Yusa pépruri̱ timiá shiira nu
Kurái uchirí̱ kantamámu.
87
Yuska Ni akantúkma naintnium pépruri̱ tépakmari̱nkia apujaiti.2 Jakupa pujutái̱ri̱ áinian anea nuna naṉkaamas Jiuwá Seuna wá̱i̱ti̱a̱i̱ri̱ ainia nuna anenawai.a
3 Yusa pépruri̱ya̱ ti shiir páantin írunna nuna Áminiun áujmatnawai. (Séraj)
4 Winia nekarainia nuya̱n ujumek anairattajai Rajapan tura Papirúnian
núnisaṉ Jiristíu, Tiru nuyá̱ Itiupía.
Iiskia nusha nui̱ akiiniaiti.
5 Seúnkan áujmatainiak chichainiak
“Ju̱ka tura niṉkia nui̱ akiinia áiniawai” tunattui.
Ashí Naṉkamantua imiá Niṉki úmuchkachmin awajás apujsattui.
6 Jiuwá pepru náari̱n anujtiartatna nui̱ nincha Rajapan pe̱a̱k chichaak
“Ju̱ka Seúnnum akiiniaiti” títiatui.
7 Tura kantamáinia tura ijiamainia nu chichainiak
“Ashí púkuni iini̱ya̱ jiinia nusha Amiiní̱ya̱n waawai” tiártatui.