Yus Kanta 110

Uunt Yus akupniun kakaram súamu

Tawit kantamámu

110

Uunt Yus winia Úuntrun ju̱na chichaak “Akupin pujutai̱niam, winia untsuurui̱ni̱ pujusam

Ame nemasrumin nupetkan Ámin umirtamkarti tusan amaamam nákarsata. Mat. 22:44; Isr. 1:3, 13

2 Kame Uunt Yus Seúnnumia̱ṉ akupin akupkur takutai̱ numi akuptúrmaktatui.

Ame nemasrumsha matsatainiamunmaṉ akupin átatme.

3 Ame akupkatin tsawantruminkia Áminiu ainia nuka

ni enentái̱ji̱a̱i̱ṉ pushiri̱ncha péṉkeran entsarar káshik sanamána,

áintsaraṉ tuke tsawant Ámin suramsartatui.

4 Uunt Yus nekas tajai tusa ímia niṉki pachimias Wi tájana jú̱naka nekas umiktatjai.

Ámeka Mirkiseték Yúsnan pujurniuya nuja̱i̱ métek tuke Yúsnan pujurin átatme tímiayi. Isr. 7:15-17, 21

5 Uunt Yuska Ame untsuurumini̱ pujurtamui.

Tuma asa Ni kajetáiri̱ tsawant jeamtaiṉkia ashí akupin pujuinia núnaka nupetkartatui.

6 Nuna tura ashí nuṉkanmaya̱ aentsun úuntri̱ntiuk sumamtikiuk jákaru aya̱shí̱sha ashí nuṉká piáktatui.

Untsurí nuṉkanam akupin ainia nuna emeskattawai.

7 Nisha jintiá wesa entsá umar

kakaram ajastatui” Uunt Yus tímiayi.^a