Wáitrin ainia nuyá̱ wáitkiata
120
Jakamnia nekapeakun Uunt Yusan untsukmajaitúram Nisha ái̱rkamai.
2 Maa Uunt Yusru wáitrin ainia nuyá̱
tura iniai̱ji̱a̱i̱ anaṉkartin ainia nuya̱sha winia wakantruka aṉkant awajtúrsata.
3 ¿Maa wariṉ sunastam tura warí péṉkerak wáinkiatam
iniai̱ji̱a̱i̱ wáitri̱yá̱?
4 Kame meseta unuimiátra naṉkirí̱ tí peṉker atsakamu numi uchich ukat ukatin kaí̱ri̱ya̱ tímianu wainkiattame.
5 Maj wisha urukawainjiatsuk, warí wikia íraraitjiai Miseknumka
tura Ketara jutai̱ je̱e̱ írunmanum wisha nui̱ pujajai.a
6 Aṉkant matsamsartinian muí̱jiainiana nuja̱i̱ tí untsurí tsawant
winia enentái̱rka niṉki pujusuiti.
7 Wikia itiurchat pujustinian wakerichuitjiai tuma ai̱ṉ chichaakuinkia
mesetan najatruiniawai.