Yúmiṉkiakur Yus kantampramu
100
Ashí nuṉkanam pujarmena nu warasrum Uunt Yus kantampruátarum.2 Núnisrumek warasrum Uunt Yus umirkuram
tura ti shiir kanta kantamkirum Niin weamkatarum.
3 Nekaatarum, Uunt Yuska Yúsaiti.
Imiá iikia najanmamachuitji. Antsu Ni najatmaitji.
Kame murikiu wáinniua núnis wáitmaji. Tuma asar Ni shuaraitji.
4 Nu asamtai Yus je̱a̱nam waya̱rum yumiṉsarum
ni Naari̱ ti shiir awajsatarum.
5 Warí, Uunt Yuska tí peṉker asa tuke nekas chichamtiniaiti
núnisaṉ tuke waitnenkartiniaiti.a