Aṉkant ajastai tusar seamu
Jú̱ kantan Tawit kantamtikniun áatar súsaiti naṉkaamasua nu enentáimtustinian.
70
Aṉkant awajtústaj tusam Yusru péṉker emetruata.Yaintkiataj tusam Jiuwaru wari juiktiá.
2 Winia mantuataj tusa e̱a̱tainia nuka imiamtikraram.
Tura winia yajauch awajtústaj tusa wakerutainia
nuka natsa̱a̱rar úkumur waketrarti.
3 Winia wishikruinia nuka awakkam natsa̱a̱rar úkumur waketrarti.
4 Ashí Ámin e̱a̱tmainia nuka
tí shiir enentáimias warasarti.
Tura Ame uwemtikkiartutairmin anea nuka chichainiak
“Yuska naṉkamantu awajsamu ati” tuke tu tiartí.
5 Wi atsumakun tura wáitiakun kúntuts nekapeakuisha
Yusru yaintkiataj tusam wárik taruttia.
Winia yáintkiam aṉkant awajtinmeka Ámetme.
Maa Jiuwaá meṉkaasa aipia.