animal den one guy.
\q2 I no undastan wat peopo suppose to undastan.
\q
\v 3 I neva learn how fo know wat fo do erytime,
\q2 An da stuff dat da God Dat Stay Good An Spesho know, I donno.
\q
\v 4 You know, no mo nobody but God
\q2 Can go up inside da sky,
\q2 Den come back down hea.
\q No mo nobody
\q2 Can hold da wind inside his two hand
\q2 Fo make um blow o no blow.
\q No mo nobody
\q2 Can wrap his coat aroun da ocean fo carry um.
\q No mo nobody
\q2 Can make da whole world, even da mos far places.
\q If you know somebody dat can do all dat,
\q2 Let me know who him an wat his name!
\q2 Let me know who his boy an wat his boy name!
\q
\v 5 Eryting God tell,
\q2 You know az true
\q Wen you trus him fo take care you.
\q2 He jalike one shield fo you no get hurt.
\q
\v 6 No go tell, God wen say someting
\q2 An he neva say dat.
\q If you do dat,
\q2 God goin show dat you stay wrong,
\q2 An peopo goin find out, you one bulaia.
\b
\q
\v 7 Eh God! Get two tings I like aks you fo do fo me befo I mahke!
\q2 No tell me you no like do um.
\q
\v 8 Firs ting, no let me do wase time kine stuff
\q2 O bulai odda peopo.
\q Da nex ting, no let me come poor so I no mo notting,
\q2 O give me mo stuff den I need.
\q2 Jus make me feel good wit nuff food an tings fo wat I need.
\q
\v 9 No good I get eryting I like,
\q2 An den ack like I donno you, God,
\q2 An tell, “Who Yahweh?! He no mean notting fo me!”
\q An no good I come real poor so I no mo notting,
\q2 An den I start fo steal stuffs from odda peopo,
\q2 An give you, da God I pray to, one bad name.
\s Wat Odda Smart Guys Tell
\q
\v 10 No talk stink to one boss guy bout his worka guy.
\q2 Cuz da worka guy goin tell God, an God goin hurt you,
\q2 An punish you lidat.
\b
\q
\v 11 Get da kine peopo
\q2 Dat tell God fo hurt dea fadda
\q2 An no tell God fo do good tings fo dea mudda.
\q
\v 12 Dey da kine peopo
\q2 Dat tink no mo notting wrong wit dem.
\q An inside dem, dey pilau,
\q2 An dey no let nobody make um come clean inside.
\q
\v 13 Dey da kine peopo
\q2 Dat ack jalike dey mo betta den erybody.
\q2 Az why wen dey look at you, jalike you notting.
\q
\v 14 An dat kine peopo,
\q2 Dey like wipe out da peopo dat no mo powa
\q2 From all ova da world.
\q Dey like wipe out da peopo dat need help
\q2 So dey no need help um an dey go way.
\q Dey jalike da wild animal
\q2 Dat get sharp teeth, jalike one sword o knife!
\b
\q
\v 15 Da leech, da kine dat suck yoa blood, get two girls,
\q2 Dea names, “Suck!” an “Suck!”
\b
\q An get three odda tings
\q2 Dat keep sucking an no nuff yet fo dem:
\q2
\v 16 Da Mahke Peopo Place,
\q2 Da kine wahine dat no can get hapai,
\q2 Da kine groun dat erytime need watta.
\q An numba four, da kine dat no goin tell, “Nuff awready!”:
\q2 Az da fire dat erytime need wood.
\b
\q
\v 17 Da kine guys dat make fun a dea fadda
\q2 An tink dey big, dey no need do wat dea mudda tell um,
\q Da crow birds dat live inside da valley
\q2 Goin poke out dea eye,
\q2 An da scavenja birds goin eat dea mahke body.
\q
\v 18 Get three ting dat too much fo me, I no can undastan:
\q2
\v 19 How da eagle can go inside da sky?
\q2 How da snake can go on top one big rock?
\q2 How da big boat can go inside da middo a da deep ocean?
\q An da numba four ting dat I no can undastan, cuz I donno:
\q2 How one guy can make so dat one young wahine like him?!
\q2 Dis too, too much fo me fo undastan!
\b
\q
\v 20 An I no undastan dis too:
\q2 How one wahine can fool aroun behind her husban back,
\q Den jus go bafe fo come clean,
\q2 An she tink, “Eh, I neva do notting wrong!”
\b
\q
\v 21 Get three tings dat hard fo peopo handle, all ova da world:
\q2
\v 22 Wen one slave can come dea king,
\q2 Wen one stupid guy can get real plenny fo eat an drink,
\q2
\v 23 Wen one ol wahine dat erybody no like, can find one husband,
\q An numba four, dat nobody in da world can handle,
\q2 Wen one slave wahine take ova da house from da lady she work fo!
\b
\q
\v 24 Get four kine ting on top da groun dat stay real small,
\q2 But dey real akamai:
\q
\v 25 Da ant, dey not real strong,
\q2 But summa time, dey make shua dey get plenny food
\q2 Fo las dem da whole year.
\q
\v 26 Da rock hyrax, dey no stay strong too,
\q2 But dey know how fo make dea house
\q2 Inside da cracks in da big cliffs, fo hide.
\q
\v 27 Da locust, da kine dey look like grasshoppa,
\q2 Dey no mo king,
\q But dey know how fo move all togedda,
\q2 Jalike dey one army.
\q
\v 28 Da gecko, you can catch um wit yoa hand,
\q2 But dey even live wea da king live.
\b
\q
\v 29 Get three tings, wen you spock um,
\q2 You tink, “Nice, how dey move!”
\q
\v 30 Da lion, from all da animals,
\q2 He da mos strong one,
\q2 An he no turn aroun an run away from nobody.
\q
\v 31 Da roosta dat hold up his head wen he walk,
\q2 Da billy goat dat lead da odda sheeps an goats.
\q An numba four, da one dat move real nice too,
\q2 One king marching wit his army guys.
\b
\q
\v 32 If you do stupid kine stuff
\q2 An ack jalike you importan,
\q O if you tink real hard bout how fo do someting bad,
\q2 You betta stop it right now!
\q
\v 33 You put milk in one bag an put presha,
\q2 You get sof cheese.
\q You squeeze yoa nose an put presha,
\q2 You get one bleed nose.
\q You put presha on one guy an make um mad,
\q2 You get one fight!
\c 31
\s Wat King Lemuel Learn From His Mudda
\p
\v 1 Had one king, his name Lemuel. Dis some tings he tell, da same heavy kine stuff his mudda teach him fo make um come good.
\v 2 She wen tell um,
\q “My bebe, you lissening o wat?
\q2 I wen born you, cuz I wen make one strong promise to God.
\q
\v 3 You strong, but no go waste yoa time fooling aroun wit da wahines,
\q2 Da kine wahines dat can mess up king guys.
\b
\q
\v 4 “No good, Lemuel, no good fo kings guys wen dey go drink wine.
\q2 No good, wen da govemen leada guys go drink up da beer.
\q
\v 5 Bumbye wen dey drink, dey foget about da rules from long time befo,
\q2 An dey change um so da rules no good fo da peopo dat suffa plenny.
\q
\v 6 Good, you can go give beer to da almos makhe kine peopo.
\q2 Good, you can go give wine to da kine peopo dat suffa plenny all da time an no can handle.
\q
\v 7 Dey can suck um up,
\q2 So den bumbye dey can foget dat dey no mo notting,
\q2 An dey no need tink too much about all da kine trouble dey get.
\b
\q
\v 8 “Go talk to da judge fo da peopo dat no can talk fo demself.
\q2 So den da hard luck peopo still get dea rights.
\q
\v 9 “Open yoa mout an judge da right way.
\q2 Make shua da peopo dat no mo notting
\q2 An da one dat stay suffa get dea rights.”
\s Da Bestes Kine Wife
\q
\v 10 Da good kine wahine dat stay strong inside,
\q2 Wea you can find dat kine wife?
\q2 Her, worth way mo den plenny ruby stones.
\q
\v 11 Da husban, he know he can trus her.
\q2 Wit her, he no need notting.
\q
\v 12 Cuz a her, good kine tings goin happen to him all da time,
\q2 An not bad kine tings.
\q
\v 13 She go all ova da place
\q2 Fo buy da bestes kine stuff fo make clotheses,
\q She buy da wool fo make yarn, an thread fo make linen.
\q2 She feel good wen she make stuff wit her hands.
\q
\v 14 She go out, bring back food from far place,
\q2 Jalike da big kine boats dat bring stuff from all ova.
\q
\v 15 Still yet dark, wen she get up,
\q2 She get out da food and give um to erybody inside da house.
\q2 She tell da helpa girls wat dey gotta do fo dat day.
\q
\v 16 She make plan about wat fo do with some land she see,
\q2 An den she go buy um.
\q2 She use her own money fo make one grape farm.
\q
\v 17 She make herself ready fo go work,
\q2 She stay strong, az why she can do eryting.
\q
\v 18 She make shua she goin make good money
\q2 Cuz she check um out all da time.
\q Az why she work nite time
\q2 An no pio da light till late.
\q
\v 19 In one hand she get da stuff fo make da thread,
\q2 She use da odda hand fo turn da stick fo twis da thread.
\q
\v 20 She put out her hands fo show her aloha
\q2 Fo help da peopo dat no mo notting.
\q2 An fo help out da peopo dat stay suffa.
\q
\v 21 Wen get snow, she no need worry about nobody inside her house,
\q2 Cuz all dem get da bestes kine warm clotheses.
\q
\v 22 She make fancy kine cova fo make da bed look nice.
\q2 She ony wear good kine linen clotheses, and purple kine jalike one queen.
\q
\v 23 In da place wea all da importan guys hang out,
\q2 Da older leada guys fo dat whole place,
\q Dey know da husban
\q2 Cuz he one a dem.
\q
\v 24 She make da fancy kine linen cloth fo sell
\q2 An belts fo da store guys fo sell.
\q
\v 25 Wen you look at her, you can tell awready
\q2 She stay strong inside
\q2 An peopo get plenny respeck fo her.
\q Wen peopo tell her, bad stuff goin happen bumbye,
\q2 She ony laugh, cuz she no scared.
\q
\v 26 Wen she talk, she show dat she know wat fo do erytime.
\q2 Wen she teach, she show aloha erytime.
\q
\v 27 She watch eryting dat stay go on inside her house,
\q2 Fo make shua eryting stay good.
\q2 She no suffa like da lazy kine peopo.
\q
\v 28 Da kids go tell erybody, “Oua mudda,
\q2 She erytime do good tings!
\q Az why she can stay good inside.”
\q2 Her husban, he tell erybody she da bestes too.
\q
\v 29 He tell: “Get plenny wahines dat make strong inside,
\q2 But you, you mo betta den all a dem!”
\q
\v 30 Get wahines dat talk nice to you,
\q2 But az all bulai.
\q Get wahines, dey good looking,
\q2 But fo ony short time.
\q Da kine wahine dat stay scared fo no do wat Yahweh tell,
\q2 Az good, erybody tell good tings bout her.
\q
\v 31 Good you guys give her plenny good stuff
\q2 From all da hard work she do!
\q Good all da importan peopo from ery place, tell how awesome she stay,
\q2 Cuz dey know bout all da stuff she do!