Némas nupetkatai tusar anentramu
Kantamtikniu úuntri̱n. Nusha kanta “Chícham Najanamu Ririu” tama Tawit aarma. Mesetan Aram Najaraimja̱i̱ tura Aram Suupaja̱i̱ pujuras Tawit jú̱naka áaruiti. Tura Juapka Wee pakanam 12,000 aentsun Etumnumia̱n nupetkamiayi.
60
Yusá, Ámeka ajapkartuam iiṉkia iniaikiartusam ayamprumakchamnia awajkartusume.Maa kajekúme. ¡Túrunayatmek íini̱ṉ waketkitia!
2 Nuṉkasha ú̱u̱rmamtikiam púj púj nakarume.
Nu sa̱a̱nainiawai jakukmari̱ iwiarkata.
3 Maa tsawant ti itiurchat amé shuarumka iniaktusume.
Tura umarar pemperaktak ajatai winiu iiṉkia áakrattrame.
4 Kame aents Ámin aranturmak wekainia nuka
nekasa nuna ayamprak tarachin takuit tusam súsaitme.(Séraj)
5 Ame untsuurumji̱a̱i̱ aneamuram uwemtikrarta túram ai̱kratkata.
6 Yus Shiir Awajtai̱ Je̱a̱nam Yus chichakuiti.
“¡Maa urutmatsuk waraaj! Tura Sekimnaka nakaran sukartustatjai
tura Sukuta pakarí̱nkia nekapmaran nakartatjai.
7 Karaatka Wíniaiti tura Manaséssha Wíniakete.
Nuyá̱ Eprainkia Winia muukur ejatai̱ etseṉkrutai̱ruiti.
Antsu Jutaka akupkur takutairuiti.
8 Muapka Wi nijiamatai̱ ichiṉnaiti
tura Etum nuṉkanka Winia sapatrun naṉkían akintruktatjai.
Antsu Jiristíunmaṉka nupetmakjai tusan warasan untsumkan etserattajai.”
9 Wenuke iwiartukar utúachmin ainia nú peprunmasha ¿yaki jurukit?
¿Yaki Etumnumsha ejetit?
10 Maa Yusru, ¿Ámechuk ajapkartuam iniaikiartusmam?
Tuma asamchak Yusá ii suntari̱ji̱a̱i̱ ¿yamaikia jíintsum?
11 Warí, aents yáiṉkratmaka peṉké ántraiti
tuma asamtai ii nemasri̱ya̱ṉka yáiṉkratkata.
12 Yúsja̱i̱ṉkia nupetmaktatji
tura ii nemasri̱ncha Niṉki nupetturmaktatji.