\id isa 
\h Isaiah
\mt Isaiah
\mt2 Talk Fo God
\c 1
\s Wat God Show Isaiah
\r (Rome 9:29)
\m
\v 1 Isaiah, Amoz boy, he wen talk fo God bout Judah an Jerusalem. Dat time, da king fo da Judah peopo was Uzziah, den Jotham, den Ahaz, an den Hezekiah. Dis book tell wat God wen show him.
\s Wat God Tell Da Judah Peopo
\q
\v 2 Lissen, erybody on top da earth an inside da sky,
\q2 Cuz I Yahweh da Good Boss, telling you dis:
\q “I wen take care da Israel peopo
\q2 Jalike dey my kids, an help um grow up.
\q2 But still yet, dey go agains me.
\q
\v 3 Da cows know who own um,
\q2 An da donkeys know wea dea owna give um food.
\q But da Israel peopo, dey donno me.
\q2 Even my own peopo no undastan notting bout me.”
\b
\q
\v 4 Wo! Erybody from inside dea
\q2 Stay do plenny bad kine stuff,
\q2 Dey need punish fo teach um,
\q Dem an dea bruddas, dey no do right kine stuff,
\q2 Dey da kine peopo dat like bus up eryting!
\q Dey go way from Yahweh.
\q2 Dey hate da God fo da Israel peopo dat stay good an spesho.
\q2 Jalike dey no like lissen an stay turn dea back on him.
\b
\q
\v 5 Eh! How come you guys like
\q2 Fo God bus up you guys some moa?!
\q2 How come you guys still stay go agains him?!
\q Yoa head stay sore plenny, awready,
\q2 An inside, you not strong.
\q
\v 6 From on top yoa head an undaneat yoa feet
\q2 You guys no even get one place dat stay good,
\q Ony get cut, scar, black an blue,
\q2 An bad open kine sore all ova.
\q Nobody clean out da pus,
\q Nobody go put olive oil on top fo make um come soft,
\q2 An nobody put bandage on top um.
\q
\v 7 You guys land, nobody can live dea.
\q2 Yoa big towns stay all burn up.
\q You wen see da odda peopo take away
\q2 All yoa food from yoa fields an eat um.
\q2 An peopo from odda places wen take um ova.
\q
\v 8 My big town dea
\q2 Jalike one shack in da middo a da grape field,
\q An jalike fo guard one cucumber field,
\q2 Jalike one big town wit army guys all aroun,
\q2 Stay getting ready fo bus up da town.
\q
\v 9 Yahweh, Da God Ova All Da Armies,
\q2 If he neva leave us guys some peopo ova dea still yet,
\q Us guys goin come like da Sodom peopo,
\q2 An da Gomorrah peopo -- no mo nobody dea.
\b
\q
\v 10 So, lissen wat Yahweh tell you guys,
\q2 You leada guys dat ack jalike you from Sodom!
\q Lissen wat oua God stay teach,
\q2 You peopo dat ack jalike you from Gomorrah!
\q
\v 11 Yahweh tell dis: “You tink I need
\q2 Da plenny sacrifices you guys make?! No way!
\q I get mo den plenny boy kine sheeps
\q2 Dey can burn up fo make sacrifice,
\q2 An da fat stuff from da bestes animals.
\q I no need da blood from da bull cows
\q2 An da bebe sheeps an da boy goats.
\q2 Dat no make me stay feel good inside.
\q
\v 12 Wen you guys come fo show face in front me,
\q2 Who wen tell you guys you gotta do dat?
\q2 An how come you guys walk all ova my Temple yard, aah?!
\q
\v 13 No bring me sacrifice dat no mean notting!
\q2 Da incense you guys burn fo me stay smell, stink.
\q You guys come togedda ery month an ery week
\q2 But I no like da kine meetings you guys make,
\q2 Cuz dey ony bad.
\q
\v 14 Yoa new moon meetings
\q2 An yoa odda spesho religious times,
\q2 Dey no make me feel good.
\q Dey jalike one heavy ting on top my back
\q2 Dat I gotta carry.
\q2 I no goin take um no moa.
\q
\v 15 Wen you guys put up yoa hands fo pray to me
\q2 I goin look da odda way.
\q No matta you pray plenny long time,
\q2 I no goin lissen.
\q Yoa hands stay dirty all ova
\q2 From da blood a da peopo you wen kill.
\q
\v 16 Wash yoaself so you come clean.
\q2 Throw away all da bad kine stuff you stay do.
\q2 Stop doing wass wrong,
\q An no do um no moa!
\q
\v 17 Learn how fo do wass good.
\q2 Go all out fo do wass right.
\q Kokua da peopo dat need help
\q2 Fo da bad tings da bad guys do to dem.
\q Da kids dat no mo fadda o mudda, help dem.
\q2 Make argue fo help da widow wahines.”
\b
\q
\v 18 Yahweh tell: “Come, us goin talk togedda bout dis ting.
\q2 No matta all yoa bad kine stuff
\q Look jalike one big red spot now,
\q2 But dey goin come white jalike da snow.
\q No matta now jalike dey stay dark red,
\q2 Dey goin come white jalike da wool.
\q
\v 19 If you guys like lissen,
\q2 An tink da same ting jalike me,
\q2 You goin eat all da good stuff from da land.
\q
\v 20 But if you no lissen an no like do wat I say,
\q2 Den odda peopo goin come wit dea swords
\q2 An wipe out you guys.
\q Cuz az me, Yahweh Da Boss, dat say dis.”
\s Da Peopo Inside Jerusalem No Stick Wit Yahweh
\q
\v 21 Auwe! You see da peopo inside da big town
\q2 Dat I wen trus befo time,
\q2 Dey come jalike one wahine dat fool aroun fo money.
\q Befo time, dey stay stick wit me,
\q2 An wen dey judge peopo, dey do um da right way.
\q All da time dey stay do wass right.
\q2 But now, ony get guys ova dea dat ony like kill peopo!
\q
\v 22 Jalike you wen melt silva metal,
\q2 An keep da junks dat come up,
\q2 But throw way da good kine silva.
\q2 An yoa good wine jalike ony half watta.
\q
\v 23 Yoa leada guys, dey go agains me.
\q2 Dey hang aroun wit steala guys.
\q Dey all like get unda da table kine money
\q2 Fo eryting dey do.
\q Dey no make like one good judge
\q2 Fo kokua da kids dat no mo fadda o mudda.
\q Dey no even tink notting
\q2 Bout kokua da widow wahines.
\b
\q
\v 24 Dass why dis wat Yahweh the Boss,
\q2 Da God Ova All Da Armies,
\q Da Strong One dat help da Israel peopo,
\q2 Dis wat he tell:
\q “Auwe! I goin fight an win
\q2 Ova erybody dat go agains me
\q So dey no can bodda me no moa.
\q2 I goin pay back erybody dat stay agains me.
\q
\v 25 I goin go agains you Jerusalem guys too,
\q2 Jalike I goin put you inside da fire
\q2 Fo take out all yoa junk kine stuff from inside you.
\q
\v 26 Den I goin bring good kine judge guys fo you guys, jalike befo time.
\q2 An akamai kine peopo dat can tell you guys wat fo do,
\q2 Jalike you guys wen get da firs time.
\q Afta dat, peopo goin call you guys
\q2 ‘Da big town wea erybody do da right ting,’
\q2 An ‘Da town wea you can trus da peopo.’-”
\b
\q
\v 27 Da peopo dat stay go Mount Zion fo pray,
\q2 Inside Jerusalem town,
\q God goin help dem get outa trouble,
\q2 He goin judge dem da right way.
\q Wen dey come back God side,
\q2 God goin do wass right fo dem.
\q
\v 28 But da peopo dat go agains me
\q2 An da ones dat stay do bad kine stuff,
\q I goin bus up all dem.
\q2 I Yahweh, an I goin wipe all dem out!
\b
\q
\v 29 “Fo shua, you guys goin come shame plenny
\q2 Cuz you like go down in front da idol kine gods
\q Inside place wea get oak trees an garden.
\q
\v 30 Cuz a dat, you guys goin come jalike one oak tree
\q2 Wit leaf dat stay come all dry up.
\q An jalike one garden
\q2 Dat no mo watta.
\q
\v 31 Even da strong guys
\q2 Goin burn up jalike [one] dry leaf.
\q Eryting dey wen work fo make,
\q2 Goin come jalike one spark.
\q All da stuff dey wen make,
\q2 An da guys dat make um,
\q Goin burn up same time,
\q2 An no mo nobody can pio da fire.
\c 2
\s Yahweh Goin Come King
\r (Micah 4:1-3; 2 Thessalonika 1:9)
\p
\v 1 Dis wat Yahweh Da Boss wen show Isaiah, Amoz boy, bout da peopo inside Judah an Jerusalem:
\b
\q
\v 2 Bumbye, wen da world almos goin pau,
\q2 God goin make da hill wea da Temple Fo Yahweh stay,
\q Come da mos importan place in da whole world,
\q2 Mo importan den da odda hills.
\q2 Den all da peopo from odda countries
\q2 Goin stay come dea.
\q
\v 3 Den plenny peopos goin go dea an say,
\q2 “Come on. We go up da hill wea da Temple stay,
\q2 Da Temple Fo Yahweh, Jacob's God.
\q He goin teach us guys wat he like us fo do,
\q2 An we goin do um.”
\q Wat Yahweh teach goin come from him,
\q2 From da Zion Hill inside Jerusalem town.
\p
\v 4 Wen diffren countries tink diffren kine bout someting,
\q2 Yahweh goin be da judge dat tell who a dem stay right.
\q He goin tell wat peopos stay right
\q2 An wat peopos stay wrong.
\q Den dey goin take dea swords,
\q2 An make um come plows.
\q Dey goin take dea spears,
\q2 An make um come knife fo prune da plants.
\q Dat time, no country goin fight agains anodda country no moa.
\q2 Dey no even goin know how fo fight an make war no moa.
\q
\v 5 You peopo inside Jacob's ohana,
\q2 Come. Us go walk
\q2 Wit light from Yahweh, an do wass right.
\p
\v 6 Cuz Yahweh, you wen leave yoa peopo awready,
\q2 Da Jacob ohana peopo.
\q Dey lissen to da odda peopo from da east side, Babylon side,
\q2 So now dey even go call da spirit from da mahke peopo
\q Fo come tell um wat goin happen bumbye,
\q2 Jalike da Filisha peopo stay do.
\q Yoa peopo stay make deal wit da odda peopos
\q2 Dat donno you.
\q
\v 7 All ova da Israel peopo land,
\q2 Get plenny silva an gold
\q2 An mo plenny rich kine stuffs den can count.
\q All ova da land, get plenny horse
\q2 An mo plenny war wagons den can count.
\q
\v 8 An all ova dea land, get plenny idol kine gods.
\q2 Dey go down an show respeck
\q2 Fo all da stuff dey make wit dea own hands.
\q
\v 9 But now, erybody goin come shame.
\q2 Dey no goin get big head no moa.
\q Eh Yahweh! No let go dat kine peopo!
\b
\q
\v 10 You Jacob ohana peopo,
\q2 Go down deep inside da rocks,
\q2 Hide yoaself inside da groun,
\q Cuz you stay scared an shaking
\q2 From all da stuff Yahweh goin do
\q2 Cuz he da awesome King!
\q
\v 11 Anybody dat get real high nose,
\q2 Dey goin come shame.
\q Anybody stay real high makamaka,
\q2 Dey goin come notting.
\q Dat time, Yahweh da ony One
\q2 Da peopo goin talk good bout.
\q
\v 12 Yahweh, he da God Ova All Da Armies.
\q2 Goin come one day, he goin go
\q Agains erybody dat get big head,
\q2 An agains all da high makamaka peopo.
\q God goin bring down da kine peopo dat tink dey importan.
\q2 He goin make all dat kine peopo come notting.
\q
\v 13 No matta da peopo tink dey importan
\q2 Jalike da tall cedar trees inside Lebanon
\q An da oak trees inside Bashan,
\q2 Dey goin fall down.
\q
\v 14 If dey tink dey tall
\q2 Jalike da tall mountains an hills,
\q2
\v 15 An da tall towers,
\q2 An da strong walls nobody can bus up,
\q2 Yahweh can bus um up.
\q
\v 16 If peopo tink dey strong like da big boats dat go Spain,
\q2 Da nice looking boats,
\q2 Yahweh can sink um.
\q
\v 17 Anybody stay get real high nose,
\q2 Dey goin come notting.
\q Anybody stay real high makamaka,
\q2 Dey goin come shame.
\q Dat time, Yahweh da ony One
\q2 Da peopo goin talk good bout.
\q
\v 18 Da idol kine gods,
\q2 God goin broke um down.
\b
\q
\v 19 Peopo goin go inside caves inside da big rocks,
\q2 An inside da big kine pukas undeaneat da groun,
\q Cuz dey real scared Yahweh.
\q2 He stay awesome cuz he da king,
\q2 An he goin start fo shake up erybody inside da world.
\q
\v 20 Dat time, da idol kine gods
\q2 Dat da peopo wen make from silva an gold
\q2 Fo go down and show um respeck,
\q Dey goin throw um all away
\q2 To da bats an da rats.
\q
\v 21 Dey goin go inside da cracks in da rocks
\q2 An da pukas in da pali,
\q Cuz dey real scared Yahweh.
\q2 He stay awesome cuz he da king,
\q2 An he goin start fo shake up erybody inside da world.
\p
\v 22 No trus da peopo!
\q2 Da ones dat stay breave da air an stay alive,
\q But wat you can trus dem fo do fo you, aah?!
\q2 Notting!
\c 3
\s Yahweh Da Boss, Da Judge Fo Da Judah Peopo
\p
\v 1 Den Isaiah tell,
\q “Look! Yahweh, Da God Ova All Da Armies,
\q2 He goin take away all da stuff
\q2 From da peopo inside Jerusalem an Judah,
\q All da stuff dey need fo take care dem,
\q2 All da food fo eat an da watta fo drink.
\q
\v 2 He goin wipe out all da real spesho army guys an da regula army guys,
\q2 All da judges an da guys dat talk fo God,
\q All da guys dat can tell wass goin happen bumbye,
\q2 All da olda leadas,
\q
\v 3 All da army captains,
\q2 All da odda kine importan peopo,
\q All da akamai guys dat tell da peopo wat fo do,
\q2 All da guys dat get da smarts fo make real nice tings wit dea hands,
\q2 An all da guys dat undastan how fo make kahuna kine chants.
\q
\v 4 He goin take young kine boys an make um dea leadas.
\q2 Peopo dat stay make any kine, dey goin take charge a dem.
\q
\v 5 Da peopo goin give each odda hard time,
\q2 Friend agains friend.
\q Da young guys goin make any kine to da ol guys
\q2 Jalike dey own dem an dey hate dem.
\q Da guys dat erybody get respeck fo,
\q2 Da no good guys goin bus um up.
\b
\q
\v 6 One guy goin grab one a his bruddas
\q2 From inside dea fadda house
\q2 An say, ‘Come on, you get one robe,
\q So you be our leada,
\q2 You take care all dis trouble!’
\q
\v 7 But dat time, da brudda goin yell,
\q2 ‘I no can take care all dis trouble!
\q I no mo food an clotheses inside my house.
\q2 No make me da leada fo all dis peopo.’
\b
\q
\v 8 You know, da peopo inside Jerusalem,
\q2 Jalike dey no can walk strait.
\q Da peopo inside Judah,
\q2 Jalike dey stay fall down too.
\q Cuz wit wat dey say,
\q2 An wit wat dey do,
\q Dey talk stink Yahweh
\q2 An go agains him.
\q2 Dey tink he no good, no matta he awesome.
\q
\v 9 Da way dea face look,
\q2 Show dey no stay do da right kine ting.
\q Dey talk big bout da bad kine stuff dey do,
\q2 Jalike da peopo inside Sodom.
\q Dey no try hide um.
\q2 Auwe! Dey da one dat hurt demself mo worsa.
\q
\v 10 Tell da guys dat do da right kine stuff,
\q2 Dat eryting goin come out good fo dem.
\q Cuz dey goin get wat dey work fo,
\q2 Wit da good kine stuff dey make.
\q
\v 11 Auwe! fo da guys dat do bad kine stuff,
\q2 Cuz eryting goin come out bad fo dem!
\q Jalike wat dey do,
\q2 Dass wat dey goin get.
\b
\q
\v 12 Da ones dat give my peopo presha,
\q2 Dey stay ack jalike dey young kids.
\q2 My peopo get wahines in charge a dem.
\q Lissen, my peopo,
\q2 Da ones dat tell you guys wea fo go,
\q2 Dey stay take you guys da wrong way.
\q Dey stay mess up you guys plenny,
\q2 So you donno wea da right way fo go.
\b
\q
\v 13 But Yahweh, he go in front da court fo make argue.
\q2 He stand up fo judge da peopo.
\q
\v 14 Yahweh da One goin judge da older leadas
\q2 An da odda ones dat stay lead his peopo.
\q He tell dem, “You, jalike da guys
\q2 Dat wen bus up my grape fields.
\q All da stuff you guys wen rip off
\q2 From da peopo dat no mo notting,
\q All dat stuff you guys take um
\q2 Inside yoa houses.
\q
\v 15 Wat you guys tinking
\q2 Wen you go smash my peopo, aah?!
\q2 Da peopo dat no mo notting,
\q2 How come you go rub dea face inside da dirt, aah?!”
\q Yahweh, Da God Ova All Da Armies,
\q2 Dass wat he tell.
\s Yahweh Talk To Da Wahines Inside Jerusalem
\p
\v 16 One nodda time, Yahweh tell dis:
\q “Cuz da wahines inside Jerusalem,
\q2 Dey ack high nose,
\q Dey walk an hold up dea neck sexy kine.
\q2 Dey check out guys wit dea eye.
\q Dey walk jalike dey fashion models.
\q2 Dey wear jangly kine jewel on top dea feets an ankles.
\q
\v 17 I goin put sore all ova dea head.
\q2 I goin make all da Jerusalem wahines come bolohead.”
\p
\v 18 Den Isaiah tell,
\q “Dat time, my Boss goin grab
\q2 All da fancy kine stuff dey get
\q2 And throw um away,
\q All da jangly kine jewel on top dea feets an ankles
\q2 An da bands fo put aroun dea heads,
\q2 An dea moon kine necklaces,
\q
\v 19 An dea earrings an bracelets,
\q2 An da nice kine cloth fo cova dea face,
\q
\v 20 Da crowns on top dea head,
\q2 An da nice kine chain fo dea ankle,
\q An da fancy kine cloth fo tie aroun dea waist,
\q2 Da perfume bottles,
\q2 Da jewel fo make da bad kine spirits go way,
\q
\v 21 An da rings fo dea fingas an dea nose,
\q2
\v 22 Da fancy kine clotheses, coats, da purses,
\q
\v 23 Da mirrors, da linen undawears,
\q2 Da fancy kine cloth on top dea head, an da shawls.
\b
\v 24 Now dey get perfume,
\q2 But den dey smell bad.
\q Now dey get one fancy kine cloth aroun da waist,
\q2 But layta dey goin get ony one rope.
\q Now dey get nice style hair,
\q2 But den dey goin come bolohead.
\q Now dey get fancy kine clotheses,
\q2 But den dey get ony burmbag clotheses.
\q Now dey nice looking,
\q2 But den dey get burn scar all ova dem.
\b
\q
\v 25 Yoa army guys, dey goin mahke from da sword wen dey fighting
\q2 Even yoa real strong guys goin mahke in da war.
\q
\v 26 Inside da gates a Jerusalem town,
\q2 Da wahines goin sit down on top da groun,
\q2 An cry an stay sore inside cuz no mo dea guys.
\c 4
\q
\v 1 Dat time, afta plenny guys mahke in da war time,
\q2 Seven wahines goin grab one a da guys dat still stay dea.
\q2 Dey goin tell um,
\q “Ony marry us
\q2 So us can get yoa name,
\q So peopo no talk bad bout us
\q2 An make us shame cuz we no mo husban.
\q We goin eat our own food,
\q2 An wea our own clotheses.”
\s God Promise Fo Bring Dem Back
\q
\v 2 Dat time, goin get one guy,
\q2 Yahweh goin give him da right fo be king,
\q Cuz he jalike one shoot
\q2 Dat Yahweh make come up from da king ohana.
\q Dat guy, goin be real good looking an stay awesome.
\q2 Erybody goin know bout da stuff dat grow on top da land,
\q2 Dat goin come real awesome,
\q An da Israel peopo dat still yet stay alive dat time
\q2 Goin feel real good inside bout all dat,
\q2 An all da odda peopo goin get respeck fo dem.
\q
\v 3 All da peopo dat still yet stay alive inside Jerusalem town,
\q2 Peopo goin call dem “Spesho fo God”
\q2 Cuz dea name goin stay write down.
\q
\v 4 My boss goin clean up
\q2 All da pilau kine stuff da Jerusalem wahines wen do.
\q Jalike he goin wash clean da Jerusalem peopo
\q2 Cuz dey wen make plenny oddas bleed an mahke.
\q His Spirit goin be dea Judge
\q2 An wit jalike one fire, he goin clean out all da bad kine stuff.
\q
\v 5 Yahweh goin make one cloud
\q2 Ova da Temple on top Mount Zion
\q An ova erybody dat stay come togedda dea
\q2 Fo show him respeck wen he tell um fo come by him.
\q Day time, goin get one cloud wit smoke ova dem,
\q2 Nite time, goin get real bright fire ova dem.
\q Ova all dis awesome stuff, goin get one cova,
\q2 Jalike one tent ova erybody.
\q
\v 6 Dass goin be jalike one place fo shade
\q2 Wen da sun stay hot, day time
\q Goin be one place dey can go
\q2 Fo hide an no get hurt
\q2 From da storms an da rain.
\c 5
\s One Song Bout Yahweh An His Peopo
\r (Matthew 21:33; Mark 12:1; Luke 20:9; James 5:4)
\q
\v 1 I like sing one song fo da one I get love an aloha fo.
\q I goin sing one song bout his grape field
\q2 On top one hill dat get good groun.
\q
\v 2 He dig up da ground,
\q2 Take away all da stones dea,
\q An plant good kine grape plants.
\q2 He build one tower in da middo
\q Wea his worka guys can watch um.
\q2 He even cut da stone one place nea dea
\q So can step all ova da grapes
\q2 Fo press out da juice fo make wine.
\q He wen wait fo da good grapes get fruit.
\q2 But wat wen come was stink kine grapes.
\p
\v 3 Da one I get love an aloha fo, he talk:
\q “So den, you peopo dat live inside Jerusalem,
\q2 An you guys from Judah,
\q You guys tell me wass right an wass wrong
\q2 Bout me an my grape field!
\q2 (Dass da Israel peopo, you know.)
\q
\v 4 Tell me, wat odda ting I gotta do
\q2 Fo my grape field, dat I neva do befo time?
\q I wen wait long time fo da good grapes come.
\q2 How come ony get da stink kine grapes come?
\b
\q
\v 5 “Now, I goin tell you guys
\q2 Wat I goin do wit my grape field!
\q I goin take away da hedge from aroun um,
\q2 So da cows come inside an eat um, wat stay dea.
\q I goin broke down da wall aroun um
\q2 So odda guys can go inside an bus um up.
\q
\v 6 I goin make um jalike da boonies wea no mo notting.
\q2 Nobody goin trim um, o hoe da weeds.
\q Plenny kuku, an bushes goin grow dea.
\q2 I goin tell da clouds
\q2 Fo no let um rain on top um.”
\b
\q
\v 7 So, az how da story stay bout dis peopo!
\q2 Yahweh, Da God Ova All Da Armies,
\q2 His grape field, dass da Israel peopo!
\q An da plantation dat make Yahweh feel good inside
\q2 Wit plenny love an aloha,
\q2 Dass da peopo from da Judah districk.
\q Yahweh wait fo peopo
\q2 Fo judge da right way,
\q2 But dey ony stay kill each odda!
\q He wait fo peopo fo do da right ting erytime,
\q2 But dey ony make each odda yell fo somebody help dem.
\s God, Da Judge Fo Da Judah Peopo
\p
\v 8 An God tell, “Auwe! fo you guys dat stay buy
\q2 All da house an field dat get no mo space awready,
\q You no leave even one place fo odda peopo live.
\q2 So you guys goin be da ony one
\q2 Fo live dea, on top all dat land!
\q
\v 9 Yahweh, Da God Ova All Da Armies,
\q2 He talk so I can hear um:
\q “Fo shua, goin get plenny big house ova dea,
\q2 But goin be kinda scary,
\q2 Cuz no mo nobody inside um.
\q Get nice big kine house
\q2 But no mo peopo live inside dem.
\q
\v 10 Ten acre grape field
\q2 Goin give ony six gallon wine.
\q An ten bag seed
\q2 Goin give ony one bag food.”
\b
\q
\v 11 Auwe! to da guys
\q2 Dat get up early in da morning
\q2 Fo go all out fo da booze,
\q Dey stay up late nite time,
\q2 Till jalike dey stay on fire from da wine.
\q
\v 12 Dey make big party,
\q2 Dey get plenny harp an guitar,
\q2 Tambourine, flute, an wine dea.
\q But dey no tink notting bout Yahweh,
\q2 An da tings he do.
\q Wen he show da tings he make his own self,
\q2 Dey no see notting.
\q
\v 13 Dass why my peopo goin come prisonas
\q2 An go anodda land,
\q2 Cuz dey donno notting.
\q Dea importan peopo goin mahke
\q2 Cuz dey no mo food fo eat,
\q Da odda peopo goin mahke
\q2 Cuz dey no mo notting fo drink.
\q
\v 14 Dass why, jalike wea da mahke peopo go,
\q2 Da mout stay open big,
\q2 An waiting fo erybody.
\q Cuz down inside dea,
\q2 All da rich kine peopo goin go.
\q Same ting fo da odda kine peopo
\q2 Dat stay make big kine noise an go party out.
\q
\v 15 Ery one a dose peopo goin lose face an come notting,
\q2 No matta dey big head an high nose.
\q
\v 16 But Yahweh, Da God Ova All Da Armies,
\q2 Cuz he stay judge da right way,
\q2 Peopo goin know how big him!
\q Him, da God dat stay good an spesho!
\q2 Peopo goin know how spesho he stay
\q2 Cuz he do da right ting erytime!
\q
\v 17 Dat time, da sheeps goin eat grass
\q2 Inside dea own grass land.
\q2 Dey goin stay on top da land an eat plenny,
\q An da bebe sheeps goin eat
\q2 Wea da rich peopo wen live befo time,
\q2 But now, ony get bus up house all ova.
\b
\q
\v 18 Auwe! fo da peopo dat drag
\q2 All da bad kine stuff dey stay do wit dem,
\q Jalike dey pulling heavy stuff wit one rope,
\q2 But da stuff dey pulling, no wort notting!
\q Dey stay do bad tings,
\q2 Jalike dey stay drag one wagon wit one rope.
\b
\q
\v 19 Dat kine peopo tell, “We like God fo hurry up!
\q2 We like him make fas fo do his work,
\q So us guys can see da ting
\q2 Dat da Good An Spesho God fo da Israel peopo
\q2 Make plan fo do,
\q We like see dat happen quick,
\q2 Den us guys goin know bout um.”
\b
\q
\v 20 Auwe! fo da guys dat tell
\q2 Dat da bad kine stuff stay good,
\q2 An da good kine stuff stay bad!
\q Dey tell, da dark stay light,
\q2 An da light stay dark!
\q Dey tell, da kine stuff dat taste bad, stay sweet,
\q2 An da sweet kine stuff taste bad!
\b
\q
\v 21 Auwe! fo da guys dat tink dey know eryting erytime,
\q2 An tink dey smart fo undastan eryting.
\b
\q
\v 22 Auwe! fo da guys dat erytime like drink wine,
\q2 An real smart guys fo mix da booze.
\q
\v 23 Dat kine guys, wen somebody do wrong kine stuff,
\q2 Dey give da judge money
\q2 Fo make um look jalike dey stay do eryting right.
\q But fo da peopo dat stay do da right ting fo real kine,
\q2 Dey take away dea rights.
\b
\q
\v 24 “Az why, wen dose peopo make lidat,
\q2 Dey goin come poho,
\q Jalike one plant wit root all rotten,
\q2 An da wind blow away all da flowers jalike dust,
\q Jalike da fire burn up da junks from da wheat,
\q2 An da dry grass no mo wen stay burning.
\q Az cuz dey no take da Rules
\q2 Dat Yahweh, Da God Ova All Da Armies, teach um,
\q An dey ack like wateva Yahweh tell dem,
\q2 Stay no good!
\q2 No matta he da Good An Spesho God fo da Israel peopo,
\q
\v 25 Dass why Yahweh stay come huhu
\q2 Agains his peopo.
\q He put up his hand
\q2 An stay ready fo wack dem down.
\q Dass why da mountains stay shake,
\q2 An da peopo body dat mahke
\q2 Lay all ova outside jalike rubbish.
\b
\q But no matta God wack his peopo lidat,
\q2 He still yet stay huhu
\q2 An he stay ready fo wack um one mo time.
\q
\v 26 God goin put up one flag
\q2 So dat all da peopo inside da lands dat stay far can see um.
\q He goin whistle fo dem fo come,
\q2 So dey come togedda quick from mo far place.
\q
\v 27 In dat army, nobody come tired
\q2 O trip an fall down.
\q Dey no need sleep late eva,
\q2 O pass out sleep cuz dey tired.
\q Dea belt stay tight aroun dea waist.
\q2 Da strap on dea slippa no broke.
\q
\v 28 Dea arrow, stay sharp,
\q2 An dea bows, ready fo shoot.
\q Da horses feet run real fas.
\q2 Da wheels on dea war wagons make big noise
\q2 Jalike da strong wind.
\q
\v 29 Da army guys make big noise jalike da wahine lion.
\q2 Dey grab eryting,
\q Jalike da lion make noise wen he grab one animal
\q2 An carry um away
\q2 An no mo nobody can bring dem back.
\p
\v 30 Dat time, wen da army guys come dis land,
\q2 Dey goin make big noise
\q2 Jalike wen da sea stay pounding.
\q If anybody go look da land,
\q2 Dey goin see dat eryting stay dark
\q2 An erybody get big trouble.
\q2 Even da day time going come dark cuz a da clouds.
\c 6
\s God Make Isaiah Clean Inside An [God] Call Him Fo Work Fo Him
\r (Matthew 13:14-15; Mark 4:12; Luke 8:10; John 12:40; Jesus Guys 28:26-27; Jesus Show 4:8)
\p
\v 1 Da same year King Uzziah wen mahke, I see my Boss Yahweh sitting on top one throne, way far up dea inside da sky, an looking real importan. An da bottom a his robe fill up da Temple.
\v 2 Angel guys dat look like fire, fly up all aroun him. Each one get six wings. Dey cova dea face wit two a dea wings, dea feets wit da odda two wings, an dey fly wit dea two wings.
\v 3 Ery angel guy call to da oddas,
\q “Good an Spesho! Spesho! Spesho!
\q Dass Yahweh, Da God Ova All Da Armies,
\q2 How good an spesho he stay!
\q Eryting inside da whole world,
\q2 Show how awesome he stay!”
\p
\v 4 Wen dey yell strong lidat, even da foundation unda da Temple door stay shake an da Temple fill wit smoke.
\p
\v 5 Den I wen yell,
\q “Auwe fo me!
\q2 I stay wipe out awready!
\q Da way I stay talk,
\q2 An da way da peopo I stay wit stay talk,
\q2 No way us can come in front God!
\q But still yet, I wen see
\q2 Yahweh da King, Da God Ova All Da Armies.”
\p
\v 6 Den one a da angel guys dat look jalike fire, fly ova by me wit one red hot charcoal. He wen take um from da altar wit tongs.
\v 7 He touch da hot charcoal on top my mout an tell,
\q “Now dis charcoal wen touch yoa mout,
\q2 All da bad tings you wen do, stay gone awready.
\q God wen pay da price
\q2 Fo hemo from you all dat bad kine stuff.”
\p
\v 8 Den I hear my Boss tell,
\q “Who I can send?
\q2 Who goin go fo us?”
\p An I tell,
\q “Me, I can go,
\q2 Send me.”
\p
\v 9 An he tell me,
\q “Go den. Tell da peopo dis:
\q2 ‘Lissen plenny, but you no goin undastan notting!
\q Look plenny, but you no goin learn notting!’
\q
\v 10 Make dem so dey no can tink good,
\q2 Make dem so dey no can hear good,
\q2 An shut dea eyes so no can see good.
\q I no like fo dem see wass happening,
\q2 I no like fo dem start fo lissen,
\q2 An fo tink good.
\q Cuz if dey wen change,
\q2 Den dey goin come good,
\q2 But dey no goin change.”
\p
\v 11 Den I aks him, “Boss, how long I gotta do dat?”
\p An he tell,
\q “Till all da towns stay all bus up
\q2 An no mo peopo live dea,
\q An all da house, no mo peopo inside,
\q2 An all da land stay dry an all wipe out.
\q
\v 12 No stop talking till me, Yahweh,
\q2 Send all da peopo far away place,
\q An get plenny place all ova da land
\q2 Wea da peopo leave eryting an go way.
\q
\v 13 But even if still yet get ten percent da peopo dat stay on top da land,
\q2 Da army guys goin come back one mo time
\q2 An burn eryting.
\q But, jalike da terebint tree an da oak tree still ony get stump
\q2 Wen somebody cut um down,
\q Da peopo dat still stay dea,
\q2 Goin come jalike one spesho seed fo God,
\q2 Jalike da stump dat goin grow one mo time.”
\c 7
\s Da Aram An Israel Armies Go Agains Jerusalem
\r (2 Kings 16:5; Matthew 1:23)
\p
\v 1 King Ahaz was Jotham's boy, an Jotham was Uzziah's boy. King Pekah fo da Israel peopo was Remaliah's boy. One time, King Rezin fo da Aram peopo, wit King Pekah fo help him, wen go fight agains da Jerusalem town peopo Judah side, wea Ahaz was da king. But dey no even can go nea dea fo start da fight.
\v 2 Somebody tell David's ohana guys Judah side, “Da Aram army guys wen go by da Efraim ohana land inside Israel an stay make camp all ova da place wit da Israel guys.” So Ahaz an his peopo, dey come real scared inside. Dey stay shake jalike how da trees shake inside one fores wen da wind blow um.
\p
\v 3 Den Yahweh tell Isaiah, “You an yoa boy Shear-Jashub (dat mean, ‘Some peopo goin come back’), go out dea meet Ahaz. Go by da end a da ditch wea da watta from da Mauka Watta Place go. Go on top da road dat go da field wea dey put da cloth inside da watta an step um fo come clean.
\v 4 Tell Ahaz, ‘Take care, but stay cool. No scared. Inside yoa heart, no lose fight! Fo shua, dose two kings, Rezin fo da Aram peopo, an Remaliah boy, dey stay all hot an huhu. But dey jalike two small stick inside da fire dat litto mo all burn out, but still yet dey get plenny smoke.
\v 5 But cuz dey stay huhu, da Aram peopo stay make plan wit da Israel peopo an dea king, Remaliah boy, fo do bad tings to you.
\v 6 Dey tell, ‘We go up country Judah side an bus up da Judah peopo. We goin fight an take dem ova an make dem come oua side. Den we goin make Tabeel's boy da king inside Judah.’-”
\p
\v 7 But dis da ting my Boss Yahweh tell me:
\q “Wat dem guys stay tell, no goin happen.
\q2 No goin be lidat.
\q
\v 8 Da main town inside Aram, dass Damascus.
\q2 Da main guy inside Damascus, dass King Rezin.
\q Befo 65 year pau,
\q2 Da Israel peopo goin come real bus up,
\q2 Dey no even goin be one peopo no moa.
\q
\v 9 Da main town inside Israel, dass Samaria,
\q2 Da main guy inside Samaria, dass Remaliah boy.
\q If you guys no stay shua bout dis,
\q2 Az cuz you no stay solid bout um.”
\s Da Sign Dat God Stay Wit Us
\p
\v 10 Yahweh tell Ahaz again.
\v 11 He tell, “Aks me, yoa God Yahweh, fo show one sign so you know all dis stay true. Go aks, no matta if someting from da mos deep place o from da mos high place.”
\p
\v 12 But Ahaz tell, “I no goin aks fo notting. No way I no goin tell Yahweh fo make proof!”
\p
\v 13 Den Isaiah tell, “Lissen, you peopo from David's ohana. Not nuff, you guys, dat you make odda peopo tired. Now you gotta try make my God tired too!
\v 14 Cuz a dat, my Boss goin give you guys one sign. Dis da sign: goin get one young wahine dat neva yet sleep wit one guy, but she goin come hapai, an bumbye dat wahine goin born one boy. She goin call him ‘Immanuel,’ dat mean, ‘God stay wit us.’
\v 15 Wen he come big, an he know wass right an wass wrong, an know fo pick ony wass right, dat time, goin get plenny soft cheese an honey kine stuff fo him eat.
\v 16 But befo he come dat big, da land dat you hate wea da two kings stay, goin come all bus up, an no mo notting goin stay dea.
\v 17 Yahweh Da Boss goin make you, an yoa peopo, an yoa fadda guy ohana, suffa plenny, mo plenny den you guys eva suffa befo, from da time wen da Israel peopo wen go dig out from da Judah peopo. He goin bring da king from Assyria fo make you suffa!
\s How God Goin Punish Da Judah Peopo
\p
\v 18 Dis how goin be, dat time. Da Boss Yahweh goin bring big armies agains da Judah land. Goin be, jalike he goin whistle fo call all da flies from da Nile Riva an all da watta ditch far away inside Egypt, an all da bees from Assyria.
\v 19 Da armies all goin come. Goin be jalike wen da flies an da bees go down inside da gulches, inside da cracks inside big stone, inside places wea get thorn bushes, an all ova da pukas wea get watta.
\v 20 Dat time, you guys goin pay da king fo Assyria, fo his army come from da odda side da Eufrates Riva fo help you. But wen dey show up, dey goin clean out eryting you guys get. Goin be jalike somebody stay use one razor fo cut off all da hair from on top yoa head an legs, an even yoa beard, an you goin come shame.
\p
\v 21 Wen all dat happen, one guy can keep alive ony one young cow an two goats.
\v 22 So from da cow an da goat, dey goin get milk, an da guy goin get nuff soft cheese fo eat. Da peopo dat da army guys no take away from inside da land, goin get soft cheese an wild honey fo eat.
\v 23 But afta da army guys go way, all da place wea had tousan grape plants worth tousan piece silva, now eryting dat goin grow afta, ony goin be thorn kine plants.
\v 24 Anybody go dea, dey goin take bow an arrow fo hunt, cuz ony get thorn bush all ova da place, ova dea.
\v 25 On top da hills, da place wea befo time dey hoe hana da grass, you no goin go dea no moa, cuz you scared da thorn plant goin poke you. Da land ony goin be fo let da cows an sheeps an goats go dea.
\c 8
\s Da Assyria Peopo Goin Fight Da Judah Peopo
\p
\v 1 One time, Yahweh Da Boss tell me, “Go get someting big fo write on top um. Den write da regula way, ‘Dis Fo Maher-Shalal-Hash-Baz.’ (Dat mean, ‘Rip um off an run away quick!’)
\v 2 I goin tell da pries guy Uriah, an Zekariah Jeberekiah's boy, fo come watch you write dat, cuz erybody know dey can trus dem guys an wat dey tell bout wat you wen write an wat time you write um.”
\p
\v 3 Afta I do dat, I go sleep wit my wife, da wahine dat talk fo God. She get hapai, an born one boy. Yahweh tell me, “Call him Maher-Shalal-Hash-Baz.
\v 4 Az cuz befo dis small boy wen learn how fo say ‘Papa’ o ‘Mama’, da Assyria army guys goin steal all da rich kine stuffs inside Damascus town an Samaria town. Dey goin bring um to da king fo Assyria.”
\p
\v 5 One mo time Yahweh talk to me fo tell dis:
\q
\v 6 “Dis Judah peopo stay tink
\q2 Dat wat I stay do fo dem, az no good.
\q No matta I do good tings fo dem,
\q2 Jalike I give um da watta
\q2 Dat run slow inside da Siloam watta place.
\q But dey ony feel good cuz dey wen hear
\q2 Bout wat goin happen
\q2 To Rezin da king fo Aram,
\q2 An to Remaliah boy da king fo Israel.
\q
\v 7 Cuz dey no like wat I do fo dem,
\q2 You know wat goin happen?
\q I Yahweh, goin bring da king fo Assyria ova hea,
\q2 Wit all his awesome armies,
\q2 Fo go agains da Judah peopo!
\q Dey goin wack um
\q2 Jalike wen da big watta come down strong
\q2 Inside da Eufrates Riva
\q2 An go up ova da sides.
\b
\r (Isaiah 7:14)
\q
\v 8 Wen da armies come,
\q2 Goin be jalike one big riva stay run fas thru da Judah land,
\q Dat go all ova da land
\q2 Till da watta come up to da neck!
\q Wen da armies come,
\q2 Goin be jalike one big bird come flying,
\q An da wings cova yoa whole land, Immanuel!
\q2 ‘Immanuel’ mean, ‘God stay wit us.’-”
\b
\q
\v 9 All you diffren peopos,
\q2 Go do all da bad kine stuff you do!
\q2 Den you goin lose fight cuz you scared.
\q Lissen, you peopo in all da far places in da world,
\q2 You stay get ready fo fight!
\q2 But you goin lose fight cuz you scared.
\q You, get ready fo fight one mo time!
\q2 But you goin lose fight again, cuz you scared.
\q
\v 10 You goin talk an make plan,
\q2 But dat neva goin happen, cuz you no can do um.
\q You talk bout wat fo do,
\q2 But no goin happen lidat,
\q Cuz God stay wit us.
\q2 Dass wat ‘Immanuel’ mean!”
\s Ony Trus Yahweh Da Boss
\r (Rome 9:33, 10:11; Hebrews 2:13; 1 Peter 2:8, 3:14-15)
\p
\v 11 Dis da ting Yahweh tell me, wen he take my hand fo make me strong. He tell me fo take care no go da same way dose peopo go.
\v 12 He say,
\q “No go tink you an yoa friends making plan fo do someting bad,
\q2 Juz cuz dis peopo say you guys making plan fo do someting bad!
\q Wen dis peopo stay scared bout someting,
\q2 You guys no need come scared bout dat,
\q2 O let dat ting make you come real scared an shaking!
\q
\v 13 Me, I da one you guys gotta tink bout,
\q2 Cuz I Yahweh, da God Ova All Da Armies,
\q2 An I stay good an spesho.
\q You gotta be scared a me.
\q2 I da one, wen you tink bout me,
\q2 You goin come scared an shake!
\q
\v 14 I stay good an spesho,
\q2 So I goin come jalike one spesho place fo peopo hide an rest.
\q But fo da Judah ohana an da Israel ohana,
\q2 I goin come jalike one stone an make dem trip an fall down.
\q2 An one trap fo catch da peopo live inside Jerusalem.
\q
\v 15 Jalike plenny peopo goin fall down ova dat big stone,
\q2 An come all bus up.
\q An jalike dey goin get stuck inside dat trap
\q2 An come prisonas.”
\b
\q
\v 16 “Go write all dis down, fo make proof az true.
\q2 An den turn um ova to da guys I stay teach,
\q Fo keep inside dea hearts all da time,
\q2 Jalike you tie um up an put wax seal on top.”
\b
\q
\v 17 So, I goin wait, cuz I stay shua Yahweh goin come.
\q2 Right now, he stay cover his face so da Jacob ohana peopo no can see him.
\q2 But me, I goin stay wait fo him.
\q
\v 18 Look - I stay right hea wit da kids Yahweh wen give me.
\q2 We jalike awesome kine signs inside Israel.
\q Even oua names show
\q2 Wat Yahweh, Da God Ova All Da Armies, goin do bumbye.
\q2 He da One stay on top Mount Zion inside Jerusalem.
\p
\v 19 Peopo goin tell you, “Go by da wahines dat talk to da mahke peopo, an da guys dat know da kine spirit dat wispa an make small kine noise you no can undastan. Aks dem fo tell you wat goin happen bumbye.” But, eh! Mo betta da peopo go aks dea God wat goin happen, yeah?! No make sense, talk to da mahke peopo, an tink dat goin help da guys dat stay alive!
\v 20 Check out wat dem guys dat lissen to da spirits say. See if dey tell da same ting God's Rules tell, an if dey talk da same kine jalike wat you know Yahweh tell. If dey talk diffren kine, den wat dey tell no goin help you undastan notting.
\v 21 Da peopo goin go all ova da land, one side to da odda side. Dey goin feel plenny presha an dey goin stay hungry. An cuz dey hungry, dey goin come real huhu. Dey goin look up an swear at dea king an dea God.
\v 22 Dey goin look at da land, but dey ony see hard time dey goin get ova dea, jalike one dark time dat goin come, jalike da peopo get plenny presha an no can see notting, jalike somebody goin throw um all outside, inside da dark.
\c 9
\s Da Peopo Stay Waiting Fo Da Spesho Guy God Goin Send
\r (Matthew 4:15-16; Luke 1:79)
\p
\v 1 But all dat no goin matta! Bumbye, no goin be no mo hard time fo da peopo dat get dat kine presha now. Befo time, God wen make da peopo Zebulun an Naftali side lose face. But laytas, he goin make odda peopo get respeck fo da peopo inside Galilee, nea da road dat go from da Jordan Riva to da Mediterranean Sea. Dass da place wea plenny peopo dat not Jews stay.
\q
\v 2 Da peopo dat donno wat fo do,
\q2 Jalike dey stay walk aroun inside one dark place,
\q Dey goin know wat fo do,
\q2 Cuz jalike dey see one big light.
\q Da peopo dat live inside da place
\q2 Wea erybody stay scared dey goin mahke,
\q2 Da light stay come dea awready.
\q
\v 3 God, you goin make da Israel peopo come mo plenny peopo.
\q2 You goin make da peopo come real good inside.
\q Dey goin dance an sing in front you,
\q2 Jalike wen da peopo cut da food inside dea fields
\q2 An dey stay good inside,
\q An jalike wen da army guys steal rich stuffs from da guys dey wen fight,
\q2 An give dea friends some a da stuff,
\q2 Dey all stay good inside.
\b
\q
\v 4 Jalike you wen do befo time,
\q2 Wen da Midian peopo make da Israel peopo work hard fo dem.
\q You wen hemo da Israel peopo
\q2 From da hard work da Midian peopo make dem do.
\q Jalike you wen stop da Midian peopo so dey no hit dem wit stick
\q2 An poke dem so dey work mo fast.
\q
\v 5 Fo shua, ery boots da army guys wear wen dey fight,
\q2 An ery clotheses dat get blood all ova um,
\q Dey goin throw all dat kine stuff on top da fire
\q2 Fo burn um.
\b
\q
\v 6 Cuz fo us one kid wen born,
\q2 One boy dat God give us.
\q2 God goin give him da power fo stay in charge.
\q Dey goin give da name,
\q2 “Da Awesome One.
\q Da One dat teach us awesome stuff an how we gotta do um.
\q2 Da Real God dat get all da power.
\q Da Fadda dat stay foeva.
\q2 Da leada dat make eryting go good fo us.”
\q
\v 7 He goin come da leada
\q2 Fo mo an mo place,
\q An he goin make eryting come good fo erybody,
\q2 An he no goin stop doing dat.
\q He goin be da king on top da throne
\q2 Jalike King David, his ancesta guy.
\q He goin judge erybody da right way,
\q2 An he goin do da right ting erytime.
\q From da time he come da king,
\q2 He goin make shua he stay king foeva.
\q All dis goin happen
\q2 Cuz Yahweh, Da Boss Ova All Da Armies,
\q2 Goin make shua dis goin happen.
\s God Stay Huhu Wit Israel
\q
\v 8 My Boss wen tell me fo talk agains da Jacob ohana.
\q2 An wat I tell, goin go agains da whole Jacob ohana.
\q
\v 9 All da peopo dea goin know wat God say,
\q2 Da Israel peopo, an da peopo inside Samaria town.
\q But dey come high nose, an get big head.
\q2 Az why dey talk lidis:
\q
\v 10 “Da bricks all fall down,
\q2 But neva mind, we goin build um up again wit cut stone block.
\q Da army guys cut down da sycamore trees,
\q2 But neva mind, we goin plant cedar trees dea
\q2 Wea da sycamore wen grow.”
\q
\v 11 So Yahweh stay make da peopo dat stay agains King Rezin from Aram
\q2 Come plenny strong, so den da Israel peopo no can win dem.
\q He stay tell da peopo dat like bus up da Israel peopo
\q2 Fo go geev um.
\q
\v 12 Da Aram peopo from da east side,
\q2 An da Filisha peopo from da west side,
\q Dey go agains da Israel peopo
\q2 An dey win um.
\b
\q An Yahweh stay huhu wit da Israel peopo still yet,
\q2 An he stay ready fo bus um up.
\b
\q
\v 13 Cuz da Israel peopo still yet no lissen
\q2 An come sorry fo da bad stuff dey do
\q2 An come back to da One dat stay bus um up,
\q An still yet dey no like even find out
\q2 Wat Yahweh, Da God Ova All Da Armies, tell dem fo do.
\q
\v 14 In one day, Yahweh goin cut off all da diffren kine peopo,
\q2 Jalike he cut off dea head an dea tail,
\q An same time, he goin cut off da top palm tree branch up dea,
\q2 An da reed plant dat grow down inside da mud.
\q
\v 15 (You know, dea older leadas an da ones dey get respeck fo,
\q2 Dey jalike da head.
\q Da guys dat say dey talk fo God, but dey bulai peopo wen dey teach,
\q2 Dey jalike da tail.)
\b
\q
\v 16 Az how come, da ones who stay lead dis peopo,
\q2 Dey make um go da wrong way,
\q An az how come, da peopo dat lissen to dea leadas,
\q2 Dey come all mix up an donno wat fo do.
\q
\v 17 Dass why my Boss
\q2 No goin feel good bout da young guys,
\q He no goin show pity notting
\q2 Fo dea widows o dea kids dat no mo fadda o mudda.
\q Cuz all dem peopo ack jalike God no matta to dem,
\q2 An still stay do bad kine stuff.
\q2 Ery one a dem, get pilau mout.
\b
\q An Yahweh stay huhu wit da Israel peopo still yet,
\q2 An he stay ready fo bus um up.
\b
\q
\v 18 Cuz wen somebody do bad kine stuff,
\q2 Az jalike how wit one big fire.
\q All da thorns an da grass burn,
\q2 An all da trees burn too,
\q2 Wit plenny black smoke dat go up in da sky.
\q
\v 19 Yahweh, Da Boss Ova All Da Armies,
\q2 He no can take da bad kine stuff dey do.
\q2 Dass why he huhu, an da land stay all burn.
\q So da peopo, dey jalike da kine stuff dat da fire goin burn up.
\q2 Nobody show pity fo dea ohana.
\q
\v 20 Ova one side, dey goin steal food an eat,
\q2 But still yet dey hungry.
\q Ova hea one side, dey eat stuff,
\q2 But dey no come full.
\q2 Dey even goin eat dea own kids .
\q
\v 21 (I mean dis:
\q2 Da Manasseh ohana goin eat da Efraim ohana,
\q2 An da Efraim ohana goin eat da Manasseh ohana.
\q2 An togedda, dey goin eat da Judah ohana.)
\b
\q An Yahweh stay huhu wit da Israel peopo still yet,
\q2 An he stay ready fo bus um up.
\c 10
\p
\v 1 Auwe! fo da guys dat make all kine rules dat not right,
\q2 An write all kine rules dat make humbug fo da peopo!
\q
\v 2 Dey make da peopo dat no mo notting
\q2 No can get help from da judge.
\q Dey take away da rights
\q2 From my peopo wen dey get hard time.
\q Dey steal stuffs from da widows
\q2 An da kids dat no mo fadda o mudda.
\q
\v 3 But wat you guys goin do
\q2 Wen da time come fo God punish you guys?
\q Wen da army guys come from far
\q2 Wipe you guys out jalike one storm?
\q Wat peopo you guys goin run to,
\q2 Fo dem help you guys?
\q Wea you guys goin leave all yoa rich stuffs
\q2 Wen you run away?
\q
\v 4 Ony one ting you can do -- give up
\q2 Cuz wat goin happen to you, mo worsa den da prisona guys!
\q O you can fall down on top da groun wit da odda mahke bodies,
\q2 Cuz wat goin happen to you, mo worsa den wat happen to da guys dey kill!
\b
\q An Yahweh stay huhu wit da Israel peopo still yet,
\q2 An he stay ready fo bus um up.
\s Da Assyria Peopo Goin Stand in Front Da Judge
\p
\v 5 God tell:
\q “Auwe! fo you guys!
\q2 I goin use da Assyria peopo jalike one club fo punish you,
\q Cuz I stay huhu wit you Israel peopo,
\q2 An I goin make da Assyria guys wack you!
\v 6 I goin send da Assyria army guys agains my peopo
\q2 Dat ack jalike I no matta.
\q I no can take awready
\q2 Da bad kine stuff da Israel peopo stay do.
\q Dass why I tell da Assyria peopo
\q2 Fo come take da Israel peopo's rich stuff
\q2 An take um all away.
\q Jalike dey goin walk on top da Israel peopo
\q2 An push um down jalike dey mud on top da streets.
\b
\q
\v 7 But da Assyria guys, dey no tink like me.
\q2 Dey no make same kine plan jalike me.
\q2 Dea plan, diffren kine,
\q Cuz dey ony like wipe out eryting,
\q2 An kill plenny diffren peopos.
\q
\v 8 Da Assyria king tell:
\q2 ‘Eh, oua army general guys,
\q2 All a dem, dey king guys too!
\q
\v 9 Us guys awready win an take ova
\q2 Calno an Carkemish,
\q2 Hamat an Arpa,
\q2 Samaria an Damascus!
\q
\v 10 We wen take ova diffren lands dat get dea own kings befo time,
\q2 An da idol kine gods for dose lands, was moa strong
\q2 Den da Jerusalem an Samaria kine idol gods.
\q
\v 11 Us guys wen win ova Samaria town an dea idol gods.
\q2 Now we goin do da same ting to Jerusalem town
\q2 An da idol kine gods dea.’-”
\p
\v 12 Wen God my Boss pau do all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.
\q
\v 13 Cuz da Assyria king tink,
\q2 ‘I can do all dis cuz I strong,
\q An I know wat fo do erytime,
\q2 Cuz I undastan plenny stuff.
\q I wen take away da lines dat stay block off
\q2 So all da countries come part a my country.
\q I wen take all dea rich stuffs.
\q2 An take down dea kings,
\q2 Cuz I one real strong guy.
\q
\v 14 I find all da silva an gold
\q2 Dat da diffren peopos get.
\q2 I grab um, jalike somebody take eggs from one nest!
\q I take away stuff from peopo all ova da world,
\q2 Jalike somebody take da eggs dat da mudda bird leave.
\q Wen I do dat, nobody say notting,
\q2 O flap da wing,
\q2 No even open da mouth, an no squawk.’-”
\b
\q
\v 15 You tink da ax mo betta den da guy dat swing um?
\q2 Da saw mo betta den da guy dat use um?
\q You tink da club goin lift da guy dat carry um?
\q2 Da walking stick goin lift somebody dat using um?
\q2 No way!
\q
\v 16 Cuz a dat, Yahweh da Boss, da God Ova All Da Armies,
\q2 He goin make da big Assyria army guys
\q2 Come sick an skinny,
\q2 An come mo an mo weak like get feva.
\q Fo shua, God goin light one fire
\q2 Dat goin burn up all da awesome stuff
\q2 Dat da Assyria king wen get.
\q
\v 17 Da God dat give da Israel peopo light,
\q2 Fo da Assyria peopo, he goin come jalike one fire.
\q2 Da One dat stay good an spesho fo da Israel peopo
\q2 Goin burn up da Assyria peopo.
\q In one day, dat fire goin burn up
\q2 All da Assyria peopo, jalike dey thorns an weeds.
\q
\v 18 Da Assyria king get any kine awesome forest
\q2 An plenny place fo grow fruit tree.
\q Yahweh goin make all dat come pau,
\q2 Inside an outside,
\q2 Jalike wen one sick guy come poho.
\q
\v 19 Ony litto bit trees goin stay
\q2 Inside da Assyria king forest.
\q2 Not too much, even one young boy can count um.
\s Goin Get Israel Peopo Dat Still Stay
\r (Rome 9:27-28)
\q
\v 20 Dat time goin come,
\q2 An some a da Israel peopo dat still stay alive
\q2 Da ones from da Jacob ohana dat get away,
\q Dey no goin trus da Assyria king no moa,
\q2 Da one dat wen wack um.
\q But dey goin trus Yahweh fo real kine,
\q2 Da One dat stay good an spesho fo da Israel peopo.
\q
\v 21 Ony some a da Jacob peopo goin come back hea
\q2 An trus da Real God dat get all da power.
\q
\v 22 No matta you Israel peopo
\q2 Get plenny, jalike da sand by da sea,
\q2 Ony some a dem goin come back.
\q God say all da oddas goin wipe out,
\q2 Jalike wen da big watta carry um away,
\q2 Cuz az da right ting fo him do.
\q
\v 23 Cuz Yahweh make up his mind awready
\q2 Fo wipe out da peopo.
\q My Boss Yahweh, Da God Ova All Da Armies,
\q2 He da One stay doing dis
\q2 Ery place inside da whole world.
\p
\v 24 Dass da ting my Boss Yahweh tell, Da God Ova All Da Armies. He tell:
\q “My peopo dat stay in Jerusalem town, lissen!
\q2 No scared da Assyria guys!
\q No matta dey beat you guys wit sticks,
\q2 An pick up dea club fo hit you,
\q2 Jalike da Egypt guys do befo time!
\q
\v 25 But ony litto bit mo time now,
\q2 Den I no goin stay huhu wit you guys no moa.
\q I goin come huhu wit da Assyria guys
\q2 An go wipe dem out.”
\b
\q
\v 26 Dat time, Yahweh, Da God Ova All Da Armies,
\q2 Goin bring somebody fo wack da Assyria guys wit one whip,
\q Jalike befo time, wen he let Gideon win
\q2 Ova da Midian guys at da Oreb Rock.
\q Jalike da time da peopo come outa Egypt,
\q2 An Moses hold out da walking stick
\q2 Ova da Red Sea.
\q
\v 27 Dat time, da Assyria peopo no goin be dea,
\q2 Jalike wen God go hemo
\q2 One heavy load from yoa back,
\q O jalike wen God open da yoke from yoa neck,
\q2 An den you goin be big an strong again.
\q
\v 28 Look! Da Assyria army stay coming!
\q2 Awready dey come Ayath, an den pass by Migron.
\q2 Dey leave some guys Mikmash side fo guard dea stuffs dea.
\q
\v 29 Dey go ova Mikmash Pass.
\q2 Dey tell, “Eh, we stay Geba town tonite!”
\q Da peopo inside Ramah town, dey scared and shaking.
\q2 All da peopo inside Gibeah, Saul's town, dey running.
\q
\v 30 You peopo inside Bat-Gallim, Yell
\q2 Cuz you all stay real scared.
\q Watch out, you Laishah peopo!
\q2 Auwe! fo da peopo inside Anatot!
\q
\v 31 Da Madmenah peopo, dey running away.
\q2 Da peopo dat live Gebim town, dey look fo one place fo hide.
\q
\v 32 Da same day, da Assyria army guys goin stop by Nob town.
\q2 Dey show punch from ova dea,
\q2 Fo scare da peopo dat live Jerusalem town on top Mount Zion.
\b
\q
\v 33 But you know,
\q2 Da Boss, dass Yahweh Da God Ova All Da Armies,
\q He goin wipe out da Assyria army an dea mo bigga leadas,
\q2 Jalike he chop down one big tree wit da ax!
\q
\v 34 He goin chop down da Assyria guys,
\q2 Jalike wen somebody cut inside da forest wit one ax,
\q2 Jalike wen da awesome big trees inside Lebanon fall down.
\c 11
\s One Branch From David's Ohana
\r (Efesus 6:14-15, 17; 2 Thessalonika 2:8; 1 Peter 4:14)
\q
\v 1 Somebody goin come from da Jesse ohana
\q2 Jalike one shoot grow up from one tree stump.
\q
\v 2 Yahweh Spirit goin stay in charge dat guy.
\q2 Dat Spirit from Yahweh goin make him know wat fo do erytime,
\q2 An make him undastan plenny stuff.
\q Dat Spirit goin make him
\q2 Wea he can tell odda peopo wass good fo dem,
\q2 An he no goin be scared a nobody.
\q Dat Spirit goin help him know plenny stuff,
\q2 An get respeck fo Yahweh.
\q
\v 3 Cuz he get dat kine respeck fo Yahweh,
\q2 He goin feel good inside,
\q2 Jalike he smell da sweet air.
\q He da judge,
\q2 But he no goin ony look, o lissen how peopo talk,
\q2 An den make up his mind.
\q
\v 4 Dass why he make one good judge
\q2 Fo da peopo dat no mo notting.
\q Wen dis judge make up his mind,
\q2 He goin do da right ting fo da peopo all ova da world
\q2 Dat no tink dey numba one.
\q Da stuff he tell cuz he da judge,
\q2 Dat goin bus up peopo all ova da world,
\q2 An wipe out da ones dat do bad kine stuff.
\q
\v 5 He goin stay ready fo make war agains da bad kine stuff.
\q2 He goin be strong, cuz he do da right tings erytime,
\q2 An you can trus him erytime.
\b
\q
\v 6 Dat time, goin be jalike
\q2 Da wild dog goin stay wit da bebe sheep,
\q2 Da leopard goin lay down wit da bebe goat,
\q Da bebe cow, da lion, an da fat cow goin stay togedda,
\q2 An goin get one small boy show dem all wea fo go.
\q
\v 7 Da cow an da bear goin eat grass same place togedda.
\q2 Dea bebes goin lay down togedda.
\q2 Da lion goin eat dry grass jalike da cows.
\q
\v 8 Da bebe goin tink az good fun fo play
\q2 On top da hole dat get snake inside dat can kill dem.
\q Da small kids goin put dea hand inside da hole fo try catch um,
\q2 But da snake no goin like kill nobody.
\q
\v 9 All ova da mountain dat stay spesho fo me,
\q2 Nobody goin hurt o wipe out nobody.
\q Cuz all ova da world, erybody goin know me, Yahweh,
\q2 Jalike all ova da sea, da watta stay cova eryting.
\s Some Israel And Judah Peopo Goin Come Back
\r (Rome 15:12)
\p
\v 10 Dat time, dis wat goin happen: Goin get one new king coming. He goin get King David blood, jalike David fadda ohana da root fo him, an he da shoot. Dat king, goin be dea jalike one flag, so all da diffren peopos goin know he dea, so all da diffren peopos goin know fo go by him. Peopo inside all da countries goin aks him wat fo do. An da place he goin live, goin be awesome.
\p
\v 11 One nodda ting goin happen dat time: My Boss Yahweh goin go bring back all his peopo dat still yet stay alive, from Assyria, Egypt, Sout Egypt, Sudan, Wes Iran, Babylonia, Nort Syria, an da islands.
\b
\q
\v 12 He goin hold up one flag so all da peopos know wea fo come.
\q He goin bring togedda all da peopo
\q2 Dat da odda kings wen throw outa da Israel land,
\q2 An da Judah guys from far place all ova da world.
\q
\v 13 Den da Efraim ohana guys no goin get jealous
\q2 A da Judah guys no moa.
\q An da Judah ohana guys
\q2 No goin give da Efraim guys hard time no moa.
\q
\v 14 Togedda dey goin rush da Filisha peopo on da west side,
\q2 All da way to da sea,
\q2 An steal stuff from peopo on da east side.
\q Dey goin take ova da Edom peopo an da Moab peopo
\q2 An da Ammon peopo gotta do wat dey tell um.
\b
\q
\v 15 Yahweh goin wipe out
\q2 Da skinny part a da Red Sea, Egypt side.
\q He goin put out his hand ova da Eufrates Riva
\q2 An bring one real hot strong wind,
\q Fo make um come seven small stream,
\q2 So peopo can go walk on top da dry part wit slippa.
\q
\v 16 Goin get one big wide easy road
\q2 Fo God's peopo dat still yet stay alive,
\q An dat neva mahke inside Assyria,
\q2 Jalike da time da Israel peopo wen come outa Egypt.
\c 12
\s We Sing Mahalo Fo Yahweh
\p
\v 1 Dat time, you goin say,
\s2 Sing Fo Tell Yahweh He Da Greates!
\q “I goin tell erybody dat you good, Yahweh.
\q2 No matta you was huhu wit me,
\q Now you no stay huhu wit me no moa,
\q2 An you take away da sore from inside my heart.
\b
\q
\v 2 Fo shua, he da God get me outa trouble.
\q2 I goin trus him an no stay scared.
\q Cuz Yahweh, da One make me strong
\q2 An give me powa.
\q2 He come awready da One get me outa trouble.”
\q
\v 3 Bumbye, all you guys goin stay feel good inside,
\q2 Cuz Yahweh get you guys outa trouble,
\q Jalike you guys stay good inside
\q2 Wen you like drink watta,
\q2 An you get um outa one puka.
\v 4 Dat time, you guys goin tell,
\q “Tell Yahweh ‘Mahalo!’
\q2 Aks him fo help you cuz you know wat kine god him!
\q Go by all da diffren peopos
\q2 Fo make shua dey know wat kine tings he can do!
\q Help erybody fo rememba
\q2 Dat wen you know wat kine god him,
\q2 You know he da greates!
\b
\q
\v 5 Sing bout Yahweh,
\q2 Cuz he do awesome kine stuff.
\q2 Let peopo all ova da world know bout dis!
\q
\v 6 Yell loud, call out cuz you guys feel good inside,
\q2 All you peopo dat live inside Jerusalem town!
\q Cuz da Good An Spesho God fo da Israel peopo
\q2 Stay wit all you guys,
\q2 Az why you know he da greates!”
\c 13
\s Wat God Tell Bout Babylon
\p
\v 1 Me, Isaiah, Amoz boy, I get heavy kine stuff fo tell bout wat I see goin happen to Babylon.
\b
\q
\v 2 “Eh you army guys dat goin go afta da Babylon town!
\q2 Put one flag up on top one hill wea no mo tree,
\q2 So da odda army guys can see.
\q Yell loud to dem.
\q2 Wave yoa hand, fo tell dem wen fo go inside Babylon,
\q2 Inside da gate wea da Babylon ali`i guys stay.
\q
\v 3 God wen awready tell da army guys
\q2 Dat goin do dis spesho job fo him,
\q ‘Come! Punish da peopo I stay huhu wit!
\q2 My guys goin feel real good
\q2 Wen I win dis war!’
\b
\q
\v 4 Lissen! Get big noise on top da mountains,
\q2 Sound jalike get plenny diffren peopos on top dea!
\q Lissen! Da king guys an dea nations,
\q2 Dey coming togedda fo fight Babylon!
\q Yahweh, da God Ova All Da Armies,
\q2 He stay make ready one army
\q2 Fo go make war.
\v 5 His army guys all stay come from far place,
\q2 From unda da mos far part a da sky.
\q Az Yahweh coming wit dem,
\q2 An he goin use dat army
\q Fo punish da peopo he stay huhu wit.
\q2 Yahweh goin wipe out da whole land!
\b
\q
\v 6 You Babylon peopo,
\q2 Cry an yell cuz you stay feel sore inside,
\q2 Cuz Yahweh, his day stay come nea!
\q Da God Dat Get All Da Powa,
\q2 He goin wipe out da bad guys.
\q
\v 7 Cuz a dis, all da Babylon peopo goin come weak
\q2 An lose fight.
\q
\v 8 Dey stay real scared an lose fight.
\q2 Dey feel sore inside, an no can keep still
\q2 Jalike one wahine dat goin born one bebe.
\q Dey look at each odda
\q2 An dea face stay all red from da fire,
\q2 Cuz Babylon town stay burn!
\b
\q
\v 9 Look! Yahweh, his day stay come fo judge da peopo!
\q2 Wen dat happen, he no goin give chance notting.
\q He still stay huhu,
\q2 An he no goin take da bad kine stuff peopo do.
\q He goin make da land wea no mo notting dea,
\q2 An goin wipe out all da peopo dea dat doing bad kine stuff.
\q
\v 10 Da stars in da sky an da kine pichas dey make
\q2 Dey no goin get light dey make.
\q Da sun goin come up dark.
\q2 Da moon no goin get light.
\b
\q
\v 11 I goin make bad kine stuff happen
\q2 To da peopo all ova da world
\q2 Cuz dey ony do bad kine stuff.
\q I goin make all da peopo dat tink dey big,
\q2 Pau get big head.
\q I goin make all da ones dat make erybody scared a dem
\q2 Come notting.
\q
\v 12 I goin leave ony litto bit peopo alive,
\q2 Jalike get ony litto bit bestes kine gold dat come from Ofir.
\b
\q
\v 13 Dass why I goin make da sky shake
\q2 An da groun goin move from da place he stay,
\q Cuz dass da time dat me, Yahweh, Da God Ova All Da Armies,
\q2 I still stay huhu, an I no goin take wat da peopo do.
\b
\q
\v 14 Den, jalike wen peopo chase da small deer,
\q2 An jalike wen da sheep get no mo nobody dat keep um togedda,
\q Erybody goin go back to dea own peopo.
\q2 Dey all goin run away to dea own land.
\q
\v 15 Erybody dat da army guys catch,
\q2 Goin get stab.
\q Erybody dey grab
\q2 Dey goin kill dem wit da sword.
\q
\v 16 Da army guys goin kill dea bebes in front dem,
\q2 An steal all da stuffs inside dea houses,
\q2 An rape dea wifes.
\b
\q
\v 17 But you know wat I goin do?!
\q2 I goin make da Mede peopo go agains da Babylon guys.
\q Da Mede guys, dey only like win.
\q2 You give um silva kine stuff, dey no care fo dat.
\q2 You give um gold, dat no make dem stay good inside.
\q
\v 18 Dey goin use bow an arrow
\q2 Fo kill young guys from Babylon.
\q Dey no goin pity da small bebes.
\q2 O look at yoa kids wit aloha.
\b
\q
\v 19 From all da diffren countries,
\q2 Babylon, da mos awesome looking one.
\q All da peopo dea feel real good
\q2 Cuz Babylon stay da leada.
\q But God goin wipe dem out
\q2 Jalike he wen wipe out Sodom an Gomorrah.
\q
\v 20 Peopo no goin live ova dea no moa.
\q2 Not even dea kids o grankids goin make house dea.
\q No guys from Arabia goin come dea fo put up his tent no moa.
\q2 No sheep farma guys goin bring his sheeps fo rest ova dea no moa.
\q
\v 21 But ony da kine animals dat live inside da boonies
\q2 Goin live ova dea.
\q Plenny jackal kine wild dogs goin make house ova dea.
\q2 Da owls goin stay dea,
\q2 An da wild goats goin jump aroun ova dea.
\q
\v 22 Da hyena an da jackal kine wild dogs goin howl
\q2 Inside da fancy kine palaces ova dea.
\q Da Babylon town ony get litto mo time!
\q2 No mo plenny time fo wait awready!
\c 14
\s Wat Isaiah Tell Bout Babylon
\r (Matthew 11:23; Luke 10:15)
\q
\v 1 Yahweh goin show pity fo da Jacob ohana,
\q2 An he goin pick da Israel peopo one mo time,
\q2 Fo be his peopo.
\q He goin let dem res on top dea own land.
\q2 Even peopo from odda place goin come by da Jacob ohana peopo,
\q2 An goin stick wit dem.
\q
\v 2 Da peopos from Babylon goin take da Israel peopo
\q2 An bring um back inside dea own place.
\q Den da Israel ohana goin take ova dose odda peopos,
\q2 An da odda peopos, guys an wahines,
\q2 Goin stay work fo da Israel peopo inside Yahweh land.
\q Befo time, da Babylon peopo make da Israel peopo come prisonas,
\q2 But now, da ones wen make presha fo da Israel peopo,
\q2 Dey come dea prisonas.
\p
\v 3 Bumbye, Yahweh goin let you res. Den you no goin feel sore no moa, an you no goin come scared an shake cuz you worry, an goin pau da hard slave kine work dey make you do.
\v 4 Den you guys goin sing one song fo draw picha bout da Babylon king guys, cuz you guys win awready:
\q Look da ones wen give us hard time,
\q2 Dey pau awready!
\q Befo time, dey amp out jalike dey da winna,
\q2 But now, dey no say notting!
\q
\v 5 Da Babylon king guys dat do real bad kine stuff
\q2 Wen bus up us guys wit dea club.
\q But da ones dat take ova us guys,
\q2 An hit us wit dea stick,
\q2 Now Yahweh broke dea stick.
\q
\v 6 Da Babylon king guys wen bus up
\q2 All kine diffren peopos,
\q2 Cuz dey real huhu, an dey no stop.
\q Az cuz dey real huhu an dey take ova plenny countries
\q2 An dey no hold back from hurt dem plenny.
\b
\q
\v 7 But den, all ova da world eryting stay quiet.
\q2 No mo trouble.
\q2 Da peopo stay sing cuz dey feel good inside.
\q
\v 8 Even jalike da pine trees
\q2 An da cedar trees on top da Lebanon mountain,
\q2 Dey feel good inside cuz you king guys no mo powa.
\q Dey stay sing bout you lidis:
\q2 “Now dat you no mo powa,
\q2 Nobody come up hea fo chop us down.”
\b
\q
\v 9 Da peopo down inside Da Mahke Peopo's Place
\q2 Dey no can wait fo meet you guys
\q2 Cuz you going down dea too.
\q Da spirits a da mahke leada guys from da whole world
\q2 Da kings fo all da countries,
\q2 Dey stand up from dea thrones fo meet you guys.
\q
\v 10 Wen dey meet you guys, dey all goin tell you,
\q2 “Ho! Now you guys lose yoa powa!
\q2 You guys stay come jalike us guys!”
\q
\v 11 You guys was high makamaka,
\q2 People play music fo you,
\q2 But now, you guys come down to Da Mahke Peopo Place.
\q Da bed you goin get down hea
\q2 Get worm fo mattress an blanket.
\b
\q
\v 12 You Babylon kings, ery one a you,
\q2 You guys wen shine jalike da morning star,
\q2 Shining plenny even wen da sun start fo come up.
\q But now, look how you guys fall down from outa da sky!
\q2 God take you an throw you guys down to da earth,
\q2 No matta befo time you guys strong an bus up all da peopos.
\q
\v 13 One time you guys wen tink,
\q2 “I goin go climb up to da sky!
\q I goin put my throne
\q2 Mo high den God stars!
\q I goin sit on top da mos far part
\q2 A da big mountain nort side,
\q2 Wea all da gods stay come togedda!
\q
\v 14 I goin go up mo high on top a da clouds!
\q2 I goin make myself come importan
\q2 Jalike Da God Dass Mo Importan Den All Da Odda Gods!”
\q
\v 15 But now, God bring you guys down to Da Mahke Peopo Place,
\q2 Da mos far part a Da Big Black Hole.
\q
\v 16 Da peopo dat see you guys,
\q2 Dey goin look an look at you.
\q Dey goin tink plenny, an say,
\q2 “Dis da guy dat wen shake da whole world,
\q2 An make peopo in all da countries stay scared an shaking?!
\q
\v 17 He make da earth come all empty
\q2 An bus up all da towns.
\q He no even open da door
\q2 Fo let da prisona guys go home!”
\b
\q
\v 18 In all da countries, weneva one king mahke,
\q2 Da peopo erytime let da body stay inside da palace
\q2 An dey go dea fo show um respeck.
\q
\v 19 But you guys, wen you mahke,
\q2 Da peopo throw you out on top da groun
\q2 An no let you lay inside yoa grave,
\q Jalike somebody cut off one branch dat make da tree come sick
\q2 An throw um outside.
\q Da odda guys dey wen kill wit da sword, same time,
\q2 Dey go all da way down to da stone inside da Big Black Hole,
\q Dea mahke bodies lay dea on top you,
\q2 Jalike da body az one blanket fo you.
\q
\v 20 Dey no goin bury you guys,
\q2 Jalike dey bury all da odda king guys,
\q Cuz you wen mess up yoa own land,
\q2 An kill yoa own peopo.
\q Bumbye, nobody goin talk bout yoa ohana line,
\q2 Cuz all you Babylon king guys
\q2 Stay do ony wass bad!
\q
\v 21 Make ready one place fo kill
\q2 Erybody dat come from dose king guys,
\q2 Cuz dea ancesta guys, dey do plenny bad tings.
\q No way, one a dem can stand up fo come king
\q2 An take ova da world one mo time,
\q2 An fill up da world wit dea big towns!
\s God Tell Wat He Goin Do
\p
\v 22 Yahweh, Da God Ova All Da Armies, he da one tell dis:
\q “Az me, dat goin stand up an fight
\q2 Agains da Babylon king guys.
\q Bumbye, nobody goin even rememba
\q2 Da name a da Babylon peopo.
\q Not one a dem goin stay,
\q2 Same ting fo dea kids
\q An da ones dat come from dea kids.”
\m Az how goin be, Yahweh, Da God Ova All Da Armies, wen say.
\b
\q
\v 23 “I goin make Babylon town come jalike da boonies,
\q2 One place wea da heron bird live inside da swamp.
\q I goin wipe out Babylon town,
\q2 Jalike I sweep um wit one broom.”
\m Az how goin be, Yahweh, Da God Ova All Da Armies, wen say.
\s God Tell Wat Goin Happen To Assyria
\q
\v 24 Yahweh, Da God Ova All Da Armies,
\q2 Awready make dis promise:
\q “I wen plan um lidis, dass how goin be.
\q2 I wen tell dat wat gotta happen, dass how goin happen.
\q
\v 25 Wen da Assyria guys come inside my land,
\q2 I goin smash dem
\q An step all ova dem
\q2 On top my mountain.
\q Dey goin try fo put da yoke on top dem,
\q2 But no goin stay.
\q Dey goin try fo make my peopo carry heavy load on top dea shoulda,
\q2 But I goin take da load off from dea.”
\q
\v 26 Dis, wat I wen plan fo da peopo
\q2 All ova da world.
\q Dass how I stay ready fo use my powa
\q2 Fo take charge all da peopos.
\q
\v 27 Cuz me, Yahweh, Da God Ova All Da Armies,
\q2 I awready wen make dis plan.
\q2 Who can stop me?
\q I stay ready fo use my powa.
\q2 Who goin make me turn aroun an go home?
\s Wat God Tell Da Filisha Peopo
\p
\v 28 Yahweh wen give me, Isaiah, dis heavy ting fo tell, da same year dat King Ahaz wen mahke:
\q
\v 29 Eh! All you Filisha peopo!
\q2 You betta not stay good inside cuz you tinking lidis,
\q “Da king fo da Assyria peopo dat wen bus us guys up,
\q2 He mahke, an now dey no mo powa!”
\q But da king guys dat goin come
\q2 Afta da Assyria king mahke
\q2 Goin be mo worse den him!
\q Cuz jalike you kill one snake,
\q2 One nodda snake goin come from da firs one
\q2 Dat can kill you wit poison.
\q An you kill dat one,
\q2 An goin get one nodda snake come from dat one
\q2 Dat can fly an catch you an bite you.
\q
\v 30 Even da mos poor ones from my peopo,
\q2 Da ones dat no mo notting,
\q2 Dey goin find food.
\q An my peopo dat get hard time cuz dey need stuff,
\q2 Dey goin lay down an res, an nobody goin hurt dem.
\q But you Filisha peopo,
\q2 Yoa mos importan guys goin mahke,
\q2 Cuz I no let um get notting fo eat.
\q An you odda guys dat still stay alive,
\q2 You all goin mahke too, cuz no mo food.
\q
\v 31 Yell, all you peopo inside da town gates!
\q2 Cry plenny, you peopo inside da big towns!
\q All you Filisha peopo,
\q2 You so scared, you stay shake!
\q Cuz one strong army come from da nort side!
\q2 Dey burn down da towns. Can see da smoke!
\q Da army guys, dey all] stay togedda,
\q2 Dey no even lose one army guy.
\p
\q
\v 32 Wen da messenja guys from dat army aks you
\q2 If you guys goin give up,
\q Tell um, “No way! Was Yahweh
\q2 Dat put his big town Jerusalem hea.
\q Fo da peopo dat need help,
\q2 Dey can go inside Jerusalem
\q2 An nobody goin hurt um dea.”
\c 15
\s Wat God Tell Isaiah Bout Moab
\m
\v 1 Me, Isaiah, I get heavy kine stuff fo tell bout wat I see goin happen to da Moab peopo:
\q Ony one nite, Ar town goin come wipe out!
\q2 Dass how da Moab land goin come all bus up.
\q Ony one nite, Kir town goin come wipe out too!
\q2 Dass how da Moab land goin come all bus up.
\q
\v 2 Da Moab peopo go up to dea temple,
\q2 An da Dibon peopo go up da sacrifice place on top da hill,
\q2 Fo cry.
\q Cuz Nebo an Medeba stay bus up,
\q2 Da Moab peopo yell plenny.
\q Dey cut off dea hair an all dea beard
\q2 Fo show dey stay sore inside.
\q
\v 3 Inside da street, da peopo tie burmbag cloth aroun dea waist
\q2 Fo show dey stay sore inside.
\q On top da flat roof, an inside da street,
\q2 Erybody stay crying an yelling plenny.
\q
\v 4 Da Heshbon an Elealeh peopo stay cry.
\q2 You can hear dea voice from far place,
\q2 Even from Jahaz town.
\q Dass why da army guys from Moab stay yell,
\q2 But inside, dey stay scared an shaking!
\b
\q
\v 5 My heart stay cry fo da Moab peopo.
\q2 Da peopo from dea run all da way to Zoar town
\q2 An to Eglat-Shelishiyah.
\q I stay cry, cuz dey go up da way fo go to Luhit,
\q2 An dey still stay cry wen dey going.
\q I stay cry, cuz on top da road to Horonaim,
\q2 Da peopo stay yelling
\q An telling bout dea place
\q2 Wea eryting stay broke.
\q
\v 6 I stay cry, cuz da watta from Nimrim
\q2 Stay all dry up,
\q An cuz da grass fo da animals stay getting dry,
\q2 No mo green tings lef dea.
\p
\q
\v 7 Dass why, all da stuffs dey still get
\q2 An da stuffs dey wen stash fo demself,
\q Dey take wateva dey can carry
\q2 Fo run away da odda side Poplar Tree Gulch.
\b
\q
\v 8 I stay cry, cuz from one side da Moab land to da odda side,
\q2 Can hear da peopo crying
\q2 All da way to Eglayim an Beer-Elim side.
\q
\v 9 I stay cry, cuz da stream dat go by Dimon
\q2 Stay full wit blood, not watta.
\b
\q But God still goin bring
\q2 Mo bad kine stuff fo da Dimon peopo:
\q Da Moab peopo dat run away,
\q2 An da peopo dat stay dea on top da land too,
\q2 Da lion goin chase um an get um.
\c 16
\s Da Moab Peopo Give Baby Sheeps
\q
\v 1 You guys dat stay in charge a da Moab land,
\q2 Inside Sela town, nex to da boonies,
\q Give baby sheeps to Jerusalem,
\q2 Fo gif, fo show you an dem stay da same side.
\q2 Take um to Zion Hill, Jerusalem side.
\q
\v 2 Da Moab wahines dat run away
\q2 Fo go cross ova da Arnon Stream,
\q Dey goin hang aroun dea an donno wea fo go,
\q2 Jalike wen somebody throw da baby birds outa dea nest.
\q
\v 3 Dey like tell da Judah leada guys:
\q2 “Make like one judge
\q2 An tell us guys wat fo do!
\q Noon time, wen da sun stay high,
\q2 Make yoa shadow dark jalike nite time,
\q Fo hide us guys dat stay run away,
\q2 An no let nobody know wea we stay!
\q
\v 4 Let us Moab peopo dat no mo place fo stay
\q2 Make house wit you guys.
\q Be da place so us guys can hide dea
\q2 So da guys dat like wipe us out no can find us!”
\b
\q Cuz bumbye, no goin get da guys dat bus up you guys inside yoa land.
\q2 Dat all goin pau.
\q
\v 5 Dat time, goin get one new king
\q2 Dat goin stay tight wit his peopo.
\q Dat king, goin come from King David's ohana,
\q2 An da peopo goin trus him.
\q He goin be da judge,
\q2 An he goin work hard fo judge erybody da right way.
\q He no goin wase time notting
\q2 Fo make shua eryting dat happen, stay right.
\b
\q
\v 6 We wen hear dat da Moab peopo get real big head.
\q2 Dey plenny high nose.
\q2 Dey go any place dey like.
\q But all dea big kine talk,
\q2 Az not true, an no mean notting!
\p
\q
\v 7 Auwe! Ass why da Moab peopo
\q2 Cry an yell togedda fo dea country.
\q Dey make noise an cry,
\q2 Cuz no mo da raisin candy from Kir-Hereset.
\q2 Ony get bus up peopo ova dea.
\q
\v 8 Da grape fields Heshbon side
\q2 An da grape plants Sibmah side
\q2 Stay all dry up.
\q Da leadas a da diffren countries
\q2 Wen tell dea army guys
\q2 Fo go smash down da red grape plant.
\q Befo time, had grape farm all da way to Jazer,
\q2 An da shoots from da vine go all ova da place,
\q To da boonies an all da way down
\q2 To da odda side a da sea.
\p
\q
\v 9 Dass why I stay cry plenny
\q2 Da same way da Jazer peopo cry
\q2 Fo da grape plants Sibmah side.
\q I cry mo plenny
\q2 Fo da Heshbon an Elealeh peopo.
\q Befo time, wen da Moab peopo bring dea summer fruit
\q2 An cut da wheat,
\q Erybody yell plenny,
\q2 Cuz dey feel good inside.
\q But now, da peopo no yell dat way no moa
\q2 Cuz no mo notting fo cut.
\q
\v 10 Nobody stay feel good inside
\q2 Nobody dance an sing
\q Inside da farms an fields,
\q2 Cuz no mo grapes fo make wine.
\q2 I make um so no mo party ova dea.
\b
\q
\v 11 Dass why I stay cry inside fo da Moab peopo
\q2 Eryting inside me stay crying,
\q2 Jalike one sad song you play wit da harp.
\q How I tink an how I feel,
\q2 I feel real sore inside fo da Kir-Hareset peopo.
\b
\q
\v 12 Bumbye, no matta da Moab peopo go up
\q2 Da sacrifice places fo dea gods on top da hills,
\q An no matta dey work plenny hard an stay tired
\q2 Fo go pray inside da temple dat stay spesho fo dea gods,
\q2 All dat, no goin do notting fo dem!
\p
\v 13 Dass wat Yahweh tell bout da Moab peopo long time ago.
\v 14 An now Yahweh tell dis too: “Da Moab peopo, get choke plenny a dem, an dey awesome. But ony three year from today, jalike da day one work contrack pau, nobody goin tink da Moab peopo stay awesome. Cuz dat time, ony goin get litto bit Moab peopo inside dea. All da odda Moab peopo, gone awready! Da ones dat stay back, dey no can do notting, cuz dey no mo powa.”
\c 17
\s Wat God Tell Isaiah Bout Damascus
\p
\v 1 Me, Isaiah, I get heavy kine stuff fo tell bout wat I see goin happen to da Damascus peopo:
\q Look! Damascus no goin be one big town no moa.
\q2 Da whole place goin come one pile a bus up junks.
\q
\v 2 Da peopo goin leave all da towns Aroer side,
\q2 Dey all goin go way from ova dea.
\q Goin come one place fo da cows an sheeps an goats.
\q2 Dey goin lay down dea,
\q2 An no goin get nobody fo scare dem.
\p
\q
\v 3 Inside da Efraim land,
\q2 No goin get towns wit strong walls no moa.
\q Inside da Damascus land,
\q2 No goin get kings no moa.
\q Da Aram kings from Damascus,
\q2 An da Israel kings from Efraim,
\q2 Dey was awesome befo time.
\q But bumbye, da ones dat still stay alive
\q2 From da Aram peopo an da Israel peopo,
\q2 Dey no goin be awesome no moa.
\m Az how goin be, Yahweh Da God Ova All Da Armies wen say.
\b
\q
\v 4 Dat time, eryting dat stay awesome now
\q2 Bout da Israel ohanas,
\q Dat goin change, an dey no goin stay awesome no moa.
\q2 Jalike wen one guy had plenny fo eat
\q2 An now he come skinny.
\q
\v 5 Goin be jalike Refaim Valley
\q2 Right afta da guys cut da wheat ova dea.
\q Dey cut da wheat,
\q2 An take away plenny inside dea arm.
\q Den da Israel ohana, goin be
\q2 Jalike wen some odda guy come layta,
\q Cut wateva da firs guys neva take wit dem,
\q2 An dey pick up ony litto bit.
\q
\v 6 Goin be hard fo da Israel ohana peopo,
\q2 Jalike afta you wack one olive tree wit stick
\q2 Fo bring down da ripe olives, an ony litto bit stay on top,
\q Two-three olive on da high branch,
\q2 Four o five on top da branches wea da fruit come out.
\m Az how goin be, Yahweh Da God Ova All Da Armies wen say.
\b
\q
\v 7 Dass da time, erybody goin start fo tink
\q2 Bout da God dat wen make dem.
\q Dey goin start fo look
\q2 At da One Dat Stay Spesho fo da Israel peopo.
\v 8 Dey no goin even tink
\q2 Bout da altars dey wen build wit dea own hand fo da odda gods
\q2 An da small kine tings dey make wit dea fingas.
\q Dey no even goin look at
\q2 Da spesho tiki pos fo da wahine god Asherah
\q2 An da places fo burn incense fo da odda gods.
\p
\v 9 Dat time, nobody goin live inside da towns dat get strong walls now. Any kine stuff goin stay grow all ova da towns. Goin be jalike da time da Israel peopo come inside da land, an da peopo dat live dea, go way from dea towns an leave eryting. Ony goin get da boonies wea nobody stay no moa.
\b
\q
\v 10 Fo shua you guys forget bout God
\q2 No matta he da One dat get you guys outa trouble.
\q You no even rememba
\q2 Dat he jalike one big rock wea you can hide.
\q Dass why you stay plant nice plants fo da god Adonis
\q2 An da gods from odda place.
\q
\v 11 No matta you put fence
\q2 Da same day you plant um,
\q2 An da nex morning you make da seed start fo grow,
\q You goin get ony junk kine plant from da seed you plant,
\q2 Cuz you goin get one sick dat nobody can make come good,
\q2 An you goin hurt plenny.
\b
\q
\v 12 Auwe! Plenny army guys stay make big noise
\q2 Jalike da noise wen da rough sea stay pounding.
\q Da armies from da diffren countries stay make noise,
\q2 Jalike wen da watta coming down from da mountain
\q2 An no can stop um.
\q
\v 13 All da army guys from diffren countries make big noise,
\q2 Jalike da big watta running.
\q But God tell um, “No do dat!”
\q2 An dey run away one far place,
\q Jalike da junk kine stuff from da wheat
\q2 An jalike da dry weeds in front one storm
\q2 Dat blow in da wind in da hills.
\q
\v 14 Auwe! Sun down time we all scared.
\q2 But befo da morning time,
\q2 Dis wat happen:
\q Da guys dat like steal our stuffs
\q2 An take eryting,
\q2 Dey no stay no moa.
\c 18
\s Wat God Tell Isaiah Bout Da Far Away Countries Inside Africa
\q
\v 1 Auwe! fo da peopo inside da land
\q2 Wea da bugs stay dat make noise wit dea wings all da time,
\q Da land mo far from hea den Sudan,
\q2 Wea da big rivas come togedda.
\p
\q
\v 2 Dea govmen send dea messenja guys on top da watta.
\q2 Dey go inside da kine boat dey make wit papyrus kine reed,
\q Eh, you messenja guys!
\q2 Go fast to dat odda country far away.
\q To da peopo ova dea,
\q2 Da tall guys wit smooth skin,
\q2 Erybody scared dem.
\q Den go from dea, go even mo far still yet.
\q2 Get one real strong peopo ova dea
\q Dat stay bus up erybody,
\q2 Ova dea wea da big rivas cut thru dea land.
\p
\q
\v 3 God tell dis:
\q2 “All you peopo dat stay live inside da world,
\q Wen I put up my war flag on top da mountains,
\q2 You goin see um.
\q An wen da horn make noise,
\q2 You goin hear um.”
\p
\v 4 Dis da ting Yahweh tell me:
\q “I goin look down from wea I stay,
\q2 But I goin stay quiet,
\q Jalike da hot air look like stay move wit da light,
\q2 But no mo noise notting,
\q An jalike da watta dat stay on top da grass make one cloud
\q2 Wen come real hot wen dey cutting da plants,
\q2 But stay quiet.’
\q
\v 5 Jalike befo dey cut da food,
\q2 Wen no mo flower awready
\q2 An da grape start fo come ripe litto bit,
\q God goin cut off da small branch dat no mo grape
\q2 Jalike he use da pruning shear,
\q2 Den he throw um away,
\q
\v 6 Eh, I talking bout Assyria, you know!
\q2 All dea army guys goin mahke an dea bodies stay dea,
\q2 Jalike God wen prune um.
\q All thru da summa time, da scavenja birds from da mountains goin eat dea bodies,
\q2 An all thru da winta time, da wild animals goin eat um.
\p
\q
\v 7 Dat time, peopo goin bring gifs
\q2 Fo Yahweh, Da God Ova All Da Armies.
\q An who goin bring da gifs?
\q2 Fo shua, dose same peopo from far place,
\q2 Da tall guys dat get smooth skin,
\q2 Dat erybody scared dem.
\q An from da land even mo far still yet,
\q2 Da real strong kine peopo ova dea
\q Dat stay bus up erybody,
\q2 Ova dea wea da big rivas cut thru dea land.
\p Dey da ones goin bring gifs to Jerusalem town fo him, cuz dass da place fo find out wat kine god Yahweh.
\c 19
\s Wat God Tell Isaiah Bout Egypt
\p
\v 1 Me, Isaiah, I get heavy kine stuff fo tell bout wat I see goin happen to da Egypt peopo:
\q Yahweh stay coming Egypt side,
\q2 Jalike he stay ride on top one cloud.
\q Da idol kine gods da Egypt peopo pray to
\q2 Stay shake in front him.
\q Da Egypt peopo stay plenny scared
\q2 An no can tink good.
\p
\q
\v 2 God tell: “I goin make da Egypt peopo go agains each odda.
\q2 One brudda goin fight his own brudda.
\q One guy goin fight his own friends.
\q2 Da peopo inside one big town goin fight
\q2 Da peopo inside anodda big town.
\q One king guys goin fight anodda king guys.
\q
\v 3 Da peopo inside Egypt goin lose fight.
\q2 Dey make plan, but I goin mess up da plan.
\q Dey goin go aks dea idol kine gods,
\q2 An da mahke peopo spirits.
\q2 Dey goin aks da kahuna guys an wahines wat fo do.
\q
\v 4 I goin turn ova da Egypt peopo
\q2 To one mean boss.
\q One strong king goin take charge a dem.”
\q2 Dat word come strait from Yahweh Da Boss, Da God Ova All Da Armies!
\b
\q
\v 5 Da Nile Riva watta no goin be nuff
\q2 Fo cova da Egypt land jalike one sea.
\q Da place wea da riva watta go, goin stay all dry,
\q2 No mo wet place.
\q
\v 6 All da watta canal goin come stink.
\q2 Da streams wea da Nile Riva split up goin come mo an mo dry.
\q2 An all da watta kine plants ova dea goin come rotten.
\q
\v 7 No goin get plants on da side a da Nile Riva
\q2 An wea da riva go inside da sea.
\q Da fields dey wen plant by da Nile Riva
\q2 Goin all come dry an blow away,
\q2 So no mo notting dea.
\q
\v 8 Da fisha guys goin moan an get sad face.
\q2 All da guys dat try catch fish in da Nile Riva
\q Wit hook an net, dey goin stay sad.
\q
\v 9 Da guys dat make ready da flax plants
\q2 Fo make linen thread
\q An da guys dat weave da white cotton,
\q2 Dey goin stay bum out.
\q
\v 10 All da stuff dat stay da mos importan fo da Egypt land
\q2 Goin all come no good.
\q All da peopo dat work fo pay,
\q2 Dey feel real sore inside.
\b
\q
\v 11 Fo shua, da leada guys fo Zoan town, Egypt side,
\q2 Dey stupid kine peopo wit attitude!
\q An da mos smart guys,
\q2 Dey suppose to tell da Pharaoh guy, dea king,
\q Wat fo do,
\q2 But dey ony tell um stupid kine stuff fo do.
\q So! How you guys goin tell da Pharaoh guy,
\q2 “Oua ancesta guys,
\q Dey was smart guys dat know wat fo do erytime,
\q2 An dey was kings from befo time”?!
\q2 No way you guys can tell him dat!
\b
\q
\v 12 So! Wea yoa smart guys stay now,
\q2 Da ones dat erytime know wat fo do?!
\q Let dem tell you wat Yahweh plan,
\q2 Wat Yahweh, Da God Ova All Da Armies,
\q2 Goin do agains Egypt.
\q
\v 13 Da leada guys fo Zoan town,
\q2 Dey go do stupid kine tings cuz dey no undastan.
\q2 Da leadas fo Memphis, az da main Egypt town, somebody wen bulai dem.
\q2 Da leadas fo da Egypt ohanas wen make dea peopo go da wrong way.
\q
\v 14 Yahweh, him da one wen make da Egypt peopo
\q2 So dey no can tink strait.
\q Cuz a Yahweh, da leada guys make dea peopo
\q2 Go da wrong way bout eryting dey stay do.
\q Da Egypt peopo, dey jalike one drunk guy
\q2 Dat stay fall all ova, even in his puke.
\q
\v 15 Da Egypt peopo no goin can work notting,
\q2 No matta dey rich o no mo notting,
\q2 O dey importan o nobody know who dem.
\p
\v 16 Dat time, da Egypt peopo goin come jalike da wahines. Dey stay scared an shaking, wen dey see dat Yahweh, Da God Ova All Da Armies, put up his hand an shake um cuz he goin wack um.
\v 17 Anyting dat come from da Judah land, goin scare da Egypt peopo plenny. Weneva somebody tell dem bout da Judah land, dey goin come real scared cuz a wat dey know, wat Yahweh, Da God Ova All Da Armies, stay plan fo do agains dem.
\s Bumbye, God Goin Do Good Tings Fo Da Egypt, Assyria, An Israel Peopos
\p
\v 18-22 So. Afta Yahweh goin make da Egypt peopo come real sick, den he goin make um come good. Den dey goin come back to Yahweh, an wen dey aks him fo help um, he goin make um come good.
Dat time, goin get five towns Egypt side wea da peopo talk da Hebrew language. Da peopo inside dose towns, goin make strong promise fo stick wit Yahweh, Da God Ova All Da Armies. But one town goin get da name “Da Town Dat All Bus Up.”
\p Dat time, goin get one altar fo make sacrifice fo Yahweh inside da middo a da Egypt land, an one big stand up stone fo rememba Yahweh, da end a da Egypt land.
Da altar an da stand up stone goin be jalike one sign, dat tell peopo ova an ova inside Egypt bout Yahweh, Da God Ova All Da Armies. Weneva da peopo dea call Yahweh cuz odda peopo making dem suffa, Yahweh goin send one guy fo help get dem outa trouble.
Yahweh goin let da Egypt peopo know who him, an wen he do dat, dey goin know Yahweh fo real kine. Dey goin make sacrifice an give wheat an barley gif fo him, cuz now dey get Yahweh fo dea boss. Dey goin make strong promise to him an den do wat dey promise fo do.
\p
\v 23 Dat time, goin get one big road go from Egypt to Assyria. Da Assyria peopo goin go Egypt side, an da Egypt peopo goin go Assyria side. An dey goin work togedda, fo Yahweh.
\p
\v 24 Dat time da Israel peopo goin make one deal wit da Assyria peopo an da Egypt peopo, da three a dem togedda. Cuz dey come togedda, real good stuff goin happen fo all da peopo in da world.
\v 25 Cuz Yahweh, Da God Ova All Da Armies, he goin do good stuff fo all a dem. He goin say, “I goin make good stuff happen to my peopo, da Egypt peopo, an to da Assyria peopo dat I wen make, an to da Israel peopo dat goin be mines foeva!”
\c 20
\s Wat God Tell Isaiah Bout Egypt an Sudan
\p
\v 1 Was da year King Sargon from Assyria wen send one a da main general guys wit his army guys fo go agains Ashdod town inside Judah an take ova da town.
\v 2 Dat time, Yahweh wen tell me, Isaiah, Amoz boy, fo talk fo him. He tell me, “Hemo da burmbag cloth from yoa body, an take off da slippa from yoa feets.” So I do dat. I take um off an go naked an barefeet.
\v 3 Layta, Yahweh tell, “Wat my worka guy Isaiah wen do, go naked an barefeet fo three year, az jalike one sign fo blow da peopo mind, bout wat goin happen to da Egypt peopo an da Sudan peopo.
\v 4 So da king fo Assyria goin take da prisonas from Egypt an Sudan go outa dea country naked an barefeet. No matta dey young o old, dea okole an dea private goin be naked, an dat goin make da Egypt peopo shame.
\v 5 Da Judah peopo dat wen trus da Sudan peopo an talk big bout da Egypt peopo, dey goin lose fight an come shame too.
\v 6 Dat time, da peopo dat stay live hea nea da Judah coast, dey goin tell, “Eh, us guys wen trus dose Egypt an Sudan peopo! Us wen run away an go by dem, fo help us fo get outa da trouble da Assyria king like bring us. If dat wen come to dem, den how us guys goin get outa dis bad kine stuff?! No way!”
\c 21
\s Wat God Tell Isaiah Bout Babylon
\p
\v 1 Get heavy kine stuff fo tell too, bout wat goin happen to da Babylon land, Da Boonies By Da Sea:
\q “One army go come agains Babylon,
\q2 From one land wea da peopo real tough
\q2 An erybody stay scared a dem!
\q Dey goin go quick thru da Babylon land,
\q2 Jalike da kine big storm wind dat blow hard
\q2 Outa da boonies an go thru da south part a Judah.”
\q
\v 2 God wen show me stuff
\q2 Dat make me real bum out jalike one bad dream:
\q “Jalike da guy dat like set up his bruddas,
\q2 He goin do um.
\q Da guy dat like bus up eryting,
\q2 He goin bus um up.
\q Da Babylon guys goin make plenny peopo suffa an moan,
\q2 But I goin make da Babylon guys stop all dat!
\q You Elam army guys, go afta Babylon town!
\q2 You Media army guys, make camp all aroun Babylon too,
\q2 So nobody can go inside dea o come outside!”
\q
\v 3 Wen I hear dis, I come plenny sore inside
\q2 An I move my body.
\q Da pain stay grab me,
\q2 Jalike wen one wahine start fo born one bebe.
\q I stay all mix up an no can tink,
\q2 Cuz a wat I wen hear.
\q Bodda me plenny an scare me,
\q2 Wat I wen see.
\q
\v 4 I no can tink good!
\q2 I stay shake cuz I real scared!
\q I wait fo da light come litto bit,
\q2 But now da light come,
\q2 I stay scared even mo plenny!
\b
\q
\v 5 Eh, you Babylon leada guys!
\q2 Make da table ready fo one lu`au!
\q Lay down da mats!
\q2 Eat an drink!
\q But look! Make shua yoa shields stay ready!
\q2 Cuz you goin fight, right now!
\q
\v 6 Dis, az wat God my boss tell me:
\q2 “Go put one watcha guy outside
\q2 Fo tell us wat he see.
\q
\v 7 If he see war wagons
\q2 An plenny horse wit um,
\q Guys riding on top donkeys,
\q2 An on top camels,
\q Den he gotta look real good,
\q2 An lissen!”
\p
\q
\v 8 Den da watcha guy talk loud,
\q2 Jalike one lion:
\q “Eh boss, ery day I stay on top hea
\q2 Looking all da time,
\q2 Ery nite I stay hea stand, all nite.
\q
\v 9 An now, look!
\q2 Get one guy inside one war wagon coming,
\q2 Wit two horse pulling um.”
\b
\q Den somebody tell, “Babylon town, stay all bus up!
\q2 All da idol kine gods fo Babylon,
\q2 Stay all smash an all on top da groun!”
\b
\q
\v 10 God tell, “Auwe! My Israel peopo,
\q2 You poor guys stay all bus up,
\q Jalike wen dey smash da wheat on top da groun
\q2 Fo take out da junk kine stuffs.”
\q Dass wat I wen hear from Yahweh,
\q2 Da God Ova All Da Armies,
\q An da God fo da Israel peopo.
\q2 He wen tell me all dat, fo help you guys.
\p
\s Wat God Tell Isaiah Bout Edom
\q
\v 11 Get heavy kine stuff fo tell bout Dumah,
\q2 Da Edom land, wea nobody stay awready.
\q Somebody stay yell to me
\q2 From Seir Mountain, Edom side:
\q “You dat stay watch ova dea,
\q2 How much time lef dis nite?
\q2 Wen da dark time goin pau?”
\q
\v 12 Da watcha guy tell um,
\q2 “Morning stay coming,
\q2 An den da nite come.
\q If you guys ova dea like aks, az okay.
\q2 Go, den come back again an aks.”
\p
\s Wat God Tell Isaiah Bout Arabia
\p
\v 13 “I get heavy kine stuff fo tell bout da boonies up country da east side from Judah:
\q You Dedan peopo,
\q2 You get wagons fo carry stuffs fo sell,
\q2 An you make camp nite time wea get plenny tree
\q2 Inside da boonies up country.
\q
\v 14 You peopo dat stay live inside da Tema land,
\q2 Go bring watta fo da thirsty peopo,
\q An go take food to da peopo
\q2 Dat stay run away from Babylon.
\q
\v 15 Dey wen run away
\q2 From da guys dat stay chase um wit swords,
\q An from da guys wit bow an arrow dat stay ready fo shoot um,
\q2 From all da bad kine stuff you get, wen get war.”
\p
\v 16 Dis da ting God my boss tell me: “Befo pau one year, jalike one guy dat get work contrack mark how many days moa till da contrack pau, all da rich stuff inside Kedar goin pau.
\v 17 Ony goin get litto bit mo guys from da Kedar army dat know how fo fight good wit bow an arrow, dat still stay alive.”
\p Dass wat Yahweh tell, da God fo da Israel peopo.
\c 22
\s Wat God Say Bout Da Jerusalem Peopo
\r (1 Corint 15:32; Jesus Show 3:7)
\p
\v 1 Me, Isaiah, I get heavy kine stuff fo tell bout wat I see goin happen to da Jerusalem peopo:
\q Dis wat God say bout da place
\q2 Wit mountains all aroun
\q2 Wea can see wat goin come bumbye.
\q “Wassup wit all you guys?!
\q2 So den, how come erybody go up on top yoa flat roof?!
\q
\v 2 All ova Jerusalem town
\q2 Some a you guys stay yelling and moaning,
\q An odda guys make party!
\q2 Same time get mahke guys bodies all ova da place.
\q Nobody wen kill dem wit swords.
\q2 Dey neva fight in da war,
\q2 But still yet, dey mahke.
\q
\v 3 Da leada guys fo yoa army
\q2 Dey all wen run away togedda.
\q Da odda guys no even shoot arrow at dem.
\q2 Dey jus grab um an tie um up.
\q Da guys from da town come prisonas too,
\q2 Even da guys dat run away
\q2 Wen da army guys still yet stay far away from da town.”
\q
\v 4 Dass why I tell dis,
\q2 “Go way! No look at me!
\q2 Let me cry hard!
\q No try make me feel good inside
\q2 Cuz dey wipe out my peopo!
\q My peopo, dey jalike one wahine,
\q2 Gone awready, eryting dey get.”
\p
\q
\v 5 My boss Yahweh, Da God Ova All Da Armies,
\q2 One day, he goin come.
\q Den, God goin mess up da Jerusalem peopo head
\q2 So dey no can tink an donno wat dey doing.
\q2 He goin make dem run all ova each odda,
\q Right dea, inside da place wit mountain all aroun
\q2 Wea can see wat goin come bumbye.
\q Dat time, da army goin broke down da Jerusalem wall.
\q2 All da way to da mountain, goin hear da peopo yelling.
\q
\v 6 Da Elam guys goin shoot dea bow an arrow at da Jerusalem guys
\q2 From inside da war wagon,
\q2 Wit odda guys fo drive da horses fo da war wagon.
\q2 Da guys from Kir goin put up da shield.
\q
\v 7 Yoa bestes kine valleys
\q2 Get plenny war wagon.
\q Da army guys dat ride horse
\q2 Stay watch by da gate fo da town.
\q
\v 8 Da Judah peopo no can hide wat dey doing.
\q2 Dat time, dey ony goin trus da ol stuff fo fight wit
\q Dat dey keep inside da palace dat dey call
\q2 Da Forest House.
\q
\v 9 But you guys goin see dat get plenny place
\q2 Wea da wall stay bus up awready
\q2 All aroun Jerusalem, King David' big town.
\q You guys goin keep watta
\q2 Inside da makai watta place.
\q
\v 10 You count da houses inside Jerusalem,
\q2 Den you broke um down fo get wood an stone
\q2 Fo make da wall mo strong.
\q
\v 11 You guys goin build one new watta place
\q2 Inside da town walls
\q So nobody can take da watta
\q2 From da old watta place.
\b
\q But you guys neva even tink bout Yahweh,
\q2 Da One dat wen make all dis happen,
\q2 Cuz he wen plan um from long time ago.
\q
\v 12 My boss, Yahweh Da God Ova All Da Armies,
\q2 He goin call you dat time
\q Fo cry an stay sore inside,
\q2 Fo pull out yoa hair,
\q An put on burmbag kine clotheses,
\q2 Fo show you stay sore inside.
\q
\v 13 But you know wat?!
\q2 You guys no goin stay sore inside.
\q You guys goin dance an sing,
\q2 An make party,
\q2 You kill cows an sheeps,
\q Eat da meat an drink da wine.
\q2 You tell, “Eat an drink now,
\q2 Cuz tomorrow, we mahke!”
\q
\v 14 I hear Yahweh, Da God Ova All Da Armies,
\q2 Tell dis bad kine ting you guys stay do,
\q I no goin hemo da shame from you guys fo dat
\q2 Fo all da days you stay live.”
\q Dass wat my boss tell,
\q2 Yahweh, Da God Ova All Da Armies.
\s Wat God Tell Bout Da Guy Shebna
\p
\q
\v 15 Dis da ting my boss Yahweh, Da God Ova All Da Armies, tell:
\q2 “Go see dis guy Shebna, dat take care all da palace kine business. Tell um strait:
\q
\v 16 ‘Wassa matta you?!
\q2 Dis not yoa kuleana, you know!
\q2 How come you get yoa peopo hea?!
\q Who give you da right
\q2 Fo build one fancy kine puka inside dis big stone
\q2 So yoa ohana can bury you ova hea wen you mahke?!
\q Cutting out one puka dass mo high inside
\q2 Den da puka fo da oddas inside da big rock!
\q2 Dass da place you goin stay afta you mahke!
\b
\q
\v 17 ‘You betta watch out!
\q2 Yahweh stay ready fo grab you
\q2 An throw you away, you big moke!
\q
\v 18 He goin roll you up tight jalike one ball,
\q2 An throw you inside one big land.
\q Dass wea you goin mahke,
\q2 An dass wea da war wagons goin stay,
\q2 Dat wen make you look so awesome!
\q But now, you da one
\q2 Make shame fo yoa boss guys!
\q
\v 19 I goin take yoa kuleana away from you.
\q2 I goin throw you outa yoa palace job!
\b
\q
\v 20 ‘Dat time, I goin call my worka guy,
\q2 Eliakim, Hilkiah boy, fo come work fo me.
\q
\v 21 I goin put yoa robe an yoa ali`i sash on top him,
\q2 An give him da powa
\q2 Fo do da job you get right now.
\q He goin come jalike da fadda guy
\q2 Fo da peopo inside Jerusalem,
\q2 An da Judah ohana peopo.
\q
\v 22 I goin give Eliakim da right
\q2 Fo run da govmen fo da king,
\q Jalike him da one carry da key fo King David palace
\q2 An work fo da King David ohana.
\q Wen Eliakim open someting,
\q2 No mo nobody can shut um.
\q Wen he shut someting,
\q2 No mo nobody can open um.
\q
\v 23 I goin make Eliakim come one strong guy,
\q2 No mo notting can make him change,
\q Jalike one strong stick
\q2 Dat stick out from da wall fo hold stuff.
\q Erybody goin get choke respeck fo his fadda ohana,
\q2 Cuz Eliakim goin be jalike da throne dat hold da king.
\q
\v 24 Him da one gotta carry da load
\q2 Fo all his fadda guy's ohana peopo,
\q2 Fo make shua dey all get respeck.
\q Dey goin make Eliakim take care eryting fo dem,
\q2 Even da mos small kine stuff.”
\p
\q
\v 25 \q Yahweh, Da God Ova All Da Armies,
Dis wat he tell:
\q
“Bumbye, even Eliakim goin mess up,
\q2 Jalike wen da stick dat dey wen put one solid place come loose.
\q Somebody goin chop um off,
\q2 Den da whole load goin fall down
\q2 An eryting dat hang on top um goin wipe out.”
\q2 Yahweh, he da One tell all dat.
\c 23
\s Wat God Say Bout Tyre
\p
\v 1 Me, Isaiah, I get heavy kine stuff fo tell bout wat I see goin happen to da Tyre peopo:
\q All you guys inside da boats dat go Spain side,
\q2 Cry an yell cuz you stay sore inside.
\q You guys no mo house now,
\q2 No mo place fo da boats fo go in.
\q Wen da boats come back from Spain
\q2 An stop Cyprus Island,
\q Den somebody tell dem
\q2 Dat Tyre town stay all bus up awready.
\q
\v 2 You peopo dat live nea da beach,
\q2 No say notting, cuz you feel so bad!
\q You Sidon guys dat buy stuff an sell um,
\q2 Was da Tyre peopo
\q2 Dat go an come on top da boats
\q2 Dat befo time wen bring you wateva you like.
\q
\v 3 Befo time, dey go on top da big ocean
\q2 An bring back plenny stuffs,
\q Cuz dey buy an sell seeds from Shihor
\q2 An da food da Nile River peopo cut.
\q Az how Tyre town wen stay
\q2 Jalike da open market fo all da nations.
\b
\q
\v 4 But now, you peopo inside Sidon town,
\q2 You ony get shame!
\q Tyre was da town wit da strong wall by da sea
\q2 Dat wen take care all you odda peopo!
\q2 But now, jalike da Tyre peopo stay tell,
\q “Us guys no mo nobody
\q2 Fo do how us wen do befo.
\q Jalike us neva hurt plenny
\q2 An born kids fo stick wit us,
\q Us neva raise young guys o wahines
\q2 Fo take ova oua business bumbye.”
\q
\v 5 Wen da Egypt peopo hear
\q2 Bout wat happen inside Tyre,
\q Goin hurt dem plenny,
\q2 Jalike one wahine start fo hurt
\q2 Wen she start fo born bebe.
\p
\q
\v 6 Run away da odda side da sea, to Spain!
\q2 Cry an yell cuz you stay sore inside,
\q2 You peopo from da island dat still stay dea!
\q
\v 7 Fo shua, dis not da same big town
\q2 Dat erytime stay make party befo time!
\q2 Dis not da same ol town dat stay from long time ago.
\q Cuz now, all da Tyre peopo go far way awready.
\q2 Dey no stay dea no moa.
\q2 Dey go live wea dey no mo land.
\q
\v 8 Who you tink wen make da plan
\q2 Fo wipe out Tyre, da big town?!
\q Befo time, was dea king
\q2 Dat give plenny odda kings dea crown!
\q Da guys from Tyre dat buy an sell stuff was princes,
\q2 An erybody in da world get respeck
\q2 Fo da guys dat go far place fo sell stuff.
\q
\v 9 Was Yahweh, Da God Ova All Da Armies!
\q2 He da One plan um
\q Fo shame all da awesome peopo dat get big head,
\q2 An make erybody in da world lose face
\q2 Dat wen get respeck befo time.
\b
\q
\v 10 You Tyre peopo dat live Spain side now,
\q2 Okay fo you go from one end a yoa land to da odda end,
\q Jalike da Nile River go all ova Egypt,
\q2 From one end to the odda end,
\q2 Cuz no mo notting make you stay one place no moa.
\b
\q
\v 11 Wen Yahweh put up his hand fo use his powa ova da sea,
\q2 He make da kings an dea peopos come scared an shaking.
\q He da One dat tell, az time fo wipe out
\q2 Da towns inside Fonicia dat get strong wall.
\q
\v 12 He tell da peopo inside Sidon town
\q2 “No moa, you goin feel good bout anyting!
\q You guys goin be jalike one young wahine
\q2 Dat get rape.
\q Even if you guys go ova dea Cyprus Island,
\q2 You guys no goin rest dea.”
\b
\q
\v 13 Look! da Babylon land!
\q2 Da peopo dat live dea,
\q2 Befo time, nobody know who dem.
\q Da Assyria guys wen use da Babylon land
\q2 Fo da wild animals dat stay inside da boonies.
\q But layta, az da Babylon peopo from da boonies
\q2 Build towers fo fight agains Tyre town.
\q Dey rip off eryting inside da palaces inside da town,
\q2 An leave all da rubbish wea had house.
\p
\q
\v 14 All you Tyre guys inside da boats dat go Spain side,
\q2 Cry an yell cuz you stay sore inside.
\q2 Cuz yoa town wit strong wall stay all bus up.
\p
\v 15 Dat time, erybody goin foget bout Tyre fo 70 year. Dass jalike da time wen one king stay alive. Afta da 70 year, goin come fo Tyre jalike da song tell bout one wahine dat take money fo fool aroun:
\b
\q
\v 16 “You, da wahine dat erybody wen foget,
\q2 So take one guitar
\q Play nice music an sing plenny song
\q2 So guys goin tink bout you long time.”
\b
\v 17 Cuz afta 70 year, Yahweh goin tink bout da Tyre peopo, an do someting fo help dem. Den da peopo inside Tyre goin go back an make jalike befo time. Dey goin buy an sell stuff again wit all da kings all ova da world an dea peopos, jalike da wahine dat take money fo fool aroun.
\v 18 But dat time, wateva da Tyre peopo make from wat dey buy an sell, an from work, goin come spesho fo Yahweh, not fo demself. Wateva dey make, goin be fo plenny food an good clotheses fo da peopo dat stay tight wit Yahweh.
\c 24
\s Yahweh Goin Wipe Out Da Earth
\r (Luke 21:34-35)
\q
\v 1 Yahweh, he stay ready fo wipe out da whole earth
\q2 An make um come empty!
\q He goin change da mountain an valley
\q2 An all da peopo goin go all ova da place.
\q
\v 2 Goin be same same fo all a dem,
\q2 Da pries guys an da regula peopo,
\q Da slave guys an da boss guys,
\q2 Da worka girl an da lady she work fo,
\q Da guy dat buy stuff an da guy dat sell stuff,
\q2 Da guy dat lend stuff an da guy dat borrow,
\q2 Da loan shark guys an da guys dey wen lend um.
\q
\v 3 All ova da world, no goin get notting inside dea,
\q2 Jalike somebody wen go rip off eryting!
\q2 Dis wat Yahweh tell.
\p
\v 4 Da earth, jalike stay sore inside, an all dry up.
\q2 Ery place peopo live, jalike dey stay tired, an all dry up.
\q2 Da big name peopo, jalike dey all tired too.
\q
\v 5 Da whole world,
\q2 Jalike stay pilau awready
\q2 Cuz a da peopo dat live dea.
\q Az cuz dey no do da stuff God wen teach um,
\q2 An broke da Rules --
\q2 Da deal God wen make wit dem foeva.
\q
\v 6 Dass why God put kahuna on top da earth
\q2 Fo burn up eryting.
\q All da peopo dat live dea,
\q2 Dey gotta suffa cuz dey wen do wrong.
\q Dass why, from da ones dat live on top da earth,
\q2 Ony litto bit peopo stay now.
\q
\v 7 Da grape plant no grow nice,
\q2 Da juice from da grape fo make wine, look funny kine.
\q Da kine peopo dat like party an feel good,
\q2 Dey stay moan.
\q
\v 8 Good fun, da tambourine, but now no mo noise.
\q2 Da noise from da party guys, all gone.
\q2 Good fun, da harp, but dat stay pau too.
\q
\v 9 Nobody drink wine an sing no moa.
\q2 Wen dey drink beer, taste bad.
\q
\v 10 Da big town stay all bus up,
\q2 No mo notting inside dea.
\q All da door fo ery house stay shut
\q2 So nobody can come inside.
\v 11 Da peopo stay yell on da street,
\q2 Cuz no mo notting fo drink.
\q Befo time dey dance an sing plenny,
\q2 But all dat pau,
\q2 Jalike wen da sun go down an eryting come dark.
\q Da army guys wen take to dea own country
\q2 Eryting dat wen make da peopo dance an sing.
\q
\v 12 Inside da big town, eryting stay bus up
\q2 An ony rubbish dea.
\q2 Even da town gate stay all smash.
\b
\q
\v 13 An dass how goin be,
\q2 Right dea inside da middle a da land,
\q2 Wit odda peopos all aroun dea.
\q Ony litto bit peopo going stay,
\q2 Jalike wen dey wack da olive tree wit sticks
\q2 Till only litto bit olive stay on top,
\q An jalike wen dey cut da grapes
\q2 An leave litto bit grape
\q2 Fo da poor peopo dat no mo notting.
\p
\v 14 Bumbye, da peopo dat still stay inside da land,
\q2 Dey goin yell plenny an sing
\q2 Cuz dey stay feel good inside.
\q From da wes side nea da big sea,
\q2 Da peopo goin yell
\q2 Bout how awesome Yahweh stay.
\q
\v 15 Dass why you peopo dat live eas side
\q2 Wea da sun come up,
\q2 Make shua da peopo dea show respeck fo Yahweh!
\q An you guys dat live dea on top da islands,
\q2 Make shua da peopo dea know wat kine god Yahweh,
\q2 Da God fo us Israel peopo!
\b
\q
\v 16 From da mos far places on top da earth
\q2 We hear peopo sing,
\q “Da peopo dat do da right ting erytime,
\q2 Dey look real good!”
\b
\q But me, I tell dis:
\q2 “Auwe! Jalike I stay come poho!
\q Cuz get peopo, I no trus dem.
\q2 Dey tell, dey stay my side.
\q But dey trick me
\q2 Wen I wen trus dem.
\p
\v 17 You peopo dat live on top da earth,
\q2 You goin come real scared an shaking,
\q Jalike you fall inside one deep hole,
\q2 An somebody catch you in dea trap!
\q
\v 18 Anybody run away from some scary kine noise,
\q2 Dey goin fall down inside da deep hole.
\q Anybody climb outa da deep hole,
\q2 Somebody goin catch dem in da trap.
\b
\q Az goin be jalike da time
\q2 Da big watta from inside da sky wen come down,
\q Jalike dey wen open da sky fo let da watta come down,
\q2 An jalike undaneat da earth, da foundation stay shake!
\p
\v 19 Da earth stay all bus up.
\q2 Da earth stay all crack.
\q2 Da earth stay shake plenny.
\q
\v 20 Da earth move dis way an dat way
\q2 Jalike one guy dat drink plenny
\q2 An jalike one shack ready fo fall down.
\q Da peopo all ova da world stay go agains God,
\q2 Dass someting real bad fo dem
\q Dat make um fall down,
\q2 An dey no can get up no moa.
\p
\v 21 Dat time, Yahweh goin punish
\q2 All da bad angel army guys inside da sky dat get powa dea.
\q2 An da kings on top da earth dat get powa dea.
\q
\v 22 He goin bring dem togedda
\q2 An put um inside one jail,
\q2 Jalike dey prisonas all tie up inside one hole.
\q He goin lock dem up dea, jalike inside one jail.
\q2 Afta long time, den he goin punish dem.
\p
\v 23 Den da bright moon no need shine,
\q2 Cuz no need da light.
\q An da hot sun no need shine,
\q2 Cuz no need um fo stay warm.
\q Az cuz dat time,
\q2 Yahweh Da God Ova All Da Armies goin be da king
\q2 On top Zion hill wea da Temple stay
\q2 Inside Jerusalem town.
\q In front da older guys dat lead his peopo
\q2 He goin show how awesome he stay.
\c 25
\s We Talk Good Bout Yahweh
\r (1 Corint 15:54)
\q
\v 1 Yahweh, you my God!
\q2 I goin tell, dat you da greates,
\q2 I goin tell peopo I know wat good kine God you!
\q Cuz you wen do awesome kine tings
\q2 Wen you make plan from long time befo,
\q An us guys can trus you fo dat,
\q2 An we know you tell da truth.
\b
\q
\v 2 I goin tell, dat you da greates,
\q2 Cuz get big towns dat you bus up
\q2 An make um come one pile rubbish.
\q Get strong towns wea da army guys no can come inside,
\q2 You make um all fall down.
\q Da place inside odda countries
\q2 Wea da peopo build palace,
\q2 No even get one mo town dea now.
\q2 No way dey goin build um up one mo time.
\q
\v 3 Dass why goin get strong peopos
\q2 Dat show respeck fo you, Yahweh.
\q Peopo from da big towns dat stay real mean,
\q2 Dey goin stay scared a you.
\b
\q
\v 4 I goin tell dat you da greates, Yahweh,
\q2 Cuz you give place
\q2 Fo da peopo dat no mo notting, fo hide.
\q You, one place fo da peopo
\q2 Dat need rest an help wen dey get trouble.
\q One place fo go inside
\q2 From da big rain an da hot sun,
\q Cuz wen da mean guys go afta peopo,
\q2 Feel jalike wen da hard, cold rain
\q2 Hit agains one wall,
\q
\v 5 Wen da army guys from odda place make big noise,
\q2 Our peopo feel real dry,
\q Jalike dey stay on top one land wea no mo watta,
\q2 An stay all dry, an da sun hot.
\q But you make all dat stop.
\q2 You no let dose mean guys sing no moa,
\q2 Jalike wen da clouds come an make shade.
\b
\q
\v 6 On top dis mountain, Jerusalem side,
\q2 Yahweh, Da God Ova All Da Armies,
\q2 He goin make one big lu`au fo all da diffren peopos.
\q Goin get da bestes kine food,
\q2 All da bestes kine wine,
\q An good kine meat wit plenny good stuff inside da bone,
\q2 Ol kine wine dat no mo junks awready.
\q
\v 7 An on top dis mountain too,
\q2 Yahweh goin do dis
\q2 Fo all da diffren peopos inside all da countries:
\q He goin take away da sore dey get inside dea heart,
\q2 An make um know wass fo real.
\q Cuz still yet, jalike dey all get cova ova dea head,
\q2 An Yahweh goin take away dat cova.
\q
\v 8 My boss Yahweh stay make peopo
\q2 So dey no goin mahke no moa, eva.
\q Dey all stay cry now,
\q2 But he goin wipe off da tear from dea face.
\q Da peopo dat get Yahweh fo dea God,
\q2 Dey all shame now, all ova da world,
\q2 Cuz dey wen do bad kine stuff.
\q But he goin take away all dat shame.
\q2 Dass wat Yahweh tell.
\b
\q
\v 9 Dat time, peopo goin tell,
\q2 “Eh! Dis, oua God, fo shua!
\q We wen trus him,
\q2 An he wen get us outa trouble!
\q Dis Yahweh, da One we trus.
\q2 Now, us guys can dance an sing,
\q An stay feel real good inside
\q2 Cuz he wen do dat.
\q
\v 10 An on top dis same mountain, Jerusalem side,
\q2 Yahweh goin use his powa dea.
\b
\q But da Moab peopo,
\q2 Odda peopo goin walk all ova dem,
\q Jalike wen dey make someting fo burn fire,
\q2 Firs dey throw da kukae from da animals
\q An straw from da wheat, an watta inside one hole,
\q2 Den dey step um down good fo mix da mud.
\q
\v 11 Da Moab peopo goin push wit dea hands inside dea
\q2 Fo stay on top da kukae,
\q2 Jalike one guy push da watta fo swim.
\q Dey get big head,
\q2 But God goin make dem come notting,
\q2 No matta wat dey do wit dea hands.
\q
\v 12 God goin broke down da strong walls
\q2 Fo da place wea da Moab peopo like go hide.
\q He goin make da wall fall down to da groun,
\q2 On top da dirt.
\c 26
\s Da Judah Peopo Goin Sing Fo God
\r (Hebrews 10:27)
\p
\v 1 Dat time, goin get dis song fo us sing Judah side:
\q Our big town stay strong fo shua.
\q2 Yahweh da One, keep us guys outa trouble.
\q Jalike he da strong wall fo us guys
\q2 An da extra wall outside our big town.
\q
\v 2 Open da town gates
\q2 An let our peopo go inside,
\q Da ones dat do da right kine stuff
\q2 An do wateva dey make promise fo do.
\q
\v 3 Yahweh, you stay keep whoeva stay solid
\q2 How dey tinking,
\q You stay make eryting come out good fo dem.
\q2 Come out good, cuz dey stay trus you.
\q
\v 4 Trus Yahweh foeva an eva,
\q2 Cuz if you stay tight wit oua God Yahweh,
\q2 Jalike you get one strong an solid rock dat stay foeva.
\q
\v 5 He make da guys wit big head come last.
\q2 He bus up da big town.
\q He goin make da towns come notting
\q2 Dat sit on top da hills
\q2 So da army guys no can come dea.
\q He make dea wall fall down to da groun,
\q2 On top da dirt.
\q
\v 6 Da peopo dat get hard time
\q2 An da peopo dat no mo notting
\q Dey goin jump all ova da place
\q2 Wea da big town wen stay befo,
\q2 Cuz dey feel good inside.
\b
\q
\v 7 Whoeva do da right kine stuff,
\q2 You make da way dey go not hard.
\q You da God dat do da right kine tings.
\q2 You make da road easy
\q2 Fo peopo follow, dat do da right kine stuff.
\p
\v 8 Yahweh, fo shua us guys like live
\q2 Da way you show us, so we stay wait
\q2 Fo find out how you goin judge peopo.
\q Da ting we really like fo erybody know,
\q2 Is wat kine god you, an no foget you.
\q
\v 9 All nite, I really tink bout you.
\q2 An morning time, I really like know you
\q2 Wit eryting inside me.
\q Cuz wen you judge people an punish dem,
\q2 Den peopo all ova da world
\q2 Goin learn fo do wass right.
\q
\v 10 But even if God hold back from punish da bad guys,
\q2 Dey no goin learn fo do da right ting.
\q Even inside one land
\q2 Wea all da odda peopo stay do da right ting,
\q Da bad kine peopo still goin do bad kine stuff.
\q2 Dey no goin see
\q2 Dat Yahweh stay awesome fo real kine.
\p
\v 11 Yahweh, dat kine peopo no can see notting!
\q2 Dey donno dat you stay put up yoa hand awready
\q2 Fo use yoa powa fo punish dem!
\q I like dey come shame wen dey look
\q2 An see dat you stay go all out fo yoa peopo,
\q An jalike you make da fire burn up an kill
\q2 Da peopo dat stay agains you.
\q
\v 12 Yahweh, you da One
\q2 Make eryting come out good fo us guys,
\q Cuz eryting dat us guys stay do,
\q2 You da one do um fo us guys.
\b
\q
\v 13 Yahweh, you da God fo us guys!
\q2 Befo time, get odda bosses stay in charge a us, not you.
\q So us guys goin make shua
\q2 Dat you, da ony one we goin tink bout
\q2 An use yoa name.
\q
\v 14 Now, all dose odda boss guys, mahke awready.
\q2 Dey no goin come back alive no moa,
\q2 Dea spirits no goin come back.
\q Dass cuz you punish dem awready.
\q2 You wen bus um up
\q An wipe out eryting bout dem,
\q2 So peopo no tink bout dem!
\q
\v 15 Yahweh, you wen give oua nation mo plenny peopo,
\q2 An dat show dat you stay awesome.
\q2 You even give us mo big land.
\q
\v 16 Yahweh, befo time oua peopo look fo you
\q2 Wen dey get hard time.
\q Wen you scold dem fo teach dem,
\q2 Dey ony can whispa wen dey pray to you.
\q
\v 17 Us guys stay jalike one wahine
\q2 Az time awready fo born one bebe,
\q Den her move aroun an yell
\q2 Cuz her stay real sore.
\q2 Dass how we wen stay cuz a you, Yahweh.
\q
\v 18 Us guys, same ting.
\q2 Jalike us stay born one bebe,
\q Us move aroun plenny, but da ting we born,
\q2 Notting, jalike we born ony wind.
\q We neva do notting
\q2 Fo get nobody on top da earth outa trouble,
\q2 We neva born plenny peopo fo fill up da land.
\b
\q
\v 19 Yoa mahke guys going come alive again!
\q2 Da mahke bodies a my peopo goin come up!
\q All you guys dat was inside da dirt,
\q2 Wake up an yell cuz you feel good inside!
\q Da mahke spirits goin come alive again,
\q2 All new, jalike da watta dat come on top da grass
\q2 Wen da light come, morning time,
\q2 An jalike da earth wen make dem come up.
\b
\q
\v 20 My peopo, go inside yoa room
\q2 An shut da door.
\q Hide inside dea fo litto bit
\q2 Till Yahweh pau huhu.
\q
\v 21 Cuz you know wat?!
\q2 Yahweh stay coming out from his place
\q Fo punish da peopo on top da earth
\q2 Fo all bad kine stuff dey do.
\q Den da earth goin show
\q2 All da peopo dat wen bleed an mahke dea,
\q Da one peopo wen kill dea,
\q2 An he no goin hide um no moa.
\c 27
\s God Goin Get Da Israel Peopo Outa Trouble
\r (Rome 11:26-27)
\q
\v 1 Dat time, Yahweh goin go afta
\q2 Da peopos dat donno him, fo punish dem.
\q He goin wack um wit his sword,
\q2 Da real big an strong sword,
\q An ack mean to dem,
\q2 Cuz he get mo power den dem,
\q2 An can wipe um out,
\q Jalike fo go afta da  sea monsta Leviatan,
\q2 Dat move an turn jalike one snake fo run away,
\q2 An kill da sea monsta.
\b
\q
\v 2 Dat time, all you guys, sing!
\q2 Sing bout da grape farm
\q2 Dat give plenny fruit,
\q An make peopo stay feel good inside
\q2 Wen dey go dea.
\q
\v 3 Yahweh tell, “Me, Yahweh, I da One
\q2 Stay take care my peopo,
\q Jalike da guy dat stay watch da grape plants
\q2 An give um watta all da time.
\q I take care my peopo, day time an nite time,
\q2 Fo make shua nobody mess um up.
\q
\v 4 I pau huhu wit my peopo.
\q2 Now, da ony ting I like fight
\q Is da thorns an stickas
\q2 Dat come up inside da grape farm.
\q2 I like burn up all a dem!
\q
\v 5 But even da thorn an sticka kine peopo,
\q2 Dey can come tight wit me
\q2 An let me take care dem too.
\q Dass how dey no need fight wit me no moa,
\q2 Cuz eryting goin come good wit me an dem.”
\b
\q
\v 6 Bumbye, da Jacob ohana
\q2 (Dass da Israel peopo),
\q2 Dey goin come importan.
\q Dey goin come plenny peopo,
\q2 Jalike one plant dat get root fo grow,
\q2 Den get bud an flower,
\q An fill up da whole world
\q2 Wit plenny fruit.
\b
\q
\v 7 Da time Yahweh wen bus up da Israel peopo,
\q2 You tink he hit um mo hard,
\q Den wen he bus up da odda peopo
\q2 Dat wen bus up da Israel peopo?
\q2 No way!
\q Da time he wen wipe out da Israel peopo,
\q2 You tink he wipe um out mo plenny,
\q Den wen he wipe out da odda peopo
\q2 Dat wen wipe out dem?
\q2 Not even!
\q
\v 8 God, you give da Israel peopo presha,
\q2 But ony litto bit, wen you make dem leave dea land.
\q2 You make da Israel peopo go away
\q2 Jalike wit one strong wind from da east side.
\b
\q
\v 9 Dass wat God goin do fo pay da price,
\q2 Fo hemo da shame from da Jacob ohana.
\q Dass wat goin happen
\q2 Wen God throw out all da bad kine stuff dey wen do.
\q Den, God goin make all da stones
\q2 Inside da altars fo da odda gods
\q2 Come jalike chalk wen somebody smash um.
\q Da poses wea dey pray to da wahine god Asherah
\q2 An da altars wea dey burn da incense fo da odda gods,
\q2 Dey no goin stay stand dea no moa.
\q
\v 10 Da big town dat get strong wall
\q2 Wea nobody can come inside,
\q2 Nobody stay dea.
\q Jalike da boonies, ony da cows stay dea.
\q2 Da peopo, all gone awready.
\q Get small cows eating grass dea.
\q2 Dey eat all da stuff from da tree branches.
\q2 Den dey lay down ova dea.
\q
\v 11 Da Israel peopo, dey jalike small branches
\q From da trees dat come dry an dey broke.
\q2 Da wahines come take um up fo make fire.
\q Az cuz da Israel peopo, dey not da kine peopo
\q2 Dat undastan stuff,
\q Dass why God who wen make dem
\q2 No feel pity fo dem.
\q2 He no like do notting fo dem.
\b
\q
\v 12 Dat time, Yahweh goin pick his peopo
\q2 Jalike wen peopo wack da wheat o barley dey wen cut
\q2 Fo get da good wheat one side an da junks da odda side.
\q He goin take you Israel peopo, one by one,
\q2 An bring you togedda, Jerusalem side,
\q Even from da big Eufrates River
\q2 An from da stream dass da border fo da Egypt land.
\q
\v 13 Dat time, one big sheep horn trumpet goin blow.
\q2 Da Israel peopo dat stay go all ova da place inside Assyria
\q An da ones dey wen make go Egypt side,
\q2 Dey all goin go God's spesho hill inside Jerusalem town,
\q An go down in front Yahweh
\q2 Fo show love an respeck fo him ova dea.
\c 28
\s Auwe Fo Da Efraim Peopo!
\r (Rome 9:33; 1 Corint 14:21; 1 Peter 2:6)
\q
\v 1 Auwe! Samaria town, Efraim side,
\q2 Look jalike get one nice head lei
\q On top a da Samaria hill,
\q2 Ova one valley wea eryting grow good!
\q But dat lei, jalike da good looking flowas
\q2 Dat stay come all dry up now.
\q Az cuz da Efraim peopo get big head
\q2 An dey stay drunk all da time!
\q Plenny rich stuff come from dat valley,
\q2 But da peopo from dea ony drink up da wine,
\q2 Till dey no can even stand up!
\b
\q
\v 2 But you know what?!
\q2 My boss get da Assyria army,
\q2 Dat stay real strong wit plenny power.
\q Dey stay jalike one rain storm dat fall down wit ice,
\q2 One real strong wind dat wipe out all da plants,
\q One storm dat make da watta come up all ova da place,
\q2 Wit plenny powa fo throw down da big town.
\q
\v 3 Dat town, dat look jalike one nice lei aroun um,
\q2 So da drunk guys from Efraim get big head bout um.
\q Da Assyria army guys goin bus up
\q2 Da town, dat stay jalike one nice lei.
\q
\v 4 Dat town, da army guys goin take um ova
\q2 An rip off eryting,
\q No matta da place stay look
\q2 Jalike one nice looking flowa,
\q2 On top a da Samaria hill,
\q An stay jalike one real nice head lei
\q2 Dat stay come all dry up,
\q2 Ova one valley wea eryting grow good!
\q Dat town, goin be jalike one fruit dat come ripe early
\q2 An somebody see um,
\q An right den an dea,
\q2 Dey take um an eat um.
\b
\q
\v 5 But dat time, Yahweh da God Ova All Da Armies,
\q2 He goin come jalike da nice looking head lei
\q An jalike one awesome crown
\q2 Fo da Israel peopo dat still stay alive dea.
\v 6 Da guys dat get da job fo judge,
\q2 He goin make dem come
\q2 So dey really like judge da right way.
\q Da army guys dat get da job
\q2 Fo make whoeva like fight dem
\q Go back to da town dey come from,
\q2 He goin make dem come so dey can fight good.
\b
\q
\v 7 But nowdays, even dose guys
\q2 Fall down cuz dey drink too much wine
\q2 An no can walk good cuz a da beer!
\q Even da pries guys an da guys dat talk fo God,
\q2 Dey fall down cuz a da beer
\q2 An no can tink right cuz a da wine.
\q Wen God like show um someting jalike one dream,
\q2 Dey no undastan um an dey tell um az wrong,
\q Wen dey gotta judge wass right an wass wrong,
\q2 Dey no can do um, cuz dey stay mess up.
\q
\v 8 Dey throw up all ova on top all da tables,
\q2 Get doodoo all ova on top,
\q2 No mo one clean table.
\p
\v 9 Dey stay talk lidis:
\q “Eh! Dis Isaiah guy, who he tink him?!
\q2 He try fo teach us stuff,
\q2 An make us guys undastan!
\q How come he stay make to us
\q2 Jalike us bebes dat jus pau drink milk
\q2 From dea mudda breast?!
\q
\v 10 Da bugga ony tell da same ting, ova an ova,
\q2 ‘Do dis, do dat,
\q One rule, anodda rule,
\q2 Litto bit hea, litto bit dea!’-”
\b
\q
\v 11 Kay den. Dey no like lissen,
\q2 God goin send odda peopo fo talk to dem,
\q Army guys from odda place
\q2 Wit da kine language dey no undastan!
\q Still yet, God goin talk to his peopo,
\q2
\v 12 Jalike he wen tell um befo,
\q “Dis, da place fo rest.
\q2 Da guys tired, can rest ova hea.
\q Dis wea you guys can sleep.”
\q2 But dey no like lissen.
\q
\v 13 So, fo dem guys, wat Yahweh tell um
\q2 Goin be dis:
\q “Do dis, do dat,
\q2 One rule, anodda rule,
\q2 Litto bit hea, litto bit dea.”
\q An dey goin go way,
\q2 But den dey goin fall on dea okole.
\q Dey goin come all bus up.
\q2 Da army guys goin grab dem
\q2 An dey goin come prisonas.
\b
\q
\v 14 Cuz a dat, lissen wat Yahweh tell,
\q2 You guys like laugh at God,
\q2 You guys dat stay in charge a dis peopo inside Jerusalem!
\q
\v 15 You Jerusalem guys talk big!
\q2 You guys tell,
\q “Us guys wen make one deal fo us no mahke.
\q2 We get promise fo no go da Mahke Peopo's Place!
\q Wen da army guys come hea,
\q2 No matta dey go all ova jalike da big watta,
\q2 Dey no goin come wea we stay.
\q Cuz us guys know how fo bulai dem
\q2 So dey no goin hurt us.
\q We no goin tell um da trut,
\q2 An dass how we goin stay outa trouble.”
\b
\q
\v 16 Cuz dass how you guys tink,
\q2 My boss Yahweh tell dis:
\q “Dis, wat I do!
\q2 I da One awready put one stone on top da Zion hill
\q2 Wea my Temple stay.
\q I use dat stone fo check out peopo, wat kine dem.
\q Dat stone, jalike da corna block
\q2 Dat cost plenny,
\q2 Fo make da foundation stay solid.
\q An da stone, mean dis:
\q2 ‘Anybody dat trus him, no need worry.’
\q
\v 17 Fo check out da Jerusalem peopo,
\q2 I goin look fo see if dey stay judge da right way
\q2 An if dey do right erytime,
\q Jalike da builda guys use one strong string fo measure tings,
\q2 An dey pull one odda string
\q2 Fo check out if da building stay strait.
\q You guys tink you can bulai da Assyria army guys
\q2 So dey no goin hurt you.
\q You tink you get place fo hide
\q2 Wen da army guys come,
\q2 Jalike da big watta.
\q But no way you can bulai dem!
\q2 No mo any place you can hide! 
\q
\v 18 Da deal you guys wen make fo no mahke,
\q2 No goin be awready!
\q Da promise somebody wen make to you guys
\q2 Fo no go da Mahke Peopo Place,
\q2 No goin work!
\q Wen da army guys come thru dis place,
\q2 You guys no even goin can stand up,
\q2 Jalike wen da big watta come!
\q
\v 19 Goin get plenny army guys
\q2 Dat stay come thru hea
\q2 Ery morning, ery day, an ery nite,
\q Jalike erytime da big watta come,
\q2 An catch you guys and take you away.”
\b
\q Wen da peopo undastan wat dis mean,
\q2 Dey goin be really scared an shaking.
\q
\v 20 Da peopo, dey no goin get place fo hide,
\q2 Jalike dey sleeping in one bed dass too short,
\q2 Jalike dey using one blanket dass too small.
\p
\q
\v 21 Yahweh goin start fo do tings fo you guys,
\q2 Jalike da time da Israel peopo fight da Filisha guys, Mount Perazim side.
\q He goin come real huhu an bus up peopo,
\q2 Jalike da time dey fight da Amor peopo, Gibeon Valley.
\q He goin do anyting he like,
\q2 No matta wat he doing
\q2 Goin make da peopo drop dea jaws,
\q2 No matta nobody wen see him make lidat befo time.
\q
\v 22 So now, dass why you guys betta not make fun
\q2 O God goin punish you guys even moa.
\q Cuz dis wat my boss Yahweh,
\q2 Da God Ova All Da Armies, tell me:
\q He make up his mind awready
\q2 Fo wipe out all da Israel peopo
\q2 Inside da land!
\b
\q
\v 23 Lissen good wat I stay tell you.
\q2 Hear wat I telling.
\q
\v 24 Wen da farma guys plow da dirt fo plant,
\q2 You tink dey jus plow um ova an ova,
\q2 But dey no plant notting?!
\q2 No way.
\q You tink da ony ting dey do,
\q2 Is broke up da dirt an make row fo plant?!
\q2 Not even.
\q
\v 25 Afta dey make da top come level,
\q2 Dey throw da seeds fo da black cummin
\q2 An fo da regula kine cummin, on top dea.
\q Dey plant da wheat in rows,
\q An barley in da right place,
\q2 An one nodda kine wheat aroun da outside.
\q
\v 26 Cuz da God da farma guys pray to
\q2 Make shua dey know how fo do um,
\q2 He show um da right way.
\b
\q
\v 27 Dass why, wen dey take out da junks,
\q2 Dey no drag one heavy wood ova da black cummin,
\q2 An dey no roll da wagon wheel ova da regula cummin.
\q Dey hit da black cummin wit one stick ony,
\q2 An same ting fo da regula kine cummin.
\q
\v 28 Fo make bread, firs gotta smash da wheat litto bit
\q2 Fo take out da junks,
\q2 But no need stay take out da junks all da time.
\q Dey use da horses
\q2 Fo move da wagon wheel ova um,
\q2 But not fo smash da wheat real small kine.
\q
\v 29 So all dis stuff dat da farma guys know,
\q2 Dass one mo ting dat come from Yahweh,
\q2 Da God Ova All Da Armies.
\q Wen he teach peopo how fo make someting,
\q2 Dea jaw drop!
\q Fo shua he know how fo do
\q2 Importan kine stuff erytime!
\c 29
\s Auwe Fo Da Jerusalem Peopo!
\r (Matthew 15:8-9; Mark 7:6-7; Rome 9:20, 11:8; 1 Corint 1:19; Colosse 2:22)
\q
\v 1 Auwe! fo da peopo inside Jerusalem town,
\q2 Da town dat get da spesho name Ariel!
\q Da town wea King David an his army guys
\q2 Wen make camp befo he take ova da town.
\q Year afta year, you Jerusalem peopo,
\q2 Go still make da spesho religious kine time!
\q
\v 2 Still yet, I goin make hard time
\q2 Fo da peopo inside Ariel town.
\q2 Dey goin stay sad an sore inside.
\q Bumbye Ariel town goin be fo me,
\q2 Jalike da kine town I like um fo be.
\q
\v 3 Jalike King David time,
\q2 I goin make army guys come make camp
\q2 An go circle aroun da town.
\q I goin put army guys wea dey stay ready
\q2 Fo fight you guys.
\q I goin tell um fo pile up dirt
\q2 So dey can go walk on top a da wall.
\q
\v 4 Yoa peopo goin come notting.
\q2 Wen you guys go try fo talk, goin sound
\q2 Jalike you stay bury unda da groun.
\q Wateva you like tell,
\q2 Goin stay down inside da dirt.
\q You guys goin sound jalike one mahke guy
\q2 Talking from da groun an no can hear,
\q2 O jalike one small bird on top da dirt.
\q
\v 5 Goin get real plenny guys from odda place
\q2 Dat stay agains you guys,
\q2 But dey goin come jalike da dirt on top da groun.
\q All da peopo dat like hurt you guys,
\q2 Dey goin come jalike da junk kine stuffs from da wheat
\q2 Dat stay blow way.
\q Goin come real quick time,
\q2
\v 6 From me, Yahweh,
\q2 Da God Ova All Da Armies,
\q Goin come time fo make eryting come good.
\q2 Goin get thunder,
\q2 An da ground goin shake, an get big noise.
\q Goin get strong wind, an storm,
\q2 An fire dat goin wipe out eryting.
\q
\v 7 Dat time, da Jerusalem peopo
\q2 Goin tink bout all da diffren armies
\q2 Dat wen fight dem,
\q An how dey wen try fo bus up
\q2 Da strong walls aroun da town,
\q2 An how dey wen make hard time fo da peopo.
\q Wen da Jerusalem peopo tink bout all dat,
\q2 Goin be, jalike ony was one dream
\q2 Dat dey wen see nite time.
\q
\v 8 Az jalike wen one guy dream dat he hungry an stay eating,
\q2 But he wake up an he still yet hungry.
\q Jalike wen one guy dream dat he thirsty an stay drinking,
\q2 But he wake up an he not strong,
\q2 An still yet he thirsty.
\q Same ting fo all da diffren peopos
\q2 Dat stay fight agains Jerusalem town.
\q Jalike dey dream dey take ova Mount Zion inside Jerusalem,
\q2 But dey wake up, an dey no can.
\b
\q
\v 9 Hang aroun an no do notting,
\q2 An yoa jaws goin drop!
\q Cova yoa eyes,
\q2 So you no can see notting!
\q Come jalike drunk,
\q2 But not cuz you drink wine.
\q Walk around an stagga,
\q2 But not cuz you drink beer.
\q
\v 10 Cuz jalike Yahweh wen make you pass out an sleep!
\q2 You guys dat talk fo him,
\q2 He shut yoa eyes real good.
\q You guys dat can see wat goin come bumbye,
\q2 Jalike he wen cova yoa head wit one cloth.
\b
\q
\v 11 Fo you guys, da tings dat God show
\q2 Wen come jalike one paypa dat get words on top
\q An somebody roll um up
\q2 An close um wit one wax kine seal.
\q If you give um to somebody dat know how fo read,
\q2 An tell um “Read um fo me,”
\q He goin tell, “I no can.
\q2 Get seal on top um.”
\q
\v 12 An if you guys give um to somebody dat donno how fo read,
\q2 An tell him fo read um,
\q He goin tell, “I no can.
\q2 I donno how fo read.”
\b
\q
\v 13 My Boss tell:
\q2 “Dis peopo tell, dat dey come nea me,
\q2 But ony wit dea mout!
\q Dey tell dat dey get respeck fo me
\q2 But ony wit dea lips!
\q Inside dea heart,
\q2 Dey stay far from me.
\q Da ony way dey show love an respeck fo me,
\q2 By how dey wen learn
\q2 From da rules odda peopo wen make fo do.
\q
\v 14 Az why I goin do dis awesome ting
\q2 One mo time fo dis peopo,
\q2 All plenny kine stuff, ova an ova.
\q All da stuff dat da guys tell
\q2 Dat know wat fo do erytime,
\q2 Goin all wipe out.
\q2 An all da stuff dat da guys tell
\q2 Dat undastan stuff,
\q2 Nobody goin know wat dey know, bumbye.”
\q
\v 15 Auwe! fo da guys dat tink dey can hide dea plans
\q2 Inside one deep hole, so Yahweh donno bout um.
\q Auwe! fo da guys dat do dea work in da dark an tink,
\q2 “ Nobody goin see us! Nobody goin know!”
\q
\v 16 You guys make eryting all kapakahi!
\q2 You tink da guy dat make clay pots
\q2 He jalike da clay?
\q You tink da ting somebody make
\q2 Goin tell bout da guy dat make um,
\q2 “Eh! He neva make me!”?
\q You tink da pot goin tell bout da guy dat make um,
\q2 “Eh! He donno notting!”?
\b
\q
\v 17 Pretty soon, Lebanon goin come
\q2 One place wea plenny tree grow.
\q2 Peopo goin tink dat place look jalike one forest.
\q
\v 18 Dat time, da peopo dat no can hear,
\q2 Dey goin hear wat da roll up paypa tell.
\q2 Da guys dat no can see, an see ony dark kine stuff now,
\q2 Dat time dey goin see wit dea eyes.
\q
\v 19 Da peopo dat no need be numba one all da time
\q2 Dey stay feel good inside again
\q2 Cuz dey stay tight wit Yahweh.
\q Da peopo dat no mo notting goin dance an sing
\q2 Cuz dey stay tight
\q Wit da God fo da Israel peopo,
\q2 Da One dat stay good an spesho.
\q
\v 20 Da mean kine guys goin disappear.
\q2 Da stupid head kine peopo wit attitude goin go too.
\q Erybody dat stay check out
\q2 How dey can do bad kine stuff,
\q2 God goin wipe dem out.
\q
\v 21 Da guys dat use words
\q2 Fo make some odda guy do someting bad,
\q Da guys dat trap one guy
\q2 Dat stay talk to da judge,
\q Da guys dat bulai bout one guy dat neva do notting bad,
\q2 No matta wat dey tell no mean notting,
\q2 Dey no goin stay.
\p
\v 22 Yahweh, da One dat wen make Abraham so da gods from da odda town wea he born no own him no moa. Az why Yahweh tell dis bout da Jacob peopo,
\q “Now, da Jacob peopo
\q2 No goin come shame no moa.
\q2 Dey no need get scared.
\q
\v 23 Wen da Jacob ohana peopo see dea kids around dem,
\q2 Da kids I wen make,
\q Dey goin know who me,
\q2 An ack right, cuz dey know
\q2 I stay good an spesho.
\q Dey goin show me respeck
\q2 Cuz I da Good an Spesho One
\q2 Dat Jacob wen pray to befo time.
\q Dey goin feel real scared in front me,
\q2 Da God fo da Israel peopo.
\q
\v 24 Da peopo dat stay all mix up inside,
\q2 Dey goin undastan.
\q Da peopo dat grumble,
\q2 Dey goin learn how fo figga out stuff.”
\c 30
\s Auwe! Da Hard Head Peopo
\p
\v 1 Dis, one message from Yahweh:
\q “Auwe! to da hard head peopo
\q2 Dat stay go agains me!
\q Dey make plan an do um,
\q2 But da plan, not from me.
\q Dey make deal wit peopo from odda country,
\q2 But my Spirit neva tell dem fo do dat.
\q Dey do one bad ting,
\q2 Den anodda mo worsa ting.
\q
\v 2 Befo dey go Egypt side,
\q2 Dey neva aks me firs bout dat.
\q Dey aks da Pharaoh guy fo help dem
\q2 An let dem stay wit him
\q2 So notting goin hurt dem.
\b
\q
\v 3 But if you tink Pharaoh da one goin help you guys,
\q2 He no can!
\q If you tink da Egypt peopo goin let you guys stay wit dem
\q2 So notting goin hurt you,
\q Dey still no can,
\q2 An you goin come shame too!
\q
\v 4 No matta da Pharaoh guy
\q2 Get army officer guys nort side inside Zoan,
\q2 An no matta he send messenja guys south side by Hanes,
\q
\v 5 Erybody dat aks da Pharaoh guy fo help dem
\q2 Goin come shame.
\q2 Cuz da Egypt peopo no can do notting good fo dem.
\q Dey no goin help dem,
\q2 Dey no goin do notting good fo dem.
\q Dey ony goin make da Judah peopo shame
\q2 An make fun a dem!”
\p
\v 6 I get real bad stuff fo tell bout wat I see goin happen wit da animals da peopo use fo cross da boonies in da Negev, from Judah to Egypt:
\q “Da Judah peopo going thru da Negev land
\q2 Wea erybody get hard time
\q2 An suffa plenny.
\q Get plenny lions ova dea.
\q Get all kine snake dat can kill you,
\q2 An da kine snake dat you no see um an come out bite you
\q2 An make you feel jalike you burning up.
\q Da Judah peopo take dea rich stuffs dea
\q2 On top donkeys an camels,
\q Fo pay da Egypt peopo fo help dem.
\q2 But da Egypt peopo no goin do notting good fo dem!
\q
\v 7 Da Egypt peopo, even if dey try kokua da Judah peopo
\q2 No goin help da Judah peopo notting.
\q Az why I call da Egypt peopo,
\q2 ‘Da proud fake crocodile
\q2 Dat ony make plenny noise!’
\s Auwe! Da Judah Guys Dat Go Agains Me
\q
\v 8 “Now go. Write um fo dem, wat I jus wen tell you
\q2 On top one flat board,
\q2 So goin stay.
\q Den da peopo goin know bumbye an foeva
\q2 Wat I stay tell you now.
\q
\v 9 Go do dat, cuz dis peopo,
\q2 Dey hard head,
\q Ony like go agains Yahweh.
\q2 Dey jalike kids dat stay bulai erybody.
\q Yahweh stay teach dem plenny,
\q2 But dey no like lissen.
\q
\v 10 Dey tell da guys dat can see
\q2 Wass goin come bumbye, jalike one dream,
\q2 Fo no see stuff wen you dream!
\q Dey tell da guys dat talk fo God,
\q2 “No tell us wat God say
\q2 Bout wat stay right!
\q Tell us ony da kine stuff dat make us feel good inside.
\q2 Tell us dat God wen say all nice kine stuff,
\q2 No matta az not true!
\q
\v 11 Go find anodda way fo how you talk!
\q2 Go pick one diffren road!
\q No tell us we gotta come in front God,
\q2 Da One dat stay good an spesho fo da Israel peopo!”
\b
\q
\v 12 Dass why
\q2 Da One dat stay good an spesho fo da Israel peopo tell dis:
\q2 “You guys, you ack
\q2 Jalike dis stuff I stay tell, no good!
\q An you guys stay shua
\q2 Dat you goin come out okay
\q If you make hard time fo peopo
\q2 An bulai dem!
\q2 Az how you guys tink.
\q
\v 13 An cuz you make lidat,
\q2 Dis how goin be wen I punish you guys.
\q Jalike wen get one high wall wit one small crack,
\q2 An da crack come mo big,
\q2 An da wall by da crack push out,
\q2 An bang! da whole ting come out.
\q
\v 14 Da wall goin broke jalike one clay pot.
\q2 Goin all broke in small pieces,
\q2 Cuz I no goin hold back notting.
\q Da small pieces dat stay,
\q2 No goin be big nuff fo take hot coal from da fire,
\q2 O even fo get watta from da watta place.”
\b
\q
\v 15 But dis message come from my boss Yahweh too,
\q2 Da One dat stay good an spesho fo da Israel peopo:
\q “Az fo how you guys get outa trouble,
\q2 You gotta come back my side,
\q2 So den you can get res inside.
\q Fo you guys come strong inside,
\q2 You gotta stay quiet an trus me.”
\q2 But you guys still no like lissen!
\q
\v 16 Dass how come you guys wen tell,
\q2 “No way! We goin ride horse an run away!”
\q2 So den, you guys goin run away!
\q You guys wen tell,
\q2 “We goin ride horse dat run real fas!”
\q But da guys dat come chase you guys,
\q2 Dey get fast horse too.
\q
\v 17 One tousand a you guys goin run away
\q2 Wen one a dea guys tell dat he goin hurt um.
\q An if five a dea guys tell dat dey goin hurt you guys,
\q2 All da res a you guys goin run away,
\q Till you da ony one stay dea.
\q2 Goin be jalike one pos
\q Dat stand alone on top one mountain,
\q2 Jalike one flag on top da hill.”
\s Yahweh Goin Do Good Tings Fo His Peopo
\q
\v 18 Dass how come Yahweh stay wait,
\q2 Cuz he stay ready fo do good tings fo you guys.
\q He goin stand up
\q2 Fo show you guys pity an love.
\q Cuz Yahweh, he da kine God
\q2 Dat judge da right way erytime.
\q An all da peopo dat stay wait fo him,
\q2 Dey can stay good inside.
\b
\q
\v 19 Cuz you peopo dat live inside Jerusalem town,
\q2 You no goin cry no moa.
\q Wen you guys yell to Yahweh fo help you,
\q2 He goin do um.
\q2 Fo shua he goin do good tings fo you.
\q He goin hear you guys,
\q2 An right den an dea he goin help you.
\q
\v 20 My Boss goin give you guys hard time,
\q2 Jalike he give you guys
\q2 Ony bread fo eat an watta fo drink.
\q But den, da guys dat stay teach you,
\q2 Dey no goin hide from you guys no moa.
\q2 You goin can see dem wit yoa own eye.
\q
\v 21 Den, even if you go da wrong way,
\q2 Jalike you leave da road
\q2 An go da right side o da lef side,
\q You goin hear somebody behind you tell,
\q2 “Eh! Da right way, stay ova hea!
\q2 Go dat way!”
\q
\v 22 Den you guys goin make pilau yoa idol kine gods,
\q2 Even da kine dat get silva an gold all ova.
\q You goin throw um away
\q2 Jalike one pilau kine rag.
\q You goin tell da idol kine gods,
\q2 “Get away from hea!”
\b
\q
\v 23 Yahweh goin send rain
\q2 Fo da seeds you guys goin plant inside da groun.
\q Da food dat da groun bring up
\q2 From da seeds you guys plant
\q2 Goin be good kine, an goin get plenny.
\q Dat time yoa cows goin get plenny fo eat
\q2 Inside da big field.
\q
\v 24 Da cows an donkeys dat plow da ground
\q2 Goin eat spesho kine cow food
\q2 Dat you guys make,
\q An get salt inside,
\q2 An no mo junks in um
\q Cuz da peopo use shovel an pitchfork
\q2 Fo throw um up in da air
\q2 An let da wind clean um.
\q
\v 25 But befo dat happen,
\q2 Plenny peopo goin mahke,
\q2 An da high towers goin fall down!
\q Layta, goin get plenny watta fall down
\q2 From da high mountains an hills.
\q2 An fill da stream an da watta ditch.
\q
\v 26 Da moon goin shine strong,
\q2 Jalike da sun.
\q An da light from da sun goin come
\q2 Seven times mo bright den befo,
\q Jalike you get all da light from seven days,
\q2 In one day!
\q Az how goin happen
\q2 Afta Yahweh wack his peopo.
\q Den, Yahweh goin fix um
\q2 Ery place da bone stay broke,
\q An he goin bandage
\q2 Da cut he wen give dem.
\s God Goin Judge Da Assyria Peopo
\q
\v 27 Look! You know wat kine god Yahweh!
\q2 Now he come from far place.
\q He stay real huhu,
\q2 Jalike he burning,
\q2 An plenny smoke coming outa him!
\q Da ony ting he talk bout,
\q2 Wat da guys dat stay agains him stay do,
\q2 He no goin take dat.
\q Wen he talk, jalike wat he tell,
\q2 Goin burn eryting up.
\q
\v 28 Wen he breathe, jalike one river
\q2 Dat run fas,
\q Dat no can stay inside da stream,
\q2 But reach up to da peopo's neck.
\q He shake da peopo inside diffren countries
\q2 Jalike dey stay inside one strainer,
\q2 An dey no can do notting.
\q Jalike he put one bridle inside dea mout
\q2 Dat make da diffren peopos go da wrong way.
\b
\q
\v 29 But you Judah guys goin sing,
\q2 Jalike you sing
\q Da nite you make yoaself spesho fo God
\q2 Befo one spesho religious time.
\q You goin stay feel real good inside
\q2 Jalike wen peopo play flute
\q An go up da hill wea Yahweh stay.
\q2 He jalike one solid Rock fo da Israel peopo.
\q
\v 30 Yahweh goin make peopo hear his awesome voice,
\q2 An see his arm come down,
\q2 Jalike az his powa.
\q Cuz he stay huhu,
\q2 Jalike da fire stay burn up eryting,
\q An strong wind an rain
\q2 An ice fall down from da sky jalike rocks.
\q
\v 31 Wen Yahweh start fo yell,
\q2 He goin make da Assyria army guys lose fight.
\q2 Jalike he use his big stick fo hit dem.
\q
\v 32 Ery time Yahweh hit da Assyria guys
\q2 Wit da stick he use fo punish dem,
\q Da Judah peopo goin play music
\q2 Wit tambourine an guitar,
\q Wen Yahweh stay fight dem
\q2 Wit his strong power.
\q
\v 33 Da place outside Jerusalem
\q2 Wea da peopo dat donno God
\q Burn up dea own kids
\q2 Fo make sacrifice fo dea idol kine gods,
\q From long time, jalike dat place stay ready
\q2 Fo burn up da Assyria king.
\q Somebody wen make da burning place
\q2 Real deep an real wide.
\q Get plenny fire
\q2 An plenny wood all pile up dea.
\q Wen Yahweh blow on top um,
\q2 Make um start fo burn,
\q Jalike one lava riva from inside one volcano
\q2 Make da wood pile burn.
\c 31
\s Auwe! Da Peopo Dat Trus Egypt
\q
\v 1 Auwe! fo da peopo dat go Egypt side
\q2 Fo get help erytime!
\q Dey stay shua dey goin come okay
\q2 If dey buy plenny horse dea.
\q Dey trus da war wagons, cuz dey get plenny,
\q2 An plenny guys fo ride horse.
\q But dey no go to Yahweh,
\q2 Da Good an Spesho One fo da Israel peopo.
\q2 Dey no aks him wat fo do.
\q
\v 2 But no matta wat da guys tink,
\q2 Yahweh know wat fo do erytime,
\q2 An he can make bad tings happen too.
\q Wen Yahweh tell someting,
\q2 He no need change his mind bumbye.
\q He goin go agains da ohanas dat do bad kine stuff.
\q2 An agains da peopo dat help dem.
\q
\v 3 Still yet, da Egypt guys, dey ony peopo.
\q2 Dey not God.
\q Dea horses, dey ony animals,
\q2 Dey not spirits.
\q Wen Yahweh put up his hand fo bus um up,
\q2 Da guys dat help dem,
\q2 Jalike dey goin trip.
\q An da guys dey help,
\q2 Jalike dey goin fall down.
\q2 All a dem goin wipe out togedda.
\p
\v 4 Dis da ting Yahweh tell me:
\q “Jalike how da lion make noise
\q2 Wen he catch one sheep,
\q An jalike peopo call plenny sheep farma guys
\q2 Fo come help dem catch da lion,
\q But da lion, he no scared dem.
\q2 He no care dat dey stay yelling,
\q2 No bodda him dey make big noise.
\q Same ting, wen Yahweh,
\q2 Da God Ova All Da Armies, come,
\q He goin come down an fight,
\q2 An no scared, jalike da lion,
\q2 On top da hill wea da Temple stay.
\q
\v 5 Jalike wen da mudda birds stay fly ova da nes
\q2 So notting hurt da bebe birds,
\q Same ting wit Yahweh
\q2 Da God Ova All Da Armies,
\q2 He no goin let notting hurt da Jerusalem peopo.
\q He goin take care dem
\q2 An get dem outa trouble.
\q He goin pass ova dem jalike Moses time,
\q2 An save dem.”
\p
\v 6 You Israel peopo, go back to Yahweh! You wen go agains him, real bad.
\v 7 Cuz wen you go back, all you guys goin go agains da idol kine gods dat you guys wen make wit yoa own hands outa silva an gold. Az was bad, you wen do dat!
\q
\v 8 God goin use one sword dat peopo neva make
\q2 Dat goin kill da Assyria guys.
\q He goin use one sword dat neva come from dis world
\q2 An dat goin wipe um out.
\q Da Assyria army guys goin run away from dat sword.
\q2 Odda peopo goin take dea young guys away
\q2 An make um work fo dem.
\q
\v 9 Da big rock wea da Assyria guys like hide,
\q2 Dey goin run pass um
\q2 Cuz dey plenny scared.
\q Wen dea officer guys see Yahweh's flag fo war,
\q2 Dey goin come scared an lose fight.”
\b
\q Dis word come strait from Yahweh:
\q2 Wea can see da light from his fire
\q2 Inside da Temple on top Mount Zion.
\q Can see wea he burn up his rubbish
\q2 Inside Jerusalem town.
\c 32
\s Da King Do Da Right Kine Stuff
\q
\v 1 Look!
\q2 Fo make shua eryting stay right,
\q2 Goin get da king stay in charge.
\q He goin get odda leada guys,
\q2 Dat goin judge da right way too.
\q
\v 2 Da king, goin be da kine guy
\q2 Dat goin be jalike one place
\q Fo da peopo hide
\q2 From da strong wind o da rain,
\q2 So no can hit um.
\q He goin help da peopo fo res,
\q2 Jalike one watta ditch inside one dry place,
\q An jalike one big rock
\q2 Dat make one big shadow
\q2 In da place wea no mo watta.
\b
\q
\v 3 Dat time, da peopo dat can see,
\q2 Dea eyes no goin stay shut.
\q An da peopo dat can hear,
\q2 Dey goin lissen good.
\q
\v 4 Da guys dat talk befo dey tink,
\q2 Dey goin know an undastan stuff.
\q Da guys dat no can talk good,
\q2 Dey no goin take long time fo talk,
\q2 An goin come out good wat dey tell.
\q
\v 5 Dat time, da stupid kine guys
\q2 Dat ack like God no matta,
\q Nobody goin say dey get good heart
\q2 Fo help peopo.
\q Da guys dat fool erybody,
\q2 Nobody goin get respeck fo dem.
\q
\v 6 Cuz da stupid kine guys
\q2 Dat ack like God no matta,
\q2 Dey talk stupid kine stuff.
\q Dey tink plenny bout how fo make trouble.
\q2 Az why, wateva God like, dey no like.
\q Az why dey teach
\q2 Da wrong kine stuff bout Yahweh.
\q Az why dey make shua
\q2 Da hungry guy no get notting fo eat,
\q An dey no let da guy dat stay thirsty
\q2 Get anyting fo drink.
\q
\v 7 Da guys dat fool erybody,
\q2 Eryting dey do, stay bad.
\q2 Dey make plan fo do stink kine stuff.
\q Az how come dey bulai,
\q2 So dey can wipe out
\q2 Da peopo dat no mo notting,
\q No matta da peopo dat really need stuff
\q2 Even wen dey get um right in front da judge.
\q
\v 8 But da guys dat get good heart fo help peopo,
\q2 Dey make real kine plan fo help um.
\q Dey stay solid,
\q2 Cuz dey like do wateva fo help peopo.
\s Da Wahines Inside Jerusalem Town
\q
\v 9 Eh, you wahines dat no stay worry bout notting!
\q2 Stand up an lissen wat I telling you!
\q You daughtas stay shua notting goin hurt you,
\q2 Lissen wat I get fo tell you.
\q
\v 10 In litto moa den one year,
\q2 You guys dat stay shua notting goin hurt you,
\q You goin shake an be scared.
\q2 Cuz no goin get no mo grapes fo cut,
\q2 An no goin get no mo fruit fo cut.
\q
\v 11 Shake an be scared
\q2 You wahines dat no care bout notting.
\q Shake an be scared
\q2 You daughtas dat stay shua notting goin hurt you.
\q Take off yoa clotheses
\q2 An put burmbag cloth aroun yoa waist
\q2 Fo show you stay sad an crying.
\q
\v 12 Pound yoa chest an cry, all you peopo,
\q2 Cuz no moa, da nice looking fields
\q2 An da grape plants wit plenny fruit
\q2 Dat you guys wen get befo time.
\q
\v 13 Cry fo my peopo's land
\q2 Dat ony get thorns an thorn bush growing!
\q Cry fo all da house wea erybody
\q2 Wen dance an sing
\q2 An fo da town wea dey get plenny party befo time!
\q
\v 14 Erybody goin go way from da palace
\q2 An leave da big town
\q2 Dat wen get plenny noise befo time.
\q Da hill wit da strong wall an da towers
\q2 Goin get pukas an jalike cave inside.
\q Da wild donkeys goin like live dea
\q2 Cuz no mo peopo,
\q2 An da goats goin get food fo eat ova dea.
\q
\v 15 Eryting goin stay lidat
\q2 Till da Spirit from da Mos Importan One come
\q2 An take charge us guys.
\q Dat time, da place wea nobody live,
\q2 Goin get fields wea plenny stuff grow.
\q Da field wea peopo tink plenny stuff grow now,
\q2 Dat time dey goin tink,
\q2 Look jalike one forest.
\q
\v 16 Da places wea nobody live,
\q2 Goin get peopo dea,
\q2 An judges dat judge da right way.
\q Da field wea plenny stuff grow,
\q2 Goin get peopo dea,
\q2 Dat do wass right erytime.
\q
\v 17 An cuz peopo stay do wass right,
\q2 Dat goin make tings come good fo erybody.
\q An wat happen wen dey stay do wass right,
\q2 Dey goin stay quiet an trus God all da time.
\q
\v 18 My peopo goin stay inside places
\q2 Wea eryting come good fo dem.
\q Dey goin live inside places
\q2 Wea dey can stay shua notting bad goin happen,
\q Places wea dey goin res
\q2 An no need worry bout notting.
\b
\q
\v 19 No matta get rain wit ice
\q2 Dat make all da trees fall down,
\q2 An all da buildings inside da big town fall down,
\q
\v 20 Afta dat, you guys goin stay feel good inside,
\q2 Wen you plant yoa seed nea ery stream
\q2 An let yoa cows an donkey go all ova.
\c 33
\s Da Assyria Guys Goin Bum Out
\q
\v 1 Auwe! you Assyria guys
\q2 Dat stay wipe out da odda peopos!
\q2 Nobody eva wipe you out.
\q Auwe! you dat set up yoa brudda!
\q2 Nobody eva set you up.
\q But wen you pau wipe out da odda peopos,
\q2 Den somebody goin do um to you.
\q Wen you pau set dem up,
\q2 Den somebody goin set you up.
\q
\v 2 Eh, Yahweh!
\q2 We like you do good tings fo us guys.
\q We stay wait fo you help us.
\q2 Ery morning, you da One make us strong,
\q Da One get us outa trouble,
\q2 Erytime we get hard time.
\q
\v 3 Wen da diffren peopos hear you make big noise like da thunda,
\q2 Erybody run away.
\q Wen you stand up fo fight,
\q2 Da peopo inside da diffren countries,
\q2 Dey run all ova da place.
\q
\v 4 Da Judah peopo goin grab
\q2 All da stuffs dat you Assyria guys
\q2 Wen rip off from odda peopo,
\q Jalike wen da grasshoppa
\q2 Come real quick grab all da food from one field.
\q Az how da peopo goin run
\q2 All ova da place fo grab stuff,
\q2 Jalike da grasshoppa inside da field.
\b
\q
\v 5 Yahweh, he da greates!
\q2 He live high on top da mos importan place!
\q All ova Jerusalem town
\q2 He goin make shua da judge guys judge da right way
\q2 An da peopo do right kine tings.
\q
\v 6 All da time you stay alive,
\q2 Yahweh goin be jalike one solid foundation fo you.
\q He goin do plenny good tings fo you --
\q2 Get you outa trouble,
\q2 Help you know wat fo do erytime,
\q2 Help you know how fo do um.
\q Wen you Jerusalem peopo get respeck fo Yahweh fo real kine,
\q2 Goin be jalike az rich kine stuff he give you.
\b
\q
\v 7 Look! Dea bestes army guys stay crying loud
\q2 Outside dea in da street.
\q Da guys dat da king send
\q2 Fo make da fight pau,
\q2 Dey cry plenny too.
\q
\v 8 Nobody stay go on top da big roads no moa.
\q2 Da guys dat befo time stay go all ova,
\q2 Now dey no go.
\q Az cuz da Assyria guys wen make promise,
\q2 An den dey broke um.
\q Dey ack like all da big towns, notting.
\q2 Dey no mo respeck fo nobody.
\q
\v 9 Even da Judah land, look jalike stay sore inside
\q2 An plenny tired.
\q Lebanon side, da trees look jalike dey stay shame,
\q2 An da leaf look like stay dry.
\q Sharon side, no mo rain,
\q2 Stay jalike da dry Arabah valley.
\q Bashan an Carmel side,
\q2 Da plants leaf, all stay fall down.
\b
\q
\v 10 But Yahweh, he tell,
\q2 “Now, I goin stand up an start fo do tings!
\q Now I goin show peopo how big me!
\q2 An peopo goin know dat I importan!
\q
\v 11 You Assyria guys, you get big kine plan,
\q2 But az only junk kine.
\q You tink fo do plenny,
\q2 But da wind blow um away.
\q Wen you guys stay breave,
\q2 Goin come jalike one fire,
\q2 An da fire goin burn up you guys.
\q
\v 12 Da diffren peopos goin burn
\q2 Jalike wen you pile up coral rock an wood
\q2 An burn um slow, fo make lime fo plasta.
\q An jalike wen you cut down plenny thorn bush
\q2 An dey burn real fast.
\b
\q
\v 13 “You guys dat stay far place,
\q2 Lissen wat I wen do!
\q You guys dat stay nea by me,
\q2 Make shua you know I get plenny power!
\q
\v 14 Inside Jerusalem town,
\q2 Da peopo dat stay do bad kine stuff,
\q2 Dey stay scared!
\q Da ones dat tink God notting,
\q2 Dey no can stop shaking!
\q2 Dey talk:
\q ‘No mo nobody from us guys
\q2 Can live wit da fire dat goin burn us up!
\q No mo nobody from us guys
\q2 Can live wea da fire goin burn all da time!’
\q
\v 15 Da peopo dat no need stay scared,
\q2 Dey da ones stay do da right kine stuff,
\q2 An tell wat stay right,
\q An no take da stuff
\q2 Dat peopo presha somebody an take um,
\q An no even touch
\q2 Da unda da table kine gif,
\q An no like hear
\q2 Wen peopo plan fo kill somebody.
\q2 An no like look wen get bad kine stuff.
\q
\v 16 Dey da peopo goin live up high dea
\q2 Wea nobody can hurt dem,
\q Cuz get strong wall an high cliff.
\q2 God goin make shua
\q2 Dey get plenny fo eat an drink.”
\s Da Land Wea Da Big King Live
\q
\v 17 Bumbye, yoa eye goin see da king,
\q2 An he beautiful!
\q2 An you goin see one land dat stay real big!
\q
\v 18 You goin tink bout how scared you was befo.
\q2 You goin tink, “Eh! Wea da guy
\q2 Dat count how much us gotta pay da Assyria king?!
\q Wea da guy stay dat weigh da silva fo oua tax?!
\q2 Wea da Assyria army guy dat count
\q How plenny towns us guys get wit strong walls an towers
\q2 Fo make shua us no can fight?!
\q2 No mo all dem awready!”
\q
\v 19 Dose Assyria guys
\q2 Dat no care how dey make to you guys,
\q Dose peopo dat talk funny kine
\q2 An no can undastan dem,
\q2 You no goin see dem no moa.
\p
\q
\v 20 Check out Mount Zion!
\q2 Dass da place we goin make da spesho religious time.
\q You goin see Jerusalem town.
\q2 Goin come one place
\q2 Wea you can res an no need worry.
\q Goin be jalike one tent dat nobody going move um
\q2 Fo take um one nodda place.
\q Nobody goin pull up da stakes.
\q2 Nobody goin broke da ropes.
\q
\v 21 Right dea inside Jerusalem town,
\q2 Yahweh goin be da One dat stay awesome
\q2 Da way he goin help us guys.
\q He goin make Jerusalem strong,
\q2 Jalike some big towns
\q2 Dat get wide rivers an streams aroun um
\q Too strong even fo awesome navy kine boats
\q2 Go sail inside an go across fo attack.
\q
\v 22 Yahweh, he oua Judge.
\q2 Yahweh, he da One give us guys oua rules.
\q Yahweh, da king fo us guys.
\q2 He da One goin get us outa trouble.
\q
\v 23 You Assyria army guys,
\q2 You jalike one boat dat da rope stay hang down
\q An no can make da mast stand up strong
\q2 An no can make da sail catch da wind.
\q You guys get plenny stuffs,
\q2 But da Jerusalem peopo,
\q2 Dey goin take um all away from you guys
\q2 An half half um wit da odda Jerusalem peopo.
\q Even da guys dat no can walk good,
\q2 Dey goin take away yoa stuff too.
\q
\v 24 Dat time, nobody dat live Jerusalem town
\q2 Goin tell, “I stay sick!”
\q God goin take away da shame
\q2 Fo da bad kine tings dey wen do
\q2 From erybody dat live dea,
\q An let um go.
\c 34
\s God Judge Da Peopo Inside Da Diffren Countries
\q
\v 1 Come nea hea by me, you peopo
\q2 Inside da diffren countries
\q2 Fo lissen wat I tell.
\q I like all da peopos all ova da world,
\q2 An eryting dat stay hea
\q2 An grow hea inside da world, fo lissen.
\q
\v 2 Cuz Yahweh, he stay huhu
\q2 Wit all da peopo inside da diffren countries.
\q2 He no like wat all dea army guys do.
\q He give up wit dem awready.
\q2 He goin let odda guys kill dem
\q2 An wipe dem out all da way.
\q
\v 3 Da peopo goin throw da guys dey kill outside da town,
\q2 Cuz dea bodies goin smell stink.
\q2 Da mountains goin get blood soak inside da groun.
\q
\v 4 All da stars inside da sky goin come jalike dey rotten.
\q2 Da whole sky goin roll up, jalike peopo roll up one paper.
\q All da stars goin fall down,
\q2 Jalike da leaf fall down from one grape plant wen dey dry,
\q2 An jalike da dry up fig fruits fall down from one tree.
\b
\q
\v 5 Yahweh tell,
\q2 “Afta I use my sword inside da sky
\q Fo wipe out da bad peopo dea,
\q2 An get blood all ova um,
\q Den, cuz I da judge,
\q2 I goin use my sword fo bus up da Edom peopo
\q2 An wipe dem out all da way.”
\q
\v 6 Yahweh, his sword get plenny blood on top!
\q2 Get fat all ova um
\q From da bebe sheeps an goats fo make sacrifice,
\q2 Fat from da boy kine sheep kidney,
\q2 He use um fo make sacrifice.
\q He goin kill plenny peopo inside da Edom land,
\q2 Jalike goin get one sacrifice fo Yahweh
\q2 Inside Bozrah, da Edom town.
\q
\v 7 He goin kill da wild cows
\q2 An da odda kine animals fo make sacrifice.
\q He goin kill da young boy kine cows too,
\q2 An da real big boy kine cows, fo make sacrifice.
\q Goin get blood all ova dea land.
\q2 Da dirt ova dea goin stick togedda from da fat.
\b
\q
\v 8 All dat goin happen
\q2 Cuz Yahweh get one time
\q2 Dat he goin pay back da Edom peopo.
\q He goin do um ova an ova, fo one year.
\q2 Cuz he goin make shua
\q Da odda nations no goin take away da right
\q2 Fo his peopo live inside Jerusalem town.
\q
\v 9 Da watta inside streams, Edom side,
\q2 Goin come jalike tar.
\q Da dirt ova dea goin come jalike sulphur.
\q2 Da whole land goin come jalike burning tar.
\q
\v 10 Da fire goin go day time an nite time,
\q2 Da smoke from da tar going up all da time.
\q From one fadda to anodda fadda,
\q2 Edom goin stay wit notting ova dea.
\q2 Nobody goin go thru dea eva again.
\q
\v 11 Ony all kine diffren birds
\q2 Dat us Jewish peopo not suppose to eat
\q2 Goin stay dea an make dea nest ova dea.
\q God goin make shua da Edom land,
\q2 No mo notting inside,
\q2 An no mo shape notting.
\q
\v 12 Da Edom ali`i guys,
\q2 Dey goin call dea land
\q “Da Place Wea No Mo King
\q2 Cuz No Mo Notting,”
\q2 Cuz all da ali`i guys, gone awready.
\q
\v 13 Dea palaces goin get thorn bush grow all ova da place.
\q2 An dea towns wit strong walls goin get stickas an kukus all ova.
\q Da wild jackal dogs goin stay an eat dea
\q2 An goin be da place fo da owl birds.
\q
\v 14 Da wild hyena animal
\q2 Goin come togedda wit odda kine animals
\q2 Dat stay inside da boonies.
\q2 Da wild goats goin call to each odda.
\q Goin get nite time animals sleep ova dea
\q2 An find place fo rest.
\q
\v 15 Dass da place da owl goin make nest
\q2 An lay dea egg.
\q Dey goin born dea kids
\q2 An bring um all togedda
\q2 An take care um unda dea wings.
\q Even da scavenja birds goin come togedda dea,
\q2 Da boy kine bird wit his wahine kine bird.
\p
\q
\v 16 Go find out wat Yahweh wen tell his guys fo write.
\q2 Read um from dat book.
\q Yahweh tell, dat all dese birds an animals goin show up dea.
\q2 Boy kine goin come wit his wahine kine, all a dem.
\q2 Me, Isaiah, I da one wen tell wat Yahweh say dey gotta do,
\q2 An goin be his Spirit bring dem togedda.
\q
\v 17 He wen measure da land he goin give
\q2 Ery one a da birds an animals.
\q To da birds an animals, an dea kids, an dea grankids,
\q2 Fo dem get da Edom land all da time.
\c 35
\s Da Peopo Dat Yahweh Take Outa Trouble Stay Good Inside
\r (Luke 4:18, 7:22; Hebrews 12:12-13)
\q
\v 1 Da peopo dat goin live inside da boonies
\q2 An da place wea no mo watta,
\q2 Dey goin stay feel good inside.
\q Da place wea no mo nobody,
\q2 Goin get plenny flowas jalike da narcissus flowa.
\q
\v 2 Goin get flowas all ova da place dea.
\q2 Da peopo inside da boonies goin dance an sing,
\q2 An yell cuz dey feel good inside.
\q Goin come awesome dea inside da boonies,
\q2 Jalike da Lebanon mountain,
\q2 An jalike Mount Carmel an da Sharon plain.
\q Da peopo dea goin see dat Yahweh stay real awesome
\q2 Dey goin see dat he da king.
\b
\q
\v 3 So, make strong da peopo
\q2 Dat right now stay so scared,
\q Dea hands shake an stay drop stuff.
\q2 An dea knees no let um stand.
\q
\v 4 Tell da peopo dat stay feel scared
\q2 Cuz dey tinking dey gotta do someting right now,
\q “Be strong! No scared!
\q2 Fo shua, yoa God goin come
\q Wen come da time fo pay dem back,
\q2 Da ones dat stay agains him!
\q He da One goin come,
\q2 An get you guys outa trouble!”
\b
\q
\v 5 Dat time, da peopo dat no can see,
\q2 Dey goin see.
\q Da peopo dat no can hear,
\q2 Dey goin hear.
\q
\v 6 Da peopo dat no can walk,
\q2 Dey goin jump jalike da deer.
\q Da peopo dat no can talk,
\q2 Dey goin start fo talk real loud
\q2 Cuz dey stay feel good inside.
\q Da watta goin start fo come
\q2 Outa da pukas all ova da boonies,
\q An streams goin come
\q2 All ova da up country boonies.
\q
\v 7 Da hot sand goin get pond wit reeds.
\q2 Da ground dat no mo watta,
\q2 Goin come one puka wea plenny watta come out.
\q Ova dea, wea da jackal kine wild dogs
\q2 Wen lay down fo res befo time,
\q2 Goin get grass, an watta plants, an papyrus reeds dea.
\p
\q
\v 8 Dat place, one build up road goin stay ova dea.
\q2 Peopo goin call um “Da Road Fo Go By Da God Dat Stay Good An Spesho.”
\q2 Goin be fo da peopo dat stay tight wit God.
\q Da peopo dat do bad kine stuff dat make um so dey no can pray,
\q2 Dey no can go on dat road.
\q But anybody dat go dat way,
\q2 Even da ones dat donno da road,
\q2 Dey no goin get lost.
\q
\v 9 No mo lion o wild kine animal dat like eat you
\q2 Goin come nea dea.
\q Ony da peopo dat God wen get um outa trouble,
\q2 Dey da ony ones goin use dat road.
\q
\v 10 Da ones, Yahweh wen pay da price fo dem,
\q2 Dey goin come back to Mount Zion.
\q Dey goin go inside da Temple Fo Yahweh,
\q2 An dey goin dance an sing
\q2 An feel good inside all da time.
\q All dat goin be jalike one crown on top dea head.
\q2 Wen dey going, dey feel good inside
\q2 Mo an moa erytime.
\q Befo time, dey feel sore inside plenny.
\q2 But all dat gone awready!
\c 36
\s Sennakerib Say He Goin Fight Da Peopo Inside Jerusalem
\p
\v 1 King Hezekiah stay king fo fourteen years, an den Sennakerib, da Assyria king, an his army guys go attack all da big towns inside Judah dat get strong walls aroun um. An dey make da peopo dea prisonas.
\v 2 Den da Assyria king Sennakerib send da territorial govna guy fo dat side, an plenny army guys, from Lakish by King Hezekiah inside Jerusalem. Da territorial govna guy stop by da ditch wea da watta from da Mauka Watta Place go, on top da main road dat go da field wea da peopo put da cloth inside da watta an step um fo make um clean.
\v 3 Eliakim, Hilkiah's boy, dat was in charge da palace, go out fo meet da territorial govna guy. Shebna da secretary guy, an Joah, Asaf boy, da guy dat write eryting fo da records, dey go wit Eliakim.
\p
\v 4 Da Assyria territorial govna guy tell dem fo go tell Hezekiah, “Dis, wat da strong Assyria king like know: Who you stay trus, aah?! Why you tink you can handle da army guys?!
\v 5 Dis wat I say: All yoa talk, az ony talk dat no mean notting! Fo make war, you gotta get plan an da powa fo fight. But you, no mo da plan o da powa! Cuz you stay go agains me an my army guys, wat odda country you stay trus fo help you?!
\v 6 Fo shua, I goin tell you who you stay trus! You trus da Egypt army fo help you. But Pharaoh, dea king, he no goin help you. He jalike one smash up bamboo dat make splinters inside yoa hand wen you go lean on top um. Dass how plenny da Pharaoh guy help erybody dat trus him!
\v 7 An if you guys tell me, ‘We trus oua God Yahweh,’ tink bout dis: Hezekiah, he da one wen take down da sacrifice places an da altars wea you guys pray to Yahweh! Hezekiah wen tell da peopo inside Judah an Jerusalem, ‘You guys gotta go down in front Yahweh, ony in front dis Jerusalem altar,’ yeah?
\p
\v 8 So now, make one bet wit my boss, da Assyria king. I give you guys 2,000 horse if you can get nuff guys fo ride on top um!
\v 9 How you guys tink you goin make even one small kine officer from my boss army guys turn aroun an go home, no matta you guys trus da Egypt guys fo give you war wagons an guys fo ride on top da horses?!
\v 10 An one mo ting: you guys tink I wen come fo go agains you an yoa country an wipe you guys out, an I no trus Yahweh, o wat?! No way! Was Yahweh himself dat wen tell me fo go agains yoa country an wipe you guys out!”
\p
\v 11 Den Eliakim, Shebna, an Joah tell da territorial govna guy, “Talk to us in Aramaic, yoa language, cuz we undastan um. No talk in Hebrew, our language, cuz bumbye all dose peopo dat stay sitting ova dea on top da wall goin hear.”
\p
\v 12 But da territorial govna guy tell, “You tink az was ony fo you an yoa boss, dat my boss wen tell me fo tell dis stuff? No! He like tell um to all dese guys dat stay sitting ova dea on top da wall. Cuz dose peopo, jalike you, goin come hungry an like drink watta, dat dey goin eat dea own kukae an drink dea own shishi.
\p
\v 13 Den da territorial govna guy stand up an yell real loud wit da Hebrew language, to da peopo on top da wall, “Lissen up, wat da big king fo Assyria tell!
\v 14 No let King Hezekiah bulai you guys! Cuz he no can get you guys outa trouble!
\v 15 No let Hezekiah tell you guys fo trus Yahweh! Cuz he goin tell you guys, ‘Fo shua, Yahweh goin get us guys outa trouble. He no goin let da Assyria king take ova dis town.’
\p
\v 16 “No lissen Hezekiah!
Dis wat da Assyria king tell: ‘Make deal wit me fo no fight! Open da gate an come outside da town! Den all you guys goin eat grape from yoa own garden an fruit from yoa own fig tree, an drink watta from yoa own watta place.
\v 17 Den bumbye, I goin come take you guys to one nodda land jalike yoa own land, one place wit plenny wheat an good wine, an plenny food an grape plants.’
\p
\v 18 “No let Hezekiah bulai you guys an tell, ‘Yahweh goin get us guys outa trouble.’ You tink da gods fo da odda countries wen get dea peopo outa trouble wen da Assyria king wen take ova dem?! No way!
\v 19 Wat wen happen wit da gods fo Hamath, Arpad, an Sefarvaim?! You tink da Samaria gods wen help da Samaria peopo wen I wen take ova dem?! Dey no can.
\v 20 You tink dat get even one god from all dose countries dat wen get dea peopo outa trouble wen I go agains dem?! Nah! So, how you tink yoa God Yahweh goin get you guys outa trouble wen I go take ova Jerusalem town?! No can!”
\p
\v 21 But da three guys stay no tell da Assyria guy notting, cuz King Hezekiah wen tell dem befo time, “Ony lissen an no talk back to him.”
\p
\v 22 Den Eliakim, Hilkiah's boy, dat stay in charge da palace, Shebna, da secretary guy, an Joah, Asaf boy, dat write da records, dey go back by Hezekiah. Dey rip dea clotheses fo show dey sore inside, an tell him wat da territorial govna guy wen tell.
\c 37
\s God Goin Get Da Jerusalem Peopo Outa Trouble
\p
\v 1 Wen King Hezekiah hear wat da Assyria guy tell dem, he come real sore inside. He go broke his clotheses, an put on burmbag kine cloth fo show how he feel. Den he go inside da Temple.
\v 2 He tell Eliakim, da guy dat stay in charge da palace, Shebna, da secretary guy, an da older pries guys fo put on burmbag cloth an go by Isaiah, Amoz boy, da one dat talk fo God.
\v 3 Dey tell Isaiah, “Dis wat King Hezekiah tell: ‘Dis one day all us feel all bum out. God stay show dat us guys wen do wrong, an make us shame. Us stay jalike wen one bebe goin born, but da mudda not strong nuff fo born um.
\v 4 Maybe yoa God Yahweh wen hear wat da territorial govna guy say, an goin do someting. Cuz da govna guy boss, da Assyria king, wen send da govna ova hea fo talk stink bout Yahweh, da God dat stay alive fo real kine. Da tings dat yoa God Yahweh wen hear dat guy tell, maybe God goin show proof dat dey wrong. Az why you gotta pray fo da peopo dat still yet goin stay alive afta dey do wateva dey goin do.’-”
\p
\v 5 Afta King Hezekiah helpa guys come by Isaiah,
\v 6 Isaiah tell dem, “Go tell yoa boss dis, da ting Yahweh tell me awready: ‘No scared cuz a all wat you wen hear, all dat stink stuff da slave guys fo da Assyria king stay tell.
\v 7 Dis wat I goin do: I goin put one spirit inside da Assyria king fo make um tink how I like. He goin hear wat somebody tell him, an cuz a dat, he goin go back his own country. Den bumbye, I goin make somebody kill um wit one sword, inside his own land.’-”
\p
\v 8 Den da Assyria territorial govna guy hear dat da Assyria king an his army wen leave Lakish town. So da govna guy go back an find da king fighting agains Libnah town.
\p
\v 9 Layta, Sennakerib, da Assyria king, hear someting bout Tirhakah, da king from Sudan. Somebody tell Sennakerib, “Tirhakah come out fo fight agains you Assyria guys.”
\p
Wen Sennakerib hear dat, he send guys by Hezekiah. He tell dem
\v 10 fo tell Hezekiah da Judah king dis:
\m “I know you stay trus yoa god, so you tink, ‘My God no goin let da Assyria king take ova Jerusalem town.’ But no let yoa god bulai you!
\v 11 Tink bout dis: You awready wen hear wat us king guys Assyria side an oua army guys wen do to all da odda countries. We wipe um all out, fo give dea land to oua god. So, you tink you goin get outa dat?! No way!
\v 12 Da gods fo da peopos from Gozan, Haran, Rezef, an da Eden peopo inside Tel Assar -- you tink dea gods wen get da peopos outa trouble, da time my ancesta guys wipe dem out? Not even!
\v 13 Now, wea da kings fo Hamath, Arpad, Sefarvaim town, Hena, Iva?! Dey all gone!”
\s King Hezekiah Pray
\p
\v 14 Afta Hezekiah read da letta from da messenja guys, he go up to da Temple Fo Yahweh. He spread out da letta in front Yahweh.
\v 15 Den Hezekiah pray to Yahweh:
\v 16 “Yahweh! You, da God Ova All Da Armies. You da God fo us Israel peopo. You get yoa spesho place right hea inside dis Temple, inside da spesho room wit da awesome angel watcha guys on top da Box. You da ony One dass God fo real kine, cuz you da God ova all da kings an dea peopos all ova da world. Was you, da One dat wen make da sky an da earth.
\v 17 Lissen real good, Yahweh! Open yoa eyes an look! Hear all da stuff Sennakerib wen tell fo talk stink bout you, da God Dat Stay Alive Fo Real Kine!
\p
\v 18 “Az true, Yahweh, dat da Assyria king guys wen go wase all da diffren countries an dea land,
\v 19 an throw all da idol kine gods da peopo wen make inside da fire an wipe um out. Cuz dose idols, dey not real gods, but ony wood an stone statue.
\v 20 Now, oua God Yahweh, get us outa trouble an no let da Assyria king hurt us. Den, all da kings an dea peopos all ova da world, dey goin know dat you Yahweh, da ony God dass fo real!”
\s Sennakerib Wipe Out
\p
\v 21 Den Isaiah, Amoz boy, send dis letta to Hezekiah:
\q Dis da ting Yahweh, da God fo da Israel peopo, tell me:
\q2 “Cuz you wen pray to me bout Sennakerib, da Assyria king,
\q2
\v 22 Dis wat I tell agains Sennakerib:
\q ‘My peopo inside Jerusalem town
\q2 Dey jalike one young wahine
\q Dat tink you no good, an dey laugh at you.
\q2 Jalike one wahine dat shake her head an look
\q2 Wen you stay running away!
\q
\v 23 Who you wen make shame, Sennakerib?!
\q2 Who you talk stink bout, aah?!
\q You wen go talk strong agains me!
\q2 You ack high nose agains me,
\q2 Da Good An Spesho God fo da Israel peopo!
\q
\v 24 You wen send guys dat work fo you,
\q2 Dat wen try make me, da Boss, shame.
\q You wen tell, “Me, Sennakerib,
\q2 I get plenny war wagon!
\q I can go on top a da high mountains,
\q2 To da mos far part a da Lebanon mountains,
\q Fo cut down da mos tall cedar trees
\q2 An da bestes pine trees!
\q Me, I da kine guy can go all da way to da end
\q2 A da mos high places,
\q2 Da forest wea da bestes tree grow!
\v 25 Me, Sennakerib, I dig pukas fo watta inside odda peopo countries.
\q2 An drink da watta from ova dea.
\q Wen I go thru da streams
\q2 Wea da Nile Riva split up, Egypt makai side,
\q2 I make um all come dry!”
\b
\q
\v 26 “‘Sennakerib, you neva hear, o wat?
\q2 From long time I, Yahweh, wen start fo make all dis happen,
\q2 Befo time, I wen make da plan dat way awready,
\q An now I stay make um happen --
\q2 Fo you bus up da towns dat get strong walls
\q2 An make um come pile a stone,
\q
\v 27 An fo you make da peopo dat live dose towns
\q2 So dey no mo powa.
\q2 Dey lose fight an come shame.
\q Dey come jalike da plants dat grow inside one field,
\q2 Da young green grass
\q O da grass dat grow on top da roof
\q2 O on top wea you plow fo plant da wheat,
\q2 Dat da sun burn um befo can grow.
\p
\q
\v 28 “‘But I know wea you stay, Sennakerib.
\q2 I know wen you come an go.
\q2 I know how you yell an stay hot agains me!
\q
\v 29 Cuz you stay hot fo go agains me,
\q2 An I hear how big head you stay
\q2 Cuz you tink az easy fo handle me,
\q I, Yahweh, goin make you my prisona
\q2 Fo do wateva I like,
\q Jalike I put one hook inside yoa nose,
\q2 An one bit inside yoa mout, jalike you one horse.
\q An I goin make you go back yoa own place
\q2 On top da same road wea you wen come from.’
\b
\q
\v 30 “An fo you, Hezekiah, dis da sign I, Yahweh, give you:
\q2 You goin eat!
\q Dis year, eat da wheat dat grow dea awready
\q2 From da wheat seed dat fall down las year wen dey cut da food.
\q2 Da year numba two, eat wateva come up from dat.
\q But da year numba three, plant seed an cut um fo food.
\q2 Plant grape fo make grape farm, an eat da grapes.
\q
\v 31 One mo time, goin get some a da Judah peopo
\q2 Dat da Assyria guys wen leave dea.
\q Dey goin be jalike one plant
\q2 Dat da root go down an da fruit come up.”
\b
\q
\v 32 Cuz da res a da peopo from Jerusalem goin come.
\q2 Goin get peopo dat da Assyria guys leave behind wea da Temple stay.
\q Yahweh, Da God Ova All Da Armies,
\q2 He goin do um, cuz az wat he really like do.
\p
\v 33 Az why dis wat Yahweh tell bout da Assyria king:
\q2 “No way he goin come inside Jerusalem town.
\q His guys no goin shoot arrow ova hea.
\q2 Dey no goin get dea shield fo fight agains oua army guys,
\q O pile up dirt by da wall
\q2 So dea army guys can run ova da top.
\q
\v 34 Da same way he wen come,
\q2 Da same way he goin go back.
\q He no goin come inside dis big town.”
\q2 Az wat Yahweh tell.
\b
\q
\v 35 An he tell, “I no goin let da Assyria army come inside dis town!
\q2 I goin get da peopo hea outa trouble!
\q I goin do all dat fo me
\q2 An fo da promise I wen make to King David, my worka guy.”
\s Sennakerib Go Way, Den He Mahke
\p
\v 36 Den one angel messenja guy from Yahweh go out fo fight. He kill 185,000 army guys inside da Assyria camp. Wen da odda peopo get up early da nex morning, get plenny mahke bodies all ova da place!
\v 37 Az why Sennakerib, da Assyria king, get outa dea quick an go way. He go back Nineveh town an stay ova dea.
\p
\v 38 Layta, one time wen Sennakerib go down fo pray inside da temple fo his god Nisrok inside Nineveh, his own boys Adramalek and Sharezer wen take dea sword an kill him. Den dey run away to da Ararat land. Esarhaddon, Sennakerib's odda boy, come da nex king fo da Assyria peopo.
\c 38
\s Hezekiah Come Sick
\p
\v 1 Dat time Hezekiah come sick an litto mo mahke. Da guy dat talk fo God, Isaiah, Amoz boy, go by Hezekiah an tell, “Lissen! Dis one spesho message from Yahweh. He tell, go make eryting ready, cuz you goin mahke. You no goin come good.’-”
\p
\v 2 Hezekiah turn his whole body fo face da wall, an he pray to Yahweh,
\v 3 “Auwe, Yahweh! Rememba all da stuff I do! I no hide um from you. I da kine guy you can trus, an do eryting I promise fo do. I try fo make shua I do ony good kine stuff dat you say, az good.” Den Hezekiah cry plenny.
\p
\v 4 Den Yahweh give Isaiah dis message:
\v 5 “Go tell Hezekiah, ‘Dis one spesho message from Yahweh, da God fo yoa ancesta David: I wen hear wat you pray, an I see you cry. Cuz a dat, I goin give you fifteen mo years fo live.
\v 6 I no goin let da Assyria king do notting bad to you o da peopo inside Jerusalem town. I no goin let da Assyria guys come inside dis town.’-”
\p
\v 7 Isaiah tell da guys dat work fo Hezekiah, “Go get some figs, mash um all togedda, put um on top da sore, so yoa boss can come good.”
\p Hezekiah, he aks, “Wat da sign goin be, fo me know dat I goin go up inside da Temple Fo Yahweh again?”
\p Isaiah tell, “Dis da sign from Yahweh, fo show you dat he goin do wat he promise.
\v 8 Yahweh tell, ‘Da shadow from da sun go down ten step awready, on top da palace stair dat King Ahaz wen build. Now, I goin make da sun shadow go back up da same ten step.’-” So az wat happen. Da sun shadow go back up da same ten step, wea come down awready.
\p
\v 9 Afta Hezekiah, da Judah king, come good afta he sick, he write dis:
\q
\v 10 Me, dis wat I was tinking:
\q2 “I stay in da bestes time a my life,
\q An now I gotta go inside da gate
\q2 Fo da Mahke Peopo Place, o wat?!
\q Fo real, God set me up
\q2 Fo lose da res a my life?!”
\q
\v 11 I tell, “In dis land, wit da peopo dat stay alive,
\q2 I no goin see Yahweh no moa.
\q I no goin see peopo no moa,
\q2 O stay wit da ones dat live
\q2 Inside dis world dat goin pau.
\q
\v 12 God take my body away from me
\q2 Jalike one sheep farma guy broke down his tent.
\q I stay roll up my whole life,
\q2 Jalike one guy dat stay weave someting,
\q Wen he pau, he roll um up,
\q2 An jalike God cut me off da frame fo weave.
\q God, morning time I stay okay,
\q2 But befo nite time you make me come pau.
\q
\v 13 I wait an make myself stay quiet inside
\q2 Till morning time.
\q But den, God go broke all my bones
\q2 Jalike one lion!
\q God, morning time I stay okay,
\q2 But befo nite time you make me come pau.
\q
\v 14 I make noise jalike da swift bird o da heron bird.
\q2 An make sad kine noise jalike one dove.
\q I try fo look up da sky to you,
\q2 But my eyes too tired, I can ony look down.
\q I get plenny presha!
\q2 Help fo take care me, my Boss!”
\b
\q
\v 15 “But wat I goin say?
\q2 Cuz God wen make promise to me,
\q An he da One wen do,
\q2 Wat he tell he goin do.
\q I goin take care plenny how I make
\q2 All da years I still get fo live,
\q2 Cuz befo time, I wen stay plenny bum out inside.
\b
\q
\v 16 Boss, peopo stay live
\q2 Cuz you do da same kine tings fo dem
\q2 Dat you wen do fo me!
\q An all da tings you stay do
\q2 Make me come alive inside too!
\q2 I stay alive now.
\q Make my body come good,
\q2 An let me live some moa!
\q
\v 17 Fo shua, if I neva suffa plenny,
\q2 Notting come good fo me afta.
\q You get plenny love an aloha fo me.
\q2 Az why you neva let me go
\q2 Inside da Deep Dark Hole, an mahke.
\q You wen take all da bad kine stuff I wen do,
\q2 An put um behind yoa back.
\q
\v 18 From inside da Mahke Peopo Place,
\q2 No mo nobody can tell dey know how awesome you
\q2 Da mahke peopo no can tell dat you da greates.
\q Da peopo dat go down inside da Deep Dark Hole,
\q2 Dey no wait fo you do wat you say.
\q
\v 19 Da peopo dat stay alive,
\q2 Dey da ones tell dey know how awesome you,
\q Jalike I stay doing today.
\q2 Da faddas make shua dea kids know
\q2 How you do wat you say.
\b
\q
\v 20 Yahweh goin get me outa trouble.
\q2 An we goin play guitar kine music
\q An sing my songs,
\q2 Inside da Temple Fo Yahweh,
\q2 All da time we still yet stay alive.
\p
\v 21 Az how wat wen happen, da time Isaiah tell Hezekiah guys fo put fig on top da sore,
\v 22 an Hezekiah aks wat kine sign Yahweh goin give him dat he goin come good.
\c 39
\s Da Babylon King Send Messenja Guys By Hezekiah
\p
\v 1 Dat time, Merodak-Baladan, Baladan boy, come da Babylon king. He send guys by King Hezekiah wit lettas an one presen, cuz he hear dat Hezekiah wen stay sick, but come good again.
\v 2 Hezekiah meet da messenja guys an he feel good inside dat dey come. Den he show dem all da stuffs he get inside da place wea he put stuff: da silva, da gold, da spice, da bestes kine oil, all da army kine stuff, an all his rich kine stuffs. No mo notting inside his palace an his land dat he neva show dem.
\p
\v 3 Den Isaiah, da guy dat talk fo God, go by King Hezekiah an aks him, “Wat dose guys say? Wea dey come from?”
\p
Hezekiah tell, “Dey come by me from one far place, from Babylon.”
\p
\v 4 Isaiah aks him, “Wat dey wen see inside yoa palace?”
\p
Hezekiah say, “Dey see eryting inside my palace. No mo notting from all my rich stuffs dat I neva show dem.”
\p
\v 5 Den Isaiah tell Hezekiah, “Lissen wat Yahweh, Da God Ova All Da Armies, tell:
\v 6 ‘Fo shua, da time goin come wen eryting inside yoa palace, an all da stuffs you an yoa ancesta guys wen put away till now, da Babylon guys goin take um all to Babylon. Dey goin take eryting.’ Dass wat Yahweh tell.
\v 7 Even some a yoa own kids, da Babylon guys goin take dem away too. Da Babylon guys goin make yoa boys work fo da Babylon king inside his palace.”
\p
\v 8 Hezekiah tink, “Dat mean, till I mahke, eryting goin come good wit us guys, an no need worry.” So Hezekiah tell Isaiah, “Wat you say, az good wat Yahweh tell!”
\c 40
\s God Give Good Kine Words To His Peopo
\r (Matthew 3:3; Mark 1:3; Luke 3:4-6; John 1:23, 12:15; Rome 11:34; 1 Corint 2:16; James 1:10-11; 1 Peter 1:24-25)
\p
\v 1 Dis wat yoa God tell you guys:
\q “Make my peopo res inside!
\q2 Help um feel good inside!
\q
\v 2 You guys, talk to da Jerusalem peopo
\q2 An tell all dem,
\q2 So dey feel good inside.
\q Tell dem dat da hard work dey wen do
\q2 Cuz dey owe me plenny, all pau awready.
\q Da bad tings dey wen do,
\q2 Dey awready punish fo all dat.
\q Me, Yahweh, I wen awready pay dem back double
\q2 Fo all da bad kine stuff dey wen do.”
\b
\q
\v 3 Somebody call out,
\q2 “Ova dea inside da boonies,
\q Move eryting outa da way, fo Yahweh!
\q Strait thru da Arabah Valley,
\q2 Make one big road fo oua God!
\q
\v 4 Fill up ery gulch dat cross dat road!
\q2 Cut thru all da mountains an hills
\q2 Fo make da road level!
\q Wea da ground not level, make um smooth!
\q2 Make all da rough places flat!
\q
\v 5 Yahweh goin let erybody see how awesome he stay.
\q2 Erybody inside da world goin see dat, same time.
\q2 Cuz dass wat Yahweh wen tell!”
\b
\q
\v 6 Somebody tell, “Call out!”
\q2 An I aks um, “Wat I goin tell?”
\q He tell me fo tell dis:
\q2 “All da peopo, jalike da grass.
\q Dey do ony wat dey can do,
\q2 But dey jalike da wild flowers
\q2 Dat grow inside one field.
\q
\v 7 Da grass come all dry,
\q2 An da flowers come poho an fall down,
\q Weneva Yahweh blow on top um.
\q2 Fo shua, da peopo, dey jalike da grass.
\q
\v 8 Da grass come all dry,
\q2 An da flowers come poho an fall down,
\q But wat oua God tell,
\q2 Dat goin stay all da time.”
\b
\q
\v 9 “You Mount Zion peopo dat tell good kine stuff,
\q2 Go up on top one high mountain,
\q2 Fo tell erybody!
\q You Jerusalem peopo dat tell good kine stuff,
\q2 Talk loud! No scared!
\q2 Tell da peopo inside da towns all ova da Judah land,
\q2 ‘Look! Dis yoa God!’
\v 10 Az cuz Yahweh da Boss stay coming wit power.
\q2 He stay in charge cuz he strong.
\q He stay ready fo pay good
\q2 Da ones dat help him an work fo him.
\q
\v 11 He take care his peopo,
\q2 Jalike one sheep farma take care his sheeps.
\q He carry da bebe sheep in his arm,
\q2 An carry dem on top his chest,
\q An show da way to da mudda sheeps
\q2 So dey can go res.
\b
\q
\v 12 “Yahweh, he da One
\q2 Put all da ocean watta inside his hand,
\q2 Fo tell how plenny get.
\q Wit his open hand he check out da sky,
\q2 Fo tell how wide dat.
\q He put all da dirt inside da world inside one box
\q2 Fo tell how plenny get.
\q He put all da mountains an hills on top da scale,
\q2 Fo tell how heavy dem.
\q
\v 13 You tink get somebody
\q2 Dat can tell Yahweh how fo use his Spirit?!
\q2 Nobody can!
\q You tink get somebody
\q2 Dat smart enough fo teach Yahweh someting?!
\q2 Not even!
\q
\v 14 You tink get somebody
\q2 Yahweh wen aks him wat fo do,
\q2 An da guy help Yahweh fo undastan stuff?!
\q2 Nah, no mo nobody!
\q You tink get somebody
\q2 Wen teach Yahweh da right way fo judge wass right an wass wrong,
\q O who teach him bout da world?!
\q2 Who help him know how fo undastan stuff?!
\q2 No mo nobody lidat!
\b
\q
\v 15 “Da way Yahweh tink bout da peopo
\q2 Inside all da countries,
\q Dey jalike one drop watta from inside one bucket,
\q2 Jalike litto bit dirt
\q Dat fall down on top one scale,
\q2 An no change notting.
\q He even weigh da islands
\q2 Jalike dey small kine dust,
\q2 Da kine dat come outa da air.
\q
\v 16 All da trees on top da Lebanon mountains
\q2 Not nuff fo make one fire on top one altar.
\q An all da animals dat live ova dea,
\q2 Dey not nuff fo make da kine sacrifice
\q2 Dat you burn up.
\b
\q
\v 17 Wen Yahweh look da peopo in all da diffren countries,
\q2 Jalike dey notting!
\q Da way he tink bout dem,
\q2 He know dey no worth notting,
\q2 Jalike dey notting to him.
\b
\q
\v 18 If you guys like tell,
\q2 “God, he jalike one guy,”
\q2 Den, who dat guy?! No mo!
\q If you goin say he look jalike someting,
\q2 Den, wat da ting you guys tink he look like,
\q2 So you can look at him an da ting, togedda?! No mo!
\q
\v 19 Yahweh, he not one idol kine god!
\q2 Fo make one idol,
\q2 One guy melt metal fo make um.
\q Den somebody put gold all ova on top um
\q2 An melt silva fo make chain.
\q
\v 20 O if somebody no mo nuff fo pay fo dat kine statue
\q2 Fo make one gif to his god,
\q He go find da kine wood dat no goin rot.
\q2 Den he go look fo somebody
\q Dat know how fo make one idol kine god
\q2 Dat can stand an no goin fall down.
\b
\q
\v 21 You guys neva know all dis, o wat?!
\q2 You neva hear bout dis?!
\q Nobody eva tell you guys from da start, o wat?!
\q2 You guys neva tink bout,
\q2 From da time God wen make da world, till now?!
\q
\v 22 God, da One stay live above da earth an da sky!
\q2 Unda him, look jalike one big circle,
\q An da peopo dat live dea,
\q2 Fo him dey look jalike small grasshoppas.
\q2 He da One stretch da sky jalike one big curtain,
\q2 Jalike wen you spread out da cloth
\q2 Fo set up da kine tent you goin live inside.
\q
\v 23 He da One make da importan peopo come notting.
\q2 He make da judge guys all ova da world jalike dey notting.
\q
\v 24 Dey jalike plants
\q2 Dat somebody stick inside da groun,
\q O throw da seed,
\q2 An den dey start fo grow root inside da groun.
\q Right den an dea, dey pau,
\q2 Jalike God blow on top um
\q2 An dey come all dry,
\q An den one storm come
\q2 An blow um away,
\q2 Jalike da junk kine stuff from da wheat.
\b
\q
\v 25 Da Good An Spesho God tell dis:
\q2 “If you guys like tell,
\q2 ‘God, he jalike one guy,’
\q Den, who da guy,
\q2 Dat you tink I jalike him?! No mo!”
\q2 Az wat da Spesho One aks.
\q
\v 26 Eh, you guys, look up inside da sky!
\q2 Who you tink wen make all dis stuff?!
\q Az da same One bring out da stars one by one.
\q2 Get plenny a dem, jalike one army!
\q2 He call da name fo ery one a dem.
\q Cuz God stay strong an get plenny power,
\q2 Ery star stay dea.
\b
\q
\v 27 You Israel peopo, dat come from Jacob,
\q2 How come you guys tell,
\q ‘Yahweh no can see wat stay happen to me!
\q2 My God no care notting bout my rights!’
\q
\v 28 You guys neva know all dis, o wat?!
\q2 You neva hear bout dis?!
\q Yahweh, he da God dat stay foeva!
\q2 He da One wen make
\q2 Even da mos far places inside da whole world.
\q He no goin come tired o worn out.
\q2 Nobody can check out da way he undastan eryting!
\q
\v 29 He da One make da tired peopo come strong.
\q2 He give da weak peopo mo an mo powa.
\q
\v 30 Even da teenage guys get tired an worn out,
\q2 An da young guys trip an fall down.
\q
\v 31 But da peopo dat wait fo Yahweh help dem,
\q2 Dey goin change so dey come mo strong still yet.
\q Dey goin fly up jalike da eagle
\q2 Wit dea wide wing.
\q Dey goin run an no come tired.
\q2 Dey goin walk an no come worn out.”
\c 41
\s God Kokua da Israel Peopo
\r (Hebrews 2:16; James 2:23)
\p
\q
\v 1 Yahweh tell:
\q2 “No say notting, jus lissen,
\q2 You island peopos!
\q An all you peopos, try fo change
\q2 So you can come mo strong
\q Try come ova hea by me,
\q2 Den we talk.
\q2 Good erybody come togedda by me, da Judge.
\b
\q
\v 2 “Me, Yahweh,
\q2 I make one guy from da east side
\q2 Ready fo fight.
\q I tell um fo come work fo me,
\q2 Fo make right tings happen!
\q Az me, Yahweh, dat give him da peopos
\q2 Inside plenny countries.
\q2 I let him take ova da kings ova dea.
\q Weneva he use his sword,
\q2 Erybody he hit, come jalike dirt.
\q Wit his bow an arrows
\q2 Erybody he hit,
\q2 Come jalike da junk kine stuffs from da wheat.
\q
\v 3 Dis guy from da east side,
\q2 He chase da peopo dat stay agains him,
\q An den he go some moa,
\q2 Cuz nobody goin hurt him.
\q Da way he goin go,
\q2 He neva go dat way befo time.
\q
\v 4 Me, Yahweh, I da One do all dis stuff,
\q2 An da One dat finish wat I start fo do!
\q Was me, Yahweh, wen tell da firs peopo fo come,
\q2 An all da ones dat wen born afta dem too,
\q2 An I da One goin tell da las ones wen dey pau!
\b
\q
\v 5 “Da island peopo wen see wat I do,
\q2 An cuz a dat, dey come scared.
\q Da peopo inside far place on top da earth,
\q2 Dey stay scared an shaking too.
\q Dem an da odda peopos wit dem,
\q2 Dey stay come.
\q
\v 6 Erybody help each odda fo come in front me.
\q2 Dey tell dea bruddas, ‘Make strong!’
\q
\v 7 So da guy dat shape da metal
\q2 Fo make one idol kine god,
\q Wen he give da idol to da guy dat put da gold on top da idol,
\q2 He give good kine word to da guy.
\q An da guy dat use da hammer
\q2 Fo make da gold come smooth,
\q Wen he give da idol to da guy dat pound da anvil,
\q2 He give good kine word too.
\q2 He tell um, ‘Good, da way you put um togedda, aah?!’
\q Afta, dey pound da nails in da idol kine god
\q2 So da ting no fall down!
\b
\q
\v 8 “But you Israel peopo dat work fo me
\q2 An come from Jacob,
\q I wen pick you guys.
\q2 You get Abraham fo yoa ancesta,
\q2 An he my friend.
\q
\v 9 I wen help you guys come ova hea
\q2 From da mos far places inside da world.
\q2 No matta you stay far, I tell you fo come.
\q I tell, ‘You guys work fo me.’
\q2 I pick you guys.
\q2 I neva say you good fo notting.
\q
\v 10 So no scared,
\q2 Cuz you guys da one I stay wit.
\q No come bum out,
\q2 Cuz I yoa God.
\q I make you guys come strong inside.
\q2 Mo den dat, I help you guys.
\q2 I no let you guys fall down!
\q Az cuz I get plenny powa
\q2 Fo do da right ting fo you guys.
\b
\q
\v 11 “But erybody dat go agains you guys,
\q2 Dey goin come shame an lose face fo shua.
\q Erybody dat stand up agains you guys,
\q2 Dey goin die an come jalike dey notting.
\q
\v 12 No matta you guys go look fo da guys dat make trouble wit you,
\q2 You no goin find dem.
\q Whoeva make war agains you guys,
\q2 Dey no goin stay, cuz jalike dey notting.
\q
\v 13 Cuz me, Yahweh, I yoa God.
\q2 I da One stay hold yoa right hand,
\q Da One stay tell you guys,‘No scared!
\q2 I goin help you.’
\b
\q
\v 14 “No scared, you Jacob guys,
\q2 No matta you no mo powa, jalike one worm.
\q No scared, you Israel guys!
\q2 I da One goin help you!”
\q Az da spesho message from Yahweh,
\q2 Da Good An Spesho God fo da Israel peopo,
\q Da One dat pay da price
\q2 Fo get you guys outa trouble.
\b
\q
\v 15 An you know wat I goin do cuz a all dat?
\q2 I goin make you Israel peopo come strong
\q2 So you can bus up erybody dat stay agains you.
\q You goin come jalike da kine wood frame
\q2 Dat get two sides sharp, wit plenny teeth.
\q Da peopo make da cows pull da wood frame
\q2 On top da wheat dey wen cut,
\q2 Fo bus up da wheat an take out da junks.
\q Jalike you goin broke up da mountains
\q2 An smash da hills. An afta dat,
\q2 Ony goin be like da junk kine stuffs dat blow away.
\q
\v 16 Jalike wen you throw da junks up in da air,
\q2 An da wind blow um,
\q2 Den one strong wind blow um all away.
\q But you guys goin stay real good inside
\q2 Cuz you stay tight wit Yahweh,
\q An you goin talk plenny bout how awesome Yahweh stay,
\q2 Da Good An Spesho God fo da Israel peopo.
\b
\q
\v 17 “Da peopo dat get hard time
\q2 An need somebody fo help dem,
\q2 Dey go look fo watta, but no moa.
\q Dea tongue all dry up
\q2 Cuz dey thirsty.
\q But me, Yahweh,
\q2 I goin do someting fo help dem.
\q Me, da God fo da Israel peopo,
\q2 No goin go way an leave dem by demself!
\q
\v 18 Jalike I goin make rivers come down on top da dry hills,
\q2 An pukas fo watta inside da deep gulches.
\q I goin change da boonies.
\q2 An make um ponds fo watta wit watta plants all aroun.
\q Da place dat no mo rain,
\q2 I goin make da groun
\q2 Come one place fo get watta.
\q
\v 19 I goin put trees inside da desert,
\q2 Da cedar tree, da koa tree,
\q2 Da myrtle tree, an da olive tree.
\q Inside da Arabah Valley I goin put
\q2 Tall pine tree, an short pine tree,
\q2 An da cypress tree, all togedda.
\q
\v 20 I goin do dat, so peopo goin see um.
\q2 So dey goin know
\q Dat was me, Yahweh, wen do all dat
\q2 Cuz I get da powa.
\q Dey goin tink plenny bout um,
\q2 An try fo undastan,
\q Cuz was me, da Good An Spesho God fo da Israel peopo,
\q2 Wen make all dat.”
\s Da Idol Kine Gods, Good Fo Notting
\q
\v 21 Yahweh, da king fo da peopo dat come from Jacob, he tell,
\q2 “You peopo dat pray to da idol kine gods,
\q I da Judge. Why no come by me?!
\q2 Tell me wat you make argue bout!
\q
\v 22 Bring yoa idol kine gods in front me
\q2 Fo dem tell us guys wat goin come bumbye.
\q Let dem tell us wat tings wen happen befo time,
\q2 Fo us guys tink bout um
\q2 An figga wat goin come bumbye cuz a dat.
\q O da idol gods tell us wat goin come layta,
\q2
\v 23 An tell us wat goin happen bumbye.
\q Den we goin know dat you idol gods,
\q2 You fo real!
\q Do someting, good o bad,
\q2 Den we goin bum out an come scared,
\q2 Wen all us guys togedda see wat you do!
\q
\v 24 But you idol kine gods, you notting,
\q2 An wateva you do, no worth notting.
\q2 Whoeva pick you guys, dey pilau.
\b
\q
\v 25 “I wen make one guy from da nort side
\q2 An he stay come.
\q He come from da place wea da sun come up.
\q2 He know my name, cuz he know who me.
\q Dis guy walk all ova da guys in charge a da countries.
\q2 Dey jalike dey mud,
\q2 Ready fo make pots wit da clay.
\q
\v 26 Wat god you tink wen tell bout dis
\q2 From da time eryting wen start,
\q2 So us guys can know?!
\q2 Da odda gods no can!
\q Wat god talk bout um befo time
\q2 So we can say, ‘Eh, dat one get um right!’
\q2 Da odda gods no can!
\q Fo shua, nobody talk bout dis befo time.
\q2 Nobody eva hear anyting
\q2 From all you gods,
\q2 O from some odda guy.
\q
\v 27 I da first One wen tell my peopo Mount Zion side,
\q2 ‘Look, da guys dat goin help you guys, stay hea!’
\q I da firs One send one messenja guy to da Jerusalem peopo,
\q2 Fo tell dem good kine stuff.
\q
\v 28 I look da odda gods, but no mo nobody.
\q2 No mo even one a dem fo tell da peopo wat fo do.
\q2 I aks dem someting, but da odda gods donno how fo answer!
\q
\v 29 You know wat?!
\q2 Dea idol kine gods, dey ony bulai!
\q2 Wateva dey do, not importan.
\q Dey jalike da wind,
\q2 No mo notting inside!”
\c 42
\s Da Guy Dat Work Fo Yahweh
\r (Matthew 3:17, 12:18-21, 17:5; Mark 1:11, 9:7; Luke 3:22, 9:35; 2 Peter 1:17)
\q
\v 1 Yahweh tell, “Dis, da Guy Dat Work Fo Me.
\q2 I kokua him all da way.
\q He da guy I pick awready.
\q2 I feel good inside cuz a him.
\q My Spirit stay inside him.
\q2 He goin do wass right
\q2 Fo all da peopo inside da diffren countries.
\q
\v 2 He no goin yell o talk loud
\q2 O make big noise on top da streets.
\q
\v 3 Wen somebody crush one bamboo litto bit,
\q2 He no goin broke um,
\q2 He goin give chance.
\q Wen one candle almos pau burn,
\q2 He no goin pio um.
\q You can trus him
\q2 Fo judge peopo da right way erytime.
\q
\v 4 He no goin hold back o lose fight,
\q2 Cuz he goin make shua da peopo all ova da world
\q2 Goin judge da right way erytime.
\q2 Da peopo dat live on top da islands goin wait
\q So dey can hear da rules he goin teach um.”
\b
\q
\v 5 Dis wat da God Yahweh tell,
\q2 Da One wen make da sky an stretch um out.
\q2 Da One dat stay spread out da world an eryting dat come out from da groun.
\q He let da peopo on top da earth breave.
\q2 He let erybody dat walk on top da earth stay alive.
\q2 Dis wat he tell:
\q
\v 6 “Me, Yahweh, I da One
\q2 Do right wen I call you.
\q I goin hold yoa hand fo make you stay strong.
\q2 I goin take care you.
\q I goin make you fo be da one
\q2 Fo make deal fo all da peopos,
\q An fo be jalike one light
\q2 Fo all da nations.
\q
\v 7 Wen I say ‘light,’ I mean:
\q2 Jalike you goin open da eyes
\q2 Fo peopo dat no can see,
\q Jalike you goin take out da peopo
\q2 Inside one prison unda da groun,
\q2 Da ones dat stay inside one dark place.
\b
\q
\v 8 “Me, I Yahweh.
\q2 Dass my name -- ‘Da One Dat Stay’!
\q I no goin let nobody tink
\q2 Dey awesome jalike me.
\q I no goin let da peopo tell good kine stuff
\q2 Bout da idol kine gods
\q2 Jalike dey tell bout me.
\q
\v 9 All da stuff from befo time, happen awready.
\q2 Now, goin get new kine stuff,
\q2 An I da One tell bout um.
\q Befo anyting start fo happen,
\q2 I let you guys hear bout um.
\q Jalike da seed stay inside da groun awready
\q2 Befo da plant start fo grow.”
\s Sing Good Stuff Bout Yahweh
\q
\v 10 Sing one new song fo Yahweh!
\q2 Sing from da mos far places inside da world
\q2 Fo tell dat he da greates!
\q Sing, you peopo dat go work on da sea
\q2 An eryting dat live inside da sea, you sing too!
\q Sing, you islands,
\q2 An da peopo dat live on top dem!
\q
\v 11 Sing, you peopo dat live
\q2 Inside da towns on da boonies.
\q Let da peopo stay good inside
\q2 Dat live in da small towns
\q2 Wea da Kedar ohana peopo stay.
\q Let da peopo inside Sela town yell
\q2 Cuz dey stay good inside.
\q Let dem call real loud
\q2 From da top a da mountains.
\q
\v 12 Let dem tell how awesome Yahweh.
\q2 On top da islands, let dem tell
\q2 Good stuff bout him!
\q
\v 13 Yahweh, he goin out fo fight
\q2 Jalike one strong army guy.
\q Jalike one army guy he stay ready fo fight,
\q2 An he yell.
\q He stay huhu, an he yell fo start fo fight
\q2 Da guys dat stay agains him,
\q2 An he goin be da winna ova dem!
\b
\q
\v 14 Yahweh tell, “From long time I no say notting.
\q2 I stay quiet an no let myself talk.
\q But now, time fo me talk strong,
\q2 Jalike one wahine wen she born one bebe,
\q An she make plenny noise,
\q2 An breave hard, jalike no can get nuff air.
\q
\v 15 I goin bus up da mountains an hills,
\q2 An make eryting dat grow on top dem come all dry.
\q I goin make da rivers come down low,
\q2 So dey get islands in da middo.
\q2 I goin dry up all da ponds.
\q
\v 16 I goin take da guys dat no can see
\q2 On top one road dey neva know befo.
\q I goin show um wea fo go
\q2 No matta dey donno da way.
\q No matta stay dark all aroun dem,
\q2 I goin make light come in front dem.
\q I goin make da rough kine place come smooth.
\q2 All dese tings, I goin do um.
\q2 I no goin leave dem by demself.
\q
\v 17 But da peopo dat trus da idol kine gods
\q2 An tell da metal statues, ‘You oua gods,’
\q Dey goin go back, dey no goin come by me!
\q2 Dey goin come plenny shame!”
\s Da Israel Peopo, Jalike Dey No Can See O Hear
\q
\v 18 “Lissen, you peopo dat no can hear!
\q2 Look so you can see, you peopo dat no can see!
\q
\v 19 Wen I talk bout somebody dat no can see,
\q2 Who you tink I talking bout?
\q2 I talking bout my peopo, dat work fo me!
\q Wen I talk bout somebody dat no can hear,
\q2 Dey da ones I stay send fo tell my message!
\q Da ones dat get deal wit me,
\q2 Fo me make eryting come good for dem,
\q2 Dey no see dat.
\q Dey suppose to work fo me,
\q2 But dey no see notting.
\q
\v 20 No matta you see plenny stuff,
\q2 You no rememba wat you see.
\q No matta yoa ears stay open,
\q2 You no hear notting.”
\b
\q
\v 21 Fo real, Yahweh wen like make da Rules he teach importan an awesome.
\q2 Dat make him feel good inside
\q2 An show erybody dat he stay do da right kine ting.
\q
\v 22 But dis Israel peopo,
\q2 Odda peopo wen rip off an steal
\q2 An take away dea stuffs.
\q Jalike all a dem stay down
\q2 Inside one deep hole an no can come out,
\q2 O peopo hide um inside da jail.
\q Odda peopo make dem dea slave,
\q2 An no mo nobody fo get dem outa dea.
\q No mo nobody fo tell,
\q2 “Give back da stuffs you wen rip off!”
\b
\q
\v 23 Wat one a you guys goin lissen wat I tell?!
\q2 Who goin lissen good
\q2 An den do someting bumbye?
\q
\v 24 Wat god wen let da odda guys
\q2 Take da Jacob ohana an rip um off?!
\q2 No was one nodda god!
\q Wat god wen let peopo
\q2 Go take da Israel peopo stuffs?!
\q2 No was one nodda god!
\q Was Yahweh let um do dat!
\q2 An was us Israel peopo
\q2 Dat wen do bad kine stuff agains him!
\q Oua peopo neva like do notting
\q2 Da way he tell us fo do.
\q2 Dey no like lissen to his Rules.
\q
\v 25 So, dass how come Yahweh wen come real huhu
\q2 Wit da Israel peopo, an punish dem.
\q2 He make odda peopo go make war agains dem.
\q Get fire all aroun dem
\q2 But dey still yet no undastan!
\q Da fire wipe dem out
\q2 But dey still yet no tink!
\c 43
\s Da Ony One Dat Can Take Da Israel Peopo Outa Trouble
\r (2 Corint 6:18; 1 Peter 2:9)
\q
\v 1 But now, dis da message from Yahweh
\q2 Da One wen make you Jacob peopo,
\q2 Dat make da Israel ohana how dey stay:
\q “No scared! cuz I wen pay da price
\q2 Fo ery one a you guys
\q2 So you no gotta be slave.
\q I call you by yoa own name,
\q2 An you mines.
\q
\v 2 Weneva any one a you guys go thru da watta,
\q2 I goin stay wit you.
\q Weneva you go thru da rivers,
\q2 Dey no goin go ova you.
\q Weneva any a you guys walk thru da fire,
\q2 No goin hurt you,
\q2 No goin burn you up.
\q
\v 3 Cuz I Yahweh,
\q2 Da God fo ery one a you guys.
\q2 I da Spesho One fo da Israel peopo
\q2 Dat get you guys outa trouble.
\q I wen give Egypt fo pay
\q2 So you no gotta be slave,
\q2 An Sudan an Yemen too.
\q
\v 4 Az cuz weneva I tink bout you guys,
\q2 I see dat you worth plenny to me.
\q2 I show you respeck,
\q Cuz I get love an aloha
\q2 Fo ery one a you guys.
\q I goin give odda peopo fo pay fo you,
\q2 I even goin let um mahke
\q2 So you can stay alive.
\q
\v 5 No scared, cuz I stay wit you guys.
\q2 I goin bring da ones dat goin come from you, from da east side,
\q2 An bring all you guys togedda from da west side.
\q
\v 6 I goin tell da peopo from da nort side,
\q2 ‘Let my peopo come!’
\q An I goin tell da peopo from da south side,
\q2 ‘No hold dem back!’
\q Bring all my boys from far places,
\q2 An my girls from da mos far place inside da world.
\q
\v 7 Bring erybody dat get my name cuz dey my peopo.
\q2 All da ones I wen make fo show erybody
\q2 How awesome me.
\b
\q
\v 8 “Bring out da peopo dat get eye
\q2 But dey no can see,
\q An da peopo dat get ear
\q2 But dey no can hear.
\v 9 Da peopo inside all da countries,
\q2 Dey come togedda an get meeting.
\q Who from dem can tell us guys
\q2 Bout all dis stuff dat stay happen now,
\q2 An all da stuff dat wen happen befo time?
\q Good dey bring in plenny guys
\q2 Fo make proof dat dey stay tell da right stuff.
\q Den da odda peopo goin hear,
\q2 An say, ‘Az true!’-”
\b
\q
\v 10 Dis, wat Yahweh tell:
\q2 “You guys goin tell
\q2 Wat you know bout me.
\q An I wen pick you guys fo work fo me,
\q2 So dat you guys goin know who me,
\q2 An trus me, an know dat I da One.
\q Befo me, neva have odda god.
\q2 An no goin get no odda god afta me.
\q
\v 11 Me, I Yahweh.
\q2 No mo odda gods dat can get peopo outa trouble,
\q2 Ony me can!
\q
\v 12 I wen tell da peopo wass up,
\q2 An get um outa trouble,
\q2 An make shua dey hear all dis.
\q No was some odda god from odda place,
\q2 Dat do all dat stuff.
\q An you guys, you can tell dem ova an ova
\q2 Wat you wen see me do,
\q Dat I da God fo real kine.”
\q2 Az wat Yahweh tell.
\q
\v 13 “An long befo time, I God.
\q2 Wen I use my powa,
\q2 No mo nobody can make me stop.
\q Wen I do someting,
\q2 No mo nobody can change um
\q2 An make um like was befo time.”
\s Yahweh Goin Do Someting He Neva Do Befo
\q
\v 14 Dis, da message from Yahweh,
\q2 Da One dat pay da price
\q Fo get you guys outa trouble,
\q2 Da Good An Spesho God fo da Israel peopo. He tell:
\q “Fo help you guys
\q2 I goin send army guys Babylon side.
\q I goin make da Babylon peopo run away on top da boats
\q2 Dat befo time dey make um look real nice.
\q I goin make dem go down da Euphrates riva
\q2 An run away.
\q
\v 15 Me, Yahweh, I da Good an Spesho God fo you Israel peopo.
\q2 I wen make you Israel peopo. I yoa King!”
\b
\q
\v 16 Dis one message from Yahweh,
\q2 Da One wen make one road in da middo da Red Sea,
\q One place fo da Israel peopo go
\q2 Inside da danger watta.
\q
\v 17 Yahweh make da strong Egypt army guys go out,
\q2 Wit dea war wagons an da horses, all togedda.
\q Dey all fall down dea, an no get up again.
\q2 Dey all mahke, jalike wen you pio one candle.
\q2 Yahweh da One dat tell dis:
\q
\v 18 “No tink bout ony da stuff dat wen happen befo time.
\q2 No try fo undastan ony da tings from long time ago.
\q
\v 19 Look! I stay do someting new!
\q Stay happening awready!
\q2 You no see um?!
\q I stay making one road inside da boonies,
\q2 An I stay put streams wea nobody stay!
\q
\v 20 Da wild animals ova dea show respeck fo me,
\q2 Da jackal kine dogs, an da ostrich bird,
\q Cuz I give dem watta fo drink inside da boonies,
\q2 An streams wea nobody live,
\q Fo give watta fo drink to my peopo,
\q2 Da ones I wen pick.
\q
\v 21 I wen make dose peopo fo myself
\q2 So dey can tell story
\q2 Bout da good tings I stay do.
\b
\q
\v 22 “You Jacob ohana peopo!
\q2 No was me you guys wen aks fo help you.
\q You Israel peopo!
\q2 You guys neva work hard an come tired
\q2 Fo do stuff fo me.
\q
\v 23 Wen you guys bring sheeps
\q2 Fo kill an burn up,
\q2 No was fo me, fo make sacrifice fo real kine!
\q Wen you guys make odda kine sacrifice,
\q2 No was fo show respeck fo me!
\q I neva make presha you guys
\q2 Fo bring me wheat fo one present.
\q I neva make you guys come tired
\q2 Aksing you fo burn incense fo me.
\q
\v 24 You guys neva buy me
\q2 Da cane kine perfume dat smell nice,
\q An you guys neva give me
\q2 Da bestes part a yoa sacrifice meat.
\q Da ony ting you guys wen do fo me,
\q2 Was, you give me presha
\q2 Wit all da bad tings you stay do,
\q An you guys make me tired
\q2 Wit all da tings you do dat need punish.
\b
\q
\v 25 “Me, I Yahweh. I da One dat let you go
\q2 Fo show wat kine god me,
\q No matta you go agains me.
\q2 I no stay tink no moa bout all da bad tings you wen do.
\q
\v 26 Tell me so I know
\q2 Anyting good you guys wen do befo.
\q Den we can make argue togedda,
\q An you can tell me bout um,
\q2 Fo show you okay.
\q
\v 27 Even yoa ancesta befo time wen do bad kine stuff.
\q2 Even yoa talka guys wen go agains me.
\q
\v 28 Az why I put kahuna
\q2 On top da main leada guys
\q Fo da Temple Dat Stay Spesho Fo Me,
\q2 So dey no can come inside fo pray.
\q An I tell dem dat I wen put kahuna
\q2 On top da Jacob ohana fo wipe dem out.
\q Erybody goin talk stink
\q2 Bout da Israel peopo.
\c 44
\s God Pick Da Israel Peopo
\q
\v 1 “Kay den! You Jacob ohana peopo
\q2 Dat work fo me, lissen!
\q You Israel peopo,
\q2 I wen pick you guys!”
\q
\v 2 Dis one spesho message from Yahweh!
\q2 He da One make you his peopo.
\q He wen shape you inside yoa muddas.
\q2 An he goin help you guys. He tell:
\q “Eh, no scared!
\q2 You Jacob guys, you work fo me.
\q You peopo do wass right,
\q2 I wen pick you.
\q
\v 3 I goin pour rain on top da thirsty peopo.
\q2 I goin make plenny watta come on top da dry ground.
\q I goin pour my Spirit inside yoa kids
\q2 Fo take charge a dem.
\q I goin do plenny good kine stuff
\q2 Fo da peopo dat goin come from you.
\q
\v 4 Dey goin grow jalike trees wit grass all aroun dem,
\q2 Jalike da wiliwili tree grow by da watta ditch.
\q
\v 5 One guy goin tell, ‘Yahweh own me.’
\q2 Anodda guy goin call himself one Jacob ohana guy.
\q One nodda guy goin write on top his hand,
\q2 ‘Yahweh own me.’
\q2 An call himself ‘Da Israel Guy.’-”
\s Yahweh Da One, Not Da Idol Kine Gods
\r (Jesus Guys 13:22)
\q
\v 6 Lissen! Dis one spesho message from Yahweh!
\q2 He da King fo da Israel peopo!
\q2 He pay da price fo get dem outa trouble!
\q He Yahweh, Da God Ova All Da Armies!
\q2 Dis wat he tell:
\q “Me, I da first One,
\q2 An I goin be da last One.
\q2 No mo odda God afta dat, ony me.
\q
\v 7 If get odda god jalike me,
\q2 I like um tell how he stay jalike me.
\q I like fo him show da proof
\q2 Dat he know all da diffren tings
\q2 Dat wen happen long time ago,
\q Wen I wen make my peopo come one peopo.
\q2 An I like him tell me wat goin happen bumbye too.
\q
\v 8 Eh my peopo! No shake, an no scared!
\q2 I wen tell you guys bout dis long time befo.
\q2 I wen tell you guys how stay.
\q You guys can tell wat you know bout me.
\q2 You tink get anodda god jalike me?!
\q No! No mo odda god dat stay strong an solid,
\q2 Jalike one big rock.
\q2 I know, no mo odda god lidat!
\p
\q
\v 9 “All da guys dat make idol kine tings,
\q2 Dey no mo notting inside.
\q All da statues dey tink worth plenny,
\q2 Dey no worth notting.
\q Da guys dat tell wat da idols can do,
\q2 Dey blind, dey no can see notting.
\q Dey donno notting.
\q2 Az how come dey get plenny shame.
\q
\v 10 Whoeva cut wood fo make one idol kine god,
\q2 O pour hot metal fo make one statue,
\q2 Dat idol no can do notting fo dem.
\q
\v 11 But you know wat?!
\q2 All da ones dat stay pray
\q To da idol kine gods,
\q2 Dey goin come plenny shame.
\q An da guys dat make da idols,
\q2 Dey ony peopo!
\q Let all dem come togedda an stand togedda!
\q2 Still yet, dey goin come scared an shake,
\q2 An dey plenny shame, togedda.
\p
\q
\v 12 “Da guy dat work wit da iron,
\q2 He take one tool an use um
\q2 Fo shape da metal on top da hot charcoal.
\q Den he use da hammer fo make da shape
\q2 Wit his strong arm.
\q But bumbye da guy come hungry
\q2 An no stay strong no moa, he come weak.
\q2 He no drink watta
\q2 An litto mo pass out.
\q
\v 13 Da guy dat make da idol kine god
\q2 Use one string fo measure da wood,
\q He mark da outside wit chalk
\q2 Fo know wea fo cut um.
\q He cut wit da chisel.
\q2 He mark da roun part wit da compass.
\q He shape um fo look jalike one guy,
\q2 Jalike one real guy, an good looking,
\q2 So dat da ting can stay inside da house.
\v 14 He do all dat wit wood he cut fo himself,
\q2 Cedar wood, o cypress wood, o oak wood,
\q Afta dey grow wit da odda trees.
\q2 O he plant one pine tree
\q2 An da rain make um grow.
\q
\v 15 Da tree give peopo someting fo burn
\q2 Fo keep um warm an fo cook,
\q2 An fo make fire fo bake bread.
\q But den, he use da same tree
\q2 Fo make one god,
\q An he go down in front da idol kine god
\q2 Fo pray fo da ting help him.
\q
\v 16 He burn half da wood in one fire
\q2 Fo cook his meat
\q2 An eat till he come full.
\q Same time, he stay warm an tell,
\q2 ‘Eh, I stay warm. I see da fire.’
\q
\v 17 Wit da res a da wood
\q2 Da guy make one statue fo come his god.
\q2 He go down on top his face in front him.
\q He show um love an respeck,
\q2 An pray to um.
\q He tell um, ‘Get me outa trouble,
\q2 Cuz you my god!’
\q
\v 18 Dat kine peopo, dey donno notting.
\q2 Dey no undastan notting.
\q Jalike Yahweh put plasta ova dea eye
\q2 So dey no can see notting
\q2 An dey no can tink good.
\q
\v 19 Nobody stop fo tink.
\q2 Nobody know o undastan.
\q Dey no tell, ‘Wassup?! Half dat wood,
\q2 I use um awready fo make fire.
\q I even bake my bread on top da charcoal,
\q2 An cook my meat an eat um.
\q So, wot?! If I make one god from da odda half,
\q2 Az pilau, dat!
\q No good if I go down fo pray
\q2 In front one piece wood!’
\q
\v 20 Jalike he stay eat ashes.
\q2 His own head all jam up
\q2 An make um tink da wrong way.
\q He no can get himself outa trouble
\q2 So he no mahke.
\q He no can tell himself,
\q2 ‘Dis ting in my hand stay bulai me!’
\b
\q
\v 21 “So den, you Jacob ohana peopo,
\q2 No foget all dis stuff!
\q Cuz you guys work fo me,
\q2 You Israel peopo.
\q I wen make you guys,
\q2 So you can work fo me.
\q You Israel peopo,
\q2 I no goin foget you guys.
\q
\v 22 You guys go agains me plenny.
\q2 Wat you wen do, was jalike one black cloud.
\q2 But I wen wipe all dat out!
\q You wen do plenny bad kine stuff,
\q2 An dat was jalike get cloud all ova da place.
\q2 But I wen hemo da shame fo all dat!
\q Come back by me!
\q2 Cuz I wen pay da price
\q2 Fo let you guys go awready.”
\b
\q
\v 23 Dance an sing cuz you feel good inside,
\q2 Erybody inside da sky!
\q2 Yell plenny, erybody on top da groun!
\q Yell cuz you feel good inside,
\q2 Da mountains, an all da trees inside da fores, you can sing!
\q Cuz Yahweh wen pay da price
\q2 Fo get da Jacob ohana peopo outa trouble,
\q2 An all da Israel peopo goin tell, he awesome!
\s Goin Get Peopo Inside Jerusalem
\q
\v 24 Dis, one spesho message from Yahweh,
\q2 Da One wen pay da price
\q2 Fo get you guys outa trouble.
\q He da One wen make you guys
\q2 Inside yoa mudda.
\q2 Dis wat he tell:
\b
\q “Me, I Yahweh. I wen make eryting.
\q2 I stretch out da sky
\q An no mo nobody wit me, dat time.
\q2 Ony myself, I wen spread out da world.
\q
\v 25 I da One dat mess up da sign
\q2 Da fake talka guys use
\q2 Fo tell wat goin happen.
\q Da guys dat try fo find out
\q2 Wat goin happen bumbye,
\q2 I show da peopo dat dey stupid.
\q I turn aroun da stuff
\q2 Dat da guys dat suppose to know wat fo do, talk bout,
\q2 An I make eryting dey know
\q2 Show dat dey donno notting.
\q
\v 26 Wen I tell my worka guy wat fo say,
\q2 I do, wat I tell um fo say wat I goin do.
\q Wen my messenja guys make plan,
\q2 I make shua all dat come out okay.
\q I da One tell dis bout Jerusalem town,
\q2 ‘Peopo goin live ova dea again.’
\q I tell bout da towns inside Judah,
\q2 ‘Peopo goin build um up again.’
\q I tell bout da bus up towns,
\q2 ‘I goin make dea wall stand up again.’
\q
\v 27 I da One tell da deep ocean,
\q2 ‘Come dry!
\q2 I goin make yoa channels all dry.’
\b
\q
\v 28 “I da One dat tell dis bout King Cyrus:
\q2 ‘He jalike da guy take care my sheeps.
\q He goin do eryting I like him fo do.
\q2 He goin tell bout Jerusalem,
\q “Let guys build um up again.”
\q He goin tell bout da Temple,
\q2 “Make da foundation.”’-”
\c 45
\s God Pick Cyrus
\r (Rome 9:20, 14:11; Philippi 2:10-11)
\p
\q
\v 1 Dis one spesho message from Yahweh
\q2 Fo one guy he pick awready:
\q “Dis fo King Cyrus!
\q2 I take his right hand fo help him,
\q Cuz I goin make him win
\q2 Wen he go afta da peopo inside odda countries.
\q I goin take away da sword an sword belt
\q2 From da odda kings, so dey no can fight.
\q Az how I goin open doors fo Cyrus go inside.
\q2 Even da big town gates no goin stay shut in front him!
\q
\v 2 Goin be me dat go in front you,
\q2 Jalike I goin make da mountains come flat
\q2 So easy fo you go.
\q I goin broke down da bronze town gates.
\q2 I goin cut thru da iron bars.
\q
\v 3 I goin give you all da rich kine stuffs
\q2 Dat dose nations keep inside dark place.
\q Da rich kine stuffs dat peopo hide
\q2 Inside one place wea nobody know.
\q Den you goin know dat I Yahweh,
\q2 Da God fo da Israel peopo.
\q2 I call you by yoa name fo come by me.
\q
\v 4 An I get respeck fo my worka guy Jacob,
\q2 Da one I wen pick, an da Israel ohana.
\q2 So King Cyrus, az why I give you one big name
\q2 Cuz erybody goin know you,
\q2 No matta you donno who me.
\q
\v 5 I Yahweh! No mo odda One.
\q2 No mo odda God, ony me.
\q I goin make you come strong, Cyrus,
\q2 Ready fo fight,
\q2 No matta you donno who me.
\q
\v 6 An how come I stay do all dat?!
\q2 I do um so dat all ova da world,
\q From wea da sun come up
\q2 To wea da sun go down,
\q Peopo goin know dat no mo odda God.
\q2 I Yahweh. I da ony One.
\q
\v 7 I make da light an da dark.
\q2 I make good kine stuff happen,
\q An I make bad kine stuff happen.
\q2 I Yahweh, da One dat stay do all dis kine stuff.
\b
\q
\v 8 I like eryting come right,
\q2 All ova da place,
\q Jalike da rain come down from da sky
\q2 All ova da place.
\q I like get peopo outa trouble
\q2 An same time, do plenny right kine tings,
\q Jalike da clouds send down da rain,
\q2 An da earth suck um up,
\q2 So dat plenny plants grow all ova da place.
\q I Yahweh,
\q2 An I make all dis happen!
\b
\q
\v 9 “Auwe! fo anybody dat make argue
\q2 Wit da One dat wen make dem!
\q Dey notting.
\q2 Dey jalike one piece from one broke pot,
\q An odda piece from broke pots
\q2 Dat get all ova da groun.
\q You tink da clay aks da guy dat make pots,
\q2 ‘Wat you making, aah?!
\q Da stuff you make,
\q2 Look jalike you no mo hands!’
\q
\v 10 Auwe! fo da guy dat aks his fadda guy,
\q2 ‘Wat kine bebe you making?!’
\q Auwe! fo da guy dat aks da wahine,
\q2 ‘Wat kine bebe you goin born?!’-”
\b
\q
\v 11 Dis one message from Yahweh,
\q2 Da Good An Spesho One fo da Israel peopo,
\q Da One wen make dem.
\q2 Dis wat he tell:
\q “Bout tings dat goin happen bumbye,
\q2 You tink you can aks me bout my kids?!
\q2 No way!
\q You tink you goin tell me how fo make
\q2 Da stuff I make?!
\q2 Not even!
\q
\v 12 I da One wen make da world.
\q2 I wen make da peopo an put um on top dea.
\q Was me, wen stretch out da sky
\q2 Wit my own hands.
\q2 I tell eryting inside da sky wat fo do.
\q
\v 13 Wen I make Cyrus do stuff,
\q2 Az da right ting fo me do.
\q I goin make um easy fo him do um.
\q2 He goin build my big town again.
\q He goin let my peopo dat was prisonas
\q2 Go back home.
\q But wen Cyrus go do all dat,
\q2 He no do um cuz I goin pay um fo dat,
\q2 Cuz I no goin pay um.
\q He no goin do um fo unda da table kine money,
\q2 Cuz I no goin give um dat.”
\q Dass wat Yahweh tell,
\q2 Da God Ova All Da Armies.
\p
\v 14 Dis, anodda message from Yahweh:
\q Da stuff dey make inside Egypt an Sudan,
\q2 An da tall Yemen peopo,
\q2 Dey goin come ova yoa side,
\q An goin come yoa guys
\q2 Dey goin walk behind you
\q2 An come by you wit chains on top dea legs.
\q Dey goin go down in front you,
\q2 Dey goin beg you an tell,
\q ‘Fo shua God stay wit you.
\q2 No mo odda one dass God.’
\b
\q
\v 15 “Fo shua, you one god dat hide yoaself.
\q2 You da God fo us Israel peopo.
\q2 Da One dat stay get us outa trouble.
\q
\v 16 All da guys dat make idol kine gods,
\q2 Dey goin get plenny shame.
\q Dey goin all go way togedda,
\q2 An nobody goin get respeck fo dem.
\q
\v 17 But you Israel peopo, you goin get outa trouble
\q2 Cuz you stay tight wit Yahweh.
\q2 An da way he get you outa trouble, goin be foeva!
\q You no goin get shame,
\q2 An nobody goin make you shame no moa, foeva!”
\b
\q
\v 18 Az cuz Yahweh get dis spesho message,
\q2 Da One dat wen make da sky,
\q2 Da One dass God fo real kine!
\q He da One wen plan an make da world.
\q He make um solid.
\q2 He neva make um so no mo notting dea.
\q He make um so peopo can live dea.
\q2 Dis wat Yahweh tell:
\q “Me, I Yahweh. No mo odda one like me!
\q
\v 19 I no make secret kine wen I talk,
\q2 Jalike I stay some place
\q2 Inside one land wea no mo light.
\q I neva tell da peopo dat come from Jacob ohana,
\q2 “No matta you guys try fo find me,
\q2 Dat no goin mean notting fo you guys.”
\q I Yahweh! Wat I tell,
\q2 I tell um strait.
\b
\q
\v 20 “Come togedda, an come nea me,
\q2 All you prisona guys
\q2 From all da diffren countries.
\q Da peopo dat carry dea idol kine gods hea an dea wit dem,
\q2 Dat somebody wen make from wood,
\q Dey donno notting!
\q2 Dey pray to da kine gods
\q2 Dat no can get dem outa trouble.
\q
\v 21 Eh, you guys dat pray to da wood kine gods!
\q2 Tell me how come you do dat.
\q Come ova hea by me
\q2 An talk togedda, wat you like tell me.
\q So! Who wen let peopo hear all dis
\q2 From befo time, long time ago?
\q Az was me, Yahweh, I da One wen tell.
\q2 Cuz no mo odda god dat stay fo real,
\q2 I da ony One!
\q I da God dat do right ting erytime,
\q2 An get peopo outa trouble.
\q2 No mo odda one who can do dat, ony me.
\p
\q
\v 22 “All you peopo from da mos far place all ova da world,
\q2 Turn aroun an come by me,
\q Fo me get you guys outa trouble,
\q2 Cuz I God. No mo odda god, ony me.
\q
\v 23 I wen make one serious promise,
\q2 An I goin make shua da ting happen.
\q Wit my own mout I make dat promise
\q2 Cuz I do da right ting erytime,
\q2 An wat I tell, nobody can change um.
\q Erybody goin go down on top dea knees,
\q2 Fo show dey get respeck fo me.
\q Erybody goin make serious promise
\q2 An aks me fo make shua dey do um.
\q
\v 24 Dey goin tell dis bout me,
\q2 ‘Fo shua, ony one way fo do da right kine stuff,
\q2 Ony one way fo stay strong:
\q2 Gotta stay tight wit Yahweh!’
\q But erybody dat come huhu wit Yahweh
\q2 Dey gotta go by him,
\q2 An dey goin come plenny shame.
\q
\v 25 But wen all da peopo
\q2 Dat come from oua ancesta Israel
\q2 Stay tight wit Yahweh,
\q Den dey goin get um right wit him.
\q An dey goin tell good stuff bout him.’-”
\c 46
\s Da Idol Kine Gods From Babylon
\p
\v 1 Da gods Bel an Nebo from Babylon,
\q2 Dey no stand up no moa!
\q Da statues dat look like dem,
\q2 Dat you Babylon guys carry befo time
\q2 Fo make parade,
\q Now you guys put um on top animals,
\q2 An stay heavy fo even da animals carry um,
\q2 Cuz dey tired.
\q
\v 2 Da Babylon gods togedda,
\q2 Dey no can stand up no moa.
\q2 Da peopo, dey no can bring back da statues.
\q Dass why da Babylon gods stay prisonas too.
\q2 Dey gotta go wea eva da statue go.
\b
\q
\v 3 “Lissen to me, you Jacob peopo,
\q2 An all you Israel peopo
\q2 Dat still stay on top da land.
\q I wen carry you guys from da start,
\q2 An wen lif up you guys from da time you wen born.
\q
\v 4 Even wen you guys come old an get gray hair,
\q2 I still Yahweh.
\q2 I still goin help you guys.
\q I wen make you guys
\q2 An I goin carry you guys.
\q2 I goin get you guys outa trouble.
\b
\q
\v 5 Who, you guys can tell me, I jalike dem?
\q2 Dat you can say, me an dem, same same?
\q Get somebody, you can say
\q2 I look jalike dem, and dey look jalike me?
\q2 Nah.
\q
\v 6 Get peopo pour out gold from dea money bag,
\q2 An weigh dea silva on top da scales.
\q Dey pay one metal worka guy
\q2 Fo make da gold come one god.
\q Den dey go down wit dea face on top da groun
\q2 An pray to um.
\q
\v 7 Dey carry da idol kine god up on top dea shoulder,
\q2 An take um to da place dey goin put um.
\q2 An put um down dea.
\q Da idol kine god stand up ova dea
\q2 An no move.
\q Somebody call to um, but da idol no can talk.
\q2 Da idol no can get nobody outa dea trouble.
\b
\q
\v 8 “Rememba all dis,
\q2 Bout Yahweh an yoa idol kine gods.
\q2 No scared fo tink!
\q An you guys dat no like lissen,
\q2 Tink bout dis ova an ova.
\q
\v 9 Rememba da stuff dat wen happen
\q2 Long time ago, befo time.
\q Cuz me, I God.
\q2 No mo odda god stay jalike me,
\q2 Same same.
\q
\v 10 From da start, I da One stay tell
\q2 How da end goin come.
\q From long time ago, I tell tings
\q2 Dat nobody do yet.
\q I da One tell dis: ‘Da plan I make,
\q2 Az how goin happen.
\q2 I goin do eryting how I like fo do.’
\q
\v 11 I call one scavenja bird from da eas side.
\q2 I call one guy from one far place
\q2 Fo him do wat I wen make plan fo do.
\q Fo shua, wat I tell, I goin do.
\q2 I set up fo do stuff, an I going do um!
\q
\v 12 Lissen to me, you hard head guys,
\q2 You guys dat no even like try
\q2 Fo do da right kine stuff!
\q
\v 13 I stay do wass right erytime,
\q2 An I goin come near you!
\q2 I no stay far.
\q I no goin wait long time
\q2 Fo get my peopo outa trouble.
\q On top Mount Zion
\q2 I goin get da Israel peopo outa trouble,
\q2 An dey goin tell peopo how awesome I stay.”
\c 47
\s Da Babylon Army Guys Wipe Out
\q
\v 1 “Go sit down on top da dirt,
\q2 You Babylon town peopo!
\q You Babylon guys was jalike one young princess,
\q2 But now, you gotta go sit down on top da groun,
\q2 Cuz now you no mo throne, no mo king.
\q Az why nobody goin tell you gentle
\q2 An you no need work.
\q
\v 2 You Babylon guys goin be
\q2 Jalike one wahine dat gotta sit down by da big heavy stone
\q Fo grind da wheat jalike one slave
\q2 Fo make flour,
\q O one wahine dat gotta take off her head cloth
\q2 An lift up her skirt so no come wet
\q2 Wen she go across da stream.
\q
\v 3 Den erybody goin see you Babylon guys,
\q2 You goin come shame.
\q2 I goin pay you guys back.
\q2 I no goin let nobody go.”
\b
\q
\v 4 Da One who wen pay da price
\q2 Fo get us guys outa da bad kine stuff,
\q Yahweh, Da God Ova All Da Armies,
\q2 Dass his name.
\q2 Him, da Good An Spesho God fo da Israel peopo.
\b
\q
\v 5 Yahweh, he tell da Babylon peopo:
\q2 “Sit down an no talk!
\q2 An go inside da dark place.
\q Nobody goin tell you guys
\q2 Dat yoa town jalike da queen
\q2 Ova all da kings an da peopos no moa.
\q
\v 6 I wen stay huhu wit my peopo.
\q2 An go make to my own peopo
\q2 Jalike dey no stay spesho fo me.
\q I wen give my peopo to you Babylon guys,
\q2 An you neva even give dem chance.
\q You even make da old peopo suffa plenny,
\q2 An go make dem carry heavy load.
\q
\v 7 You Babylon guys talk
\q2 Jalike you goin stay all da time,
\q2 Jalike yoa town stay one queen all da time!
\q But you neva tink bout all dis stuff,
\q2 O wat goin happen bumbye
\q2 Cuz a wat you stay do now!
\b
\q
\v 8 “Now lissen, you Babylon guys!
\q2 You guys, jalike one wahine
\q Dat tink she get eryting nice
\q2 An can do wateva she like,
\q2 Cuz no mo nobody goin hurt her.
\q Jalike you stay tell yoaself:
\q2 ‘Me, I da ony one!
\q2 No mo nobody jalike me!
\q I no goin come one widow
\q2 An my kids no goin mahke.’
\q
\v 9 But one day, same time, two tings goin happen:
\q2 You goin come one widow,
\q2 An yoa kids goin mahke.
\q No matta you make kahuna
\q2 An you make plenny magic kine words,
\q2 Still yet dey goin come mahke die dead!
\q
\v 10 You Babylon guys, you stay shua
\q2 Dat wen you guys do bad kine stuff
\q You stay okay.
\q2 Cuz you tell, ‘Nobody see me.’
\q You tink you know plenny stuff
\q2 An know wat fo do erytime.
\q Inside, you tell yoaself, ‘I da ony one!
\q2 No mo nobody jalike me, ony me!’
\b
\q
\v 11 Real bad stuff goin happen to you Babylon guys bumbye,
\q2 But you no even goin know
\q2 Wat kine magic goin stop um.
\q Da trouble goin hit you guys big time,
\q2 But even if you pay money, no goin stop um.
\q Goin come jalike one big storm,
\q2 An you no even goin know befo time.
\b
\q
\v 12 “So, no stop making da magic kine words
\q2 An putting kahuna on top plenny peopo,
\q Same ting you wen work real hard
\q2 Fo learn, from small kid time.
\q Maybe da magic an da kahuna goin come out okay.
\q2 Maybe you goin make somebody come mo scared.
\q
\v 13 Ony wase time you guys fo lissen
\q2 To all da diffren peopo like tell you wat fo do.
\q Let dem all stand up an talk --
\q2 Da guys dat one picha fo make da zodiac signs,
\q Da guys dat know how fo check out da stars
\q2 Fo make horoscope ery month, new moon time!
\q But wen da tings dat goin happen, happen,
\q2 Den let dem get you guys outa trouble!
\q
\v 14 But you know wat?! Dose star watcha guys,
\q2 Dey jalike da dry wheat stalk.
\q2 Da fire burn um up fas.
\q Dey no can even help demself fo no burn up.
\q2 Dat kine fire burn quick, no stay.
\q Dass not da kine fire
\q2 Dat make you stay warm.
\q
\v 15 Dass all da star watcha guys goin do fo you.
\q2 You Babylon guys gotta work hard,
\q Cuz from small kid time
\q2 Da star watcha guys make you pay.
\q But ery one a dem goin go way some odda place,
\q2 An no mo nobody goin get you guys outa trouble.”
\c 48
\s Da Israel Peopo, Dey Hard Head
\q
\v 1 You Jacob ohana peopo,
\q2 Lissen wat I goin tell you guys.
\q You guys get da Israel name too, from yoa ancesta,
\q2 An you Jerusalem peopo all come from Judah.
\q Wen you guys make strong promise,
\q2 You use Yahweh name.
\q You tell da God Israel wen pray to
\q2 Fo make shua you do wat you wen promise.
\q Still yet, you guys no mean wat you tell,
\q2 An you no do wass right.
\q
\v 2 You guys tell dat you come
\q2 From Jerusalem, da town dat stay spesho fo God,
\q2 An dat you guys trus da God fo da Israel peopo --
\q His name, Yahweh,
\q2 Da God Ova All Da Armies.
\b
\q
\v 3 Yahweh tell:
\q2 “Long time befo, I wen tell
\q2 All da firs tings dat goin happen.
\q I wen make shua peopo hear bout um.
\q2 Den, wen I stay ready,
\q Right den an dea I do um,
\q2 An da tings I wen tell, happen.
\q
\v 4 Cuz I know you guys get hard head.
\q2 Yoa neck jalike iron
\q2 An yoa forehead jalike bronze metal.
\q
\v 5 Az why I wen tell you guys all dis stuff
\q2 Long time ago, befo dey happen.
\q I wen make shua you guys hear um,
\q2 So den you guys no can tell,
\q2 ‘Az was my idol kine god, dat do um,
\q My wood kine god an my metal kine god,
\q2 Dey da one say fo make um happen!’
\q
\v 6 You guys wen hear all dis stuff.
\q2 Look, an tink bout um!
\q2 Why you guys no tell, az true, dat?!
\b
\q An from now, I goin tell you guys new kine stuff,
\q2 Secret kine tings dat you neva know befo.
\q
\v 7 I wen make dem jus now,
\q2 No long time befo.
\q You guys neva hear bout dem befo today,
\q2 So you guys no can tell,
\q2 ‘Yeah, I know bout all dat stuff awready.’
\q
\v 8 You guys neva hear o know
\q2 Bout wat I say goin happen.
\q2 From long time ago you no like lissen.
\b
\q But I know dis fo shua --
\q2 No can trus you guys fo notting.
\q Erybody know, you guys stay go agains me
\q2 From da time you born.
\q
\v 9 Cuz I like peopo know wat kine god me,
\q2 An I like dem tell good tings bout me,
\q I goin wait an no come huhu yet.
\q2 I goin hold back
\q2 An no cut you guys off from me.
\q
\v 10 An you know wat I stay do to you?!
\q2 I stay take out da junk kine stuff inside you.
\q But I no goin melt you guys
\q2 Inside one real hot fire
\q Jalike peopo melt silva metal
\q2 Fo take out da junks.
\q Me, I make you guys suffa plenny.
\q2 Az how I check out you guys
\q2 An make shua you come okay inside.
\q
\v 11 I do all dis cuz a who me,
\q2 Cuz no way I goin let peopo ack
\q2 Like I not good an spesho.
\q I da Awesome One,
\q2 An I no goin let nobody tink
\q2 Dat one nodda god can do wat I do.”
\s God Get Da Israel Peopo Outa Trouble
\q
\v 12 “You Jacob peopo from da Israel ohana,
\q2 Lissen wat I tell you guys.
\q You da guys I wen call
\q2 Fo come my peopo.
\q I da One dass God fo real kine.
\q2 I da One from da start,
\q2 An mo den dat, I goin be da las.
\q
\v 13 Wit my powa an my own hand,
\q2 I wen make da foundation fo da earth
\q2 An spread out da sky an eryting inside dea.
\q Weneva I call da earth an da sky,
\q2 Dey all stand up.
\b
\q
\v 14 “All you peopos, come togedda an lissen!
\q2 Wat idol kine god
\q Wen tell bout dis stuff dat goin happen?!
\q2 No mo!
\q Me, Yahweh, I wen pick my friend Cyrus.
\q2 He goin do eryting I like him do
\q2 Agains da Babylon peopo.
\q
\v 15 Me, I da One wen tell dis,
\q2 An I wen call Cyrus awready.
\q I make him go Babylon side,
\q2 An he goin be da winna ova dea.
\q
\v 16 Come nea me, you guys,
\q2 An lissen to dis.
\q From da first ting I tell, till now,
\q2 I neva talk secret kine.
\q2 Wen da ting happen, I stay dea.”
\b
\q An now, my boss Yahweh
\q2 Send me, Isaiah, fo tell dis,
\q2 An he send his Spirit too.
\b
\q
\v 17 Dis one spesho message from Yahweh.
\q2 Him, da One dat pay da price
\q2 Fo get you guys outa trouble.
\q He God, da Spesho One fo da Israel peopo.
\q2 Dis wat Yahweh tell:
\q “I Yahweh, yoa God.
\q2 I da One stay teach you guys
\q Wat da bestes kine stuff fo you.
\q2 I stay show you guys da way fo go.
\q
\v 18 I wen like fo you guys lissen
\q2 Wat I tell you guys fo do befo,
\q2 But you no like lissen!
\q I wen like fo eryting go okay fo you guys,
\q2 Jalike one river dat no make noise
\q An stay full all da time,
\q2 But you not okay!
\q I wen like fo you guys get um right wit me,
\q2 Jalike da wave dat come in from da ocean all da time,
\q2 But you no get um right!
\q
\v 19 I wen like fo yoa kids come plenny
\q2 Jalike da sand on top da beach
\q Dat no mo nobody can count,
\q2 But dey no goin come plenny!
\q I wen like fo dem no wipe out eva
\q2 An cut off from me,
\q2 But now, dey goin wipe out!”
\q2 Dass wat Yahweh tell.
\b
\q
\v 20 “Get outa Babylon town!
\q2 Run away from da Babylon guys!
\q Make big noise an dance an sing
\q2 Cuz you stay feel good inside!
\q Make da peopo hear dis
\q2 All da way to da mos far place on top da earth!
\q Tell dis: “Yahweh pay da price awready
\q2 Fo get his worka guys, da Jacob ohana, outa trouble.”
\q
\v 21 Da time Yahweh take oua peopo
\q2 Thru all da dry places,
\q2 Dey neva come thirsty.
\q2 He make da watta come outa da big rock fo dem.
\q2 He broke da rock, an da watta pour out.
\b
\q
\v 22 Yahweh tell dis:
\q2 “Da peopo dat do bad kine stuff,
\q2 Dey no goin res!”
\c 49
\s Da Guy Dat Work Fo Da Boss
\r (Jesus Guys 13:47; Galatia 1:15; Efesus 6:17)
\q
\v 1 You peopo inside da islands, lissen to me!
\q2 You peopo inside da far countries, lissen up too!
\q Befo I born,
\q2 Yahweh, he da One call me fo be his guy.
\q From da time I born, he tell peopo bout me
\q2 Cuz he know who me.
\q
\v 2 He make da stuff I tell, jalike one sharp sword.
\q2 He wen hide me inside his hand wea nobody can see me.
\q He make me jalike one shiny arrow dat he make sharp,
\q2 An he hide me inside his arrow bag.
\q
\v 3 Yahweh wen tell me, “You, da Guy Dat Work Fo Me,
\q2 Da Israel guy dass fo real.
\q From da tings you goin do,
\q2 I goin show erybody how awesome I stay.”
\b
\q
\v 4 But I tell, “All da hard work I wen do,
\q2 No mean notting!
\q I stay strong befo time,
\q2 But now, I stay all poho an wear out,
\q2 Fo notting!
\q But fo shua, Yahweh, he da judge fo tell
\q2 If az ony wase time, o not.
\q2 My God, he da One goin pay me.”
\b
\q
\v 5 So, now Yahweh tell me bout dis --
\q2 (He da One wen make me inside my mudda,
\q2 So I can work fo him.
\q Yahweh like fo me bring back
\q2 Da Jacob ohana an all da Israel ohanas
\q2 Fo come his guys again.
\q Yahweh get respeck fo me.
\q2 He my God, da One make me strong.)
\q
\v 6 So now, dis wat Yahweh tell:
\q2 “But dass ony one small kine job,
\q Fo you bring back by me
\q2 Da ohanas dat come from Jacob,
\q An da ones from da Israel ohanas
\q2 Dat I wen take care.
\q Mo den dat, I goin make you
\q2 Jalike one light fo da peopo dat not Jews,
\q2 So you goin come da one
\q Dat goin get peopo all ova da world outa trouble fo me,
\q2 Even da peopo from da mos far places inside da world.”
\b
\q
\v 7 Dis, one nodda spesho message from Yahweh.
\q2 (He da One dat pay da price
\q2 Fo get da Israel peopo outa trouble.
\q2 He da Good An Spesho One fo da Israel peopo.)
\q Dis message, fo da one
\q2 Dat da peopo tink he no good inside,
\q Da one dat all ova da country,
\q2 Da peopo hate um,
\q Da one dey tink ony one slave
\q2 Dat work fo da leada guys.
\q2 Dis wat Yahweh tell dat Guy Dat Work Fo Him:
\q2 “Wen da king guys see you,
\q2 Dey goin stand up fo show you respeck!
\q Wen da prince guys see you,
\q2 Dey goin go down in front you
\q2 Fo show you respeck!
\q An all dat goin happen cuz a me, Yahweh.
\q2 I da One you can trus.
\q I da Spesho One fo da Israel peopo.
\q2 An I wen pick you!”
\s Yahweh Bring Back Da Israel Peopo
\r (Rome 14:11; 2 Corint 6:2)
\q
\v 8 Dis, anodda message from Yahweh fo his worka guy:
\q2 “Wen da right time come,
\q2 I goin tell you wat you like know.
\q Wen da time come
\q2 Fo me get da peopo outa trouble,
\q2 I goin help you an take care you.
\q I goin make you da one
\q2 Fo show, da deal I get wit my peopo,
\q2 Az fo real.
\q I goin make da land so dey can use um again,
\q2 Da fields wea nobody work um long time,
\q2 I goin give um back to da ohanas dat own um.
\q
\v 9 An I goin tell da prisona guys,
\q2 ‘Come! Go outside!’
\q An I goin tell da peopo
\q2 Dat stay inside one dark place,
\q2 ‘Go! You guys not prisonas no moa!’
\b
\q “Jalike da sheeps an da goats,
\q2 Dey goin find dea food by da side a da road,
\q2 An on top da hills wea no mo tree.
\q
\v 10 Dey no goin come hungry o thirsty.
\q2 Da hot an dry sun no goin burn dem.
\q Me, Yahweh, da One dat get love an aloha fo dem,
\q2 I goin give dem chance,
\q An show dem wea fo go,
\q2 An take dem wea get pukas fo watta.
\q
\v 11 Jalike I goin make all my mountains
\q2 Come roads.
\q An all my big roads,
\q2 My peopo goin build um up
\q2 Mo high den da land da road go across.
\q
\v 12 Look! Da peopo goin come from far place.
\q2 Some a dem come from da nort,
\q Some from da west,
\q2 Some from da south side a Egypt.
\b
\q
\v 13 “Erybody inside da sky,
\q2 Yell cuz you stay feel good inside!
\q An you peopo all ova da world,
\q2 You stay feel good inside too!
\q Erybody inside da mountains,
\q2 Yell an sing!
\q Cuz Yahweh give good kine words
\q2 Weneva his peopo stay feel sore inside,
\q2 An he show love an pity
\q2 Fo da peopo dat stay suffa.”
\b
\q
\v 14 But da Mount Zion peopo, dey tell,
\q2 “Yahweh wen leave us!
\q2 Oua Boss foget bout us!”
\b
\q
\v 15 But Yahweh tell,
\q2 “Eh! You tink one mudda goin foget
\q2 Her bebe dat stay nurse?
\q You tink she no mo love an pity
\q2 Fo da kid she wen born?
\q No matta she foget,
\q2 Me, no way I goin foget you Jerusalem guys!
\q
\v 16 Look! Jalike I wen write yoa name inside my hands.
\q2 Erytime time I look, I see da Jerusalem wall stay all bus up.
\q
\v 17 Yoa guys goin come back real quick
\q2 Fo build um again,
\q An da guys dat wen broke down yoa wall
\q2 An wipe out yoa peopo,
\q2 Dey goin go way.
\q
\v 18 Look aroun you!
\q2 All yoa guys stay come back togedda
\q2 Fo come by you.
\q An jalike I shua dat I alive,
\q2 I shua dose guys goin come back
\q An make Jerusalem town look good,
\q2 Jalike wen one lady put on her jewels
\q2 Wen she go get married!”
\q2 Dass da ting Yahweh tell.
\b
\q
\v 19 “No matta no mo notting Jerusalem side,
\q2 An da town stay all bus up,
\q2 An yoa land all mess up yet,
\q I stay shua, da town goin be too small
\q2 Fo all da peopo live dea.
\q An all da guys dat wen make you guys dea slave,
\q2 Dey goin go way, far place.
\q
\v 20 An even mo den dat,
\q2 Da guys dat wen born ova dea,
\q2 Afta da Babylon guys take away oua peopo,
\q Bumbye you Jerusalem peopo goin hear dem,
\q2 Talking plenny to each odda.
\q Dey goin tell,
\q2 ‘Dis place, no mo room fo all us guys!
\q2 Give us guys mo place fo live!’
\q
\v 21 Den you Jerusalem peopo
\q2 Goin tink inside yoa heart,
\q2 ‘Eh! Who wen give me all dese kids?!
\q Da Babylon guys wen take away my kids,
\q2 An I ol, an no can born kids no moa.
\q2 I was one prisona,
\q2 An dey throw me outa my house.
\q So! Who raise dese kids?
\q2 I was hea all alone.
\q2 So, wea dese guys come from?’-”
\b
\q
\v 22 Dis, anodda spesho message from Yahweh da Boss. He tell:
\q2 “Look! I goin put up my hand
\q2 To da peopo inside da odda countries,
\q An put up my flag
\q2 Fo all da diffren peopos know az time awready.
\q Den dey goin bring yoa small kids inside dea arm
\q2 An yoa girls on top dea shoulda.
\q
\v 23 You Jerusalem guys,
\q2 You goin get king guys fo take care yoa kids
\q2 An be jalike dea hanai faddas,
\q An da ali`i wahines goin be
\q2 Jalike da muddas fo nurse yoa kids.
\q Dey all goin go down
\q2 Wit dea face on top da groun
\q Fo show respeck fo you Jerusalem guys,
\q2 Jalike dey eating da dirt on top yoa feet.
\q Den, you guys goin know dat I Yahweh.
\q2 Da peopo dat wait fo me, fo see wat I goin do,
\q2 No way dey goin come shame!”
\b
\q
\v 24 Wen one strong army guy go fight an go steal some stuff,
\q2 You tink, you can steal da same stuff from da army guy?!
\q2 No way you can!
\q One leada guy like take an make peopo his prisonas,
\q2 You tink he goin let um run away?!
\q2 Not even!
\q
\v 25 But dis, da message from Yahweh:
\q2 “Fo shua, I goin let da prisona guys go
\q2 From da strong army guys dat wen catch um!
\q2 Da stuff dat da leada guys steal,
\q2 I goin get um back!
\q I da One goin fight da guys dat fight you guys.
\q2 I da One goin get yoa kids outa trouble.
\q
\v 26 I goin make da guys dat give you guys hard time
\q2 Eat dea own peopo.
\q Dey goin come drunk
\q2 From drink dea own blood, jalike az was wine.
\q Den da peopo from all ova da world goin know
\q2 Dat I Yahweh, da One dat get you guys outa trouble.
\q I pay da price fo do dat.
\q2 I da Strong God, da One Jacob pray to.”
\c 50
\s Da Worka Guy Do Wat Yahweh Tell Um
\q
\v 1 Dis one spesho message from Yahweh:
\q2 “You guys tink yoa mudda get one paper
\q2 Dat I wen make
\q Fo tell dat I wen dump her an send her away?!
\q2 No mo da kine paper, cuz I neva do dat!
\q You tink I owe somebody money
\q2 An I sell you guys to dem fo pay dem,
\q An az why now you dea slave?!
\q2 I neva do dat too!
\q Fo shua, I wen sell you guys,
\q2 But ony cuz you wen do bad kine stuff!
\q I wen send away you guys mudda
\q2 But ony cuz you guys go agains me!
\q
\v 2 Wen I come, how come no mo nobody stay hea?
\q2 Wen I call, how come nobody answa me?
\q You tink I no mo powa
\q2 Fo get you guys outa trouble, o wat?
\q Tink bout dis: I ony need fo tell da watta,
\q2 “Go! No stay!”
\q An I make da sea watta come dry,
\q2 An da rivers come one desert.
\q Dea fishes mahke,
\q2 An come stink, cuz no mo watta.
\q
\v 3 I make da whole sky come dark
\q2 Jalike I stay put burmbag kine cloth all ova da sky,
\q2 Fo show da sky stay sore inside.”
\s Da Guy Dat Work Fo Yahweh
\q
\v 4 Da Guy Dat Work Fo Yahweh tell:
\q2 “My Boss Yahweh,
\q He make me so I can talk
\q2 Jalike da peopo dat study plenny.
\q He make me know wat fo tell da tired guys
\q2 So dey come strong.
\q He wake me up ery day morning time
\q2 An make me lissen to him real good,
\q2 Jalike da peopo dat study plenny.
\q
\v 5 My Boss Yahweh open my ear, so I can lissen good.
\q2 Me, I no go agains him,
\q2 An I no turn aroun an go da wrong way.
\q
\v 6 Get guys dat wen wack my back wit whips,
\q2 An I let um hit me.
\q Get guys dat wen pull out my beard,
\q2 An I let um.
\q I no hide from da guys dat like make me shame
\q2 An spit on my face.
\q
\v 7 My Boss Yahweh,
\q2 He da one help me.
\q2 Dass how come I no come shame from wat dey do.
\q Dass why I stick wit wat I goin do,
\q2 Jalike I get stone face.
\q2 I stay shua, dat I no goin come shame.
\q
\v 8 Da One who goin show peopo dat I stay right,
\q2 He stay nea me.
\q Whoeva like point finga me,
\q2 I like fo him an me, stand togedda in front da judge!
\q2 Let him come in front me so he can tell me!
\q
\v 9 Fo shua, my Boss Yahweh, he help me.
\q2 So, wat guy can show me
\q Dat I wen do someting bad
\q2 An I need punish?! No mo!
\q All dem guys dat stay agains me,
\q2 Dey poho, jalike da ol puka clotheses.
\q2 Da moth eat um up.”
\b
\q
\v 10 If one a you guys feel scared
\q2 Wen he go in front Yahweh,
\q An he lissen wat I tell,
\q2 Cuz I da Guy Dat Work Fo Yahweh,
\q Den, wen dat kine guy walk inside dark kine place
\q2 Wea no mo light,
\q He goin trus Yahweh,
\q2 Cuz he know wat kine god him,
\q2 An he goin let his God take care him.
\q
\v 11 But, all you odda guys dat make fire
\q2 An put arrows dat can burn inside yoa arrow bag,
\q Go walk in da light from da fire you guys wen make
\q2 An da burning arrows you wen light.
\q Da ony ting you guys goin get from me,
\q2 Is dis: bumbye wen you guys lay down,
\q2 You goin suffa plenny!
\c 51
\s God Get His Peopo Outa Trouble Foeva
\q
\v 1 Yahweh tell: “Lissen to me,
\q2 You guys dat like do da right kine stuff,
\q2 An like know Yahweh.
\q Tink bout wea you guys come from,
\q2 Jalike somebody wen cut one small rock
\q2 Outa one cliff,
\q O jalike somebody cut one stone block
\q2 From inside one quarry.
\q
\v 2 Tink bout Abraham, da main ancesta guy
\q2 All you guys come from,
\q2 An Sarah, yoa main mudda.
\q Wen I tell Abraham fo come be my guy,
\q2 Was ony him, one guy.
\q I do plenny good stuff fo him,
\q2 An give him plenny kids an grandkids.”
\b
\q
\v 3 Az cuz Yahweh goin help da Jerusalem peopo
\q2 So dey no stay sad no moa
\q2 Bout all da stuff stay bus up ova dea.
\q He goin make da boonies come
\q2 Jalike how he wen make da place Eden side.
\q Da dry up country goin come
\q2 Jalike one garden fo Yahweh.
\q Da peopo ova dea goin feel real good inside,
\q2 An dance an sing.
\q2 Dey goin tell Yahweh, ‘Mahalo plenny!’ an dey goin sing.
\p
\q
\v 4 Yahweh tell, “Lissen to me, all my peopo!
\q2 Cuz I goin give my Rules to all da peopos,
\q An wat I tell cuz I da Judge,
\q2 Goin show all da nations wass right,
\q2 Az goin be jalike one light fo show dem da way.
\q
\v 5 I stay ready awready fo do wass right.
\q2 I start fo get my peopo outa trouble.
\q I get powa fo be da judge
\q2 Fo all da diffren peopos.
\q I da One dat da peopo
\q2 Dat live on top da islands stay wait fo,
\q2 Cuz dey stay shua I get powa fo help dem.
\q
\v 6 Look up to da sky.
\q2 Look down at da earth.
\q Da sky goin go way, jalike smoke.
\q2 Da earth goin come ol, jalike ol clotheses.
\q All da peopo on top da earth goin mahke, jalike small bugs.
\q2 But I goin get my peopo outa trouble all da time.
\q2 I no goin stop doing wass right fo da peopo, eva.
\b
\q
\v 7 “Lissen to me, you guys dat know wass right.
\q2 You peopo dat get my Rules inside yoa heart,
\q No scared if peopo try fo make you guys shame!
\q2 No lose fight if dey talk any kine to you guys!
\q
\v 8 Cuz dose peopo no goin stay long time,
\q2 Dey goin be jalike clotheses da bugs goin eat.
\q2 Dey goin be jalike wool kine cloth dat da moth worm goin eat.
\q But I stay do da right ting all da time.
\q2 I get my peopo outa trouble,
\q2 Dem, an dea kids an grankids, all da time.”
\p
\q
\v 9 Isaiah tell, “Wake up! Wake up, Yahweh!
\q2 Make ready fo use yoa powa!
\q Wake up, jalike you do long time ago,
\q2 Da time oua ancesta guys wen live.
\q Dat time, you wen kill da Egypt army guys
\q2 Wen dey come afta oua ancesta guys
\q Jalike Rahab da dragon,
\q2 But you wen chop um up!
\q
\v 10 You da One wen make da sea dry up,
\q2 No matta stay deep, an get plenny watta.
\q Was you wen make one road
\q2 Inside all da deep place,
\q So yoa peopo can go ova da odda side
\q2 Afta you pay da right price fo get um outa Egypt.
\b
\q
\v 11 Dis time, same ting!
\q2 Fo get da peopo outa trouble,
\q2 Yahweh goin pay da price.
\q Dey goin come back Mount Zion side
\q2 Inside Jerusalem town,
\q2 Dey goin yell plenny cuz dey feel real good.
\q Jalike dey stay wear lei on top dea head
\q2 Fo show dey like dance an sing all da time.
\q Dey stay feel good inside
\q2 An dance an sing, wen dey coming.
\q Dey no goin feel sore inside,
\q2 An no goin moan no moa.”
\b
\q
\v 12 Yahweh tell, “Me, I da One
\q2 Dat give you guys good kine words
\q2 An make you feel good.
\q But how come you scared a peopo
\q2 Dat ony goin mahke bumbye?!
\q2 Da peopo dat goin mahke jalike da grass?!
\q
\v 13 How come you guys foget
\q2 Dat me, Yahweh, I da One wen make you?!
\q I spread out da sky
\q2 An put down da foundation fo da earth.
\q So, how come you guys stay real scared ery day,
\q2 Cuz you tink bout da peopo dat stay mad
\q2 An give you guys hard time,
\q Cuz dey huhu wit you guys,
\q2 An dey stay ready fo wipe out you guys.
\q But wat dey goin do cuz dey mad?
\q2 Notting!
\q
\v 14 Da prisona guys dat stay scared,
\q2 Pretty soon dey goin come outa da prison.
\q Dey no goin mahke inside dea,
\q2 An dey no goin come hungry.
\q
\v 15 Cuz I Yahweh, yoa God,
\q2 I make da sea come rough
\q2 So da waves make big noise.
\q I Yahweh, Da God Ova All Da Armies.
\q2 Dass who me.
\q
\v 16 I wen tell you wat fo say.
\q2 I cover you wit da shadow from my hand.
\q I put da sky up dea wea stay.
\q2 I put down da foundation fo da earth.
\q I tell da Mount Zion peopo,
\q2 ‘You guys, my peopo.’-”
\s Yahweh Stay Huhu
\q
\v 17 Wake yoaself up! Wake up!
\q2 Stand up, you Jerusalem peopo!
\q Befo time, Yahweh wen stay huhu wit you guys,
\q2 An he make you guys suffa plenny!
\q Jalike he make you guys drink wine
\q2 From inside one wine bowl he give you,
\q An you drink da whole ting,
\q2 An you you no can walk strait cuz a dat.
\q
\v 18 You guys, jalike one wahine dat born plenny boys
\q2 But now, no mo one a dem
\q2 Fo show her wea fo go.
\q She wen raise up her boys
\q2 But now no mo one a dem
\q2 Fo hold her hand.
\q
\v 19 Dese two bad tings wen happen
\q2 To you Jerusalem guys,
\q No mo nobody fo help you
\q2 Fo wat wen happen,
\q2 An you feel sore inside.
\q You guys stay all bus up,
\q2 An wipe out,
\q An no mo notting fo eat,
\q2 An dey kill you guys wit sword.
\q How I can give you guys good kine words
\q2 Fo make you feel good?! No can!
\q
\v 20 Yoa boys pass out.
\q2 Dey lay down dea, da end a ery road.
\q Jalike one deer dey catch inside one net.
\q2 Yoa God Yahweh stay real huhu wit dem.
\q2 An stay poin finga dem.
\b
\q
\v 21 Az why you guys gotta lissen
\q2 Wat I goin tell you now,
\q You guys dat stay feel sore inside,
\q2 An feel jalike you drunk,
\q2 But not from da wine.
\q
\v 22 Dis, one spesho message from yoa Boss Yahweh,
\q2 From yoa God, da one dat stay help his peopo:
\q “Look! Now I take away yoa trouble.
\q2 Befo time, I wen make you guys suffa plenny
\q2 Cuz I stay huhu wit you guys.
\q Jalike I make you guys drink da wine
\q2 From inside one bowl,
\q2 An you no can walk good cuz a dat.
\q But you guys no goin get dat kine trouble
\q2 From me no moa.
\q No way you goin drink from dat wine bowl
\q2 Again, no moa.
\q
\v 23 I goin put dat wine bowl
\q2 In da hands a da peopo
\q2 Dat wen make you guys suffa,
\q Da ones dat tell you guys,
\q2 ‘Go lay down on top da groun!
\q2 So we can walk on top you guys!
\q Make yoa back flat jalike da groun
\q2 Jalike one road fo us walk on top.’
\q2 But I goin make trouble fo dem.”
\c 52
\r (Rome 2:24, 10:15, 15:21; 1 Corint 2:9; 2 Corint 6:17; Efesus 2:17, 6:14-15)
\q
\v 1 Wake up! Wake up, you Jerusalem peopo!
\q2 Make strong
\q An put on yoa shining clotheses!
\q2 Cuz yoa town, da one God make spesho fo him!
\b
\q Da guys dat no mo cut skin mark
\q2 Fo show dey God's peopo,
\q An da ones dat do stuff dat make um
\q2 So dey no can pray,
\q2 Dey no goin go inside Jerusalem again.
\q
\v 2 Shake off da dirt from wea you sit.
\q2 Get up, you Jerusalem peopo!
\q2 Sit down jalike kings on top yoa thrones.
\q Hemo da slave band aroun yoa neck
\q2 You guys was prisonas befo, but not now!
\b
\q
\v 3 Cuz dis, da spesho message from Yahweh:
\q2 “I wen sell you guys to da Babylon peopo
\q2 An dey neva pay me notting fo you guys.
\q Now, dey let you guys go,
\q2 An I no goin pay dem notting!”
\b
\q
\v 4 Dis, one nodda spesho message from Yahweh da Boss:
\q2 “Egypt was da place my peopo wen go fo live, da firs time.
\q Den, was da Assyria peopo wen give my peopo hard time,
\q2 Neva mind dey no have da right fo do dat.”
\q
\v 5 An now, Yahweh tell:
\q2 “Now, wat I get hea?!
\q Da Babylon peopo take away my peopo
\q2 An dey no pay me notting fo dem.
\q Da guys dat stay lead da Babylon peopo yell plenny.
\q2 An all day dey talk stink bout who me.
\q
\v 6 But cuz da Babylon guys talk stink bout who me,
\q2 My peopo goin know wat kine god me.
\q Wen dat time come, dey goin know dat I da One
\q2 Wen tell bout dis stuff befo time.
\q2 Yeah, I da One!”
\b
\q
\v 7 Real nice! Wen we see da messenja guy feet
\q2 Coming ova da mountains
\q2 Fo tell us good kine stuff!
\q He make shua erybody hear,
\q2 “Eryting goin come good now!
\q Good tings goin happen!
\q2 Yahweh goin get us outa trouble.”
\q He tell God's peopo, Jerusalem town,
\q2 “Yoa God, he da king now!”
\q
\v 8 Lissen! Yoa guys dat stay watch,
\q2 Dey stay yell togedda cuz dey feel good inside!
\q Wen Yahweh come back Jerusalem, his spesho town,
\q2 Ery one a dem goin see um wit dea own eyes!
\q
\v 9 Sing togedda, cuz you guys stay feel real good inside,
\q2 No matta Jerusalem town still stay all bus up!
\q Cuz Yahweh take away da sore
\q2 Dat his peopo feel inside.
\q He pay da price
\q2 Fo get da Jerusalem peopo outa trouble.
\q
\v 10 Yahweh goin show how strong him
\q2 Cuz he good an spesho!
\q An all da peopo inside all da countries,
\q2 Even da ones inside da mos far places on top da earth,
\q Dey goin see
\q2 How oua God get his peopo outa trouble!
\b
\q
\v 11 Get away! Get away! Get outa Babylon!
\q2 No touch notting dat not spesho fo Yahweh!
\q2 Get outa dea!
\q Make shua you clean, fo go inside da Temple fo pray!
\q2 Cuz you guys stay carry da tings fo Yahweh
\q2 Dat go inside da Temple.
\q
\v 12 But wen you guys come back from Babylon side,
\q2 No need go quick time
\q2 Jalike you running away from dem.
\q Cuz da God yoa ancesta guy Israel pray to,
\q2 Yahweh, he goin go wit you guys.
\q He going in front you guys
\q2 An behind you guys,
\q2 Fo make shua nobody catch you.
\s Da Guy Dat Work Fo Yahweh Goin Suffa
\q
\v 13 Yahweh tell: “Look! My worka guy,
\q2 He do wat he suppose to do.
\q2 He do good job cuz he know wat he stay doing.
\q Peopo goin know he importan.
\q2 Dey all goin know who him,
\q2 An show him plenny respeck.
\q
\v 14 But goin be jalike befo time,
\q2 Wen plenny peopo bum out
\q Cuz dey see you guys, my peopo,
\q2 Suffa plenny.
\q Same ting, da way my worka guy goin look,
\q2 He goin look like he all bus up,
\q Mo den any odda guy.
\q2 An his face, no goin look like anybody.
\q
\v 15 Dass how his blood goin be jalike da blood
\q2 Dat da pries guy sprinkle wen he make sacrifice.
\q An cuz my worka guy goin bleed lidat,
\q2 Da peopos in plenny countries
\q2 Goin get da right fo come in front me, Yahweh.
\q Cuz a dat, even da king guys
\q2 No can say notting.
\q Dey goin see stuff dat nobody tell um bout.
\q2 Dey goin start fo undastan stuff dey neva hear bout.”
\c 53
\r (Matthew 8:17; Luke 22:37; John 12:58; Jesus Guys 8:32-33, 13:47; Rome 10:16; Hebrews 9:28; 1 Peter 2:22, 24-25)
\q
\v 1 You tink get peopo dat believe
\q2 Wat dey wen hear from us guys?! No way!
\q You tink Yahweh wen show any a dem
\q2 How strong him?! Not even!
\q
\v 2 Da Guy Dat Work Fo Yahweh,
\q2 He wen grow up in front Yahweh,
\q Jalike one young plant grow from one root
\q2 From da groun wen no mo watta.
\q He not good looking,
\q2 An he no look like one king.
\q We no see notting
\q2 Fo make us like come his peopo.
\q
\v 3 Peopo make him jalike he notting.
\q2 Dey no let him do notting wit dem.
\q He one guy dat stay sore inside,
\q2 An he know how feel fo suffa plenny.
\q Peopo turn aroun look da odda way
\q2 Cuz dey no like see him.
\q Dey make him jalike he nobody,
\q2 An nobody care bout him.
\b
\q
\v 4 Still yet, wen us guys suffa plenny,
\q2 Da Guy Dat Work Fo Yahweh,
\q2 He take dat all away.
\q Wen us guys stay sore inside,
\q2 He carry all dat fo us.
\q But us guys, we ony figga him
\q2 Az da guy dat God wen wack an bus up,
\q2 An make um feel like he no good.
\q
\v 5 But Da Guy Dat Work Fo Yahweh,
\q2 He da one peopo wen poke
\q2 Cuz us guys go agains God.
\q Him, da one dey smash
\q2 Cuz us guys do wrong.
\q Him, da one dey punish
\q2 So eryting come good fo us.
\q Him, da one dey wen whip
\q2 An cuz a dat, he make us come good!
\q
\v 6 We all go all ova da place jalike da sheeps.
\q2 Ery one a us guys, we go our own way.
\q2 But Yahweh, he let da Guy Dat Work Fo Him
\q2 Take da blame fo da bad stuff all us guys do.
\b
\q
\v 7 Da Guy Dat Work Fo Yahweh,
\q2 Da peopo give him hard time.
\q Dey make him suffa,
\q2 But he no say notting.
\q Dey take him out jalike one sheep
\q2 Fo kill him.
\q But jalike da sheeps
\q2 Wen dey cut off all da wool, dey no make noise,
\q2 He no say notting too.
\q
\v 8 Cuz da peopo put in jail
\q2 Da Guy Dat Work Fo Yahweh.
\q Dey judge him,
\q2 Den take um away fo kill um.
\q An da peopo dat stay alive dat time,
\q2 Dey no even tink bout
\q How dey cut him off
\q2 From stay alive inside dea land.
\q Cuz my peopo wen go agains God,
\q2 Dey wack him.
\q
\v 9 Dey set up one grave fo him
\q2 Wit da bad guys.
\q But wen he mahke,
\q2 Dey put um inside one rich guy place.
\q He mahke, no matta he no hurt nobody,
\q2 An he no bulai nobody.
\b
\q
\v 10 Still yet, was Yahweh
\q2 Dat figga az good,
\q Fo smash da Guy Dat Work Fo Him
\q2 An make him suffa.
\q Yahweh make him mahke, jalike one sacrifice
\q2 Fo all da blame peopo get
\q2 Cuz a da bad kine stuff we do.
\q But still yet, da Guy Dat Work Fo Yahweh,
\q2 He goin see his kids, an live long time,
\q An he goin get da powa
\q2 Fo wateva Yahweh like,
\q2 He goin make happen.
\q
\v 11 Afta Da Guy Dat Work Fo Yahweh
\q2 Work real hard an suffa plenny,
\q He goin see wat happen cuz a all dat,
\q2 An he goin feel good inside.
\b
\q Yahweh tell, “Cuz my worka guy know wat he doing,
\q2 An cuz he do da right ting erytime,
\q He goin make plenny peopo
\q2 Come right wit me.
\q Az cuz he da one take da blame
\q2 Fo all da bad kine stuff dose peopo do.
\q
\v 12 Az why I goin give him his share,
\q2 Same ting jalike I goin give plenny odda peopo.
\q He goin be jalike one a da strong army guys
\q2 Dat bring back plenny stuff from one war
\q2 An give all da peopo dea share.
\q Cuz he let da peopo kill him,
\q2 An even count him
\q2 Wit da peopo dat go agains me.
\q Him, da one take da blame fo plenny peopo,
\q2 An pray fo da peopo dat stay go agains me.”
\c 54
\s Bumbye God's Peopo Goin Come Awesome
\r (John 6:45; Galatia 4:27)
\q
\v 1 “Eh, my peopo!
\q2 Sing and yell cuz you stay good inside!
\q Cuz befo time, you guys
\q2 Was jalike one wahine dat no mo her own kids yet,
\q2 Dat neva feel da sore from born one bebe.
\q But now, eryting goin come good fo you guys,
\q2 Jalike if dat wahine dat wen stay live by herself
\q She goin get mo plenny kids
\q2 Den da wahine dat get husban.”
\m Dass wat Yahweh tell.
\b
\q
\v 2 “Make mo big, da place fo yoa tent.
\q2 Stretch um mo wide.
\q No hold back, my peopo!
\q2 Make da rope mo long,
\q2 An make da pegs mo strong.
\q
\v 3 Cuz you guys goin need mo plenny room,
\q2 On the right side an da left side.
\q Da peopo dat goin born from you
\q2 Goin take ova da land from odda countries,
\q An go live inside da towns
\q2 Dat da odda peopo wen leave.
\b
\q
\v 4 “Eh my peopo!
\q2 No scared, cuz you no goin come shame notting.
\q2 Cuz nobody goin make you shame.
\q Jalike da wahine dat no mo her own kids,
\q2 But now she get um,
\q She foget, her was shame
\q2 Befo time, wen her was young.
\q Jalike she no goin rememba
\q2 How bad peopo wen make her feel
\q2 Wen her no mo husban.
\q
\v 5 Az cuz fo my peopo,
\q2 You jalike da wahine dat get husban now --
\q Cuz jalike I yoa husban,
\q2 Da One wen make you!
\q Me, Yahweh, Da God Ova All Da Armies,
\q2 Dass my name!
\q I da One dat pay da price
\q2 Fo get you outa trouble,
\q I Da Good An Spesho God
\q2 Fo da Israel peopo!
\q Da God Fo Da Whole World,
\q2 Dass wat dey call me!
\q
\v 6 Befo time, you guys get plenny trouble,
\q2 Jalike you one wife yoa husban wen dump,
\q2 An you stay sore inside.
\q Jalike you was young
\q2 An da guy wen marry you,
\q Den he dump you.
\q2 But now, jalike yoa husban stay call you fo come back.”
\m Dass wat Yahweh tell.
\b
\q
\v 7 Yahweh tell: “Eh my peopo,
\q2 Ony short time I wen leave you guys.
\q But I get plenny love an pity fo you guys,
\q2 An I goin bring you guys back togedda wit me.
\q
\v 8 I wen get real mad,
\q2 Jalike one flash flood,
\q2 Cuz I no like wat you guys stay do dat time.
\q I turn my face away so you no can see um
\q2 Fo short time.
\q But I get love an pity fo you guys,
\q2 An I goin stay tight wit you all da time.”
\q Dass wat Yahweh tell,
\q2 Da One dat pay da price
\q2 Fo get you guys outa trouble.
\b
\q
\v 9 “Fo me, dis jalike da time da guy Noah live
\q2 An da big watta wipe out eryting.
\q Dat time, I wen make one strong promise
\q2 Dat da big watta, da kine Noah time,
\q2 No goin cova da earth again.
\q Same ting dis time,
\q2 I stay make one strong promise
\q Dat I no goin come huhu wit you guys again.
\q2 I no goin tell you guys no moa,
\q2 Dat you stay doing wass wrong.
\q
\v 10 No matta no mo da mountain
\q2 An da hills shake,
\q Da way I stay tight wit you guys,
\q2 Dat no goin change,
\q An da deal I wen make wit you guys
\q2 Fo make shua eryting stay okay fo you,
\q2 Dat goin still stay solid.”
\q Dass wat Yahweh tell.
\q2 He get love an pity fo you guys.
\b
\q
\v 11 Yahweh tell: “Eh my peopo!
\q2 You guys get hard time now,
\q Jalike one town dat get hard time,
\q2 Jalike big storms stay pound da town.
\q An nobody care
\q2 Fo give you guys good kine words.
\q But you know wat I goin do,
\q2 How I goin change all dat fo you guys?!
\q2 Dis da picha!
\q Jalike I goin build yoa bus up town
\q2 Real nice dis time.
\q Jalike I goin put blue lapis lazuli jewel stones
\q2 On top da foundation,
\q An put up da building stones
\q2 Wit da kine mud dat cost plenny.
\q
\v 12 Jalike I goin make da towas aroun da town
\q2 Wit ruby kine stones,
\q An da gates wit stone dat look like fire.
\q2 Goin get rich kine stones all ova da land.
\q Dass one picha fo da town,
\q2 Fo how I goin make eryting come good fo you guys!
\q
\v 13 “Me, Yahweh, I da One
\q2 Goin teach all yoa peopo.
\q2 I goin make eryting come plenny good fo dem.
\q
\v 14 You guys goin come solid
\q2 Cuz you stay do da right ting erytime,
\q No mo nobody goin give you guys presha,
\q2 An you no need stay scared notting.
\q Cuz da tings you was scared,
\q2 No even goin come nea you guys.
\q
\v 15 Bumbye, if somebody attack you guys,
\q2 Dat no goin be cuz a me.
\q Whoeva attack you guys
\q2 Dey goin get wipe out in front you.
\b
\q
\v 16 “Tink bout dis!
\q2 I da One wen make da guy
\q2 Dat work wit da iron,
\q An fan da coals fo make fire,
\q2 An make tings peopo use fo fight.
\q An I da One make da army guys
\q2 Dat wipe out da peopo.
\q
\v 17 But no matta wat kine tings peopo make
\q2 Fo fight you guys wit um,
\q2 Dey no goin win.
\q No matta wat peopo tell in front da judge
\q2 Wen dey poin finga you guys,
\q2 You guys goin prove dey wrong.
\q All dis I goin do fo you guys
\q2 Cuz I Yahweh, an you guys work fo me.
\q Dass how I goin show
\q2 Dat my peopo get um right wit me.”
\m Dass wat Yahweh tell.
\c 55
\s God Tell Da Peopo Dat Need Help Fo Come
\r (Jesus Guys 13:34)
\q
\v 1 Yahweh tell: “Hui! All you peopo dat need help, come!
\q2 I tell da peopo dat stay thirsty,
\q2 Come by me an I give you watta!
\q No matta you guys no can pay,
\q2 Come get wheat so you can eat!
\q2 Come, get wine an milk!
\q No matta you no can pay,
\q2 No goin cost you notting!
\q
\v 2 How come you guys stay pay wit silva
\q2 Fo stuff dat you no can eat?
\q How come you guys stay work
\q2 Fo stuff dat no goin fill you up?
\q You guys gotta lissen to me!
\q2 Eat good kine stuff.
\q Den you goin stay real good inside
\q2 Cuz you stay eat all da good kine food!
\q
\v 3 Come by me, an lissen real good!
\q2 Lissen, so dat you goin come alive inside.
\q I goin make one deal wit you guys
\q2 Dat goin stay all da time:
\q Wat I wen promise King David dat I goin do,
\q2 Dat I goin stay tight wit him all da time,
\q I goin do dat fo shua,
\q2 Cuz I do wat I promise fo do!
\q
\v 4 Look! Da one I wen make da promise bout,
\q2 I let him tell all da diffren peopos wat I stay do,
\q2 An be dea leada guy, an give dem my Rules.
\q
\v 5 An den, I tell dat guy,
\q2 ‘You goin tell da nations fo come,
\q2 Dat you donno befo.
\q An da peopo in da odda countries
\q2 Dat donno you,
\q2 Dey goin run to you.
\q Az cuz I Yahweh, yoa God,
\q2 Da Good An Spesho One fo da Israel peopo,
\q2 Da One make you come awesome.’-”
\b
\q
\v 6 Go all out fo know Yahweh
\q2 Right now, wen he let you guys meet him.
\q Call him fo help you
\q2 Now, wen he stay nea.
\q
\v 7 Fo da bad kine peopo,
\q2 Da ones dat stay make trouble,
\q Az good, dey leave da stuff
\q2 Dey do befo time,
\q2 An no tink bad kine stuff.
\q Mo betta, dey turn back to Yahweh,
\q2 Cuz he goin show pity fo dem.
\q Wen dey turn back to oua God,
\q2 He goin do plenny fo let dem go
\q Fo wat dey wen do befo time,
\q2 An hemo dea shame.
\b
\q
\v 8 Yahweh tell dis:
\q2 “Da way I tink, az not da way you guys tink.
\q2 Da way I do stuff, az not da way you guys do stuff.
\q
\v 9 Jalike da sky stay mo high den da earth,
\q2 So, da way I do stuff, stay mo high
\q2 Den da way you guys do stuff.
\q An da way I tink, I tink mo betta
\q2 Den da way you guys tink.
\q
\v 10 Da rain an da snow come down from da sky,
\q2 An befo dey go back up dea
\q Dey give all da watta da groun need
\q2 Fo make da plants come up.
\q Dass how da groun make seed
\q2 Fo da farma guys plant bumbye,
\q2 An get food fo da peopo eat.
\q
\v 11 Dass jalike da tings I tell!
\q2 Wen dey go out from my mout,
\q Fo shua, dey goin come back by me
\q2 An goin change tings.
\q Da tings I tell, goin do wat I like um do,
\q2 An make happen
\q2 Wat I send fo make happen.”
\b
\q
\v 12 Bumbye, wen you guys leave fo come back ova hea,
\q2 You guys goin dance an sing.
\q God goin lead you guys out,
\q2 An eryting goin come good fo you.
\q Jalike da mountains an hills
\q2 Goin sing loud in front you guys,
\q2 An all da trees in da fields goin clap dea hands.
\q
\v 13 Goin get pine tree
\q2 Wea befo time get ony thorn bush,
\q An flowa bush,
\q2 Wea befo time get ony thistle.
\q Dis goin come lidat
\q2 So erybody goin know wat kine god Yahweh.
\q Goin stay lidat all da time,
\q2 Jalike one sign dat nobody goin wipe out.
\c 56
\s God Goin Get Odda Peopo Outa Trouble
\r (Matthew 21:13; Mark 11:17; Luke 19:36)
\q
\v 1 Dis wat Yahweh tell:
\q2 “Make shua da judges fo you guys
\q2 Stay judge da peopo da right way.
\q All you guys, do da right ting erytime.
\q2 Cuz litto bit mo time now, I goin get you guys outa trouble,
\q2 Fo show erybody dat I do da right ting erytime.
\q
\v 2 Whoeva stay do da right ting erytime,
\q2 An whoeva make strong fo stay lidat,
\q2 Dey can feel good inside.
\q Same ting, fo whoeva make da Res Day spesho fo me,
\q2 An no broke um,
\q An whoeva make shua fo no do notting bad kine,
\q2 All dem can feel good inside too.
\b
\q
\v 3 “Even one guy dass not one Jew,
\q2 But he come tight wit Yahweh,
\q He betta not tell, ‘Fo shua,
\q2 Yahweh no goin let me be one a his peopo.’
\q An one guy dat no can make kids,
\q2 He betta not tell, ‘You know,
\q I no can be Yahweh's guy,
\q2 Cuz I jalike one dry up tree
\q2 Dat no can get fruit.’-”
\b
\q
\v 4 Cuz dis, wat Yahweh tell he goin do
\q2 Fo da guys dat no can make kids,
\q But still yet dey show respeck fo da Res Day
\q2 Cuz dey my guys,
\q An dey do wat I like um fo do,
\q2 Cuz dass wat dey pick fo do,
\q An dey stick wit da same deal
\q2 Dat I wen make wit my peopo.
\q
\v 5 Fo dose guys dat no can make kids
\q2 But stay tight wit me,
\q I goin give dem someting
\q2 Mo betta den get boys an girls.
\q I goin make dem come jalike az my ohana,
\q2 An give dem one spesho place inside my house.
\q Peopo goin rememba dea name all da time,
\q2 An nobody goin foget dea name eva.
\q
\v 6 Same ting fo da peopo dat not one Jew,
\q2 But dey come tight wit me, Yahweh,
\q2 Fo be my helpa guys,
\q An get love an aloha fo me
\q2 Cuz dey know wat kine god me,
\q2 An come my worka guys.
\q All da ones dat make da Res Day spesho fo me,
\q2 An no broke da Rules fo da Res Day,
\q2 An dat stick wit da same deal
\q2 Dat I wen make wit my peopo,
\q
\v 7 Dey da peopo I goin bring Jerusalem side,
\q2 To da mountain dat stay spesho fo me.
\q I goin make dem feel real good inside
\q2 Wen dey come inside my house fo pray.
\q Wen dey make burn up kine sacrifice on top my altar,
\q2 An odda kine sacrifices dey make dea,
\q2 Dat goin make me feel real good.
\q Cuz peopo goin call my house
\q2 ‘Da house wea all diffren peopos go fo pray.’-”
\q
\v 8 Dass wat Yahweh da Boss tell!
\q2 He goin bring togedda
\q Da Israel peopo dat stay all ova da place,
\q2 Cuz odda peopo wen throw um outa dea land.
\q He tell, “I still yet goin bring mo odda peopo
\q2 Fo come togedda wit dem.”
\s God Poin Finga Da Bad Kine Guys
\q
\v 9 Yahweh tell: “Eh, all you wild animals
\q2 From my boonies!
\q Come an eat stuff,
\q2 Even all you wild animals
\q2 From da place wea get plenny trees!
\b
\q
\v 10 Da guys dat stay lead my peopo,
\q2 Dey all suppose to be watcha guys,
\q2 But dey no can see, jalike dey blind.
\q All a dem, dey donno notting.
\q2 Dey jalike dogs dat no can bark.
\q Dey ony lay down dea an dream.
\q2 Dey ony like sleep, fo shua.
\q
\v 11 Da leada guys, dey jalike greedy dogs
\q2 Dat no get nuff fo eat!
\q But same time, dey da ones
\q2 Dat suppose to take care da peopo
\q Jalike da guys dat take care da sheeps,
\q2 But dey no undastan notting!
\q Ery one a dem turn away
\q2 An go any place dey like.
\q2 Dey ony tink bout get eryting fo demself.
\q
\v 12 Ery one a dem tell each odda,
\q2 “Come on, you guys!
\q I like get some wine!
\q2 Us go get drunk wit beer!
\q An tomorra, same ting jalike today,
\q2 O even mo betta!”
\c 57
\q
\v 1 But da peopo dat get um right wit God,
\q2 Wen dey mahke,
\q2 Nobody even stay tink bout dat.
\q Da peopo dat stay tight wit God,
\q2 He take dem away.
\q2 But nobody undastan
\q God stay take away da good kine guys too,
\q2 So dey no suffa from da bad kine stuff
\q2 Da odda peopo stay do.
\q
\v 2 Da peopo dat stay do da right ting erytime,
\q2 Eryting goin come good fo dem.
\q2 An dey goin rest good on top dea bed.
\b
\q
\v 3 But you guys, come ova hea!
\q2 Yoa mudda guys, dey go call da spirit
\q From da mahke peopo
\q2 Fo come tell um wat goin happen bumbye,
\q2 An dey fool aroun an take money!
\q Yoa fadda guys, dey stay fool aroun
\q2 Wit wahines dey not married to!
\q
\v 4 Who you talking about wen you stay make fun a dem?
\q2 Who you make ugly face at
\q An stick out yoa tongue?
\q2 Yoa fadda-mudda guys stay go agains erybody!
\q2 Dey ony bulai.
\q
\v 5 You guys like fool aroun
\q2 Unda da kine kapu trees fo da idol kine gods.
\q You guys kill yoa own kids fo da god Molek
\q2 Down by da streams dat no mo watta,
\q2 Fo make sacrifice unda da cracks in da cliffs.
\q
\v 6 An you guys, you jalike one wahine
\q2 Dat get smooth kine stones from da stream,
\q Fo make yoa idol kine gods.
\q2 Stone, dass all you get!
\q An fo dem you pour out plenny drink fo sacrifice
\q2 An give plenny wheat o barley fo sacrifice too.
\q Wen I tink bout all dis stuff,
\q2 You guys tink I suppose to feel good bout wat you do?!
\q2 No way!
\q
\v 7 You guys, jalike one wahine
\q2 Dat go put her bed on top one real high mountain.
\q An den she go up dea fo make sacrifice an make sex.
\q2 An you guys, you do same ting too.
\q
\v 8 You guys ack jalike dat wahine,
\q2 Dat bring inside da house
\q One ting fo help her rememba her gods.
\q2 Den she shut da door so nobody can see.
\q You guys make lidat too,
\q2 Cuz you go way from me,
\q Jalike dat wahine open da cover off her bed
\q2 An go on top um an make ready.
\q She make one deal wit some guys
\q2 Fo go dea bed, cuz she like do dat,
\q2 An like look at dem all naked.
\q
\v 9 You guys, az how you stay make!
\q2 Jalike dat wahine wen go
\q By da idol kine god Molek
\q2 An give him olive oil fo one present.
\q She use all diffren kine perfume.
\q2 She send her messenja guys far way
\q2 Fo find new idol kine gods --
\q Even far, like down to da Mahke Peopo Place!
\q2 An you guys, do da same ting.
\q
\v 10 You guys go long way fo find new gods,
\q2 An you come tired from all dat.
\q Jalike da wahine dat no like tell,
\q2 “All dat, az wase time!”
\q Den she come strong again,
\q2 So she no pass out.
\b
\q
\v 11 Yahweh tell, “Who bodda you guys
\q2 An make you come scared?!
\q Cuz you guys stay bulai me,
\q2 An no rememba me,
\q2 An no even bodda fo tink bout me.
\q Long time I neva say notting.
\q2 Dass why you guys stay scared a da odda peopo.
\q2 But you no scared a me, o wat?!
\q
\v 12 But me, I goin tell erybody
\q2 Bout all da kine stuff you guys do,
\q Cuz you guys tink you do da right ting.
\q2 But all dat stuff no goin help you guys notting.
\q
\v 13 Wen you guys call me fo help,
\q2 Let da idol kine gods dat you guys wen go get,
\q2 Get you guys outa trouble!
\q Da wind goin blow all dem away.
\q2 Jalike ony one guy goin breave,
\q2 An dey gone!
\q But whoeva trus me fo hide dem
\q2 So dey no get hurt,
\q Dey goin get da land,
\q2 An Mount Zion, dat stay spesho fo me.”
\b
\q
\v 14 Den somebody tell dis too:
\q2 “Pile up dirt on top da groun fo make road!
\q2 Make da road ready fo my peopo!
\q Take away all da stuff from on top da road
\q2 So dat my peopo no fall down!”
\s God Make Strong Da Peopo Dat Stay Sore Inside
\r (Ephesus 2:17)
\q
\v 15 Yahweh, da One stay way far up dea
\q2 Inside da sky, an real importan.
\q He stay alive foeva.
\q2 He stay good an spesho, cuz dass wat kine god him.
\q He tell: “I live inside da mos high place,
\q2 Da place dat stay spesho fo me!
\q But still yet, I stay live wit da one
\q2 Dat stay feel all heavy inside,
\q2 An know dat dey notting.
\q Az cuz I like make da peopo dat know dey notting
\q2 An da ones dat stay feel heavy inside,
\q2 Come strong inside.
\q
\v 16 Cuz no goin be all da time,
\q2 Dat I poin finga an stay huhu.
\q Az cuz if I wen stay lidat,
\q2 Den peopo spirits goin come weak wen dey see me --
\q2 I da One wen make dem so dey can breave lidat.
\q
\v 17 Wen dey do bad kine stuff,
\q2 An dey come greedy fo get eryting fo demself,
\q I punish dem,
\q2 An no do notting good fo dem,
\q2 Cuz I real huhu.
\q But still yet, dey do
\q2 Wateva dey tink az good.
\q
\v 18 I see how dey make,
\q2 But still yet, no matta dey stay sick inside,
\q2 I goin make dem come good!
\q I goin take dem
\q2 An da ones dat stay bum out
\q2 So dey no stay sore inside no moa.
\q
\v 19 I goin make da peopo talk diffren from befo time.
\q2 Dey goin tell, ‘Da peopo far an nea,
\q2 Dey goin res inside!’-”
\q An Yahweh tell, “Jalike my peopo stay sick,
\q2 An I goin make dem come good.”
\b
\q
\v 20 But da bad kine guys,
\q2 Dey jalike da rough sea
\q Wen da wind make big wave
\q2 An no can stay quiet.
\q Dat kine wave ony throw mud
\q2 An junk kine stuff on top da beach.
\q
\v 21 No mo res fo da bad kine guys!”
\q2 Dass wat Yahweh tell.
\c 58
\s Skip Food An Pray Fo Real
\r (Matthew 11:5; Luke 4:18-19)
\q
\v 1 Yahweh tell: “Yell real loud! No hold back!
\q2 Jalike one trumpet, make um loud!
\q Tell my peopo, da one dat come from Jacob,
\q2 How dey wen go agains me
\q2 An do bad kine stuff!
\q
\v 2 Me, I da One dey aks wat fo do, ery day!
\q2 Dey ack like dey really like know how I stay make.
\q Dey ack like dey one peopo
\q2 Dat stay do wass right erytime,
\q An lissen wat I dea God tell dem fo do,
\q2 Cuz I da Judge.
\q Dey aks me fo judge da right way fo dem.
\q2 Dey ack like dey like me, God,
\q2 Come nea dem.
\q
\v 3 Dey tell me, ‘Wase time,
\q2 Us guys skip food so we can pray,
\q2 An you neva see dat!
\q Wase time,
\q2 Us guys make ourself come notting,
\q2 An you neva know!’
\q2 Dass how dey talk.
\b
\q But you know wat you guys do?!
\q2 Same time you guys skip food,
\q You guys go do wateva you like.
\q2 You guys even make any kine to all yoa worka guys.
\q
\v 4 Wen you guys skip food,
\q2 You guys ony make argue an beef!
\q2 You no stay pray!
\q You guys hit each odda wit yoa fis
\q2 Fo do someting bad!
\q If you guys skip food da way you stay do today,
\q2 No tink you goin make me lissen you,
\q Up hea inside da sky,
\q2 Cuz I not!
\q
\v 5 You tink, dat wen I like you skip food,
\q2 I ony like fo peopo ack like dey notting,
\q An bow down dea head
\q2 Jalike one reed dat stand up inside da watta,
\q An spread out one burmbag cloth wit ashes on top
\q2 Fo lay down dea.
\q You guys tink dass all you guys gotta do wen you skip food?!
\q2 You tink dat goin make me, Yahweh, feel good inside?!
\q2 No way!
\b
\q
\v 6 “But dis da way I say gotta be,
\q2 Wen you guys skip food:
\q Anybody dat stay in jail
\q2 Cuz dat judge, judge um wrong way,
\q2 Get um outa dea!
\q Anybody gotta carry heavy load
\q2 Jalike one yoke fo cows fo pull one wagon,
\q2 Hemo da yoke!
\q Anybody stay suffa cuz dey get plenny presha,
\q2 Let um go an no make dem slaves again!
\q2 Broke up all da yokes!
\q
\v 7 Wen you guys no eat food so you can pray,
\q2 Share yoa food wit da hungry peopo!
\q Da peopo dat no mo notting an homeless,
\q2 Take um wea dey can stay!
\q Wen you see peopo dat no mo clotheses,
\q2 Give um clotheses!
\q An no go hide
\q2 Wen yoa own ohana guys need help!
\b
\q
\v 8 Den, wen dass how you make,
\q2 Goin be jalike wen da sun come up --
\q Erybody goin see
\q2 Dat you guys get life from me, Yahweh.
\q All da place you get cut an scratch,
\q2 New skin goin grow dea real quick.
\q Cuz you stay do da right ting erytime,
\q2 Dat goin make you so you goin go ahead,
\q An cuz Yahweh stay awesome,
\q2 He no goin let nobody come behind you fo hurt you.
\q
\v 9 Den you guys goin call,
\q2 An me, Yahweh, I goin hear an do someting.
\q You guys goin yell fo me help you,
\q2 An I goin tell, ‘Right hea, I stay!’
\b
\q “But firs, you guys betta no give da odda guys hard time,
\q2 Jalike you stay tie one yoke on top one cow!
\q2 You guys betta no poin finga an talk stink no moa!
\q
\v 10 An you guys betta go all out
\q2 Fo help da hungry peopo,
\q2 An take good care da peopo dat get hard time!
\q Den, if you guys make lidat,
\q2 Peopo goin get life,
\q2 No matta get bad kine stuff all ova.
\q Jalike you guys stay give one light dat shine
\q2 Wen eryting stay dark,
\q Fo make da dark places get light all ova,
\q2 Jalike noon time!
\q
\v 11 Yahweh goin show you guys
\q2 Wea fo go all da time.
\q He goin take care wateva you guys need,
\q2 No matta da sun stay hot an burn up da land.
\q He goin make you guys stay strong
\q2 An feel good.
\q You goin be jalike one garden dat get plenny watta,
\q2 Jalike one watta puka dat no pau come out.
\q
\v 12 Some a yoa peopo
\q2 Goin build up again da ol broke up town,
\q An fix up da ol foundation,
\q2 Dat yoa ancesta guys wen put firs time.
\q Peopo goin call you guys
\q2 ‘Da guys dat fix da broke up walls,
\q Da guys dat fix da streets
\q2 So peopo can live dea.’
\b
\q
\v 13 “You guys gotta make da Res Day spesho fo me.
\q2 An no go any place mo far den you betta go,
\q An no let yoaself jus do wateva you like dat day,
\q2 Cuz da whole day stay spesho fo me.
\q You guys gotta tell peopo
\q2 Dat da Res Day make you feel good inside,
\q An dat stay spesho ony fo me, Yahweh,
\q2 Fo show respeck fo me lidat.
\q Dis, how you goin show respeck fo da Res Day:
\q2 You no goin do stuff yoa own way dat day.
\q You no goin look fo ony da kine stuff you like do.
\q2 You no goin talk any kine waste time stuff,
\q
\v 14 If you guys stay do all dat,
\q2 Den you guys goin feel good inside
\q2 Cuz you stay tight wit me, Yahweh.
\q I goin let you guys ride on top da mos high places inside da land,
\q2 Cuz you guys goin be da ownas.
\q I goin make shua you guys get plenny food fo eat,
\q2 From da same land
\q Dat I wen make promise
\q2 Fo give to yoa ancesta Jacob.
\q Dass wat I goin do cuz I Yahweh,
\q2 An dass wat I tell!”
\c 59
\s Wen Dey Sorry, God Get Dem Outa Trouble
\r (Rome 3:13-18, 11:26-27; Efesus 6:14-15, 17; 1 Tessalonika 5:8)
\q
\v 1 Fo shua, Yahweh get plenny power
\q2 Fo get us guys outa trouble.
\q2 Fo shua, he can hear good.
\q
\v 2 So! How come you guys stay cut off from yoa God Yahweh?!
\q2 Cuz you guys do bad kine stuff dat need punish, az why!
\q How come God no let you see his face
\q2 An he no lissen?!
\q2 Cuz you guys stay do bad kine stuff, az why!
\q
\v 3 You guys kill peopo an dey bleed an mahke,
\q2 Jalike yoa hands stay dirty wit blood.
\q You do all kine stuff dat need punish,
\q2 An jalike yoa fingas get dirt all ova um
\q2 From tings you wen do dat need punish.
\q You guys talk all bulai kine tings wit yoa mout.
\q2 You guys ony talk bout tings dass not right.
\q
\v 4 No mo nobody fo tell peopo
\q2 Dey betta do da right ting.
\q Wen peopo talk in front da judge,
\q2 Nobody tell um da truth.
\q Dey tink az good,
\q2 Fo tell stuff dat no mean notting,
\q2 An talk bout wase time kine stuff,
\q An make trouble,
\q2 An cuz a dat, bad kine stuff happen.
\q Jalike one wahine come hapai,
\q2 An cuz a dat, she born one bebe.
\q
\v 5 Jalike dey make da egg from da snake come open
\q2 From da kine snake can kill you.
\q2 Dey make web jalike one spider.
\q But anybody go lissen dat kine peopo,
\q2 Jalike dey eat da poison snake egg an mahke.
\q You broke one snake egg,
\q2 Ony make anodda poison snake come out.
\q
\v 6 Da spider webs dey make,
\q2 No good fo make clotheses.
\q2 Nobody can cover demself wit dat.
\q Da kine tings dey do, ony bad kine.
\q2 Dey like fight an hurt peopo.
\q
\v 7 Dey run fas fo do bad kine stuff.
\q2 Dey real quick fo kill peopo
\q2 Dat neva do notting bad.
\q Da ony ting dey tink bout,
\q2 Is how fo do bad kine stuff.
\q Ery place dey go,
\q2 Dey broke up eryting.
\q
\v 8 Dey donno how fo live wit aloha an no fight.
\q2 Da way dey go, dey no mo judge
\q2 Fo show um wass right.
\q Dey pick da mos crooked way fo live.
\q2 Anybody go dea way,
\q2 Dey no goin find out how fo live wit aloha.
\b
\q
\v 9 And dass how come God da Judge no tell
\q2 Dat us guys stay do da right kine tings,
\q2 Cuz us no do um.
\q Us guys still stay far
\q2 From do da right ting erytime.
\q Us like do good tings,
\q2 But jalike we like find light, but ony stay dark.
\q Jalike we like da bright light come,
\q2 But still yet, get ony shadow.
\q
\v 10 We ack jalike guys dat no can see.
\q2 We gotta touch da walls like peopo dat no mo eye.
\q Noon time, we stumble jalike almos dark time.
\q2 Wen we stay wit da strong guys,
\q2 We feel like da mahke guys.
\q
\v 11 All us guys make sad kine noise jalike da bear.
\q2 We sound sad jalike da dove.
\q We stay wait fo God da Judge tell
\q2 Dat us guys do da right kine ting,
\q2 But he no tell notting.
\q We stay wait fo somebody get us outa trouble,
\q2 But dey too far away from wea us guys stay.
\b
\q
\v 12 Yahweh, da way you see um,
\q2 Plenny time us guys go agains you.
\q An all da bad kine stuff us wen do,
\q2 Dat stay agains us in front da judge.
\q Cuz us guys stay go agains you,
\q2 An da blame fo dat, stay wit us foeva.
\q An us know awready, az true
\q2 Dat da tings us wen do, gotta need punish.
\q
\v 13 We go agains Yahweh,
\q2 An show he no can trus us guys.
\q We no follow oua God
\q2 An turn away from him.
\q We tell peopo az okay
\q2 Fo make any kine to odda peopo
\q2 An go agains odda peopo.
\q We tink how fo bulai peopo,
\q2 An teach odda peopo how fo do da same ting.
\q
\v 14 Oua peopo no let da judges tell
\q2 Who gotta get punish.
\q Anybody like tell
\q2 Bout wass right an wass wrong,
\q2 Dey make um stay far.
\q Anybody like tell da truth,
\q2 Dey goin fall down on top da street.
\q Anybody like do wass right,
\q2 Dey no can even come inside oua town.
\q
\v 15 No mo nobody dea tell da trut.
\q2 Whoeva like stop doing bad kine stuff,
\q2 Peopo go rip dem off.
\b
\q Yahweh see all da bad stuff dat stay happen,
\q2 An he no feel good bout dat,
\q Cuz no mo nobody dea
\q2 Stay judge da right way.
\q
\v 16 Yahweh, he see dat no mo nobody
\q2 Stay go agains da bad kine stuff.
\q He no can believe, no mo nobody
\q2 Even pray fo his peopo!
\q Dass why he do um himself
\q2 An use his own powa
\q2 Fo get his peopo outa trouble.
\q Cuz he do da right ting erytime,
\q2 He no need nobody fo help him.
\q
\v 17 Fo make ready fo fight,
\q2 Yahweh put on his body armor.
\q Az how come nobody can hurt him.
\q2 Dat mean, he stay do da right ting erytime.
\q He put on his helmet.
\q2 Dat mean, he know how
\q2 Fo get his peopo outa trouble.
\q Da shirt he put ova da body armor,
\q2 Az jalike fo show da bad guys
\q2 How he goin pay um back
\q2 Fo eryting dey wen do.
\q Da fancy kine robe he wear,
\q2 Az jalike fo show
\q2 Dat he goin go all out fo do all dis.
\q
\v 18 He goin pay dem back
\q2 Same same jalike dey wen do:
\q Huhu fo da guys dat hate him,
\q2 An payback fo da guys dat stay agains him,
\q2 Even fo da peopo on top da far islands!
\q
\v 19 Da peopo from da wes side,
\q2 Dey goin get respeck fo Yahweh
\q2 Wen dey find out wat kine god him.
\q From da eas side, wea da sun come up,
\q2 Dey goin get respeck fo him
\q2 Wen dey see how awesome he stay.
\q Wen Yahweh come,
\q2 Goin come jalike one flood inside one small gulch,
\q An wit one strong wind from Yahweh
\q2 Dat goin make um move fas.
\b
\q
\v 20 Yahweh tell: “Da One dat goin pay da price
\q2 So dat his peopo no stay slaves no moa,
\q He goin come Jerusalem side,
\q2 Fo help da Mount Zion peopo,
\q Fo help da Jacob peopo
\q2 Dat befo time go agains God,
\q But dey stay sorry now
\q2 Cuz dey wen go agains him.”
\m Dass one spesho message from Yahweh.
\b
\q
\v 21 Yahweh tell: “Dis, da deal I make
\q2 Fo da peopo dat stay my side.
\q My Spirit stay in charge a you guys,
\q2 An da tings I give you guys fo tell --
\q2 All dat no goin go way from you guys.
\q You goin tell um erytime.
\q2 An yoa kids goin tell um erytime.
\q An dea kids goin tell um erytime
\q2 From now an foeva.”
\m Dass wat Yahweh tell.
\c 60
\s God An His Peopo Stay Awesome
\q
\v 1 Yahweh tell: “You Jerusalem peopo,
\q2 Stand up! Shine jalike one light!
\q Cuz now, you get light from me, Yahweh.
\q2 I stay awesome,
\q2 An I jalike da bright light
\q Dat make you peopo come awesome too,
\q2 Jalike wen da sun come up an make light fo you.
\q
\v 2 Look! All ova da world, stay dark,
\q2 Jalike da dark cloud stay cova all da diffren peopos.
\q But Me, Yahweh, I da One bring da light fo you guys.
\q2 Wen peopo see how awesome you guys stay,
\q2 Dey goin know az me, God, make you awesome lidat.
\q
\v 3 Da peopos from plenny country
\q2 Goin come by you guys fo see da light you get.
\q King guys goin come fo see da light too,
\q2 Cuz stay bright,
\q2 Jalike da sun come up fo you.
\b
\q
\v 4 “Look up! Look all aroun you guys.
\q2 See all da peopo come togedda an come by you guys.
\q Yoa boys come from far away.
\q2 Peopo bring back yoa girls too.
\q
\v 5 Wen you guys see all dat,
\q2 You goin smile plenny!
\q You goin stay shaking cuz you feel real good inside,
\q2 An yoa heart goin beat mo fast.
\q All da kine stuffs da trader guys bring
\q2 From da odda side da ocean,
\q2 Goin go fo you, an not fo odda peopo.
\q An rich kine stuffs goin come fo you guys
\q2 From all da diffren peopos.
\q
\v 6 Goin get real plenny camels all ova yoa land.
\q2 Young camels from da Midian an Efah peopos,
\q Dey all goin come from Yemen
\q2 An bring gold an incense,
\q2 Fo tell erybody dat Yahweh stay good.
\q
\v 7 All da sheeps from Kedar goin come togedda fo you guys.
\q2 Da goats from Nebaiot goin be wat you guys need
\q Fo make good kine sacrifice on top my altar.
\q2 An I goin make my awesome temple mo nice still yet.
\b
\q
\v 8 “Wat dese tings dat look like dey fly jalike da clouds?
\q2 Jalike da doves dat stay fly to da puka in dea house?
\q
\v 9 Dey big boats wit sail,
\q2 Cuz me, Yahweh, I da One
\q2 Da peopo in da far islands stay wait fo.
\q Da big boats from Spain come firs
\q2 Fo bring yoa boys from far away place
\q2 Wit da silva an gold dey get.
\q Dey come, cuz dey know
\q2 Wat kine god me, yoa God Yahweh,
\q Da Good An Spesho God fo da Israel peopo,
\q2 An I da One make you guys awesome.
\b
\q
\v 10 “Peopo from odda place goin come fix yoa town walls.
\q2 Dea kings goin help you guys too.
\q Befo time, I wen stay huhu with you guys
\q2 An wack you guys,
\q But now, I like do good tings fo you guys
\q2 An show you pity an love.
\q
\v 11 Yoa town gates goin stay open all da time.
\q2 Day time o nite time, dey no goin stay shut um,
\q So peopo can bring rich kine stuffs fo you guys
\q2 From all da diffren peopos, thru da gates.
\q Wen dea king guys come by yoa town,
\q2 You guys goin make parade fo bring um inside.
\q
\v 12 Cuz da king o country dat no help you guys,
\q2 Da peopo goin mahke
\q2 An da country goin get wipe out.
\b
\q
\v 13 “All da awesome stuff from Lebanon side
\q2 Goin come by you guys.
\q Wood from da tall pine tree,
\q2 Da short pine tree, da cypress tree,
\q2 All dis goin make
\q2 Da place dat stay spesho fo me, awesome.
\q
\v 14 Get peopo befo time
\q2 Dat wen make any kine to you guys,
\q Dea kids goin come by you guys
\q2 An go down in front you guys.
\q Erybody dat wen ack like dey tink you no good,
\q2 Dey goin go down on top da groun by yoa feets.
\q Dey goin call yoa town, ‘Yahweh Town,
\q2 Zion Town,
\q Da Town Fo Da One
\q2 Dat Stay Good An Spesho fo da Israel peopo.’
\b
\q
\v 15 “Befo time, peopo wen go way from you guys,
\q2 An hate you guys,
\q2 An nobody go pass thru yoa land.
\q But now, I goin make you guys come
\q2 Da ones dat erybody tell, ‘You da greates!’
\q2 An dey goin stay feel good inside
\q2 Bout you guys all da time.
\q
\v 16 Da peopo from odda countries an dea king guys
\q2 Goin make you guys come strong,
\q Jalike one mudda nurse her bebe
\q2 Fo make um come strong.
\q An you guys goin know dat me, Yahweh,
\q2 I da One dat get you guys outa trouble.
\q I da One dat pay da price
\q2 So you guys no come slaves no moa.
\q2 I da Strong One fo da Jacob peopo.
\q
\v 17 I goin bring you guys gold an not bronze.
\q2 I goin bring you guys silva an not iron.
\q I goin bring you guys bronze an not wood.
\q2 I goin bring you guys iron an not stones.
\q Eryting goin come good fo you guys,
\q2 An dass da kine govmen I goin give you.
\q Peopo goin do wass right erytime,
\q2 An dass wat goin make you guys like do yoa work.
\q
\v 18 No goin get noise inside yoa land no moa
\q2 From peopo hurting each odda.
\q Nobody goin wipe out stuff
\q2 O broke up stuff inside yoa land.
\q But wen you guys build one town wall,
\q2 You goin give um da name
\q2 ‘God get us outa trouble.’
\q An wen you guys put up one town gate,
\q2 You goin give um da name
\q2 ‘Yahweh stay good.’
\q
\v 19 You guys no goin get da sun fo light day time.
\q2 Da moon no goin shine fo make um bright fo you guys.
\q Me, Yahweh, I goin be da light fo you guys all da time.
\q2 I yoa God, an I goin make awesome kine fo you guys.
\q
\v 20 Da sun no goin go down fo you guys no moa.
\q2 Da moon no goin go dark fo you guys no moa.
\q Me, Yahweh, I goin come da light fo you guys all da time.
\q2 An you guys no goin come sad no moa.
\b
\q
\v 21 “Dat time, all yoa peopo goin do da right tings.
\q2 Dey goin own da land all da time,
\q Jalike I plant one young plant
\q2 An put um dea.
\q I do all dat myself
\q2 So peopo goin see dat I awesome.
\q
\v 22 Da mos litto bit peopo goin come tousand peopo.
\q2 Da mos small ohana goin come one strong country.
\q Me, I Yahweh!
\q2 Wen da right time come,
\q2 I goin make um happen, right den!”
\c 61
\s Da Year Yahweh Make Good To Da Peopo
\r (Matthew 11:5; Luke 4:18-19, 7:22)
\p
\q
\v 1 Da Spirit from my Boss Yahweh stay in charge me,
\q2 Cuz Yahweh wen put oil on top my head
\q2 Fo show he wen pick me.
\q He send me fo tell good kine stuff
\q2 To da peopo dat odda peopo tink not importan,
\q An fo help da peopo dat feel all bum out
\q2 So dey can feel good inside one mo time,
\q Fo tell da ones da army guys wen take to dea own country,
\q2 Dey can go home now,
\q An fo tell all da prisona guys,
\q2 Da jail stay open now, so dey can go.
\q
\v 2 Fo tell, “Dis, da year Yahweh goin make good to his peopo,
\q2 An dis da time oua God goin pay back da bad guys.”
\q He send me fo give good kine words
\q2 To erybody dat stay sore inside.
\q
\v 3 Yahweh send me fo help da peopo Mount Zion side
\q2 Dat stay sore inside.
\q He tell me fo give dem
\q2 One nice head lei fo put on top dea head,
\q2 An take away da ashes.
\q An make dem stay feel good inside wit perfume
\q2 So dey no stay sore inside no moa.
\q He send me fo give um one nice robe fo wear
\q2 Dat make erybody like tell, “Yahweh da greates!”
\q2 So dea spirit no feel like dey lose fight no moa.
\q Dey goin show dat Yahweh make dem come right wit him,
\q2 Jalike dey strong oak trees dat Yahweh plant
\q2 Fo show how awesome he stay.
\q
\v 4 Dey goin build da ol broke down buildings again
\q2 An make um come jalike dey new.
\q Dey goin build da broke down towns an make um new,
\q2 No matta dey stay broke from dea ancesta guys time.
\
\q
\v 5 Peopo you donno goin come
\q2 Help take care yoa sheeps,
\q An peopo from odda place
\q2 Goin be da farma guys
\q2 Inside yoa fields an grape farms.
\q
\v 6 But you guys, peopo goin call you
\q2 “Prieses fo Yahweh.”
\q Dey goin call you guys
\q2 “Helpa guys fo oua God.”
\q You guys goin get plenny food
\q2 From da odda countries,
\q An talk big cuz da awesome tings dey get,
\q2 You goin get too.
\q
\v 7 Befo time, you guys feel shame.
\q2 Bumbye, you goin get two time da stuffs you get befo time.
\q Befo time, nobody respeck you guys.
\q2 Bumbye, yoa peopo goin yell cuz dey feel good inside.
\q So, yoa peopo goin own two time da land,
\q2 An dey goin dance an sing all da time
\q2 Cuz dey feel good inside.
\b
\q
\v 8 Cuz me, Yahweh, Wen peopo judge da right way
\q2 Dat make me feel good inside!
\q Wen peopo steal stuff cuz dey bad,
\q2 I no like dat.
\q Dey can trus me fo do wat I say I goin do.
\q2 I goin give dem wat dey wen work fo,
\q2 An make one deal wit dem dat stay foeva.
\q
\v 9 Da peopos in da diffren countries
\q2 Goin know who da ones dat come from my peopo.
\q Erybody dat see dem goin tell
\q2 Dat dey da ohana
\q2 Dat Yahweh do good tings fo dem.”
\b
\q
\v 10 I stay feel plenny good inside cuz a Yahweh.
\q2 Eryting inside me feel good cuz a my God.
\q Cuz jalike he give me clotheses fo wear
\q2 Dat show he da One get me outa trouble,
\q An jalike he give me one nice robe
\q2 Fo show I get um right wit him.
\q I feel jalike one guy dat goin get married
\q2 An wear one fancy hat jalike da pries guys,
\q An I feel jalike da lady dat goin marry too,
\q2 An wear all kine jewel!
\q
\v 11 Cuz jalike da groun make da plants come up,
\q2 An da garden make da seeds grow,
\q Dass how my Boss Yahweh
\q2 Goin make peopo get um right wit him
\q An tell good tings bout him
\q2 In front da peopos from all da diffren countries!
\c 62
\s God's Peopo Get One New Name
\r (Matthew 21:5; John 12:15)
\q
\v 1 Fo help God's peopo on top Mount Zion,
\q2 I no goin hold back an no talk!
\q Fo help da Jerusalem peopo,
\q2 I no goin stay quiet,
\q Till erybody can see,
\q2 Dat God's peopo get um right wit him,
\q2 Jalike wen da sun come up morning time,
\q An erybody can see
\q2 Dat God get his peopo outa trouble,
\q2 Jalike one torch dat stay burn nite time,
\q
\v 2 Da peopo in all da countries goin see
\q2 All da right kine tings you guys stay do.
\q All da kings goin see
\q2 Dat you guys stay awesome.
\q You guys goin get one new name.
\q2 Yahweh goin give um to you guys.
\q
\v 3 You guys goin be jalike one nice looking lei
\q2 Dat Yahweh get in his hand.
\q Jalike da kine head cloth da king guys wear
\q2 Dat God hold in his hand.
\q
\v 4 Nobody goin tell you guys no moa
\q2 Dat yoa God wen leave you guys.
\q Nobody goin tell
\q2 Dat no mo notting inside yoa land,
\q2 An nobody can live ova dea.
\q But wen dey tink bout you guys, dey goin tell
\q2 Dat God stay feel good inside bout you guys.
\q An wen dey tink bout yoa land, dey goin tell
\q2 Dat God stay come jalike yoa husban.
\q
\v 5 Jalike one young guy take one wahine fo come his wife,
\q2 You Jerusalem guys goin take Jerusalem town.
\q Jalike da young guy feel good inside bout his bride,
\q2 Yoa God goin stay feel good inside bout you guys.
\b
\q
\v 6 Eh you Jerusalem peopo!
\q2 I stay put guys on top yoa walls fo watch.
\q Day time an nite time,
\q2 Dey no goin stay quiet.
\q You guys dat stay pray to Yahweh
\q2 Fo no foget wat he wen promise fo do,
\q2 No res o go sleep.
\q
\v 7 No let Yahweh res,
\q2 Till he make Jerusalem solid,
\q2 An make all da peopo on top da earth talk good bout him.
\b
\q
\v 8 Yahweh make dis promise
\q2 Cuz he get da powa fo make um happen:
\q “No moa, I goin eva let
\q2 Da peopo dat stay agains you
\q2 Take away yoa wheat.
\q I no goin eva again let da peopo from odda place
\q2 Drink da new wine you guys wen work hard fo make.
\q
\v 9 But da guys dat cut da wheat,
\q2 Dey da ones goin eat um
\q2 An tell good stuff bout Yahweh.
\q An da guys dat cut da grapes,
\q2 Dey da ones goin drink da wine
\q Inside da Temple Yard
\q2 Dat Stay Spesho Fo Me.”
\b
\q
\v 10 Go, pass thru da town gates.
\q2 Make one place so my peopo can come back!
\q Build up da big road.
\q2 Take away da stones.
\q Hold up one flag
\q2 So da diffren peopos know wea fo go!
\v 11 Yahweh tell da peopo all ova da world fo lissen:
\q2 “Tell my Jerusalem peopo from Mount Zion,
\q ‘Look! da One goin get you guys outa trouble,
\q2 He stay come!
\q Look! He stay bring wit him
\q2 Da ones he wen get outa trouble!’-”
\q
\v 12 Dose peopo he goin bring,
\q2 Odda peopo goin call dem
\q2 ‘Da Peopo Dat Stay Spesho Fo Yahweh,
\q Da Peopo Dat Yahweh Pay Da Price
\q2 Fo Get Um Outa Trouble.’
\q An peopo goin call Jerusalem,
\q2 ‘Da Town Yahweh Wen Look Fo,
\q2 Da Town Yahweh No Goin Leave.’-”
\c 63
\s God Goin Pay Back Da Bad Guys An Get Da Peopo Outa Trouble
\p
\v 1 Da watcha guy tell:
\q “Eh! Who dat guy coming from da Edom land,
\q2 From dea main town Bozrah?
\q2 His clotheses, get all red on top!
\q Who dis awesome looking guy,
\q2 He stay wear real nice clotheses?
\q2 He march strait, an he plenny strong!
\b
\q He tell, ‘Me, I da One get da right fo talk,
\q2 Cuz I do wass right!
\q2 I get plenny powa fo get peopo outa trouble!’
\b
\q
\v 2 “How come da clothes you stay wear, all red?
\q2 Look jalike da guys dat smash da grapes wit dea feets fo make wine!
\b
\q
\v 3 He tell: “I no smash grapes.
\q2 I smash diffren peopos!
\q No mo nobody from dose peopos help me.
\q2 Ony me!
\q I smash dem cuz I stay huhu wit dem.
\q2 I so plenny huhu,
\q2 Dat I walk all ova dea bodies.
\q Dea blood shoot out all ova on top my clotheses
\q2 Jalike juice from da grape, an stain eryting.
\q
\v 4 Cuz I wen tink plenny,
\q2 Dis, da right time fo me pay back dose peopo
\q2 Cuz dey wen hurt my peopo.
\q An da time stay now, fo do wat I gotta do
\q2 Fo get my peopo outa trouble.
\q
\v 5 I look real hard,
\q2 But no mo nobody dea fo help me.
\q2 Bum me out, dat nobody dea kokua me.
\q So I use my own powa fo do wat I gotta do.
\q2 I stay huhu, an dass wat wen kokua me.
\q
\v 6 I walk all ova da diffren peopos
\q2 Jalike dey da grapes, cuz I stay huhu.
\q I make dem come drunk, cuz I stay huhu still yet,
\q2 An pour dea blood all ova da groun.”
\s Tell Good Stuff Bout Yahweh An Pray To Him
\q
\v 7 I goin make shua nobody foget,
\q2 An tell all dat Yahweh do
\q2 Cuz he stay tight wit us guys,
\q An all da good tings us guys can tell bout Yahweh
\q2 Cuz he do good tings fo us guys.
\q He give us Israel ohana peopo
\q2 Plenny good kine stuffs.
\q He show love an pity fo us guys,
\q2 An he stay tight wit us guys all da time.
\q
\v 8 He tell, “Fo shua, da Israel ohana,
\q2 Dey my peopo.
\q Dey my kids,
\q2 An dey no goin go agains me.”
\q Az why Yahweh da One
\q2 Fo get his peopo outa trouble.
\q
\v 9 Erytime his peopo suffa, he suffa too.
\q2 He stay right dea wit dem,
\q Jalike he one angel messenja guy
\q2 Fo get dem outa trouble.
\q He pay da price fo get um outa trouble,
\q2 Cuz he get love an aloha fo dem
\q2 An he pity dem.
\q Jalike from long time ago
\q2 He stay pick dem up an carry um all da time.
\q
\v 10 But his peopo, still yet dey go agains him,
\q2 An make his Good An Spesho Spirit stay sore inside.
\q So he turn away from dem.
\q2 An he fight dem.
\b
\q
\v 11 Den his peopo rememba
\q2 Long time ago, wit Moses an his peopo.
\q Dey tinking, “Wea da One
\q2 Wen take Moses an da peopo thru da Red Sea,
\q Da time Moses an his ohana
\q2 Stay jalike sheep farmas
\q2 Dat stay take care da peopo ova dea?!
\q Wea da One wen put his Good An Spesho Spirit
\q2 Right dea wit all da peopo?!
\q
\v 12 Wea da One dat wen use his awesome powa
\q2 Fo go wit Moses fo help him?!
\q Yahweh wen go open da watta on da two side
\q2 So da peopo can go walk thru,
\q2 Strait thru da middo.
\q An dass how Yahweh make erybody know
\q2 Wat kine God him, foeva!
\q
\v 13 Who wen lead da peopo
\q2 Thru da deep open place on da ocean bottom?!
\q Da peopo no fall down dea,
\q2 Jalike one horse go fas thru da boonies
\q2 An dey no fall down,
\v 14 An jalike cows dat can go easy down inside one valley.
\q2 Da Spirit from Yahweh make da peopo res.”
\p Den me, Isaiah, I pray to Yahweh:
\q “Az how was, da time you wen lead yoa peopo,
\q2 An you make erybody know
\q2 Wat awesome kine God you!
\q
\v 15 Yahweh! Look down from da sky
\q2 From da place you live up dea,
\q2 Yoa Good An Spesho Place,
\q2 Dat show how awesome you stay!
\q Look down, fo see wat stay happen!
\q2 Befo time, you wen go all out fo us guys,
\q2 But now, you no care.
\q Befo time, you wen use yoa powa fo help us guys,
\q2 But now, you no do notting.
\q You wen feel plenny love an pity fo me befo time,
\q2 But now, you stay hold back from me!
\q
\v 16 But you, you oua Fadda!
\q2 Cuz no matta Abraham an Israel
\q2 Dey donno notting bout us guys,
\q You Yahweh, you our Fadda!
\q2 You da One wen pay da price
\q2 Fo get us guys outa trouble from befo time.
\q Cuz dass wat kine god you,
\q2 An dass yoa name, Get Us Outa Trouble!
\q
\v 17 Eh Yahweh! How come you let us guys
\q2 Go holoholo an leave yoa ways?!
\q How come you let us guys come hard head
\q2 So we no mo respeck fo you?!
\q Come back by us,
\q2 Cuz us yoa worka guys,
\q2 Oua ohanas, dey yoa ohanas!
\q
\v 18 Ony litto wile, befo time,
\q2 Da peopo dat stay spesho fo you
\q2 Wen own da land.
\q But now, da peopo dat stay make trouble fo us guys,
\q2 Da Temple Dat Stay Spesho Fo You,
\q Dey walk all ova an broke um down,
\q2 An make um so nobody can use um.
\q
\v 19 From long time, us guys stay yoa peopo.
\q2 But da ones dat stay agains us,
\q You neva was da king fo dem.
\q2 Nobody call dem yoa peopo.
\c 64
\r (1 Corint 2:9)
\q
\v 1 Yahweh, I wen like fo you open da sky
\q2 An come down hea awready!
\q If you wen do dat, da mountains goin shake
\q2 Jalike get earthquake,
\q2 An fall down in front you!
\q2
\v 2 Jalike wen da fire make da dry wood burn
\q2 An make da watta boil,
\q I wen like fo you come down hea awready
\q2 So da peopo dat stay agains you
\q2 Goin know wat kine god you,
\q An da diffren peopos
\q2 Goin come scared an shaking in front you.
\q
\v 3 Befo time you wen do scary kine stuff
\q2 Dat us guys neva tink you goin do um.
\q You wen come down,
\q2 An da mountains shake jalike get earthquake
\q2 An fall down in front you,
\q
\v 4 From da time eryting start,
\q2 Nobody eva hear o see
\q Any odda god dat can do awesome stuff
\q2 Fo da peopo dat stay wait fo him.
\q2 You da ony God can make lidat.
\q
\v 5 You come fo help da peopo dat do da right ting
\q2 An stay good inside cuz a dat,
\q2 An rememba how you make.
\q But fo shua, wen us still do bad kine stuff,
\q2 You wen stay huhu!
\q So, us gotta do how you like us make
\q2 An do um all da time!
\q2 Dass da ony way us goin get outa trouble!
\q
\v 6 All us guys wen come
\q2 Jalike somebody dat do pilau kine stuff
\q2 An no can come in front you, Yahweh, cuz a dat.
\q All da tings we do fo show we stay do da right ting,
\q2 Jalike stink an dirty kine rags.
\q We all lose fight, jalike one dry up leaf.
\q2 An da bad kine stuff we do, wipe us out
\q2 Jalike da wind wen blow away da leaf.
\q
\v 7 No mo nobody know wat kine god you,
\q2 So nobody call you fo help um.
\q2 No mo nobody try fo go hang in dea wit you,
\q2 Cuz you no like even look at us guys.
\q You make us lose fight,
\q2 So da bad kine stuff we do, take ova us.
\b
\q
\v 8 Still yet, Yahweh, you oua Fadda.
\q2 Us, jalike da clay.
\q You, da guy dat make us guys come jalike clay pots.
\q2 All us guys, you wen make us.
\q
\v 9 Eh Yahweh, no stay mo huhu wit us guys,
\q2 Mo den us can handle!
\q2 No rememba foeva, da bad kine stuff we wen do.
\q2 Look at us, cuz all us guys, yoa peopo.
\q
\v 10 Da towns dat stay spesho fo you,
\q2 Now no mo notting dea.
\q Even on top Mount Zion, no mo notting!
\q2 Yoa main town, Jerusalem,
\q2 Stay all bus up!
\q
\v 11 Our awesome Temple, dat stay spesho fo you,
\q2 Wea our ancesta guys wen tell
\q2 Dat you da greates,
\q Dat all burn down.
\q2 All da nice tings we wen get,
\q2 All one pile a junk now.
\q
\v 12 So, Yahweh, afta all dis tings happen,
\q2 You still yet goin hold back, o wat?!
\q You still yet no goin talk notting, o wat?!
\q2 You still goin make us guys get presha
\q2 Mo den we can handle, o wat?!
\c 65
\s God Da Judge Get Us Outa Trouble
\r (Rome 10:20-21; 2 Peter 3:13)
\q
\v 1 “I wen let da peopo aks me stuff
\q2 Dat neva aks fo me.
\q Da peopo dat neva go look fo me,
\q2 I wen let um find me.
\q Dose peopo dat nobody call ‘Yahweh peopo,’
\q2 I tell dem, ‘I stay hea! I stay hea!’
\b
\q
\v 2 “All day, I put out my hand
\q2 To da peopo dat stay go agains me.
\q Dey do stuff dass no good.
\q2 Dey like do dea own ting,
\q2 An dass wat dey goin do.
\q
\v 3 Dose guys, one peopo dat try
\q2 Fo make me come sore inside erytime.
\q Dey make sacrifice to da idol kine gods inside dea gardens.
\q2 Dey burn incense fo um on top dea altars dey make from brick.
\q
\v 4 Nite time, dey sit inside da grave yard.
\q2 Dey stay all nite inside da secret places.
\q Dey eat da pig meat dat stay kapu,
\q2 An make stew outa odda kine kapu meat
\q2 Dat make dem no can pray.
\q
\v 5 Dey tell, ‘Yahweh!
\q2 No come nea me, stay ova dea, 
\q Cuz I wen make myself spesho fo my gods,
\q2 An you no stay spesho fo my gods!’
\q Me, Yahweh, dat kine peopo make me mad,
\q2 Jalike smoke inside my nose,
\q2 Jalike one fire dat stay burn all day.
\b
\q
\v 6 “Look! Wat dey do, stay write in front me!
\q2 I no goin stay quiet bout wat dey do.
\q2 No, I goin pay dem back fo eryting!
\q I goin pay um back plenny,
\q2
\v 7 Cuz a da bad kine stuff
\q2 Dey an dea ancesta guys wen do.”
\m Dass wat Yahweh tell.
\b
\q “Cuz dis peopo wen burn incense on top da mountains
\q2 Fo dea idol kine gods,
\q2 An make me shame on top da hills,
\q I goin measure dem
\q2 Fo all da tings dey wen do befo time,
\q2 An pay um back plenny fo all dat!”
\b
\q
\v 8 Dis wat Yahweh tell:
\q2 “Jalike wen somebody find one bunch grape
\q An still get juice inside,
\q2 An da odda bunches no mo,
\q Some guys tell, ‘No throw out dis bunch,
\q2 Cuz some good kine still yet!’
\q Az how I goin make fo help my worka guys.
\q2 I goin hold back an no wipe out all dem.
\q
\v 9 I goin make da Jacob ohana get mo plenny kids.
\q2 I goin make one guy from da Judah ohana
\q Own my mountains,
\q2 Cuz he wen get um from his ancesta guys.
\q Da peopo I pick goin own da mountains
\q2 Dat come from dea ancesta guys.
\q My worka guys goin go dea
\q2 Fo live.
\q
\v 10 Fo my peopo dat come fo aks me someting,
\q2 Da Sharon plain goin come one place
\q2 Wea da sheeps an goats goin get plenny grass.
\q Da Akor Valley, wea get big trouble befo time,
\q2 Goin come one place wea plenny cows goin res.
\b
\q
\v 11 “But you guys, you go way from me, Yahweh!
\q2 You foget fo pray
\q2 On top da mountain dat stay spesho fo me!
\q You guys put up one table fo da Good Luck god,
\q2 An you pour wine wit spice
\q2 In front da god fo wass goin happen bumbye!
\q
\v 12 I tell you guys wass goin happen bumbye!
\q2 All you guys goin go down on yoa knees,
\q An da army guys dat kill da prisonas wit dea sword
\q2 Goin kill you guys da same way!
\q Cuz I wen yell to you guys, but you neva answa.
\q2 I wen talk, but you guys neva lissen.
\q You guys wen do wass bad,
\q2 Da way I see um.
\q An you guys wen pick da kine stuff
\q2 Dat I no like you do, an you still do um.”
\b
\m
\v 13 Az why my Boss Yahweh tell dis:
\q “You know wat?
\q2 My worka guys goin eat,
\q2 But you guys goin stay hungry.
\q My worka guys goin drink,
\q2 But you guys goin stay thirsty.
\q My worka guys goin stay good inside an dance an sing,
\q2 But you guys goin come shame.
\q
\v 14 My worka guys goin yell plenny,
\q2 Cuz dey stay good inside dea heart,
\q But you guys goin cry plenny,
\q2 Cuz you stay sore inside yoa heart,
\q An moan, cuz inside, you donno wat fo do.
\q
\v 15 Da Israel peopo I goin pick,
\q2 Da ony time dey goin use you odda Israel guys name
\q2 Goin be fo put kahuna on top somebody.
\q But me, Yahweh da Boss, I goin kill you odda Israel guys,
\q2 An give one diffren name fo my worka guys.
\q
\v 16 Cuz a dat, whoeva in dis land aks God
\q2 Fo do good tings fo dem,
\q2 Dey goin aks me, da God You Can Trus, fo do um.
\q Whoeva in dis land make one serious kine promise,
\q2 Dey goin aks me, da God You Can Trus,
\q2 Fo make shua dey do wat dey promise.
\q Cuz now, I goin foget all da trouble
\q2 Dat wen come befo time.
\q2 I hide dat awready an no see um.”
\s Da New Sky An Da New Earth
\p
\q
\v 17 “Look! I making new sky an new earth.
\q2 Nobody goin rememba da stuff dat wen happen befo time.
\q2 Nobody goin even tink bout dat.
\q
\v 18 So now, stay good inside all da time,
\q2 Wen you tink bout wat I making!
\q Cuz I making Jerusalem, da kine place
\q2 Dat make you stay good inside wen you dea.
\q2 An I making da Jerusalem peopo, da kine peopo
\q2 Dat make you like dance an sing wen you wit dem.
\q
\v 19 I goin stay good inside 
\q2 Wen I tink bout Jerusalem!
\q I goin feel real good bout my peopo!
\q2 Nobody dea goin feel sad, o get presha.
\q2 Az why dey no goin cry no moa.
\q
\v 20 No goin get bebe dea
\q2 Dat stay alive ony litto bit days.
\q2 No goin get peopo dat no live long time.
\q Peopo dat mahke wen dey make hundred year,
\q2 Odda peopo goin tink dey young.
\q Peopo dat no live hundred year,
\q2 Odda peopo goin tink somebody put kahuna on dem. 
\q
\v 21 Peopo goin build house an live inside um.
\q2 Dey goin plant grape plants an eat da grapes.
\q
\v 22 Not like befo time,
\q2 Wen you build house,
\q2 Odda peopo take um away an live inside um.
\q O you plant stuff,
\q2 Odda peopo take um away an eat um.
\q2 Dass how was!
\q Jalike one tree can live long time,
\q2 My peopo can live long time too.
\q All da stuff da peopo I pick make wit dea hands,
\q2 Dey goin use um, long time.
\q
\v 23 Dey no goin work hard fo notting.
\q2 Dey no goin born kids an bad kine stuff happen to da kids.
\q Cuz me, Yahweh, I do plenny good kine stuff fo da peopo
\q2 An fo dea kids an all da oddas dat goin come from dem.
\q
\v 24 Befo dey yell fo help,
\q2 I help um.
\q Wen dey still talking,
\q2 I hear awready.
\q
\v 25 Da wolf an da bebe sheep goin eat togedda.
\q2 Da lion goin eat grass jalike da cow.
\q But dirt still goin be da snake food.
\q2 Dey no goin hurt o wipe out each odda
\q On all da mountain dat stay spesho fo me.”
\m Dass wat Yahweh tell.
\c 66
\s Da Judge Help Da Peopo Dat Trus Him An Wait Fo Him
\r (Matthew 5:34-35; Mark 9:48; John 16:22; Jesus Guys 7:49-50; 2 Thessalonika 1:8; 2 Peter 3:13)
\m

\v 1 Dis wat Yahweh tell:
\q “Da sky, jalike one throne wea I sit down.
\q2 Da earth, jalike one stool wea I put my feets on top.
\q Wea da house you guys goin build fo me?
\q2 Wea I goin res?
\q
\v 2 You guys know dat I wen make
\q2 Eryting dat get, da sky an da eart, yeah?
\q2 Az how come dey stay hea.”
\m Yahweh da One tell dat.
\b
\q “I tell you, wat kine guys
\q2 I like lissen to!
\q Da kine guys dat get plenny trouble
\q2 An no can handle,
\q An dey stay all bus up inside,
\q2 An stay scared an shaking
\q2 Wen dey hear wat I tell.
\q
\v 3 But da odda kine guys,
\q2 Dey do dea own tings fo do,
\q An feel real good inside
\q2 Wen dey doing dat kine pilau stuff.
\q Wit dem, wen dey kill one cow fo make sacrifice,
\q2 Az bad, cuz az jalike dey wen kill one guy.
\q Wen dey kill one bebe sheep fo make sacrifice,
\q2 Az bad, cuz az jalike dey wen broke one dog neck.
\q Wen dey give one wheat offering,
\q2 Az bad, cuz az jalike dey wen give pig blood fo sacrifice.
\q Wen dey burn incense fo God rememba dem,
\q2 Az bad, cuz az jalike dey stay talk good bout dea idol kine god.
\q
\v 4 So den me too,
\q2 I goin do my own way an punish dem!
\q I goin make tings happen to dem
\q2 Dat dey stay scared awready goin happen.
\q I goin do all dat,
\q2 Cuz wen I wen call dem,
\q2 No mo nobody dea fo answa me.
\q2 An wen I wen talk to dem,
\q2 No mo nobody lissen.
\q Dey do stuff dass bad, da way I see um.
\q2 Dey pick da kine stuff fo do,
\q2 Dat I no like!”
\b
\q
\v 5 You guys dat stay scared an shaking wen Yahweh talk,
\q2 Lissen to wat he tell:
\q2 “Da odda Israel guys dat hate you guys,
\q Dey no let you guys stay wit dem
\q2 Cuz you know wat kine god me.
\q Dey make fun a you guys, an tell,
\q2 ‘Good, you show respeck fo Yahweh!
\q2 We like see you guys stay good inside!’
\q2 But dey da ones goin come shame!”
\q
\v 6 Lissen! Get plenny noise from da town,
\q2 An from da temple.
\q Az da noise Yahweh stay make
\q2 Wen he pay back da guys dat stay agains him!
\p
\q
\v 7 “Da ting dat goin happen fo Jerusalem town,
\q2 Goin be jalike one wahine dat goin born one bebe,
\q2 Befo she even start fo get labor pain!
\q Even befo da labor pain even come to her,
\q2 She get one boy!
\q
\v 8 Nobody hear dat kine ting befo!
\q2 Nobody see dat kine stuff befo!
\q No can make one whole country in one day!
\q2 No can make one peopo in one minute!
\q But da Jerusalem peopo on top Mount Zion,
\q2 Dey jalike one wahine, her kids ready fo come,
\q2 An she born um quick time.”
\q
\v 9 Yoa God Yahweh tell: “You tink I goin no let dis nation come,
\q2 Jalike fo one wahine start fo born one bebe,
\q2 An no let da bebe come?! No way!
\q I da One make her born um,
\q2 So how come you tink I goin hold her back?! Not even!”
\b
\q
\v 10 All you peopo dat get love an aloha
\q2 Fo da Jerusalem peopo,
\q Dance an sing wit dem
\q2 An stay good inside!
\q Show erybody how you feel good jalike dem,
\q2 No matta befo time you wen stay sore inside.
\q
\v 11 Cuz bumbye, you guys goin be
\q2 Jalike one bebe dat stay nurse at da mudda's breast,
\q An no worry bout notting no moa,
\q2 Cuz get plenny fo drink.”
\b
\m
\v 12 Dis wat Yahweh tell,
\q “You know wat?!
\q2 I goin make eryting come out good fo da Jerusalem peopo,
\q Jalike one big riva
\q2 Wit watta all da time!
\q I goin bring plenny rich kine stuff from plenny countries,
\q2 Jalike wen da watta fill up one stream
\q2 An den go all ova da place!
\q An da Jerusalem peopo goin be
\q2 Jalike da mudda fo all you guys,
\q An you guys jalike one bebe dat stay nurse,
\q2 An da mudda carry um all ova in her arm,
\q2 An bounce um on top her knee.
\q
\v 13 Jalike one mudda help her boy res inside,
\q2 Even afta he grow up an come big,
\q I goin do same ting fo help you guys res inside.
\q2 Wen you guys stay Jerusalem town,
\q2 I goin let you res inside!”
\b
\q
\v 14 Wen you guys see all dis,
\q2 Yoa heart goin feel like stay jump
\q2 Cuz you stay real good inside!
\q An yoa body goin feel real good
\q2 Jalike wen da new grass come up.
\q Da peopo dat work fo Yahweh,
\q2 Dey goin know wat kine power Yahweh get.
\q But da peopo dat stay agains Yahweh,
\q2 Dey goin find out how feel
\q2 Wen he no take wat dey do.
\q
\v 15 Cuz you know wat?!
\q2 Wen Yahweh come, he goin come wit fire!
\q His war wagons goin come
\q2 Jalike one strong wind storm!
\q He goin come fo pay back
\q2 Da peopo he stay real huhu wit.
\q He goin bring da big fire
\q2 Fo tell um stop doing bad kine tings.
\q
\v 16 Yahweh goin use da fire an his sword
\q2 Fo punish all da peopo jalike one judge.
\q2 Yahweh goin wipe out plenny peopo.
\b
\q
\v 17 “Get peopo dat do religious kine stuff
\q2 Fo make demself spesho fo dea idol kine gods,
\q An fo come so dey can go in front dea gods
\q2 Inside da places wit trees wea dey pray.
\q Dey follow one leada guy fo go inside da middo.
\q2 Den dey eat kapu kine stuff togedda,
\q Pig meat an rats.
\q2 An dey all goin mahke togedda.”
\m Az wat Yahweh tell.
\b
\q
\v 18 “But me, I know
\q2 Eryting dey do, an eryting dey tink.
\q I ready fo come
\q2 Fo bring togedda all da diffren peopos
\q2 An all da diffren languages.
\q Wen dey come, dey goin see
\q2 How awesome I stay.
\p
\v 19 “I goin do awesome ting wea my peopo stay. Den I goin send some a da peopo dat still yet stay alive to da odda countries: to Spain, an Libya, an Lydia (wea get plenny guys dat know how fo use da bow an arrow), an Tubal, an Greece. Dey even going to islands dat stay far away, wea da peopo dea neva hear bout me, an neva see how awesome I stay. Dey goin tell da diffren peopos ova dea, how awesome I stay.
\v 20 Da peopo I send, goin bring all yoa brudda guys from all da countries to Jerusalem, da mountain dat stay spesho fo me. Wen all dem come, dat goin be jalike one wheat sacrifice fo tell me, ‘Yahweh, mahalo plenny!’ Dey goin come on top horses, in war wagons an wagons wit top, an on top mules an camels.” Az wat Yahweh tell. “Dey goin bring dem jalike da Israel peopo bring dea wheat in clean baskets fo make sacrifice inside da Temple Fo Yahweh.
\v 21 An I goin take some a da ones dat come, fo be pries guys an helpa guys jalike da Levi ohana.” Az wat Yahweh tell.
\p
\v 22 “Jalike da new sky an da new earth dat I stay ready fo make, goin stay long time in front me, da peopo dat goin come from you guys, goin stay long time, an peopo goin rememba you guys name long time too.
\v 23 All da time, ery new moon time an ery Res Day, all da peopo all ova da world goin come an go down in front me.” Az wat Yahweh tell.
\p
\v 24 “Wen peopo go outside Jerusalem, dey goin see all da mahke bodies a da peopo dat wen go agains me. Da worm dat stay eat dem no goin mahke, an da fire dat burn dem no goin pio. Erybody goin feel pilau wen dey see da bodies.”
\b