Uunt Yusa Je̱e̱n wéartai
Tawit kantamámu
122
Uunt Yusa Je̱e̱n wetái tiármania núnaka ti wararsarmajai.2 Jerusaréṉka wáitirmin ii náwe̱ṉka
init pujumai.
3 Ashí aents nu je̱a̱nam iruniarti tusar Jerusaréṉ pepruka apatka je̱a̱mkamuiti.
4 Uunt Yusa náari̱n shiir awajsatai tusar Uunt Yusa shuari̱ ni wea ainia nuka nui̱ṉ wáiniawai.
Yusa jintíamuri̱ Israer shuaran súsaru asamtai túruiniawai.
5 Kame pujusár sumamtiktai̱sha nui̱ṉ írunui
tura pujutái̱ri̱sha Tawitia je̱e̱n awai.
6 Jerusaréṉ aṉkant pujustin seattiarum.
Anenmainia nuka péṉker pujusárti.
7 Ame tanishrumin initiaani̱ṉkia aṉkant atí
tura ame je̱e̱minkia ayampratin atí.
8 Yatsurun tura amikrun aneamuja̱i̱
yamaikia áminkia aṉkant pujutarum títiatjai.
9 Ii Yusri̱ Uunt Yusa Je̱e̱ aneamuja̱i̱ṉ
ame péṉkerumniaka e̱a̱ktájai.