Yúsaitji tuinia nuna Yus sumamtikma
Asap kantamámu
82
Yuska ju̱ nuṉkanmaya̱ akupin iruntramunam wajas métek sumamtikniuiti.Nú akupin iikia yúsaitji tu enentáimtumainiawai.
2 Yajauch túruiniana nu sumamtiktsuk antsu péṉkera túrin sumamtikrume.
Maa, ¿urutáik métek sumamtikiatarum? (Séraj)
3 Mitiaikiasha kakarmachu ainia nusha ayamprúktarum.
Kuítian atsumainia nusha ashí métek yaiṉtarum.
4 Kuítrincha tura kakarmachusha
Yusan enentáimtichu aents wáitkiainia nuyá̱ ayamprúkrum aṉkant awajsatarum.
5 Kiritniunam wekaakrum nekamachuitrume tura ántichuitrume.
¡Tuma asamtai nuṉka tépakmartiuk peakmaiti!
6 Wikia tímiajai atumsha yúsaitrume.
Núnisrumek Ashí Naṉkamantu uchirí̱ntrume. Jṉ. 10:34
7 Túmaitiatrumek aents asarum uunt kaji̱nia ántsarmek
atumsha náṉkamsarum jakattarme.
8 Uunt Yusá Ámeka ashí nuṉkanmaya̱ nérennuitme.
Tuma asam sumamtikiawarta.a