Nekapnastin tsawant akui Yus seatin
Tawit kantamtikiatniun áaruiti. Kame ju̱ kanta uchu neturmaja̱i̱ tuntuiyatniuiti.
6
Uunt Yusá, suir kaje̱ntkam chichartukaiptura kajekmesh asuttiuáwaip.
2 Uunt Yusá, wi jaajna ju̱ waitnentrurta.
Tura winia ukunchrusha micha jakamnia amutna ju̱ tsuárata.
3 Núnisaṉ wi tí kuntuts nekapeajai.
Maa Yusá ju̱sha winiasha ¿urutáik tsuáratam?
4 Uunt Yusá, winia wakaniur aṉkant awajtúrsam
ame waitnenkartutairmiji̱a̱i̱ uwemtikrurta.
5 Warí jákaru ainia nuka Áminkia enentáimturmainiatsui,
jakaa matsamtainmasha ¿yaki Ámin shiir awajtámsat?
6 Winia enentái̱rja̱i̱ṉ uutu asan kakarmachu nekapeajai.
Nu arant tuke kashi ti útkun peakrunka winia nea̱jkirja̱i̱ iniji̱á̱jai.
7 Winia kúntutsruja̱i̱ winia jí̱ruka úu uutu yawe̱kní̱
núnisaṉ winia kajertuinia nuja̱i̱ winia jí̱ruka íi ii ju̱ju̱kní̱.
8 Tí yajauch túrintirmeka wini̱i̱ya̱ṉka kanaktiarum.
Warí Uunt Yus wi útman anturtukai.
9 ¡Uunt Yus wi seamun anturtukai
núnisaṉ wi áujmatmancha anturtukai!
10 Ashí winia nemasur ainia nuka natsa̱a̱rartatui tura sapijin tákeer ajartatui.
Aya aneachmanum niṉkia natsa̱a̱rar ípijiasaṉ waketkiartatui.