Ashí nuṉkanmaya̱tiram Yus shiir awajsatarum
Ju̱ kanta kantamtikniun áatar súsaiti. Ju̱ kanta neturma ainia nuja̱i̱ tuntuiyatarum.
67
Yusá iin waitnenkarturam yaintkratkatatúram Ame péṉkerumji̱a̱i̱ íirkartusta. (Séraj)
2 Ashí nuṉkanam Ame jintimín nekaawarti.
Tura ashí uunt nuṉka mátsatkamunmasha Ame uwemtikkiartutairmin nekaawarti.
3 Maa Yusá, aents shiir awajtámsarti
ashí aents shiir awajtámsarti.
4 Uunt nuṉkanam mátsatkatirmeka shiir enentáimkiuram warastarum.
Warí aents ainia nuka Ámeka naka túrutairmiji̱a̱i̱ métek sumamtikiattame
túram uunt nuṉka mátsatkamu ainia nu jintia nekapruiniame. (Séraj)
5 Maa Yusá, aents shiir awajtámsarti.
Ashí aents shiir awajtámsarti.
6 ¡Núṉkaka péṉker nerekti!
¡Yus ii Yusri̱ shiir pujutan suramsattawai!
7 ¡Yus shiir pujutnum yaintmaktatji
tura nuṉka náṉkatra ímianai mátsatkatirmesha ashamakrum arantúktarum!