23
10 Wi wekaamurun Ni nekarta asanekaprusmataiṉkia kuri unuikma imianú péṉker ajastatjai.
11 Winia nawerka Ni najamkamuri̱n pataasan wekasaitjiai.
Ni jinti̱n wekasan nuya̱ṉka kanakchaitjiai.
12 Ni akupkámu chichame̱ya̱nka peṉké kanakchamjai.
Winia yurumkarja̱i̱ naṉkaamas Ni akupkámu chichame̱nka umikmajai.
13 Tura túrataj tu enentáimias túrakuisha ¿yaki yapajtiuat?
14 Ni wakera nuna wiji̱a̱i̱ túrattawai
núnisaṉ chíkich túrawartinniasha nuja̱i̱ métek túrawartatui.
15 Tuma asamtai Ni íimmianumka wikia kura̱a̱jai.
Aya enentáimsanak wikia Niinkia ashamajai.
16 Winia enentái̱run ukurtúrak Yus jata kakarmachu awajtúrsaiti.
Tura Ashí Tujintkiachu Yusa nu sapijmiamtikrukuiti.
17 ¿Urukamtaik ti kiritniunam aya méṉkakachiaj
tura kiritcha urukamtai winia yapirnasha nukurtukchia?” tímiayi Juup.a